رواية بيت الشيخ اسد الفصل التاسع والعشرون 29 - بقلم yaqin_2004

#بيت_الشيخ_اسد
#يقين_التميمي

فله - فتحت عيوني على وسعها واني اشوفه كل ضني اتخيل وان هذا حلم
مو دمار هذا دمار مات ..

اصدقائه واكفين يمه كلهم بيهم بال 15 .. واحد تقريبا يحضنون بي وهو يبتسم الهم
اجه يمشي ولابس زيه العسكري ..
طوله وهيبته وكلشي بيه يخبل ..

لحد مااجه وكف يم سيطره صارت كدام سيارتنا سياره صار يحجي وكل هذا اني ..
مصدومة مااعرف شعوري شنو

راحت سياره وصل لسيارتنه صار يحجي بدون مايرفع راسه ويشوفنا منوو ..
واني مامصدكه اي اي هذا هو صوته هو

دمار - هويتكم بسر...

- ديحجي رفع راسه شافنا فتح عيونه على وسعهن متفاجئ بينا
صارت نتضراته تتنقل بيني وبين غسان ..

فله - د دم دمار انت عايش ..

- جسمي كله صار يرجف مااعرف شنو اسوي بهاي اللحضه نضرات عيونه ..
حركتني تعبان وعيونه ذبلانه فجأة تغيرت
ملامحه من متفاجئ للعصبي ..

التفتت باوعت على مكان الي باوعله دمار صارت اشاير بينه وبين دمار ماعرفت شنو
السالفه وذاك درغام يمكن افتهم عليه ..
واجه يمنا

درغام - سلام عليكم

غسان - وعليكم سلام

فلة - غسان من شافهم اجوا لزمم ايدي صرت احرك بيها وهو لزمها حيل وصار ..
يضحك ويباوع لدمار بشماته
باوعت لدمار وبس دموعي تشرح حالتي ..
وهو كذالك بس يباوع بغضب

درغام - انزل بسرعه من سيارة يلاااااااا

غسان - وشبيك تصيح شنو انزل مو بكيفك

درغام - هههه الضاهر ماتعرف هاي سيارتك مشتريها جديدة موو

غسان - اي نعم

فلة - اشر درغام على الشرطة الي يمه فتحوا باب سياره وطلعوا غسان منها ..
ودمار مكتف اديه ومبتسم ..

غسان - وخرواااا عنييي وخرواااا تره مامسويييي شييييي ..!!!

درغام - سيارة المشتريها انت من رجال . شارد مسوي حادث بيها ولازم تروح ويانا
هناك نحقق وياك

غسان - ماعرفه انييييي ماعرفه الرجال ..

درغام - خذوووو يله من وجهيييي بسرعه

فلة - خذوا غسان واني صافنه على الي صار بقيت احك بأديه وجهي صار ينزف
دم اديه وحتى وجهي هم ..

رفعت راسي صارت عيوني بعيون دمار الي جان صافن على حالتي وعاقد حواجبه ..
اجه درغام يمشي وكف يم سيارة

درغام - شلونج بت عمي ان شاء الله بخير

- هلا بخير

درغام - كومي نزلي خلي نرجعج للبيت ..

فله - لالا اني ارجع ماعليكم بيه ..

-صاح بصوت فزيت بمكاني

دمار - كوميييييي تردين ترجعين وحدج يعنييييي امشيييي يله

- هزيت راسي فتحت الباب وكفت يم درغام .. باوعت لدمار غمز لدرغام ..

درغام - دمار انت رجع فله لبيت زوجها وانه راح اخذ سياره هاي واحقق بيها ..

دمار - امشيييي يله

فله - مشى واني بين المتردده مااعرف شنو اسوي اروح لو لا صعد بسياره وصاح بيه ..

دمار - شبيييييج تصفنين تره ماراح اكلج

فله - رحت فتحت باب الوره صعدت بيه وهو صار يستغفر ..
ساق سياره وابد ماحجينه سوه صار يطلع
بطرق مختلفه مااعرف وين ..كسر الهدوء
هو وحچه

دمار - شسوي هسه انه احير بلوعتج لو احير بعملات الوكت وياي

فلة - خليت اديه على وجهي وصرت ابجي واشهك وهو ينافخ

دمار - لاتبجيييين كافيييي كافييييي

فله - شلووون عايش يعني انت ماميت زين
الجثه الي لزمتها بأيدي المن القبر المن ..
احجي واشهك بين كلمه وكلمه

دمار - شنو الفرق لو ميت احسلي ولا ارجع الگه مرتييي مزوجة غيرييي ومنوو عدوووي

فله - لاتحجيييي من كيفك انت ماتعرف شنو سببب خلاني اتزوج

-ابتسم بأستهزاء وصار يضحك ويكح ..

دمار - فشلتني گبال روحي وگابلت روحي وبجييييت ..
اي اي انه دماااار الما نزلت دمعه منه صرت ابجييي عليج وانتي ماتستاهلين

فله - كل كلمه من عنده مثل الخنجر بگلبي يحجي ويختنك بالكلمه ويرجع يضحك ..
ابجي على حالتي لو حالته ماادري عليمن ..

دمار - هاي وصلنا مدام غسان نزلي يله ..

- ماتحملت كلامه ختنكت ونزلت ابجي
گال وهو كاعد بالسياره

دمار - انتي مثل ذنبي صرتي بس لروحي احجيج

- عفته ودخلت للبيت ابجي صارت بوجهي
سنيه مخليه ايد على ايد واگفه

سنيه - هااا جيتييييي وحدج وييين ابنيييي

-ماجاوبتها دخلت للغرفه ابجي واندب حضي على الي صار
شوية وجسمي صار يكرص بيه كمت ادور
على العلاج لكيته مخلص لو اني تخبلت ..

طلعت من الغرفه واحك بجسمي كله موتني ادور على سنيه ماكو ماموجودة
طلعت بره بالحديقه لكيتها هي وبتها ..
كاعدات سوه

- عمه فدوة نطيني تلفونج اريده بساع فدوه الج

- بشرط

- اي شي تردي انطيج بس نطيني اتصل
بيه وارجعه الج

- اريد الفلوس الي انطاهن الج بسام قبل
لايسافر

- والله انطيهن الج بس نطيني بساع مااتحمل بعد حبابه

- جيبهن يله انطيه الج ..

فله - عفتها ورحت لغرفتي طلعت الغراض كلها واحك بجسمي گلبت الغرفه گلاب ..
طلعت الفلوس بالجنطه بدون مااحسبهن
ركضت واخليتهن على ميز كدامها ..

-هاج الج عشر دقايق بس وترجعينه الي ..

فله - خذيت جهاز منها دخلت للغرفه اني حافظه رقم عمو اسد اتصلت عليه شوية
وجاوب

-الووو منو تفضل

- هلاو عمو اني فله فدوة بس كلي دمار يمك موجود عفيه

- هلاااا بوية فله شلونج شخبارج اي هذا
دمار موجود بس انتي وين عرفتي عايش ..

-بعدين عمو انطينياه بساع فدوه فدوه ..

-اي صار .. هاك بوية دمار هاي بت عمك تريدك ماادري شوفها شتريد

دهام - استغربنا كلنا اتصال فله بدمار وين عرفت عايش ..عقد حواجبه دمار مستغرب اخذ جهاز من ابوي وطلع من يمنا

دمار - نعم

فله - اطلب منك طلب بداعت كل عزيز عدك

دمار - ماعدي عزيز .. بس فضيني شتردين

فله - اريد تطلع غسان من السجن فدوة ..

دمار - هلكد تحبينه ماتحملتي ساعتين غيابه معقولة هاي انتي ..

فله - كتلكككك ماعليك لاتدخل اني وزوجي بس طلعه بداعت العشره ..

دمار - وشنو مستفاااااد انه تره انه ماخليته بالسجن لخاطرج ماشتكيت عليييي والا هو
هسه خايس بالسجوووون ..

فله - طلعه حباب راح اموت علاجي عنده اذا ماخذته اموووت

دمار - انتي من اليوم غريبه بالنسبه الي .. دامج طلبتي مساعدتي حسبي ساعه وهو
يمج وان شاء الله ماشوفج بعد

فله - بعدني ماحاجيه سد تلفون بوجهي
كعدت احك بأيدي لو رجلي لو وجهي لو
غير اماكن مرت ساعه وندك الباب ركضت
عليه فتحته طلع غسان يضحك من شافني
دفعني وكعت بالگاع
ركض هجم عليه وصار يغلط ويضرب بيه

غسان - انتييييي شلوووون ترجعين وي هذااااا النذل *** ال **** ولا فوكها ...
متصله عليه طلعيني من سجن تراااااااا
اني مامحتاج واسطاتكم ..

-كل الضرب ماهمني لأن تعودت على .. وضعي سحلت روحي سحل لزمت رجله
صرت اتوسل بي حتى ينطيني علاجي ..

فله - الله يخليك ريحني وانطيني علاجي .. ذاك خلص ماعدي غيرك فدوة راح اموت

غسان - مو تدللين جنج على علاج ..

فله - شمر عليه علبه وبيها حبوب خذيتها من عنده وعبالك مثل الكنز خذيت وحدة
ورحت گبل نمت بغرفتي ..

ريماس - مرت على ولادتي بطف اربعين يوم صرت زينه ونزلت جوه كاعدين يم ..
عمو اسد يريد يفتح ويانا موضوع

عقاب  - اي بوية شنو موضوعك ويانه

اسد - الحمد لله والشكر انتم تعرفون اخوكم دمار رجع بخير وصحه وبعد ..
ماكوو داعي نأجل عرس مسلم وماريا

انه حجيت وي عمكم وماخذين الموافقه من ماريا وانت بوية مسلم جاهز لو لا حتى
الخميس هذا يصير عقدكم ..

مسلم - اي بوية انه جاهز ماعدي شي ..

ميسر - انتم شنووو زوجون مسلم جا وانه ابن البطه سوده مازوجونييي ..

مسلم - عود من تعقل نزوجك

ميسر - بوياااااا حاجيييييي ...

اسد - كلام اخوك صحيح من تبطل سوالفك عود نعرسلك

ميسر - بسيطةةةة الا اسوي بيكم سالفه ماتسولف بس صبروليييي

ريماس - كمت من يمهم وريم وياي

ريم - ماما سويلي عما جوعانه ..

ريماس - تدللين كلبي امشي سويلج اكل

- دخلنا للمطبخ وهي وياي بقينا نسوي اكل اني وياها وهي صغيره حلوة تنوكل
اكل ونضحك سوه
دخل علينا عقاب

عقاب - اليوم مجتمعات الحبايب

ريماس - اي نريد نسوي اكل لريومه جوعانه ..

عقاب - انه هم جوعان سويلي وياكم

ريماس - بقينا نسوي وعقاب كاعد على الميز ويلعب بجهازه دخلت علينا اسراء
لابسه عبايتها لأن جانت عد اهلها ورجعت

اسراء - ريييييم كومييي وياييييي يلاااااا

- رفع راسه شيخ باوعله بعصبيه صاح بيها

عقاب -عوفييييي البت انتي لو مهتمه بيها
صدككك ماعايفتها وضاله دايحه ....

اسراء - هااا ترست راسك عليه مووو عرفتها انييي ماكفاها خذتك انت ..
رجعت هسه على رييم

عقاب - امشيييي ولييي لغرفتج لج حتى كامت تصيح لريمااااس ماما لان ماشايفه
منج اي شي هاملتها كل الوقت ..

ريماس - لزمتني ريم من ثوبي خايفه من صياح اهلها حضنتها واسراء باوعت خزرت
وراحت صعدت فوك

عقاب - تعاليي بابا لاتخافين هاي انه وامج ريماس وياج

ريماس - ريم هادئه حيل وصوته مايطلع
ابد كل الوقت ساكته ركضت حضنت ابوها
وكعدت بحضنه وهو يبوس بيها
كملت الاكل كعدنا ناكل كلنا سوه وبعدها..
غسلت اماعين وخذيت طف من عمتي

مرت الايام عاديه واحنا نجهز لخطوبة ... مسلم وماريا اتصلنا على فله تجي تحضر
الخطوبة گالت اشوف اذا قبلوا اجي اليوم
هيه خطوبتهم

ماريا - عفيه بنات اني متوتره حيل ماريد
عادي ابطل

مادلين - اي مو احنا نلعب حتي تبطلين دكومي يله لبسي فستانج حتى ننزل ..

ماريا - ريماس ماناقصني شي موو

ريماس - ابد والله صرتي حلوة ...

ماريا - اي خوش .. تدرن لمتنا هاي ناقصها بس فله الحقيره مااجت

ريماس - هو مشتاقتلها كلش بس يمكن زوجها ماقبل تجي بعد مدري

ماريا - اي يمكن يله هاي لبسته الفستان شلونييي

مادلين - تلعبين النفس

ماريا - امداج هاي بدل ماترفعين معنوياتي

مادلين - ديله نزلييي ناس منتضرتنا ..

ريماس - طلعنا نزلنا جوه صارت هلاهل والبنات صارن يركصن وجان اشوفها من
بعيد عيونها مدمعه وجها اصفر وحالها ..
متغير كلش ..

ركضترعليها حضنتها وهي حضنتني وصرنا نبجي اجت عمتي تهاني وسعديه وكل البنات ماعبالك خطوبه صارت عزه علينا

فله - كافيي كافيي عليمن دتبجون هاي اني جيتكم شو بله وانتي عروستنا ميصير تبجين واليوم خطوبتج

ماريا - لج حيوااانه مشتاقتلج عبالي ... ماتجين والله كلت بعد ولااحجي وياها

فله - لا ماعوفج .. وانتي ريماس وين ابنج خلي اشوفه من جبتي لحد هسه مشايفته

ريماس - اي تعالي خليته فوك نايم لان هنا هوسه مشينا نصعد ..

فله - صعدنا فوك واني اشوف البيت شكد مشتاقه لكلشي بيه صارت امنيتي ارجع هنا
اكعد بنصهم مثل قبل

-دنصعد وصار دمار بوجهنا فتحت عيوني على وسعهن ورجعت ليوره وهو هم متفاجئ من جيتي هنا خزرني وراح كمل مشيته ونزل جوه

ريماس - شبيج صفنتي تعاي يله دخلي

فله - اي اي جيت دخلنا للغرفه وشلت ابن ريماس بوسته ونطيته دلاعته

ريماس - شنووو هاييي مو عيييب عليج ..

فله - ماعليج هاي من عمته

ريماس - يبووووي كعد من نوم هسه .. شيرجعه ينام واني اريد انزل انطي نسوان
الضيافه

فله - روحي ماعليج اني هنا يمه انومه وانزل وراج

ريماس - اي عفيه خوش واذا مانام صيحيني واجيج

فله - طلعت ريماس من الغرفه واني صرت انوم ب طف تقيئ عليه نضفته وصرت انومه  كأنه ملاك بسرعه نام رجعته ..

رحت للحمام اغسل وجهي كملت تغسيل مكياج راحرعود جنت خافيه بي اثار ضربهم
طلعت اثار زركه كلها بوجهي

طلعت من الغرفه اروح لغرفتي القديمة بيهت كل غراضي وحتى جهاز عرسي من
دمار ماخذته كله بقيته هنا فتحت باب

دخلت بيها وسديت باب سندت ضهري على الباب ونزلت دموعي دمااااار عگب
مارجع وطلع عايش اني مزوجة شكد فكر

بقيت ادور على مكياج الي شتريته قبل بس اريد اخفي الاثار عن لااحد يشوفهن وتصير
مشكله حسيت نفتح الباب رفعت راسي ..

شفته دخل وسد الباب وراه التفت عليه صار يباوع بوجهي وحالتي مستغرب ....
وكفت اريد اطلع من الغرفه لزمني من ايدي رجعني خلاني مقابيله دنكت راسي

دمار - رفعي راسج

- ماجاوبته وبقيت مدنكه راسي ماريد تصير مشكله عفته ورحت فتحت باب رجعني صار الباب مفتوح على النص

دمار - ماكووو طلعه قببببل مااعرف كلشييييي وبالحرف الواحد خوووش

فله - مو ماترييييد تشوف وجهييي وخرر .. عنييي خلينيي اطلع اني مرة مزوجه مايصير ابقى يمك وحدي

- ضحك بصوت عالي وصار يكح راح كعد على سرير طلع جكاره ورثها گال

دمار - شايفه حالتج انتي لو لااا

فله - ماعلييييك لاتدخل بيه ..

دمار - "  فلايتي يمج انه اضعف وانه غيرج ذاله ..!!  "

فله - يمكن بهاي لحضه اي احد يگلي بجت جان كابلته وبجيت بس صبرت
على روحي

دمار - ليش سويتي هيج وانتي تدرين بيه شكد احبچ .. "

فله - واني ماحبك ذيج الفتره كلها جنت بس مجرد اضيع وقت وياك اني احب غسان زوجي وبس ..!!

دمار - " تدرين شهد گلبي بنار عشگچ ذاب و اتچوه "

فله - شووف حياتك اني مافيدك ياريت بعد لاشوفك ولا شوفني

دمار - جنتي مجبورة وزوجتي لو شنوو بس كليلي والله اخذ حقج

فله - لا ماجنت مجبوره ومرتاحه هناك ..

دمار - " راح تبقى نفسي بيج وماراح تتهنين بشي. "

فله - عفته بالغرفه وطلعت صارت معصومة بوجهي ضحكت بشماته ..
عفتها ونزلت جوه كعدت وسكتت

ماريا - صار شيخ يسألني انطيته موافقتي ومسلم هم انطاه الموافقه بعدها رجعت
لمكاني ودخل مسلم صار يليسني الذهب
ونسوان تهلهل وفرحانه

مسلم - " احبچ يانقش حنه "

ماريا - ابتسمت باسني براسي وطلع

فله - كملت الحفله وماريا رجعت لبيتهم لان خطوبتها صارت بيت عمو اسد كعدت
يم عمتي ودخلوا الولد كلهم سلموا وكعدوا
ودمار وياهم گال

دمار - دام مسلم خطب انه هم اريد ازوج

عقاب - ليش عدك وحده حتى تريد تزوج ..

دمار - اي عدي

فله - ختنكت بس جنت مجبوره اكعد يمهم عبرتي خنكتني ومعصومة صارت
تضحك وتبتسم وتباوعلي
اجه ميسر صاح بيه ..

ميسر - فلااااا لج يله كومييي هذا غسان هناااا يريدج يكوول خلي تجي بسرعه ..

اسد - لييش بوية شنوو هاي زيارتج ماضلين بعد هنااا بعد وكت

- من سمعت غسان جنت محتاجه اطلع مااكدر اتحمل نضرات دمار الي واتهامه عليه ..

فله - لاعموو مااكدر اعوف غسان وحده ..

- حجيتها واباوع على دمار قبض ايده بقوه وصار يباوع عليه ويخزر ..

اسد - بكيفج بوية بيتج ديربالج عليه واي شي تحتاجينه انه موجود

- باسني براسي ودعتهم وطلعت لكيت غسان منتضرني نتر بيه بصياح ..

غسان - انتييييي وييين جنتييييي صارلي ساعه منتضرج

فله - ماحجيت صعدت وياه وهو صار يصيح ويغلط واني بالي كله يم دمار ..
مجرد فكره ان يتزوج هضمتني

وصلنا للبيت اول مادخلنا بيه صار غسان دفعني ويضرب بيه ويغلط

- لج كاعده وياااااااه بالغرفه موووو احجي
شسويييين وي دمار بالغرفه

فله - بقيت مصدومه وين يعرف اجه بسام اخوه دفعه عني انطاني تلفونه شمره عليه
ولزم اخوه اشرلي اتصل على عمامي

ركضت للغرفه وسنيه وراي ركضت تريد .. تاخذ جهاز مني دخلت وقفلت الباب عليه
لزمت جهاز واديه ترعش رقم كل شوي اعيده نسيته
كوه يله تذكرته دكيت على عمي واجاني صوت دمار جاوب ... نفتح باب الغرفه
ودخل غسان صرخت وكع جهاز منييي

-  " دمااااااار تعال فدوة الحكلييييييي "

يتبع ...

اعتذر عن التأخير بس صارلي ضرف