رواية بيت الشيخ اسد الفصل الثاني عشر 12 - بقلم yaqin_2004

#بيت_الشيخ_اسد
#يقين_التميمي

ومن ردت گربگ لگيت الخيط
سايب ليش ياتالي الحبايب

دهام - واگف على المغسلة واغسل بيت صديقي واسمع صوت بنيه تحجي وياي

- لك هيوو حيدر صخام مو احجي وياك شبيك ماترد عليه

دهام - بقيت اغسل مادرت وجهي عليها وهي لسانها شطولة ولا سكتت

- خاب حويدر شبيك تخورست ماتگلي شبيك مو احجي وياك ..رحت عليه من
ورة لزمته من تشيرته ودرته لك موو.. صفنت هذا منوو هذا

دهام - تفضلي شتردين ترة مو حيدر انه دهام صديقة

- بعدني بصفنتي عليه ومااسمع بس صوت حيدر اخويي

حيدر - اميرااااا هاي شعدج هناااا

اميرا - ها رجعت باوعت لهذا دهام نوب باوعت لأخويي .. لا عبالي انت دتغسل ماعبالي صديقك هنااا ... عفتهم ورحت اركض لغرفتي يبوييي شيخلصني من حويدر هسه يلعب بيه لعبريلا هسه اني
شمدريني عبالي هو ديغسل وين ادري بصديقه هنااا

حيدر - اعذرني خوية دهام هاي اختي عبالها اني ماتدري بيك انت هنا

دهام - لا شسالفه يخوي عادي يلا انه اترخص مو تنسه اذا احتاجيت شي لسيارتك تعال گلي

حيدر - بعد اخوك ماتقصر

دهام - يلا الله وياكك

حيدر - ههلا بيك

دهام - طلعت من البيت اجت على بالي اخت حيدر كل مااذكر شكلة اضحك عليها كفشتها شكبرها بجامتها مرفوعه عبالك وحدة مخبلة نوب اسمها اميرا وين الاميرة بالموضوع ماادري بس عجبتي يوووو هسه انه ليش افكر بيها

ميسر - فلاااا ريماس يلا تعالن ويانا بسرعه

ريماس - شكوو وين

ميسر - وي سيف وفارس نلعب بالحديقة

فلة - خوش يلا جاييين

ريماس - رحنا للحديقة اني وفبه وره ميسر واشوف فارس وسيف كاعدين على كراسي وميسر واكف

سيف - تعالن كعدن هنا على كراسي

فلا - شنو لعبتكم

فارس - شايفه هذا نفاخ متروس ماي كل وحدة بيجن تلزم نفاخه فوك راسها واحنا وياجن هم وميسر يقرة مقطع من
اي اغنية ولازم احنا نكملها عنه اذا صح خوش واذا مو صح وماكملتيها هو لازم ابرة يفشج نفاخه عليج وتتنكعين ماي

ريماس - الله حلوة يلا خلي نبدي

فلا - كعدنه وميسر راح يم فارس واكف وراه وفارس كاعد على كرسي ولازم نفاخه مخليها فوك راسه

ميسر - البارحة لحد الصبح ماغمضيت...يلا كملها

فارس - خاف نايم الظهر

ميسر - تحشش عليه نايم ضهر

ريماس - ضرب نفاخه وفارس نگع بالماي متنه ضحك عليه

ميسر - يلا سيف هاي الك ...ماعفتك ولا مفكر

سيف - اعوفك

ميسر - عفيه سيف

فله - وگف وراي ميسر وصاير يغني

ميسر - اعرفك مو حلو وماجوز

فلة - منه المو الي

ميسر - يلا فارس - يمة يمة شكد حلو

فارس - اخر الحب واولو

ميسر - ياليالي ياليالي

سيف - صعبه بدونك ههه

ميسر - دنجب منين صعبه بدونك

سيف - خرب نكعتني

ميسر - اليوم هوسنا الامان بدارك

ريماس - لو تصير الموت هم اختارك

ميسر - اتضن بعد مااحرقتني

فلة - موو بعد ماادري شنوو هههه ياااي شبيك نكعت مي

ميسر - هذا العراق يضل شمس

سيف - مايطفه نوره

ميسر - مشتاك موت لهل وجهه

فارس - مفاركني صار هوايه

ميسر - شعجب منك من شيطان جوابت

عقاب - دخلت للبيت وذولة كاعدين ويغنون ونوب البنات وياهم وناكعات
ماي وصوت ضحكهم واصل لويين

- هايييي شصاير هناااا

ريماس - كل احنا طفرنا فارس وسيف وميسر ماشوف غير تراب وراهم بقينا
بس انه وفله ونوب فله شويه وشردي
بقيت بس انه باوعت محد يمي اتقرب
شيخ يمي وانه بقيت ابلعم

عقاب - اي ريماس شكو شصاير

ريماس - اا شيخ هو ذنلعب لأن ضوجة

عقاب - شايفه ملابسج شون لازكة لزك بيج وكل مفاصيلج مبينه

ريماس - باوعت لروحي صدك دشداشه لازكة بيه من الماي

عقاب - امشييي روحيي بدلي لاتتمرضين ولاتلعبين وي ذولة مسربتين بعد

ريماس - عفته ودخلت للبيت گبل صعدت للقاط الثاني ومااسمع بس
صوت ضحك عالي جاي من غرفه
زوجة الشيخ اسراء هايي منو عدها

مااهتميت خليت ودخلت للغرفة بدلت ملابسي ونزلت يم جدتي وعمتي وعمي
شيخ انتبهت لعقاب جان لابس كله اسود

بقيت صافنه عليه وشون يشرب جكاير فهيت عليه رفع عيونه باوعلي وعقد حواجبه عزه من شفته هيج گبل نزلت
عيوني من الفشلة وگمت اريد اطلع

عقاب - ريماس جاي بلا زحمة ولاتخلين بي شكر هوايي ماحبه

ريماس - هزيت راسي رحت للمطبخ سويت الجاي حضرته ونوب طلعت
الشكر خليت بالاستكان معلقة وحدة
صبيته وخذيته اله انطيته ورجعت
كعدت يم عمتي

عقاب - شربت جاي وشركت بيه ..لج ريماااااس هاي شمخليه بالجاييييي

ريماس - بقه شيخ يكح ويحجي ركضت انطيته ماي ..هااا هاا ماخليت شي والله

عقاب - لج يامامخليه شي هذا يشحط مخليه بي حامض مكان شكر

ريماس - عزاااا والله عبالي شكر شمدريني اني

عقاب - امشي امشي عني وهاي فهاوتج بطليها شون وياج

ريماس - عفته وصعدت بالغرفة من الفشلة يبوووي عليج ياريماس

فلة - خذيت جدرية جبيرة من المخزن ورحت لغرفة دمار فتحت الباب على كيف ودخلت لكيته نايم بسابع نومة حجيت بصوت ناصي

-اي نايم المدللول حلوة نومته

خليت الجدر على راسه غطه راسه كله لان جدر جبير وهو نايم ولا يدري
دكيت على الجدر بأدية بكل قوة وهو طفر طفرة وگع رأسا من السرير

رجعت اريد اركض اشرد بروحي وهذا كله صار وهو مصدوم وكعت على وجهي وهو بسرعه وكف ركض ولزمني من ايدي ركعني طراك ااااخخخ شاغت روحي من عنده

دمار - اكوو واحد يسووويي هيج عبالي صار انفجاااار بالبيت

فلة - هااايي ليش ضربتني والله اصلا هذا قليل سويته بيك تستاهل اكثر جنك حامضض طرشي

فتح عيونه على وسعهن واني واكفه يم الباب ركضت بسرعه وهو ركض وراي دخلت للغرفه وقفلت الباب عليه ولزمت گلبي يمة لو لازمني جان موتني وهسه اني بالنجف

دمار - فلااااا فتحييييي الباااااب

فلة - كسر الباب تكسر عليه يمكن شوية وينشلع الباب من مكانه واني بقيت افتر بالغرفه يبوييي هسه شورطني وياه اني دخلت بالحمام الي بالغرفه عاد حتى لو كسررالباب ودخل اني بالحمام

دمار - تفتحين لو شوووون وياج

فلة - ماافتح مخبلة وافتحلك الباب

دمار - خوش اتحملي الي يصير

فلة - سمعت الباب نكسر وصوت خطواته بالغرفه يتحرك ويصيح

دمار - وينج انتيييييي

فلة - شتريد يااخي شتريد

دمار - اريد ادبج صايرة وكحة بر****

فلة - كافيييي لاتغلط

صار يدك باب الحمام يربي اذا كسر باب الحمام هسه راح يموتني بهاي
الاثناء واني افكر ماحس غير الباب نشلع من الخوف وگعت يم رجلينه

دمار - شلونها الاجواء يمج

فلة - ها حلوة

دمار - ليش سويتي هيج

فلة - اشاقه شبيك ليش هيج متتشاقه

دمار - فلااااا هوايي تماديتي احترمي نفسج احسلج لااكسرج تكسر

فلة - خوش بعد ماعيدها التوبه

دمار - نشوف

فلة - ديلا هسه افصلك مكان ضربه شوف شسويت بيه

دمار - شو بلا خلي اشوف شسويت

فلة - كعد بمستواي لزم وجهي بقه يباوعليي

دمار - هاي شمسوي انه مشوهج

فلة - اي ماعبالك ايد عبالك حديد

دمار - يلا هسه افصلج شتردين انه خادم الج وهاي هسه ابوسج براسج

فلة - باسني براسي ..روححح مني ماريد احجييي وياك

دمار - انتي بس فهميني ليش هيج تتصرفين من يوم عقد الشيخ وانتي
متخبلة كلتي ماريد اشوفك ورحت
اسبوع كامل حتى مااضوجج وياي
بشوفتي كليلي ليش هيج تتصرفين

فلة - متأكد اتريد تعرف شنو سبب

دمار - احجيلي

فلة - خوش لعد اسمعني بيوم الخطوبة جنت ابدل خلصت وطلعت سمعت صوت بنية بغرفتك صار فضول عندي
دخلت للغرفة وضميت روحي بمكان زاوية ماانشاف بيها وشفت كلشي وفوكاها انت ابد مامنعتها مو تكول احبج هذا حبك هههه اني كلش غبيه صدكت واحد مثلك هم انتم الضباط شترجه منكم ماتملي عيونكم لازركة ولا الحلوة دومكم خاييينين

دمار - شهل سمعه هاي

فلة - ها شوف هسه انت عفت كل الكلام وركزت على هاي

دمار - اگول حبيبي شنو تغارين انتي

فلة - ليش حتى اغار علىواحد مثلك ميسوه يلا اطلع من غرفتي

دمار - اوييي صايرة قاسية

فلة - لاتقلد

دمار - خوش جا سمعيني بعد انه دخلت لغرفتي حتى ابدل واسبح وانزل جوه دخلت للغرفة لكيتها كاعده منتضرتني هي من زمان هيج تجي وانه اصيح عليها اريد مايفيد وياها ذابه روحها تعبت منها كلت خلي تحجي الي تريدة وتروح وحدها من تشوفني ماراح انطيها مجال هي راح اتأيس بعد وبعدين انتي
مابدلج بالكون والله

فلة - اي اي صدكت

دمار - بكيفج صدكتي لو لا انه حجيتلج الصدك وبقت يمج انه مثل الكامرا شايفه من الكامرا من اقربها على شي معين والباقي يصير ماواضح انه هيج اشوفج بس انتي واضحة والباقي مغوش

فلة - المهم يلا اعزمني مكان ضربة ضربتني ياها

دمار - مو تدللين اعزمج واخذج وشتردين طلبي اي شي

فلة - خوش

دمار - يلا انه نازل كدامج انتضرج بالسيارة وانتي لحكيني جهزي روحج على سريع تمام

فلة - تمام .. طلع من الغرفه اني اهم شي اشبع بطني اروح اكل الا اخسرنه
بدلت على سريع نزلت محد كاعد هاي
وينهم رحت للكراج لكيته يشرب جكاير

من شافني صعد بالسيارة واجيت صعدت يمه هدوء محد حجه عود
اني بعدني زعلانه منه وجهي ثكيل
عليه وصلنا ونزلنا للمطعم راقي

دخلنا للمطعم ودمار بس يتلفت ماادري عليمن يباوع

دمار - يلا تعاي امشي هناك

- اشر على مكان صاير بزاويا بحيث اذا كعدت بي اضيع ماانشاف ابد

فلة - هاي تحجي صدك انت وين تريد تكعدني هنا

دمار - والله بكيفج هذا موجود شتردين يعني اكعدج هنا خلي الرايح والجاييي
يباوع بوجهج

فلة - عود تحجي صدك

دمار - قابل مجذب يله امشي

- لزمني من ايدي ورحنا كعدني بواحد من كراسي وهو كعد مقابيلي يعني مكان بزاوية وهو كعد مقابيلي بحيث نحجبت الرؤيه عندي كل شي ماشوف اجه ابو المطعم وجاب المنيو وراح واني بقيت گالبه وجهي عليه

دمار - هذا المنيو كدامج ماطلبين

فلة - ماحجيت شي مخليه ايدي على خدي مسويه نفسي زعلانه عشتو ههه

دمار - ماتردين خوش يلا جيبي المنيو ارجعه وامشي خلي نرجع

فلة - لالا جيبه شنو صدكت شعدنا.. راجعين خذيت منيو بقيت اگلب بي

-اگلك دمار هذا شنو شو مكروط

دمار - هذا بصل شبيج ماشوفين

فلة - شمدريني عبالي لحم مشوي

دمار - لا

فلة - طلبت بالعشرين طلب يمكن المنيو كله طلبته ههه شوية وجابوا
كل الاكل خلوه على الميز نترس ترس

دمار - يعني هسه هذا راح تاكلي كله

فلة - لا بس اريد اخسرك حتى ماتضربني بعد

دمار - فوگاها تعترف

فلة - لعد تريدني اجذب عليك

دمار - لالا بس هذا شياكله الج

فلة - ماعليك اني اكله

دمار - ادري معدة لو گونية

فلة - بديت اكل وهو مكتف اديه وصافن مااكل اي شي

-شبيك متاكل

دمار - مااشتهي

فلة - بقه صافن اني كلت بگلبي هذا يمكن صافن على جمالي كتلة ...شبيك صافن خو ماكو شي

دمار - صافن عليج تشبهين جعفر

فلة - هزيت ايدي ورجعت اكلت حسيت روحي راح اطك من الاكل بعدها كمت غسلت وهو طلب الاكل الباقي يخلوه بسفري رجعنا للسيارة قبل لانصعد اجه
ولد وصاح دمار

- استاذ دمااااار

التفت دمار شافه انصدم فتح عيونه على وسعهن سحبني وخلاني وره ضهره

دمار - غسان شعدك جاي

غسان - والله شفت هل حلوة وياك كلت اجي اسلم عليها

فلة - يحجي ويأشر عليه

دمار - لك حيواااان احترم نفسك يانذل

فلة - هجم عليه دمار وزنكه وصار يضرب بيه دمار اضخم منه وهذا غسان صار جنه فارة يمه اني لزمت الكعد بأيدي
واجيت لهذا غسان من وره وضربته بالكعب على راسه دمار بسرعه عاف الولد واجه لزمني

دمار - انتي شبيج منووو كلج تعاي فزعي امشييييي للسيارة بسرعه

فلة - اوييي هسه شبيك فوك ماافزع وياك مو صوجك عفته ورحت للسيارة
وهو صعد وساق صار يم غسان هذا

دمار - هذا درس الك حتى بعد ماتحجي على عرضي خوووشش

غسان - ههههه اذا ماخذيتها منك مااتسمه غسان بسيطة روح روحح

دمار - ماتخوف جلبي

فلة - خله وساق سيارة بكل سرعه وعاط بيه

دمار - انتيييي شون تضربينه هااااا

فلة - شفتك ضربته كلت اكيد هذا عده عداوة وياك رحت وضربته وياك على واهسس

دمار - صبرني يربي علىهاي البلوة

فلة - هايي اني بلوة

دمار - لا انه شبيج احجي على روحي

ماسه - ماااا يمة والله الا اطلع اشتري تره جوعاااانه

سعديه - ولج يمة هذا اكل واكلي لو الا الاندومي الصخام

فضة - يمة حبابه هسه خلي نروح

سعدية - لاااا ماطلعن

ماسه - والله الا اطلع امشي فضة ويايي يلا بسرعه

فضة - لبسنا عباية راس اني وماسه وطلعنا للمحل اشترينا اندومي وونريد نرجع للبيت مانشوف بس جلب واكف شوي بعيد عنه

ماسه - فضة امشي نرجع لابو المحل خلي يجي يطلعنا هذا جلب نخاف منه لايهجم علينا

فضة - اني خايفه

ماسة - اني مثلج رجعنا لابو المحل

-عمو فدوة طلعنا منا هذا جلب هنا

ابو محل - عمو والله انه رجليه هل مشلول مااكدر اتحرك الا على الكرسي

ماسة - باوعتله صدك اني شون مانتبهت عليه ترخصت منه ورجعنا
نمشي اني وفضة ومانشوف الا سبع جلاب واحد بصف ثاني

فضة - لج ماسه عزاااا هاي سبع جلاب شون نرجع هسه

ماسة - فضة دتشوفين ذاك باب البيت مفتوح مال جيران مووو

فضة - اي

ماسه - سمعيني رفعي عباتج وخلي نشرد بذاك البيت

فضة - يلا خوش

ماسة - رفعت عبايتي وطكيناها ركضه اني وفضة جان اكو طسه مال طين طمست بيها ونعال الي لابسته تزحلك وحالتنه حالة صارت

دخلنا للبيت ونشوف نسوان كاعدات بالبيت من شافنا نصدمن بعدين انتبهن علينا وكامت يصرخن عبالهن مخابيل يمكن لأن حالتنه حاله

فضة - عزا هذني فضحنا بصياحهن

ماسة - امشي ولج خلي نشرد من بيتهن بسرعه نطلع

طلعنا من بيتهن ركض منا جلاب ومنا صوت النسوان يصرخن واحنا نركض والجلاب ورانا تركض متنا خوف لايعضنا جلب

وصلنا لبيتنا دفعنا باب بكل قوة ودخلنا كبل وكعنا بالگاع اني وفضه وكعت فوكي

ماسة - اخخخخخ ضهري

فضة - يمة طلعنا من الموت بسلامة

ماسة - رفعت راسي واشوف ميسر وفارس مقابيلنا مصدومين من حالتنا

ميسر - هاي شصاير بيجن شكو

فارس - وين جنتن

ماسة - اهوو سالفه طويلة حجيتلهم واحنا بالگع كاعدين وهم واكفين

ميسر - اخخخخ يمة بطني هههههه

فارس - حقهن نسوان يصيحن شايفات حالجن انتن

فضة - حقكم ماصاير الموقف بيكم منا جلاب ومنا صريخ نسوان

ماسة - كعدوا بالگع ويانا ميتين ضحك علينا ...عابتلكم عليمن الضحك هذا

فضة - كومي كومي خلي ندخل

ماسة - امشي يلا

ميسر - غسلن وجوهجن من طين ههههههه

ماسه - ماعليكك

مشهد من بارت القادم:

الكل كاعدين شباب كلهم موجودين يومين مرت وهو مختفي ماموجود
عمتي گلبت البيت گلاب بالبجييي

الولد كلهم طلعوا يدورون عليه شوية ودك جهاز شيخ عقاب رفعه جهازه وگف على حيله الشيخ

عقاب - انت شتحجييي من شوكت مسوي هذاااا الحادث

يتبع ....

لاتنسون تصويت
وشنو رأيكم