رواية بيت الشيخ اسد الفصل العاشر 10 - بقلم yaqin_2004

#بيت_الشيخ_اسد
#يقين_التميمي

وبحَسرَة عَريان من گال:
آنه زين وشين لجلَك غَلَست عَنَه وحمَلتَه

فلة - اجه محمد اتصل على عمتي گال اجيت طلعنا من صالون وصعدنا بسيارة
وصلنا للبيت واشوفها صايرة هوسه البيت مگلوب گلاب

مادلين - ها بنات جيتن يلا بسرعة تعالن خلي ريماس تلبس فستانها بالغرفه حتى
نطلعها يم نسوان

فلة - خوش مادلين انتي روحي وي ريماس اني هم ابدل واجي وراكم

زمرد - دخلنا لبيت خالو فتحنا الباب ودخلنا للبيت طلعت مرت خالو بوجهنا

تهاني - هلاااا هلاااا يمة ومرحبا تفضلن تفضلن

زمرد- هلا خاله شلونج

فضة- شونج خاله

ماسه - هلاوو خاله

ذهب - هلااا عمه

تهاني - هلا بيجن يبعد روحي انتن شونجن خاله شخبارجن يمة صلاوات كبرانات صايرات عرايس تخبلن

زمرد - دخلنا للبيت وخلينا ماما تسلم على خالتي سلمنا على نسوان موجودات
وجدتي هم كعدنا بالاستقبال جان بس اهل البيت موجودين ماكو احد غريب

اسد - سلام عليكم

الكل - وعليكم السلام

اسد - بوية بنياتي كبرانات شونجن بوية

البنات - حمد لله خالو

ماسه - خالو شنو ولاعرفتك شو صاير صاكك لله قرضني جمال منك

اسد - هههه ولج بوية الجمال عدج انه رجال كبرت

فضة - تصدك خالو صاير تخبل والله تجنن صراحة

اسد - هههه بعد ابوج

زمرد - طلع راح للديوان ولجن بنات شنوو هذا خالي صاير صاك وعلي

ذهب - اخخخ اني زحفت عليه

زمرد - طاح حضج هذا خالج ههه

ذهب - اجت خاله تهاني جابت عصاير وكيك وجكليت اشكال قدمته وكعدت
يم ماما تسولف
واحنا كاعدين نسولف بجمال خالو

ماسة - كاعدين نحجي ودخل ميسر اعرفه لأن قبل نجيهم دخل يصيح
على ماريا مايدري احنا موجودين
التفت وشافنا فتح عيونه مصدوم

ميسر - هلاووو اليوم عمتيي منورة البيت اول تالي ياكاطعه

سعديه - ههه شسوي عمه قابل بيدي

ميسر - بس خل تخلص الهوسه واحنا نعرف شون نأدبهم الج هذوله هواي تجاوزوا واحنا ساكتين

سعديه - خيولون عمه

ميسر - وانت بنات شونجن

-الحمد لله

ماسه - شال ريم بت الشيخ يلعب بيها وعيونه كل شوي صارت عليه غصيت بالعصير وگمت صاحتنا ماريا

فله -صعدت بالغرفه لبست فستان قصير مخطط اسود وابيض كلش حلوو طبعا شتريت هذا اللبس من رحت وي ريماس تجهز نفسها ابد مالبست من ملابس دمار الي شتراهن الي داعدل بلبسي ودخلت ماريا وياها مجموعه بنات اربعه

ماريا - عزاااااا فله شنو هاي ليش هيج ياخاينه هاااا صايرة احلى مني

فله - هههه فديتني

ماريا - امداج دتعالي اعرفج بنات تعالن لاتستحن هاي وحدة مخبله مثلجن

فلة - هلاو بنات شونجن

البنات - هلا بيج عيوني

ماريا - فله هذني بنات عمتي سعدية
هاي زمرد وماسه وفضة وذهب

فلة - ياعيني شوف اسمائهن يخبلن

زمرد - تره مو بس اسمائنا حتى احنا حلويين

فله - فديتجن هههه

ماسه - بنات شنوو هاي شبابكم تخبل

ماريا - بده الزحف

فضة - لا جد شبابكم حلوين صح من زمان ماجاينكم بسبب عمامي بس هسه من خابرهم خالو اسد يلا قبلوا نجي

فله - عزااا ولجن بعدين نحجي ونشوف سالفتجن شنو خلي ننزل هسه نركص

ذهب - هههه يلا مشينا

فله - بس نزلن كدامي شوي واجي وراجن اعدل شعري

البنات - خوش

فله - بقيت اعدل بشعري الغرفه لميتها على سريع وطلعت اشوف غرفه دمار باب مفتوح على النص وبي صوت بنيه

تفاجئت منوو هاي وشعدها بغرفه دمار دخلت للغرفه وصرت بزويه ماانشاف ابد بس اني اشوفهم فتحت عيوني على
وسعها واني اشوفها حضنته وهو مامنعها ابد

-حبيبي هوااااييي مشتاقتلك

- امشي طلعي بره

-شنو اي داكلك مشتاقتلك حيييل وين هلفتره ليش ماكوو هاا

-كتلج عدي اشغال

-انت تدري بيه شكد احبك

-اي

-اووفف شكد جامد

-ديلا طلعي بره لايشوفج احد

-محد يجي اصلا كلها مشغوله بالخطوبة

-خوش

-اوكي يلا اني حنزل

-الله وياج

فلة - جنت مراقبتهم واشوفها شون خلت دمار على السرير كعدته وكعدت بحضنه وتتماوع بالحجي عيوني نترست دموع بس كلت مايسوه اخرب كحلتي علموده النذل كال احبج شنو يضحك عليه بسيطه بسيطه بس خلي الحفلة تخلص واني اعرف شلون اخبلك

طلعت من الغرفه ونزلت شفته هو وكف بقى يمسح بوجهه ودخل للحمام يسبح
واني نااار تاكل بگلبي طلعت من غرفته
ونزلت جوه ابد مابيت اني ضايجة بالعكس نزلت سلمت على نسواان وهاي عمتي كل شوي مطلعتلي وحدة اسلم عليها اكثر فقرة اكرها السلام والبوس

رحت يم ريماس اشوفها صارت تخبل بالفستان وتسريحة شكلها ناعم ويجنن
جتي ماسة

ماسة - فله حبابه تعالي شوفي ديجي ميقترن بجهازي شلع گلبي

فله - اوكك امشي

رحنا اشوف ديجي يشتغل بس الاغنيه محلوة اكلج ماسه هذا مقترن بجهاز متعرفين ياجهاز

ماسة - ماادري والله كالو بجهاز ميسر مدري منوو

فله - اوكك هسه اصيحه

طلعت رحت للمطبخ شفت ميسر واكف ميسررررر تعاااال عينيي تعاااال

ميسر - وجع شبيج شتردين

فله - بنات عمه سعديه يكولن جهاز ميقترن مدري شنوو

ميسر - خوش روحي وهسه اجي وراج

فله -تمام .... بنات رحتله يكول هسه اجي اني رايحة يم ريماس

فضة - تمام حياتي

ماسه - دخل ميسر لابس دشداشه بيضة

ميسر - احم احم شونج ماسه

ماسه - هلا الحمد لله فدوة شوف الديجي ميشتغل ماعرف شبي

ميسر - شو انطيني

ماسه - اخذ جهازي مايصير ابد مايقترن

ميسر - هذا شبيي

ماسه - حضي هذا ...صاحوا الولد عليه

ميسر - اجيييييت

ماسه - روح خاف يحتاجوك

ميسر - لحضه هسه ادز فارس يسوي

ماسة - اوكك

فضة - شوية ودخل ولد هم اضرب بالجمال من ميسر شنو هذولة يربي

فارس - هذا شبيي طفيتنا انتن

ماسه - اي اي طفيته وشغلته ماكو

فارس - فضة شو انطيني جهازج خلي اشوفه هم يقترن بي لو لا

فضة - بقيت صافنه بوجهه .. ستوعبت نوب رتبكت حتى باسورد الجهاز نسيته
فتحته وانطيته اله

فارس -اي هاي اقترن بجهاز فضه

ماسه - يلا خوش

فضة - الجهاز بيده واني مخليه صورتي خلفيه بجهاز صفن بيها باوعلي ورجع باوع بالجهاز واني عيوني تترقبه شوية
وانطاني جهاز وراح

ماسة - شغلي هاي الاغنية

فضة - خوش

فلة - صاحتني عمتي رحت الها ..ها عمه صحتيني

تهاني - اي عمه هاي عمتج سعاد سلمي عليها

فلة - باوعت عليها

سعاد - بنات بغداد مايسلمن عليه يستنكفن من عدي والله يالله

فلة - ماراح ارد عليج لأن اكبر مني واحترمج

معصومة - هييي لج لاتحجين على ماما

فلة - التفتت على مصدر صوت واشوفها هي هاي جانت بغرفه دمار باوعتلها بغضب

-اكلج رجاءا لاتتنعوصين اني وجاري شدخل حمارييي

معصومة - شقصدج اني حمارة يعنيي

فلة - رحم الله امرأ عرف قدر نفسه

معصومة - ماماااا احجي وياها شنو هاي

سعاد - عوفيها يمه ختولي هاي وحدة *** على امها عليمن تطلع تربيتها

فلة - مربايه احسن تربايه من تحجين على تربيتي يعني دتحجين على تربية اخوج ياعماااا على الاقل مااختل بالغرف وابوس بالزلم

عفتها واشوف معصومة وجها نخطف هزيت ايدي ورحت بقيت اركص وماسه
وزمرد وفضة وذهب وماريا كلنا سوة نركص حيييل تونسنا كلت هل دمار ميسوه اضوج نفسي علموده خيولي

ميسر: يمسي عليكم ابو عگال الميالي اليوم خطوبه وراح اروح انه الشيخ اخطبهم واعدلهم واجهزهم وانه خادم الهم

مسلم - خاب دروح عود هو لابس عگال وهدم

ميسر- نجب اليووم انه الشيخ

سيف- اليوم الشيخ يخبل صاك

ميسر- مساكمممم الله بالخير
ياهلاااا
طبعا من رخصه عمامي خن اسولف انه

عقاب- كووووم منا لك كوووم

دهام- كام دمار ويريد يطلع ميسر من الديوان ويدفع بي

ميسر- بسيييييطة الا ابوك العصير والكيك صبروليي

سيف- هههههه

فارس- واكف بالمطبخ واجهز بالجاي

ميسر- يلااااا وليدي يلاااا الجاي العالم وصلتتت عجلللل

فارس- هزيت ايدي وليدك شنو ماتاكل خره

ميسر- ولككك تريد اكتلك بالعكال هسه
فارس- دمشيي ولييي عمامي شحتوه ويكول شيخخ

ميسر- دتعااال نزعت العكال وركضت عليه اضربب بي ولك نعاااال انه حتى لو عمامي واخوي شحتوني ابقى شيخخ

دهام - طلعت من الديوان دخلت للبيت واشوف ميسر مخلي الكيك وعصير بدشداشته ورافع دشداشته ويصعد على درج ولككك انزل رجع فضحتنا كدام العاااالم

ميسر- يوو هسه انه شسويت هنه عصيرات وكيك وانتم جايبين المعمل كله لحكتوني على ذني

دهام - ولك جا ماخذلك كارتون كيك وصندوك عصير ادري شسوي بيهن

ميسر -اكلهن مثل شسوي بيهن

دهام- بسيطة الا اكول لعقاب عليك

ميسر - طلع دهام بعد مارزلني وانه
صعدت فوك ضميت الكيك والعصير بثلاجة الي بغرفتي غيرت دشداشتي لان صارت كلها كيك عدلت الغترة والعكال ونزلت الهم تمت الخطوبة وكلها كامت تبارك جليت صوتي وحجيت احمم
من رخصت عمامي انه هم رجال ومثل ماشوفون هذا الازرك مسلم. راح يزوج وره الشيخ وانه هم اريد اعرس

ابو درغام- والله ياعمي خلي اشوف بالاول مرة الي وبعدين عود انزوجك انت

فلة -كالوا شيخ شوية وراح يدخل ركضت فوك لبست جينز وقميس قصير لون
وردي ستن وجينز ازرق خلصت ونزلت

زمرد - اشوف ماما خلصتها تروح منا وتجي منا وجها مخطوف ستغربت
شبيها امي

-شبيج ماما شكو شصاير

سعدية - ولج يمة ولد عمج كاتلين اخوج مكسرينه تكسر شون طالعين وماكايلين الهم وهسه عمج اتصل لعب بيه لعب

تهاني - خيه ابقي هنا والولد ياخذوج هم اذا شافوا الولد مايحجون شي بعد

سعدية - لا خيه شيحجون هذولة سرسريه يلا ماما زمرد روحي لخواتج خلي يحضرن نفسهم بسرعه خلي نطلع

زمرد - ركضت لخواتي لكيتهن يركصن مايدرن صحتهن لبسنا ملابسنا بسرعه
وطلعنا اجرنا سيارة وخاله تهاني مقبلت

فلة - شنو ماريا البنات وينهم

ماريا - خطيه عمامهن لعبوا لعب

فلة - عزاااا خطيه

ماريا - اي والله

فلة - شوية وكالوا يلا راح يعقدون خذوا ريماس يم الباب من ورة وكعدوها

ريماس - كعدت وبحضني قران فاتحينا على سورة الفتح مخليه بين كل اصبع
هيله ورجليه مخليهم بماي وبي ورد
وياس صار شيخ يردد واني دموعي تجري ماعرف الي سويته صح لو غلط كلامها
يرن بأذني رن قبل الخطوبة بيوم جتي
اسراء زوجة الشيخ الي هيه تصير بت عمتي هم اخت معصومة

اسراء - شگول عليج بواگه الزلم خذتي زوجي منييي موو الله لايوفقج كوون

ريماس - ليش تحجين هيج

اسراء - لج اني عرفتج اول ماجيتي ودستي البيت كلت راح تاخذ شيخ
تدرين ليش لأن اني من خذيته لحد
هذا اليوم هو يلهج بأسمج وبسس

جنت احبه وتزوجته بس حب من طرف واحد مع الاسف جان يكلي انه احب بس ريماس وماراح احب غيرها تدرين لو لا
لج من جيتي للبيت ماشفتي فرحته بس
انتي خذتيه الله لاينطيج فرقتينا بس
شوفي واصبريلي ان ماندمج مااتسمه اسراء بت سعااااد بسيطة

ريماس - حسيت بذنب صحيت من صفنتي على شيخ وهو يطلب موافقتي جسمي كله رجف جليت صوتي وحجيت

-لا ماموافقه

فلة - كلنا انصدمنا بجواب ريماس الكل صار هدوء نسمع شيخ يگول مجبورة مااكدر اكمل بهذا زواج اجت عمتي نجاة

نجاة - كومييي بالغرفه وياي

ريماس - كومتني امي ودخلتني بالغرفه
ماحس غير ضربتني طراك شوهه وجهي

نجاة - ليششش ولج فشلتيني كدام ناس

ريماس - يمة الله يخليج ماريد هذا زواج اني راح اخرب بيت تدرين لو لا اني ماادري شون اصلا وافقت وهو مزوج حرام عليه راح ادمر عائلة اني

نجاة - ولج يماااا شون كليلي شون بيه ولج مااكدر ارجعج لاخوانج يموتونج
والله واني رجلي بالگبر مريضه اريد امن عليج قبل لاموت

ريماس - كعدت ابجي وهي تبجي وياي حضنتني وزدت بالبجي اكثر

نجاة - لخاطريي يمة فذوة وافقي وريحيني مااكدر امنج عد غيره

ريماس - خلاص هاي هيه مسحت دموعي وطلعنا صارت بوجهي عمتي تهاني باوعتلي بلوم راحت ماما حاجت
ونعاد من جديد بقه شيخ يردد واني
انطيته الموافقه وصارت هلاهل

شوية وگالوا الشيخ راح يدخل حتى يلبسني الذهب نسوان كلها لبست
شالات وعبيها صارت هلاهل تعلن
عن دخول الشيخ ابد مارفعت راسي
ولا حتى شفته كعد يمي وصاح بعمتي

عقاب - يلاااا يمه ستعجلي

تهاني - اي اي يمة هاي جيتك

ريماس - جابت ذهب عمتي لبسني الحلقه ورجعت لبسته الحلقه على
النص كد ماارجف مااكدر هو كمل
لبسها بقى يلبسني بالذهب مااحس
غير انفاسه صارت قريبه على ركبتي
وهمس بصوت ناصي رجولي

عقاب - ليش هيج سويتي

ريماس - رفعت عيوني صارت بعيونه دقايق بقينا صافنين عيوني غرغرت بالدمع عافني خله وطلع

فله - طلعت للمطبخ وي البنات ماريا ومادلين واكو هوايي بنات ماعرفتهن
كل شوي وداخل ولد علينا ابن سعاد
وغيرهم ماعرفهم ياخذون جاي ماي
دخل دمار شاف الولد يدخلون ويطلعون خزرني واني ولاباوعتله صاح بالبنات

دمار - امشن دخلن جوااااااااا ماتشوفن ولد طابه طالعه يلاااا كدامييييي

فله - خفت اول مرة اشوفه هيج عصبي كلش البنات كلهن طلعن اني ردت اطلع
اجاني تقرب يمي وگال

دمار - اذا شفتج بعد هنا رجليج اكسرهن وحك علي

فلة - خزرته باوعتله بعصبيه بقيت ابجي واصيح بالمطبخ انتتتت منوووووو حتى
تدخل بحياتي وتتحكم بيه مالك اي حق فاااهم خزرني وطلع هو خله وطلع
رحت لعمتي تهاني حجيتلها كلشي
نصدمت بجوابها من گلتلي

تهاني - عمه هو ابن عمج وحقه يغار عليج مايريد عرضه ناس تشوفه حقه
ومن سوه هيج لمصلحتج ماما

فلة - ماعرفت شسوي يعني امه واگفه وياه وي تصرفه خليت وگمت طلعت
رجعت للمطبخ ماسمعت كلامه لأن هو ماله اي يحق يدخل ويتحكم بيه وتعاي وماهمني شي هو كل شوي داخل وطالع ويخزر بيه واني اسولف واضحك وي البنات

دخل ابن سعاد هذا واحد عينه زايغه بقه يسولف ويحجي وي البنات واني
بس ابتسم شوية والبنات ماادري وين
راحن توني كمت اريد اطلع مااحس غير
اله نسحبت من ايدي قوي حسيتها نخلعت من مكانها التفتت واشوف دمار

وجهه احمر من العصبيه لازم ايدي حيل وجعتني صار يضغط عليها حيل عيوني نترسن دمع بس مابجيت بس حاولت اكون قوية كدامه ومااضعف كتله

- عوفنيي انت شدتسوي

- اني مو حذرتج كتلج لادخلين المطبخ

-انت مالك حق تتحكم بيه انت لاابوي ولا اخوي حتى تتحكم بيه وتفرض رجولتك عليه روح افرض رجولتك على غيري مو عليه مو جاي تأمرني ان ادخل
بصفتك شنوو

تفاجئت بي من ضربني ضربة شاغت روحي منها بهاي لحضه خانتني دموعي لزمت خدي وبقيت ابجي وهو بس يسب

دمار - شنو معنى كلااامج هذا والي الحق ادخل بكلشي وهسه لو احبسج بالبيت محد يمنعني متناقشيني فهمتي لو لا

فله - رفعت راسي عليه كتله

-ان شاء الله كسر بأيدك ومو رجال الي يضرب اجاني طراك فر وجهي فر خله شفتي وخشمي ينزفن دم وايده نطبعت بوجهي اجت عمتي والبنات صعدت لغرفتي وهو اجه ورهن گلت لعمتي

-عمه طلعيه من الغرفه ماريد اشوفه

مااهتم لكلامي طلع امه والبنات بقينا بس اني وياه بالغرفه حچه

دمار - والله مو قصدي اتصرف وياج هيج واضربج بس انتي عصبتيني شنو معنى كلامج مو رجال اليضرب مرة انتي تدرين معصب ليش تحجين هيج شفتي عليه شي حتى هيج سويتي ماطيقيني

فلة - فدوة ماريد شي بس اطلع

دمار - استغفر الله لج بابا شبيج يوجعج شي بس كليلي

فلة - انت بس روح منا عفيه اذا تعزني روح ماريد اشوفك بقيت ابجي وهو صار عصبي كلش خله وطلع صاح للبنات يمي

مر يوم كامل واني ماشفته بعدها راح التحق ماشفته خذيت راحتي بالبيت لأن هو ماموجود كاعد انضف ودخلن بنات
عمه سعديه هنه وعمتي

سعديه - خوية اسد فدوة عوفهم خيولون لاتورط روحك بالمشاكل

اسد - شتردييين منييي يعني اكعد واسكت واشوفهم ينهون على بناتج
يتصفرفون بكيفهم والله الا اندمهم

يتبع .....

شنو رأيكم
لاتنسوون
تصووييت