رواية بيت جبر الفصل الرابع وثلاثون 34 - بقلم هُدىٰ آذار

مسـاء الخير حبايبي
رجعنا وياكُم بـ بارت جديد
لا تنسـون التصويت والتعليق بين الفقرات
للكاتِبة : هُدىٰ آذار
______

ايلول

اميـر
عمي ابو ايلول، اعتقد سبب المجيء بالنسبة الك صـار واضح احنة اجيناكُم للباب وترة علاوي مُصر ونيتة زين، وكل غايتنا نصير اهل، اذا صار قصور من عدنة بالايام الماضية فَ نعتذر ونحب نسمع منكُم هسة الي يرضيكم واحنة مستعدين للصغيرة والجبيرة حتى نرضيكم

ابو ايلول
والله ياعمـو من الاخير اطيكمياهة
اني طگت روحي من هل ايلول ومن هل علي هذا
حَتى بنومي صـاروا يطلعلولي
فَ اذا هلكد علي مُصر اني موافق بَس بـ شروط مُعينة

رفعت راسي واني مصدومة، اباوع لعلي الابتسامة انشگت بوجهة شگ

علي
انة مستعِد لكِلشي عمـي من الصِغيرة للجِبيـرة والي يعجبها ويعجبك بس تفتح حَلگك وتكول

ابو ايلول
اولاً بيَت وحدهي
ثانيـًا ..

علي
لا عمـي اوگف من رُخصتك، انة هل شي يجوز الوحيد الماگدر انفذة عمـي انـة ماكدر اعوف ايلول ب بيت وحدهي اريدها يم اهلي دائِمًا و ....

ابو ايلول
هـا علي بدينة؟
بعدنـا بسم الله ما شاء الله كمِت تنطي اعذار وسوالف هاي فوكاهة؟

علي
عمي الله يخليك هيَ مفاهم لو مو مفاهَم؟
انة ايلول مال اخليهـا وحدهي بـ بيت ماكدر والله
خـالة عآينيلي انتِ هم

انة على فجأة يجيني واجب
ومرات نص الليل، وين تضل وحدهة؟
وانـة يعني موو سالفة غرفة عندي وهاهيّ

لا انة عِندي سويت كامل فوگ
غرفة وصالة وحمام وكِلشي
احنة بيتنا جبير ما شاء الله فَ كِل واحد حافظ خصوصيتة
وانة هم اكيد اذا قبلنـا على زواج بحيل الله اوسع مكاني

وبنفس الوكت ماخفيك سر
احنة لمتنـة ما تتعوض

ابو ايلول
وتضل ب بيتكم هيج، لعد شلون تكونون روحكم بعد يوم يومين عندكم عائلة واطفـال يضلون وياكم

علي
لا عمـي اكيد واحد يطور روحـة وينتقل بغير بيت ويأسس عائلتة وانة عِندي القُدرة مو ماعِندي بـس انا اشوفن هذا القرار مُناسب وفَرس اجتنة وشافت الوضعيـة

فَرس
ايّ جد اني بالبداية جنت رافضة السالفة عمـو بس بعدين من رحِت وشفت الوضع غيـرت رأيي

علي
انة ايلول اخاف عليها عمي، ونسوان اخواني كلهن بحلها وفَرس هن وياهة بالبيت فَ من هيج ناحية انة مأمِن

ابو ايلول
هاي السالفـة ماتصير اني اريد بيَت ب أسم ايلول

علي
ايّ عمـي ولا يهمك بيت بـ أسمها مايغلى عليها ..

ابو ايلول
دراستهـا تضل عليها، ومُباشرتًا من بعَد ماتكمل تدرس جاستير ودكتوراه

علي
صـار

عَدل بابا كعدتة وحَط رجل على رجِل وكانما يريد ينطي القُنبلة الجاية
ابو ايلول
اني ما ادور مهر وبتي امشيها على فلوس بس ضمان الها
مهرهـا، المُقدّم ١٠٠ والمؤخَر ٢٠٠

مِن گال بابا هيـج باوعتلة بصَدمممة، هاي قوانينة حَتى حمورابي ما مشرِع نفسهِن ردت احجي واكلة بابا شبيك علي قاطعني

علي
ما تغلى فلوس عليها

باوعتلـة واني مصدومة بَعد ازيد

( ٢٠١٨ الوضع يختلف عن هَسـة بهواي، يعني هاي المبالغ ما جانت موجودة، فَ هذا جان مُجرد شرط تعجيزي لعلي من ابوهـا )

باوعت لبابا انصدم من علي، حَسيتة جان متأكد من رفضة بس من حجة هيج صَدة، بلعم بابا ورجع كعد عَدل وكال بصرامة

ابو ايلول
مذهبها ما تغيـرة ابدًا الا عن طريق رُضاتها

علي
هـاي اكيدة عمي انة ماغصُبها على أيّ شي

ابو ايلول
كل ٣ اشهـر بنتي تجي يمي اشوفها واذا ماكدرت هيَ تجي

علي
هَم سهـلة انة أفرح اعلى فرحهـا، وايلول تفرح وياكُم فَ اسوي المُستحيل واجيبلكياهة تدلل عمي .

ابو ايلول
ايّ شي يصير اعلى ايلول انة احملك المسؤولية عليّ اذا ما كان قضاء وقُدرة الله، خصام عشائري، او اعداء سابقين
انتَ مُهتمك حمايتها بشكل كامل وماريد اصبعها ينخدش

علي
عمي انة كلت لخالتي وارجع اكلك
مـا تنخدِش ايلول الة اعلى گص رگبتي

على طول الكلام عيوني مدمعة، ما مصدگة على رزق الله هذا، وما متخيلة بفد يوم من الايام هيجي انرزُق، باوعلي بابا وباوع لدموعي الي بعيوني وشلون اباوع لعلي، ابتسم وگال

ابو ايلول
واخيرًا، هذا الحُب لو نقص بتي ترجعلي

اميـر وفَرس وماما ضحكوا بصوت عالي
واني وعلي ابتسمنـا ابتسامة عَريضة

علي
ترجعلك و وياهة حِشم هم
بَس اذا زاد ما نقص ؟

ابو ايلول
اكيد راح افرح ساعتهـا لان بنهاية هاي بنتي الوحيدة وماعندي غيرها، من راح تصيرون آبـاء راح تحسون بيها
وطبعًا هذا الكلام كُلة ترا ينكتب بالوثيقة

علي
اكيد عمي، يعني هَسة نتوكل على الله ونجيب الاهل ؟

ابو ايلول
هايهية، الله يقدِم الي بي صالح ان شاء الله

ام ايلول
يلا يعلاوي افرح، ارتاحيت ؟

علي
كلِش وعلي خالة

كالها والابتسامة شاگة حلگة

گام وسَلم على بابا هوَ وأمير فَرس و ماما بوسني وباركِلي

فَرس
واخيرًا مفرحانة لعلي فرحانة انُ حنكمل حياتنا سوووى

ايلول
ايّ لج ما متخيلة ههههههههههه

انداريـت عَ صوت بابا وهوَ يصيحني، باوعت على اتجاهُم علي يباوعلي واكو بعيونة نفس الدموع، عَـزة هذاااا صدك مدمع !!!

تقدمت وعيوني عليّ، سَحبني بابا وهوَ يبوسني ويحضني
انتبهت لعلي الي واكف ويباوعلي بكُل حُب
وعيونة احسهن تلئلئ
ابتسمتلة وغمضت عيوني الة

وخرت عـن بابا وباوعت الهُم

امير
الـف مبروك ايلول، اعتقد انتِ فرحانة لان راح تصيرين يم فَرس مو لانُ شي ثاني

الكُل ضحك من گال هَيج
ايلول
صحيح أُستـاذ فرحانة لانُ حكون وي فَرس دائمًا

لزمت ايد فَرس باوعت لعلي بغَيض ادري بي صاير يغار هـواي مِن فَرس

امير
ياجماعة علمولي ايلول متكول استاذ الوضع خَرج عن سيطرة

اخذولهُم شويـة وطلعوا، كال علي هل اسبوع اني اجيب اهلي واجي
طلعوا هُمة واني جنتتت مَيتة من الفَرحة وما مصدكة واخيرًا صارت

اما فَ بابا من بعد كُلشي وضل منكد
ضل يكلي شلون لو بوحدة من العمليات العدهُم ومـات انتِ شلون بيج
كعدت اقنعة اني وماما ونكُلة كُل شي بـ ايد الله وهاي اقدار مكتوبة

هوَ سكت بس جـان مبين انُ هوَ ما مرتاح بَس خلاص انحط تحت امر الواقع وكُلشي طلبة نفذة علي الة بـدون مايكول شَي

فَرس راحت وي اميـر لبيتهُم
صعَدت لفوگ

باوعت للمراية واني اشوف الضحگة مرسوووومة رسم على وجهي
يـاربي معقولة ؟ راح اصير الة مداصدكككك والله!!!

صرت افتررر بالغرفة واضحگ بصوتتتت عالي
وقفني صَوت موبايلي
منوو غيـرة المهتلف الو شوارب اكيددددد

فتحت الموبايل وكتلة بصوت خافِت
الـو

اجاني صوت ضحگتة الهستيري
صرت اضحك ويـا حَيل

علي
ماجااااي اكدر اوكف ضحك ماكدرررر ماكدرررر

ايلول
ولاااا اني

علي
اوف لا كافي اش اصبري خل اهدئ -بصوت ناصي-
ولج ي ايلوللللللة راح تصيرين الي ي ايلولة -بصوت عالي-

ولج ايلوللل انة ما مصدِك ما مصدِككككككك
احس اريدن واحد يركعني طراگ
يحسسني بحقيقة الجـااي اعيشة

يحجي بحماسسس وبصوت عـالي وكلامة يطلع من بين ضحكات متعالية

ايلول
هههههههههههه صدك علي صدككك
باباااا وافق وافق

علي
احس رايدددد احضنج
تخيلي ايلول ماضلللل غيـررر اسبوع اسبوعين وانة حاضنج
وانتِ صايرة ابين ادية وبحضني
واخيرًا حلمي راح يتحقق واخيرًا

ايلول
ااايّ يالمهتلف صارت صدُك

علي
ولج انة هَسة احِس الناس كِلها ماكوووو بس انتِ بسسسس
احِس الدنيا كلها ما لامتني من الفَرح
مادري شسوي والله مـادري
شوووو اصبري اصبررري

وگف سيـارتة وسمعت صوت هورن
علي
تعـال عموووو تعال
صيح لهذا الي وياك

-
ولك علاااااوي تعال

علي
ها هم اسمة علاوي ؟
خل يفرح وياي جا بس انة افرح
تعالوا تعالوااا
خااااااب ايّ شبيكممممم اصبرواااا

مافهمت شديسوي بس اسمع اصوات سيارات وهورنات

علي
هاكم عمـو هذني وروحوا للبيت
ضموا الماي بثلاجة وبيعوا بعدين
اخذولكم اسبوع استراحة
هاك هاك انتَ الآخر
بـس هااااا تكولون لاهلكم عمو علي يكول
٢٥ الف تعزلوهن وترحـون للملاعيب بيهن
اريدكم تفرحون حيلل

-
بس عمو ال ٢٥ تفيدنـة مانريد

علي
لالااااا هاي ٢٥ ثانية راح اجملكُم وترحون تسون الي يعجبكم اريدكم تفرحون بس ها بدون لطلطة

-
الله ينطيك عمووو شكرًا والله فرحتنا

علي
يابعد عمكم يلة سيارات وراي
اندعوا الله ييسر امري ويسهل طريقي

-
والله راح اصلي واندعي الله يسهل امورك

علي
ههههههه يبعد روحييي يلة بسرعة لبيوتكم يلة الدنيا حارة

-
بااااااي عموووو شكرًا

ضليت لازمة الموبايل بـ ايدي، وحسّيت الدنيا كلها تلوّنَت غير لون. وگلبي صار يدگ مثل الطبول، وكل نفس بيه جان يگول انتِ اختاريتي صح

يا ربي شنو هالفرحة؟! هسه عرفت شلون طعم الأمان، وتأكدت من إنُ الطريق اللي مشيته وياه ما راح يضيعني.

مـادري شنو مسوية اني والله هداني شخُص يحبني هلگد، ومادري ليش اساسًا هوَ يحبني هيج

من زمان آني چنت أخاف، أگول يمكن أغلط، يمكن أختار غلط فَ اختصر الوضع بـ مُستحيل ارتبُط، بس اليوم، فرحتة تثبتلي انُ استمراري ويا جان اكثر شي صح اسوي بحياتي .

حسيت إنُ كل التعب والصبر اللي مر بية وخصوصًا بي، انجمع بهاللحظة وصار وردة ودنشوف ثمرتنا

طلعت نفس مني واحس گلبي كام يرجف ورة هَل نفس هذا، يارب شهل راحـة وشهل عوض

علي
يا ايلولة ها يحبيبة گلبي وروح علي

ايلول
احبك علي جَد اني احبك ومو شلون ماجان لا صدُك اني احبك هيج هوووواي هوووواي

علي
بووووووووية هَسة انة اتلگاهة منج؟ اتلگاهة من ابوج !
لو من منـي كليلي
إنتِ السبب بكل شي حلو جاي يصير بحياتي. آني اليوم فرحت، بس فرحتي الحقيقية من أشوفج بحضني

ايلول
مو كأنهُ زودتها حضنج وحضنج

ضحگ بشر وگال ب استهزاء

علي
هَي هَي جا شتردين بعَد كلبي ؟
ولج انة احسب دقيقة دقيقة حَتى مو ساعة ساعة
انة ماعاول تصيرين حلالي وانتِ تكليلي زودتها

دخل تصيرين مُلكي
اذا ما انتقم منج واطلعلج وجهي الثانية
فلا اتسمى علي

هجي انتقام انتقم منج
اجعصج جعصصصص بيدي

يحجي بحماس واحسة يشرحلي من كُل وگلبة
ضحگت عليّ بـ استهزاء وگتلة

ايلول
ماشوفك غير ذاك علي الي من يصير يمي يضحك نَفس الطفِل

علي
مُنـاي ومسعاي هوَ هذا
اكون أمآنج بهل دنيا مو مَصدر خوفج

ايلول
وانتَ هيج
مصَدر اماني بكُل وقت

علي
احس اريد الدنيا كِلها تعرف شكد فرحان انة
ودي هجي كدام الكِل افرح واراوي للكل فرحتي

ايلول
الحمدلله علي الحمدلله
بَس علي بابا طلباتة مو هينات ابـددد ايّ ادري انتَ شتشتغل وهيج توفر اني راح احاجي حتى يتراجع

علي
اششش ولج اسكتي ماعاولنة يرضى
يا مستورة انستري
ممنوع تحاجي بـ ايّ شي
لتخافين كِلشي يمي

ايلول
شلـون علي شلون

علي
انة واميـر عدنة بيت ايلول متشاركين بي من زمان هَسة من طلعنا حجينا وانة ادري ب امير ما يعز شي علية راح انطي حصتة والبيت يضل الي اضل اناوشهيا والله كَريم

ايلول
لااااااا علي ماقبـل والله لعَد انتَ دتخرُب شي بعتبار لفرس و اميرر

علي
لابوية شني سالفة، امير عندة بيت وهذا بيت ثاني ماكدرتلة وحدي فَ شاركني بي بس هوَ اول وتالي نفُك هل شراكة ويصير الية بعتبار هجي ساعدني لا اكثر

ايلول
والباقي ؟

علي
حبيبتي هَسة انتِ شعليج، انتِ الازلمة لو انة، انة ادبر كِلشي وهم انة ترة بسالفة سَجاد تدريبين بي انتِ فصلنا احنة الفصل من بعَد الحگ كِلة رجعلنا فَ يمي اصلاً الفلوس لا تصير ب بالج حَتى ولا تحجين بيها انة مُجرد وجودج يمي يسوى عندي ما يسوى

حَتى لو ما عِدي الله وكيلج ابيع كليتي واجيكم

ايلول
اووووو علاوييييي

علي
يروحلج فدوة هوَ وعشيرتة

ايلول
هههههه وين رايح هَسة انتَ

علي
والله مادري هجي جاي افتر امير يم نسابتة يريد يضل لليل ويطلعون هوَ وفرس ومدري شني اكلج ما الله يهديج ونطلع ؟

ايلول
لا عـلي ويـن نطلع خاف بابا مايقبل

علي
كليلة وي علي هـجي فَد ساعة ونرجع
ورة الصلاة نصلي واجي اخذج

ايلول
امممم يلـة اشوف وارجعلك خَبر

علي
يلة حبيبتي بوساتتتتتي

ايلول
واصلات يلا باي ههههههههه

علي
أويلي يابة ههههههههههه

سَديت الموبايل ورحِت نزلت لكيت بابا طالـع يم صديقة
كلت لماما كالتلي روحي بـس لا تتأخرين
رحِت خابرتـة وكتلة ع موافقة ماما

علي
رجاءً اللبس راعوا اخوانا السِنة

ايلول
اخوانا الشيعة الدنيا تسمُط سمُط شتريدني البس

علي
اخوانـا بالاسلام التبريد ماراح ينطفي
وإلا اكلج هوَ انة راح اخنكج بسيارة
بس معَ هذا راعي لبسج

ايلول
يلا خوش تدلل روح خل اصلي واجـي

علي
يلة انة هم راح اطُب لهذا المسجِد اصلي واجيج

صَليت وكملت راسلني حَتى اطلعلة

اخذت جُنطتي وطلعت ضليت عَ نفس لبسي
اول ماشافني نزل الجامات وباوع منـا ومنـا

الشارع مابي احد
ابتسم وباوعلي بحُب
ضحكت، لو شايف واحد جان عاط

صَعدت بسيـارتة وكلت
هلاووو

علي
هلا وترليـون هلا شهل عُطـر
السيارة انملت بيج
اذبحج اذا غيري اشتمة

باوعتلة وكتلة
ايلول
يُمـة شهل مُصطلحات لتخليني اتراجع

علي
موهيَ بكيفج حَتى حلگج اشگة شگ

ايلول
خو اشگ حلگك انتَ

علي
تؤتؤ ههههههه استغفرالله ولج السانج گضييي گضييييي

ايلول
والله شتحجي احجي ماعلية

علي
يلة بعدين اربيج موهَسة

دنحجي وطلعوا امير وفَرس من البيت

نزل علي الجامـات لوحتلي فَرس واجوا النة

علي
هاااااا وين رايحين

امير
هجي نفتـر شوية

علي
تجون ويانة؟

امير
لا خوية انتوا بحدكم واحنة بحدنـا و وكت العشا نتفق اعلى مكان وننجمع سوية

علي
يلة اتفقنـا بس هجي فد نص ساعة ٤٠ دقيقة مو اكثر

اتفقنـا سوية ورحنـا وهمة هّم راحـوا

علي
اكِلج ابوج شكال على سالفة بيت وحدج؟

ايلول
مادري بس احسة قافُل

علي
لا ماعليج من يشوف البيت الي بـ اسمج يسكت مايحجي شي

ايلول
علي ترة بابا مو مادي والله

علي
ادري ايلول والله ادري وضعكم كلة ادري بي شني لا تشرحيلي حبيبتي
هسة عوفج من هل مواضيع
شو طالعة احلى من كِل مرة مدري هذا حبي جاي يزيد

ضحكت من گال هيج وكتلة
ايلول
لا حُبك جـاي يزيد

علي
خلّة يزيد بس انة خايف لا تكتليني بي انوبّ وتستخدمي ضِدي

ايلول
كُل شي يصيـر شمدريك

علي
اهم شي انتِ تزعل الدنيا كِلها ولا انتِ
شعِدنا غير المسعِدة

ايلول
والله انتَ المسعِد

علي
عمي انة مسعِد منتهين منها هسالفة
شلون مو مسعِد وانة يمي هل انسانة النقية هاي ؟؟
رّب المسعِد هماتين

بس انتِ بشرفج مو مسعِدة ؟؟

باوعلي وهوَ يغمزلي ويضحك ويعدل بنفسة
ابتسمت على حركتة وكتلة

ايلول
عـاد امانة الله ايّ مسعِدة هههههههههههه

ضحكنـا سوية باوع لايدي وگال

علي
بالحلال ماضلت شي
شتردين اشغلج ؟

ايلول
انتَ غنيلي ليـش تطلعلي

علي
هم صدِك ولج ممنوع تسمعين لايّ صوت رجال غيري
يلـة اسمعي

عِندي وتخـاف اعليك
وادورك أُمك
موش بسِواد العين
بصبيها اضُمك
راحـوا ويلي راحوا بعَد ما ردوا احبابي
راحوا ويلي راحوا بعَد ما ردوا احبابي

صوتة وشجنه چان يخليني أنسى الدنيا واركز بس ويـا، كل نغمة يطلعها تحاچي روحي وتخليني اصفُن. وگلبه وهو يغني إلي، أحس بيه وهوَ يخاف أعليك، يخاف أضيع من حضنة ومنة.

ضلينـا نضحگ بَطريق ونعيش اجواء حلوة بعيدًا عن كُل عالمنـا الي عايشين بي، اشترالي كِت كات وكعد يشاركني بـتفاصيل مُستقبلية تخُصنا وجان طاير من الفرح

التقينـا ويّ فرس واميـر وتعشينـا سوية ورجعنا

اليوم الثاني رجعـوا الولد لبيتهم

ادري بعلي من يروح ينشغِل بس جان وضعـة غَريب لان طول اليوم جان مختفي وحَتى من رد علية رد علية بسرعة وراح وبليل ضل يحاجيني بـ برود

مَـر اسبوع كامِل وهوَ على هاي الحـالة من كتلة احضُر ابدي بتجهيزات كلي ابدي وسوي كُل شي

اهلي اجلوا طيارتهُم اسبوعيـن زايد فَ جانت السالفة اهون شوية
من جنت اكُلة شعندك ماجان يجاوبني ابد
بس يكلي ضغوطات شغُل و وصاني اكول لابوية عندهُم فاتحة بس هل ايام يكملون ويجـون

بابا ماجان مستعجل ع السالفة لان جان عندة هواي شغل هنانة يكملة من مُعاملات واشياء

بَس اني بالي وتركيزي كُلة جـان يم علي

يوم من عدهن من الصُبح لحد الليل هوَ ما مراسلني ابدًا
ولا عندة اتصال حَتى
ومن اخابرة ع الخط يطلع مُغلق

خِفت عليّ لان ابد مو من عادتة يطول علية بالمُراسلة
اني ادري علي مو من نوع الي مُراسلات ٢٤ ساعة مايحب هالشي
بس يگضيها مُخابرات جان هَسة كُلشي ماكو

حجيت وي فَرس كلتلي امير اخر شي حجة وياي الظهر كال يمنة خُطار جايين طمنتني فَرس انُ ماكو شي بس كلبي ماجان مرتاح ابدًا لان ادري بي مو هلكد يغُط

ضليت لحد الساعة بـ ١ كاعدة ومنتظرة رسـالة او يفتخ خَطة اجاني مَسج نزيت حسبالي من علي طلع من اميـر

امير
هلا ايلول شلونج، علي يـمج اجة؟ اجاج ؟
من گالي هَيج انصدمت شنـو علي يمج شنـو علي اجة
ليش هوَ وين !

ايلول
لا علي مو يمي أُستاذ اصلاً صارلي يوم كامل ما حاجية ويـا وين علي ؟

امير
ماكوشي ان شاء الله بَس اذا راسلج انطيني خَبر

ايلول
أُستاذ الله يخليك علي بي شي شسالفة حباب كلي والله كلبي يضل يمة

امير
ضاج من البيَت شوية
وطلع العصر قريب المُغرب وماكو سد الموبايل وطلع ومندري شني سالفة

من كالي هيج احس مِتت من الخـوف
شنووو طلع شنوووو ماكو شي خابرت أُستاذ امير بسـرعة واني دموعي بعيوني

ايلول
أُستـاذ شنوووو شصايررر علي ويـن هسَة ؟؟

امير
لا تخافين والله ان شاء الله ماكو شي ان شاء الله
بس هوَ اختفى مدري شني فلمة

ايلول
زيـن ليش تعارك ليش
خـاف علية؟؟؟؟

امير
لا يابة شنو سالفة هيج تناگر على شي بعدين ايلول بعدين انة مو فارغ هَسة والله لا تخافين انتِ بس الله عليج اذا راسلج او سمعتي خبر كليلي

سدة عـني امير واني الافكار تضرب براسي ضرب
خاف طلع ومعصب ومسوي حادث
خاف شو شصايررر
ماسيطرت على دموعي من الافكار السوداوية الي اجني

وضليت ادعي مايكون صـايرلة شي
حاولت ويـا اكثر من مَرة ماكو

خابرت فَرس وحجيتلها بس هلمرة ما طمنتني خافت وياي وكالتلي امير حتى مارد علية يعني اكيد صاير شي جبير بحيث جان مستعجل وراسلج بَس انتِ

انهاريت من الخوف بهاي الليلة، حسيت كلشي انكسر بية، وكلشي صار أثگـل من روحي. ظلّيت أدوّر بعيوني وما لكيت غير الفراغ، علي اختفى بعَد شنو يصير بيهن حتى أثرة ما ظل.

لا خطوة، لا نفس، لا صوت. چنت أرتجف وأبچي، مثل الطفلة الضايعة ومتعرف وين ترگض.

كتبتله رسائل وحدة ورا الثانية، كل رسالة بيها روحي، بيها اعترافي بحُبي، يمكن توصل، يمكن تلگه، يمكن تنقذني. دموعي ما نشفت لحظة، جانت تنزل بلا رحمة، حتى صرت ما أفرق الليل من النهار.

اختفى عن عيون الكل حَتى عن عيوني، والي اختفى ويا نص عمري.

للساعة بـ ٥ تقريبًا دز رسالة
كلبي فز عليها

علي
ايلول

مُباشرتًا دكيت عليّ حتى مانطيتة مجال يكتب زايد
جنت ابجي واريد بس اسمع صوتة، صوتة مابي شي لوشنو شصايرلة

ايلول
عليييي وينك علييييي ليش هيج اختفيت حباب ليششش كلي خوما بيك شي الله يخليك كلي انتَ وينننن

علي
اسم الله ايلول اسم الله حبيبتي ليش هجي جاي تبجين ليشش انة بخير هاي مابية شي صدكي مابية شي

صوتة مو صوت ذاك علي صوتـة جان كوة يطلع من عندة وكإنما مخنوگ خنگ

ايلول
علي حبيبي شبيك حباب كول شبيك ليش هيج صوتك و وين طالع امير خابرني وجان قلق شصاير كلي

علي
اشششش ايلول ديري بالج تخابريهم وتحجين وياهم ديري بالج

ايلول
ايّ هو شصاير شصايرررر

علي
ماصاير شي اسكتي كافي بجي فرفحتي كلبج

ايلول
ليششش هيج علي ليش هيج اختفيت عني مو تدري اخاف عليك مو تدري

علي
اسف ايلول اسف بس والله جنت ضايع
مادري بروحي وين ماوين غلقت كلشي وخليت وطلعت
مافكرت بشي بس جنت ضايع

ايلول
يعني مافكرت بية علي مافكرت شلون راح اخاف

علي
اشش حبيبي كافي لا تبجين اسكتي لا تلوعين چبدي ويـاج كافي

ايلول
شصاير علي احجيلي

علي
ماصاير شي حبيبتي كلبي طاك عليج راح اطلع هسة للموصل اوصلج قريب الظهرية ب ١١ ب ١٠ اطلعيلي خوش شلون ماجان اطلعيلي اريد اشوفج

ايلول
ليش انتَ هسة وين علي

علي
لا تسئلين زايد ايلول تعبان والله

ايلول
اخابر امير اطمنة حباب بس هوَ عاد ونبي خايف عليك

علي
لا ولا واحد ماريد هسة يروح يطمن امي ومن امي الهم ماريد احد يدري يلة بوية روحي نامي ارتاحي وخلي موبايلج عالي وانة اخابرج الصبحية

ايلول
لا علي مانام شوف صوتك شلون تعبان
زين نام وتعال اليوم الثاني حباب

علي
لا ايلول محتاج اشوفج يجوز نار گلبي تهدأ شوية

من گالي هيج حَسيت بي شكدددد جـان گلبة محترگ وشگد تعبان، ماقبلت اروح انام ابد ضلينة نحجي اني ويـا وهاي اول مَرة اني الي اكون احجي هواي

احنة دومنـا اني ويا نحجي هواي من دون ما نسكُت الا هَل مرة علي جان كوة يطلع الكِلمة من عندة

حَسيت بي انُ جاي يدخن من كتلة مانكر بس سكت
ضليت احاجي واكُلة لتخاف وكُلشي ينحل
بس مجنت اعرف شنـو صاير

ماسديت الموبايل لحظة حَتى بوكت ما كالي محتاج اهدئ
ومـاريد احد يحجي يمي
ضليت يمة واحاول اسحبة من الي هوَ بي

ساعة اضحك ويا ساعة احجيلها نُكتة ساعة احجيلة ع ايامنا قبِل ومع هذا ماكوشي برد گلبة..

وصل للموصِل كتلة راح اكوم ابدل علما تجي

علي
ايلول ارد اكعد بمكان عام بروح ابوج لا تغثيني بلبسج فوك البية

ايلول
تدلل حبيبي من عيوني

علي
اروحلج فدوة والله

رحِت بدلت لبست صاية عِندي سودة وشالي اسود ونزلت سئلني بابا ويـن كتلة طالعة وي علي

ابو ايلول
شو علي خنسة شنو بس يعرف يطلع وياج لو شنو؟
ماكو طلعة اكعدي

ايلول
باباااا والله ما طالعـة ويا طلعة ونسة علي مدري شبي مدري شصايرلة صايرلة شي حَيل جبير وكلش تعبان فَ خلي بس اشوفة واجي والله ماتأخر

ضل يحجي علية ومدري شنو، بلكوة قنعتـة
خليت ماما تكوم حَتى اسويلة عصير بُرتقال فريش
لان مبين عليّ شكد جان تعبان وادري ما ماكل شي

سرتلي العَصير وانطانيا
رمش الي علي طلعت بـسرعة

جنت لابسة نظارة من قوة الشمِس صعدت ويا بالسيارة ونزعت النظارة
باوعتلة وجهة تعبـان وعيونة ذابلة وحُمرررررر مو شلـون ماجان

اول ماشافني ابتسم بوجهي بس ابتسامتة هلمـرة تختلف تمامًا
جانت شايلة قهَر مو طبيعي

سديت الباب بـ ايدي الثانية و وجهي الة
تلمست وجهة بشكل لا ارادي من خوفي عليّ

ايلول
عـزززززة علي هاااااي شصايرررر بيك !!

غمض عيونة وشـال چِتفة لايدي استند علي ونـام نفس الطفِل
تنهد بصورة موجوعة وشـال راسة
التفت عَ الجامة وزفر انفاسة بصورة غريبة

ايلول
علي هااااي شبيك شصـاير ويااااااك

علي
تعبـان ايلول تعبـان حَيل تعبـاااان

بطول علاقتي وي علي تعلمت شغلة
من تصير مُشكلة ويـا ابد ما يشاركني بيها إلا من بعد ماتكمل يحجيلياهة بحيث مرات اصفُن عليّ اكولة اشو اني ال صغيرة وجبيرة احجيلكياهة انتَ ليش تضُم عني ؟
يواجهني بـ : ادري بيج تتعبين وتضلين تفكرين ماريد اشغل بالج

وبالوكت الي يضوج بي وينقهر لوووو يموت ما يحجي ويـاي الا يهدئ خوفًا من انُ يضعف كدامي او يسمعني كِلمة موحلوة، اليوم اني اول مَرة اشوف علي الضعـيف يمي

احس كِلشي بي هَزيل وتعبـان ومكبوت بشكل موطبيعي وكإنما يريد يحجي بس متردد يحجي
حاولت اشجع نفسي واتعامل ويـا صح واضمة نفس ماجان يضمني بكُل مُشكلة الي

حَطيت ايدي ع ايدة وكتلة بهدوء
ايلول
حبيبي ماكوشي ما الة نهاية والله وكُلشي يخلص بس اريدك ترتاح هسة انتَ لوبس تنـام وترتاح

علي
ماجايني نوم ايلول ماجايني نفسيتي تعبانة

ايلول
زيـن دآمنة بعدنة ما ماشين، ودآمنة احنة بالموصل تسمح اسوق اني؟ لان ماريد اموت قبـل ما اصير بحضنك

كلت هاي الحجاية واني اضحگ واريدة يضحگ
اباوعلة تكبّت اكثر و وجهة تعب اكثر
بهاي اللحظة تأكدت السالفة يمي
وعرفت اهلة رافضيني

ايلول
يلا حبيبي يلا كوم خل اني اسوق

علي
عمي لا شو اكعدي الناس لا تشوف شتكول مرة حاطتلها رجال بصدر وتسوق هيَ

ايلول
لااااااا حباب واصلاً انة راح اخذك لمكان يجنن وقريب منـانة يلة حباب

علي
ايلول كوليلي وين ترحين انة اخذج

ايلول
يعني ترفضلي طلب ؟

باوعتلة بنظرات زعلانة وانة اكلب بشفتي من زعل
ابتسم بهدوء وگال بحماس

علي
خرة باهلة اليرفضلج طلب، وطز بناس كِلها

كال هيج وخلة ونزل ضحگتي انرسمت على وجهي، نزلت ودرت من جهة الثانية وصعدنا ثنينة

ايلول
يلة حبيبي هَسة اشرب عصيرك هذا اني سويتلكيا

علي
افة هـاي شنووووو انتِ تسويلي شي هههههههه

ايلول
اي لعد شعبالك وبس نتزوج اشبعككك اكِل

علي
كمليها كولي محروگ

ضحكنا ثنينة، فرحت لان ضحك اخذ العَصير وشربة نفس العطشان بحيث بمرة وحدة كملة

ايلول
سودة علية صارلك شكدددد ماشارب وماكل مبين عليك ترة

علي
والله نـاسي نفسي واحس روحي ماشتهي العّسل، بس هذا وضعيتة تختلف من ادين العّسل ف طبعًا اشربة

ابتسمت بوجهة

ايلول
راح اخذك لمكان مرايحلة ابدددد يجننن نتونس بي

علي
اريد مكان مفتوح ايلول حبابة

ايلول
امممم ردت اخذك لحوش خـان عود يلا اذا هيج نروح لمحلة ٢١

علي
ويـن ماجان حبيبتي المُهم مكان مفتوح

ايلول
يدلل ابو حسوني

علي
ولج مابية حيل اضحك

ايلول
على كولتك اضحك شبيها دنيا هيَ اضحكك

علي
دامني ويـاج اضحك والله
وانة الممنون هم

رحنـة لمحلة ٢١ جان قريب يمنة بجانب الايمن فرق بينة وبينة رُبع سـاعة

من اشهـر المطاعم الي يمنة بالموصل، وحَيل حلو ونحب اكلاتهُم نزلنـا اني ويـا وصعدنة فوك، كعد وكعدت كدامة

ايلول
شلونكم صحتكم شعتسوي ؟

علي
اكلج انتِ متعرفين غير كلمة شعتسوي شفتج وشفتيني تكليلي شعتسوي

ايلول
وِجه الدست شبيك

علي
شنو الدست ولج خاف قُندرة اموتج والله مو لهدرجة التجاوززززز ايلول

ايلول
لااااا والله لا مووووو هيج

علي
جا شني

ايلول
جدر جدرررر معناهة

خزرني
علي
انجبي ولج انجبي كافي

ايلول
اوي كُل هل رشاقة ومتشاقة شبيك عيني

علي
ايلول بمكان عام احنة اوي شنو

حَط راسة ع الكرسي ورفع راسـة للسما يباوع للطيور

علي
ودي اصير طير هجي حُر يطير براحتـة وميدري بدنيا طشت لو رشت

ايلول
علي احجيلي شكوو شبيـك اسمعك اني

علي
ماريد ايلول مـاريد

ايلول
صارلك اسبوع انتَ وضعك موزيـن حباب احجيلي شبيك

سكت

ايلول
شوف علي اني موغبيـة وربطت المواضيع وادري بيك انتَ منتظر يوم يوم لعقدنـا فَ اعتقد السَبب اهلك واني ؟
عندهُم مُشكلة بية مو؟

باوعلي وصفن ودار وجهة

ايلول
علي احجيلي شبيك ساكِت

دار وجهة الي وتقرب للطاولة

علي
ايّ ايلول ايّ

ايلول
لعد متحجي شبيك

علي
خايف ايلول اخاف تدرين وماتتقبلين وترحيـن
زين انة بهاي الحـالة من بعد كِل هل تعب شلون؟
انتِ تقفلين وابوج يقفل وياج واهلي اساسًا قافلين
جا وانة مني الي و وين انطي وجهي
واحارب مني بيكم
تؤتؤتؤ

كال هَيج وحط ايدة على راسة
رُغم حَز بداخلي هذا الشي بس ماكدرت اصير عليّ مو ويا
وضعة جـان موطبيعي وشكد جان شايل بكلبة

ايلول
علي حَبيبي هسة بابا هم ماقبل بالبداية انتَ عفتني ؟
لو صرت ويايّ لمن رضى ؟
اني همين صدكني راح اكون بصفك

علي خلاص اني وصلت لقناعة انُ انتَ نُصي الثاني الي اكدر اكمل ويا الحياة والله جَد هالشي كلبي وعقلي وصلولة سوى فَ تتوقع انُ اني راح اعوفك لسبب سخيف او جبير مثل هذا ؟

اني مراح اعوفك نفس ما انت ماعفتني وراح اضل يمك دائمًا مهمّا صاررررر ومهمّا مرينا بظروف

وهاي كُلها ظروف وتمضي وداعتك، ميخالف نفس ما بابا رضى همة هم يرضون ونصير وغصبًا عليهُم نحط ايدنة ب ايد بعُض ونمشي كدام الكُل اصير مرت علاوي يعني اصير هههههههه

رفع راسـة واني احجي، باوعلي بعيون تعبانة وابتسامة جبيرة مرسومة على وجهة

علي
اذا انتِ وياي منو الي يصير علية يعني؟
دامج وياي فَ طز بكِل الدنيا

سولفلي السالفـة وحجالي انُ كُل كُل اهلة ما مانعين بس جدة وحجالي عَ رفض جدة الي، ضليت اقنع بي انُ مايزعل ولابد يجي يوم ويقتنع

علي
شتحجين ايلولة غير اهلج يردون يسافرون هيَ لعبة لو شني

ايلول
مو الا هسة علي لعد شنسوي حتلى لو بجية ثانية

علي
شنوووووووووووو ولج شجاي تحجين

ايلول
حبيبي جا انتَ صبرت كل هلمدة ما تصبر شكم شهر؟

علي
موهجي ايلول موهجي بس انة انطيت لبوج حجاية شلون اكسرهة شلون

ايلول
ميخالف تدبر تدبر ماعليك رحمة ربك هيَ ع فجأة تجي

طلع جگارة من جيبة

ايلول
علي صدككك تحجي الاكل حيجي شنـو جگارة ساعة وشوووو شصارلك عوفها

علي
ايلول حبابة عوفيني وعلي كِلش تعبان كِلش خلكوم عنج

ايلول
لاااااا والله مارضى والله حباب عوف الجكارة هَسة ناكل عوفها والله موزينة الله اعلم شكد مخلص

علي
ايلول ليش تضغطين علية

ايلول
ميخالف حباب

ذبها ع طبلة ذبيتهـا بالزبالة ضل يباوعلي وسكت ماكال شي
اجة الاكل بهل اثنـاء
باوع الة وتنهد

ايلول
علي عاد لا تنصبلنة فاتحة يلة خل ناكل ترة جوعانة خل تاكل ع الواهس يلـة

اكلنة وهوَ ينقش بالاكِل عكسي اذا انقهر اكل الاول والتالي
ضليت اسويلة لگمات وانطيهيا ياكلهن غصُب

كملنـا باوعلي وصفن

علي
والله لو مو جبُر لو الدنيا كِلها تصير ضدي هم اخذج
انتِ الي يعني الي وانتهت .
والله لو هجي الدنيـا كلها تصير ضدي
اهلج واهلي وحَتى اهل انة ما اتنازل

ايلول
زيـن واذا الله كتب نتفارگ؟

صفن بوجهي، راد يحجي شي وسكت

علي
بعَد الله هذا ياهو يفك حلگة

ضحكنـا ثنينة على جُملتة، ثنينة جنة نضحك من القهَر و ضحك هستيري، المكان جان خالي محد غيرنا بي

علي
تدريـن گضيت عمري اسمع بـ
ظلمتوا بالوصف لمن وصفتـوا
وخفت لا اعيش هشعور بَس هسة صدِك عشت هل شعـور

ايلول
غنيها بالله ؟

علي
ليش ماسامعتها مو هديتلجياهة

ايلول
اريد بعَد

علي
ظلمتــوا بالوصِف لمن وصفتوا
حَبيبي شكد حلو بس ما نصفتوا

ايّ والله ما نصفوج يبعد عيوني انتِ
ابتسمت بوجهة بقهَر وهوَ يحجي بقهَر

علي
أحسـة بروحي و بگلبي والعيـون
احلى مِن الحلو لو ما تصدگون
هاكم هـاي عيني بيها شوفوا
دخذوا هاي عيني وبيهـا شوفوا

زفر نفس عميق، حَسيت بوجع بگلبي بس اكيد مو گد وجعة، مدّ إيده وحطها ع راسة، كأنه يريد يلگى جواب بين أصابعه، وعيونه ظلّت تلوح يمين وشمال، ما يدري شيسوي، ضايع بكلشي.

لِلحظة دمعت عيوني مُستحيل اتخيل بيوم من الايام علي يوصل لهيج مرحلة، متعودة اكعد وي علي ولحظة ما اسكت من الضحك لو العصبية والغيرة ما متعودة اكعد كِدامة وهوَ بهاي الحـالة

ماكدر اعوفة ابـد ايلول لا تعوفي هذا علي مو ايّ واحد

حَطيت ايدي على كتفة وحجيت ويا

ايلول
هيَ سهلة بس كول يا الله، اني وياك علاوي والله وياك دوم مهمّا صار وياك اذا اقتضى الامر نشرد ونعوف اهلي واهلك هم شتريد بعَد ؟ بس هيَ موهيج ادري بجدك شكد يحبك وهو من خوفة لان ثنين اولادة راحوا بسبب هذا الشي فَ ميخالف هوَ ميعرفني ف حجة عني هيج بس اكو أمل اكو والله

رفع راسـة الي وگال

علي
ايلول انة راح اموتن وحق الله
يعِز علية ولج وعلي يعِز علية اراويج ضعفي
بس بعد ماكدر ماكدر تعبت صدك تعبت من تفكير

انتِ حجيتيها ايلول، عمي ابو شمس مات بسبب هشي
و عمي الثاني عافنة وطلع ويخـاف يخاف وانة ادري ادري شكد يحبني وشكد يعزني ويخاف لا تاخذيني منهُم واصيرن ما اسئل عنهم

ادري بجدي شكد يعزني ادري، بس انة كلشششش زين ادري لو جدي كال لا شني معناتهة، لو يموت ايلول لو يمموت مايتراجع عن كلامة نوب هوَ شايل على ابوج وسمع بية محاول ويـااا شصار بي

هوَ هم حب امي صالحة وهم اخذها گوة اعلى اهلها بس اهلها جانوا ضُعفاء بحيث خطف اخوهٰا الجان معارض بنص الصحراء وكعد يهددة اذا ما انطاهيـا يكتلة

ما يقتنع ب انُ احنة نذل روحنا لواحد مايقتنع لازم نقدم تنازلات شوية للي نحبهُم، وجدي قفل خلاص قفل ايلول
وانة هَسة صرت بممرين
ممر بي اهلي وممر بي انتِ

خلصلياهة من الاخير كلي اذا تطلع ماتطب واذا تزوجها لا نعرفك ولا تعرفنة، وانة ادري ادري عايش لوعة وعمي حجة شلـون وشني عواقِب تعوف اهلك وتروح

وادري كِلش زين اول تالي تطلع بينة فَ انة ردت بالزينة شردت اكثر من هجي شي ؟ ردت بالتراضي الكل يكون راضي وهاهي

شو جبتهااا تمرمر انة بحياتي من صِغر لحد هسة شفت الويـل يلة كبرت ويلة صرت، لا اعرِف شني بنات ولا متعامل وياهن، ولا رايد حياتي تتمحور ببنية

وحياتي ومجهودي كِلة ذبيتة عليهم همة، وهمة يدرون كلششش زين شكد جنت مُطيع الهم وهذا جدي تشوفينة مافد يوم كالي شي وكتلة لا حتى اكو شغلات خسرتها ولج خسرتها من ورا

جان يكلي لا تطب بيها بيها خَسارة مدري شني حتى لو ادري بيها نفع الي اكول طُززززز جدي ورضـا اهم شي وشوفي سُبحان الله، الله يعوضني اضعااااافة لان هذا كِلة يسمونة بِـر

بس هل قندرة هل علي هذا كبر وخلاص راد هوى حّب ولاول مرة يحب لاول مرة يريد شي ليش ماتسووا ليش !!

ليش تتبرة مني بهل سهولة مني ليشش
انة زايد عليك لو شنننني
ماشفت شصـاررررررررر ب ابنك من تبريت منة

مات وانت بحسرتة عليّ
تندم ندم عمرة
انبهد حيلة كِلة بروحة عمي ابو شّمس
حتى جلطة انصاب
ورِعاش شكل ويـا

وحس بقيمتة
جاااا ليش يريد يكررها وياي
جاااا ليش يتبرة مني هجي
ليششش انة ناقص جايبلك مكسورررررة
شمسويلك شمسويلككك

ليش تريد تحرمني من شي انة رايدة هلكد ليشششش
ولج كعدت ويااا كتلة سولفتلة بكلشي
كتلة جدي انة اهواها لهل بت
عاشگها ومتيم بيها

يكلي تشوفلك غيرها، زين ليشششش ليششش
لا من ثوبنـا ولا من بيئتنا

خرب خررررب حظي الدومة اعوج هجي
والله انة كتلة كتلة اروحن وعندي ناسي التكفي والتوفي
ولا اريدكم ولا اتعلق بيكم

بس انة ماريدها، ماريدها توصل لهل مرحلة ايلول
بنهاية همة اهلي اهلي
ومـال اعوفج لوووووووو دنيا هسة تكوم وتكعد هم ماعوفج هَسة
وشيسون خل يسون مايهمني بعَد
شيصيررررررر خل يصيررررررر

شيصير بعد علي شيصيررررررر
اسبوع وابوج يسافِررررر
وذولة قافلين اتفشل وي ابوج الي يريدلة حِجة علية لو شني
منين اتلگاهة انة منين
دخيلك ربي
الله ما يحير عَبدة بس والله احتاريت يارب احتاريتتت

اباوع عليّ شلـون يحجي بحرگة گلب ومن كِل وگلبة الكلام يطلع، وجهة صار ينفُط دم وايدة اليسار صار يحجي وياي وترجف

شنـو هل حالة الي واصللها علي !
ادري بي يحب اهلة هواي ومو من ذولة الولد الي ميحسب حساب ومتمرد يروح ويعوفهُم وميحسب لباجر ويعيش بس لليوم،  وادري بي شكد يحبني ومُستحيل يعوفني حَتى لو اني طلبت منة هل شي

ضليت اباوعلة وعيوني مدمعة ماعرُف حَتى شحجي ولا اعرف شلـون اواسي اسبوع كامل هوَ يحاول ويـا وهسة ياريت عدنة وكت زايد ويضل يحاول ويـا خلاص اسبوع واهلي يسافرون

وصدك حجايتة بابا يريدلة زل عليّ

كام عن الكرسي بسرعة وكام وكف وصار يباوع للجـوة
كمت بسرعة و وكفت يمـة
صاح اخ اخ بصوت عـالي وكإنما انضرب براسة بشكل قوي

علي
مَدري شصار براسي

من شفتة هيج وشلون لزم راسـة خفت عليّ وانفزعت
من يحجي ما يحجي حجي عادي جان يحجي ويشحرج وحتى صوتة منتهي

ايلول
علي خاف ضغطك صعددددد صدُك تحجي انتَ تعـال اكعدددد هنانة تعال

علي
اخ ايلول امشي خل ننزل بسـرعة امشي

ايلول
علي خل نروح للمُستشفى هَسة صارلك يومين مانايم وحتى اكل قليل وتشحرج وموت نفسك من تفكير صدُك تحجيييي انتَ راح تموت نفسك مووو تدري بنفسك عندك ضغُط ليشش هيج

علي
امشي ايلول امشي لتخافين مابية شي

يغمض بعيونـة ويفتحهن وراسة يحرك بي وكإنما يريد ينفُض الوجع

لزمت ايدة خـاف يدوخ اباوع ايدة ثللللج صـارت وصَفررررررة وكإنهُ ولا نُقطة دم بيها، دفع الحساب ورحنـة للسيارة لحيت عليّ حتى اصعد اني بصدر ورُغم وضعة جان تعبان ضل يحاجيني يريد هوَ يسوق

بالكوة قنعتـة باوعتلة وضعة كُلة مخربط فتح قميصة الجان لابسة وحط راسة عَ الكشِن وضعة يخوف مُستحيل اخلي هيج مُستحيل

رحت للمُستشفى بسرعة وهوَ ضل يحجي ايلول روحي للبيت مابية شي ماسمعتلة ورحت للمُستشفى

هوَ هم بطل يكول لا لان مبين الوجَع زاد عليّ

مُستحيل انقص من الشي الجاي يمر بي علي، ادري كِلش زين شكد القرار حاسِم اذا اني ايلول مادري شنو اعني لعلي منو الي يدري بي مثلاً وبنفس الوكت ادري هم شلون يعز اهلة

راسة جان يأذي بشكِل موطبيعي و اول ماوصلنة كُبل رحنـة للطوارئ طبيت ويـا ولازمة ايدة وبلگوة لازمة روحي من انُ ابجي

الدكتور
باباا ليش هيج ضغطك ١١٠/١٨٠ صدك تحجـي

من گال هيج انصدمت انوب عيونة بالكوة جانت تنفتح

علي
ايلول لا تضليـن يمي انتِ روحي للبيت ماعليج بية

ايلول
علي صدُك تحجي انتَ بيااااا حال وتحجي هيج

علي
ايلول ولا نَفسسسس لا تضلين هنانة جاي اكلج هسة شوية واطلع اخ ياربي

حبابة ايلول لا تخلين بالي يمج روحيييي ماريدج وحدج تضلين

ايلول
هاهيّ رايحة صدكني رايحة بس انطيني مجال

طلعت من الغُرفة لان الدكتور والممرضين اجوا
خابرني بابا بهل اثناء رديت عليّ واني ارجف وابجي
كتلة انُ يجيني

اجوني بابا وماما كلي بابا شكو وشنـو وصلة لهل حـالة كتلة فجأة بدون شي ماجان عندة شي ماصدكني كلي اكيدددد معصب و واصل لهل مرحلة حَتى حباية تحت اللسان منطينة ومبين من الليل لسة عندة بس شايلها بقوتة

جذبت عليّ كتلة تعاركنة اني ويا وكُلش دست ب بطنة ع شي تافِه رزلني رزالة معدلة لان حالتة صدك جانت خَطرة ..

من وصلت لمرحلة الي كلي بيها بابا انُ هذا النوع من الغغُط يوصل ل نزيف او جلطة احس كُلشي بية اتجمد

رحت بسرعة خابرت اميـر وكتلة ع الوضع كِلة كال جاي اني

جـان عِندة نفس الاغماء وتشنُجات و الم بالصدر قوي
بابا كال خاف يصيـر عندة غير شي

ضليت كاعدة وميتة من الخـوف والقلق وبس ابجي
ماقبلوا يطلعونة ابد وكالوا يضل تحت المُراقبة
خاف يصيرلة شي لان ضغطة مارضى يصعَد
بكُل هل اشياء الي انطوهيـا

ماما رجعت وبابا ضل جوة يم علي يطب ويطلع وصيت بابا يكول لعلي اني رجعت، ضَليت برة اقرة قُرآن وخايفة ودموعي تنزل

صارت عملية يم صديق بابا وصاحلة ويـا بابا راح
تقريبًا بالـ ٧ دك علية امير دليتة عَ المكان وبغضون رُبع ساعـة ماحِس إلا كدامي اميـر وثنين ولد عيونهُم زرگ و ولد ثاني عيونة خُضر و واحد اسمر وثنين زلم كبـار و جِدة جبُر .... يُتبعععععع ( توقعاتكُم )

______________

شَمس

علي
الو اهلاً وسهلاً
اي تفضلوا
شنووووووووووو

نزينة كل احنة وي نزتة وكومتـة

اشر للولد بسرعة وهوَ يكول سُراج بصوت ناصي ويحجي بالموبايل ايّ ايّ جـاااااي

سَد الموبايل وكل احنة انذهلـة ونريدة يسولف

علي
سُراج متعارك وماخذينـة للسجن
ويكلك ضارب واحد سجينـة

كلها صاحت شنـووووووووو

كاموا والولد وجَدي كلهم طلعوا
وبيبي انهبطتتت عليّ

ربطتها بمحمّد وتاكدت بنسبة٩٩٪؜ هوَ ورة هاي السالفـة
خفتتتتت حَيل وضل بالي يمهُم وماعرف شنوووو الي صاير حَتى

لليل كِلش تقريبًا اجوا الولد واجـة وياهُم سُراج
ويباوعلي بنظرات غريبة

ماحجة شَي ولا انطوا تفاصيل مُجرّد گال جِنت بسيارتي ومجموعة من الولد اجو عليها وفششوا تايراتها وجان بيدهُم سجاجين وجان يكول كلهُم صغـار بالـ ١٩/٢٠ سنة تطلع اعمارهُم

فَ هو مدافع عن نفسة وضاربهُم كلهم وماخذ السجاجين منهم تالي واحد جاي غادرة وسُراج ضاربة برجلة والباقيـن شاردين

كال انُ بدوسات ويانة ولد شباب وهمة احتمـال، جدو ماقبل وكال انعل ابوهم واحد واحد ونحگهُم ومدري شنـو

بس الولد جانوا يحاولون انُ يسدون السالفة بكُل الطرق، ومن هنانة عرفت السالفـة بيها محمَد

سكتت بس كلبي جان نـار، بنفس الوقت جنت خايفة لا يكون محمَد المضروب سجينـة واندعيت ميكون هوَ

ضليت اقرة ليوم الثاني لان عندي امتحانات كُلهم طبوا لغرفتهُم ونامـوا واني بصالة واقرة شويـة ونزل سُراج مبدل

لابس تراك بيتي بُجامة فضفاضة و قميص نص ردان، اديّ من فوگ شگد ما اكول بيض فَ قليلة واحس شكلة كُلة تركي لا يمنة ولا گربانة صحيح غَيث وسَجاد هم عيونهُم ملونة بس بيهم لمحة سمار وملامح عَربية عكِس هذا وجهة حِنطي وجِسمة نَحيف بس بطريقة حلوووة وطويل و من فوگ جسمة معضِل وحتى خُصرة واضح هلكد ما جسمة مرتب و اهم شي ٢٤ ساعة مبوز على گولة بيبي

شافني اقـرة وملامحة ما تتفسر شكد ماجان عَصبي
صار كدامي وكِتف ادي
عدلت شـالي لان جنت شامرتة عادي وباوعتلة

سُراج
حضرتج ماتردين تعرفين شنو صار ؟

هزيت راسـي بـ ايّ

سُراج
اكعِدي

كعدات عَ التخُم بالبداية وهوَ كعد بالنهاية بيناتنة مكانين تقريبًا

حَط مُخدة بحضنة وباوعلي

سُراج
هـذا الجلب
لا والله حَتى الجلب حشاه منة
جايبلة زعاطيط وجايني وهوَ الي مسوي كِل هذا

باوعلي وكإنهُ منتظر حجاية مني
غمضت عيوني بخوف ورجعت فتحتهن

شَمس
ااا ومنـو الي انضرب

من كتلة هيج باوعتلـة غمض عيونـة وصوت انفاسـة ارتفع
فتح عيـونة بعدم صبُر وحِجة بصوت خافِت

سُراج
وشِنــووو تخافين عليّ !!!

هزيت راسي بـ لا وعضيت شفتي ب توتر

شَمس
ااا اريد اروح اني

خَليت وكمت بتوتر، ماكدرر اضم خوفي ولا توتري ادري كُلش زين يبين علية رأسًا وادري بي هوَ شكد ذكي

كام بسرعة وصـار كدامي وكام يحجي بعصبية

سُراج
لج باباااا كاااافي اصحي على نفسج كاااافي شهللل حُب هذااا التافه كااافي اكبري واطلعي من جـو المُراهقات الي عايشة بي

شَمس انهاررررر عليج وعلي انهارررر عليج اذا سمعتلي سالفة منا ومو بس اسمع لو اشوف عليج شي لا هاي منتهين منها، وتعرفين شني عقابج عليها، مرة ثنين انة هددتج وما سويت بثالثة لا يشهد الله ورسولة اموتج شَمس بيدي اموتج

هذا النچِس ( النگس ) توخرينـة من راسج نهائي ماريدج تخلي براسج ابد انة هَسة راح اربي تربية زينـة اول شي سويتة هَسة دعوة  كيدية عليّ وهذا الزعطوط الانضرب سجينة رحت لابو وحجيت كام يتوسل

وباجر انة يم ابو محمَد الا جد جدة احرگة والله وما اطلعـة الا يتربى وانتِ بس تكملين هاي الـمرحلة ترحين كُبل لجامعة ..... الاهلية ولا تكليلي اهلية ولا صخام بـس مال تضلين ويّ هذا مُستحيللل ابقيج وياج نرهملج سالفة ونقلج هنانة بمُعدلج وبكل شي

ماحجيت ايّ شي ضليت بس ساكتة

سُراج
خو سمعتينييي زيـن بالج يم دراستج وبَسسسس خوش

هزيت براسي ايّ

سُراج
يلة اكعدي اقري، جابولج من الي كلتلج مايجن

هَزيت براسي ب لا

سُراج
حَتى مـرة ثانية تسمعين مِني
يلة اكعدي اقري انة رايح

خلـة وصعَد لفوگ احس حتى انفاسي جنت كاتمتهن بوجودة
ياربي شكد ذكي ويحسب حسـاب لكُلشي

كنسلت افكاري كُلهة وكعدت اقـرا لان وراي سهرة طويلة

ضَليت اقرة شويـة ونزل لابس دشداشة مَدري وين يريد يطلع
باوعلي وگال

سُراج
بوية اكعدي رجليج راحن ترة 

شّمس
متعودة

سُراج
يطبج ما يطبج شسويلج

شَمس
والله حلووووووة هاي هَسة اني حاجيـة وياك مثلاً وتحجي هجي علية

سُراج
تردين شي طالع

شَمس
مارررررريد شُكرًا

سُراج
خفتًا وراحة

يمشي ويحجي ياربي شكددددد مُستفززززز خليت وكملت قـراية شوية ونزل سجـاد يمي

سجاد
ها ضلعي شو خنسة شني كِلها نايمة

شَمس
ايّ محد كُلها نايمة

سجاد
ماتشوفين هاي سيوف الفاهية كاعدة لا خل ننصب عليها

شَمس
ولك نايمة الساعة بـ ١ وين سيوف تضل لهيج وقت كاعدة تلكيها هَسة بسابع حلم

سجاد
دصعدي بروح ابوج بلكي تلكيها كاعدة كليلها خل تنزل

طبعـًا زَعيـم مانع سيوف ب انها تتواصل وي سجاد او يكون عندها رقُم سجاد ميقبلون رُغم كُل شي، كدام عيونهُم محَد يحجي بس ميقبلون ابد ينفردون سوية

رحِت صعدت بتملمُل من ورة سجـاد فتحت الباب لكيت سيوف كاعدة تسوي مكياج متحمرة ومتكحلة ومشغلة اغاني والوضع يمها فول
ضحكت عَ منظرها وكلتلها تمسح مكياجهة وتنزل يمـي

نزلت لكيت سجـاد متمدد بس شافني فَز

سجاد
ها كاعدة

هزيت راسي بـ ايّ

سجاد
عيد وجابة العباس خل انصُب عليهاااا

ضحكت وكتلة
شَمس
هسة ماعرفناك تحبهـا لو تحب تلاشيها

سجاد
الاثنين والله شايفة من تتنرفز بسرعة نقطة ضعفي والعباسسسسس اموت اعلى صوجتها

شَمس
شهل حُب التوكسك يمة هههههههههه

سجاد
دنجبي انجبي انتِ شمعرفج

شَمس
والله موصوجك صوجي اني الي عفت قرايتي وصعدَت اصيحلك سيوف صوجيييييي

هف علية المُخدة وهوَ يضحگ

سجاد
غصبًاااااا عليج هماتين جا شني شغل نسوان صخرة

يدري بيـة اموتتتتت من سوالف الذكورية ودومـة يحب يغيضني بهيج سوالف رُغم هوَ موهيج رجعت شمرت المُخدة عليّ وكتلة

شَمس
الشـوارع مايسكتون

بهل اثنـاء انتبهنة لوجود سُراج، عاقج وجهة ويباوعلنة

سُراج
كوم كوم هسة انتَ ماتستحي بنية تشمر اعليك المخدة كوم شطولك شني صغير انتَ وجاي تلعب واكول ميخالف شني

سجاد
خايب شبيـك جاي نتشاقة انة وبنيت عَمي شلك غرض

باوعلة صفح وانطاني علاگة

سُراج
هاج هاي الج جاي تقرين تصرفين طاقة

سجاد
جا وانة تعاااااي ولج انطيني مملية ملي

گال هيج وكمز علية يريد ياخذها مني
صـار سُراج كدامي وعاط بي

سُراج
ولك شمالك جنك طفل تنطنط اكعِد

سجاد
جا شني بس الها تجيب اطيني وياج الفاهية ام حلگ اليلزگ

شَمس
والله ولا انطيـك هوَ مو قحط بس بعنادك

بهل اثناء نزلت سيوف الفاهية عود ماسحة الميكب بس حلكها احمر من اثر الحُمرة الحَمرة الحاطتها

سجـاد سكت وراح لإتجاهة وسُراج دار وجهة علية

سُراج
شني انتِ زعطوطة تنطنطين وي سُراج شويـة كُفي نفسج شَمس واثگلي

شَمس
اهوووو بكُل شي تدخل شمسوية اني

سُراج
شَمس لتصيرين طِفلة !!!

شَمس
يعني شلون تريدني اتصرف والله عجيب كُل حركاتي متابعهن شتريدني

هاك هاي مالتك ماريدها
حَطيت العلاكة عَ التخُم ورحت كعدت ع التخُم الماقبيلة اقرة وعيوني ع سجاد و سيوف الي مبين زافهة زفة معدلة وخلت وصعدت وهوَ وراها صعَد ..

سُراج
هاي تصرفات لا تسويهن مرة ثانية انة علمودج جاي احجي ترة

شَمس
ترة عُمري ١٩سَنة شتريد اسوي مثلاً شلون اتعامل

سُراج
شوية شقاح وي سجاد خففي

شَمس
ترة كُلهم يشاقون وي بعُض عفتهُم كلهُم واجيتني !!!

اخذ نفس بعصبية وشال العلاگة وحطها يمي

شَمس
كتلكككك ماريد ولا اريد اكلل

سُراج
شبيج تصيحين ولج صوتج لا يعلى

خزرتة وباوع لعيوني وهز راسة وخلة وراح

سُراج
مايصيرلچ چـارة

صعد وماضل واحِد يمي
كلت خل اصعد اشوف سجاد و سيوف شصاير وياهم

اول مافتحت الغرفة لكيت سجـاد بيها وكاعد و سيوف تمسح الحُمرة ويرزل بيها

شَمس
عزة بعينك شسوووووييييي هنانة والله اذا شافوك

سجاد
اكسر ايدج كسر انوب اذا حطيتي حمرة ونزلتي

سيوف ببجي
انتَ ماعليك ماعليككك بية ماعليك

سجاد
مو اجيج اجيج واعلمج الماعليّ منييييييي

شَمس
ولكممم اشششش صوتكم صوتكم
تدري اذا زَعيم شافك هنا شيصيرررر اطلع يمعود

سجاد
طالع طالع بس يا سيوف اذا كررتيهـا اموتج

خلة وطلع وهاي تبجي
محاولة اسكات علاوي اسهل من محاولة اسكات سيوف اذا بجت
بلكوة سكتتها وقنعتها تنزل وياي

شافت الحلويات گعدت تاكل وتباوع على موبايلها
وكُل ساع وسبت سجاد
شويـة وسجاد نزل

سجاد
ها العرمة والله انوبّ اريد اسميج العرمة مو الفاهية

باوعتلة بغضب ورجعت تاكل وتباوع
كعد يمـها واخذ نستلتها

سيوف
متشوفني جااااااي اكلهااااااااااا متكووووم

سجاد
ومرضضضضض...... بكلبي
صوتج ولج لا يعلى لا اخفي الج

سيوف
شلون تخفي يعني

سجاد بضحكة خفيفة
تؤ استغفرالله شلون بالزعاطيط

سيوف
شَمس كليلة خيكوم

شَمس
عمي كوم

سجاد
كليلها البيت موبيت الخلفوها

شَمس
يكُلج موبيت الخلفوج

سيوف
كليلة بيت الخلفني وبكيفي

شَمس
يبووووووووو ولكم اريد اقرة راح ارسبببببب

بهل اثناء نزل المسودن مـرة عاشرة

سُراج
اصواتكم فضحتونـااااااا
هَي سجاد هَي سيوف شعدكم هنا البت جاي تقرة ماتصعدون تتناكرون فوك راسها

سجاد
اكلك احترم نفسك لا تكول هيَ على سيوف

سيوف
صارلك ساعة ماخليت شي ماكلتليا

سجاد
ايّ انة موهوَ شني عِرفة ولفة

سُراج
يلة يلة خوش اصعدوا هسة
هلا لا ونوب ياكلون المن جبتهن لحلوگكم انة

سجاد
خـاب قحط دروح روح

صعدوا ثنينهُم وسُراج خلة وطلع
يبوووووووو شكد يستخدم موبايل وشكد يطلع بـرة
والمُشكلة جان كلت عندة بنـات بَس هوَ حسابة عالي
وعبارة عن دوسات وتفحيط وسيارات ومدري شنو
بحيث حَتى ما ينشر شي ع وظيفتة
وماضايف ايّ بنية بحسابة ولا وحدة ابدد

اليوم الثاني محمَد ماجان مداوم
والثالث كذالك
ومضى هل اسبوع كُلة وامتحاناتي كُلهن
و محمَد ابد ما يداوم

اليـوم الاخير بالاسبوع جنت دامشي
وباوعتلي رُسل
رُسل بطـول الايام تباوعلي بنظرات حُقد
هيَ وصديقاتها

تجاهلتهن و رحِت لمكاني كعدت
خابرت اميـر كلي طلعت خل سُراج بجيج
خابرت سُراج كلي ضلي بمكانج رُبع ساعة يلة اجيج
ومن اوصل يلة تطلعيلي

ضليت كاعدة بمكاني اكلب بموبايلي
وبهل اثنـاء اجتي رُسل هيَ وصديقاتها

وكفوا كدامي باوعتلهم بـ انزعاج وضليت كاعدة

رسُل
تدرين انُ انتِ السبب بدمار كُل حياتنا

شَمس
شوفي ترة روحي طالعة مالي خلُك احجي وياج حَتى

رسُل من وراج محمَد بسجن ومحمَد تغير وبسببج كُلشي صار

-
وفوك كُل هذا بكُل عين صلـفة تداوم وتستمر

اتصل سُراج كطعت اتصال سُراج وباوعتلهُم

شَمس
اني مالي دخل بـ محمَد واذا اكو طَرف ثالث ف هوَ انتِ مو اني
واني عايفتة هَسة ومو يمة ولا كُربا

دك سُراج فصلتة مَرة ثانية

رسُل
من وراج انتِ ترة صار كُل هذا خبلتي تخبل وخليتي يتعامل ب اسلوب حتى مو اسلوبة

شَمس
اكُلج احترمي نفسج تـرة مالي خُلك الج
هوَ الي يجييني مو اني وعفتة شسويلة بعَد يعني
هوَ الي اجة واعتدة ع ابن عمي
وهم انطيج حجاية لتخافين عليّ ابن عمي شكم يوم ويطلعة
ومُستحيل احجي ويـا اصلاً لان انخطبت لابن عمـي

مادري شلون اجت ب بالي بس جنت بس اريد اخلص منها
وصدُك اني مُستحيل احاجي بعَد لان الي بية مكفيني

عفتهن ورحِت وفكرت انُ البس حلقة
بلكي اخلص من سالفـة محمَد و رسُل

جنت جاي امشي وبعصبية
باوعت كدامي سُراج طاب للكُلية ويمشي

تقدم اتجاهي ونزع نظاراتة الي ميفارگن وجهة
سُراج
شبيـج وليش جاي ترفضيني

شَمس
هيج مابية شي
يلة خل نروح

مَشيت وخليتة وراي
لزم ايدي بنُص الكُلية حتى يوكفني

سُراج
شَمس شبيج؟؟؟ ليش هجي وجهج وشبيج معصبة !

شَمس
تعاركت وي بنـات

سُراج
ليش ؟

شَمس
مُستفِزات بَس

سُراج
المُستفِز وحد والعايل وحد
الي يستفزج بخوف بجُبن لا تحجين ويـا وصيري اكبر منة
بس العايل لا بالله ينـرد

شَمس
لا مُستفزات هيج يشمرن حجي

سُراج
متأكدة بس هذا !

شَمس
ايّ سُراج ليش تلح

باوعت كدامي رسُل والبنات جايات شافني
ضليت اباوع عليهِن بغضب

دار وجهة الهِن شافهن يباوعن النة وجايات من نفس الجهة

سُراج
هنّ ذني ؟

شَمس
ايّ

سُراج
ديلا امشي لتباعين هيج بغضب ظاهر نفس الجهال ترة منظرج يضحگ

گال هيج وهوَ يضحگ بخُفة واخذ ايدي ومِشة

نفضت ايدي من عنـدة بغضب باوعلي صفح وخلة ومِشة

الاسبوع الي ورا محمَد داوم بس محمَد جان حتى مايباوع لوجهي ومبين حيلللل متغير، الله اعلم شمسوين بي بعتبار علي بسجن ومدري شنـو ما استبعد انُ همة ملقنينة خـوش دَرِس

ماهتميت الهُم كلهُم وقررت انسى كُل شي واعيش حياتي وهاهيّ، واستمرت حياتنـا على هيـج سستِم وضل موبايلي يومـية ياخذة وبس الصبحية ينطينيـا

اخِر شي زهگِت ومليـت كتلة يرجعليـا ماقبل
كتلة خلي الك ماريدة

كعدنـا اليوم الثاني هوَ يوصلني انطاني الموبايل مارضيت اخذة

شَمس
ماريد اضل تحت رحمتك حَتى سيوف تسئلني ويـن موبايلج والله فشلة فشلتني شيكولون هسة ماخذة مني

سُراج
شيكولوننننن؟؟؟ شكولونننننن نسيتي لو اذكرج
فوگ شينج گوات عينج دخذي الموبايل واسكتي

شَمس
ماريدة فهمتتت ماريد بعَد

سُراج
استغفرالله بطلي تصرفاتج الطفولية هذني شَمس

شَمس
عفت تصرفات الجبيرة الك واني بعَد ماريد موبايلي ابدددد

سُراج
وشلون تخابرينـا حتى تطلعين انة مو بحالج والله بس ع المُخابرة وحتى ايباد ما يصير بي خَط

شَمس
ماريد يطُبني ما يطُبني اول ما اكعد اسئل امير هوَ يجيبني انتظرة يم العمادة، انتَ تجيبني اخلص مُحاضراتي واطلع برة انتظرك

سُراج
ايّ ايّ وتضلين ع شارع العام واكفة مووووو

شَمس
هذا العندي يعجبك يعجبك ما يعجبك بكيفك

سُراج
شَمس لا تخليني انتقم منج اسلوبج هذا بطلي
استغفرالله

ضليت كاتفة ادية ودايرة وجهي للجامـة ومعصبة
وصلنة للجامعة السيارة مسدودة وماكوو صوت
ضليت احاول افتحها

التفتت وكتلة
افتحلي يلة

سُراج
شهل عَصبيـة عود منين وارثتها

شَمس
من ابن عمي

سُراج
هه ديلة هاجيا بس على شرطططططططط

شَمس
ماررررررررريدة لا شروطط ولاشي

سُراج
دخيل الله ع النچارة هاي
عمٌي انة اول ماشفتج كلت ما معقولة هاي فاهية هجي وطلعتي صدك من جوة لجوة دخذي اخذي ماخذة بعَد بس العبي وذيلج وشوفي وعلي اجنزج تجنز

شَمس
على فكرة شكلك مو يم حجيك ابد

سُراج
ايّ والله انة هم مرات انفر من شكلي
اكول لو الله خالقني غير هل خلقة جان صرفلي هواي
ديلة اخذي واطلعلج من الموبايل والله بكل مكان اطلعلج

اخـذت موبايلي من عندة وباوعتلة بغضب
خزرني ارتخن ملامح وجهي بخوف
وخليت ونزلت

مضن الايام بهدوء حَيل وماكوشي صـار بكُل فترة، فترة مستمرة ومُشاحناتنة اني وسُراج مستمرة وياهة، موبايلي رجعة الي وهوَ جان يشوفني وفاتح عيونة علية

اغلب الاوقات جِنت كاعدة واقـرة ع الايبـاد حَتى همة يكلولي كافي راح تموتيـن روحج

صعدت فوگ لان روآن راحت وضليت بس اني وسيوف وملوكة فوك بالغُرفة

يـوم من الايام جِنت كاعدة اقـرة فوگ وجانت اكو اصوات عـالية جوة، تقدمت واني اسمع صايح جدي وصايح سُراج وكلام بي شَمس

تقدمت اكثر ودنگت حتى ما ابين واسمع
سُراج
يُتبععع..... توقعاتكُم

________

اني اكتِب طيب بالفترات وبهاي الفتـرة ماجان لاحد احداث غير سُراج وشَمس وعلي و ايلول، امـا البارت الجاي فَ حينذكرون بي ٤/٥ شخصيات ..
+
تفاعلكُم اخوان لُطفًاا، ميكلفكم شي التصويت وتعليقاتكُم الحلوة ..