مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
________________
روآن
طبيت للغرفة وگعدت ارتب ملابسي بيهـا، اندگت الباب مالتها گمت اشوف منـو، فتحت الباب وانصدمت بوجود ام مروآن
باوعتلي بطريقـة غَريبة وهيَ فاتحة عيونهـاا حيلللل وبياض عيونها مبين بطريقة غَريبة
روآن
هـا خالة شتردين ؟
ماحس إلا وهيَ مدنية عليّ فجأة، وانحنت بوجها اعلى وجهي، ريحتهـا للحظة قرفتني وعيونها البيض مفتوحة عبالك نار مستعرة.
مدّت إيدينها اعلية بسرعة وحطّت أصابعها الثگيلة فوق ركبتي، ونزلت بسرعة صوب گصبتي، وگبل لا ألحگ أستوعب، صارت تخنكني بكل قوتها.
أصابعها يابسة، وضغطها وكإنهُ حديدي، وجانت مُصرة حتى تطلع روحي من حلگي. رجعت لورة مذعورة، دموعي تنزل غصب، ماكدر احجي شي غير اختنگ وابجي واطلب نفس وعيني متوسعة من منظرها المرعب.
نظراتها جانت وكإنها تريد تبلعني وانة حَية .
رجعتني لصوب الكنتور وضلت تخنگ بيها وبدت تصيح
صوتها ماجان صوت عادي ابدًا مو نفس صوت المَرة الي انة اعرفها، طلع من حلگها صوت غريب، متكسر، متشَحرِج، بيه رجفة حادة وبحة ثگيلة، وكأنهُ يطلع من صدر رجال مكسور مو من مرة ضعَيفة
الصوت جان يحسسك انهُ طالع من بيـر عميق ع كد ماجان بي صَدة(صدى) ورجفة ..
ام مروآن
انتِ الي كتلتي اولادي الثنيـن انتِ السَبب بموتهم، وشعبالج عبالج راح اسكتلج عبالج راح اتخورس، انة راح اخنكج وراح اكتلج نفس ما ولدي انحروا ثنينهم، انتِ هم راح تنحرين وراح تموتين جوة ايدي
هيَ تحجي وانة احاول اوخر ادينة من اعلى رگبتي، گدرت افوت اصابعي ابين اصابعها وصارت اصابعي اعلى ركبتي، بس ماجان اكو فايدة لان جانت تدفع اصابعي فوگ اصابعة اعلى رگبتي
بديت أغمض عيوني بضعف، وحسيت أنفاسي تنگطع وكِل شهيگ چان يوجعني كأنه آخر لحظة بحياتي.
نظرت ليها، عيونها اتغيرت فجأة، ما بقت نفس النظرة المليانة غضب، صارت نظرة مضطربة، مرتبكة، كأنها هي اللي خايفة مو أني.
شفت الرعشة بإيدها وبعدت عن رگبتي بسرعة، وكأنها استوعبت شي أو انهزّت من منظر وجهي اللي چان يختنگ ابين إيديها.
فجأة حسّيت جسمي انهد، وكعت اعلى الگاع بثگل، راسي ضرب بسرعة، والهوى انكطع أكثر.
أم مروان رجعت خطوة لورا، وجها شِحّب، وشفايفها صارت ترجِف، وعيونها تدور بكل مكان وما تثبت، عبالك خافت من نفسها ومن اللي سوّت.
خلّت وطلعت وانة اعلى الگاع ألهث بضعف، عيوني تدمع، وأسمع بس صوت رجفة اطرافي
صرت اخذ نَفس بالگوة واردد ب ( يارب، يارب )
صار گدامي مروآن، حاولت ادنى شوية اليم الجرباية واخذ موبايلي، تدنيت بصعوبة واخذت موبايلي انتچيت عَ طرف الجرباية وانة عيوني گوة فاتحتهن
دگيت عليّ من اول رنة رد
مروآن
اهلاً بوية خيركُم
سمعت صوت نـاس يمة انفاسي گوة تطلع وجسمي كِلة يرجف همست بـ صوت خافت وبالكوة انة اسمعة
روآن
مروآن الحكلي راح اموت
مروآن
شِني!!!!
- خيرك شيخ
-سالمين خوماكوشي
- عسى ما شر شيخ مروآن
سمعت صوت اجدامـة وهيَ تخطي صوبها لبرة وثواني ورجع صوتـة المرتعِد الخايف يهمسلي
مروآن
ولـج روآن شبيج شكوووووو
شني راح اموت
روآن
مروآن امك امك رادت تكتلني
كلت هجي وحَسيت عيوني ماگدرت افتحهن بعَد
ماحسيت بشي ساعتها وحسيت كِلشي صار مظلم بنسبة الية
ما مضت دقايق وانة اسمع صوت مروآن وهوَ يدوي دوي
صرت احس بضربات اعلى خدودي
جنت اريد افتح عيوني بـس جسمي ماجان يساعدني
حسيت بماي صـار اعلى وجهي نززني، فتحت عيوني برعُب لگيت مروآن گاعد اعلى گماميزة ( على ركبة ) ومذهوووول بمنظري
دنگلي مروآن وهوَ يشيل بجسمي ويشبگني الة ويحاجيني
مروآن
روآني، بنتي حاجيني جاي تسمعيني
اجت عيوني اعلى الحايط الي دفعتني عليّ واتذكرت منظرها احس الرعب دخل لكِل جسمي وبدون مُقدمات صحتت حَيل وشبگت مروآن
شبگنة بخوف وكإني طفلة مچلبة بـ ابوها وخايفة، جنت ابجي بحضنة وشهگاتي يسارعّن
مروآن
اسم الله بوية اسم الله والله حتى مافهمت منج بس خل افتهم شصـار وياج يابعد چَبدي
وخرني من حضنة وكومني وانة فاحطة من البجي
كعدني اعلى الجربـاية وراح للثلاجـة جابلي ماي واجة گعد گدامي وهوَ يشربني الماي وشفايفي وادية وكل جسمي يرجِف
وخر الماي من يمي وكعَد يمي وشبگ وجهي لصدرة
مروآن
بس خل افتهم شصـاير روآن امي سوتلج شي لوشني !!
روآن
مروآن جنت بغرفتي ا انظف وارتب ملابسي وفجأة طبتلي امك وخنگتني حَيل روآن وضلت تكلي انتِ كتلتي ولدي الثنين وراح اكتلج انتِ هم. مروآن انة خايفة والله خايفة ماريدن اضلن هنانة مروآن اخذني لبيت هلي حباب وديني ليهُم انة خايفة
حسيتـة انصدم من گتلة هجي، عيونة صارت اعلى رگبتي باوع بصدمة اكبر وبنفس الوكت حسيتـة خاف
مروآن
هاي آثار اديها !!
هزيت راسي ب ايّ وهوَ يفر بركبتي ومصدوم، گربني صوبة حَيل وشالني من عَ الجرباية اعلى رجلي بسرعة ورجع شبگني بقوة وهوَ يمسِد بشعري وظهري
مروآن
اهدي روآن اهدي وهَسة راح اشرحلج كِلشي انة موكتلج ضلي يم الحَجية ليش صعدتي روآن ليش
روآن
مادري مروآن مادري بس الحجية غُفت وصعدت والله ماجنت اظن يصير هجي هوَ شنوَ وليش هجي سوتلي
امك شبيها مروآن مُستحيل تكون صاحية مُستحيللل
مروآن
هَسة اشرحلج كِلشي بس اطيني مجال انزل
شبگ وجهي بـ ادية وهوَ يباوع لوجهي بتمعُن ويوخر الشعر من وجهي
انة يمج روآني، لا تخافين ماراح تتكرر انطريني هنانة
دناني للفراش وراد يگوم
لزمت ايدة بسرعة
روآن
مروان لا تروح حباب والله خايفة
رجع دنگ الي وهوَ يمسدلي اعلى شعري
مروآن
اسم الله الرحمن بوية والله ماكوشي بس تعوذي من شيطان
روآن
خايفة مروآن
مروآم
استغفرالله، يلة يابعد مروآن كومي ويـاي كومي
كمت من عَ الجرباية لزمت ايدة حَيل، صرت امشي واتلفت بخوف
عاينلي واحسة كوة واكف اعلى اعصابـة
رجع شبگني حيل بكل قوتـة وكإنوا جاي يمزج روحي بروحة
حسيت بالامآن بحضنة، طبع بوستة اعلى راسـي ولزم بـ ايدي ونزلنة
مروآن
يلة يروحي لغرفة الحجيـة روحي اعلما اجيج
هزيتلة براسي بـ ايّ ظبيت لغرفة الحجية نايمة متدري بدنيا طَشت لو رَشت
شويـة وسمعت اسمع اصوات عاليـة صابني الفضول حتى اعرف شكو طلعت و وكفت يم الباب وصرت اسمع
مروآن
يمة شبيـج يمة، يمة اصحي لخاااااااطر الله
اولادج انكتلوا لان همة جابوا المنية لنفسهُم
اولادج انكتلوا بالحگ
روآن مالها دخل مالها دخل
واحد راد يغضب الله علينة وراد يزني
ولو ضـال عايش انة بيدي اكتلة
ولا اخلي يسود وشي ( وجهي ) كدام الناس
والثاني ابن عمة كِتلة
روآن شلهة دخل بالموضوع
يمة استوعبي لا تخليني اصيح اعليج
انتِ امي
وانة ابنج
ويعز اعلية ارفع صوتي اعليج
كافي يمة كافي انعلي شيطانج
كافي يمة وعلي تعبت وعلي
صوتـة جان يرعد رعد بالبيت يحجي ويشحرج بالحجي
فجأة سمعت صوت بجي ونحيب
صوتهـا هيَ
صارت تبجي بطريقة هستيرية واسمع مروآن يحجي بهمس وياها وما اسمع غير كلمات عشوائية منهُم
منها ؛
- كافي يُمة راح تموتين روحج
- لا تخلين سحرها يأثر اعليج انتِ اقوى يُمة
- يُمة تعبت انة تعبت ولدي راحـوا وماتحمل انتَ تروح هم
صُفنت من گال سحرها، شنو قصدة بسحرها !
سحر منو؟
ماصرت اسمع صَوت بعـد، طبيت لغرفة الحجية واشوف روحي بالمراية عيوني مورمة بالبجي وركبتي بعدهة حَمرة وشعري مَنفوش ومكرهب
لميت شعري وانة بـراسي مليون سؤال
بس شي واحد اعرفة انُ انة ماكدر اضل هنانة ابد
كعدت بالگاع وصرت اتخيل منظرهـا شلون فاتحة عيونها وبياض عيونها يخوف حَسيت مـدري شسار بجسمي وحسيت رّجفـة أچتاحتني ودموعي صـارن ينزلن
لا مُستحيل اضلن، شني مارايدة حياتي والله ولا اضلن هنانة مُستحيل اضل
كمت من مكاني ارد اطلع جان اشوف مروآن وهوَ يطُب
باوعتلة ودموعي اعلى وجهي وخايفـة، فتح حضنـة واشرلي اجي رحت عليّ شالني مِن خُصري وضمني الة بقوووة
مرت اكثر مِن دقيقة واحنة واحد شابگ الثاني
وخرِت منة بهدوء باوعتلة بعيون ذبلانة وهوَ واكف وحاظن خدي الايمن
روآن
مروآن ارد اروحن لاهلي وديني الهم انة خايـفة
تحولت ملامحة من هُيام وتمعُن لـ فزع وصدمة وجاوبني بغيض
مروآن
انتِ صدِك تحجين ويـن يا اهل روآن انة ماعاولت اجيبج واحطج ب بيتي نوبّ تردين تعوفني وترحين ؟
روآن
مروآن ترة انة سمعت من تكل الهـا سحر مدري شني
شصاير ترة والله خفت انة ماريدن والله خايـفة
مروآن
هَسة احجيلج كِلشي بس تعـاي وياي
اخـذ بـ ايدي وطلعنـا برة
الحَديقة جانت حَيل هادئة ومضويـة بضويات خُضر بين الاشجار وضويت فوگ ابيض
سَحبني للمرجوحة كعدت وهوَ كعد يمي
روآن
يلة مروآن احجيلي كِلشي صار
اتنهد بتعب و اخـذ ايدي حطها اعلى رجلة وصار يمرر ايدة اعليها وبين اصابعة ويحجي
مروآن
بالفتـرة الي گطعت بيهـا اعليج، بهاي الفَتر فجأة وصلني حَجي اعلى سعـاد انُ هيَ ب بيت فلان تروح وتسوي سحورة، انة ماصدكت بالموضوع ابد وجذبتة بس بعدهـا اتأكدت بنفسي من من عدها وكمت وطلكتها وطردتها من البيَت وهم صـارت سالفة شطولها وشعرضها وي اهلها
ومن يومها لسة امي متخبلة، ي روآن صحيح امي اتاثرت بموتت احمد وهدت حيلها موتة، بـس ماصار بيها هجي ابد، مرات الكاهة تبجي وتون وحدهي ساعات اشوفهة تتخيل وتكلي احمد وعبـاس يمي
كل ساع تكلي فلان شي بس ابد ماتوقعت منها تأذيج والله
ولو واصلة هيج مواصيل ويـاي جان مارحت اساسًا
باوعتلة بخوف وكتلة
روآن
يعني شنـوو تأثير السحر هذا لوشنو مروآن ؟
مروآن
يكولون هيَ توكع بـ الاقل إيمان وهيَ أثاريها جانت توكلنة كل احنـة و واكعة ب امي يَ روآن وانة ماسكتت، اكو شيخ اعرفة ابن رسول الله صايم مصلي جاي اجيبـة يقرة اعليها، وانة جاي اشوفها جاي تتحسن
روآن
بَس مروآن انة، اا انة ماكدر اضل هنانة والله انتَ دايمًا تتطلع شلون اضل وحدي وياهة بلة سوتلي شي
دار كِل جسمة واندار اعلية وگال وهوَ يدنك راسة لية
مروآن
انة يمج روآن ماعايفج ابد وحَتى لو اعوفج مرة ثانية راح اعرف اتصرف ساعتهـا
روآن
يعني شتسوي مروآن بلة كتلتني هـاااا
انة ماريدن اريدن ارجع لهلي مروآن خايفة
كلت هيـج وكمت من مكاني مفزوعة من كلامة
نهض ويـاي ولزم ادية الثنين وهوَ يخزرني وبنفس الوكت يحاول يهدئ بنفسة
مروآن
بس طاري اهلج عوفي اذا ماكو زَحمة
وكتلج انة ماراح اسمح لايّ حاجة تمسج مهمّا جانت
مالج ثِقة بية؟؟؟
كال هجي وهوَ يباوع الي ب استفهام
احس روحي ارتبكت من نظراتة
سكتت ودنكت راسي
رفع فجي بـ ايدة وگال بهدوء وهوَ يجرني من خصري الة
مروآن
روآن هاي السالفة صـارت مرة ثانية ماتصير
واذا صـارت بساعتها انة بيدي اوديج لاهلج
روآن
واذا جان ثمنها حياتي يجوز مرة ثانية تسوي هجي!
مروآن
روآن ترة امي صح تكرهج بَس ابدددد ماتوصل ليها انّها تكتلج
اتذكرت من شافتني اخر لحظة وشلون خافت و وخرت مني
رفعت اصبعي بوجهة وكتلة بعصبية
روآن
بس شوف اذا صار مرة ثانية هجي والله اروحن لاهلي ولا اضل يمك
عاين لاصبعي وضحگ بخُفة نزلـة وضل شابگة بـ ايدة ويعاين لية
مروآن
اصبعج ما ينرفع بوجهي يحلوة
باوعتلة صَفح وخليت وشردت منـة، طب وراي للمطبخ عاينت الماعيـن اعلى الكاونتر
مروآن
شني ماتغسليهن تخليهن للصبح؟
روآن
حتى الصبح ماغسلهن ترة مو جايبني خدامة الك
مروآن
ولج يَ البولة التغسل اماعين حوشها يسموها خدامة لو نظيفة لتصدميني ترة انة ماخذ فكرة عنج انّج نظيفة وتدريبيني اموت من النسـوان الجايفة
روآن
شكلولك علية مَرة سَنعــة هوَ يادوب مدبرة حالي
كلت هجي وانة اشلين شعري بتململ واشدة لفوگ ب أمل مايرجع يسيح وينزل علية مَرة ثانيـة
عآين لية من فوگ لجوة وابتسم صفح
تقرب من يمي وانة اعاين ومسوية روحي الما تتأثر وما مهتمة
وهوَ اول ما ايدة حاوطت خصري احسن كِل جسمي انتل
مروآن
احسج بتي وجاي تشارطني، شورطني وياج انة يفصعونة
باوعتلة بمكر وكتلة
روآن
مُشكلتك والله
باوعلي بهـُيام ماحس الا انرفعت بـ ايد وحدة
صحت
يممممة مروآن لا اوكعععع
حَطني عَ الكاونتـر بلمح البَصر
روآن
يمة شبيككك والله خفِت
انة احجي وهوَ بالة أحسّنـة بغير مكان
تگرب صوبي وماحس الا باعد رجولتي عن بعضهن وصار بين رجلية
الحركة هـاي جفلتني وخوفتني بنفس الوكت
روآن بهمس
مروآن خليني انزل شبيك
فجأة ملامحة صار بيها ضحگة خفيفة ضحگ وطبع بوسة خفيفة اعلى شفتي وخدي
مروآن
ها يروآن البولة جـا شمالج شو صايرة تذوبين ب بين ادية
من گال هجي احسة رجعني لوعيي فِتحت عيوني وباوعتلة بمكررر وهوَ طگها ضحگة
روآن
انة اعلمككك مروآن
راح للماعيـن وصرفن ردآينة
مروآن
استچني بينما اكملهن شلون الله باليني بنسـوان ثنين چايفات والاخرى فاهية مبارك اعليك مروآن عود انة شيخ واعلية رجِل ولازم مرتي تكون كدها ومثل مهب الريح وسنعة تالي خوش حِضيت ببنية حتى ماريد اكولن مرية
روآن
والله هذا الموجود يعجبك؟! اسكِت
مايعجبك وديني لبيت اهلي
كلت هجي وحطيت رجل ع رجـل، باوعلي وهوَ يصغر عيونة
مروآن
شجم مرة انة كلت ماريدن تنجاب طاري الاهل
ياخي كبل اذكر ذنيج الايام خليني اتهنى
صـار يغسل بالماعين و انة واكفة واباوعلة
مروآن
بلة رجـال شكدني هاي تاليتي
روآن
ترة هنّ اماعين ليش تكبر الموضوع
مروآن
لا عادي انة ما استنكف بس هجي اكول اعلى الوكت شلـون دوار
كمل الماعيـن واجة نشف ادي، ردت انزل خفت لا اوكع الكاونتر عالي
رفعت ادية حَتى ينزلني حاوط خُصري ب ايد وحدة ونزلني
صعدنـا لفوگ رحت طبيت اسبَح
كملت ولفيت المنشفة داير مادايري من فوگ وطلعت
ما استحي منة كد مايعجبني اغثِـة
جان كاعد اعلى الجربايـة رفع وجهة لية وصار يعاينلي
انة عفتة ورحِت لميز المرايـة ادندن ويّ نفسي وارطب اديّ ورجليـة وماهامني وضعة، عاينت ليه بالمراية واباوعلة عايف الموبايل ويعاينلي، احسة مَيت علية بس مخلي شوية مستحة لكُبرتة
ضحكت بيني وبين نفسي وكملت نشفت شعري وحَطيت حُمرة، بعدني ستوني جاي اعوف الحَمرة ومديت ايدي ع العطر شفتة كام واجهة باتجاهي
اشتميت العطر حَيل طيب بخير روحي بي من فوگ لجـوة بالميت بخّة
صـار يَمي ولزك جسمة اعلى جسمي من ورة
التفتت الة وبخيتلة ٣ بخـات
مروآن
تدرين هذا سعرة ابيش ؟ اقطر منة تقطر وانتِ سبحتي بي ؟
روآن
تـرة بيش ماجان يروحلي فِدوة
وكل اموالك وفلوسك انتَ مروآن آل دحام هم تروحلي فدوة سمعت
باوعلي وضحك واسنانة بانن، اول مرة اشوفة هجي يضحگ ضحكته الحلوه
مروآن
انتِ الظاهر طلعت عينج هـواي وتدللتي بعَد اكثر تعاي يمي
انة شردت وضحكت وهو ركض وراي، رگضت لنهاية الغُرفة اخرشي حُصرني بين الحايط وبينـة
وجهت العُطر عليَّ وانة اهددة
روآن
تـرة والله ارششش عليك اخليك تِنعمي هَسة وخر عني
مروآن
رِشي وشوفي شسوي بيج، حَتى لو انة معمي هم اعاقبج
بحركة وحدة سحب مني العُطر وانة عود جنت لازمتة زيـن، دكيت رجلي بغَيض وباوعتلة بغضب، ضحك ضحكه قويه ولزمني من زندي وسند ظهري ع الحايـط وتِدنى صوبي وهوَ يحـط عيونة على جهة صَدري
ارتبكت من گربـة الي وكمت اتأتئ
روآن
ااااااااااا ممم مروآن مروآن
مروآن
عيونـة لمروآن
كال هجي وهوَ يحط راسـة برگبتي ويزفر انفاسة الحارة
احسة راح لغيـر عالم ومو يمي صار
روآن
وخر خل ابدل
وخر وجهة مِني وضحگ بخفة وباوعلي
مروآن
مايحتاج اتعبين نفسج
مد اصابيعة اعلى خدي واعلى شفتي غمضت عيوني ما اعرف شنو جنت اريد بس جنت احس بخوف بساعتها
تقرب واخذ شفتي بين شفايفه اول مره احس بطعم هيج حلو وغريب، للحظة حسيت گلبي رِجف وكل جسمي صـارت بي رَعشة
وحسيت بحرارة بجسمي واحس فقدت كل التوازن
حَسيت روحي ردت اوكع لو ماهوَ لازمني خِفت صوتة وصـار يهمس ب اذاني وهو يجرئ لمساتـة ويتغزل بمفاتني
احسـة اخذني لعالم ثاني، عالم مابي غيري انة وهوَ
وفجأة وبلغلط اتفاعلت ويـا ومادري انُ انة جنيت اعلى روحي بهاي السالفة
وخرر مني وهوَ يباوعلي بوجه ذبلان ويكلي
مروآن
خبلتيني روآن
رجع جرنـي ولزكني بي حَيل مد ايـدة اعلى المنشفة راد يوخرها خفت ولزمت ايدة وباوعتلة بخوف
ابتسم ورجع حَط راسـة يم اذني ياخذ ويزفر انفاسة ويحجي بهدوء بيـن ما ذوبني بـ كلامة وخلاني اوخر ايدي استغل الوضع و وخرهـا
شهگت من شفت روحي ماكـو شي يغطيني والضوة مفتوح بس مالحگت استوعب شي إلا وهوَ حاطني اعلى الجربايـة ومعتليني
عضيت شفتي بخوووف وبخجل باوعلي وگال بهيـااام
مروآن
كِلشي بيـج اريدة، رآغبج حَد اللاحد
ومستعِد اگضي حياتي كِلها ويـاج بهل غرفة
وانتِ ؟
وضعنـا، كلامة وحَتى القرب الي بينـة وترني
نوب يسئلني هجي؟
ضلـيت ساكتة واباوعلة بَس
گرب وجهة صوبي وصـار يوخر بخصلات شعري النزلت ويحجي بهمس
مروآن
جان اضحگ ع الحب، واحسة مُبالغ بي، بَس هسة إذا الحب معناه إنُ يخليني أتنفّس وجودج عدِل، ويخليني أضيع بكل نظرة من عيونج واتخردل بهـاي الطريقة فَ إي، أحبچ، ومـو بس احبچ اعشگج همات
تحبينــي روآن؟
عاينتلة وانة احِسن بشعور غريب وگلبي صـار ينبض بقـوة
وبية مشاعر هـوووواي ملخبطة
ضل يعاين وهوَ منتظر الجواب كتلة
روآن
مـادري
غمض عيونـة وحط ايدة اعلى گلبي
مروآن
بس انة اشوفج تحبين، والدليل نبضات گلبج
روآن
لو ردت احبك راح احب مروآن الجديد
اما نسختك القديمة ف انة اكرهة
مروآن
اوعدج ب انُ السعادة مراح تشوفيها الا يمي، وراح توصليـن المرحلة الماتكدرين تفاركيني بيها لحظة وحدة
ضحگت بـ استهزاء وكتلة
روآن
شكد واثق من نفسك
ضحگ وحَط راسـة اعلى رگبتي ويمشي ايدة اعلى جسمي
جسمي كزبر بحركاتـة هـاي وگلبي صار ينبض اكثر
ضحگ بخُفة وگال بهمِس
مروآن
دهودي روحچ ابين ادية وتعـاي تنومِسي واحجي هجي بزودج
احس نرفزني وهوَ مكيف اعلى ضعـفي بـ ايدة جاوبتة بعصبية ونرفزة
روآن
وخررررر خل اكووووم والله فـلاااا اضل يمك
ما اهتم الي ولا لكلامي واستمـر بملساتة الجريئة الي خلتني ابلعم بس جنت ضالة منتفضة
روآن
وخرررر مروآن وخررر عنيييييييي
جان يضحگ وما انطاني مجـال حتى
مروآن
انتِ صح بلوللة بس طريقة سكوتج يمي
أخذ شفايفي بسرعة وبجنون ما لحگت حتى اعيط. كلشي صار دفعة وحدة، لمساتة وهي تتجول اعلى جسمي، وكل مرّة إيده تلمسني جان يهمس بـ ( احبج )
حسيت الدنيا كلها توقفت وضل بس صوتة وهوَ يدور بأذني، كإنه ماكو غيره بهاللحظة. خلاني أذوب بين حضنة وما عاد يهمني شنو حواليَّ غيـر وجودة يمي ...
كانت تلك الليلة غريبة بكل تفاصيلها، ممتلئة بالعنف والصراخ الذي ترك صداه في الجدران والقلوب. لكن بين كل ذلك، كان الحب يتسرّب إليَّ من صوته، من همساته القريبة التي تناغمت مع أنفاسي، كأنها تداوي في داخلي شيئًا مكسورًا منذ زمن.
كان يهمس لي بكل كلمات العشق، بكل ما يعجز عنه الكلام الصريح، وفي كل لحظة كنت أشعر أننا نعيش قصة حُب جديدة لا تشبه أحدًا سوانا. عشنا تفاصيل صغيرة، لكنها غزت الروح بقوة؛ ضحكة عابرة، لمسة مرتجفة، ونظرة حملت ألف وعد وألم لذيذ. وكأننا، وسط الفوضى والضجيج، وجدنا ملاذنا الآمن في حضن بعضنا، حيث لا يسمعنا أحد ولا يرانا سوى قلوبنا..
روآن
تـررررة ابجي الساعة بـ ٣
ضحگ بقـوة وضمني الة وهوَ يخبط جسدي بجسـدة
مروآن
يلة يا فَصعونتي نامي
لفيت روحي بحُضنـة ومادري ليش اجتني فكرة انُ هوَ متزوج ثنين وهَسة عندة وحدة، مُباشرتًا رفعت راسي الـة وكتلة بتساؤل
روآن
هوَ انتَ وي ســعاد وسَعديــة هم .....
بعدني ما مكملة كلامي هز راسـة ب لا وهوَ يباوع بعيوني بثبات وابتسامة صغيرة ارتسمت تعلى وجهه وكال
مروآن
الحب غير، مو مثل ما تتصورين ابد، الرغبة تجي وتروح، بس الحب هو اللي يمزج بين الاثنين ويخلي اللمسة مو بس لمسة جسد، لمسة روح. يخلي الكلمة مو بس حچي، يخليها عهد.
إنتِ الوحيدة اللي خليتيني أحس بهالشي. غيرج ما گدرت أذوق معنى إنُ الرغبة تنقلب حب، وإنُ الحب يصير حياة.
روآن
بس المهم جنت وياهن لتحجيلي بهاي السوالف
كلت هجي وحسيت اكو نـار داخلي جِبيرة
درت وجهـي وهوَ حاصرني بحضنة
مروآن
هـاي وين درتي وجهچ فصعونتـي
شوفي خل اكلج كِلشي ويـاج هوَ شي لا عشتة قبل ولا راح اعيشة وي واحد ثاني شعوري ويـاج يختلف اما وياهّن ف انة ماعندي شعور مُجرد أدي كَ واجبي الزوجي وبَس
درت وجهي الة وباوعتلة بغض وكعدت ع الجرباية واخذت الغطة حَطيتة ع جسمي وصرت اباوعلة واحجي
روآن
بس انتَ هنا راح تحسسني بالانانية خـو حبهن وعاملهن نفسي
صفنت ورجعت كتلة
بس انتَ ما مضطرررر تاخذني بعد لان انة اقررررف من هجي شعـور
كام كعد مقابيلي وصـار يحجي وهوَ يحاول يفهمني
مروآن
اذا جان اكو صوج فالصوج منهن موبية انة مأدي واجبي بكلشي ومنطيهن اكثر من اللازم هنّ الما مهتمات والزايحات نعمتهن بيـدهن
وبعدين انتِ عن منو تحجين بنيتي ؟
شو سـعاد وراحت
جـاي تحجين عن سعدية الي مويم هجي سوالف اصلاً وما تهتم الهن؟
ضليت اباوعلة بغضب واحس نـاررر جانت مستعرة جواي
روآن
شوف مروآن ترة والله
مروآن
بس عوفي تهديد واحجي عدل نفس الاوادم
روآن
شنووووو قصدك انة مو آدمية
ضحگ وجرني لحضنة غصُب عني، كعدني بحُضنة واريد اوخر منة مايقبل مچلب بية ويحجي
مروآن
مو، مو آدمية بس لسانج طويل ايّ احجي شنو ردتي
روآن
وخر وانة احجي
مروآن
لا انة مرتاح هجي احجي شتردين
حط راسـة برگبتي احس وترني وبنفس الوكت احسنة ذكي وعرف كِل نُقاط ضعفي، حاولت اقوي نفسي واحجي
روآن بارتباك
اااا ردت اكلك انُ ا انة ماقبل تساويني وي احد ودامك ااا انُ يعني وياي وتعاملني بهجي اسلوب ف انة مارضة ابدد تعامل بي غيري
مروآن
صـار وبعَد ؟
يحجي وهوَ يطبع بوساتـة اعلى رگبتي بهدوء
سكتت ماحجيت شي لان جِنت ميتـة من الخَجل
اليوم الثانـي كعدت الساعة بـ ١١:٣٠ لكيتـة مو يمي
اتذكرت الي صـار امس وابتسمت
مانمنة غير الساعـة بـ ال ٥ الصُبح
بس انصدمت بشخصية مروآن هـاي
الي يشوفـة يكول هذا مُستحيل يطلع من عدة الطلع منة امس
وانة العوبة اجتني ساعة اتفاعلت ويـااا
هسة شكدددد عيب شيكول علية
كمت من الفراش وانة ادردم اعلى نفسي
حمامي بداخل غرفتي رحت سبحت وكملت، طلعت للغُرفة ونشفت نفسي وتوضيت قبلها وكعدت اعتني بنفسي حَدما صاح الاذان صليت وكملت ورحت للكنتور
اخذت دشداشة حَمـرة گِصيرة ومزندة ادري محَد ويانـا ف ماخذة راحتي ومن اشتريت، اشتريت كِل لبسي دشاديش گصار وتراكات
حَطيت حُمرة حَمرة وشلت شعـري نفس الكعكة بـ اهمال وشعري منا ومنـا نازِل وحطيت نفس الشكالة الحَمرة بنهايتة
ولبست حجل بـ رجلي و الگلادة الهدانياهة علاوي
واخذت موبايلي وجاي انزل
اول مافتحت الباب انصدمت انُ الباب مقفول
عبالي من بـرة مقفول خفت وفتحت الموبايل اريد اخابر مروآن
شفت عايفلي رِسالة الساعة بـ ٨
مروآن
صباح الخير فصعونتي، قفلت الباب اذا كعدتي افتحي من يمـج المفتاح ال٢ بالجرار مال ميز المراية وانزلي يم الحجيـة
وانة ما تأخر ب١٢:٣٠ اجيكم
ابتسمت ورحِت جبت الـ مفتاح واجيت فتحت الباب ونزلت لجوة
باوعت ام مروآن گاعدة بالصالة اول ماشافتني خزرتني
ما اهتميت الها ولا حاولت اباوع بعيونهـا وگبل رحت لغرفة الحجية
لكيتهـا كاعدة اعلى جربايتها اول ما شافتني كام تهلي وتمرحِب
فضيلة
يا هلة وميـت هلة بالعروس
عمي حگج تگعدين ب١٢ وحگ مروآن يسهرج للصبح اعلى هجي حِلاة وجمـال
ضحگت من گالتلي هجي كعدت يمهـا وكتلها
روآن
لا والله مادري بنفسي ونمت ما وقتت موبايلي
فضيلة
لا يمة براحتج جا انتِ شعندج ماتكليلي هوَ هل احنة الثلاثة وهم هـاي الله مخبلها اعلينا مدري شمالها وانة هم حطيت الغدة اعلى نـار
شوفي حبوبه خل احاجيج واعتبريني نفس امج صالحة واخذي نصايح مني انتو گبل ب بداية زواجكم صارت بينكم مشاكل بس نكول الحمدلله وتعدت و ولت وراحت
وترة لا عبالج الله وكيلج جانن مدمغات مروآن ادمغ بالسحِر وهسة يلة مروآن صار الناس، جان حال ضيم ياحالة يمشي ويصيح حبوبة فلوس خير من الله وماكو بركة ماكو حبوبة احس روحي مامرتاح ابد
هسة لا انة اليوم الصبح شفتة وجيهة(وجهة) يضحك واحسة مرتاح ومتونس
وترة مروآن كلبه چبیر واريدنج انِ هم يصير كلبج حنين عليَّ. حبوبه صيري مره نادره ولمي رجلج ادريبيج مدللة وماتشيلين شي ب بيت اهلج وادري بيج نظيفة وتخبلين وهاي دليل نزلتيلي تخبلين وعطرج سابگج
بس انتِ هم عاشرتي وشفتي مروآن نظيف ويحب النظيف واليعتني ب اكلتة وشربتة، اكعدي من غبشه كبله حضريلة لكيمه حضريلة حضريلة هديماته ومن الليل انتِ اغسليلهيا وحضريلهيا
وبعد مايحتاج اكلج تزوكي وتمكيجي وسوي لا انتِ بروحج فالحة
وسوي كِل ذني واضمنلج مروآن يصير محيبس ب ايدج
روآن
لاحجيـة نوبّ انة اكعد واسوي الغدة شيكومج انتِ بس والله كتلج فاتتني نومة بس ان شاء الله بعد ماتصير
فضيلة
لايمة شني هسة هيَ تمنات حطيتهن ع نـار وحطيتلي دجاج وتشريبة كومي كمليهن وهم اكليلج لگيمة بينما يصير الغدة
مروآن سوالنة ريوگ وهم عافلج روحي اكلي اذا هـاي
روآن
ايّ والله جوعانـة خل اكوم
كمت طلعت لكيت امة ماهيَ طبيت للمطبخ لكيت بالطاوة بيض وطماطة ضليت واكفة وانقِش شفتة من بعيـد طَب
عاينتلة من فوگ لجوة وكلت بيني وبين روحي
والله شخَصيـة هذا
شفتة شافني سويت روحي جـاي اكِل وما مهتمة
مروآن
بالگوة
رفعت راسـي الة بخجل وكتلة
روآن
گوة الله حيلك
باوعلي بـ اعجاب جبير اجة صـار وراي وهوَ يتلمسني من خِصري ويهمسلي
مروآن
جنج تردين تجيبين اجلي يَ بت جبُر
روآن
يااااا مروان ليجي واحد وخر
وخرر منـي وهوَ يكلي بحِدة
مروآن
وانتِ شعندج بهذا اللبس وتفترين بي بالبيت
روآن
تـرررة محد بالبيت شني يعني واذا لبست وتزوگت حتى مو مثل گبل ولد عمك ومدري شني والبس لبس مستور خاف فجإة يطبون لو تغار علية من امك والحجية مثلاً
سكت هوَ ماحجة لان شاف كلامي منطقي وانة رجعت اكل
مروآن
والله عمي زين ولا توقعتها منج حاطة غِدة ومدري شني
درت وجهي باستهزاء الة وكتلة وانة اضحك
روآن
ياغدة يا دنيا ستوني كعدت انة هاي الحجية حاطتهن وانة ستوني جاي اتريگ
مروآن
ما شاء الله ما شاء الله
اربح يَ مروآن اربح
روآن
ترة ماكتلك تسهررررني لل ٥ اتوسلك حَتى اناااام
حَط ايدة على حلگي وهوَ يضحگ
مروآن
اش ولج اش فضحتينا
هاي الشغلة داجة اجيبلي مـرة تعينجن احسن
انة مارضة حبوبتي تكوم شني هيَ
بلة وكعت وتكسرت
وبنفس الوكت رايد اتونس
ومو اعلى حساب طاقتج لا هم اريدنلج طاقة
لان مرجعها الي
كال هجي وهوَ جارني ليه ويحجي
ضربت صدرة ع الخفيف ضحگاتة تعـالن وراح طب
شكددددد جريء يمة
كملت اكِل وهوَ راح من غرفة الحجية لامـة
ونوبّ راح للصالة يصلي
اعاين الة من باب المطبخ شلـون يصلي بالنص ساعة وهوَ بس يصلي
هدرت التمن وكملتة بقت بس الدجاجة اريد احطها بالفرن بس ماعرف شلون افتحـة
اجة وگال
مروآن
ها محتاجة مُساعدة
روآن
ايّ صارلي ساعة اريدك تجي بس ما شاء الله گلبك عامِر بالايمان
مروآن
انجبي ولج جـا شلون لعب چعاب هيَ
دطلعي لحبوبتي من دجاجة تحب تاكلها هجي مسلوگة
حطيت السجينـة اريدن اكصها كام تتملزك بـ ابدي
مروآن
هاي شني صدك تحجين ماتعرفـين تگصيها دجيبي جيبي
روآن
ترة شمدرينيييييي انة ماطبخ ابددد شلاكيني شيف
گطع وصلة للحجية وحط الباقي بالفـرن
مروآن
يرادلج اعادة تدوير انتِ
روآن
والله انة هيج يعجبك يعجبك ما يعجبك ما مجبور اعلية
مروآن
بوووووياي برنووو والعباس ابو فاضِل
العدج موبس لسان وشني برنو انعل ابو البرنو اذا لحگج
ضحگت بخُفة اعليّ اجة تگرب يمي انحصرت بينة وبين الكاونتر
ماحسينة إلا شي وكع
اندارينـا بسرعة نشوف امة موكعة المزهرية الي ب باب المطبخ
ام مروآن
مادري بدون ماقصد والله
راحلهـا مروآن حط ايدة اعلى وجهة وكال الها
مروآن
ماصار شي يمة ماصار شي
جانت نفس الخايفة ومرعوبة
انقهرت بصراحة اعلى منظرها مهما سوتلي بنهاية محد يستحق يوصل لهل مرحلة هـاي
طلعت الدجاجة من الفرن و مروآن اخذ امة وراحـوا لغرفتهم
لميت الكزاز الي وكع وحضرت الصينية
اجـة مروآن وجان وجهة مبين حيل مزعوج وضايـج
مروآن
حطيلي اكل امي وحدها روآن
خل اوكلها واجي
روآن
ليش ماتجي ويانة؟!
مروآن
ماتريد
حطيتلـة اكلهة بصينية واخذها وراح
اخذت صينيتنا ورحت انة والحجيـة ناكِل ونحجي اعليها
روان
بصراحة انة نقهرت حبوبة خطية هجي يصير بيها
فضيلة
ي يمة من شَر اعمالها، انكلب اعليها السحِر ولا عبالج هيَ ما مشتركة بي لا بالله مشتركة وهيَ وياهة سوة تـالي خوش انكلب اعليهن
روان
زين شمدريج هيَ وياهة
فضيلة
هيَ سعاد بنفسها اعترفت كالت هيَ وياي
روان
حجية ماجاي افهم هنّ مسويات اعلى شنـو بالضبُط ؟
فضيلة
يوووه ي يمة شكد تحجين اسكتي اسكتي واكلي يمة
حَسيتها رادت تضم شي عني ضليت افكر واكل ما خلتني كام تحجي وياي وتكلي لا تشغلين بالج، بهل اثناء طب مروان
الحجية كملت وانة بعدني اكل علكيفي
مروآن
والله احترامات جانت المرة حجية بزمنجن ما تاكل الا رجلها ياكل ويكمل يلة تكعِد
فضيلة
ي يمة جا كِلشي تغير هسة
روان
ومكيف انتَ بزمن العبودية شني يعني ترة جوعانة واكلت ولا عندك المرة لازم دومها هيَ التضحي وتسوي
مروآن
راح تاكلني بلسانهة خل اسكت احسلي
فضيلة
اي عفية هوَ هذا الرجال الزين يكدر للكل ويسكت ميت ازلمة
بس مايكدر لمرتة
مروآن
لا يابوي وين اكدر لهل بوللة هاي
باوعتلة صَفح وابتسمت وهوَ ابتسم
فضيلة
هاي گلادتج ذهب روآن
روآن
اي بيبي هاي علاوي جابهـا ليه بعيد ميلادي الفات
سودة اعلية طببني للمحل وكالي شتردين اخذي
فضيلة
يابعدروحي احسهة احن اخوانج اعليج
روآن
علاوي انة احبة اكثر مما احب ابوي وامي والله هوَ اكثر واحد احبة وعلاقتي ويـا غير
فضيلة
اي اذكر من جنتي عدنة هناكَ كل ساع وخابرني ويوصيني اعليج
روآن
ههههههه اي كتلج هوَ احن واحد اعلية وكلبة يمي دومة
مروآن
استغفرالله هسة خل ناكل
رفعت راسي الة واباوعلة عايف الاكل وصافن اعلية وملامحة كلها ضايجة، ادري بي يغار من علي
روآن
شبيك ترة جاي احجي عن اخوي مو عشيقي
مروآن
روآن بدووووووون تمسلت شهل كلام هذاااا اكضبي لسانج شوية
گال هجي وهوَ يصيح بوجهي بصـوت عالي
ضليت اباوعلة وانهضمت شلـون يصيح بوجهي هجي كدام الحجية
فضيلة
آااااا والجفن حتى وجفن شبيك اعليها يمة شكالت هيَ قابل
مروآن
لا حبوبة لا تحجين لا تدافعين وتخليها تستفلگ الوضع
خل تحترم رجلها الكاعد يمها عاد
شني عشيقي شهسوالف
ضليت اباوعلـة وحررررف مانطقت وخليت وصعدت
سمعت صوت الحجية وهيَ تحاجيني ماهتميت
صعدت لفوگ وانة ميتتتتة من القهَر
شلون يصيح اعلية هجي وكدامها
انة اعلمك يـ مروان
كلت هجي ودموعي نزلن بقهَر شلون صاح اعلية
مايصيرلة جـارة طول عُمرة هوَ هجي معيدي وما تصيرلة جارة
كلت هجي بقهَر ماحس إلا وصوتة صار وراي
مروآن
مني المعيدي وماتصيرلة جـارة؟
درت وجهي الة بغضب وكتلة
روآن
اطلع منـا مالي خلكك مروآن
اجـة صـار وراي وحط راسة بركبتي وهمس بـ
مروآن
احس غيرتي استفلحت عليّ، ماكدر اكعد واسمعج شلون تمدحين بعلي صدك اتخبل واغارر منة
نفضت روحي من الجرباية وكتلة
وتغارررر منة هجي تصيح هوَ انة شسويتتت ها
مروآن
جا من تكليلي عشيقي شني معناهة هاي
روان ترة انة ماتحمل واكرررره هل حجي ماحب اتخبللل منة
روآن
ترة احجي اكثررر من هـذا بعد انة وياك وادوس بنص بطنك ماتسوي هجي بس لان الموضوع يم علي هل مرة هجي سويت
مروآن
ترررررررة ايّ ايّ انة كتلج وارجع اكلج اغارررررر من علي واتخبل لمّن تسولفين عنـة
روآن
ترة هوووو اخوي اخوووي
مروآن
واذا اخوج انتِ هسة متزوجة احترمي مشاعري روآن ترة انة جدددد مارضة بهجي شي، انة رجـال اغار ومارضة ايّ ازلمة يطخ مرتي حتى لو اخوها
روآن
تفكيرك مُتخلف ترة اخووووي اخووووي !!!
مروآن بصوت عالي
انـة قروي ريفي همچي رَجعي معيدي شتردين تعتبريها اعتبريها بَس علي مممنوع هجي عـلاقة ثخينة تصير ويـااا وتحترمين وجودي نفس ما انة محتررررمة هم هجي اكلجياهة مو هجي
وبـدون لا زعل ولاشي تحترمين رغبتي هـايّ
خلة وطلع وخلة النـار تشب بين ضلوعي
شكدددد حَقير وصدك مُتخلف
خاف عبالة اكو شي غير شرعي بينـي وبين علي !!!
ماحسيت اكدر اسكت وخليت وطلعت اريد اروح وافوخ گلبي ويـا
اول مافتحت الباب لگيتة گاعد بالصالة مالتنا وموبايلة ب ايدة
تقدمت صوبـة حس بوجودي عاف موبايلة وعاينلي
مروآن
ايّ روآن كملي جنج ناويتها انتِ اليوم، جسمج يكرصج شلـونننن يومين احنة بدون عركة شلونننن
روآن
انتَ شني قصدك من تكلي تخففين علاقتج ومدري شني
خـاف عبالك اكو شي غير شرعي بيني وبين عـلي ؟؟؟
من گتلة هجي گام من مكانة وعيووووووونة ناطة
مروآن
لج شهل اكلاااااان خرة هذااا شبيج تسودنتي
روآن
اي اتسودنت اريدن افهمممم شني قصدك
مروآن
طبعًا ستوني تاكدت انتِ زعطوطة موبس بالعمر حتى بالعقل ولو عدتي هسالفة يروآن الا السبحة هاي اگطعها اعليج روحي نامي وچفي شري يلة
روآن
لا والله وهسة انة المفروض اخافن منك لا السبحة تكطعها اعلية وارجف واروح؟؟؟
مروآن
لا عمي وين انتِ البوللة تخافيننننننن
بس بهاي السوالف تخافين وانتِ الممنونة سمعتي ؟؟؟
وعلي يروان اطلعلج وجهي التعرفي
هذا الحجي الزفر ماريدن تجيبين طارية مرة ثانية ياغَبية
انة احجي من غيرتي اعليها
وهيَ تحجي بغير تفكير عقلها يشطح لويـن
روآن
منين اكوووو هجي غيررررة هذا مرض وشكككك
ولا تغلط اعلية
مروآن
اتكلي لا تغلط اعلية وهيَ هجي تفكر
انجبي ولج انجبي غيرتي اعليج هاي واكثر بعد
وبعدين انة صح ماحبن علي بس اعرفة ازلمة وطالع من ظهر ازلمة
واعرف شني تربيتكم بس انة حجيت من منظور الحب والغيرة
لان الي يحِب راح يغار
روآن
جــا تغار من اخوووي!!!!
ماحس الا وهوَ جرني من خُصري الة حَيل لزگني اعلى جسمة وهوَ يگلي
مروآن
من اخوج ومن نسـوان وابوج وايّ واحد يدنالج، وازيــد بعَد فلا تلعبين بناري وإلا تنحرگين!!!
راد يبوسني وخرت من عندة بـسرعة وانة اهمس بـ ( معيدي )
مروآن
انة اعلمج بعدين المعيدي شيسوي
رحت للغرفة وضليت افكر
هذا صدِك يغار اعلية هجي ؟
ابتسمت بمكر وكلت انة اعلمة
غندبـت اعليّ مو شلـون ماجان طب حاول يتحرش ماطيتة وجه اريدة يتعلم مـرة ثانيـة ما يصيح علية كدام واحد لان لو صرت فطيرة ورضيت بسرعة راح يعيدها ف احسن شي يصيرلة دَرس
مضة الوكت عـادي العصر جنت يم الحجية وهوَ طالع ضلت تكلي يمة يغار اعليج ومدري شني عود تريد تهَدي بية كتلها حجية مابيناتنة شي عادي بليل صعدنا لغرفتنا ثنينـة
اخذت سَيت نوم چويتي يصير نفس الثوب الگصير الستن چويتي وفوكا روب شفاف وطويل
طلعت من الحمام وهوَ يباوعلي احسة سوة فحص لكامل جِسمي
ابتسمت وكلت اريد اشوف النـار الي كالي تحرگج شلون تحرگني
تعطرت وحَطيت حُمرة حَمرة كالعادة، مادري ليش احب الحُمرة الحَمرة احسها حيل تبرز وجهي
مشطت شعـري وعفتة مفتوح، اجيت للجرباية وسويت روحي مو هامني شي نزعت الروب وسديت الاضوية ونمت اعلى طَرف الجرباية وجَريت الغطى ليه
شوية وحسيت بي وهو يدنى ليـة
ويحاوطني من ورة
روآن
تؤ وخر مروآن اريد انامن
مروآن
غير تنامين بحضني ليش تردين وحدج تنامين
جـان يحجي وهوَ يتلمس بجسمي وراسـة برُكبتي يبوس بيها عَ الخفيف ويدورني الـة
روآن
مـروآن وخر مني كتلك اريد انامن ماريدن شي
مروآن
حبيبتي كافي لا تشدين راسـج يعني هسة انتِ تضوجين من غيرتي اعليج بربج
روآن
ما ضايجة من شَي بس وخر
وخرت منة وهوَ وخر وجـان متنرفز ومعصب حيل
خلة وطلع من الغرفة
خل يتأدب حَتى مـرة ثانية مايعيدها
ضليت گاعدة شوية وسمعت صوت سويت روحي نايمة
اجـة طب للغرفة وانة مسوية روحي نايمة
تقدم يمي وحَسيتـة سحبني بحُضنة حيل
باسني براسي وگال
مروآن
شكد ما بوللة شكد ما احبج
ابتسمت اعلى كلامة وسويت روحي نايـمة
مروآن بهمس
هاي تاليتك يَ مروآن؟ رجـال شكدك طول بعرض عشگتلك طَفلة؟
وخليتها تلعب ب احوالك هجي
بس موبيدي والله سحرتني بعيونهـا
من گال هجي ابتسمت وحسيت كلبي صـار ينبض
حضنتة بنُعاس وسويت روحي نايمة عود حضني اكثر ونمنة ..
كعدت الصبح بـ ٩ غسلت ولبست الروب مالتي ونزلت
وجان انصدم بالصالة وانة اشوف ..... يُتبععععع
_______________
رَحمة
مُصطفى
تحضريني انة تحضريني !!!!
هـاي مرة كلتيلي بـلا اخلاق وقليل ادب ومدري شنو وهاي هسة
إلا اطلعهن من عيونج
واخليج تتندمييـن وانتِ الي تجيني
يايمة حَتى لو اروح احجيلهم ويصدكون بية قابل ينطون ب ابنهم علمودي من گالي هجي خفت وماعرفت شسوي حسيت روحي بحيـرة ومو شلون حيرة
سكتت وكلت ماتوصل ويـا مواصيل جبيرة وبس يسوي حركة احجي لزعيم لو امير وهمة يتصرفون ويا
اليوم الي بعدة اجة غَيث ياخذني وجان الوضع طبيعي
العصر طلعت حَتى اروح وانصدمِت بـ مُصطفى وهو كِدامي اول ماشافني نـزل من السيارة واجـة لعندي بسرعة
باوعتلة بعَصبية وكتلة
رَحمة
انتَ شـررررايد مني شكلك ماجاي تفهم كلامي!!!
مُصطفى
ليش تحضريني ؟؟ مو جنت احاجيج انة
اسمعـي رَحمة هـاي الحركة اذا عدتيها بعَد وياي ما تلومين إلا نفسج سمعتي
رَحمة
لا ما سمعت احترم نفسك وبعد لا تجي كدام بيتنا لا والله اكول للشيخ عليك
ماحس الا وهوَ لزم معصم ايدي بقوة عبايتي ورداني انزاحن شويـة صارت عينـة على ايدي
باوعت الهـا بهاگي بـآن
ارتخت ايدة وهوَ يشوف ايدي وخرت ايدي منة حَيل
مُصطفى
هـاي شني؟
رَحمة
انـة بية بهاگ
باوعلي بصَدمة وماحجـة شي دار وجهة وراح بـسرعة احس صارت اكو غَصة بگلبي بس بنفس الوكت ارتاحيت بلكي يكون جـاز مِني
مشيت وانة احس روحي شايلة همـوم الدنيا كِلها
شفت سيـارة امـير اجـت وكفلي كلي ليش مانتظرتيني
كتلة طلعت بعَد ورحنة للبيت
ماجان اكو واحد عدهم بالبيَت من الولد احس بالي راح كِلة يم مُصطفى وبـ الي صار بيناتنة وحَتى الي بالبيت سئلني شكـو
حسيت روحي بساعتها متناقضة. من جهة ارتاحيت، كلت بيني ومابين نفسي زين خلصت من عنده، وهوَ أصلًا ما يستاهل حتى ألتفت له وارتاح صدري و كإنه انشال ثقل عنة . بس بنفس اللحظة بقى بية جرح صغير وضل يوجعني، إحساس إنُ نقصي فضحني، وإنُ مرضي هوَ الي خلاه يبتعد.
جنت فرحانة بالتحرر، بس حزني ضل ينقر بداخلط مثل مسمار: لو ما بيّ هذا الشي چان ما خلاني
ماجان حُبًا بي ولا حتى اعجاب بس جان شعـور حيل يوجِع
شعور يخليني بين رضا باللي صار، وبين غصّة ما تنبلـع
حضرتلهم العَشة واجـوا الولد اخذوا سَبب ضلت تحرمصلي حتى اجي وياهم بس اني كتلها حـيل مالي خلك
ضليت كاعدة بالمطبخ شويـة وسمعت صوت الشيخ
جبُر
بويـة رحَيمة تعـاااي
عدلت حجابي ورحِت ظنيت اكو نقُص عدهم بشو شنو
رَحمة
ها شيخ كول
جبُر
بويـة تعاي اكعدي ويانة ليش هجي كاعدة وحيدج
صالحة
اليوم من اجتنـا العصرية لسة هيَ بس تهوچِس ومدري شمـالها وحاجيناهة ماترد اعلينا
جبُر
لا يُمة ماعندي شي بس تعبانة شوي
جبُر
بويـة لا تكولين مابية شي احنة مو مخابيل ونضوج وحدنة اكيد عندج شي ب بالج حَسبة اميمتج(امج) شو شبيها محتاجة شي بويـة كولي ترة احنة بحساب اهيلتج(اهلج)
رَحمة
الله يديمك شيخ ماتقصرون واني مامحتاجة شي بس شويـة كتلك تعبانة
غَيث
اذا تعبانة ترة انتِ ما مضطرة تجيـن ارتاحي بالبيت مو إلا تجين
سَبب
والله انة هم كتلهـا شني يعني احنة مانعرف انظف مثلاً وهيَ مبينة تعبـانة
سُراج
وجهج اصفر اعتقد عندج فقـر دم
مريلي بالمُستشفى باجر اخلي جماعتي تسويلج تحاليل خـاف بيج شي
رَحمة
لا مابيـة شي خويـة
جبُر
كوموا بويـة كوموا واحد بيكم يوصلها لبويتها خل ترتاح
رَحمة
لا شيخ ماعندي شي والله
كام غَيث وجـان وجهة حَيل معصب
غَيث
انة طالع حضري نفسج
صالحة
يلة يايمة روحي مبينة تعبانة اليوم وباجـر تعاي
جبُر
واذا حسيتي روحج باجر مالج خِلك هم لا تجين بوية
انحرجت ماكدرت احجي شَي خليت وطلعـت
باوعت لروحي بالمراية صدك وجهي شاحِب وتعبــان
عدلت شـالي زيـن ولبست عباتي ورحِت
لكيتـة واكف ومنتظرني
شكلة حـيل ضايج جـان مادري شنو سبب هل ضوجة رُغم انُ من طب جان شكلة بشوش وجـان جاي من الجامع وعادي
صعَدت واني اتنهد وتعبـانة رفعت راسي باوعتلة يريد يحجي ويسكت
وعصبيتة غالبة وِجهة
رَحمة
احجـي غَيث عندك شي ؟
غَيث
عندي اشيـاء رَحمة موبَس شي واحد
اولهن انتِ عاجبج وضعج هذا ؟
باوعتلة بـ استفهام
رَحمة
شنـو قصدك يا وضع؟
غَيث
هل ايام انتِ تعبانة هوووواي وترة واضح من وجهج هـذا الشي ف ماحس انتِ مجبورة
عَ العيـشة طز بالعيشة انة موجود وانة اتكلفكم من الالف لليآء بس لا تجهديـن روحج لهل دَرجة
رَحمة
شُكرًا الك غَيث بس اني ماعندي شي وقادرة انِّي اشتغل واعيش نفسي وامي ماحتاج لوجود احَد
غَيث
اااااخ رَحمة ااااخ
كال هجـي وهوَ يضرب الستيرن
ما تفاجئت من عَصبيتة وادري بشعـور غَيث شنو وشلـون ودة اكعِد بالبيت وما اشتغل اساسًا
اتجاهلت الوضعية لان الي بيني كافيني
قريب ما ردنـة نوصل كالي
غَيث
تحتاجين اخذج طَبيب رحمة ؟
هزيت راسـي ب لا ونزلت لبيتنـا
راسي مزدحم بالافكـار وروحي احسها طالعة
مالي خلِك نفسي ابـد
نمت بيومها بتعبي وبملابسي حتى مابية حيـل اسبح
اليـوم الثاني مُضة ك باقي الايـام وجان الوضع حيـل هادئ بين الكُل وكالعادة لا غَيث يباوعلي ولا اني اباوعلة ومُصطفى مـا زعجني بعد ابد وحَتى ما شفتة بعَد .
بوكت مـا اجت هاجَر للبيت حَسيت نظرات الكِل توجهت صوبي وجانت نظرات غَريبـة من بعَد ما اخذها مُصطفى اني تلقائيًا ارتاحيت بس ضل احساس النقُص يلاحگني وشكد ما حاولت اقوي من نفسي مـا جنت اكدر
حاولت أريـح مِن نفسيتي شوية وقويت روحي وحَسيت ماكوشي يسوى، ذبيت الاسود يمهُم لان مضى وكت هـواي على موتت ابو شَمس ف جنت لابـسة دشداشـة بيجية نفس الدراعة ورداينهـا بنهايتهن ماروني ومن جوة بيها نفس الكشكش المـاروني وحيـل حلوة
مرت الشيخ جـانت مطيتني كحُل من عدها حيـل حلو اسمة كحُل عرب، حبيت احُط لعيوني كحُل هل مرة عيوني حيل برزن وبشكِل حلو
دگ هـورن عرفتة غَيث طلعت واني لابسة العباية كَ العادة بـ اهمال نزل الجامة وباوعلي وعيونهة اتجهت صوب وجهي ضل صافن بوجهـي بغير عادتة
كل مرة اول ما يشوف وَجهـي يدنگ راسة، دتگت راسي بخجل وصعَدت بسيـارة، هذا اليوم جان غريب وكلشي بي غريب
مارفعت عيوني بساعة إلا واني لاگيتة يباوعلي مو بعـادتة ابد يسوي هيج انصدمت من جرئتة وحسيت عيونة اكلني اكِل
اول مـا وصلت هوَ كالعادة خلـة وطلع برة لازم كتابي ويقـرة بي
اعتقد يقرة باليوم نص صفحـة
لان اني بالـ ١٠ ايام اخلص اكبر كتاب
وهوَ اشهر وماخلصة
بديت اسوي بالريوگ واجـوا تريكوا و غَيث ما وخر عيونة عني
باوعتلي سَبب وباوعتلة وضحگت لان جـانت حاسة بالوضع
شويـة ومرت من يمي وهمستلي
سَبب
اكو واحد راح ياكلِج اكِل بنظراتـة
ولو حقة اذا انتِ اليوم طالعـة كيكة قابلة للاكل
خزرتها وماكدرت احجي لان يمهم جِنت
حاولت اتلافى الوضعيـة وما امر مِن يمـة اساسًا
بس جان اكو شعور بگلبي حيـل حلو وبنفس الوقت جنت موتّرة
اليـوم الي وراه جـان عقِد علي وجان الكِل فرحـان الة
مرت الشـيخ عزمت امـي حَتى نروح وياهُم
اني كلت لامي شياخذج بـس هيَ كالت ماعندي شي اغير جـو
ردت ماروح بوقتهـا لان ماجنت محضرة لا فُستان ولاشي
بص صدمتني شَمس وهيَ جايبتلي فُسـتان وياها
اني وياهة مقاساتنـة واحد نفس الاجسام
فـ جانت جايبتلي فيتان اسـود طويل وردانة طوال وكلوش من جوة واكو نفس التور الابيض يكملة من تحِت ومن جهة الصدر كلة جـان مفتوح شكلة حَيل مستور وحيل حلـو مارضيت بالبداية بس كلتلي والله بيبي اصرت علية
جـنة مسوين كروب اني وسَبب و شَمس وسيوف وروآن اتفقنا على ساعـة نلتم بيهـا كِل احنـة حتى نتحظر سويـة
جـنت احضر بـ اموري واخذ بغراضي خابرتني سيوف كلتلي يمتى تجين كتلها كملت هَسة جـاية
شوية وسمعت هـورن غَيث
هـاي شمدري؟ طبعًا اكيد اكو وحدة مُندسة بالبنات
وعلى الاغلب سَبب لان اكثر وحدة يرتاحلها غَيث سَبب
طلعنـا اني وامي وهوَ يباوعلي اول ماوصلت صعَدت بسرعة الهن لكيتهن كِلهن بالغـرفة
رَحمة
بنـات اعترفن منو الكالت لغَيث
شَمس
حبيبتي غَيث هوَ يجي يسئلنة عليج مو احنة نكُلة
سَبب
والله هوَ گلبة مگطوع عدها وتذبها ب بلانـا
روآن
بنات اشتم ريحة اعراس هـواي جنة خوش راح نتونس ب الايام الجـاية
روآن تحجي هيَ وسبب ويضحكن ويباوعلي
رَحمة
انجبن بنـات شبيجن
روآن
هسة ديلة شبيج احمريتي انتِ شعليج
احسهن يلمحلي على شي كِلهن، معقولة غَيث حاجي شي واضح؟ ما استبعد هسالفة واحس صـار عندي شك انُ هوَ كايل شي
لبست الفُستان بالحـمام وطلعت جـان يخبل علية من فوگ مخَصر ومن جوة كلوش والرداين وكِلشي جاي علية فّت
اني البهاگ عنديـا اكثر شي بالمناطق الداخلية مو الخارجية من جسمي يعني لا جف ايدي ولا ركبتي وصدري اكثر شي ب بطني و ظهري و ادية من فوگ
طلعت من الحمـام والبنات انبهرن عليّ
روآن
يعنـي والله شكد ماكول حلوووو قليل
شَمس
شفتة حلو اني بس ماتوقعتة هلكد يكون عليج حلوو كُلش حلووو شفت روحي بالمـراية صدك جان حلو علية
اتفقنـا انُ مكياج ما مكياج كِلة نحطة هناكَ بس رتبت روحي وطببت شـالي لجوة حتى مايبين صَدري وسَبب حطتلي كُحلة وجرتلياهة ب اصبعها قليل وحطيت مُرطب وشَمس ضلت تلح علية البس كعبها الاحَمر
اللبس صار حيـل حلو ومرتب كلت للبنات رايحـة اشوف امي وارجعلجـن اول ما نزلت من عَ الدرج شـفت غَيث واكف جوة
رفع راسـة علية وضل يباوع بـ انبهار عيونة ما شالهن عني لحظة
للحظة حسيت روحي راح اعثر و اوكع
دنگت راي ونزلت باوعت كلهن كاعدات بصالة منتظراتنة
صالحة
يـا صلاتك يا مُحمد شني هل جمال بسم الله ما شاء الله
هنيـــال الياخذج يمة رحمة
الله يقر عيونج بيها ام علاوي
ان شاء الله عن قريب انشوفها احلى عروسة
تعـاي ابوسج يمة تعـاي
رحت بستهـا باوعتلها باوعت لغَيث وهيَ مبتسمة
كلت لامي اذا محتاجـة شي بس ماجانت محتاجة
ضليت كاعدة شويـة يمهن
شوي ونزل سُراج
يريد يروح وي المشـية، و سجاد وغَيث ياخذونة
سُراج
ما اوصيك غَيث قبل لا تطُب ايّ سيطرة خل علي يسويلك نداء نسوان ويـاك وما شاء الله اقل وحدة بيهن مكحِلة الله يحفظهن ويستر اعليهن
صالحة
ولك يمة شلك بالبنات خليهن من البيت للبيت بسيارة
سُراج
جا يمة هيَ هجي يلة هسة انة شدخلني بـس كتلة بعَد
غَيث
سيـارة اميـر راح انطيها لسجاد ياخذ بيهٌا النسوان وانة اخذ البنات بسيارة علي مُضللة
سُراج
اي عفية اخوي ترة اذا سجاد اخذ البنات الاستهتار يصير مالة والي يركص ويركصهن هذا
سجاد
هااااا سمعت تحجـون علية
سُراج
سلامتك يالنجر بس جاي اكول انتَ تاخذ النسوان و الباقيات البنات وي غَيث
سجاد
جا شني ....
يلة خل اسكت لا اجفص احسلي
سُراج
اي عفية اكرمنـا بسكوتك
وعود .... راح وشاورة مدري شنـو
كاموا يضحكون ثنينهُم
سجاد
ايّ هسة انتَ اعلى عيني وراسي
تاج وباج ابو علاوووووي
سُراج
يلة بس استعجلوا انة طالع
طلع سُراج ونزلن البنات كلهن
اني خفت لا امي تتخربط فَ كلتلهم اريد وياهة
بس امي كلتلي لا ماعندي شي
وهم مرت الشـيخ كلتلي انة ويـاهة
ف مرت الشيخ ركبت بالصدر و ورة امي وامهات الولد السيارة جبيرة توسِع بعَد شخُص سجاد دگ فج إلا سيوف تصعد وياهم
غَيث رزلة وكلة روحوا انتوا هم يلة تكفي وسيارتنة للبنات كافية
سجاد زَعل بس ماكدر يعارض بنهاية سيوف اخت غّيث وغَيث ميرضى
صعدت سيوف بالصدر و اني وروان وشمس وسَبب ورة وصارت السيارة بينـة بس بدحسة شوية
روآن
اوووووي سَبب ددني مردتيني مرد لو ادري جان رجلي جايبني ولا هل دحسة
غَيث
علكيفج مرت مروآن ال دحام لا تاكلينة وتشربينة بالحجي كومي اصعدي بالصدر اذا تردين وسيوف تجي هنانة
روآن
شو دسكت غَيث شيفكني نوبّ منة هذا مخبل
سّبب
هيَ كِلها مخابيل وحق الله
غَيث
شدعووووة ترة انة اخوووج
سيوف
دسكت اسكت انتَ بعد اكثررر لو تريد اذكرك؟؟؟؟؟؟
غَيث
سيوووووف صمي حلگج
ضحگن هنّ واني سكتت بخجل احس اكوشي مضموم واعتقد صـار واضح الي
مضـة الطَريق و وصلنا لهناكَ سوية احنـة وسجاد تونسنا هناكَ حيل ورجعنـا على نفس النظام
اليوم الثاني اجيت للبيـت جنت انطف بالمطبخ بليل وطبوا هوَ وسجاد من الشغُل
سجاد
رحمة بروووووح اهيلتج مـاي فحطان گلبي
غَيث
ناقصك ايد رجل تصخرها ليش؟
كالها ب عصبية وباوع لسجاد
سجاد ضحگ وگال
سجـاد
لا بالله حگك اعلية نعتذر منج مدآم رَحمــة
رَحمة
شنو سالفة سَجـاد اني انطيك
سجـاد
لا بالله ابد
غَيث
ماكوووو داعي ترحيـن هوَ يروح يشرب مـاي
يلة خل اخذج
راح سجاد اخذ دولكة مـاي وطب للصالة
باوعتلة بعَصبية هامسة وكتلة
رَحمـة
انتَ صدِك تحجي !!
ترة الي صار عيب
شغلي هذا اني ليششش هيج سويت !!
باوعلي بعصبيـة وعيونة رادن ينطن من مكانهن
غَيث
انتِ شغلـج مو هذا ومن اليوم وجـاي ما يحتاج تشتغليـن اساسًا
رَحمة
شنو قصدك!
غَيث
رَحمـة بعد شغل عدنة ما تشتغليـن
رَحمة
ليش ؟ ومنو الي كال !
غَيث
انة اكول
بالنهاية انة شخص من هالبيت وانتِ بالذات ماريدج تخدمين هنانة
ضليت اباوع ومتوترة ومـاعرف حَتى شحجي
للحظات وقويت نفسي وكتلـة
رَحمة
لا عبالك عايشة على رحمتك اني
اذا موهنـا بغير مكان اشتغل
ابتسم صفح وهـز راسة ب ايّ
طبيت حتى اجيب عباتي من غرفـة سَبب وكلها جانت كاعدة بالصالة
وكف غَيث بصالة وگال
غَيث
كلت لرحمة بعد ماتجي لهنانة خوما عندكم اعتراض؟
محد حجة
غَيث
جدي ؟
جبُر
ايّ هيَ هم اميمتها مريضة وتضل رايحة جاية خليها ترتاح احسَن الهـا
احس صدموووووني بكلامهم شلون هجي يحجون مو ع اساس انة بتهم!! يعني حتى ماحاجا وكالة لا مايصيـر
اخذت عباتي وباوعتلهم وكتلهم واني العبرة خانكتني
رَحمة
مع السلامة اتمنى ما اكون قصرت وياكم بشي
خليت وطلعت ودموعي كووووة حابستهن ما ينزلن ردت اطلع وحدي صاح غَيث
غَيث
جلاب برررررة ويـن رايحة وحدج
خل ازتج وبعد ماتشوفيني
سمعت صوت جلاب صدك ما اكدر اطلع وحدي ضليت واكفة ودايرة وِجهي عما طلع السيـارة ركبت ورة ودرت وجهـي للجام ودمعتي نزلت
مسحت دمعتي وكوة سيطرت على نفسي قبل لا انزل غَيث گال
غَيث
ابريني الذمة بس هذا انسب قرار الي و الج
رَحمة
ما مبري الذِمة والله
كلت هيج وخليت ونزلت سمعتة ضحگ
شكددد خَبيث !!
ضليت كاعدة بمكاني وابجي احس راسي صُفة كعدت اليوم الثاني ع صوت امي تكلي تاخرتي كتلها ماروح تعبانة وكايلتلهُم ماجيكم كعدت تكلي عيب وشلون وخل انة اروح مكانج كتلها ماعدي شي يمـة
سويت غدة وكعدنـا ناكل واني افكر ويـن اشتغل وشلـون
طبيت سبحت ولبست تراك بيت وسويت گهوتي وكتابي وكعدت بالاستقبال
شويـة واندگت الباب، استغربت منـو جاي بهل وقت
رَحمة
منـوووو
جبُر
انة بوية ...
يُتبعععععع
________________
ايلول
جاوبتـة بهمس وخوف
ايلول
علي تـرة اني خايفة
ضحگ بدون صوت وقرب وجهة حَيل يم وجهي
علي
ميخـالف جا بس انة تلوعت؟
تحملي نتيجة كِلشي سويتي بي
ماحِس إلا وهوَ ماخذ شفايفي بين شفايفة بعُنف والتهـام جمدت بمكاني وعصفت بية مشاعِر غريبة احس روحي رحت بغير عـالم وما اسمع غير خفقان كلبي وصوت انفاسة السَريعة، وعيت على نفسي من حَسيت بـ إلم وحرق صار بشفايفي
وعيت على نفسي وصرت احاول اوخـرة مني وهوَ فاقد، وخر من شفايفي ونزل على رگبتي ضربتة بين رجلي بـ رجلي ولا تزحزح ولا تحرك من مكانة حَتى
اجاني صوتة الضاحك وهوَ يكلي
علي
دغدغة هـاي حبيبتي دغدغة
ايلول
علي وخرررر شبيك تخبلتتتت
علي
من كِل عقلج اعوفج اليـوم؟
خبلني بـ حركاتة وبـ جرئتة ويـاي احسة سودنني ساعة اذوب بـ ايدة وساعة ادفعة وساعـة اقاومة وهوَ ولا كإنهُ
وخرت منة واني اشوفة نِسى روحـة وبعد مايسيطر على نفسة
كمت بسـرعة من عَ الجرباية لزم ايدي عَطت بوجهة
ايلول
لكككككك علييييي عوفني شبيك
باوع اليـة واحس وعى على نفـسة رحت بسرعة للمراية اباوع لنفسي مخربططططة تخربُط
اكو دم على شفتي والحمرة واصلة لخدي ورگبتي صايـررررة مو حمرة لا زرگة وبصورة بشعـة وفستاني منزل لنص صدري !
درت وجهي وانة اباوعلة كايم يعدل برباطة ويباوعلي صَفح وضحكة شريرة بحلكة
ايلول بحِدة
هاي شمسوي بـية ؟
علي
حبيبتي شمسوي بيج قابل نايم ويـاج انة؟؟
من گال هجي گالها بصلاااااافة وقوة عيـن
باوعتلة وشهگت
عـززززززة العززززااااااني هذا علي ؟؟؟؟
ايلول
علي
علي راح اتخبللللل علي منيلك هل اسلوب
ماحس إلا جرني من خُصري حيل الة
علي
هـاااي طلعت بيج كل الشوگ والغضب والغيـرة الجانن بداخلي
كِل ؟
لا والله بعَد مضمومات بس موهسة رفقًا بيج
ضربت صدرة بغضب واني صاكة عَ اسناني واتوعد الة
ايلول
اني اعلمك علي اني اعلمك وخرررر
علي
حبيبتي شتعلميني ترة والله ماسويت شي
ايلول
شالك الله علي شالك الله
كُل هذااااا وما مسويلي شي ؟؟؟؟ دوخرررر وخرررر عني وخر
باااااع بااااع شلـونننن اوخر هَسة هذني شلونننن
علي
هذني علامات ملكية شبيج بوية هههههههههههههه
يضحك ويستهزاء خابـرة امير يكُلة ويـنك نمت واني اعدل روحي بالمراية
علي
راح انزل انـة يصيحوني النة لقاء ثاني
ايلول
عزززة والله ولا تنزللل الا انزل وياك شيكولون هسة شيكولون
علي
ولج يلة بسرعة جدي يريد ينزل حتى يسلم عليج هممم
ايلول
شلـووووون اخفي ذني شلوننننن خل اخابررر فَرس ومرت سُهيل اصبر
علي
هي هي والعباس استحييييي ما اضل هنانة
انة انزل وانتِ تفاهمي وياهن شني هيَ
ايلول
ها تستحي بس ماتستحي من سويت بية هجي
وانة اكول لفَرس علي طفل وبريء
علي
ههههههههههههههه حبيبتي جا تردين اطلعلج وجهي هذا من زمان شني انة مخبل واخليج تفلتين مني، امنت وضعي وظهرت شخصيتي وهم حلال وحرام تدرين انة رجال اخافن الله صايم مصلي
ايلول
اششش علي اششش
علي
ولج لا تكليلي اششش لا اكلج هَسة
ماحس إلا وعيونة صارت على زندي لان جان الفستان نازل من ذيج الجهة واجة بسرررعة عضني حيل
طفرت وصحتت بصوت عـالي حط ايدة على حلكي بسراعة
علي
ولج اشششش خزيتينا
هوَ حاط ايدة على حلكي واني اريد اعضة اريد الوح ايدة
علي
تقاوميني ولـج هسة اجعصج بيدي انة
لوة ايدي علكيف وحطني كدامة وهوَ وراي وايدة على حلگي ويباوعلي بالمرايـة
علي
يلة فنّج تهدين اديج
ضربت رجلي بالـ كاع بعصبية وعيوني جانن يخزرن بي
باوعلي للمرايـة وضحگتة شاگة حلگة شگ
علي
لكككككك اخرررررب واذووووووب واتمرررررغل على البيدي انة
كال هجي وماحس إلا وعضني من شحمة أذني علكيف
طفرت منـة واني اباوعلة ومصدومة
علي
لا يلة كافي خل اطلع لان اذا اضل دقيقتين هنا يصير غير شي
ايلول
يُمة تعنفتتتت! عنفتني علي عنفتني
علي
والعباس انة واحد بدوي عُربي مشوه وانتِ كيكة ومحطوطة كدامي شتردين اسويلج اسكتي لا امطگج مطگة هسة اشلع خدج شلعععع
گـال هيج وهوَ يتدنى ويعض خدي علكيفة ويجعص الثاني بـ ايدة
ايلول
يُمة حتخبل والنبي لكككك علييييي وخرررر
علي
طالعععع طالععع
بَس باجُر انة جايج وخوش انتقم منج
بعد كل ساع درب الموصل اخذة واردة
وانعل ابوووو ابوووووج
وانتقم من كل يوم انحرمت منج
منـا لمن نتزوج
اصلاً شني شهر ثنين اخذج وبذيج الساعة عود شوفي العُنف اعلى اصولة
كال هجي وضحگ وغمزلي، عَ الميز جانت قراصة
هفيتها عليّ اجت براسة
علي
اخخخخخخخخخ اسعـاااااااااف ياررررربي انكتلنـة
عسل حبيبتي عسلل
يلة اخفي اثار رگبتج وصدرج وانزلي
انة استودعتج الله
طول ماهوَ يحجي اني مصدومة منة ومن جرئتـة
ايلول
اني اعلمك علي اني اعلمك
دزلي بوسة هوائية وخلة ونزل
خابرت فَرس كتلها تصعدلي بسـرعة
جنت دايرة وجهي اعدل بالفُستان اجت فرس وصارت تحجي
فَرس
ولـج صارلكم بال ٤٠ دقيقة فوك صدُك تحجينن
بسررررعة يردون يطبون يسلمون عليج
انداريت الها باوعتلي وشهگت وضحگت
فَرس
عزززززززة هاااااي شصايررررر
ايلول
اششششش اششششش فَرس اسُكتي بسرررعة كوليلي شلون اخفي ذني
فَرس
يايمة علي ماخيب ظني يمة والقران راح اغص ضحگ
وگفت كدامي وانهاارت ضحگ علية
ايلول
فَرس حبابة بس كوليلي شلون اغطي ذني وبعدين اضحكي حبابة
فَرس
تعالي هسة يتغطى كُلة ب فاونديشن بس شنو هذني زُرگ زُرگ ولج
ضلت تخفيلي بيهن واني احجيلها ع الصـار وهيَ ميتة ضحگ
فَرس
عزة ولج هذاا عنيف صح امير ميكعُد راحـة بس شنو امير هادئ كُلشي بهدوء مـرات ينسى نفسة بس شنو علكيفة حتى ميأذيني
ايلول
واني عضني عضني فَرس عضني من زندي ومن خدي ومن اذاني
باوعتلها واني اريد ابجي من القهَر وهيَ ضحگت حيل
ايلول
فَرس والله راح ارزلج كاااافي ضحك كافي ع حظي المصخم
فَرس
حبيبتي شبي حظج مصخم رجال طول بعرض حتى وزير الدفاع جاببلجيا شتردين بعَد اكو اهضم من علي والله يخبل انجبي
بلگوة حاولت تخفيلي الجَريمة عدلت مكياجي وكالت انتِ سوي روحج لابسة حجـاب وفعليًا سويت هيج
نزلت يمهُم وكُلها تباوعلي متت من الخَجل ساعتها
صالحة
ها اكلج علاوي
ضحگت وكتلها
ايلول
هـا لا حجينة
ضحگن كلهن واني احس ياگاع انشگي وبلعيني
بابا اخـر الكُل بدون استثناء ورُفض اي واحد جاي للمشية يرجع بدون عَشى و وصانـا كل احنة نصعد لفوگ وفتح الغرف الجـوة والصـالة و الاستقبـال والطارمـة
احنة استقبـالنا حيل جبير و صالتنا هم جبيرة حيل وطارمة كعدوا بيهـا الباقين فَ انملت
احنة صعدنـة فوگ گعدنة بالصالـة اكلنـا وكملنا وبدت المشية تفُض كالتلي مرت الشيخ حتى تسلميـن عليّ ف عدلت نَفسي وحطيت شـال على راسي
ماجان اكو واحد جـوة غيرة هوَ وابو علي وعمامة ثنين و علي و بابا واخواني
نزلت وكـلت السلام عليكُم
كُلهم ردوا السـلام
جبُر
تعـاي بوية تعـاي
تقدمت الـة باسني من راسي وگال
جبُر
الف مبروك بويـة ان شاء الله يوم الـ وِلد الصالـح
ايلول
الله يبارك بيـك
باوكولي البقية وابو علي انسان حيل حباب سحبني وهم باسني مِن راسي وباركلي
جبُر
انتوا ما قصرتوا وربيتوها أحسن تربية، وهسه صارت عدنه، واحنا نحافظ عليها مثل ما تحافظون وأكثر، ولا تشيلون هم، راح تبقى مدللة ومكرمة بيناتنه ومن ايدك ل ادينة احنة عدنة المرة تدلل وعلاوي بعـد نفس ما احنة اهلة نعرفة انتوا هم بالايام الجـاية ان شاء الله راح تعرفونة
ابو ايلول
اني لو ما اعرف علي شنو جان ماجازفت وانطيتة اغلى شي علية واني كتلة اذا هل حُب نقص بتي ترجعلي وهوَ زادلي عليها بشنو؟
علي
ترجع و وياهة حِشم والي تردونة
الكل ضحگ ورجعوا باركولي
علي
يلة ايلول صيحي البنـات
هزيتلة راسي ب ايّ ورحت صحتلهن ودعناهم وخلـوا وراحوا
وفَرس راحت كلتلي اميـر طنگر علية مَدري شعدهُم
احس روحي مختنكة من الي لابستة وكُل شي واهلي كُلهم كعدوا سوا
ايلول
ممنوع تحجون ايّ شي الا اني اجيييي
ضحكوا كلهُم رحت بسرعة اخذت تراك وطبيت للحمام اسبح وافكـر ب الي صـار ماكوشي موحلو ابد كُل شي جـان حلو صح جانت هادئة ولا فتحنـة اغاني ولا شي واني طلبت هالشي احترامًا لشَمس وكلنة بالحنة نسوي كُل شي
باوعت الاثار زادت ما نقصت شكول عليك ياعلي طلعت من الحمام واريد ابدل تراكي لان ماينفع
صورت الاثـار من فوگ صدري ودزيتلهيا
ايلول
وتلومني من اكلك مهتلف ؟ وموبس هيج ومشوه هم
دزيتلهيا بمكر اريد احرگ گلبة
لبست تراك مقفول ومشطت ونزلت بـسرعة
ايلول
ها خوما حجيتوا
صَفـاء
لا تعـالي منتظريج
مرت صَفاء
بِصراحة علي كتيرررررر كارزما والاشياء الي عملهون يبيضوا الوش انتِ كتير محظوظة فيه ايلول
مرت سُهيل
عَنجد حتى اهلو كتير اكابِر ومحترمين
ايلول
وانتَ بابا شرايك
ابو ايلول
بصراحـة كبر بعيوني هـواي اني حسبالي يجيب نفس مشية فَرس وهاهيّ مشية فرس هم ماعايزة ما شاء الله الدنيا انكلبت بس ما عبالي هيج لهل درجة يجيب ناس وانصدمت بوجود الوزير ........
صَفاء
ايّ كعد يمدح بي يكول اني اهتم بكل جنودي الاقويـاء وعلي واحد منهم
ابو ايلول
ايّ بسالفة ايلول كرموا همة وسمعت انُ راح يرقي لملحة لهيج شي كالة اخر عمليات صايـرة مدري شنو
ايلول
ايّ كال علي اكثر من مرة يجي كتاب شكر وتقدير منة
مو همة يرفعون الي ديصير الة وتقرير وكذا وهوَ حتى يدز عليهم مـرات
كلهُم كعدوا يمدحون بالوضعية حتى بابا الجاف احسة صـار لين حيللل واخواني ونسوانهُم كذالك جانوا مبهورين بي
احلى شي سوى بابا انُ خللاهم موجودين وعشى كل الناس الي اجتِ كال ع اساس الشيخ جبُر رايد ياخذهم كلهم لاكثر من مطعم ويعشيهم فَ كال بابا حيل تشكروا
والشيخ عازمهُم بس بابا كايلة ع غيـر مرة لان طيارتهُم باجر حجيت وي بابا وكتلة شنو السالفة وانتم حضلون هيـج كلولي لا نرجع بس هسة علما تهدئ الاوضاع شويـة
حرمصولي حتى اروح ويـاهُم وكلولي بس يبدي الدوام نرجعج ماقبلت وماما هم كالت عوفوهـا تستمع بفترة خطوبتها ضحكت وكالت هسة علي كل يوم تلكونة هنـانة
علي ماجان عندة انترنت خابرني يمـة هوسة حجة بهمس
ها شنو الاخبار كتلة افتح نت
شويـة وشفتة اتصل باوع الصورة وضل صافن
علي
خرب اهلج ايلول حاط الموبايل صفح واباوع جني مراهق نوب خيلتيني ازيددددددددد
ايلول
احترم نفسك لتكول خرب اهلج
واني اعلمكككككك
علي
اكلج ايلول انجبي حصار وانفتح علية
الجبسة وانفتحت، تردين تموتيني ليش
وبعدين انة شسويتلج
ترة جسمج حساس بس اكلة هجي يتحومر
ايلول
ايّ لاااا صحيح كُلش صحيح ديلة بعدين نحجي هسة اني حطلع
علي
وين يا طير
ايلول
شعليك
علي
ولج لا انة خطيبج بعد ماطلعين منا لهنا بدون ماتكليلي
ايلول
والله حلوة هـاي لو تموت ماسويها علي او تموت مو انتَ التقيدني
علي
حبيبتي هوَ انتِ الالج والعليج ٢٤ ساعة كاتتهن يمي هيَ مال هدروب وين دكليلي
ايلول
رايحة نتونس طالعيـن كُل احنة تدري باجُر سفرهم
علي
اوف وتعـاي ضلي عد بيت خالتج ومدري شني ولو الولد حبابين امانة الله بس ادري بروحج ما تنتبهين لنفسج وهنا انة انجن واغارن واجي اهجم الموصل كلها
ايلول
اويلي الا الموصل هيَ منا مهجومة وتهجمها
لتخـاف راح البس زين
علي
عفية حبيبتي وقبل لا طلعين صوريلي والله ارجعلج اذا منـا منا
ايلول
اهووووو ترة نسوان اخواني حتى حجاب ما لابسات لا تسويني مُعقدة
علي
ايلول والله اذا منـا منا والله ازعل وبعدين انتِ حلوة بدون لبس منا منا فدوة لوجهج اروحن انة علكيفج وياي بدون مغثة وراي طريق وانة جاي اسوق اسوي حادث واكتل اهلي كلهم بسبتج
ايلول
يـااا عمي لا تتخبل
علي
لالا خل ادعممهم
ايلول
اهو لتساخف هاهيّ تدلل
علي
اغديلج فدوة يلة كملي وراويني
كمت بدلت لبست ثوب طويل حلو وهم اني هل ايام شوية ضعفانة ف بين عريض علية ولبست حجاب الاميـرة وحطيت مُرطب لشفايفي دزيتلة صورة قبل لا اطلع
علي
تشعشعين والله ودي ماطلعج بـس ماريد احكمج هجي هم خطية انتِ ف ميخالف سامحتج
ايلول
لا والله واني ضالة عليك دروح عمـو روح
علي
انة اعلمج ايلول انة اعلمج
طلعنا سويـة بسيارتي جنت اني اسوق وبابا بالصَدر و ماما و البنات ورة
وصَفاء وسُهيل يجون وي محمَد و عزوز لان اتفقنا كُل احنة نطلع
رحنـة لـ مطعم كُل احنـة وتونسنا حيل وي بعُض ضلينـا لحد الـ ١٢ يلة رجعنـا وخطية هُمة بعدهم بالطريق
نمت اني من التعَب ماكدرت انتظـرة لثاني اني انشغلت وي اهلي بين ما لميت ملابسي وكذا ورتبتهن بـ غرفة ب بيت خالتي وبين ما ودعت اهلي بحيث لليل اني ما فاتحة الموبايل
حدما استقريت بليل لكيتة مخابر كومة ومراسلني هـواي ومنهن
تعااااااي بسرعة
قلقت كلت شعندة، خابرتة مارد
طَبيت للانستكرام وجـان انصدم بـ امير وهوَ ناشِر صورة لـ علي باللبس العسكري وصورة لكتاب رسمي وكاتب فوگ
اميـر
مبروك لأخي وصديقي وابن عمي الغالي ترقيتهُ مِن مُلازِم أول إلى نقيب، استحقها بجدارة بعد مواقفهُ البطولية وتكريمه المشرف. فخورين بيك، ونتمنى لك المزيد من التقدم والرفعة
رَسميًا النقيب علي حَسن آل جبُر آل حمدآن ..
احس عيوني دمعت وكلبي كام يخفق حيل
فتحت الصـورة حتى اشوف الكتاب
وزارة الدفاع / رئاسة أركان الجيش العراقي
استنادًا إلى المواقف البطولية التي أظهرها الضابط ( علي حَسن جبُر حمدآن ) في ساحات الواجب، وما قدّمه من شجاعة عالية وتفانٍ في أداء مهامه، وبعد أن أُشيد بجهوده وتضحياته من قِبل آمريه المباشرين، تقرر ما يأتي:
ترقية الضابط من رتبة (ملازم أول) إلى رتبة (نقيب) استحقاقًا، وذلك تثمينًا لمواقفه البطولية وانضباطه العالي في تنفيذ الواجبات الموكلة إليه.
صدر هذا الأمر واعتُمد للعمل به اعتبارًا من تاريخه.
مع التقدير ...
التوقيع
القائد العام للقوات المسلحة ..
كمت اكمِز بفرحـة واحس الگاع كُلها ما لامتني خابرتة مـرة ثانية رد علية
علي
الله يسلمك عمي الله يبارك بيكم كلكم
مبيـن يمة هوسة ويمة نـاس سمعت صوتة وهوَ طالع
علي
هـا ايلولة
ايلول
علييييييييييييي مبرووووووك شنووووو هاي
علي
هههههههههههه عرفتي ردت اكلج انة عود
هاي على سالفتـج استنادًا عليّ طلقووا هذا القرار
ايلول
عزة علي والله فرحتتتت هـوووواي يعني بعد حتصير ٣ نجمات؟
علي
ايّ بالضبط جنت ثنين راح يطوني وحدة
تدرين شني ايلولة
ترقيت من ملازم أول لنقيب وهسة ياهوَ اليشوف يحس ترقية عسكرية عادية بس صدگيني، هاي مو ترقية عسكرية، ولا وسام فخر مثل ما يكولون هاي وسام حب.ومو انة النقذتج انتِ النقذتيني من كل خربطة حياتي هاي وانتِ الخليتيني انسان مايعيش بس للاخرين ويحاول يعيش لنفسة هم، يعني انتِ صرتي سبب شجاعتي، والرتبة الجديدة مو مالتهم ولا مالتي هاي مالتچ إنتِ ..
هوَ يحجي واني عيوني دمعن اوف منك ياعلي اوففففف لازم تبجيني
حسيت روحي ماتحمل وبجيت
علي
هاي شني ولج المفروض تفرحيلي موووو تبجيـنن
شبيج يابعد روحي لا تبجين
ايلول
علي احبك هـووووواي والله
هوووواي احبك
علي
يابعَد روح علي والله الحمدلله والشكُر
ايلول
زين علي هوَ قبل وقتك مو يعني شلون؟
علي
أكو شي بالجيش ينحسب مو بس كَ أقدمية وإنما مواقف بطولية أو شجاعة استثنائية، يسموه عدنة عادةً ترقية استحقاقية أو ترقية استثنائية. يعني إذا الضابط مثلاً سوّى موقف بطولي بعملية عسكرية، أنقذ جنود، أو أبدى شجاعة لافتة، يصير كتاب توصية من آمر الوحدة ويروح للقيادة العامة. فَ آمِر الوحدة مالتي من بعد كتاب الشكر مشة بسالفتي حَيل هوَ هم خوش رجال جزى الله الف خَير ورفعها للوزارة للقيادة العامة واليوم اجت التقرية
انة كالي امس سيادة الـ ..... بس ماعبالي صدك تصير
عَ العموم ايلولـة انة فرحتي بيج تظاهي ابو الترقية يا ترقية يا دنيا وانتِ صرتي بين ادية، ان شاء الله باجر جدي مسوي عزيمة للعشـا لية ف انة راح اخابر الولد واعزمهم ان جان اجوا اهلاً وسهلاً ان جان ماجوا ف انة اجي لو امير نجيبجن انتِ وفَرس لان امير گال انة هم اجيب فرس
ايلول
تحب اني احاجيهُم؟
علي
لا حبيبتي فشلة انة راح اخابر محمَد هسة واشوفهُم
ايلول
يلة انتظرك
خابرهُم الولد باركولة بس تعذروا من عندة لانُ عندهُم دوامات ومايكدرون ياخذون اجازة بنفس اليوم كلي باجُر بالـ ١٠ احنة يمجن
جانت الساعة بـ ١٠ سديتة منة وخابرت فَرس الاخبار يمها قبلي وفوكاهة صدمتني وهيَ تكول
احتمـال باجُر يسون عقِد واحد بيهُم كتلها منو كالت امير جان مستعجل وماكالي شـي
فَرس
ايلول اني اريد اروح لصـالون اسوي خُصل الوان ترحين وياي ؟
هسة كلت لحُسام وكال اوصلج ميخالف وتفقت وي البنية
ايلول
اروح وياج شسوي ؟
فَرس
هيج بس روحي ويـاي نمُر عليج
كتلها تمام بدلت و علي ملتهي تركتلة رسالة راح اروح للصالون وي فَرس ورحت
رحنـة اني وفرس للصالـون اول ماطبيت بدت تقنعني ام الصالون اصبغ شعـري ترددت حيل وكتلها اخاف لا ينحرگ شعـري
فَرس شجعتني كلتلي سوي شي خاف صدُك باجـر يمهم شي
ام الصالون
شوفي انتِ بيضة حيل ليش ظالمة روحج بالاسود جربي تصبغين بُنيات ذهبي للكراميل نسمي احنة الكراميل لايت يطلع يجنن عليج
راوتني صورة حيـل عجبني اللون
باوعتلها وكتلها بشك
ومتاكدة تجيبينة هيج؟
ام الصالون
والله شغلي يجننن
فَرس
لا ايلول اني متابعتها صدُك شغلها حلو
ايلول
شوفي اني الفلوس متهمني اذا سويتلي شي حلو تدلليـن بس اذا خرب شعري اني وياج رجلي يشلفنـا
ضحگت هيَ وگالت والله اسوي حلو لتخافين
بدت تصبغة الي وفَرس تسوي خُصلها وصينة ع ملابس تجينة باجُر الصُبح وقررت اروح ابات يمها فردور
علي مارد جان مشغول حيـل مدري وين
ساعة ونُص تقريبًا وكملتـة باوعتلة وانصدمت
واو بمعنى الكِلمة جان اللون خيالي علية بحيث كل الي بصالون
ضلوا يدمحون بي
حَسيت روحي صدك جنت ظالمة روحي بالاسود وكلت بعـد كُلة اسوي شعري هيج
كُلش فرحت بي وعرفت علي هم راح يفرح عليّ بس كلت اخليها الة مُفاجئة لباجُر
امـا فَرس فَ سوت خُصل شُقر على شعرها الأسود الطويل والثخين، والنتيجة جانت تحفة فنيّة تمشي على الأرض. اللون لعب دور كبير ويا بشرتها الحنطية، لاگ إلها بطريقه غريبة، بحيث بُرز ملامحها ويطيها إشراقة موووو طبيعية.
الخُصل الذهبيّة تلمع ويا كل حركة من شعرها، وكأنها مرسومة بريشة فنان يعرف شلون يخلط الألوان حتى يطلع لوحة مُتكامِلة. جمالها صار أوضح، وعيونها صارت تبين أعمق، يعني باختصاراللون مو بس لاگ إلها، وبرز ملامحهـا بطريقة موطبيعية هماتيـن ..
فرحنـة ثنينة بـ شعرنا الجديد وابد ما تندمنـا لان سوينـاه بهل اثنـاء علي راسلني كلي شنو شكو بنص الليل كتلة بعدين افهمك وراح اروح وي فَرس ابات
ماقبل ابدددددد ولعب جولـة كلي ضلي يم بيت خالتج احسَن وامير باجر يجيكُم نرفزني ليش مارضى رُغم هوَ يعرُف حُسام كُلش زيـن وحُسام صح صعب وي فَرس مرات بس ماعندة هيج سوالف بالعكس حباب
اخذتها حجة حتى ازعل منة هم اشرد حتى ميكُلي ليش رحتي للصالون وهم حتى ادلع عليّ واراوي شعري باجُر مو اليـوم ..
صار اليوم الثاني واجت طلباتنا قبل مايجي استاذ امير الحمدلله
علي ماكدر يجي لان جانت عندة تحضيرات كومـة
جنت مرتبكة حيل بس فَرس كلتلي ماكو داعي وكعدوا يحجولي هيَ وامير على اجوائهُم
الطريق جـان اجواء حيل حلوة وامير وفَرس شلون ثنين الطلعة ما تنمل وياهُم اما علي فَ جنت ماحاجي ابد
وصلنـة الهُم العصرية تقريبًا قريب الـ اذان ثنينة اني و فَرس جنة لابسـين جبب عراض ومستورة
اول ماطبينـة لبيتهم لكينـة اكو اصوات جوة امير صَف السيـارة حيل يم الباب وكـال اول ما تنزلون بسارة لجوة لان اكو ناس حتى برة بالطارمـة
بهاي الاثناء شفت علي تقدم تِجاه السيـارة، نزلنا بسرعة اجانا صوت علي وهوَ يكول بجدية
استعجلن بوية
اجة امير صار يمة تقريبًا غطونـا طبينة للمطبخ عَ سـريع
لكيناهن كُلهن هناكَ سلمنة ع الكُل وبيبية علي حيل فرحت بجيتنـا
اجت شَمس همستلها فَرس
فَرس
منـو الي اليوم حيعقُد
باوعت شَمس وكالت ........ يُتبعععع
________________
شَمس
رجعت لـورة واني اشوفة جاي وبيدة جنطتة
هوَ صُفن واني صُفنت
وخرت بسـرعة وردت امُر من يمـة بسرعة
ماحس إلا لزم ايدي
صرت كدامة مُباشرتًا تفاجئات بـابتسامة اتلاشت سُرعان ما صرت مقابيلة واختفت وحلت محلها نظرات ما شايفتهـا من سُراج بحياتي
نظرة بيها اعجاب وصدة ونظرة مُتفاجئة
حسيت تنفُسة صـار سريع وكام يبلعم وهوَ يباوعلي باعجاب
حسيت على نفسي انِّ واكفة بمنظري هذا وبـدون حجاب كدامة
شردت بـسرعة وايدة جـانت راخية فَ كدرت اوخر ايدي بـسرعة
دخلت للحمـام مال الفوگ وسديت الباب باوعت لنفسي خدودي صـايرة حُمر من الخجل
يـاربي شكد فَشلة هسة شيكول شتسوي هـاي بغُرفتي
احس جسمي كُلة صـار حـار مِن الخّجل
اول ماطلعت من الحمـام شفتة كدامي
سُراج
لفي نفسج زيـن من تطلعيـن مو ترحين هجي تردين
ماهتميت جنت بس اريد اطُب للغرفة بسرعة
جهزت روحي وي البنـات بس اني ما متخطية الفشلة ابـد
ماكدر البس جُبة فوگ ملابسي ف لبست عباية وحجاب نزلنـا لكيت سُراج طالع لان الولد مخابري حتى يلحك بيهُم ويوصل وياهُم بسـرعة وهم اكو شكم واحد كون ياخذهم وياه
جنة بالطَريق غيث انطانـا نت
نشرت ستوري عَ الطريق نص ساعـة واندزتلي رسـالة
فتحت الموبايل هوَ مراسلني
راد ع الستوري وكاتِب
سُراج
لفي نفسج زين بالعباية انتِ والبنات مناكَ ولِد
انطيتـة اعجاب
طبيت ع حـسابة والكعادة احب اطب للي متابعهُم واجيك انُ اني البنية الوحيـدة الي ظايفهة
يمكُن ما يعنيلي شـي بس مادري ليش جنت احب اجيك هالشي
اول ماطبيت عَ المُتابعة انصدمت بـ انُ هوَ متابع بنيـة اسمها صَفـاء وحاطة بالنبذة مالتها انُ هيَ تخدير
باوعت لحسابها عام لابسة حجاب ونص شـعرها طالع وشكلها مبين لطيف وحبابة
كمت اكلب بالستـوريات المثبتة واكو هايلايت كاتبة عليّ
بُعثة بلجيكيا
طبيت للسـتوريات تنشر بالمُستشفى وتنشر صورها
ومثبتة كومة ستوريات
وصلت لستوري لصورة الها هيَ وسُراج وثنينهم لابسين لابكوتات(صداري) وماخذين صورة وكاتبة
معَ الزميـل الخلوق سُراج
وحاطة قلب احمَر
ضليت اباوع للستوري ومصدومة، مبتسم ابتسامة عميقة و واكف وكاتف اديّ وكإنهُ بقِمة سعـادتة
كمت اعض بشفايفي من القهَر وحسـيت اكو نـارررر جواي استعرت وصوت جواي يكول
- عليّ حلال وعلية حـرام
صار بغُض بكلبي تِجاهة بشكِل موطبيعيي كلبت الستوريات اكثر الصور جان وياهة واذا ماجان وياهة جانت تصـورة من بعيد وتسويلة تاگ
ماكملت الستوريات ع كد ما قرفت من عندة وتلقائيًا كمت وحذفتة من مُتابعيني
ياربي ع الحقـارة ياربي
صاير براسي امام جامع يلقي خُطب
يعاقبني ويسحب موبايلي من عنـدي وبكل بساطة هوَ يلعب شاطي بـاطي ع كولة بيبي !
كرهتـة هووواي وحسيتة شكد مُتصنع جـان
شويـة و دزلي رسـالة اخذتلي نُص ساعة وفتحتها
سُراج
؟
مارديت عليّ ابد ورجعت مسحت المُحادثة
شويـة ورجع دز
سُراج
شهل تصرُفات مـال الاطفـال شبيج !!
شَمس
تـرة ماريد احاجيك لو هم تغصبني ع هـاي ؟؟؟
فجأة طلعتلي صورتـة ابيض باوعت حاظرني
احس متتت من القهَر هذاااااا شكد خبيث وشـايف نفسة !!
اني اعلمك يـا سُراج اني اني وانتَ انتَ
مو اني الي يتصرفون ويـاهة هل تصرُف
طول الـ يوم واني احس روحي منغصة من ورى رُغم جنت فرحانة وي البنـات، رجعنـا للبيت ع نفس السستم واخذت الطـريق من بدايتة لنهايتة اني نايـمة كد ماجنت تعبانة
سياراتنـة جانن وحدة تمشي ورة الثانيـة
علي بالبداية بسيـارة زَعيم و ويا جَدي وعمامي
صاير كدامنـا حتى نطب كل احنـة بدون ازعاجات السيطرات
و احنة غيث ماخذنـة بسيارة علي لان مُظللة يخافون عَ ستات الحسِن الله يسلمهُم ورة عَلي
وسجـاد ماخذ بيبي ونسوان عمي بسيـارة امير ورانا
وسُراج وزَعيـم و امير بسيارة سُراج ورة سجـاد
وصلت ع صوت روآن وهيَ تكعدني وتكولي وصلنـا همزين اني ماخذة دشداشة ويـاي وقبل لا اجي لبستها جوة العباية
نزلت واني ميتة من التعب الطَريق طويل وتكسرنـا تكسر
باوعت لعلي وجدو وعمامي واكفين يحجون بالطارمة
حجابي لافتة ب اهمال ونُص شعري طالع وعباتي ع كتافي
سجاد طب ورانا وسُراج طب ورا هاي تعليمات جدو الكُل ورا بعض يمشي والا سُراج يسوي الطريق ٥ ساعات
جبُر
هلا بشميسة هلا اليوم كلة ماشايفج
رحت الة وابتسامتي مالية وجهي ملي حضنتة وباسني من راسي
باوعت لعلي وكتلة
شَمس
والله لو ما احبكم انتَ و ايلول جان ولا اروح
علي
ههههههههههههههههه انة صارت عِندي مناعة ضد الطريق صرت احس روحي رايح للبصرة ع السهولة
باوعلي عمو حَسن وحط ايدة ع كتفي
حَسن
عمي انتِ رايحة مايعـة
شَمس
ياااا عمو شدخل بس والله الطريق يتعب
طبـوا كلهم واجة سُراج ماباوعلي حتى خلة وطب
اوي شلون الي خُلك الة ابو نسوان المسوي روحة شريف
سبحت ولبست تراكي مـال النوم، الكل انجطل من النُعاس ونام الا اني احس النُعاس كُلة طار من عيوني خصوصًا اني نايمة هـوااي
لبست شـالي وكلت خل انزل اكلي فَد شي لا جوعانـة
اول مانزلت صار بوجهي سُراج، كاعد بالتخم المقابيلي بتراك البيت ولازم موبايلة وراسل ومبتسم
شَمس
اكيدددد يراسل ست الحسِن الله ياخذك شكد مُقرف
بـدون شعور وتفكير لزمت موبايلي وسويت روحي اخابُر ونزلت
شَمس
ايّ هـا هيج هههههههه لا والله مادري مو جنـة طالعين ايّ عقد ابـن عمي يا ههههههههههه
صـارت عيونـة عليَّ من نُص الدرج لحد مانزلت واني احجي بصوت مسموع واضحگ
اشرلي بمعنى منـو سويت روحي ماشايفتة اصلاً
بعدني مـا عبرت من يمة للمطبخ ماحِس إلا انوخد الموبايل مني بـسرررعة
شهگت من جرأتة دار موبايلي وباوع الشاشـة مسدودة والموبايل مسدود
باوعلي وصـارت ابتسامة ع وجهة
اخذت موبايلي منـة وكتلة
شَمس
انتَ شلـــون تجرأ هيج تاخذ موبايلي مني !!!!!!
سُراج
هسة بربج وصلتي لمرحلة من الزَعططة تسوين هسوالف حَتى تغثيني ؟
شَمس
ااااا اني جنتت اخابرررر
بس انتَ شلونننن تجرأ وتاخذ موبايلي مني هيج!!!!!
رجع كعد بمكانة ولزم موبايلة
سُراج
والله تضحكين شَمس حتى جذب متعرفين تجذبيـن وكُبل يبين بوجهج وثاني شي تدرين بيـة اجرة وبكيفي احنة شمتفقين ب ايّ وقت يحقلي اخذ الموبايل
وكفت كدامـة وكتلة بعَصبية
شَمس
موبايلي بعَد ما تلزمة فهمت!!!!!
واذا سويت والله اروح لجدو واكلة عَسى ما تكلة شسوي مايهمني
عفتـة ورحت للمطبخ واني ميتـة من العصبية ماحس الا صـار وراي
سُراج
اكلج انتِ شوكت تحترمين نفسج وعقلج تحطي براسج ؟؟
شني تردين نضل بهـاي الرطينة التعبانة ويومية احنة متگاونين مو والله لعبتي نفسي كافي جِري عدل عادددد !
شَمس
لعبت نفسك مني ؟ العفـووووو منك بس مو اني الي ادور وراك انتَ الي تدور وراي ف كافي جوز عني احسَن جدددد
كل من يشوف الناس بعين طبعة فَ تشوف نفسك هيج حسبالك الكل هيج
سُراج
شَمس ليش تخبليني اعليج بنص هذا الليل !!!!
ش شايفتني هاااا ش شايفتني ؟؟؟؟
وتجيبيني الج انتِ ؟؟؟؟
شَمس
ليش اني شبيـة !!! احسن منك بالنهاية
سُراج
صحيححح مو انة اراسل المزوجات
من گال هيج احس گلبي كام يدك بسرعة خيالية الگلاص جـان بـ ايدي دار وجهة وراح دموعي نزلن راسًا
وبدون وعي شلت الگلاص وگعتة حيل بالگاع
شَمس
يااااااا حقيرررررر ما شايـفة احقررررر منك
كلت هيج من قبل لا يطُب للصالة دار وجهة وهوَ مصدوم مشيت بسرعة وبدون مادري مشيت ع الكزاز الي صـار بالگاع واني مجنت لابسة برجلي شي
صحت اخخخ بكل قوتي وردت اوكع اجـة بسرعة ولزمني من بطني
سُراج
الله الله ولججج شَمس شبيج تخبلتي
شالني بسرعة حَتى اعبر من الكزاز الي صـار بين رجلية حطني ع الگاع واحس روحي شايغة مو من الالم من كلمتة الي گالها الي
راح بسـرعة صعد لفوگ واني وبهل اثنـاء سجاد نزل لان الظاهر هم جان بعدة گاعد
جنت كاعدة بالگاع وابجي حَيل اجة سجاد وانحنى وصـار على نفس گعدتي
الله الله الله الله شبيـججج شصايرر
شَمس
سجـاد وخر الكزاز من رجليـة حباب
سجاد
اوكفي اوكفي هاي شلـون هجي تؤتؤتؤ
وخر الكزازات الظاهرات من رجلي واني لازمـة ب ايدة حَيل
اجـة سُراج يركض وهوَ بيدة شاش و معقم ومدري شنوو
شَمس
وخرررررر انتَ لا تراويني وجهكككك وخررر
سُراج
لا انتِ اكيدددددد بيج شي ولج شبيج الله مخبلج شبيج !!!
شَمس
كلة خل يروح سَجاد الله يخليك
سَجاد
سُراج شني السالفة ترة والله طكت ارواحتنـااااا
سُراج
وخر خل اشوف رجليها خاف اكو ناعم
شَمس
جاااااي اكلك وخرررر وجهك مارررريد اشوفة
سُراج
والله انتِ وحدة طايحة حظ ومو مـال احترام اصلاً يطبج مرضضض
شَمس
والله محد الي مومال احترام غيررررك فهمت
سُراج
خرررررب انّ راح تخليني ابتلي بيها والله
سَجاد
هاي انتَ صدكككك تحجي شبيكككك سُراج وخررر منـااا
اوكفي شَمس خل اوخرلج ذني اصبري
شَمس
ااااه سَجاد يوجعني والله علكيفك
لزمت بـ ايدة حيل وهذا واكف على روسنـا شالهن بسرعة وضل يتلمس برجلية اذا اكو بعَد
شَمس
لا ماكو مديوجعني
سَجاد
شوفي جاي اضغط عليها تـرة الدم ليصنة ماجاي افتهم شي
شَمس
ماكو شي يوجعني سَجاد
رفعت راسي لكيت سُراج ماهوَ سمعت صوتهُم بالصالة اجـة سَجاد وهوَ جايب ويا شاش ومدري شنو مسحلي رجلي وعقمها ولفهن ثنينهن مبين هوَ الي معلمة
ضل يكلي شجاج كتلة بدون مادري
سَجاد
والله احسج ردتي تركعين هل كلاص براس سُراج بس ماصارت
باوعتلة وكتلة اااااااي بحقِد
سَجاد
عمي شَمس شني سالفتكم انتوا
هم احترمي ترة اكبر منج هوَ
شَمس
مُستفز مُستفزززززز سَجاد
سَجاد
ديلة كومي خل اساعدج تكومين كومي
انطاني ايدة ردت اكوم ماكدر رجلية يوجعني
شَمس
ماكدر سجاد والله ماكدر اكوم عوفني خل اصير زَينة شوية واكوم
سَجاد
عمي ويـن تضلين كاعدة بالگاع كومي خل اشيلج انة
شَمس
لا سَجاد ماريدددد عوفني هنـانة
سَجاد
ولج تعاي خل اشيلج اوديج لغرفتج شني تستحين مني عمي اختي انتِ خوما تضلين هنانة بالگاع
شَمس
ماررررريد سَجاد
ماحس إلا سُراج صـار كدامي
باوع لسَجاد وگالة
سَجاد
هاي متمشي بالعيـن واغاتي ولا بالتحرمص
ماحس إلا شالني عَ سـريع وهوَ خازرني
شَمس
هددددددني سُراج والله هسة اصيح واكعد كل الي بالبيتتتت
سُراج
اذا بيج خير صيحي
شَمس
سجـادددددد تعال انتَ صعدني
سَجاد
خاب شميسة صار ساعة اتماطل وياج ماترضين
طلع بس سُراج دواج
سُراج
ويـن تردي هوَ يصعدج شوية اگضبي روحج
گال هيج وهوَ يخزرني باوعتلة بهمس وكتلة
شَمس
الله ياخذك شكد اكرررررهك
سُراج
تدرين كرهنـا متبادل
انة اكرهج حتى مو كد كرهج لية اكثر بـ قاطات
ضربتـة على صدرة بغَيض
سُراج
ششش شبيج
درت وجهي عنة وصلني لباب غرفة البنـات نزلني
سُراج
تكدرين تمشين لو اطببج
شَمس
اكدررررر وخر
استندت ع الحايط وتدنيت كوة مشـيت تذكرت موبايلي ضَل جوة
مديت راسي ولكيت سَجاد ستوة صاعد
شَمس
اريدددددد موبايلي سَجاددد
سَجاد
ولج شميسة وعلي مكسررر من سياقة اليوم فوك كل هذا ياريت مكابل وجه سَيوف جان تتسهل عليَّ وهسة انتِ تصخريني
شَمس
حباب سَجووووودي
باوعلي سُراج وهوَ واكف بنُصنة
رفع تك حاجب وباوع بصدمة
سَجاد
اويليييييي لا ماطول صارت بسَجودي تدللين
ابتسمت الـة وراح نزل باوعلي سُراج بعصبية
سُراج
شهل اكلان خرررررة عود ؟
ماحجيت ولا كلمة ولا باوعتلة حَتى
يشوف كلشي غلط وبي سالفة لان هوَ مملي من هاي سوالف
خلة وراح وهوَ يهز بـ ايدة اجة سَجاد اطاني موبايلي
طبيت للغرفة بالكوة امشي
كلمتة احس صارت براسي
ماراسل مزرجـات اني
شكدددددد حَقيررررر يـا سُراج شكد حَقيرررر
كُلة بسببي اني انطيتـة مجال هيج يحاجيني
اني لو ماعندي شي جان ماسوى هيج ولا تجرأ وحجة وياي
نمت وكعدت الصُبح بـ ١٠ محَد جوة باوعت موبايل سُراج جـوة انصدمت سئلت بيبي ويـن سُراج؟ كلتلي ناسي موبايلة اليوم وكال لامير جيبليـا وما اخذلهيـا ملتهي
رحت اخذتـة بسرعة باوعت بي ٤ ارقـام اول شي اجـة ب بالي مواليدة اول ماكتبتهن رأسًا انفتح
ابتسمت بمكُر ورأسًا رحت للانستكرام باوعت كووووومة مُحادثات واكو حسابات بنـات هواي، احس صابني الدوار واني اشوف، لكيت مُحادثتهم اول شي
فتحتهـا وبديت اقـرة
أحياناً نعتقد أنّنا نعرف مَن أمامنا، لكن قلب الأوراق قد يكشف وجهاً آخر لم نتوقعه. فهل ما رأته مجرد سوء فهم؟ أم أنّ الحقيقة تخفي أشياءً أكبر مما يظهر؟ يا ترى... كم من الأسرار تبقى مضمومة خلف شاشاتٍ صامتة؟.... يُتبعععععع
لا تنسـون التصويت والتعليق
دُمتم بخير ..
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!