#بيت_الشيخ_اسد
#يقين_التميمي
احبك من صدك من حب زمان الفات
موحب هالوكت والعشگ طياري ..
ماريا - كاعدة على المسلسل متابعته بالجهاز ومندمجة كلش ماحس غير
اسمع صياح فارس
فارس - ولج صخاااام ماريا نعااال ليش ملابسي مامغسولة وييييينج
ماريا - شهكت صخام صخمني ناسيه ملابسه ماغاسلتهن
- نسيتهن والله
فارس - اي حكج تنسين مو مكابله هذا صخام ليل نهااار حتى عيونج نعمن
-هسه انتم كلشي وخليتوا صوج بالجهاز شبيكمم
فارس - صوتج ولجج نطينييييي تلفونج
-شسوي بيه
فارس - جيبيه كتلججج
ماريا - رحت جبته صار عصبي كلش نطيته اله ورگعه بالحايط وانه شهكت
-هاييييي ليش هيج فلشته
فارس - حتى بعد تتأدبين ومن اكلج على شي تسوينه
ماريا - ماحجيت شي اختنكت عفته وطلعت بالطرمة ابجي شفت اجه
مسلم يمشي نصدم من شافني اجه
ركض وصل يمي مسحت دموعي
مسلم - هاي شبيج منو مبجيج
ماريا - ماكو شي
مسلم - دحجي ونجبي شكوو
ماريا - ماكو شي شبيك
مسلم - مرمر احجي ونجبي لاتعصبيني
ماريا - فارس كسر جهازي
مسلم - طاح حضج شسويتي
ماريا - ماسويت شي بس لأن ماغاسلة ملابسه كسر جهازي
مسلم - وانتي هسه تبجين علي جهاز صدك جذب
ماريا - مسلم وخررر مني
مسلم - دكومي انه اخذلج حقج
ماريا - گمت وياه ودخلنا للاستقبال جوه صاح بيه
مسلم - لك فااااارس ليش كاسر جهاز مرمر
فارس - شبيك جاي هاد هاي مرمر تگول عليها طايحة حظ
ماريا - نجب لاتغلط
فارس - مو اجي اكتلج
مسلم - كافي مرمر شتردين شسوي
ماريا - اريدك تضربه نفس ماضربني
مسلم - تدللين
ماريا - راح مسلم لزم فارس وجتفه وصار يضرب بيه موته موت واني واگفه على جهه ميته ضحك عليه خليت وطلعت برة لكيت ابوية اجه اجه مسلم سلم عليه وبقه يحجي وياه
مسلم - عمي ماريا ديربالك عليها تره اخوها كسر جهازها والله شنو ماغاسله
ملابسه الدثوو
ابو درغام - افاااا لك فارس شون هيج تسوي
فارس - ختوليي ادبسزز
مسلم - ماعليج بي مرمر انه اجيبلج جهاز فد ساعه ويمج
ماريا - تمام انتضرك مو تنسه
مسلم - لالا ماانسى
فلة - جنت انضف بالحديقة الي وره البيت خلصت تنضيف رجعت صونده
لمكانها لميت شعري وداامشي واشوف دمار كاعد يشرب جكاير وصافن اشرلي
اجي يمه رحت وكعدت يمه على المرجوحة
دمار - اوراق نقلج كملتهن حتى بعد تبدين تدرسين للسادس
فلة - يااااي صدك
دمار - اي بس شوفي اريدج ترفين راسي بيج طلعين معدل عالي
فلة - اي اكيد
دمار - عفيه بالسباعيه
فلة - وكفت اعدل ملابسي سألته
-انت شكد عمرك
دمار - 29
فلة - نعالي اكبر منك
انداريت واشوف دمار وكف ركض وراي واني ركضت دخلت للبيت وگبل لغرفتي
سديتها وقفلت الباب مرت ساعتين واني
محبوسه بالغرفه اندك الباب صحت منو
ريماس - انه وياج شبيج قافله الباب
فلة - فتحت الباب ودخلتها
ريماس - شكو شبيج ليش وجهج اصفر
فلة - حجيت كلشي الها وهي صافنه
ريماس - حقه شون تكليله هيج
فلة - اهوو ولج هسه هو وين
ريماس - ماكو ماموجود ليش
فلة - لج متت جوع اريد انزل اكل
ريماس - روحي ماموجود
فلة - نزلت عبالك حرامية دخلت للمطبخ فتحت ثلاجة طلعت اكل
ومااشوف بس دمار واگف يم باب
المطبخ الخلفي ويشرب جكايررر
مخلي رجل بالكاع ورجل على باب
المطبخ من شفته گبل وگع الاكلل
من ايدي بقيت صافنه عليه گال..
دمار - نورتي بوية حابسه روحج صارلج ساعتين
فلة - ردت اشرد من المطبخ ركض قبلي وقفل باب المطبخ ماخلاني اطلع من عنده
دمار - وين وين بعدنا مامصفين حسابنا
فلة - ااا والله ترة بالغلط حجيتها
-لزمني من اذاني وضربني طراك احس اذاني صار بيها صوت من الضربة ...هاااييي ليش ضربتني
دمار - حتى بعد تفهمين الحجايه قبل لاجفصين بيها
فلة - بسيطة بسيطة شوف شسوي بيك
دمار - نوب تهدد دكومي بابا
فلة - فتح باب المطبخ هو واني طلعت من المطبخ لازمة خدي الله لاينطيك شفت الولد مجمعين من شافوني ضحكوا عفتهم وصعدت للغرفة اخطط شسوي بي ماكو غيره يساعدني اي هو
نزلت ادور عليه لكيته اشرلته تعال
ميسر - ها ولج شكو شبيج
فلة - تعال ماعليك عدي موضوع وياك واريد ريماس هم تجي ويانا
ميسر - شكو غير تگليلي
فلة - اريد اخذ حقي من دمار اخوك وانت تساعدني
ميسر - ياهلاااا تدللين يالله مشينا
فلة - دخلت لغرفة ريماس تعاي كومي بسرعه يلا
ريماس - شكو شبيج
فلة - امشي دتعاي سحلتها واجتمعنا كلنا بغرفتي ..شوفوا عدي خطة اريدكم
تساعدوني عفيه انتوا اخواني
ميسر - عد عيناج انه
فلة - بعد روحي ماتقصر
ريماس - وانه وياج شتردين احجي
فلة - حجيتلهم على الخطه وگف ميسر صفك ادينه وگال
ميسر - امشوا يلا خلي نفذها
فلة - نزلنا جوة جبنا صوندة من البيت صعدناها فوك وشكلناها بالحنفية وميسر اخذها وراح واحنا وراه دخلنا
لغرفة دمار لزمت صوندة وريماس فتحتها هو متغطي بطانية واني نكعته
تنگع بالماي طفر من مكانه من شافنا
دمار - انعل *** يابو *** انه اعلمكم اليوم *** ك**
فلة -انه وريماس شردنا بالغرفه وقفلناها علينا وخلينه دمار لازم
ميسر وشبعه دك
مرت ساعتين واحنا محبوسين بالغرفة ومنتضرين على نار ننزل جوة ونشوف شصار بميسر خطية هو وگع بيها
ميسر - لدمني دمار وصار يضرب بيه شبعني دك وانه ميت ضحك وكل مااضحك يزيد بالضرب شبعني دك
لزمني ونزلني جوا گام يحجي لأبوي وامي وعقاب لزمني عقاب من شعري
فر بيه الگاع
اسد - بوية انت ماتصيرلك جارة فهمني
ميسر - عقاب لازمني من اديه مايخليني اتحرك ودمار واكف وملابسه مبلله وصاير نار من العصبية ...بوية غير اشاقه وياه
عقاب - انت تكبر لو تصغر ماتفهمنا
ميسر - لااصغر
اسد - اكو واحد يسوي سوايتك مصعد صوندة انت والبنات ومنكعين غرفة اخوك بالماي وهو نايم
ميسر - بوية غير اشاقه وياه والله
اسد - هاي ماتصرف جيبوا جهازة اخذه من عنده
ميسر - بوية اسف والله اسف بعد ماعيدها
عقاب - عقوبته شنوو هسه..
دمار - يصعد لغرفتي ينضفها
ميسر - جر شعري عقاب جر .
عقاب - سمعت تلفون اخذة منك
اسد - تونا حطينا روسنا نريد ننام الله واكبر علييك
ميسر -بعد ماعيدها ماعيدها..
دمار - كووووم نضف الغرفه يلا
ميسر - صار عقاب ودمار يجرون بيا شبعوني دك كتل لحد ماوصلونييي
للغرفة صاح دمار
دمار - الفراشات طلعها وتغسلها وتمسحها وتنضفها خوووششش
ميسر - اي اي فهمنا
فلة - ندك الباب واني وريماس وحدة باوعت للثانية ..ريماس گومي انتييي
فتخي الباب حبابه
ريماس - يااا خو انتي روحي
فلة - الله عليج هذا صوت شيخ هو يفهم منج اكيد ماراح يحجي وياج حبابه
ريماس - اوفف منج ..فتحت الباب وصار شيخ بوجهي خزرني گال
عقاب - انطيني تلفوناتج يله بسرعه
ريماس - ماحجيت شي العصبيه مبينه بوجهه كلش رحت جبت تلفونات وانطيتهن اله وهاي فلة مسويه نفسها
نايمة عود خله وراح نزل مرت كم ساعه
ونزلت بقيت افتر بالبيت منتضرة شيخ عقاب يطلع من الديوان حتى اخذ جهازي من عندة اتصل على امي صعدت انتضرة بالطابق الثاني بقيت
منتضرةهوايي مر وقت انداريت اريد
ارجع للغرفة لأن تأخر واشوفه عقد
حواجبه من شافني وكف
عقاب - اليوم منورة شعجب هنا
ريماس - اء اء شيخ اريد جهازي
عقاب - ماكو بعدين صدك شنو
انتي صغيرة وتسوون هيج
ريماس - والله نشاقه لااكثر حباب انطيني جهازي اريد اتصل على امي
عقاب - هاج بس بعد لاتعيديها
ريماس - خذيت جهاز كتله اوكك
عقاب - احم هاج هاي فلوس نسيت انطيهن الج باجر ترحين وي امي حتى
تجهزين نفسج للخطوبة
ريماس - احس وجهي صار نار ماادري ليش نضراته غريبه ارتبكت كلش
عقاب - شبيج بوية ماتاخذيهم
ريماس - خذيتهن من عنده وركضت
عقاب - الله الله لاتوكعين على كيفج
مسلم -رجعت للبيت وطلع ميسر من الباب ولازم بيدة الماسحة
ميسر - اليوم ماطب للبيت ابد
مسلم - ههههه هو شنو بكيفك
ميسر - ماطب كلت ماطب ولك شلون نطاك كلبك تاكل مندي وماتاخذني وياك
مسلم - شنو اخذك انت زغيرون
ميسر - هو الاكل مو على حسابك ترة العزيمة مو منك من الولد ليش
ماخديتني وياك هااا وهجمت على مسلم بالماسحة
مسلم - ولككك ولكككك شوف عندي حل
ميسر - شنو هو
مسلم - اشتريلك تلفون ونتصاحب
ميسر - جذاب
مسلم - والله شبيك
ميسر - انطيني ورقة يلا ادخلك للبيت
مسلم - والله انطيك بس خلي ادخل فلوسي بالبيت
ميسر - ماكوو ماتدخل
مسلم - والحسين انطيك شبيك
ميسر - اضربك على ادينك يلا تدخل
مسلم- يله ميخالف بس على كيفك
ميسر - يلا انطيني ايدك
مسلم - اااخ
ميسر - يلا جيب شكو فلوس بجيبك
مسلم - هاك ذني
ميسر - شنو ذني شو بس 15 الف
مسلم - مو كتلك فلوسي جوة ادخل وانطيك
ميسر - اممم بس بعد هواي للورقه شوف ولك تنطيني ورقة فوك ذني فاهم
مسلم - امري لله خوش هاي هيه يلا خلي نتصاحب
ميسر - لالا مانتصاحب
مسلم- يله خوش اليوم ابات برة البيت
ميسر - وهاي اني هنا كعدتي وكعدت باب البيت
مسلم - وهسه شني نبقه بالشارع راح يأذن الفجر واحنا بالشارع
ميسر - حتى لو اصلي تنطيني الورقه يلا ادخلك
مسلم- ونبي انطيك
ميسر - اكطم سيف العباس وخله اصابعه السبه واحد مقابيل الثاني
مسلم - وهاي كطمته يلا هههههه
ميسر - يلا هاي تصاحبنه امشي ندخل لغرفتك كبل تنطيني ورقة
مسلم - امشي يله دخلنه للبيت ورحت للغرفة انطيته ورقه هاك خلصني وجفيني من شرك
ميسر- عفية حتى بعد من تطلع تذكرني
مسلم- امشي ولي من وجهي
ميسر - شلون وجهه هو ابزو
فلة - كعدت الصبح رحت غسلت وجهي وصليت وبدلت البارحة دمار گال حضري نفسج باجر اخذج وياي الصبح
لبست صاية وشال وحذاء كعب لان فشلة من ناس دمار شطولة جنه تيل
عاد شوية اصير طويلة نزلت
صبحت عليهم كعدت اتريك يمهم خلصت وطلعت لكيت دمار يفتح بقيطان حذاته لأن مربوط قوي يفتحه بحلگه كتله
- هاي شبيك تاكل نعول اذا جوعان روح اكل
رفع راسه خزرني بعيونه يمه مو خزره تخوف وگف يريد يلزمني ركضت عن لايلزمني وجووب وكعت على وجهيي
دمار - حييييل
- رفعت راسي اشوفه يضحك هااااي فوكها بسببك وكعت دتعال ساعدني
خلي اكوم
دمار - هلمره اعديها الج المرة الجايه اموتج والله
فلة - مدلي ايده مالزمتها وكفت وحدي واانكث ملابسي من التراب بعصبيه وهو
بس يضحك
دمار - عصبيتك يحلوو
فلة - لاتحجييي وياي
شفته يباوعلي من فوك ليجوة
دمار - هاي هيج راح طلعين
فلة - باوعت لبسي مابي اي شي كتله اي شبي
دمار - خوش امشي يلااا
فلة - اكلك وين رايحين احنا
دمار - نوصل وتشوفين يعني انتي ماتمشين الا بالرزايل والصيااااح
فلة - خلاص خلاص بس نصي صوتك فضحتنا ماصارت طلعه عبارة عن...
مشاكل وصياح
فلة - صعدنا بالسيارة وشغل اغنية جانت لرعد الناصري بقت تشتغل
لحد ماوصل لهذا المقطع كام دمار
يغني وياه ويطك اصبع ويهز متن
- صوبني ..
جفنك من نضر ..
شگ مهجتي ...
طب ونكسر
موتني
جفنك من نضر
شگ مهتي طب ونكسر
ياوليفي انا
هم مثلك بشر
حللت دمي بيا دين
يالتنضرلي بعين وعين
يالتنضرلي بعين وعين
غالي واحبك للموت ..
واحجيها حيل وبسكوت
ورد خدك نسرين
يالتنضرلي بعين وعين
- يغني ومندمج حيل وي الاغنية وكل شوي باوعلي حجيت
فلة - اگلك شيقصد بطب ونكسر
دمار - طيح الله حضج طيرتي نيتي
فلة - هسه شكلت اني هو حجاها
دمار - سكتي سكتي الا جفصين
فلة - هزيت ايدي وسكتت وصلنا لمول نزلنا من سيارة وهو مدلي ايدة
-شكوو
دمار - انطيني ايدج
فلة - مااا شنو صغيرونه اني
دمار - تنطيها لو شلووون
فلة - ماانطيها
نفخ بملل لزم ايدي عصرها عصر وجرني جر وياه
فلة - اگلك احنا شنسوي هنا
دمار - ناكل غير نشتري ملابس الج للعرس انتي مو امان ترحين جيبين
مخلع ومشخل ومفتح وتالي مايعجبني
عليمن اطيح حضج گلت انه اخذج اشتريلج حتى ماانصدم بلبسج
فلة - نهضمت حيل من كلامه كتله
- انت ليش هيج تحجي شنو شايفني وملابسي شبيهن
دمار - مابيهن شي حبيبي بس ماريدج تلبسين كدام ناس لبس فضيحة
فلة - هزيت راسي افترينا بالمول اشترة ملابس وهم ماراضي عليهن يعني هو ..
اشتراهن وفوكاها ماراضي كملنا ورجعنا
صعدنا بالسيارة وكف بنص طريق نزل شوية ورجع بيدة علاگة انطانياها فتحتها كلها حلويات
يوم الخطوبة:
ريماس - واكفه مقابيل المرايه ودموعي تنزل جتي امي وحضنتني وباست راسي
نجاة - كافي يمة هذا يوم خطوبتج فرحي ماريدج تبجين وانه متأكدة ابن عمج يسعدج واحسن من الغريب
تهاني - الله مصلي على محمد وال محمد فدوة لجنتي طلعتي تخبلين
ريماس - بوست عمتي فدوة الج
فلة - وهاااي اني خلصت شلوني
تهاني - عزااا العزاج ولج فلة شمسوية بروحج والله لو يشوفج دمار وهو وصاني
عليج ماتخلين شي
فلة - اهوو عمة شبيج ترة هو خطوبة ابن عمي وبت عمي ماترديني الطخ والله شنو حضرة استاذ دمار مايقبل المهم شوني هسه
تتهاني - ماصيرلج جاره هههه تخبلين ماما اصلا انتي بدون مكياج جنج گمر
فلة - حبيبتي عمتو محح
نجاة - فلك فلك ولج لسانج شطولة
فلة - تعاي ابوسج لاتغارين يلا
نجاة - يااا ههههه تسودنت البت
مشهد من بارت القادم :
كاعدة على المرسي والشيخ يردد الكلام ودموعي تنزل صاح بنتي موافقه لو لا
وكفت وخرت الغطه من راسي وكلت لا ماموافقه
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!