مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
____________________
صعدلتـهه لطابق مالتهه دكيت الباب ع شقتهـا الي دلتني عليهه
فتحت البـاب الي وجانت لابـسه فستان مارونـي ، جسمـهه ابيض حيَل والفستان ضارب عليّ شعرهه حيل طويـل ونازل ع جوانبـهه ، هي مامحجبه
ها جاهزه حته نروح؟
نسريـن
اوه شبيك معقد غيث اخذت غير نضره عليك تدري حته م كتلي كلمه حلوه بربك هل جمال كله ومتباوعله
ها لا يمعوده عليمن معقد ههههههههه المهم طالعه حلوه وتخبليـن
نسـرين
والله انت الي طالع حلـو بس ممكن طلب ، دتعال طب شبيك
طبـيت وسدت الباب وراهه احس ارتبكت بس حاولت اكول عـادي الي جاي يصيـر
نسـرين
بس فستاني صارلي ساعه احاول اسد السحـاب عادي تسدليـا ؟
صفنت بوجهه ماجنت اعرف شنـو اجاوبهه
نسـرين
غيوث شنـو ولا عرفتك شكد تستحي شبيك يمعود هي سحـابه سويلياهه يله
دارت وجهـهه و وخرت شعرهه الي جان مغطـي ضهرهه السحـابه جانت كُلهه مفتوحه لحد نهايه الضهـر
تقربت من يمـهه وسحبت السحـابه بشكل سريـع واني احاول اغض النظر عن الجاي يصير كدامي
دارت وجهه الي وصارت قريبـه من يمي
نسـرين
شكرا غيوث
طبعـت بوسه ع خدي وهي تضحگ
نسـرين
بربك شلوني طالعـه شنو رايك بيـه
حاولت اوخـر التوتر الي صابني
والشيطان الي متربع براسي
غيث شبيك تره هي مبينـه بايعه نفسهه لا تصـير اثول واستغل الفرصـه
تقربت من يمهه شكم خطـوه وگتلهه
شگد حلوه وتخبليـن طالعه
لزمت ايدهه وافترت وهي تعرض جسمـهه المُغري كبالهه وهي تضحگ
خلينـا نطلع نسريـن لا انوب الشيطان يدخل ابيناتنه هههههههه
نسـرين
واذا خـل يدخل اهلاً وسهلاً بكُل الضيوف
تقربت يمي وهي تلزگ روحهه بيـه حاوطت رگبتي وجانت تبارعلي بنـضرات سحرتنـي
ماگدرت اتماكل نفسـي گبالهه ومن دون اي تفكير تقربـت الهـا
فجـاه ابتعدت عنـي ...
نسـرين
خلينـا نروح للحفله وبعدهه ليلتنـه طويلـه
رجعت تقربتَ الهـا وكتلهـا
بَس ...
نسرين
شبيك حبيبي ليلتنـا طويله خل نمشي هسه الجماعه منتضرينـا
طلعنـه وجان حجيـهه بالسـياره حيـل جريء الي خلانـي اروح ويـاهه من دون ما احسب اي حسـاب ..
جـان براسي اجزاء كومة
جزء يكلي هاي البنية غلط و وراهة سالفة
وجزء يكلي الجاي تسوي حرام وهذا راح يعتبر زنا
جزء يكلي شنـو مصير هاي العلاقة؟؟
وجزء يكلي اتونس هيَ ليلة وحدة
وصلنـه للقاعـه كالتلي هي انُ عرس اصدقائهه طبينـه اكو هواي ناس ، جانت لازمه ايدي وتمشـي اكو بالباب شكم واحـد اشكالهم مو نظامية ابداً
يباوعولي من فوگ لجـوه بنظرات مال واحد مادري شنو الي يريده بالضـبط
طول الحفـله همه يباوعون الـي اخر شي خزرت واحـد حيل ، حسَيت ما اتحمل بعد هيـج يباوعولي بهاي الطريـقه وكانمـا مجرم ومسويلـه شي او كأنما اشخاص يراقبوك ويردون يعرفون ادق تفاصيلك
اكلج ذولة منـو تعرفيهُم؟ وتعرفين ليش جاي يباوعون لطاولتنا !
والي خصوصًا ؟
باوعتلهُم بارتباك ورجعت باوعتلي
ها لا ماعرفهُم شلك بيهُم هَسة خنتونس
شتتونسين لخاطر الله مو لعبوا نفسي
عفتها وكمت الهُم ارد افهم شنو سالفة وليش هيج يباوعون؟
انة شايف ناس تباوع واحنة نباوع بس من المُقابِل يحس نوخر عنة نستحي شي هذولة ما اعتقد حَتى رمشوا كد ما جانوا مركزين وياي فَ جان الموضوع غريب ولو عفتة بدون ما اكوملهم جان راح يصير غريب بعد اكثر
اتقدمت الهُم وقدمت تحية الاسلام
السلام عليكُم
ردوا السلام علية
بس ردت اعرف اخواني مضيعين شي بطاولتنا؟ او بوجهي خصوصًا مادري اكو مُشكِلة واحد مُجرم يشبهني او شنو فلم نظراتكُم؟
هُمة ارتبكوا و اداركوا الموقف بضحك و انُ لا و انتَ مشتبه
بوقتها اني جنت حاد ومتعصب بكلامي
بس هُمة حاولوا يطرفون شكد متجان
عفتهُم ورحت، احس كلشي مو نظامي بهذي الليلة
هيَ حست بضوجتي ورجعت استعلمت اسلوبها الخاص بالغزل والحركات الي تخليني انسى كلشي
جان القاعه ولد وبنـات ، تونسنه ورجعنـا للشـقه ، خابرت امـير كتله دبر الي الوضع من يمك اريد ابات يم اصدقائـي
بالسـياره اخذت عقلي بتصرفاتـهه وحجيهه ، اخذتني لغير عالم لدرجـه كمت ماعرف اسوق
نسـرين كافي خل نوصل يرحم ربـج
نسـرين
نوصل شورانا اليوم سهرتنـا طويله اصلاً
وصلنـا للشـقه و اول ماطبينـه الهه وكانمـا هي الجانت رايده هذا الشـي
عشت ليله حلوه بس ما جنت محسب شراح يصيـر ورا هاي الليله وشنو الثمن الي راح ادفعـه
مُباشرتًا ضجت واتقززت من نفسي
وصفنت اني شلون سويت هيج !
وخرت اهلي و وخرت تربيتي و وخرت كلشي
وحطيت الله ب بين عيوني
اني شسويت ؟ وشلـون عصيت الله !
وشلون راح اكدر اكفر ذنبي
الندم اكلني اكل
خليت وكمت بسرعة هيَ كامت وراي
نسـرين
بس اني ما اسمح الك تكوم وتعوفني وحدي بهيج وضع !!
نسرين الي صار بينة المفروضضض ما يصير ابدددددد
انتِ شلون تسمحين لنفسج اووو .... اتذكرت انُ هيَ اصلاً مكانت بنت يعني ب اختصار اني مو اول واحد
ماحبيت احجي او ازود كملت حجي بالموضوع العكسي
اني شلـون اسمح النفسي اني شلون !
نسرين
شنـو قصدك غيث ؟
ترة اني مسوية حادث بصغري وفاقدة عُذريتي بيها مو الي ب بالك اصلاً !
نسرين انتِ مصدكة بعلاقتنا وكاعدة تبرريلي اني ماخصنيييي ماخصنيي
نسرين
غيث ترة اني هم ماريد زواج وهل امور
وعلاقتنا مُمكٍن تكون لفترة مُعينة
اصلاً اني السنة الجاية ارجع لجامعتي
بس ردت اقضي السنة وياك وبَس
لانك انسان ابن خير واكدر اثق بيك وتكدر تلبيلي كُل شي اريدة بدون فضايح
نسرين اني ضد هذا القرف عوفيني اترجاج
نحجي سوى واني ابدل عفتها وطلعت بـسرعة
كعدت بالسيارة واني اخذ نفس
خرب حضي شسويتتتتت
يارببب لو اكو مسح مواقِف
لو اكو فد شي يشفع
عامود نزوة متجاوز الساعة اعصي ربي عُمر علمودها !
ليش هيج سويت ليشششش!!!
الندم اكلني اكل وماعرف شسـوي سقت بسرعة واني اريد اوكف ب ايّ مكان مابي احد بس بي نفس
وكفت بمكان اظلم ودي الزم احد اضربة ماجان يمي غير سيارتي
ضربتها حيل واني معصب ومو داري بنفسي
اخ اخخخ ليش هيج غيث ليششش
شويـة وحسيت بالغت بردة الفعِل !
غيث كول يالله الله غفورٌ رحيم وهاهي اني بعد ماكررها ان شاء الله وصارت هي بعد
اكو جزء بية حاول مايحملني ذنب للي صـار واني سمعتلة بتبريرة لنفسي
كمت ورجعت للبيت لكيتها مراسلتني كومة وجاي تبجي وتكلي شلون عفتني
مالي خلك احاجيها نمت رأسًا اليوم الثاني مجان عدنة دوام حسيت قسيت عليها وفكرت بكلام ( اني بس هاي السنة واريد اتونس وياك بس هسة وبعدين ارجع ولا اريد زواج ولاشي ) حسيت كلامها صح وماكو نية اصلاً غيرها لان كَ ماديات نسرين ابد ماتدور ماديات واني جربتها
بادرت وعزمتني ع مطعم
اني ما كلت لا وعجبتني المُبادرات الي تخطيهم الي
رحت بوقتها بس جنت بعدني ضايج وحتى لا حاولت اكون لا فَ بداخلي اكو شي ضايج
حجت نفس الحجي الي حجتة وياي بالشقة وكلتلي اطمئن كُل شي راح يُبقى سري
بس نسرين اني ماحبيت التهور الي سوينا ابد
نسرين
ليش تحسسني الذنب علية ترة انتَ الي ردت هذا الشي هموبعدين كتلك محد يدري من شنـو خايف بعد
استنكفت بساعتها اكلها من الله
حسيتها تستصغرني وتضحك بوجهي وهوَ فعلاً جانت راح تسوي هيج
وللاسف جنت انسان ايمانة مو قوي ابدًا ...
سكتنة وحاولت تراضيني هيَ
بس اكوشي بية مامرتاح وضال ضايج شنو هوَ مادري
حاولت وياي بشتى الطرق حَتى تضحكني او تريح نفسبتي بيها وهاي احلى مابيها، اخر شي طلعت سيجارة الكترونية من جنطتها ..
"تجرب؟ ما بيها نيكوتين، بس تهدّي الرأس..."
باوعتلها وجِنت متردد صراحة
بس كالت:
"والله ما بيها شي، حتى أنا ما أدخن، بس هاي طبية، يعطوها بمناطق الشمال للقلق..."
اخذتها منها، وجان طعمها حيل طيب شربتها وطلعت القهر الي بكلبي بيها بس ماجِنت ادري راح تتحول حياتي بسبب ( من الدخان للضياع)
مـرات أيام وهيَ تجيبلياهة دائمًا وبنكهات مُختلفة وخصوصًا ( النعناع، المانگة) ولمن طلبت منها انُ تنطينياهة واشتريلها غيرها ماقبلت وكالت اريدها
صرت احس اتلذلذ بيها وماشكيت ولو صُفر بالمية
لان جنت ادري هنّ بيهن أدمان ..
يوم من الايام عزمتني لشُقتها، رحت و اني ماخذ حذري بس بيومها ماردت اردها لان جان يوم ميلادها
نسـرين
اكو عصير دائما اسوي حسوي ونشرب سوى اوكي
خفت وترددت من الي كالتة، كلت خاف تحط شي كذا
بس ماشتهي اني عصـير
نسـرين
شبيك كلش طيب والله علمودي
اوكي تمام سوي يله
كلت ماشرب الا هيَ تشرب و اذا كلش كلش اذبة او اتحجج واطلع
اطتني النرگيلة الالكترونية وصرت ادخن بدون ماحس عَ نفسي، لدرجة مرات تخلص شحن واني مادري ع كد ما متلذلذ بيها،
احس راسي صدع ودخت بس مستمر ادخن وصافن، وامنيتي اعرف بيمن مادري احس اكو اشياء هواي براسي بي من اصفن ما الكي شي !
كامت تسوي وانـي ضال ع الفراش احس دخت مادري شـصار بيه ، كلت خل اكوم اشوفهه شسوي
شفتهه تحط ع الكلاص مادري شنـو نفس الطحين الابيض بس جان بجيس محطوط
حسيت الوضع صـار يربك وكلت هاي خاف شو شتريد تسوي خصوصا ع الدوخه الي صارت عندي
شنـو هاااي شجااي تحطـينن؟؟؟؟؟؟
باوعتـلي وارتبكت وماعرفت شنو تحجي .... يتبعععع
___________________
وين حنروح هسه
اخذت نفس ودار وجهه الـي وكال
علي
تقبليـن اعزمج بمطعم؟
بلعمت وصوتي البداخلي بـده يحجي
عزا يمه وين يريد يوديني بس لا يريد يخطفني ويوديني هناك لا مراح اقبل
لا شكراً اريد ارجع للبيـت قبل المغرب
علي
مراح نتاخـر ؟ اول مره اعزمج لا ترديني
حسيت الموضوع بده يقلق وبعد ماتحمل بانت عليه ملامح الخوف وكتله
اكُلك علي انت تريد تخطفني لو شنو ، شنو ساد الشبابيك وتريد توديني مطعم ومادري شنـو
ابتسـم بوجهي وگال
علي
شنو السالفـه
بديت تقلقني تره
علي
اني هنا لحمايـه المواطن مو لاقلاقه ست ايلول
مادري بس احسك راح تنتقـم مني
علي
ليش شنو الي مسويته وانتقم منج
دير بالك ها هسه اني من هسه اكلك تره اني عندي حمايه وراي بس انت ماتدري بيهم اي شي تسويليا يجونك والله
علي
هاي حجي وتخيلات زعاطيط والله تره هوه الطريق ما بي غير اني وانتِ
مابي غير انت واني يممه علي رجعني بسرعه
علي
ايلول شبيج شهل تصرفات رايحين لمطعم وهذا المطعم هذا طريقه واذا ما مصدكه انتضري هسه تبيـن عندج شي
ضليت ساكته وماتحرك نفس الصنم بس ابلعم من الخـوف
شوي وشفتـه وگف
ليش وگفت
علي
شوفي كبالج شنو اكو
باوعت لافتـه مكتوب عليـهه مطعم ...
هسه شبيـه اني والله مكبرتهه والله يالله فشلت روحـي ، ديلا صلحي الوضع وبيني انج جنتي تشاقين
هههههههه تره ادري لا حسبالك اني اخاف تره الموضوع هيج جنت احب اتلاطف ويـاك
ابتسم بوجهـي وگالي
علي
اي ادري بيج تتلاطفين وياي
اصلاً انتِ حيل لطيفه ولطافتج تخر منا ومنا
شنو قصدك جاي تستهزأ بيـه
علي
لا وين استهزأ على بختج المهم تره الدنيـا حيل بارده والي لابستـه خفيف
الجو حلو ترره مو ستونه اجينه
علي
هنا ماكـو غير اشجـار والمكان مابي احد والمنطـقه هاي بارده لان حدوديه ف يصيـر بارد اني افـضل الج تلبـسين الجاكيت الي وراج لان مراح تتحمليـن البرد
باوعتله مد ايده ليوره وطلعت نفس الجاكيت الطويـل
لااا شكرا ماريد اصلاً الجو حلـو
نزلت من السياره اباوعله مدري شبي الولد ملامحـه حيل ضايجه وبنفس الوقت هادئ سبحان مغير الاحوال منين اله هل هدوء
انـي نزلت واني جمدت من البرد ، عاصفـه موطبيعيه الهوى اخذنـا وبارررده حَيل نزل وهوه يحجي واني كوه اسمعه من صوت العاصفه
اني شكتلج مو كتلج البسي بارده حيـل لا تخافين مايخرب لبـسج
حسيت صدك الجـو بارد ولازم البسه اني بهاي السوالف ماهتم للكشخه ولاشي اخذته من ايده ولبـسته
الجاكيـت حيل جبير عليه مع انـي جسمي مو ضعـيف
قفلت الدكم من فوك وصار المنظـر يجنن
فستان طويل احمـر والجاكيت بيجي جان اقصر من الفُستان بشويه
اباوعلـه مبتسـم
ادري شكلي طلع مو راهم بـس حيل بارده ماكدر انزل هيج
علـي
اني كتلج من البدايه بارده
نزلنه گال ترديـن نطب بالمطعم لو نضـل بره ع الهوى ، المطعم جـان اكو خارجي و اكو داخلـي بي كتله خلينا هنانه احسن
اني احب الشتا واحب احس بالبرد ولبست جاكيت ف جان اكو برد بس لابأس نتحمل
ماجان اكو احـد ابداً غيرنـا احنه والعمال ، صـح الجو بارد بس حيـل حلو جان ، اني بطبيعتي احب الاجواء الشتويه
صار صمت بيناتنـا محد حجه شي بس حسيته هوه عندة حجي بس مايعرف شلٌون يحجي
احسك عندك حجي وتريد تحجي بس ماتعرف شلون تحجي ف احجي
رفع راسه الي وابتسـم
علـي
اي والله عندي بـس مادري شراح يصير من بعد هذا الحجي الي عنديـا اني
ليش شنو حجيك ، علي احجي اي ان كان بس دير بالك تچفص نفس ذيج المـره
علـي
تره والله العضيم ذيج المره ما جنت اقـصد
اي ادري ماتقصـد
علـي
اذا تعرفين مو قصدي ليـش تلحين بالسالفه ولسه ضاله ابالج يعنـي انتِ كل ضنج انو اني حجيتهه ع قصد
لو ادرييي تحجيهه ع قـصدد جان ما هسه اني يمك واني هم ماكتلك شي بس كتلك لا تچفص
علي
لج بابا لا تكليل تجفص شنو ولد صغير يمج وتكليلي تجفص
تؤ استغفرالله ربِ العالمين اللهُم طولج ياروح يعني احنه مانكدر نكعد كعده نفس العالم والنـاس لازم كل كعداتنه مليانه توترر وصايح
جـاي يحجي طبوا ثنين مبينين مخطوبين كعدوا ع الطاولـه الي يمنـه
ايلول
يلا تمام مو لا تجفص
اخي انتقي كلامك بحضرتي مُمكِن؟؟
علي
حضرتي ؟ تحسسيني طاب لحضرة الامام علي
ايلول
ماتضحك
ثنينـه منفسييـن ومبين علينه شكد ضايجييـن
علي
تمـام اسمعي خل ناكل ونحجي اريد احجي ويـاج بس بدوون توتر الله يخليج ماكوو داعي
تمام تمام احاول ماعصب ياخي ماكدر ماكدر انت هيج مجرد ما اكعد وياك اعصب احس نظامك غير عن نظامي بكلشي
علـي
والله تدرين اني هم احس بهذا الشـي بس خل ناكل وبعدهه نحجي
سكتت مجاوبتـه جابولنـا الاكل جنت جوعانـه والله اني عاد كمت اكـل
تدري المفروض اني اعزمك ف اني ادفع الحسـاب
علـي
مره ثانيه اعزميني اتقبل انـي بس هاي المره الي
لا والله اني اعزمك خلاص اني ادفع الفلوس
علـي
بس اني عزمتج هل مره المره الثانيه اذا تردين انتي اعزميني
اكلك انت شكد تعاند حته هنا تعاند كتلك اني شبيك متفتهم
علـي
لتكولين متفتهم يا بت الناس
اني عزمتج اني ادفع عود انتِ اذا تردين اعزميني مـره ثانيه
انتبهنـه لذوله شلون يباوعولنه عدلنه كعدتنه ثنيناتنه وحاولنه نخفي العصـبيه الي بينت علينه راساً هاي كُلهه علمود الحساب دخيلك يربي
كال هذا الولد الي كاعد كبالنه
هاي اول عزيمه الكم
علـي
اي والله
الولد
هههههههههههه جا لازم عليك وعود مره ثانيـه عليهه عادي
البنيه
هاي احنه بدايه ارتباطنا هيجي بعدين من تزوجنا كام واحد يذبهه ع الثاني هسه انتم هم هيج
همست واني احاول اصنع الضحكه وبداخلي معصبه
الضاهر ذوله فهمونه خطا
علي بهمس وضحك
حيـل خطا
علي
لااااا احنه مو مرتبطـين احنه مجرد اصدقاء
اي ابد مو مرتبطين حته احنه مو اصدقاء اصلاً مايربطنا شي
علي
اي مثل ماكالت بضبط كلشي مابيناتنا حتى مو اصدقاء هيج ناس غربا
بتوتر وتصنع الابتسامة
اي حيل غربا بضبط نفس ماكال علي
الولد والبنيه واحد يباوع للثانـي لبجنه الكلام عليهم لبج ماعرفوا شنريد ولا عرفنه شيردون اكتفو ب انُ يهزون راسهُم ويسكتون
حَتى احسهُم تفشلوا
عاجبك هيجي من وراك كمت تصيح لو مخليني اني ادفع واسكت
علي
هوه احنه حته اكلنا مامكملينه دومج تجيبيلنا المشاكل
اني احب المشاكل موووو يعني مو انت العنيد وراسك ميبسه
علي
يابه هسه خل ناكل حته ما اكلنـا
كعدنا ناكل بهدوء، ومحد بينا حجي، طبعًا من عدها اكتشفت انُ اني وعلي لو انجمعنا بمكان مراح نسكت ابد، الا اذا اكلنا
اكتشفت انُ هوَ كُل مايريد يحجي وياي يحاول يوخر وجهة عني يعني ميباوعلي يتوتر و وجهة وملامحة تنكلب اذا اجت عيونة بعيوني مدري شبي غريب
علي
اريد اكلج شي اسمعي
اي اسمع احجي
علي
بس بهدوء رجاءً
اي بهدوء اشايفني منگزه كبالك
علي
ادري بيـج هسه راسا تنفعليـن اخذي وانطي وياي بالحجي
اوكي احجي
علي
راح احجي بس اترجاج لا تقاطعيني بس خل اكمل حجيي وبعدهه شتحجين احجي
تمام ماقاطعك احجي
علي
لبـسج مناويه تغيرينه ؟ ماناويـه تلبسين شال؟
شوفي اني مادخلني بيج لا اخوج ولا ابن عمج ولا ابن خالج ومادخلني بيج صح واعرف هشـي بس اني جاي اكلج بصفتـي صديق غريب وجاي ينصحج نصيحة ما من وراهة شي الا الخير ، واللـه العضيم يا ايلول راح اتعبين هواي اذا ضليتي هيجي انتِ بعدج هنانه بالبدايـه لا تصـيرين شي شاذ من بين الكل هسه انتِ شلون اللون الاحمر من بين الوان كومه بيض شي شـاذ ايلول شنو لبـسج كانما احنه بالغرب وانتِ مامقصـره بكلشي والعيون عليج بشكل موحلو ابدًا، انتِ ماتغيرين نفسج لخاطر الشباب ولاشـي ايلول بس لخاطر نفسج حته محد يباوع عليج بنظرة موحلوه ، هذا جسمـج ، شعرج صيري انانيه بي لتخلين واحد يباوعله بنظرة موحلوه ،
اني ما ماعرفج صـح بس تدرين من اشوف نظراتهُم عليج ماعرف شيصيريلي ويجوز اي احد بمكاني انسان زين راح يحس بهيج شي ويتمنى يجيج وينصحج بس مايكدر
بس انة بصفتي انُ لابُد صار بينة كلام حبيت اكلج على هذا الشي
يحجي ومدنك راسه جانت اكو طبله صغيرونه ع الطاوله مالتنه جان يحجي بحده ويجيب الطبله منا يحطهه منا
شكرا الك ولنصيحتك علي بـس اني هاي اني وابداً ماكدر اغير شي منيً هي هاي اني انت تشوفهه سهله كلام بس اني صعبه عندي ماكدر اغير اي شي
علي
ايلول انتِ مستعدة تتحملين النظرات هاي طول الـ ٤ سنين هاي ؟
ايلول
علي اني ما اضل ترة بس السنة وانقل لجامعتنا
رفع وجهة وباوعلي صُفن لثواني وكال
علي
ميخالف تتحملين سنة وي هيج مواقِف واشياء ؟
ايلول ترة مُحافظتنا كلش مُحافظة وقليل بيها هيج انتِ حسبالك جاية لمصيف تتصيفين
ايلول
اي ترة اني اجيت حَتى اسوي تان هنا وادرس
علي
استغفرالله ايلول لا تغثيني
ايلول
علي اني مامضطرة اغير شي بية علمود احد حاول تفتهم
رفع راسـه وعيونه بگصتة هوَ جان عصبي مدري شلون يكدر شوي يصنع البرود
علي
انتِ شبيج ماتفتهمين احجيلج هيج تحجيلي هيججج ، يعني عندج عادي كلشيي ؟؟؟زين الله الله من فوك شتكليله تره الجاي تسوينه حرام
عوفي ناس مو مسويتلي انتِ البنت الحديدية وما يهمج كلام الناس
عوفيهم طز بيهُم احجيلي الله شنو راح تكليلة؟؟؟
انتتت مادخلك ماعليك بيه اني والله بله هسه انت الي تحجي تصلي؟ تره اني اصلي واصوم واسوي شغلات كومه بيني وبين الله انت تصلي كلي تصليي يلا كول؟
باوعلي وسكت وگال
علي
كلششي يختلف تره !
ترررره اذا صدك الي جاي تحجي ف جرمي ب انِ ما لابسه حجاب مايجي ل شويه من جرمك ب انك كاطع صلاتك وتجيني حضرتك تتفيك براسـي !!!!! روح صلي وتعال اول . ارضي ربك انت وانوب ارضي ربي ، هه يعلم ع الصلاه وهوه مايصلي
علي
شي عن شي يختلف، اني جايج حَتى انصحج تـرة مو حَتى تنصحيني، ويجوز لو حجيتيلي ونصحتيني اسمع الج برحابة صَدر مو اهينج واكلج تتفيكين براسي !!
بس تدرين شنو انتِ مو صوجج صوجي انة بكبري كاعد وياج واحاول افهمج دروحي روحي شكد الحجي وياج بدون فائدة
رجع لورة ويشرب الجاي وملامحة كُلهة مزعوجة
احجي ويـا ورسائل تجيني مانتبهت المن اخر شي دگت عليـه فرس
انت اكثررر شخص حقير شفته بحـياتي
سد عيونة بعدم صَبر ورجع باوعلي وهوَ يرفع اديّ مقابيل وجهي بتحذير
علي
ديري بالج ديري بالج تنطقين هاي الكلمات الي، لا يكون الثمن غالي هواااااي، اعرفي ويامن تحجين، حرامات خلصت وقتي ع وحده مثلج اصلاً اني شدخلني بيج
لنار جهنم
الله وياج
راح هـوَ وهمزين بهل وقت ذولا الي يمنه طابين جوة ومحد يمنه رديت ع فرس
شكدددد تافهه شكد حقير
كلامة كلة زعجني وخصوصًا اخر شي احس ماتحملتة
ودموعي وحدهن صارن ينزلن
شفت موبايلي رجَع دك
فرس
شلتة بسرعة..
الو فرس
فرس
تعاليلي بسرعه ايلول
النفس كوه يطلع من عدهه عرفتهه متخربطه من صوتهه رحت طلعت بـسرعه والدموع ما وكفن من عندي اخاف لايصير الهه شي هم ابجي من هذا وهم ع فرس الي نسد الموبايل وماعرف شصـار ..
طلعت لگيته گبالي واگف يم سيارته ومدري شيشوف بيهه شافني ابجي اجانـي
علي
شكو شصـايرر؟؟
فرس متخربطـه وخرعني
علي
ماكوسيارات هنا اصعدي
ماريد شكرا هسه انتظر سياره تجيني
علي
سيـارات ماكووو هنا ماتشوفين طريق خالي خل نمشي للبنيـه
ما اصعد وياك تفتهم ما اصعد وياك رووح عني
علي
انة ماشايف شخُص بهل يبس راس هذا
صديقتج لا يصير بيها شي
شبيج انتِ!!!!
كرامتج لوين، تكلك احنة ماعدنة كرامة !
كتلك ماريدددددددددد وخر عني !!!
عفتة يحجي وراي ومشيت لنهاية الطريق و اني احاول الكي سيـارة
لكيت داروح باتجاه قرية
اصلاً مدري وين جايبنة هذا
نزلة جبيـرة
نوب اخابر عَ فرس ماكو
ياربي شلـون
شفت ولد عَ الطريق يم القرية او المنطقة الي هُمة بيها يطلع اعمارهُم ١٤/١٥ تقدمت الهُم وسالتهُم عَ سيارات هنا
جاوبوني ب انُ بنهاية الطريق اكو بس كُلش بعيد ف الافضل ارجع من جهة المطعم، رجعت وبطريق متت برد عاصفة موطبيعية واني وجهي يتحسس من البرد، دموع من البرد، دموع من علي، دموع خوف على فرس
الله ياخذك علي اصلاً كُلة بسببة
دامشي شفتة اجة بسيـارتة وكف مقابيلي وكال
علي
اخر مرة اكلج اصعدي
مو علمودج علمود صديقتج لا اكثر
فكرت بعقلي هل مره وكلت صدك لايصير الـهه شي واني مويمهه صعدت بسياره واني اصـيح ودموعي ينزلن
يالله منككك سيارتي وينن سيارتي وين فهمني شلووون اضل اني هيج اريد افهم
علي
اكلتـهه بلعتهه كلهه صـارت ابطني ، وين يعني متكليلي وين موجوده بس انتِ تخلين واحد يفتهم شـي
اريد افتهم انتت شنوو ، ياربييي بس سوق واسكت لان حيل توترت صوتك مزعج !!!
اني كتله هيج وهوَ وكف السـياره بسرعه ..
اخذ نفس وگال
علي
اتچفي الشـر وخلينا نوصل سالمين غانمين !
حجيج طير مُخي
سكتت ماحجيتله شي وضليت الح ع فرس وهي ماترد
مبين يعرف فرس منين مادري بس يجـوز امير حاجيله الله اعلم شوي موبايله خابر شفته انطا رفض
منو ؟
علٌي
امير
حباب رد عليه بلكي يعرف شي عن فرس يجوز هوه مضوجهه وحاجي وياهه
خابـره اسمعه يكله
علـي
ها امير اني طالع اي اني و ايلول اكلك ماتعرف شي عن فرس ؟ هـا لا مو هسه هي متخربـطه خابرت ايلول و سكتت اي هسه رايحين الـها مادري شنو حالتهه شبيك البنيه خابرتهه وراحت ، اي يلا رايح
مايدري عنهه شي ويكول ماحاجي وياهه
اوف يالله كله من وراكم كلشي يصير من وراكم من شفناكم ماشفنه الخير
علـي
صح امير خطأ بحقهه بس مو معناهه اني خطأت بحقج رجاءً الزمي حدودج
وانت بالله شمدريك بسالفتهم زين من اعترفتوا
علـي
اني و امير مانضم عن بعض شي
ياربي ياربي ليشش ماترد عليـه شصاير بيهه هسه
اخابر عليهه ماترد وماعندي رقم اي رحده واخابـرهه من البنات هناك ، والطريق طويل تقريبـا ، ماضل شي ماتخيلته وصرت ابجي بصوت مسموع خوفاً لايصيرلهه شي
اجتنـي نبره حنونه وهوَ يكلي
علـي
لاتبجين ولله مايصير الهه شـي
باوعتله واني ابجي وكتله هي بيهه ربو بـس ان شاء الله مايصير الهه شي
انصدمنـه و امير يخابرنـا ويكول
اميـر
ها علي بنات القسم شايفاتهه ومخابريـن الاسعاف
وخابروني العمادة حَتى يكون برفقتها احد من عمادة الجامعة ..
علي
شنو وضعهه شصاير الهه
اميـر
ربو عندهه وغايبه عن الوعي يله رايح
انتَ وين مودينا لياااا مكان بحيث اميررر وصل و احنه ماوصلنه يارربيي
علي
لتخافين المستشفى قريبه علينه شوي ونوصل قبلـهم ..
وصلنـه للمستشفى وفعلاً جانت قريبه حيل ع المكان الجنه بي
وضلينه منتضرين بالباب
علي
عليمن البجي ماتكليلي هسه تجي
اجـو بسياره الاسعٌاف واميـر جان وياهم ماجاي بسيـارته رحتلهه مخترعـه حاطيهه ع السديـه و البخاخ بخشمـهه وفاقده الوعي وحاطيـن شال ع راسهه ...
يمـه سوده عليـه حبيبتي
جنت ابجي واني اباوعلٌهه شلون وجهه شاحـب وملامحهه تعبانه، اخذوهه للطوارئ وانـي كاعده وابجي
حَتى البنات محد جاية وياهة، ياربي شنو سالفة البنات جان اجت وحدة وياهة، حَتى لو مايعرفنها بس واحد ميسوي شي انساني
امير يحجي وي علي بـس شكله مذهول جان
هـا ارتاحيت استاذ كله من وراك الي صـار
باوعلي وماحجـه شي بس كالعاده علي رد
علي
انتِ وين وصديقتج وين انتِ شبيج تتعاركين وي ذبان وجهج شبيجج
امير
اششش كافي ماتشوف البنيـه شلون حالهه عوفهه !!! مو جذب الي حجـتة...
دومـه داحس روحه بكلشي بس يريد يحجـي
يباوعلي وكانمـا يريد ياكلنـي سكت علي بعد ما اميـر لزم ايده
اجـوا مجموعه من الممرضييـن يباوعـون الي صفـح اني محتـاره ب فرس وذولا يباوعون وبكل صلافـه ولا حسبالك اكو ثنين ولد يمي
علي
شبيككككممم انتووووا شبيكممم تباوعوووون
كال واحد بيهـم
جاي انشوف شغلنـا احنه مامشغوليـن لهاي السوالف رجاءً
رادت تصـير بيناتهم لو مـا امير يصيـر بيناتهم ، يعني هوَ شكد واحد همجي، فعلاً همجي وماعندة اي تفاهُم، وماكو ذرة مُقارنة بينة وبين امير ، راحوا وهوَ يريد يموتني بنضراتـه
شبيك شبيك هيج تباوعلي اريد افتهم
امير
علي ايلول كاااااافي احنه وين وانتمممم ويـنننن عندكمم مشكله حلوووهه برررره كافي هل صايح مالتكم هنا احنه بمستشفى
سكتنـه ثنينـه من حجـه اميـر هيج
شوي طلعت الدكتوره
اميـر
بس دكتوره بلا زحمه اكو مريضه جوه شابـه بيهه ربو شلونهه حالتهه
الدكتوره .. يتبععع
لا تنسون التصويت ⭐️
للكاتبة : هُدىٰ آذار..
_________________
سعـاد
نفس ال ..... تتعايـر گدامنـه
عرفتـهه هاي مرتـه راسا كلت الها ومن دون تفكيـر
رجلج الراد يغتصبني موووو اني اغتصبـتتتته وهيج تحجينن وياي
انه كلت هيج وماحسيت الا ع راشدي انسطرت بي سطر
وكعـت بالگاع وانه اسمـعه يعيط ويغلط ويضرب بيـه
مروان
شنوووووو من بتتتتت هايي شنووو والله الااا ربيهه والله اربيهه
الحجيه تريد توخره مني ماتكدر واحمد كام يصيح
احمد
شهل بت هاااي منين جبتولنيـاهه لسانهه اطول منهه ب ميت مره
ام مروان
اي اي اكتلهه حيـل اخ خل افوخ كلبي بيهه انه هم
ماحس بعد منين الضرب كام يجيني اخـر شي سحلنـي حيلل وطلعني لبـره جان اكو بستان حيل جبير ضل يسحـل بيه ويسمعني حجيي
مـروان
والله ل اخليـج تموتين ع البطيء والله
الصوت من عندي بعد ما يطلع سكتت واتقبلت الامـر الي جاي يصير بيـه
اكو غرفه مبينه من طيـن محطوطه للحلال (الابقـار) وگف يمهه وصار يفتح ب بـابهه
سمعت صوتهن واني اخترعت ، كمت فزيت واني ميتـه من الخوف
لا لااا اخاف اني وخرر لا تحطني هنـا حباب لااا والله اخاففف
باوعلـي وهوه يكلي
مروان
حباب مو حباب، لجج ما خليتي كلمة بذيئة ما حجيتيها نفسي لعبت منج سودنتينيي احس
كتلج الموتتتت راح اخليج تشوفي الموتت الاحمر سامعه بي اي هوه هذا الي انتِ راح تعيشينـه
لا مرروووان لااااا الله يخليك لاا والله اخاف اتوسل الك عوفني حباب عوفنـي
فتح الباب وسحلنـي وطببنـي
شفت المكان حيل ضيك وهنه ٤ وحيل كبـار ،جلبت بدشداشته وانـي ابجي حيل
حباب الله يخليك والله بعد ما احجي شي بس لا تعوفني هنـا الله يخليك مروان الله يخليك
مروان
عبالج من تسوين هجي راح أمل من عندج واوديج لاهلج مو لاااااا ابددددد راح اربيج من جديد واطلع حيف الكل بيج
السويتي والفشلة الفشلتينياهه يم اهلي الا كلهن اطلعهن هسه
من دون اي رحمـه گلب ضربني براشدي حيل قوي خلاني اعوفه و اوكع بالگاع
طلع وعافني وسد الباب واني ازحف ورآ و اصـيح
اللله يخليك مررووان الله يخليكك بداعت امك مروان حباببببب
سمعت صوتهن ورايه واني متت من الخوف لزكت بالباب و ابجي واصيح حيـل و وي هل صايح بجي وشهگ
وحده من عدهن تقربت الـي ودنگت راسهه الـي .
اني كلش اخاف من الحيـوانات وجان الموقف مرعب حيل الضوه خافت حيل والمكان ريحته تلعب النفس و كلش ضيق و وياي ٤ هوايش(ابقارر) شلـون اتحمل
اني من الكتكوت اخاف خو ما من ابقـار شكبرها، واصلاً احنة حتى مامربين حَتى اكون متعلمة او شي..
من شفتها اجت يمي ودنكت راسها الي
صحت بصوت عالي واحس فقدت عن الوعي من الخوفة الي صارت عندي ....
صاحَت يمي صوت كلش عالي فزيت من الي اني بي
عدلت كعدتي بالزاويه ولميت روحي وحطيت اديه عله عيوني وكمت ابجي حيل واردد
يارب يارب يارب يارب يارب
سمعت اصواتهم يمي سمعت صوت فضيلـه المره الجبيره وصوت مروان عياط وصايح بس محد اجـه يمي صرت اصـيح في سبيل بس واحد يساعدنـي بس لا حياه لمن تنادي
شويـه وصار هدوء وفقدت اخر امل ب انُ واحد يجي يساعدني ، من الهبطه ماعرف شصار بيه عيوني بلگوه صرت افتحهـن حلگي يبـس وبنفس الوقت ما سيطـرت ع ادراري ابدًا ....
هل شي الي خلاني اجن رسمـي و ادرك شكد انـي ضعيفة ومابيدي اي شـي
راحت من يمي البقرة الي جانت يمـي ع مكانهه الي يمي تقريبـاً واني ابجـي
ادور ع شي اكتل روحي وارتاح ماكو ، اي شي ماكو ضليت مغمضه عيوني وابجي و اندب ب يارب ساعدني ماا الي غيرك ..
زاد حقدي وزاد كرهي لمروان بشكل موطبيعي صرت احس بس اريد اكتلـه
بهاي الليله عشت برعب مستحيـل احد يتخيله ، اني حيل اخاف ، حته ب بيتنه ماجنت انام وحدي ابد دائما جانت تنـام يمي زينب ع كل ما اخـاف وهسه وحدي جان الموضوع حيل صعب
فقدت الوعـي من بعد ساعتين ماعرف ثلاثه مادري شنـوالي صارلي ، شويـه وحسيت ماي بارد اندار فوگاي ، كعدت مذهولـه وخايفه باوعت من فوگ الباب من الفتحه الي اسمهه سعاد تذبه عليـه
باوعتلي وهي تضحگ
سعاد
حيـل حته حيل عساج تموتين هنا ديري بالج ع روحج تره هاي الهايشه فريزيه(نوع) يعني اذا جاعت ممكن تاكلج ههههههههههه
مبينـه الدنيـا الفجر بعدهي اني من كالت هيج متت صرت ابجي واكلهه
حبابه ساعديني الله يخليج طلعيني والله راح اموت ماي والله عطشانه حلكي يابس ماعرف شبيه حبابه
سعـاد
عساج تموتين ونخلص منج بت جبر تف عليكم وعاليوم الي اجيتي بي ع بيتنـه
خلت وراحت واني اصـيح وراهه في سبيل بس تساعدنـي
الخوف امتلكنـي والبجي جـان متلازم وياي ومابيدي غير اكرر - يـارب ساعدني -
اتوسل الهُم وهُمة حَتى ماهمهُم شي
صرت اتخيـل شغلات موجوده اصوات ماعرف منين تجي ، النمل والصراصير كام يطلعن من جوه العشـب كمت اتخيلهن يصعدن لضهري ، جسمي صار يحكني بشكل موطبيعي ، صرت ابجي واشهگ ب صوت حيل عالي ماتحملت الي جاي يصير وياي ابد
ابجي و اصـيح ومحد يسمعني ...
من البجي والصايح مالتي الهوايش الي جانن نايمات كعدت واجن الي ، اني من شفتهن كامن وتجهن نحوي ويصيحن بعد ماتحمل احس انهـاريت
كمت اصيح حيـل وابجي بكل قوتي
حقرررراء اللله ياخذكمم راحح اموتتتتت انتتتوا شنووو شنووووو انتتم شنوو من بشرررر ساعدوني
صوتـي ارتفع حيل وصرت ابجي من الخوف
سمعت اكو حركه يمي
كمت ادگ بالباب حيـل
بجااااااه الحسين بجاااه العباس ساعدوني والله بعد ماتحمل والله ماتحمل حبابين سااااعدونـي
انفتـح الباب وانه مامصدگه ، ظلمـه اخر الليل كل شي ماينشاف غير السواد ، شفت كدامـي مروان لابس دشداشه سوده ويباوعلي وكاتف اديـه ماستوعبت الي صـار وكل ظني شبـح ورأساً وكعت
اسمـع و احس بكلشي بس احس مابيه حيـل اسوي اي شي
مروان
انتِ الي ردتيـهه والله ، الحجي الحچيتي جان صعب اتجاوزه
طببنـي للبيت احس بي بس ماكدر افتح عيوني ولا انطي اي رده فعل احس جسمي ثگلان
حطنـي ع التخم وصار يصحي بيه وهوه يضرب ع خدودي
مروان
روان روان اكعدي ثوبج كله طين اكعدي
ماجان عندي اي رده فعـل ولا جنت اكدر ارفع راسي و اجاوبـه
بعدهه حسيت فصلت شويـه وماسمع شوي سمعت اكو احـد موجود ويحجي ويـا ، جنت اكدر افتح عيوني فتحتهن شفت دكتور ومروان ، رجعت سديت عيوني
مبين مشكلي مغذي ومادري شنـو
الدكتور
شكد عمرهه البنت؟
مروان
١٧ سنه دكتور
الدكتور
البنيه صاير عدهه سكـر خطيه الله يساعدهه بعدهه صغيره
اني سمعت هيج واني انهـاريت!
صار عندي سكر!!!!!
كله بسبب مروان
فتحت عيوني وكمت من مكانـي ، باوعلي وكال
مروان
ها كعدتي
دموعي ينزلن ، صرت ابجي بقوه واحجي ويـا
كلشششي بسببكككك انتت السببب بكلشي صاررر بسببكك صار هيج ويايه خسرررررت روحي من وراك
مروان
كافي اسكتيي شبيجج
الدكتور
شجـاي يصير ، شنو بنتي متعرضه لعنف احجي ولا تخافين احنه نكدر نساعدج اذا صاير وياج عنف يتبعع (توقعاتكم)
_________________
نسـرين
اكو عصير دائما اسوي حسوي ونشرب سوى اوكي
بس ماشتهي اني عصـير
نسـرين
شبيك كلش طيب والله علمودي
اوكي تمام سوي يله
كامت تسوي وانـي ضال ع الفراش احس دخت مادري شـصار بيه ، كلت خل اكوم اشوفهه شسوي
شفتهه تحط ع الكلاص مادري شنـو نفس الطحين الابيض بس جان بجيس محطوط
حسيت الوضع صـار يربك وكلت هاي خاف شو شتريد تسوي خصوصا ع الدوخه الي صارت عندي
شنـو هاااي شجااي تحطـينن؟؟؟؟؟؟
باوعتـلي وارتبكت وماعرفت شنو تحجي
نسـرين شنوووو هذا الي بيدج
نسـرين
شبيك غيث والله العضيم ينطي نكهه طيبـه ماده حلوه
شنوو هي ماده حلوه شنـو هذاا
نسـرين
مطعم للعصير شبيك
اشربي العصير كدامي
نسـرين
تشك بيه يعني؟؟؟؟
اشرررررررربي كتلج كدامي!!!
نسـرين
تره اشرب العصـير عادي ومو بس هيج اخذ من هذا هم خاف تكول بي شي
اخذت العصـير وشربت منه وفتحت من الجيس ومدت اصبعهه واخذت من الطحين الموجود واكلتـه
نسـرين
ترررره مامجذبه عليك بعني مثلا اريد اسمك واموتك انت شبيك
كلت الي سويتـه جان مستعجل شجاني
هيه زعلت واني حاولت اراضـيهه و اعتذر الهه عن الي صـار هي هم رضت بسرعه ، شربت العصير طعمه غريب بس طيب ، بي ريحه نفس الي مساع اشتميته ، بس هي ماجانت تنطييني مجـال انُ افكر ابد ، جانت تغريني بسوالفـهه واروح وياهه لغيـر عالم
عفتهـا ورحت للبيت، بسيارة وحسيت طعن العَصير بحلكي
خرب يومة شكد طيب
نزلت امحل ع محل اشتريت عصَير بارد
اشربة وشكد ما طعمة طيب احس ذاك غير
وضليت بعَطش الة
رحت للبيت ساعتهـا واحس روحي بغير عالم
عالم كلة تفكير تفكير تفكير
ما مقتنع بعلاقتي وي نسرين ابد
بس هي جاي تشدني هواي
واحس علقتني بيها بطريقة غريبة
وماصرت اكدر اترك المكان الي اني بي
يوم مِن الايام، صارت بيني وبين اميـر مشكلة بسبب الطلعة بليل والتاخير، اني عصبي وهوَ هادئ يحاول يفهمني بس اني جنت عصبي
جانت الدنيا مغيّمة، واني متعكر مزاجي لابعد حّد، مكابل همي وساكت، وبفترتها جنت ٣ ايام ما رايح للدوام وما متراصل وي نسرين حَتى،
ردت اراسلها لان جان ب بالي اروحلها بس حاولت امنع روحي واسكت
شوي دزتلي
مشتاقتلك..
وخابرتني بعدها
رديت عليها وضلينة نحجي بس جان مبين علية ضايج
نسرين
"ما تريد تطلع من هاي العتمة شوي؟ تعال أشرب چاي عندي ، بس چاي، والله."
ترددت وبنفس الوقت ضحكت
الجاي الي عدكُم خاف يجيب السهر شلون ذيج المرة العصير ضليت مانايم للصبح من ورا
نسرين
اني شدخلني غيث انتَ بيومها صار عندك ارق لتضلمني
دتعال خل نتونس حَتى لو متريد تشرب شي انتَ جيب النة وياك
وافقت وبدلت وطلعت، جنت احاول اطلع من اجواء البيت الي اني بيها
وصلت للشقة، اول مادكيت الباب تلكتني نسرين
، لابسة قميص طويل، بسيط، بس ناعم .
كانت تمشي ببطء، تتكلم بهدوء، وضحكتها ما چانت عالية، بس تخدّر.
جـان جايب عصاير حطوهن وكعدوا سوة بالصالة
السالفة الي جذبت غيث بـ نسرين انُ هيَ مُستمعة جيدة
يعني تكعد ساعات تسولف وتستمع لهموم غيث بدون ملل
وهذا الشي خلا مايشك بيها حتى لو شك
كعدت تسالة
عن الموسيقى، عن أفلام يحبها، وسألته فجأة:
"غيث، ليش تحس روحك غريب حتى من روحك؟"
هو ضحك، وهز راسه، گال:
"كل الناس غربة، بس ما يحچون.
آني أحچي وافضفض وماحب اسكت هههههه
فجأة سكتت، كامت، وقربت من رف صغير، شغلت اغنية هادئة
تقربت دتشل العصاير الي يمهُم، وتعمدت تدنك يم غَيث
باوع غيث لازار قميصها المفتوح وصدرها معظمة مكشوف
چانت واكفة يمه، مو كلش قريبة، بس كافية تخلي أنفاسه تسرع .
غيث ظل ساكت، بس عيونه تحچي:
تردد... فضول... قلق... ولهفة مكتومة.
مدت ايدها دتاخُذ العصير بس لمست رجلة بالغلط
سحبتها بسرعة، بس گالت:
أحياناً... اللمسة اللي تتأخر، تصير حلم نحب نحققه بالغلط.
مادري ليش خايف مني انتَ ...
دارت وجهة وارحت للمطبخ وخلتة بحيرتة
جرب يكوم، يمشي، يضحكها مثل قبل، بس صوته طلع نصه ضايع.
داخله نار ما يعرف إذا هي من الاحتياج، الفضول، أو فراغه القديم اللي هاي البنية دا تنفخ بيه.
كام وراهة وهوَ يتأفف
ضايج، تعبان، حاير، مايدري شيسوي ابد !
نسرين !
غيث لا تضل تلومني حباب
ما راح ألمسك... إلا إذا إنت گلتلي: قربّي.
اسفة عَ الي صار
صارت الدنيا كلها ساكتة...
وهو، ما گال شي،
بس ما مشى
غيث
يلا تعالي خل نشوف فلم
نسرين
هسة غيث
غيث
ليش دايرة وجهج حاجيني ؟
تقرب يمها لاحظ اكو دموع بعيونها البريئة
رفع وجهة بيدة وهوَ يكُلها
غيث
ليش تبجين نسرين!
نسرين
ههههه لا مابية شي بس هيج شوي تحسست
اخذ ب ايدها وكال الها
يلا تعالي خل نتونس اني جاي اضحك مو انكد الجو علينـا
كعدوا سوا وهيَ تقربت يمة حيل بعد ما انفتح الفلم
گالتله:
غيث، ما راح أجرّك الغصب، بس إذا إنت تايه، آني أعرف الطريق.
اني داشوفك مو ع بعضك ومايهون علية هذا الشي ..
ضحك، بس ضحكة خايفة، مهزوزة، بيها خجل من نفسه أكثر من خجل من الموقف.
گال بصوت ناصي:
غيث
وشلون إذا ضيّعتني أكثر؟
نسرين
بعض الضياع نحتاجه... حتى نكتشف منو يريد يلكانه هههههههههه مووو؟
بهاي اللحظة، مدّت إيدها، ولمست طرف صدره بإصبعها...
غيث حس قلبه يشتغل بشكل غريب، دقات ثقيلة، سريعة
صارت أقرب، وصوتها نزل، وچان الدفء يملأ الغرفة...
نسرين
لا تقاومني غَيث
مراح يصير شي صدكني
انعـاد الغلط مـرة ثانية
بس الفرق هاي المـرة بغيث نفسة ..
غالِبًا اول غلظ للانسان يكون لاحقة ندم و قهر و ألم، بس ثاني ألم يصير اخف و ابرد ويصير اكو تعود على حدوث هذا الغلط
بَس ؟ يصير اخطر ..
ماخاف غيث ب انُ يباوع للمراية ويذكر الي صار ويضوج
ولا خاف من أيّ شي
وهل مرة كان غَيث ماشي بعالم ثاني جُزئيًا
ومارايد غير يكون وي نسـرين
نسرين
اسويلك عصير حبيبي ؟
غيث
نفس ذاك العصير ؟ نسرين الخاطر الله شحاطة بي
نسرين
هو شنو شحاطة بي غير شربتة وياك يلا عوفة
صابتة رغبة بتجريبة مرة ثانيـة خصوصًا وهي تكُلة انُ النركيلة الالكترونية انكسرت..
طلب منها تسوي العَصير سوتة وشربوا سوى..
خابر امة وكال الها انُ راح اضل وي اصدقائي
وبعد فترة حَس انُ عندة رغبة بشرب العصير مرة ثانية
جانوا نايمين سوى بس بالاحرى بس هيَ نايمة
حس غيث بعطش جبير تِجاه هذا العصير
كعد نسرين وطلب منها العصير وهيَ ابد ما مانعت بالعكس فرحت وكامت تسويلة
اجتة وهيَ بيدها العصير وتكلة بضحك
نسريـن
حبيبي راح تطـير
شنو راح اطير
نسـرين
هههههههههه راح تطير لغيـر عالم
شنو شجاي تحجين انتِ
نسـرين
شبيك عصبت اقصد راح طير ويايه لغير عالم وعيونك الزرك الحلـوات ههههههههههههه
شجاي تمسلتين نسرين شو اطيني
اخذت العَصير منها وشربتك كلة
نمنة وكعدت الصبح علة اتصال من امير
وجان معصب منـي لان ماجنت بالجامعـه وضل يستفسر مني شلون و ويـن انت كوه فكيت منـه عفتهه ورحت للبيت
أحس بالي يمـهه جابت راسي صدك ، ماكدرت اوخرهه من راسي دقيقـه سوالفهه وحركاتـهه اخذن كلبي .
العصـر رحت الهـا للشقه وضلينـه لليل يله رحت منهـا ، العصير جان بي طعـم خاص الي خلتنـي ادمن عليه من دون ماعرف شنو سبب التعلـق الي صارلي عليّ ، مرات ماحس بطعم العصـير احس بطعم يطغي عليّ اكثر بس جنت اتجرعـه واخذه ، ماجنت اخاف وما جان اكو شك لان هي جانت تشرب وياي
اليوم الثاني داومنه بالجامعـه وهي وياي والكل يباوعولي بحقـد شلون كدرت اجيب راسهه ، وبتهور منـي جنت فرحان لاني امشي وي وحده الكُل يتمنون يمشون وياهه .
صـرت عايش ع نسـرين مافد يوم طلبت مني فلوس ابداً وهذا الشي الي خلانـي ابد ماحسهه انُ هي تستغلني وبنفس الوقت اني ماجنت احمل الهه اي مشاعر حُب لا جانت مجرد نزوه بـس
يوم من الايام جنت حيل ضايج رحت للشـقه وكتلها بسرعه سويلي العصـير احس مادري شصارلي صدمتني وهي تكلي .... يتبعع
________________________
اليـوم الثاني هم ضربتـه جنت كلش مالي خلك ابـد وروحي طالعـه
العصـر ايلول طلعت ما ادري ويـن ، اني احس نفسي حيل مالي خلك ومخنوگه كلش ، اني عندي ربـو قديم من جنت صغيره وكلمـا يصير هيج وتصير تراكمات عليه واضوج حيـل اختنگ
كاعده وابجـي وحدي كلهه ملتمـه عليه احس ، ختنگت حيل ومابيه حيـل حته اسوي شي ، عرفت روحـي احتاج مستشفى لان من امـر بهيج حالـه اكون محتاجه مستشفى
ماعرفت شسوي واني ماعرف واحد هنا وماكدر اطـلع كُل الي سويته دزيت رسـاله ل ايلول
تعـاي بسرعه ايلول
ماردت عليـه ضليت ادز الهـا رسائل كومه وماترد
نوب الي زاد الموضوع سوء صارت عاصفة مو طبيعية والسكن انملى تراب سدينة البيبان وكلشي
رخت لبست كمامة مبللة ومافاد
اني عرفت روحي راح اتخربط فَ ضليت اراسل ب ايلول
اخـر شي خابرتهـا ماكدرت اكول الها غير تعاي بسرعه ايلول
بعدهه الموبـايل انسد واني احس النفس ضاَق بيـه بلكوه كدرت التفت للجهه الثانيـه كمت ع حيلي ومبين عليه شكد نفسي مكطوع شافتنـي بنيه ويانه اجتي الـي
-حبيبتي تحتاجين مساعده؟
اي حيـل مخنوگه و و ماكدر
ماكدرت اكمل وكعت بالكاع بعد ما كمت ردت شويَ اغسل
البنـات التمن داير مدايري اني عندي بخاخ اخذه بس ماكدرت اكـول الهن بعدهه سمعت صوت استاذ امير مادري جنت بحلـم او علـم
كل الي اذكره البنـات لبسوني صايه لان جنت لابـسه دشداشه قصيره و شال صعدونـي بالسديه واسمع صوت الاسعاف هنا اني خفت اول مره يصير هيج شي
ماكدرت افتح عيوني لمن حطولي البخاخ احس ستنشقت اوكسجـين شويه فتحت عيوني علكيف لكيت كبـالي اميـر و ممرض واحد
الممرض گـالي
ربو مو
هزيتلـه براسي وباوعت لامير مستغربه معقوله جاي لو اني جاي احلـم
وخرت البخاخ مني وجاوبتـه واني تعبانه وكوه الحرف يطلع مني
شجابك استاذ
اميـر
اهدئي وحطي البخاخ ماكو داعي للتوتر
رجعت البخاخ صابتني مثل الدوخه بس صرت اكدر اتنفس زيـن بعد ما انكطع النفس مني
اخذتنـي الدوخه وبعد ماحسَيت ع روحي بس اسمع الاصوات الي داير مدايري صوت ايلول و وصوت ولد وصوت امير و اطباء و ضوضاء المستشفى كُلهه اسمعهه
طببونـي للطوارئ اسمعهم يكولون مستوى الاوكسجين حيل ناقص عدهه حطولي كانولا ب ايدي ورجعوا حطولي البخاخ شويه احس انتعشت واني اشتم ريحـه الاوكسجيـن
شوَيه طبت يمي ايلول مافتحت عيوني لان ماكدر بس جانت لازمـه ايدي وتبجي
ايلول
يعني هسه لو صاير الج شي اني شسوي ماتكوليلي
ماكدرت افتح عيوني واباوعلهه لان جنت دايخه بس لمست ايـدهه شويَه وبعدهه نمت .
گعـدت من النوم لكيت ايلول يمي كاعده ومدنگه ع موبايلهه باوعتلي كالتلي
ايلول
ها فـرس شلون صرتي
احسـن شوي اريد اطلع
ايلول
اي تمام هسه خو ماعندج شي تكدرين تتنفسـين زين شو خل اشوفج
اجتي وحطت ايدهه ع گصتـي
ايلول تره اني اتنفس من خشمي مو گصتي ولتخافـين صرت زينه
ايلول
ردت اشوفج مصخنـه لو لا المهم الحمدلله ع سلامـتج هسه نطلع اذا حسيتي روحج زينـه
تحجي ويايه ابرود عكس داخلـها ادري الي حجيتـه موشويه ويـاهه وادري بيهه ينراد الهه فتـره يله تنسه ، ايلول بسرعه تنسه بس مستحيل تتعامل ويايه طبيعي هسه مراح تگدر اعرفهه .
ايلول اني اعتذر عن كُل الي صار والله و ..
ردت اكمل قاطعتني وهي تجمع غراضنا وتكول
ايلول
هايهيه فرس انهي الموضوع تدرين بيه ارضه وحدي و ازعل وحدي فتـره و انسه كلشي بس خليني هسه وماكو داعي تعتذرين
وانتِ هسة بوضع ميسمح
تمام براحتـج
شويَه واجتي دكتوره شافتني وكتبتلي نوعيه بخاخ جديده كالتلي بـس يصير الج هيج حاله اخذي هذا احسن شـي وكون من البداية تتلاحكين روحج بي
گمت باوعت وجهـي شاحب الساعه بـ ٩ بليل شگد ضاله اني هنـا لعد ، غسلت و لبست الصايه فوگ ملابـسي ، عدلت شـالي و ايلول جانت منتضرتني
ايلول
يله نطـلع
ابتسمت الـهه وكتلهه يله طلعنـا ولگيت بوجهـي امير و ويـا ولد گاعدين ع الكراسي
استغربت شنو يسوي هنـا من شافنـي كاموا راساً تقرب الي وگال
اميـر
الحمدلله ع سلامتـج ماتشوفين شـر ان شاء الله
شكرا الك استاذ
كلتـهه ودرت وجهي احس روحي كارهته حيـل ، باوعت ل ايلول وكتلهه
يله ايلول خل نطلع
ايلول
اروح ادفع مصٌاريف المستشفى و اجي انتِ اكعدي هنا لا تتبهذليـن
المستشفى جانت اهلي مبينـه
امير
ماكو داعي ايلول اني دفعت
ايلول
لاشكرا الك استاذ نكدر ندفع احنه بس كلي شكد دفعت انطيهم
امير
عيب هاي السوالف ايلول
لاعيب ولاشي استاذ شكرا الك ولوكفتك ويـانه بس ما لازم يصير ازيد من هيج ايلول انتِ انطيهن وانـي ارجع للبيت انطيجياهن
ايلول
احنه واحد حبيبتي
استاذ كول شكد
علـي
شكد تلحين رحمه ل الله
ايلول
محد طالب منك تحجي انت
علـي
استغفرالله بـس
اميـر
ايلول تعاي شوي احاجيج بلا زحمه .
ايلول
تفضل استاذ احجي هنـا محد يمنه
اميـر
شوية ايلول !
ايلول
تمام
اميـر
اكعدي فرس شويه
راحوا همـه واني ضليت واكفـه
علـي
اتفضلي اكعدي هنا علما يكملون المؤتمـر مالتهم
لاشكرا ماعندي شي
علـي
خويه تفضلي ستوج طالعه من الطوارئ وينج وين الوگفه ماتشوفين روحج صايره صفره گاضيـه ولا تگلك هاي ام اللسان السبع ياكل بيهه يومين وماتخلص
يحجي ويباوع ل ايلول ضحكـت وكعدت وهوه يباوعللهم
ايلول تحجي وي استاذ امير بكل جديـه وهوه يحجي وياهه مادري عليمن وخرت كُل الافكار السلبيـه من راسـي وضليت ساكته و اباوعلهم ...
علـي
سياره ايلول يمي اكتبلج العنوان تنطيهيا لان صديقتج ما تتحاجا
عفوًا، بَس ليـش سيارتهة يمك؟
علـي
شنو ماتعرفين من ايلول سوت حادث حجزوهه يمنه واني هنـاك اشتغل ف يمي صـارت
ليشش يمته ايلول سوت حادث؟؟
باوعلي ب استغراب انُ شلون ماعرف
جنـه متعاركين شوي ومانحجي وماحجتلي شـصار
علـي
هي جانت متخربطه شويه وسوت حادث و اميـر ساعدهه لكاهه بالطريق ربج والسـياره عندي ولسه ما ماخذتهـا
صرت اجمع الاحداث شـي بشي ...
يعني ايلول جانت تحجي وي استاذ اميـر بالجامعه علمود هاي ؟ واني شلون اخذتهه! شكد انـي نذله لعد
ماجاوبت الولد بعد احَس حيل نقهرت والندم اكلنـي
هوه من شافني سكتت
سَكت هماتيـن
اجت ايلول وگالت
يلا فرَس كومي حنروح وي استاذ اميـر للقسـم مالتنه
ماكو داعي ايلول ناخذ تكسـي
علـي
الساعه ب٩:٣٠ وين الدنيـا الليل يمعوده احنه نوصلكم ماكو داعي
لا شكراً الك ايلول ماكو داعي نزحمهم شبيـج نروح تكسي
ايلول
يتاخرون يلا يوكفون وانتِ تعبانه يلا تعاي بدون اعتراض
باوعت لاستـاذ امير يباوعلي سكتت ماحجيت شي رحنه مشينـه علي يسوق و استاذ امير بصدر واحنـه وره
تحركنا شويه واتذكرت البخاخ همست لايلول
ياا نسيت البخاخ ماشتريتـه
ايلول
يااااا شلون نسينا
علي
هـا نوگف
اميـر
اكو علاج؟ انطيني اجيبه انـي
ايلول
لا اني انزل استاذ هاي صيدليات كومه اجيبـه و اجي
اميـر
لا عليمن اني اجيبه انطينيا ايلول
اخذ الورقـه من ايلول ونزل باوعلي علي وكالي
علي
تحسين نفسج صرتي زينـه
اي الحمدلله
علـي
اي شي تحتاجي احنه موجودين خويه
اتشكرت منه اباوع الايلول تهمس بينهه وبين نفسهه
ايلول
والله يالله خويه يابعد اخوك ياخويه منين جبت هاي اللطافه امدانـي يمي ذيب امعط
ابتسمت ع حجيهه وشلـون تحجي
وتذكرت مساع حجية نفس الشي بالضبط
اجه استاذ امير و انطانيـا
سكتت وحته ماتشكرتـه
ايلول
ماتشكرين منه شبيج
باوعتلهه ب انزعـاج اتشكرت منـه ايلول جان مكتوب عليه سعره راويته لايلول هزت راسـهه طلعت من جنطتـهه فلوس وانطتهيـا
اميـر
شنو هاي ايلول احنه شحجينه
استاذ والله لو تحجي من الصبح لليل مراح ارجعهن فلوس العلاج والتكاليف مال المستشفى وكلش شكرا الك انطيتنه من وقتك واحنه من اجينه لسه مسببين الك ازعاج
علـي
هه الي مو اله والله
ايلول
نعم شحجيت؟
علـي
لا يابه كلشي ماحجيت
اميـر
ايلول ماكو داعي للفلوس والله الي سويتـه واجبي رجاءً لا زعليني منكم
ايلول
لا استاذ شكرا الك وماقصرت والله وكفتگ ما ننسـاهه
علـي
اني ابن السوده ههههههههههههههه
اميـر
اكعد راحـه هههه
مافتهمنه شنـو قصدهم صار هدوء بالمكـان وصلنه للقـسم نزل ويانه استاذ اميـر حجه وي الحراس الواگفييـن ردنه نطب صاح ب اسمي
اميـر
فرس
نعم استاذ
اميـر
ديري بالج ع نفـسج
اي شي يصير كوليلي ايلول
ايلول
ان شاء الله استاذ
هزيت راسـي الـه وطبينه ساره جانت موهنا تحمدلي البنـات ع سلامـه اني تمددت ونمت احس تعبانه حيـل
شفت ايلول تنزع ب جاكيت شكبره ولا مبين الها
هذا جاكيت المن
ايلول
مال علي ونسيتـه عندي انطانيا لان الدنيا بارده
همممم هيج الحجي اكلج علي شيصير من امير
ايلول
اولاد عم يحظي وين هذا و وين هذا
اي والله علي حيل حباب بعكس هذا البارد اميـر
ايلول
والله انتِ بطرانه تره استاذ امير متفهم ازيد من هذا علي الهمجـي المهم هسه انتيِ ارتاحي ولا تشغلين بالج بهسوالف
صدگ والله نمت كعدنه ثاني يوم بدلنـه ورحَنه للجامعه ماشفت استاذ اميـر جانت اخر محاضره عنده النه و ايلول مـادري شفتهه تمشي وي ولد ماعرفته منـو وساره ماحجي ويـاهه اني ومجاهلتهه كُلياً
اجـه استاذ امير لقاعتنه واني جنت مجاهلتـه كُلش
انطه سوال وگال حلـو گاعده داحله شفته وگف يم راسي
اميـر
شلون صرتي فرس؟
بخير استاذ
حجيت هيج ودنگت سمعت تنهد يمي وراح
صعَد عَ الستـيج وبلش يحجي كلام صدمني !
اميـر
طلابي الاعزاء، قَبلَّ إنّ أبدأ درسنـا لهذا اليوم، أودُّ إنّ اقولَّ شيئًا خارِج عن المنهج ..... يتبععععع
لا تنسون التصويت ⭐️
للكاتبة : هُدىٰ آذار .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!