رواية بيت الشيخ اسد الفصل الخامس والعشرون 25 - بقلم yaqin_2004

#بيت_الشيخ_اسد
#يقين_التميمي

ً ً فراگك صعب وشلون بيه ..!! ً

طبعا هواي بنات راسلتني تريد انزل البارت اني كملته من البارحه وعلى اساس انشره شوي بليل ساعه 10 بس هذا هدية الكم ..

فلة - تصدقت وسديت القران مابيه حيل فقد عزيز بعد ..
طلعت من الغرفة واشوف البنات يتباجن
سألت ريماس ..
صوتي مبحوح يمكن حتى الواحد گوه يسمع

-خير شكوو منو الي ختنك ولج

ريماس - لج عمو اسد ختنك وخذوه الولد للمستشفى ادعي مابي شي

- تنهدت ورجعت بقيت ادعي لعمو اسد مابي شي ..
مرت تقريب ساعتين يله اجوا الولد وعمو
دخلوه بوحدة من الغرف حالته كلش موزينه صايره عنده جلطه ..

عفت الهوسه وكلشي صعدت لغرفة دمار
واول مادخلت كل ذكرياتي وياه
مرت عليه مثل الشريط وبجيت

مر تقريب سبوعين احنا على هذا الحال البيت مخيم عليه الحزن الشباب على..
كد الاكل ينجمعون وابد مايسولفون ....

يكملون اكلهم ويطلعون من البيت يايرحون لشغلهم يا غير مكان ..
اني سكنت غرفه دمار ابد ماعفتها ..
بقيت اقره قرأن دوم بيها
اكلي صار قليل وبدايه الاسبوع خلصتها
بالمستشفيات ..
نفتح باب غرفه دمار ودخلت ريماس ..

ريماس - تره مايصير هيج الاكل لاتاكلين لاتنزلين حتى عمتي تهاني ماقبلت عليج ..

فلة - حبابه كلشي ماريد بس عوفوني بحالي ..

ريماس - شنو نعوفج بكيقج هيه يله كومي هذا اكل جبته الج لاضلين كل شوي ماخذينج للمستشفى واگعه علينا..

فلة - والله مااشتهي شي

ريماس - لاااا تاكلين وهسه كدامي

فلة - تعاي انتي هم حامل واني هلفتره عفتج وحدج عذريني

ريماس - عادي يابه اهم شي تكونين بخير

فلة - كعدت يمي تسوي لفات واني كوه اكل لگمه وهدوء محد حجت بينا ..
بعدها ريماس خذت صينية الاكل وراحت

- كمت فتحت جرارة وطلعت صورته تلمستها بأيدي مر سبوعين على وفاته
واني ولا لحضه نسيته
وكل مرة اتخيل هسه يرجع ماميت هو

-ليش ماطولت رحت برمشة عين ليش مابقيت حتى لو مريض اخدمك بعيوني
اشيلك بروحي
ليش رحت بسرعه ليش وليش وليش..

اصعب شي من تشتاق لشخص وهو مو بهاي الدنيا اصلا ..

كمت طلعت تلفوني ورسائلة وياي طلعتهم وكل حرف اقراه ابجي ..
لك دمار اول مرة ليل صرت اخاف منه
صرت ماريد الليل يجي

الليل وجع خاص .. والله المستعان
اللهم صب عليه من الصبر امطارا..
يارب بقد اشتياقي له ارحمه واغفر..
له واسكنه فسيح جناته ياارحم الراحمين

مسحت دموعي وتذكرت قبل من جنت ابجي كل مرة هو يمسح دموعي بأيده ..
اااخخخ فراكك صعب والله

نزلت جوة وهاي اول مرة انزل من بعد سبوعين حتى كل خميس يسوه ماانزل
لكيت عمتي كاعده وتقره قرأن رفعت
راسها وباوعتلي

تهاني - ياعمتي ميجوز هيج حابسه روحج بالغرفه اعرف متأذيه كلش اذا انتي زوجته
انه امه حبلت تسع اشهر ربيت وتعبت كبرته بهاي اديه وسهرت عليه ونكول هذا
امر الله الحمد لله والشكر

فلة - دنكت وصارت تمسح بدموعها اعرفها دتكابر وتقوي نفسها كدامي ..
تقدمت عليها وحضنتها حضنتني بأديها
وصرنا نبجي سوه

تهاني - ياامي كافي لتبجين شوفي عيونج الحلوات شصاير بيهم والله لو يدري دمار
لو عايش ويشوف حالتج جان تخبل علينا

فله - عمتي الي راح مني اغلى من روحي والله اغلى هسه اني شريد من عنده بس
لو يحاجيني والله مشتاقه لكلشي بي ...

تهاني - يمه كسرني وكسرج بغيابه ... ربييييييي صبرنا ماريد منك غير الصبر

فله - بقينا على هذا حالنا هيج لحد مامرت اربعين ليله على استشهاده
وقتي كله خلصته اله بقراءه القران
ختمته اله خمس مرات ...

الولد مخبوصين الليلة نطلع للنجف لأن اربعينيته بين الي يطبخون ويحضرون وبين الي ملتهي بين ناس
ونسوان كلها تجمعت ومن ضمنهم سعاد
وبتها معصومة

جنت كاعده بغرفة دمار وصافنه على حيطان كل حايط مخلين بي صورته..
صافنه على صور ونفتح باب
رفعت راسي واشوفها معصومة

معصومة - ضايجة موو

فله - مارديت عليها بقيت ساكته مالي خلكها

معصومة - ربج ماقاسمه الج شوفييي ..
جاااان بس الييي وخذتي مني وماتهنيتي
لج ربج شور بيج تدرين ليش لأن هو جان
بس انيي يريدني وانتي لا

فله - كملتي

معصومة - لا بعدني شوفي ربج ماخلاج تتهنين بأحلى يوم بحياتج بيوم زواججج
خلاج تفاركينه صح اني ضايجه على موت
دمار بس فرحانه لأن كسرج

فلة - ماتحملت كلامها وهي بقت تحجي وكفت ببرود وسويت نفسي اعدل شالي
اريد اطلع لزمتني من ايدي عبالها اريد ..
اطلع من الغرفه

معصومة - وين بعدني ما ....

فله - بعدهي مامكمله كلامها ضربتها على حلكها صار سنها ينزف دم مااكتفيت احس
روحي محتركه عضيتها بزندها ولزمت شعرها بأيدي كطعته من الجر ضربتها طراك على وجها خليته يصير طبع احمر بيها وهي هم ماقصرت بس محتركه ماعرف القوة منين جتني سحلتها من الغرفه طلعتها بره وسديت الباب عليه

-كوم يادماري ياحسرتي عليك كوم شوف شصار بيه بدونك بس كوم وشوف وين جنت تقبل احد يحجي ويايه كلمة انذليت بدونك عمري راح سندي نكسرت بدونك ابوية انت تعبت بعد تعبت والله ..

وره ساعه تقريب ندك الباب كمت فتحتها لكيتها ريماس

ريماس - ادخل لو هم احصلي كتله مثل المعصوره

فله - ابتسمت لا دخلي انتي مو مثلها ...

ريماس - لج نطيني ايدج ابوسها على كتله المعصوره نزلت لأمها تبجي وتشكي منج
وسعاد كامت تصيح شلون انتي كاتله بتها

فله - لاتخليني انزل اكتل سعاد هسه والله

ريماس - ستري علينا يمعوده بس والله عاشت ايدج على كتله مشوهتها تشوهه

فله - تستاهل هل حقيره هايييي

ريماس - ماعليج بيها .. صدك دزتني عمتي كالت خلي تحضر نفسها هسه ب 11 بليل راح نطلع للنجف

فلة - انتي ترحين شيخ قبل؟ ؟

ريماس - والله يافله ماكوو اقنع بي ومايقبل يكول اخاف عليج والدكتوره
كالت لازم تبقين بالفراش وماقبل اروح

فلة - اي زين يسوي شعندج رايحه بس تعب ابقس هنا احسلج

ريماس - يله اعوفج اني اروح اكمل التحضيرات الباقيه

فله - مو تعبين نفسج وتعبين

ريماس - ان شاء الله

فله - طلعت وسدت الباب وراها ...سبحت وغيرت ملابسي صارت ساعه ب 10 ونص نزلت لكيت نسوان كاعدات ومجهزات نفسهن ..
ماشوف غير سعاد وكفت عاطت بيه كدام نسوان ..

سعاد - انتييي شنوو من بشر اول ماجتج بتي عود تاخذ بخاطرج وتكول خطيه تهجمين عليها وتضربيها ماتستحين انتي
البومه الفگر من شفناج ماشفنه الخير...

فله - قصدج من شفنه وجهه بتج ماشفنه الخير وبعدين ماغيرجن الفگر انتن كلمن ويومه لادخلنيي بعد خووووش

- شفتها تريد تحجي عفتها ورحت دخلت للمطبخ يم البنات ..
ساعدتهن شوية وبعدها كالوا يله كومن ...
السيارات صارت جاهزه

لبست صايه وشال شلون ماجان عدلته صعدنا بسياره جبيره ..
كعدت يم عمتي تهاني
اجت ملا هم ويانه خلصت طريق كله تلطم بي وتهوس وراسي صار طبل من
كد مايسولفن ويقرن

وصلنا للنجف واشوف المقابر ودموعي ... صارت تنزل مجرد مااتخيل دمار جوه الگاع
وبهل حر الي يسطر سطر
نزلنا من سيارات ونسوان صارت كلمن تروح لأمواتها عمتي اول مانزلت من سيارة
مشينا مسافه وقبره بين من بعد مسافه مخلين صورته صوره اله جبيره واضحه لابس زي عسكري

عمتي وكعت عباتها على متونها شيلتها نفتحت شعرها طلع صارت تجر بشعرها
وتلطم على وجها وتنعى

تهاني - ولك يمةةة هنااا نايم بهل حررر ولك يمةةة شلون متحمل والله مابيه حيل
بعدك ياامي اخذني وياك اريد ارتاح گلبي نار عليك والله

- وصلنا يم قبرة باني كله عمتي كعدت يم الصوره وتبجي وتصيح والشباب يمها يبجون دمار خله بكل گلب واحد بينا حزن
كعدت فوك قبره حضنته ونمت فوگه وصرت احجي وياه ..

فلة - حبيبي شلونك شخبارك مشتاقتلك كلش هوايه اني مااذكرك لا بالخميس ولا بليله الجمعه ولا صباحيه الجمعه اني اذكرك بكل وكت وكل ثانيه تمر من عمري بدونك وگانك حي طبعا انت حي عندي ..
بداخلي اني امشي واحجي وي روحي واحجي وياك والالم مبين على وجهي ولا اغفل دقيقه
استغفر الك واترحم عليك رغم صعوبته
على كلبي يأنبني ضميري
تلومني نفسي كل يوم اموت الف موته بي
فراكك كلش قاسي
كل لحضه بدونك تساوي الاف السنين يكولولي تنسين وي الايام
شلووون انساك وانت بروحي عايش ...
ااااااه گلبي يتعذب من دونك عبالك قصتي
قصة زليخه وحبها لسيدنا يوسف هيج حبي الك يتكرر

رفعت راسي وبوست صورته الي مخليها على قبره فصلترعن العالم كله
وعبالك بس اني الوحيده الي يم قبره ..

حبيبي اليوم اجيتك اني وحاجيتك ردتك بس ترد عليه مانقهرت عليه من شفت ..
دموعي ماكلت ارجع الها تهبت بدوني
شيصبرني دماري
فهمني بعد روحي
هيج رحت وبعد بس بالگبور اشوفك عمت عيني عليك ابوية انت الله يجمعني بيك بأقرب وقت

تنهدت واني تسمع شهكات عمو اسد الي من يقره سورة القدر يشهك بيها ويرجع يكملها وعقاب مخلي ايده على عيونه ومتونه تهتز يبجي واكف على صفحه ...

ميسر الي شاك دشداشته السودة وصدره احمر من كد ماضارب عليه
وعيونه التعبانه من كد ماباجي

مسلم خشمه طك نزف يمكن ضغط صعد عنده وشابع بجي

لو دهام الي حالته تكسر الگلب واكف ويضرب راسه بقبر دمار ...

بقيت ادور على اسماء اعز اثنين عندي ادورهم بين هاي الهوسه كلها
واشوف اسمائهم شعور فرحة على حزن
مااعرف اعبر عنه شنو ..

وكفت ورحت يم مقابرهم كعدت يم قبر اعز انسان بحياتي ..

فلة - دكعد يبوية وشوف حالي بوية يتيمة بغير والي اني يتمتوني كلكم انت حسن دمار ليش عفتوني ورحتوا.
تدري يابوية شكد صعبه البنية بدون ابوها
تدري شكد تبقى مكسوره شكد ماناس رعوها
انت ماجنت بس ابو اليه لا جنت اخو الي
عينك عليه يل ماترد بنتك اني وحگي من اون عليك بس گلي شلونك
مشتاقه لحضنك وعيونك ..اااخ ياحنان عيونك

- بوست قبره ورحت يم قبر اخوية وكعدت يمه ...
حسون حبيبي اختك حيل تبجي وتريدك ...
اعرفك اني حنين انت وداعاتبك لأن انت عندي عزيز واحبك تدري سباح گلبي نكطع
من يوم فاركتني تدري ابن عمك بيوم عرسي
راح وعافني وماي البراسي من الاجر خلص
اااااخخخ ديربالك على دمار حسن حبيبي

وكفت اعدل شالي واجه عمو وكل الولد زاروا قبر ابوية واخوي وخلصوا

اسد - لاتبجين ابوية دامني عايش واشم الهوه ماخليج بعازت احد

فله - حضنته وصرت ابجي كل الي احبهم فاركتهم ابوية وامي واخوية وهسه دمار ..

رجعنا للسيارات وزرنا الامام علي ورجعنا للبيت
وصلنا تعبانين كلش صعدت لغرفتي سبحت وغيرت ملابسي ونمت ماادري بروحي من التعب

مر اسبوع عادي وكلعاده كلمن مخلصها بشغله ريماس تعبانه هلفتره ورجعت لحالتها قبل نفس الشي بس تتخيل اشياء ماهي بالواقع اصلا
صرت اني انضف بالبيت واكمله اروح اقره قرأن واهديه لدمار

كاعده اقره قرأن بالاستقبال ومااسمع بس تكسر اماعين بالمطبخ تصدقت وكمت .. اشوف شنوو
انصدمت من اشوف ادين ريماس كلها دم
وتكسر بالماعين

ركضت عليها اريد امنعها هي حامل لايصير بيها شي ويتأذه طفلها

ريماس - وخرييييييي عني خلي اكتله لهذا مايقبل يعوفنيييي موتني رجع من جديددد

فلة - لج شبيجججج انتي تخبلتي طفل بطنج لايصير شييي بيج ..
ماشوف غير خذت السجينه على على
كاونتر وركضت التفتت اشوف الشيخ
عقاب مستغرب وهي هجمت عليه
قاومها وصار يتلاوه وياها وهي مدري شبيها ولاتقبل تعوف السجينه ..

عقاب - كافييي انتي شبيج شبيج عوفييي السجينه اكلج عوفيهاااا

ريماس - ماعوفهاااا خلي اذبحك واخلص منك ماريد اشوفك وخررر عني لاتشوفنيي
وجهك ماريدك

عقاب - استغفر الله ربي .. هاي هيه راح اعوفج بس اهدي ماراح خليج تشوفينن
وجهي بس لاتأذين روحج

ريماس - بس عوفني انت وماسوي شي

فلة - اشرلي شيخ انتبه عليها وطلع من المطبخ وريماس كاعده بالكاع لمت رجليها حضنت روحها وصارت تبجي ..

- اي دفهميني ياعيني شبيج يعني رجعتي لنفس حالتج قبل لو شبيج

ريماس - لج اي اي وهلمره صار يتماده اكثر صار يخنكني من ركبتي شوفي اطباع
اديه على ركبتي تعبت والله تعبت

- رفعت شالها وركبتها كلها اثار اصابع وصاير لونه ازرك من يمي خفت ..

هديتها ورحت ردت ادخلها بغرفتها ماقبلت وصارت تبجي

ريماس - لادخليني هنا اتعذب والله اتعذب يضل يرفس حتى بطني ويگلي موتي

فلة - لتبجين هاي هيه امشي لغرفتي ..خذيتها لغرفتي نومتها بيها وسديت الباب طلعت رحت لعمتي
لكيتها مثل كل مرة تصلي وقرأنها ما
يوگع من ايدها

- عمتي اريد اطلب منج طلب

صدقت وباوعتلي بأستغراب ..

تهاني - تدللين عمتي محتاجه شي

فلة - عمه دمار عيد ميلاده باجر واريد اروح هناك يمه فدوة حاجي واحد من
الولد بلكي ياخذنا ..

تهاني - اي ياعمتي انه هم مشتاقتله كلش جهزي نفسج وماعليج هسه اخابر على واحد منهم حتى نروح

فلة - خوش بستها براسها ورحت صعدت للغرفة طايرة من الفرح راح اشوفه ..
خابرت على ميسر

ميسر - الو ها فله محتاجة شي

فلة - حباب وياك جيبلي نفاخ وشموع وكيك جاهز هم

ميسر - شسوين بي

فلة - ماعليك هسه جيبه وبعدين احجيلك

ميسر - خوش تدللين

فلة - الله وياك .. سديت الاتصال منه ورحت حضرت روحي دك باب الغرفه
طلعت فتحت الباب ميسر جايب كل
الشغلات الي وصيته عليهن

ميسر - اكدر افهم شسوين بيهن

فلة - باجر عيد ميلاد دمار وراح نروح اله هناك اسويله عيد ميلاد

- عيونه نترست دمع سوه نفسه يفرك بعينه وهو مسح دمعه حتى ماشوفه..

ميسر - منو ياخذكم

فلة - مااعرف عمتي كالت خلي اشوف واحد من الولد ياخذنا

ميسر - خوش يله انه راح اخذكم نص ساعه وحضرن ارواحجن حتى نطلع

فلة - خوش .. راح دخل لغرقته نزلت رحت كلت لعمتي حضرت نفسها واجه ميسر رحنا بسيارة وهو يسوق وصلنا الفجر تقريبا
للمقبرة
ميسر نزل وياي الكيك الي شتريناه من جديد بالطريق لان ذيج كريمته ماعت ..

رحنا يم قبره وانعاد نفس البجي ونفس صياح بس هلمرة اني وعمتي وميسر بس
شعلنا الشموع اني وميسر
وعلكنا النفاخ يم قبره بجيت ماتحملت بعد كعدت يم قبره ابجي

- دماري اجيت احتفل وياك يانور عيني انت واني گلبي متكطع وروحي تريد تطلع ردت
احتفل وياك بيتنا وبغرفتنا مو بالگبر اجيك
سويتها صدك دماري وعفتني سوده بوجهي ميلادك بالجنه احلى ياروح مريتك احبك للموت يروح فله انت ..

انت جنت كلشي بحياتي ابوية واخوية وحبيبي وصديقي واحلى حب بحياتي
رحت وغطت عيونك الحلوة التراب ..
وبقيت وحدي انتضر بس مارجعت
ماراح ايئس وابقى انتضرك مشتاقتلك
دمار گلبي
طك گلبي عليك كافي نوم ابوية انت ..

- كافي موزين عليج كومي يله خلي نرجع اكيد هو هسه هم مشتاقلج ادعيله بالرحمه لاتبجين عليه

فله - هزيت راسي وكمت وزعت الكيك على نسوان الي موجوده بالمقابر القريبه علينا وخليت الشموع مشتعله
رحنا زرنا الامام عليه السلام ورجعنا للبيت

ماشوف غير الباب صاير هوسه مگلوب گلاب ناس ومحمد ابن عمو اسد واگع
بالنص
ويكولون نخطف يدورون عليه ماكووو

يتبع ...