رواية بيت الشيخ اسد الفصل الاول 1 - بقلم yaqin_2004

#بيت_الشيخ_اسد
#بقلمي_يقين_التميمي

خضير هادي يگول..
اليدوس النار يدري مو ثلج جواه نار
↻
↻
↻

#اللهم_صلي_على_محمد_وال_محمد

واكفة على السنك واغسل اماعين احس ظهري نكسر
من ذاك الصبح لحد هسه
ماخليت شي مانضفته
واسمع صوتها الي يلعلع

ايمان: ولج صخااااام بت ام ***
وينج تعاااااي

ماتحملت غلطها على ماما وهي ميته بقبرها
احس روحي صرت ناااااار
طلعت من المطبخ واني بيدي الطاوة
جنت اغسل بيها

-هيييييي مامسموحلج تغلطين على ماما افتهمتي
عوفيها مرتاحة بقبرها

ايمان: خاب امشي امها بواگت الزلم باگت رجلي مني
بس الله اخذها موتها هاي حوبتي

-هه هو لو انتي بيج خييييييير
جان بابا مازوج عليج
واخذ ماما
لأن جان يشكي منج نهااااار كله
ومن اخذ ماما ارتااااح
بس ماتتت بسببج انتي ماتتت

ايمان بصياح: ولج شووو انتي لسانج طولان شنووو
بس لاعبالج كبرتي وتردين تسيطرين

-اي صحيح كلامج اني جنت صغيرة جنت برحمتج عايشة
بس هسه لااااااا بعد مامسموحلج
تعاقبين عبالج مثل قبل اسكت
واخاف منج لاعيني
بعد اروح لبابا خلي هووو يتصرف
وياج اوك ياحبابه

ايمان:هلاو صايرة قوية بت ** انعل***
دتعاي خلي اشوفج شسوي بيج
اريد احد يفكج مني اليوم

-هجمت عليه تريد تضربني مثل كل مرة ركضت للأستقبال
وهي وراي تريد تلزمني
اباوع الطاوة بأيدي
ابتسمت

صعدت على القنفة وهي جتي رأسا ضربتها على راسها بالطاوة
وهي داخت
بقت گوة واگفه على حيلها
كعدت على القنفه لازمه راسها
وهي دايخة

وخرت ايدها من راسها باوعت عليها ايدها كلها دم
خفت لايصير بيها شي واني سبب
تقدمت وكفت مقابيلها وهي دايخة
ردت اشوف وين الضربة
دفعتني من يمها رجعت ليورة

ايمان: امشي ولي من يمي
والله لأطلع هاي الضربة من عينج
لج اني اني تضربيني
بس بسيطة بسيطة اني الج

-والله كله من ايدج هذا هو
الي يدك الباب يلگة الجواب
انتي هجمتي عليه تردين ضربيني
عبالج مثل قبل واخاف منج
احترم تحترم

عفتها وصعدت فوك لغرفتي ماانكر ماخايفه منها
بس داحاول اصير قوية
حتى ماتستغل ضعفي

نضفت غرفتي سفطت ملابسي اخذت ملابسي ورحت اسبح
طلعت من حمام نشفت شعري المحابس عبالك
هو كيرلي ملفلف موتني
گوة يتمشط يشلع گلبي شلع

مشطت شون ماجان واسمع صوت
بابا واخوية
بقيت افرك بأدية
شون خاف تحجي لبابا ويعاقبني لأن
ضربت ست ايمان

طلعت من غرفتي ونزلت لكيت بابا كاعد على القنفة
واخوية حسن هم كاعد ولازم تلفون بيدة ويتصل ماعرف بمنو

احمد: ياهلااااا بروحي تعاي بوية يمي تعاي خلي احبج
- رحت يم بابا بوست راسه وهو باسني
كعدت يمه
وهو مخلي ايدة على متني ومخليني
على صدرة

احمد: بوية حسن وين هدية اختك الي
جبتها
حسن: اي بوية هاي موجودة
-باوعت على بابا وحسن الي طلع من
يمة علاگة وبيها علبة
فتح العلبة وطلع گلادة ذهب تخبل
ومكتوب بيها اسمي (فلة )

فلة: الله بابا هاي تخبل منين جبتها
احمد: شعدي غيرج يروح ابوج
هاي هدية نجاحج لأن نجحتي من
رابع وان شاء الله لو وصلتي للسادس
اريدج طلعين معدل اقوة
وطلعيلي دكتورة

حسن: اي هيه شعليها احنا ضالين
نحقق وي المجرمين
وهي كلشي يجيها على جاهز
فلة:برطمت بابااااا شوفه
احمد:ههه بوية حسن عوفها
حسن: تعاي ولج تعاي شبيج
راح تبجين غير نشاقة وياج
ولج انتي النفس اليصعد وينزل
عندي
فلة:ههه حبيبي اني اموت عليك

احمد: هاااااي شبيج ايمان
ليش شادة راسج

-اباوع دخلت ست ايمان وشادة راسها بشاش ابيض
ضحكت وضميت ضحكتي لااحد يشوفني
خفت لاتحجي وتكولهم اني الي سويت بيها هيج

ايمان: هاا جيتو لا مابيه شي بس وكعت على راسي ونزف دم شوية
احمد: غير تنتبهين شبيج
حسن: يمة اخذج للمستشفى يشوفوج خاف تحتاجين خياط شي

ايمان:لالا مابيه شي اصلا وكف نزف
-ايمان داتحجي وياهم وتخزر بيه اطمنت شوية من كلتلهم وكعت

فلة:امم شتردون اسويلكم عشا
حسن: لا لسوين شي خوية اني
جايب ويايه عشة كباب
-ها تمام اروح احضرة الكم

فلة: رحت احضر العشة خليت الكباب بمواعين وطماطة شوي وخليت بصل
لأن حسون يحب ياكل البصل بليل

اذكر مرة كتلة انت شون تاكل بصل بالليل اصير بيك ريحة محلوة
هو گال معليج اني احبه بالليل
كتلة اكو مثل يگول ان البصل

الصبح مثل صديقك
الظهر مثل اخوك
وبالليل مثل عدوك
بس هو وين ولايهمه شي حبيبي حسوني

تعشينا سوة وگمت سويت جاي لازم جاي يشربون هاكد
صارت عندي فوبيا بسبب الجاي
كد مايشربوه

هاك حسون هذا ثالث كوب تشربه تدري لو لا
حسن:ولج شسوي مو بيدي راسي يوجعني
-اي بس مو هاكد تشرب
حسن: ميخالف هاج صبي بعد
-صبيت اله باوعتله لزم كوب جاي
وشربه كله بدون مياخذ نفس

فلة: شهكت ودكيت على صدري
ياااااح عزااا حسن شون
شربته كله بدون متاخذ نفس
اباوع عليه اختنك من شاف تعابير وجهي وشون شهكت

حسن: خرب يومج
ههههه شبيج تره عادي متعود هناك
بالمركز دوم نشرب هيج

-والله مدري شكلك يلا اني رايحة اغسل ملابسكم وانام باي
احمد: الله وياج بنيتي

ثاني يوم نايمة وفزيت من نومي گمت مخروعه
واشوف ايمان كدامي وملابسي كلها ماي
بارد ذبته عليه وشهكت

ايمان:عبالج اسكتلج ولج
لاااا لاااا حبيبتي اني ماكلت لأبوج امس
لأن اني اريد اعلمج
واريد اشوف شون متخافين مني

-لزمتني من شعري وسحبتني واني اصرخ واعيط واقاوم بيها
اريد بس تفك شعري
كلما تشوفني اقاوم بيها تشد ايدها
اكثر على شعري الي احسه
تكطع بأيدها

ايمان: امشي لج امشييييي
لاتعبيني يلا حبابه

-دخلتني بالمخزن وهي شادة على شعري شمرتني بالمخزن
وطلعت بسرعة وقفلت الباب

لج هيييي فتحييي فتحييييي الباب
والله يجي بابا واگولة عليج
فتحي لج ماسوي شي بعد

كعدت بزاويا وابجي صوت الحشرات وصيص يرن بأذني رن
وظلمةةةةة حييييل واني اخاف من الظلمة بقيت احجي
ماماااااا مامااااا وينج تعاليلي وينج

نفتح باب المخزن وكفت على حيلي واشوف ايمان لازمة بأيدها
سيخ الي صاير لونه احمر من الحرارة
وابتسامتها الخبيثة

رجعت ليورة وهي تتقدم عليه وتضحك وتكول هااا خفتي مووو
اي اني اريدج هيج تخافين مني

ركضت عليه بسرعة وبحركة سريعه منها تريد تخلي السيخ عليه
واني قاومتها صار على فخذي من فوك
دشداشتي شاغت روحيي

صرخت صرخة لو ميت جان فز على صرختي احس روحي طلعت
من عندي ورجعتلي
كمية الالم الي شفته يمووووت الله لايشوفه لأحد

اشوف دشداشتي تمزقت من الحرك واشم ريحة نفس ريحة اللحم من ينشوي هيج جانت ريحة بالضبط
اشوف فخذي تشوهه من الحرك

ايمان: هذا عقابج يحلوة وهسه شوفي وسمعيني زين
اذا شفتج بعد تعلين صوتج عليه
لو تحجين بأمج
اعتبري نفسج ميته خووش

وهسه يلاااا كومي روحي صعدي لغرفتج ولاتنزلين منها
واذا تجة ابوج اني اگله نايمة او مريضة بس لاتشوفيني خلقتج
واذا سمعت بيج حاجيه لأحد عن الي صار
وحك ربج لأشوفج نجوم الظهر
ومستعدة اذبحج حتى لو انسجن

-طلعت من المخزن ماكدرت احجي شي روحي رايحة من الالم
وجهيي تبلل من دموع
والحرك يسعر بكلبي سعر

طلعت من المخزن گوة واني ذابه ثكلي كله على الرجل ثانية
لأن الي احتركت مااكدر بس اتحرك يزيد الالم عليه اكثر

وصلت للدرج واني رجلي موتتتني من الالم شون اصعد هسه
كعدت على البايه الاولى وگوة زحفت
لأن مااكدر امشي

فتحت باب غرفتي واني ميته من الالم وعيوني مغوشه من البجي
اخذت دشداشة ولبستها گوة اتحرك

طلعت عصارة حروق من الميز الي بغرفتي
وخليت على الحرك عصارة واني احس روحي راحت موت شفته بعيني من الالم
وبعدها ماعرف فقدت من الالم لو نمت

كعدت واني اسمع صوت يناديني بأسمي صوت بعيد حيل عني
شوية شوية افتح بعيني واسدها
لحد ماوضحت الصورة عندي
اشوف بابا وحسن كاعدين يمي والقلق مبين بعيونهم

احمد:ولج بوية ااااخ ولج ردت اموت
عليج من سمعت بيج
واگعه على السيخ ومجوية برجلج
حسن:بوية كوم خلي ناخذها للمستشفى خلي يشوفون
الحرك خاف يلتهب اكثر

-استغربت شدايحجي بابا بس سكتت لأن مااكدر احجي شي
لبسوني عباية وشال وطلعنا
بابا كاعد بالصدر يم حسن
وحسنن يسوق
واني كعدت ليورة وكل شوي يلتفتون عليه حسن ينافخ
وبابا بس يستغفر

وصلنا للمستشفى ودخلونا بابا وحسن مخلوهم يدخلون
اجت دكتور وضربتني ابرة مخدر
وبدة مفعول واني بديت شوية شوية
اغفي وماحسيت على شي

كعدت بعد فترة واشوف رجلي شاديها بلفاف بس بعدة الالم بيها
احمد: حسن بوية بسرعة روح جيب عصير ركض
حسن:حاضر
شوية ورجع حسن وبأيده عصير مااشتهي شي
جبروني اشربه كله وبعدها طلعنا من مستشفى
رجعت گبل نمت

راحت ايام عادية رجلي صارت زينة بس بقى بيها اثر الحرك
عرفت ايمان گايله لأبوية
ان اني واگعه على السيخ
سكتت ماحجيت شي

كاعدة بغرفتي بديت اقرة للسادس لأن سنة التجي بالسادس
وهاي عطلة بابا جابلي كتب اقرة بيهم
ونفتح الباب

ايمان: فلة يلااا كومي وياي اني حطلع للسوك كومي اخذج وياي
ابوج كال اشتريلها ملابس

فلة:بس اني ماريد مامحتاجة شي

ايمان: كتلج كومييييييي
لااعيد الحرك عليج والله

-استغفرت ربي وكمت لبست صاية وشال واخذنه السايق
وذبنا بالسوك وراح

دخلنا للمحلات وهي تشتري فساتين ملابس نوم
معطرات
اكسسورات
منضفات
مكياج
ماخلت شي مااشترته وتقيسه عليه
اخر شي متحملت وسألتها

-هاي ليش داتشترين هيج ملابس وليش داتقيسيهن عليه
شسوي اني بهل ملابس

ايمان:اشش مااسمع حسج
هاي اني شتريتهم الج حتى لو عرستي انتي جهازج كامل

-ومنو كلج اعرس اني
امشي رجيعهم ماريدهم

ايمان:هيي لج فوك ماحضرج قبل عرسج صوجي اني
ترة ماكتلج حتعرسين
كتلج عوود لو عرستي

وشوفي ديربالج توصلين لأبوج شتريتلج هيج ترة اذبحج والله
ماتجيبين سيرة ابد فااااهمة

-هزيت راسي
واني دخت من فرة سوك
وهي ولاتعبت ابد
بعد ماكملنا اتصلت على السايق
اجة ورجعنا للبيت

يوم الجمعة

نزلت جوة شغلت شاشه وطلعت قران بديت بتنضيف البيت
بابا وحسن ماكوو عدهم خفر
هم ناس معروفين بالدولة تاج وباج

كملت تنضيف البيت وبخرته صار يخبل نضيف وريحة عطر
وهو بناء جديد احس روحي ردتلي
جتي ايمان

ايمان:فلااا يمة يلا بسرعة روحي صعدي فوك لغرفتج
ورتبي روحج
ولبسي فستان الاحمر الي شتريته الج
وخلي مكياج

-ستغربت هاي اول مرة تكول يمة
شكووو ليش حتى البس وتمكيج
خوو ماكوو شي

ايمان:لااا راح يجون اقاربي واني اريد افتخر بيج
وبجمالج
اريد يشوفوج حلوة يلا بسرعة صعدي
حيجون حيتأخر الوقت

دفعتني على الدرج هزيت ايدي وصعدت
احلف عليها مو صاحية هلمرة
ساعة زينة ساعة موزينه ماتنعرف

صعدت گبل للحمام
سبحت وطلعت شسورت شعري
ولبست فستان الاحمر
خليت مكياج خفيف
مشطت شعري
فتريت اباوع لنفسي صرت حلوة

شوية وسمعت صوت هوسه يمكن اجوو
نتضرت شوية
وطلعت من الغرفة توني داانزل باية الاولى
ومااسمع بس الهلاهل وطش الجكليت

عقدت حواجبي
ونزلت تفشخت من الجكليت يذبوه على راسي
وجتي مرة جبيرة بالعمر وهي تبوس بيه
وتحضن

-اااااف يمة شحلاتها عروستنا
يحفضج الرحمان ييمة

فلة: احس سطل ماي بارد وذبوه عليه من حجايت المرة
فتحت عيوني على وسعهن ولتفت على
ايمان وهي تتبسم الهم

ركضت وراها للمطبخ ولزمت زندها
تعاااي احجي وياج
شنوو هاي المرة شتكول شنو عروسه

ايمان:اااخ وخري ايدج
اي اني اريد ازوجج واخلص منج مادام ابوج واخوج اليوم موو هنااا
خلي ازوجج واخلص منج
-عفتها ورحت ادور على تلفون ماكووو

ايمان:لادورين ولاتعبين
ضامته جهاز حتى خاف تتصلين بمنقذج ابوج امشييي يلااااا
الشيخ داينتضر حتى يعقدلج

فلة: سحبتني من ايدي ودخلتني للاستقبال واني اشوف نسوان
يتهامسن ويسولفن
كعدت على كرسي وابجي متتت

ردت بس بابا لو حسن موجود هسه
تمنينهم يمي
ويشوفون شيصير
يعني معقولة حتزوج بدون مااحد

خلت عليه غطا ابيض وخلت رجليه بماي وبس ورد وياسين
وخلوا قران بحضني
وطلعن صورة الفتح
وفتحن ادية خلن بين كل اصبع
واصبع هيلة

اجوي نسوان ويصلن على محمد واني
احس نفسي
مثل لعابة ويحركون بيها
مصدومة بكلشي ديصير

فتحوا باب شوية حتى اشوف الي هذا يتسمه خطيبي
واني شهكت وكرصتني ايمان حتى لااحد يحس او يشك بشي وتمشي خطتها
مثل مارادت

اشوفه واحد سمين واسمر وكرشة شكبرة وحلكة فاتحة
ويضحك فرحااااان فرحاااان
واني ميته بجي

بدة شيخ يحجي وماعرف شيحجي وبالي موو يمة ابد
نغزتني ايمان تنبهني
واحس غصة صارت بلعومي
ماريد اوافق ماريد
بجيت وشهكت خليت اديه على
عيوني وابجي

نسوان تفاجئن بيه والشيخ ماعرف شيحجي وياهم
التموا عليه واني ميته بجي
ومااسمع بس صوت الرمي
الي الكل بالبيت انصدم
وندفع باب و......

يتبع.........!!