رواية بيت الشيخ اسد الفصل السادس وأربعون 46 - بقلم yaqin_2004

#بيت_الشيخ_اسد
#يقين_التميمي

ميسر " لبست قاط للحنه واعدل بروحي ومسلم وسيف وفارس وياي "
سيف " ميسر راح اخذك ساعتك هاي .."
ميسر " ادري انه مخلفكم وناسيكم شبيكم مشاركيني بكلشي من امداكم "

فارس " دنجب غصبا عنكم رضيت لو لا تتحملنا "
ميسر " اووي اووي خوفتني استاذ فارس
مسلم " كافي ولكم يله خلي نروح للقاعه

ميسر " دوووكف وين تريد تنگلع الولد راح يجوون خلي ننتضرهم ونروح"
سيف " ياولد "
ميسر " ولد خالي ياسر راح يجون ونطلع .."

فارس " ولك ميسسر مو تخونا وتروح .. وياهم اموتك "
ميسر " اححح تغار عليه ولك ها احجي

فارس " وعليمن نغار "
ميسر " اي اي مبين .."
مسلم " نزلت جوة شوية ودخلوا الولد .. ديسم وقسام ومتيم
سلموا وديسم راح ويه درغام ودمار واجوا
قسام ومتيم ويانا

متيم " ولك ماصدكت من كالوا راح تعرس لأن انت خبل "
ميسر " انجب لك شكالولك مخلصها بالمصاحي وخبل "
قسام " لا حشاك من خبال اصلا انت عاقل"
ميسر " عاقل وغصبا عليييكم خوش

- طلعنا كلنا للقاعه متوجهين وكل الولد خلصوا الطريق هوسات وركص واغاني ..
وكفوا كلهم بنص الشارع واجو كل اصدقاء
ميسر واصدقائنه
والي صدمنا هواي ضباط جايه ومنعرفهم
راح ميسر يسلم عليهم وباركوله اجه دمار
سأله "

دمار " انت وين عرف ذولة ضباط وهم وين يعرفوك ..؟
- صار يمتمت بالحجي وبعدين ابتسم "
ميسر " شبيك يعني واذا انه اعرفهم من
زمان واجوا لعرسي "

دمار " لاعبالك صدكت بس نشوف تاليها وين هسه يطلع وراك شي بس الله يعلم ..
بيه نعديها الك ونشوف "
ميسر " اهوو تحسسني مسوي فد مصيبه

- هز راسه ممصدك عافنا وراح يم الضباط
وصلنا لباب القاعه تسطرت سيارات هواي
وخاصه بعد ماصار شي بالبرلمان هو واسد
اجوا موضفين بالبرلمان هواي
مانشوف غير الولد اختفو شوية واجوا ولد
لابسين زي هندي صعدوا علي سيارات .."

لازمين بأديهم وصل ويهزون بيهن وكل اصدقاء ميسر وياه "

ميسر " ااااه اليوم اگطع حتى الشارع خلي
سكان الهند تباوع وانتي تشوووفين .."

سيف " هذا منين الواكف يمج وانتي وياه تحجين "

فارس " گليلي منين تعرفينه مو مال جذبيييين "

الولد " غداااره .. مكاااره ..غداااره .. مكاااره

- صاروا يهزون متن على سياره ويركصون ..
دخل عليهم متيم لازم سماعه ويغني بيها

متيم " هذا ابن عمي شبيك انت الواكف يحجي وياي
لتدور حچه وتتزعل كافي تلح هواي ااا.."

قسام " مادام تشوف من هالحضه لاتحجي انت ويااااااااي "
الولد " غداره .. مكاره .. غداره .. مكاره .."

- نزل ميسر من سياره هو وسييف سوه ..
كعدوا بالكاع وسيف  عود زعلان وميسر
يريد يراضي "

ميسر " اااه ماكنت اعرف والله هسه اكتل روحي هنا بس تعوفينيييي "
" صار ميسر يسوي حركات ويخلي ايده على گلبه ويغني "
- ويين تردين انتي تروحين وتعوفيني وتمشين غير تموتيني

- وكف سيف ويسوي حركه غرور بالوصله الي لازمه رد
سيف " تدري بگلبي شكد يحبك يله اني ..
مسامحتك بس لاتحجي بس لاتحجي .."

- صار واحد يحضن الثاني والشباب ميتين ضحك عليهم رد ميسر

ميسر " اااه يمتى تحنين ويمتى الگاج ونتزوج انه وياج مو رااااح ابجييييييي "

الولد "زوجيني زوجيني "

- جابو الدمام كل الولد لابسي ويدكون عليه وكل ادوات العزف شوية ودخل ..
ميسر صاعد على حصان "

ميسر " اليوم الا كطع روحي وخلي الناس تلووم "
الولد " هيييي "
ميسر " عريس انه ولابس قاط وطالع توب
اليوووووم "

- نزل من حصان وراح يفتر يمشي ويغني "

ميسر " هااا اليوم الا كطع روحي وخلي .. ناس تلووم "
عريس انه ولابس قاط وطالع تووب اليوم
خلووووني اركصصص خلونيي خلوهااااااا
تطيييح متونيييييي "

- صار يهز متن كابلوه الولد اجه فارس عليه

فارس " هيج الحظ راح يسويها وراح ضل ..
ويااااي
والايام الماشوفك بيها نكوللهن بيبااااي .."

ميسر " اليووووم اكلبهااااا الدنيااااا راااااااح
اخذذذذ نوووور عيوووووني "

- بعدها دخلنا للقاعه وصار دك ركص .. هناك بداخل القاعه
جان جايبين مطرب ... وفرقه موسيقيه
كابلهم ميسر وصار يغني ويركص وياهم

فهد " اخذني الشوووك ميسوري اجييتك
اخذني الشووك "
- صاروا يردون بهوسه فهد وتكابل فهد هو
وميسر ويركصون سوه "

قسام " بييت الغالي امشونااا نروح نطك جيلات باب البيت "
ديسم "نفتح ساحه وننطر موت انكله ..
انشيلك لو وصيت "
متيم " بيت الغالي مشينا نروح نطك جيلات باب البيت نفتح ساحه وننطر موت انگله انشيلك لو وصيت "

سيف " ول ول ول لا ماننهز لا مانهتم كلها اشكال "
فارس " ول ول ول هاي جنود تريد اعناد ..
طگ جبال "
مسلم " عدنا الصاحب مثل التاج ومثمر ..
ينداس لغثه بيت الغالي مشينا نروح نطك
جيلات باب البيت .."

صار المطرب والفرقه يعزفون عزف وخبلوا كل الولد
ميسر " ايووووه كداااا عااااااااااااا ولككككك
هزززززززززز
سيف " رووووووووح هوووووي هووووي ..

ميسر " عرسييي وارد العب جولااااا عرسيي وارد العب جولااااا .."
متيم " شددددد يااااابه الله علييييك شدد
ميسر " ويادنيا افرحيلي خذيت انه الاحبها .

- صاروا الولد يركصون كلهم ميسر نزع ستره والقميص وبقى بس بالبنطرون ..
شافوه الولد
كلهم نزعو مثله وصاروا يركصون ويهوسون بالقمصان والستر

دمار " خذيت كيكه ودخلت للقاعه لكيت ميسر مصلخ بقيت صافن عقاب يخزر بيهم وماكو وهم فاقدين مشيت رحت يم
ميسر شافني ضحك
طكيت الكيكه بوجهه وضحكو كل الولد وهو صافن بقى

ميسر " حضرة ضابط هسه هاي سوايه تسويها عود اليوم حنتي "
دمار " هي هاي هديه الك حبيبي الغالي
ميسر " تهون شسوي انت اخوي مانكدر
نحجي والمشكله اكبر مني هم "

- صاروا الولد يركصون جوبي كلهم وعقاب هو لازم راس جوبي ..
لازم بأيده سبحه ويهز بيها وطف وحُر كدام
يركصون لحد ماخلص

فله " بعد ماابتدت الحفله وخلصناها ركص عفت جهالي عد عمتي تهاني ورحت
اني وماسه لابسه بدلتها
وصرنا ندك يم هذني الي يعزفن على المسرح
لحد ماكالو راح يدخل ميسر حتي ياخذون صور
وره شويه دخل ميسر يضحك ويركص نوب خذوا صور هو وماسه وعمتي هم وطلعنا

ثاني يوم العرس
كذالك هم رحنا للصالون وماسه كملت
بعدها اجو بسيارات ونزل منها ميسر انصدمنا بي ..
جان لابس زي عربي مالابس قاط اخذ ماسه وصعدوا بسيارة واني رحت يم ..
دمار وصلنا للقاعه

مرت كم ساعه ودخل ميسر وهو لابس زي عربي
صار هو وماسه يركصون وهو وياها يركص
لازم البشت ويهوس بي ويهز متن ضحكنا
عليهم وماسه ماقصرت بالركص ..

ماسه " صار وقت الزفه توترت كلش طلعنا من القاعه
وميسر لازم البشت والدشداشه رافعها يهز
بمتنه والعگال كل شوي واكع
تفاجئت الولد كلهم لابسين دشاديش .."

لزم ميسر ايدي وهو كوه ثابت يريد يعوفني ويروح يم الولد يركص
دمار " زفينا الجان مسربت "
ردوا الولد " زفينا الجان مسربت وزفيناه .."

سيف " جبناها من حي الرمل والكذله متروسه گمل "
ميسر " ولج ماسه صدك بيج گمل اذا ..
بيج هسه گبل لأمج ترحين ارجعج خوش

ماسه " شهكت يححح ميسر بسيييطه اني اعلمك انت وسيف الفاهي
ميسر " نجبي لج ماريد تكولين سيف الفاهي هذا عزيزي
ماسه " يعني اعز مني "
ميسر " لا بوووووية انتي اعز شنهي هذا سويف الفاهي
ماسه " ضحكت وهو صاروا يهوسون .."

دهام " عريسنا بعده صغير ومن الفرحه راح يطير "
ميسر " ولك ياصغير مو هالشيب ترس .. راسي بس انتم *** ماعرستولي من زمان

متيم " وجااااااان صاحبها وخذاها "
رد الولد " وجان صاحبها وخذاها .."
ماسه " اشكال الهوسات حجوها صعدنا بالسياره همس ميسر "

ميسر " اليووم اطلع الفلوس بيج فلس فلس "
- شهكت ورديت عليه
ماسه " على الاقل استحي شويه شبييك
ميسر " بيه انتي "

-سكتت عنه لأن ادري بي اذا بقيت احجي وياه ينزل علي الترابي
وصلنا للفندق واني احس گلبي راح يطلع
من مكانه
صعدنا للغرفه ودخلت امي وعمتي سعاد
يعلمني اني اعرف بس هنا ولايستحن ابد ..
يحجنها بالخط العريض

شوية وصارت هوسات ودبجات الولد زفو
ميسر
عمتي وامي طلعن وهنه يوصن بيه شوية ..
ودخل ميسر حك راسه
ميسر " احمم شلونج "

ماسه " الحمد لله "
رد " جابو العشه وهو بدل واني هم بدلت كعدنا نتعشا
خلصنا وصار يتقرب مني لحد ماصرت اله
كلي "

" بعد ماخلص زواج ميسر وصارت ناس تدخل وناس طالعه
ميسر وماسه رجعوا للبيت بعد يومين ..
جانوا فرحانين حيل ..

فله " جنت كاعده بالغرفه ونومت الجهال
گمت بدلت وكعدت
شوية ودخل دمار وبأيده بزونه فتحت عيني
على وسعهن
- دمااااار هاي شنو المن جبتها "

دمار " جبتها الج "
فله " لا حباب ماريدها مشكوره طلعها بره
دمار " دشوفيها شلون حلوه "

-لازمها باديها وصار يتقرب يمي عرفني اخاف منها
ركضت وصرت بين الكنتور والحايط وهو
لازمها ويتقدم عليه واني بقيت اصرخ .."

احس بلعومي تجرح من كد ماصيحت
وهو واكف گبالي ولازمها بأدينه ..
خلاها على بطني لو اني احس روحي طلعت من كد الخوف صرخت صرخه ..
ودخلوا علينا عقاب وريماس شافناا صفن

عقاب " شكووو شبيكم عبالي شو شني صار ادك باب محد يفتحه
- كعد دمار يضحك والبزونه بأيدها ..."
دمار " ماكو شي خويه بس هاي فليفله
تخاف من البزونه "

-هز ايده عقاب وطلع
واني وجهي صار اصفر كعدت بالكاع ابجي من كد الخوفه وهو من شافني هيج طلع..
البزونه واجه يهدي بيه لحد مانمت خايفه

مرت ايام على زواج ميسر وماسه بين ناس الي تجي
تتبارك وغير لحد ماخلصت الهوسه ومرت
ثلاث اسابيع على زواجهم ..

فله " صاح دمار عليه خليت جهال يم عمتي
- عمه خليهم يمج على ماشوف دمار شيريد واجي
تهاني " خليهم يمه تعالو بيبي يمي "

فله " صعدت فوك للغرفه دخلت لكيته مطشر الملابس كلها بالغرفه
شهكت
- عزاااا لك دميراااان شمسوي بالغرفه عبالك قنبله ومفجريها بيها

دمار " صار ساعه ادووور علي قميص ابيض وين موديته
فله " وهسه انت علمود قميص گلبت الغرفه گلاب مو هاي عدك قمصان شگد الا هذا يعني "

دمار " دكووولي وين موديته بسرعه اريد البسه واطلع "
- دكيت على صدري وصحت بيه
فله " عزااااا وييين طالع يمه هاااا

دمار " طالع يم اصدقائي "
فله " ماكوووو طلعععععه خوووش "
دمار " شتردين البس دشداشه وشيله واكعد يمج اكابلج "

- ضحكت رديت عليه
فله " اي والله ليش متلبسهن خلي شوفن عليك هم حلوات "
- خزرني ورد
دمار " لاتخليني اكتلج لزمي لسانج احسلج "

- طلعت الساني ولزمته بأيدي
فله " هاي لزمته "
دمار " شكد سخيفه امشيييي طلعي القميييص بسرعه "

فله " يووول اني اخاف عليك خاف البنات تشوفك انيق ونوب يتغزلن بيك
دمار " اكعدي راحه مايتغزلن بويه "
فله " وشنو اليضمن "

- صاح بيه بصوت عالي فززني
دمار " تعاااااي طلعييييي القميييص
فله " رحت طلعت القميص بسرعه وانطيته اله
اسلم على روحي نزلت ورجعت يم جهالي

ماسه " خذيت جهاز وخليت حداد ونشرت انتقل الى رحمة الله حبيبي وسندي ميسر "
-رحت للغرفه لكيته نايم اول مادخلت للغرفه صرخت وهو فز كعد

ميسر " خييير ولج شبيييج عليمن صيحييين
ماسه " عدددددل عددددددل انت ماميت كلووووووششش

ميسر " ثووول مو هاي كدامج ماميت انه عدل
ماسه " كووووم كووووم اني مامصدكه لك ناس نخبصت عليك عبالهم ميت

ميسر " لا بوية عايش بيش طالبيني يردون يموتوني وانه بعدني شاب كلشي ماشفت من حياتي
ماسه " يله يله قضاء وقدر "

ميسر " مابيه شي بوية هاي انه بحيلي
ماسه " رحنا نزلنا جوة وشوية مانشوف غير نسوان دخلن علينا يصيحن ويلطمن على وجهن تلكيناهم اني والبنات وعمتي تهاني
شافن ميسر والنسوان صفننن

.. يا يمه وانت عايش واحنا عبالنه ميت بنتي هسه شايفه مخلين حداد
- كوه حبست الضحكه ومتفاجئين ميسر كعد يضحك "

ميسر " اي خاله هو انه اجيت من الگبر ماعجبني الوضع هناك
.. ياخاله شنو سالفه هسه يعني طلع جذب الخبر

ضحك ميسر ورد " اي خاله جان هيج مجرد شقه عدل عدل "
- كعدن نسوان جيرانا يسولفن شوية وترخصن وراحن
سولفت للبنات صارن يضحكن وعمتي صارت تلوم بيه

ماريا " مسلم وطف كاعدين ويلعبون بلي ستيشن وايهم ابني كاعد صافن عليهم وعلى شاشه هم
رديت عليه " عفييه عفييه مسلم خوش تلعب "

مسلم " عفييه عليج شعبالج محد يكدرلي انه "
ماريا " اي عمي انت سبع عفييه
مسلم " كووول كووول هجمه مرتده الله الله باعيييي راح اگول "

ماريا " جنت واكفه يم شاشه من وصل يريد يگول طفيتها "
مسلم " تحجييييين صدك انتييي ليش هيج هااا "

- وكف يريد يركض وراي واني ركضت صار عقاب بوجهنا "
عقاب " ها شبيكم "
ماريا " شيخ حاجي مسلم لأن طفيت شاشه عليه ماخليته يكمل لعب لأن اريده يروح يشتري لأيهم ومايقبب "

عقاب " طاح حضك ولك انتبهه لمرتك وابنك مكان لعبك هذا "
- صار عقاب يرزل بمسلم وهو يباوعلي ويهدد عود
ضحكت انطيته ايهم خذاه يشتريله واني رحت يم البنات "

اميره " كاعدين اني ودهام بالغرفه وضوجه كلش خذيت شال ورحت اله
- دهام حبيبي شد عيونك بالشال يله عمري "
دهام " ليش شكو شبيج "

اميره " مو محضرتلك مفاجئه ياعيني يله شده على عيونك "
دهام " دام صار بيها مفاجئه تدللين "
-اخذ شال وشداه على عيونه "

اميره " انطيني ايدك وكوم يله وياي "
دهام " وين ماخذتني "
اميره " مو كتلك مفاجئه شبيك لاتلح
دهام " خوش خوش "

- بقيت لازمه ايده وصعدنا الدرج ورحنا لأخر طابق بالبيت "
جان مسبح والماي بارد بيه حيل لزمت دهام ودفعته حيل وكع بالمسبح ورفع شال من عيونه "

دهام " ولج ليش سويتي هييج "
ضحكت ورديت " غير مفاجئه "
- وكف دمار يريد يطلع من مسبح واني ميته ضحك ماحس
غير سحبني وكعني وياه وصار يضحك عليه واني ضجت كلش "

دهام " حبيبي هاي مفاجئه الج هم
اميره " نزل ساعدني اطلع ملابسي صارت كلها ماي ورجعنا للغرفه غيرنا ملابسنا ونمنا "

ماسه " مرت فتره شهرين على زواجي واني بهاي الفتره خلصتها نوم
وراسي يفتر بيه بس اكوم
عمتي كالت اخذج تحللين خاف حامل رحت وياها وميسر ويانه

حللت وطلعت فعلا حامل بيومها ميسر ماصدك
واحتار شيجيب وشيخلي رغم اني مااشتهي
اي شي ..

يومرعن يوم صارت بطني تكبر وجنت اشوف نضرات ماريا
جانت تتمنى يصير عدها طفل وحتى ..
هي اكثر شي تساعد فله بجهالها لأن تحبهم كلش دعيت الها الله يرزقها بطفل

- دخلت للغرفه لكيت ملابس ميسر شامرهم كالعاده وهو كاعد
ماسه " ولك ميسسسسر وتالي وياك يعني اني حامل ومالي خلك وانت كل شوي مطلع ملابس وصخه وتالي وياك شلووووون "

ميسر " ماكتلج عرسي انتي رضيتي وانتي تتحملين مسؤوليه "
ماسه " والكفل زينب يميسر اذا ماكمت هسه وغسلت اروح لعقاب عليك اگله وهو يتصرف وياك "

ميسر " لالا بوية عليمن هاي انه كايم ورايح اغسلهن كلشي ولازعلين "
ماسه " عفيه عليك من بدايه وهيج "
- راح دخل للحمام وخله ملابس بالغساله ومشغل اغاني يركص ويغسل ملابس "

ميسر " والله وكت زلم صارت تغسل ونسوان كاعده وساكته "
ماسه " ماكتلك عرس اتحمل. من ايدك كله "
ميسر " ها شنو عود رجعتيها الي مو "

فله " بعد ماصارت الدراسه الكترونيه وهذا جان من صالحي
نجحت سنه على سنه وكملت دراستي كلها
وبيوم نجاحي ..

رجعت وي دمار للبيت فاجئني بهديته الي
جان جايب سياره الي جكساره
فله " دمااااري يعني هااااي صدك الي الي "
دمار " اي حبيبتي تستاهلين "

- حضنته وصرت ابوس بي صار يعلمني على سياقه
يوم عن يوم عرفتلها وصرت اني اسوق ..

ماسه صار موعد ولادتها وخذوها ولدت وجابت ولد
سموه الياس جانوا حيل فرحانين بي وكل
البيت نگلب عرس من وره ميسر لأن صار
عنده ولد ..

جهالي كبروا وصارو يحجون ويمشون حيل وكحين حيل
بيوم جنت كاعده احضر ملابس الي اريد ..
اسبح ودمار
جايب كتاكيت لشهم وسهم يتونسون بيهن

شويه واجاني سهم ايده كلها دم لطمت على وجهي
فله " ولك سهمممم يمه شنووو منين هذا الدم هااااا

- برطم وعيونه دمعت اجاني شهم وبأيده الكتكوت
شهم " ماما هادا تهم تطع لاس التتوت .."
(ماما هذا سهم كطع راس الكتكوت )

- شهكت وكعدت بالكاع ابجي من كل عقلي على الكتكوتبس من صدك كسر
گلبي متتت
اجاني سهم
سهم " توفي ماما اني هبج هسه لاح الجع لاس التتوت ويدعد

( ماما اني احبج هسهرراح ارجع راس الكتكوت ويكعد)
- صرخت بوجهه
فله " ولك ماااماااا هذا حيوان بريئئئئئئ
شلووون تسوي هيج بي "

- دخل دمار متفاجئ
دمار " شكو شبيكم ..
- راح سهم وحضن رجل دمار شاله باسه
سهم " هاي ففل ماتليدني وتيح عليه هم
(هاي فلفل ماتريدني وتصيح عليه )

دمار " ولج فلااااا ليششش صيحيين عليه
فله " گله ابننننك المجرم شمسوووووي ..
سهم " والله بابا ماتويت سي بس تطعت لاس التتوت "
( والله بابا ماسويت شي بس كطعت راس الكتكوت)

- ضحك دمار وبعدين خزر سهم
دمار " بابا ادري هسه انت طلعت مجرم على ابوك
بس مو تكطع راس الكتكوت بعد لاتعيدها
حرام اللله يذبك بالنار "

شهم " بابا هو تهم وتح
سهم " شبب انت ووتح
دمار " مايجوز تتعاركون بابا انتم اخوان يله واحد يبوس الثاني عفيه

- واحد باس الثاني وصاروا يلعبون وي دمار
دخلت علينا ملك
ملك " هاي ليسسس انتم هاينين تلعبون ويه بابا وعايفيني "
( هاي ليش انتم خاينين تلعبون ويه بابا وعايفيني)

دمار " تعالي بابا انتي اميرتنا شعدنا غيرج
- صاروا يلعبون
واني دخلت للحمام لبست ثوب قصير ..
كلوش وطلعت مشطت شعري وذوله شغلو اغاني دمار وشهم وسهم وملاك ..
صاروا يركصون

خذاني الواهس وياهم وصرت اركص دمار شال ملك وسهم وشهم
واكفين ويركصون ويانه ..

ثاني يوم نزلنا وتفاجئنا بخبر خيل فرحنا ان اميره واخيرا صارت حامل
ماريا هم حامل طلعت وبيها بنيه صارلها ..
شهرين متدري ..

بيوم كاعدين ودمار جان نايم بالديوان من هوسه الجهال
دخل سيف وفارس وميسر شايلين تابوت
اشرلي اجي وراهم
رحت وراهم دخلوا للديوان ضحكوا بهمس

خلو التابوت على دمار وصاروا يدكون عليه
ويلطمون
كعدت وياهن اصرخ وعبالك صدك صارت
فاتحهر
فله " ولك دميراااااان ولك عفتنييي وعفتت
الجهاااال
ولك منوووو الهم ابعد يابوووويه ولك اكعد

- شويه مانسمع بس دكات من داخل تابوت
شوية ونرفع حضنته وصرت اضحك ..
وهو متفاجئ ستوعب الوضع شوية
وكف وصار يضرب الولد ويركض وراهم
اني خذيت الجهال واحتميت بيهم "

ميسر " مرت فتره وبيوم كاعدين عدنا طلابه
مانسمع بس صار رمي طلعنا لكينه عمام ماسه والبنات "

.. ويييين البنات بعد ناخذهن يعيشن ويانه احنااا عمامهن ويرضن غصبا عليهم
اسد " يابنات تحجي عليهن انت ماسه وزمرد مزوجات وعايشات حياتهن رووح
ارجع منين ماجيت "

.. ادري ذني مزوجات بس فضه وذهب ناخذهم ويانه
وهاي ولدي ذولة يعقدون عليهن وخلص
اسد " مو بكيفك اذا انت ماتدري خلي اكلك فضه لفارس وذهب لسيف عاقديلهم
وزواجهم عن قريب "

- نصدموا وصاروا يتهددون خلوا وراحو خبرنا عمتي سعديه
وسألنا البنات وين يعيشون اذا يبقن هنا بشرط يزوحن سيف وفارس

وافقن وصار العرس بينهم تزوجوا اثنينهم بنفس اليوم
فارس وسيف كانوا فرحانين حيل بزواجهم

والى هنا تنتهي روايتنا
بعد بين فتره وفتره انزل الكم بارتات عن يومياتهم
اني ختصرت الروايه بسبب المشاكل الي صارت لأن تعرفون الروايه رادت تنحذف
بس قنعت الابطال ان اختصرها واكملها
اعتذر على الاغلاط الي صارت بالقصه وهم
اطلب منكم طلب ترحون تصوتون على روايتي الثانيه
لأن هم حلوة وبيها احداث جديده كلش
وتحياتي الكم
انتضرونا بيوميات بيت الشيخ ..