رواية بيت الشيخ اسد الفصل السادس وثلاثون 36 - بقلم yaqin_2004

#بيت_الشيخ_ اسد
#يقين_التميمي

فله - كاعدين بره بالحديقه اليوم ولادة زمرد موعد عمليتها راحت وياها عمتي
وامها سعدية
دعيت الها الله يسهل الها وطف يمي ..
صار يضحك رفعت راسي واني اشوفهم

ركضت ريماس على ابنها شالته وكعدت بالگاع صارت تبجي عليه لأن شهر كامل هيه بعيده عنه والشيخ اجه يمها صاروا
يحضنون بطف واجت ريم اخذها شيخ
يبوس بيها هو وريماس

- لج ريمااااااس ههلا بيج شلووونج لج مشتاقييييلج والله

ريماس - انييي اكثر والله شلونج انتي خو طف ماتعبج عمري الحلو كبران حبيبي ..

فله - صرنا نبجي وكل شوي حضنت طف وريم وساعه يضحكون ساعه يبجون

- اكلج لعد ليش شاش مشايلته من وجهج

ريماس - بعدين احجيلج

فله - اجوا كل الولد يتحمدون السلامة وعمو اسد هم اجه بعدها صعدنا اني ..
وريماس لغرفتها وطف وريم بقوا عد الشيخ جوا يم عمو اسد والولد

- يلاااا مستعده

ريماس - ماادريي

فله - زين شنو عدج حكه لو شي

ريماس - اي شوية احك

فله - اي زين هذا يعني جاي تتشافين

ريماس - اي الحمد لله

فله - خوش خلي اوخرلج شاش

ريماس - يله تعاي

فله - تقدمت عليها صرت افتح شاش وهي مغمضه عيونها وصارت تفرك بأديه كملته
فتحت عيونها وصارت تبجي

ريماس - شلونه وجهي بي اثار بعد

فله - ماتصدكين اذا اكلج بس ماباقي بيج اي اثر وصايره تخبلين والله .. صرت ابجي
واضحك وهي وياي مبتسمه

ريماس - عادي اشوف وجهي بالمرايه

فله - اي اي عادي كومي شوفييي وجهج

- وكفت ريماس راحت تشوف وجها باوعت لنفسها بالمرايه صارت تتلمس بشرتها وتضحك وتبجي بنفس الوقت

ريماس - لج فلااااا رايح كله ماباقي اثار حرك

فله - اي اي مو كتلج اني هههههه

- اجت ركضت عليه وحضنتني صرنا نضحك عافتني وطلعت تركض نزلت
جوه واني طلعت وراها
شافاها شيخ حضنها وهي هم عمو
اسد عيونه دمعت وحتى الولد

ميسر - كافييي رحمة لربكم رحمونا شوية كولوااا هذولة ناس مامزوجين حدايق والله

مسلم - حيييييل بيك

ميسر - اكل خرااا لاامسح بيك الكاع

ماريا - مو هيه بكيفك اني وياه زوجته

ميسر - امداج هو يخونج وانتي جايه دافعيله دروحيي شوفي شيسوي وراج

ماريا - لكككك مسسسلم صدك هلحجي

مسلم - والعباس جذاب يريد يخربج وياي

ميسر - بكيفج لاصدكين بس انتي شوفي تلفونه كله بنات يراسل بيهن

سيف - ولك حيوااان مسلم صدك تخون اختييييي

فارس - اليوووم اموووتك والله

ميسر - شنوو هسه صارت اختكم مو كبل تكولون ماعدنا اخت

ماريا - والله بعد ماابقي هناااا هسه اروح لبيت اهليييي

اسد - بوية شسالفتكم شبيكم تخبلتوا

مسلم - والله جذاب هاج هذا تلفون وعتبي عليه اذا لكيتييي بيه بنيه وحده

ميسر - اي تلكيهن لو حاضرهن لو حاذف المحادثات

عقاب - ميسسر شبيك علكتها بينهم

ميسر - جاااا بس هو يروح يعلم عليه يكلهم ماخذ فواكه ياكل بيها انه هم اعلم عليه

مسلم - والكفل زينب مامراسل اي وحده هذا جهاز خلي عدج وشوفي

ماريا - والله احتاريت اصدك منوو بيكم

ميسر - صدكي بهذا الاثول مالج ماعليج بيه بس ردت احرك عليكم شوية وين اروح

ماريا - بسيطة بسيطة ميسر اني اعلمك

ميسر - دنجبي امشي ولي يم رجلج جنه قرد يطفر

مسلم - وانت جنك ثور العلوية

دهام - ياعلوية ..؟

سيف - ههههههه هاي وحدة تسرح بثوارتها دوم نشوفها بالشارع بوووية

فارس - صدك جنه ميسر هههههههه

ميسر - نجبواااا انتم

فله - سوينا غده وجهزناه ريماس تلبس شال حتىيمنا البنات لأن شعرها كله رايح
بس الحرق مختفي بجسمها وجهاا ..
صعدت ريماس فوك وريم وياها هي وطف
عمتي بعدها يم زمرد والولد طلعوا
واني كاعده على مسلسل تركي ..دخل دمار
ماجنت منتبها عليه من دخل ..
ماحس غير ذب عليه ماي ثلج .

- شسااااالفه اكووو واحد هيج يسوي

- كومي صبيلي غده ميت جوع والله ..

- دتحجي صدك ذبيت عليه ماي علمود غده الك ..

- شسوي انتي فاقده على هذا صخام صارلي ساعه اصيحج ماتكولين هااااا

- هزيت ايدي ورجعت كعدت

- شو ماعاجبج تره تعبان مالي خلكج كومي صبيلي غده بسرعه

- تره مو خدامه عدك روح انت صب واكل عدك ادين ورجلين

- دكوميي عدي مفاجئه الج

- وااااااالله

- والعباس .. شايفه هاي الاوراق بأيدي .. روحي صبي غده اطيهن الج وشوفي شنو

- خاف جذب عليه

- اكو يوم مجذب عليج

- لا

- خلص روحي صبي وتعاي

- رحت حميت دولمة حضرت فواكه وخبز وروبه وووو صبيت دولمة وخذيتها اله لكيته كاعد على القنفه خليت الاكل كدامه

- هاي الاوراق يمي شوفيهن

- خذيت الاوراق باوعت بيهن قريتهن لو نصدمت صرخت وهو كمز

- شبييييج تخبلتييييي

- لككككك انت احلى ابن عم والله

- اي ادري

- يعني هسه بعد ادوام كلية وبعدها اصير دكتوره جراحه ماصدك والله

- اي غير هذا حلمج بفضل جهودج حصلتي

-يوووول شتريد اني حاضره على هذا الخبر الحلووو

- اريدج ..!

- شنوو

- ماكوو شي

- خوش

- هسه انتي كد حجايتج اذا اطلب شي تسوي

- اي من عيوني

- كومي ركصي

- فتحت عيني مصدومة من طلبه ..

- شبيج متفاجئه تره طلب سهل هذا

- دتحجي صدك

- اي والله

- الله يهديك

- شنو مخبل والله يهديني

- يعني هذا طلب هذا شنو اركصلك

- خوش كولي احبك

- اكلك شنو انت اليوم صاعد عدك الجفاف

- اي وداعتج كلشش

- لو تموت ماسويها لو شوف هسه ترفس كدامي من الموت

- هو شنو

- غير كتلي ركصي

- انه كلت ..؟ شوكت شبيج انتي تتخيلين احجي هيج وياج ..!

-عزاااا فوكاها تنكر

- عزاااا شوكت ناكر

- والله الحجي وياك ضايع على كلا شكرا حضرة النقيب دمار اسد على هاي هدية
اروح اكمل مسلسلي احسلي

- ولو العفو تدللين حضرة الدكتورة فله

- اي شو حضرتك مستهزء شنوو

- لالا شلون نسنهزء بحضرة دكتوره انتي صرتي الكل بالكل

- اي حبيبي غصبا عنك

- لالا مو حبيبج انه استحي تره

- لك داده تره هي كلمة اكولها دائما للكل

- لج داده لاتباوعيلي هيج عيونج هواي اذني

- اووووي فديتني

-  " تدرين انتي مثل الورد تتمشين بگلبي "

- ديربالك لااركض على گلبك ساعتها تموت

-نجبي ولج هو انتي مال وجهه غزل مال طك يله تمشين عدل

- هزيت ايدي وصعدت نمت .. ومرت .. الايام عاديه قرب موعد زواج دمار حضرنا
كلشي العرس يصير بقاعه
نزلت يم ريماس بغرفتها ..

ريماس - فله فدوة تعالي بدلي لريم على ماكمل طف حتى نروح هم يله اليوم عرس

فله - ولججج ريييم تعالي يمي يله بسرعه

ريم - اديت اديت

فله - خاب ابوس كلامج بعد روحي يمه شنو الجمال هذا هاي البدله منيلج

ريم - بابا دابه الي ( بابا جابها الي)

فله - عسل عسل طالعه تعالي سويلج تسريحه .. سويت تسريحه الها وطلعت
المكياج

ريم - لا ماليد بابا مايكبل خلي متياد (لاماريد بابا مايقبل اخلي مكياج)

فله - خاااب تعالي ماعليج ..خليتها بحضني وصرت الطخ بيها .. اكلج ريوم خليلج من هاي الحمرة حلوه

ريم - بتيفج

فله - شوو باعيلي .. يول صرتي گمر

ريماس - ولج شسويتي بالبت

فله - ماعليج اصلا صارت تخبل مو ريم

ريم - اي اي

فله - ديله مشينا خلي نروح وخلي ريماس واخوج طف يجون ورانا
خذيتها ونزلنا جوه ماريا والولد محضرين ..
وجاهزين
- ميسسسسر هلمره اصعد وياكم والله ...

ميسر - ولج وييين نخليج هو انه وسيف وفارس ومسلم

فله - ماعليه خلي مسلم وماريا يرحون بسيارتهم وانه وياكم

مسلم - خوش ماريا انه وياج نصعد سوه

ماريا - بعد احسن

ميسر - لك هلااااا فلفول اليووووم ويانا ..

فله - ايييي لك انتم ونسه احسن من بعض ناس معقديين

دمار - هايييي عليمن

فله - عليه شبيك اني وحده معقده

دمار - امشي يله

فله - وييين ماروح وياك راح اروح وي ميسر والولد

دمار - وين صعدين ماتكفي سياره

فله - لا مسلم مايروح اخذ مكانه ..

دمار - خوش انه ودرغام راح نطلع

فله - الله وياك .. راح دمار ومسلم وماريا هم طلعوا وريماس والشيخ وعمتي تهاني
وياهم بس زمرد ماتجي لأن جابت بنية ..

- رحنا وصعدنا بالسياره هلمره صار فارس هو الي يسوق وسيف كاعد بالمقدمة واني
وميسر كعدنا بالوره

ميسر - تعااااي ولج فلفول كابلييينيييي اي

فله - هههههه هلااااا هلااااا شددددد رووح

ميسر - ويين دورها ولگاها وفصوص روبه ياگفاها

سيف - اهااا اهااا ..يمدح بي شاره
حلوات اخباره ..
موش بطياره زحوف اتعنى لداره ..

فارس - بالدم اشريها .. اليوم نوافيها
صباب ومصبوبه.. الخوه بيني وبينه ..

ميسر - وزفيناه بصايه حيييدر وزفيانه ...

سيف - وفرحاااانه الدنياااا بعرسه فرحانه

فله - سحب شال مني ميسر وصاح بيه ..

ميسر - خاااب عدج شعر وماتهزين بيييي
امداااج كون راح غنيلج وانتي ركصي خوش

فله - احنا عادي عدنا يعني مو دائما نتحجب كدام الولد خذاني الواهس

ميسر - الحفله والجو مشتعل
.. من ركصك يشيب الطفل ..
بس انت وحدك بالحفل هززز يالگمر

سيف - شعررر شعرررر

ميسر - هلااااا هلااااا ايييي اييي روحييي روحييي شعررر شعررر اييي لج فله حركتيها روووووح رووووح

فله - صار يدك على باب السياره ويغني

ميسر - وي الهوى شعرك صعد .. تعب الناس وماگعد .. والمسرحي يگلك بعد
هززززززز يلگمر ..

فارس - شعررر شعرررر

فله - تره مااتحمل بعد اني افقد على هيج اغاني والله هههههه

ميسر - فقدي بوية فقدي وابن عمج وياج يفقد وكلنا نفقد على هيج اغاني

فله - صرت اهز بشعري واهز متن وذولة يغنون ويدكون وياي ويركصون

ميسر - احتركنااااااا يبويي دك دك شعر شعر رووووحي  روووحي. اااااخخخ يبوي

فارس - مو كلمن يهز بالجتف .. مثلك بشغله محترف .. من الوصف عديت الوصف .. بييك يالكمر شعر شعر .....

سيف - ههههه الجو مو بس شتعل لاعطب هم رووووووووح

فله - هززززز يالگمر شعرر شعرررر هههههه

ميسر - وهاي العروس هل اجت كلوووش

فله - نزل دهام واخذ العروس من صالون وبعدها شوية مشت سياره وكفت يم تصوير وميسر والولد نزلوا وياهم ولد مااعرفهم صاروا يركصون وياهم بالساحه
بعدها رحنا للقاعه
وصار دك ركص تعبنا والعروس راحتتت للفندق هي ودهام واحنا وجعنا للبييت
لان دهام من الفندق ويسافر لتركيا هناك

كعدت الصبح على هوسه الولد يمي داخلين بالغرفه وهذا يدك على ميز
وذاك يدك على كنتور وذاك يدك بالباب

فله - عزااا يمة شبيكم من صباح الله تخبلتوا انتم ...

ميسر - ولج نااااايمة ورجليج بالشمس كومييي كومييي دمار اليوم راح نخطبله
وانتي نايمة

- هو گال هيج لو اني طفرت من مكاني

فله - برببببك دتحجييي صدك منووو راح يخطبهااااا دمار مايسويها مستحيييييييل

ميسر - خاب وعلي اليوم راح يخطب .. ماشوفين اجيناج تكعدين حتى تكومين
ويانا نحضر للخطوبته

فله - عفتهم وطلعت من الغرفه مو بس معصبه لا هم عطبت من الحرگه دفعتت
باب غرفته برجلي قوي لكيته ديبدل

دمار - اكوووو احد يفتح الباب هيج غير .. دكينه يلااااا تره ابن العالم انه حراام عليج

فله - اي ابن العالم هوو شنوو تخاف على روحك من عندي مووو

دمار - الصراحه صايره تخوفين

فله - شلووون اخوووف حضرة نقييييب

دمار - ماادري بس خاف كعدتي من نوم جوعااانه وعبالج انه اكل وتاكليني

فله - صحيح عاااد شلون تخيلتك ثور اسود

دمار - شنووووو ولج

فله - ماعليك صدك اليوم راح تخطب ومنو الي راح تخطبها

دمار - منو كلج ..؟

فله - الولد كلهم كالوا ..يعني صدك مووو

- راح كمل ملابسه ويحجي ببرود

دمار - اي صدك وشبيج انتي تردين تبجين

فله - كووون باقيي ميت ولا طالع عاااايش

- اندار عليه وخله المشط علىميز تقرب وكعد على سرير مقابيلي عدل شعري الي
واگع على عيوني واني وخرت من عنده ..

دمار - اي وهسه انتي شبيج ماكتيلي عليمن هل ضوجة هاي كلها معقولة
ماتفرحيلي لأن راح استقر

فله - تدري اني شكد صرت اكرهك

دمار - جؤ جؤ لا جذبين انتي ماتكرهيني

فله - هو صح بعقلي اكرهكك.. بس گلبي النذل يحبگ

دمار - تحبيني ..؟

- حجيت وياه بلهجة الجنوب

فله - چا غير انه احبك بس انت ماتحبني

دمار - اوووف الله لج الچا بحلكج تنوكل اكل والله

فله - انت تحبني

دمار - لا بوية شعليه بيج اذا انتي تحبيني انه شعليه

فله - يعني ماتحبني

- بقى ساكت ماجاوب

فله - انت ليش تحجي هيج وياي اذا انت راح تخطب اليوم .. زين منو هيه اني اعرفها

دمار - تعرفينها عن قريب يله اروح انزل ..

فله - انت دسويها واني اشوفك شسوي

دمار - شسوين بله

فله - اعتدي عليك

دمار - مو اكلج صايره تخوفين

فله - كرصني من خدي وطلع .. خزرته طلع من الغرفه يضحك واني نار بگلبي بس كلت
دامه هيج انعل ابو الحب والا ارجع كرامتي

-رحت لغرفتي بدلت ارقى ملابس عدي ولبست كعب خليت مكياج وسويت ..
تسريحه لشعري ونزلت يم ريماس وعمتي

تهاني - هاا يمة ولج مبدله خير شكو

فله - غير ابنج المدلل يريد يخطب حضرت روحي لخطوبته

ريماس - وانتي وين عرفتي

فله - استخبارات حبيبتي .. بعدين شنو .. انتم ناويات تضمن عني السالفه عبالجن
اضوج لو شنو تره هاي كدامججن لاضوج
ولا شي

ريماس - دتعالي وياي كومي خلي نحضر
الضيافه ناس ترست المضيف كله

فله - خوش كومي

- رحنا اني وياها للمطبخ وحضرنا الكيك والعصير دخل دمار للمطبخ متفاجئ بيه
درت وجهي وصرت اقطع بالكيك واحضره
وصرت اغني

- احبه ومايحس بيه .. واگوله يگولي شعليه يكسر گلبي يوميه .. شسويله ماادري .. واسأله تحبني متحبني ...
يضل ساكت يعذبني ..مايقبل يجاوبني
..شسويله ماادري .. كل زيناتي ينساها
..تبجي عيوني خلاها .. يجرح گلبي فوكاها
..شسويله ماادري .. ومن اشتاك اله اني ..واگله الشوك اذاني ..يگلي معود نساني ..شسويله ماادري ..اشكي حالي ميهمه ..وموضوعي ولا يمه.. بگلبه مابقت رحمه .. شسويله ماادري .. لو عدوي يرحمني .. ومن اشكيله يفهمني ..وهو يگلي ميهمني .. شسوي ماادري

- وكفت والتفت عليهم لكيته هو وريماس صافنين وهو بأيده جكاره صاروا ثنيهم ..يصفكون

دمار - بوية شنوو هايي طلعتي مبدعه ...

فله - اني بكلشي مبدعه ..

دمار - هاي شنو يابه اليوم طالعه عروس

فله - اني دائما عروسه تره بس الغبي الي ماينتبهلي

دمار - شقصدج ولج

فله - شبيك اني كلت انت غبي مو عليك

دمار - بس طالعه تكتلين ..

- غمز وطك اصبع وصوفر

فله - هلكد فرحان بخطوبتك

دمار - ولج فلايتي فوك ماتتخيلين هو انتي شايفه جمالها ولج يهد جبال

فله - عود نشوفها اليوم خبصتني بيها ..

دمار - " ولج هيه بس ضحكتها خذت گلبي وخذتني "

فله - على كيفك لاتموت يابه تره حميت كلش

دمار - " لج غير هيه وطن روحي "

فله - امداني كووون خلي ارووح احسلي

دمار - فلايتيييي ابقي على اناقتج مو تبطلين

فله - من يوم يومي انيقه مايحتاج تكلي

دمار - عفيه عليج فلايتي

فله - رحت كعدت بالاستقبال وهو طلع بأيده الكيك والعصير ويغني

- اكثر اليعجبني بيك ..دمك الچنه عسل ..
تدري من تزعل عليه .. يلوگلك حتى الزعل

فله - خليت رجل على رجل وهو غمز وطلع والله هذا مو صاحي اليوم شوية ودخل عمي صاحني وصدمني بسؤاله ودمار يضحك ...!!!

يتبع ....