رواية بيت الشيخ اسد الفصل الثاني 2 - بقلم yaqin_2004

#بيت_الشيخ_اسد
#بقلمي_يقين_التميمي

يالحسرتج حسرة
المچبود وادموعچ تبدّت
يالعلى اجروحج اعز الناس
من شافت تشمت ..!
يالتظنين الشمل يلتم
شمل عزّج تشتت ...!
عريان السيد خلف
↻
↻
↻
فلة: نفتح الباب ودخل بابا وحسن بشهامتهم
وزيهم العسكري الي يخبل عليهم
دموعي نزلت

احمد: ولكم كوا*** جايين تردون تاخذون بتي مووووو
وابوها واخوها ماكو وستغليتوا الفرصه موووو
دتعالوا اليوم اطلع حليب امكم من خشمكم

-اشوف بابا وحسن هجموا عليهم وصاروا يضربونهم
واكو شباب اثنين بزيهم العسكري هم صاروا يضربون بيهم
والاستقبال صار حلبة مصارعة ماعرف اضحك لو ابجي على الموقف
الي صرت بيه

حسن:والله والله مااعديها الكم بسيطة ولكم تردون تاخذون اختي وتزوجوها واحنا ماندري مووو
والله الا اخيسكم بالسجن
انتم ماتعرفون ويامن ندكيتوا

-هجم حسن على هذا الي يريد يزوجني حسن طويل وضخم
وهذا صار يمه مثل الفارة

لزمة حسن من قميصة وصار يضرب بي
شوهه وجهه تشوه
كسر سنونه تكسر
صار وجهه مينعرف من الدم

احمد:امشواااا طلعوااا من بيتي ياعاااااارات
جايين لبيتي وياخذون بنتي بلا علم
امشووووو طلعووو يلاااا

حسن:خلي ناخذ هذا بوية نخليه بالسجن حتى يعرف ويامن ندك
احمد:لا بوية احنا كفينا وفينا وخلي
اشوفهم مجرد خاطين خطوة يم بيتي
الا اخيسكم بالسجون واذب عليكم تهم
بالمخدرات يلااااا برة

-شيخ عمامته وكعت من شاف بابا وحسن شلون معصبين
لزم عمامته بأيدة وطلع يركض
نسوان طلعن والبيت فرغ من الناس
وحتى شباب الاثنين استأذنوا من ابوية
وراحوا
التفتت بابا على ايمان

احمد:اي ياايمان فهمني شنو هاي الهوسة هاااااااا
ايمان:مثل ماشفت بعينك ناس اجت
تخطب واني وافقت شكوو بيها

-اجة حسن يمي وحضني واحنا صافنين نسمع كلام بابا وايمان

احمد: انتي شنوو بشر لو حشر
فهمينيييييي كم مرة كتلج بوية بتي ماانطيها اريد اكمل دراستها
وانتي كسرتي كلمتي

ولو ماسامع من جيرااااااان يتصلون عليه ويكلولي اليوم مهر بتك
واني تخبلت جيت طاير
توقعت توقعت كلشي منج
كلت خاف مالحك خاف هسه
عقدت الهااااااا

ولج شسوي بيج هسه فهمينيييي شسوي اخذها واطلع تنج
اخليج وحدج بالبيت
ولج هاي يتيمة ماخفتي ربج
شيسوي بيج
مو تتعاقبين بسببها باجر

حسن:بوية اهدي على كيفك لاتوگع علينا ضغطك لايصعد
احمد:هوووو وين اهدي من ورة امك
اكو راحة بال من وراهاااااا

ايمان: اني هذا الموجود عندي اني ازوجها شئت ام ابيت
اذا يوم ماتزوجت ازوجها غير يوم
والاحسن الكم توافقون ونزوجها
لك اني اكرهاااااااا اموت من عدها
اني ماصدكت خلصت من امها
نوب تجي عليه هيه

فلة:گعد بابا على القنفه وعيونه حمر لزم راسه بأيده ودنك
رفع راسه من سمع ايمان حجت على ماما
وعيونه حمرررر صارن
حچه بكل برود

احمد: انتي
طالق طالق طالق

-فتحت عيوني على وسعهن من صدمة بابا رمه يمين طلاق ثلاث مرات
التفتت على ايمان
الي كانت باردة حييييل

ايمان:هه طلكتني على مود هاي مووو
بسيطة بسيطة
ان ماندمتكم مااتسمه ايمان مااطلع بت امي اذا ماسويت بيكم مصيبه

احمد:كافييييي كافييييي
امشي ولييي لأهلج يلاااااا وباجر ادزلج ورقة طلاكج اخلص منج
يلااااا ولييي ماريد اشوفج يامگموعه

ايمان:مااطلع وهاي اني كاعده هنااا واريد اشوف شسوي

فلة:وگف بابا وراح للغرفة ركضنا وراه اني وحسن لايصير بي شي
شفناه طلع جنطة وخله بيه ملابس ماما وكل غراضها
طلع من الغرفة وراح فتح باب الرأيسي وشمر جنطة برة بالشارع
ورجع طلع ماما من البيت

احمد: لاتشوفيني خلقتج بعد
حسن بوية امشي روح ودي امك لأهلها
واني كم يوم اطلكها بالمحكمة

-هز راسه حسن واخذ سويج سيارة وطلت من البيت
اخذ امه يدزها لأهلها
التفت بابا عليه بعد ماسد الباب

احمد: سامحيني بوية
امج امنتج عدي واني ماكدرت احافظ عليج
لو متأخر شويه بعد جان هسه ذولة كوا** عاقدين عليج

فلة:رحت حضنته وهو يبوس بيه ويعتذر واني ميته بجي بحضنه
اشم ريحة ماما بي

احمد: كافي يبويه كافي عذبتيني بدموعج هاااي

فلة:خلص خلص ماراح ابجي بعد
بابا تعرف انت الي سريته غلط
هي تبقى زوجتك وام ابنك
اهدي شوية ورجعها

احمد:ولج بوية اني ماصدكت اخلص منها هاااي مو ام
امشي بابا امشي روحي ارتاحي
ماريد دوخج بهل سوالف

فلة:عافني وراح دخل لغرفته نام بيها واني صعدت بدلت ملابسي
وبديت الم بالهوسه الي بالبيت
ودخل حسن عليه

حسن:هاي شنو العروسه دتشغل

فلة: رحت بسرعة حضنته وهو يمسد على شعري

حسن:لالا هاي منو يبجي ولج دموعج تحرك بكلبي لاتبجين
والله انعل والديهم ذولة
وراح ابقى وراهم واني اعلمهم

فلة: حسوني امك تطلكت بسببي
اني بابا طلكها من ورايه
الله يخليك قنعه خلي يرجعها
اني مسامحتها فدوة

حسن:اااااخ ياكلبج الحنين هذا بعد كلشي سوته بيج
اني لو منج افرح
وبعدين ابوج هو قرر ومايتراجع عن قراره خلص ارتاحي انتي

فلة:بس هاي امك ياحسن امك

حسن:ام وتأذيج انتي مااقبلها
صحيح تبقى امي
بس الي سوته غلط
ولو كنت بمكان ابوي
جان سويت مثله هم

فلة:يعني مابيها مجال

حسن:خاب شو تعاي توفي عوفي شغل لاحكة عليه
امشي خلي ناكل من هذا كيك جايبته امي حرامات نذبه خلي ناكله

فلة:غمزلي ولزم ايدي كعدنا على الميز ناكل كيك وعصير
وهو يضحك بيه
بس اني حاسه بذنب
ذنب امه تطلكت بسببي

حسن:ولج كومي يلااا خلي نضف البيت سوية هاي غراض كلها مكسرة

فلة:اي غير هاي انت كسرتهم
ماخليت شي
حتى ناس خليت دمهم بطولهم

حسن:ولج يبلوة غير علمودج
ولج من سمعت اني تخبلت
وجينا بسرعة لهناااا
وبعدين يستاهلون يطبهم مرض
حتى بعد مايفكرون يوصلون لذيالج

فلة:ههه الله يحفظكم الي حبيبي

حسن: دكومي يلااا ام حبيبي

كمنا وهو بدل ملابسه واجة نضف البيت وياي ويضحكني
ويذب عليه الماي نكعني تنگع بي
طلع زبل برة
وكمل تنضيف البيت

حسن:الله شوف البيت شون نضفته اني فديتني
فلة: هيووو ترة اني نضفته وياك
حسن:نجبي اني انضف احسن منج
فلة:حسننن
حسن:ههه يروحه
فلة:اني اروح اسوي عشه
حسن:لا لسوين راح اجيب جاهز
روحي ارتاحي انتي
فلة:تمام عيني

مرت فترة بابا وحسن يرحون لشغلهم واني ابقى بالبيت انضفه
واسويلهم اكل
اغسل ملابسهم
بابا كمل اوراق طلاقه من ايمان وطلقها وراحت بعد ماشفتها ابد

داقرة بكتب عن علم نفس هذا اكثر اختصاص احبه
رغم بابا كال مايمشي بالعراق بس اني كتله احبه واريد اصير بي
ماحجة شي كال عادي الي تحبي سويه

احمد:ولج بوية عيونج لاتنعمي من هلكتب هاي كافي
فلة:ههه لابابا هاي كتب داوسع عقلي بيها
المهم تعاي يمي بابا خلي اكلج شي
تفضل شنوو
بوية اني طلبت اجازة كتلهم عدي عائلتي اريد اسافر
فكيشن سفرة عائلية
واسطات وهاي رغم ميقبلون نسافر بس صارت وهسه اريدج تحضرين
حتى الاسبوع اليجي احنا نسافر لتركيا
يااااي بابا دتحجي صدك
اي بوية قابل مكذب عليج
ركضت عليه
وحضنته وابوس بي
الله يحفظك علي ياتاج راسي انت
ههه ولج كافي بوية ختنكت
اي غير احبك
واني اموت عليج

خلص هذا الاسبوع واني وحسن نحضر للسفرة
واليوم هي سفرتنا لتركيا
وصلنا للمطار وصعدنا
مقعدي اني وحسن سوة
شوي وتحركت طيارة وبعد
مدة وصلنا لتركيا ودتنزل طيارة
لزمت راسي
اكثر شي اكرهه من تنزل طيارة
يصير صداع براسي يمووت
هاا ولج شبيج ليش لازمة راسج
لك حسن احسه حينفجر
تعاي تعاي بحضني
حضني لحد ماوكفت
نزلنا واني دايخة من طيارة

رحنا للشقة نرتاح
وخلصت ثلاث ايام من سفرتنا بتركيا
مانكعد بالشقه هواي
خلصناها كله طلعه
ماخلينا مكان مارحناله
فلة بابا تعاي يلا وينج حنتأخر
اي اي بابا جيتك
نزلنا اليوم حنروح للبحر
وصلنا ورحنا اني وحسن نلعب بمي البحر اطرافه
ولج لاتكمزين صغيرونه انتي
شبيك حسن دخليني هسه هو منو
يعرفني
امداج عود انتي هم ملاية وتقرين
بمحرم والله لو تشوفج عمتي جان
بعد ماخلتج تقرين وياها بمحرم
ياحبيبي ياحسوني ترة حتلو ملاية
يعني شنو حرام اسوي وانفهه عن نفسي
ماعليج بأخوج بابا تونسي تونسي
ايييي هاي شبيك ليش ذبيت ماي عليه
داقلد ذولاك هو وحبيبيته ههه
كلت خلي اذب عليج مثلهم
صدك حسن ليش متزوج
لاااا ماريد ازوح خليني هيج احسن
تعاي انطيني ايدج خلي نركض
لزمت ايدة وطايرين من الفرح
ونركض على البحر
بعدها رحنا لمطعم نتغدة كعدنا
بحديقة تونسنا ولعصر كله نفتر

رجعنا للفندق واجة اتصال لبابا
الي بعد ماسد الاتصال منه اباوع
عليه وجهه نخطف
بابا شكوو شبيك منو الي اتصل
ماكو شي بابا بس يكولن داعش
واصل للعراق ولازم نرجع نأمن
كلشي بالعراق ونرجع نستقر هنا
بتركيا
بوية همزين شترينا لشقه هنا بتركية
اي بوية حسن همزين شترينا
حضروا نفسكم باجر نرجع انضبط
امورنا بالعراق
وبعدها نرجع لتركيا

حضرنا جنط كلها وبعدها ثاني يوم
رجعنا للعراق
وصلنا لبيتنا الي بغداد اخذنا كل الي
نحتاجة ورحنا لبيتنا الثاني الي بالموصل
لأن الامر بابا موجود بالموصل ولازم يرتب امورها ونطلع لتركيا

وصلنا للموصل وكعدنا بيتنا قفلنا لباب علينا بابا جهازة ماوكع من ايده
خلصها بس اتصالات
اخر شي كال
بوية مابقه شي بعد ثلاث ايام ونطلع لتركيا نرجع هناك امن الكم

بدينا نسمع بداعش واخبارة وان واصل للعراق وبعد اسبوع حيدخل للموصل
وقبل لايدخلون للموصل
نكون احنا طالعين لتركيا

بيومها قافلين باب علينا والبيت هدوء بابا وحسن كلمن صافن بزويا من زواية البيت
ومترقبين امور صارت خارج سيطرة
والوضع يخوف كلش
المناطق صارت هدوء محد يطلع من بيتا
والي كدر يطلع طلع والي ماكو سد بابه وكعد
صافنين على الاخبار د...ا...ع...ش

ومانسمع الا بس .........

يتبع ....!!

اعتذر اذا كانت اكو اغلاط
وايضا طريقة سرد تختلف
عن الي نحذفت قبل فترة
غيرت شوي
وبديتها بس بقصة فلة