رواية بيت الشيخ اسد الفصل الحادي وثلاثون 31 - بقلم yaqin_2004

#بيت-الشيخ_اسد
#يقين_التميمي

مسلم - اني والشباب طالعين نتعشى بلمطعم

ميسر - اوكي شباب مثل مااتفقنا

مسلم - هسه نمشي للبيت وشي عادي نكعد بلديوان كلعاده ونسولف ونضحك على مادمار اينام

فارس - اي والله عجبتني الفكره

سيف - راح نتونس

مسلم - وصلنا البيتنا كعدنه بالديوان ودخل عقاب

عقاب - هاا بويه جمعتكم ماتبشر بالخير

ميسرر - خير خير خويه

عقاب - انشاء الله .. هز ايده وطلع

ميسر - مسلم روح شوف دمار اجه للبيت دخل الغرفته

مسلم - طلعت شفته دخل للغرفه مالته واني سويت روحي ادور على شي
ورجعت للدوانيه

ميسر - هاا

مسلم - اي دخل الغرفته

سيف - انتضروا ينام

ميسر - اي نبدي مهمتنا بس ينام خوش

الشباب - خوش

مسلم - صارت الساعه ١ بليل

ميسر - هل انتم مستعدون

الشباب - مستعدون

مسلم -  جبنه اقمشه من السوك لون ابيض واحمر واسود وازرك

ميسر - يله لبسوهن مسلم الاسود

سيف - انه الي الابيض

ميسر - خوش انه راح اخذ الاحمر

فارس - وانه الازرك

ميسر - طلعو اجهزتكم وخلوها جوه القماش على وجهكم

مسلم - كملنه صعدنه فوك صرنا انخوف كل واحد اشطولا رحنه على السطح ودخلنا البلكونت غرفه فله اول شي ضربنه الجام الشباك بلحجار كم مره سمعنا صوتها ..

فله - منو

دخلو الشباب من الباب مسطرين واحد يم الثاني وكلهم يحجون سوه مغيرين صوتهم

الشباب - هل انتي فلااااا جأنا لنأخذ روحك معنا أيتها الحقيره السافله ..

فله - التموا عليه لو تخبلت صاروا يخنكون بيه واني احس رجليه ماتن

فله - اللهم صلي على محمد وال محمد منو انتم منوووو

الشباب - نحنو الشياطين

فله- الهم صلي على محمد والي محمد ياعلي ياعلي ياقتل الجن والانس ياعلي .. اطلعو اطلعو براا

الشباب -بقو يصفكون بأديهم جوه القماش وبعدين كلهم طاحو بلكاع

مسلم - وكعنا بلكاع واحنه حابسين ضحكتنه على شكل فله وبعدين كام ميسر وطكها ضحكه

ميسر - ههههههههههههه ياعلي ياعلي خرببببب

مسلم - شلونج فله ههههه

سيف - كامره خلفيه حبيبي

فارس - هههههههههه

-نفتح الباب ودخل دمار شاف حالتي
بقى دمار صافن عليهم ومتفاجئ ...

دمار  بصياح - ياكو*** يا*** وين ترحون عني اليله انه اعلمكم ****

ميسر - ااااخخ على كيفك والله نشاقه .. وياها

دمار - سهله سهله راعبين البت تخبلتوا

مسلم - ضلينه نركض بلغرفه وهو ورانه يركض وقفل الباب علينه وصياحه وصل لوين

دمار - نزعت الحزام وصرت اضرب بيهم
كسرتهم تكسر

دمار - ** اني اعلمكم مابيكم خير

عقاب - افتح الباب خويه اشبيك ..

ميسر - اوييييييي وعلي بعد ماعيدهااااا بس وخر عني اااااخخخ

دمار - ادري بيها هاي سوالفك ...

ميسر - ولك خويه عقاب الحكنه دمار مدري اشبيه تخبل علينا يبووووووويي

عقاب -افتح الباب دماااااااااار

ريماس - عزه شبيهم ليش ميفتحون الباب

دمار -فتحت الباب لعقاب
عقاب - هاا خويه اشبيك ..

دمار  - هذول الكواويد مسوين ارواحتهم شياطين ومخوفين فله راعبيها دشوف .. حالها شصار بيها من وراهم

ريماس - يااا ولج فله كوميي كوميي تره يشاقون وياج 

عقاب - انتم اشبيكم ماتعقلون وانت ميسر عود جبيرهم ولو هو انت من ..
گاعك مخبل ..

دهام - ليش هيج ليش كوموا يله نامو مصايبكم ماتخلص

ميسر - اخخخ يمه شوف اصار ابحالي

دهام  - احسن حتى اتوب

ميسر - باوعت لفله كاعده لحد هسه ..
مصدومة ... الحمد لله على سلامتج بت
عمي

دمار - هاا بعدك اجيييييييك

ميسر - عفناهم وركضنا احنا والولد

فله - طلعوا كلهم من الغرفه كمت غسلت وجهي حالتي صارت زينه من علاج الي انطا
الي دمار صرت احسن شويه ..

- مر اسبوع على تحضير لعرس مسلم .. ..
الولد متجمعين كلهم ويحجون وي مسلم
لأن عرسه بعد يومين ..

دمار -شوف انت اول ماتدخل على العروس راح تگلك گبل تبجي اريد امييي اريد اميي ..

الولد -هههههههه

دمار - اسمعني انت شسوي هنا تقلدها من تبجي وتگلها اني امج انيطه اهلج انيه ابوج

دهام - خرب موتتني ضحك

محمد والله شبيكم ضحكون كلامه صحيح اني زوجتي خلصتها عليه اريد ماما اريد بابا

ضحكوا الولد ..

دمار - ميسر انت شعدك هنااا كوم منا

ميسر - شبيك اريد اسمع ابوگ معلومات تفيدني من اعرس

دمار - اي هسه ماعلينا اسمعوني حبيبي مسلم من تنجمعون بالقفص

مسلم -اي بعد هم ننجمع  بالغرفه

دمار - دسمعنييي

مسلم - اسمع اسمع

دمار - اي اول شي تگلها هذا بيتج حياج الله والف هلا تلزمها من ايدها هيج وتخلي ايدك بأيدها تبوسها براسها اتواسيها تگلها اني ابوج اني امج

مسلم - بس اني مو ابوها اني رجلها

- ضربه طراك بخدة
دمار - ولك مو من البدايه تكلها رجلج
حيوااان انت حبيبي هاي كبدايه افهمنييي

ميسر - هاا يعني هو اعتبار زوجها وامها وابوها

مسلم - مو خاف ماسيطر وابوسها گبل

دمار - بعصبية لك اصبررررر خلي نعلمك

مسلم - اكلك هي بالبداية تبجي موو

ميسر - اي تبجي اهئ اهئ اهئ

مسلم -  زين شسوي اذا بجت

دمار - ها اذا بجت كلها لاتبجين حبيبي هسه اجيبلج اندومي بربع كلها اذا امرج بشي تكومين بس ميسر لاتكوميله خوووش

محمد - احنا اليوم جبناك حتى تعلمه لأن انت عدك خبره وكذا نريدك تعلمه

ميسر - جااا وانه

دهام - امشييي انت وليي مانعلمك

ميسر - طاح حضك

دمار -  اي بعدين شتگلها تكلها امييييي ثم ابييي ركز ركز اميي ثم ابي ثم اخواني بس .. ميسر ماعليج بيه هيج گلها

مسلم - خوشش

محمد - هسه فهمت كلش موو

مسلم - اي هاي هيه

فله - هاي صارلنا يومين انضف اني وريماس وعمه تهاني بلبيت اجه اليل ريماس سوت عشه وتعشينه وميسر غسل الاماعين وعقاب ماموجود صعدت الغرفه ريماس كعدنه انسولف

ريماس - هاا ولج شنلبس للحنه والعرس

فله - بقى عدنا بس باجر خل اروح للسوك نشتري ملابس

ريماس - هاا خوش .. اني عندي بس عجبني اشتري شوو ههههه

فله - خل اخابر بنات عمتي سعديه يرحن ويانه وهي عمتي سعديه اتروح ويانه

ريماس - هاا خوش تفتحي كامره جماعيه

فله - لحضه خل اضيف زمرد وماسه وذهب وفضه ضفت البنات كلها حتى ماريا

فله - سلااام عليكم اشلونجن شخبارجن

ماسه - وعليكم السلام

ريماس - هاا اشلونجن ولجن

ماريا - الحمدالله

زمرد - ها ولجن اشعدجن خو ماكو شي

فله - لا والله ماكو شي بس باجر ترحن للسوك نشتري ملابس

البنات - اي والله اروح

ماريا - اني ماروح لان اشتريت ملابس

فضه - ثول هو ماترحين لو نسيتي روحج العروس

ماريا - لامانسيت ههههه

ريماس - هسه انا شايفه العروس اضل اتخاف تتوتر هاي فاكه حلكه وتضحك

فله - اي والله صدك

ماريا - عليمن اخاف ادري رايحه للاعدام

فله - ماعليجن يله بنات اني عندي فكره ليش منلبس كلنا ساريات هنديه لون احمر ونركص على اغنيه ديبكا بادكون ..

ماسه - ايييي فكره حلوووه والله خوشش ..

ذهب - اي والله فكره اتخبل وبعدين انبدل فساتين من انكمل

فله - اي خوش ..
كملنه اتصال وياهن اني وريماس باجر.... انروح نتغدا عد عمه سعديه وروح للسوك ياخذنه ميسر

فله - يله ولج راح اروح انام

ريماس - يله خوش

فله - طلعت من الغرفه نزلت جوه لكيت .. دمار كاعد بلصاله ماحاجيته دخلت الغرفه عمتي تهاني

تهاني -ها يمه فله تعاي

فله -اكلج عمه باجر راح تاخذنه عمه سعديه للسوك اني وريماس وبناتها ترحين ويانه

تهاني - هاا خوش روحن لا والله ماكدر والبيت يبقى محد بيه

فله - هاا براحتج يله راح انام

تهاني - اوكفي يمه عندج افلوس انطيج

فله - لا عمه سالمه انشالله اي عندي

طلعت من الغرفه .... يمه اشبيه هاذ كاعد يخزر يمكن معصب من الشغل اريد اصعد البايه الأوله من الدرج وكفني صوته

دماار - اوكفي

فله - هاا اكو شي

دمار - وين رايحه باجر

فله - اروح اني وريماس العمتي سعديه نتغدا وتاخذنه للسوك

دمار - المن رايحه مو عندج ملابس لبسي اي شي

فله - لا والله وماشتري فساتين اريد اشتري ملابس هنديه ..

دمار - الله يستر منج شراح اسوين

فله -  ماعليك يله رايحه اتريد شي

دمار - اوكفي عندج افلوس

فله - اي عندي ماريد شكرا

- طلع من جيبه افلوس

دمار - هاج هاي 250 اخذيهن

فله -لا شكرا ماريد

دمار - يابه اخذيهن

فله - خذيتهن وصعدت فوك للغرفه كبل ذبيت روحي نمت

ثاني يوم الصبح كعدنه اني وريماس تريكنا ونضفنا البيت وبدلنه الساعه ١١ وخذانه ميسر

ميسر - صعدن صعدن تالي عمري صرت شوفير

ريماس - يله يله هسه وين ماخذنه

ميسر - ماخذجن الكوكب سعديه

فله - لاتحجي على عمتي

ميسر - سكتي جنج فلافل انوب شوف الاسم فله افلفله

فله .. ماعليك ابأسمي .. اشويه وصلنه نزلنا من السياره ونزل ويانه ميسر

فله - هاا نزلت ويانه

ميسر - جاي البيتج ماعليج

فله - ضل ايدك بلباب فلشاه اتفلش
اخير شي طلعت ماسه فتحت الباب

ميسر - اللهم صلي على محمد كون يوميه اصابح بيج

ماسه - شنوو ... هلا هلا بيكم اتفضلوا ماما اجن البنات

سعديه - هلا هلا اتفضلو

ميسر - اشلونج سعوده

سعديه - طاح حضك اضل دوم هيج ماتبطل سوالفك

ميسر .. لا قررت ابطلهن وره مايعرسولي

سعديه - اشلونجن يمه فله ريماس

البنات - بخير الحمدالله

فله - لعد وين ذهب وفضه

سعديه - كل عاده نايمات

ميسرر - ماسسه ادري لطشتي بلمطبخ متنه عطش

ماسه - ههههه اعتذر هاكم

ريماس - شنو زمرد لهسه مااجت

سعديه - هسه خابرتها راح ايجيبها درغام

ريماس - هاا خوش ..

ميسر - شنو اكو غدا لا

سعديه - اسم الله اي اكو ليش ماكو

ميسر - ها خوش عبالي ماتكلون

فله - ضلينه كاعدين انسولف اشويه ودخلت زمرد ودرغام

درغام وزمرد - سلام عليكم

سعديه - هلا هلا يمه اتفضلو

درغام - هلا عمه اشلونج

سعديه - الحمدالله يمه ليش واكف اتفضل

ميسر - ياهلا بدرغومي اشلونك وين مانشوفك

درغام - احجي عدل لك الحمدالله انت اشلونك

ميسر - والله ياخويه احوالي اتخربطت قبل اشويه
-يحجي ويباوع الماسه

درغام - هههههههه

زمررد - اشلونجن بنات كومن نكعد بلصاله

فله - كمنه كعدنه بلصاله وكعدن فضه.. وذهب وضلينت انسولف ونضحك وكمنه ساعدنه عمتي سعديه بلطبخ

- تغدينه وكملنه وغسلنه اماعين ودرغام .. راح بقى بس ميسر لبسنه وبدلنه وصعدنه بلسياره السياره جبيره عمتي بلكدام واني وماسه وفضه بلوره ورانه زمرد وريماس وذهب

ميسر -  عمه مو تتأخرن ساعتين واجيجن

سعديه - انشالله يمه

ميسر - يله نزلن وصلنه

فله - وصلنه واول مشترينه ملابس .. ساريات هنديه احنه نفس الشي والونهن احمر واشترينه اساور وشغلات هنديه وبعدين اني اشتريت فستان احمر بس احمر حلو وللعرس اشتريت فستان اسود طويل فخم وريماس اشترت هم فساتين اثنين حنه وعرس واحد لونه اوفوايت واحد لون اجويتي

زمرد - اوكفن ولجن اني اريد فستان لون زمردي

سعديه - يااا يمه شنو هاذ الون زمردي

زمرد - يمه لون تركوازي ايسونه زمردي

فله - كملنه كلش واحذيه واكسوارات كلشي اشترينه بس الوحيدات ماشترن فساتين هنه فضه وذهب فضه اشترت ملابس كوريه وذهب اشترت قاط لبس رسمي لون ابيض ستره وبنطرون ورجعنه اخذنا ميسر شفناه منتضرنا

ميسر - الله يساعدجن شدعوه هاكثر اشتريتن

سعديه - جا غير عرس

ميسر - بويه ملابسجن افتح بيها مجمع صعدن صعدن يله

فله - صعدنه ورجعنا للبيت .. مرن يومين وسوينه هي حنه هي عرس مسلم هيج ..
رادها مانعرف ليش .. رحنا للصالون وي ..
ماريا ومادلين ويانا جهزت وكملت
اجت الزفه طلعنا كلنا احنا البنات صعدنا
بسياره وحده وماريا خذاها مسلم وصعدوا

وصلنا للقاعه وصرنا احنا البنات كلنا نركص لبسنا ساريات هنديه وطلعنا ..
اغنيه هندية نركص عليها زمرد ماركصت
لأن حامل وتخاف ..

مسلم .. لابسين اني والشباب ميسر وفارس وسيف قوط وانهوس بلقاعه على ماتجي الديجي اني كاعد ماركص لان العريس وهاي سوالف

ميسر - كوم لك كوم عود هو كاعد يستحي

مسلم -  انجب يله ولي

ميسر - وها وها وها اجيناك ابهايه

الشباب بصياح - ها ها

ميسر - حدك وفايه

الشباب - هاها

دمارر - بلعباس فضحونه الكاوليه

درغام - خليهم فرحانين

ميسر -  يله تعالو خل نستراح

مسلم - كاعدين الشباب ايسولفون وصار هدوء اختفوا ميسر وسيف وفارس ودهام وشويه ويدخلون لابسين دشاديش وجراويات لافينها على وجوهم ويغنون

ميسر ايطك اصبع ويهز ركبه .. ياخاله محبته اتعذب الحيل وانا ابحبه اصيح الويل ياويل

الشباب - يايابه يابويه

ميسر -  احير انه بدمعتي من يجي اليل
ادموع العين على وجه هماله شيصبر العاشك ياخاله

الشباب -  شيصبر العاشك ياخاله
هلا هلا هلا

مسلم - بقيت صافن عليهم شغلوا ديجي ودخلوا بنص القاعه وصاروا يدكون ويركصون ولافين جراويه على وجهم ويهوسون ميسر كعد بالگاع ويهز متن وذوله وياه ...

تگابلوا ميسر وسيف وفارس لزموا جروايه من اطرافها وميسر لزم خاصرته وصار يهز
ومشغلين اغنيه

ميسر - من يدبج البصرواييي ..رجيف يصير بيهاااا الگاع

فارس - ييييل ييييل يييلااااااا ....

دهام - من يدبج البصراويي رجيف يصير بيها الگاع

ميسر - دبج دبج دبج دبج ..البصراوي دبج
اليوم العب لعببببب ..

سيف - اليوووم العب جووولة ..امشواا كلوله

فارس - ها ها

ميسر - جينااااا محمد خبرنا كلوووشوش

دهام - ويالرايح للعمارة دخنيي وياااك ..

مسلم - اخذ ميسر سماعه وصار يغني

ميسر - موووش ويانا مووووش ويانا ...
الشيييخ الراح لبغداد

الولد -  موووش ويانا ...

ميسر - المايدبج بالميدان

الولد - مووش ويانا ..

ميسر - الشيخ الراح لبغداااد ..

الولد - موش ويانا

ميسر - المايدبج بالميدان ..

الولد - موش ويانا

ميسر - ياهووو ويانا ياهووو

-ذاك الناييييييم على تبليط هذا ويانا ..

ميسر - ماعبرونااااا .. ماعبرونااااا

- صحصح صحصح ويانا ..افيييدك ضلعي افييييدك

ميسر - ماعبرونااااا احناااا اول شط ..

الولد - احنااا اول شط

ميسر - ماعبرونااااا ...

ميسر - شيييييييييل بوية شييييييييييل

مسلم - تكابلوا ميسر وسيف وفارس ودهام وصاروا يلطمون ويركصون ..
سوه

ميسر - هزوااااا بوية هزواااا اليووووم للصبح ...

عقاب - والله فلاااااا يستحوووون فشلتونا كداااام العالم

دمار - خليهم شتريد منهم عوفهم فرحانين

شويه واختفى ميسر والولد فارس وسيف يدورون عليه ماكو ماموجود مانسمع بس
الرمي صار بالجو ودخلت الشرطه كلها ..
بالقاعه بقينا صافنين شكووو ...

يتبع ...