رواية بيت الشيخ اسد الفصل الرابع والعشرون 24 - بقلم yaqin_2004

#بيت_الشيخ_اسد
#يقين_التميمي

فلة - احس رجليه ماتن اريد اوگف مااكدر دموعي صارت تنزل اريد اسمع ان هذا الخبر جذب مو حقيقه ماريد اصدك نفتح الباب ودخلت ريماس وياها البنات كلهن

ركضت ريماس عليه وحضنتني وصارت تبجي

- رموسة شنوو هذا الخبر دتجذبون عليه مووو احجيييييييي لج احجيييييييييييي

لزمت متونها وصرت اهز بيها اريدها بس تگول ان الخبر هذا جذب مو حقيقه

زمرد - قوي روحج ياعيني لازم تصيرين قوية وهذا امر ربج بعد البقيه بحياتج..

فلة - دفعتهن مني وگمت طلعت من الغرفة ونزلت على درج ركض من شفتهم
هنا حسيت يعني صدك راح مني
اشوف نسوان لابسه اسود وعمتي بالنص ..
واگعه ونسوان ملتمات عليها ويبچن عليها

عيوني غوشن والدنيا صارت تفتر بيه اتجيت على محجر الدرج وماحسيت
على شي اخر شي سمعته...
ماكووووو جثته محرووووكه حرررررك
ماباييين بيها اي شي ...

- فتحت عيوني گوه لكيت روحي بغرفتي والمغذي مشكل بأيدي ..
وصوت صياح يرن بأذني رن گمت وخرت
الكانوله من ايدي الي تلطخت بالدم ...
ماهتميت فتحت الباب وطلعت لغرفة
دمار فتحت الباب وكفخني عطره ..

صارت دموعي تجري ..
صحت بصوت گوه يطلع ..دمار وينك انت
ماكو رد گمت فتحت الكنتور ماله ملابسي
وملابسه كلها مرتبه ..

جان المفروض اليوم زواجنه يادمار شلون تعوفني وتروح وترملني بيوم زواجي ..
طلعت قميصه وشميته وبقيت ابجي

-لك انتتتتت شلون تعوفنييي مو كلتتت ماعووووفج انييي لييييش هيييج لييش
كووووم اكعد ماريد شي والله ماريد بس
ارجع وكلشي ماسويييي بعد ...

سكتت من سمعت صوت دك موسيقى وكفت يم شباك غرفه دمار لأن غرفته ..
شباكها يطل على حديقة الي وره البيت
وشباك الثاني يطل على شارع ..

نصدمت واني اشوف منضرهم كلهم واكفين عمو اسد وابو درغام ..درغام
الي لابس دشداشه سوده وشاكها من
الطول الولد كلهم يدكون على وجهم
وصوت الموسيقى الي ماسكت ..
صور دمار كلها شايلينها الكيك شايله
يطشون جكليت قاط عرسه شايلي هم

ومشغلين لطمية -

ًيمة ذكريني من تمر زفة شباب ً
من العرس محروم حنتي دم المصاب
شمعه شبابي من يطفوها
حنتي دمي والجفن ذار التراب
يمه ذكريني من تمر زفه شباب

من ثدي النيبه راضع بصافي الحليب
وبهل شهاده صار الي قسمه ونصيب
حوفتي بدمي خلي يفرشوها..
حنتي دمي والجفن ذار التراب

فارس - اجت ناس شايله صواني وبيها جكليت وكيك وبخور وووو
ناس شايله كيك وحده
ناس شايله ملابسه
ناس شايله صوره
دمار ااااااخ يادمار مامتوقعين ان يموت هيج وبحادث وجثته محروكه حرك ج

شفت ميسر ومسلم ودهام وعقاب ومحمد ودرغام وعمي اسد يلطمون
على وجوهم ولابسين اسود
- كاااافييي ميسر كاااافي لادك على وجهك

ميسر - ولكممممم عوفونيييييييي رااااح اخويييي رااااح وخروووو عني وخروووو

تهاني - يبووووووووووييي يماااااا رااااح ابنييييي رااااااح عمتتتتت عينييي يمةة
ولك ماخذيتييييي وياااااك المن عفتني

سيف - اجوا كل اصدقائه الضباط جابوا الجنازه بعد ماغسلناها ناس هوسه صارت
والبيت نترس ترس ناس ..
دخلنا الجنازة بالاستقبال اجت عمتي تهاني

وصارت تدك وتلطم على تابوت عقاب صرب راسه بالحايط صار ينزف دم درغام
طك ايده بحافه التابوت صارت تنزف هم

عقاب - ولك دماااااار ولك كوم بعدنه ماخلصنه من المعاتب كوووم
ولك بعدنة ماخلصنه حجينه..
ولك يعني صدك خلصت العشرة ماتجينه بعد ولك شلووون الكبر يضمك يبو روح الحنينه كوووم..

محمد - خووووية راح اخلص العمر حسرات ونين ولك خوية موش هينين صعب الفراك موش هينين ولك خربت المحنة من مشيت ااااااخ يابوووية

دهام - ولكممم الاخو عزيززززز محد يملة
لو كابلته كل العمر مااملةةة
خوووية خلافك اشبع مذلةة

مسلم -ولك خوية اشم بثيابك ياخوية وكلبي ملجوووم واخخخ ياريحتك الضلت بالهدوم خوية اني بدونك العمر مايسوة ياخوية

الشيخ اسد - ولك بوووية اني بعازتك ردني اعله حيلي وروح

تهاني - ولكككك يمة انت مو تكلي انه يمج دوم ماعوفج ولك شلوووون عفتي ورحتت
ولك كوووم اليوم عرسك شلون تريد تبات
جوه التراب ومريتك تنتضرك كوووووم

فلة - نزلت على صوت صياحهم من سمعت جنازة اجت رجليه يرجفنننن
اريد انزل وماريد خاف اشوفه وخاف
اصدك هو ميت ..

نزلت وعمتي شافتني الولد الي راسه ينزف لو ايده بقيت صافنه وبس دموعي تنزل ..

تهاني - تعاليييي عمتييي تعالييي شوفي زوجج بيوم عرسج وعافج ...
لك تعال شلووون تعوف مريتك وترووح

فلة - كعدت يم تابوت لكيته فاتحينه ومغطينه بطانيه لزمت رجلينه من جوه
صايرات خشب صارت رعشه بيه
نسوان تلطم وزلم تلطم وتدك الموقف
بحد ذاته يبجي ..

اجة ميسر وصار يدك براسه بحافه التابوت
وشك دشداشته السوده
وصار يضرب بروحه عمو اسد يمه وصار يدك على وجهه الي صار احمر من كد دك
وكع وخذوه شباب مااعرفهم
لأن ولدنا كلها فاقده

بعدها اجوا زلم شالوا جنازه وطلعوا عمتي
صاحت عليهم

تهاني - اوكفوووووو شووووية

-الكل وكف وهم مخلين الجنازة على متنهم
رجعت عمتي وبأيدها نزلة العرس البيضه اني شفتها لو اني نفجرت بالبجي صرت اصرخ وادك على وجهي ونسوان لازماتني

فلة - لك هاااااييي تاليتك للگبر لك انتتتت مو تكووووول فلايتي ماعوفج بيوووم ولكك شلووووون هسه رايح للمكبرة ولككك لاتعوفني وتروح دمااااااااااار ....!!!!!!

تهاني - مهني يايمة وليدي مهني ادعيلي اموت وراك يايمه
- خلت نزله البيضه على تابوت وصارت ..
تطش جكليت وهم شايلينه وطلعوا...

رجعت دخلت حمام وسبحت لان لمست جثه الميتت واني سبحت على سريع وراها طلعت ثوبي ناكع ماي المهم الحك عليهم
واروح وياهم ..
طلعت من حمام واسمع نسوان يحجن بي

..خطيه يگولون طالع راح يجيب صديقه لعرسه ومن رايح الظاهر سيارته زارعين ..
بيها مفخخه ومتفجره
وجثته محروكه حرك حتى ملامحه ماباينه
من كد مامحروكه جثته

.. مايستاهل والله هاي عود اليوم عرسه جا شكد هاي مرته وجها فگر عليه

..اي والله يكولون بت عمه هي وبعد ماادري بيهم

ماهتميت لحجيهن عليه بس الي موتني من كالن جثته محروكه حرك وماباقي شي
بيها ..

نسوان شمرن عليه شال وعبايه لبستهن شلون ماجان طلعت حافي وملابسي ناكعه
طلعت وره عمتي على سريع ..
صعدت وياها بالسياره والدنيا الفجر صارت ..

صار كل الضباط الي جايين يهوسون هوسات على دمار ..

اجوا شباب كلها لابسين زي عسكري صاعدين بسياره والجنازه وياهم
ومسرين صفين منا صف ومنا صف
واحد وره الثاني يمشون ..

وبنصهم سياره الي بيها جنازه تمشي وراهم صياني ومشعلين شموع ..
وشايلين قاط عرسه وصور كلها اله
ورافعين اعلام لون احمر واسود ..

ويرددون بهل لطمية هم -

ًًالله وياك .. الله وياك
يوليدي الله وياك ...
طول الدهر ماانساك
الله وياك ..الله وياك

تمنيت يبني عريس والشبان يزفونك
مخضب بدمك يبني وزلوفك اعله متونك
يبني اختصرت الدنيا والجنة بين اعيونك
زفوه لگبر زفوه ... وبفيض الدمه حنوه
رافع راسي يبني بالشهاده..

الجنازه فوك السياره الي مقابيلنا وعمتي بس تنوح تجيت راسي على سياره
واشوف جنازته هاي المفروض اليوم ننزف
صارت زفته للمگبره

بقت سياره تمشي للنجف واني دموعي ولا نشفت وعمتي بس تنوح ميسر هو الي يسوق وخلص طريق مثلنا بس يبجي والدم بعده بي

وصلنا والولد اخذوا التابوت وراحوا يغسلون اله بالجامع كملوا تغسيل
ورجعوا رحنا للامام علي شيعناه ورجعنا
للمگبره بقينا بالسياره مانكدر ننزل
لأن بس زلم بقت هناك

بقيت اباوع للگبور واحس خنكه صارت بگلبي ختنكت كلشي مجرد ان اتخيل دمار
راح يصير هنا جوه الگاع وبعد ماشوفه
كملوا دفن ورجعوا الناس كلها اجانه ميسر

ميسر - يله تمشن ترحن تشوفن لو لا

- ماحجينا شي بقينا نمشي بين الگبور وعمتي صارت تلطم وتصيح ذبت عبايتها وشيلتها وصارت تملخ بشعرها

تهاني - ولكككك يماااااااااا ولك يماااااااااا هناااااا صرت وعفتنييييي ولك يمااااااااااا
هاي اجيتك انه كووووم اكعد تلكانيييييي

- وصلنا للگبر جان بس تراب عمتي كعدت بالگاع وصارت تشيل تراب وتخلي على وجها وتصيح وتبجي

تقربت يم قبره وكعت عليه حضنت قبره بأديه وبقيت ابجي واصيح .. لك دماااااار
ولك اتمنى موتك وهم مو صدك حبيبي انت مدصدك فاركتني ورحت بس گلي يعني انت بعد ماكوو بعد ماشوف وجهك ولااكدر حتى احجي وياك
يعني انت هسه صدك صرت جوه تراب وبعد ماشوفك لك شسووووي بالدنيااا
وانت ماموجود بيها شلووون انطاك كلبك عفتنييييي ...

عمت عينييي كووون هيج نزفك للمقبرة وقاطك وبيتك وغرفتك المن عفته اني المن عفتنييي والله شتاقيتلك ..

اجوا الولد كالوا لازم نروح لان ناس والشيوخ تريد ترجع كمنا بعد ماشبعنا
بجي على قبر صعدنا بالسيارة واني فاقده كلشي بهل دنيا
وره شوية طبكت سيارات كالوا نزلن تغدوا
حتى نكمل مانزلنا لأن اصلا مانشتهي شي

ماعرف هاي ناس شلون تنزل تاكل وترجع ولا كأن قبل شوية دافنيلهم ميت ...
بقينا ننتضرهم خلصوا ورجعنا للبصرة وهنا حسيت كلشي ضايع مني

زلم ولدنا كلها راحت للديوان واني وعمتي رجعنا اول مافتحوا باب نسوان تلكتنه ..
بقيت ادك على وجهي وحتى ثوبي شكيته
ملخت روحي تملخ نار بصدري اريدها تطلع مدااكدر نسوان يحاولن يلزمني ماخليهن صارن يبجن على حالنا

- ولككككك دماااار شحجيلك شصار بيه لك اكعدددد فدوة. لو ماخذنيي وياك ولا هذا العذاب الي اني بي ياربييي الصبر منك

ماعرف شصار بيه بس تهسترت كلش وحسيت روحي جاي تطلع وكعت بنص
النسوان ..

كعدت لكيت روحي هم مغذي ويمي ريماس لابسه اسود وتبجي
من شفتها دموعي صارت تنزل

ريماس - ليش هيج سوين بروحج حرام هذا الميت يتحاسب اذا سوين هيج خاصه
دمار هو بنفسه مايقبل هيج تسوين عليه

فلة - اريد اقره قران بس ساعديني وخري مني هذا المغذي

ريماس - اي صار

- ساعتني وخرت منيي المغذي وكفت وراسي يفتر يمي كم مره جبيره بالعمر
رحت توضيت ورجعت صليت وطلعت
القران بقيت اقرة ..
وي كل حرف بي تطلع شهكه مني وابجي
كملت قرايه قران وصرت ادعي ربي ..

فلة - يارب صبر قلبي على فراق حبيبي واكتب لنا لقاء في فسيح جناتك يامقابر
اخبري حبيبي الذي بين سكانك ان فراقه
قد كسرني. اخبريه انني لم انساه لحضه
اخبريه ان الموت سرقه مني وسرق معه
ضحكتي اخبريه ان لاشي يسعدني من بعده
اخبريه انني سوف ارعاه بالدعاء اخبريه انني
اشتقت له كثيرا اخبريه انني لم استطع الصبر عليه قولي له ان يسامحني ان كانت دموعي تأذيه اخبريه ان يقولون الموت تبدأ كبيره وتصغر مع مرور الايام اما انا فسوف يكبر كل يوم بفقده اخبريه انني قد اشتقت
لصورته
لصراخه
لعتابه
لضحكته
لطوله
لنبره صوته
لكل تفصيله صغيره فيه
اخبريه ان البيت مضلم من دونه
اخبريه انني اشتقت اليه كثيرا
وابكيه دهرا وعمرا
اخبريه لو كان العمر يهدي لقسمت معه ماتبقى من عمري
اسفه يارب على بكائي
لن انساك بالدعاء مهما حييت
فأنت حي في عروقي اتنفسك
يارب اربط على قلبي يارب صبرا من عندك
الف رحمه ونور على قبرك ياغالي
احبك وعدا وعهدا بشهاده الله واهل بيته

..الله يصبر كلبج يايمه اصبري مولاتنا زينب عليها سلام تحملت اشكال المصائب اهل بيتها كلهم نقتلوا كدامها واحد واحد ودعت غالي وراحوا بهبه ريح وهم اهل البيت الله ينطيج الصبر من زينب الحوراء
ياامي ..

فلة - هزيت راسي وكمت فتحت باب الغرفه اريد اصعد لغرفة دمار اشتاقيت
لعطره اريد اشمه بثيابه
ماشوف غير وحده لزمتني من ايدي حييل
وصربتني بطراك
رفعت راسي اشوفها معصومة

معصومة - لج انتيييي وجهج فگر عليه موتتتييي الرجال الله لاينطيج كووم الله
ياخذ عمرج واخلص منججج

فلة - ماحجيت شي وياها لأن وضعي مايسمحلي اعاركها واني تعبانه
صعدت فوك لغرفته فتحت الباب ودخلت
شفت بدلة عرسي معلكه بغرفته
اجيت لزمتها بأيدي وصرت اتلمس بيها ..

- دماري انت هسه دمرتني صدك من رحت اخذت حيلي وياك حبيبي

لكيت صور حنتنا اني وياه مخلينها بكارتون طلعتهن واشوف شلون جان يباوعلي بيهن

فلة - لك دمار منو بعد يباوعلي بهيج نضرات. منو يباوعلي بهاي النضرة الحلوة الكلها حب منو يعوضني غيابك بعد ابوية
حبيبي انت گلبي نار عليك والله شسوي بالدنيا الي مابيها عيونك الحلوة حسبي الله ونعم الوكيل على كلمن حرمني منك ينور
عيني انت

لكيت صوره اله خشبيه جبيره طلعت قاطه ولبسته للصورة
واني لبست البدله البيضه بدلت عرسي ..
مااعرف شنو حسيت بهاي اللحضه
بس صوت شهكاتي يتردد بالغرفه

- حبيبي دمار تذكر شكد جنت فرحان بيوم الحنه تذكر بليله الحنه شكلت منتضر ليله
عرسنا دقيقه دقيقه
هاي اني لبستلك البدله بس انت ماكو ماجيت لك لييييش ماتتحرك لييييش
كوم اريدك بس تتحرك بس تلزم ايديي
وتحاجيني هاي اني واكفه كبالك ودموعي
تصب يله حبيبي يله اكعد

حضنت الصوره وصرخت صرخة كل مااكول ماابجي بعد حررام ميجوز البجي
لان راح نأذي الميت بواجينا بس مو بيدي
مااكدر مااكدر
طلعت من غرفه واني لابسه البدله ولازمة
صورته نزلت الدرج ونسوان كلها شافتنييي
صار صوت صياح رج البيت رج...
وصوت عمتي الوحيد ميزته بيهم

تهاني - ولك يمااااااا كووووم مريتك حضرت روحهااااا وانت ماكووووو
ولك كوووم شوف حالتها هاي انت
الجنت ماتريد تنزل دمعه منها كوم
شوف غيابك شسوه بيها كووووم ..

كعدتني عمتي يمها واني صرت احجي بس وي الصورة وگان هاي العالم مو يمها فاصله عن كلشي صرت اهمس وي صورته

- حبيبي دمار شوف هاي انه مخليه صورتك ومكابلتك بلكي تتحرك وتحاجيني
شنسه منك بس گلي شنسه واني تعلمت
منك الحب بعمري ماراح انساك انت عايش بروحي لاتخاف دماري وماراح انساك بالدعاء
والله مشتاقتلك حبيبي ومحتاجيتك هوايه
تعبت يربي تعبت والله بدونك شسوي اني
يربي متصير معجزة وترجعه الي والله ماشبعت منه كسرني وراح من وكت عمت
عيني عليك احبك للموت دماري

اجن نسوان يمي وصارن يحجن ويهدن بيه كمت صعدت للغرفه نزعت البدله اييست
من رجوع دمار وايقنت ان هو هاهيه بعد هو راح وعافني مثل ابوية واخوية وهاي ثاني مرة اتيتم
نزلت جوة ورحت بغرفه عمتي بقيت اقره
قران وادعيله بالرحمه والغفران
وربي يرزقنا اللقاء في الاخرة ....

مااسمع بس عياط نسوان ويكولن اختنكككك مايتنفس ابد ...

يتبع ...!!

بنات طبعا امس البارت الي نزلته ومن ميسر بالسجن وصار يلطم
مجنت اسيئ للدين او اقصد الاستهزاء
بالدين ابد
يعني دخلت للتيك توك لكيت مسويلي
تاك على مقطع
ناشرته بنيه وصايره شريفه براسي طبعا
هي مو بس روايتي ناشرتها لاااا
ناشره حتى عن روايه جذبني فمك البني وتحجي عليها وعلى روايه ذنوب على قيد
الغفران هم احب اكلج اذا كنتي تقرين
رسالتي ان هاي روايات حققن نجاح جبير
ف من تجين انتي وتحجين تردين طشين
براس هاي روايات غلطانه حبيبتي
واحب اكلج ولأمثال هم ان روايتي راح اكملها وغصبا عليج فاهمه حتى لو كانت تعليقات سلبيه راح استمر بيها
وتحياتي للبنات الطيبات ...