#بيت_الشيخ_اسد
#يقين_التميمي
-دخل عمو اسد والشيخ عقاب ودمار يضحكون سلموا وصاروا وكعدوا شويه..
عقاب - ريماس حضري كلشي تره ناس كلها واصله بالطريق
ريماس - اي جهزنا كلشي
اسد - يلا انه رايح اغير ملابسي وانت بوية عقاب روح خاف يجون ناس كدامي اكعد
عقاب - خوش يله انه طالع كدامك
-طلعوا بقى بس دمار ديشرب جاي كاعد خلص وگف يريد يطلع
دمار - اي يحلوة جهزي نفسج تشوفين خطيبتي
- صفكت ايدي وغميته
فله - امداك وامده خطيبتك اي والله
- ركضت للغرفه وهو وراي صار بوجهه عمو اسد وراح
رجعت صارت نسوان تلتم كلهن والبنات
اجن هم ماسه راحت تقدم ضيافه وي ريماس
صعدت فوك طلعت ديجي وشغلت اغنيه
- اضحك عفتني بضيم ايه العفتني ..وضحك عليه الناس عود جرحتني ..وگلهم اجه للباب ودمعه اعله خده .. ردته اجرح بكلمات ..واطلع اطرده
صرت اركص ونسوان بيهن الصافنه وبيهن تصفك وتهلهل
شوية ورحت كعدت يم عمتي تهاني ضجت
واسمع كلامها وي المرة
..داده انتم شوكت. ترحون تخطبون ومنو البنيه
تهاني - يا .. خيه وين نروح هاي هيه خطيبته يمج
- كلامها صدمني ..
فله - شننوو عمه شقصدج يعني منو خطيبته هسه
تهاني - اي عمه الج بس هو رادها مفاجئه ماراد نحجي الج
- وكفت واني مامصدكه الي صار هلهلت
فله - كلوووووشششش
ريماس - عزه بعينج ي فله ولج سكتي نفضحنا
فله - ياحقير يادمار طلع يريد يحرگ گلبي من الصبح لهسه بسيطة اذا ماخبلتك بالموافقه اشلع گلبگ اصبرلي
ريماس - دخذي هذا فستان دزه دمار الج صعدي جهزي روحج وتعاي نزلي حتى تعقدون
فله - خذيت فستان لونه اوفوايت ومطرز بلون ذهبي كلش نازك وحلو لبسته وخليت
مكياج نزلت كعدت شوية وجتي عمتي
تهاني - يله عمه كومي خلي ادخلج بهاي الغرفه حتى تعقدون
فله - كمت وياه عمتي سعديه جايبه قرأن وهيل خلن بين اصابعي وماي برجليه ورد
غطن راسي بشال ابيض ودخل دمار والشيخ عقاب وعمو اسد وياهم ال يعقد
كعد الشيخ وصار يحجي وسأل سكد المهر
اسد " 40 مليون "
دمار " هي سندرلا خذت واحد بفرده حذاء"
- همست بصوت ناصي
فله " سندرلا قبلت بالحذاء لأن تزوجت امير بس اني مهري 40 لأن راح ازوج حذاء "
دمار " بسيطييييه انه اعلمج على هاي حجايتج انه انه حذاء "
- جنت احجي براحتي لأن متأكده ميسوي شي
فله " صدقت "
-ضحكت بصوت ناصي ماحس غير سلاحه بخاصرتي
فله " اشاقه اشاقه والله شبيك متشاقه "
سألني الشيخ موافقه .. ردت اشلع.. گلبه..سلاحه بخاصرتي همس بأذني
دمار " وحك ربچ جربي ترفضين سلاح هذا افرغه بيج "
- من حلات روحي كتله اي .. اي لأن صار يضغط المسدس بخاصرتي .. رجع شيخ يسأل
فله - موافقه
- صار يسأل دمار على موافقته
دمار " موافق وابصم بالعشره هاي فلايتي شلون مااوافق عليها "
- همست يم اذنه
فله - بسيطة دامك هددتني الا اخيلك تتخبل على ساعه الوافقت بيها لييش
ماگلت الي اليوم خطوبتي
دمار " عود ميخالف قابل بخبالج "
فله - هااااي عليه انييييي مخبببله
دمار " لا عليه انه مخبل "
فله - هاا عبالي عليه
دمار " لا بويه حشاج من الخبال
فله - هزيت راسي .. وتم العقد والشيخ طلع بقت عمتي تهاني وسعديه جابت ..
ريماس الذهب والحلقه
دمار " انطيني ايدج خلي البسج حلقه "
فله " ماااا مااطيها اعتذر اول يله اطيك "
- عض شفته وجاوب
دمار " شتنطيني .. "
فله " انت شبيك بالك دوم شاطح لبعيد "
دمار " هو واحد اذا كعد يمج يبقى عقل عده "
فله " سحب ايدي لبسني الحلقه خذيت الحلقة الثانية لبستها تقربت على ايده ..
عضيتها حيل وهو شاغت روحه
دمار " ولج شنووو چلب انتي شمالج عضيتيني "
فله " تكبر وتنساها "
دمار " امداج كون مسودنه "
فله " انت مسودن هم "
دمار " شنوووو ولج هذا لسانج شوكت تبطلين تمسلت "
-كرصني بخاصرتي احس روحي فرفحت
فله " اااخخ شبيك اشاااقه يول والله "
- اشر دمار لعمتي تهاني غمز الها وهي .. خذت عمتي سعاد وطلعت بقيت صافنه
فله "دماري ليش طلعن "
-سحبني خلاني بحضنه وقيدني مااتحرك
همس يم اذني
دمار " شحلات اسمي بشفايفج "
فله " دوخر عني لايدخل احد عيب شبيك "
دمار " خوش چا خلي نسوي شغلات عيب "
فله " شنوو يعن..."
-بعدني مامكمله كلامي باسني بشفتي طول صرت ادفع بي ماكو خنكني خنك لحد ماوخر خذيت نفس وباوعتله
دمار " مفاتن جمالج تسلب العقل وتشله "
فله " شبيك والله انت هسه صدك جنيت "
دمار " جنيت بيج فلايتي "
- دفعته وصرت اعدل بروحي وهو يباوع
دمار " تدرين لو ينباس گلبج چا مارحمته "
- تقدمت عليه خليت ايدي على كصته ..
فله " شو حتى مامرتفعه حرارتك لعد شبيك تخبلت "
دمار " اي هيج من الله انه تخبلت بيج "
- فتحت الباب وهو يضحك واني اخزره صحت
فله " باركوووووله دماري تخبل "
-ركض وراي واني بسرعه دخلت يم نسوان كعدت .. صاروا البنات يتباركلي وخلصت ..
الخطوبة صعدت فوك بغرفتي انام تعبانه
كعدت الصبح مااكدر افتح عيوني ..بعدني
منعسه احس ثگل على بطني فتحت عيني گوه واني اشوف دمار يمي خانكني خنك مقيد رجليه برجليه وراسه بشعري وايده على خاصرتي ادفع بي مايوخر
دمار " لا تتحركين تره راح انجلط وانه مااكدر اكلج ساعتها شسوي "
فله " دوخر عاد خنكتني شكبرك "
-عصر خدي بيده صيحت ولزم خدودي بأيده
دمار " خدودج چن كنافه "
فله" اشكرك سويتني كنافه"
دمار " اصلا صوجي اغازلج "
فله " شنو يعني تقصد مااستاهل غزل "
دمار " اللهم صبرج ياروح يعني اتغزل بيج مارضيتي مااتغزل هم ماترضين والحل شنو "
فله " ناس تكول صباح الخير واحنا نتعارك "
دمار " غير هاي حضرتج يالدكتوره "
فله " الله كون يجي وكت واني اصير دكتوره وانت تجي عندي تراجع اذلك ذل ههههههه
- هز ايده گام ماعاجبه الحچي
دمار " دكومي نزلي تريكي حتى نطلع اليوم "
فله " عاااااا طلعه ويين راح نروح عليك الله "
دمار " للبر "
فله " لك هلااااا واخيرا راح اشوف الاجواء بالبر "
دمار " تموتين على دياحه "
فله " شعدي غيرها "
دمار " عدج انه "
فله " جؤؤ انت متفيد "
دمار " ومنوو الج تالي الليل "
فله " الدياحه اطلع بالليل .. "
دمار " انتي يمكن الغزل كله مشلول عدج "
فله " شسوي غير فقيره "
- فتح عيونه مصدوم ..
دمار " منو گلتي الفقير "
فله " اني عمت عيني عليه "
دمار " محد فقير غير الله "
فله " اگول صدك يعني شنو تريدني اتغزل وكذا عود من نزوج يله "
دمار " خايبه انتي اصلا ماعدج احساس "
فله " صحيح صدقت اني ابد ماعدي احساس "
دمار " كاكا الاحساس عطلان يرادله تبديل محرك "
فله " لا مابي شي بس هسه مايشتغل "
دمار " لا هوه مشيول من مكانه الاحساس لازمه تحوير "
فله " كتلك مابي شي بس هالفتره عطلان "
دمار " يرادله نعال حتى يمشي عدل "
فله " دطلع يله اريد ابدل "
دمار " خوش اغمض عيني وبدلي "
فله " وتريدني اثق بيك درووح بابا "
دمار " الزمج يوم العرس وين ترحين اريد اشوف ياملابس تبقى عليج "
فله " انت صايرلك شي هلايام مو طبيعي وكلامك استغفر الله "
دمار " وشبي كلامي "
فله " لا مابي شي ابد "
دمار " يله طالع انه بدلي وتعاي لغرفتي اطيج شغله مو تتأخرين "
فله " لا وين اجي مااكدر امن على روحي "
دمار " تره ماناكل بشر بس يمكن ناكل غير شي "
-غمز وطلع
فله " والله انت صاير متستحي كلش "
دمار " بس وياج مااستحي "
فله " سديت باب وحجيت بگلبي .. هذا مو طبيعي ابد ابد .. رحت غسلت وجهي طلعت اغير ملابسي كملت ورحت دكيت ..
باب غرفه دمار
دمار " تعاي دخلي "
فله " ها وينها شغله "
دمار " اگول شعجب دكيتي باب اول تالي "
فله " مدري حتى اني متفاجئه بروحي "
دمار " حقج بويه حقج "
فله " يله شنو شغله خلي اشوفها "
دمار " غمضي عيونج اول مره "
فله " هاي غمضت "
- صار يمشي بيه ومخلي ادينه على عيوني
دمار" يله دخلي "
-فتحت عيوني واني اشوف تفاجئت التفتت عليه وهو مبتسم
فله " هاي انت شوكت مجهز نيشان "
دمار " من يوم الي طلكتج بي من غسان انه صرت احضر واي شي حلو اشوفه اجيبه "
- ركضت عليه حضنته وهو شالني صار يفتر بيه بالغرفه
فله " يول نزلني لااوگع عفيه "
دمار " انتي بين اديه شلون خليج تطيحين "
فله " دماري حباب نزلني اريد اشوف الشغلات الجايبها "
دمار " انه اشيلج لو تهب ريح مثل رفعه علم من تننتصر دوله "
فله " الله الله عليك "
-نزلني واني رحت اشوف شنو جايب ملابس فساتين عطورات كلشي جايبه
دمار " يله گومي حضري روحج تره وره الغده نطلع "
فله " منو يروح ويانا "
دمار " كلها تروح بس امي وابوي وسعديه يبقون هنا "
فله " الله راح نتونس موو "
دمار " اي "
- رحت وكفت كدامه رفعت رجليه وبسته بخده
فله " احبك يافايروس حياتي "
دمار " نوب فايروس صرت مو "
فله " زين وطلعت مني هلكلمة"
دمار " حتى غزلج بالطب كرهتيني بي "
فله " ضحكت وطلعت من الغرفه نزلت جوه لكيت الولد محضرين كلشي سياراتهم مجهزينها للسفره
رحت سويت ريوك الي وريماس تطبخ يمي
ريماس " اكلج ناخذ ويانه ملابس خاف كلشي يصير هناك "
فله " ماادري همه شكد يبقون بالبر "
ريماس " عقاب يگول يمكن نبقى 3 ايام "
فله " لعد اخذي 3 ايام هواي وهناك الجو بارد صاير "
ريماس " تعاي كومي كملي طبخ خليني اروح اجهز ريم وطف "
فله " غسلت اماعين ريوك ورحت اكمل الطبخ عن ريماس دخل ميسر "
ميسر " ولج فلفوله اليوم شعجب انتي طبخين "
فله " اساعد ريماس لأن هيه راحت تجهز نفسها للسفره "
ميسر " خاب ميت عطش "
فله " يمك ماي بارد بالثلاجة اشرب وتعال اغسل هاي اماعين لأن اني دااطبخ "
ميسر " خاب دروحييي صارن عدنا ثلث .. جناين بالبيت وترديني اغسل شبيجن انتن
- ميسر يحجي واني اشوف دمار كاعد بالاستقبالرصحت
فله " دماااار تعال لميسر مايغسل اماعين واني دااطبخ "
دمار " لك ميسسسر اغسلهن لااكوملك والله "
ميسر " يبوووي عليك يميسر محد يحترمك بهل البيت "
فله " ديله اغسل اغسل "
ميسر " نجبيييي انتيييي "
فله " سويت روحي زعلانه وهو كل شوي يححي وياي واني مارد عليه
ميسر " خاب شبيج زعلانه اشاقه وياج ام كفشه "
فله " مااحجي وياك امشي ولي "
ميسر " انه ابن عمج حزام ضهرج بوكت المصايب تلكيني ذاب زروك يمج "
فله " ههههههههه اي اي صدك حجيك "
ميسر " هل انتي الان ليس زعلانه "
فله " ضحكت .. لا ماازعل عليك "
-كملنا غده وصارت ساعه 3 ظهر نزلنا كلنا ريماس والشيخ وجهالهم بسياره مسلم وماريا بسياره محمد ومادلين وحر بسياره
ميسر وسيف وفارس بسياره درغام وزمرد وابنهم هم بسياره واني ودمار صعدنا سوه
دمار " بارده موو "
فله " اي كلش "
دمار " اخذي هاي الفروه تغطي بيها "
-خذيتها من عنده وتغطيت
دمار " اذا تردين نامي "
فله " لا مانعس "
دمار " خوش "
فله " سؤال "
دمار " سألي "
فله " هم حبيت وحده قبلي "
دمار " شلج بهل سؤال "
فله " هسه جاوب فضول "
دمار " انه حبيت مرة .. وغلطت مره "
فله " منو الحبيتها "
دمار " انتي "
فله " لعد شنو ليش غلطت "
دمار " مو مهم المهم هسه احنا سوه "
فله " سكتت وهو هم بعد نص ساعه تقريب وصلنا لمكان صحراء هدوووء
يمكن اذا انذبحنا هنا محد يدري بينا "
دمار " انتي ابقي بالسياره على ماننصب الخيم حتى تكعدن بيها "
فله " نزل راح هو والولد كلهم صاروا ينصبون بالخيم واني لبست فروة دمار
ورحت كعدت يم ريماس بالسياره ..
ريماس " شوفي طف شسوه عود اوكله دمرني
فله " غسلي اله هاج هذا ماي .. تعاي ريم تردين جبس تاكلين "
ريم " اي ديني "
فله " بقينا البنات احنا نسولف والولد كملوا نصب الخيم وفرشوا فراشات ..
ونزلوا الاكل ومواد الاكل هم وكلشي ..
عقاب " يله تعالن دخلن استراحن شوية وبعدين نتعشى "
فله " دخلنا جوة الخيم الجو بارد حيل ..
الولد صبوا عشه جاهز جايبي وياهم قبل
لانجي تعشينا وكملنا
والولد طلعوا ديجيات وشغلوهن وكعدوا
ميسر صار يدك ويغني والبقيه يدكون وياه
" سدوا عليه الباب يمه يايمه "
" يردوني اعوفه شلون يايمه سمعي "
" سدوا عليه الباب غصبا عليه "
" مابيه اضمد جروح خاناني دمعي "
" سدوااااا
- صار الولد بالموصل يسون ايقاعات ويدكون على خشبات ..
الولد " سدوا عليه الباب يمه يايمه "
" يردوني اعوفه شلون يايمه سمعي "
" سدوا عليه الباب غصبا عليه "
" مابيه اضمد جروح خاناني دمعي "
ميسر " احوو احووو احوو "
فله " وكف ميسر وصاح
ميسر " ماسسه حافضه اغنيه ياخوانه "
ماسه " اي حافضتها ليش "
ميسر " كومي خلي نغنيها سوه "
فله "صاروا يغنون الاغنيه سوه ويركصون وميسر وماسه يسون حركات بأديهم "
ماسه " صحيح انه زعلتك بس ندمانه بحلفلك بالمحبه شكد ندمانه .. ادري مافي بحياتك بس انه بس ارجوك تسامحني
شكد ندمانه "
- صاروا يهزون متن ويطكون اصبع ..
ميسر " خربت مابيني وبينج ياخوانه ..كون اعرفت تاليج ياخوانه "
"الج عتب عليه ياخوانه .. واذا جبت طاريج ياخوانه "
- وكفوا سوه وصاروا يدبكون دبكه
ماسه " صحيح اني زعلتك بس ندمانه ..بحلفلك بالمحبه شكد ندمانه "
ميسر " مالج حجي معاي ياخوانه .. روحي بدربج عيفيني ياخوانه "
"والله محد حجالي ياخوانه .. وانه شفتج بعيني ياخوانه "
دخل الشيخ عقاب ومحمد وهمه كعدوا
شغلو اغنيه هيلا وهيلا يمه صاروا يصفكون
وحتى شيخ ومحمد وياهم يصفكون
" هيلا هيلا يمه ..هيلا هيلا يمه "
" يمة يايمه يايمه "
دمار " يمة ابنج الولهان ضيع دروبه "
الولد " هيلا هيلا يمه "
عقاب " ومن عشگي للمحبوب ماصحت توبه "
الولد " هيلا هيلا يمه "
محمد " وعشكج عشك معدان لسنين العروبه "
الولد " هيلا هيلا يمه "
مسلم " وكعده صلاة وصير يوم الخطوبة "
الولد " هيلا وهيلا يمه "
- وكف ميسر هو وسيف وفارس وصاروا يركصون
ميسر " خبرو هلا شيردون
الولد " هيلا هيلا يمه "
سيف " ويمه صابنج جنون
الولد " هيلا هيلا يمه "
درغام " يمة لو هذا المركب "
الولد " هيلا هيلا يمه "
فارس " وجهه اليباشر نور مثل الشمس هاي "
الولد " هيلا هيلا يمه "
شوية والولد طلعوا بره وريماس نومت الجهال والشيخ راح بالخيمه ثانيه نام ..
" طلعنا اني والبنات كلهن لأن الولد ... كلهم اختفوا بس شيخ عقاب ونام بالخيمه
ريماس " اكلج شو سياراتهم هنا وين راحوا يعني "
زمرد " بنتي ماتت من البرد راح ادخل بيها جوه اني "
ماسه " امشن خلي نشوف وينهم وين راحوا "
فضة " اكلجن اني اخاف والله متشوفن صحراء هيمه وين تردن تدورن عليهم "
ذهب " اني هم اخاف والله "
ماريا " حتى اني خايفه بس خلي نشوفهم اكيد قريبين شو وين راحوا ونوب حتى ..
دمار ماكوو ..
ماسه " تلگينه راح وياهم "
فله " طلعنا من الخيمه مشينا شويه .. صارت مسافه مترين عن الخيمه تقريبا
ماشوف غير لزمني واحد من وره اني شفته
واني بسرعه وكعت من خوف ...
يتبع ...!!
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!