رواية بيت الشيخ اسد الفصل الثلاثون 30 - بقلم yaqin_2004

#بيت_الشيخ_اسد
#يقين_التميمي

فله - دخل غسان ركض عليه شك دشداشتي عليه .. صار يضرب بكل
مكان جنت بس احاول استر روحي

صار يرفس بيه ويغلط ماخله كلمه ماكالها عليه صوتي ضاع اريد احجي ماكو اشوف..
جسمي صار كله اطباع زركه ..

جسمي مكسر تكسر بقيت بس فاتحه عيوني عليه وهو يضرب من شاف ماكو
رد مني عافني وطلع ..

تشهدت حسيت روحي جاي تطلع وعيوني شوية شوية بديت اغمض بيهن سمعت ..
صوته ويصيح نفتح باب الغرفه شافني بهل
حاله نصدم

تقدم عليه وحضني غمضت عيوني بين .. اديه وبديت افقد الوعي واني اسمع كلامه

دمار - " خاببب والعبااااااس تعبت لاتعبيني بيج اكثررر اصحيييي "

- صار يرش ماي عليه يله كدرت شوية اصحى فتحت عيوني وحضني همس ..

دمار - " المشڪله بهذا الگـلب شايل عليج وشايلج  "

- حس على روحه ابتعد عني شمر عليه الغطه لأن دشداشتي مشگوگه ..

دمار - گوميييي امشييي ويايييي مالج ضله هناااا بعد .. انتضرج بره

- طلع واني گوه گمت لبست غير دشداشه وخذيت اوراق وعلاج الي موجود عندي اخذت وحده قبل لااطلع وخذيت وكلشي ضروري طلعت بره ..
الغرفه لگيت دمار كاعد وكدامه غسان دم
مغطي تغطي ويتألم

دمار - اسمعنييييي لك من باچر ورقة طلاگها تجينيييي للبيت فااااااهم لو لا

- صار غسان گوه يحجي ويجر بالكلمه جر

غسان - التريده يصير بس عوفنا بحالنا

دمار - ماعوفك راح الحكك مثل الموت لو تطير للسمى اجي وراك

- وگف دمار وكعد بمستوى غسان رجل خله ايده عليها ورجل بالگاع لزم وجهه
بأيده ..

دمار - طلگها كداميييي يله

- باوع عليه غسان ودمار لازم وجهه بحرگه

دمار - يلاااااااا طلگهاااااا مافارغلك انه ...

غسان - انتي " طالق طالق طالق "

دمار - احنا وياك بالمحكمه بعد خوووش

- تقدم دمار عليه لزم ايدي وطلعنا وسنيه ابد ماشفتها ماعرف وين ..
بقى يمشي سريع واني اسحل بروحي سحل
صاح بيه ..

دمار - هذااااا التحبينه مووووو شوفي .... حالتج شمسوييييي بيج هو هذا مال حب

- مارديت عليه بقيت ساكته لتفت عليه

دمار - “ مو انه جنت ولايتج ليش مني شلتي “

فله - انت ماتعرف شي عن المريت بي لاتحجي من كيفك وطلعني اني المذنبه
الوحيده

دمار - " گلبي صارلج جامع ليش كطعتي صلاتج "

فله - بجيت وصعدنا بالسياره صار يسوق ويستغفر يباوعلي

دمار " ليش عيونج باردة وليش انه حارگ روحي عليج ؟ "

فله - مو بيدي والله انت ماتدري شسويت من عبالي انت ميت نتهيت اني متت گبلك

دمار " يصير اخذج من الدنيا وضمج بكنتوري .! "

فله " اخذني من التعب والناس وضمني عدك "

- هز راسه وبقينا ساكتين الطريق كله ..

وصلنا للبيت نزلنا من سياره فتح باب البيت ودخلنا لگينا باب البيت ثاني ..
مسدود دك الباب

ميسر - الله اكبر واحد مايكعد كلساع ... داكين الباب خنشوف يامطي يدك الباب

دمار - افتح افتح عيني انه المطي ..

-فتح الباب ميسر ونصدم من شافنا سحبه دمار وضربه

ميسر - ااااه ماكنت اعرف والله هسه اكتل روحي بس عوفوني ..!!

دمار - حالف اذبح خروف بس تعقل ..

ميسر - ادخل ادخل هاااا.. هاي فلاتي لج شلوووونج تعاي ابوسج

دمار - سد حلكك لك لا با****

ميسر -ليش خوية ليش تغلط عليه بس لأن فقير وماعدي حظ بهل دنيا هاي دخلو دخلو هو الماعنده حظ منين يجيبله

دمار - لااا راح ابجي عليك كسرت خاطري ابو المصايب ..!

ميسر - لا صدك فلافل شنو هاي شصاير بيج ليش وجهج هيج صاير

فله - لاتخاف مابيه شي

-دخلت للبيت مامصدكه خلصت من غسان احس جبل ونزاح عن گلبي واني
اشوف لمتهم كلهم كاعدين سوه احس
روحي هسه رجعتلي صدك

فارس - هل تروووون الذي اراه انا

مسلم - نعم نعم انه الجن فله ..

فله - ضحكت عليهم .. عابتلكم سويتوني جني

سيف - الواحد يدخل يسلم وانتي ترزلينا ليش يابت عمي ليش

دهام - اي والله صدك ههههه

فله - يابه سلام عليكم

الكل - وعليكم السلام

دهام - اي بس لازعلانه من رجلج ال ***

فله - استغفر الله

ميسر - اي اي ماتقبل نحجي على رجلها

دمار - فله فوتييي يم امي هناك بالغرفه

سيف - هااا كملها الجن دمار ..

دمار - الله يطيح حضك زمااال

فارس - شلونك دماريي ...

دمار - جنت بخير قبل لاشوفكم

ميسر - ليش واگف ماتدخل

دمار - مااخذ اذنك

ميسر - اذري هو منو ياخذ اذن هلمكرود

مسلم - كراده بگلبك كووون

ميسر - ايييييييع شهل لعبان نفس

دمار - طاح حضك لاتتموعع مثل البنات

فله - عفتهم ودخلت لعمتي من شافتني
حضنتني وصرنا نبجي واجت ريماس ..
هم حضنتها وكعدنا دخل عمو اسد وعقاب وكل الولد اجوا اجتمعوا وحچه دمار ..

دمار -  بوية فله تطلكت

- الكل نصدم بكلام دمار

اسد - شنووو ليييش تطلكت صاير شي ..

دمار - انت شفت وجها موو هذا سبب زوجها من اتصل تلفونك وجان شيوخ..
عدك جاوبت بمكانك سمعت صياحه

اتصلت عليك هيه حتى تجيها بس من سمعتها رحت وخليتها يطلكها وجبتها
وهاي هيه كدامك

عقاب - بس انت شلوون تسوي هيج يمكن هيه ماقابله بهل طلاك .. بوية فله انتي قابله بهل شي

-ضحك دمار مستهزء

گال ..

دمار - اي صح هيه تحبه بس مااكدر اخلي بت عمي عد عدوي ..

حُر - تره عمتي هي تزوجت غسان غصب كداميي لاتلوموها

- الكل باوع على حُر متعجبين

دمار - وانتتتت وييين تدري ..

حُر - اييي هذاك غسان الحقير هو هددها بيه وگالها يايكتلني يايتزوجها جاب شيخ ..
وتزوجوا لخاطر مايكتلني حتى

-اشرت اله حتى يسكت وهو مستمر بالكلام

حُر - عمتي خليني احجي ليش يلومونج .... على شي مو ذنبج .. اي ومن رجعنا بالطريق
هي منعتني مااحجي الكم اي شي

دمار - لا ياحيواااااان ***** غسان وييين يروووووح عنييي والله الا اموته بأيديييييي

عقاب - هييي شبيك شبيك لاتتخبل اكعد ويييين راييييح انتتتت

دمار - ماعليكمم انت هذا تجاوز هوايي وصار الوكت يتحاسب على افعاله ...

-طلع دمار وصار يخابر بدرغام ويحجون

اسد - بوية هذا كله صاير بيج ليش ماكلتي النا ليش ماحجيتي هااا ..

فله - ماكدر عمو اقهمنيي جان يهددني .. بيكم اذا احجي كلمه الكم راح يقتل احد
منكم واكيد اني ماضحي بيكم

- حضني باس راسي وعيونه صارن حمر

تهاني - كومي ارتاحي ماما صعدي لغرفتج وهايي ريماس يمج خاف تحتاجين شي ..

فله - طلعت من يمهم صعدت فوك للغرفه مامصدكه لحد هسه خلصت
ذبيت روحي على سرير ونمت ..

-كعدت ثاني يوم على صوت ريماس ..

ريماس - كومي يله بسرعه جهزي نفسج دمار منتضرج حتى توقعين على اوراق ..
طلاكج من غسان ..

- فتحت عيوني وباوعتلها ..

ريماس - لج فلاااااا هايييي عيونج شبيهم ليششش هيج حمر صايرات

فله - لا ماكو شي بس يمكن لان امس بجيت هواي ..هزت راسها وكفت ..
طلعت من الغرفه واني كوه رحت باوعت لشكلي عيوني حمرر دم وصاير
جوه عيني سواااد مو طبيعي ونحلانه ..

غسلت وكملت طلعت غيرت ملابسي ونزلت جوه صبحت عليهم ..

تهاني - تعالي ماما اكلي حتى ترحين

فله - مااشتهي شي عمه والله لعبانه نفسي كلش مااشتهي شي

دمار - تعاييي اكلي حتى لو ماتشتهين شي اكلي شوية ماشوفين شصاير بيج

اسد - ماعليييك بيها كالت مااشتهي شنو تجبرها .. بطل اسلوبك هذا

دمار - اذا ماتريييد كومييي يله نروح

اسد - اوكف اجي وياكم ..

دمار - شكوو بوية جاي دوخه محاكم وانت تعبان اكعد انه وياها نخلص كلشي ونرجع

فله - كلامه صحيح عمو ماعليه شي اني لاتخاف عليه

اسد - براحتج بوية

دمار - يلاااا امشي ..

فله - رحنا صعدنا بالسياره وساق سألته

- شراح تسوي بغسان ..

- ماعليج

- اريد اعرف

- مو مهم تعرفين

- انت لييش هيج صاير ماتتحاجه

- ليش ال گلبه مكسور شلون تردي يصير

- ماراح تحجيلي

تنهد وجاوب ..

- بس يكمل طلاكج من عنده ينسجن مؤبد

-هزيت راسي وسكتت وصلنا للمحكه نزلنا
وهو وياي دخلنا للمحكمه الضاهر واسطه
مسوين ومجهزين كلشي
لكيت غسان كاعد على صفحه شكد اكرهه
بس من شفت حالته وشلون مضروب متت

صار يسأل القاضي وبعدها وقعنا على اوراق يمكن اكو بعض المطلقات يضوجن بس اني فرحتي ماتنوصف كملنا وطلعنا من المحكمه رجعنا للبيت

صارت عمتي تهاني وريماس يهدن بيه .. عبالهن ضايجه عفتهم وصعدت لغرفتي
خذيت من العلاج ونمت ماعرفت شصار

مر اسبوعين على طلاكي من غسان وبهل سبوعين حالتي صارت اسوء لااكل ولا شي
عيوني حمرر دوم وهالات جوه عيني ..

حالتي نفسيه تعبت وصرت ماطيق اي احد نعزلت بغرفتي وبس .. فتحت جنطه واشوف العلاج راح يخلص بقه كم حبايه ..
دااخذ حبايه نفتح باب ودخل وكعت مني

-عقد حواجبه واني رحت اريد اخذ الحبايه من الگاع اجه قبلي واخذها من گاع صار ..
يباوع عليه وصافن على حالتي

- شنووو هذا العلاج تاخذيي

-ماعليييك بيه انطيني اخذها

تقدم عليه واخذ جنطه من يمي طلع علبه الحبوب بقى صافن فتح عيونه وخزرني ..

- منيييييلج هاييييي الحبووووب من شوكت تاخذيهااااا

- حباب انطيني خلي اخذها راح اموت اذا ماخذيتها

- نجبيييي تعرفييين هايي شنو هاي مخدرااااات منين جبتيهااااا

- ماادرييي مادييي وقت الي تمرضت غساان انطاها اليي وصرت اخذها ..

- بعد ماتخذييين منهن وهسه اذب ذني واشوف منين جيبييين بعد

-لاااااا دمار لااااا حبابزوالله مااكدر اموووت

نزل لمستواي ولزمني من متوني وصار يهز بيه

- لج هاييييي يعني جاي تنتحرين انتحار بطيئ هذااااا ولج شوفي عيوني شصايررر
بيج بسببهن شلون ترديني انطيج

- خلينيييي هو بالحالتين ميته عوفنيييي يااخييي مارييييدك لاتدخل بيه

- لا اشوووو ادخل وغصب عنج اذا انتي ماتردين روحج انه رايدهااا

دخل للحمام واني وراه خلاهن بالمغسله وفتح الماي عليهم لو اني تخبلت

- لييييش لييييش سريت هيج

- لمصلحتج بوووية والله انه اجيبلج احسن منهن لاسوين هيج بروحج

عافني وطلع من الغرفه وجسمي صار يحك كلش وعلاج ماكوو جبت سجينه وصرت ..
احك بيها بجسمي الجلد تزلغ كل هذا وماحس بروحي صار بس الدم يطلع شوية
ودخل دمار شاف حالتي واجه عليه يصيح

- شسويتييي بروحج ليييش هيج ليش

-ماجاوبته راح جاب لفاف ومعقم صار .. يمسح بالدم ولف اديه ورجليه واني ابجي
من الالم

- هذا علاج جبتلج بس استمري علي والله صيرين زينه لاتعبيني وانه متعوب منج ..

خذيت العلاج ونمت بسرعه ..

ريماس - مرت فتره وموعد زواج مسلم قرب بعد اسبوع ..

مسلم - رحت وره ميسر اركض لكيته واكف باب بيت عمي ابو درغام يدك جرس ويدك بالباب فلشه تفلش عليهم فتحوا الباب وطلع سيف

سيف - شبيك شبيك كسرت الباب علينا شصاير

ميسر - الباب ليش متفتحووو وخرر عني وخرر ابوك وين ابوك

سيف - وجع كون هذا ابوي جوه ....

ميسر - عمييي هو العم المن يرااااد

سيف - مسلم هذا شبي تخبل

مسلم - يمكن هههه دشوفه شون گام يلطم

ميسر - الحكليييي عميييي الحكلييي

ابو درغام - خير خير بوية شصاير شبيييك

ميسر - حجي شلونك ان شاء الله بخير

ابو درغام - الحمد لله شبيك

ميسر - حجي انه اليوم جايك

ابو درغام - انت ماوراك بس مصايب

ميسر - انه وراااي بس مصايب مع الاسف المهم اريد اطلع من العشيرة اليوم

ابو درغام - شنوو

ميسر - اي اريد اطلع من العشيرة

ابو درغام - اي ليش

ميسر - انه مو من العشيرة انه مو جبير يزوجون لمسيلم ابو الوصخ الصغيرون وانه مايزوجوني احووييي

ابو درغام - انت مخبل ومسودن شيزوجونك

ميسر - هسه انه اريدك تحلها انت عم لو مو عم مو يكولون لو ماتن الخالات قرب العمام

مسلم - هههههه

سيف - ديله بله گلب المثل گلاب

ميسر - المهم عمي مو صح

مسلم - عمي مصدوم

ميسر - هسه انه جيتك تحلها وتكلهم ليش مايزوجوني

ابو درغام - اويلي عليك مسلم عاقل ويزوجوه انت خبل

ميسر - هايي انه صرت عاقل يله ....

ابو درغام - هسه اخابر ابوك واشوفه

ميسر - اي خابر ابوي وگله راح يطلع من العشيرة ويجيبلكم سهبه اذا مازوجتوه

ابو درغام - ولك اسكتتتت لااكتلك

ميسر - انت تكتل ابوي يكتل عقاب يكتل وين اروح ماتكلولي اشررررد

ابو درغام - خلي اخابر ابوك

ميسر - اي خابره گله ميسر تخبل

ابو درغام - ولك اششش

ميسر - سكتنا سكتنا

مسلم - عمي لعب العگال عليه لعبه

ميسر - انه مخبببببل انت تزوج وانه لاااا

مسلم - انه اعقل منك ههه

ميسر - عمي گول لابوي ميسر راح ينتحر راح ينتحر من الكرسي. بعد انت بكيفك خابره

سيف - الله يهديك

ميسر - عمي دنطيني كيك عصير شسالفه

مسلم - عمي مغلس عنك هههه

ابو درغام - ابوك اتصل عليه ماكو

ميسر - دك على عقاب شوفه بكيفك انت

ابو درغام - اتصل علي عقاب بله

ميسر - دنطيني بطل ماي على الاقل يهل الداااار انطوني عصير عدكم خطار

ابو درغام - الوو ها عقاب

عقاب - هلا عمي

ابو درغام - شلونك شخبارك

عقاب - الحمد لله انت شلونك

ابو درغام - بخير اكلك بوية جاي ادك على ابوك ماكوو

عقاب - ابوي سد تلفونه من ميسر كلساع داك عليه

ميسر - انه عد عميي بعد تخبلتتت انه اعلمكم

عقاب - خيولي عمي هذا مخبل

ابو درغام - يگول شنو خاطبين لمسلم وانه لا وراح يعرس وانه بعدني

عقاب - عمي ابوي مايرضى يگول مخبل هذا

ابو درغام - هاي هيه بوية الله وياك

عقاب - ههلا بيك

ابو درغام - ها ميسر وهسه سمعت كوم من بيتي يلا وخلصني من خبالك

ميسر - بسيطةةة عمي شوف ولدك منهي عليهم خاف يزوجون انه ناهي عليهم

ابو درغام - دكوووم كوووم لاموتك هسه

ميسر - طلعت من البيت ركض عمي گاملي بالعگال ركضت بيتنا صاير مقابيلهم دخلت من الباب ويجييي ..
عقاب سحلني سحل

عقاب - دتعاااااال موتتني انت مليييت منك

ميسر - اخخخ اخخخ ولج يمة لحكيلي ابنج كتلنييي

مسلم - ههههه خطية وين مايروح تحصلك كتله

دهام - جبنا غرفه مسلم وغيرناها ..دخلنا للغرفة انه ودمار ونشوف ميسر خاتل جوة السرير

دمار - هاييي شسوي هنا شسوي

ميسر - انه هدية جيت وي الغرفه

دمار - دكوووم منا يله

ميسر - شبيك اريد اسمع مسيلم شيحجي وي خطيبته

دمار - رفسته برجلي دكوم كووم اطلع يله

ميسر - اهوو مااطلع انتو طلعوا طفو كلوب وسد الباب مالك غرض

دمار - استغفر الله

ميسر - يااخي روحوو شتردون

دهام - وشبيك تكرط بسنونك

ميسر - ياخويي غير صارلي اربع ساعات  انه ضام روحي هنا اريد اسمع مسيلم

دهام -  طيح الله حضك

دمار - تخبلت خو ما تخبلت كوووم اطلع يلااااا

ميسر - انه مرتاح هنا شبيكم

دهام - ولك شنو مرتاح دكوووم سحلته وهذا دمار طاحله دك ضرب كسره تكسر

فله - فزيت على صوت فتحت عيوني واني اشوفهم اربعتهم احس روحي راحت شهكت وخلوا اديهم على ركبتي يخنكوني صرخت واحس روحي نتهيت
"لحكوووووونيييييي "