رواية بيت جبر الفصل السادس 6 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
____________________

صدگ والله نمت كعدنه ثاني يوم بدلنـه ورحَنه للجامعه ماشفت استاذ اميـر جانت اخر محاضره عنده النه و ايلول مـادري شفتهه تمشي وي ولد ماعرفته منـو وساره ماحجي ويـاهه اني ومجاهلتهه كُلياً

اجـه استاذ امير لقاعتنه واني جنت مجاهلتـه كُلش

انطه سوال وگال حلـو گاعده داحله شفته وگف يم راسي

اميـر
شلون صرتي فرس؟

بخير استاذ

حجيت هيج ودنگت سمعت تنهد يمي وراح

صعَد عَ الستـيج وبلش يحجي كلام صدمني !

اميـر
طلابي الاعزاء، قَبلَّ إنّ أبدأ درسنـا لهذا اليوم، أودُّ إنّ اقولَّ شيئًا خارِج عن المنهج لكنهُ في صلب الإنسانية والأدب."
( اثنـاء ما يُنظر إلى فرس – نظرة تقدير مو مباشرة، بل فيها اعتراف ضمني بالخطأ)
" في المُحاضرة السابِقة، صدرت مني كلمة قاسية بحق إحدى طالباتي النجيبات.
ورُّبما ظننتُ – من حرصي – أن الانتباه الكامل هو معيار الاحترام، ونسيت أن القلوب تسرح أحيانًا، لا لأنها غير مهتمة، بل لأنها مثقلة بالتفكير."
(القاعة كُلهة ساكتة، وفرس تنظر له بدهشة، حسّت باحترامه العميق إلها)
"ولأنني أستاذ في اللغة، فاللغة أولى أن تُستعمل لتطييب الخواطر، لا لجرحها.
لذا، أقول هذا البيت شعراً، لا مجاملة، بل اعتذارًا من القلب:"
"وما انحنيتُ اعتذارًا عن تقصُّرٍ
بل إنّ نُبلَ النفوسِ في اعتذارِ الكبارِ"
اميـر بإبتسامة..
الاعتذار من شيم الرجال، وانا اعتذِر آنِسة فرس

من كُثر الخجَل ومن كُثر التوتر ماعرف شسوي بس الابتسامة انرسمت على وجهي، باوعت ايلول تضحك ونكُلي كومي، كمت وكفت بمكاني وكتلة
فرس
اني جدًا مُمتنة عَ هذا الكلام أُستاذ، والمفروض اني اعتذر مو انتَ، و اني جدًا اعتذر وان شاء الله ما تتكرر مرة ثانية لانك تستحق كُل الاحترام والتقدير

ابتسم وهز راسة واشرلي انُ اكعُد وكال :
"إلى كل من نحبهُ ونقدّره، علينا أن لا نرفع الصوت قبل أن نسمع القلب.
وشكرًا لمن تقبّل منّا زلّةً عابرة بنيّة خالصة."

(الطلاب صارن تصفگ ، فرس مبتسمة بخجل، وتحس بقيمتها محفوظة. هوَ يلمح بسمة رضاها، ويرجع للمحاضرة وكأنه ماكو شي صار..
رجـع يشرح النه واني حاطه بالي ويـا ديشرح و انطـه مَثال

اميـر
إنَّ الحَبيبَ وإن أساءَ حَبيبُ!

رفعـت راسي واني مبتسمـه شفته يباوعلي ابتسم وعيونه اجت مقابيل عيوني ، لازم القلـم ويمشـي ويحجَي

دنگت راسـي وصرت احجي وي نفسـي
هذا وعد عليج يا فرس وعد مستحيـل افكر تفكيرات موحلوه ومستحيـل انزل روحي أله ، سويتهه اول يوم بـس مستحيَل اسويهه بعد مستحيـل .

كمل محاضرتـه وطلع واحنه طلعنـه للقسم ، ايلول تحجي ويايه بـس عادي يعني ببرود ، عفتهه براحتـهه عما تبرد وترجع ويايه لان اعرفهه متگدر هسـه

بيومها كُل الطلاب تحجي عَ أُستاذ امير وموقفة وياية، وشلون هوّ جِنتل هواي، واني اسمع ومبتسمة وماسوي شي غير انُ كلبي يدك حيل من يجيبون طارية، وافرح هواي من اتذكر هل موقف سوى وياية

روتيـن عادي صـادف گاعده ع الموبايل شوي و اندزتلـي رسَاله فتحتهه من استاذ اميـر

عزه كلبـي راد يوكف معقوله هوه دازلي رسـاله

ارتبكت حيـل وكمت اعض بشفتي من الخجل فتحت الرسـاله كاتب بيهه

اميـر
مرحبـا فرس

مرحبـا استاذ اهلا بيك

اميـر
شلونـج ان شاء الله بخير ؟ جاي تاخذين من البخاخ خوما تكررت الحالـه عليج

شكرا الك استاذ بخيـر كلشي

حاولت ارد ع گد سؤالـه مع اني بداخلي شـي بس كلت مستحيل ابيـن اي شي من الي اني بي

اميـر
يارب كل امورج تكون بخيـر دائما
طبعا اني ردت اعتذر الج بشكل شخـصي بس ماجانت راهمه بالجامعه وهسه احب اكلج انـي اعتذر جداً منج ماجنت ادري لو ما ايلول كالتلي انتِ جنتي ضايجـه وجانت السنه مال امج وابوج ارجع اكرر اعتذاري الـج بس ما جان اكو داعي اتركين الجامعه علمود هذا الشي خليج قويه وعوفي الرقـه بهيج مواقف

صفنت عليـه شنو دوره سنه امي و ابويه شنو اترك الجامعه؟ معقوله ايلول كايلتله !

ابتسمت و دمعن عيوني بشكل لا ارادي ، يالله شكد محظوظه اني ب ايلول حته بغيابي اتدافع عنـي بس اني شنو ، اني كاعده اشك و اطعن بيهه وي وحده م تسوه اضفرهه الي من تخربطت حتى مكلفت روحها تجي وياي
نزلت دمعه من عندي مسحتهه وجنت حيـل ضايجه ومقهوره من روحي

رديت عليـه

شكرا الك استاذ و انـي الي اعتذر و ان شاء الله متتكرر

كتبتله الرسـاله وسديت الموبايل جنت حيَل ضايجه من روحي خصوصا من بعد ماكالي هيـج

شلون اسوي بصديقتي هيـج وهي تسوي ويايه هيج مواقف وتخاف عليـه شفته دزلي مسـج

انتِ حيل محظوظه بصديقتـج ايلول حيل تخـاف عليج وحيل تحبج وتريد مصلحتج وهسه نادراً ما نلگه هيج صديقات ، ابتعدي عن الكل خصوصا البيئه الجامعيـه وخليج بـس وي ايلول لان انسـانه راقيه والله حتى رادت تتعارك وياي علمودج اهنيج بيهه

زادن دموعي اكثر وهوه يكلـي هيج عفت الموبايل مسدود وضليت ألوم بنفسـي ليش هيج سويت ليـش

شَوي فتحت الموبايل ورديت عليّ بكل برود

ان شاء الله

رأسـاً شاف الرساله

اميـر
خو ماكو شي اتمنه ماتكونين بعدج زعلانـه

لا استاذ ليش ازعل

اميـر
ما ادري بـس احس اسلوبج يختلف عن ذيـج المره الحاجيتيني بيهه

لا استاذ هوَ اني هيـج

اميـر
تمام

سديت الموبـايل واني كارهه روحي .
حقـه يشوف تغييـر بيه
اذا انـي بذاك اليوم جنت ساحله نفسي حته بـس يحجي ويايه من وره هاي الحية ساره

متت من القهر والندم استولى علية من كُل جهات
من جهتة ومن جنة جهة ايلول

داومنـه اليوم الثانـي وجان روتيـن عادي امير جان ينطيني نظرات مرات بَس اني جنت هواي اتجنبه

يوم من الايام جانت عدنـه محاضره استاذ امير وجنت حيـل تعبانه ومابيه احضرهه بس جان لازم احضرهه

جنت كاعده ومدنگه وهوه يشرح

شـوي و اجه ودگ بالقلم ع الستيـچ مالتي وگالي بهمس

امير
انتبـهي

شلت راسـي اله وهزيتله راسي راح كمل شرح وانـي احس حيل نعسانه ومابيه حيـل شوَي اسمعه گال

امـير
فرس كومي تفـضلي

فتحت عيوني ع كبرهن من سمعت اسمـي شنو يريدد يطردنـي

كمت واني مرتبكـه گالي

اميـر
يله هسه مثلاً هاي شنو راح يكون موقعهه ؟

جريت نفس بعد ماستوعبت انُ هوه مراح يطردني

ضليـت صافنه بوجهه ماعرف شجارب

اميـر
تفضلي بس انتبهي مره ثانيـه

هزيت راسي وكعدت متفشله بس هوَ شكد جان مزعوج من تصرفي ويباوع بنظرات انزعاج

شفت بنيـه رفعت ايدهه كومهه  راسا انطته الجواب

اميـر
عفيه بضبط . شنو اسمـج عزيزتي؟

اميره
المؤنث مال اسمك أُستاذ

اميـر
اميرة اسمج؟

ضحكت وكالتله اي استاذ

نوب عليه هاي والله يالله

طول المحاضره استاذ اميـر يسال ومحد جان يعرف غيرهه جانت كلش شاطره مبينـه سالهه استاذ امير ع درجتهه بالعربي كالتله ٩٥

طلـع استاذ امير من القاعه والطلاب طلعت ضلينه بس اني و ايلول و اميـره وساره

اميـره
صدقه ل الله شكد حلو اميـر و اميره الله ههههههههههه والله اني حيل حبيته لهل استاذ اكلجن بنات مرتبط

ساره
والله عاد شلون تلوگون لبعض انتوا

اميـره
حيل حبيته والله شفتن شلون حجه ويايه وكذا

ايلول
حبيبتي ليش معظمة الامور تره استاذ وي طالبته شلون تردينه يتعامل ويـاج ليش تفكيرجن يسرح لبعيد لمجرد مايسون حركه

جاي تحجي ايلول ودگ موبايلهه ردت عليّ

مرحبـا اهلاً استاذ اها تمام دقايق اوكي

ايلول
فـرس استاذ اميـر يريدج يكول خل تجي لمكتبـي

اميـره
منينلج رقم استاذ امير عود

ايلول
حبيبتي استاذ اميـر قريب النـه وبعدين موحلوه تدخلين كومي فرس شوفي شنو يريد

اباوعلهه ماتت من الغيض كمت واني مستغربه شنو الي يريده مني استاذ امير

كلتلها كومي وياي كامت وياي

فرس
صدك تحجين لو تشاقين ؟

ايلول
اي والله هوَ رادج

فرس
يمة شيريد مني ايلول؟؟؟؟

ايلول
شيريد يعني اكيد ع الي صار اليوم، هو يشرح وانتِ سارحة بغيرر عالم وانتِ شفتِ يريد انسان ملتزم بمحاضرتة، شافني شفت رسالة بموبايلي اجتني كدام امة لا اله الا الله كال ايلول الموبايل صامت، وموبس احنة اي واحد يسوي تصرف يفشلة

فرس
والله اخاف شو

ايلول
روحي فرس شوفي ماكو داعي للخوف والتوتر
رحَت للعماده طبيت لمكتبه لگيتـه كاعد هوه و استاذ حيدر صديقه المُقرب

استاذ صحت عليه

اميـر
اي فرس تعالي تفضلي يلا حيدر اشوفك بوقت ثانـي ان شاء الله

حيدر
تمام رايح عندي محاضره هسه

راح استاذ حيدر و ضلينـه بَس اني واستاذ امير هوه كاعد ع الكرسي واني گدامه والباب مفتوح وغرفه العماده گبالنه

اميـر
فرس اريد احجي ويـاج بشغلـه ،، توقعاتكم ؟
__________________

اليوم الثاني داومنه بالجامعـه وهي وياي والكل يباوعولي بحقـد شلون كدرت اجيب راسهه ، وبتهور منـي جنت فرحان لاني امشي وي وحده الكُل يتمنون يمشون وياهه .

صـرت عايش ع نسـرين مافد يوم طلبت مني فلوس ابداً وهذا السي الي خلانـي ابد ماحسهه انو هي تستغلني وبنفس الوقت اني ماجنت احمل الهه اي مشاعر حُب لا جانت مجرد نزوه بـس

يوم من الايام جنت حيل ضايج رحت للشـقه وكتلها بسرعه سويلي العصـير احس مادري شصارلي صدمتني وهي تكلي

نسـرين
ماعندي خلص

جا ماشتريتن منـه

نسـرين
ماجوه ايدي فلوس

بيش هوه

نسـرين
غالي بـ ١٥

حيلللللل هوه جيس جنه طحين شنو ب١٥

نسرين
قابل اجذب عليك

نسـرين هوَ شنو اسمه بضبط اني اجيبة

نـسرين
اسمـة مطيب عصير

ومنين احصله

نسـرين
من عطارين وكذا وماعتقد موجود هنا اني اجيبه من شمال بس توصيله ب٢٠ غير سعره

اي وصي شمتانيـه

تمددت وحطيت راسي ع الجربايه احس دايخ واريده

بنفس الليوم وبنفس اللحظه كتلهه هسه توصـين عليّ مهما جان سعره وتوصٌيله صدگ والله خابرت ماكوو نص ساعه واجه كتلـها شبسرعه كالتلي عندهم وكلاء ، لسانهه قوي وكل شي عدهه عذر اله وبسرعه تنطي من دون اي تلكأ طلعت للولد لامحـه اني حاولت اذكره وين شايفه ماكذرت ارفزن كلت يجوز شايفه بفد مكـان

اخذت منه الجيس وطبيت واني اشـم بي وفاتحه

استغليت انوهي بالغرفـه واني بالصاله صرت اشمـه حيل واحس ستوني تنفست من شفته

كمـل الوضع هيج وصار ادماني بشكل موطبيعي ، صرت بعدهه دائما اني انطيهه فلوس وهي توصـي عليّ لابُد من قبل جنت اشك بهاي اللحظات ماصرت اشك ابدًا، لان ماصار فكري يم شي غيرة

ماجنت اسال روحي ليش جاي اشرب بعمق وليش مرات احتاج بس اشمه ، مرات بنص الليل واحس اريد بس اشمه واروح الهه اشتمـه ورتاح يلا

سنـه كامله بالضبط ع هذا الحال ، وصرت احس ادمنت بعد وبعد وبعد بشكل ازيد

وهيَ كذالك ما جانت تنطيني بس العصير، عصير و النركيلة الالكترونية وهـواي اشياء عداهِن، فَماصرت اشك، وصرت ادمن ع بيت نسرين بالخصوص مو إلا بالعصير، لان جنت اعرف انُ هواي اشياء عندهيا تريحني وتهدي مزاجي

انـة دائما من اروح لـ نسرين اخابرهه و اكللهه ونوب اروح يوم من الايام رحت من دون ما اكول الهه حتـه

جنت جـاي اصعد لشقتهه شفت نفس الولد الي اجه للتوصـيل نزل معقوله جان بشقتهه وشيسوي !

باوعلي ورتبك وضل يباوعلي بنضـرات تخوف ، الدنيـا جانت ليل تقريباً ب٣ هيج شي ، اتجاهلته وكملت اتجاهـي مع ان كلبي لاعب واحس راح يصير شي

دگيت الباب فتحته الـيه

شفتها لابـسه ملابس نوب و وضعهـا مكركب ومادري شنو

هذا جان يمج مو؟

نسـرين
اممم ليش اجذب عليك اي

وشمعرفج بي ؟ مو هوَ نفسه ابو التوصيل

نسـرين
اعرفه من زمان لان هواي يجيبلي توصيـل

لعبت نفسي منج وخري

نسـرين
هاي شبيك غيث شنو لعبت نفسي منج قابل شتريدني بس وياك هيج

لا ماكايل الج هيـج شعليه بيج اصلاً بس اني لعبت نفسي يلا رايح

عفتهـا ونزلت واحجي وي روحـي
شجاي يصير بيك غيث شجاي يصير ليش جاي ادمر روحك هي شنو وشنو الجابرك تسوي حرام علمودهه

وصلت لنهايـه الدرج احس ماكدر
اريد من الي عدهه

رحَت صعدت وكتلهه

اريد من هذا انطينيـا

كعدت بالصـاله وهي انطيتنيـا وراحت للغرفه ، صرت اشتمه نفس المخبـل بطريقه جنونيـه حدما حسيت روحي اكتفيت ...

خلال هاي السنـه حسيت امري ابد مو طبيعي تجاه هذا الشي وحسيت بي انُ مخدرات ، لان جنت ماكدر بدونه لحضه وحده لدرجـه كمت اخذ وياي للبيت منـه حته اكدر براحتي اشتمـه و اكل منه من دون ما احد يدري

مـرات اصارحها واكول الها تباوعلي وتكلي
ماشايف ناس مُدمنة ريحة بانزين، او عُطر مُعين مثلاً ؟؟
وتكُلي انُ هوَ طبيعي طعمة طيب ف عجبك

بصراحة اني جنت حاس اكو خطا وشكيت الجاي تنطينيا مخدرات، بس صفنت وي نفسي وكلت لو رجعت هل احد راح يحضني ؟ هل احد راح يكلي الي سويتة راح تكدر تعدلة ؟
ما انة عايش بمُجتمع وببيئة كل واحد همة بنفسة ومحتارين بمشاكلهُم العشائرية وبس ؟

اجت السنـه الرابعة وماجنت اشوف نسرين بالجامعة ابـد، زين هيَ اذا انقلت ليش ما تجي وتحاجيني !
ادزلها رسائل ماكو اروح للشقة ماكو
احس بوقتها اعصابي تدمرت وماعرف شسوي
وبيوم من الايام اندزتلي رسـاله من نسَرين ، هاي الرسـاله هدت حيـلي واكتشفت من عدهه انُ كل تخيلاتـي صَح ...

نسـرين
هلاو غيث شلونك
شوف اني حابـه اكلك شي انُ اني ضحكت عليك وهذا الشـي الي جنت تاخذه لا مطيبات ولاشي هاي مخدرات ونوعهن ..... مراح تلگاني بعد وماكو داعي تدور عليه بس اذا تريد من عدهن ف هذا رقم شخص يوصلهن الك وبسريه تامه

الحچي خلانـي انصدم بشكل خيـالي لازم الموبايل و اعيد بالرساله اكثر من مره ، اكرر بيـهه اريد بلكي اكون مشتبـه خطأن اريد اكون بحلـم واكعد منـه

هيَ اخر فترة قنعتني بشكل موطبيعي انُ هاي مو مُخدرات واني جنت شاك بهشي بس قنعتني بهواي امور ف لذالك اني عفت هذا الخيار من بالي وماكمت افكر بي وارتاحيت بعض الشيء

كمت بسـرعه شغلت سيـارتي وطلعت اخابر عليهه ماترد ويطلع الرقم مُغلق !!

رحت الهـا للشـقه ادگ بالباب محـد يفتح الباب الـي !!!

نزلت جوه اكو بالمبنى واحد ابو عقـارات سالته ع رقـم الشقه صدمني وهوه يكلي انباعت والي بيـهه البنيَه شالت من عدهه و عافتـهه

جانت السالفـه الي نفس الصاعقـه مادري شسوي وين اروح وين انطي وجهي يعني شنـو اني صرت مدمن مخدرات!!! يعني الي جنت اخذهن مخدرات

عقـل ما ضل الي براسي ماعرفت شسوي ولا عرفت شنو اتصرف ، اذا اكل لاهلي مستحيـل يخلوني عايـش متاكد راح يكتلونـي واني بمكاني! ابنهم ياخذ مخدرات !

الدنيـا طلعت من عيونـي رحَت للبيت وسديت غرفتي عليـه

ماعرف شنوو الي اسوي توترت حيـل واحس النفس كوه صرت اخذه امشي بالغرفـه وماعرف شسوي
يعني الشكيت بي طلع صحيح

لا مستحيـل ماخذ بعددد ما اخذ لو الدنيـا تنگلب ما اخلي هل شي يسيطـر عليَه ياربي دخيلك خلصني من هاي السالفه ياربي دخيلك

احس الدنيـا كلهه ثگلت عليـه طول النهار جنت نايم بالغرفه ومو راضـي اطلع حته اجه امير حجه وياي بَس اني جنت قافل وماريد احد يسمعنـي حته

باليل تقريبـا الساعه بـ ١ بعد ماتحمل احس اريد

فتحت موبايلي وقريت رساله نسـرين الي موبايلهه انغلق نهائيا ، دازتلي رقـم وكايلتلي اذا تريد اخذ منه

گمت واخذت سويـج السياره ردت افتح باب الغرفه اترددت

لا لااا غيث لا تدمر روحك غيث ارجع

رجعت كعدت ع الجربـايه واحس اختنگت حيل صدري ختنگ كلشي بيه مامرتاح

بس اخر مره بس هاي المره اخذ وبعدهه ما اخذ اي بس هاي المره خليني اكوم

اخذت السويـج وطلعت واني العرگ يوشـل مني

صعدت بالسيـاره وخابرت ع الرقـم طلعلي صوت رجـال

الو

-
اهلاً منو اتفضـل

سكتت ماحجيت شي ماعرف شنوو الي احجي ولا شنو الي اكوله الطريق مو طريقي ولا دربي بس جاي اسوي هيج من لاچاره ومن لا وعي

-
انت من طرف نسـرين مو ؟

اي من طرفهه

-
حضـر ١٥٠ وتعال استلـم

شدعوه بـ ١٥٠

-
هذا الي عدنه ماتريد الله وياك

تمام وين المكان

-
هسه ادزلكيـا ع الموقع تعال ودير بالك تلعب بذيلك تـره مستحيل تكدر النه تجي وحدك وان سويت غير هذا الشي تخسر حياتك صدك .

تمام

سديت الموبـايل وبداخلي خوف ورعب من الي جاي اسوي رحت للمكان الي وداليـا وجان مكان شبـه مهجور

وگفت سـيارتي ونزلت خابرنـي كالي اني وراك باوعت

ولد ملثم كلشي مامبين منـه و ب ايده مسدس

-
جيب الفلوس

طلعتهن الـه واني كوة مسيطر على روحي ضليت اباوعله بتركيز خوف من انُ يسوي حركه و يستغفلنـي

طلع من جيبه جيس بي شوي بـس من هاي الماده

هاي شويه وين تكفيني وب ١٥٠ الف هوواي

-
هذا الي عدنـه والله ماتريد يطبك مرض ويلا اسرسح منا يلا

اني روحي طالعة وهذا على صوتة احس اني اريد واحد اطلع حركتي بي راسًا عطت بي

شبيك تصيح احترم نفسك واحجي عدل

جاي اتقرب الة
سحَب المسدس وضرب بالسمـا و وجهه نحـوي

-
دير بالك تعلي صوتك احسن ممـا تاكلك طلقه وتروح يم ربك يله امشي منـا

غمضت عيوني وسحَبت نفس اخذتهه من عنده ورحـت

صعدت بالسياره واني احس ب احساس يقرف

للحضـه ردت اذب الجيـس بس ماكدرت لازمه ب ايدي وايدي الثانيٌه اسوق بيـهه

اباوعله ومحتـار شسوي

ماكدرت اسيطـر عله روحي ابد وفتحت الجيس فتحته وصرت اشتم بي حيـل احس خلاص رحت لغير عالم

وكفت السيـاره وصرت اكل بي و اشمه حيـل خدرت بشكل خيـالي ماعرفت وين وشلون الا لمن الجيس كله خلص بحيث ضليـت صافن ع روحي

احس نفسي دخت وكوه اسوق رحَت للبيت وصعدت لغرفتي فتحت الضوه واني مكسور بشكل موطبيعي

اباوع للمرايـه عيوني حمر دم شكلي تعبـان حيَل ، وين جنت و وين صرت شسويت بروحك يا غيث شسويت بروحك ..

حاولت انام بيومهه ماگدرت ومن هل يوم بديت اطبك يوم يومين سوه واني منايم

الدوام تركتة نهائي وماصرت الي خلك ادوام ابد
اطلع الصبح بس ماروح للدوام
اروح اكعد وحدي افكر ب السويتة
بالصار بالجاي يصير بالراح يصيرر
وشلون

يوم من الايام
ماكدرت امنـع روحي ابد وستسلمت لامر الواقع خابرتـه وگالي تعـال كتله هل مره اريد كميـه اكبر

طلب من عنـدي هل مرة ٥٠٠ الف كتلة شدعوة وليش جاي تزيد كالي هذا الي عندي تريد تريد ماتريد مانطيك وسدة بوجهي

ماكدر اكول لاي واحد من اخواني ولا لابوي لان راح يستفسرون ويكلولي شعندك بيـهن

انتظرت لليوم الثاني ب شق الانفس حاولت ادبرهن ماكدرت وامير خصوصًا امير اذا كتلة راح يستفسر وياي واذا استفسر مستحيل تنتهي بي السبل وهو ما عارف شجاي يصير خصوصًا هو بالدوام وياي يكوم راسًا يروح لقسمي ويسال ويشوف غياباتي ويعرف اني اصلاً ما مداوم ببداية السنة هاي

قررت ابيع سيارتي بعد ماشفت ماكو حل غير هذا وبعتهه فعلاً ومن سالوني كتلهم اريد اشتري وحده ثانيـه
وعلمود ٥٠٠ الف بعت سيارة تتجاوز ال ١٨ مليون ..

بوقتهه صـارت حادث سجـاد ، اذكر من جدي يكول تشوهت سمعتـي من ورا سجاد زين اذا دروا بيـه شلون وشراح يصير لا مستحيل هاي اخر مره اخذ وراح امنـع روحي اي راح امنـع روحي

رحت و
بوقتهه التكسـي نزلني بمكان بعيد شوي لان مارضه يطب لهناك لان جانت منطقه مهجوره حيل

نزلت وجانت حالتي حيـل تعبانه وكوه امشي ٣ ايام حارم روحي جنت لا اكل ولا انام ولا اي شي اسوي اخذت منهم الكميـه و انطيتهـم الفلوس ورحَت

وانه جاي امشي فتحت الجيس وصرت اشتم من عنده وماباوع للطريق

ماحس روحي الا وكعت بحفـره وهي وگعه وهي صيحه صارت

حسيت وگعت عله چلاب ، نزيت بوقتهه حيـل لدرجه حسيت كلبي راد يطلع من مكانه

الجلاب تتصايح فوگ راسي والدنيـا ضلمه حيل ماسويت شي غير ضليت گاعد بلگاع

فتحت فلاش موبايلي لگيت الجيس كله متطشـر

صرت ألـم بي وماكدر نفس الطحيـن وتجانس وي التراب

صرت اعيـط بالشارع واندب بحظي

رجعت خابرت علي مايرد عليـه احس الدنيا ضاگت بيه بشكل

رحت ع الشارع العام وصعدت بسيـاره وراساً رحت للبيت

فتحت الباب وجانت هدومـي كلهن تراب و وجهي تعبان وعيوني حمـر لان مانايم ابد

طبيت وعبالي الكل نايم انصدمت واني اشوف اميـر و زعيـم و علي بالصاله گاعدين

زعيم
وين جنت طالع؟؟؟؟ شكلك شبي هجي ولك؟؟

اميـر
شنووو متعارك وين جنت انت

ماعرفت شجاوبهم ضليت صافـن بوجوهم

علي
غيث وين جنت شبيك صافن بوجهنه شبيكك؟؟؟

اميـر
غيث حبيبي صايرر وياك شي لا تقلقنه شبيك ؟؟؟

ضليت ساكت وماعرف شحجي للحضـه وحده ردت احجيلهم

( غيث ، امير ، زعيم ) اخوه ( علي،سراج،سجاد ) اخوه

زعيـم
انه من سالفه سجاد لسه كمت بروحي ما أمن ولك احجي غيث عقل ماخليت براسي

تعاركت وي صديقي والله لا تخافـون ماعندي شي وشويه ضايج

علي
منو منهم يا صديق

ليش تعاملوني وكاني طفـل شبيكم انتوا يعني انتم ماتتعاركون ما يصير الكم شي خلاص عوفوني انه تعبـان اساساً

عفتـهم وصعدت شوي و اجـه امير ضل يحجي وياي وانة فاصـل مادري شمخرطت يمه ولا ادري شحجيت حتـه يحجي وياي و انة احجي بحجي غير الي يحجي بس تجاوبت ويا لان امير هادئ ويجذبك بكلامة

احس روحي مخترع عله روحي ذايبه وبس اريد اشتم ريحتهن احس روحي رايحـه

ضليت اخابر عليّ طول الليل مايرد مانمت ولا جاني نوم اليـوم الثاني ماطلعت من غرفتي هذا الشي الي خله اميـر يشك وبشده

بديت احس فصلت عن العالـم وماحَس بشي ابد صار عقلي بس يمهن اريد اخذ منهن وهايهيه ومادري شـنو صار وشنو جاي يصيـر

كضيت الليل كله كل ساع اكعد بمكان انام بمكان في شبيٰل بس اهدئ وماجان يجدي ابد

كعدت ع الدرج وضليت اهز برجليه وخايف
خايف ع متوتر ع مادري شنو بس احساس غريب
افكر شلـون وليش صار هيج وليش وصلت الهاي المواصيل
شفت دمعتي نزلـت مني ، بسبب طيش بسبب نشوه حياتي اتدمرت!
كمت لغرفتي وكوه نمت

اليـوم الثاني رد عليـه گالي السـاعه بـ ١٢ تجيني بليل

صدگ والله بـ ١٢ نزلت لگيت الولد گاعديـن

زعيم
وين رايح

جاوبتهم وانة مو حاس عله روحَي وبكل عصبيـه

اريددددد اروح لحددد يدخل بيه ماعليكم بيـه ماعليكم

زعيـم
غيثثثثث

صاح وراي بعصبيـه انج عفته ومشيت طلعت امنت محد طلع وراي خَليت ورحـت للمكان اخذت تكسي ورحت

ابو التكسي يحاجيني واني فاصل حيـل عن العالم نزلت بوقتهه واجيـت يمه

جانوا هل مـره ثنين مو واحد انطونـي الجيس وكالولي

-
هذا حيل قوي راح يغنيك عن ذاك صح بالبدايه قوي بس بعدين تتعود عليّ راح يخفللك الالم الي جاي تحس بي وراح تنـام

شكد سعره

-
اربع ورقـات

بكل هدوء طلعت الفلوس من جيبي وانطيتهيـا

فتحتـه يمهم وصرت اشتـم بي اخذت منه شويه و اخذت منة

ماحَس الا ع صوت علي وهوَ يصيـح

علـي
ارفعوا اديكم بسـرعه
ديروا بالكم تسون اي شي محُاصرين من كل الجهات

-
سويتهه لك لاااا ياحقير لا يااا كلب

ذولا الثنين شردوا ب اتجاهات البساتيـن و علي و زعيـم رگضوا وراهم وجانوا شايلين اسلحـه وانصدمت انُ اكو سيـاره شرطه وراهم راحوا يركضـون وراهم هم

امير ضـل واگف يباوعلي ومصدوم وبيده مسدس

اميـر
كالولي وكتلهم مستحيـل

جاوبته بكل هدوء ودوخه
اميـر

اتقدم الي وضربني راشدي حيل و وكعني بالكاع وصار فوكاي وهوَ لازم ياختي

من وكعت وگع الجيس من ايدي احس اتخبلت

گمت اصـيح حيل واصيح لاااااااااااااا لااااااااااااااااا

اميـر گام عني وهوه مصدوم صرت الم بي من الگاع واشيل و اكل منه

رفـعت راسي وشفت اميـر الدمعه نزلت من عنده

اميـر
غيث انت شسويت بروحك شسوووووويت بروحكككك !!!!

يحجي وياي وانة ابلعم من الخوف ماحسينـه الا ع صوت طلقـه

اميـر رفع راسـه وعافني لان جان لازمني

انه احس نزيت ومادري شصـار بيه شلت الجيس ورگضت بي واميـر يرگض وراي

دموعـي صارن ينزلن رجليه ماتساعدنـي حته اتحرك لزمني اميـر حيل وهوَ يصيـح

امير
لك شسويت بروحك شسويتتت دمرت روحك ودمرتنـا امي شراح تكووول شراحح تكوللل

اميـر حضني حيل حته يسيطر عليه واني كمت اصـيح واكله هدننـي جااااااي اكلككك هدني

وخر الجيس من ايدي وذبه بالگاع حسـيت روحي تخبلت ماعرفت شنو الي اسوي بس امير جان اقوه ولازمني حيـل

شوي شفنه الشرطه اجو و وياهم ذولا الثنيـن و جان علي كله دم وزعيـم شايله من جهه وشرطي من جهه ... يتبعععع
_________________

اجـاني طفل كلي خاله اريد ماي درت وجهي اله ماحس الا صرخ وكالي

يمممممه وحششش وحش بااااع وجهه

راح طب للصاله ويصيح هيـج بنات عمي كاعدات بالمطبخ ماتن ضحك اني درت وجهي والدموع تنزل منـي واشهك بالبجي

سمعت صوت مرت ابوي تكلي جيبي جاي صبيت الجـاي اريد اخذه اسمع بت عمي تكلي

شبيج حته بملابسج بمهذله وكاسره وجوهنه دلبسي عدل دشداشتج تسحل وراج جنج مره حبله

ماحجيت شي ويـاهه لان حجيهه صـح طبيت واني اقدم الجاي للنسوان وكلهه تباوعلي وتكلي يااا شبيـج خاله واني ساكته حدما مرت ابوي كالت

والله شكللجن بت عرمة وكحه ماتكعد راحه تنطنط بوجهي ومساع حته ضربتني وسمعوها اخوانها واجو والله اني ولا ارضه عليهه تتاذه وحاولت ويـاهم حته ضربه طاحت بيهه في سبيل ماتتاذه بس شسوي هي جنت عله روحهه

وحده من نسوان كالت
يا خاله شمالج جا هي بالعكس تتعدين ع مرت ابوج هجي وتضربيهه عمي احنه بيا وكت شنو من بناويت يمه اسم الله انه بتي ملصومه ع حكلهه اكلهه كومي تكوم اكلهه اكعدي تكعد

الثانيه كالت
تربت بدون ام لا ترييه ولاشي بس موهيج تتعدين ع مرت ابوج

مرت ابوي كالت
وعاد اني شلون والله ابديهه ع بنيتي هاي احجن وياهه هسه هي ضاربتني واني اخاف عليهه اكلهه يمه اعتني بنفسج اجيبلهه الدشدايش الملابس الحلوه البت كارهتنه ولا تقبل هسه حته والله استحي شتكولون ما نجيبلهه ملابس وضاله بهاي ملابسـهه

اباوع لمرت ابوي ثوبهه ارقى شي الذهب يلمع بيهه من فوك ليجوه مكعده لبنى يمهه ولبنى لابسه احلى شي و اني نفس الخدامـه؟ هاي بيت شيخ ويحل مصايب ناس وبيته هيج ! لهدرجه هاي الناس مضاهرهه وهي بـس

مشيت بسرعه من يمهن وهنه يحجن عليه واني ما براسي غير الشر

شفت النار الي ع الطباخ مفتوحه حسيت روحي اريد اروح للطباخ واحرك روحـي وارتاح من كُل الي جاي يصيـر

دموعي تنـزل وخايفه مو بسهوله هـاي ممكن اموت روحي غمضت عيوني بقوه والبحه مبينه بصوتي وكلت
والله راح تندميهم يا سبب بس اتحملي شهر واحد ودراستـج تكمل وفنه الي يوكف بوجهج ويعارضج

كملت الشغـل الي جان كله عليه واني جسمي مايشيلني حته اضل واكفه كد ما الضرب جان موجع بنسبه الي

ضليت ع نفس الوگفه لحد السـاعه بـ ٢ بليل

اجيت اريد اطب تعبانه حيـل صاحتلي مرت ابوييه  كالتلي
نامي بالمطٌبخ الخطار هنا والبيت مايمكفي

وين انام بالمطـبخ ماتشوفنين ستوني غاسلته والدنيـا بارده حيل

صفگتني عله خدي حيـل وكالتلي
لا تجاسرين وياي لا النعـال احطه بحلكج وهاي اني ردت اكول خطيه و انطيج غطه بـس انتي ثوله وتعمين عله روحج روحي يله حته غطه ماكو دبري روحج بروحج

دفعتني وسدت الباب مال المطـبخ الي يطل ع الصاله ، دموعي ينزلن واحجي وي روحي

اخ ياجدي اخ وين عفتني ورحت ياجدي وين رحت اني طول عمري مضلومه بس انت جنت بصفي هسه منو الي من بعدك منو الي

ماتخيلت فد يوم راح يروح جدي مني و اوصل لهـاي الحاله ابد

دموعي تتسابق واشهگ من البجي كعدت و انتجيت ع الكاونتر وحضنت راسي وضليت ابجـي حدما غفيت

كعدت عله صوتهم كمت ونفس الروتيـن ونفس التعب والاذيـه ، يذلوني وكانما خدامه عدهم والله حته الخدامه الهه خاطر اكثر من عندي حتـه

خلصت ايام الفاتحـه وبدت الناس تروح وبيتنـه يفضه

طبيت لغرفتـي ولزمت موبايل جدي جان يمي محد يدري بي اباوع لصوره وابجي واعاتبـه واكله وين رحت وعفتني بوسط هل ناس ويـن

صرت افكر شلون بيه وشلون ممكن يخلوني امتحن والله اموت اذا كالولي لا تمتحنين والله اموت

اليوم الثاني جانت الدنيا الظهر والكل نايم واني كاعدة انظف، مدنگة وامسح بالارضية ماحس غير واحد طوقني من خلفي وكإنما ديحضني

نزيت وانرعبت موت، درت وجهي شفتة رائد
رائد معروف... يشرب، لسانه ملوث، وعيونه زايغة لابعد حد.
طفولتي جانت مليانة بتحرشات منة
جنت اخاف ومن اشوفة اشرد واحاول ماضل ويا ابد
انرعب بس اكون يمة
لان اذكر يوم من الايام لمن جنت طفلة ما يتجاوز عمري ال ٨ سنوات راد ياخذني لمكان معزول لو ما جدي شافة ورزلة وهددة انُ يقترب من يمي

هو موبس ابن عمي ، هو واحد محسوب من "البيت"،
وهي تعرف اذا صارخت راح يلوموها الها ويكتلوها الها مو الة

صوته ثگيل، ريحة الكحول سابقة أنفاسة، احس انسان على شكل نفايات يمي على كد ما ريحتة معنفة

انتَ شجاي تسوي شلون تجرأ هيج تسوي
وخر لا الم عليك اهلي والله

صوت الصمت صار أعلى من صوتها.
إيديه تقرب، وهي تتراجع...
نفسها يتقطع، بس لسانها مربوط بخيوط الخوف.

گال بصوت ناصي بس سامّ:
إنتِ تعرفين محد راح يصدگج، فخليچ ساكته أحسن.
وتعاي وياي نتونس شوية بالغرفة وعلى الخفيف شكلتي ههههههه

دمعة نزلت من عينها، بس ما حچت.
تعلمت إن الحچي يوجعها أكثر من السگوت...
لأن مرة حچت لجدها انُ رائد يضوجها وكال الها:
"مو كل شي يصير لازم نكبره... يمكن إنتِ فاهمته غلط."
وهوَ جان يدري بي زين هيج ومرات يرزلة بس ماينطي بي
وهذا جدي الجان يحبني، جا اهلي شلون؟

دفعتة و وخرت بسرعة ركضت لغرفتي
اني جنت يم المطبخ وغرفتي تفصلها الصالة الجبيرة
ركضت وركض وراي
ولحسن حظي جانت الكاع مبللة وزلك

طبيت بسرعة واني صوت انفاسي سريع وروحي احس رايحة
باب الغرفة ما ينقفل قفلة عاطل مدري شبي
يُمة اسوي وابجي واندعي
يارب يارب يارب كون وياي يارب لا تعوفني لا تعوفني

شفتة منبطح ويريد يكوملي
كلت اذا اجة اصيح وشيصير خل يصير يكتلوني؟ خل يكتلوني المهم ما يلمسني

انقفل باب الغرفة باعجوبة صرت ورة الباب واني اشهك بالبجي
ماحسيت الا وهو ديحاول يفتح الباب
ماصرت احجي غير بس اندعي واكول
اللهم لا تفضحني... ولا تضيعني، ولا تجعل وجهي بإيدين الوحوش.
يارب كون وياي كون وياي يارب

صار يدك بالباب حيل واذا سمعة احد وكعد راح يكتلوني الي

رفعت ادية للسماء بخوف وببكاء شديد

يارب يا لا اله الا انتَ
شلون تعوف عبدك
الي انتَ اقرب الة من حبل الوريد
يارب لا تعوفني اترجاك
يارب .. يمة
اتذكرت امي واني اناجي ب الله
وصرت اندعي عشوائي وبكلبي غصة على امي
وماعرف شسوي غير اتنجد بيهم

شوية وسمعتة يكول
رائد
اني رايح بس اذا مو اليوم نتونس بعدين جهزيلي روحج عود لان حاظج ببالي

انرعبت من كلامة ومادري شسوي
وكعت بالكاع احس حيلي بعد ما يساعدني اكوم
وعيوني غوشن من البجي
مادري شنـو صار بس احس ضوضاء واني موبيها

ماحس غير الباب انكسر علية ويطب حسن ورسول ومرت ابوي
اباوعلهم بس ماكدر احاجيهم
همة من شافوني راسًا عاطوا

رسول
ليش قافلة الباب ولج ادبسزززززززز

مرت ابوي
عايفة البيت ناكع ونص ونص وجاية

اجوا تقربوا يمي اريد اكوم ماكدر اريد اكلهم شي ماخلوني لزمني حسن ورسول وضربوني بالشكل الي خلوا ما يطلع مني غير آهاتي وأنيني

عافوني وطلعوا واني ميتة جسديًا وماحس املك شي غير روحي
متعجبة بالوحوش الجاي اشوفها من بعد موتة جدي
وعلى سوء المعاملة وكانما جاي يعاملون دمى مو بشر
احس جسمي يوجعني وماكدر كلشي اسوي
حتى البجي استصعبتة وماكدرت ابجي
ماجنت اردد غير ( ماراح اضل يمهم ) ..

مادري شعجب هل مرة عافوني وما صاحولي ع طبخ العشا ضليت بغرفتي وابجي ومتوجعة من الالم
بليل طلعت همة نايمين

جوعانة بس مالي نفس اكل
كلبي يوجعني ونار بصدري كاتلتني
ودي شي يطفيلي هاي النار بس شنو وشلون مادري

ماعدي امل ولا حل غير الله عفت الاكل الي نفسي موبي ابد وتوضيت ورجعت لغرفتي
كتبت باليوتيوب صلاه لقضاء الحوائج
طلعتلي كومه مقاطع ومنهن صلاه يوم الخميس لقضاء الحوائج
طبيت للتعليـقات كلهه تكول نقضت حاجتي واني صارلي شكد عندي هل طلب
جسمـي كزبر نفس الغرگان ويريد يجلب ب سلايـه
شفت الصلاه تتصلـه يوم الخميس قبل اذان المغرب اربع ركع كل ثنين سوى مفصولات اول ركعـه الحمد و ١١ مره الاخلاص والثانـيه الحمد و ٢١ الاخلاص وثالث وحده الحمد و ٣١ الاخلاص و رابع وحده الحمد و ٤١ الاخلاص ومن اكعد واكمل الصلاه اقره ٥١ الاخلاص والنيـه اصلي صلاه يوم الخميـس ، الشـيخ يكول محد صلاه هصلاه الا الله انطـا مُراده واذا ما طلب الله يغضب عليّ ولو اراد ازاحه الجبال ل ازاحهـا بهاي الصلاه

فرحـت حيَل واذكرت باجر خميس لازم اصليهه لازم حته لو باجر يجون ناس وعالم علمود ليله جمعه بس لازم اصليـهه

كعدت بالليل اذكر اقره واليوم الثاني مانايمه اني غير ساعتين كمت من الصـبح اشتغل لحد اذان الضهر صليت الضهر وبلشت بهاي الصلاه وندعيـت محد يقاطعني

اصليـهه واني ابجي دموعي يجرن واتوسـل ل الله ما يخيب آمالي بـشي وتتغير الحياه الي اني عايشه بيهه

صليتـهه بكُل خشوع وكملت وسجدت سجده طويلـه وصرت اناجي بيهه الله

يارب يارب يجوز انـي مقصره وياك يجوز اني اخطأ يجوز اني اعصيك بس يارب اني احبك و اؤمن بيك يارب ، يارب لا تضيع آمـالي انقذني من الي اني بي يارب صعـبه الي جاي اعيـشه انت اعلم بحالي لا ام عندي وتدافع عليّ ولا عندي ابو نفس الابهات وميقبل عله بته اني حته جدي الجان سندي الوحيد راح يارب لا تضيعني تعبت اني ياربي تعبت ارحمنـي يارب باوع عليه يارب والطف بحالـي ماعنذي غيرك يارب ماعندي غيرك ، والله جبيره هاي السوالف عليه والله جبيره ، جاي اتعب ياربي وجاي تشوف تعبي جاي ادرس برغم كلشي جـاي يصير وفقني ياربي ولا تضيع تعبي وجازيني ب احسن المجازاه ماراح اكلك اهديهم الي لان هواي ندعيت وهمه نفسهم بس اكلك انقذني منهم ياربي ولا تخليني انظلم زايد اخاف لا اعصـيك ياربي بدون ما ادري ع الظلم الجاي اتعرض اله

كمت من السجاده واني منهاره من البجـي كوه اجر النفس واشهگ حيـل رفعت اديه للسما واندعي

لميت سجادتي والدموع تنزل عليّ واقره ماكدر ماقره وماكدر ما ابجي كل ما اقره واشهگ بالبجي وارجع اقـره

گضيت هذا الشهـر اناملي باليوم لو ساعه لو ساعتين مستحيـل يمر يوم اذا ما ابجي بي استمريت ع صلاتي الي كل خميس اصليـهه واني ب أمل رب العالمين مايردنـي ابداً

صارت قرايتي بليل من ينامون تقريبا من ال ٩ همه بنامون لحد ال ٦ الصبح يكعدون اجرهه جره وحده اقـره ومن يكعدون يكعدونـي وياهم اضل واكفه بين الشغل وبين الخبز وبيـن التنضيف مارتاح الا بعد مايتغدون وهم ينامون من ال ١ لحد ال ٤ ولهذا الوقت هم اكعد اقره بي لان يمهم مستحيـل اكدر اقره

مرت ابوي كل ماتشوفني فاتحه الكتـاب تسويلهه مشكله شكبرهه

اذكر مره  رسول اخوي مزگ كتابي خلاني ابجي لان شافني لازمتـه واقره بي اذكر دنكت للكاع و الم بي و احاول اواصل الاوراق سوى بكل كسره كلب

ف ابتعدت عن القرايه بالنهار يمهم نهائيـاً

هواي مرات احجي وي روحي
اكو بنات اهلهن يحرمصون الهم ع القرايـه يحطوهن ب احسهن مدارس ويجيبولهن مدرسـين وكلشي يسون الهن وهوه مايردن واني اخ انـي

اما رائد صرت ابتعد من يمة واخاف بس يجي
راسًا اروح واطب وماخلي يشوفني ابد
جان اخر امل عندي امتحاناتي
اريد امتحن وبلكت اخلص من الي اني بي

صـارت وكت الامتحانات ومادري شسوي وشلون ندعيت من ربي يوفقني وكلت خلاص لازم اكول الهم بما ان عگبه
امتحـاني الاول

جانو كاعديـن كلهم قويت روحي واجيت كتلهم

بويه اني عگبه امتحاناتي شلون منو يوديني

راسا كمزت مرت ابوي
شلون شلون يا امتحانات وين ترحيـن ماكدر انه وحدي للبيت

خاله هي من ال ٨ ل ١٠ ماتاخر والله

رسول
اكلي خره واسكتي جدي جان يدافعلج للامتحانات هسه ماكو لا امتحانات ولاخره

دموعي ينـزلن واحجي وياهم و اتوسل

لا الله عليكم هي اخر شي بس امتحن وهايهيه الله يخليكم

مرت ابوي كالت
ماكووو والله لا امتحانات ولا دنيـا تريد تروح للامتحان والله يالله شصيرين بله ها شتردين دكتوره يبعد كلبي

ابوي راسا كالي
ولج اسمعي وعلي اذا اكوم انهيج تنهي انجبي وروحي لغرفتج لا اكوم اكضيج كضيان امتحانات تريد امشي ولي تربيه سز

حسن اخويه كال
والله اني شلون متحامي واريد ارگع واحد بطراگ انسي حليب امه ف استري عله روحج وروحي احسن مما اگوم الج

يعني هاي اخر حجايه الكم ماروح وما امتحن؟

ابوي كال
وعلي راح اكوم الهه بت النعال كووومي امتحانات كالت كومي يله كومي

جانت اكو يمـه مطفى مال جكاره شمرنـي بيهه وكعت برجلي روحي راحت ..

غمضت عيوني واني اسمع حجيـهم وكلت
لا تستسلمين ي سبب اوكفي بوجهم ... يتبع
لا تنسـون التصويت ⭐️
لا تقصرون حبايب
للكاتبة: هُدىٰ آذار ...

سبب :
يعني هاي اخر حجايه الكم ماروح وما امتحن؟

ابوي كال
وعلي راح اكوم الهه بت النعال كووومي امتحانات كالت كومي يله كومي

جانت اكو يمـه مطفى مال جكاره شمرنـي بيهه وكعت برجلي روحي راحت ..

غمضت عيوني واني اسمع حجيـهم وكلت
لا تستسلمين ي سبب اوكفي بوجهم

انـه اررريد امتحن امتحاني مستحيل اعوفه حرام عليكم والله حرام جدي وصاكم بيه ليش تخونونه ليش ماتنفذون الي كالـه ليش والله حرام الجاي تسوونه بيه والله حرام

انه كلت هيـج كاملي حسن وكام يضربني حيـل ورسول كام ويـا واسمع ابوي يكول

حيل حيل وياهه اكتلوهه نهوهه لهاي ال....  شنو الجساره توكف كبالنه وتحجي هجي تريد تمتحن من كل وعقلهه حضري لزواجج من ابن عمج رائد احسن لان انه بعد ماتحملج خل هوه يزوجج يطگج يموتج ماعليه بيج عساج بالموت

انه سمعت حجه هيج وانه متت يعني مخططهم يزوجوني رائد وحته اربعين جدي ماطالع بعده

كمت منهم بعد ماشبعوا مني من الضرب الي طگونيـا

احس روحي صارت بس جسد بدون روح ماعدي شي حته اخسره اوكفي بوجهم ولا تخليـهم يستغلونج زايد

ماعرف منين اجتني القوه الي خلتني اتقدم واوكف كبال ابوي

وكفت كبـال شيخ الشيوخ , كبال الانسـان الي الكل يخضع الـة , الانسـان الي الريح من تشوفَه تغير مسارهه ، الانسان الطاغي الظالم المحد يوگف بوجهه غيـر الله ,
وگتلـة بغضـب وبحرگه كلب وبعيون مليانه دموع
ما مضطره اخضع الكم و لاوامركم و لعاداتكم وتقاليدكم الـتتطبق ع البنات وماتطبق ع الولد ، ضالميـنه خانگينه ممنوع تطلعين ممنوع تطبيـن ممنوع تضحكين ممنووع تتنفسين ممنوع تلبسين شي يعجبج ، تمشين ع امرنه ما تمشين ع امرج ما عدنه بنيـه تطلع للشارع ماعدنه بنيـة تطب الكليه الي تريدهه ماعدنه بنيـة تحجي حجايتهه وتريد الشي الي تريدهه
جشعت و مردت اولادك علينه خليت اولادك يمدون ايدهم علينه يطلعون ويسرحون ويمرحون يشربون ويتاجرون ويسوون الي يردوونه فد مـرة كتلهم ليش تسون هيج لو حاطهم ع راسك وتستر علينه وهسه ؟ هسه شنو تريد تدمر حياتي جنت اسكت بس هسه لاااا ماراح اخليك تدمرر حيـاتي بعد ما اخضع الكم ولسلطتكم وقوتكم الزائفـة اذا كدرتكم عليه ف الله موجود ويكدر عليكم اني ماخضع الكم بعد جاي اسمعوني ما اخضـع الكم

انه كلت هيـج وهوه صار يضربني حيـل بعد الضرب مادري منين كام يجيني من ابوي من اخواني ماعرفه منين ابوي نزع العكال وكام يضربني حيـل بي

خلاني اتلوع من الوجع الي انـي بي احتاروا شلون يضربونـي وشلون ياذونـي

يجوز بالنص ساعه مستمره همه بس يطگون بيه وحيـل وبشكل مستمر وكلنما يطگون زلمة من اشد اعدائهم

اخر شي دفرني ابوي حيـل وگالي

گومي يله وارد اشوف مني(منو) التمتحن ومني التخطي خطوه بره البيـت

باوعتله واني كلي حقد وكلي غيض الهم عفتهم ورحت طبيت للغرفه واحس عقل ماعندي

واسمعي لج باجر عقدج لرائد هو عقد هو زواج هو كلشي خل ياخذهة ونفتك منها شهل شئم هاي الي علية
وشلون رائد هوَ صدك يربيج بت النعال يلاا كومي

دفرني حيل ع كليتي احس روحي طلعت
وشفت دم طلع من حلكي

مادري شسوي يريد يزوجني من رائد
والله لو اموتتتتتت
يموتني بمكاني هذا مستحيل اصير الة مستحيل
والمشكلة انة اعرف ابوي اذا كال شي مستحيل يتراجع عنة وماكوشي يطلع من لسانة شقة واكيد باجر يطيني لرائد وهاهي
واني على جثتي يصير هذا الشي

مايمي شي غير اني اشرد
بس وين وشلون مادري
صعبة علية صعبة وماكدر اسويها ابد
ماطالعة للعالم الخارجي
ماشايفة شي
ماندل كل الطرق
جنت بس للمدرسة اروح
وما اختلط ب احد غير افراح

كمت وكلت خل احاجي ابوي بلكت يلين
كلهم طابين لغرفتهم رحت لغرفتة دكيت الباب

يارب دخيلك لين كلبة علية
سبب عوفي كرامتج وحاولي ويا هاي دراستج
ونار اهلج احسلج من الدنيا هاي
يجوز هنا شجم اسد
بس بالعالم الخارجي هواي اسود

سمعت صوت مرت ابوي وهي تكول طبوا
شفتة نايم ع جرباية
ركضت الة بسرعة واني ادنك على رجلة وابوسهة

هل مرة ماريد اكلك شيخ اريد اكلك بوية
بوية الله يخليك لا تحرمني من دراستي
انة بنتك
بروح امي لا تحرمني من دراستي
اذا جانت امي عزيزة عندك

يم رجلة واحجي وابجي
ردت اشوف نظرة حنان ماحس غير دفرني برجلة وهو يكلي

اطلعي ولج اطلعي اريد انام شلون ماخلص منج اني
ياربي ماتاخذ امانتك واخلص منها
جا انتَ رحت على امها
لسانج ماريد اشوفة يطلع
وباجر اطيج لرائد واخلص منج
لان اني جزعت منج
وكلساع لازم اخوانج من انهم يكتلونج

ماعرفت شسوي بهذا الموقف الي حتى الكافر ينكسر كلبة عليّ

باوعتلة بحقد و بندم على انه ابوي
ماكتلة غير
راح تتندم بوية ع السويتة بية

عفتة ومشيت ماحسيت غير راكعني بمزهرية يم الجرباية
اجت ضبط على ظهري بحيث احس ظهري راح

عفتهم وطلعت واني كلي دموع واسمعة يصيح وهي تصيح ويا وتكلي تعاي اكنسي

خلاص والله لحظه ما اضل يمهم والله ما اظل يمهم لو دنيـا تنگلب ، باوعت لروحي بالمرايـه مليانه ضرب مليـانه آثـار

الكره زاد اكثررر و اكثـر غمضت عيوني وسحَبت نفس السـاعه بـ ٩ بليل عندي شكم ساعه ويوم واحد وعگبه امتحاني مستحيـل افوته والله العظيـم ومستحيل ازوج لهذا رائد الا اكسر وجوهم الا اعيشهم برعب الا اخليهم يمشون وهمه مدنگين من الي راح اسوي

قررت انُ خـلاص اروح وانهزم وين شلون مادري بس المهم اخلص منهـم ومـا اخسر حلمـي

كمت واني الشيطان متربع براسـي ، عيشه يمهم بعد ما الـي لو اموت ما اضل وياهم مستحيل اخسر حلمي علمودهم ويردون يزوجوني ل رائد هه والله مستحيل ادمر حياتي مستحيل

حضرت كتبي حطيـتهن ب بقچه صغيرونه وحطيت دشداشه وحده الي موبايل جدي محد سال عنه حطيـته وياهن جانت عندي ٥٠ الف مجمعتهن من زمان كل يوم جدي ينطيني وانه اجمع بيـهن حطيتهن سوى وجانت النيـه اشرد لا محـال مستحيل اضل يمهم

انتضرتـهم ينامون صار البيـت هدوء السـاعه بـ ١١ ماجان يمي احد بالغرفـه ابد لان وديت لبنى تروح تنام يمهم رحت طلعت غراضي بالطرامه بسكوت واجيت جبت العبايه مالتي واللبوشيه(النقاب) وطلعت

سديت باب المطبخ وراي ضليت اقره ايات قرانيـه وخايفه بس هايهيه لو بالهدف لو بالنجف ما اضل انه هنـا بعد مستحيـل

طلعـت وأحس روحي ارجف
ويـن اروح ياربي أحس روحي خايفه وماعرف وين اروح بنص هل ليل

ماجنت افكـر بعقليَ أبد
حسـيت الجاي اسوي خطأ
ع لحظج ردت اتراجع

راسا كلت

خَلاص سبب انتِ سويتيهه يلـه أمشي وكملي طريقـج

جنت بايگه مفتاح البيت فتحت الباب وسديته وراي

باوعت البُستان الي داير مداير بيتنا الي هوَ النة شكبرة
كلة مال حرام
اذكر مـرة طردوا المُزارع بس لان فكر ياخذ شوي طماطة ويا
عبالة ما يمانعون شي وكلوبهُم طيبة مايدري بالنحاسة الي موجودة عندهم
فلوس هاي كلها تروح ع الملاهي والشرب والتجاه مال الاسلحة
مافد يوم سوولهُم سالفة ييها حَظ

اكيـد ما اروح وانه ما مِنتقمَة لجزء من الي سووا بية

جان اكو تانكيات مال نفُط برة
كمت اجيب وعبيت على كُل البستان
ورجعت طبيت لجوة بهدوء جبت جداحة وشعلت النـار

صرت اباوع للبستان جُزء جُزء بدة يحترك
الله يحرگ كلوبكُم واحد واحد
حوبتي ما راح تروح
مايموتون اكيـد
بَس اريدهم يتعذبون
من جنت أباوع للبستان، چنت أتذكر، كل زاوية بيه مرتبطة بذكريات مُرة موحلوة، حتى التراب ما چنت أحسه تراب، چنّه صدى للذل، للضرب، للشتيمة، كل نخلة، كل غصن، چانت شاهد على دمعة انكتمت، وعلى كف نزل، وعلى وجع ما نسمع، چنت أگول: ليش الأرض تسكت؟! ليش ما تصرخ وياي؟ وهاي هيَ الارض صارت تصرخ وياي وانحرگت نفس ما گلبي احترك

رحت وكلبي يم لبنى
يحبونهـا ي سبب لا تخافين مو مثـلج راح يعاملونهه ابد

طلعت ع شارع العـام وانتظرت تكسي تمُر
صرت اشوف الدخان بدة ينتشر بالسما
وخفت لا يكعدون ويحسون وماكو تكسي لسة
شوي واجت تكسي اجرتها وحاولت شوي اغيـر من صوتيّ

دليـت التكسي ع بيت افراح صديقتـي وحاولت ابين روحي ماخايفة او شي حتى لا يشك

بعد ما صعدت بالتكسي وگعدت بالمقعد الخلفي، ضليت أباوع من الجامه، كلبي يضرب بسرعة، وعيوني تدمع، بس ما چنت أباوع وراي، چنت أباوع لكدام... لأن احس كلشي وراي إنتهى.

بالتكسي، چنت أحاول أغيّر صوتي، بس گد ما چنت أرجف، طلع صوتي مهزوز، السايق ضل يباوع عليهه بالمرايه، خفت لا يصير شي بس الحمدلله

وصلنـي التكسي لهناك واني جنت خايفـه وارجف ماعرف شنـو الي اسوي

بالطريـق خابرتهه من موبايل جدي الي عندي وكتلهه اني جايتج لا تخلين واحد من اهلج يدري بيه

الطلعه من الصبح صعبه حيل عليه من بيتنه لان الكل يشوف فـ الطلعه من بيتـهم اهون

كالتلي بس بابا هنـانه تعاي وهيَ ماجانت فاهمه اي شي من الجاي يصيـر

من وصلت رمشت الهه فتحت الباب وطببتنـي بهدوء
اول ماشفتهه ضليت ابجـي واحجيلها ع الصار

لامتني حيَل وضلت تكلي شسويتي بنفسج وشون هيج تسويـن

ماجنت تعرف الي اني امر بي بتفصيل
خصوصًا اخر فترة
حجيتلهه ع كلشي صار بالاخير وكتلـهه يردون يحرموني من امتحاناتي حجيتلهه ع كل الذل والاهانه الي شفتـهه منهم

هيَ ضلت صافنه وماتعرف شتحجيَ

ضلت تهون بيـه وتكلي الله كريم
كالتلي ابقي يمي منا للامتحانات

افراح انتِ شتحجين انتِ ماتصورين الخطورة الي اني بيها هسة
بس اريد يصبح الصبح حتى اروح
ومستحيـل اهلـج يدرون ويكولون شكو جايه يمنه
وابوي معروف ومو هيـن
واول ماراح مايلكيني راح يسال عنج حتى يعرف بيتج وين ويجيج لان يعرفوج

لذالك اني من الصـبح اروح منهه من دون ماحد يدري لغيـر محافظة
وهم اطلع ب ٤ وي الفجر للكراج
يجوز الـ اسوي خطأ بنسبه لهواي ناس

بـس الي حيـل صح ومو خطأ
احس روحي طكت
ضحيـت بكلشي ممكن محد يتخيله
تحملت عنف منهم تحملت كلشي منهم
ممكن حتى دراستي الي جنت احسها مُستحيل اكدر استغني عنها مُمكِن استغني عنها بس رائد!
لو اموت ما اصير الة ..

نمت يم افراح و وقتنه الموبـايل ع ساعه٤ صبح اكعد قبل لا الكل يكعـد لان ابوهه مدرس ودوامه ظهري ويكعد عله كيفة
مانمت كد ما جنت خايفة لا يندك الباب ويجي واحد
ضليت بس اسبح واندعي واريد من الله يسهلياهة

ودعت افراح
طلعت الساعـه بالـ  ٤
نفس التايهه ماعرف ويـن اروح
اختايرت اروح لمحافظة ال ...
بما انها محافظة جبيـره بالجنوب ومراح يلكونـي بيها مهما دوروا

ركبت بـ السيارات العبريـه من الگراج ورحَت الهـا

السـاعه بالـ ٩ انه وصـلت الهة

ويـن ترحيَن ي سبب وشنو تسوين وباجـر امتحانج
وين راح تكعديـن
للحظة تندمت ع الي سويته
وخفت حيَل

طالعـه وانه ماعرف مصيري ويـن وشلون ماعرف ويـن راح اروح حتـه

جنت امشي بشارع وافكـر
صح لابـسه بوشٌيه (نقاب)
بس جنت اكدر اشوف النـاس

جنت امشي وماحس غير شفت گبالي اخوي رسول !! يمشـي و ويا شكم ولد

يمـه حسَيت گلبي وكف

ماعرفت شنووو اسوي ولا عرفت شلون امشـي

جسمي يرجف گام

بسرعه رجعت وگمت اسرع بمشـيي
وجان مبين علية انُ هيَ انة من ركضة الي ركضتها

طلعت من السوگ الي انة بي وجانت گبالي منطـقه ريفيه

عرفتهم جاييـن يدورون عليـه

شفت كومـه بيوت گدامي ومزرعه جبيره حيل نزلت الهه وصرت ارگض بكل مابية

سمعت صوت صايح اخوي رسول وهوَ يگول لگيتـهه الزموهه الزموهه
من شفت رسول، حسّيت رجلي ثكلن، صوت خطواتي صار مثل الطبول برأسي، نفسي انقطع، ضلوعي تضغط على صدري، وكل الدنيا صارت تمشي أسرع من عقلي، چنت أركض وأگول: "مو وقت تبجين، مو وقت تتراجعين، إذا لزموج، بعد ماكو شي اسمه سبب ...
صرت اركض وكانما شخُص يركض عن حبل مشنقتة ...

گلبـي وگف وحسيت للحظة خلاص راح يلزمونـي
السالفة صارت من ١٢ بليل تقريبًا واكيد كعدوا بهل وقت ومن ١٢ ل٤ تلكيهم حاركين المُحافظة علية ومدورين بكل مكان
انة خايفة لا يكونون رايحين لبيت افراح وابوها يحجي شي او السايق الي ركبني كلهم احتمالات واردة وجبيرة وماتصعب على اهلي
عدهم استعداد يكلبون العراق علية بدون ما يملون او يكلون ...

من نزلت للمزرعة، الگاع كانت طريه من مي السقي، وصوت دعساتي يخوّف، صرت أركض بين جذوع الطماطة مثل طير مكسور الجناح، صوتهم وراي، خطواتهم تكبر، وحسّيت الأرض تصغر، چنت أگول: يا ربي، مو لأنه ما أحبك وما جاي اعصيك، بس تعبت ياربي كون وياي

يتبـععععععع ......
________________________

شمـس
حفيـده بيَت جبـر للابن الاصغـر لجبر (حسنين)

ابتدت قصتي بعمر ال ١٥ سنـه
بنـيه حياتها جداً مثاليه مبتعده عن كل شي اسمـه حزن وعن كل شي سيء ومؤلم مع اني فاقده الام بس ابويه جان حيـل حنين ويايه لدرجه مستحيل احذ يتخيلهه وجان موفر الي كلشي ومع انُ ماتت امي وهوه عمره ٢٥ سنه بس هوه ابداً ماتزوج لانو مايريدني اعيش وي مرت ابـو

جان يكلي انتِ ذكرى من امج ومستحيـل اخليهه تتأذه شويه

ابتعدنه عن بيـت جدو ورحنه لبغداد لان جان اكو خلاف كلش جبير بيـن جدو و ابويه والخلاف جان بسبب امي ..

امـي من بيت آل دحام وذولـه ع اساس من اشد الخصوم ل بيت جدي و ابويه رغم كُلشي رادها لان جان يحبها قبل لاتصير الخلافات وخطبها ومن صارت الخلافات رادوا يفصخون كُلشي بس ابويه عاند وماقبل واخذها غصبا عن اهلهه و اهله وراحـوا و استقروا ب بغداد ..

انقطعت علاقتنـا كُليًا بيهم ، ماجنت اشوفهم هواي ابداً لا نسوان ولا زلم بيهم دائما بابا يكلي امي دائماً بكلبي و امنيتي احجي وياهه و ادري بيهه مشتاقتلي بس انـي متاكد مستحيـل يسمحولـي اتقرب الهم ، وهواي مرات حاول انُ يتقرب ويحجي بس جان يجي نفـر جبير من جدو جبـر

امـي وره سنه من زواج امي و ابويه ماتت وجنت دائما من اسال ابويه يسكت ويتحيـر ويحاول يضم السالفـه عني ب شتى الطرق

اني ذكيـه ومرات اعرف بابا من عيونه اذا جذب ف احاول ابوگ لسانه ب هواي سوالف ومرات استنتج او احس انُ اهلهه كاتلينهه او بيت جدو جبر كاتلينهة

اليـوم عيـد ميلادي الـ ١٥ وبابا بالدوام واكيد من يجي حيفاجئني ويعايدني ويكلي اتمني الي تردي و اجيبه الج ومستحيل يردني

اليوم اريد اطلع السـر الي مدفون صارله ١٥ سنه اريد اعرف شنو السبب بوفاه امي !

اجه بابا من الدوام و بيده الكيكه احتفل بيه وبوسني احتفلنه اني ويـا ورگصني وغمرني بحنانـه وشوي كعدنه وكلي

حسنين
اميـره ابوهه وحبيبه كلبـه شنو تردين بهذا عامج لو بيدي اجيبلج الگمر واهدي الج

شمس
ههههههه باباااا ليش تخجلني

حسنين
شعندي غيرج اني بنتي ؟ هوَ هل وحده انتِ لو بيدي افديج بروحي والله

شمـس
بابا والله احبك وعساني ما انحرم منك ابددد تدري شنو بابا اني دائما اندعـي انُ الله يموتني قبل لا يموتك لان اني مستحيل اتخيل حياتي من دونك والله بابا

حسنين
اسم الله ع عمرج بابا عندج اهل مستحيـل يعوفونج عافوا ابوج صح بس مايعوفوج

شمـس
بابا همـه اذا يحبوك ويردون مصلحتك ليـش ذبوك هيج مو الاهل بالعاده يردون مصلحتنا يعني هسه انت ممكن تعوفني؟

حسنين
لا بابا مستحيل اعوفج
بس اكو فرق بين تفكير وتفكير بس الحب متساوي
مثلا اني احبج بس افكر بطريقه مختلفه عما يفكر بيهه ابوي
ابوي يحبني واني احبج بس كل واحد تفكيره غير
الاهل يا بابا دائما ما يوصلون الي يردونه بصوره صحيحه النه ودائما ينطونيا بطريقه خاطئه واحنه نكون بفتره شباب ورعنين ماراح نستوعب الي يحجونه ونحسه مبالغ بي او نحسهم متخلفين او نحسهم مايحبونه ومايردولنه الخير او نكول شوف ذوله وين والناس وين وصلت بس من نكبر يا بابا راح نحس ب حجيهم شكد صحيح وشكد همه يردون مصلحتنـا ، ومن نوصل لعمرهم راح نحس ب الي كالوا شكد بمكانة جان، بس همه يا بابا مايوصلوهه النه بصوره صحيحه لهذا احنه ماناخذ منهم بس كوني واثـقه اي شي يكولوا من مصلحتنـا

شمس
يعني بابا انت تشوف الي سوا جدو ب انُ يمنعك من الزواج من امي لمصلحتك؟

حسنين
اي بابا لمصلحتي بس اخخ

شمس
شلون لمصلحتك بابا ؟ فهمني اكثر

حسنين
بابا جنت صغير وطايش حيـل يعني هي بالنهايه معروفه اني انهزمت ب امج و اخذتهـا ماجنت احسب حساب لشي ماحسبت انُ راح يلكوني او يعرفون مكاني وين كل ظني اخذهة ونعيش بغداد ونكون روحنه ونرجع الهم يردونه ويسامحونه وهايهيه ما حسبت انُ احنه بمجتمع عشائري ما حسبت شنـو يصير شلون ماحسبت لاي شي اسوي وابوي نهانـي عن الموضوع لان يعرف شنو عواقب الشي الي راح اسوي وفعلاً صـار

تدرين ابوي شكالي ؟ كالي لو ما البنيه ميته جان رجعت حاجيتك بس بسببك بنيه ماتت لهذا ......
اخخ انسي بابا انسي

شمس
شنووو بابااا ؟ بسببك ماتت امي يعني شلون؟ بابا الله عليك بداعتي باباا مو اليـوم عيد ميلادي ! مو اي امنيـه اتمناهه تسويلياهه بابا احجي كلشي حباب احجيلي بابا شلون انهزمتوا سوى وشلون ماتت امي وكلشي الله يخليك بابا الله يخليك اني جبيرة موصغيرة ترة

حسنين
بس بابا عوفي السالفه الله يخليج

شمس
بابا بداعتي اذا تحبني بابا احجيلي بداعتي بروح ماما
بابا احجيلي

حسنين
لزمتيني من ايدي التوجعني ي شمس!

شمس
بداعتي بابا احجيلي اني كبرت بابا ليش ضام عليه صارلك ١٥ سنه احجيلي بابا الله يخليك

حسنين
راح احجي شسوي !

شوفي من جان عمري ٢٠ سنـه جنت احب امج هواي جنه نلتقي صدفه بالمناسابات والعزايـم والاعراس والفواتح وجانت هي مرات تسيـر علينه هي وامهه

حبيتهه حيـل وجنت رايدهـا وكلت لابوي وكالي ابـشر هايهيه هي الك

وبوقتهه ماطول ابوي بنفس اليوم راح وخطبـهه الي من ابن عمه دحـام الي هوه يصير ابوهه لان اني جنت المدلل عد ابوي وما يرفض الي طلب

جنت كلش فرحان والگاع ما لامتني من الفرحـه وجنه محسبين العرس وكلشي

وقبل عرسنـه بيوم مات جدي الله يرحمـه وهنا اتاجل عرسه و وره العرس تعاركوا بيت عمي دحام وابوي سوى ع الشيخـه وهنا آل دحام گالوا تنفصخ الخطبـه ابوي كال هايهيه وتنفصخ الخطـبه

اني جنت هنـا حيل رعن وحيل مستهتر اي مستهتر اني اكلـج

كلبت البيت عليهم كلاب وكانما اهلي اهلهه وهمه الي رفضوني مو كانمـا همه مابيدهم شـي عليه

جنت مصـر ع هذا الشي ورحت وحاجيت عمي دحام و ذلني وفشلني كدام اليسوه والمايسوه مع انُ ابوي جان محذرني بس اني ابد ماخذت حجايته ورحت اله وفشلني

ضليت اروح اله واحرمص اكثر من مره و جان بكل مره يفشلني ويطردني واني جنت مصر

و اخر مره وصلت السالفه لابوي وهنـا لعب بيه جوله لان جنت اذل روحي الهم وهي صدك ذله بس اني جنت مامحسب لشي

هي ب اخر مره وصل هوَ عمي  دحام وكال لابوي تودي ابنك الي تتوسل الي مو بس اني مستحيـل اوافق

ابوي تخبل بساعتهه وماخله شي ماحجا وماسوى بس اني جنت صلف وجنت اكل الهم اذا ما تزوجونياهه اخذهه وروح انهزم بيهه

الي زيد جنوني عليهه انُ جنت اشوفهه بالختلات واعرفهه انو هي حالتهه مدهوره عليّه وجانت تبجي ليل ع نهـار وكالتلي اخر شي مستعده انهزم وياك ونروح لاي مكان

هنـانه كلت هايههيه اخذهه وشرد بيهه لبغداد وازوجهه واجيبلي طفل منـهه و بَس يشوفون بيدنه الطفل راح يسامحونه وممكن حته يتصالحون ابيناتهـم

اخذتهه ونهزمت واجينه لبغداد وبساعتهـا كطعت وي اهلي فردور

اجيتي انتِ واني و امج جنه مكيفين بيج وكلت انروح الـهم
وبهاي الفترة اني كلتلها تحجي وي امها ( فضيلة )
هي مرة كلش حبابة وعدها مخافة الله وتحب بتها
وجانت هي خطية تحجي وي امها بالخفية
وجنت بيـوم رايح للدوام و اجيـت وجان اشوف
منظر حيل مرعب شفت امج ملطخـه بالدم وانتِ جنتي يمهه وفاحطه من البجي

من هذا اليوم اسودت الدنيـا بعيني وفقدت كلشي

شمس
زين بابا منو كتلهه

باوعلي وتنهـد وگال

حسنين
اهلهه بابا اهلهه الكتلوهه

شمس
شلووون اهل يكتلون بتهم باباااا

حسنين
هاي بابا احنه نهزمنه وهمه هددوهه اي شي تسوي خطأ
حتى لو يشوفوهه وياي يكتلوهه

شمس
زين شلون وصلولها ؟

حسنين
من امهم

شمس
معقولة ام تكول عن بنتها !!

حسنين
لا بابا امها تحبها هواي وماكو ام بالعالم تسوي هيج بس راسلوا امج بحساب امهة وعرفوا الموقع وبنفس الساعة اجوا

شمس
زين بعدهه حجيت وي اهلك انت

حسنين
رحت وحاولت هووواي احجي وياهم بس من بعد الي صار زاد كرهم الي وبعدين عرفت انُ امي صاير الهه سكر من وراي لتقيت وي ابوي وگال لو ما مكتوله البنيـه و امك صار بيهه هيجي جان الامر ماتعقد ازيد انت من وراك و وره خبالك نزلت راسي ونكتلت البنيـة وكالي دمهه بركبتك

بعدهه زادت الخلافات بين ال جبـر و ال دحام حيل يا بابا من وره هاي السالفه ولكل كرهني لان اني ساهمت بشكل موطبيعي بهاي المشاكل الجبيره الي تصيـر بيناتهم

شمس
بس بابا اني متعجبه شلون اهل يكتلون بتهم يجوز اهلك الهم حق شوي بس اهلهه ليش هيجي يعني انتم جنتوا شباب وغلطتوا حته اهلك السالفه صارلهه ١٥ سنه وهمه مايحجون وياك يعني هسه انت ينطيك كلبك ماتحجي وياي هلكد

حسنين
بابا واحد يختلف عن واحد كتلج بعد مادري هاي هل كتلج الي صـار ارتاحيتي

شمس
اي بابا هايهيه الله يهديهم الحمدلله ماعايشه وياهم ولاشايفتهم اني مستحيل اعيش وي ناس يكتلون بتهم او وي ناس يعوفون ابنهم

حسنين
بابا بنهايه الثنين بيت جدج لا تحجين هيج عليهم ابد مهما صـار خوش

شمس
بابا هوَ اني شايفتهم اشو بعمري وبحياتي ماشايفه واحد بيهم حتـه

حسنين
تعاي اراويج بيت جدج

طلع موبايلـه وطب ع صفحه واحد اسمـه زعيم جانوا ناشرين صوره بيهه كووووومه ولد

شمس
بابا ذوله شكدهم عشيررره كامله دخيل الله شون حافظهُم لا تكلي ذولا كلهم حافظهُم انت

حسنين
تعاي شوفـي هسه اعرفج عليهم

بده يحجيلي عليـهم واني صافنه حيل حلويـن كلهم مرتبين وحلوين وشي اكو واحد شد انتباهي هواي هوَ جان احلاهم تقريبـاً الي عرفته من بابا اسمـه سراج وجان اكو واحد من بعده احله الي هوَ غيث ذوله يغطون عليهم كلهم بالجمال

ضل بابا يحجي ويايه وبعدهه راح نـام اجيت اني كعدت ع الموبايل احس حيل ضوجه ماعرف شنـو اسوي رحَت راسلت صديقتي اسمها رقيه

لج رقـيه وينج

اراسلهه ماترد كوه يلا ردت

رقـيه
ها لج صاعده اتصال

ويامن صاعده اتصـال عيني

رقـيه
كالعاده يعني ويانن صاعدين وي مجموعه من الشباب ع الفيس

انتِ ماتبطلين سوالفج ما تخافـين ابوج يشوفج

رقـيه
دروحي بابا انتِ والله قديمه
اني لو عندي شكلج ماكو جان من زمان شفتيني وينننن

وين يعني

رقـيه
هههههههههه انتِ فاهيه ومطفيه شبيج اصعدي اتصال تونسي اضحكي شبيج معقده شعايزج ولج جمـال مال شعايزج كوليلي

اكلج اني ضايجه بس بابا خاف يدري ويزعل والله

رقيه
ليش هوه ابوج يفتش موبايلج؟

لا مايفتشه

رقيه
لعد بعد شنو لا تصيرين مدري شلونج نزلي الفيس وخل اعلمج عليه يله .... يتبع

_______________

بيـت جبـر

اميـر
انت شبيك مخبل ومتعرف شتريد خبـال لا تخبلني مالي خلگك اريد اسوي البحث مالتي كوم اطلع من غرفتي

علي
شوف انه ماعرف شون اتعامل وياهه علمني انت اكثر خبره بالبنات

اميـر
هييي زير نساء كبالك ؟ حتى اكثر خبره بالبنات شو كوم من يمي والله انت اتچفص

علي
لا لك اقصد انت بالجامعه و وياك بنات وشي اكيد تعرفهم

اميـر
شتريد هسه ارد افهمك

علي
حلووووه حيل بس نچره !!!
احسهه خفيفه ب لبسهة بـس ماتنطي مجال !
اليشوفهه من بره يكول لبوه ع كد ما انها ماتخاف بس من تتعمق بيهه نفس البزونه ودموعهه بسرعه تنزل .

اميـر
وهسه شنو يعني بابا تفكيرك وخره انت معجب بيهه كجسم وشكل وهذا دماغك جاي يسوي شغلات سلبيه وبطلهن استغفر ربك وبطلهن علي

علي
انه هم كلت هيـج ، وكلت انعجبت بيها بسبب لبسها وجسمها
بس اميـر !
تخيلتهه لابسه كونيـه وهم حبيتها

بيهه شـي يچذب اميررر
عيونهـا عالم ثاني
تحس من تباوع لعيونهه خلاص تنسه الدنيا والبيهه
تسوي للكل تجاهل وتضل تباوع الهه
تسحرني بجمالهه بس مو كد ما تسحرني بحجيهة
الحجي وياهة عالم ثاني

جنت اكرهه اي اعترف جنت اكرهه واحسهه وحده بايعه روحـهه وو ..

اميـر
لا تكمل !
لا تظلم بختك وبخت البت
همه هجي بيئتهم هجي مو معناهه البنيه مو شريفه ايلول انه شفتهه انه حجيت وياهه ولك نفس الطفلـه ماعدهه لاخبث لاشي نفس ما اكو بنات بالعبي وهنه لاعبات جوله اكو بنات بهذا اللبس وهنه اصل الشرف اني شفهمتك كبل يعني لسه انت ع هاي النظره

علي
لااااا انت من گتلي هيج وانه شفت بعيني ايلول اقتنعت والله
تدري شنو راقبتهـا حته طبيت للكليه وشفتهـا تمشي بطريقه وترجع بطريقهه جبت كلشي يخصهه دخلت ب اعماق تفاصيلهه حياتـهه نقَيه بيضه نفس بياض هل غرفـه ي امير

مادري ليش سويت هيج ومادري ليـش بس احس دخلت ب بالي ، صرت اخترع اي شي بس حته احاجيهه وماتطي مجاللل لك ماتطي هذا الشي خبلني و ثـار جنوني خلاني انجذب الهه بشكل خيالي ،

ما اتمالك نفسي ولا اعصابي من اكون احاجيـهه لان حجيهه يغث ويشگ بطن الواحد بَس انه بس اباوع لعيونهه انسه كلشي حته لو جنت متعارك وياهه بس اشوف عيونهه اهده هيج تكلك بيهن سحر من الله
لذالك انة ماشوف وجهة من احاجيها واتجنبة احسن الي والا اخسر النقاش بالصفنة وهي تاكلني ب لسانهة

لبـسهه لك اخ لبـسهه بس لوبيدي اخفيهه من الوجود والله لك اتشگ كلبـي اتشگه والله من تطلع هچي شسوي حاولت وياهه بكل الطرق ماتقبل ولا تنطي مجال

اواعد روحي ماعصب وروح واحاجيـهه وانسه روحي مجرد ماشوف واحد يباوع الهه انثـار اتخبل ، جسمهه وبياضهه شخصيتهه قويـه من تمشي تجبر الواحد يباوع الهه

لك انه الانغاض من واحد يكـلي ولك وهي تكلي اشكال و الوان احسـهن منهه يطلعن عافيَه

شنووو الشدنـي الهه شنووو الحبيتهه بيهه !
لا تكلي وجهه و جسمهه ابد

لك اول نضره شفتها بيهه جنت كارهه وجنت اسب بيهه بكلبي ماخليت شي ماسويتـه ومارزلتهه ومافشلتهه ولعبت جوله جنت كارهه لو جانت صدك هيج غرتني جان من اول نضره بس لااااا شخصيتهه وقوتهـا و رفضها الي جذبنـي

يگلك الماينلاح والصعب يصير محبوب وانه حبيتهه
مادري اميـر انة شايف اشكال البنات، وشايف بنات عريانات شايف

امير
هاااااااااااا شنوووووووووو

علي
خرب حظي بالمعنى الحرفي جاي اكلك من سافرنا شبيككك

امير
ولك والله خبلتني انتَ كمل كمل

علي
اي من سافرنا شكد شفت نسوان، وهم جسم وهم اشكال و الوان شو مانجذبت هيج؟ ف لا تشككني بنفسي اميررر

امير
هسة انتَ فوك راسي تفتر دكعد خل افهم منك شبيك

كعد علي وهو متوتر

امير
هذني الاشياء مابيهن لعب على فكرة وبعدين بهل فترة القصيرة شلون اصريت هل كد ! ولك ماصرلنا من نعرفهن

علي
امير من اول يوم شفتها بي واني اكرهة
دم سنوني هيَ
مشيت بالسيارة بيومها بس اسب بيها و ودي انتقم منها
من رجعت للبيت اريد اشيلها من بالي دقيقة ماكو
بس افكر بيها
بشكل خارج عن ارادتي تمامًا
ومن شفتها مرة ثانية وياك صح جنت ضايج منها
لان هيَ تضوجني ياخي تنرفزني تموتني بمكاني
بس شنو زاد تفكيري بيها ..
ومن جنت قريب ع المصرف وخابرتني احس الله كاتبلي قدر وياهة
مادري بس اسلوبها وشخصيتها عجبني
وديربالك تكلي شكلها الظاهري
انة شايف وعايف امير موصغير بس هي غير غير

انام ع المخده اريدها تروح من بالي لك ماگدر تجي ابالي لو شيصيـر بالدوام بالبيـت وين ماجان هي ابالي

من تمشي بشـارع  وشعرهه مفلول ويسرح بالهوى احسهه بكل خطوه تمشيـهه تضرب گلبي چيله ولك احس الي يباوع الهه بنضره اريد اكلـة اريد انهي تنهـي

بدون ماتحس وبدون ماتعـرف اذا شفت واحد حجه عليهه او باوعلهه بنضره موحلوه من وراي شايف شسوي بي اخخ لك اكلـه بسنوني

اريد اتقرب الهه وتبعدني عنهه ، كلبـي نار ويغلي بسبهه من يوم الشفتها لسـه انه ماهادي ولا عيني نامت براحـه تصدنـي  اميـر جربت كلشي وياهه وهي تصدني

عاف اللابتوب وسده وگال

اميـر
سايسهه علي سايسهه وراح تگدر توصل لگلبهه اذا وصلت لگلبهه الي تريده وتحجي راح تفهمه منك لان حالياً ايلول تشوفك انسان عابر ومن تشوفك هچي اي شي تحجي ماتاخذه بعين الاعتبـار لان انتَ مو انسان قريب عليها حتى تفرض شي عليها، وتريد الحقيقة هذا حقها .

علي
تصدني جاي اكلك ماكو طريقه ماحاولت بيهه بس هي تستفزني ماكدر الزم اعصابي شكد ما افهمهه شكد ما تعلگ بيناتنه اطب واني اواعد روحي ما اعصب اطلع و احنه متكاتلين بيناتنه احبـهه واحَس مشاعري مو مشاعر واحد مراهق تدري شنو؟

عاشرت هواي نماذج بس ماصار وياي الي صار هسه ماصـارت مره

اضل افكـر ب بنيـه ٢٤ ساعه لدرجه اغلط ب اسمهه واحاچي الناس بي ، ما وصلت لدرجه اذا احد باوع الهه بنظره موحلوه كلبي ينثـار ما وصلت لمرحله احس عقلي ع كد ما يفكر بيـهه يشوش بيـهه ومن تحچي وياي هيج يريد يطلع من مكانـه

اخخخ اميـرررر اخخخ شي متعبببببب حيللل

اميـر
صرعتني علي والله صرعتنـي شبيك ارد افهم

علي
كلبييي امير احس يريد يطلع من مكانه شسوي

اميـر
صادقهه بيك حظ وحظ صادقـهه و تقرب الهه ولا تكل الهه ب اي شي لا تحاسبـها ولا تنصحهه ولاشي اتقرب الـهه و من بعدهه حاول تنصحهه خلي صداقتك تصير بيهه قويـه لدرجه تكدر تأثر عليهه

علي
وانه اصـبر شلون اصبر منا لحد ما اصادقهه انتتت شتحجي امير انت تغني بالحب والله يالله

اميـر
چا اكل خره وروح من يمي والله يالله يريد حار ومگسب ورخيص

علي
لا اصبر صديق يعني انت بنظرك هيـج لازم يصير

اميـر
الي يريد يصبـر
و اللگمه من تجي من بعد تعب تصيـر طيبه

علي
مادري شلون راح اصبـر مادري شلون احس السالفـه صعبه حيل

اميـر
چا لا تحجي بسالفه بعد انت تريد كلشي ع جاهز تره بهاي الحياه مو كلشي يجي ع مرامنه و ع مزاجنه علي

علي
لك والله ماتحمل لبسها يكتلني ويثير غيرتي

امير
شوف اني ضد تغير انسان، انت من تحب انسان حبيتة بعد هاهي ف ما مضطر هوَ يغير من نفسة علمودك ولا مضطر انتَ تتحمل لان احس صعب واحد يغير نفسة علمود احد خصوصًا هنّ منفتحات وهذا الشي مو يعني هنّ غلط يجوز احنة بناتنة حتى يم ولد منقبل يوكفن بينما هنّ عادي عدهن لان اساسًا بيئتهُم هيج فهمتني ؟

علي
بس الحب امير يغصب !

امير
انتَ شنو رحت كلش وكمت تحجي بالحب ؟

علي
انة حبيتها وحطيتها ب بالي افهم امير

امير
سوي نفس ماكتلك ولو هيَ حست بنفس الجاي تحسة ف راح تغير نفسها ولو لشوي وانتَ هم لازم تتحمل يا علي

علي
مادري عوف الابتوب خل ننزل

امير
انت تحجي بكتر و انه بكتر بالي

علي
وين بالك؟

اميـر
يم غيث تصرفاته و افعاله حيل جاي تخوفنـي مادري ليش صاير هيج حته الجامعه بدت وهوَ مادداوم

علـي
انه احجي ويا ارد اشوفه شبي هل ايام حته شكله متغير

اميـر
البارحه شفته اجه متاخر ضليت احجي ويا يتهرب ماخلاني احاجي حتـه ملابسه متربه وملعوب بي جوله ويتصفـن وكوه يجاوب يكلي ها تعاركت وي صديقي ماجاي اصدكه ابد

علـي
لا تقلق انت ان شاء الله خير انه اتصرف

اميـر
من بعد الي صار وي سجاد كمنه نخاف من كلشي ومن اي حركه يسويهه واحدنا، شلون ما اخاف

علي
اي ولله صديق حيل كمنه نخاف الي صـار مو هيَن تصدگ لسه وبعد اسال ب سجاد ومايجاوبنـي حته عجيب وغريب الي صار كمت اخاف حته من روحي

اميـر
اخ انه اخاف ع غيث هواي لان هواي متهور هواي

علـي
احنه نحلها كوم خل ننزل اريد اكل جوعان

اميـر
انت ٢٤ ساعه جوعان ماتشبع رحمه لربك

علي
لاماشبع بس كوم خل ناكل كوم

اميـر
اي انزل وحدك ولا اكلك انه هم نازل وياك جوعتني ع كد ماحجيت مادري شدخلني بيك بس جعت من يمي يله انزل

علي
الزعيـم گاعد وياكل وحده من دونـه

زعيـم
هلا شباب تعالوا شلون طماطه لاچعه تعت الگلب عت

علي
اااااييييـه شلووون ما انه گلبي معتوتت

زعيـم
هذا شبي صاير يحجي معلگ

اميـر
ما عليك بي هذا شلون العاشگ ومفلس هوَ هيـج غلس عليّ

علي
اااايه اااايه

زعيـم بضحگه
لااااا ويطگ ااااهاتتتت منيـه هاي العاته كلبك يخوي

علـي
انباگ كلبـي يخوي ناس مايخافون من الله خلوني اعيش برعب

اميـر
انتوا سولفوا اني راح اكل

زعيـم
يگلك اكل الليل يسوي كرش خاف ع روحك يالاستاذ الجامعي لا انوب يطيرن من ادينك ويروح استاذ اميـر الحليوه ويطلعلهن الحقيقي

اميـر
خل يطيـرن كلهن المهم البالي

زعيـم
اكلكم انتوا شبيكم تحجون معلگ وكلكم عاشگين ومعشوگين شنو راح يصير انقراض بالبناويت كلولي حته ادبرلي وحده لايفوتنه القطـار

علي
داده نباگ رجلي خيه انباگ رجلي نص الليل غطيته گعدت الصبح مالگيته خيه انباگ رجلي
هوه انه ليش اجت ابالي هاي الاغنيه؟

اميـر
كل ما احس روحي ما عندي سالفه من اذكر علي احمد ربي و اشكره شكد مايطلعلك رون سايد ب مواضيعه

زعيـم
يسمعنه صوته الحلو عود هوَ عنده صوت حلو وشي

علي
الزعيممم يستهين بيه؟؟؟
تـره والله صوتي جنه صوت هيثم يوسف

اميـر
عاد بهاي نشهد بس صوتك بي خير عاد هم زيـن يشيل منك شويه ههههههههههه

يحجـون ويضحكون الشباب سوى نزل غيث وجـان شكله موطبيعي حجوا ويٌا وهوه جان يعيط وكانما بغيـر عالم وجانت هاي اول مره يتجاسر بيهه ع اخوانه الاكبر منـه طلع وجانت حالتـه مُزريه حيل ..

زعيـم
مووووو صاحي والقران مو صاحـي انتوووا شفتوا شلون؟؟؟؟ شفتوااا عيونه شفتوا شلون يحجي ويانه!!

اميـر ، غيث ، زعيـم  / اخوااان
علي ، سراج ، سجاد / اخوااان
ولتكلولي سراج وين، فيما بعَد نستلمة 🤭

اميـر
كلبي لكشنـي ولكم هذا مو غيث ، غيث من يحاجينه جـان يحجي بكل ادب مستحيل غيث هذا

علـي
امشوا ورا اوكفوا اوكفوا لحدددد يطلع خلي يأمن انُ احنه ما لاحكينه ولاشي خل نصـبر شوووي ونطلع ورا بس راقبوا بالكامرات لاي جهه راح يروح حته ما نتيهه

اميـر
الكتلك بي صار علي شگتلك انه شگتلك بيعه السياره ودوام ماكو مو لله والله

علـي
اهدأ امير كول يا الله ان شاء الله ماكوشي لا تخاف

ضلوا شوي الولد گاعدين ويشوفنه بالكامرات جان واگف ويباوع لباب البيـت خاف واحد يطلع وجان شكلـه يخوف بالضبط نفس المجرم ..

علـي
شكله يخوف ابالي شي ان شاء الله مايطلع صـح منين جاي تجينه المصايب منين

اميـر
لك لا تخوفنـي صدك تحجي شنوو الي بالك علي

علـي
لا تربكني اصـبر

شافوا اخذ الجهه اليمنه ومشـه

زعيـم
بَسرعه روحوا جيبوا سلاح الكم بكل هدوء ونطلع كل احنه بسيارتي لحَد ياخذ سياره ويا يله بسرعه

سووا الولد هجي و اخذوا سيـاره زعيم وراحوا طلعوا ع شارع العام وشافوا وگف تكسي و صعد ويـا

اميـر
زعيم لا اتيهه ابد دير بالك اتيهه

زعيـم
اميرر شبيك ربكتني كول يا الله تره هوَ اخووي نفس مايصير اخوكك وخايف عليّ اكثر بس ما لازم نكون هجي شبيك عودك ما اجيبلك شيله و تدگ وتلطم نفس النسوان خل نفتهم شبيكك

اميـر حط راسه ابين ادي ومايعرف شيسوي يخاف هووواي ع غيث هوه الي مربي ع ايده وحيل قريب الـه وامير بطبيعته حنون هـواي وشخص ما يتمالك نفسه بهيج مواقف ودمعتـه راخيه ...

علـي
زعيـممم شبيكك هدوااا تعرف اميـر شكد يخاف ع غيث وحاله غيث جانت غريبه طبعاا يخاف عليّ

زعيـم
ياخي والله من الخوف اطرافي تجمدن هسه انه شلوني عاد بس اصبرررروا اصبروووا وان شاء الله الي توقعنا خطأ

علـي
انه بنسـبه الي راح اخابر دوريـه تطلع كلشي يصيـر ماريد اتندم وماريد تصيـر فد سالفه واتندم عليـهه

زعيـم
متاكد من قرارك

علـي
حته لو شي تافه هم عادي ماريد يصير شي خطـر وانه بالي حيل راح لبعيد

امـير
علي راح تخبلني بالك وين راح كلي

علـي
انطيني مجال امير انطيني مـجال ،شكل غيث ماجاي يروح من راسي
وهواي شكوك عندي وانة ماريد اسوي شي واندم عليّ ف دورية تطلع وياي احسن وهذا المركز كدامنة حتى يصيرون ورانة

خابر علي ع دوريـه وطلعت وصـارت وياهم من دون ما احد يحسَ جانت المسافـه بعيده شوي وجان هالشي بـ اوامر من علي

بهاي الاثناء ايلول تحجي وي علي وعلي يحجي وي الدورية،

علي
من شفت رسالتها
مال ان شاء الله تموت شعلية بيك، شكد كرهتها
وحسيتها عديمة اخلاق
نمشي بسيارة وانة افكر
وجزمت ب انُ بعد ما احجي وياها
و اوخرها من راسي نهائيًا ...

لحگوا غيث حدمـا نزل خلـوا ينزل و نزلوا من سيـارتهم ورا

يراقبونـه من بعيد يحجي وي ثنين اشخـاص

اميـر
انطوووا شنوو شباب جاي تشوفون مدري شنووو انطوا

علـي
شكي ب مكانه طلع
شباب داهموا المكـان اميـر تكلف غيث واحنه مراح نخلي ذولا يرحـون يلا شباب ما اوصيكُم، حاولوا تحلون كل شي بدون اطلاق نار واذا استدعت اضربوا بمكانات سطحية مايحتاج اوصيكم يا ابطال ...

داهمـوا المكان والثنين شردوا وضـل بـس غيث يم اميـر ، جان امير منهـار وهوَ يشوف حاله غيث ما متحمل يشوفـه هيـج!

امـير
لك تريد تموتني انتتت تريد تموتني غيثث شسويت بروحك شسوويتت

بدت دموع غيث تنـزل وكانما ما حاس بروحه كام يعيط حيـل ويصيح بكل صوتـه

شوي و اجت الشرطه جايبيـن الاثنين وملقين القبض عليـهم و علي جان متصـاوب لان صايره ابيناتهم وجانوا يمتلكون سلاح و غادريـن بيهم وضاربين ع علي

اميـر
علي علييي شبي ؟؟؟؟؟

استغـل هل شي غيث ب انُ اميـر ضل باله يم علي وفلت من ايد اميٌر وشرد جان امير يرگض ورا وهوه يصيح ويبجـي مثل المخبـل يمشي من دون وعي

گوه لزموا زعيـم و امير وجان يعيط ويدفع بيهم وكانه عنده قوى موطبيعيه ع كـد مايدفع بيهـم حيـل

اضطروا يضربونه حته بـس يهدأ ويبطل من الحاله الجنونيـه الي هوه بيـهه ضربوا بمكان الي يخلي يفقد الوعي بشكل مؤقت

بـس هوه ولا كانما صـار اي شي ويا ولا حته اتوجـع ابد !!! ( ع كد ما جسمه متشبع بالمخدرات)

اميـر و زعيم بقوتهم و كوه لازمينـه الشرطه اخذت ذولا لثنين و ثنين منهـم اتجهوا للمستشفى وي علي الي جانت حالته حيـل خطره و اميـر و زعيـم اتجهوا للبيت ..

خابروا سراج حتـه يلحك علي ماگدروا بهذا الوقت المتأخر يفزعون ويخوفون اي واحد !!

اميـر
لككك شسويتتت بروحك غيث شسويتت شلووون هيج تسوي بينه وبيك لك شلون هيج !!!

غيث
هددددني لككك هدني هدددوني الله يخليكم هدوني اميررر بداعت امي اميررر بس اشتمه اميررر راح اموتت الله يخليك امير

امير يباوع لزعيـم والدمعه بعيونه!
الصوت مو صوته العيـون الزرك مكلوبـات حمر وصايرات بمنظر يخوف حيـل صوته يرعـد يدفع بيـهم وعيونه تجري دموع في سبيـل ينطوا شوي بَس !

العبـره خنگتهم وهمه مو گادريـن يسون شي لاخوهم

هدأ شوي ونام بحضن اميـر بسياره وصار يتگلب ويون ب وجع " اريد حباب انطيني اريد امير حباب راح اموت "

وصلوا للبيـت ونزلوا جانت الساعه بـ ٢ ونص بليل تقريبـاً والكُل نايم رادوا ينزلونـه بهدوء ويتفاهمون ويـا رادوا يصنعون اي شي في سبيـل ينقذونه بـس

نزلوا وهوه يون من الوجع الي صايبـه وصلوا للدرج ويردون يصعدونه ماحسوا الا صاح صوت حيـل قوووي رج البيت بي رجج

الصوت جان مخيف لدرجه مستحيل احد يتخيلهه ، دفع امير وزعيـم بسرعه وركض يريد يطلع ويصيـح ب عالي صوته

بسرعتـه راح و لزم السجينـه وحطهه ع گلبـه وصار يصيح
غيث
ماتنطوني مووو ماتنطونـي هسههه اكتل روحي هسهه .... يتبععع