رواية بيت جبر الفصل السادس عشر 16 - بقلم هُدىٰ آذار

مساء الخير
حبايب والله ماجاي احب تفاعلكُم يعني من ضمن ال 100% الي دتشوفون البارت 15% بس الي يصوتون و 5‎%‎ الي يعلقون، حبايب بنهاية دعمكُم يشجعني استمُر وحتى اصير متحمسة اكثر وانطي افضل ما يُمكِن والرواية تستاهل والدعم ميكلفكُم شي هوَ تصويت وتعليقات حلوة تشاركونة بيها ارائكُم واني متفاعلة وياكم يلا لا زعلوني امانة
قراءة مُمتعة
للكاتبة: هُدى آذار
___________________

فرس:

فتحت موبايلي بسرعة
ومديت ايدي داراويهيا

باوع لعيوني لثواني واخذ الموبايل بعصبية
باوع للكروب و ملامح وجهة كُلها تغيرت

ماحس الا كسر الموبايل بالكاع حيل !

امير
اطلعي برة فرسسسسس
اطلعي برة

باوعتلة بـ ترجي ودموع وتمني بـ انقاذي
ماكو كلام اكدر اطلعة مني ماكدر اطلع كلام غير اني ابجي

مسح على وِجها بعصبية وهوَ يهمس ويستغفر

امير
كومي جاي اكلج

باوعتلة وصفنت بوجهة، ولا كانما امير الي عرفتة الحساس الكُلة مشاعر، الي اذا مو فمة يضحك عيونة تضحكلي
صرت اشوف كدامي انسان ماشايف احد، وعيونة كلهن حقد ..

امير
فرس لتصفنين بوجهيييي كومي وياي !!!

حسبالي ديكلي اطلعي، ماجنت اظن يكلي اطلعي وياي
كمت وكفت ودرت وجهي اميح دموعي
مد ايدة باوعت انطاني كلينس

امير
امسحي وجهج و اطلعي قبلي اوكفيلي بـ ... واني شوي و اجي وراج

حاولت امسح وجهي من الدموع الي تحولت لشهكات

طلعت قبلة ورحت للمكان الي كالي عليّ، كدام العمادة
شوي وشفتة اجة
اول ماجة وشاف المكان مابي احّد

امير
فرسسسس تدرين شسويتي انتِ ؟؟
فرس اني حاليًا ممكن انحال لجنة انضباط بسبب هذا الشي
حافظت على سمعتي صار سنتين
حتى تجين انتِ بمدة  شهرين تضيعيلياهة!!!!

احس نهاريت وهوَ جاي يعاملني بهاي الطريقة
وصرت احجي بكُل عصبية وحالي مِن حالة

اميررر انتَ مايهمك بس نفسك!!
مايهمك اني مايهمك كلام الطلاب علية

امير
من ايدج
تفهمين شنووووو من ايدج
انتِ السبب
انتِ ظالمة وتلقيتي ظلمج بعد عليمن تبجين ها !!
هاي نتيجة اعمالج
ما انتِ جبيرة طبيتي ١٩ تفتهمين كلششش زين
وعارفة الي سويتي
واصلاً انتِ ردتي تذليني كدام الكل
شتردين بعد ؟
سويتي الي تردي
جاية تبجين ليششششش!!!

فرس
اميررر لا تعاملني هيج الله يخليك
والله بس اول يوم لعبت بعقلي هيَ
والله بعدها كل شي صار حقيقي والله !

امير
ساررررة؟؟؟؟

انصدمت منين يعرف الاسم اني حتى ماكايلتلة
هزيت براسي ب ايّ

امير
ان شاء الله خير ان شاء الله خير
كُبل للقاعة تحضرين مُحاضرتج الثانية بكُل هدوء
وما تكومين من مكانج مهما صار
الي يحاجيج لا تجاوبين ب اي شي سمعتي؟؟؟؟؟؟؟

كال سمعتي وصاح بوجهي
باوعتلة والدموع بعيني وكتلة

لا اني بعد ما اداوم راح ارجع للموصل وهاهيّ
مستحيلللل ما اكدر اواجه احدددد ما اكدر

امير
بس كدرتي تسوين فعل اكبر من عمرج ب قاطات؟؟؟؟؟؟
كدرتي على هاااااي بس على النتائج لا ماتكدرين !
استغفرالله ياربي اريد اهدئ وما اريد اسوي شي
كومي روحي للقاعة بسرررعة فرس
خابري ايلول تجي وياج
وتطبن للقاعة بدون اي كلام ماريد ايّ كلام يصدر منج او من ايلول

اميررر ماكدر والله ماكدر
ايدي صار ترجف وروحي احسها راحت
ما سويت شي غير اني كعدت بالكاع ع جذع الشجرة وصرت ابجي

امير
ماتوقعت بيوم انُ مُمكِن هل انسان الي ظنيتة ملاك يطلع هيج ابدًا
تستاهلين كل شي جاي يصير بيج كل شي تستاهلي

ماكدر حتى ارفع وجهي ولا اكدر اباوعلة

امير
دمرتي حياتي كلها، شنو الي يمنعني من اني ادمر حياتج؟؟
تدرين حتى التدريس ممكن اعوفة؟
تدرين شنو ممكن يصير!
تدرين احنة الخبر عدنة ما ينضم
خصوصًا خبر طالبة و استاذها!
حسبالج اللوم ع طالبة؟
منو يعرفج انتِ؟؟؟؟
هاي ابسط الامور عندج ترحين للموصل
وتنسين كل شي وها اها
بينما اني !!!
مهنتي التدريسية كلها راحت
وحتى لاهلي توصل
حسبالج خايف انة؟
لا ماخايف من احد
بسسسسسس متندم
متندممممم لان انطيتج شي متستاهلي
لو انسان يسوة اقاتل الكل وغصبًا عنهم اخذة وماهتم
بس انسان يضحك علية
ش شايفتني وتضحكين علية ها؟
عبالج مضحك كدامج لوشنوووو ؟

رفعت راسي اريد احاجي رفع ايدة بوجهي وكال
امير
بسسسسسسسس....

اباوعلة رفع موبايلة يخابر
سمعت يكول ايلول تعاي وانطاهة المكان

راح ابتعد عني
ظنيت عنة راح شفتة وكف عَ صفحة، محد جان موجود يمنة والشارع فارغ شوي و اجت ايلول
راحت الة بسرعة وصاروا يحجون
هوَ يعيط وهيَ تعيط
ادري ب ايلول مُستحيل تنطي بية يم احد حتى لو كنت غلطانة اني
اخر شي خلة وراح

احس آمالي خابت
صرت افكر شكول لاخوية من ارجع للموصل
شنو اكُلة؟ وشلون اواجهة !

اجتني ايلول ورأسًا عاطت بية
ايلول
تستاهلين كُل شي جاي يصير الج
انتِ وحدة غبية وبدون عقل
دمرتي نفسج ودمرتي استاذ اميرررر وياج

فرس
ايلول حبابة احس بعد ماتحمل حبابة لا تحجين وياي حبابة

ايلول
ولج شلون اسكُتتتت شلون فهمينييييييي
لج السالفة ....
خل اسكُت احسن كومي منا كوميييي

فرس
ماريد ايلول عوفيني احس روحي ماجاي تشيلني
ارجع للموصل وبس ماريد لا ادرس ولا اي شي ماريد اي شي

وصلت ل حالة هستيرية كلش، من البجي و ايدي ترجف وروحي احسها راحت كعدت يمي ايلول وصارت تحاول تهدئني بدال ما تلومني من شافت شكد اني انهاريت وخصوصًا اني عندي ربو مُزمِن..
احس حياتي انتهت وبعد ما اكدر اسوي ايّ شي
مرت تقريبًا ساعة
ايلول كالتلي اُستاذ امير كال ضروري تجون للمُحاضرة

ايلول
اني مؤمنة ب استاذ امير واعرف هوَ ابن اصل وناس وانسان زين ومُستحيللللل يسكُت

فرس
ايلول كلي انتِ دمرتي حياتي واني راح ادمرها هم

ايلول
هذا امير مراح يسويهاا
ثقي بي وكوممممي

رحنـا للحمامات غسلت وجهي بس مُستحيل اخفي البجي الي باجيتة
كوة ايلول جرتني ودخلنة للقاعة
اباوع الكُل تباوع علية
بس يخافون من ايلول ف ينزلون راسهم بسرعة ولد وبنات

شوية طب استاذ اميـر بس عصبي و وجهة احمر وباين عليّ
رأسًا صعد ع الستيج وبدة يفرُغ غضبة

امير
سلامي لكم يا صنّاع الغد
ولو إذا ظل الوضع هيج، الغد نفسه رح يقدّم استقالتة
كروب A يا صفّ العباقرة ويا عقول المستقبل
شلونهم"المجتهدين" اليوم؟
الكل ضحك بصوت عالي بينما هوَ جان يحجي ب استهزاء

امير بعصبية
وتضحكون هماتين؟؟؟؟
انة لو منكم اطم روحي من الفشلة !

صار يمشي بين الستولات
الهدوء عّم، الابرة اذا رميتها راح تنسمع
ويحجي بعصبية صامتة وباستهزاء جبير

امير
ما شاء الله، الكل حاضر بجسدة، أما العقول؟ واضح إنها ما زالت نايمة فالفراش.

ادنة من يم المُمثل وكال
امير
أنت، نعم أنت، أظنك جاي اليوم بس علمود الكرسي يشتاقلك، مو علمود تتعلم وتؤدي عملك

كام المُمثل
نعم استاذ

امير
المنشور ليش ما انمسح

المُمثل
استاذ انتَ من كتلي بساعتها مسحتة

امير
زميلتك ايلول كايلتلك امسحها
انتَ حضرتك شكتلها ؟؟؟؟

المُمثل
استاذ هيَ ما طلبت بصورة محترمة واني كلتلها هذا كروب ما اكدر اطمث حرية احد

ايلول
اني ماحجيت وياك ب اسلوب موحلو الا لمن رديت علية هذا الرد !

امير
اني ماكتلج احجي، رجاءً التزمي بالصمت!!!!

يحجي وعصبي ومو ذاك امير الهادئ البارد ابدًا

هدوء يعم المكان
حَتى ايلول المتقبل احّد يعلي صوتة علية خافت وسكتت
والكُل خايف ومركز ويا
عَ كد ماجان عصبي

امير
اول شي هل الحساب رسمي وحقيقي حتى حضرتك تحترمة وماتريد تطمث رأية ؟؟؟
ثاني شنو رأي ايششش هذا ؟؟؟ هذا تشهير وتفضيح ب اعراض الناس !
وانتَ راح تتعاقب على اهمالك !
اني شفت كل شي وانتَ اول الناس متفاعل ع المسج
هاي ب بدال ما تدارك الموضوع وتنبه الطلاب ب انُ هاي تصرفات غلط !!
اكعد مكانك، وباجر تروح تقدم تراجع عن الممثلية....

امير
منو الي نزل الصورة؟ وهذا الحساب لمنو !

الكُل ساكت ومحد يحجي ..

رفع صوتة اعلى، مو بصرخة، بس بصوت مُرعِب
امير
منو كاتب إنُ هاي المحادثة حقيقية؟
منو قرر يصير قاضي ومحامي ومحقق بنفس الوقت؟

كذالك سكوت

امير
راح انطي مجال ل هذا الطالب ب انُ يجيني
وحتى لو بيني وبينة يعترف بـ ذنبة وخلاص!
عبالكم شنو حضرتكم مسوين حساب مجهول ما نعرف؟
الحساب حاليًا بيد جهاز مُكافحة الارهاب
وجاي يبحثون على كُل شيء
يعني منا لمن اكمل كلام وياكم همة عارفين لمنو الجهاز !

أولاً، آني أنفي بشكل كامل إنُ هاي الرسائل تخصني، أو تخص الطالبة فرس. هاي سالفة مفبركة، تلفيق تافه، واضح بيها القصد التشويه.

خطة خطوة لكدام والتفت النة وكال بكُل ثبات:
والأدهى؟ إنُ الي جاي يصيـر، جاي يصير بين طلاب جامعة مُثقفين اساتذة يربون الجيل الجاي !

رجع تقدم و وصل يمي وكمل كلام..
امير
فرس طالبة محترمة، وشهادتي بيها مو لأنُ بينا شي، لا... أبدًا ما صار بينا أي شي، ولا راح يصير. بس اللي صار إنكم كشفتوا وجوهكم الحقيقية، مو وجها ! صغرتوا من نفسكُم مو منها !

رجع تقدم لكدام ودار وجهة للكُل ورجع يباوعلهُم :
أرفض وجودي ببيئة تستهزئ بالبنت وتبرر لنفسها بقذارتها! .
أي صورة، أي كلام، أي نشر ثاني، راح يتحاسب قانونيًا منّي شخصيًا، ومن الجامعة.
هذا الحدث الي صـار اذا سمعت طالع ومتداول بيناتكم
الشخص هذا راح يتعاقب سوءًا مزح او جدية او بإيّ قصِد
جاي تسمعون؟؟؟؟؟

الكُل كال ( نعم )

امير
اذا اسمع بعد هذي السوالف تصيـر عدكم
تشهير وحجي ومدري شنو
حتى الكروبات تنمنع منكم
ان جان فرس او اي طالبة غيرها
او حتى طالب
ممنوع التشهير بـ اعراض الناس ابدًا
والي ينافي هذا الشي راح يلكي اول شخُص بوجهة اني .

ياخذ نفس أخير، ويحچي بنبرة منخفضة:
"خلصوا محاضرتكُم، وراجعوا إنسانيتكم قبل درجاتكم."
لان حسب الي شفتة اكو فئة انسانيتها معدومة ..

باوعلي بنظرة اخيرة وخلة وطلع ..

الموقف الي سوى مـا ينحجي ب لا كلمة ولا بكلمتين
الكُل سكت من بعد الي صار ومحد تجرأ يحجي ابدًا
كمنة اني و ايلول طلعنة
بطريق كالت انُ استاذ امير صعد بكروبنا وصار مُشرف والمُمثل وخرة
عرفت ايلول شخصنتها ويا وشاكية عليّ هواي يم استاذ امير
بس يستاهل اول واحد هوَ الي حاط اضحكني
بدال مـا يمسحة

رجعت للسكن وحالتي حالة، واني ما بالي غير اني ارجع للموصل
وايلول معارضة وتكلي نكمل هذي السنـة على خير وشيصير خل يصير بعدهي، نرجع وهاهيّ
احس نفسيتي تعبت
مو مال اداوم ومو مال كل شي اسوي
اريد انام وابجي وبس
وفعلاً كضيتها هيج
حاولت ايلول وياي بس اني جنت قافلة ع كد ماجان كل شي طالع من عيوني
حاولنا نعرف شنـو صار بعدهي بس استاذ امير رفض يكول لايلول ولا علي جان يكول الها
بس سارة جرت عدل وكامت اذا شافتنا من طريق تمشي من طريق الثاني

اخذتلي يومين اني مارايحة للدوام ابد
وتعبانة حيـل
بس ايلول ضلت تحجي علية وتكول لتخليهم يحسون انتِ ضعيفة
جهزت نفسي للدوام
وكلت شلون ما جان بس اخلص هل سنة على خير وارجع وبعد هاهيّ
لان نفس ماكالت ايلول اخوي من النوع الصعب وحيل ذكي وهو شافني شلون متحمسة حتى اروح  ف مو سهل انُ يصدگ باسباب تافهة..

داومت بـ اول يوم وجنة اني و ايلول نمشي
اباوع النظرات غريبة
يجوز مايحجون كدامي بس اني متاكدة الحجي وراي
نظراتهُم وهمسهُم وي بعض كرهني بنفسي
وفوك كُل شي امير الي جان متجاهلني تجاهُل تام...

بديت اسمع حجي وبدت تتعب نفسيتي بسببة وماجنت اطيق الجامعة حتى، وصرت اشوف نظرات ما تُطاق من الكل ..
صارت امتحاناتنة
و ايلول تحاول وياي و اني مالي خُلك نهائي
ورسبت ب اغلبية المواد واصلاً اكو امتحانات صرت اني ما اروح الهِن

الحجي بدة يزود ما ينقص و القُصة صارت تتكبر اكثر و اكثر
وكاموا يحطون هواي سوالف منهُم
وصرت اسمع سوالف عني اني موبيهن اصلاً

اني انسانة قوية من ظاهري واحب ابين هشي دائِمًا، بس من داخلي ركيكة وضعيفة هـواي بهاي الفترة

هل شي رباني وخلاني باردة بس من داخلي احترك من القهر
مع ذالك اني ماكدرت للحجي ابدًا
اخر يومين امتحانات كنسلتهن نهائي وقررت ارجع للموصل واصارح اخوية بهذي الفكرة وهاهيّ شيصيـر خل يصير
ايلول شكد حجت علية بس من شافتني هلكد تعبانة وحتى صوتي بلكوة يطلع كلتلي خل يولن بعدين تعوضيهن ماكدرت تضغط علية زايد ..
شكد تحاول تطلعني كذا احس ما اتقبل اي شي غير اني اسكت
وهي لحظة ما عافتني
هذا الشي يخليني اتندم ازيد و ازيد لان سارة ودخولها وطعنها ب ايلول احد الاسباب الي وصلني لهنا

احس المكان والمدينة هاي استنزفت كُل طاقتي وما اكدر دقيقة اضل بيها
ادري ايلول مراح تُرضى فَ سويت كُل شي بدونها، ومن دون ماتدري ضميت كُل ملابسي وقررت اروح
اني موصية اخوية انُ اني مكملة امتحانات واريد انزل و ايلول متريد تنزل تريد تُبقى فَ ودالي سايق جيرانة من الموصل اجاني

ماحضرت جنطتي من الليل حَتى لتشوفني ايلول
كعدت الصُبح حضرت جنطتي كُلها
شوية وخابرني الرجال انُ هوَ وصل
سويت اجراءات السكَن على انّي اريد انزل لاهلي و وقعت وخليت ورجعِت للموصل واني تاركة وياي كُل ذكرى انكتبت الي بهذي المدينة ...

عايفة كُل شي وراي ومادري شنو مصيري
الي اعرفة بـس اريد ارجع

كُل شوي تراسلني ايلول تطمئن علية وكُل ظنها اني بالقسم اخر شي كلتلها اني رجعت للموصل ايلول و سديت الموبايل ..

عيوني احسهن ناشفات دموع
وكلبي يخفق بثكُل

التفكير دمرني بالطريق
وكلبي احسة بمكان، نفس ما عقلي بمكان ثاني

شفت عِبارة( الموصل ترحب بكُم)
حسيتها تستقبلني نفس حضن الاُم
باردة.. بس بيها أمآن جبير

الطريـق طويل ويستغرق وقت طويل
طلعت من الساعة بـ ٩ الصُبح لحد الساعة بـ ٥ احنة ستونة طبينة لاطراف الموصل

شكد حجة وياي الرجال ننزل ناكل شي بس اني جنت رافضة
لان احس معدتي شبعانة
من شنـو مادري

غفيت شوي ورجعت فتحت موبايلي داطمن اخوية وين وصلت

باوعت وانصدمت رسالة مِن استاذ امير !

فتحتها واني كلبي يخفق بسرعة واحس روحي انشِدهّت بس بنفس الوقت انصدمت وبهتت لمن شفتة شنـو كاتِب !
يتبععععع، رئيكُم؟؟

___________________

روان

اريد اطلگ منك مارررريد ابقـه يمك ماتفهم لو شنـووو؟؟؟

مـروان
ترديـن ترحين؟ انه هم طكت روحي وماكدر اتحملـج بعد
جيبي منـي طفل وروحي الله ومحمد وعلي ويـاج
هوَ هذا قانونة
الفصليه التجيب طفـل تكدر تروح لهلها

وانه ماميـت عليج ولا رايد طفل منـج
بس ماريد اطلع بوجه اسود كبال ناس
فـ شگلتي ؟؟؟؟؟

روان
انتَ ما تخلُف ف كلت هيج لا اكثر

كلت هيـج وانة معصبة
ما جنت محسبة للكلام الي جاي احجي
وماعرفت انُ انة دست على طرف مروان المتأذي مِنة

باوعلي وكإنما يباوع الاسد لفريستة
نطق جملة وحدة وهوَ يقفل البـاب
مروان
القدر واحد وقدرج الموت من القهر على ايدي

اتقرب الي واني خايفة وابلعم، بعدني ماحاجين شي سمعت صوت طَلق عالي نزيت وهوَ استغرب

مروان
راجع الج، بس الموت يكدر يمنعني عنج اليـوم والله

طلع وقفـل الباب علية واني ميتة من الخوف
بس الله راح ينجيني من الي راح يصيـر اليوم
ادور على موبايلي موبايلة ايّ شي بس اريد اخابر علي
احس روحي صارت يم علي اريد اخابرة واخلي يجي ويحميني
ادري الحجاية الي حجيتها موهينّة
بس ادري الي راح يصير بعد اسوء

صرت افر منا ومنا ب أمل الكي شي ينقذني ماكو
صرت ادگ بالباب حيَل واريد واحد يفتحليا محّد
والحجية ماجانت بالبيت بالزيارة

كعدت ابجي وخايفة من الي راح يصير
كُل جزء بجسمي يرررررجف

تندمت عَ الي حجيتة وياريت عصبيتي وحزني على زينب ما ودتني لهيج شي

هذا المشهد حبيت اذكرلكُميا كَ فلاش باك
كَ لحظة كانت مُمكِن تكون بِداية بس طلعّت ( كِذبة)
يجوز قليل ما يستخدمون هذا الاسلوب بالروآيات، او مايستخدموا اساسًا، بَس هوَ موجود بالافلام كَمشهد يصير براس البطل كَ ذُكرى قديمة بس بوقتها مايكون مذكور من ضِمن المشاهِد المُتبقية
و اني كَ كاتِبة راح اضل مُحافِظة على قيمة النص الفّنية و الدرامية  ..

روان
هل ياترى هل مرة راح نتعارك نفس كل مرة ويعوفني لو هل مرة الانتقام غير؟
صار بـ بالي موقِف النة واني اصيح وهوَ واكِف كدامي

اخوي كتل اخوك اني شعلية
ليش تدخلون شخص بريء بمشاكلكم ؟؟؟
يعني انتَ اليوم جاي تتعارك وي شخص ترضى مرة تدخل بيناتكم

مروان
المرة ما الها دخل

روان
زين ترضى المرة تتاذة بهذا العرك مالتكم؟

مروان
وشعليها هي انة جاي اعاركة الة مو للمرة!

روان
نفس الشي صار وياي انة شدخلني شنو ذنبي بكل الي صار ليش هاي القوانين والشغلات عدكم، يا اما سوالف صارت ما شفت اهلي حجوا بالفصلية، مرة من المرات توسلوا بجدي حتى يهدون بنية لزعيم تدري شسوة مو؟؟؟ اكيد تدري لان بساعتها الكل ضل يحجي بيها

سكت

روان
كول تدري ؟

مروان
اي ادري وين تردين توصلين؟؟؟

روان
وين اريد اوصل ؟ انة اكلك هسة وين اريد اوصل
من انطوا رزلهم وكال الهم المرة مو سلعة حتى تهدونها وتنطوها ومدري شنو مع ذالك انت فرضت هذا الشي على جدي وخيرتة بيني لو بين موت سجاد انة ماجاي ادافع السجاد بس متاكدة سجاد مظلوم

مروان
بيمن مظلوم هاااا بيمنننننن؟
كتل اخوي تدرين شنو كتل اخوي !!!!
وفوك كل شي عمج بسببة عمتي ماتت
انة لو غيركم ماراح اخذ فصلية وراح اخذ الدم بالدم
بس انة ردتنتتت اهينكم ردتتتت اطلع السويتوا قبل كلة
ردت انتقمممم منهم بيج
بس هسة جاي اعاملج بالتي هيَ احسن

روان
يعني لان بيت جبر اخذت منهم فصلية لو غيرهم ماتاخذ

مروان
الدم بالدم والبادي اظلم لا فصلية ولا فلوس ترجع الميت

روان
كلامك كلة مو منطقي
هذا الحقد ليششش مادري
وبعدين ليش تلوم عمي حسنين؟
شنو ذنبة انُ هوَ حّب !! و فصختوا خطوبتة بسبب مشاكلكم وحقدكم على بعض ؟ منو الي كتلها ترا انتم الكتلتوها انتووووا

مروان
ماكوشي اسمة حب
الحب خرافة
اكوشي اسمة استهتار
وعمج جان مستهتر
والا منو يسوي هاي السواية؟
ياخذ البنية ويشرد بيها !!
ماكو شي اسمة حب يوصل لهل مرحلة
واصلاً حب شنووووو - يبدي يعلي صوتة -
خرافة اخترعتوهة انتوا المُراهقين لا اكثر !!!

اتذكر جِنت واگفة
بوجه مروان، عيوني تلمع من القهر، رصوتي يرتجف من كثر ما تحملت، والمكان بي توتر قوي...

روان:
تدري شلون الحب يشتغل؟
الحب يخليك تتنازل...
تتخلى عن كرامتك، عن عنادك، عن ناسك، حتى عن نفسك أحيانًا!
الحب جنون، صدك جنون، يخليك تتصرف تصرفات ما تشبهك، تتكلم بكلام مو كلامك، تضحك وانت مكسور، وتكابر وانت تنهار من جوه.
تدري شلون؟
الحب يخليك تغلط وتعرف انك تغلط... وتكمل، لأنك متأمل، لأنك مرتبط، لأنك تحب!
كلشي يصير تافه، بس هو لا.
كلشي ممكن تتركه، بس هو لا.
وماتشوف شي بهاي الدنيا غير حبيبيك
وهذا الي صار وي عمي
وماجان بس هوَ المسؤول ترة ؟؟
هيَ راحت ويـا برضاتة
وماجانت خطئانة ترة همة حبواااا وبالحلال شنووو ذنبهم بمشاكل اهلهم؟؟

بس انت...
انت لا...
ما تفهم هالنوع من الجنون،
لأنك بلا كلب...
انت حجر،
حجر يا مروان،
حتى النار ما تسوي بيك شي

يباوعلي ويصنت لكل حرف يطلع مني
تقدم نحوي بخطوات وكالي

مروان
انتِ حابة من قبل؟

توترت من سؤالة وهزيت راسي ب لا

مروان
جا شمدريج بكل هاي السوالف وانتِ كلج ١٧ سنة ؟

روان
انة ١٧ بس عقلي ٣٠
عكس بعض ناس عمرها راح يطب ٤٠ وعقولها فارغة

درت وجهي وردت امشي راسًا لزمني من ايدي
اباوعلة عيونة فاتحهن من الصدمة
حصرتني الضحكة بساعتها ع الي حجيتة
الله يساعدة منين يتلكاهة؟

مروان
اوكفي اوكفي اوكفي
مو ستوج حجيتي حجي مال كبار
تجفصيننن ليششش
شنو عقول فارغة شنووو راح تطب لل ٤٠

روان
عوفني هد ايدي ماقصدك شنو محد بهل دنيا راح يطب ٤٠ غيرك

مروان
روان ديري بالج تحجين هيج حجي وياي
ولج انة الي احترااااامي يم الناس اجي يمج تكليلي عقلك فارغ وراح طب لل٤٠

روان
اوي وهسة شبيك قابل جذب ترة عمرك ٣٤ سنة بكبر جدي

انة احجي بنبرة مُضحكة وهذا اخذ الموضوع بجدية وحسيتة عصب

مروان
اي حقج ١٧ سنة تحسيني جبير عليج مووو

روان
اي طبعًا جبير علية اصلاً اني ماتوقعتك انتَ تكون
نوب انتَ عندك ثنين نسوان و جبير
حسيت لاحمد

رفعلي حاجبة وعيونة لو صاروخ جان كتلني بمكاني

مروان
انضبي روان انضبي
انتِ هسة مرتي اكو مرة تكل لرجلها هذا الحجي ونوب اخووو

روان
هسة انة رايدتك رايدة اخوك هدني
اصلاً انتم كلكم ماتعجبوني
واطلك اطلك واروح واكبر واحد يتمناني

ردة فعلة ضحكتني وخوفتني بنفس الوقت
فتح وجهة بصدمة وحجة بعصبية حيللل

مروان
لج رووووووووان لا تخبلينييي حجيج لا والعباس اموتج
شنو هذا الحجي انتِ ماتنردين شوووو
ب احلامج تطلكين ترضين بـ امر الواقع وبسسس

روان
اي ان شاء الله هدني هسة هدني

مروان
انة ما اجذب روان
وانسي الي حجيتة مساع
لا تجيبين طفل وتطلكين ولا هُم يحزنون
انتِ انكتبتي الي وصرتي ب اسمي
النفس الي تاخذي صار يخصني
ديري بالج تبنين غير احلام
وهم انصحج
لا تحسيني جبير عليج
واذا حسيتي ف مايهمني
لان هذا الشي امر واقع عليج

روان
انتَ مقتنع ترة انتَ عمرك ٣٤ وانة عمري ١٧ سنة
تدري شكد بيناتنة ١٧ سنة
لو عندك جهال بنتك بـكدي

مروان
ها ما شاء الله يعني انتِ تعرفين فرق العمر الي بينة من ناحية من اكلج كَ مرة ورجلها، بس ك احترام لاااا فرق العمر شنو مروان اخوج الصغير

وخرت ايدي منة وباوعتلة صفح
وخليت ورحت

مروان
عيونج ولج

روان
هسة انتَ بكلامي تتحكم كلنة ميخالف نوب بعيونيييي !

اجة تقدم نحوي و وكف كدامي وكال

مروان
موبس هيج وبلبسج هم راح اتحكم
لبسج شوية ثكلييييي
انة صاحب خطار، خطار جاي خطار طالع وانتِ منا ما شاء الله
اذا تلمحين واحد بالبيت وجهج ماريد اشوفة تكعدين بغرفتج وتسكتين
لو مو سعيدة امي اي وحدة ما تسمعين كلامها وممنوع اي واحد يشوفج

روان
هوَ يعني خفتًا وراحة
بس شنو جاي تخنكني حضرتك

مروان
روان ماعليج وسوي الي اكلج عليّ
اذا واحد بالبيت ماريدددج تطلعين ابدددد
وهم قللي تواجدج بوجود احمدد

روان
شنوو تريدني اكعد بالغرفة واسكتتت

مروان
انة رايح هسة عندي مشية بعدين نتفاهم بس الي حجيتة خلي بعقلج خوششش

روان
لا موخوش

مروان
شنو من بشرررر انتِ كولي خوش واسكتي

عفتة ورحت للجرباية انام واتجاهلت وجودة
هوَ هم استغفر وخلة وطلع

اتذكرت موقِف ثاني يجمعنـا

صـارت الدنيا ليل وانة جنت منايمة مدري شبية احس راسي ياذيني هواي وارق موطبيعي، انة بالعادة ب ٩ انام وهلمرة صارت ١٢ وانة مانايمة نوب مروان ماكو، عرفتة راح يم وحدة من نسـوانة انة هم كيفت كمت لبست ثوب خفيف وفتحت السبلت واجيت احاول انام
حاولت حاولت ماكدرت
وباجر لازم اكعد من وقت لان الاربعين ودنيا راح تنكلُب
ضليت كاعدة وراسي موتني من الصداع
باوعت صارت الساعة بـ ٢ وانة ع نفس الكعدة شوية وشفت الباب انفتح وانة ستوني كايمة اريد البس و اطلع اشربلي ماي لان الي يمي خلص
بسرعة جريت الجرجف وحطيتة على جسمي

باوعت مـروان فاتح الباب وجاي ينشف بشرعة

روان
هسة انتَ متعرف تدك الباب يلا تطب !!!

اباوع عينة تجول على جسمي وهوَ يتقدم ويسد الباب ب ايدة من دون ما يدور وجهة ويحجي
مروان
غرفتي و مرتي ليش لازم ادك الباب ؟

روان
للحضة حسيت اريد اتقيء
جاي من مرتة وسابح ويفكر بية
شعور مُقرف ومُستحيل اتقبلة

روان بعصبية
مروان شعندك جاي بنص الليل ما ضليت يم صخامك ناااايم

مروان
شنو تغارين؟

روان
ب احلامك اغار من منو!!!
دخل احبك يلا اغار عليك
بس ماريدك تنتهك خصوصيتي

ملامحة نزعجن تقدم الي و انة لازمة الجرجف حيل
يتقدم وانة ارجع لورة

روان
هااااي شبيك

مروان
هاي الخصوصية الي كلتي عليهة اريد انتهكهة

انطبكت وي الكنتور
لزم ايدي بـ ايدة وثبتها عَ الكنتور
وبحركة سريعة منة جاب الايد الثاني ورجعها لورة وحطها وي ايدي الاولى

صار لازم اثنين ادية بـ ايد وحدة
ومُباشرتًا الجرجف وكع

روان
شنوو هم حاب نرجع ننفضح مرة ثانية؟
انتَ عايش الدور شكلك
شكم مرة كتلك لا تتقربلي انتَ متفهم لو شبيك

مركز بعيوني بقوة وكإنما الكلام الي كلتلهيا ما افتهمة
او ما جان حاط بالة وياي، لان لو جان صدك بالة وياي جان لعب بية جولا ع كلمة، انتَ متفتهم

وجهة مُقابل وجهي، ملامحة مرتخية وملامحي عصبية
ب ايدة الاولى لازم ادية الاثنين وايدة الثانية صعدها ع خدي

من سوة هيج حسيت جسمي اتكهرب وخفت ورجفت ..
ابتسم عَ الي صار
واني كمت ابلعم من الخوف واحس لساني نعكد وماكدرت احجي

قُربة دمرني وايدة الي ع خدي صارت كهربت كل جسمي

مروان بهدوء
باجر الدنيا راح تنكلب علينا
وانة اكلبها فوك راسج اذا شفت واحد لامحج وشايف هل عيون ذني سمعتيني ؟!

هزيت راسي ب اي وانة مو فاهمة شجاي يصير وليش ساكتتلة وليش هيج جسمي جاي يرجف اريدة بس يوخر عني، رجفة جسمي فضحتني

وخر ايدة عن خدي وحط ايدة على خصري وطوقني بيها

مروان
اثبتي شبيج كمتي ترجفين بحضن الاربعيني الشايب هههههههههه
شفتِ شلون هذا الاربعيني شسوة ب بنت ال ١٧ ؟

حسيتة جاي يستهزأ بية وخرت عنة بسرعة
وهوَ هم ماجان لازمني حيل

روان بصوت مرتجف
دير بالك تلزمني بعد

مروان
ما ميت عليج، اخر همي

وخرت بسرعة وردت اطلع من التوتر الي صرت بي

مروان
هاااا هاااا هااااااا وين طالعة بذني ملابسج ؟؟؟؟؟

روان
يبووووو دوهنتني خبلتني دوخررر عني دور وجهك

مروان
شكد طفلة انتِ عن شنو ادور وجهي ماشايف مرة قابل

باوعتلة هيج رأسًا 🤨
طبعًا ما شايف منية سعاد لو سعدية بجمالي مثلاً ؟؟؟

من كتلة هيج رأسًا ضحك بوجهي
وهاي جانت اول مرة يضحك بوجهي

روان
شفت شلون سكتت حقك لان تعرفني صحيح

مروان
هوَ مو كل شي جمال الشكل
الاخلاق هم تنراد

روان
خيوكلنك اخلاقهن
يابعد روحي شيخ كلبي شتريد اسويلك اليوم-بصوت سعاد-

من كتلة هيج ضحكتة صارت اوسع واعلى

مروان
وانتِ هلكد منتبهة؟
جا شكد غيورررررة

روان
ديربالك انكث غيرة منهن من جمالهن من نسبهن وحسبهن اغار من شنو

مروان
بالنهاية حسبهن ونسبهن راجعلي
شني حسبي ونسبي مو بعينج

روان
مو مهم بعيني لو لا
المهم انة حسبي ونسبي من بيت جبر
فوك كل شي وعلى كل شي احنة

مروان
الغرور وراثة
ولعبتكم انتوا بيت جبر

روان
شكلاً ومضمونًا احنة

مروان
اي واضح

اباوع لِلساعة صارت نُص ساعة ضبُط هوَ ماكو وصوت الضجة اختفة من الداخِل، صار كِدامي الكنتور اتذكرت موقِف ...

فتحت الكنتور
وطلعت دشداشة البسها
من جهة الحايط ومن جهة باب الكنتـور ميبين غير رجلية من جوة شبر ف بدلت بسرعة وحطيت شال ع راسي
وهوَ راح نام ع جرباية

مروان
وين

روان
اريد اجيبلي مي و براسيتول شو شنو راسي ياذيني

مروان
لسة كاعدة لان راسج ياذيج

روان
اي

عفتة وطلعت
رحت للثلاجة ادور على علاج
هواي اكو بس ماعرف منو اخذ شوية وشفتة اجة وراي

روان
شكد مهوسس بروان وين متروح تروح وراهة يا الاربعيني

مروان
ولج انجبي ولاا تعيدين هل كلمة بعد اربعيني شني بعدني ب بداية الثلاثين بعز شبابي وحيلي
طواجيت حتى انطيج علاج كلت يجوز هي ما تندل بس جنج مومال احترام

روان
مومال احترام شنووو احترمنييي

مروان
تدرين جوعان

روان
اخذ خياراية واكلها وروح نام جا شسويلك بنص الليل

باوعلي صفح واخذ خياراية من الثلاجة وراح يغسلها

مروان
وتحجين على سعاد وسعدية
نسواني معدلات عمي
لو كتلهن جوعان بنص الليل يطبخلي قوزي

روان
هاي نسوانك مو انة

مروان
جا انتِ مني عمتي ؟

روان
لتنتظر هجي شي من عندي
اكلك مروان تنطيني علاج لو اروح انطمر وحدي احس دخت ومالي خلك اناقشك

باوعلي انة عيوني مبين كوة دافتحهن وتعبت
انطاني علاج اخذتة وشربت مي وهوَ واكف ياكل بالخياراية

مروان
نفس ماوصيتج انة مساع

روان
ليش شكلت مساع

مروان
اي حقج جنتي ترجفين بيدي مومال تركزين
بس راح اعيدلج بما اني بكبر ابوج نفس ماكلتي
باجر هذا وجهج لتخلين كل من هب ودب يشوفج
يصير البيت بس نسوان اطلعي
اي وحدة تحاجيج لتردين عليها
مو تمدين لسانج هاطولة روان ما النة خلك مشاكل
مهما حجن النسوان وراح يحجن اسكتي
وانة راح اوصي امي ونسواني و الاء محد تحجي
و ماريدج بالمطبخ ابد
ضلي جوة
بالمطبخ لا تطلعين لا اماعين ولا اي شي يخليج تطلعين
بالمطبخ ولد تطب تنكل اكل تسوي مدري شنو انتِ ما الج علاقة ولا اريدج تتخطين حدود المطبخ

روان
تخاف لا واحد يشوفني وينعجب بية لاني بنية حلوة
بينما نسوانك عادي مو شفت شلونننننن هههههههههههههه

مروان
انة ماشايف بگواة عينج والله
شنو من عقل ولج انة بكدج حسبالي امي تجيب بنية وابوي يجيب ولد

روان
كام يبالغ
انتَ من جنت بكدي تطلع مشيات
بالنهاية كل احنة تربية دواوين ونعرف عقولنا شلون تكون

ابتسم لكلامي وكال

مروان
جد روان رايد منج هذا الشي وطلبتة منج ب احترام اتمنى الج ما تكسرين كلمتي حتى لا توخرين الاحترام

روان
انتَ لا تحجي بصيغة امر وانة اسوي
اصلاً انة ما ميتة عليكم واشتغل الكم شنو بنكلادش عندكم
وعفتة ومشيت

مروان
صاروخ مو لسان قسمًا بالله
وثاني مرة من احاجيج اوكفي من نكمل روحي

يمشي وراي ويحجي واني ابتسم ع حالتة
عفتة ونمت على فراشي وهوَ اجة نام على الجرباية

روان
ما سديتتتت الضوة مو انتَ طبيت وراي

مروان
مادري نسيتة كومي انتِ سدي

روان
ماعندك رجلين ؟؟!
انتَ طبيت وراي كوم سدة انتِ

مروان
راح اكوملج والقران لا تتأمرين ولا تسوين ضجة اردنام كومي انتِ سدي

كمت واني اتافف ومالي خلك كلششش
باوعتلة شلون يباوعلي صفح
سويتلة بوجهي ملامح الاستهزاء وصغرت عيوني وسديت الضوة ورجعت انام

نايمة على فراشي شوية وكال

مروان
باجر الدنيا راح تنكلب علينا
وانة اكلبها فوك راسج اذا شفت واحد لامحج وشايف هل عيون ذني
للمرة الثانية

على وشكرالنوم وعيوني كوة دافتحهن، ابتسمت على كلامة وكتلة

روان
الظاهر طحت بعيوني

سكت مجاوبني شَي ..

فززني من خيالي صوت الباب وهوَ ينفتح
خفت ولميت روحي بزاوية الغرفة

روان
مروان اعتذر ع الي كلتة و ..

جاي احجي ماحس الا تقدم الي بخطوات سريعة
حط ايدة على حلگي وگال ( اششششش )

تقرب يمي لزِگ، ب ايد لازم ادية ومثبتهُم وبالايد الثانية ايدة على حلگي
گدر يطمُث حركتي، بس ما گدر يطمُث نظراتي ورعشتي
خفِت حيل يسوي الي ب بالي وينتقم مني
وجانن عيوني يترجنة بدموع

يباوعلي بنظرة جامـدّة، صوتة صار بارِد بس بي نار تحت الرماد
مروان
هواي تحملت منج اشياء
بس كلمة ما تخلف و اهلي يسمعوها وتحجيها بكل جراءة كدامي هاي طعنتي مكان ما يوصلة طبيب انتِ دستي على الجرح ما يضمّد
انتهى الكلام، وانتهت الرحمة، وماراح تطلعين من هل بيت
إلا وانتِ الج طفل من دَمي ...

تدنة وتدنة وياي ذبني عَ الجرباية رأسًا
اباوعلة واني ابلعم واهمس بصوت خافت

مروان لا انعل شيطانك مروان
انة غلطت بس مو انك تعاقبني هيج
زلة السان والله زلة لسان

اباوعلة وهوَ ينزع ملابسة وانة ميتة من الخوف
كمت بسرعة ورحت للباب اريد افتحة مينفتح
كمت اصررررخ

خالة وينج ااااحمد تعالواااااا الله يخليكم تعالللوااااا

استنجد بناس ظلمتني في سبيل مروان ما يظلمني هّل مرة
اصيح وماكو البيت هدوء موطبيعي

اجة جرني من ايدي حيَل وهوَ يكلي

مروان
صرخي شكد ماتكدرين محد بالبيت

لا مروان عوفني حباب لا مروان
اصرخ واحاول اوخرة عني ماكدر

جسمي يرجف والخوف الي صرت بي جبير
اشهگ من البجي واحجي ويا وهوَ ولا كانهُ
كانُ بعالم مابي اني، عالم بي هوَ ودُمية گِدامة

كل لمسة من إيده چانت مثل الطين البارد على جسمي،
چانت مقرفة، كأن ما يلمسني، يدفني.
ما چنت ابنية، چنت شي لازم "يمتلكه" حتى يرتاح من قهره، من ضعفه.
جنت بعينة مِثل الثار الي لازم ياخذة مهمّا صار
كلشي صار بسرعة،
بس كل ثانية چانت تطول عمر.
جسمي صار بي رجّفة قوية وصار يستنجد بي حَتى يعوفة
بس هوه چان مثل العاصفة،
ما يسمع، ما يشوف، بس يريد "ينتقم".

جان يلمسني بطريقة وحشية
ما صارت ب بالة كل الي كلتة واني استنجد بي
اخذني بطريقة وحشية
وحشية بشكل الي محد يكدر يوصف شناعة الفعِل
كمل مني وگام وهوّ يعيط بكل حرگة دم

مروان
ما أخلّف؟
هيچ بسهولة طلعتيها من حلگج؟
اني گضيت سنين أكابر، أخنگ الكلام، أضحك للناس وأنة أعرف ظهري فارغ،
وأنتِ بجملة وحده...
دمرتي كلشي، طخّيتي على رجولتي گِدامي وگدام اهلي ؟

انة ما أخلّف؟
زين هسه شوفيني...
شوفيني وانة أذكّرج منو انتِ...
اليوم كسرت كبريائج اليوم وگفتج عند حدج وعلمتج شنو يعني مرآن وشنو معنى اللعب وي مروآن
اليوم اخذت اغلى شي عندچ مثل ما الدنيا أخذت منّي كلشي.

صرخ وهوَ يحجي اخُر كلمة، ضرب الكنتور حيل وگال

أنـة رجال!
وغصبًا عليج،
وانتِ؟
انتِ ماضلن بيج قدسية...
راح تتذكرين كل لمسة... مو كـ زوج، كـ حكم وشي انفرض عليج
موتج بيدي راح يكون..

عافني وطلع وكإني ميتـة جسّد وروح
چنت نايمة؟
چنت صاحية؟
ما أعرف...
بس جسمي ما يتحرك.

راسي يوجع، الدنيا ضباب،
ثوبي مشگك وجسمي يون من الالم،
وبية ريحة مو ريحتي... ريحته.

الدم بكل مكان،
وكل شي بية جان يبجي الا عيوني..

"اني ما چنت مستعدة"
گلتها بيني وبين نفسي،
مثل اعتراف متأخر ما يوصل لأي أحد.

چنت صغيرة وما اكدر اتحمل الوحشية الي صارتلي كلها
روان المدللة تعرضت لموقف ماجانت تكدر الة
ولا جانت تعرف اكو تفاصيل وحشية لهذه الدرجة موجودة اصلاً ..

چنت حيل تعبانة،
حتى عيني ما گدرت تبچي،
بس روحي تصيح... تصيح وتريد تكطع حنجرتي،

شنو چان ذنبي؟
چنت معصبة؟
چنت جاحدة؟
لو بس گلت شي ما جان لازم ينگال؟

بس هو؟
شلون ينسى اني بشر؟
شلون ينسى إني... مرة، مو معركة ينتصر بيها؟

أنا مو فصلية،
ولا غنيمة،
ولا جسد يعالج عقدته.

اليوم... حسّيت إني انكطعت عن العالم،
مثل وردة نُسيت بالمطر، وبعدين داسوها الناس

انة هسه... صرت شي ثاني،
مو روان،
مو الطفلة اللي جانت تحلم،
صرت صوت مكسور،
جسد خايف،
وروح... ما عاد يوثق بأحّد ..

مـن قوة الصدّمة الي تعرضت الها ضليت بمكاني
مو موكادرة اتحرك، بس ماعندي طاقة اسوي ايّ شي
رجعت لفيت روحي بالبطانية وروحي تلهچ ب اسم ( علي )
اريد علي
اريدة ..

مـا مرت ساعة إلا وانة اسمع البيت رجعت حركتة
وكانما جانوا طالعين كلهم ورجعوا
مُباشرتًا شفت الباب نفتحت
وطبت ام مروان و ام ضرغام

باوعتلي وضحكت حيل
وطبن وراهن الاء وسعاد وسعدية

ام مروان؟
كسرج ؟
والله ابني نجر ويعرف شلون يخلي هيج وحدة عرمة و .... تنخلِس
عساج كون اكثر واكثر
وعسى الله يطلع حوبة عباس بيكم
عساج تموتين جوة هذا البيت

ام ضرغام
والله ل اطلع حيف ذيج المرة بيـج هسة سدن الباب وتعالن وياي ولجن خل نعلم بت قندرة بت جبر شلون تتعالى على اسيادها تعاي يمة الاء اخذي حيفج منها لهل مسمومة الي من اجت لسة حتى احمد كلبتة عليج لا مروان ولا الحجية هنا خل نشوف منو الج

من كالت هيج استغربت
فوگ حالتي ؟
حجاية ماكدر احجي
وكل ظني جاي يحجن جذب
لان مصداقية هل موضوع شي صعب حيل
حالتي جانت تكسر كلب الكافر
يعني لو ناس كفار هم مراح تسترجي تسويلي شي
فما بالك هنّ؟

مغمضة عيوني وكإنما اريد اشرد من كل شي
روحي ماجاي تتحمل ايّ شي

ماحس الا تجمعن فوگ راسي وصارن يضربن حيل !
انواع السّب، انواع الشتِم، اشكال الضرب صارن يضربني
ماجنت حاسة ب ايّ شي
إلا لما تجيني ضربة قوية تصل ع الوجع الي سببة مروان
وتطلع مني آه خافتة
حسيت بنفسي اكو شي جاي ينزل مني، مافهمت شنو هو
سمعنـا الباب يندگ وصوت مروان وهوَ يصيح افتحن البابب
عافني وشردن كلهن وخايفات
باوعت لام ضرغام وانطتني الضربة الاخيرة
هيَ ضربتني وهي جرة و وكعة للگاع

وگعت بالگاع وصرت بدون غطة يكشف جسمي نهائيًا
اباوع انة جاي انزف من جوة
ماگدر احجي شي ، بنفس الوقت بكامل وعيي انة
ضليت نايمة عَ الارض واسمع اصواتهُم
بدون محاولات مني حتى اكوم ابد ..

ام مروان
عززززة ولج البت هاي تنزف شراح يسويلنا مروان

سعدية
عمة حبابة ونبي يطلگنا عمة

ام ضرغام
كلة من وراجن الا تصيحهن

الباب من طبن قفلنـة، جاي يحجن ويچبچبن وخايفات
دفر الباب مروآن وطب يرگض

شافهن وعاط
هاااااي شعدجن هنا !!!!

اجت عينة على الجرباية ما لگاني، حط عينة علية بالگاع حسيتة انذهل
عاف كل شي واجاني يرگض

عيوني ورا، مفتوحات بس ماكدر اسوي شي
احس بية بس ماكدر احجي
جنت كل مرة انتظرة هوَ يوگفهن عد حدهن ولو لشوي
بس اليوم هوَ وياهن علية.

طلعن بسرعة يرگضن وهوَ اجاني
شال راسي وعلامات الصدمة واضحة عليّ
لاحظت خشمي بدة ينزف دّم
وجسمي بلش يبرد

حط راسي على رجلة وصار يبلعم ويحجي وياي

مروان
روان انتِ صاحية مو
ليش ما تحجين روان

ماجنت اكدر انطق حرف او ما جنت اريد احجي
بس عيوني مفتوحات ويباوعن بدون ايّ ردة فعِل
لا على ألم ولا على ايّ شي

مروان
انة ماجنت اريد أذيج
بس انتِ مارحمتيني ابد روان

عيونة تجولن جوة جسمي
وسع عيونة بصدمة اكثر
ارتبك وكإنما شاف شي ماجان گادر يستوعبة

مروان
ا ا انتِ
روان ا انتِ جاي تنزفين حيل

ابتسمت بوجهة، ب أمل الموت
وجهت نظري للگاع
الگاع بيضة، الدم من الجرباية لحد نهاية الغرفة ومستمُر
للحظة حسيت عيوني غوشن
وللحظة ماكدرت افتحهن بعَد

مروان
رووووان اصحييي
روان ......
يتبععععععععع

‼️
من الحماس حبلش كتابة البارت هَسة ف باجُر المفروض ريست لان نفس ماتفقنا يومين بارت ويوم ريست، فَ لو ردتوا باجُر بارت هدية ف اريد يوصل هذا البارت
تصويت ١،٥ الف
تعليق ٢٠٠٠
ولازززززم تتابعوني على حسابي الواتباد راح انشر الكُم تشويقة للبارت الجديد عَ العام. 🤭
مراح تحزرون البارتات الي جاية شنو
حتكون 🔥🔥🔥
ولحد يكُلي وين رحمة وين ايلول وين فرس
خل نهدي الاوضاع الي حتشتعل وبعدين نرجعلهن🤫😂