رواية بيت جبر الفصل السابع عشر 17 - بقلم هُدىٰ آذار

مَساء الخيـر والعافية
رجعنا وياكُم بـ بارت جديد من ( بيت جبُر )
لا تنسٌون التصويت
والتعليق حِلو
دعمًا لاستمرارانـا
_________________

رحمة

اليوم الثاني انتقلنة لبيتنـا لان كملوا تلحيظاتة ، مالحكت اشوف غَيث ابد، بين انظف النهار كلة وبين امي حيل تعبانة وماكدرت تجي بحيث بين بيت شيخ وبينها
من يصيـر فراغ واكمل الي بيدي وخطية مرت الشيخ تكلي روحي و واحد من الولد يوصلني

ابـو البيَت استلمنا البيت منه
جان مبين حيل سيء بوقت ما أجرنا البيـت منه
جان يباوعلي ويسوي حركـات ابد موحلوه

اليوم الي بعدة
امي راحت للسوگ واني ضليـت نايمه بفراشي
بس اني گاعده
ماحس الا باب البيـت انفتح

تفاجئت وحسـبالي امي
گمت وجان انصدم بـ صاحب البيت وهوَ يطب للبيت

بيتنـه بمكان شبه معدوم ومايمه بيوت هواي !

انرعبت واخترعت وكل ظني اني جنت بحلم
فزيت من مكٌاني هوَ شافني بسرعه طب

جان رجال جبير بالـ ٤٠ يطلع
من شافني رگض وراي بسـرعه
لزمني من شعري حيـل
جنت مسويه ضفيره واني شعري طويـل
لواهه بـ ايده وسحّبني الـه منهه حَيل

صرخت وما سمعت غير صوت أنفاسي وكلبي احسة توقف من الخوف

كِلت بصوت مبحوح: اتركنييييي! خاف الله يا ظالِم !!

بس هوَ ما چان يسمع... چان متوحش، عيونه تغلي رغبة، مو إنسان، شيطان جان!
رأسًا حط ايدة عَ حلكي حتى ابطل اعيط
دفعت بوجهه، ضربت إيده، وعضّيتهة،
بس چنت ضعيفه... وهو چان جبير بس قوي
يقاومني ويهمِس

- لا تقاومين ماتكدريلي خلينا نتونس شوية واروح شراح اسويلج قابل

جرّني للطرف الثاني من الغرفة، ورماني عالأرض.
أحس التراب طبع بجسمي، والنور القليل اللي داخل من الشباج يضرب بوجهه، الموضوع كإنه كابوس بَس حقيقي.

راح سـد الباب وهوَ يكلي

-صيحي شكد ماتكدرين محد راح يسمعج
هسة انتِ مو زين واحد معبرج يالبگعة تعاي نتونس وين لاكيتها واحد يباوعلج

من قوة الضربة الي ضربنياهة والخوف صرت ازحف وارجع لورة وابجي

فجأة موبايلي رّن وبصوت عالي، جنت حاطة نغمة الصوت ( سورة الناس )

وكف شوية واتحيّر، سمع الصوت، حسيتة حس بخوف، وصاح:
"شنو هذا؟ منو هنا؟!"

شلت من التراب الي بالكاع، الكاع جانت ما مصبوبة وما مفروشة
وذبيتها على عيونة
انتهزت الفرصة وطلعت بسرعة اخذت موبايلي واخذت شال صار كدامي
وركضت! ركضت وعيوني مغبّره ودموعي عمتني،
بس فتحت الباب الخارجي برجلي وگمت أصرخ "إلحگونيييي!!!

الجو هادئ ومحد موجود وامي اكيد رايحة لبيت الشيخ من مكملة
اذكر اني حافية وما لابسة برجلي وطلعت اركض
وصلت تقريبًا لنهاية الشارع وهوَ طلع وراي يركض
الشارع عبارة عن بساتين وب الارض اشكال و الوان
احس رجلي تزرفت وطب بيها اشكال و الوان
ومن كثر ما اني صرت اركض ما انتبهت انُ الموبايل بيدي
صار كل همي اريد اضيعة وماريدة يشوفني

مسافة حيل طويلة اني بس اركض واريد اشرد من عندة
وهوَ يركض وراي بقوة لان يدري لو رحت راح يروح بيها

الدنيا تقريبًا ب ١١ والشارع صنطة ومحد بيي ابد

وصلت لبستان الشيخ جبُر وصرت الهث من التعب
عرفت انُ هوَ هاهي بعد ما يجي ومستحيل يطب لكاعهم

كعدت ع الـ كاع وصرت الهث من التعب
عيوني بلكوة اشوف بيهن
كلبي احسة يريد يوكف
رجلية موتني من الالم
وظهري احسة راح يوكف

دك موبايلي اباوع امي
ماكدر ارد ولا اكدر اكول الها ع الي صار
تنجلط وتموت
ياربي دخيلك

لا اكدر ارجع
ولا اكدر اتقدم لبيت الشيخ
ما ادري شسوي
حتى عباية ما لابسة
وردان دشداشتي نص
كل شي مخوفني ومادري شسوي

تذكرت انُ اني عندي رقم سيوف رأسًا خابرتها
رنة ثنين شالتة

سيوف
الو رحمة امج يمنا ليش ماتردين ؟

ا الو سيوف

سيوف
رحمة شبيج ليش هيج صوتج !؟؟

رحمة - تحاول تحجي وتلهث -
سيوف لا تحجين شي اني هسة بالبستان يم ال گرگور( بركة مياه صغيرة داير مدايرهة اشجار موجودة بالبستان ) وقريبة ع الباب الورة حبابة جيبيلي عباية وتعاااي وحدج افتحيليا

سيوف
هسة جايتج بس كليليي شبيج

انسد الخط و اني احاجيها رصيدي خلص
وكفت ورة الباب وجسمي يرجف من الخوف
كعدت ورة الباب وصرت ابجي بكل قوة وخايفة ومرعوبة
من المنظر الي صـار

ماحس الا شفِت زعيم و غيث وعلي و امير جايين
رأسًا اجت عيني بعيون غيث

غيث
رحمة

كلهم انداروا ع جهتي وباوعولي بـ تعجب
تقدم الي غَيث بسرعة وهوَ يحجي

غيث
رحمة، شبيج؟ ليش تبجين هيچ؟ منو أذآج؟!

صرت احاول اغطي ادية بشالي بالكوة والدموع معبية وجهي وخايفة

زعيم
يا رب سترك
هاج خووووية هاج هاااي استري نفسج بيها

نزع الشماغ بسرعة وانطانيا وهوَ داير وجهة، اخذت الشماغ الي جان على جتفة وغطيت روحي بي من فوك
داروا وجهم كلهم ماعدا غيث

حجيت ب صوت مخنوگ
ما بيّة شي... الله يخليكم بس خلوني أطُب... بس أستروني الله يستركم...

اباوعلة اجة كعد وصار بنفس مستواي وحط ايدة على جتفي وراسة مدنگة علية ويحجي

غيث
رحمة شبيج
انتِ جاي ترجفين، ووجهج أبيض، ودموعج هيج تنزل شبيج احجيلي منو مأذيج اكتلة والله

علي
خوية احجي مو عتيتي كلبنا كافي بجي
احنة يمج والله وهاي دموعج ماتروح عبثًا
دمعة اليتيم ما تروح للكاع هدر
انتِ احجي وانة عد عيناج منو مأذيج

زعيم
احجي خوية لضلين ساكتة مو كلبي وكف

رحمة
ص صاحب البيت
حاول يدخل للبيت و امي ماهيَ وبلكوة نهزمت منة

حجيتها وبجيت وصرت اشهگ بالبجي وميتة من القهر ومن الفشلة مال منظري كدامهم

رحمة
الله يخليكم امي لا تدري اذا تدري تموت والله

رفعت راسي اباوع الهُم العيون مالتهُم ولعت مثل النار

زعيم
مو بيت شيخ جبر التستغيث بيهُم بنية ويسكتون جيب سلاحك وتعال علي

جاي يحجون وانفتحت الباب لـ سيوف شافتهم انصدمت
كالت الهُم خابرتني هيَ

امير
طبي ولتخافين حقج ما يروح وانتِ ب أمآن
يلا سيوف وياهة ولا تخلين خالة تنتبه الها

زعيم
يلا طبن بسرعة، علي استعجلل اكيد مايكون ابتعد هواي

طب علي بسرعة للبيت وغيث صار يصيح

غيث
ارررررريد اكتلة، اريددددد اكتلة ب ايدييييي !
هوَ شلوووون يجرأ هيج يسوي وياهة
ليششش أذآهة ليششش

لزم ايدة امير وهوَ يكلة
امير
غيث اهدئ حبيبي هاي رحمة ما صار الها شي وهسة علي ياخذة للسجن وهاهي شوف رحمة شلون خايفة لا تخوفها بعد اكثر

غيث
لا تخافين اني يمج محد يدنى الج لا تخافين

يحجي بتوتر وخوف وعصبية كلهن منجمعات سوة
حط ايدة ع ايدي وكإنما يريد يطمني وهوَ ايدة ترجف

وخرت ايدي رأسًا
حَتى همة صاروا يباوعون بتعجب

علي
يلا زعيم بسرعة هسة اكيد عارف هيَ كايلتلنا وشارد يجوز
انة خابرت دوريـة راح تِجي

زعيم
وين يروح نلگا نلگا لو بسابع ارض
يلا طبوا و احنة رايحين

غيث
اريد اروح وياكم

امير
حبيبي طب لازم احد يبقى وي رحمة ما لازم تضل وحدهة

اعتقد امير افتهم الوضعية وعرف شلون غيث عندة ميول الي وكالة هيج
هز راسة غيث وطب واني سيوف طبينة

صعدنة كبل لفوك من دون ما احد يشوفنة

طبيت لغرفة سيوف وصرت ابجي حيـل
وجسمي يرجف من الخوفة
خطية هيَ اجتي حاولت تهدئ بية واني احس روحي منهارة

وشوية وندك الباب غيث

غيث
سيوف كومي اطلعي

باوعتلي سيوف بخوف اشرتلها ب ايّ
بنفس الوقت خايفة
والكل عرف شلون غيث جاي يشذ بمُعاملتة وياي
وماريد ياخذون نظرة علية موحلوة
لان بالنهاية همة موناس مُتفهمين ويتفهمون انّي مُجرد شخص افتهم عليّ، مُمكِن ياخذوها بغير شي ..
بنفس الوقت ما اكدر اكول الة لا ابد

اجة تقدم وكعد ع الجرباية يمي
عيونة ضايعات ك العادة
مرتبك وخايف، بس علية هلمرة ..

رحمة
غيث انتَ ما لازم تكون يمي
فشلة من اهلك حاول تفهمني انتَ مو صغير وانتَ صاحي مابيك شي ف ركز وياي

غيث
هسة اطلع والله بس لا تبجين كافي
كليلي اذاج والله احرك الدنيـا عليّ اذاج

رحمة
غيث ما اذاني شردت منة

غيث
جا ليش تبجين ليش تبجين هيج ليششششش

رحمة
لان خااايفة خفتتت غيث خفت

غيث
اني يمج لتخافين ماراح اخليج ترحين مرة ثانية ولا راح اخلي احد يأذيج صدكيني

هوَ يحجي واني بالي مويمة
ميتة من الرعبة ومامصدكة الي صار وياي

صار هدوء شوية وماكو غير صوت بجيي مسموع

غيث
انتِ تعبانة، بس مو اكثر مني
اني مريض، وافتهم وجعج
صحيح يكولون عني مجنون، ههههه مرة سمعت جدي يكولها
بس لا تخافين والله راح اكون عاقل لو اجيتي
حتى لو بمنتصف جنوني
المهم ما تكونين وحدج رحمة ...

باوعتلة وابتسمت
احسة ودة يلمسني بس يخاف وشي يمنعة
يباوع لدموع عيوني الي نازلات على خدودي وكانما يريد يمسحهن

سكت شوي، بس نظراته تفضحه...
مليانة خوف، مليانة شي ما يعرف يحچي عنه...

رجع يباوع علية، شفت عيونة اجن على ادية، استحيت
وحاولت اضمهن بسرعة

غيث بصوت هادي، وهو يميّل راسه:

غيث:
شايفة السماء شكد واسعة؟

هزيت راسي بهدوء

غيث
مرة ضاقت ونزلت بـ ايدج
ضاجت من ضيقها ف حبت تصير بيج وتنطيج هلكد جمالية ههههه

ضحك بهدوء، ضحكة نصها وجع ونصها راحة:
ابتسمت وكتلة
رحمة
بس الناس تخاف منها

غيث
غريبة شلون البشر يخافون من شي حلو...
أنـي أول مرة شفت ايدج، ما خفت منج، بس خفت عليج.

باوع بعيوني ابتسمت الة وكتلة
بصوت مبحوح:
وأني أول مرة شفت عيونك... خفت، مو منك، بس خفت أحچي وياك لان جنت ساكت وعصبي

غيث
مو ساكت... بس خايف أصرّخ، واخوفج مني
ف جنت ساكت بس جواي نار تغلي
جزء مني يكلي احجي وياها
وجزء مني يكلي لا تحجي وياها لا تروح
(يتنفس بعمق)
بس إنتِ...
مادري انتِ شنو بس احسج تكدرين تسكتين الهوسة الي براسي

سكت لِلحظة، جان بالي مشتت وافكاري على نفسي
بس شفتة حاير ويريد يحجي
ماكدرت اسكت واحتار بنفسي واعوفة وهو يريد يحجي وياي
وحبيت اتجاوب ويـا رُغم وجَعي

رحمة بهدوء:
غيث... إذا كلشي بداخلك جاي يصيح، تعلم تحچي،
أنا أعرف أسمع، مو بس أسمع... أعرف أترجم الصمت حتى
بس انا ماريدك تسكت
اريدك تحجي
ايّ شي يجي ب بالك احجي

غيث:
وإذا طلع صوتي جارح؟

رحمة:
بالهدوء وبالنظرات الهادئة يهدئ صوتك

غيث:
اني وياج ماخاف واحس اني كلش سعيد بوجودج
ضحك وكال
انتِ مو بس رحمة... انتِ الحل الي جنت ادور عليّ

ابتسمت الة وخلة وطلع
نفس ماطلع طبن البنات سيوف و سبب مبينات جانن ديتصنتن

حجيتلهن عَ الي صـار وي ابو البيت
اباوع ل سبب كام تبجي وياي
وكإنهُ صاير وياهة هيج موقف
بس ماحبت تحجي

اني هواي اعرف لغة الجسد
واعرف الناس شنو يحجون حتى لو همة ساكتين
وجان وجه سبب يشير لماضي صعب و أليم
لدرجة انها تأثرت بالموقف
حَد ( الرجفة )

رحمة
سبب كمتِ ترجفين علكيفج حبيبتي هاي اني ماصارلي شي

اباوعلها عيونها مدمعة وخايفة
عيونها يا عيونها
بيها حجي كووومة
واحس هذا الحجي جاي يجرحها

خلت وطلعت ماحبيت اضغط عليها كعدت يمي سيوف وهيَ تسولف

سيوف
تدرين صار سنة اول مرة اشوف غيث يضحك؟ واشوفة مبتسم وهادئ

رحمة
غيث مابي شي سيوف
بس هوَ ما لاكي احد يطلعة من دوامتة الي هوَ بيها
يعني لو سولفون ويا وتحاولون توصلون لاعماقة
صدكيني يرجع طبيعي

سيوف
انتِ ماتدرين امير شلون يتعامل ويا
جد يتعامل ويا بكل حب
بس ابد مونفس مِمّا وياج
يعني احسج هواي تعرفين اشياء منين متعلمتها

رحمة
اني مامتعلمة شي
بس تكدرين تكولين احساسي حيل قوي
عندي احساس ما يومة غلط
وقارية كتب هـم فَ اعرف بهاي السوالِف

شويـة واجوا الولد زعيم حاجي وي سيوف وكايليلها توصلي

سيوف
ماخذين دورية ورايحين لاگينة بشارع من الشوارع سكران الادبسز علي يكول لتخاف حطيتة بالحبس وانة اتصرف ويـا وبعد مستحيل يطلع لان رافع عليّ قضية تحرش ومدري شنو فَ ودالج هاي ويكول خل توقع

باوعت شفِت قضية مرفوعة ضدة بيها اسمي وكل شي و بيها اسم علي كفيل الي فَ اني وقعت وانطيتيها

كايلين لامي انُ زعيم جابني لان غالبًا زعيم يجيبنة وياخذنة اخذت دشداشة من سيوف ردان كاملة ونزلت يمهم

الي بالبيت كلهم متساعدين خصوصًا سيوف وسَبب مُستحيل يشوفوني اشتغل الا هُمة يكومون وياي، حتى ما يحسسوني بشي او كذا
وهوَ البيت حيلللل جبير وهمة من نوع صاحبين خطار يعني كل ساع طابلهم واحد وبنفس الوقت مرت الشيخ بيها هوس نظافة تتخبل اذا شي مترّب بَس، فَ دائِمًا يحبون شي مرتب يكون ف يادوب انة والبنات ونكدر ندبر الوضعية، معَ هذا احاول حتى اعوف الصعب علية بس البنات ورود

الموضوع رابكني ومخوفني، واحس فكري بس مشغولة بي وافكر ب الي صار واكول شيصير لو ماشردت مِنة؟

واكفة بالمطبخ نطبخ وي البنـات طَب علي وامير
علي لابس لبسة العسكري
وامير لبسة رسمي مبينين جانوا سوى
سلموا علينـا والتفتلي عليّ وكال

علي
لتخافين نيمتة الج بالسجون وهم عندي خوش حساب ويـا وبعد ما يدنالج ابد

رحمة
لا تنسى البيت ب اسمة يعني قابل ينسجن شهر ثنين لابد يطلع

علي
وعلي يخسى يسويها بعد ب احلامة مايكدر

امير
انتوا هسة لو تجـون يمنة مو احسَن؟
احنة مو جانت يمنة خالة ام اسامة قبلكم
هم ماخذة غرفة وكاعدة وجانت وياها بتها
وامج مريضـة يعني اذا تخربطت عليج منو الكم

ابتسمت وكلت بهدوء خلفة ألِف انكسار :
النة الله ..

امير
ميخالف يا خوية ونِعم بالله و الله جبير وماينساكم بس بنفس الوقت نفس ما اكو هذا صاحب البيت ف اكو غيرة الف واحد نفسيتة دنيئة هيـج انة اكول بدون خبصة وبدون مصايب تجين وحالج حال البنات وامج معززة مكرمة ف شنو رأيك علي ؟

علي
عين العقل صديق

رحمة
هاي الصعوبات مو جديدة علينـا، اني هم ما اضل بهذا البيت واحاول اشوفلي بيت غيرة لان بعد حتى نفسيتي ما تتقبلها

جاي نحجي طَب زعيم

علي
بس ياخوية الدنيـا ما تتأمن انتِ واميمتج(امج) و وحدكم والله ماترهم كولي يا الله وانعلي الشيطان واكعدوا هنانة

زعيم
من بعد الي صار عندج نية ترجعين خوية؟
هاي دنيتنة مليانة ذياب وامج مرة مريضة
هذا بيتكم وابد لا تفكرون انُ هوَ مجرد بيت تشتغلون عندة
انتِ اليوم استنجدتي بينة، واحنة تصرفنة، وانة من تصرفت ماريد هذا الموقف يصيـر مرة ثانية، انتِ هسة بحمايتنا والي يصيبج معناهة انة موخوش وماعرف احافظ عَ أمانتي

علي
اي بالله ماحجة الزعيم إلا عين العقِل

رحمة
كلامكم على عيني وعلى راسي والله بس بالنهاية ماكدر ..

علي
عجزت واني اعرف ليش ماتكدر
حالج من حال البنات يابوية
وهم غيث راغبلج
واحنة ترة ما منين عليج ولا مسوين فضل عليج
انة هسة اشتغل بمركز لا همة مآنين علية ولا انة مآن عليهم
همة يطوني فلوسي و انة اخدمهم
وانتِ كذالك تشتغلين ب اجورج
وعلى لگمة الحلال

شكد عجبني وهوَ ماحاول ينتقص مني
ضليت ماعرف شحجي حتى مستحية

شوية ونزل غَيث وعيونة تدور علية

امير
ها شعَجب نازِل اليوم؟

غيث
هـا لا ماعندي شي

يباوعلي من بعيد ويسوي روحة يفتح بالثلاجة، مايريد يكول عليج بس عيوني شافت هذا الشي بي

زعيم
هسة شنو قرارج، مانويتي تضلون هنا بالبيت؟

غيث
شنوو رحمة راح تعيش ويانة؟؟

حجـاهة بحماس طفِل الكُل باوعلة بنفس اللحضة

امير
ماجاي تقبـل مع انُ احنة جاي نقدملها عروض

تقدم النة وهوَ يكول

غيث
ليش لا تعاي ضلي هنا حتى تقريلي من الكتب الي عندج
كتبج حلوة

رحمة
بس اني عندي بيت
وما اكدر اكون هنانة ..

زعيم
زين على عيني وعلى راسي قرارج
انة عندي قرار حلو ويرضي الطرفين

علي
يا الله اي زعيمنا احچي؟

زعيم
شنو رأيج بالبستان مالتنـة
و إلا اكلج خوية مع احترامي الج بس انتِ راسج يابس خل اروح احجي وي خالتي احسن
سواهة بضحكة وراح وعلي راح ورا
وامير وغَيث ضلوا

امير
شنـو رأيك نطلع بالبستان نتمشى ورة الغدة؟

غيث
اذا تروح ويانة رحمة اروح

باوعلي امير وگال
امير
شنو رأيج؟

رحمة
عندي شغل هواي ماكدر

غيث
بعد احسن

حجاهة هيج وعصَب و وجهة كلة انگلب
فتح الثلاجة وكإنما يدور على شي مجهول
ورجع سدها حيـل
راحلة امير

امير
اهدئ حبيبي شبيك

سيوف
كولي ايّ حبابة رحمة

بين ما استحي وبين مـا ماريد اعوفة وحدة

رحمة
اااا ب بيش الساعة نطلع ؟؟

التفت امير الي وابتسم
امير
بـ ٢:٣٠ نطلع بين ما نتغدة ونكمل وكذا

غيث
بس اني ماريد اروح روحوا وحدكم احسن

صار عصَبي وحِجة آخر جملة بعصبية موطبيعية وخلة وصعَد

رحمة
اني اسفة ...

امير
لا ولايهمج جـان متحمس هوَ واني جنت متأكد يقبل ويفرح ردت شوية يغير جـو ونكدر نحاجي شوية

رحمة
اني هَسة اصعد احاجي
سيوف ديري بالج عَ الاكل بلا زحمة حبيبتي

سيوف
ولايهمج انة يمة

صعدت الة وتقربت لغرفتة سمعت صوت ضربة قوية نزيت
احتاريت بين ما انّي اكمل سيري وبين انّي ارجع اصيح لامير

قويت روحي وتقدمت
ما دگّيت الباب، بس فتحتة ببطء،
الضوء بالغرفة طافي، والجو كاتم، والبردة مسدودة.

فتحت الضوة واجت عيوني عليّ
گاعد على الأرض، ضاغط إيده على حايط حيل وكإنما يريد يطببها بي
وايدة الثانية صايرة حّمرة وتحت إيده دفتر مفتوح متشخط.

صوت نفسه سريع، غاضب، وشكل وجهه يخوف ولا كإنمّا غَيث الي جان مساع جوة

غيث:
(بصوت مبحوح وهو ما باوعلها)
ليش اجيتي؟ شتريدين؟

رحمة:
(بصوت هادئ)
ما أجيت أطلب شي...
أجيت أشوف إذا إيدك بخير... لأن سمعت صوتها تنضرب قبل شوي.

غيث:
(بصوت عالي وهو يبعد نظره عنها)
لا تسوين نفسج مهتمة، لا تحاولين...
إنتِ مثلج مثل الكل... أول فرصة تروحين وتخيليني بهالحالة وحدي!

رحمة:
(ما ردّت، مشت بهدوء وگعدت يمة، ما قربت منه حيل، خليت مسافة أمان، وكتلة بنبرة خفيفة)
اني مو مثلهُم صدگني
ليش ضربت ايدك بالحايط غَيث ايدك حمرة

غيث:
(ضرب الحايط من جديد وصاح)
وشسوي؟ أحچي؟ أبچي؟ أغني؟
چنت فرحان شوية، گلت يمكن أگدر أتنفس
بس هسة ماريد اطلع ويـاج اساسًا وماريد اشوفج

رحمة:
باوعت عليّ بهدوء وكإنما طفِل وضاج، وضعة للغريب مُخيف وللي يعرفة يضحك وللي يفتهمة مُحزن بشكِل، شنو ذنبة ديعيش بهل صراع هذا ..
انتابني ندم شديد لان كتلة لا ورأسًا حاولت اصلح الموقِف
اذا تريد تصيح، صيّح...
بس خليني أكون هنا، مو ضدك... يمك.

سوة حَركة مُخيفة وكإنما زئِر نفس الاسد مِن العصبية وهوَ يصيح
( اطلعي اطلعي )

خوفني بس بنفس الوقت خِفت عليّ مِن الحالة الي هـوَ بيها
أحتاريت شحجي ويـا
اتمنى ماكو مسافة واكدر اقرب عليّ واخلي يهدئ
ضليت ساكتة ب امل يباوعلي ..

غيث
التفت علية وعيونـة حَمرة وصار يبارعلي
ليش؟ ليش بعدج موجودة ؟ انزلي... خلي الواحد يضيع وحده.

رحمة
اني تعلمت من كُتبي انُ اخر شي يحتاجة الانسان هيَ الوحدة
فَ ماريدك تكون وحيد

سكت غيث شوي
بس صار واضِح عليّ انُ هوَ هدئ

باوعتلة يباوع لايدك وكإنما موجوع
همس:
إيدي توجعني...

رحمة
أدنيت خطوتين وكتلة بكُل حِنية
خل أشوفها... ما راح ألمسك إذا ما تريد، بس خل أطمّن ما بيها شي مكسور.

غيث:
(ما رد، بس مد إيده بصمت، وخلاها تباوعها)

"مو لأنك ضعيف ضربت الحايط،
بس لأنك ما تعلمت بعد شلون تحچي، فإيدك حچت عنك."

باوع للارض وكال
غيث
اني آسف... بس ضايج، وضايج، وضايج، وكأن روحي محبوسة ...

رحمة
لا تعتذر انتَ ماسويت شي انتَ بس ضجِت وطبيعي
بس جانت ردة فعلك مُبالغ بيها
ايدك ما الها عِلاقة
مرة ثانية لا تدخل جسدك بمشاكلك
اوكي
باوعتلة وابتسمت
هز راسة الي بالايجاب

رحمة
مابيها شي ايدك لتخاف
وهسة انزل تغدة حَتى نروح اني وياك وامير للبُستان شرايك؟

باوعتلة احسة فاقد الشغف
مدنگ ويفكر وكإنما بالة مويمي
وجاي يحجي بداخلك

رحمة
غَيث جاي تسمعني؟

هز راسة بـ لا

رحمة العصر نروح للبستان سوى تروح وياي مو؟؟

رجع صفن بوجهي

رحمة
لطفًا لا تردني

رجع هز راسة بـ ايّ
مادري شبي احسة جاي يسلكلي واحس جاي يحجي وي شي بداخلة
عافني بكل هدوء ولف روحة ونـام
اني هم نزلت بس جنت كلش مقهورة
لان بسببي صار هيج

ماحبيت اعوفة وحدة ولكيتهم صابيـن ديتغدون
صاحوني كتلهم ماريد
رحٍت سويتلة جاي بنعناع بلكي شوي يحسِن مزاجة
صبيتلة وصعدِت الة
لكيتة كاعِد مرة ثانية

حاضِن وجهة ب بين رجلي
اول مافتحت الباب رفع راسة الي
ملامحة تعبانة قبل لا تبين شكد روحها تعبانة
احس ساعتها كلبي انمرد عليّ
احس بي شي بداخلة بس ماجاي يكدر يحجي
ياريت بس يحاجيني ويحجيلي الي بداخله
ياريت بَس
تقدمت واني مبتسمة بوجهة

كعدت كِدامة بهدوء ومديت كلاص الجاي الة

باوع علية باستغراب:

غيث
"هم چاي؟"

ابتسمت بخُفة وكتلة
"مو چاي... هو تبرير حتى أگعد يمك شوي."

ما رد... بس اخذ الكوب ب ايدة
"اليوم قريت سطر عجبني:
(مرات، كلشي تحتاجه هو نَفَس طويل وفنجان صمِت).
حسّيته يشبهك هسه."

غَيث
"هواي أفكار براسي... كلها تركض ومحد يمسكها."

رحمة
"مو مطلوب تمسكها... كافي تكعِد ويا أحد ما يخليك تركض وراها وحدك."

غيث
"إنتِ دايمًا تحچين بهدوء... شلون؟"

رحمة بابتسامة خفيفة
"مو دايمًا... بس ويا الناس التعبانة، أحچي مثل ما أحب أحد يحچي وياي وأنا تعبانة."

باوعتلة، باوعلي بعيون تعبـانة وذابلة ورأسًا گالي مِن دون أيّ تردُد

غيث
رحمة... آني أسمع أصوات.
وهاي الاصوات تعبتني

ما تخلّيت عن الهدوء، وما تراجعت، وحاولت ماباوع بخوف.
باوعتله بنفس النظرة الدافية، وسألت:

رحمة
"يعني شلون أصوات؟ تحچي وياك؟ شتگلك؟"

غيث باوع للأرض، وگال بصوت مضغوط:
غيث
"ما أدري... مرات تصيح بأسامي... مرات تحچي كلمات متشابكة...
وأكو صوت منهن يگلي: "كافي"... "كافي"... "كافي"...
وصارلي أشهر، أحچي ويا روحي بصوت عالي لأن أحاول أغطي عليهن وماريد اسمعهن
وراسي يأذيني... ما أعرف منو جاي يحچي، ولا ليش جاي اسمع هذا
بس تعبت، صدگيني، تعبت..."

اباوعلة سكِت
بس نظراتة كُلهن خوف، يخاف اكِلة انتَ مخبل او انتَ مريض
تنفست بعُمق وانطيتة ابتسامتي المُريحة وكتلة ..
"غيث، مرات لما يمر الإنسان بتجارب قوية، دماغه يدور أي طريقة حتى يوازن نفسه...
الأصوات هاي، مو لأنك غريب... بس لأنك متحمل فوق طاقتك."

غيث التفت إلها، وبصوت مبحوح:
غيث
"شلون دماغي يسوي هيچ؟ يعني مو احد يحجي براسي ؟

رحمة
لا مو احد يحجي براسك، هاي مُجرد شخصيات مِن ضمن شخصياتك يخالفنك بالرأي والسبب دماغك، دماغك تعبان وماجاي يكدر يوازن الاحداث والشخصيات، الدماغ مثل البيت... إذا طاحت بيه غرفه، باقي الغرف تصيح تنبه الباقي...
يعني هـاي الاصوات الي تسمعهة هيَ اصواتك انتَ
بس وحدة المفروض تطلع بوقت الفرح مثلاً
والثانية بوقت الحزن والثالثة بوقت الخوف و وحدة بوقت العصبية
انتَ دماغك تعبان فَ تسمع اكثر من صوت بوقت واحد
الأصوات هاي، مو عيب، مو مرض، هي صرخة داخلية تكُلك: "انقذني".
وأني هنا، مو حتى أنقذك... بس حتى أكون يمك وأنت تحاول تنقذ نفسك.
بيدك تكدر تنقذ نفسك وبيدك تستمر هيج بحالتك

غيث سكت، وبعدين گال بصوت متردد:
"يعني... آني مو مخبل؟"

رحمة
"إنت إنسان... تعبان... بس مو مكسور،
وإذا صرت أحچي ويا نفسي، أو أسمع شي براسي... ما يخلي قيمتي أقل،
يخليني محتاج نَفَس... مو حكم."
انتَ محتاج بَس تطلع من دائِرتك الي انتَ راسمها حول نفسك

بهـل اثناء طَب أمير ستأذن وگعد وكال

امير
كملوا حديثكُم كإني ماموجود ..

رحمة
يعني هَسة مثلاً انتَ استمريت هيج
حابس نفسك بغُرفة وگاعد معصُب وضايج ومتعرف شسوي، تحِس نفسك بقوقعة وهوسة وداير مدايرك حجي كومة متعرف المن تسمع والمن تعوف

نز وگال
غيث
بالضبط هذا الي احسة
انتِ شمدريج رحمَة شنو تقرين افكاري

ضحكت وكتلة
رحمة
غيث بس الله يكدر يقرة الافكار اني مُجرد افهم حالتك او احِس بيك وجاي احجي هيـج
زين اكلك شي
انتَ تعرف ليش الصوت جواك يعلى ويدوخك؟

غيث بإنزعاج
مادري اصلاً ما فد يوم صوت الي بداخلي هِدئ

رحمَة
أيّ غَيث ما يهدئ ليش ؟
لأنك ساكت من جوّه...
لأنك محبوس ويا روحك...
لأنك معزول... وحتى لو الغرفة مضوية، إنت عايش بعتمة الوحدة.

أمير
فعلاً شكد اكلة اطلع اسمع من احد احجي وي نـاس غير جو اذا ضليت هسة اني بهاي الغرفة لمُدة يومين وحدي صدگوني اتخبل خوما هوَ صارلة سنة، سنة هنا رحمة تخيلي

رحمة
ايّ اني كتلة هَسة
الإنسان إذا بقى ويا نفسه طول الوقت، دماغه يبدي يعيد، يعيد، يعيد...
يعيد الألم، ويضخّمه، ويحوّله لصوت، وهّم، وهاجس.
لأن ماكو شي يلهيه... ماكو وجه جديد، مكان جديد، نفس جديدة.*

غيث ب بداية عصبية
محد يفهمني ويامن اطلع و احجي مثلاً وهمة يعتبروني انسان مريض وانة فعلاً انسان مريض ترة ومخبل هماتين

أمير
ليش غيوثي اشو كلهة تحجي ويـاك وبس تريدك تضحك
احنة من يمتى حسسناك هيج

غيث بس باوع لامير، ما گدر يجاوب...

رحمَة
غيث... انت ما بيك شي،
انت مو مريض، انت محاصر.
تحاصر روحك، وخايف تندمج، لأن تعودت ع الألم.
بس لازم تطلع...
لازم تجرب تمشي بالسوك، تشوف الناس، تضحك ع صوت طفل،
تگعد بگهوة مثلاً وتشم ريحة الهيل،
تگعد ويه أمير، تسمع سوالف تافهة بس تضحّك،
تصيح، تضحك، تسكت، تغني،
تسوي أي شي... إلا تبقى تنكسر جوّه وحدك.*"
يعني حَتى لو هل شي صعُب عليك لازم تكسر حاجزك

بعدت نظري عنة واتجهت لامير حَتى أطمنة شوية واخلي مُستمع بَس واحسسة انُ هوَ غير مرئي حَتى يرتاح شوية
تدري امير اني سابقًا جان بيـة رهاب اجتماعي؟
اخاف وماحب اطلع للناس ومن اطلع كلبي يكوم يخفق وماحب النـاس تالي امي كامت تحجي علية وانجبرت اطلع علمود الشغل ومدري شنٌو جنت احسب السالفة جبيرة وشلون راح اكدر عليها وصدك اني جنت ماكدر بس من جبرت روحي حسيتها سهلة واكتشفت انُ الفراغ يضخُم غالبية الشعـور، فَ انتَ انشغِل و حاول تشغل نفسك بسوالف وأملي يومك بروتينيات صدگني مراح تسمع لا صوت ولا راح تعاني اصلاً تجي لفراشك انتَ تعبان ويادوب تنـام، اذا انتَ گاعِد بهل غُرفة ع كولة امير حَتى لو انتَ صاحي تتعب نفسيتك

أمير
والله كلامج كِلة عين العقِل

غيث بهمس:
"يعني أكدر أرجع طبيعي؟"

رحمة
"أنت بعدك طبيعي، بس نسيت تشم الهوا.
أبد ما فات الوقت...
انت ما مكسور، انت بس ناسي نفسك."

أمير
والله العظيم، إنت مو وحدك،
وإنت مو خراب ولا بعد ماتكدر تنقذ نفسك ...
انت روح تريد تتنفس، وأنا أشهد على هذا النفس.
فَ لا تحرم نفسك من شي بعدك بـ بداية حياتك عمرك ستوة بدة وماكو احلى مِن العشرينيات فَ لا تحرم نفسك من شعور انتَ رآيد تعيشة وانتَ تستحق تعيشة
اليوم راح نسوي روحة كل احنة للمزرعة خل نكلك هسة روح ويانة كلت لا واذا لحيناه عليك تعصب وتسوي ماتسوي

رحمة
لا يروح ويغير جو اصلاً تدري شنو؟
هاي غرفتك بعد لا تطُب الها ابد
خل نسوي تحدي شنو رأيك ؟

غيث
شنو هوَ؟

رحمة
لمدة ١٠ ايام اضغط على نفسك وضل جوة ابد ابد لا تصعد إلا وقت ما تتعب كلش وإلا اكلك ؟ حَتى نومتك خليها جوة

أمير
ايّ ايّ احنة الشباب غالبًا ما نصهد لغرفنة انة وزعيم و علي و سراج كل احنة ننـام جوة هل ايام سوة نتونس وهاي

رحمة
ها اهـا لمدة ١٠ ايام طَبق هذا الشي وشوف شلـون روحك تتغيـر

غيث
بس ما اكدر ؟

رحمة
شوف غَيث انتَ اذا تريد تضل بهذي وضعيتك وتريد متتحرر مِن الجاي يصيـر وتتقوقع على نفسك وتضل هنانة هيج بدائِرتك فَ براحتك
بس ماحس الدنيا تسوى إنّك تعيشها بـ هيج تعَب ؟

أمير
لا رَحمة هسة ابسط شي الصلاه شكد احاول ويـا يصلي
اكلة صلاتك والله العظيم هيَ الصلاة تبعد كل هسوالف

غيث
انتَ شتحجي امير شو اسكتت

رحمة
الصلاة موشي ينجبُر عليّ شي يقتنع بي

أمير
ترة غَيث جان ولا فرض يفوتة

رحمة
ميخالف أمير هيَ مو رأسًا هيج بالبداية يعالِج روحة وبعدين يبدي يحسِن علاقتة وي الكُل و اول شي يحسِن علاقتة بربة بس اول شي لازِم يحسِن نَفسة ويخرج من هاي قوقعتة

أمير
صدگني الصلاة والقران يحلن كل مشاكل الحياة وهنّ يبعدن عنة كل امر سوء

رحمة
ميخالف اميـر ليش لا هوَ من يحس نفسة مستعد كُليًا يرجع ويرجع
تدري شنـو ترة اني اشوف المُستقبل

أمير
هههه يعني شلـون

رحمة
هوَ مو اشوف المُستقبل
بس اكدر احِس واحساسي يكول انُ غَيث راح يصير زين وراح يرجع حالة من حالنة بس كون يساعد نفسة هوَ
وانتَ مِستعد تساعِد نَفسك؟

غَيث
أي تحمست تدرون

أمير
حلو چا نطبق الخطة من اليـوم وهسة ننزل نتغدة انة وياك ونضل جوة تمام ؟
يلا احنة راح نطلع بالباب بدل حَتى ننزل سوى

هز راسة بالايجاب فرحِت حيل وطلعنـا اني وامير

أمير
رحمة... تعالي شوي، أريد أگلج فد شي.

وگفِت گدامة وإني خجلانة مِنة
خير أمير؟ تفضل .

باوع للأرض، وبعدين رفع راسه، وصوته خف:
تعرفين شنو أكثر شي يحبه غيث؟
يحب أحد يصدگ بيه... حتى لو هو نفسه ما يصدگ بنفسه.
وإنتِ أول وحدة شفتها وهو بدا يصدگ بروحه يمچ...
لا تخلينه يرجع يشك.

رحمة
امير مراح اضُم عنك بس اني امنيتي اساعد غَيث وصدگني اكدر اساعدة بس استحي من اهلك اخاف ياخذون نظرة عني موحلوة وتعرف احنة مُجتمع عشائري ما يتفهم هذي الامور

امير
ابد والله حتى جدي بنفسة گال ياريت لو تگدر تفتهم عليّ
رحمة احنة صح ولد عشاير بس نفهم هاي الامور وجدي بنفسة جان مدرس ومثقف ومعروف وصح احنة ماعدنة هاي السوالف، بنية تهتم بولد ومدري شنو بس هاي كلهن ما من ورآهِن نية غير سليمة، نية انقاذ شخُص ف ليش لا؟
انة سويت كل ما عندي في سبيل اوصل للهدوء الي اليوم غَيث بي وانتِ تحجين ويا، وحق ربج حتى دوام اعوفة واكعد اكابلة بس ماكو نتيجة، بس اليوم انة شفِت بعيونة طمأنينة جبيرة فَ اتمنى منج ماتركينة بنص هذا الشي وترحين، وشنو الي تردي انة جاهِز الة، المُهم غيث يطلع النة من هاي المِحنة ..

رحمة
وعد غَيث راح يرجع انتَ اطمئِن ..

ابتسم الي وصـار يشكرني هـواي والفرحة باينة بعيونة
نزلت لجوة رحِت يم امي
لكيت زعيَم جان يحجي وياهة
صفنت عليهُم وفاجئني الي جاي تحجي امي ...
يُتبع ...
______________________

ايلول :

صورة ايلول محتفظة بيها 😂🤍
وحَتى تعرفون انُ هرسالة مو تعبيري، هيَ تعبير علي نصًا ..

ايلول
اني اباوع للكلام واني مصدومة اريد اعرُف انطق اريد اكول شي احِس ماكدر، يُمة حسيت اطرافي تجمدن واني جاي اقرة
مستمرة بصمتي دزلي رِسالة ثانية

علي
ادري هَسة راح تكليلي انة من غير بيئة وانتَ هيج و انة هيج وهذا الحجي الي انة حافظة، احنة مو اول ثنين ولا آخر ثنين ب وي فرق البيئات و الاهل وكل شي، انة احبج ايلول وصدكيني هذا يكفي وانتِ ؟ انة متاكد انتِ هم وحُبنا راح يكون اكبر وراح ينتصر على كل شي
وانة ماريدج تتعبين او تعانين من ورة هل علاقة انة الرجال وانة اتحمل مسؤولية كل شي انتِ بس ارضي ...

ولا واحِد بالمية ضنيت بيوم من الايام انُ اباوع لعلي بنظرة غير نظرة الصداقة، يجوز هاي الفكرة مألوفة يم الكُل واول ماتصير وياهم يعرفون هذا تدريج وبدء لعِلاقة بس اني ابد ماجان ب بالي هذا الشي
خصوصًا وي علي ماتخيلت بفد يوم لهيج شي

بنهاية اني صغيرة مُجرد ١٩ سنة، ورافضة فكرة الزواج من جذورة، وما احبة وما اثق بالرجال هـواي، واحب من اخذ احد يكون انسان مُنقتح ونفس بابا بالضبُط ماعندة مانع ب ايّ شي وهذا كُلة بعمر ال٢٨ هيج شي مقررة وحاطة ب بالي فَ ايّ فكرة تجاه هل موضوع ماعدي..
فززني من تفكيري رسالة جِديدة منة

علي
لا تصفنين احجي شي

شجعِت روحي وصرت اعبر عن صدمتي
أيلول
علي شتحچي؟
تره أني مو هيچ، اني صغيرة وانتَ اكبر مني وفوك كل شي بيئاتنا وتفكيرنا حتى عقولنا تختلف كل شي بينا يختلف علي، الامر مو بسهولة ما انتَ متصور

علي
هم رجعت لسالفة اختلافات ومادري شنـو
ايلول ترة فرق بينة ٩ سنوات مو اكثر
وبعدين انتِ موصغيرة ترة الي بكبرج مزوجة ومخلفة وعندة ٣ جهال
أعرفج، وأعرف شنو تحاولين تسوين،
تحطين حاجز،
بس تره حاجزج ما يصد گلبي...
كلبي قافِل ايلول

أيلول
أني ما أگدر أتأقلم، ما أگدر،
ما أعرف أعيش بطريقة غير طريقتي،
أني من بيئة غير، من ناس غير،
حتى عقلي غير.
حاول تستوعب علي هذني مو حواجز نكدر نتخطاهن
هذني حواجز يوكفن بطريقنا وكفيلات بـ تغير كل شي
وبعدين انتَ شلحكت تحبني ماصارلنة شهرين ونُص سوى علي

علي
ايلول انة رجال جبير مو صغير ابد، ولا انة مراهق ويلعب عمري ٢٨ سنة اعرف الصح من الغلط اعرف ال الي من ال علية وانة اعرف زين شيريد كلبي، وكلبي رادج وحبِج
مال شلون بهسرعة
مال شلون حبج واحنة بس نتعارك
مال شلون حبج واحنة من غير بيئات
مال شلون حبج وبيج شغلات كومة لحد الان اتمنى تغيريهن
هاي مويمي ايلول هاي يمة

ايلول
علي ماكدر ابد ماكدر ولتحاول اصلاً لتحلم بهذا الشي

علي
انتِ الج مشاعر تِجاهي لولا؟

ايلول
لا علي انتَ صديق بس مال حُب لا !!

علي
جا ليش من تصاوبت ضليتي تبجين؟

ايلول
علي اني هيج طبيعتي اتأثر ع ايّ احد لا اكثر ولا اقل
بس حُب حُب الي جاي تحجي عنة لا

علي
بس انة ماجاي اشوف الي انتِ جاي تحجي
انة جاي اشوف منج اهتمام انتِ متطي لاّي شخُص، جاي اشوف لهفة واشياء تسمحلي انّي اتمادى بتفيكيري، يعني انة هسة حيَ الله واحِد بحياتج؟ ماراح تحسين بفرق لو شفتيني ماهوَ يمج فردور ؟

صفنت وهوَ يحجي هيج
احس عقلي بعد مايستوعب ايّ شي من الجاي يحجي
بس حسيت اكو مشاعر حقيقة واصرار من كلام علي
ف حاولت اتهرب

ايلول
يابة علي الي مفكرة انتَ غلط ومُستحيل يصير
اني ما اكدر اتقبلك غير كَ صديق حاول تفهمني حباب

علي
وشنو يعني عود اذا حجيتي هيج راح تمسين كبريائي واتحسس واكلج ايّ يلا الله يوفقج بحياتي وان شاء الله تلكين الي يسعدج؟

صفنت عليّ هذا شبي ؟

علي
ايلول حبيبتي من اول لحظة شفتج بيها سجلتج ب اسمي بدون ما أخذ رئيج المهم انة مقتنع بيج ورايدج اما انتِ ف بعدين تحبيني او انتِ تحبيني بس بعدين راح اخليج انتِ بنفسج تعترفين بهذا الشي

ايلول
علي لا تنتظر مني هيج شي ابد، لا تتأمل علي

علي
والعباس، لو الدنيا كلّها تگلب، ما تصيرين لغيري
إنتِ إلي، غصبًا على الدنيا، مو لغيري.
ماعدي مانع اوگف بوجِه الكل علمودج
ضلت عليج؟ اوكف بوجهج ليش لا ..
هَسة راح اروح، روحي نامي تغير الوكت ان شاء الله بس انزِل نحجي سوى ونتفاهم وجهًا لِوجه احسَن ..

كتبتلة تمام ورحِت
ماكو ايّ فرحة اكو شعور غريب ما اكدر اوصفة ابد
شعور اخاف اكسر عليّ بي
وشلون اكدر افهمة انُ هذا الشي مُستحيل يصير ؟

كعدت وي فّرس وسولفتلها ع كُل شي صاير وراويتها الرسائل

فرس
تدريـن شنو الي يعجِبني بيهُم؟
انُ هُمة يفوتون دايركت(مُباشرتًا)
يعني ما ينتظرون حتى يعيشون بعِلاقة وهذا الشي نفس ما صدمج صدمني هم، احسهم عارفين الي يردوا و متأكدين و واثقين منة
عـزة ايلول ؟
حلمنا شنو!
حلمنا من جنة مُراهقات انُ نتزوج ثنين صدقان
تخيلي تصير ونزوج ولد عم ونصيـر بنفس البيت

ايلول
فرس انتِ مخبلة وماعدج عقل ترقصين على جِراحي ؟
ترة والنبي اني بالي مشوش واحس عقلي وفكري مو براسي
هذا ليروح يتأمل ماريد اكسر كلبة فرس

فرس
ليش تكسرين كلبة؟
باعي راح احجي شي بس حبابة لتكتليني
ايدج ثگيلة لج

ايلول
احجي احجي

فرس
ااااا ترة بهواي مرات انتِ هم احسج تحبي

بعدها مامكملة كفختها على راسها

ايلول
انجبي يمتى هاي السوالف

فرس
اخ امداج عود كتلها لا تلمسيني
زائد اني شعلية بيج ترة انتِ دگيتي ونحتي عليّ من تصارب
ومن تخربط وصعد ضغطة يايابة شسويتي

ايلول
فرس هوَ صديق مو اكثر

فرس
ليش تحسسيني صدقانج شكثرهُم ترة انتِ ماعدج صدقان ونكول ميخالف

ايلول
فرس كافي شقة والنبي مابكلبي تِجاه علي إلا الصداقة
ومُستحيل افكر انُ مُمكِن تصير بينة علاقة
فرس شتحجين ترة علي من بيئة معقدة
عدهم حتى المرة عيب تسوق سيارة
وحتى خواتهم مرة سألتة كلي ما يدرسن
وفوك كل شي جدهم اسمة جبـر ولج شايفتة يا يمة
نوب شنو ممنوع احد يطلع برة البيت عدهم بيت جبير والكل يكعد بي تخيلي اعيش وياهم يمة

فرس
هو شنو يمة قابل همة شنو بعبع
وبعدين انتِ مو سولفتيلي شلون بيتهُم جبير ومدري شنو يعني شوفي ان جان اني او انتِ محرومين من سوالف لمة الاهل ومدري شنـو ف بصراحة بنسبة الي اتمنى اعيشها واتمنى اشوف الناس شلون تلتم وشلون هيج اجراء عائلية والله احبها اني

ايلول
فرس اني ماتحمل واحد يقيدني اني احب اسافر اطلع اطب محد يكلي ع عينج حاجِب اورط روحي ليش؟
يجوز انتِ تتأقلمين بس اني مُستحيل ..

فرس
خليها ورة الله وشوفي شيصيـر

سدينة الموضوع بس ضل بكلبي ما مسدود
خايفـة وهواي اشياء ب بالي
ما مهتمة لايّ شي عَدا انّي اخاف اكسر كلب علي
بطول هل ليلة اني افكر بالموضوع وبـالي مشتت
نمت كعدت الصُبح تعبانة وحتى ما الي خُلك اداوم
وامتحاناتنا الفصلية على وشك تبدي واحنة ماعدنة غير هل فصلي واحد ويحسبوا في ثنين والمِد(نص السنة) فَ جان لازم اشد حيلي شوي بس مع هذا جِنت مشَتِتة
رحنة للجامعة شوي دزلي علي رِسالة

علي
وديتلج شي حلو تحبي اطلعي اخذي مِن المندوب
طلعي فرس وياج هم لتطلعين وحدج

جنت بالمُحاضرة..
جنت جاي اكتبلة كتب

علي
اهلاً وسهلاً بيك واهلاً بالوياك
والگلب؟
الگلب قبل العين كام وتلگاك

ابتسمت ع الي كِتبة
بس هلمرة تختلف
جان من يسويلي شي علي حلو ابتسم وافرح من كل وكلبي بدون ما أحسِب لايّ شي، هلمرة ابتسمت بس بداخلي خوفة جبيرة ومُستقبل ماعرف شنو نهايتة

ايلول
علي شجايب ماكو داعي ترة

علي
اعرف اكو وحدة شوو چنها روحها لايبة شويونة فَ حبيت اغيرلها نفسيتها

احتاريت شكتب، سكتت

علي
اول مرة اشوف ايلول النچرة تسكت
ولج بوية شبيج
جاي تفكرين ب الحجيتة البارحة مو؟
فكري بي بعد طولي
انة اريدج تفكرين بي لان الموضوع جدي

ايلول
علي كافي والله هاي المواضيع اكبر من استيعاب عقلي

علي
هوَ انة ليش ردتج لانج صغيرة ارد اربيج على ايدي
لا والعباس اشاقة هسة تطلعيلي من الموبايل ادري بيـج

ايلول
علي تدري بعد ٤ ايام امتحاناتنة؟

علي
ها يعني احضر اهلي واجيج خلال ٤ ايام؟

ايلول
علي انتتتتتت شجاي تحجي؟

علي
مو ادري بيج كسولة ومادبريها هيَ لو درس لو عرس يابعد كلبي

ايلول
انتَ شو ماخذ راحتك بعد كلبي ومدري شنو
وبعدين شنو هاي نظريات لو درس لو عرس

علي
اصير مثقف علمودج والله
بس انة شريد غير اريدج ترتاحين ب بيتج معززة مكرمة وكل شي يجيج بس تطلبي، بس يلة دآمج تردين تدرسين قابل امنعج؟

طبعًا اني اراسل وفرس راسها وياي وتباوع ومبتسمة

فرس
الله هذا نوعج ايلول تتمنين يجيج هيج واحد جنتِ
دهاج اجاج ههههههههههههههههههه

ايلول
بس لو تنجبين انتِ هوَ بدايتهُم هيج نوب بطلي وكعدي واضل على منيتة يطيني مصرف شو اسكتي

فرس
ترة انتِ مو دكتورة مدرسة وهم لو تتعينين لولا

ايلول
يمة راح تموتينييييي بتفكيرج انتِ اخخ منج اخ

علي
اشاقة وياج والله بالعكس انة وياج وشدي حيلج واريدج تنجحيـن من اول دور وهم هاي الفترة راح اخفف وياج فترة مُهمة وان شاء الله تگضي على خير
ديلا هسة اطلعي للمندوب نسيت روحي وهوَ بالباب

ايلول
عندي مُحاضرة

علي
جا شلون منتظر من زمان؟
ولا يهمج هَسة اكلة ينتظرج مو مُهِم انة ازودة
يمتى تخلصين؟

ايلول
نص ساعة

علي
تمام حبي

ايلول
حبي شنووووو علي

علي
هسة قحط لازمة حلگي دروحي

دزيتلة مُلصق معصُب

علي
اروح فدوة للمعصب يلا ميخالف نتحمل بعض جا شنسوي

كملنا مُحاضرتنا وطلعنا اني و فَرس لكيت المندوب منتظرنـا
انطانيا وتشكرنـا ورحنـا
فرس صار عندها فضول تفتحة رحنـا للكراج يم سيارتي وفتحنـا

ابتسمت مُباشرتًا

فرس
يا الله شكد حباب علي احسة يحاوِل يسوي ايّ شي حَتى بس يسعدج ويفرحج

سكتت وبداخلي اكو فرحة بس خوفة بنفس الوقت

فرس
ماحس راح تلگين احسن منة
نصيبنـا الزين يجي مَرة وحدة بحياتنا يا اما نرفضة لو نحاوِل نكسبة يمكن الوضع ميكون صح بس هوَ صح ف لازم نظل متمسكين بي رُغم كُل شي صدكيني

ايلول
فرس مُستحيل جَد مُستحيل
حَتى ماكدر اتخيل هذا الشي تخيلي !

فرس
اوف خل اسكت عنج لابُد يجيج يوم وانتِ وحدة تقتنعين

رجعنـا لدوامنا واني افكر بكلام فرس
تجيني افكار انُ فعلاً علي ماكو مِثلة
بس من اتذكر غيرتة وشيسوي اكول مُستحيل

ضل كلامي ويـا بارد رُغم هوَ يحاول وياي بكُل مابي
صارت سالفة فَرس وي أُستاذ امير وجنت حيل مصدومة من الي صار
فوگ كُل شي ماكدر انطي بفرس ابدًا، بس فرس فعلاً جانت غلطانة
بس جيب الي يفهم أُستاذ امير انُ هيَ فعلاً متندمة
ضليت ابينهُم وروحي طالعة
اما علي جان مشغول حيل مادري شكو بس صار اختفائة ملحوظ
ومن اسئلة يكلي مشاكِل بالبيت وهم يكلي اقري زين هل فترة
يطمن علية يومية وهاهيّ موكُلش يحجي بس يومية جان يراسلني

بدينـا نمتحن واني نفسيتي تحت الزِفت
هم فَرس وهم سالفة علي
مع انُ علي خلاني براحتي وكلي هاي الفترة ماريد أثر عليج بس سالفتة لسة بعقلي وخايفة، خايفة انّي اكسر كلبة واجرحة برفضي واخيب آمالي، اما فَرس فجانت متقرة وكُل الامتحانات تروحلهم هيـج
شكد احاول اخليها تقرة بس جانت كُلش مالها خُلك واني ع واهسها مجنت اقرة زين وكُل الامتحانات زفتت بيهن حد الرسوب
ونفسيتنا جانت تحِت الزفت حرفيًا
بحيث اروح لفرس احاول وياها حتى نقرة سوة متقبل تكُلي روحي وحدج اكعُدي اقري اني اجذب عليها اكول الها ايّ بس اني مالي خُلك لايّ شي

صادف عدنة امتحانين ومنهن امتحان أُستاذ حَيدر والي بعدة أُستاذ أمير وفرس امورهة كُلش صارت سيئة، خفت عليها وماكدرت اجبرها ازيـد كلت خلي ترتاح و اول ما نكمل امتحانات ننزل للموصل ونرتاح شويـة

جنت بالدوام وي امتحاناتنة جانن عدنة مُحاضرات
جان امتحانة ثاني مُحاضرة
و اول مُحاضرة علينا أستاذ كمل وطلع
والطلاب بالقاعة تراجع لان ماظل شي للامتحان
اراسل ب فرس مترد مدري شبيها
مع انّي خليتها كاعدة وجانت صاحية
قلقت عليها وجان ودي اروح للسكن واشوفها
اخرشي ردت وصدمتني وهيَ تكلي راجعة للموصل!

الصدمـة مالتي جانت موطبيعية
شلون ترجع دتكولي انُ كُل شي انتهى واحسن شي ارجع
اخو فرس ذكي و حيل مُحافظ
يعني مُستحيل تمشي عليّ سالفة هيَ رجعت لان ماعجبها الجو
هوَ يدري كلش زين دام وياي فرس تحب ايّ مكان
وابد مومال توصل انُ تعوف الكُلية علمود انُ هيَ ما تأقلِمت
نوب ضليت اخابر عليها مترد

خابرت بنية مرحلة ٢ ويانة جانت لطيفة ونعرفها ردتها تتأكد انُ فرس مو بالغرفة كلتلي ايّ

اني بالدوام واحس روحي اشتعلت
فرس انسانة متتحمل ابد واهم شي عندها شخصيتها متنمس بكلمة بنفس الوقت غبية ومتحسب حساباات للدتسوي
واخر ايام جانت تشكيلي من النظرات والحجي
من اكلها احجيلي منو تسكت
همة اصلاً الطلاب جانوا يخافون مني ويجنبوني
بس الحقراء مِن ورايّ يدسون سمهُم

باوعت إجن اميرة وسـارة
شافت مكان فرس خالي
ضحكت سارة حيـل وشاورت اميرة

اني احس روحي فِرت اريد اتحمل ماكدر
خليت وكمت الهن
الكُل جان گاعِد ومنتبه
ماهمني ايّ احد
بس صارت كدامي هيَ الي بسببها فرس جاي يصير بيها هيج
و الله اعلم شنو راح يصير لو عرف اخـوها

ايلول
انتِ وحدة متستحين عَ نفسج
ماخفتي الله وانتِ تسوين هذا الشي لبنية يتيمة

سارة
باع منو تحجي بالمستحة والشرف
دروحي عيني روحي غير سمعتج بكل الكلية انتِ وصديقتج تخزي مولبستي الحجاب وصرتِ شريفة مكة عود لا تنسين ماضيج عيني

هيَ من حجت هيج احس اعصابي ماتحملت
ماحسيت على نفسي واني راكعتها براشدي ساطرها سطر

ايلول
تأدبي وانتِ تحجين علية لو على فرس
لا قسمًا بالله ..

جاي احجي ماحسيت الا عَ صوت أستاذ حَيدر وهوَ يعيط !

حَيدر
وصلت بيج انتِ تضربين زميلتج وبنص الـ قاعة ؟

ايلول
أُستاذ هيَ الـ ...

حَيدر
وللااااا نَفسسسس هذا حرم جامعي إلة احترامة شنو هذي التصرُفات الهَمجية !!!

اباوع سارة صارت تبجي وتسوي روحها الملاك البريء والكُل يباوع واستاذ حيدر هوّ والمراقبين طابين بالقاعة

اميرة
استاذ هيَ الي اجت وتهجمت علينا وهاي مو اول مرة ثالث مَرة

حَيدر
بسرعة للـ عميد انتِ وجودج هنا غلط حَتى امتحان ما تمتحنين

ايلول
استاذ مو من حقك تمنعني من امتحاني اني عندي امتحـان
وان كان عَ الكف ف هيَ تستحق اكثر
وما اخذت غير المُستحق

تقرب الي وهوَ يحجي بعصبية

حَيدر
شنو هاي قلة الادب؟
فوكاهة تعارضين قراري
وتصححين لخطأج؟؟؟

ايلول
أُستاذ انتَ ماتعرف السالفة شنو رجاءً لا تحكم عَ الصح من الغلط هيج

حَيدر
مو حضرتج تعلميني الصح من الغلط
كومي للعميد يلاااا

حجاهة ب اسلوب قروي لِدرجة موطبيعية
جان يطردني بالقاعة وكإنما شنـو

ايلول
نفس ما تكلي هذا حرم جامعي واحترمي فَ انتَ هم احترمة
جاي تقلل من احترامي وكدام الكُل ترة

حَيدر
واكسر راسج هماتين
ترة اني استاذج هنا مو انتِ استاذتي !

ايلول
تكسر راسي فوكاهة؟
جَد انتَ بلا اسلوب حطلك حدود احسن
نفس ما انتَ استاذي والمفروض احترمك
فَ اني طالبتك والمفروض تحترمني

اشر من فوگ لجوة علية وهوَ يكلي بإستهزاء وهوَ يضحگ

حَيدر
احترمج انتِ؟

من كال هيج كُلها ضحكت بهمس
احس روحي راحت
هوَ شلونن هيج يحاجيني !

ايلول
راح تندم على حجيك هذا والله

حَيدر
للعميد كُبل يلا

درت وجهي الة قَبل لا اطلع ورفعت ايدي بوجهة وكتلة
ايلول
دير بالك تتأمر علية
اني اساسًا رايحة للعميد
وانتَ تجي وراي
حالك من حالي
وشكوتي راح تكون عليكم ثنينكم

طلعت بسرعة ودموعي تنزل
شكد ادبسز ياربي استاذ حيدر من زمان حاط بالة وياي
بيومـها استاذ امير ماجان جاي لان امتحانة باجُر وماعندة مُحاضرة
يعني هوَ هم يكرهني وهم يكره فرس مدري ليش ومدري شعندة ويانة اساسًا

رحت بوقتها للعمادة واني ميتـة من القهَر
العميد جان يمة دكاترة كالولي انتظري
واكفة ودموعي تنزل واتوعد لهذا
بس ادري عميدنا كلشي ميفتهم وميخاف الله

شوي واجة أُستاذ حَيدر
باوعلي وگال بكُل جراءة

حَيدر
نزلي دموع التماسيح ماوصيج

ياربييييي شكد دنيء!!!
خلة وطب واحس روحي اريد اطب واموتـة

طلعوا الدكاترة دكيت الباب وطبيت

حَيدر
حضرة الدكتور العميد هذي الطالبة جاي تسويلنا مشاكِل بشكِل مُستمر واليوم تجاسرت وتمادت علية وكدام كل الطلاب وبصفتي تدريسي هنانة اطالب بحقي بفصلها وترقيـن قيدها حالاً !

ايلول
دكتور اني ماقللت ادب الا لمّن هوَ قلل ادب

حَيدر
دكتور اني طبيت لكيتها تضرب زميلتها كف !!
هل هذهِ اخلاق بنت بالجامعة؟؟
وفوك كل شي تكلي احترمني وهيّ تقلل ب ادبها وياي
وكذالك تكلي انتَ مو من حقك تحرمني من الامتحان
اني هنز استاذ مُعيد جامعي وهانتني كدام الكُل !

بعدني اريد احجي راسًا العميد عاط بيـة
ورزلني رزالـة من هاي الزينة
وضل يكلي انتِ يومية مشكلة شنو
اكلة دكتور شنو يومية مُشكلة هيَ مرة صديقتي واجيت وياهة
جان مُصر احجي ويـا واسولف عَ الموقف الي صـار وهوَ بيدة ورقة ومدري شيكتب

من حجيتلة توقعت يغير رئية يكول لا بَس صدمني وهوَ يختم الورقة وينطينياهة ويكُلي

العميد
هاي ورقة فصل وترقين قَيد للسنة الثانيـة تجيبين اوراق نقلج للموصل وترحين هناك، انتِ خصوصًا هواي اشتكوا منج شعندي اني هنانة جامعة هاي احترمي الي بيها يحترموج شنو عندي كهوة وكل ساغ مسويتلي طلابة بيها

مَد ايدة وهوَ يطينياهة رأسًا خليت وطلعت
جنت مِثل المكتومة
جنت تعبانة وروحي طالعـة
فَ احس صار الوقت حَتى انهار ضليت بس ابجي
واتوعد الهُم
يعني هوَ حتى ماسمعني
والله بالبداية حجيت بكُل أدب ويـا
بس هوَ قلل أدب
وكإنما جان منتظُر السالفة حَتى يرزلني هيج

جنت كاعدة يم العمادة وابجي ماحَسيت إلا عَلي اتصل
رأسًا وبدون تردُد جاوبتة
واحس لويمي اريد احضنة
لان هوَ الوحيد الي هنا ميأذيني
كُل شي يخنگني

علي
حبيب كلبي طبيتي للامتحان ؟
ردت اتمنى الج امنيات حلوة وابلغج دُعائي قبل لا تطبين

يحجي واني ابجي، ماكدرت اضم شهگاتي سمعهن

علي
هوب هوب هوب هاي شصايررر ليش جاي تبجين ؟؟؟

ضليت ساكتة وبَس ابجي

علي
لج ايلول لا تخبلينييي ليش جاي تبجين شبيج ؟؟؟؟؟
وين انتِ خل اجيجج وين بالجامعة؟؟

كوة طلعت من عندي ال أيّ
سمعت صوتة مشية وشخطة سيـارتة بسرعة

علي
بس اهدي ايلول لا تخبليني عليج العباس ليش تبجين شنو صاير ؟؟؟
ليش ماطابة للامتحان؟ احد محاجيج احجيلي ولج مو كلبي وكف على بجيج !

أُستاذ حَيدر طردني والمُعيد و والله ظلم
ظلم علي هانوني يم الكُل

حجيت هيج وزدت بالبجي ماسمع غير صوت غَلط وسب

علي
انعل ابوهم اولاد الكلب والله جاي اهد الكلية هد على راسهم وراس الخلفهم الينزل دمعة منج يحسب حساب ضاربني چيلة الي وعلي اليوم انة انة وهمة همة
ولـج الي يمسِج بلسانة، يمِسني انة
ومو عليّ المعروف بالسكوت لو احد مَسة
يتبعععععع...... شنو رئيكُم؟
البـارت ٨٠٠٠٠ كِلمة
وباجُر بارت هم ان شاء الله
وصلوا التصويت لـ ٣٠٠٠
اول ميوصل ٣٠٠٠ ينزل الكُم البارت الجديد

اخوان اريد اتناقش وياكُم هنـا مُمكِن شوي ؟ واريد اسمع ارائكُم واخذها بعين الاعتبار ان شاء الله ..
شوفوا اخوان اني عندي ابطال خير من الله، واسم قصتي ( بيت جبر ) فَ اني ردت اذكرهم كلهم، بنفس الوقت اريد اكتب فَد ٥٦ بارت هيج شي مو اكثر، بَس بصراحة اليوم من جاي اكتب اكتشفت شي
يعني بَس رحمة اخذ وياي ٤٠٠٠ كلمة و ايلول ٤٠٠٠ صار ٨٠٠٠ والبارت عادتًا هيج يكون طولة ردت اضيف شَمس اليوم بس كلت البارت صار طويل هاهيّ هم ماريدة يكون مُمِل فَ صرت كدام خيارين لو احذف من الابطال يعني مو إلا كُلهم اذكرهُم لو اطول بالبارتات يعني حتلو يصيرن ٧٠ بارت هيج شي لان بصراحة اني ماحِب اكطم بالاحداث احلى شي من تعرفون كُل التفاصيل، فَ شنو رئيكُم شاركوني مُقترحاتكم؟