رواية بيت جبر الفصل التاسع وثلاثون 39 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
_____________________

ايلول

فتحت الموبايل وصـارت تُقرة وعيونها انگلبن مَدري شبيهـا

ايلول
ولـج شبيج

كامت بسرعة من مكانهة وگالت
فَرس
شهل تمسلت!!!!!

كمت بفراشي بـين الصاحية بين النايمـة مادري الصِحّة من الهلوسة رحت يمهـا اباوعلها تنزل بالمُحادثة لاول شي

ايلول
ولـج شكوووووو شبيج

فَرس
اصبرررري ايلول الله يخليج اصُبري لان راح اموت والله جِسمي كُليتة احسة ديررررجف

طلعت اول مُحادثة وبدينـا نُقرة

مسرّة
اميـر !

امير
نعم تفضلي ؟

مسرّة
صدُك خاطب ؟

امير
الغبـاء او الإستغبـاء عفوًا مو مِن صفاة دُكتورة جامعيـة نفس حضرتج

دازتلة البوست ( المنشـور ) مال خُطبتنا الي هوَ ناشرة
صورة الـة وثانيـة للحلقات

مسّرة
تدري مِن شفتهـا ضليت اوهم بنفسي ؟ واكول أمير مُستحيل يسوي هيج رُغم جانت واضحـة بس اني ما صدكت ماتوقعتهـا تطلع منك ابد !

امير
انتِ صاحية؟
هوَ شنـو الي ما مُمكِن تطلع مني، وحَد عن البشريـة اني ؟ انسان حَبيت و اخذت، ما خنت وخذلت ودرت وجهي ورحِت !

مسّرة
بـس اني ما خنتك امير اني نغُصبت !!

من قرينـا هيج اني شهگت و فَرس نزلت دموعهـا

ايلول
عـزة هااااي منوووو
جيبي الموبايل فَرس جببي

فَرس
ايلول شبيـج اوكفي خل اشوف

ايلرل
لـج كاااااافي لا تقرين

فَرس
ايلول رجاءً عوفيني خل اقرة!!!

اول مـرة اشوف فَرس بهل عصبية هـاي بعدت ايدها عني حتى ما اخذ الموبايل اجيت يمهـا وصارت تكلب برسائل

امير
تذكري انُ انتِ جنتِ تكولين لا بس ماكلتي

مسرّة
ماجنت اكدر اميـر ماجنت اكدر لا تغشم نفسك
اني نغصبُت اهلي غصبوني بس انتَ شنـو؟ انتَ حاب امير انتَ حاب رايح وماخذ طالبة وياك بالجامعـة وعُمرها ١٩ سنة وهيج عندك عادي تحب وتعيش ؟؟؟

امير
انتِ بيـا عين جاية تحاجيني وانتِ تزوجتي ؟ لو لان اتطلكتي مِن أيمن رجعتي ؟

مسرّة
اميـر لتكون قاسي هيج ما فد يوم مّر علية واني ناسية ذُكرى من ذكرياتنـا وانتَ تدري كُلش زين شكد حبيتك صح ما وصلت لمرحلتك بالحُب بس والله جنت احبك وانجبرت امير انجبرت
بس ماتوقعتك تخطُب ماتوقعت!
يعني اوكي مُمكِن تخطُب بس عن حُب !!!!
هيج سهلة يمك!
اني تزوجت غصُب وهم ماكدرت احبة انتَ شلـون كدرت تسوي كُل هذا ؟

بـدت دموع فَرس تنزل اكثر واكثر وتقرة والصدمة واضحة عليها

فَرس
عفية عفية كُل هـذا صاير ههههههههههههه

ايلول
لـج فَرسسسس عوفي الموبايل كاااااافي

فَرس
ماعوفة ايلول ماعوفة كُل شي راح ينتهي اليـوم بس اريد اكمِل وخري

امير
مسّرة الحجي ماراح يرجع شي.. انتهى كلشي، الماضي ما يرجع، انة خطبت فرس كدام الناس كلها لأن حبي إلهة واضح ونضيف، لا هو تسلية ولا تعويض. انتِ انقهرتي من أهلج وغصبوج، بس هذا ما يعني تدورين ع الي راحت من إيدج. أنة هسة رجل خاطب، وفرس هي حياتي، فـ لا تتجاوزين.

ايلول
شوفي فَرس والله يحبج ماعليج بيهـا حبابة وهسة عوفج من الموبايل وروحي حاجي وفتهمي منة احسَن

فَرس
ايلول حبابة انطيني مجـال اركز كافي تشتتين تركيزي كافي

جنت بداخلي ضايجة ومتحَسرة ع الصـار وبنفس الوقت خايفة ومادري حتى شسوي لو شلون اتعامل وي الموقِف،
حاولت اكون يمها وأمد إيدي عالموبايل حتى بس اخذة او أخذ السالفة بغير مُنحنى ردت بس ماتشوف بقية الرسـائل وتنقهُر اكثر بس چانت مُصرّة ، عيونها مثبتة عالشاشة وتنقط قهَر
مو سالفة اغطي ع امير بس ماردتهـا تنقهر اكثر واني ادري بيها تتخربط

إيلول
فرس بالله عليچ كافي، خيولي والله خيولي بـس لا تقهرين نفسج كافي

فرس (بحدة)
إيلول رجاءً لا توقفيني، خل أقرة، خل أعرف للآخر شديصير!
لا اقهر بنفسي ولا شي بس اني اريد اشوف الانسـان الي كعد يكُلي ثقي بيـة هل ثقتي بيـه بمكانها !
لعب بية جولة ع سالفـة سارة حتى عقدي ما خلاني اتهنى بي

إيلول
بَس فرس انتِ دتقهرين نفسج والله بس خلي نتفاهم هسة عوفج من الموبايل

باوعت الها ايدها كام ترجف وتبعد ب ايدي عن الموبايل
فرس
أني محتاجة أشوف حتى لو تنكسر روحي، أريد الحقيقة.

رجعت تباوع للموبايل وتقربت اني يمـهة

مسرّة
حبيتها ؟

امير
ايّ ..

مسرّة
شنو الي لفتك بيها ؟
حلوة اكيد مو

امير
احلى شي بعيوني

ايلول
شفتي فَرس شفتي والله يحبج وما ينطي بيج صدكيني

مسرّة
لهل درجـة هااااي تحبها !

امير
هَسة شتردين مسرّة ؟
هذا ماضي تردين تعيدينة!

مسرّة
ليش تحسسني الماضي جان بشع نسيت ايامنة سوى؟

امير
فات وقتها، كلبي مجروح من ذنيج الايام وما اتمنى اعيشهن مرة ثانية ابدًا ..

مسّرة
لسة احبك امير ومانسيتك ابد، ايمن تركتة اني يم بيت اهلي

امير
ليش ؟؟

مسرّة
ماكدر ويـا امير ماكدر
الطعنة انّي اجيت ولكيتك خاطُب وموبس خاطُب حاب هم!

امير
بعدة على نفس سوالفـة؟

مسرّة
واكثر بعد واني احس بعد مالي طاقة امير وصلت لمرحلة تعبت نفسيًا

امير
واهلج رضوا ؟ لو هم ابوج كال ابن اخوي هه

مسرّة
رضوا لان هم هُمة ملوا وجزعوا منة

امير
يعني تطلكتي لو على ابواب طلاك؟

مسرّة
تطلكت

فَرس
شفتييييي ديسالها ايلول ديسالها !! زيـن ليش ؟؟؟ شعليّ هوَ شعليّ !!

ايلول
والله مادري شكلج يـا فَرس بس هوَ ليش ديحاجيها اساسًا

هزت راسهـا ب ميخالف وجانت دتبجي بهدوء وتباوع رُغم النيران الي معتلية بداخلهـا

حَطيت ايدي على كتفها ودموعي خانتني ماكدر اباوعلها هيـج واسكت، بعدها حتى مكاملة فرحتهـا ..

امير
احسن الج بصراحة، العيشة وي شخُص يستنزف منج هجي راح تعبج وانتِ التفتي لـ عملج احسَن

مسرّة
وانتَ؟

امير
اني شبيـة؟

دازتلة بَصمة
مسرّة
اميـر لحظة بغيابك ما نسيتك، مرات حتى اواسي نفسي اتخيل أيمن بيك تالي انتَ تروح وتعشق ؟ ليش !

جانت تبجي وصوتهـا اقرب للمخنوگ لمن تحجي

امير
مسرّة الله يخليج تخطي هاهيّ، انة هسة على ابواب زواج

مسرّة
امير لومـا راح تتزوج جان كُلشي راح يكون مختلف مو؟

امير
لوما ..

مسرّة
بعدك تحبني !

امير
مسرّة اتقي ربج

مسرّة
جاوبني

امير
حتى نفسيتي متتقبل تحاجيج شلون اجاوبج على هذا الشي؟

مسرّة
فهمت امير فهمت الله يهنيكُم

حاطلها لايك على رسالتهـا ورة يوم راجعة مخابرتـة
مُدة المُكالمة نُص ساعـة وراها بشوية كاتبلها
امير
كوني بخير واذا احتاجيتيني اني موجود

مسرّة
شكرًا لوجودك امير ..

دزت رسائِل هَسة من بعد الـ مُكالمة
مسرّة
اميـر موجود !
وينك؟

باوعتلي بعيونهـا الحُمر الي جانت مغرگة عيونهـا و وِجهة وكالت

فَرس
إيلول إذا هو بعده متأثر بماضيه أني ما أرضى أكون ترقيع لقلبة. من هسة القرار خلص خطوبتي إله انتهت.

إيلول
ولج فرس لا تحچين هيچ، يمكن ديخربط بس.

فرس
لاا إيلول الخربطة مو حجة أني أريد واحد يحبني بس، مو واحد بعده قلبه بيه جرح باسم غيري
وفوكاهة انطـاهة مَجال ايلول انطاهة

لو امـوت مراح اتخطى هل كلام ومراح اقبل ايّ عُذر منة مُستحيل اضل ويـا هسة ارجع للموصـل

ايلول
فَرس حبيبتي اهدي ويـن هسة ترجعين للموصل خليها بس للصُبح عـاد باعي حالتج زيـن ليش ترحين بدون متحاجي، حاجي يجوز عندة عُذر

فَرس
شنووووو عُذرة ايلول شنـوووو عُذرة ! هاي كُل شي كدامج انتِ شفتي شلون يحاجيها رغُم كُلشي !! ومُخابرات ومدري شنـو ! ما هضمني انُ ضم علية كد ما هُضمني كلامة هسة

لو تطيـح بَ ايدي اقتل امير ولا اخلي يعبث بمشاعِر فَرس هيج بس جانت مُشكلتي انّي احاول اهديها خوفًا عليها

بعدني صافـنة شفت الموبايل دگ رحت اجيبة باوعت علي وفَرس مستمُرة تلبس صايتها وحجابهـا وكإنهُ ماتعرف شتسوي

رديت بسـرعة
ايلول
ها علي

علي
ها ايلولة، موبايل امير حبيبتي راح يجي بالباب انطوهيـا واذا فَرس نايمة انة اجيج انطيينيا

ايلول
علي صيح لامير خلي يجي

فَرس
ماررررررريد ايلول مارررريد اشوفة

علي
هاي شصايـر شكو ايلول

ايلول
علي خلي امير يجي هَسة بسرعة

فَرس
انتِ صاحية ايلول انتِ صاحية داكُلج مارررريد مارررريد

ايلول
زيـن علي تعـال انتَ شوية خلي احاجيك

علي
اطلعي انة بالباب ..

فَرس
ماحط عيني بعينـة ايلول ولا اريد حتى احاجي

ايلول
ميخـالف فَرس خل يولي بـس منووو ياخذنة غيرر علي

ماتحملت اشوفـهة تبجي هيج المُشكلة حتى ماجانت تحط عينهـا بعيني اندگت الباب وسمعت صوت استاذ اميـر

امير
فَرس ...

فَرس
ماررررريد اشوفة ايلول

ايلول
بس اصبُري خل اطلع احجي ويَّ علي حتى ياخُذنة

فَرس
ايلول انتِ ضلي اني اروح وحدي

ايلول
ويـن ترحين بنُص الليل وحدج انتِ مخبلة لوشنوووو فَرس

عفتهـا ولبست حتى اطلع اول مافتحت الباب صـاروا بوجهي ثنينهُم، و وِجه استاذ امير جـان اصفر وكإنهُ يعرف الي صـاير

مالحكت احجيلـة شي بسرعة طب لجوة، انداريت اريد اروح ورا لزم ايدي علي

علي
شكوووو شصـايررر !

ايلول
هـذا اميـر خااااين

علي
خاين شني ولج شجاي تمخرطين

ايلول
موبايلـة يمنة و فَرس شافتة يحاجي حبيبتة القديمة مدري منووو

باوعلي ب استغراب وكإنُ ذاكرتة رجعت لغير شي
علي
مّسرة ؟؟؟

ايلول
هـااااا كح ما شاءَ الله يعني تعرفها !

علي
شجابها هاي !

ديحجي ويـاي وسمعنة صوت صيحة فَرس جوة

بسرعة طبيت الهُم
لكيت اميـر يحاول يلزم ادين فَرس ويحاجيهـا وفَرس منهاررررة بجي وتصرخ وتبعد عنـة

رحت يمهُم وكتلة بعصبيـة
ايلول
استاذ وخررر عنهـا شسالفة

امير
ايلول رجاءً اطلعييي

فَرس
اني الي راح اطلع موهيَ عوفني اميـر لا تمسكني

امير
فَرس انطيني مجـال احجي وياج اهدئي حبيبتي بس شوي

فَرس
مـاررررريد داكلك ماريددد
ماريد احاجيك اساسًا

امير
مو بكيفج هيَ، ايلول مُمكِن تعوفينـة وحدنة

ايلول
لا مو مُمكِن رجاءً عوفهـا أُستاذ مدتشوفهـا شلون حالتها

امير
ايّ روحي انة اهديها اطلعي ايلول ترة زايدة منج هـاي والله

علي
ايلول

ايلول
علي تعـاللل لان أُستاذ امير مديفهم مني

امير
شترررردين ايلول شتررردين تردييييين ارورررح واعوفهـاااااا لوشنوووو الي ترديّ !!!!

صاح بوجهـي وهوَ لازم ادين فَرس وهل اثنـاء طب علي، عُقج وجهة علي ب انزعاج مكتوم وباوع الـة بحِدية

علي
صوتك امير، اعصابك اذا مُمكِن تلزمهـا ..

فَرس
امير ليش تشوف وجهي الثاني بكُل بساطة داكُلك عوفني، عوووووفني ولتلزمني !!

امير
انتِ ليش ماجاي تفهميني فَرس ليششش، لازم تهدين وتسمعيني بس اهدئي واسمعيني

علي
هسة انتِ عليش كاتلة روحج وتبجين ودك ولطم اطي مجال للرجال خل يشرحلج الي صاير واذا الج حگ يمة انة اطلعلجيا والله بس اهدي مو كِلشي ينحل بالصايح والعراك

امير
علي رجاءً خليني اتفاهم وياهة وحدي ايلول اترجاج اطلعي عوفيها شنو راح اكلها قابل انتِ تخافيـن عليها اكثر مني !!

فَرس
انتَ ليش ماجاي تفهم؟ جاي اكلك ماريد اسمع شي ماريد والله ماريد ولا استقبل اصلاً
ايلول

باوعتلي بنظرة ترجي وحُزن
لزمت ايدهـا وكتلهة بهمِس

ايلول
اسمعي فَرس اسمعي لا بعديـن تتندمين بس انطي من روحج شوية

سكتت ماحجت شي كعدت ع الجرباية وهيَ دايرة وجهة

علي
هسة انتَ ما تسولف شبيك صافن بوجهي!

باوع ب ارتباك و اخذ نفس
راح وكف كدامهة اخذ بـ ايدها نترتة

امير
فَرس انتِ تعرفين معزتج شني يمي وانة حُبج لا اخاف ولا استحي منة وكل الي بالدوام وبحياتي يعرفون انُ انتِ موجودة بيهـا وحَتى مرات انتِ متقبلين انشُر وانة انشُر ان جنت يمج او اشيـاء مجهولة بس تخُصج انتِ

فَرس
ترة ماريد تحجيلي بيك وبحُبك احجيلي بـ الي شفتة !!
منوووو هـاي وليش مكايلي عليها ؟
واساسًا ليش دتحاجيها هَسة !
مُكالمة بينكم نُص ساعة
وتكول الها ديري بالج على نفسج وهَسة بكُل بساطة بنُص الليل دتخابرك

علي
هيَ شرجعهـا امير ؟؟

امير
مادري مادررري والله وحدهة فجأة مَدري منين سامعة بية وراجعة

ايلول
هيَ منو اساسًا ؟
خطيبتك القَديمة ؟

باوع لفَرس الي جانت تباوعلة ومنتظرتة يحجي، ماسكت حسيت اكو حجي بس ماراد يجرحها بي

علي
مسرّة هيَ بنية امير جان يحبها من ايام الجامعة وقدموا ماجستير سويـة وراد ياخذها واهلها مارضوا وحاولنة اكثر من مرة وماكو اخر شي تزوجت ها اها هاي السالفة ومابيهـا انة هسة مادري شصاير بس فَرس ماعتقد الج سُلطة اعلة ماضي ؟
ماضي هوَ ماضي وما الة لزوم اساسًا انُ تعرفي وتضوجين نفسج بي لانه ما الة فايدة مُجرد تكعدين تنكدين على نفسج بي وهاهيّ

امير
انة والله مادري راسلتني هيَ فجأة وشكد ما بية جنت احاول اسد الموضوع وهـاهي بس هيَ ضلت تكلي انُ امورها ونفسيتها حيل جانت تعبانة، وخابرت اكثر من مرة ورفضتة اخر شي رديت بس حتى اشوفهـا شبيها

فَرس
وانت تكعُد وتطمنهـا مو؟؟؟؟ تكُلك لو ما خُطبت كُلشي حيكون بخير تكول الها لوما يعني لو مـا مخطوبين جنت رجعت بكُل بساطة !!

امير
فَرس لتفسريـن بالشي الي يعجبج واصلاً انة ماعدي شي ابررلجيا كِلشي كدامج ظاهر بس الي لازم تعرفي انُ انة احبج انتِ ومُستحيل حتى اباوع بوجهة بغير نظرة بس البنت محتاجة مُساعدتي ماكدرت اروح!!!

فَرس
انتَ ماتحبني امير ماتحبني لو تحبني جـان بكُل بساطة انطيت حظر الها احترام الي بَس ! مو انتَ تكُلي اهم شي الثقة واذا انكسرت الثُقة كُلشي ينكسر
اني موجودة بحياتك فَ شلـون تروح وتحاجي غيري شلون تكدرررر تخوني بهالطريقة

امير
فَرس انة ما حجيت وياهة بحُب انة حجيت وياها لان هيَ جانت محتاجتني وجان وضعها سيء !!

فَرس
وانتَ شعليك بيها شعليككك؟؟؟ وليششش اساسًا ضليت تواسيها ماعندها غيرك مثلاً ؟؟؟ وفوكاهة من بعد المُخابرة تكول الها اني يمج اذا احتاجيتيني وهيَ تكُلك شُكرًا لوجودك
حط روحك مكاني راح تقبل ؟؟؟

ضل يباوعلها بعَصبية وبتلعثُم وساكت

فَرس
خاف حَنيت ؟

امير
فَرس شنو الي حَنيت شنـوو.
تـرة انة احبج لا تخلين شي يأثر علينة

فَرس
ههههههههههههههههههه صحيح تحبني وتموت علية
واني هم احبك واموت عليك
وهاك هذا مني الك

كالت هيج وهيَ تنزع الحلقـة وتريد تطلع ركُض وراهة امير ولزم ايدهة حَيل

امير
ماسمحلج فَرس

فَرس
اني الي ما اسمحلك ايدي لا تلسمها

باوعت لعلي حَتى يتصرف راح يم امير وحجة ويـا بهمس

امير
ماعوفها والله علي ماعوفهااااا ماتطلع

فَرس
والله ما اضل هنـا والله

ايلول
فَرس كااااافي فرفحتي روحج راح تموتين

فَرس
خل يهدني احسَن ايلول بعد ماجمع ايّ شي

امير
فَرس لا تسوين هجي والله تندمين

فَرس
اني الي اندم؟؟؟ فوك الي صار اني الي اندم مو انتَ

علي
كااااافي هسة هد ايد البت عوفهـا اميررر

امير
علي انتَ لا تدخل

ايلول
هيَ شنوووو الي مندخل بي شنووووو فوك الي سويتة بيها دَتحسسنة انُ هيَ مكبرة موضوع؟؟؟

امير
انتِ بالذااااااااات لا تدخلين ايلول بدال ماتهدين الوضع تزيدي

علي
ليششش تصيح اميرررر شبيك فقدتتتت عقلك!!!!
اعرف ويامن جااااي تحجي

اندگت الباب ب اثناء الكلام
سُراج
شكووووو شصاير

علي
امير وخر عوف البت

امير
احتاج احاجيها وحدنة

فَرس
واني ماريد حتى اشوفك ماريد

امير
ليششششش ماتردين تشوفيني ليششش فَرس
يجوز اني غلطت بس هذا ما يعني انُ ننهي كلشي بلمح البَصر !!

فَرس
لا اني اريد امحي كُلشي
علي حباب حاجي بعد حتى مابية احجي

الخلاف اشتد بيناتهُم و فَرس اباوعلهة حتى عيونها صارن يغوشن واستاذ امير صار عَصبيي حيل انداريت لعلي وكتلة علي تدخللل حباب

انجُبر علي يحط ايدة ويفصل بين اديهُم ثنينهُم
ضل واكف كدام اميـر ويحاجي وامير عَصبي

اخذت بـ ايد فَرس الي جانت منتهية من البجي وطلعنة
صاروا كدامي فجأة سُراج وشَمس وغّيث وسَجاد
مادري انُ اصواتنا جانت عـالية لهل درجة هـاي

اول ماشافونة انصدموا، اجتِ شَمس لفرس
شَمس
عززززة فَرس شبيج ليش تبجين !!

سُراج
شصايررر؟؟

خلت فَرس ونزلت وهيَ تبجي وشَمس نزلت وراهة طلع اميـر و علي ويـا

ايلول
أُستاذ اعتقد لهنانة وكااااافي

امير
ايلول ميت مَرة كتلج لا تدخليييييين

علي
وانة ميتتتتت مَرة كتلك صوتك لا يعلى
شبيكككك تخبلت

امير
اذا راحت فَرس اكلب البيت على راسككك علي

علي
ماتروح انة رايح وراهة افهمهة انتَ بس لا تنزل

امير
شلوننننن مانزل شلونن

علي
امير لا تراويها وجهك
تريد تخرب السالفة راويها وجهك وبعد بكيفك

خليت ونزلت وراهة لكيت هيَ وشَمس واكفات
وفَرس جـانت دتحجيلها وتبجي

صرت يمهن وحطيت ايدي ع كتفهة واحس كلبي عاصرني ع منظرها واريد ابجي ويـاهة

باوعتلي بنظرة حَزينـة وحضنتني وبجت
ماتحملت دموعها تنزل علية واسكت
احس كلبي للحظة اعتصرني وعيوني خانتني ونزلن دموعي

شَمس صايرة كدامي تباوعلي وتخزرني وتهمس

شَمس
هسة فوگ الضَيم

فَرس
ايلول ماريد اضل هنا حبابة

وخرت منهـا وكتلها بصوت خافت لان الكُل نايم والجو هادئ

ايلول
فَرس الساعـة حتصير بـ ١ وين نروح ماتكليلي

فَرس
بس اني ماريد اضل ايلول، اذا اضل كول اضل باجُر واني ماريد

انداريت عَ صوت علي هوَ وسُراج و سجـاد نزلوا

علي
هسة انة اسكِت مني اذا الزوج ثنينهن يبجن
هَسة بلة هاي تبجي اعلى سبب انتِ شكو دموعج اعلى خدج

ايلول
علي تـرة مو وقتك والله

سُراج
اكعدي فَرس خل نحجي شوية

فَرس
ماريد اكعُد ماريد اشوفة

سجاد
بس هوَ ماراح يجي والله كاعد بالغرفة كلنالة لا تِدخل

علي
فَرس بوية اكعدي خل نتفاهم شويـة وبعدين شني كطعتي روحج امسحي دموعج لخاطر الله ماحبن مرة تبجي مسحي دموعج يلة

مسحتلها دموعي بـ ايدي وشَمس راحت تجيب الها ماي
كعدت ع التخُم وكعدوا هُمة ع الجهة المقابيلها

فَرس
علي شتريد تلطخلة ترة اني كُلشي شفت والله

علي
فَرس هسة انة فهمت السالفة منة وهم شفت المُحادثة هيَ لازگة بعِلبآ بس حجاية الحگ تنگال هوَ ما منطي بيج !!

ايلول
هاااا يعني الشي الي سوى عادي ؟؟؟
يعني انتَ هسة تسوي نفسة تحت مبدأ ما منطي بيج وهاهيّ !!

علي
ايلول اسمعيني غاليتي، هذا الموضوع لا تدخلين بي

ايلول
علي ترة هيَ صديقتي واختي شنووو ماتدخل
يعني قصدك اخرب اني بينها وبين أُستاذ امير لوشنو!!

علي
هسة خليني اكمِل كلامي ليش تقاطعيني ماحب الشخُص الي ما ينصت لكلام غيرة، خليني اكمل كلامي واذا ماعجبج سولفي بس لا تنزگين ماحب الينگز

ايلول
مو انتَ حجيك يغُث عليي

سجاد
الله واكبر يعني هسة احنة راح نعوف موضوعهُم ونطب بموضوعكُم

علي
لا موهجي هيَ تفهمني وانة افهمهة واذا مافهمت افهمهة
فَرس انتِ هسة جايج، شوفي ايلول انة او امير من نكلِج لا تدخلين بي مو معناهة انتِ تخربين بيناتهُم ليش هوَ مني المايدري ايلول شكد تحِب فَرس بس السالفة غير، السالفة تكول انُ انتن النسـوان عاطفيات وما تفكرن بعقِل بوسط هسوالف

يعني شفتي صديقتج جاي تبجي ومنهارة خلاص خيولي ميفيدج بعد وها اها رُغم انُ مُمكِن الموضوع ينحل بس انتِ راح تكبري ومن غير ماتقصدين

ايلول
ها ايّ صح الموضوع بسيط، اوكِ اني راح اسكُت وانتَ عود حاجيها

علي
هاي شبيج ايلول

سُراج
انتوا شبيكم صدك تحجون؟؟؟ احتاروا بنفسكُم بعديـن
عايني خوية، عايني فَرس
انة لا دفاعًا لابن عمي ولا بطيخ اليوم الشخُص الي يغلط نكول اعليّ يغلط لان نفس ماهوَ اخونة انتِ هم مرت اخونة
وكوني واثقة وهل شي احنة تعلمنا من ابهاتنـا نبدي مرت الاخو ع الاخو بنفسة وهذا الشي خلي ثابِت يمج ومابي ايّ مُلاعبة

القُصة قَديمـة حيل من ايام الماجستير والجامعة يعني من جان عُمر امير ب بداية العشرينـات والسالفة راحت وي وكتها وانست

فَرس
هيَ شنو السالفة ارد افهمها بتفصيل

سُراج
هيَ جانت ويـا تدرس ورادهـا

فَرس
من اول مرحلة؟!

سُراج
لا اعتقد من ٣

علي
من ٤

فَرس
علي انتَ ستر

علي
لا وحگ ربج ما استر انة ليش استر هيَ حجاية الرجال وحدة حجايتي لو امير ؟ طبعًا حجايتي شتسوالي انة من اطلع جذاب بين محضّر ناس

سُراج
علي وامير تدرين بيهم حيل صُحبة ف هوَ يعرف التفاصيل اكثر
فَ نفس ماكال علي بالـ ٤

فَرس
يعني بال ٤ صارت بينهُم علاقة وخطوات جدية وحُب من اول سنة لوشنو؟

علي
فَرس هسة انتِ ليش تدخلين روحج بـ امور تزعجج والله النسوان تحبن تبحوشن

شَمس
ترة من حقها علي سولفلها كُلشي شنـو يعني

سُراج
هسة انة افهمجياهة كِلهة، هذَ البت من البَصرة بس جامعتها هنانة، وجانت تسوي استضافة وبالمرحلة الاخيرة لازم ترجع لجامعتها الاصلية ورجعت تالي امير شافهـا وصارت بيناتهُم امير هم ماطولها اجة وحجة وي جَدي وجَدي راح وحجة ويا ابوهة بس ابوهة كال بوية ابـن عمها رايدها

زين من يجي الرجال ويكلج ابن عمها رايدها قابل شني نوكف بطريقها ؟ هنا جانت صعبة من ناحية جدي بـس من ناحية امير ضل يحاول وضل وضل وضل لحد ما دخلوا ماجستير سوية

علي
البت هم جانت مدري شلونها ماريد احجي اعليها ولو من ورة هسالفة انعل ابوها لابو الجابهة بس هيَ استغفرالله ماكالتلة ابـن عمي ناهي اعلية

فَرس
شنو يعني ناهي عليها؟

علي
هيَ عدنة هنا ابن العم يكدر ينهي اعلى بت عمة ومايكدر يخليها تتزوج غيرة، فَ البت اول ماكملت راحت وتزوجت وعافتـة

فَرس
و امير شسوة؟

علي
ماحجي انة خاف تكولن تدافع لو شو شني احجوا سجاد سُراج

سُراج
لا يهشد الله علية من ليلتها كال بعَد تحرم اعلية وما احاجيهـا ابد لان صارت متزوجة وفعلاً ماحاجاهة

فَرس
زين شمدريكم ماحاجاهة

سَجاد
انة اكلج ماحاجها هيَ السالفة صارلها بالسنتين تقريبًا امير اصلاً حتى تخطاهة وبعديـن ترة امير فعلاً يحبج لا يصير عندج شك بهل موضوع ابد يعني انة مرات اكلة شبيك خابصنا كل ماطبيت الموصل وحطيت الموقع وكتبتلك بي شِعر وحطيتة شتكول الناس هَسة ماشايف يكلي تحب تثبت روحهـا بحياتي للناس واحب اثبتلها هذا الشي

فَرس
لعد ليششش تجاوب ويـاهة ليشش !

سُراج
هيَ جارتة بالحجي وضالة تلح تخابُر عليّ اخر شي لمن راد اعليها ضالة تكلة نفسيتي تعبـانة واهلي جاي يضغطون اعلية وهذا طلكني وهاي لطلطة النسـوان

شَمس
كُلشي ع النسـوان بس ما يطلعـون الرجال غلطااااان لو دنيا تنكلب

سَجاد
مني ما كلج مو غلطان غلطان ورب الغلطان بس السالفة اكبر من غلطة هذا

علي
لاااا غلطان وكل احنة نعترف غلطان بس غلطة مو مـال انُ تفسخين كُل الخطوبة علمودهـا، تدرين ب امير يحبج فَرس، روحي ازعلي اعليّ لا تحاجي خاصمي محد يكلج ليش واحنة ويـاج مو اعليّ بس مومال انُ كِلشي ينتهي بسبب هجي موضوع

وهوَ لو منا منا وعدة شي يمسح مايخلي مُحادثة اساسًا

فَرس
لا علي يودي لهيج شي واكثر وحد انتوا وايلول تعرفـون كُلششش زين بداية علاقتنة شلـون جانت
تذكرون العقِد ؟ الي سواليا والكلام الي حجا الية بلحظة وحدة طلعها من خشمي بسبب سالفة صـارت جانت بسيطة وماتجي ذررررة من الي سوى هَسة

اجتني ايام بسببة لسة اتذكر من بيوم العقِد صليت صلاة الصُبح واكلة يا الهي احس كلبي جاي يتكسر هلكد مـا هوَ خلة كُلشي يسود بعيوني ماخلة حجايـة ما حجاهة علية وكسر كلبي تكسرررر

ذاك اليوم يم حُسام هاي بجيتكُم انتوا، داكلة انطيني الموبايل اشوف يكُلي لا اهم شي الثقة اذا خربت الثقة خربت كُل العلاقة وهسة خربت الثقة وعلاقتنا مُستحيلللل ترجع

تقبلت طالباتة و اعجابهِن بي وكلامهن ومضايقاتة، انتم تدرون هـاي سارة شتسوي ؟ مو حتى لحُسام وصلت ! مو اخوية راد ينتقم مني لو ما امير يجي !

كُل ذني اني تحملت علمودة تالي هَيج يسوي ؟؟؟
مُستحيل اضل ويـا علي لتقنعني والله احس اشمئزت منة وماريد بعد ايّ شي يذكرني بي ايّ شي وتسوي علية فضِل اذا هسة تاخذني للموصل ماريد للصُبح وحُسام هل وقت نـايم

علي
فَرس والله وياج والله بس لابُد انُ كلشي يتصلح
بالنهاية امير هم ضحى لا تنسين فَرس

فَرس
ماكوشي يتقارن علي ماكوشي يتقارن

علي
زيـن هَسة انة والله تعبان

سُراج
يلة انة اخذج ميخالف

علي
هوَ هسة اذا درة يتخبل انة كتلة انة ارهملك الوضع
فَرس يعني ما الله يهديج وتتحاجون شوية ؟

سُراج
لا عوفهُم هجي احسن خليها تهدأ وبعدين هوَ يجيها ويحاجيها

علي
يلة هم صحيح وهم حَتى شوية يتأدب
وهاي مسرّة انة اعلمهة

سُراج
يلة جهزن روحجن

علي
شني ايلول ترحيـن وياهة؟

هزيت راسي ب ايّ ب برود بدون ما اباوعلة احس روحي تعبت بمكان فَرس وحتى علي بعَد ماريدة
نعسانة وتعبـانة واحس مصدعة واريد اموت
فَ طنگرت كلش

ايلول
اني حكوم اجيب كُل ملابسنة واجـي

صعدت لفوگ جنطتي بغُرفـة امير شفت علي ديصعد وراي وصلنة لفوگ كتلة بتملمُل وبدون ما اباوعلة

ايلول
جيبلي جنطتي من جـوة

تقدم الي و وكف كدامي
علي
ايلولة زعلتي ؟ ترة والله ماقصد شي بس انتِ ماطيتيني مجال

ايلول
علي والله تعبـانة ونعسانة جيبلي جنطتي خل اروح

علي
بس مايهون علية زعلج

ايلول
مو مُشكِلة بعدين نسولف هَسة تعبانة والله

علي
هاهي حبيبتي مبين شكد تعبانة لو اكدر جان وصلتكم انة بَس ايلول تعباااااان ومصدع حيل مانايم زين ابد واخاف لا اسوي حادث لا سامح الله بنهاية انتن وياي انة مو بحِدي

ايلول
ماكو فرق علي سُراج ياخذنة

علي
تعاي لحضني بالبدايـة

فتح اديّ حضني وباس راسي

علي
جان بودي تضلين اكثر بس ميخالف عِسى ولعل ننجمع بالاكبر

ابتسمت الة بهدوء طب للغرفة واني ضليت مقابيلهـا
شفت غَيث وامير جانوا كاعدين بالصالة ع القنفة
وامير جان كاعد ويهز برجلي ويحجي بعَصبية وي غّيث

اول ماشافونـا كاموا

امير
هـا علي

علي
ولا حجاية هيَ غبي هجي ارد احجي
انتَ واحد غبي وما تفتهم

امير
انتَ جااااي تحجي اعلية لو تحجي الصار!!!!

علي
ماصار شي خلقتك ماتريد تشوفهـا بعد

يحجي وهوَ يمشي، وطب جاب جنطتي واجة

امير
هااااي شجاي تمسلت من كل وعقلك عود !!

علي
اششششش اميـر بلبلة لا تسوي البت حالتها حالة بسببك انتَ وست مسرّة وصلتوهـا لهل مرحلة

شكلة جان مخربط و عرگان و وجهة احمر مبيـن ندماااان ومتوتر هواي اتقدمت الهُم، وكتلة بهدوء

ايلول
أُستـاذ ماجانت متوقعـة منك بيوم من الايام تأذي فَرس أذية ولو صغيرّة بالنهاية انتَ تعرُف شكد فَرس تحبك وتغـار عليك، والله مادري شنو الي اريد اكولة بس انتَ وصلت لفرّس لمرحلة ابد موحلوة

تقدم الي وصـار يحجي وياي بحرگة گلب

امير
ايلول انتوا ليش ماجاي تفهموني الله شاهد علية وعلى كِل حرف احجي انة مارجعت ولو صفر بالمية لعلاقتنة ولا حنيت الها بس السالفة ومابيهـا سالفة استعطاف لا اكثر ولو غيـرها يمر بهل موضوع هم جان ساعدتها انة هسة احاجيها والله ماخليهـا تطلع مُستحيلل

لزم ايدة علي بكل قوة، امير اندارلة

علي
تريد تخلبُص اكثر من الي خلبصتة؟
روح اوكف بطريقهـا !

امير
علي انتَ الجاي التخربط جاي اكلك هسة نحل الموضوع !!!

علي
هوَ مو سوء فهِم وتحلوا هسة وماتخلوا يتفاقم
هوَ خلاف يعتبر هذا وكلشي ثابت لا يتزود بعدين ولا يتنقص عوفهـا هسة وبعدين حاجيهـا

اخذت الجنطة من علي ونزلت وعفتهُم يحجـون
لكيتهُم ع نفس الكعدة، رحت يم فَرس وحطيت ايدي ع ايدها
الي جانت صافنة بس مبين الغَصة بعيونهـا

نزل علي ومـادري شلون قنعوا امير ما ينزل لان امير جان حيل قافُل وعصبي لمن عفتة فوگ

علي
يلة بوية سَجاد روح وياهُم هماتين

سُراج
لا يابة جا منـو يضل صدِك تحجي انتَ ماكو لزم انة وحدي اروحن

علي
ايّ حتى ع السريع وتنسى نفسك و ٣٠٠ مو

سُراج
يابة شنو سالفة غير وياي نسوان

علي
برجعة جاي احجي سُراج لا سويلنة سالفة بروح النبي
شَمس ماترحين انتِ؟ خاف سُراج صدِك نحتاجة باجر هوَ وغيث
اشوفنج صاحية امشي روحي ورجعي ويا سُراج

سُراج
لا يابـة شعدها رايحة

علي
لا يابة شعدها رايحة يريد يسوق براحتـة

ايلول
اذا ماعندج شي بدلي ورجعي

علي
ايّ شَمس يلة

شَمس
اوك راح واجي

علي
شمس طلقة هذا المخبل ماريدة يغير رآية اعلينا بسررررعة

صعدت شَمس وطلعنـا احنة

ايلول
كول الهُم خالة ايلول تخربطت حيل بليل وصار هيج والله فشلة

حط ايدة ع ظهرة ويمشي وراي

علي
لاحبيبتي نحجيلهم بالحقيقة حتى جَدي وابوي يعرفون يتصرفون ويـا صح هوَ جبير و واعي ومو بحاجة حجي واحد بس ميخالف دموع فَرس غالية اعلينـا ومو بسهولة تنزل

سُراج
بس ارجع واكول صارت هفوة ومو بقصدة متاكد انة

علي
والله هسة لعبت بي فلك، كتلة خاف حنيت يكلي علي صدِك تحجي الي عدة ذهب يباوع ع الشِبّه ليش والله وبالله هيج حجة، وطبعًا بداية الحَديث ايلول سمعتـة

وكفنة يم السيارة ويحجون اني ع شويـة ويُغمى علية من نُعاس
باوعلي علي وگال

علي
هـا ؟؟

ايلول
نعسانة كُلش

لزم ايدي وگال
علي
يلة اصعدن بسيارة ونامن بطريق واول ماتوصلون تطمنوني
فَرس ويـنج ..
ضل لازم ايدي والتفت لفرّس

علي
ولج انتِ بحساب اختي الصغيرة حالج حال روان وملوكة الله شاهد اعلية لا تصورين يهون اعلية دموعج

وانة متعود اخواتي محد ياخذ حگهن دامني انة موجود، هاي روآن شوفيها حاجيتلها حجاية لرجلها لا تتسولف ولا تنحچي وهوَ رجلها رجال طول بعرض بس اسئلي هنا وكولي مروآن آل دحام كِلها تعرفة الله وكيلج بس معَ هذا لعبت شيش بيش بي هوَ موهيَ

وانتِ لا عبالج ادافع لامير ولا هسوالف، شافتني ايلول هسة والله دست دوسة ونُص ويا وهسة راح اصعد اكرهة بعيشتة والعب بي جوال الله وكيلج

اطلعلج حگ دمعة دمعة من عدة ومن عدهة وهذا وعَد
روحي وارتاحي بالبداية واخوج لا توصلة السالفة
وكِلشي تنحل هاهيّ ؟

هزتلة راسـها وصعدت بالسيارة، طّب سُراج لجـوة وعلي باوعلي وابتسم باس ايدي وگال
انتبهي على نفسج وعلى فَرس

هزيتلة راسي ب ايّ

علي
كلي لسراج يفعلج نت منة حتى اتطمن اعليج
ولا اكلج انتِ نامي اخابرة هوَ

بهل اثنـاء اجوي شَمس و سُراج و وجهُم معبس مدري شبيهُم

ايلول
خاف امير شو شحاجي شبيهُم ذولة؟

علي
هذولة الثنين مصيرهُم واحِد بس عركاتهُم مستمرة ..

ايلول
مافهمت؟

علي
لتفهمين حبيبتي بعدين اصعدي وي فَرس يلة

هزيتلة راسي ابتسم بوجهي ورجع باس ايدي هدها ورحِت صعدت يم فَرس

ابتسمت بوجهة اول ماشافتني نزلت دمعتهة وحطت راسهـا ع كتفي

فَرس
ايلول حاسة بية موو؟؟

ايلول
والله حاسـة بيج والله انتِ بس اهدي ياروحي ماريدج تبجين هيج حبابة

باوعت لشَمس تريد تفتح الباب عَلي مدري شنو حاجاهة واشرلها عَ الصدر مبينة متطيقة ابـد

فَرس
ماجنت اظن هيج ابد ايلول ليش هجي سوة بيـة

ايلول
متندم فَرس متندم

صعدت شَمس بصدر ودارت وجهة النـة

فَرس
يعني متندم شنو الفايدة ها !
احسني تقززت منـة والله

صعَد سُراج وحجت شَمس
والله احِس اتقززت من كُل الزلِم هيج
كُلهم فاشليـن

سُراج بعصبية
هـااااي شبيج شَمس !!!

شَمس
ماحاجية وياك ترة اني

سُراج
استغفرالله ..

حرك سيـارتة استدار باوعت لأُستاذ واكف بـ باب المطبخ و وجهة كُلة مزعوج، باوعتلة فَرس ودارت وجهة

حرك سُراج سيـارتة وفتح علي الباب قبل لا نروح ضل يوصي، هوَ عِندة سيارة رياضية يعني مبيـن مُتسرع ويحب السرعة بس ان شاء الله نوصل لاهلنا بسلام

حَطيت ايدي ع ايد فَرس وضليت احاوِل احاجيهـا بهمس حتى شوي تطمن

سُراج هم ضل يججي وياهة نفس الحجي الي حجا جوة الهة وكعد يحجي بـ امير شلون هوَ يحبها ودائمًا يمدحها يمهُم

اول ماطلعنـا من مُحافظتهُم بعد مرور ساعة ونُص تقريبًا فَرس نامت لان تعبت، من أمنت عليهـا خليت ونمت لان جنت ميتـة من النُعاس والتعب ...

شَمس

رحت اخذتـة بسرعة باوعت بي ٤ ارقـام اول شي اجـة ب بالي مواليدة اول ماكتبتهن رأسًا انفتح

ابتسمت بمكُر ورأسًا رحت للانستكرام باوعت كووووومة مُحادثات واكو حسابات بنـات هواي، احس صابني الدوار واني اشوف،  لكيت مُحادثتهم اول شي

فتحتهـا وبديت اقـرة بمُحادثتهُم من الاخير

صَفـاء
والله جدًا مُمتنة منك عيني سُراج، حتى دكتور احمد بلغتة عليك وشلون ساعدتني هناكَ وحب يوصلك سلامة الحـار

سُراج
ست صَفـاء انة ماسويت غيـر واجبي واهلاً وسهلاً بيج
وبلغي تحياتي لدكتور احمد
دُمتم بخير ..

حاطتلة لايك ع الرسـالة
منو دكتور احمَد بس لا رجلهة ؟

عـزة العزاني اذا طلعت متزوجة، نزلت شوية بالمُحادثة اقرة رسائلهُم عِبارة عن مُصطلحات انكليزية، واصلاً نصها بالانكليزي وشُكرًا وعفوًا

صَفاء
استاذ سُراج عازمتك على غداء الساعة بـ ١٢

سُراج
لا يردُ الكَريم إلا البخيل
تدللين ست صَفاء
بـس الحِساب علية من هَسة
احنـة ماعدنة نسوان تدفع

صَفاء
اني عازمتك استاذ سُراج ماكو هيج حجي

سُراج
لا والله احنة زلم شرقية ما تمشي عدنة هجي سوالف سَت صَفاء حتى اذا مُصرة حتى من هسة اكنسل السالفة

صَفاء
ههههه تعال ويصيـر خير هم حتى نحجي عن المُناقشة

سُراج
ان شاء الله خير

شَمس
هُمة زلم شرقيـة ما يخلون المرة تدفع فلوس شعجب ما كال شرگي لو يريد يبين هوَ جنتل مـان عود

كلبت بكُل المُحادثة نفس الحالة مابيهة شي مِنا مِنا، بس من اشوفة كَ مُحادثة يبين لطيف ولا حسبالك هوَ هنا همجي قُح

طلعت من مُحادثتهـا وطبيت لمُحادثة بنية ثانية

رادة ع ستـوري يخُصة
- ساعات دكتور وساعات رياضي تشتغُل حَسب المود بس بالحالتين تخبُل ههههه
راد عليهـا بقلب

اباوع ما مخليـة غزل ممتغزلة بي ونص الرسايل ماراد عليهن ونص الثاني يرد عليهن بتسليك

احس روحي فرت من العَصبية والغيرة بي مو عليّ عليهاا
ياربي شلـون تسمح لنفسها احد هيج يحاجيها وتتلزگ بي لهل درجة!
وهوَ شكل يغُث شكدددددد يغُث

باوعت اكو نسـوان هواي ما شاءَ الله
جاي افتح بالمُحـادثة ماحس إلا عَ صوتـة

سُراج
شَمسسسسسسس

اني هنانـة جفلت، غمضت عيوني وسديت الموبايل رأسًا وراسي ولا استرجيت ارفعة، ما تمنيت غيـر انُ يكون هل مَشهد حِلم واكعُدد من عندة

اتقدم الي واني صرت امشي اصابعي عَ رجلية واسوي نفس الموسيقى كُبل حطيت الموبايل بصفي ع التخُم

سُراج
انتِ منوووو سمحلِج تفتحيـن موبايلي !!!

رفعت راسي بتلعثُم و كمت وكفت كدامة وهوَ يفتح الموبايل

شَمس
ااا شسمة اا مادري اااا مافتحت اصلاً بس هيج

سُراج
وطابة ع مُحادثات هماتين ؟؟ من شوكتتتتتتتت فاتحة موبايلي

من صـاح هيج خَليت وشردت بسـرعة لغُرفة بيبي، لكيتها كاعدة دتقرة قُرآن ولابسة نظاراتهـا

طَب وراي وهوَ يصيح

سُراج
ولج شَمس تعاااااي خل احاجيج

صرت ورة بيبي وبيبي صار تصدُق واني احس نفسي متقوية

شَمس
هسة ديلا قابِل بس انتَ تباوع بموبايلي بالغلط سويتهـا شنو يعني

صالحة
ولكم شبيكم شكوو يُمة

سُراج
يُمة فاتحة موبايلي وكاعدة تبحوش بي وطابة للمُحادثات وبعدين انتِ شمعرفج للرمز هاااااا ؟؟

صالحة
ولج شَمس

شَمس
بيبي والله ماقريت هواي هيج مُجرّد بس فضول

تقدم النـة وهوَ عصبي ويحجي

سُراج
هَسة من اكسر الموبايل على راسج هم واحد يكلييييي ليشششش خصوصيتي ليش تتعديهااااا ليششش !!

صالحة
ولكك يُمة لا تصيح شمالك، هَسة هيَ شمسويتلك قابل شجايسة ماتكلي

سُراج
لا يُمة هاي البت مدللة فردور واذا انتِ وجدي هجي تحجون ترة تضل تصول وتجول بكيفها ومحد يكدر يكضها

شَمس
ع اساس هسة انتَ ما تلزم موبايلي شنو يعني لو نغثيت لااااان

كلت هيج وبـ اثناء الكلام خززززرني بـقوووة
سكتت ع خزرتة و ع گرصة بيبي

سُراج
شَمس تربيتج يمي انة والله محد يربيج غيري
اذا تضلين هجي تيهين انتِ

شَمس
لا تكول اربيج اني مترررررربية اذا تريد تربي عود ربي نَفسك

صالحة
وووووولج شَمسسسس موعيب هجي تكولين لابني عمِج

سُراج
جااااي تسمعيها جااااي تسمعيها
شَمس والقران اندمج اندمممممج اذا احط بالي وي بالج
شلون ذيجّ الايام اخليج تمشين وتنداريـن لخيالج

صالحة
اسكت انتَ اسكت
وانتِ شمالج شبيج ليش هجي تراددين ابني عمج
احنة ماعدنة بنات تتجاسر هجي اعلى وليد عمهـا
هذا ابني عمج يُمة شيال همج
مِن خفة لهل حلك

سُراج
حيل هجي ينراد ويـاهة هجي

صالحة
وانتَ المصومخ اسكت

باوعت الة بحُقد والدموع بعيوني كوة لازمتهن ومانعـة نفسي، كمت اريد اصعَد سمعت صوتة وراي

سُراج
والله اذا عدتيها بعَد انة اتصرف ويـاج

صالحة
سريّج دكااااافي انصلم انتَ شجابك

درت وجهي بغضب وكتلة
شَمس
موبس موبايلك حتى الك ماباوعلك

سُراج
دخيلجج اموتتتن وراج بس تصدين عني

طلعت وسديت البـاب بقوة سمعت صيحتة
سُراج
اجييييييييي

شَمس
خفة لهل صوتتتت ان شاء الله
حجيتهـا بصوت مسموع مادري بي جـان واكف ويريد يطلع فتح الباب واني ماهتميت الة خليت واريد اصعد صار كدامي

سُراج
تدرين كل ماشوفج اشوف عمي بيـج، واحطن عمي بين عيوني
وإلا يا شَمس لو مـو مبادئي ولو مو تربيتي مَرة تقلل مني لهاي الدرجة لا يشهد العَباس علية صاير غير شي
وانة هم ماستمر هجي
الحديد بقوتة وبصلابتـة من يدگون اعليّ فوگ اللازم هم ينعفس
وانة هم نفس الحاجة اصبر اصبر واتحملج بِما فيه بس بعدين اطگ بيج طگة من هـاي الزينة

شَمس
وخر مني ترة والله لعبت نفسي منك

كلت هيج ودموعي نزلن وخَليت وصعدت

اسمعـة يكول
سُراج
صَبررررررررك يا ايوب صَبررررك

ضليت فوگ واحس روحي هيل انهُضمت من بيبي كعدت سيـوف ونزلت وضلت كل شويـة تصيحني واني مالي خُلك انزل كتلها مانزل وعاندت انُ مانزل

للظهُر قريب الـ ٢ ونص صعدت سيـوف نامت وكالتلي كُلهم رايحيـن لبيت رَحمة عفتها تنام ونزلت البيت هادئ

صَبيت غـدة وطبيت للصالة اكُل، نزعت الشـال لان محد جان موجود وخليت شعري مفتوح وجمعتة ورة اذني

اني من اكِل احب اباوع باب الحـارة وهم على حلقات مُعينة احبهن، فتحت فيديو جانت بي هُدى ولطفية وفايزة يتعـاركن بي وطبعًا اني من تيم هُدى

كعدت اباوع ومتحمسة
جان المشهد فايزة بنت ابو النار بصباحية عُرسها تكللهن منو انتوا وهنّ يكولن الهن نحنّ نسوان جوزك تشكلي آسي وبدت يهلهلن

اوهـااااا
و اول عروس مرمرة
اوهـااااا
والثانية سُكرة
اوهـاااااا
وافرح يا جوزنـااا
اوهـااااا
وثالث عروس ع المقبرة
كلوليشششششش

هنّ گالن هيج واحس روحي متتت من الضحگ ماگدرت اكتم ضحگاتي وصرت اضحگ بصوت عالي

رفعت راسي واني مختنگة من الضحگ باوعت گدامي سُراج واگف ومبتسم بخُفة

لِلحظة حسيت روحي انصرعت، وهوَ انصرع ويـاي
لزمت شالي بسرعة وحطيتة علية

تحمحم وطب
لا سلام ولا كلام خلة وكعد

اني سويت روحي ما مِهتمة وكعدت على نفس گعدتي
شوية واجاني صوتـة

سُراج
وينهُم شو البيت هدوء

بدون ما اباوعلة كتلة
يم بيت رَحمة

سُراج
شيسون

معَ انُ حجتلي سيوف بس ماريد احجيلة

شَمس
شمدريني ستوني نزلت

ضَليت مستمرة ع غض نظري عنة واباوع للموبايل وابين انُ اني بالي مو ويا

سُراج
شني يعني هسة ما ناكل كلهم رايحين !
وين سيوف

شّمس
نايمة

سُراج
جوعان كومي صبيلي

ماجاوبتة

سُراج
شَمس جوعان وتعبااان

باوعتلة بنبرة مزعوجة وكتلة
شَمس
ترة ماجنت بالعمـالة تكدر تكوم وتصب لنفسك

باوعلي بغضب غمض عيونـة بعدم صَبر

سُراج
هوَ نهايتنة شنية؟
لو انة اموتن من القهر بسببج لو انتِ تموتين تحت ايدي من لسانج

كـال جُملتة وخلة وگام للمطبخ
والله يالله مَدري شحاسب روحة
موتج ع ايـدي بسبب لسانج

عفتـة وكملت اكِل، اني بطبيعتي اكل ع كيف
صَب اكلة ورجع كعد مقابيلي

طلعت فيديو ثاني
جـان بي
ابو عصام يصيح انا ما عم بعرِف احواكِ ما عم بعرف احواكِ
اُم عصام هلئ ماعم بتعرف تحواني؟ مشان وحدة قليلة ترباية هيَ وجوزا
ابو عصام ولك وانتِ شووووو ما انتِ طلعتي قليلة ترباية اكثر منـااا
اُم عصام فشرتتتتتتت

هُمة يحجـون واني احجي وياهُم لان جنت حافظة المشهد كُلة حطيت اللُگمة بحلگي باوعتلة يباوعلي واكـو ضحكة بحلكة

سُراج
لهل درجة فارغـة وحافظتهن هَجي

شَمس
هسة اني فارغة انتَ شعليك

انقلبت ملامح المرسومة بضحكة خفيفة لعَصبية اندار يمة شاف مُخدة شالهـا ورگعني بيها

سُراج
اعقلي اعقلللي

شَمس
لاااااا تمد ايدددددك مرة ثانيـة علية فهمتتتتت !

سُراج
ما مديت ايدي ترة منيلج هلسوالف

شَمس
هسة تُرضى ارجعها عليك!!

سُراج
اذا انتِ مرة هفيها علية وشوفي

گال هَيج بتحدي حطيت موبايلي بـ ايدي استعدادًا للشردة هوَ دنگ ع الاكل بـ ثقة انُ اني مراح اسوي شي

هفيتهـا گُبل ع راسـة والمُصيبة انُ فعلاً وكعت براسة
كمت بسرعة وشرررردت بكُل مابية قوة
مع انُ رجلي شوية توجعني بس ماهتميت ودست عليها شفتة يركُض وراي ولا واني احس جلب يركض وراي ويريد يعضني

كمت ارگُض كُل قوتي ع درج واني اصلاً جنت سابقتة صعدنة لفوگ وهوَ ورايّ بخطوات

انفتحت باب غُرفـة سَجاد وطلع
حسيت روحي شفت منووو كمت ركضت بسرعة ولزمتة من تشيرتة وصرت ورا واني الهث

شَمس
سَجاد حباب سَجاااااد

سَجاد
يا الله دخلك هم عرررررركة انتوا شنوووو شنوووو

سُراج
ولكككك وخرررر وخرررر

هوَ يفتر يريد يلوحني واني افتر واخلي سَجاد يفتر وراي

سَجاد
شبيكُم غير افهمممم شبيكُم

سُراج
تهف المُخدة علية، شَمس اليوم اذا الزمج محدددد يفكج مني

شَمس
اني شعلية انتَ هفيتني بيهـا ف هفيتك بيها

سَجاد
ولكككك بشرفك انتَ وكُبرك هـذا وكاعد تتعارك وياهة بالمخاد والركُض

باوعتلة احس صارت عندة نفس لحظة الادراك صُفن بـ وجه سَجاد، سَجاد ضحك
حك راسـة بخجل وخلة وراح

سَجاد
ولج هديني هاي شلون گاضتني

شَمس
يوووووه دوخرررر ميتة عليك هسة اني

سَجاد
وعلي لسااااااانج صدِك فالت انتِ ضلعي شبيج صيري حَسِنـة اللسان ترة وعلي يعلسج

شَمس
فنّة

سَجاد
ايّ عمي حگج حكومة، اذا جبوري بذاتـة واكف وياج فمنو عليك

شَمس
لعد شعبالك عمييي

سَجاد
اكِلج بت عمي سيوفي ويـن

شَمس
ناايمة

سَجاد
عفة بت ما تشبع نوووووم تنبّل خوما تنبّل
اكِلج ما تنزلين تصبيلي

شَمس
ما تصُب لرووووحك

سَجاد
والله ماعرف بروووح ابوج صبيلي شميسة

شَمس
تعال انزل خل اصُبلك بس مو علمود شي حتى اغيض سُراج بيك ولان حلفتني بروح بابا

سَجاد
تردين تغيضين سُراج من عيوني صدك جذب انزلي انزلي

نزلت وهوَ نزل ورايّ ويحجي بصوت عـالي
سَجاد
ايّ شوشو فَ شنـو انة شكتلج الدنيا انگلبت بالسجن سويت عاليها ناصيها طبگتلجُمياهم كل ٥ سوية مرعدتهُم تمرعِد

شَمس
والله عفية عليك ابن عمي ١٨٩ ماراح ع الخالي بلاش

سَجاد
جا شعبالج الالزمة اسوي ثنين والكفل زينب

گال هجي وضحگ وضحگت نزلنة جوة سُراج عيونـة علينة

سَجاد
بعدروحي شَموسة بت عمي الغالية وعلي جوعاااان ماتصبيلي

شَمس
تدلل هسة اصبلك

باوعت لسُراج يباوعلنة وكوة متمالك نَفسة صام اديّ وحاطهن ع رجلي وگاعد

رحت صبيتلة بسرعة اسمع سُراج مدري شيهمس ويـا وسَجاد يضحگ صبيتلة ع سريع حَتى مـا يفوتني شي ورحت

شَمس
هاك عيني اتفضل

صوفر سَجاد وصفگ
سَجاد
لكككك هلاااا ب بت عمي هللااا

سُراج
ومرضضضض حتى مرضضض مطيرجي لوشنييي هيَ هاي تربية ابن الشيوخ

سَجاد
ليش تحسسني كاعد بديوان الشيخ جبُر وبسدي شيخ مالك وكدامي مروان ال دحام شبيك خوية عوفنـا نعيش

حطيت الاكل كدامة وكعدت يمة

شَمس
ايّ سجاد كملي شنو الي صار بعَد

سَجاد
ايّ شموسة فَ بهل اثناء جابوا سِكير

سُراج
انتَ منيلك هل جذب هوَ علي وين خلاك تشوف سجن مزدوج غير نايم وحدك بـ سجن vip

سَجاد
هلووو منيلك هسالفة عمي والله مرات صرت بسجـون دهاليزززز

سُراج
ايّ لا ودوك لسجن الحوت فردنوب
كوم ويـاي محتاجك

سَجاد
ارد اكل شكو

سُراج
جا اذا مُمكِن تعوفينـا شوي انة و اخوي نحجي

باوعتلة بتعجُب من جرئتة وعدم ذوقة

سَجاد
متاكد عدك شي وياي

سُراج
يلة عمي عوفهـا عود ردت احجيلك ب تفاصيل الدوسات اليوم ردت اخذك وياي

سَجاد
العب لالاااا بشرررررفك احجي شنـيي

بدوا يحجون سوية بالتفاصيـل وسَجاد نساني اصلاً
امداك سَجاد مومال واحد يحاجيك

عفتهُم وصعدت نمت للمغرب تقريبًا كعدت ع صوت سيوف تكلي تكول بيبي لا تنام ما يصلح

كعدت كمت بدلت وغسلت لكيتهُم كلهُم كاعديـن سوية، حجوا بتفاصيل غَيث ورحمة وجانوا منتظرين اجابة منهُم

ماكعدت يم بيبي وضليت كاعدة يم جهة جدو
شوية وصاحتني

صالحة
ولج يمكارة ما كلتي بيبيتي تصيحلي ماتجيـن

سكتت

جبُر
ها شبيجن متعارچات(متعاركات)

صالحة
سوتلها شي ماعجبني كتلها يُمة مايصير شو غندبت بوجهي

جبُر
شسوت

صالحة
تعاركت هيَ وسُراج

سَجاد
ويـن ال غريب بالموضوع اليوم الظهر تعاركوا بالمخاد واحد يركع الثاني بالمخدة ولكيتهم يتعاركون صدك صدك يعني مو شقة

سُراج
هيَ طفل شبيك !!!

جبُر
ما شاء الله ما شاء الله
هسة ابلش منين منك انتَ لو من بيبيتك
وبعدين انتِ تعرفينة بهذا مسودن ترزليها هيَ ليششش

من گال جَدو هيج ابتسمت ابتسااااااامة عَريضة

علي
لكككك عاين الضحكة

سَجاد
كتلها انة اليوم حكومة جبُر وياج منوووو عليج

الحلو بسُراج يسكت يم جدو ما يكعِد ينطي بية ويكول شنو سويت ويخبث بس من يلزمني يلعب بية لعِب
سكت هوَ وكانهُ ميعنيلة وبيبي هم ضلت تصيحني حتى تصالحني اني غصبًا عليّ رحت وهيَ الي باستني

باوعتلة بنظرة غرور باوع واستهزء بضحكة خَفيفـة

مَر اليـوم بسلاسَة واليوم الي ورا اجوي البنـات والتهيت وياهُم مو كُلش احتكيت بسُراج

من صـارت سالفة فَرس وامير سمعت صوت صايح واني نازلـة احتاريت ب انّي انزل لو اضل بـس احس ماكدرت اسكُت
بهل اثنـاء طلع سُراج من غرفتة بعتبار هوَ وامير وحدة يم الثانية
باوعلي وكالي شكو ؟

اشرتلة مـادري ..

تقرب يم الباب وسَمعنا الاصوات اعتلت
اجوي الولد البقيـة و ماجنة ندري شديصير اخر شي سُراج دك الباب

صـارت السالفة كُلها وعلي حرجني بـ سالفة انُ روحي وياهن
رحت بدلت لبست بسرعة صاية ع ملابسي و شال ونزلت سُراج طلع من غُرفتة ويريد ينزل

باوعلي راد يحجي بس سكت
سُراج
استغفرالله ياربي صبرررررني

باوعتلة صفُح باوعلي وعيونة نطت علية

سُراج
شبيج تباوعيلي هجي

شَمس
ما ميتة عليكككك ترة

سُراج
لا تراويني وجهج احسنننن بس اشوفج اعصب واتوتررر

شَمس
شكددد مُستفز وشايف نفسك

عفتة وحصرت روحي ع الجهة الثانية ونزلت قبلة

ردت اصعـد ورة وياهّن علي استوقفني

علي
عمي طريق طويل ارتاحن بگعدجن اكعدي بصدر

شَمس
اريد يم البنات

علي
ولـج نعسانات خطية دروحي بصدرررر شبيج
ماريد رجلين مرتي تتكسر
هيَ سيارة سراج هاكدهة

حرجني ماكدرت اكلة لا صعَدت بالصدر
تناگرنـا بالبداية وادري بي سكت لان البنات موجودات ويستحي

ما مّر الوقت ع الهـدوء إلا و اني نايمة، وراي ماجانت اكو وحدة لان ثنينهن وحدة نايمة ع جتف الثانية بنُص ومن جهة سُراج

حَسيت بسُراج من نزلي الكشِن، جنت نعساااااانة هواي نمت براحـة بسرعة

كعدت ع صوت هورن مـال سيارة عالي
فزيت مرعوبة واسمع صوت سُراج يسب بي

سُراج
يااااا عديم اخلاق يا ما تفتهم

عدلت نَفسي وانداريت الـة ما مستوعبة شديصير
شكو

سُراج
عدلي شعررررج انتِ كِلة طالع

شَمس
هاااااي شبيك تصيح علية حتى اوول ماكعد ترة والله موتنني

انداريت البنات ماكو والساعـة بـ ٩ شلون ماحاسة بكُل شي صـار درت وجهي الة وجهة الطُبر ما يگُصة ع گولة بيبي
برررررة شكدددد اكرهة شكددددد

اني من اكعد من نوم اكون مطنكرة نوب اكعد ع وجهة وصياحة لا هذا صباحي المشؤوم اكيدددد

سُراج
شجااااي تحجين بينج وبين روحج

شَمس
احجي ع حظي المصخم وداندب بي لان اجيت وياك

سُراج
ترررررة محد طاگج ع ايدج وكالج تعاي وحدج انتِ اجيتي

شَمس
اجيت ويـاك بسبب علي ولا اني اجي وياككك شبية مخبلة

سُراج
والله اني اكول لو تسدين حلگج وتسكتين هووووواي افضل شَمس انطمري نااااامي احسن

شَمس
اكلك عاد لا تكوووول انطمري انطمررري شنووو احترم نفسك كافي ترة والله هـوووووواي انطيتك مَجال

سُراج
احترررررم نفسك شني
لج انتِ شجااااااااي تمخرطين

شَمس
ايّ ايّ احترررررُم نفسك وديربالك تحجي وياي هجي

طريقنة جان سايديـن بس بدون حاجِز ف الي يروح والي يجي سوى وطريق سريع فَ السيارات تمشي بسرعة

هوَ اساسًا يقود بـ ايد وحدة نوب كلت هجي ماحس الا وخر ايـدة من الستيرن ديرفع ايدة بغضب حَسيت ع صوت هورن من ورانـة

اندفعنـة من ورررة حَيل
صحتتتتت بصوت عـالي وحطيت ايدي ع ايددددة

شَمس
سُرررررررراج

ماحس الا السيـارة صارت صفح نوبّ سُراج يريد يرجع مايكدر كوووومة سيارات اجتازت الحاجز الحديدي بكُل قوتهـا وانكلبت بالتراب

تعالت اصواتنـة سوووة وماصرنة نسمع غير اصوات هورنات السيارات

شَمس
سُرااااااااااااج

سُراج
شَمسسسسس ...... يُتبعععع

حبايب هذا البـارت مو بارتكُم تدرون بية شكد احب البارت يكون طويل واكثر من ١٥ الف بس اليوم كتبتلكُم بس ٧ الاف كِلمة، الي متابعني تليجرام يعرُف ايدي شكد متأدية بسبب الكتابة بس امانتًا ماحبيت اخليكُم تنتظرون اكثر، ونزلت الكُم وهذا جان قراركُم انُ انزل اليوم حتى لو قصير وبعدين اعوضكُم، ان شاء الله من باجر راح اكتبلكُم بـارت حيل طويل بحيث عُكبة ينزل الكُم بارت مليان احداث وبعدال ٢
دُمتم بخير، احبكُمم ✨