بيت الشيخ اسد الفصل السابع وأربعون 47 - بقلم Yaqin

#بيت_الشيخ_اسد
#يقين _ التميمي

" القصه راح اكملها وماعلينا بكل شخص بعد والابطال كوه قنعتهم بس حذفوا .. حساباتهم وكلشي يخصهم وراح تبقى بس الروايه "

فله " بقيت صافنه عليهم اريد اصدك الي شافته عيوني
الكل عيونهم عليه وهمه من ضمنهم يردون يعرفون ردة فعلي وخر دمار ايده من معصوره ابتعد عنها ..مااسمع بس شهكة عمتي

تهاني " عزااااا بعينك ولك المنننن جايب هاييييي لبيتييي "
-مارد عليها صار بس يباوع منتضرني احجي شي
تهاني " مووو احجيييي وييااااك شبييييك "

- دخل عمو اسد والشيخ عقاب نصدموا من وجوود معصورة
اسد " هاي شعدها بيتي انه مو طردتج منه
- راحت وره دمار عود تحتمي بي
تهاني " اسأل ابننننك الشفيه دخلها للبيت "

عقاب " صحيحح الحجييي دمااااار احجي
دمار " اي انه جبتها "
اسد " المن جبتها للبيت "
دمار " زوجتها "
- فتحت عيوني على كلامه مثل الحديده وكعت على راسي من الصدمة "

تهاني " من طااااح حضك زوجتهااااا شنو"
اسد " بوية شبيك احجي مو كلبي طك "
دمار " اييي اييي زوجتها شبيكم عادي تره الشرع حلل اربعه "

عقاب " ومررررتك هاي كتلت روحك عليها شنو ماكلت مرتي حامل شلون اخذ عليها "
دمار " عادي تبقى مرتي وام جهالي "
- عيوني خوركن بالدمع تقدمت عليها لزمته من قميصه

فله " صدك زوجتها "
- صار يباوع بعيوني جنت اكابر كدامهم
دمار " اي "
فله " لييييش قصرررت ويااااك بشييي "
دمار " لا "

فله " استحقرتني لان ماعدي ابو ولا اخو ولا اي احد موو تكول اخذ عليها وهيه مثل جلبه تقبل وتبقى هنا لأن ماعدها بيت غيرنا
اسد " بويه احنا اهلج شنو هذا الكلام "

- احجييييي ليييييش ساكت احجيييي "
دمار " بس خلي نتفاهم "
فله " عمت عين الوكت صار بس الله واهل البيت سند "
- سكت ودنك راسه دفعته رجع ليوره كلت
فله " مو جنت ايدي اليمنى ليش بترتها ..

عقاب " خوية ماعليج بي لايصير بيج شي احنا نحلها "
اسد " شوووف حل يادمار ماريدها بيتيي "
- عمتي تهاني لزمت كلبها خذتها ريماس
واني عفتهم صعدت فوك

فله " طلعت جنط وخليت ملابسه وكل شي يخصه بالجنط ودموعي تنزل مسحتهن بايدي ورجعت اكمل خذيتهن وشمرتهن باب الغرفه وهو صعد شافني
- كل شغلاتك هنا بعد مالك جيه لهاي الغرفه خووووش
سديت الباب وكعدت ابجي ليش هييج "

- حجيت بگلبي هو الخسران مو اني بسيطه اذا ماخليتك تبجي دم يادمار مااتسمه فله
غسلت وجهي وطلعت من الغرفه اروح اكل جوعانه بله عشه من وره المفلوك دمار ..
وصلت يم الدرج مااسمع
بس صوت عياط وصريخ معصومه ودمار ..
رحت يم باب الغرفه اسمع

دمار " انتيييي منوو سمحلج تلزميين ايدي سويتيهاااا شغلت عنااااد مووو
تردين تضوجييين فله ولج اليوووم اموتج ..
معصومة " وانت عليمن ضاااايج ختولييي
اني هنا مكانه وصرت زوجتك
دمار " لاتحسبييين روحج مرتي انتي مجرد شهوه صارت فتره من فترات اصلا متندم لأن تقربتلج من قبل

فله " رجع يمكن يضرب بيها وهي تصيح بقيت افكر كلامه شيقصد يعني
واني دافكر ماحس غير الباب نفتح وطلع
شافني نصدم
دمار " انتي هنا "
- مارديت عليه عفته ونزلت طلعت اكل "

" كعدت على الميز اكل وهو دخل ورايه حمى الجاي وصب كعد مقابيلي يشرب
من شفته كعد خزرته عزلت الاكل وكمت
اريد اطلع صاح
دمار " بس اوكفي خلي افهمج وروحي .."

فله " من يوم تزوجت معصوره وفضلتها .. عليه مابيناتنه كلام بعد "
خذيت ماعون فواكه وسجينه
- راد يحجي عفته وطلعت صعدت لاكتني
المعصوره من عصرج الله عصر كوون "

معصومه " مو كتلج اندمج اذا خذتيه مني
فله " خايبه يالمعصوره گلبي مورم منج ..
امشي دخلي لغرفتج لااموتج والله
معصومه " هههههه محترگه مو اي حقج "

- خليت الماعون بالكاع هو والسجينه وركضت عليها ملختها تملخ هي بس ..
اديه خرمشتهن باضافرها ماهتميت المهم اكتلها وارتاح
خذيت السجينه وخليتها جوه ركبتها وهي تبلعم صارت

فله " وحك الخلق الكون يمعصوره البين اذا ندكيتي بيه بعد
شايفه هاي سجينه ادخلها بيج والله والله
امشي عدل واحترمي نفسج احسلج خوش
- هزت راسها رفستها بطنها صرخت خذيت
ماعون الفواكه كليت تفاحه كدامه ودخلت

- ثاني يوم كعدت رحت سبحت وغيرت ملابسي لبست احلى ملابس خليت مكياج وعطر واكسسوارات
طلعت فلوس من جنطتي ونزلت جوة لكيت عمتي بغرفتها شاده راسها وريماس دتسوي غده

ريماس " ها فله حبيبتي تعالي يمي لاضوجين تهون والله "
فله " ليش هو منو حتي اهتم واضوج نفسي علمود وحده زباله

- دخلت معصوره للمطبخ والفلوس لازمتهن بأيدي
معصومة " منوو الزباله "
فله " انتي انتي عيني شنو متعرفين نفسج "

معصومه " تره جاوزتي هواي واني لحد هسه ساكته لخاطر دمار "
فله " اوووووووي لخاطر دماره من امداج وامداه كوون "

- تقربت عليها ولزمتها من وجها
فله " عيوني انتي ليش تحبين تتأذين المكان الي اتواجد بي
عوفيني وروحي لغير مكان تمام گلبي
معصومه " هذا بيتي مثل مابيتكم "

فله " ضربتها طراك حيل لزمت خدها شفت دمار دخل فتحت شعري وكعدت بالگاع الطم وادك وهو اجه يركض
دمار " شكوو شكوو شبيجن "

فله " هاييييي الجلبه الحقيره انيييي تضربني ولجججج شلون تمدين ايدج عليه
- رادت تحجي وصرخت ماخليتها تحجي
فله " شووووووف ادبه البارحه ضربتي وخرمشت اديه وسكتتتت ماردت مشاكل
بس اليوم رجعت ضربتني "

- ريماس بقت صافنه ومصدومة ومعصوره هم
معصومه " والله جذابه ..."
- بعدهي ممكمله وكف دمار ضربها ويسحل بيها من شعرها للاستقبال "

دمار " معصوووووومة اذا عديتها مره ثانيه اموووتج والله
- صار يضرب بيها وهي وكعت بالكاع تبجي
عود ردت اصير فاعل خير اجيت وكفت گباله
فله " عوووفها كافي خلص اني مسامحتها

دمار " وخرييي خلي ادبها لهل ****
فله " براحتك اضربها شعليه اني انت جبتها وانت تتحمل مسؤوليتها
- رجع عليها يضرب واني كعدت اراقبهم "
دمار " امشيييي صعدي فوك ماريد اشوفج

فله " اوكفيييي لحضه "
- ومفت ولازمه خدها وبطنها من الضرب ودمار استغرب من وكفتها
وكفت مقابيلها طشيت الفلوس عليها .. "
دمار " هاي شنوو "

فله " انت بالاخص لاتحجييي وياي فااهم "
معصومة " ليش شقصدج "
فله " شبيج بابا لاتخافين تره صباحيه عرسج المفروض تكونين احلى عروس بس مع الاسف دمار شوهه وجهج المهم هاي الج داده .."

- عافتني وراحت صعدت فوك ضحكت باوعت لدمار
لميت الفلوس خليتهن بأيده
فله " انطيهن لمرتك عيب منها تكول محد انطاني صباحيه

- ضحكت عفته ودخلت للمطبخ يم .. ريماس مخليه ايده على خدها صافنه
ريماس " هاي شسويتي "
فله " شنو شسويت "

ريماس " لج اني من يمي صدكت هي ضاربتج
فله " تستاهل السوته بيه مو قليل اجه
دوري ادبهم اثنينهم

ريماس " والله ماعرفتج هاي انتي صراحه حيل نصدمت بيج
فله " هههههه توقعي كلشي مني من اليووم
ريماس " هههههه مسودنه والله

- اجت اميره تحضر الغده وي ريماس واني طلعت بره المطبخ لكيت عقاب وعمو اسد
وتهاني كاعدين بالغرفه
اشرلي عمو اجي يمه ..

" رحت سلمت وكعدت يمه اني هم عدي حجي وياه "
اسد " بوية لاضوجين وانه وياج التردينه يجرالج
عقاب " وانه عد عيناج لاتكولين محد الي "

فله " عندي طلب واحد اريدكم تسونه الي اذا فعلا انتم وياي "
عقاب " خادم انه كولي شنو طلبج "
فله " اريد اطلع من البيت "

تهاني " بس يمه هذا بيتج انتي شلون طلعين وتخلينه لهاي المعصوره هاا
اسد " اسكتي خلي تكمل "
فله " عمه اذا انتم مو وياي بكيفكم بس اني اريد اطلع من البيت "

اسد " ليش طلعين احد ضوجج هنا "
فله " صح هو ابنكم وبنفس الوقت زوجي بس اني اريده يحترك مثلي وماريد يعرف مكاني هم
عقاب " انه وياج بهذا القرار راح اخذج طلعج من البيت كله مايعرف مكانج لحد مايطلك معصومه

اسد " انت اسكت ويين تريد تاخذها هاا "
عقاب " عد ناس ثقه خالي ياسر اخذها اله
تهاني " ياااااع تاخذها للعمارة هناك "
فله " بعد احسن والله مكان بعيد ميعرف مكاني

اسد " بوية انه كتلج حسبيني مثل ابوج اوكف وياج ومااوكف وي ابني
انتي متأكده من قرارج ماريدج تتندمين بعدين
فله " لا عمو متأكده كلش
اسد " براحتج هسه اخابر على ياسر اگله
والحجي يبقى بيناتنا ماريد احد يعرف تهاني خااااصه انتي

تهاني " لا شحجي التردونه يصير هاي هيه
عقاب " حضري روحج اليوم هو عنده خفاره مايجي الا الصبح العصر نروح حتى من يجي يلكاني موجود ومايشك بأحد
تهاني " وشنو تگلوله اذا اجه هذا مخبل يگلب البيت علينا
اسد " محد يعرف مكانها هيج تكلوله وتسون الامور طبيعيه

- اتفقنا وفرحت بهذا القرار اخليه يعض اصابعه ندم
صعدت فوك للغرفه حضرت غراضي ..
وحضرت اوراق وجناسي وكل شي مهم
خليتهم بالجنط وضميت الجنط جوه السرير
طلعت من الغرفه اروح اشوف البنات قبل لاروح دخلت لريماس

ريماس " هلا تعالي دخلي محد موجود "
- ركضت عليها حضنتها وبجيت
ريماس " اسم الله شبيج ولج صاير شي
فله " لا بس شتاقيت الج
ريماس " ههههه اني يمج قابل وين رايحه

- بوست طف وريم دتقره بوستها هم ودخلن البنات اميره وماريا
اميره " هاي شنو مجمعات هنا ماادري
ماريا " يمه ولجن ختنكت بطني شكبرها صارت كوه انزل الدرج

فله " الله يسهل الج ولريماس .. كعدنا نسولف وكل لحضه اسجلها بالي ماريد
انساهن وماعرف شوكت ارجع
صار العصر وكلمن بغرفته نزلت واشوف عمو اسد وعقاب منتضرين
اجه حارس اخذ جنط من ايدي

اسد " البيت وحشه راح يصير عليج بويه "
فله " حضنته وبجيت .. راح اشتاقلك عمو
اسد " لاتبجين بويه وانه وياج واجيكم هم
ونقل كليتج كم يوم يجهز وداومين هناك ..
- بسته بايده سحبها بسرعه
فله " الله يحفضك الي عمو

عقاب " يله امشي لا الوكت يروح خلي نطلع
- صعدت بالسياره بقيت اباوع للبيت
وعمو اسد عيونه حمر صارن
عقاب صعد بالمقدمه والحارس يسوق
خليت ونمت

- كعدت من نوم سألت عقاب
فله " شيخ وصلنا لو بعدنا
عقاب " مابقى شي راح نوصل
- مرت ساعه تقريبا بالطريق لحد ماطبكت سياره مقابيل بيت
نفس بيت عمو هم كلش حلو وطلعوا ثلاث
شباب واكفين بالباب

" نزل عقاب تسالم وياهم وهمه ستقبلوه بحراره اجه واحد منهم مبين يشاقه هواي
متيم " ههلاااا ههلااااا نزلي خيتي نزلي ليش كاعده هنا
عقاب " هذا خطار الكتلكم عليه تستقبلوه لا
ديسم " اذا ماشالته الكاع عيوني تشيله ..
فوتي خيتي البيت بيتج واحنا خوانج

قسام " والله عدنا اخت وحده همزين جيتي تسوين ونس النا بالبيت "
- ابتسمت الهم ودخلت جوه لكيت المره اماني الي اجت بعرسي هي وبنتها هدى
اماني " يمه سوده عليه ماتهنيتي بعرسج من وره معيصيمه المعصعصه

- حضنتها سلمت عليها وعلى هدى كعدنا نسولف
هدى " كومي ارتاحي بغرفتج محضريها وانه اختج اي شي تردي موجوده لاتستحين
فله " ماتقصرين داده "

هدى " ولو ودي اكعد وياج واسولف بس اميد تعبانه من طريق نامي هسه والصباح رباح ..
فله " ضحكت وهي هم طلعت سديت الباب قفلته وسبحت ورحت نمت ماكعدت الا ثاني يوم الصبح على دگه باب

هدى " ولج فلفوله شنوو ميته عدله "
-كمت فتحت الباب وكفشتي شكبرها "
هدى " خلي اهلهل طلعت العروس كلوووووووووش "

- ابتسمت بوجها ..صباح الخير
هدى " احلى صباح ولج من بارحه دكينا البابرومافتحتي ابوي ياسر كال خلوها خاف تعبانه وماكعدناج
فله " اي والله صدك تعبانه شويه ونمت

هدى " ديله تعالي تريكي انتي حامل البيبي يحتاج اكل هسه تلكينه ميت من الجوع .."
فله " بس اغسل واجي وراج
- عافتني وراحت واني دخلت غسلت لبست شالي وطلعت لكيتهم متجمعين

فله " صباح الخير
الكل " صباح النور "
ياسر " تعالي بوية تريكي "
- كعدت قدموا ريوك كدامي بس مااشتهي وبنفس الوكت ناس مااعرفهم غير مره شفتهم بعرسي كليت شوية ورحت غسلت

اماني " يمة لاتستحين تره هذا مثل بيتج والولد اخوانج حسبيهم لاتستحين منهم
- لا خاله مااستحي منكم انتم اهلنا
اماني " هداااااا يله تعالي نضفي البيت انه رايحه اطبخ الغده

هدى " فلفوله تعالي يمي سولفي عليه ..
- رحت يمها .. انطيني خلي انضف وياج
هدى " لاااا دخيلج حتى ابوي وامي يشون
على اذاني بصل
كعدي خيه انتي حامل وبطننج كبرانه وينج وين الشغل

فله " كعدت يمها اسولف والولد ابد مادخلوا للبيت صار وكت الغده اجوا
تغدوا وكلمن دخل لغرفته راح نام .."

ريماس " نزلت جوه وحضرنا العشه اني واميره ماريا بغرفتها هي وفله كملنا العشه واجوا الولد كلهم تعشوا
عقاب طلع بشغل بس ماگلي كملنا وصعدنا فوك ثاني يوم

- مانسمع بس صوت صياح دمار بالبيت "
عقاب " هذا شبي من صباح الله "
ريماس " ماادري كوم خلي نشوف شكو "
عقاب " روحي انتي انه خليني نايم تعبان "

- عفته وخليت طف يمه نايم نزلت الدرج گوه واشوف البنات واكفات
اميره " شكو شكو ولجن هذا صياح عليمن
ماريا " ولجن دمار يكول فله ماكو وين
ريماس " عزاااا ويين غير بغرفتها هيه "

دمار " بووووووويه مو احجييي ويااااااك وين راااااحت ويييييين من شوكتتتتتتت
ماشفتوها انتم "
اسد " شمدرينيييييييي انه لاصيح كله من
ايدك السببب انت

- صار دمار يصيح ويكسر بالغراض كلها .."
دمار " يماااااااا تعرفين وييين انتي لو لاااااا
تهاني " لا يمه حالي حالم هسه نصدمت ..
وبعدين وين تروح هيه يجوز هسه ترجع .."

- التفتت علينا صاح فززنا كلنا
دمار " انتننننن مو وياها من شوكتتت ماشفتنها بالبييت "
ريماس " مااعرف بس هيه من بارحه مانزلت عبالنه تعبانه خليناها بالغرفه

دمار " وييييين تررررروح قااااابل اطلعها من سابع سمه "
- طلع من البيت وسد الباب حيل دهام ..
ودرغام طلعوا وراه

مرت الايام ودمار مايتواحد بالبيت ابد .. مخلص الوقت كله يدور على فله وعمو
اسد وعقاب كذالك هم يدورون عليها ..
بس ماعرف ليش حسيتهم باردين وان هم السبب بأختفاء فله ..
وحتى دمار حس بيهم بس يدخل ويطلع يبسمر بيهم ويحجي

- كاعدين بالاستقبال كلنا ودمار يشرب جكاير وينفاخ
عقاب وعمو وعمتي تهاني عيونهم عليه
- بهاي الفتره ضعف كلش وصار تحت ..
سواد معصومه ابد مايشوفها وهي كاعده
بغرفتها ..
" تنهد دمار وكف وعدل ملابسه والعيون كلها تراقب تحركاته "

دمار " هلي وداعت بختكم روحي متعوبه "

- عمو اسد وعقاب نزلوا راسهم ماكالو شي
دمار " انه شاك بكم شخص وياريت شكي
يطلع مو صدك "
اسد " وشبيك تباوعلي هيج انه لاادري ولااعلم حالي حالك مو هسه جاي ادور وياك عليها ..

- ضحك باستهزاء جاوبهم
دمار " ياريت بويه ياريت وانه من اليوم بعد ماراح ادور عليها
لأن اعرف منو وره انهزامها من البيت واريدك بويه انت وعقاب دوروها اليه
عقاب " تدلل "

- ضحك هز ايده واخذ مفاتيح سيارته وجكارته وطلع من البيت كله شويه ..
واحس الالام زادت عندي طلعت من عندي صوت صرخه جتي عمتي
تهاني " ياااا يمه كوووم عقاب يمه بسرعه اجه موعد ولادتها

- ركضت اميره جابتلي شال وعبايه لبستهن كوه واني ميته من الوجع
طف صار يبجي خذته ماريا تسكته وصعدت واحنا رحنا بسياره وعمو اسد ويانه خلصوا الطريق يصبرون بيه واني
حابسه صوتي كوه

" دخلنا للمستشفى واجتي الستتر والدكتور اهتمن بيه كلش
لأن دفعولهن فلوس لحد ماصار الالم يزيد مااعرف شوكت ولدت
بس سمعت صوت بجي طفل وجهي عركان نضفني وخلصن وبنتي خذوها للفحص من التعب نمت بسرعه

كعدت على صوت عقاب يمي باركلي وحضني وبنتي بأيده
ريماس " حلوه موو "
عقاب " اكيد حلوه تطلع على امها .."

ريماس " خذيتها من عنده بستها شنو سميتها لو بعدك "
عقاب " اي سميتها شمس "
ريماس " ابتسمت .. حلو الاسم كلش .."
عقاب " اي غير بعد هاي صارت شمس الشيخ عقاب "

ريماس " هاي شنو تره اني اغار ميصير هيج "
عقاب " بووويه فدوه للتغار شعدي غيركم انه اخليكم بروحي "
ريماس " حضنا اثنينا وجابو اكل اكلت شويه ثاني يوم طلعنا للبيت وصارت ناس تجي تتبارك "

وراي بكم يوم ماريا هم اجه موعد ولادتها وخذوها
جابت ولد سموه ايهم وبقى كلشي على اميره خطيه ..

- دخل دمار ودهام ودرغام لازمينه وهو مشكلين اله كانوله
وحالته حاله كسر گلبي عليه مايستاهلون هيج يصير بيهم ..

راد يصعدونه فوك لغرفته اجه عمو اسد هو وعمتي تهاني من شافت حالته كعدت تبجي
دمار " فزعوا شبلاكم مو ابنكم طاح "
- راد يحجي عمو اسد وهو اشر للولد يصعدونه وصعد فوك لغرفته يرتاح ..

فله " بعد مامرت ايام واني بطني بدت تكبر اكثر واكثر
عمتي اماني تقنع بيه اروخ وياها للسونار ...
ماقبلت لخد ما عمو ياسر گلي لازم ترحين
واجه عمو اسد هو وعقاب هم

اسد " بويه انه جيتج اليوم حتى ارجعج للبيت تره دمار يحبج
لو تعرفين شنو شسوه وراج مايدخل للبيت وحالته للأسوء جاي تدهور
عقاب " انه شفت بعيني ماينام الليل وكل الوقت يدور عليج وانتي بكيفج "

فله " لا عمو ابد ابد لتحاولون وياي تره اني كرهته من يوم زوج معصومه مو تريدني ..ارجع مره ثانيه واذا انتم ممتحمليني عادي اعوف كلشي واروح منا

اسد " لا بويه شنو هذا الكلام بس احنا لمصلحتج هيج نحجي وياج ..
عقاب " فكري بابنج باجر لو ولدتي وين يعيش بدون ابو يعني مايصير
انه طلعتج من البيت فتره ترتاحين وترجعين

- وكفت واني كل جسمي يرجف واديه هم
فله " مارررررروح عووووفونييي مااااااارجع
- تهسترت وبقيت اصيح
دخلت اماني هي وهدى ماحس غير دنيا ..
فترت بيه وكعت ..

- كعدت واني اشوف مخلين مغذي الي بالمستشفى
نفتح الباب ودخل عمو اسد وعقاب وياسر
واماني
اسد " الف مبروك بويه "
- عقدت حواجبي ليش شكو غير هو يدري حامل انه

اماني " يماااا بالمبارك حبيبيه انتي حامل بتؤام ثلاثي طلعتي ..
بيج اثنين ولد وبنيه
فله " فتحت عيوني مصدومه واكل فرحان

عقاب " وهاي انتي طلعتي بتؤام شلون يعيشون بدون ابوهم
اسد " كافي بويه عوفها خليها ترتاح اذا هيه ماتريد مانجبرها

- تجاهلت كلامهم واني مصدومه بهذا الخبر الي اجاني
فله " يعني شنو هسه اني بيه تؤام لو شنو
اماني " اي يمه اي عمت عينه دمير عاف هذا جمال وجهاله بالطريق وراح تزوج
- خزرها عمو ياسر وهي سكتت

عقاب " خوش جا انه كملت اوراق نقل كليه وراح تداومين هنا
واحد من الولد ياخذج ويرجعج للبيت ..
ان شاء الله ماقصر وياج
فله " حشاك من تقصير شيخ كلش اتشكرك

- تقدم عمو اسد باسني براسي انطاني علاكه خلاها بحضني
وهمه ترخصوا يرجعون للبصره طريق طويل وصوا ياسر واماني عليه

- فتحت العلاكه واني اشوف صفطه فلوس بيه نصدمت هاي شنو
رجعنا للبيت ودخلت للغرفه اتصل عمو اسد جاوبته گال

اسد " بويه هذا مصرف الج اشتري ملابس للكليه واي شي تحتاجي
وكل شهر يوصلج مصرفج وديربالج علي نفسج خةش بويه
فله " بس عمو هذني هوايه ليش هيج ..
اسد " اشش هذا حقج بويه

- بقينا نسولف وبعدها انطاني عمتي تهاني حجيت وياها وهي صارت تبجي
عرفت ماريا وريماس ولدن بجيت شكد ..شتاقيت الهن

بديت اداوم بالجامعه وكل يوم واحد من الولد ياخذوني وارجع
ماختلطت بأي احد مجرد كد السلام والمحاضرات واطلع بطني كبرت كلش
صرت گوه اتحرك
نجحت من المرحله الاولى ورخت للثانيه

وبيوم عمتي اماني وهدى راحن للسوك يجهزن للطفل جهاز
عمو ياسر واولاده بالشغل مموجودين ..
صارت عندي الالام قويه كلش متت بي

- كمت كوه ادور على جهاز اتصل بعمو ياسر
لكيت جهاز اتصل عليه ميجاوب عليه ..
قسام ومتيم مسافرين لأربيل
ديسم بغداد شغله ضابط حتاريت عليمن اتصل
اخر شي اتصلت بعمو اسد يشوفلي احد ..

وكع الجهاز مني وصرخت من الالم كعدت بالكاع اتلوه
بقيت ادور على رقم لكيته واتصلت عليه ..
صار يدك وماكو جواب
لحد مانفتح الخط جاوبته وصوتي كوه احجي من الالم

فله " الوو عموو الحك فدوة شوفلي احد دااتصل محد يجاوب يمكن راح اولد الم موتني فدوة ..
- هو جاوب لو اني جسمي كله صار يرجف اكثر وكع الجهاز مني وهو يصيح بيه

دمار " انتييي فله مووو عرفتج متفقين انتي وابوي بسييييطة جايج جايج ..!!

يتبع ...

طبعا البنات الي حجن على فله دمار هددهن وكم شخص هددهن هم هنه مسويات كروب وضايفات بي دمار وماسه بالكروب ويغلطن
بس اريد اكول انتن هم تحسبن نفسجن متربيات كل تربيه ماعدجن مع الاسف

وهاي محادثات وشوفوا بعينكم

هاي هم تنحسب بنات ومتربيات ولجن تغلطن على ضابط شكبره رجال اكبر من عدجن بس خلي بعد عيني هو حيل بيجن من هددتجن بس الضاهر انتن تردن بس كون يحجي وياجن وهو تجاهلجن لأن هو عقله مو بكد عقلج وصدكن اذا خلاجن بعقله والله على گولته يسحكجن سحكك