مَساء الخير
بارت جديد من بارت بيت جبُر
للكاتبة ؛ هُدىٰ آذار
لا تنسـون التصويت
والتعليق بين الفقـرات
________________
ايلول
تقريبًا بالـ ٧ دك علية امير دليتة عَ المكان وبغضون رُبع ساعـة ماحِس إلا كدامي اميـر وثنين ولد عيونهُم زرگ و ولد ثاني عيونة خُضر و واحد اسمر وثنين زلم كبـار و جِدة جبُر
ما لحگت استوعِب إللي صار، صوت خطواتهُم مِتجهة نحوي، باوعت لجّدة لِلحظة احسني خفِت حسيتـة فد شي جبير واكف كدامي وكانهُ قاضي وديحكم ع حياتي بالموت، ملامحة صارمـة و وجهة ما يبشر بالخير ابد ..
بست القُرآن و عفتة بالكُرسي الي يمي وكفت وكفت واني عيوني تِجاهُم ومحَد عيونـة تِجاهي غير جَدة و الكبار و امير .
صـاروا يمي كُلهم الولد ع صفحة والباقين يباوعولي و امير اجاني
امير
ها ايلول بَشري شلونة علي !!
همست بـ
اهدئ ان شاء الله خير
التفتت لجهتهُم وكلت بصوت مايل للرجفة
ايلول
السـلام عليكُم
الكُل رد السلام عليـة وهوَ مدنگ، مابيهُم الرفع راسة وباوعلي، التفتت لجدة باوعت الة باوعلي بنظرة صارمة
ابتسمت بوجهة بصعوبـة وارتباك
ايلول
علي دائِمًا يحجيلي عنك، وفرحانة لان صارتلي فُرصة اشوفك لا تخاف ان شاء الله ابنك بخير
كُل شي بية جان يرجِف وخايف وجهة وهيبتة يخلنك ترجف غصبًا ماعليك، بس علي يستاهل احجي هيج بالنهاية هو حاول علمودي هواي فَ ليش ماحاول
هزلي براسـة بالايجاب ماحجة شي ثاني
اكو واحد من الكبار كلة
حَسن
بوية اكعِد
كعد الشـيخ وحَسن وحَسين
والولد واكفين صَفحة، وكف امير كدامي وصـار يستفسر
أمير
ايلول شنو سالفة فهمينـا
ايلول
ها أُستاذ والله مـادري
سجاد
أستاذ ؟
ضحگ اميـر وباوعلة واني درت وجهي عنهُم بخجل
ايلول
هوَ جان حيـل تعبان وفجأة هيج صار بي وضغظة حيل معلگ لگوا بس هوَ جان مكابِر وشايلها بحيلة حَدما وكع كلِش ف الدكاترة كالوا ممنوع يطلع الا يستقر ضُغطة وضل ما نازل ٣ ساعات حتى من انطوا الابرة فَ انطوا هسة حباية تحت اللِسان شوية هُبط بس هم بعدة تحت المُراقبة
بَس بابا كال عدة مرحلة الخَطر فَ ان شاء الله خير لا تخافون انتوا
كلت هيج واني التفت واسمع الكلام لجدة وابو وعمة
حَسن
ان شاء الله يبوية ان شاء الله والله هذا علي هل تشوفي ترة متهور وروحة طافرة نكلة بطل هل عَصبية بطل ما يبطلها
ايلول
ميخالف عمو تصيـر بين العوائل كُل شي ان شاء الله كُل شي يتصلح وماكو شي، وهسة هوَ اكيد اذا شافكُم راح يفرح بشوفتكُم هواي وينسى كُل شي وهوَ يعتذر، علي كلبة ابيض وميشيل بكلبة عَ عدوة خوما على اهلة الي اعز شي بالحياة عندة همة
اني احجي وهُمة يباوعولي بهدوء وتركيز بـ كلامي
حَسن
ان شاء الله يبوية ان شاء الله
امير
جا شني وحدج هنا
ايلول
لا بابا هنانة من البداية بس صديقة بعملية وحب يساعدة فَ راح ويـا كالي شوية واجيج، اااا اذا اجة بابا اني كتلة انُ اني وعلي تعاركنا لا تجيبون طاريكُم انتوا
جبُر
كوم سُراج كوم بويـة شوفلنة الوضعية
تقدم للغرفة ولد عيونـة زرُك وشكلة حَيل وسيـم ومرتب مادري ليش هوَ بالذات كلة هيج امير اخذني صفُح وصـار يعاتبني شلون ماكتلة واني كعدت اشرحلة بالوضعيـة
راح يـم اهلة واني ضليت واكفة كدامهُم وبيدي قُرآني ردت اكمل سورة يس ..
سجـاد
هيَ هاي ايلول؟
معَ احتراماتي لكُل اختياراتنا بس اختيـار علي كسرنا كِلنااااا
زَعيم
ايا نجِس ولك شلون تباوع لعرض اخوك وعلي انة استحي احط عيني بعينها
سجاد
دروح انتَ تستحرم زايد انة قابل مباوعلها بغيـر نظرة لو بنظرة عادية البنية صلاوات ع النبي بس حيل حلوة
امير
جـدي شفتها شلون مستورة؟
هاي ماجانت هجي ترة حتى حجاب ما تلبس
غَيث
معقولة هلكد علي غيرها؟
امير
ايّ معقولة
حَسن
والله ما شاء الله عليها اذا صدِك هلكد متغيرة وانة تاكدت من خيارة صح من طريقة اسلوبها وحجيها ويانة
حَسين
من كالت النة كلت لابوي انة متعاركة ويـا مو اهلة كبرت بعيوني وعرفت عليوي محتار اختيار صحيح
زَعيم
حتى من كالت هوَ يحبكم والعوائل يصير بيها هجي شي صدك حسيت علي خوش مختار، لان انة هم جنت ضدة ترة بس ما جذب من جان يكلي الماتعرفة ماتكدر تثمنـة، خوش بت والله
امير
والله العظيم بس عاشروها وشوفوها
هاي انة شكد صارلي وياهم وهي وفرس نفس الخوات فنهة تكلي امير لازكة اعلى استـاذ وعبالكم شني هم تحملت المر من علي تخيلوا من وحدة لبسها بكيفها وكصير لوحدة هجي تلبس وبهل ستِر
وها خلوها براسكم علي الكتل روحة عليها
هيَ اصلاً ماحاطتة براسها وجانت ترفضة دائمًا
بس شوف ربك انة هم جنت رافُض واكول
علي ل ايلول؟؟؟؟؟
ابددددد مُستحيل كل واحد تفكير وحد كل واحد يفكر بطريقة غير
هيَ بصوب وهوَ بصوب
ماكوشي يجمعهم غير شي واحد
الفطارية وطيبة الكلب
وهيَ البت درة مال الله امانة الله
امي صالحة كاعدة وياهة وشايفتها تموت اعليها اصلاً
كملت السـورة وسديت القُرآن وحطيتة بجنطتي باوعت الهُم ملتمين ويحجـون كُلهم بمدري شنو
فشلة يضلون بدون شي اريد اجيب الهُم شي، بس خاف يفكرون يكولون هاي تطلع وحدهي وتطب وحدهي خل انادي استاذ امير احسَن شي
تقدمت الهُم من بعيـد شوي وناديت
استاذ امير مُمكِن تجي شوية ؟
هَـز راسة الي بالايجاب باوعلي جدة بنظرة ثاقِبة من فوگ لجوة ابتسمت بهدوء وارتباك ودرت وجهي، هَمزززززين لابسة هاي الجُبة همززززززين جان تخزيت
احس صارت تضارب بين شخصياتي وكُل شوي اسمع صوت
- يـا ايلول هسة شنو واذا شعليهُم بية البس ما البس اطلع وحدي لا، لا تخلين واحد يتحكم بيج وشخصيتج لا تزعزعيها
- لا ايلول هذا مو وقت عِناد علي يستاهِل اقدم تضحيات علمودة، موبَس هوَ تحمل عصبية وعنفصة بابا اني هم اسوي نفس ماسوى
نفضت افكاري واني اهمس بيني وبين نفسي
لاااااا علي يستاهل
اجـة امير ماكتلة شي بس كتلة خل نطلع برة وصلنة للمحَل كتلة اريد اجيب الي راد ياخُذ الهُم كتلة لا اني حاخُذ بس كلي شتحبون
امير
اصيلة عمي اصيلة معزبة
ابتسمت عَ كلامة واخذ العصـاير وراح يحاسب
احجي ويـا كلامة نفس علي بالضبُط ( ماعدنة نسوان تدفع )
رحنـة يمهُم وانطاهُم واحد واحد وهوَ يكول
امير
هـاي ايلول جابتلكُم
حَسن
شني هاي ضيافة اهل الموصل عصير ابو الرمان
ضحكت ع كلامة وكتلة
ايلول
لعد شنو عمو
حَسن
احنة ضيافتنا مفطح عمي
سجاد
يعني تذبحيلنة ذبايح مووو عصير
هجي نسميج معزبة احنة
ايلول
روحـوا وياية للبيت وتدللون
قابل بنُص المُستشفى احطلكُم طليان
من كلت هجي الكُل ضحك
لكيناه هذا الي طبلة طالع ويكول زيـن وضعة متحسن شوية
اجا دكتور للغرفـة وشوية وطلع من الغـرفة وگال الحمدلله سيطرنا ع الضغُط ويكدر يطلع هَسة بس كون كُل ساعتين يجيك ضُغطة
طبوا هوَ يمة جان غرفتة بوحدة بابا مخلي ما كدرت اطب وياهُم كلت خل ياخذون راحتهُم عفتهُم ورحِت ادور على بابا
سئلت عليّ ودلوني رحت حجيت ويـا وكتلة اهلة هنا استأذن من صـديقة واجة وياي
ايلول
بابااااااا حباب اسلوبك خلي حلووو وياهُم
ابو ايلول
باباا ايلول شكالولج علية بـلا اسلوب اني لو شنو!!
ايلول
لا باباا والله موهيج اقصد بس انتَ عصبي شوويون، تدري علي سودة علية شكايل لاهلة ماكايلة اني متعاركة ويـا كايل الهُم ضغُط بشغل صاير يمي فَ حباب انتَ احجي وياهُم ب اسلوب حلو والله العظيم حبابين هُمة وجدة لا تشوفة عگالة وهوَ حسبالك هيج بس شيخ ترة جان استاذ جبيرررررر للغة العربيـة وانسان مُثقف وحباب
فَ انتَ كول الهُم ماترجعون وخلي يجون ويانة نعزمهم عَ العشاء اذا مو علمود علي ومحاولاتة علمودي انيييي حباب باباا حباب
ابو ايلول
يعني اذا كالولي نريد نروح ولا شنو ابوس ايدهُم مثلاً شبيج بابا انتِ هم صايرة مخبلة لاتنطين الانسان اكبر من حجمة
ايلول
باباااا موهيج بس هُمة يستحون عود فَ انتَ اكسر هذا الشي فدوة اروحلك واخرهُم ع العشا كول الهُم ابـد علمودي بابا علمودي مالي خاطر اني يمك؟
باوعلي ومبين من وجهة الغصُب هز راسـة وگال بنفُر
ابو ايلول
والله عاد مادري شلون تخلص وياج يا ايلول !
ايلول
بابا والله علي يستاهل والله
واني بنتك واستاهِل هم
ماحجـة شي رحنـة للغُرفة دكينة الباب فتح النة الولد ابو عيون خُضر، شكد لطيف الوحيد الي حجة وياي وجان يباوعلي وعادي
الباقين احسهُم كلهُم يستحون
ابو ايلول
السـلام عليكُم
جانوا كلهُم كاعدين يم علي وعلي منبطح مسوي روحة ميت فردور بدة بابا يسلم عليهُم واني عيوني على علي وعلي عيونة علية
كام من مكانة وهوَ يباوعلي والابتسامة تنرسم على وجهة شي شي، سويت روحي مو يمة لا يشوفونة اهالينا وننفضح هنانة ضليت واكفة وما اباوع عليّ
سجـاد
تفضلي اكعدي لا تضلين واكفة مرت اخوي
ابتسمت الة وكتلة
ايلول
لا لانوب تكول اهل الموصل ما ضيفونـا زين
سجاد
لا يابة مانكول اصلاً اكول جابولنة خوش عصير رمان ابو السبعمية وخميسن
ضحكت ع كلامـة ودرت وجهي لعلي الي يباوعلنة ورافع تك حاجِب
ابو ايلول
هـا علي الحمدلله ع سلامة بَشر شلونك بابا ؟
علي
الحمدلله عمي
ابو ايلول
الحمدلله والشكر الله عداهة هذا الضغُط يسوي مشاكِل فادحة شكد نشوفة عـادي بس هوَ يسبب النة غير اشياء
سُراج
الارتفاع حَتى اخطر من الهبوط بالنسبة الي
عـاد الهبوط مُغذي مالح ثنين يستجيب الجسِم بس الارتفاع مُصيبة
سجاد
اكعدي اكعدي لضلين واكفة
كعدت ب مكانة وهوَ ضل واكف بابا وسُراج ضلـوا يحجون سوية وبابا انبهر من معلومات سُراج
سُراج كالة اني تخدير بالكوفة جنت ادرس وبابا ضل يمدح بي
ابو ايلول
على كُلاً يا جماعـة الخير اليوم انتوا يمي معزومين
جبُر
لا والله ماتقصُر بس ورانـا روحة وتدري الدرب طويل وهم يلة
ابو ايلول
لا والله ابـد ماتصير هايَ ما ترحون اليوم الدنيا الليل هَسة وهم علي بعـدة تعبان الطريق مو زين عليّ ابد
زَعيم
والله ياعمي ماتقصر وعلى عينية وراسنة بس البيت وحدة وكل احنة جايين مانكدر نعوفهم وحدهم ان شاء الله بالافراح نزور داركُم، وداركُم معمورة بِحق مُحمد وآلِ مُحمَد .
ابو ايلول
لا عمي ابد والله هذا وكت اذان وانتوا جايين والطريق بعـيد ترحون وياي تصلون وتتعشون وترتاحـون وباجر الصبح براحتكم بعَد
اباوع لعلي يباوع بستغراب ويباوعلي واني اتبسم الة
جبُر
والله يابـوية مانكدر ان شاء الله غير مرة
كمت وكفت وباوعت الة
ايلول
لا جدو والله مايصير ترجعون وانتوا ستوكُم جايين احسبوا بيتنـا بيتكم وهم حَتى اراويكُم ضيافة اهل الموصل شنـو
كلت هيج وباوعت لسجاد ضحگ
ابو ايلول
اني مُصر تـرة وهم علي ابد مومال طَريق
علي
لاعمي ماعندي شي
ابو ايلول
بلة انتَ ماعندك شي ابد ماعندك شي شلون متحمل من البارحة لليوم وهيج ضغطك معلك خليها ب بالك ترة حالتك خطرة لحد الان فَ تضل وهم تضل تحت المُراقبة تحسبًا لايّ شي
سُراج
اني يمة لا تخـاف عمي
ابو ايلول
هسة انتوا شو قافلين اني عازمكم بعَد
زَعيم
لا هاهيّ اذا مُصر مانردك ونجيك على عينـة وراسنة
ها شيخ
جبُر
لا يابوي مـا يرد الكريم إلا البخير
من زين اصلهم هذا
ابو ايلول
اميـر بابا تندل بيتنـا خو
امير
اي عمـي اي
ابو ايلول
حَتى تخابر نسيبك هم يجي
فرحت حَيل لان السالفة صـارت
ضليت بگلبي ادعي انُ الله يهدي ويلين گلوبهُم على بعُض
اترخصنـا منهُم حَتى نروح قبلهُم للبيت
طلعنا من المُستشفى وبابا يكول
ابو ايلول
ها ارتاحيتي ؟
ايلول
ايّ حيلللل ههههههههههه
باوعلي وأبتسم قربني الة وباسني بـ راسي
ايلول
بابا نريد نجيب اكل هيج كون يرفـع راسنة
ابو ايلول
اي بابا هَسة اوصيهُم وبسرعة نرجع حتى نستقبلهُم
رحنـا للمطعم وكُلش ركزت ع انُ يكون الاكل موصلي بحت
وصينـا عغوق مصلاوية و٦ صواني القلية الموصلية و صينية قوزي وصينية كُبة مصلاوية
وصينـاهن بسرعة وشددنا عليهُم يكونن بترتيب ويوصلنة اقل النص ساعة، احنة بلغنا امي بقدومهم وكلت لفَرس تجي هماتين وي ماما تساعدهـا
رحنـا للبيَت بسرعة واضحك وي بابا اكُلة
لعد بس اهل الجنوب عدهُم مفطح خلي يشوفون كرمنـا
ضحگ بابا ع كلامي رحنـا للبيت لكيت امي وفَرس ديجهزن
ايلول
والله خايفة خـاف بابا يكول شي
ام ايلول
ترة ابوج يكابر والله من بعَد ما اجوا هوَ وامير وشـافة شلـون يحجي كال لا مبين مشتريها ورايدهـا فَ لا تخافـين مايصير شي
صدُك والله شويـة واجوي هُمة، استقبلهُم بابا بالاستقبـال مالتنة، ماما سوت شوربة عَدس لعلي كالت زينـة الة وحضرت الة كرفس وخيار ومدري شنـو امي تعلم بية واني احضرلهيا وفَرس تضحك علية
راحـت فَرس سلمت عليهُم وحُسام هم اجـة يمهُم
الحمدلله ماطول المطعم وجابوا الاكل وصدك جان يرفع الراس
بابا راد يجيبوهم للصالة وعطاولة الاكل اني ضليت اكولة لا بالاستقبال احسَن ع اساس انِّ حافظة عاداتهُم ومدري شنو
كملنـا نقل الاكِل وماما لزمت صينية علي
الي جانت بيها طاسة شوربة وكلاص لبن وماعون خضروات
كلتلها تلبس عباية راس وتسلم وبحجة تنطيهيا وتطلع
ام ايلول
والله مرمرطتنا تمرمط بنتي
ايلول
علموددددد علاوي ماما حبابة
باوعتلي صفح وراحَت سلمت عليهم واني وفَرس واكفين ونتسمَع
ام ايلول
هاك عيني هاي لعلاوي، ماما اكلها كلها وممنوع تاكل ايّ اكل من هذا
ابو ايلول
اي بابا مايصير الدهون والملح وهاي سوالف اكل هذني بيهن بوتاسيوم ينزل الضغُط
ام ايلول
هاي ايلول سوتلكياهن
من گالت هَيج شهگت بكُل قوتييييييييي، حَطت فَرس ايدها ع حلكي وهيَ تكول الي
والله سمعواااااا والله خرب يومج
ايلول
ولج فضحتني فضحتنيييييييييي خرب يومج ماما هيَ هاي جفصة!!!
علي
عاشت ايدكُم خالة
اجتي ماما وسدت الباب الي من صالة والاستقبال واني انهاريت عليها
ايلول
ماما فشلتينيييييي شلـون هيج تسوين شلونننننننن
شلون تكوليلة ايلول سوتلكيا والله عيب
ام ايلول
واذا ماما الولد شكت حلكة الابتسامة خلي يفرح راد يموت بسببج شمسويتلة ماتكليلي
عَصبتني عفتها وحطينة اذنة اني و فَرس ع البـاب نسمع
زَعيم
والله عمي احنـة كلفناكم
حَسن
صدِك كلفناكم والله
ابو ايلول
صدك تحجون لا بالعكس اهلاً وسهلاً البيت بيتكم
وهم حبينة نضوگكم الاكل الموصلي يجوز ما ضايگي
ايلول كلتلي بابا موبس هُمة عدهم مفطح احنة هم عدنة اكلنا
ضحكوا كلهُم واني اباوع لفَرس وخجلانة ياربي الا يجيبـون طاريي
فَرس كلتلي خدري الجـاي خدرنـاه وكملنة اول مـا كملوا ودالهُميـا بابا
سُرعـان ماكملوا جـاي كالوا لازم نروح ماحجوا ولا جابوا طاري لشي من موضوعنـا، راحوا هُمة وبابا استغـرب كال ليش ما حجوا ع موضوعج و اخذوا موعد او شي
وهمت بابا بـسرعتهُم كتلة مستعجلين وكذا، رُغم جنت حَيل خايـفة هوَ هم ماحجة شي وانعجب حَيل بسُراج وغَيث وزَعيم وكعد يحجي شلون كُل واحد بيهُم يميزة شي
حَسيت بابا فاك شويـة وعجبة الاحتكاك بيهُم بهل مقدار هذا
وكعد يمدحهُم كدامـي
كلت بيني وبين نفسي احنة نسكت واحد يرضى واحد
وشوكت الكُل يرضى مادري ..
فَرس راحت ويا حُسام واني صعدت فوگ بغرفتي
تعبانة هـوووواي مانايمة يومين ومختنكة من الملابس
طَبيت سبحـت ولبست دشداشة خَفيفة قصيرة وطلعت انشف بشعري
شفت موبايلي يدگ باوعت علاوي ابتسمت
رديت عليّ
ايلول
هـا حبيبي
علي
عيون وروح حبيبج جـاي يسولفلي امير هَسة بالصـار واحِس شنـي ميت من الحُب انة ميت
ايلول
عوفك من كُل شي شتحس روحك هَسة زيـن؟
علي
كِلش والله كِلش زين بهل لّمة هـاي ولو جدي بعَدة وياي يحجي من ورة خشمة بَس ميخالف انة راح اطيح عليّ وارضي شعندي غيـرة وان شاء الله يغير رائية
ايلول
انتَ هم علكيفك ياعيني بنهاية هوَ جدك وبلكي من بعَد اليوم شوية يتنازل عن قرارة ميخـالف ننتظر ونشوف انتَ بس اهدئ ولا تفكر هواي صحتك أهم
علي
ان شاء الله بَس شنـو هاي الصينية عمي صدك مداريتني
شريد بعَد كِلها حاسدتني
ايلول
هههههه تدلل شعندي غيرك اني
منو يمك هَسة؟
علي
بس امير رجعنا سوة هو يسوق بسيارتي لان هوَ مجاي بسيارتة
ايلول
خـوش يلة نام حباب طريق طويل مو تضل تسولف تـرة صارلك يومين مانايم
علي
انتِ النامي تعبتي شصار بيج هَسة
ايلول
ايّ حيل تعبانة والله سبحت وستوني طلعت من الحمام بـس اريد اطمن عليك انُ انتَ راح تنام ومرتاح حتى انام كلبي ما يطيني اعوفك
علي
لتخافين حبيبي كِلشي مابية هاي ويـن هَسة انامن انتِ نامي يلة
ضليت اوصي على نفـسة ومن بعَدها سديت الموبايل، تعبانة هواي وميتـة نُعاس حتى شعري ما مشطتة خليت ونمت
اليـوم الثاني صادف يوم اربعاء جنت كاعدة بليل والاخبـار مقطوعة يم علي لا گالي شَي ولا انطانـي حجاية ابد وطيـارة اهلي يوم السبِت
كُل ما احجي وي علي يكُلي يصيـر خير او مايرد علية اساسًا، حيل ضجت وتنرفزت من الوضع جنت كاعدة وامي سئلتني كتلهـا مادري
ام ايلول
ماما شلـون مادري ماضل شي احنة هم نريد نجهز نسوي شلون يعني غير ينطيج خَبر قبِل بساع!!
ايلول
مـامـا مادري كُلشي، كُلشي مادري والله ودي هسة اخابرة واكُلة إنهي كُل هل مهزلـة هاي
داحجي وي ماما ومبين عليـة شكد اني مزعوجـة ماحِس إلا عَ صوت موبايل بابا يدُك
ابو ايلول
رقُم غـَريب ..
وعليكم السلام
اهلاً وسهلاً
ها اهلاً عمـو زَعيم اهلاً بيك
يا اهلاً وسهلاً تنورونـة
يمتى؟ الجُمعة هلا بيكُم
يصير خير ان شاء الله
كل الهـلا
من گال هَيج احس گلبي راد يوگف
زَعيم !!! ديخابر باباااا وديكُلة يـوم الجُمعة!!!
ابو ايلول
الجمماعة يوم الـ جُمعة جايين جهزن امورجن
من گال هَيج احس روحي ما مصدكة يُمة يعني قبلوا
بعدني كاعدة دك علية علي طلعت بسررررعة
ايلول
يااااا حقيرررررر ليشششش ضميت عني ليششششش
مو تفرفَح گلبي تفرفح ليششش هيج علي ليش
علي
هههههههههههههههههههه لـج ردت اسويهـا الج مُفاجئة عَ اساس انة ماااااااااا نشگيت، يابة الله وكيلج والعباس كفيلج إلا انشگيتتت شگ بس من تدردمممممم اخ ولج ابوج شكال احجيلي
ايلول
ماكـال شي كال جهزن روحجن
علي
يعني صـارت؟ هاي شني كولي والعباس
ايلول
ههههههههههههههههه والنبي ما مستوعِبة حتى احلفلك مداستوعب والله يُمة حصير امراءة متـزوجة
علي
انتِ وين تفكرين وانة وين افكر
ايلول
شتفكر
علي
جاي افكر يوم الجُمعة اذا لزمتج، مني يهدج مني ؟
صدِگ مني الي يهدج مني
يعني اليوم اربعاء كولي خلص خميس جُمعة المهررررررر
يايابة ماضل شي ماضلللللللل
ايلول
ياعلي شبيكك
علي
مستقتل عليج وعلي مستقتل
بس الزمـج لويجي مني هم مايهدني منج
ايلول
عـزة علي انتَ شتحجييييييي واني وين افكر
تدري هـم يلة اجهِز واسـوي كُل شي يلة روح وراي هواي شغلات
علي
ها من هَسة تطردين
ايلول
اشتاقلي كافي ما مليت مني؟
علي
كبر الطمني كوني املن منج شمالني انضربت شارة
ضحكت ع لهجتـة وكعد يحجيلي يريد يشاركني فرحتة واني بالي يم مـيت مكان، خابرت فَرس و بشرتها وكعدت ادبر أموري
اني بهاي الفتـرة علي گلي حضري كُل شي فَ جنت محضرة حتى الفُستان والكوشة وكُل شي تقريبًا
كملت توصيـة الاشياء الي محتاجتهن كلهِن بنفس اليوم واليوم الثاني الصُبح كربتني ماما بـ اشياء وغراض للبيت
فُستاني جنت مثبتة على واحد نوب حَسيتـة موحلو وكعدت ادور ع واحد يعجبني ماكـو اخر شي رجعنـا للبيت واني مأيسة من انّي الكيلي فُستان حلو
اجتني فَرس العصـر وصرنـا ندور اني ويـاهة ع فُستان وهم مجنت الكي الي يعجبني
فَرس
اول مرة ذوقج يكون هلكد صعُب ايلول
ام ايلول
هَسة يا ماما ذني كومة والله حلـوات شجاج
ايلول
والله ابجي اسكتوا عني هوَ كُلة من ورة هل مهتلف علي حصرني بيومين ويريد يكُلي جهزي كُلشي
فَرس
لعد شتكولين علية بيوم واحد وتدبرت وكُلشي تَم
ايلول
حبابات عوفني خل افكـر شلون احِل الموضوع واذا مالكيت والله أجلها كُلها
خابرت على علي حَتى يشاركني بهمومي وينطيني حّل شويـة ورد علية
ايلول
هـا علي
علي
عيون وروح وگلب ونفس علي اليصعد وينزل
ايلول
اسكُت علي اسكُت كُلة من وراك والله ولا تنصدممم اذا أجِل العقد وشيصير خل يصير
علي
ها ها يا ستار شصايرررر ولج
ايلول
فُستـان ماجاي الكي، ماجاي الكي فُستان حلوو والله
علي
خـرب هُبل، ولج عبالي ابوج فُصل علينا، سامعيلكُم حجاية شو شني، وبعدين شني ما عجبج شي من هاي الفرة والدياحة الدحتيها الصُبح ؟
ايلول
لا ماكوشي عجبني
علي
حبيبتي انتِ لو تلبسين خيشة من تطلعيـن حلوة
ايلول
علي كاااااافي، لا تاخد الموضوع بضحِك والله احس حبجي غير اريد فُستان حلو شلون يعنـي
علي
سهلة حبيبتي سهلة عندج اليوم وباجُر وعكبة هم ترة عُكبة للعصر يلة ااا اصبري افكر اجي اخذج لبغداد ؟
ايلول
ايّ والله صحيححح خل اروح اكول لبابااااا ياخذني لبغداد هَسة
علي
ويـن ويـن ولج الدنيا الليل اكعدي واسكتي ابددد كِلشي يصير ايلول لو وياي ميخالف فَ خليها لباجر انة اجيج من صبح واخذج هاهيَ
ايلول
لاعيني لا ماريدك تشوفني ولا حتى تحجي وياي هل ايام
يلة روح باجُر نروح لبغداد شُكرًا ع المُساعدة باااااي
كلت هَيج وسديت الموبايل واني اضحك ضل يخابر مارديت
رحت كل الهُم كلي بابا نروح لاربيـل اقرب واحسَن
واذا مالكيتي شي يعجبج نروح لبغداد
بهل اثناء دزلي علي رسائل
علي
انة اعلمج تسدينة بوجهي مو
إلا كِلهن اطلعهن منج ماضل شي ماضل بسيطة
دزيتلة مُلصق ضحك كام يسجل بـ بصمة نصيتة وكمت اسمعها وگلبي يفرفرررر ضحگ عليّ
علي
انة الشوگ ذابحني
وابوية بعَد ماعرفة
بلا اعذار، دمي من القهَر فار
والله يذبني بالنـارررررر
اذا عفتج اليوم اني
ياربي شوكتتتت شوكتتتت
ايلول
ماضل شي ماضل بس عوفني خبصتني خبص بهل أُغنية ههههههه
علي
ايلول انجبي وبطلي هل سوالف شني ترديني عود اشتاگ الج من تبتعدين ؟ ترة بهجي حالة تزودين اعلى نفسج العقاب، ماصير بس مشتاق اصير مستقتل عليج فَ احترمي نفسج وضلي ولا تخافين شوگي مايقل، شوگي راح يكتلج بمكانـج
ابتسمت على كلامـة وضلينا نحجي اني ويا، فرحتة ماكدر أثمنها ولا اكدر اوصفها، وشكد ما اني فرحانة صرت فرحانة على فرحتـة
اني الجنت طول عُمري اخاف واقرف من هيج شعور هَسة داجهز وميتـة من الفَرح؟
ماقبلت يجي هوَ ياخذني ابدددد واصريت انُ بابا الي ياخذني
اليوم الثانـي رحنة اني وماما وفَرس اخذنة بابا وعافنـة وراح
ضلينة نفتر حَتى الكي شي يعجبني، اخر شي طبيت لمحل لكيت بي فساتيـن خيـال، حَتى فَرس اشترت واحد جديد منهُم ع كد ماجانن حلوات
احتاريت بين ثنين واحِد يصير مخصر من الخُصر ومن جوة كلوش عريض وقصير حيَل وبدون ردان بَس هوَ حيـلل حلو
والثاني حَيـل طويل ومخصر ع جسِم وردانة شفافات وبيهن لؤلؤ واكو نَفس الـ وصلة ع جهة الصَدر جان مستور نوعًا مـا بس فخم بشكِل موطبيعي
احتارينة بينهُم وكُل وحدة تكول شكِل، اخُر شي فَرس كلتلي اخذي ذوق علي
ايلول
ماريـددددة يشوفة اريد مُفاجأة
فَرس
ايّ انتِ خيري بينهُم وشوفي ذوقة واخذي بس وهمي بالثاني هههههههههه
ايلول
خوش فكرررة يلـة
راسلتة مارد خابرتة رد
كتلة يفتح واتسـاب
فتح نت رسلتلة الموديلين
وكتلة اختـار؟؟
صُفن شويـة وجاوب
علي
اكيددددددددددد هذا شعندي مدلع بغرفتج انتِ ؟؟؟
لا تتمطينين اغاررررررررررن ترة اغاررررن احرگج حرگ اذا لبستي
ايلول
بس عوف سـوالفك هاي احركج واكتلج ومدري شنو شبيك عنيفف
+ هوَ غيـر بس نسوان منين تغار؟؟؟؟؟
علي
ايلول صدككككك تحجين؟ وتطلعيـن كراعينج ومدري شني كدام نسوان واذااااا نسوان واذاااا والله انة اغارن انجبي واخذي الثاني يلة ماخذتلي هذا يفضح اكثر مِمّا يستر
ايلول
شوفي المخبل شوفي
فَرس
هههههههههههه عزة والله توقعتتت يكيف ع المدلع ياربي علي والله ثولني مداعرف شخصيتة ساعة يبينلي جريء ساعة يبين حباب وفقيرررر مداكدر احدد شخصيتة
ايلول
احسَة فقير والله علي ميطلع منة سوالف ادبسزية مونفس اميررر
فَرس
نشوف باجُر
دنحجي وخابر رديت عليّ
علي
اخذيهـن ثنينهن لا تخلينة بنفسج انة هم عجبني
لغير وكت هذا ان شاء الله
ايلول
ماريدة ماخذة راح اخذ غير ذني
علي
اهوووو عمي شعلية اخذي الي يعجبج المُهم هذا الكصير اخذيليا الي انة اريدة وانة انطيج فلوس بعدين
ايلول
لا والله شنو قابل تلبسة انتَ
علي
انجبي ولج اريد مرتي تلبسليااااا ديلة اخذي ولا تضلين تتمضيگين كدام ابو المحَل لا اطرج طرر
ضحكت بمكُر وبغضًا بكلامة
علي
مو اجيججج ايلول مو اجيج لا تغثيينييي مو كافي مخليج طالعة تشترين بدوني يلة بسرعة حتى ترجعون
ايلول
ماما وياي وفَرس
علي
ميخالف استعجلوا
سديتـة من عندة وكلت لماما علي هيج يكول، ضحكت وكالت اخذيهن ثنينهن، احذتهن ثنينهِن واخذنـة كم شغلة بعَد وتريگنـا ورجعنـا
لو تضل علية جـان ما خليت لا ميكب ولا شي، اموت من الميكب واحس اختنك منة حتى الحُمرة غالبًا ما احُط واذا احُط مُرطب وردي
بس فَرس ضلت تلح انُ نجيب البنـات الي اجوي بعقدهـا
انخبصنـا اني وفَرس خبصة معدلة وكملنا اليوم بس نعتني بـ نفسنا لليل تقريبًا اندگت الباب استغربت منو ما فَرس يمي، امي ثبرتني ثبـر حتى مالحكت اشوف منـو بالكامييرات
كلت منـو اجاني صوت بنيـة فتحتة بـ استغراب وجان انصدم بـ شوفة صَفـاء وسُهيل ونسوانهُم گدامي !!
احس جسمي جفل ونزيت
ضحك صَفـاء وهوَ يجي يحضني حيل
صَفاء
هلا بحبيبة اخوهـااااااا
ضحگت حَيل وبادلتة بالحضن ودموعي صـارن ينزلن عَزززززة ولا متوقعة ضليت احضن بيهُم واعبر عن اشتياقي الهُم
طلعوا مسويلي مُفاجأة ومن زمـان متفقين
سهُيل
شلون نعوفج وحدج بهذا اليوم مافكرتي ؟
ايلول
لااااا مو اني كلت لصفاء كلي صعَبة مانكدر ف كلت مراح يجون ابد هههههههههه
جـنت حَيل فرحانة ع جيتهُم، والبنات هم جانن دُرة مال الله حيل حبابات وحدة سوريـة واللخ لُبنانية
ثنينهُم ماعدهُم جهـال لان هُمة ماصارلهُم هـواي من تزوجوا
گضيتهـا وياهُم نسولف ونحجي وصدك تونسنـا
حَسيت لاول مرة احنة حالنا حال البَشرية ونجتمع كَ عائِلة ونكعُد سوة ونحجي الابن و ابو والبنت وامها والاخ واختـة
للـ ١٢ احنة بس نسولف اخُر شي جهزتلهُم غرفهُم حَتى ينامون لان جانوا تعبانين وباجُر العقـد هماتين
صعدت لغرفتي فتحت موبايلي الي جان فوگ لگيت علي خابصني خبُص، وصـايرررر اعصاب شلون اتأخر عنة اكثر من المُغرب لسة
دگيت عليّ و اول رنتيـن جاوب
علي
ولج ايلول انتِ مابيج شي ؟؟؟؟؟؟؟؟؟؟
ضحكت وكتلة
لا مابية شي
علي
صدِك تحجين بشرفج؟؟؟ ليش هلكد تأخررررتي شني هلسوالف هـاي عود تختفين عني ومدري شني شبيج ايلول شبيج
ايلول
ياااا علي اخواني اجويي من كَندا وفرحت بشوفتهُم هوووواي وكعدنا سوة نسولف ونضحك ونسيت كُل شي متتخيل شكد اني فرحانة
من كلت هيج سكت وجاوب بغيـر نبرة تمامًا
علي
والله؟؟؟ وانة اكولن شعدهـا يابعدروحي افرحي افرحي هاي الايام ايامج انتِ جعل محد يفرح غيـرررج
ابتسمت ع كلامة الحلوة الي بي ابد مايحب ينغص علية فرحتي بالعكس يكعد بفرح وياية حَتى لو جنت مضوجتـة
ضلينة نحجي شويـة وكتلة اريد انام ماريد اسهَر باجر عندي تحضيرات هـوووواي
علي
انة اظن منا لباجُر انصاب بجلطة اعلى كد ما متحمِس ماريد انامن
ايلول
ههههههههه ولك لااااااا نـاممم وراكم جية من ساعة بـ ٩ الصُبح
علي
يـا بـ ٩ كون انة من ٦ كاعِد باجُر
ايلول
شعندك ؟
علي
استعدادًا الج
ابتسمت وهوَ يكلي هيج
علي
ماجاي اكدر انامن، كلبي يدگ حيل احس اريد اقدم الساعات بـسرعة اخليها ترگض
ايلول
حبيبي ما ضل شي شبيك خل انام هَسة وباجر نتشاوف
علي
اهههههخ نامي نامي انتِ شنوووو الي على گلبج ناميييي
ايلول
ياااااا والله حلوووووة هاي شتريدني ادُگ والطم شو انتَ مكبر السوالف شسويلك
علي
ديلة روحي لا اچفص چفصة وياج الا اخليج تبطلين
ضحگِت عليّ و سديت الموبايل و نمت لان تعبـانة هوووواي
اليـوم الثاني من صُبح فَرس يمي و اجوي بيت خـالة إيمان وعمامي هماتيـن
الكوشـة وترتيبات الصالة كُلهة جانت ع ماما وفَرس وكلولي لا تنزلين هَسة بعدين انزلي ضَليت فوگ اجهز بنفسي
الساعة بـ ٢ تقريبًا اجن البنـات وصعدن البنات يمي بدن يسولي ميكب بـس جنت حَيل خايفة منـة
بدن يسولي ميكب وماخلني اشوف بالمراية لحَد الساعة بـ ٣:٣٠ كملتليا
باوعتلة احس روحي مو ايلول ابددددد وماحس عقد احسني بعرُس
ابدددد ماعجبني الميكب مع انُ فَرس جانت تكُلي مغيرج وحلو
سويت روحي عاجبني ومدَري شنـو واخذن اجورهن وراحن، اول ماراحن كمت ومسحتة كُلة خليت فَرس تنطنط
فَرس
ولـج على جيةة صدُك تحجيـن!!!!!
ايلول
والله لو اموت ماعاجبني ماعاجبني ولا حسبالك اني شنوووو مكبرني مَيت سنة
ام ايلول
غير بالعرِس لازم شي مُختلف ياعيني
ايلول
اي هسة اني معرسة لو عقدددد
عفتهُم يحجـون ورحت رطبت بشرتي حتى ترتاح شوية، اباوع لوجهي ويـن هَسة ويـن مساع لو اموت ما اضل بي
كال مكياج كال والله تشـوووويه هيج مكياج مو جمال
مرت سُهيـل اللبنانية كالتلي اني اسويلج ميكب حلو وخفيف ونفس ماتحبين وثقت بيهـا لان البنية حَيل ناززززكة بس معَ هذا ضليت انُگ عليها تسويليا شي بَسيط حَيل
واهم شي بدون فاونديشن وهاي السـوالف، مشطت حواجبي وكلتلها ما ترسمهن ولاشي لان هنّ حلوات وثخينات، مُجرد حطتلي ايشدو ظلال لونـة بيجي وترابيـات وحطتلي كُحلة وجرت الايشدو الاسود نفس الايلاينر، العيـن صارت حيللل حلوة وكُلش عجبتني، حَتى البنات عجبهُم كلتلها لو من زمان مسويتلي ولا هل قهَرة القهرنياهة، و وعدت نَفسي بالعرس اخليها هيَ تسويلي، حَطتلي حُمرة حَمـرة بالبداية اعترضت بس كالتلي انتِ بدلتج بيضة وانتِ بيضة تلوگلج بلگوة اقتنعت بيهـا بَس من حطتهـا حيلللل عجبتني وي اللوك كامِل
صح جان اكو تغيير بنسبة الي لان ماحط مكياج ابد اني، بَس جنت اكدر اعرُف نفسي من خلالة مونفس ذاك، لبست فُستاني الطويل وجـان يجنننن علية، خابرت البنـات امهات التسريحة كتلهُم لايجن وبدن البنات يسولياهة ثنينهِن مرت صفاء وسُهيل
فتحنـة أُغنيـة
ضروري اليوم نتشاوف احس الشوگ اذاني
لتگوليلي ماكدررر مستقتل عليج اني
الاُغنية الي علي خبصني خبُص بيهـا طول هل اسبوع
ضلينا نرگُص ونجهِز سولي شعري بطريقة حيل حلوة باوعت لنَفسي اول مـرة اطلع بهل جَمال وترتيب هذا
ابتسمت واتحمست لردة فعِل علي من يشوفني البنات ضلن يهلهلن ويركصن وعلگنهـا
فَرس اجتني تكُلي علي جاي يكُلي سربيلي
كايمة هيَ ودازتلة صورة للقمر
وكايلتلة انتظرررر
ضحكت وكتلهـا ديري بالـج تسربين ايّ شي
للـ ٤ تقريبًا اندگت الباب
اني فوگ مانزلت شفت من شباك غرفتي غَيث وسجـاد ثنينهُم جـايين وجايبين البنـات
بهـاي اللحظة حَسيت صار ألم بخاصرتي، حَسيت بشعور فَرس ذيج المرة واني جنت اضحگ عليها، طبن كُلهن وفَرس صعدت تصيحلي
قَويت نفسي وكلت يالله
اريد انزل واتردد يمة اني ايلول هيج يصير بية
فَرس
هاي اهلة عود هيج اذا علي شتسوين
ايلول
عزة علي يجي يايمة احسني صدعِتتتتت
ضحكت علية وامي ضلت تلح ايلول ما ايلول
قَويت نفسي ونزلت باوعت الكُل جـاااي
انصدمت بالكوشة الي جانوا مسويهـا
مرتبيها كُلهة باللون الابيض وحاطيـن ورد داير مداير الكوشات
فَرس
هذا الورد حقيقي كُلة
باوعتلها وقلبت شفتي وابتسمت الهـا
صالحَة
هلا بمرت عـلاوي هلا
من گالت هيج ضحگت بخجّل ودنگت راسي و اصـوات الهلاهل اعتلن، نزلت واني اسمع صلاوات عَ النبي من عدهن
اني اعرُف بيبية علي من يوم عقد فَرس وبيومها حيل حبيتها وضليتة نحجي وي بعُض هـواي، اول ماشافتني حضنتني حَيل وبوستني وخرتني من عدها وهيَ تكلي
صالحة
يمة بسم الله ما شاءَ الله جنج الگمر وگاعد ابيناتنة، الله يسعدج ويحفظج من العيون
سلمت على امـة ومرت عَمة واجيت اسلم ع البنات اول وحدة صارت بوجهي شَمس
شَمس
عزااااا شنـوووووو هل جَمال هاي شطالعة ايلول
واخيرًا صرتي لعلي
ضحكت وحضنتهـا حَيل ورحِت لبقية البنـات وصارن يباركن الي، رحت جبت الهن عَصيـر واجيت قدمت الهِن وكعدت يمهُم
شَمس همست لفرس انُ يردن يكومن كامـن هنّ وفَرس صعدت وياهن
صالحة
يا يـمة انخُبصنا خبُص يا ايلول ويا طلابـة ايلول الماتخلص الولد صارلة ثلث ايام يلة ردة روحة وصـار يضحك واليوم كل ساع واجاني يمة اگرصيني صدِك صارت يمة يعني صارت صدِك
اسمع الهـا وكلبي موبس يدُك احسة گام يرجِف من الحُب
صالحة
انتِ بعد صرتي بنيتنة ومرت علاوي بعَد والله نحطها بعيونـة الثنين اذا ما كفاهة بيتنـا
هيَ تحجي واني مبتسمة وماما وخالة يردن عليها شويـة وبدت السيـارات تجي
الشاشة الي بالصـالة جبيرة وبـ ٤ اماكن من البيت وجهتها بس عَ الامام طريق الشارع العام وبدينـا نشوف
الولد طلعوا بالباب وبابا وعمامي وزوج خالتي واكفين بالطارمة، علي بلغني اكول لبابا حتى جـادر برة ينصبون مع انُ احنة استقبالنة حيل حيل حيل جبير وطارمتنـا هم جبيرة كال ميكفي
بدت السـيارات تجي وحدة ورة الثانية و اول سيـارة نزل منها جدة جبُر وزَعيم و ابو وعمامة والباقيـن نـاس كُلهم شيوخ ومعگلة
بالنُص ساعة السيـارات مستمرة تذب نـاس و تروح حتى يسفطونها عَ الشارع العـام او بشارعنـا
ام ايلول
عليمن مزحمين النـاس هيج ياعيني وانتُم طريقكم طويل
صالحـة
لا شلـون هذا ابنة علاوي مو حَي ابن يستاهل الاكثر و بنيتكم تستاهل العز هذا
نزلن البنات جانن متجهزات و وحدة طالعة احلى من الثانيـة
اني اباوع للكامرات وبالي يم علي ادورة اريد اشوفة ويـن
بهـل اثناء ومانسمع غيـر صوت دورية شُرطة، ملامحي تغيرت ونزيت باوعت طبوا لشارعنـا وحدة ورة الثانيـة وصوت الدوريات مفتوح
صالحـة
هاي ربوعة علاوي اجـوا
باوعت لفرس وعيوني دمعن، اكو سيـارة مُظللة عـالية بالبداية و وراهة كومة دوريات شُرطة، وكفن بمكان بعيد عن بيتنـا باوعت نزل واحد لابس قاط و ويـا جنود عسكرين
صالحـة
هذا وزير الدفاع امس سامع بعـلاوي وكايلة انة شخصيًا اجي وياكُم
اكو سايق بسيارة حرك وضل واكف هوَ نزل من سيـارة الدورية علي و ويا ضباط بزي عسكري، باوعت لعلي لابس قاط رسمي اسود والقَميص ابيض ورابط احمـر ولازم بـ ايدة بوكي احمَر
صاحلة هذا الرجـال وطبطب ع كتفة ومشـوا سوا والباقين كلهم وراهُم ومصورين كووووومة كدامهُم يصورون
احس صـارت بداخلي بجية اريد ابجي بـس ما جنت اكدر من الكاعدين الفخَر الي صار بداخلي فَضيع واحس گلبي كام يرجف حيل
تقدمـوا وسلم علي على بابا، علي عرف بابا على هذا الرجال وبابا سلم عليّ بسلاااام حـار، طبـوا جوة وكل الاماكن انملت الجادر والطارمة والاستقبـال.
بدوا يحجـون واصواتهُم تقريبًا ما مسموعة بالنسبـة النة، شوية وخابرنـا بابا كال جهزوا نفسكُم وتقربـوا من جِهة الـ باب حتى تنطي الموافقـة
كمت وكفت يم الباب وبابا فتحة شويـة، احس ب انفاس علي جانت قريبـة يم الباب بدة الشَيخ يحجي وعلي انطة الموافقـة
شَمس
هسة شيصير اذا ترفضيـن وهوَ جايبج بكُل هل ناس تخيلي ايلول هههههههههههههه
فَرس
والله لو يتحملون شقة جان كالتلهم لااااا
صالحة
ولجن اسكتن لا تشوشن عَ البت
هنّ يحجن والشيخ حجة ويـاي
الشيخ
هل تقبلين
ايلول
لا اا ايّ نعم قبلت وانتَ وكيلي
كلت هيج بتوترررر جبيـر وسمعت ضحكة الشيخ ودرت وجهي وهنّ ميتاتتت من الضحك اخزر بيهن
الشيخ
بنتي هَسة نعم او لا
ايلول
نعم قبلت
كلت هَيج وصوت الهلاهل تعـالى سمعت صوت المُباركات جوة سدوا الباب وكامن يباركلي كلهن
احس توترت حيل وبعَد ما اكدر اضل من الخَجل صعدت لفوگ ع اساس يعدلولي مكياجي وشعري لان تخربط بـالشال
مرت صفاء وسُهيل كعدوا يمدحون بعلي ويعبـرون عن اندهاشهُم بـ الي سوى حجيتلهُم نص عن قُصة حُبنا ومحاولاتة وبهل اثناء صعدتلي فَرس
فَرس
راح يطب علي كومي بسـررررررعة
من كالتلي هَيج فزيت كمت بسرعة عَدلت نفسي والبنات عدلولي شعري ومكياجي
طلعت من غُرفتي، نزلت عَ الدرج واني اشوفـة كدامي كاعد يسلم ع نسـوان، اول ماشافني رفع عيـونة الي بـ اندهاش
نفس نظرات الحُب والهيـام ماتغيرن ابد، بَس اكو بوجهة تعبير بعَد عجزت افهمة، الضحكة مرسومة ع وجهة وصافن بيـة بس حَسيتة بمكان ثاني، تقدم يم الدرج ومدلي ايـدة وصعَد كم درجة
باوعتلة عيونـة نفس المدمعة، اني موغشيمة بعلي اعرفة واعرف كُل تفصيلة بي وحاسة برجفة سـارية بجسمة معَ هذا مثبت روحة و واگف
عيوني دمعن مُباشرتًا عليّ انطيتـة ايدي الي جـانت ترجف صرنا بمُستوى بعض لازم بـ ايدي الي ترجف حَيل وعيونـة مثبتهن على عيـوني قرب وجهة يم وجهـي وگال بهمِس
علي
ايدج هـاي البيدي، هاي عمر كامِل صرت املكة .
كل لحظة تعَبت بيها، كل صبُر مّر بية، وكل عذاب تعذبتة حتى اخليها بـ ايدي انهزم كلة بهاي لمستج
من هااليوم ايدج امانـة بيدي، مستحيل اخليها تنجرح ولا اتركهـا وحدها ..
كال هَيج وتنهد ودنگ على راسي وباسة
همست واني بحُضنة
ايلول
محظوظة بيـك ..
اخذ بـ ايدي وهوَ يباوعلي بكُل فرح نزلنة ثنينة واكو غصة بداخلنا وكل ساع ونتنهد، بَس هل مرة ماجانت من الـ تعب جانت من الـ فرح
كعدنـا سوة واباوع لعلي عرگان رُغم السبلت مفتوح
صالحة
ارتاحيت؟؟
علي
فوگ الراحة والله ديلة استعجلوا عمي ناس برة
صالحة
يمة هَسة انتَ مستعجل شوية واطلع
علي
مو ارد احجي وي ايلول يمة شني ترديني اضل كاعد هنا ومكابلجن
من گال هجي كُل احنـة ضحگنة باوعتلة وخزرتة واني اضحگ ع جرأتة
تقرب مني يمي وهمسلي
علي
تـرة ماكلت شي بالعكس راعيت مُصطلحاتي قدر الامكان موزين ماكتلهن ارد احضن واكل مرتي بدال هذا الكيك ؟
لا تخزريـن ولج، خرب ابو جمـالج شطالعة
نوبّ انة مفضوح اذا احجيلي شي فَ خل اسكت ماريد حتى اباوعلج حدما نصعد
ضحكت على كلامـة وكال لامـة يجيبن مَدري شنـو
طلعت بيبيتة علب ثلاثـة گمنة وگفنة ولبسني الحَلقة ولبستهيـا تعالت الهلاهل للمرة الالف وطشوا جُكليت علينـة
فتحت اختة روآن العلبة الثانيـة جايب تُخم باوعتلة وكتلة
ايلول
يُمة انخنگتتتتت
علي
مو من عندي والله هـاي سوالف يُمة صالحة كتلها ماتحب هاي سوالف كلتلي انتَ شتعرف
ضحكت وباوعت الها وكتلها
شُكرًا بيبي
صالحة
بيبي شنـو كوليلي يُمة يُمة
علي
ولج هسة تبسطج عدها روحها بت ال ١٤ متقبل واحد يكول الها بيبي
ام ايلول
هههههههه ياعيني لعد بعدها شابـة بعدها
ضحكنـا ولبسنياهن كُلهن، اجن روان وسَبب وفَرس كُل وحدة جانت جايبتلي شي ذهب يختلف
سَبب جايبة حجِل
وروان حلق حيَل حلو
وفَرس كلادة بيهـا حرُف ع ا بشكل حيل حلوة
بنيابة عنهن وعن ازواجهِن
اجتي نَفس المصـورة الي صورت لامير وفَرس
علي ماقِل تصور النـة يم الكُل كال استحي وبصراحة اني هم استحي هواي، ف حجة وي مـرت الشيخ واني حجيت وي ماما بحجة يرتاحن يطُبن بغرفة ماما وصدُك طبن كُلهن وضلينـة بَس اني ويـا وهيَ
اخذتلنة اكثر من لقطة عادية للحلقات او واحنـة واكفين يم بعُض
بدت تجرئ باللقطات لاحظت انُ علي حَيل مستحي وبالكوة يسوي الي تكولة دار وجهة الي بعصبية وگال
علي
ترة تمطين هذا عوزها ما تكلي بوسها يمي
ايلول بهمِس
اشش شبيك
منظرة جان حَيل يضحگ وهوَ خجلان وبالگوة يسوي الي تگولة كملنا كُل اللقطات على اعصابة بالگوة
جان ودي اروح لفَرس واكول الها انتِ خسرتي بالتحَدي
لان اني جنت متاكدة واعرف شكد شخَصية علي خجولة
علي
يلة نصعَد ؟
ايلول
ترة تاخرت روح اطلع
خزرني وفتح عيونة ع كبرهن
علي
انجبي لا اطرج طر ومُحمد امشي كولي لامج راح نصعد يلة جَد جدي مسلوگ اني صارلي شكد منتظر هل يوم وانتِ تلعبين ب اعصابي
ايلول
دوخر شعلية بيـك اني
عفتة ورحت للغرفة الهن لزمني من ايدي بسـرعة ضل واكف بالباب وگال
علي
احنـة فوگ شويـة ونجي
گال هيج وجر أيدي واسمع صوت ضحگاتهن جوة
صعَد كدامي ويصعدني ورا
علي
لتكوليلي ماكدر مستقتل عليج اني
هاي شبيج اصعَدي شوية احاجيج
بلكي الله يهديج واطفي بيج نيراني
هاي شبيج محَد مايحس بيج
شتريدين انطيج والله الشوگ اذاني
انة الشوگ ذابحني
وابوية بعَد ماعرفة
بلا اعذار، دمي من القهَر فار
والله يذبني بالنـارررررر
اذا عفتج اليوم اني
يغني ويباوعلي واني اضحگ عليّ
طبينة لغرفتي سَد الباب حَيل وشمرني من ايدي عَ جرباية بسرعة
ايلول
يـاااااا انثولت شبيك خو كلي اكعُد
وكف كدامي وهوَ يباوعلي بنظرات مال واحد سرسري
هز راسة بـ لا وكتف ادي لورة
علي
هسة هسة جايج حبيبة الكلُب اليوم كلهِن اطلعهن منج
نبلش ويـاج شي شي من اول مَرة لاخر مَرة
وماكو شي تفلتين منة
كال هَيج وهوَ يتقدم الي ويحاجيني بصوت خافت و نظرات تتجول عَ كُل جسمي، فتح اول دُكمتين و وسع الـ رباط اني شهگت ضحگ بصوت عالي
علي
لا مو لهل درجة لا تخافـين
كمت من مكاني بخوف واني اباوعلة
وارجع لورة واسوي نفسي مامهتمة
ايلول
دوخر علي شبيك تخبلت شتحاسبني على شنـووو
جرني من ايدي بسرررعة فَضيعة، لزگني وي جسمة لزگ عُطرة وي عُطري تضاربن، واجسامنـا صارت لزگ على بعُض
حَط ايدة داير مداير خُصري والايد الثانية وخر شعري لـورة وعيونة تتجول مابين شفايفي و عيوني
وايدة الثانية تتحرك بـ بُطئ على خُصري
حركاتـة احس رجفن جسمي، ولو ما هوَ لازمني جنت اوكع من ثُگل جسمي
علي
على شنـو احاسبج؟ جا والـ قهرات؟ والـ نار الجنتي تخليها بداخلي ؟ تذكريـن من اكلج لا تلبسين هجي وتلبسين ؟ تذكرين من جنتي تنثرين شعرج وتلبسين گصير وتخليني اتشلوط من القهَر هههههههههههه لازم تتعاقبين عليهن حَتى لو انة اعشگج واموت بيج
مشة اصبعة عَ شفتي، تحركت اريد اوخر عنة ماكدررر مثبتي بكُل قوتة ابتسم بمكُر
علي
ماتكدريـن حبيبتي بس الله بعَد يخلصج من جَحيم علي المخفي عنج
جاوبتـة بهمس وخوف
ايلول
علي تـرة اني خايفة
ضحگ بدون صوت وقرب وجهة حَيل يم وجهي
علي
ميخـالف جا بس انة تلوعت؟
تحملي نتيجة كِلشي سويتي بي
ماحِس إلا ....... يُتبعععععععع
______________
شَمس
يـوم من الايام جِنت كاعدة اقـرة فوگ وجانت اكو اصوات عـالية جوة، تقدمت واني اسمع صايح جدي وصايح سُراج وكلام بي شَمس
تقدمت اكثر ودنگت حتى ما ابين واسمع
سُراج
انة أريد اربي اريد اوكلـة خَرة واريد مرة ثانيـة ارفع دعوة عليّ ارد اشوف هل جلب ابـن ١٦ جلب يمتى يجـوووووز منها يمتى !!
جبُر
يعني هوَ متـزوج ويريد يجي يخطبها خلّة يجي خلّة انة ارزلة رزالة هوَ واليجي ويـااااه، شكالولة علية انة انطي بتي لواحد متزوج شني زايدة علية
سُراج
لا لايجي ولا نريدة مانستقبلة احنـة وانة اتفاهم ويـا وي ابو
جبُر
لااااااااا زَعيم كل الهم اهلاً وسهلاً خل يجون وانة اتفاهم ويـاهم
رجعت خطوات لورة واني اربُط المواضيع وي بعضهُم
يعني محمّد جاي يريد يخطبني ومخابر زَعيم !!
اتذكرت من محمَد يكلي اجي واحجي لجدج الاول وتالي واجيب نـاس هواي واخلي جدج يطينياج
يمة والنبي اتدمرررر اذا محمَد حجـة لـ جدو صدك
والله اسقط من نظرة ويجوز يسويها قضية عشائرية صدُك ويطيني لمحمَد
مَتت من الخوف واني اسمع بحجيهُم، سُراج وامير وعلي جانوا يكولون لا مانستقبلهُم والباقين انتفضوا يكولون ليش استقبلوا وبعدين ارفضوا
ادري سُراج وامير وعلي مايردون تصـير سالفة ويجي ويتقابل وي جدي، الله ينتقم منك محمَد شنو من انسان انتَ!
جبُر
صيحوا لشَمس خل تجـي
سُراج
ليش تصيحلها ماريدها تعرف اساسًا ماريد واحد يكول الها
جبُر
بوية انتَ شبيك مخبل هيَ لا اول ولا اخر وحدة تنخطب ارد اعرف صيحولياهة، سيوف كومي اندهي بت عمـج بوية
رحت لغرفتي بسررررعة خفت هـوووواي ادري بروحي حتى ما اعرف اجذب يـم احد
صعدتلي سيوف كلتلي جدي يريدج، نزلت الهم باوعت لسُراج يريد ياكلني بعيونة اكل
صاحلي جدو اكعِد يمة كعدت يمـة واني ميتـة من الارتباك
جبُر
جدي تعرفـين ولد وياكُم اسمة محمَد، محمَد فراس
شَمس
اي جدو ويانـة طالب
جبُر
شني فلمة هذا
شَمس
متزوج ومرتـة ويانة وعندهُم بنيـة ومرتـة حامِل
جبُر
هذا شني من بَشر يعني مَرتـة حامِل وعينة عَ الثانين والله لـ افگس عيونة شهنفس الدنية
جدي هوَ خوما حاجيلة حجاية مرحلوة وياج شو شني
هَزيت راسي بـ لا بس اني كوة كاعدة على اعصابي
جبُر
هذا جـاي يريد يخطبج
شَمس
جدو حباب حتى لا تستقبلوا ماريد اني
جبُر
عيب مانستقبل بوية احنة نـاس شيوخ و اولاد شيوخ نستقبلهم بس انة الي غير حجي وياهُم
باوعت لسُراج بخـوف ماحجة شي خلة وطلع
علي
احم انة عندي شغل، من رخصتكُم
امير
وياك خل اطلع اگضيلي شجم شغلة
طلعوا ثلاثتهُم واني جسمـي يرجف من الخوف
ياربي شلون بيـة اذا اجوا
والله ما استبعدها من محمَد يحجي كُل شي
رحت راسلت اميـر بسرعة ماعندي غيرة
ومُستحيل اطخ راسي لسُراج
شَمس
امير حباب سوي ايّ شي المُهم جدو مايدري بشي هذا محمَد مديتوب ابددد رُغم كُل شي اني ماريد شي بس لا تخلوا يجي لان هوَ مرة كالي اذا استحالت احجي لجدج
شاف الرسـالة من بعَد ساعة تقريبًا مارد شي بس حط اعجاب على رسالتي، احس التفكير كتلني مُستحيل اتحمل اشوف نظرات موحلوة بوجه بيبي وجدو عليـة
ضليت كاعدة بالغُرفة وخايـفة، حَتى راسي حَسيتة انفجر گد ما فكرت
طبيت سبحِت وطلعت من الحمام وصارت ساعة بـ ١١ وهمة ماكو
شويـة وسمعت اصوات سيارات حطيت شالي عَ راسي وركضت نزلت حتى شعري مانشفتة
جان الكُل نايـم بهذا الوقت وغَيث و سجاد طالعيـن
نزلت بصالة سويت نَفسي داقرة طبـوا علي وامير
حَسبالي يجي سُراج بس سُراج ماجة وياهُم
كعدوا ثنينهُم وصاحني امير كعدت كدامهُم
علي
تـرة هذا طرگاعة والله العظيم، يعني انة شكد ما استخطي واكول بعدة طفل خِطية يرجع ويسويلة سالفة اكبر من راسـة حَتى
شَمس احجي صراحة هاي الفترة حجة وياج هوَ صار شي ؟
اذا اكـو شي كولي ليش اعرف من غيرج ترة والله ماكوشي يخفاني و ازعلج بعدين خاف اسمع متفقين سوة شو شني خاف تكولين تحجين من هَسة اكلج .
شَمس
علي انتوا عدكُم علم انُ سُراج جان ساحِب موبايلي ؟
قبل اسبوعين تقريبًا انطانيا، وجان ينطينيا بَس الصُبح بالدوام وهذا ايبادي اي تطبيق مابي
اذا ما تثقون بيـة ثقوا بسُراج
عيونة مفتوحات علية ١٠/١٠ حتى اني ويـا عركنة كُلة بسبب هالشي
كُل مـا اكون كاعدة ومدموجة شوية بالموبايل يجي وياخذج مني ودتشوفىني شلون مشغولة بالدراسة
حتى اجي بليل للموبايل تعبانة وبسرعة انام
فَ والله ماعندي شي ويـا وحتى بدوام لا يمة ولا كربا ومافديوم صار كلام بيناتنة
بس هوَ مدري شبي لازگ مادري مادري
علي
ماينلام سُراج بي والله خل يتأدبء
شَمس
شسوة ؟
امير
راح هددة وهدد ابو وكالة ارفع دعوة عليك مال ذيج المرة
بس والله ابو الانسان زين بس هوَ
علي
شو اسكتتتت شنو الزين هو لو بي خير يگض ابنة
امير
هيَ تنلزم الاولاد شو دسكت
علي
تنلزم جا شني والله لو ابني ١٠٠ نعال طولة هم اذا زال عن طريق انعل يوم يومة ما انعدل اكتلة ولا اخلي يجيبلي العايبة
امير
هوَ نفس ماكال سُراج ماضل شي وتكملين مرحلة. ١ اقل من شهر هماتين السنة الجاية روحي ل .... الاهلية
علي
جا هيَ متعبة نفسها ومدري شني حتى تروح اهلية خو هوَ ينضب ويلزم روحة لو ينقل هوَ
شَمس
ميخالف علي حَتى لو انقل ميخالف
احس حَتى مستحية احجي وياهُم بسالفة، كُلة مني اني
اني السبب ب انُ خليت روحي بهيج موقف
الف فتهمتة منهُم اذا حاجيـن وي ابو واخوانـة ومهددينة هوَ محمَد خصوصًا وكلولي نسد السالفة يم جدي شلون ماجان
راحوا صعَدوا هُمة نزعت شـالي وكعدت عَ التخم
صافنـة ب الي صار كُلة
وبغبائي لمن رضيت بي رُغم كُل شي
حتى لمن عرفت بي متزوج
فززني صوت سُراج وهوَ يحاجيني
كمت بسرعة واني اشوفة واكف ع جهتي الثانية
سُراج
شبيـج صارلي ساعة اجاجيج ويـن بالج؟
شَمس
ها مادري
سُراج
ليش نازعة الحجاب بلة واحد اجة من الولد
انتبهت لروحي بدون حجاب نوب هذا المسودن فشلني رحت بسرعة اخذت حجابي من عَ تخُم مقابيلي ولبستة
سُراج
شعرج مبلل نشفي لا تتمرضين
صارلة ساعة السبلت يدگ على راسج
كال هيج وهوَ يمشي يريد يصعَد
مادري شلون شجعت نَفسي وصحتلة
شَمس
اااا سُراج
دار وجهـة الي بـ استفهام
شَمس
شنو صـار ؟
تحولت ملامحة المزعوجة لغاضبة وكالي وهوَ يسد باسنانة ويحجي بعصبية
سُراج
موضوع هل قُندرة ما تحجين بي ولا الج عِلاقة بي ابددددددد خوش شَمس، ابدددددد ما تجيبيلة طاري ابدد
لا تجرأين فد مرة وتدخلين بهجي مواضيع لو يصيبج فضول تجاهن
دوامج ضل الة اقل من شهَر تكملينة شلون ماجان والسنة جاية انقلج وهذهو
ولا تخافـين جدي ماراح يعرف عملاتج راح يضلن مضمومات
من گال هيج احَس موتني من القهَر اني تايبة ما اسولف ويـا سولفت ويـا ليشش! احترمنة ليش!!
باوعتلـة بغضب وكتلة
مو صوجـك صوجـي اني الي حجيت ويـاااااك
درت وجهي واني كُل شي بيـة منتفض
ياربي شكدددد همجي
سُراج
ليش ست شَمس انة مجذب مثلاً ؟
من تحبين واحد متزوج شني معناهة هـا ؟؟؟؟
شننننننني شنييييي كليلي
مووووو احجي وياهم بالكووووة والله بالكوووة
وفوك شينج كوات عينج؟
انة لو مثلج اطم روحي واموت تعرفين شني اطم روحي واموت
احس بي جـان وراي كلامة نفس السهام ويزرفن گلبي
كمل حجي وهوَ يكلي احجي احجي
رأسًا درت وجهي الة وباوعتلة ودموعي احسهن يردن ينزلن
باوعتلة وكتلة بصوت مبحوح
شَمس
لا تضل تعاقبني على غَلط صـار بالقديم ولا تضل تعيد هل حجي بوجهي حَتى لو جان صحيح ماريد اسمع ماريد
غمض عيونـة بغضب وخلة وصعَد بدون مايحجي حَرف، اول ماصعَد ماتحملت ودموعي نزلن فوك كُل العذاب النفسي الي اني بي وفوك اشتياقي وفقداني لبابا وغربتي وهمي يجيني سُراج المخبل والله مخبل وهمجي حتى مايعرف يتصرف الله يساعِد زَينب شلون جانت متحملتة .
ضليت كاعدة بمكانة وابجي احسة صدُك قهرني من گال ماراح يدري بعمايلج حَسيت روحي شمسوية وهوَ ديطمطملي ومسوي فضل علية
كُلش كرهت نفسي ساعتها وكرهت سُراج اكثر واكثر وكلت لو اموت بعد ماحاجي ع ايَ موضوع جان شوية وطبوا غَيث وسجـاد للبيت خلوا وصعدوا لغرفهُم مالي خُلك حتى اقرة والله احس روحي تعبـانة واريد بس انام
ضليت اقرة شويـة راسي موتني كد الصُداع ماجان الي خُلك افتر ضليت كاعدة واقـرة شوية ونمت بدون مادري
شوية وسمعت صوت سُراج يكعد بية ماجان الي حيل افتح عيوني ضليت نايمة وبردانة طَفة السبلت وغطاني، ضليت التف عَ نفسي وميتة من البرد اريد بس ادفى
سُراج
كومي اشربي هاي الحباية شَمس
شَمس
ماريد اريد انام نعسانة
سُراج
بس لو عنادج تبطلي جان ولاشي سيء يمر ليج بس هذا العناد اخ
بالكوة كومني انطاني حباية بلعتهـا واني احس نفسي بغيـر عالم احس بس اريد بس انام
اول ما شربت الحباية رجعت نمت وتغطيت
سُراج
يلة كومي خل اساعدج تصعدين لفراشج ويـن نايمة هنا تتكسرين
شَمس
سُراج عوفني حتى بـ احلامي تطلعلي عوفني اريد انام تعبانة
سُراج
هوَ سُراج يسويلج خير وتنكري دكومي كوووومي صخونتـج مرتفعة لا تزيد اكثر
شَمس
كتلك ماريد
درت وجهي سمعتة يكول يطبج مَرض وخلة وراح
همست بيني وبين نفسي ب حَقير واني نايمة
شوية وحَسيت نفسي متتت من البرد فتحت عيوني بصعوبة السيلت والمراوح وكُلشي مطفي بس اني حيل بردانة، ردت اصعَد احس روحي حتى مابية حَيل اكوم، رجعت نمت ولميت روحي حيل احس روحي بدون وعي نايمة بَس اون من الم بجسمي
شويـة وحسيت ع صوت سُراج يمي
شَمس
سُراج وخرررر ايدك بارررردة ماريد
سُراج
خرة بيج شَمس كوووووومي صدك تحجين داوية نـارر كومي
شَمس
ماريد اكوم مابية حيل
ماحس إلا رفعني حَيل، جسمة حيللل بارد جسمي كُلة انتفص فتحت عيوني بنعاس اباوعلة، باوعلي نفس نظراتة بَس يخزر بية
حطيت راسي بصدرة، ما مستوعبة شي بس اريد ادفى
ماحس إلا انفتح باب غُرفة وباب ثاني
حَسيت روحي انحطيت بالگاع والگاع جانت باررررردة جلبت بي حَيل وفتحت عيوني اباوع اني بالحمام
شَمس
سُراااااج وين جبتني سُراااااج
سُراج
هديني شَمس ولج شبيج عرتي بية
شَمس
ماااا شيلني حباب ماررريد
سُراج
لازززززم تسبحين خل صخونتج تفِكج
شَمس
ماااااا مااااا ماررررريد سُراج مارررريد شيلني ثلجت
بعَدني مـا مكملة كلامي ماحسيت إلا عَ دوش نزل علينـا
المـي بارد وجسمي حسيتة اتكهرّب فزيت وجسمي انتُفض قربت راسي يم صدررررة حَيل واني ملزمة بتشيرتة بثنين ادية من كدام واسناني كام تطكطك
سُراج
شَمس هديني شبيـج
كافي اثبتي شويـة خل تفك صخونتج
انة طالع
لزمتـة حَيل وكتلة بهمس
مارررريد حباب
دنگ و فتح المـي الحار وكاسرة
ضل واكف واني حاطة راسي ولازمتة حيل وبالكوة فاتحة عيوني
ما مستوعبة ايّ شي وراسي احسة طبول صـاير
سُراج
شَمس جاي تسمعيني ارفعي راسج
رفعت راسي الة وعيوني گوة تنفتح احس روحي ع فجأة و اوكع
شَمس بهمس
ثلجت حباب خل اطلع
سُراج
يلة بس هديني خل اجيبلج شي تلبسي
هديتـة سد الدوش ضليت منتجية عَ الباب وجسمي يرجف جابلي دشداشة الـوان مادري منين واجاني تقرب مني
سُراج
شَمس انتِ بخير تكدرين تلبسين؟
ضليت مدنگة راسي وميتة من البرد ومو حاسة بروحي حَتى
سُراج
تعاي اطلعي تعاي
حاوط ظهري بـ ايدة وطلعني للغرفة باوعت اني بغرفتة كعدت عَ الجرباية وحَط غطا ثخين علية
سُراج
راح اسويلج شي حار واجي اتدفي زيـن علمّا اجيج وحاولي تبدلين دشداشتج
هزيتلة راسـي ب ايّ خلة وطلع كوة كمت من مكاني ولبست دشداشة الي انطانياهة، ماتحملت حسيت روحي اريد انام نمت بمكاني بعدني ستوني حطيت راسي اجـة سُراج
مسويلي گهوة شربت شويونة وبعد ماكدر لعبت نفسي
بس حسيت روحي شوية صحصحت
جابلي حباية ومي شربتهن واني احس روحي منتهية
كمت من مكاني وكلت
اريد اروح لغرفتنا
سُراج
ضلي حاطة الغطا ع راسـج واطلعي
ضليت متلفلفة بالغطا وطلعت وهوَ ورايّ وصلت للغرفة رأسًا رحت لفراشي ونمت
حَسيت الصُبح ع صوت سُراج وهوَ يحجي وياي بس ماجنت اجاوب عليّ بوضوح ع كد ما اني تعبانة واحس روحي مصخنة
سُراج
خل انزلها بغرفة امي صالحة احسَن شي تحتاج تسولها كمادات
حَسيت بي من نزلني لجوة
سمعت صوت بيبي وجدو يمي
جبُر
تحتاج نوديها مُستشفى لو شني بوية
سُراج
لاجدي هَسة انة اسوي اللازم
هوَ صوج بيهـا جسمها اكثر جسم بحياتي شفتة ماعندة مناعة
بسرعة ينتفض و يتأثر ب ايّ شي وسابحة ونايمة عَ سبلت كتلها كومي كومي عاندت حدما زادت عليها
سوولها انتم كمادات هسة بهـاي وخل اطلع اجيب شجم شي واجي
صالحة
سودة عليـة يبيبي يشميسة شصارلج ليش هجي
ماجنت اجاوب احد مُجرد اسمعهُم واحس روحي حتى ماكدر اهمِس
شوية وحَسيت بـ ابرة طبت بـ ايدي فتحت عيوني ب ألم باوعت بيبي وجدو وعمامي يمي وسُراج يحُط بـ ايدي كانولة
شَمس
اخ ايدي
باوعلي بتركيز ورجع باوع لدشداشتي الي لابستها
اول مَرة يباوعلي بهـاي النظرة، عكِس كُل نظراتة الغاضبة
هل مرة باوعلي
غمضت عيوني واني نايمة وافكر بي تذكرت انُ اني لابسة دشداشة زَينب عرفت ليش ديباوعلي هيج
ضليت تقريبًا ٣ ايام اني ع نفس الحـالة صوتي مبحوح ومصخنـة وحال ضيم ياحالي حَتى دوامي مارحتلة
سُراج كُل ما يحجي وياي شلونج او عداه اكولة زيـنة واسكت ماحجي ويـا زايد ابد، من بعَدها صرت زينـة شوية
رجعت للدوام و سُراج صـارت عندة سَفرة بُعثة دراسـة مال عُطلة صيفية لان هُمة قبلنة يعتبرون داخلين بالعُطلة
سـافر سُراج واحس ارتاحيت منـة كُليًا ماصار بينة تواصل ابد بعدها يوم من الايام جنت اكلُب ولكيت حـسابة كدامي طَبيت عليّ
اترددت افتح الستوري او لا بس كلت هوَ حسابة عالي اكيد مراح يشوفني فتحت ستـورياتة اباوع ناشر صـورة ب بلجيكيـا
باوعت لصـورة وصافنة بي شكد حلو و وسيم حسبالك تُركي، والي تباوعلة اكيد تنعجِب بي بس الي يطُب ويشوف اسلوبة يقرف منة
سديت موبايلي وكعدت اقرة بالايباد لليل تقريبًا شفت اشعار بالانستكرام انتبهت دازلي طلب مُتابعة
عـزة معقولة هذا الغثيث يتنازل ويدزلي مُتابعة نوب حسابة ولاااا بنية موجودة بي وحسابي خاص
عفت المُتابعة مارديتها ابد ضل لحد بليل كلت خل اقبلها
اني جان حِسابي خاص مابي غير ١٣ مُتابع وجنت متابعة مشاهير والي اعرفهُم شكم بنية من الاعدادية لطيفات و امير وسجاد
ضل يشوف ستورياتي دائمًا بس مايحجي ابد ولا اني احجي
واني جنت مامتقيدة انشر براحتي صور الي بدوام او عداهِن
محمَد متلافيني بصورة كاملة بالجامعة
الي سمعتة من البنات علي وسُراج وامير لاعبين بي جولا
علاقتي بالبنات صارت حيل قوية وصرت دومني يمهم
حتى مرات نطلع سوة تطلعنة ايلول
واني ماخذة راحتي ع اخر حباية لان سُراج ما موجود
وامير ياخذني ويرجعني حَتى لو ماعندة مُحاضرة يضل منتظرني
بالامتحانات جـان يسئلني يومية عَ امتحاناتي
شلونج؟
زينة.
يعني شكد
فُلان درجة
بالتوفيق
مايزيد ابد بالحجي ولا منـا ولا منـا زايد
مُجرّد يسئل يومية وهاهيّ ..
كملت امتحانات وجنت مجاوبة كُلش زيـن
وسُراج جان بعـدة بالسفَر
مرت الايام بـ سلام وهدوء
وعلاقتي بيهُم كلهُم قوت
خصوصًا جدو وبيبي جانوا حيل يستثنوني من بين الكُل
ويعاملوني مُعاملة تجنن
ومعَ هذا جنت حيل افتقد وجود بابا بحياتي
وما فد يوم مر الا واني دموعي ع خَدي ونايمة ..
صـار عقِد ايلول وعلي وبيومهـا بيبي حطتنـا كُلنا
وكالت الكُل ينزع الاسود
اني مارضيت ابد انزعـة بس بيبي ضلت تحجي علية
وكالتلي ازعل عليج تـرة
جان مـار ع وفاة بابا ٧ اشهر تقريبًا
ماهمني كلامها وكعدت اكُلها حبابة لا تضغطين علية
بس الباقي كلهم نزعوا عداي اني ويـاهة
اخذنـة سَجاد اني وسيوف حتى نشتري فساتيـن
و وصتنا بيبي اشتري فُستان لرحمة
لان جان باجُر العقِد
اشتريت فُستـان اسود طولة وي الرُكبة ومن فوك كُلة مفتوح وبي نفس الـ وشاح الي البسة من ورة مشبك اسود وبي فُضي وينزل ورايّ
رجعنـا للبيت وعلي خابر سُراج كلة مالكيت حجز باجُر
كلت خُفتًا وراحـة خلي احسن مِمّا يجي لان يكعد يقيد حركتنا
سُبحان الخالقة عكس اخوانة و اولاد عمة تمامًا
عدنة المُثقف وعدنة المُتدين وعدنة المُعقد
بس كُلهم يستحون إلا هوَ ينطيها طگ بطگ
اجـة ثاني يوم والكُل طلعوا للديوان ويتفقون ومدري شنـو وبس احنة البنـات بالبيت وغَيث وسجاد يمنة حَتى ياخذونـة
الغرف صارت زَحمة و روان جانت جاية والكُل متكوم بغرفة البنـات
استحيت اطُب لغرف الولد خـاف يجون رحت لغُرفة سُراج حَتى ابدل
لبست فُستاني وباوعت لنفسي بالمراية الفُستان جان حَيل حلو علية
شلت شعـري وجنت مستعجلة حيَل فتحت باب الغُرفة ماحس إلا ارتطمت حَيل بسُراج
رجعت لـورة واني اشوفة جاي وبيدة جنطتة
هوَ صُفن واني صُفنت
وخرت بسـرعة وردت امُر من يمـة بسرعة
ماحس إلا لزم ايدي
يُتبعععع.....
___________
روآن
مروآن
اخذي راحتـج انة شوي وجايج تمام
صفنت عليّ، ياربي شجاي يحجـي هذا
مروآن
طبي تلكين كِلشي تحتاجي جـوة
يباوعلي بتمعُن، خلة وطلع نزعت عبايتي وطَبيت للغرفـة وجان انصدم ب الي اشوفـة
الغرفة جانت مهيّأة وكأنها حلم
الفرشة ناعمة بيضة و تلمع من كد نظافتها، والشموع موزعة حوالين الغرفة بضوء دافي يخلي الجو كِلة رومانسي، وبالزاوية طاولة صغيرة عليها كيك مرتب بألوان هادئة.
باوعت من الجهة الثانيـة لكيت على الكرسي جان فُستان أبيض طويل وكإنهُ فُستان عرس بس بشكِل حيل ناعِم ، جان الفُستان يلمع من نعومته، جذبني وكأنه ينطرني حَتى البسة.
كلشي مرتب بطريقة تخلي الغرفة تحچي عن فرحة مؤجّلة، وتعوّضها عن العرس اللي ما صار والحُب الي ماعشناه ..
ابتسمت بفرح واحس الدنيا كُلها ما لامتني من الفـرح
اني جِنت سابحة ومحضرة نفسي قـبل لا اجي
وهمزين جانن اشيائي بجنطتي الي بـ ايدي
رطبت جسمي وعطرتـة ورحت لبست الفُستان اباوع النفسي الابيض طُغى علية او اني طُغيت عليّ مادري بس جان منظري حيـل حلو، تمنيت هاي اللحظة من زمان وبوكت ما صارت سالفتنة جنت كارهة نفسي وكارهة وضعي واكول ليـش مونفس ايّ بنية حسيت بهالشعور
تنهدت وتأملت الجـاي يكون احلى من القبِل
الفُستان جـان بدون أكمام ويصير مخصر من فوگ ومن جوة كلوش طولة فوك الركبة بشوية هوَ سادة بس بي نفس الطبعات الذهبية
خليت شعـري منثور وطلعت حُمرة حَمرة حطيتهـا وحطيت شوية ع خدودي و اجفاني
جان اكـو عُطر عَ الميز مال المراية بخَيت من عندة ورحِت كعدت ع الجربايـة اخذت موبايلي اباوع للساعـة عاينت للباب انفتح
طَب وهوَ عينـة علية وبـ ايدة اكِل
الابتسامة صـارت على وجهة والرجفة صـارت بجسمي
سويت روحي اباوع للموبايل سَحب الطبلة وحطها كدامـي
كعد يمي لزگ عفت الموبايل وقويت روحي وعاينتلة
روآن
ماشتهي
مـروآن
صرتي مرآة متزوجة يحتاجلج طاقة لازم تاكليـن
باوعتلة بتك حاجِب ابتسم بهدوء وفتح الاكِل
جان جايب بيتزا و گص
ضحگت بخُفة وكلت
روآن
تطوروا المعدآن
ضحگ بصـوت عـالي وگال
مـروآن
انة ما مليوم من اكلِج بوللة
من هِجم بيت الثقافة كون
انة جاي من ورة الهوش
وانتِ جاية من امريكة صح
ضحگت باستهزاء وگتلة
روان
والله احنـة من يوم يومنـة مُثقفين
زلمنا زلم سَنعة
ونسـوانة مدللة لجال الزلِم
دار وجهي الـة بـ ايدة
باوعلي وگال وهوّ يستهزء
مروان
يعني انة مو ازلمة؟ لو شنو يبت جبُر
روان
رِجـال وشيخ وابن اشيوخ
محد ينكر هل كلام بَس
حط اصبعة ع شفتي وكال وهوَ يباوعلي بهُيـام
مروان
اشش بعديـن نتفاهم ..
هزيت راسي كصلي قُطعة بيتزا وانطاني اكُل، اكلنـا ثنينة بدون كلام وبكل هدوء كملنـا وشال الطبلة وداها لمكانها
اخذت حُمرتي وعُطري وطبيت للحمام، غسلت وفرجت اسناني ورجعت ع حُمرتي عدلتها وحَطيت عُطر مرة اللخ
طلعت لكيتـة واكف يم الجرباية
سديت الباب والتفتت الـة
بيدة ثنين علب حُمر
استغربت شنـو هنّ
بس توقعتهن هدية
بـ ايد وحدة جان لازمهن ثنينة
وايدة الثانيـة مدها الي
تقدمت صوبـة واطيتة ايدي صرت كدامة صـار يباوعلي بتمعُن ونظرات كلهن حُب
باوع لايدي الي جانت غاطة بحجم ايـدة وضحگ
مروآن
ما ودي اعوفها، بس راح اعوفها مؤقت حتى تبقى مچلبة بيدي للدوم ..
مافهمت كلامة، عاف ايدي وفتـح العلبات ثنينهن سوة
حلقات وحدة فضة وثانية ذهب
ابتسمت عليهِن، انطاني الفُضة و اخذ الذهَب
وكف كدامـي اخذ نفس وگال بهدوء
مروآن
مو شاطر بالحجي الحلو
بس راح اكِلج شي واحد
اعرفج شكد تعبتي، بَس مِن اليـوم كِلشي راح يتعوض
انة كتلج قصتنا انتهت گبل لا تبدي
وانة هَسة رايد ابدي بهل قصة
تقبليـن؟
باوعتلة وانة اتمعن بـ ملامحة الجان كِلشي بيها ينتظر ردي
وهزيت ايدي بـ ايّ بهدوء
زادت ابتسامتة وخر الحلقة من العلبة واخـذ ايدي ولبسني الحَلقة رجع باس ايدي وغمض عيونة وكإنهُ يحاول يعوض عن كِل بعد بعدة عني
وخرت الحلقة من العلبـة ولبستة بـ ايدة
ابتسم بس ماجانت ابتسامة عادية
جانت ابتسامة مملوئة بالحِنية واللهفة
راح سَد الضوة وفتح الشمـوع كِلهن وانة ضليت واگفة عَ نفس وگفتي، حَسيتـة صار يتقرب صوبي، وماحسيت إلا وهوَ حاضني مِن ورة
العُطر الوحيد الي جِنت اشمة هوَ عُطرة
وماجنت اسمع شَي غيـر دفو صوتـة وهوَ يهمسلي بـ
مروآن
واخيرًا، رجعتي لحضني
باس كتفي ودارني الـة ب اديّ، اباوعلة يباوعلي بنظرات شخُص
موبس حآب وعاشِگ هم، نظراتة جـانت تحاجيني وتكِلي انُ انة صرت بي موبس ويـا ..
طولة غَطة عليّ، فرق الطول بينة وبيني واضح، حجمة اضعاااف جسمي، حَتى ايدة الحاطهة على وجهي كادت تغطي كِل وجهي، وكانهُ وجهي لعبة صغيرة بين اصابعة
دنگ راسـة وباسني بخدي بخُفة
جنت رايدة اضُم خجلي بس ماكدرت
وانتفض جسمي بحُضنة
مروآن بهمِس
راح نعيش مو مِثل الناس، راح نعيش نفس ما نحلم فصعونتي
ماحسيت إلا شالني و وداني للچرباية
شعـري اندثر وعيوني تباوعلة بترقُب وخوف
باوعلي وگال وهوَ يتأمل بيـة
مروآن
مني گال انتِ بَشر؟
ملاك ونـازل هنـا
مستحيـل اخليج ترحين بعَد روآن
انتِ مكانج واحد، مو بيت مروآن، لا حُضنــة
سحبني الـة و وجهة صـار كِدام وجهي تلامست انفاسنـا
ومرر اصابعـة على شفايفي بهدوء
ابتسـم ابتسامة جانبيـة بهدوء وگال
مروآن
هـل شفايف يومية وكِل لحظة راح ينزفن بـ ايدي
روآن
شكددد عيب وخررر
كتلة هيج وانة ادور وجهي وميتـة من الخَجل، سمعت صوت ضحكاتة تتعالى سَحبني الة رأسًا وبدة يوزع بوسـاتة علية ويجرئ لمساتة على جسمي
كل ما يقرب منّي، ينشل عقلي، همساته تدخل بگلبـي قبل أذني، تذوّبني كلمة ورا كلمة. ولمستاتة تذوبني بصورة مو طبيعية، من يلمس وجهي بإيده أحس نفسي أذوب ، وأصغر كدامة، وكأني ما موجودة غير إله.
أنفاسه الحارة تحاصرني وتدخل بروحي وتخليني أرجف بس مو خوف، شوك ولهفة ما گدرت أقاومها. صوتة وياي وهمساتة الجان يگلي أشياء تخليني أنسى نفسي، حتى جسمي يصير كـله استسلام إله.
جنت ارتجِف من اللذة والرهبة سوا. كلشي بيّة يصير مكشوف إلة أنفاسي، ضعفي، ارتباكي، وحتى جِسمي، وهوَ يخليني أحس إني فاكهة محرّمة ماحد گدر يضوگني غيره ...
حضني من بعَد وقت طويل بتعب وبحُب، حَط راسي على صدرة وبـدة يحجي
مروآن
الايام العشتهن من عمـري وجانن مو وياج ما ينحسبن ايام
مادريت بروحي احِب إلا لمن فارگتج
وصرت اشوفج بكِل شي حواليّ
حَتى السِما البريئة منج، من جنت اشوفهـا اذكر عيونج بيها
حَتى باحلامي ماجنت اسلم منج ولا حَتى بمعاشرتي وي نـاس انساج
بس من تفارگنة كِل هلمُدة انة موبس عرفت بروحي احبج
عرفت انة مگدار عشگي و ولعي بيچ
شايفـة من جنتي توديلي صورچ
جنت اتحول لـ مراهق ولا جني مروان ابو ال ٣٤ سنـة
انة مغروم، مغروم بالنفس التتنفسي
وبكلشي بيـج
حتى شغلاتج الجنت اضوج منهن واكرهن
صرت احبهِن واشوفهن عسـل منج
احبج روآن هـوووواي احبج
ابتسمت على كلامـة والتفيت بحضنة بهدوء ونمت ..
كعدت عَ لمساتة وصوتـة وهو يندهني حتى يكعدني عاينت الساعة ب ١١
روآن
ليش ماكعدتني ليش هيج
مروآن
ضلينـا سهرانين لوكت متأخر وكعدت كبلج انة بس ماردت ازعجج
تمطيت بنُعاس عاينتلة وهوَ يتقرب مني ويحط راسة برگبتي يشتمهـا بهدوء ويهمس
مروآن
سودني غيابج
روآن
ليش منـو كالك انتَ عاقل هَسة
رفع راسـة وباوعلي
مروآن
مو اكِلج بوللة انتِ
ضل يداعبني ويشاقة ويـاي ولا كانهُ مروان القديم الي اعرفة، انسان ثاني جـان موجود يمي
لحَد العصر كال يلا جهزي نفسج نروح للبيت، كمت سبحِت ولبست ملابسي طلعنا سوى من الفندق واتوجهنـا لبيتهم
مروآن
روآن محَد بالبيت غير امي وسعدية
واعتقد انتِ مو غشيمة على سعـدية
وامي ترآها موذيج امي
روحة احمَد هدت حيلها
فـ خلنا نتچفى المشاكل ونطر الفِتن ونعيش بسلام
روان
والله تلكى امك حاقدة علية اكثر بعَد وانة متاكدة راح تحملني مسؤولية موت أحمَد
مروآن
روآن امي من بعَد احمد انصابت بجلطة وبس الله واهل البيت نقذرها منهـا وحيل تعبانة صدكيني وحيلها مهدوم
من گالي هجي انصدمت ماحبيت اجادلة اكثر بس جنت ادري مهما صار مراح يخفق حقدهـا تِجاهي
البيَت بمنطقة راقيـة بالولاية مو يم الرِيـف نهائيًا استغربت وكتلة شعجب ؟
مروآن
ارد اشرد من ذيـجّ الاجواء نفاق وحجي زايد و واحد مبآوي للثاني مالي خلك بعد انة ردتلي منطقة مثل اهلج بستان كامل اخذة الي لكيت بس مالكيت واحد مناسب الي فَ قررت اخذلي بيَت هنـا
والي يريدني يجيني
وناسنا دومها يمي
وكفنـة كدام بيت ركن حَيل عـالي معَ انُ البيوت كلهة جبيـرة الا انّ هالبيت غيـر حتى من تباوعلة من بعِيد فخم
انصدمت، معقولة هذا ذوق مروآن
انفك السحِر لو شنو
اول ما تطـب حديقة حَيل جبيرة، ومرتبة بشكل موطبيعي، مزروع بيها اشجـار و وررود وبداخلهة مرجوحة
مروآن
تعـاي خلّ اراويج
البيت ولا كانهُ بيت شيوخ ودواوين، يذكرني بـ بيت اهل ايلول نفس الفخامة عبالك بيوت دكاترة
اكو ديوان بجانب البيَت طبيت وانصدمت بالكعدة العربيـة الي مسويها
روآن
الذوق حَيل متحسِن
مروآن
ودليل انتِ هنـا بعد ابوج
ضحكت باستهزاء وطبينـة لجوة تلگانة المطبخ كل زاوية بالمطبخ مختارة بدقة موطبيعية وبصورة اشبه للخيال
روان
هاي متاكد انتَ؟
مروآن
والله انة جـا مني عمي
كلة اختياري بوية هههههههههههه
بيتة جان ينافس بيتـة بالرتابة بس مو بالكُبر
وانة اكول زَعيم جان يكول مروآن ماخذلة بيت خيـالي
جنت اكول مايطلع منة بس طلع صدِك موهين
طبينـة للصالة هادئة محَد بيها
فتح غرفة امـة باوعت جانت كاعدة سلمت عليهـا وبوستها
مبين محاجيها ومع هذا تباوعلي وتحجي من ورة خشمهـا
ذيل الجلب مـا ينعدل لو الدنيا تنكلب
وانة مُستحيل انسى لو اغفر الها هيَ وام ضرغام ع السونة بية
رحت لغرفة الحجية جانت نايمة
كعدها مروآن ومن شافتني حَيل فرحت بوجودي
كعدت ويـاهة وصرنة نحجي وتكلي ولج حليانة
وانة ومروآن نضحك ويـاهة
سالتة على سعـدية كال ب بيت اهلها رايحـة
صعدت فوگ ومروآن صعد غراضي ويـاي
من صعدت للطابق الفوگ، حسّيت كلشي بيه ينطيني فرحة، الصالة وسيعة وضوية، مفروشة بذوق مرتب خلاني ارتاح كد ماحلو
واكـو مطبخ بي كِلشي احتاجة، طبيت للغرفـة وانصدمت
الغرفة جانت اشـبه بالخيال جبيرة حَيل ومرتبة بطريقة تجنن
واكـو جام يطل عَ الحديقة بحيث المنظر صاير خُرافي
فرحتي بانت اجـة مروآن حضني من ورا وهوَ يكلي
مروآن
هاي الج، حياتنا الجديدة رراح تصيـر هنا، ارتاحي، تمتعي، هذا كِلة الج
فرحانـة عجبج؟
روآن
ايّ حيـل كِلشي حلوووو كِلشي ولا عبالك هذا ذوقك
مروآن
انجبي ولـج كافي استهزاء اطيتج مجـال زايد، هوَ انة جانوا يخلولي مَجـال افكر بي بنفسي عِدي الحياة كِلها طلعات ومشيـات
يحجي وياي وخابروا جاييـنة نـاس طب سبح و نزل
سبحت ورا اني ولبست تراك برمودة وردي مـال بيَت
خليت شعري مفتوح وحطيت فيونكة وردية من ورا وحُمرة وردية خفيفة ونزلت
رحِت يم الحجية وكعدنة نحجي انة ويـاهة
شوية ومروآن فـات باوعلي وابتسم بمكر
مروآن
روآن جـاي ٧
كمت من مكاني رحت كدامـة للمطبخ
مروآن
خرب انّ مال واحد يگابلج ويگعد وطز بكل العـالم
روآن
مشكلتك منو كالك تصير شيخ
صفگ ايدة بقهَر وگال اخ اخخخ
ضحكني عليّ دلاني عَ الجـاي سويتلهيا وشوية واجة اخذة
الحجية جانت فرحانة بوجودي، وانة فرحانة على فرحتها سويت عشـا ومن بعد ماراحوا ضيوف مروان تعشينـا كلنة سوة ماعدا امة مارضت تجي ويانة فَ مروآن ودالها اكل
بليل تقريبًا ب ٨ مروان صارت عدة طلعة كال ماتاخر ساعة واجي وصاني مافتح الباب لأيّ احد وخلة وطلع والحجية غفت وانة كعدت اكتشف البيَت وافتر بي
طبيت للغرفة وگعدت ارتب ملابسي بيهـا، اندگت الباب مالتها گمت اشوف منـو، فتحت الباب وانصدمت بوجود ام مروآن
باوعتلي بطريقـة غَريبة وهيَ فاتحة عيونهـاا حيلللل وبياض عيونها مبين بطريقة غَريبة
روآن
هـا خالة شتردين ؟
ماحس إلا يُتبع...........
بارت اليوم روآن فقرتها قَصيرة لانُ ايلول فقرتها جبيـرة البارت الي بعدة فقرة روآن راح تكون جبيرة وراح تنصدمون بـ الاحداث الي تصير
لا تنسون التصويت، دمُتم بخير 🤍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!