مسـاء الخير حبايبي
رجعنا وياكُم بـ بارت جديد
لا تنسـون التصويت والتعليق بين الفقرات
للكاتِبة : هُدىٰ آذار
______
شَمس
فتحت عيوني واني اشوف نفسي بالمُستشفى
والولد بعـيد عني گاعدين ويحجون
علي
يعني كتلت محمَد ومـاااات؟؟؟ ولك سُراج فهمني !!!
سُراج
مادري جاي اكلك نهيتـة تنهي الكوووا.
بكِل جرأة وصلافـة يكلي انة رايدها
وانتَ ماعليك لا تدخل
وعلي ما خلة عقل براسي ماخلة علي
علي
خرة بيك سُراج ويـننن هاي ويـن
سُراج
بالـ ...
ويـن رايح انتَ ويـن
علي
رايح اشوووووفة لا صدِك مخلص عليَ
الله يلعنك
سُراج
عسى مـآت وشني يعنـي
علي
سُراج ما جذب جدي من كـالك انتَ فقدت عقلك بموتت زَينب
وعلي ماجذب
انفتحَت الباب خلة وراح علي
واني اسمع وصافنة ودموعي تنزل
يعني معقولة يكتلة ؟
يعني يكتلة هيج بـدّم بـارد !!!
كام صـار كدامي
باوعلي بنظرات ما تتفسر
بس نظرات مابيهن نَدم ابددد
غمضت عيوني ودرت وجهي للجهة الثانيـة
شَمس
ماريد اشوفك كدامي ابـد اطلع عني
ماحجة شَي خلة وطلع
فتحت عيـوني وكمت ابجي بحرگة
خـاااايفة عليّ ياربي خاف صدُك كاتلة !!!
الله يلعنـة صدُك الله يلعنـة
شنوووو من بَشر هذا شنووو
ماكدرت اضم دموعي
كمت من مكاني اتكئت على حافـة الجرباية وضليت ابجي بقوة
يـاربي والله هذا اخاف منة
نوب كال لعلي شنو موقفي راح يكـون
شويـة واندكت الباب
جنت لابسة كب والشـال هيج مشمور يمي لبستة وكلت ادخُل
طب دكـتور مُقيم الي وممرضتيـن وسُراج وياهُم
الدكتور
السـلام عليكم، شلونها الصِحة ان شاء الله بخير
شَمس
الحمدلله دكتور بخير
الدكتور
يلـة نـامي عزيزتي خلي افحصج
نمت بفراشي واجـة سُراج من الجهة الثانيٰة
عَدلي حِجابي من جهة رگبتي
والدكتور حَط السماعة على جهة كلبي
الدكتور
لا الحمدلله نبضات قلبها زينة
سُراج
مُستقرة دكتور؟
الدكتور
ايّ بلي منتظمة تمامًا
شَمس
دكتور هوَ شنو صارلي
الدكتور
هـذي نوبة هَلع قويـة احنة نسميها panic attack انتِ بعد صيدلانية كون تعرفين، فَ توصل لمرحلة اختناق و ألم بالقلب وتؤدي لفقدان الوعي، السبب مالتهـا تراكُم حُزن و هموم لفترة طويلة لدرجة اثرت عليج نفسيًا
اني حِجالي سُراج عليج الله يرحمة للوالـد بَس الحزن مايفيد شي يضرج ما ينفعج، ولا سامح الله تراكمة الزايد يؤدي لشي موزين ابد، وانتِ مامضطرة تعيشين حياتج تعانين من مَرض بقلبج اسم الله عليج
فَ اتمنى تهتمين بدراستج اكثر وتترحمين على الوالد، تقرين قرآن ع ثواب ع صدقة افضل بهـواي
هَزيت راسي بالايجاب الـة ماعرفت شنو احجي
الدكتور
زَين هسة انتِ خوماعندج تشنُج بعضلة القلب كذا تنفسي شوفي وضعج تمام؟
تنفست اكو الم بَسيط هيج شلون النغزة والـضغط على گلبي
شَمس
اي دكتور اكو ألم هيَج نفس الضغُط
الدكتور
ديري بالج ترة اذا النوبات مُتكررة نحولج لـ علاج مستمر وياج طول عمرج، هسَة جيبولنة ابرة مهدئة الـ Lorazepam
من كـال أُبرة ترددت
اخـاف حَيل من الابر
وعندي فوبيـا منها
باوعت للابرة وكلتلي المُمرضة
بلا زَحمة ارفعي ردان ايدج
باوعتلهـا بخوف
الدكتور
هـا تخافين من الابـرة؟
شَمس
ااي عِندي فوبيا منهة ماكدر اشوفها
الدكتور
ههههه انتِ صيدلانية ترة شغلج بهيج سوالف هم تحتاجين
شَمس
دكتور شعلية بهسوالف اني صيدلانية
الدكتور
المُهم اسمج دكتورة فد يوم وصاتت عندج حـالة مستعجلة ويكلولج شدي كانولا مثلاً او اضربي ابرة تكوليلهم ماتعرفين
سُراج
طبعًا كون كِل شي نتعلم احنة برة اختصاصنة وداخلة دامنا بالڤيلد الصحي
يلة شَمس ديري وجهج لعِندي خلي المُمرضة تشوف شغلهة
الدكتور
لا اني اضربلهيا ما يحتاج ايدي خَفيفة لتخافـين
بس طلعيلي ايـدج
شَمس
دكتور مايصيـر ماضربها والله ماريد
الدكتور
لا لازم تضُربيهـا
سُراج
دكتور انتَ عندك شغُل انطينياهة انة اضربلهيا مايرادلها هيَ سباعية
اخـذ الابرة من الدكتور بـِدون ما يحجي دكتور شي، حَسيت دكتور لاحظ شي بسُراج، هوَ جان اساسًا موطبيعي شلون هيج يسوي وياخذهة منـة والله حَتى عيب
الدكتور
يلة براحتكُم خل تنضرب الابرة وتبقى تحت المُراقبة ساعة اذا ماكو شي ان شاء الله تكدر تُطلع
سُراج
شُكرًا دكتور زحمناك احنة
الدكتور
لا بالعكِس تدللون
طـلع الدكتور والمُمرضات سَد الباب سُراج واجانـي
اباوع للابرة وخايـفة
سُراج
يلة شَمس خلي اضربج الابـرة بسرعة
باوعتلة وكتلة بـخوف
شَمس
والله اخـاف
سحب الكُرسي وكَعد كدامي وگال بهدوء
سُراج
يكولون ايـدي خَفيفة جربيهـا وشوفيها
شَمس
بس والله اخاف
ماردت اخذ وانطي ويـا اكثر درت وجهي وكتلة
يلـة اضربني
سُراج
لا ديري وجهج باوعي حَتى تتعلميـن
شَمس
ماريد بس اضربني خل نطلع ماريد اضل هنـا
حَسيت بي من حطهـا ب ايدي ومن دفع العلاج بي بصورة حَيل سطحية، جنت مغمضة وخايفة ولازمة ب ايدي شرشف الـ جرباية حيللل بـ ايدي
ماحسيت الا عَ صوتة وهوَ يكلي
سُراج
يلة كملنـا خَل نطلع
فتحت عيوني مَصدومة شِبسرعة كمـل عَزة
سَويت روحي مـا مصدومة وكمت من مكاني، الدنيـا العصرية تقريبًا مَدري شكد ضالـة هنانـة
عدلت شـالي وهوَ موجود وعينة على موبايلة
شَمس
بيبي ليش ماجت؟
سُراج
جانوا هنـانة بس تعبوا وراحوا كتلهُم اذا ضلت لليل يجـون
ماحجيت شَي، جنت لابسة جُبة مدري منو ملبسنياهة كتلة كملت باوعلي وانطاني عباية جانت موجودة صَفح
سُراج
البسيها، خوما تردين طابة بعباية وتطلعين بـدونها
شَمس
هاي جبتني بيها
سُراج
ايّ طبعًا
شَمس
ههههه جبة فوك الدشداشة وعباية
ايّ ادري شنوو بعد تلبسني بوشية
ضحك ب استهزاء
سُراج
تدرين شنـو ؟ يرادلج بوشية والله
ماشاء الله جنج امي صالحة
والله عاد مادري هذا مَدح لو شنـو
سكتت ماحجيت شي
ضليت دايرة وجهي وساكتة
سُراج
شنو نخلصها صَفنات يلة خل نطلع
شَمس
ماريد البس العباية مختنگة بما فيه ترة
سُراج
ميخالف هاي وينها السيارة نركب ونزعيهـا
شَمس
ااااااه استغفرالله اطيني
اخذتهـا من عنده بتملمُل
سُراج
ما تبطلين سوالفـج ابَد
لبستها وطلعت كدامـة طلع وراي صار ع نفس مستواي ويمشي
كُل ساع واحد موگفنة شكِل يسلم عليّ
سوة اوراق تسجيل الخروج ع مسؤوليتة كال اني موجود هناك واشوفها وخلينـا وطلعنا
ركبنـا بسيارتة خابر جدو كالة احنة جايين
حَطيت راسي ع الكشِن دوخة ونُعاسوماحس بنفسي إلا واني غافيـة
كعدت عَ صوتة وهوَ يهز بجتفي فزيت برهبة
باوعتلة بانزعاج ونفرت روحي بسرعة منة
شَمس
لا تلمسني مرة ثانية
باوعت احنة بالبيت واميـر فاتحلنة الباب
خَليت ونزلت وهوَ نزل وراي يعربِد على كولة بيبي
سُراج
ميت عليج انة لو صارلي ساعة اكعدج وماتكعدين
تجاهلتـة وطبيت لجوة
اميـر
حَتى هسة البنية مافكت منك الله اكبر عليك سُراج
سُراج
ولك تغثني تغثني بعمري وبحياتي ما بشر غاثني بهل طَريقة هـاي
اول ماطبيت للصـالة كامولي بيبي وجدو يتعاركون على حضنتي الاولى ابتسمت ع منظرهم وحضنتهُم ثنيننهُم سوى
طَب سُراج وهوَ يحجي
سُراج
والله عمي زَين شدعوة ماتكلولي شدعوة
جبُر
انجب انتَ ولك المسودن هاي بت عمك تسووواك وتسوة راسك
سُراج
انة سامع بتفرقة بين البنات والولد
بس عمري ماشفت يفضلون بنية ع الولد
سجاد
الحمدلله ع سلامتج ضلعي
شَمس
الله يسلمك سجاد
سجـاد
جا شني سلمتيها شووو بعد اخوج
ضحكت ع كلامة وكتلة
شَمس
والله مادري كُلشي مادري لا تسئلوني
تحمدولي كُلهم عَ سلامة وكعدت يم بيبي وجدو
كعدوا يحجون علية ويكلولي بعَد ماكو زعل ولا قهر ولا مدري شنو
وقرروا بعَد ما اصعَد فوگ ابد واضل انام يمهم
ضليت نايمة ع صدر بيبي و ايدي بـ ايد جدو وكُلهم كاعدين
صبولي اكل وكعَدت بيبي توكلني بـ ايدها
شَمس
بيبي والله بعد ماكدر انفجرت
صالحة
اي يُمة اي اريدج تنتخمين انة اكلي شكد مابيج هل ضالة لحمة مابيج
شَمس
يااا بيبي اني لحمة مابية دشوفيني راح اطُك وزني بال٦٠
صالحة
ايّ يمة بعَد بعَد ميخـالف يبعد امج
سـيوف
والله عمي زين جا انة ما تسويلي هجي لو بس شمس عِزيزة كلبج
صالحة
يـااااا ام حلگ الفاهي اللگمة التنحط حلگج توگع من فهاوتج على حورج هاي شميسة بنت الغالي ولج
سـيوف بزعل
ياااا يُمة والله ترة ازعل صدِك شنو
ضحكت عَ منظر سيوف مبرطمة وكاعدة تحجي صدُك
باوعت لسجـاد حتى اباوعلة شلون يباوعلها
يباوعلها والضحكة شاكة حلكة
وعيونـة كلهن حُب تِجاهة
باوعلي وغمزلي ضحكت عرفتة راح يبدي يستفزهـا
عيني طاحت عَ سُراج بالغلط
يباوع علية وعليّ ويخزر
ايع هـذا شبي المُعقد
بس لا حسبالة شو شبينة اني وسَجاد
وارد كُل شي عقلة عقيممممم
سجـاد
هيَ هـاي مال حُب بيبي حبي شَمس عاد تسوة حلوة وتشبهج
مو هـاي
ضحگت بصوت عـالي وباوعت لـسيوف الي تخصرتلة و وكفت كدامة
سيـوف
انة هم اشبه يمة صالحة، عيوني هم صفر لو شني وحد انة
سجاد
من تجيب عيون من سوگ جُمعة
شَمس
لااااااااااا ترة ماقبل، طايحتلك سـيوف تجننن اصلاً هنيـال الياخذهة
سـيوف
ايّ والله صدِك هنيـال الياخذني خوما هذا
سجاد
شبي هذا مو اكوملج يرجال البيَت
سـيوف
من قلة الخيول شدوا عالچلاب سروچ
سجـاد
مو اكوووووووووووووممممم
صالحة
يـاااا يـااااا ولج سيوف شمالج لسانج فالت شفتج وشفتيني وانتِ تتهطريـن
سجاد
عود هم صايرة تعرف تحجي الفاهية
سيـوف بزعل
اهووو هسة ستوني تعلمتهـا من زَعيم خلوني افرح بيها بدون ماضحكون علية
وانتَ على حورك هَسة
صَفية
عزة بعينـج سيوف ولج ابني كل نسوان السلف يفترن ورا وانتِ تكولين على حورة
سـيوف
جا خلصينا منة واخذيلة وحدة من ذني البنات بلكت يجوز منة
سجـاد
هااااا خوب انتِ حجيتيهااااااا
جبُر
تشاقة انجب ولك
سجاد
لالا شيخ اصبري هَسة اخلي امي تخطبلي وحدة ومنننننن صبح وعلى شرط ورة نـص ساعة تجي الموافقة
صَفية
لا يمة شدعوة بنفس الگعدة الله وكيلك
جبُر
المشيـة اسويلكياهة اكبر مشية
شَمس
واني وياك اروح
صالحة
والذهبات علية
سجاد
كلنة تجذبون بس مو هل ثخن يُمة ههههههههههههههههههه
انتوا تنطوني فلوس لا بالله اذا هسة جدي من هسة ياخذ ٢٥ مني
تكلك عايز هوَ
بس راتبك التقاعد بي عرسين الية
جبُر
انجب ولك عينك اعلى راتبي
وانت لو مثل اخوتك تلم اكول احجي
بحالك انة لو حضرتك تستلم الفلوس منا تصرفهن ع الماكو منا
سجاد
جا شيكفيني ال ٥ الاف هوَ يوميتي ٣٠ الف هذا زَعيم ميبسها وياي قحط تكلك
اربع محلات عندة
زَعيم
اشتغل اعلى نفسك وصير احسن مني مو نفسي
مو انتَ مگضيها عزايم وطلعات وصرف ع الولد وتريد يصير براسك حظ
من گال زَعيم هيچ سيوف ضحكت وباوعت لسجاد بـ شماتة
سجاد
مو اكوملج ولج القزمة طولج كد فراش علاوي
زَعيم
عوف اختي لا اكوملك ولك
سجاد
اذا ما اضربكم بوري انتَ واختك واخذلي وحدة تشگ الحلگ شگ ماسمة سجـاد
زَعيم
وعلي من الصبح انطيها لاغاتك واحرگ گلبك
ابتسمت سيـوف بمكُر وراحت كعدت يم زَعيم
سجاد ملامحة كلهن تغيرن
سجاد
لا زَعيم كافي بدون شقـة ماصخ
سيوف
جا بس انتَ تكول ازوج
سجاد
انجبي سيوف انجبي بـدون مصاخة اذا متعرفين تثمنين الكلام سدي حلكج واسكتي
زَعيم
انجب انتَ لا تغلط اعلى اختي لا اكوملك ولك
جبُر
انجبوا كلكم اسكتوا وين احتراماتكم للجاعد ولكم
سجـاد
ديلة جَدي هو انتَ تكول انجبوا وتحجي بالاحترام
جبُر
ولكم نچر نچر مو اكوملك ولك انعنعك تنعنع
سوة حركة بوجهة استهزائية بدون مايبين للشيخ
متنة ضحك عليها كُلنا
شويـة وتعشينا اني دخت رحت بغرفة بيبي وجدو
بـالي يم محمَد مادري شصار بي
ولا اعرف اسئل منو واسوي شنو
ضَليت اندعي يكون مابي شي
واخذني الـتعب ونمت
ماكعدت غير ثاني يوم
سُراج بالدوام
صعَدت بسرررعة لغرفتة بدون محَد يحِس
البيبان ثنينهة مفتوحات
دورت عَ الموبايل مالتي
شويـة ولكيتة بالجرارات
كَيفت وفتحتة بسـرعة
ماسح مُحادثتنـا كُلها وحاظر محمَد
رحت للجهات المحظورة وخرت الحَظر وكعدت اشوف
اخر ظهور منذ ١١د
الحَمدلله اذًا مابي شي
طلع الي مُتصل اجت بـ بالي فكرة اكتبلة
خفت بنفس الوقت سُراج بالدوام ومُستحيل يجي
ردت اتاكد هوَ او لا
شَمس
محمَد ؟
محمَد
شَمس ؟؟؟
شَمس
محمَد بعد لا تحاول علمودي ابد انتَ رجـال مزوج وعن قريب الله راح يرزقك طفل ثاني اهتم بنفسك وب اولادك وانساني الله يخليك
محمَد
شَمس شسوالج هل كلب بس كليلي
شَمس
ما سوالي شي بس خاف ع حياتك محمَد
احنة منتراهم خلاص انسى شي اسمة شَمس بعَد ..
محمَد
شَمس صدِك سُراج يريد يزوجج؟؟
من گالي هيج صُفنت هذا شيحجي
شَمس
ماكوهيج شي منيلك هل حجي
محمَد
هوَ كال والله يا شَمس اذا صار هيج شي اكتلة والله اكتلة
شَمس
بطل هاي سوالف احنة مابينة شي بس اني ماريد احد ابد راح احظرك محمَد باي
كعد يكتب صار عندي فضول اشوفة شيكتب بنفس الوقت خفت
شوية ودز
محمَد
انتِ الي مو لغيري ومهمَا عاند وياي الوكت والقدر راح اخذج مستعد اكتل علمودج صدكيني، احبج شمسي ديربالج ع روحج
رغم استحالة علاقتنا عدي أمل كوني بخير
من گالي هيج حَسيت اكو غصة صارت داخلي عيوني دمعن وكتبتلة
شَمس
ياريتك ماسويت هيج يمحمَد ياريتك ما خنتني بهالطريقة جان كُل الي صار مجان صار
محمَد
انجبرت، احنة مو اول ثنين ولا اخر ثنين تصير عندهُم ظروف هلكد قوية صدكيني راح اتحدى العالم كِلة بيج كِلة ياشمس
شَمس
فآت الاوان .
محمَد
ما فات الاوان صدكيني
شَمس
لازم اروح محمَد ساحب موبايلي باي
كتلة هيج وحظرتة ومسحت المُحادثة، رجعت الموبايل للجرار وبدلت ونزلت بسرعـة
ضليت افكر بكلام محمَد واكول
معقولـة من بعد كُل هل عقبات نلتم سوى؟
اني فعلاً احب محمَد موبس حُب عُشق
بـس كُل الي صار دمرني وخلاني ماعندي قابلية لاستيعاب المواضيع رُغم نفرها بداخلي تارةً وصراخها بالحُب بتارة ثانية
مضت شكم يوم واني جنت متجاهلة سُراج نهائيًا
وهوَ نفس الحـالة
جنـة كاعدين كُل احنة عَ سفرة الاكِل واميـر كلي
امير
عيني شَمس اجازتج خُلصت وفاتنج هواي مُحاضرات من باجِر تبلشين تداومين بس المُشكلة انة هل ايام مُحاضراتي اغلبهن ثانية مو اولى حَتى اروح من وكت
سُراج
انة اخذهة اعلى طَريقي هيَ
امير
خاف ما تتراهمون نوبّ
سُراج
شنو سالفة امير زعطوط يمك
امير
والله ياخوية انتم صايرين ما شاء الله ازيد من جَهال
جبُر
لا أبني عمها ياخذهـا ماعدهم شَي هُمة اخيوة
سكتنـا ثنينة شوية وكمت صعدت احضر ملابسي حضرتهـن وضليت اسولف وي البنات، تعودت انام جوة احس احسلي يمة بيبي وجدو ياخذني الواهس اسولف وياهم حدما انـام
جنت دانزل لاكاني سُراج وهوَ بيدة كارتونة مال ايباد
تجاهلتة وردت اكمل طريقي عبرتة صاحَني
يريدني ارجعلة حَضرتة
سُراج
تعـاي شَمس
شَمس
تفضل شتريد
سُراج
وانتِ دايرة وجهج مثلاً خليلج احترامات شوي عاد
درت وجهي وحجيت بتملمُل واني اقلب عيوني
شَمس
شتريد
سُراج
عآين الغرور يا الله
استغفرالله تعـاي اسمعيني زَين
تعاي وراي
شَمس
ترة مالي خُلكك سُراج احجـي عاد
سُراج بانزعاج ونبرة عاليـة
شَمس احجي وياي عَدل ترة مالي خِلك نبرة هجي تعاي ويـاي كلت
راح لغُرفتة رحت ويـا ضليت واكفة ب باب الصالة ماطبيَت
جـاب الموبايل والايباد واجاني
سُراج
هـذا ايباد جبتلجيا تكعدين تقرين بي اريد ٢٤ ساعة اشوفج تقرين ممنوع منعًا باتًا ايّ تطبيق تنزلي بي
وهذا موبايلج راح احطة يمج بس بدون أمآن
اول شي رقمج ذاك حركتة
هذا رقم ثاني سويتلج تلكرام بي
ممنوع تدخلين للكروبات
بس للقنوات تاخذين المـلازم وبس
وان لمحتج لاعبة بذيلج يَ شمس
شوفي شَمس قسمًا بالله قسمّا بالله السالفة توصل لجدي
وماتوصل هجي بحذافيرها
وبساعتها عود تونسي وي سالفة انتِ
وهـا الساعة بـ ١٠ ينسحب منج الموبايل
عود لـ صُبح انطيجيا
نبرتـة تلعب النَفس نبرة تهديدد وتحذير
اخذت الموبايل منـة وردت اروح بدون كلام
سُراج
اخذي الايباد هَم
انة ماجان رجعتلجيا بس تحتاجين تخابرينـا
شَمس
ماريدة شُكرًا ممحتاجة
سُراج
شَمس مالي خلك احرمص اخذي وانزلي يـلا
جنت شايلة الملابس وموبايلي ب ايدي حط الكارتونة ع الملابس
باوعتلة بغيض باوعلي بـ شكوو وخزرة
سويتلة ملامح مزعوجة بوجهي وخليت ونزلت
طَبيت لغرفة بيبي وجدو لان جانوا بغرفتهم
شافوا الايبـاد كتلهم سُراج جابليـا ضلوا
يمدحون بي ويا سُراج ويا سُراج
ولا تعاندي ولا تراددي
فتحت الايبـاد منزلي تطبيق مال دراسة بي
فتحت الموبايل كُل شي مغير بي ما مخلي شي على مكانـة
ومطلعني من كُل الكروبات بس القنوات ضالة بيهن
والارقـام بس ارقامهم عايفهة
ماعندي رقم محمَد ولا اعرف شي عنة لان رقم جديد وداخلة بقنوات مو كروبات، شكد ذَكي هذا ياربي
شفت يوتيوب شويـة وخَليت ونمت
كعدت اليوم الثاني بدلت وطلعت رحنـة سوية للدوام واستلمني بسـيارة
صوتة سطرني سطرررررر
يرعد رعد بس تحذيرات وديربالج ما ديربالج
تجاهلتة وحرف ماحجيت
سُراج
فهمتي؟
شَمس
اسفة ما سمعت
من گتلة هيج باوعلي بغض وضرب الستيرن بقوووة
سُراج
شَمس راح تجلطينييييي والله ترة
سكتت عنة ورحِت للدوام
شفت محمَد من بعيـد ضل يباوعلي
خابرت امير حتى اعرفة يمتى يجيني اتفقنا ع الموعد وصار الوكت ورجعنـا للبيت
من العَصر من راد يروح للصيدلية اخذ الموبايل وطلع
نرفزنننني حَيل كتلة
شَمس
انتَ مو كتلي لليل يلة؟؟
سُراج
ماريد غيرت الفكرة عندج ايبادج اكعدي اقري يلة
نرفزني حَيلللل ضليت بس اغلط عليّ بكلبي
صدك حيواااان وتعاملة مو تعامل بَشر
سويت جدول لتراكُماتي وكعدت اقرة
جنت لازم اكمل ٤ ملازم اليوم
صاحوني عَ العشـا كتلهم جاي اقرة رجعوا صاحوني
رحت طلعت يمهُم وايبادي بحضني واكل واقرة
اني بية طبع اذا اقرة افصل عن دنيا كُلها ولازم افتر واقرة
رحعت طبيت للغرفة اقرة شوية وانفتح الباب رفعت راسي شفت سُراج
جنت فاتحة شعـري لان اني بية حالة اذا ما افتح شعري احس راسي مايستقبل ايّ معلومة و افتر ولازمة الايباد
اول ماشفتة نزيت وبسرعة صرت ورة الباب
ياربي شيحسسسسس ميدگ الباب بس لا يريد يعرف داقرة لولا
شويـة وهدأ الجو واجة جدو وليبي حتى ينامون واني وراي سهَرة
الصالـة فرغت رحت بيها اقرة وافتر
شوية واجـة سُراج
سُراج
شجاي تقرين؟؟
شَمس
كيميا
سُراج
حلووو تعـاي جيبيها وتعاي
شَمس
ماريد اني اقرة
سُراج
بووووووية شكد تعاند دتعـاااي
شَمس
هسة انتَ شمعرفك بصيدلة ترة انتَ تخدير
سُراج
بوية ترة انة متخرج من جامعة الكوفة وصارلي متخرج بال ٤ سنوات ومشتغل بثنين مستشفيات انتظرج مثلاً تعلميني هاي من هاي دتعاي تعاي
اخذ الايبـاد مني كعدت بصفة بس خَليت مسافة بينـة
ضل صافن ع الصفحة شويـة
سُراج
سهلة تعـاي
بَدة يشرحلي الكلام شي شي طريقة دراستة جانت حَيل حلوة وسهلة بحيث خلاني افتهم الصفحة كلهة ب خمس دقايق ورجعلي عليها ك حفُظ ب خمس دقايق ثانية
كمل الملزمة كُلها بـنص ساعة واني اضل بالصفحة بال ٤٠ دقيقة واكثر
سُراج
ها فهمتي
شَمس
ايّ فهمت
سُراج
هسة اذا كتلج منوو ..... واذا كتلج منو ....
شنو راح يكون جوابج
جاوبتة عَ حسب فهمي كلي عَفية
اخذت ايبادي وكمت بدون ماشكرة
ماودي اشكرة لهل خَبيث
سُراج
هاي الفرة تدوخج اكعدي واقري
شَمس
ماعرف متعلمة
سكت ضل شوية كاعد على موبايلة راجعتها بسرعة حَسيت نفسي مُتمكنة بيها
سُراج
دامني كاعد عندج بعد ملازم ؟
شَمس
لا اني حقرا هاي الملزمة وانام
سُراج
تعاي جيبيها وتعاي اذا ضلين عليج تضلين بيها شكد
ترة دراسة مو بس ارهاق حطي بالج وركزي تفهميها بسرعة
شَمس
ترة درجاتي كُلهن فول مارك يعني اعرف شلون اقرة
سُراج
ايَ بس تصرفين جهد اكثر عليمن ماتكليلي خـو اقري بتركيز وبوقت اقل
بـدة يشرحلي والملزمة جانت طويلة ع اخُر صفحة نمت ماتحملت لان تعبانة حَيل كعدني كلي كومي للغرفة نامي كتلة لا اكمل كلي لا نامي وباجر تعوضين
اصريت انُ اكمل لان مسوية جدول ماحب يتخربط
ردت اروح ماقبل
كعد يشرحلي هوَ وعلمني بنمط الاسئلة شلون يجي
كملنة الملزمة بـ ١ ثنينة جنة نعسانين بس اني جنت ميتة من النعاس
قَبل لا اروح اتشكرتة مدري شلون طلعت وياي ورحت نمت
بـدة الدوام يستمر وجنت يومية بين امير وبين سُراج ياخذوني
بس غالبًا بالروحة سُراج
وبالطلعة امير
واستمرينـا هيج
الموبايل سُراج بال ٤ قبل لا يروح للشغُل ياخذة مني يرجعة الي ثاني يوم والايباد مابي ايَ برنامج مُجرد ملازمي انقلهن من الموبايل للايباد وهاهي
اما محمَد ف جان بس يباوعلي بدوام واني متجاهلة نظراتة
وضل سُراج دائمًا يشرحلي ايّ شي اريدة
جان عندي امتحـان واستصعت ويـاي ملزمة وسُراج فوگ بغرفتة بيبي كلتلي روحي صعدي وسئلي، استحيت بس اني ماكوشي يوكفني اذا الموضوع دراستي
جنت متوترة دكيت الباب سمعت صوتـة وهوَ يكول تعال
طَبيت للصالة نوب لغرفتة
شفتـة واكف كدام الكنتور وبيدة قميصة ولابس بٌس بنطرون
باوعت لجسمـة مقَسم ومرتب بطريقة تجنن
كلبي كام يدُگ عَ السريع، التفتت عَ السريع واني اشوفة شلون يباوعلي بـ ارتباك وخجل
طلعت بسرعة من الغرفة لاكاني علي وهوَ طاب للغرفة
اكيدددد جان منتظرة اكيددددد
يُمة نوب علي الله ليحطط واحد بلسان علي ياكلة ويشربة
استحيتت حَيل وخليت ونزلت
سئلتني بيبتي شرحلجيا كتلها ايّ بس اني ميتة خَجل
شوية ونزلوا ثنينهُم
باوعلي سُراج وكال
سُراج
شنو شَمس عندج سؤال
صالحة
ايّ يمة ماتجي تقريهيا هاي مدري شني ماجاي تعرفلها
سُراج
هسة الساعة ب ٩ يمتى تنامين بعَد كون ب ١١ انتِ نايمة وراج امتحان
شَمس
هيَ بس هاي عندي ماعندي شي ثاني
سُراج
يلة خوش جا احنة طالعين ساعة ونرجع اقريجياهة
شَمس
ساعة؟
سُراج
ايّ ميرادلها شي سهلة مادتكُم نص ساعة فهم ونُص ساعة حُفظ
راجعي الي قاريتة هَسة
يلا ابو حَسين
طلعوا سوة واني مامقتنعة شلون راح يقرينياهة بساعة
راجعـت وضليت منتظرتة عمّا يجي
بال ١٠ وربُع تقريبًا اجـة عاط بي جدو
جبُر
ولك مو تدري بالبت عدها امتحان والله مواعيدك مواعيد
سُراج
والله جَدي يادوب خلصت واجيت هيَ سهلة هسة اقريهيا
شَمس
شتقرينياهة ٢٥ صفحة ترة
سُراج
ههههههههههههههه بالثانية تصيرين تقرين ٤٠ اقل شي وانتِ الممنونة جيبي جيبي
كَعد يشرحلياهة بهدوء وتركيز صدُك لمن كال بـ نص ساعة كملياهة سكبلي نص المادة كلي مومهم ومايجن ذني
ضليت خايفة واكلة شلون خاف يجن
سُراج
بووووية والعباس مايجن اذا اجن حشميني مايجن هجي اشياء ماتجي يعني انتِ بشرفج يعوفلج ذني ويجيب ذني
ماقتنعت بكلامة وكمت قريتهن كلهن، لحد ال ١ يلة كملت واني مَيتة تعب
نزل سُراج وهوَ يكلي
سُراج
قريتي كلة؟
هَزيت راسي بـ ايّ
سُراج
شكد تعاندين رحمة لربج
اذا اجن شتردين اطيج
شَمس
يجن ماعليك
سُراج
نشوف
رحت نمت واليوم الثاني رحَنة للجامعة، خابرت امير كلي اني طلعت جانت ايلول متخربطة وبالمُستشفى كلي خابرتلج سُراج راح يجيج
ضليت واكفة بـرة انتظر سُراج شوية وشفت محمَد وراي
هذا شيسوي هنانة صدك يحجي !!!
ضل واكف على مسافة بعيدة من يمي بشوية توترت هواي وضليت ادك ع سُراج شوية واجـة
احنة ع شارع عام وميصير يوكفون سياراتهُم كدام الجامعة لازم ع سايد الثاني نزل سُراج حَتى يعبرني، تقدمت ب أمل مايشوف محمَد
نزع نظارتة وعيونة راسًا توجهن على محمَد خززرررة حَيل واجاني
سُراج
هذا الساقط شيسوي هنا؟؟؟؟
شَمس
والله مادري
سُراج
ماضليتي جوة علما اخابرج
شَمس
مايصير نضل يم المُفتشات
سُراج
جان ضليتي بجامعة ومن اخابرج تجين شجاج واكفة بشارع كدام امة لا اله الا الله
دار وجهة باوعنة محمَد يباوع لاتجاهنـا
سُراج
هسة من اروح وافلش وجهة مرة ثانية من جلب ابن جلب يجيني ويكلي ليش ؟؟
من شفتة معصُب هلكد خفتتت
لا حباب سُراج خل نروح والله دخت
باوعلي بخوف
سُراج
شبيج ؟؟؟ هاي من شموسس!
شَمس
ايّ اظن حباب خل نروح
حط ايدة على ظهري ومشينـا للسيارة بسرعة
سُراج
مَرة ثانيـة من يصير هجي شي لتضلين واكفة برة
هزيت براسي بالايجاب باوعت لمحمَد بنظرة اخيرة قبل لا يصعد الجامعة
باوعلي باشارة اني اعلمة وسُراج حرك
رُبطت من گال اكتلة اذا طلع كلامة صح
يُمة ياربي شيخلص هاي الطلابة
وداني للبيت وضل يسئلني كُل شوي خاف دايخة لو بيـة شي
رحت نمت و وقتت الايباد بـ ٤
كَعدت لكيت سُراج يريد يطلع
سُراج
شلون صرتي ؟
هزيت راسي ب ايّ
سُراج
اصعدي فوگ لغرفتي بصيدلية اخذيلج بندول من بعَد ماتاكلين
هزيت راسي ب ايّ
وكلت بگلبي
هذا شبي يريد يموت وضعـة موطبيعي اليوم
كعدت يمهُم بالصالـة اقرة اني متعودة اقرة حَتى لو هوسة، والولد كاعدين يحجون وي جَدو شوية وخابروا علي
علي
الو اهلاً وسهلاً
اي تفضلوا
شنووووووووووو
نزينة كل احنة وي نزتة وكومتـة
اشر للولد بسرعة وهوَ يكول سُراج بصوت ناصي ويحجي بالموبايل ايّ ايّ جـاااااي
يُتبععععع.......
_____
سَبب
فزيت على صـوت روآن وهيَ تكعدني بصورة سريعة
فتحت عيوني بصعوبة
سَبب
هـا روآن شكو؟
روآن
بسررررررعة الحكي روحييي لغرفة زَعيم سَبب
فزيت مرعوبة وكمت بسرعة من فراشي
سَبب
شجاي تحجين ولـج شكوووو
روآن
ولججج دكووووومي بسرعة
كمت بسرعة من مكاني ما مستوعبة الصدمة اروح منا وارجع منـا تالي روآن شمرت الشال علية
روآن
بالغلط كتلها اخر غرفة هيَ غرفة زعيم وهيَ تحجي وياي وتستدرجني، سويت روحي نايمة انتظرتني انام وصعدت، صعدت وراها على كيفي شفتـها تصعد لغرفة زَعيم وطبت بسرعة تعاي انتِ شوفيها خاف شو شتسوي يمعووووودة
من كالتلي هجي احس كلبي انمرد وخفت حَيل، طلعنـا بسرعة من الغرفة ورحنة لغرفة زَعيم
روآن
اششش لا تحجين ولا تطلعيـن صوت
فتحت الباب علكيف شفنـة الباب مقفول
انرعبت وباوعتلها بخوف
سَبب
يمة روآن شجاااااي تسوي
روآن
راح ادك الباب حَيلل بسرعة مرة وحدة
سَبب
يلة ثنينة سوى
دگينة الباب بسرررعة قويـة بصورة متواصلة
سمعت صَيحة زَعيم
وصوتة
زَعيم
هـااااااااااااي شجاي تسووووين
وخرنة من الباب وكمت اصيح
سَبب
زَعيم افتححح الباببببب
طلع علي وسُراج وامير بنفس الوقت مسرعين من غرفهُم
تقدموا صوبنـا وهمة يصيحون شكوووو شكوووو
زَعيم
يـااااااا بنتتت الخـرررررة
سمعنـا صيحتة هـاي وفتح باب الغُرفـة بسرررعة
لابس بس فانيلـة و شورت ودشداشتة بيـدة
لِبسهـا ويشتم ويسب ونفس المصدوممم
زَعيم
هسة تطلعين ارجعج للحثالة الي جنتِ بيهـا يا حثالة يااااا ما تستحين
أمير
ولكككك اسكتتت شبيـك اسكتتت
زَعيم
خل تطلع خل تطلععع
سحبـوا الولد يردون يشوفوا وطبينـة اني وروآن بسرعة الها
كاعدة ع الجرباية وتبجي بخـوف
اول ماشافتنة كامت
هاجَر
ااااا اريدددد اروح ماريد اضل هنانة ماريددددد
سَبب
انتِ صدِك تحجيننن صدِك انتِ ماتستحين وماعندج ذررررة اخلاققق
روآن
يعني شتحسين وانتِ طابتلة بالليل شتردين منـة ماعندج كررررامة مو كتلج زَعيم يحب سَبب وكتلج يجي مُصطفى ويعقد عليج شبيج انتِ شبيج
هاجَر
هاااا ليشش تجذبين؟؟؟
انتِ الدليتيني على غُرفتة وكلتيلي روحي اصعدي يمـة والله إلا اكلهم انتِ العبتي بعقلي اني ماعليـة
باوعت لروآن بتعجُب روآن انثاررررررت وشهگت
روآن
لا ياطايحة الحظ يا سااااااقطة ليششش تذبيهة بيـة ليش
هاجَر
والله اني مالي عِلاقة هَسة اطلع واكلهم عليج
طلعت بسرعة من الغرفـة وانة وروآن ميتين من العَصبية
بكِل جرأة وگفت گدامهم وهيَ تبجي وتصيح
هاجَر
هـاي روآن هيَ الكالتلي سووووي هجي والله اني مادخلني والله صدكوني
روآن
الله يشيلج يا حَقيررررررة، علي والله العَظيمم مو انة اصلاً جنة نايمين وسوت روحهـا نايمة وانة سويت روحي نايمة وشفتها كامت صعدت ومن صعدت اجيت وراهة كعدت سَبب وكعدت
هاجَر
وشمدريني بغرفة زَعيم اني حَتى ما اندلها هيَ الكالتلي والله
روآن
ليششش تجذبين انتِ كتيلي ماشايفة الفوگ وگعدتي تكليلي اشرحيلي شلـون يكون ترتيب وكعدت اكِلج انة
ديروبالكم تصدكوهة سَبب كِلش زين تدريبيني شجـاي احجي
اعاين لروآن تحجي بحرگة وعَصبية
سَبب
ترة صدِك روآن مستحيللل تسوي هجي شَي لا تظلموهـا
وانتِ بطلي جذبببب متستحيننن فوگ ماطابة لغرفتة بنص الليل
انتِ شنوووو من بَشرررر
زَعيم
كااافي سَبب لا تحجين وياهة هسة تنزل وجدي يتفاهم وياهة
علي
هيَي تحتررررررمين نفسج وطاري اختي ما تحطينة اعلى لسانج لا والكِفّل زيـنب هَسة اراويج وجهي الثاني انتِ مابيج حظ وساقطة هيَ هاي سواية تسويها بت شريـفة
زَعيم
امـشي انزلي والكِفل زينب لحَظة ما تضلين بالبيت والله لو انة لو انتِ وفوكاهة جاية تتهمين
هاجَر
اصلاً اني ماريد اضل وياكم متعجرفين و همج حسبالي حالكم حال الكل طلع كُلشي عدكُم الا الثقافة
كالتهـا وخلت ونزلت، رحَت يم زَعيم اريد افتهم شنـو صار وخررعني ونزل بسرعـة
روآن
حَقيـرة تذب بلاهـا بية الادبسز الكح..
سَبب
اشششش ولج نصي صوتج اخوتج مفورين
يُمة والنبيييي احس الحرارة طلعت من راسي
اذا ضلتتت هـاي بالبيت انة ماضل وعلي
ودي هجي الزمها واركعها على وجهة
روآن
هاي يجوز عبالها نفس القصص يجوز تلكيها نازعة وتريد تنام بحضنة شو شني وتبلي
سَبب
اسِكتي روآن احسسس گلبي معطُب وحق علي الكراررر اريـد بَس زَعيم يحجي واشوف شني سالفـة
هيَ طبت للغرفة كُبل و زَعيم راح يدك الباب عَ الشيـخ كعدوا وطبوا يمة روآن دفعتني اطُب
سَبب
ولجج خاف مايرضى
روآن
دطُبيييييييي غير انتِ مرتـة
طبيت للغرفة شفت الشيخ وامي صالحة كاعديـن والولد كدامهُم وزعيم يحجي وياهُم
رفع راسة زَعيم الي بعَصبية وگالي
زَعيم
حبيبتي اطلعي بعديننن
من گالي حبيبتي احس راد يراويني احترامي كدامهم ماكدرت اكسر كلامـة واعاند كلت بعدين هوَ يحجيلي خليت وطلعت
سَبب
ماقبللل
امشي نشوفهـا شجاي تسوي روآن
طبت روآن عليها بالبداية وانة وراها
كاعدة وتبجي
روآن
ولج حقيررررة شلون تكولين روآن هيَ الكالتلي اصعدي انتِ وحدة بربو. وادبسز وما مرباية والله اذا جبتي طاريي راسج اكسرة حقيرة
هاجَر
انجبي ولا تغلطين علية
ولا تخافـين لحظة ما اصل لحظة
سَبب
والله انتِ فد وحدة ما متربيـة شسويتي هـا شسويتي اريد اعرف
ضلت ساكتة وتبجي وكإنما خجلانة، جانت نـاوية شَي ومبين سالفة كِلهة نكلبت ضدها فَ ماتحملت
شويـة وطلع الشـيخ جبُر يصيـح ويكول
جبُر
خلها تجي هاي خلها تجيييي
طلعت انة، باوعلي زَعيم الجان كُتلـة نار گدامي
زَعيم
صيحيلها خل تجي هـاي
طَبيت للغرفة كلتلهـا
الشيخ يريدج حطي حجاب على راسج وكومي اطلعي
هاجَر
ماريد اطلع خل يخابرون اهلي اروح والله حَتى لو يكتلوني ماهتم
سَبب
كومي اطلعي شوفي شيريددددد
هاجَر
شيريد يعني شيريد يرزلني لو شنوووو ماريدددد اطلع ماريدددد
طلعت الهُم وكلتلهُم ماتقبـل كام الشيخ جبُر وهوَ معصب اجة صوب الغرفة وكف بالباب من ورة وگام يصيح
جبُر
خـاب شني هل لطلطة هاي، شني هل طيحان حظ، ولج احنة وين كلعدين كلج بطول زري، شني هل سوالف ذني، شني انة شملفي ب بيتج هاااا؟
مو حجيت وياج انة وكتلج اعتبريني ابوج وكتلج مايكون خاطرج الا طيب انتظريني وانتظري الولد خلة يجي كونج يهمج المنصب ومدري شني ولد ضابط وشزينة
ترحين تنقصين روحج ليش يمكموعة ليش
عنج ثولة وحضج يربِد
هَسة انة شسوي بيـج شسوي
مو فِشل وعيب تطبين لغرفة ولد بنص الليل
هاجَر ب بجي وصايح
ترة اني طابة لغرفة زوجي مو واحد غريب بس هوَ العقلة همجييي
زَعيم
انة عقليييي همجي انة!!!!!
لوووووو...
علي
اششششش زّعيممم شبيك اگضب روحك
زَعيم
خل تگضب لسانهة لا والعباس ابو فاضل ابو راس الحـار تصير سالفَة هسة إلا كِل السلـف تحجي بيها
سُراج
هَسة انتَ دسكت جدي جاي يحجي
جبُر
تضلين بمچانج وما تطلعين لاي مُچان، حَتى اكل همة يجيبولج منا لمن يجي مصطفى هوَ ياخذج
هاجَر
بس انة ماريد اريد اهلي اريد ارجع
جبُر
شترجعين بوية شترجعيـن
بوية انتِ دخيلة الشيخ جبُر
اهلج اذا گضوج يكتلوج
ترضين بقسمتج وتكعدين وتسكتين
هاي سوالف المزعطة تبطليهن
وتصيرين خوش مرة
راح نعتبر هاي سالفة ماصارت
بـس بالمرة ثانية انة بيدي اوديج لاهلج ترة
اگضبي روحج وانطري
وعوفي الدگايگ
هاجَر
ماريد عمو الله يخليك اريد ارجع لاهلي ماريد اضل حباب
جبُر
يا طلابة هلي، ولج بوية انتِ اجيتي فَ تنسين سالفة روحة بعَد هاهيّ تكربستي براسنة نتحمل مرج وتتحملين مرنـا
سُراج
نتحمل مرها مو عهرها
جبُر
ولككككككك سرااااااج
سُراج
ما مجذب انة خل تگض روحها شعدنة مگود. هنانة ؟؟
جبُر
استغفرالله العَظيم
هاجَر
عمووو الله يخليك قنع اهلي ارجعلهم الله يخليك
زَعيم
جدي خل نروحلهم باجر ونتفاهم وياهم بلكت بيهم مجال
طلعت من الغرفة وهي تبجي وگالت
هاجَر
بس لا تكلولهم ب الي صار بس قنعوهم يرجعوني ماريد تندمتت اجيت
صالحة
خالة جـا هيَ شني لعب زعاطيط تدگن دروب وتچن ونوبّ تردن ترجعن ولجن مو هجي حَتى راس اهاليجن تنزلنة
جبُر
روحـة ماكو، وهاي السالفة ما تتحجي ولا تسولف سمعتي لو لالة ؟
اكضبي روحج واستجني و ايّ حركة منا لو منا ماريدن
يلة بسكم صاح الاوذان كوموا صلوا كلكم
اجـة زَعيم راد يحجي وي شَيخ
جبُر
كلت صلوااااا زَعيم بوية بسك عادددد
خلـة زَعيم وصعد، صعدت ورا
من عَصبيتـة ما انتبه لوجودي طب لغرفتة وسد الباب
هوَ يمشي سريع وانة اعلى كيفي
وصلت للغرفة فتحت الباب مـال الصالة وطَبيت للغرفة لكيتة نازع الدشداشة ويريد ينزع بالفاينلة
باوعتلة وانصدمت درت وجهـي بخجل
اااا اسفة مادري
احس روحي دخنت من الخجل هسة انة شجاني محزمني الوكت ومادكن الباب سمعت ضحگة خفيفة وجراني من ايدي الة باوعت لجسمة ورأسًا صعدت انظاري لعيونة
زَعيم
هوَ انتِ ماتدرين، ومو بقصدج
بس بكِل لحظة تمُر تبينيلي شكد خياري ليج صحيح
ابتسمت بخجل وكتلة
سَبب
هسة دلبس يازعَيم خلنة نحجي
طوقني من خُصري وسحبني تِجاهة
صدري صار على صدرة وحنجة على راسي
راسي صار على صدرة وكام يحجي بصوت خافِت
زَعيم
يجـوز تحسين كلامي مالة داعي ومالة مناسبة ويجوز تحسي مبالغة
بس والعباس انة هواي محظوظ بيج وهواي فرحان بوجودج وياي
كِل ما اشوف البنات احمد ربي ميت مَرة اعلى الجوهرة هاي الي يمـي
لا خـلا ولا عَدم من وجودج ..
بكلبي صارت ابتسامـة وبوجهي انرسمت ابتسامة
غمضت عيوني براحـة وخرت عنة وباوعتلة
سَبب
وكِل ماشوفك كدامي احسد روحي اعليك
ابتسم وباسني براسـي وعيوني
كعد ع الجرباية وجرنـي يمة
زَعيم
شمدريج انتِ وجيتي ؟
سَبب
مو كلتلك روآن انة جنت نايمة مادري بسالفة شنو وكعدتني روآن
تنهد وباوع للشباك ب غضب
زَعيم
انة ماشايف هجي صلافة، انة جنت نايم مادري بشي، ماحس إلا اعلى دگة الباب مالتجن فزيت بسرعة الكاهة جـاي تنزع وتريد تجي يمي مدري شتسوي
وحق الله حسيت روحي بحلم واريد اصحى من عندة
يعني انة مادري شني هاي صلافة
هـاي جاية وظانة غير شي مدري منين متعلمة هسوالف
سَبب
يعني والله مادري شكول بـس صدِك شلون تكدر تسوي هجي متستحي على نفسها هجي !
زَعيم
انزال المِستحى انزال عبالها استغفرالله راح اكيف
كتلج يَ سَبب كتلج نامي وياي احميني من سهام الاعداء بس ماصدكتيني
سَبب
يوووووه زَعيم شو دسكت هَسة هيَ مال هجي امـور انة ضحت والله
رفع راسي من حِنچي وگالي بهدوء
زَعيم
شبيج يحبَيبتي ترة والعبـاس ما باوعتلها بنظرة
سَبب
لا تبرر زَعيم انة اثق بيك وبحبك وبإبمانك بس انة انقُهر عليها ليش هجي جـاي تسوي بروحها
زَعيم
طفلة ما تفتفهم
سَبب
ترة بكدي وانة هم اجيتكم لا تنسى، صعدت مرة وحدة صعدتني زَينب الله يرحمها وبفاتحتها صعدت علاوي كاللي صَعدي غيرهن ماصعدت أبد لحد يوم الانخطبنة بي
زَعيم
جا تقارنين روحج بيها؟؟
انتِ معدلة ومَرة سنعة وتميزين بين الصواب والخِطة ( الخطأ )
ف لا تقارنين روحج بيها الله عليج
سَبب
مادري وهسة شلون راح تُصفى ؟
زَعيم
اعلى كولة جدي مـال نرجعلهميا جذب خل ننظر مُصطفى يجي ونشوف شيصيـر مُصطفى شوية خبرة بهذني وهم گلبة رجيج يحب هچي بِنات
سَبب
مادري والله
زَعيم
لا تدوخني حبَيبتي كِلشي ينحل خلنة نكوم نصلي هَسة
سَبب
ايّ يلة
زَعيم
ما الله يهديج وتنامين يمي
سَبب
ياااااا زَعيم بطلهن
گمت من الجرباية بسرعة ضحگ وجرني من ايدي الة ثبتني كدامة وباسني من خَدي بصورة سريعـة رجعت بستة مَرة ثانية من خـدة وخليت وشردت
رگض وراي بـسرعة ب باب الغرفة ولزمني
وثنينة نضحك
سَبب
لا زَعيم الله يخليك هددددني
زَعيم
هسة اهدنج والله شلي غرض بيج بس تعاي شوية عندي شغيلة وياج
سَبب
ما مااا والله ماطب
زَعيم
ليش تخليني اجرج حيل ولج دتعااااي
جنـة نضحك سوية وهوَ يجر ب ايدي وانة مچلبة ايدي الثانية ب بالحايط صعدوا امير وعلي باوعولنة
امير ابتسم ودنگ بس علي گام يصفگ بصوت عالي
علي
ع السطح نتلاگة سوة
لا كهرباء ولا ضوة انة وياج يم يعگوب
ولااااااك زَعيممممم اگضوب حالك ولاه خواتك هون
فلتني زَعيم ورحت ركض للغرفة خجلانة واسمع بـ زَعيم يصيح
زَعيم
ولك انتَ لمن تتزوج وتحتار بمرتك وتفُكني لن عيوني صايرات خضر منك شبيك كاطع رِزقي دومك
عزة بعينك زَعيم فضحتنا
ضحكت واجيـت لفراشي لكيت شَمس وسيوف نايمات صَليت ورجعت نمت
كَعدت اليـوم الثاني سبحِت و حَطيت من الكِحلة السحلت گلب زَعيم وجريتها بصبعي كالعادة ونزلت
محَد جان موجود بس الشيخ كاعد يم امي صالحة الولد كلهم مطشريـن
هاجَر جـانت نايمة
الشيخ حطني وكعد يحجي وياي بوية صغيـرة وماتفتهم ومدري شني عبالة احط بالي وياهة لو اعاركهة لو شي، كتلة شيخ انة مالي دخل بيهـا ولا اتدنى صوبها اصلاً
جبُر
والله انة محَد يبرد گلبي غيرج، بعد روحي عاشت ايدج بوية خّلها تولي زعطوطة يبوية انتِ عگلج اكبر
سَبب
صار شيخ تدلل
جبُر
بارك الله بيج بوية بارك الله
جـاي نحجي طَب زَعيم وبيدة علاگة
سَلم وعيونة صارت على عيوني
ابتسم بهدوء واجـة گعد يمي
وعيونة تاكلني بنظراتها بصلافة
حَط ايدة ورة ظهري وكعد
جبُر
جا وين جنت بوية
زَعيم
والله جنت بالسوگ هم مَريت اعلى المحلات وهم جبتلكم مسواگ ومدري شني
صالحة
المَرة معدلة والزلمة مالتها معدلة
باوعلي وابتسم، بادلتة بالابتسامة
جبُر
المهرة ما تلوگ إلا للخـيال
ولو هوَ تخبل علية لمن راحت
ضحگنة بصوت عالي
زَعيم
كِل ماتروح اتخبل عليك جدي
جبُر
جا شني اچلبها بيك ولك
زَعيم
بعد الاحسن شلون ما انتَ لازگ بصويلحة اعلى گولة سجاد
انة هم ارد الزگ بيهـا
جبُر
انجب ولك صويلحة شني مارضى انة
صالحة
يا شِلك غرض انة وابني
جبُر
ما خلصت من اولادج انة نوبّ اولادهُم
تبديهم اعلية عمي
صالحة
ياااا شوف شوف هههههههههه
جبُر
عآين سكتت تعرف بروحهـا
ضحگنا وياهُم، لمسني بخُصري باوعتلة
باوع لعيوني وبوجهة ابتسامة عَريضة
زَعيم
آخ آخ
ابتسمت وكتلة
سَبب
شجايب بهل علاگة
زَعيم
ها ذكرتيني هايَ زيوت شعرِج تعـاي شوفي خل اعلمج شلون تحطين العطار علمني وهم جبتلج علب جبيرة حَتى تكفيلج
گعد وتربع گدامي وگعد يشرحلي شلـون احطهن
صالحة
يمة الحِنة ماكو مثلها والله تسوي الشعر يخبل
زَعيم
لا يمة وراهـا عرِس هيَ تصبغ شو شني لا تمردة
صالحة
ولك وهسة انتَ شتريدها تسوي اصفر واخضر
زَعيم
لااا بس هيَ خاف بنفسها شي
سَبب
لا اصلاً انة اعوفة هجي
صالحة
ايّ جا حطيلة حنة يغذيلج شعيرج ويصير يخبل
سّبب
والريحة يمة
زَعيم
لايمة شني تروح تمرد شعرها اعليمن
صالحة
ولكم يمة شبيكم تحطهـا مثلاً الصبح ماطولها صيفية وقبل عاشور هم وللعصرية تغسِلها، تغسل راسها زين وتحطلها شويمبو(شامبو) ريحتة حلوة تروح شيضل بيهـا وبعدين ريحة الحِنة شمالها
جبُر
ريحة امي الله يرحمها تخبل والله
زَعيم
يمة ماريد تروح شعرها يوكع شو شني
صالحة
ولك انة عمري كلة كضيتة اتحنى شمالك يمة
زَعيم
ها صدِك ؟ جت اذا امي حاطتها انتِ هم حطي
شكل للعطار يمة
صالحة
يمة تجيبلي حنـة كيلوات، هاي ام الكيلو ١٦ كِلة، تجيبلي رُبع بـ ٤ كِلش كافي
زَعيم
لا يمة شعرها طويل اعليمن اجيبلكم كيلو انة
صالحة
جيب كيلو، وجيب كشور رمان كلة و اكليل الجبل مطحون وحلبة وگرنُفل عدنة بلة وحلبة وكِلة لافندر وكركدية هاي اذا تريد شعرها يميل للحمار شوية
سَبب
اي اي يمة حلووو
زَعيم
احمر احمر شكو شعدي عمي
صالحة
ولك موو احمر احمر هجي بي لمعة حمار حلو يعني وجاي و ورك غار هذني من يمنة بـلة
زَعيم
يلة خوش اكتبيلياهن سَبب وانة اجيبلجياهن باجر
مَضت الايام وهاجَر ماجانت تطلع من الغرفة وجانت حيـل ضايجة وبس تبجي بصراحة انقهرنا عليها ساعتها لان حسيناهة مراهقة ومضحوك عليها اجـة مُصطفى من الواجب وحجولة بسالفة بس ابد ما كالولة من طبت لغرفة زَعيم
الشيخ كال الي تجيب طاري لهسالفة متلوم الا نفسها، مُصطفى طلب إلا يشوفهـا يلا الشيخ رزلة بس هوَ لح الا يشوفهة فَ من جان كاعد للصالحة صاحتلهـا روآن للمطبخ وب اثناء مرورهـا شافها
الولد انخُفگ وكيـف اعليها، من رجعت شافتة وضلت تسئل سيوف هذا منو لان هيَ مجانت تحجي لا وياي ولا وية شَمس ولا روان
سيوف كلتلها هذا الراح يعقد عليج هيَ من درت كَيفت وفرحة صـارت بكل وجهة
مُصطفى ابيض حَيل وعيونـة زرگ والولد مرتب هواي
رُغم انُ انة سامعة عنة انُ هوَ خفيف شوية
رمى زَعيم يمين الطلاگ عليهـا
وبوكتهـا انة جنت أسعَد انسانة
بنفس اليـوم اجة ابـو وهوَ وسيد عقدوا عليها واخذوها
قبل لا ياخذوهـا الشيخ رزلها رزالة معَدلة
وكال الها هايّ بعتبار فُرصة الج
فَ تصيرين خوش مـرة وتصونين رجلج وبيتج
واقل حجاية اسمعها عنج اشيلج و اوديج لاهلج
هيَ جـانت مكيفة وضلت تعتذر وتكول والله ما اسوي ايّ شي
انة وروآن نضحك ونكول شلون راح يتراهمن هيَ وتبارك
بـس طَنچرة ولگت اغطاها نفس الخُبث جوة قناع البرائة
بـدت تمضي الايام ويّ زَعيم وجانت بالنسبة الي احلى ايام حياتي
بوكتها زَعيم قدملي نقل على مَدرسة يمهم عَ السنة الجديدة وقدملي كلشي وانة كعدت اقرة للسنة الجاية كل ما افرغ اقـرة
ماجانت تخلة حياتي من الانتقادات خصوصًا من ام زعيم وجنت اضوج وانقهر بَس زَعيم جان دومة وياي ويكلي لا تهتمين
حَتى مرات يوكف بوجهة علمودي
علاوي صار مو بس طفل بنسبة الي، صار قطعة من يومي، جزء من روتيني ومن نبضي. تعود على ريحتي، على دفآي، على اهتمامي بي، جنت ماطب اسبح الا وهو طاب وياي اسبحة والعبة واهتم بي دوم
حتى النوم ما يطب عيونه إلا وهو بحضني، وتعلم ينام يمي دوم، وهذا الشي ماجان زاعج سُراج ابد بالعكس جان مكيف ع علاقتنا، علاقتنا جانت حنية غريزية ممزوجة بروح صداقة ولا عبالك هوَ عمرة ٣ ..
أوّل مرّة نطق وكال ماما، نطقها الي وبيومها جان احساسب ما يتوصف، حسّيت الدنيا كلها وكفت، صوته جان ناعم ومرتبك، بس دخل مثل البلسم بگلبي.
بيومها بجيت بدون مادري، والكل جان حاس بشعور غريب، شعور خـسارة زَينب وشعور خسارتي..
خلصت هاي السَنة وجانت ب بالنا انُ نسوي عرسنا ورة دورة عمي ابو شَمس
حددنا عرِسنا بشهر الـ ٣ وزَعيم من هَسة كالب البيت كلاب
يوم من الايام جنـة كاعدين واجوا علي وامير كَعدوا ويانة
علي دائمًا وي اميـر يجون ويطلعون ويطبون سوية
مبينين جان عدهم شي
انتظروا الشـيخ يكمل سالفتة وبـدة علي يحجي
علي
جَدي انة ارد اخطب
عدل كعدتة الشيخ واندارلة
جبُر
مو كتلكم انة انتوا تجوني بس وكت الحاجة
علي
جدي موهجي حشاك بس انة اموري ما جنت مضبطهن وماجنت ضامن موضوعي بس انة هَسة اخذت موافقة ابو البنيـة وبقت السالفة يمنـة
جبُر
يا الله، ايّ ومني وشني ؟
امير
خليني انة احجي، جَدي البنية خوش بنية وفطيررررررة مو شلون ماجان وبنت عز وخير ومدللة وحبابة ومؤدَبة
جبُر
عوزكم تحبون بنات الملاهي نوب
اكيد راح تكون هجي صفاتها بس احجولي بيها هيَ شني ما شني منين غير اعرف
امير
جدي صديقة فَرس بت الدكتور يحيى الي سوينـة المشية يمهم، ايلول هيَ هم بالجامعة وي ايلول
جبُر
شنننننني وانتَ مالكيت غير هـاي تخطبها ؟؟؟
اعرفهااااا بوية اعرفهااا ترة انة مو غِشيم وحاجيلي عليها وسامع
عاين علي لصوب النسوان وكال
علي
وشسامع عَنها شيخ؟؟؟
جبُر
البت مو من ثوبنـا حَتى ابوها انفة وشايل خشمة وعندة هوَ ولا عنك وفوك كِلشي لا تنسى مذهبها شني
( ماريد تجـاوز رجاءً اخوان، السالفة قَديمة، والنـاس مُتمسكين بمذهبهم وبشدة )
علي
جدي هَسة شعلينة بمذهبها ترة البت صايمة مصلية وزايرة
وانة گلبي هاويها ومارايد غيرها
جبُر
هم هاي خوش سالفة هاي هاوينها هاوينها
وبس يلا طربگة وبعد شجم يوم وكلت والله ماتناسبني
البت ما تناسبنة
علي
هااااا جا من اخذتواااا فرس شو ماكلتوا ما تناسبنة؟؟؟؟
جبُر
والله انة هم كلت بس عاااد اهون
ترة انة ادري بيها حتى ماجنت محجبة
وهجي لابسة حجاب كلك من جاية لهنانة
وانت تريد تاخذهة ولك
ماعندك غيرة
علي
هاي منو موصلك هذا الحجي ياااااا جلبببب
جبُر
احترم نفسك ولك عليوان وغلط لا تغلط
مو مهم مني الوصلي المهم هاي سالفة
وتنساهة لهاي البت وتگرصها لروحك
وتاخذلك بنية معدِلة
تليق بيك وتليق بينة
مو جايبلي هاي وجايني
شبيها بت شيخ مالك ها شبيها
ماتاخذها
علي
شني بت شيخ مالك شني بطيخ انة ماريد غيرها جدددي
الله يخليك لا تطلعلي عرضة اريد بهاي الايام اسوي المشية انة
جبُر
وفوكاهة تريد تسوي المشية وحاسب حسابك ودورة عمك حتى ماطالعة
علي
بويةةة شَمس انتِ عدج اشكال
شَمس
لا مابيها شي شعليّ بابا اصلاً هوَ يفرح لعلي لان علي او ايلول يستاهلون كل الخير، جدو ايلول بنية حيلللل حبابة والله
صالحة
والله يعمي انة كعدت وكابلتني وكعدت يَ بنية تجنن وفطيرررة
شجاك ويـااا شيخ هذا عليوي خلّة ياخذ اليهوى گلبة
جبُر
كلتتتتت ماكوو يعني ماكوووو تريد تصير نفس عمك محِسن حتى تاخذك وتروح ماكوووو تشوفلك غير مَرة ومن صبح اروحن واخذلكياهة انة
علي
جدي افهمني الله يخليك افهمني، انة ماريدن غيررررها
البنية انة عاشگها تعرِف شني عاشگها، صارلي احبها اكثر من سَنة فَ لا تتوقع مني اعوفهـا ابدددد
زَعيم
احم هَسة شيخ هوَ دام رايدها ليش لا ياخذها ويغيرها
امير
شني ياخذها ويغيرها الله وكيلك فرق من سما للكاع حِجاب وملابس طويلة والبت مستورة واحد يحجيها حجاية الحگ
جبُر
ابوها كعد يمنة بنحقِل اعلينة انة اطلع بتي للخارج وبتي تسوق ومدري شني نسيتوا لو شني لا تخبلوني
انة الي سمعتي بين الناس تجون انتوا تخربوها شني ارد افهم ؟
ولك عليوان انة لحد هسة عرفت غاية كِل اخوانك
زَعيم ماخذلة خوش مرة وترفع راسنا
وسجاد بت عمة ومنك وبينة
وغَيث انة اعرفة شرايد والرايدة بي سبعين خَير
وامير هم مرتة أهآ بَس حبابة وتنعدِل
وسراج بلة ثاق بقراراتة انة
بس انتَ لا تكسر وجهي
علي
اكسر وجهك شني شيخ شكلولك علية جايبلك وحدة من ملهة وجـاي؟؟؟؟؟ لا والله صدك حاجوووووني
ترة بت براسها ستين حَظ مو زين من هيَ رضت بينة
جبُر
ايبااااااخ خوش مشيش والله خوششششش
علي
لا جدي شني مشيش لا مشيش ولاشي وانة مانطي بيكم يمها بس هاي حجاية الحگ وتنگال، حجاية الحگ ماتزعل جدي
جبُر
ولك تنجب انتَ وياهة مو احنة التذلنة بـ مرررررة سمعتتت
كام وكف وهو يأشرلة بـ اصبعة
كاموا وكفوا كلهم، شكد ماجان علي معصب شكد ما راد يحجي بهدوء
علي
جَدي انة مو قصدي هجي والله
زَعيم
جا شقصدك علي انتَ هم تجفُص
علي
خرب هُبل بوووووية اقصد انُ البت بيئتها شكل واحنة شكل وعلمودنا غيرت هواي من نفسها شبيكم استلمتوني
جبُر
اسمَع ولك هاي البت تنساهة ولوووووو تموت لا تروح ولا تخطبها وماعدي غير هذا الحجي، غلطت مرة بعد ماعيدها
علي
جددددددي ليشششش تحجي هجي ليششش
امير
هَسة كاااافي كااافي علي اسكت
الولد طلعوا علي وطلعوا والشيخ جان معصب وقااااافل
صالحـة
هسة ولد وهوى وحدة تحرمة ليش
جبُر
اسكتي عمي شو اسكتي
عبالج راح تچن وتستچن مثلاً ويانة
تتحمل واحد يكلها اعلى عينج حاجب
عمي شو اسكتي الله يخليج
تذكرين ب حسنين من وكفتي بوجهي ولا وماعليك
وخلة الولد ومدري شني شفتي شصار؟
بزرتة طلعت سايبة وهو محتار بيها ويباوع لحلكها
وين اخوانة وين هوَ
علي ماريد اضيعة بسهولة
علي اريدلة بنية حلال وحدة معدلة بت شيوخ تفتهم بالاصول وتعرف
تعدلة فوك ماهو معدل واخو اخيتة
مو تجي تخربة وتخلي يصير مو ذولة الزلم المابيهم خَير
محتارين بس بالنسوان
هسة انة اميرر، هوَ ينگز امير ليش بسرعة رضيت ومدري شني
بس انة ادري ب امير رجال متكتر يهتم لشغلة ازيد شي
مونفس علي گلبة اعلينا و ٢٤ ساعة وياي
حتى طلعات صاير يطلع وياي لكِل مكان
وهجي مرة صدكني ما تتحملة
ماريدن اخسرة انة
شَمس
جدو والله ايلول مو من هنوع وهيَ حيل حبابة صدكني
جبُر
شميسة جَدي انتِ لا تدخلين بوية انة اعرف بهاي السوالف
سكتنة عنة مبين فردور قافُل، شوية وسيروا عليهم نـاس
اجة علي كَعد يم امي صالحة وكعد يحجي
علي
يُمة انة كون هل اسبوعين امشـي اعليهُم تدرين لو ما تدرين
ب الف ياعلي ابوها وافـق شّگِل اله بعديـن والله اهلي مايقبلون
صالحة
يمة والله شكد حَجيت ويـااا قافل هل تشوفة
علي
شني يعني قافِل نكعد ونسكت؟؟؟؟
عمـي ترررررة انة رايدهاااااا رايدهاااا
احسِب يوم يوم الها تالي جدي هجي يسوي بية من كل كِلشي ؟
والله يعمي فـلا ارضى
وشتكولون عني كولوا
انة حاطها ب بالي وانتهت السالفة
صالحة
يـمة انتَ دنعل شيطانك واحجي ويا ب اسلوب وبلكت الله يلين گلبة
علي
يمة ما تشوفيييييييي راكب راسـة كلِش
صالحة
انجب ولك لا تحجي اعلى جدك هجي حاول ويـا وانة راح احجي وماحجي
ضل علي خَطية كِل يوم يحجي وي شيخ واستعمل ويـا كِل اساليب الاقناع، بس شيخ جان قافل كِلش واكثر شي غاثة ابوها لايول، الولد ضلوا يحاجـوا ويقنعوا وهوَ قاااااافل على قرارة
عمامي هَم كعدوا يقنعـون بي ويحاجوا وهوَ جان قافل ومايريد
اخر شَي علي مّل بالاسبوع هوَ واحنة نقنع وشيخ قافل
وراح حجة ويّ شيـوخ كبار وكِلش مقربين للشيخ ومنهم الشيخ مالك، علي سوالهم عِزيمة واجوا وهم كعدوا يحجـون وي الشيخ
الشيخ جان رافُض رفض كِلي وماجان مقتنع ابدددد
بيـوم الي راحوا الشيوخ گبت بينهُم حَيل
علي
جااااي اكلك انة منطي كِلمة للناس شتريد يكولون عني جذااااااب جدي ليش تعل كلبي ليششششش فوگ الضيم الوكت انتَ تصير اعلية
هاي بس انة يشهددددد الله بَس انة، اشوووو زَعيم راد اخذ سجاد هوى اخذ غَيث من هسة جاي تدبرلة امرة و سراج اول ماكمل اخذتلة زَينب واميررر بس فك حلكة ماكتلة لاااا ليش انة ليشششششش
جبُر
عاد حبولهُم آدمية همة
علي بعصبية
جدددددددي انة ماقبل ترررررة والعبـاااااس ماقبلل
جبُر
وشني يعني شترررريد تسوي ؟؟؟
علي
جدددي ماسوي شَي بس انة
والعباس تفرفحِت جدي الله يخليك افهمني
انة هاوي البت و واعدها
ومحاول وي ابوها اكثر من مرة
الا اكلك هجي؟؟؟؟
جا لمن يرضى هجي تسوي بية!!!
جبُر
هاااا يالخدة وخدرررر راح تضل الهم هجي وعلي
ولك ماتستحي تنرفضض وترجع تنذللل ولك ليششش ليشش
مو فشلتنة الله يفشلك
صـارت كِلش بيناتهم والولد ضلوا يحاولون ونفس الشي محد يرضى يهود شوية
علي
جدي انة هاي بعَد يومين كون احنة رايحين يردون يرحون يسافرون اهلها فَ من الاخير يشهد الله يشهد الله انة مو بحـال واحد اخذ نـاس واخذ الاعرفهم واخلي واطلع ولا هل ذلة هـاااااي
جبُر
هجي صاررررت عليوان هجي مووووو
تبيع اهلك علمود غربة
علي
انة مابايعكممم ولا راح أبيعكم
والمابي خَير لاهلة مابي خَير للناس
شني يعني انة استنكف اخذكم!!!!
جدي انة احسب يوم يوم، واريد اسويهـا مشية من مشية
واخذكم واشيل راسي بيكم تالي هجي انخذل منكم؟؟؟
جدي ليش تسوي بية السويتة بعمي حَسنين ؟
جبُر
هذااااا العندي انة
تريد تروح يطبكككك الف مرض اريد اشوف مني اليطلع وراك
اعلى شَرط
لا ابـوك ولا عمامك ولا اخوتك ولا انة نروح وياك
بطرگ روحك تروح نفس الذِليل
علي
جددددي متأكد من هذا حجيك!!!
زَعيم
انعلوا الشيطـاااان كافي جَدي مايصيررررر
اذا احنة نعوفة بهجي يوم مني يصير ويـا
سراج
مايصير جَدي مايصير استهدي برحمٰن وكِلشي ينحل
جبُر
اسكتووووووا انتوا
اسمع انتَ ولكك هذيج البت ماتاخذها واذا نويت بهجي شي كعدة بهل بيتتتت ماكوووو سمعت لو لااااا
والي يطلع وراك خلي يعرِف حالة من حالك ان جان من ابوك وعمامك لو ولدهم
باوع علي الهُم محَد كدر يحجي شي بس الوضع كِلة جان متوتر
صفگ اديّ بقهَر وگال
علي
جـااااا هيَ هاي وكفتكم التوكفوهـا الي
هيَ هاااااي جزآتي ؟؟؟؟
خررررة بهجي عَيشة
وخررررة بيـة اذا اعيش وياكم
جبُر
ولككككك اسمعني هذا البيت بعَد ما تطبلك
وانعل ابوك لا ابوهـاااااا
علي
لا تغلططططططط عليها جَدي لااااا تغلطططط
صعَد امير ورة علي الجان كتلـة مـال اعصابب
محد كدر يحجي وي الشيخ شي لان جانت ايدة ترجففف
ومَيت من العَصبية
كعد زَعيم يمرغلة ويحجي ويـا ويهدئة
ماكو بالدقايق وشفنة عَلي نزل وبيدة جنطتة وامير ورا
رادت تكوم امة صاح بيهـا الشيخ
جبُر
ترحيلة؟؟؟ ترحين فردورررر من البيَت سمعتي
وانتَ امير تعال طب
علي باوع لـجدة وهوَ معصب بس بعيونة جان انكساررر فَضيع
خلة وطلع بـسرعة وهنا امير ماسكت
امير
جدي انتَ صدِك تحجي شنوووو سالفة ما تشوفة شلون معصب ؟؟؟
زَعيم
لا شيخ مايصير احنة زايد اعلينا عليّ بلة سوة حادث اعلى هيج سرعة شو شني
صالحة
جنك تريدني تخسرني ابني ثاني يَ جبُر
جنك تريد تموت گلبي مرة ثانننننية
جبُر
ماريدددد حجي زايددد لحد يحجي
خلـة وكام وهوَ معصب حيلل
خلوا الولد وطلعوا ورا
شَمس
بيبي والله علي مايستاهل هيج ليش جدو هيج عاملة!!
صالحة
حظة يبيبي حظة دومة ماعندة حظ ولا شي يجي ويا عدل سودة علية ي يمة
صَفية
هسة هوَ عنبل الا هييي الا هييي على حورها هَسة
صالحة
ولج انتِ ماتنجبين ابنج ويننن وانتِ وين بدال ما تدافعيلة والله امهات
سَبب
والله انة حيل مقهورة عليّ من شيخ كال لخالتي لا تروحلة وكال لامير يجي باوع بنظرات مكسورة تـرة والله مرد گلبي علي مايستاهل ابدددد
لليل تقريبًا اجـوا الولد وكلهم جانوا قالقين على علي كالوا ماهوَ نهائي وتيلفونة مغلق
الشيخ سمع بالخبر ضل ساكت يبين ما يهتم بس جان گلبة يلوب ويـانة
شوية وخابـر مُصطفى على زَعيم
نزينا كل احنة وامي كام تقرة ايات قرآنية وگلبها مگطوع يم علي
رد زَعيم عليّ واحنة كلنة نتنطرة بخوف
زَعيم
ها صفـاوي
شنوووو
شكوووو شبيك خل افتهم؟؟؟؟
اي وشسويتلها
صدك تحجي عود؟
ديلة جاينكم يلة
جان مـار ع علاقتهم هوَ وهاجر بالـ ٣ اشهر تقريبًا
والي جنت اسمعة انُ مُصطفى جان مكيف عليها
سَد الموبايل زَعيم
وباوعلنـة وگال
زَعيم
هاي هاجَر ...... يُتبع ( توقعاتكُم ) ؟
____
روآن
علي بصايح
ولججججج روان انة شكتلج مووووو كتلج هاااي السالفة ممنوع تطلع شلونننن موصلتهـاااا لمروآن هااااا ؟؟
من گالي هَجي انصدمت
روآن
هـاااي شبيك علي عن يا سالفة تحجي وشنوووو!
علي
سالفـة مرتة سُعاااااد ولججج
من گالي هجي شهگت
اااااااه يمة والله العَظيم ماحجيتها لأيّ احد
علي
يعني متاااااكدة ما حاجيتها لاحَد ؟؟؟
روآن
والله العظيم ماحاجيتها لاحَد هاي شبيك علي ترة ماحب احد يشك بية هجي!!
علي
جا منين واصلتلة !
روآن
انة ادري جا تجي تذبها بية
علي
روآن من بعد ماكتلج ب اسبوع حتى الاسبوع ماصاير واصلتلة هسالفة
روآن
هَسة دحجي شصـايرر!!!!!
علي
مطلگها لمرتة ويكلج مجنزها جنازة وموديهـا لاهلها
روآن
عَززززززة صدِك تحجي !!!
وشنو هَسة زين شمدري وشلون
علي
مادري مافتهمت بَس هذا الي عرفتـة
هوَ هل ايام ما شاء الله كِلش علاقت وي زَعيم ما شاء الله
روآن
جا انة شلي دخل بيهم تجيني وتحاجيني انة
شعلية
علي
ولج ام الدگايگ غير ماصارلي من مسولفلج وهسة صارت
روآن
هسة شمدريك شني سالفة اللهُ اعلم يجوز لاگفها مرة ثانية
علي
يجوز شمدرينـا صارلهُم بالاسبوع مگاون وي اهلها وحتى ربعنا رايحين زَعيم وجدج ومدري مني
صابني شعور حلو بهاي اللحظة، سُعاد اذا طلگها تبقة سَعدية، سَعدية هيَ شنو هل هِبشة، هِبشة ومهدودة
مـادري ليش فُرحت ساعتها
هل انة متأملة رجعة
لو شنو مادري
شيطاني تربع على مروآن، احس السُبل والطُرق انفتحت بوجهي، والابواب صـارت اسهَل
امممم اكول ليشش صارلة اسبوع ماكووو اثاري ملتهي بسالفة طلاگة
ههههههههههههههه حَيلللل وبالچِفن ويـااااا
نزلت جـوة سئلوني شيريد علي كتلهُم شغلة من غراضة ضايعـات، ضليت جوة يمهُم ضلينة بهل يوم سهرانين ناكل بيتزا شَمس سوتلنة
طَبيت لموبايلي سبحت وطلعت لبست اتگ خفيف اسود حَليت شعري وحطيت مُرطب باوعت لنفسي وابتسمت البنـات جانن بعدهن جوة
فتحت موبايلي لكيت مروآن دازلي رِسالة
ضحگت بمكُر وفرحة وكلت
ابــن الحلال بذكرة
فِتحـت الرسـالة
مروآن
مشتاگلج يا ظالمـة النَفس
فتحت بَصمة وكتلة
امممممم مَبين
شاف الرسالة رأسًا وكإنما جـان منتظرني
مروآن
بـت الاودام كومتيني من بيَن ناس حَتى تكليلي كلمتين تتمجعصيـن بيهن وتحرگيني حرگ، ترة صدِك مشتاگلج انة ماجاي اشاقة
روآن
المشتاگ يسئل
مروآن
طلگت سُعـاد
سويت روحي ماعرف
روآن
يـااا ليش ؟
مروآن
طلگتها وبَس
روآن
ها خوش
مروآن
شو ماجاي اشوف ردة فعل
روآن
قابل انتَ گدامي وتشوف وجهي
مروآن
وديليا خليني اعآينلة مشتاگلة
روآن
مو هيَ هَيتـة
مروآن
يلة شبيـج
رفعت الكامـيرا حَتى اصـور طالعة حلووووة، اذا ادزلـة ينشخُظ
خلي وابو زآيد هم ويـا شَعلية
الا اشعلك شعِل يـا مروآن بس اصبُرلي
رفعت الموبايل لفوگ انة جنت من اريد اصور الزم الموبايل والزكة بوجهي بَس شفت اكثر من مَرة شَمس هجي تصور ف تعلمت منها
شفت صورة طالعة حلوة، دزيتها شافهة رأسًا
رجعت فتحت الصورة وصرت ادقق
انتبهت بداية صدري طـالع
عَززززة بعينـج روآن
شكد فشلة
ضحكت بمكُر وانة اشوفة يشوف ومُتصل وماكتب ولا حرف
امسحها هَسة لولا؟؟
ايّ ايّ خلي اخلي يشلوط
حذفت الصورة وطلعت باوعت اتصـل
ضحكت ومارديت
مروآن
ولج روآننننن رددددي
رجع خابـر رديت
كلت الـو بصوت ناصي صرت اسمع صوت انفاسة وهيَ عاليـة
مروآن
ولج روآن يالبوللة ويـن انتِ بهل طرگاعة الاعلى راسج
روآن
بغُرفتي ارد انامن
مروآن
وحگ ضلع الزهرة يروآن اذا واحد شافج بهل لبس انتقم منج ومنة
روآن
اوي تغـار، وانتَ شعليك اساسًا ؟
مروآن
خررررررب ولج اليوم شبيج تتمضيگين خررررب اا اا
كال هجي وكام يمتمت بالنهاية ماتحملت ضحكت
مروآن
خررررررة بـيك علي عساهة بحظك وبختك
اكلج اسمعيني انة باجِر جاي واحجي وي جدج
عـاددددد كافي انة گلبي طگ
روآن
ومنو كلك اريد ارجع
مروآن
روآن كافي عاد وعلي هل سنة استنزفت طاقتي بما فيه
سُعاد و ولت سعدية تاخذ تطي ؟؟
روآن
انة من اكون بحياة احد لو اكون كِلشي الة لو ما اكون
مروآن
روان بوية ليش تخليني اتسودن اعليج هَسة بنص الليل مو كاااافي الضَيم الي دزيتيلياهة هسة
كبري عقلج يالبوللة كبري عقلج وباجر انة جـاي اشوفن الوضعية وافضعها وي اهلج
امج وسعدية جوة وانة ويـاج فوگ محد يتگربلج ولا واحد يمج ولا گرباج كافي تمجعص حجاية زايـدة اشگة لحلگج شگ وحگ ربج
بهـل اثناء سمعت صوت حركة سديت الموبايل وراسلتة
روآن
اكلك لا تنسى روحك وتحجي وياي هجي حجي انة ماحبـة احترمني حَتى احترمك واذا ما احترمتني ترة ما احترمك لو مو تصير مروآن آل دحام
مروآن
خرررررررب عرضج ولج مو اكلِج بوللة تكليلي لاااااااااا
عمي ما اكِلج هجي بس كليلي موافقة ؟؟
روآن
افكر واردلك خَبر بس مو باجُر بعدين احتاج وقت
مروآن
راح اتنازل عن اخلاقي ومبادئي واطلعلج ابن الشوارع الي بداخلي وحگ ربج
روآن
والله هذا الموجود تريد تريد ماتريد بكيفك
وهَسة يلة تُصبح ع خير رايحة انام
مروآن
ددودي صورتج ونامي
روآن
واذا مادزيت؟
مروآن
اجي لبيتكم هسة وحگ الله دزيها روآن
يلة خل ادزها احرگة وانامن
دزيتلة الصـورة
ورة دقيقتين رد
مروآن
يلة ميخالف ما ضل شَي وننتقم
روآن
ايّ ان شاء الله
مروآن
اراويج يا بت جبُر اراويج
دزيتلة ملصق يضحك ورحِت نمت كعدت اليوم الثاني هدوء ماكو شَي للعصُر انصدمت ب انُ مروآن جاي هوَ والشيخ مالك لبيتنا و وياهم كم رجـال هماتين
عرفت جـاي علمودي ضحكت ورحت كعدت يم امي صالحة
صالحـة
الحبيب يحاول اعلمودج
ولج بَس والله حلو هل مروآن كضيتي عمرج تكولين عليّ شايب بس طلع ويـن بعدة بحيلة
روآن
مطلگ مرتـة هاي الجبيرة
صالحة
يـا يـا ليشش ؟
روآن
مادري، ضلت بس هاي الثانية
هاي لا تهش ولا تنش كِلشي ماكو فقيرة
صالحة
وانتِ روينة شتكولين ؟
روآن
والله يُمة اذا تردين صراحة احس يستحق انطي فَرصة مرة ثانية
صالحة
ايّ يمة عفية ليش لا ازلمتج هذا
وهيَ هَينة الطلاگ عبالج والله موهين
يَ يمة الرجال يجي بالكلمة الطيبة وبالمسايرة
يكلج لا كليلة هاهي يعصب ضلي ساكتة والله ي يمة وحدة يحس بغلطة ويجيج يعترف بينما لو راددتي يحاجيج وتتلاطمون ثنينكم
من گالت من يعصب ضلي ساكتة ماكدرت اضم ضحگتي وضليت بس اضحگ ايّ لا هاهيّ الحجي بـس الة وتريدني اسكت
كتلها اي خوش يُمة وسكتت بالساعتيـن واجو كُلهم طبوا
جبُر
ولك عليوي راسك هذا اليابس لينـة شوية ترة طيرت عقل الازلمة
كعد عَ التخم برهاوة وضحگ
علي
والله عـاد بكيفي يمتى ماتطخ براسي اكلة تعال اخذ مرتك
امير
مو الله يكلبها بيك ولو الله شمخلي بيك
زَعيم
الصوج ب روآن المخلية آمرها بيد علي
علي
عمي انة شعليـة هيَ موكلتني امرهـا يابة روينـة سمعتي شني
روآن
ايّ انة ويـا اصلاً هههههههههههههههههه
جبُر
اااو من جِفـن حَتى جِفـن ضلي ضلي لمن يمِل ويعوفج يمكموعة
زَعيم
والله عـاد انة اشوف مروآن متغير، ومرتة مطلكها ومرت اخـو ماهيَ شتردين بعَد ماتكليلي
روآن
ترة الي سوى بيٰـة مو هين انة ارجعلة بس مو بسهولة
خل يتأدب وارجعلة عود
جبُر
عفية والله والنِعـم من بِت حِسن عمي شنو شمخلف حِسن
علي
لبوات واسودة
جبُر
نعولة ماكووو نعولة
علي
ها شيخ ليش تغلط ليش غالطين عليك هَسة
كلها صاحت بعلي
علي
هاي شبيكم ما نتاشقة
اتذكرت كِل هرشاقة ومتشاقة ههههههههههههههههه
مدري شيحجي هوَ واميـر المُهم علي مرجعلـة كلام انُ اختي تعبانة نفسيًا اريدها ترتاح وبعديـن الله كَريم
بليل صعَدت فتحت الفيس لگيت مروآن منهارررر بالسب والغلط على علي حَتى ماعرفتة على كل ما سآب ضحگت عليّ وكتلة والله انة امشي ورا اخـوي
مَـر تقريبًا اكثر شهرين عَ هذا الحـال، واذا اجـة مروآن يكون نَفس الجواب من عَلي
يـوم من الايام جِنت گاعدة بـليل، اخر ايام مّل وكال بعد ماحجي وياكُم حتى، جنت گاعدة و افكر بذكرياتنـا كعدت استذكرهن شي شي اخر شي تذكرت من جاع وانطيتة خياراية
ضَليت اضحك ومستمرة اتذكر ايامنة
بصراحة مشتاكة واعترف هم
جـاي افكر بي ودزلي رِسالة
مروآن
مشتاگ هـوووووووووووواي لنهر دِچلة ورواسبَة
ابتسّمِت على كـلامة ومن دون وعي كتبتلة
روآن
انة هم
مروآن
هاااااا خرب حَظي اذا مو باجـر اخذج
باجـر انتِ يمي روآن
تحضريلي لو دنيا تنگلُب لو مو علي
انتِ باجر يمي
روآن
شلـون؟
مروآن
ماعليج انتِ
تحضريلي وبَس خوشششش
ضحكت وكتلة خـوش
ادري مُستحيل اصلاً علي گال اشبع گلبة اكثر من سنة يلة
اجـة اليوم الثاني والعَصرية جنـة كاعدين كِل احنة، مانحس إلا نشوف بالكامرات سيارات هواي وكفن كدامنة، لا وحدة ولا ثنين ولا عَشرة، فوگ ال ١٥ سَيارة، ومن غير سابق انذار ومن غيـر مُخابرة حَتى
شفنـة مروآن نزل من اول سَيـارة
بساعتها انتابني شعـور فَرحـة فَضيع
صالحة
رايـد امريتة لا تكسرون خوطارهم ولكم
ولك عليوي اذا تمجعصِت هل مرة انيم العصة اعلى ظهرك
راحـوا طلعوا فتحوا الباب واستقبلوهم، عبالك مَشية وجـاية ناس هوووواي
مادري شنـو صار بالديوان بس انة اعرف الموضوع الي جايين بي عليّ
اقـل الساعة وهمة طلعـوا انة گلبي يفرفُر بـس اريد اسمع شصار
اجـوا طبوا كِلهم
وانة اباوع بالوجوه واريد اسمع
جبُر
اي يروينة شبيج تعاينين و وجهج جنة يدورلة على شي
روآن
مثل شنو جَدي
جبُر
مروآن؟
غمضت عيوني وباوعت لعلي
علي
والله انة بعَد ماكدر ادخل اكثر
جبُر
هم عوزة هم يرفض احنة هم اطينـاه مجـال هواي يلة
علي
جدي هي سالفة ورة روآن
تريد ترجعلة ماكول شي هم أزفة زفة زينة واگعِد ناس يلة اخليها ترجع معززة مكرمة
تريد مترجعلة ف براحتها هاي حياتهة ماراح تشوف واحد يزعلها ابـد
صالحة
موافقة انة اكلك
علي
خل نسمعهـا منج بوية روآن شتكولين ؟
هوَ الله فوگاي مبين متغيـر اسلوبة ياخذ ويطي ومدري شنـي
عجبني تمسُكة بس اكيد الرآي الاول والاخير رآيج
من گال هجـي احسني استحيت
باوعت الكل تباوعلي ومنتظرين
لعبـت بـ اصابعي وكتلة
روآن
بكيفكم
صعـت بسرعة لغرفتي وانة مَيتـة من الخَجل
فتحت موبايلي مالكيتـة كاتِب شي
مبين بعدة
اكو فرحة جانت داخلي جبيـرة
ضليت ساكتـة ومنتظرة الي يصيـر
شوية واجاني عـلي ضل يسولف وياي ومـا طلع مني الا وهوَ ماخذ حجاية الـ ايّ طالعة مني
رجعـوا لمروآن القرار ومروآن جان فرحان مو شلون ماجان وضل يكلي كتلج اخذج يعني اخذج ، كالي حضري نفسج والاسبـوع الجـاي انة اجيج و اخذج
انصدمت ليش كالي الاسبوع الجـاي بس عرفت اكـو سَبب
اليوم الثاني اجت الحجية وجـانت جايبة فلوس وذهب
گالت هـاي مروآن وداهن وگال شتريد خل تشتري وما تخلي بنفسهـا
فرحت لاهتمامة بهـذا الشي وبدينـا نجهِز الية
كِلشي وصينـاه لان ماجان النة خلِك نطلع
امي صالحة كالتلي ولا شـي تشترينة اسود كِل شي اشتري ملـون
صدِگ والله اشتريت اشكـال و الوان هدوم الـوان
رَحنـة للـ حفافة وسويت وجهي وجسمي وكل شي
ما جان بگلبي ذرة خوف من المنتظرني
بالعكس جنت احس ب ارتيـاح مو طبيعي
صـار اليوم الي ارجَع بي اجـة مروآة وكعدوا اهلي يوصوا اعلية، خصوصًا علي
شـوية وصاحوني حَتى اجي
جنت لابسة عباتي وشـالي
طلعـت وسلمت رجع السلام علية وهوَ واگف يريد يطلع
جبُر
جـدي نّفس ماوصيتة عليج اوصي عليج
مروآن
احنة شعدنة؟ نعيش بسعادة والله بس لو السانهة شويـة تگصرة
ضحگوا الكل واجاني جَدي وهوَ يكلي لسانج گصري
حضنتـة وبست ايدة وكتلة ان شاء الله
ودعـت الكِل وطلعنـا وانة ما مصدكة ب الصـاير
صَعدت بالصدر وصعَد مروآن بعَد ما سلم عليهم
باوعلي وابتسـم بنصر
مروآن
بنفس هل مكان كتلج
قصتنا انتهت گبل لا تبـدي
وبنفس هـل طَريق اكلج
قصتنا هسة ابتدت
وماكـو ايّ قوة بهل عـالم تكدر تنهيها
باوعتلة وگلبي يخفق بخـوف وبفرح بنفس الوكت
اخـذ بـ ايدي باسهـا وضل لازمهـا
شعـور غريب ماعايشتة گبل ابد احس گلبي يخفق وي كِل دقيقـة
ماحجـينة شَي طول الطَريق بس اباوع مَدري ويـن رايحين باتجـاه غريب، شويـة وشفتة اتجـاه لطريق الولاية
معقولة بـيتة بـ الولاية ؟
روآن
شني سالفة مروآن وين رايحين ؟
مروآن
رايحين حَتى نعيـش مِن الفآت بعُمرنـا
ابتسمت على كلامة مع انُ جان اكو علامات استفهام براسـي
شويـة و وكفنة كدام فندُق
روآن
يـاااا ويـن رايحين مروآن
مروآن
للفنـدق، كتلج نعيش الي فـآت مِن عُمرنـا
استغبرت من كلامـة نزلنة سوية لزم ايدي ومشينـا
روآن
مـروآن ويـن رايحين صدِك نحجي والله استحي
مروآن
هاي مني تستحي يالبوللة دسكتي اسكتي
راح اخذ المفتاح وصعَدنا للغرفـة اول مافتحهـا جان اكو نَفس الصالة
مروآن
اوكفي هنـا
وگفت ب استغراب هوَ طب ضل يتاكد من الـ كامرات
مروآن
اخذي راحتـج انة شوي وجايج تمام
صفنت عليّ، ياربي شجاي يحجـي هذا
مروآن
طبي تلكين كِلشي تحتاجي جـوة
يباوعلي بتمعُن، خلة وطلع نزعت عبايتي وطَبيت للغرفـة وجان انصدم ... يُتبعععععع
بدايات جديدة، تحمل وياها فرح مخبّأ بطيات الصدمات ..
لا تنسون التصويت 🤍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!