رواية بيت الشيخ اسد الفصل السادس عشر 16 - بقلم yaqin_2004

#بيت_الشيخ_اسد
#يقين_التميمي

ولك وانه من اجذب
جذبه بيضه عليك اضل ارجف

زمرد - طلعت انضف بطرمة اغسلها ندك الباب نشفت ادية بثوبي جنت رافعته وجهي كله مبلل لان من اغسل انگع روحي بالماي  كلت منو
درغام - انه
زمرد - فتحت الباب واشوفه درغام سويتله مجال وهو صافن كتلة ماتدخل
دخل وصار يمشي واني وراه گال
درغام - شعرج جن ورد ويلالي
زمرد - دخل جوة بالبيت واني بقيت واكفه شنو يقصد هذا
بقيت انضف بالبيت وخلصت دخلت جوة لكيته يحجي هو وامي
سعدية - هلا بيكم عمه تورونا
درغام - بعد روحي عمه هسه
مثل مااتفقنا ابوي كال عدي
موضوع وياج وراح يجي هو وعمي
يكولون الج
زمرد - وشنو هذا الموضوع
-شفت امي مبتسمه وباوعتلي هاي شكو
درغام - شي مايخصج
زمرد - ياخبر اليوم بفلوس باجر بلاش
درغام - عود انتضري لباجر
زمرد - ننتضر قابل شعدنا
درغام - يلة عمه اترخص انه اروح
سعدية - الله وياك وليدي
زمرد - اجة مر من يمي وغمز وراح هذا شبي نوب طلت وركضت لامي
- يمة شيريد منج درغام
سعدية - تعاي يمة خلي احجيلج وانتي بكيفج اختاري وحددي
زمرد - خوش احجي
سعدية - اجة ابن خالج درغام يريد يتقدملج وحجة وياي وگال براحتها
هي انه رايدها على سنة الله ورسولة
ماما زمرد باجر خوالج يجون بهذا
الموضوع اريدج تفكرين الليله و
ترجعيلي خبر اول شي ابن خالج اذا
خذاج بعد ولد عمج يأيسون احسن
من ياخذج واحد منهم وانتي ماتردين
زمرد - بس ماما شنوو ترة اني دخت هسه
سعدية - اهدي ماما وفكري على كيفج اني كتلج ابن خالج ماكو منه ولد وكلها تحمد بي وراح يسعدج متأكدة منه وراح يخلصج من ولد عمج هم
زمرد - خوش افكر ...كمت من يم امي صافنه شنو ليش هيج يريد يزوجني ليش اني بالذات استغفر الله دخلت للغرفة بيها البنات
ماسة - زمرد عليج الله وافقي حتى نشتوي فساتين ونركص هلفترة
ضوجة
ذهب - اي عفية زمرد وافقي حبابه
فضة - شبيجن وثول كون خلي تقرر
بكيفها يجوز ماعاجبها
زمرد - اوووف بنات الصراحة هو عاجبني شخصيته حلوة وكلها تخاف منه وخاصة اذا خذته بعد ابن عمجن ماراح يوصل الي بس انتن تدرن گبل شنو صار وبحياتي مامفكرة ارتبط او احب ماريد من بعد الصار وياي كرهت كل زلم
ماسة - شبيج زمرد ترة مو كل اصابعج سوة ودرغام يستاهلج احسن من ذاك الكلب والله
فضة - يعني بس لو اعرف لوين ضلين انتي بالماضي مالج شوفي حياتي عيشيها ضالة حابسه نفسج
ذهب - اي والله وهو عايش حياته مرتاح
زمرد - كافي لاذكرني بي اني اصلا ماطيقه
ماسة - خيولي ميستاهلج

زمرد - رجعت بذاكرتي قبل من حبيت واحد من من غير منطقة جان دائما يجي
يراقبني بس جنت مااهتم اله لحد ماهو اجة وگلي اريد احجي وياج موضوع ضروري هذا رقمي
خذيت رقم منه رجعت للبيت بقيت اتردد شنو يريد مني اخر شي راسلته
وكتلة شتريد تفضل احمد
كال اني احبج وماعرف شنو لحد ماتعلقت بي كلش وبكلامة صرت مانام اذا مااحجي وياه دائما افكر بي
لحد مااجة يوم بنية صديقتي تعرفت عليها وياي جانت بالمدرسة دزتلي صور
فتحت الصور بيومها واني اشوف محادثات احمد وي بنات وحجي ماينلبس عليه ثوب ابد تخبلت وبقيت احجي لصديقتي الي اسمها سارة وضليت اغلط عليه كدامها وشون يسوي بيه هيج
شوية وجتي رسائل مقاطع تسجيل صوت من احمد فتحت واشوف صوتي من غلطت عليه كدام سارة كتلة
- قابل مجذبة اني اصلا تستاهل كل الغلط الغلطة عليك
احمد - بسيطة يازمرد بس صبريلي واني اعلمج شون تندكين بأحمد
زمرد - اكل خرة لك اصلا انت حرام بيك اسم سيد عود انت هم سيد لا والله اكبر صاقط ونذل الله لايوفقك
احمد - ولج زمرد عليمننن هل حجي
زمرد - عليك انت
- عفته يراسل وصار يدز رسائل شكد ويتصل ومارد عليه وارمح اراسل سارة
واغلط عليها هاي صديقتي ع اساس خانتني ورايحة مسجلة صوتي ودازته
لأحمد
سارة - انتي عرفتيني منو اني
زمرد - وحدة رخيصة قابل منو انتي
سارة- نجبي لج شوفي اني احب احمد من زمان وهو يحبني وجان يضحك عليج كل هاي الفترة واني الي يتقرب من احمد احركه بنار
زمرد - هههه ضحكت شوفي لج انتم اكبر انذال بس صحيح انتم لايكين كلش يبقى الرخيص للرخيصات يارخيصه
- عفتها تحجي وحضرتهم اثنينهم ابد مابجيت بوقتها مرت ايام عليه اموت بيها اريد بس ابجي بيها بس ماكو ولا دمعه توكع مني صعب من تتعلق بشخص وتالي يطعنك هيج حالي جان ومو بس هو طعني لا حتى صديقتي جانت اقرب وحدة الي من يومها صرت ابد مااتعلق بأحد ولا حبيت ولا صرت اهتم لاحد صرت ماثق بأي بشر ولا صادقت بنات انعزالية كلش صرت

ريماس - مر على زواجي تقريب سبوعين اول اسبوع جان احلى ايام بزواجي بس
سبوع ثاني تغيرت كلش صرت احس روحي مخنوكة كلش دوم
اذن الاذان واني كاعدة اريد اگوم اصلي مااكدر احس شي ديبعدني عن الصلاة
بقيت كاعدة وابجي اريد اكوم اصلي بس مو بيدي
گمت عفت الصلاة وكلت ربي سامحني طلعت اريد انزل جوة واشوف اسراء مرت الشيخ لازمة بطل وترش بي يم اطرف غرفتي
- هاي شنو شسوين
اسراء - بسم الله شبيج هيج طلعي صوت شي
ريماس - دكولي شنوو دسوين
اسراء - ماعليج خووووش
ريماس - خلت وراحت لغرفتها هزيت ايدي نوب هاي شبيها الثانية
نزلت شفت فلة بالمطبخ دخلت يمها
- شبيج انتي ثانية گالبه وجهج
فلة - لج گليلييي شيوي هاي بريعصي دايح المعصوره شون وياها يعني بس
تسمع دمار دخل للبيت صارت تتموع
كدامه وطلع الف سبب في سبيل تحجي
وياه
ريماس - يمعودة ختولي شبيج هو اصلا دمار مو بحالها
فلة - لج يبقى رجال اكيد من يشوف مرة كدامه وهيج تسوي ماراح يمنع نفسه منها
ريماس - لالا دمار مايسويها شبيج انتي تخبلتي رسمي
فلة - اهوو سكتي عوفيني بضيمي تعاي خلي نشيل اماعين نخليها على الميز راح يجون الولد حتى نتغدة
ريماس - خوش يلة تعاي

فلة - صرنا ننقل بال اماعين ونرتبهن لحد مالكل نجمع وكعدنا ناكل
معصومة - اكول دمار فدوة اني ضايجة ومختنكة كلش ماتكدر طلعني
دمار - عدي شغل شوفي واحد من الولد ياخذج
ميسر - لااااا والله نوب عليه المعصورة مااطلع وياها
مسلم - ولا اني
عقاب - شبيكم شنو هذا الحجي وانت ميسر لسانك
فلة - من سمعت خزرتها وضليت حتى مااكل ماشتهيت شي
معصومة - دمار عيني هذا برياني انت تحبه
فلة - شفتها تريد تنطي ماعونها لدمار لو اني تخبلت
وكفت وكتلها
- اوكفييي دمار مايحب البرياني اني جوعانه نطيني اني اكله
معصومة - بس انتي مو كلتي مااكل برياني
فلة - لا لا منو كلج مااكله انطيني خذيت الماعون منها وكعدت اكل بي
واشوف دمار عاف الاكل بس صفن كل ماارفع راسي اشوفه يباوعلي والولد الباقين صاروا يضحكون
كملنا غدة وغسلنا اماعين اني وريماس ونطيناهم جاي واشوف دمار ماكو ولا معصومة هم لو تسودنت كمت خذيت كوب جاي ورحت ادوز عليهم صعدت فوك لغرفته دخلت بدون مادك الباب
واشوفهم واكفين وهي تحجي وياه
معصومة - هسه ماتسوي يعني
دمار - كتلج شوفي الولد خلي احد منهم ياخذ جهازج للتصليح ويشوفوه انه عدي شغل
معصومة - خوش براحتك محتاج شي
دمار - سلامتج بس طلعي
فلة - طلعت تتموع بمشيتها واني صافنه عليها الغسل كون اي والله
- هااااااك الجاي
دمار - وشبيج تصيحين
فلة - انت ليش ماتمنعها ماتدخل غرفتك
دمار - انن شلون بيه اليوم اخلص من ذيج المعصورة على گولتج تجين انتي
فلة - هاااا هيج صرت مووو تريد تخلص مني شوف بحياتك ماراح تخلص مني ابد
دمار - وشبيج نفعلتي ترة انه هم ماريد اخلص منج انتي احلى بلوة بحياتي
فلة - وغصبا عنك احلى بلوة
دمار - نجبي لااكوملج اموتج
فلة - شوف دمااار هاي المعصورة تبتعد عنها فاهم ابد لاتلتقي بيها
وياريت حتى لو تطلع من البيت كله على ماتروح لأهلها
دمار - شنو تغارين منها
فلة - مو اغار بس ماارتاحلها
دمار - تأمرين امر
فلة - عفته وطلعر من غرفته وصارت بوجهي اني شون مااخلص منهاز
معصومة - انتي ليش تاخرتي بغرفة دمار هلكد شعدج وياه ها احجي
فلة - عيني انتي الدنيا ماشة شدعوه هيج مركزة بيه ركدي بحياتج وبس
عفتها ودخلت لغرفتي افكر بشي ابعدها عن دمار شون ماادري

مسلم - دهام بروح جدك انطيك هسه ورقة بس اكتل ميسر انه لأن هو اكبر
مني مااكدر اضربة
دهام - خاب نجب رجال شكبرني تريد دخلني بسوالفك طايح حضها
مسلم - شبيك فدوة يله امشي كتلة
دهام - امري لله خذيت نعال من الطرمة
ودخلت للديوان لكيت ميسر وسيف
- ولك ميسررر ليش كاعد بمكاني هاااا
ميسر- مكانك ادري شنو مسوي عليه حجز شبيك
دهام- دفرت ميسر برجلي وكتلته
سيف - هاي شبيك جيت هاد عليه
دهام - كتلت سيف هم نجب انتت
ميسر  - هسه انه شعليه
دهام - كووووم منا يللله
مسلم - كمت من مكان واشوف مسلم يضحك ..اكلك مسلم شنو شبي هذا وياي
مسلم- انه ادري بيك شوف روحك شمسوي من مصيبة
ميسر - شمسوي قابل ماخذ 200 الف من ابوي بس هاي
مسلم - وفوكاها فرحان
دهام - سيف امشي يله اطلع بررررره
ميسر - اي يله سيف يله امشي بره
سيف - انه شعليه
ميسر - انت علمتني خليتني اخذ من اهلي بدون علمهم
سيف - ياطايح الحظ هسه صرت انه
علمتك موو لك ميسر بعد ابد ماادخل
لبيتكم
مسلم - طلع سيف من البيت
دهام - يله مسلم جيب الورقه
مسلم - هاك بس نطيني منها
مو كلها تاخذها
دهام - دروووح بابا ارجعه مشي ولي
مسلم - راح دهام دخل جوة وانه رحت يم ميسر كاعد بالديوان وحدة
ميسر - اكلك مسلم شبي دهام كعد متعصب شنو سامع حجاية
مسلم - شمدريني انه
ميسر - دكوم كوم خلي نكعد على فلم
مسلم - خوش كوم انت جيب الحلويات
ميسر - شنو ولك تأمر عليه انت
مسلم - لالا انت اخوي ماامرك انه
ميسر - دكوم جيب حلويات بسرعه
مسلم- خوش طلعت رحت اجيب حلويات خذيتهن من المطبخ واشوف ماريا هناك
- يابه هلاااا واگول المطبخ منور
ماريا - هلااا بيك
مسلم - شعجب جيتي هليام ماتبينين
ماريا - مو مخلصتها مسلسلات
مسلم - خوش
طلعت من المطبخ ورحت للديوان وهذا مشغل فلم ميسر
ميسر - ولك وين تأخرت راح يخلص فلم وانت ماكو
مسلم - شسالفتك غير هستوك شغلته
ميسر - اسسسس كافي خلي اسمع فلم
مسلم - خوش ارد اشوف منو ينطيك حلويات
ميسر - دوخر خلي اشوف
مسلم - نوب مطلع ياباني هو احنا نكلزي كوه مدبريها
ميسر - ماعليك
مسلم - دكووم سويلنا ناركيله يله
ميسر - نجب روح انت سوي
مسلم - تكوم لو اطفي الفلم عليك
ميسر - كاااااااايم كاااااااايم
مسلم - راح مسلم سوة ناركيله جابها وكعدنا على الفلم

ريماس - كملت وصعدت لغرفتي لو احس گلبي انقبض من شفتها
تنهدت ودخلت بالغرفة رحت تمددت على سرير طالعه روحي كلش
دخل شيخ رفعت راسي شفته ورجعت درت وجهي
عقاب - شبيج بوية ريماس يوجعج شي شو هليام مدري شبيج
ريماس - كافييي كافييي لاتحجي ماريد اسمع صوتك
عقاب - هاييي عليمن تعلين صوتج لج ريماسس لاشوفينيي احبج ترة اموتج والله
ريماس - يااخييي كتلك اطلع برة ماريد اشوف وجهك فدوة اطلع وخررر مني من اشوفك تلعب نفسي وجهك جن شيطان
- تقدم عليه وااني اشوف وجهه صار نار من عصبيه وفاتح عيونه ويخزر بعصبية
لزمني من ايدي وجر شعري بأيدة
عقاب - احجي حاجيه وحدة بعد شوفي شسوي بيج
اذا انتي هلكد تكرهيني المن زوجتي ليش وافقتي هااااا
ريماس - باوعت بعيونه بتعب صرت ابجي وهو وخر ايدة من شعري وصار ينفخ ويستغفر
عقاب - شبيج تبجين عليمن فهميني
ريماس - مارديت عليه عفته ورجعت للسرير غطيت روحي وبس عيوني مطلعتها وابجي
واشوف واحد بغرفتي واكف بالزاوية ويضحك وجهه عبارة عن نار مثل لونها
ورافع اديه يريد يلزمني
صرت اردد واستغفر بداخلي احس لساني نعكد اريد اصرخ شي ماكو
ونو صار يتقدم ويريد يلزمني من اديه
صار مقابيلي كلش واني تخبلت
طلع صوتي وصرخت من الخوف وجسمي يختض وارجف من الخوف
وگف عقاب وصار يهدي بيه
عقاب - بسم الله شبيج شبيج ريماااااااس اصحي شكووو
ريماس - اشهك واحجي شفته والله شفته ازمني من ايدي والله شوفه شوفه هاي اطباع اديه عليه
عقاب - منووو شفتي ماكو شي بالغرفة شبيج وادينج مابيها شي هاي انه يمج لاتخافين
ريماس - بس اطلع برة فدوة ماريدك
عقاب - هاي هيه لاتبجين طالع بعد مااجي اخذي راحتج
- اخذ ملابسه وطلع من الغرفة زدت بالبجي اكثر لحد مانمت

زمرد - كعدنا من صبح بدينا بتنضيف البيت احنا والبنات اليوم خالي اسد وابو درغام حيجون عدنا كملنا طبخ وصار كلشي جاهز
ندك الباب ودخلوا خوالي وياهم ولدهم
اسد - شونج بوية زمرد
زمرد - الحمد لله خالو
اسد - مرتاحات بهذا البيت
ماسة - اي خالو كلش مرتاحين الله يحفضك النا
اسد - الله يحفضجن الي
سعدية - تعال ادخل جوة ليش هنا واكفين
فضة - دخلوا كعدوا بالصاله واحنا
فرشنا سفرة وصبينا غدة صرنا ننقل
بالاكل اني وذهب
جاي امشي وبأيدي طاسة مرك وانردم
بفارس وكعنا اني وياه كدام الكل
ابو درغام - الله الله كوموا غسلوا
فضة - باوعت عليه خزرني ملابسي تدمرت وهو لابس تشيرت ابيض ادمر كله مرك
كمت واشوف سيف والبنات كوة حابسات ضحكتهن عفتهن ورحت
اغسل خذيت خاولي لفارس ورحت
اله لكيته يغسل
- هذا خاولي امسح بي
فارس- بس كليلي شبيج انتي عمه ماشوفين مثل
فضة - هسه هي مركة قابل تيزاب
فارس - ثووول ثولج كون
فضة - وجع
فارس - بطنج كون
فضة - بطن عدوي
فارس - ليش انتي عدج اعداء
فضة - هوايي ويلة غسل وتعال اتغدة
عفته ودخلنا وهو شوية واجه تغدينا وكملنا وصاح عمو اسد على زمرد الي من امس مانامت وبس تفكر
اسد - بوية ترة ابن خالج درغام ماكو احسن منه والله
ابو درغام - وانتي تدرين بينا شكد نحبج ونعزج شكلتي هسه
زمرد - عمو اني ...... يتبع