بيت جبر الفصل الثاني وستون 62 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
____________________

روان
مروان لااااا مروان الله عليك لاااا، لاااا تخليني وحدي مروان لا تسوي شي تتندم عليّ حباب لااااا

دفعنـي بسرعة وماجان مهتم راح لزم السجينة وبسرعة طب لغُرفتهـا

انة هنانة اريد استوعب شي ماكدر
الخوف جان متملكني وكلبي يدك بسـرعة .

ماحس الا جِسمي رجف وبرجفتي اجتني سَطرة على راسـي حَيل، ماكدرت اشوف شي ولا رجلية عانني عَ المشي ورأسًا وكعت على راسي ..

فَزيت من نومتـي وانة مخروعة وكلبي يدور على مروان قبل لا عيني تشوفـة

كعدت اعلى حيلي مفزوعـة بسرعة، محطوطة عَ فراشـي بغُرفتنـا وخرت الـ غطا بفزع وكمت اصيح
روان
مروووووان

ياربي اكيد كتلها اكيد ماتت اكيد

احجي والهَث وايدي اليمين ترجِف بخوف
بهـل اثنـاء اجتني دوخة براسي قويـة
لزمت الجرباية وانحنيت

وفجأة، و وسط كِل هل دوخة اللي لعبت براسي، سمعـت صوت خطوات سريعة تركض بلهفة تجاهي.

قبل لا تلمحة عيني، ريحتة سبقتـة
ذيج الريحة الممزوجة بين عطره المألوف ودخان جكاير مخلوطة ويـا، ريحة ما تنغلط، ما ممكن أخطئها ابد هذا مروآن ايّ ..

صوتـه انفجر بالهَلع وهو يركض ناحيتي:
الله بوية، الله، هـا يرويحتي اسم الله عليّ

روان
مروان مروان خومـا كِتلتها حباب كلي خومـا كِتلتهـا

احجي والهَث وهوَ يحاوِل يسندني ويكعدني ع الجربايـة

مروان
لا تخـافين انة يمـج روآني ماصار شي ماصار

انثنى بكعدتة اعلى الگاع ولزم ادية ويتنوعلي بـ خوف طاغي عليّ الحزِن

روان
مـروان خوما كِتلتها حباب كَلي

مروان
والله لا، لا تخـافين هاهيّ خلص هل كابوس

روان
خـايفة مروان خـايفة

شَد ع ايدي الجاي ترجف حَيل وباسني براسي ودموعي بـدت تنزل من رهبة الموقِف الي شفتـة

مروان
روآنـي هاي انة يمج ماصار بيـة شي، وهيَ عرِچ ما طگها لتخافـين

مسحت دمعتي وعدلت كعدتي وقابلتـة وانة امسد على ايدة الي محاوطتها لايدي

روان
حباب لا تجذب اعليَّ احجي الحقيقة

مروان
والله يم اهلها لا تخافـين كافي شبيچ مفزوعة هچـي

ما حسّيت بنفسي غير وانة شابگتة بسرعة، بإيدين ترجفن من الخوف وبگلب مليان إرادة وحب.

شبگتة قبل لا حتى أستوعب، شبگة مو مدروس، شبگة طالعة من أعماق الروح، وكأنُّ آخر وسيلة أطمّن بيها گلبي شبگتة.

بصوت مخنوگ گلت وأنة مدفونة بصدره
روان
ماريد اخسرك أبد، خفت عليك هواي، مروان.

حضني بـ قوة اكبر وكإنوا جان يحاول يهزِم همومة بيـة

مروان بذيج اللحظة جان غارگ بحزِن جانبي، غيمة سودة متعلگة بروحة وما يگدر يتخلص منها. بس من شَبگتة بهالطريقة المفاجئة، حضني العفوي غيّر كلشي.

هو يمكن ما حس، بس آنـة چنت أراقب، عينـي اتناثرت ع المراية المقابلية، والمراية چانت تعكسلي صورتـة.

غصبًا عنه ارتسمت ابتسامة حزينة عَ وجهه، فرحان حد الوجع بمبادرتي، كأنها أول مرّة هي اللي تجي الة بخطوة، أول مرّة اعترف بخوفي الة علنًا، بس كِلشي ماجان ب ايدي .

بلحظة مـا محسوبَة حسّ حضنها يلملم شُتـاتة، يضم كسور قلبة بدون ما هيَ تدري او يلفُظ بحرِف حَتى، وبهاللحظة، الحزن ما اختفى، بس صار أهون، لأنّه امتزج بفرحة عميقة.

وخرني من حضنة علكيف، والابتسامة الحية بعدهـي تارسة وجهه. مد إيده يلمس خدي بـ اصابعة الخشنة بس بحنية جبيرة، حضن وجهي بين چفوفة، وعينه غارگة بعيون، وكأنهُ هايم بيها حد الذوبان.

صوته الرجولي نزل ناصي، بس ممتلي حنية

مروان
هلكَـد تخافين علَيّ؟

نبرتة جانت مزيج بين الدهشة والفرح، وكأنهُ لأول مرة يكتشف مقدار قيمتة جوّا گلبي

هزيت راسي بـ ايّ

غمض عيونـة وبنفس الوكِت تنفس براحـة وضمني لحُضنـة
جان يحاول يمزج ارواحنـا سوى، ويخلي گلبي اعلى گلبة

بادلتة بالحضن لاول مـرة وحطيت راسي ع چِتفة وغمضت عيوني

مروان
مكسور روان، انكسرت انة ..

وخرت عنـة بفزع وتوتر
اشرتلة يجي يكعد يمي كعد يمي ع الجرباية وطئطئ راسـة وتنهد

حطيت ايدي على چتفة وانداريت الة
روان
شصـار احجيلي

مروان
جنت ناوي اكتلها روان، خلص هاهيّ اكتلها و ولا اخليها تلعب اعليَّ بهـذا الموضوع
اندار الي وعيونـة وحمارهن جـان يحجي كِلشي
ولج روان هذا الموضوع حَساس بنِسبة لية، ولج عشت ١٥ سَنـة بأمل واحِد، ويجي واحد يضحك اعلية بي ؟ يعيشنيـا ونوبّ يطلع يضحك اعلية

ولـج اخذت ليالي افكِر واخطط
اذا ولد شسِمي واذا بت شسميها
شلون راح اعيشنـة وشلون راح ادللة
شسويلة وشلون

تالي اطلع مضحگة بيدهِن؟

وگعتج وصيحة حبوبتي هيَ الـ خلنّي اتراجع، بس شلتج انـة بين ادية وحبوبتي شردتهـا، جان كتلتها بيدي روان

ردت اكتلها، ردت اشرب من دمهـا
ولـج روان كتلت اخر أمل بداخلي

حطمتني، كِسرتني لعبت بمشاعِر بَشر

ولج انة مروان، انة اضحك اعلى النـاس مو الناس تضحك اعلية، انـا الاكسِر كلب الناس محد تجرأ وكِسرة لگلبي بفّد يوم بهل موضوع، هيَ شلـون تجرأت شلون

ولج انتِ انتِ روان، بمعزتج وغلاتج بكلبي
وبس حسيتج تعيريني بهاي سالفة
انتقمت منج ودمرت علاقتنـا الي جنت اتمنة تنبني

نوبّ تجيني هـاي تتملعب اعليّ هجي؟
عبالج تمضي ؟
لا والكِفل زينب يا روان
الا اخليها تحِس بالسوتليا
الا اضوگها من المُر الضوگتنيــا
الا انتقم اعلى كِل وجع وجعتنـيا
لو مو مرتي، لو مو عَرضي، كسرة كلبي هـاي ما اخليها تتعدالها

هههه نشرت اعليّ وجِنت فرحان
صارلي ساعة مگابِل المنشور وصافن اعليّ
بي الفين اعجاب من ناسنة و نفس المقدار من تعليقات وتهاني
تنوعي

فتح موبايلة وصـار يقرة
مروان
﴿فَنَادَتْهُ الْمَلَائِكَةُ وَهُوَ قَائِمٌ يُصَلِّي فِي الْمِحْرَابِ أَنَّ اللَّهَ يُبَشِّرُكَ بِيَحْيَىٰ﴾
وبِنـاءً على قول رّب العالميـن ﴿فَبِنِعْمَةِ رَبِّكَ فَحَدِّثْ﴾
الحمد لله على حكمتهِ وعطاياه، ١٥ سنة وأنة محروم من نعمة الذرية، وصبرت صبُر متوارِث من ابوي دحآن، لجَدي حمدآن ومواقفة و صبرة، لان بكِل بساطة انة شيخ وابن اشيوخ ومو الشيخ وابن الشيوخ يهزمة انتظار، واليوم، سواء رزقني الله ولد يحمل اسمي أو بنية تملأ عُمري حنان، ف آنة متاكد انّي راح أحبهم بنفس القدر... لأن نعمة ربنا مو بالجنِس، النعمة إن الله اختارك تصير أب وهاي بحد ذاتها اكبر نِعمة بالنسبة الي ..

مِن حجة احس ماتحملت وعيوني دمعن بـسرعة حاولت اقوي روحي وما انزل دموعي واحاجي بهدوء

روان
ميـخالف مروآن والله الله راح يتلطف بينـة ويعوضنـا بكِل الخير بس لا تسوي بروحك هِجي

مروان
شَسـوي روان شَسـوي انة هسة ارد انتقم ارد اكتِل انة واصل لهل مرحلة هاي، لا تشوفيني هجي ساكت وكاعد ابصفج انة هسة ارد اروح اكسِر الدنيا اعلى روسهُم واحد واحد من دكتورة لـ سعيدة وامي اخخخخ امـي اخ

روان
امك دوختني مروان مجاي اعرف شبيها ساعة تصيـر صاحية ساعة لا

مروان
مدمغاتها تدمغ بالسحـورة صيحت حجيت ليش تلعبين هجي اعلى ابنج ماتحجي بس تبجي وتكلي يُمة مو بوعيي شسويلها هاي هم مرتي واطلگها ؟؟
مو اصيرن ابن بـاررر

روان
لا مروان هاي امك مهمّا صار هاي امك

مروان
روان انتِ شلون صرتي شجاي تحسيـن بوية

روان
هجي دوخة بـسيطة

مروان
هاي لانّج ما تريگتي وانخرعتي، يلة حبيبتي انة أجلت كِلشي من وراج انزلي يم الحجية وانبطحي وموبايلي مفتوح اقل شي تخابريني بسرعة اجيج خوش

كال هَجي وگام لزمت ايدة وباوعتلة بخـوف
روان
ويـن رايح مروان

ابتسم بهدوء
مروان
انة فرحان لان انتِ هلكد خايفة اعليَّ بي بنفِس الوكت لازم تعرفيـن رجلج انلچم، ومحد يطفي نـارة وياخذ حگة غيـرة لا تخافين اطلع حگي واجـي

هزيت الة راسي بخـوف باس راسي وكالي يلة خل ننزل

الساعـة بـ ١١:٣٠ الصُبح نزلنة لجـوة رحنة يم الحَجيـة

فضيلة
ها يُمة شلون صرتي

روان
زيـنة حجية زينة

مروان
يلة انة طالع بالجن اعلى روحجن

فضيلة
يُمة تهدى اعلى كيفك

مروان
هاي شني حَتى انتِ حجية هسة بلة مروان تخاف انتِ اعلى شني تخافين انة اروح اوكلها هيَ واهلها خـرة واروح للدكتورة اتفاهم وياهة ارد انعل ابو ابوهـا ومن بعدها اجيجن ماعدي شي لا تخـافن
وها لا تفتحن الباب اعلى امي سديت الباب اعليهـا

تنوعتلة بـ خوف تنهَد وراح مبيـن شكد جان مكسور ومبيـن القهر بعيونة ذاك وينـة

راح مروآن واحنـة ضلينة منتظري، والاتعس هوَ وصاني ما اخابرة الا اذا اكـو شَي، ضل للـ ٥ يلة طَب للبيت صدمنـا وهوَ يكول طلگت سعـدية، الموضوع ما فرحني ابد ولا لكيت روحي سعيدة واباوع من غير جوانب لان حالة مروان جانت حَيل خطرة، اشوفة هَجي احمر وكابت كبِت وجسمة كِلة متشنِج

ورايح للدكتورة وحَسب مافاهم منها هنّ متفقـات وياهة مُقابِل ١٠ ملايين دينار، مروان رافع عليها دعوى وجـاي مَيت من القهر والعَصبية

حِجـة صيح اعلى امـة مافاد جانت تسوي بروحها تهز بجسمها وتبجي، ماكدر يحجـي ازيد وياهة عافهـا مع انُ بكلبة جان حَتى كرِه كارهة

بنفس اليـوم مروان خلة وصعـد الحجية كلتلي اصِعدي ورآ، بعدني بالصالة طلعت هيَ تنوعتلها حجت بعصبية

ام مروان
اذا ما خليتج تندمـين اعلى كل لحظة عشتيها هنانة انتظريني بَس

خفت من كلامها حسيت نفس الرّجفة وسـارت بجِسمي

رحَت صعدت لمروان وانة اضرب اخماس بَسداس
يـاربي كِلشي مُمكِن يسون ذني شلون بيـة
بلة سون سحِر يكلبن بي كِلشي اعلية؟

جنت افكِر وشاردة بغيـر عالم، فززني صوت مروان وهوَ يصيحني، جان هم امدد اعلى الجرباية وصافِن

مروان
شبيها فصعونتي بيمن جاي اتفكر؟

روان
مادري شسولف

مروان
انتَ سولِف وانـة احبك

ابتسمت بوجهة بقلق
اخذ ادية وصار يمسد بيهن

روان
من ردت اصعد امك كالتلي راح اخليج تندمين وانة خـايفة مروان

مروان
انتِ تنيحي عنها ومالج دخل بالباقي، الباقي انة احلنّة

روان
اهيسنّك شو مطمِن، مروان السالفة تخوف والله انة اخـافن

مروان
تنوعيلي حبَيبتي اكو مثل احنة عِدنـة قديم شيكول
شي ماتطولة لا تحوم حولة
وانـة لو ماشايفني كد سلامتج ما جان لزكت بيج

روان
مـادري خايفة لا يسون شي فوك طاقتنـا ومو بدينة

مروان باستغراب
مثلاً شني

روان
سحِر؟

تنهـد وتنوعلي وصِفن
مروان
انة اتصرف روان بس اريدن ارتاح شويـة

گال هجي وتمدد بملابسة، كل مرة ماينام الا يسبح وينزع دشداشتة يلبس گلبيتـة ويتعطّر وينام، هل يوم كِلشي بي جـان غير

اتنوعلة مغمض بتعب وارهـاق مترددة انّي اتقرب منة بس بنفس الوكت خايفة اعليّ

سديت الاضويـة واجيت ع الفراش اندار عليّ وحضني
صارت لحظة صمت

روان
مروان نمت؟

مروان
لا مسنِح بـ اكثر مكان هادي بهل دنيا، بامل شوية يهديلي بالي

روان
مروان لا تفكِر الله الي يدبرنها والله

مروان
من ناحية استصعبهـا شلون كدرت تضحك اعليَّ هجي
ومن ناحية ازعل اعلىَّ روحي التأملت حَتى تنال وبنهاية مانالت شي

بشكِل غير ارادي وما مُخططلة وباندفاع جبيـر كتلة

روان
اعلى الطفل، انة اجيبلك طفل و وِلد هّم

ضحگ ضحگة خفيفة وحاوطني بحضنة اكثر
مروان
بعدج صغيـرة فصعونة
تربين روحج تربين الطفِل

روان
لا بالله يعني قابِل سعدية افهم مني
وبعديـن شني امي موجودة هيَ تربي

مروان
ايَ عفيـة اخلي يتربى ابيتكم جـا انة شني هنا رجل كرسي ما عاولت حَتى يصيـر

روان
جا وإذا ابيت جدة قابِل غُربة
اذا اجتني بنية الا اخليها تديح هناكَ وتعشگلك ابن خالها على شرط علاوي خوش انتاج حَتى يصير ههههههههههه

مروان بـ صرامة
اذا خليتها عود تعدي باب البيت، تروح ويانة وترجع ويانة سوالف التلطلط ماعدياهة انة

روان
دروح موهيًَ بكيفك

مروان
ولج جاااا بكيف منو عبن غير انة ابوها شو انتِ لسانج فالت يالبوللة شني دروح

روان
بكيفي انة ولدي بكيفي مو انتَ التمنعهم والله نسوي اعليك انقلاب والله

مروان
اويلي يابـة اروح بروان اطلعلي بثنين روانات يطلعن حلِيب أُمي مني
بس ترة انة جـاددددد ومُصر ماخليهن يرحن لبيت جبُر خاف صدك ولنهن عاشگاتلهن واحِد

روان
انتَ بس اصبرلي اذا ماخلي بتي تاخذ من اولاد ولـِد عمي لو اخواني ما اتسمى روان

مروان
بناتي ماطيهن انة، انتِ كيرمي(كريمة'فعِل يحدث') بحدِج عود

روان
جـا المن تريد تطيهن بلة

مروان
ماطيهن لواحد اكعِد واچلچل اعليهِن هنّ وامهن

روان
ايّ كِلش تموت اعلى امهن مو

مروان
اعشگ تراب رجلين امهن مونوب امهن
اكِلج هسة احنة نتعارك هنّ وينهن غير يجن

ضحگنـة سوى لان مشينة الامور بجِدية هلگ، فرحت لان ضحكتة شوية وحاولت اغيرلة وضعـة ولو شوية عـاد

الساعـة بـ ٣ وهستونـة غُفينـة، حَسيت اكو مثل الخيـال الاسود فوگ راسي بس جنت احس بوجودة رُغم انّي نايمة وسادة عيوني، شوية وحسيتة اتقرب اعلية حَيل

فَزيت مرعوبـة وشهگت وكمت من حضن مروان بسرعة، فز مروان اعلى طفرتي وانة اباوع منا ومنـا وخايفة

مروان
شبيج روان اسم الله شكو

سرت افرك صَدري علكيف لان لِلحظة حسيت گلبي وگف
روان
مادري حَسيت اكو شي يريد يخنگني

مروان
ماكوشي حبيبتي تعـاي نامي مُجرّد هلوسات هـاي

روان
مو هلوسات مروآن مو هلوسات والله حَسيت اكو ظل اسود ويتقرب اعلية
يُمة مروان انة خـايفة والله خايفـة

مروان
لا تخـافين هاي انة يمج هياني تعاي

سحبني وخلـة راسي اعلى ايدة

مروان
كلبج جاي يدك حيل شبيج روان سمي باسم الله ماكووشي

روان
خايفة مروان خايفة

مروان
غمضي عيونج ونامي منين تخافين غير انة يمج

روان
مو تعوفني الصبح وتروح كعدني وياك حباب

مروان
صار يجرالج
وتريد جهـال وهيَ هجي تخاف ديلة نـامي نامي

جنت مچلبة بي بكِل قوتي ومغمضة عيوني حَيل، قريت آيات قُرآنيـة ونمِت لليوم الثاني كعدت ع صوت مروان وهوَ يكعدني نزلنـة جوة امة ماطلعت من غُرفتهـا

مروان
هسة ادري بيها كاتلة روحهـا شمسوية بنفسها والله انة تعبت والله يعني المن اصيـر مادري

فضيلة
كول يالله يمة اعلى كيفك، اختبار من ربك هـذا كوم وشوفهة اميمتك هيَ

كام مروان وانة اباوع وصافنة واحس روحي تعبانة

فضيلة
لعبت بروحهـا فّلك كِلة من ما بورة سحورتها، انگلبت اعليها وسعاد اتحلفت بيها كالت الها اذا خليتج مرتاحة مايسمى اسمي سعاد

روان
حجية مرات احسهة تجذب ومنتبها ومابيها شي ومرات اطب اعليهّا فجأة بدون ماتدري والكاهة صدِك تبجي لو تهز بروحها وهيَ كاعدة، يعني معقولة هذا سحر؟

فضيلة
ولج يمة سحِر اسود هذا

روان
وعود سعاد توصل وياهة هل مواصيل؟

فضيلة
شني غريبة اعليج عرامتها ؟ هيَ رّب الي لگفهة رجلج ابنص الكاولية وتسوي عبالج تعوفها والله لو تموت ام دودة هيَ ام دودة

روان
حجية جا شلون بينة احنة؟!

فضيلة
يمة انتِ تصلين

روان
اي حجية جا مو كدامج شني ما تشوفيني

فضيلة
ها اها رحم الله والديج دامنا نصلي ونصوم ونيتنـا صادقة مايصير بينة شي، هيَ توكع بيمن؟ بقليل الايمان، شلون ما وِكع ب ام مروان هسة

روان
والله ياحجية مادري

گمِت من مكاني وطلعت، تنوعت باب غرفة ام مروان مفتوح

هيَ كاعدة تبجي وصافنة و مروان كدامهة كاعد ويسولف وياهة
مروان
يُمة انة ابنج والله تعبت كافي تسوين بية وبنفسج هجي والله تعبت يا يُمة وحيل بعد مابية، اتقي ربج خل اخذج للعباس ازورج خل اخلي سيد يشوفج ليش هجي تسوين بروحج يُمة ليش

هوَ يحجي وهيَ تبجي كسرت كلبي للحظة، هاي شمسوية بيها وهجي موصلتها لمرحلة، رحت من كيفي وسويت الهـا صينية ريوگ واجيت

وگفت كدام الباب مروان شافني
مروان
تعاي روان، ايّ عاشت ايدج يلة يُمة شوفي روان شسوتلج يلة كومي خل ناكل

اجت عيونها بعيوني، عيونها حُمر ومليانات دمِع ويخوفن ع كد ما متعكمِشات

قدمت الصينية جاي اريد اطيهـا لمروان ماحس الا ركعتها حَيل جنت صابة استكان جاي والجـاي حـار فَ انركع حَيل الاستكان مابين وجهي وصَدري بحيث حسيت روحي انهلطت هلِط

ام مروان
وخربها وخررررريها شحاطتلي بالاكل هـا
اكيد سحِر لو سم ترديييييين تموتينييي

اجاني مروان لزم جتفي وهوَ يكلي تأذيتي
حَسيت روحي فارت خليت وطلعت بـسرعة رحت غسلت بسرعة واحس روحي فرفرت من الـ سعير الصار بوجهي وصدري

سمعت صوت مروان يصيـح وشوية خطواتـة صارن وراي اجة وشافني وانة واكفة يم مغسلة المطبخ وبين الاحط ماي لوجهي وبين لصدري ومتألمة حَيل

مروان
روان تأذيتي حَيل

شاف الحمـار الي صار بصدري خصوصًا ضل بس يستغفر ويتنهد

الحجية سمعت بينة كالتلي خليلة معجون

مروان
حجية شلون نحط معجـون هسة يحركهـا حرِك انة هسة اروحن اجيبلهة واجي من صيدلية

صدك والله راح مروان للصيدلية و على شكد مـا تأذيت حَسيت حرارة سرت بكِل جسمي، لان الجاي جان حيل حار

جابلي عِصارة كالي هاي شويـة تهدأج، دهنلييا هوَ ومن الالم احس عيوني دمعّن

روان
مروان على كيفك والله كام تحركني

مروان
غيـر هوَ كالي سوي هجي يا روان اااااه استغفرالله شلون تُصفى شلونننن

روان
فوك ما سويت زين والله بعد ماسوي زين

مروان
تعتبين اعليها روان ليش هيَ بعقلها وتعتبين اعليها، شنسوي بس كليلي شنسوي، كليلي الله يساعدك انتَ شلـون متحملهّا

جـاي نِحجي وسمعنـا صوت بجي عالي، وماجان بس صوت بجي جان نحِيب يبين وكانهُ لرجـال

كام مروان مفزوع وانة كمت ورا، فتح الباب الباب مقفول دك الباب حَيل

مروان
يُمة يُمة افتحييييي الباب شبيـج

ماجان الباب ينفتح وبس صوت بجي عالي، روان كام يدفر بالباب بس الباب قـوي حَيل اخر شي دفعة دفعـة قووية حَيل وفتحة

لكيناهة كاعدة بالگاع وشعرها مفلول ونازل اعلى وجهة وعيونهـا وتبجي وتهلس بشعرهة

منظرهة خلاني انرعِب ضليت اتنوعلهة ومصدومـة من عِدها
ثبتهـا مروان بقوة وضل لازمها من جتافهة ويحجي ويـاهة ويصيح

شافني مروان صافنة كالي اطلعي بـسرعة، طلعت وانة ميتة خوف وايدي كام ترجِف من المنظر الي شفتهة بيهـا

كوة مروان هدئها ضل بالساعـة بالغرفة وياهة لمن نامت يلة طلع الحجية كالتلة لازم تشوفلك حّل ومروان صافن شني مُمكِن يسوي

الخوف الي بداخلي جـان موطبيعي بس ماجنت اكدر احجيلي شي لان الي بمروان كافي و وافـي

گال راح ادورلي واحِد سيد يخـاف الله وشوفن شيصيـر، هيَ المشكلة انهّا من بعد ماطلعت سعدية خصوصًا المرة تخبلت اعلينا، عاد قبِل جانت لابُد منها ساكتة وكاعدة ..

بليل جنـة كاعدين اعلى الاكِل وانة مرعوبة وبالي يمها خاف تسوي ايّ حركة

اجت عينهـا بعيني خزرتني خَزرة خلت كِل جسمي يرجِف، دنگت راسي وانة ابلعم واكِل رفعت راسي مرة ثانية اتنوعلها تتنوعلي وتصغر بعيونهـا بصورة مُخيفة

مروان جان كاعِد يمي حَطيت ايدي اعلى ظهرة من ورة وردتة يحِس، تنوعلي تنوعتلة بخـوف
تنوع لامـة واستغفر

مروان
استغفرالله يُمة شبيج ليش تتنوعين هجي

ماحس الا ذبت اللگمـة من حلگِها وگام تضحگ حَيل

فضيلة
آااا ومِن جفن حَتى جفن شمالج تتمضحكين اعلى الضيم الي انتِ بي

ام مروان
لا جاي اضحك اعليكم واعلى الراح يصيـر بيكم

فضيلة
برد شرِج يُمة شيصيـر بينة اسم الله الرحمٰن

فضيلة
هههههههههه كلكم راح تموتون شلون ما مات ابني كلكم

راحت وخلت للغرفـة وانة على شوية وابجي

فضيلة
ياه دادة هاي شجاي تمسلت امك تخبلت يمروان تخبلت

روان
مروان اخذني لاهلي

مروان
شبيج روان ويـن ترحين

روان
مروان خايفة والله خايفـة شايف شلون تتنوعلي والله تخوفني

فضيلة
حبوبة بس تحجي والله ماتسوي شي

روان
حجية تتنوعلي بنظرات تخوف والله شفتوا شتحجي

مروان
انة يمـج مايصير بيجن شي ماعليجن وهذا الشيخ هم خوش شيخ كالوا من الناصرية وديت اعليّ فَ ان شاء الله نستبشر بالخير نحط عينة بعين الله والباقي هين لين ب اذن الرحمٰن

مروان كالي ننـام جوة، بالبيت اكثر من ٤ غُرف جوة نزلنـة بوحدة من الغرف خاف يصيـر كِلشي بالغرفة ضلينة نحجي انة ومروان

مروان يريد يروح لاهل سعـاد كال العب بيهم فلك هيَ وياهُم وبنفس الوكت محتـار وخايف علية وعلى الحِجيـة

الخوف بداخلي ماينوصف وبنفس الوكِت ماردت اقلقة اكثر بس رُغم هذا خوفي جـان واضح اعلية

جان منيمني بحُضنـة ويحجي ويـاي حَسيت بي جان تعبان ونعسان رُغم انة لا نعسانة ولا عيني تاخذ نوم

ضليت اتكلب بمكاني شويـة بعدهي حَسيت روحي جوعانة حَيل حاولت انام ماكدرت جنت كلش جوعانة لان العشـا بعدنة ب بدايتة ونرعبت وعفتـة

ردت اطلع وحدي بس حَسيت روحي اخاف ماكدر اطلع وحدي
رحت لمروان احرمصلة حَتى يطلع وياي بس جان مقفُل

مروان
ولج روان وعلي تعبان حبابة روحي اطلعي انتِ، الثلاجة بيهة اشكال و الوان جيبيلج شو شني وتعـاي

روان
والله اخاف مروان حباب تعال وياي مو حرام عليك

مروان
روان اردنام وخري عني
جني اكو بـرة خوماجني روحي اطلعي ماكوشي

روان
كش برة منك ولا تطي من نفسك شوية

مروان
اذا اكوملج هسة محد يخلصج مني والله

عفتـة ورحِت كوكي نايمة اكيد جان كتلها هيَ تجيبلي
سميت ب اسم الرحمٰن وقريت آية الكُرسي وطلعت

الغُرفة مقابل باب الصالة الي يودي للمطبخ، اول ماخطيت خطوة برة الغرفـة شفت ام مروان واكفة وشعرها منفوش ولابسة اسود وتكطع بالدجـاج

صفنت عليها اتنوعلها تفصِل الـ جلد واللحم عن العظُم وتطلع بس العظام منها وتحطهن اعلى جِهة
يُمة هااااي شجاي تسوي والله تخوف

طبيت للغرفـة بسرعة وسديت الباب على كيـف
اسكت لو اكل لمروان؟
خاف احجي ويطلع شي سخيف
وخاف ماحجي ويطلع شو شني

خاف تريد تسوي دجاج؟ لا وينهـا وين الاكل
خل اكل لمـروان احسن شي ايّ احسن شي اكل لمروان

رحت لمروان بسرعة نـايم بتعَب
حطيت ايدي ع جتـفة وصرت اكعدة بصوت ناصي
روان
مروان مروووان اكعد

فز بسرعة مرعوب من نومتـة
مروان
ها ها شكو صاير شي

روان
مروان كوم حباب
شوف امك مَدري شبيها بالمطبخ مدري شجاي تسوي

مروان
شبيها شبيها

كام مفزوع مالحكت حَتى احاجي طلع طلعت ورا
راح للمطبخ بـسرعة ماكو ماموجودة

مروان
روان تتخيلين

روان
والله شفتها بعيوني مروان
هيَ جانت هنانة ومدري شسوي بالدجاج روح للغرفة شوفها شجاي تسوي حباب

مروان
يارب صبرك يارب

راح للغرفـة وفتح الباب اول مافتحنـة الباب انصدمنـا
جانت كاعدة بالكاع وحاطة طشِت ابيض ستيل وبي عظام دجاج وشعر وقطعة قماش صغيـرة وبيها نفس الأُبـرة

تصَمدِت من المنظر وضليت اتنوع بـ تعجُب وانبهار
مروان تقدم الهـا وهوَ يكلها
مروان
يُمة شجااااي تسوين هااااي شني ارد افهم

رفعت وجهة صوبنـا ب تعجُب لوجودنـا وخزرتني وماجان مبين بياض عينها كد السواد
رفعت اصبعهـا بوجهي وكالتلي بصوت اقرب للرجولي
ام مروان
الا اخليج تتندمين انة اعلمج انة اعلمج

حجت هجي وبجت واجتني بسرعة رجعت لورة بخوف ومروان لزمها حَيل

روان بصايح
يُمة هااااااي شبيها مروان شبيهااااااا

مروان
يمة شبيج تخبلتيييي شبيجج

جان لازمها كوة ومثبتها وهيَ بس تريد تجيني

مروان
اطلعيييي بسرعة روان اطلعييييي بسرعة

بقوة مروان وضخامتة اعليها الي تصير هيَ دودة ابين ادي وهوَ جان ما كادر الهـا

فجاة دفرت الطِشت وتبدة كلشي بالگاع
مروان فززني من صدمتي و صفنتي وهوَ يصرخ علية اطلع

درت وجهي بسرعة واريد اطلع ماحِس الا الكهرباء طُفت
وكفت بمكاني وتجمدتتت بدمي
روان
مرووووان مرووووان وينـك

صرنة نسمع صوت اصوات سريعـة داير مدايرنـة وصوت ضحكة ام مروان عّم بالغُرفة، انفزعت من المنظر برُعب وصرت اصيح بصوت عـالي
روان
مروووووووان وينككككك مرووووان

اجاني بـسرعة مروان حضني وهوَ يكلي بصوت يرجِف
مروان
انـة يمج انـة يمج لا تخافين

يحاول يفتح بالباب ماينفتح وكانهُ مقفول، جلبت بي حَيل وصرت ورا وامـة بس تضحگ بصوت رجولي

مروآن
بسم الله الرحمٰن الرحيم بسم الله الرحمٰن الرحيم، حَسبي الله ونعم الوكيل حَسبي الله ونعم الوكيل، انة يمج مايصيرلج شي والله مايصير الله ويانا الله ويانا

بدت ام مروان تصرخ بـ اصوات عنيفة وصار نفس صوت الهوى بالغُرفـة المشهد جان اقرب للخـيال ومُستحيل احد يصدگة، صوت الحجية صار عالي وهيَ تنهدلنة من ورة الباب ومروان حطني بينة وبين الباب وصـار يحاول يكسر الباب بقوة

كِل لحظة جانت تزيد من الخـوف والقلق، صوت بجيي وصوت القُرآن بصوت مروآن وصوتها هيَ وهيَ تصرخ وصوت الهوى العالي الي صِدر من الشباج الي انفتح فجأة اختلطن سوة

مُضت اقل من الدقيقة على هذا حالنـا بَس جانت بالنسبة الي نفس السَنة خوفي جـان فَضيع وجنت مجلبة بمروان حَيل صاح مروان
يـا ابا الحَسن يـا علي
وبضربة قوووية من ايدة ضرب الباب حَيل وانفتح الباب، اندفعت ليورة ولزمني هوَ حيل

الحجيـة تصرخ والغرفة فجأة انسدت وحدهي والكهرباء رِجعت

صرت يم الحَجية بخوف ومروان انفزع للغرفة بسـرعة، الباب ما يوكف ينفتح وينسد بسرعة، بحيث اول ما طّب مروان انسدت الباب بثكِل ورا

صرت ابجي بقـوة من هول المنظر الاشبه للخيال واحس لساني انعگِد ورجلية بردن وماصارن يعينني حَتى اكوم بيهن حَتى. عيوني غوشن و اكو نفس اللوية صـارت ب بطني والكاع احسها كام تفتر بيـة فَر، ماكدرت اثبت نفسي وتوازنها اكثر و وكعت بسرعة ع الگاع

فَزيت على صوت نفخة يصيـر ب اذني
انخرعت وصحَيت بسـرعة لكيت يمي مروان والحجية نايمة على فراشها

مروان
اسم الله روان اسم الله

صرت اتنوعلة واتلمسة اذا هوَ حقيقي لولا وبنفس الوكت دموعي تنزل بسرعة

روان
مروان مروان انة بحلم لو شنو مروان شفت ش ش فت شنو صار بينة مروان احنة ليش لسة هنا ليشش

مروان
اهدي روان اهدي مابقة شي الشيخ راح يجي هَسـة والله انتظري

تنوعت للساعة، الساعة بـ ٦ الصُبح
وكل احنة بغرفة الحجـية ماعدا امـة

روان
مروان وديني لاهلي مروان حباب وديني لاهلي ماكدر والله ماكدررر هسة تكتلني اخاف تكتلني مروان حـباب

مروان
انة يمج روان مايصيرلج شي والله خّل يجي هذا الشيخ هَسة ونشوف شيصيـر ومن بعدهي نقرر شنسوي
اوديج لاهلج واودي الحجية هم ويـاج جا انة اخاطر بيجن كليلي ماخاطر بيجن بس خل يصبح الصباح ونشوف شني الفلم هسة هوَ بالطريق شويـة ويوصل فد نُص ساعـة

روان
مروان شفت شصار شفت شصار عبالك حلممممم عبالك هجي نفس الافلام احس جسمي كِلة يرجففف والله

اجـة يمي بتعَب وبنفس الوكت عيونة مليااااان غَضب
لزم ادية وحضني حَيل
مروان
انة يمج والله، ماصار شَي لا تخافـين هسة كِلشي يخلص بس يطُر الصُبح اخذج لاهلج ترتاحيـن وبيبيتي تروح ويـاج حتى البت هاي العاملة اخذوها وياكُم اعلما اشوفلي حّل للمـرة هاي والله كَريم

روان
مروان يعني منو يسوي هجي صدك سعاد

مروان
سعاد ماغيرها حَسبي الله ونعم الوكيل بيها، لو ما ابوها كواد ابن كواد ماجان تمادت هجي، جان حَطيت الـنعال بحلكها لو طلعت من باب الحوش، بس ابوها متيهة بس والله الا انتقم منهم واحدددد واحد انة اعلمهم

روان
مروان انة خـايفة هواي خايفة

مروان
لا تخلين الخوف يسيطر اعليج كومي صلي يلة توضي وصلي
هسة ارد افتهم شبيج كل ساع وطايحة حَتى وجهج صاير اصفر

روان
يعني ليش برائيك مروان ليششش من الخوف غيـررر والله احس روحي رايحة ومخنوگة هواي

قربني صوبـة وباسني من راسي ولزم زاوية وجهي بلطف وتنوعلي بتعب
مروان
اسم الله اعليج مروان لا تخـافين ماراح اعذبج زايـد والله

طلعنـا سوية توضيت ورجعت للغرفة راد يروح للغرفة يشوف امـك لزمت ايدة
مروان لتعوفني والله اخـاف

ماكدر يكول لا خلّة وطب ويـاي، طَبيت ولبست جادر الصلاة وبلشت اصلي هوَ گالي هَسة اجيج

راح للغرفـة وانة حاولت اركز بصلاتي ومـا الهي روحي بتفكير رِجع وهوَ يكول نـايمة

كملت صلاتي وبهل اثنـاء خابرة الشيخ طلع هوَ والحجية كعدت كالي لا تطلعيـن انتِ منا ابد

اجـة الشيخ، انسـان كبير في السِن وقـر، صّايم مصلي ويخاف الله طب للبيت وهوَ يسمي بـ اسم الرحمٰن ويصلي على مُحمَد وآلِ مُحمَد

مروان
شيخ اذا بيهـا مَجال تنتظرني شويـة هنا

الشيخ
منتظرك ابني

دخّل مروان يلبس امـة ويوعيها، والشيـخ عيونة تتلفت داير مداير البيَت ويردد بحَسرة
الشيخ
حَسبي الله ونعم الوكيل

وكانهُ جـان يشوف اشياء واعمال بس هوَ الكادر يشوفهن

مزوان
تفضل شيخنـا تفضل

طب الشيخ وهوّ غاض بصـرة ومدنگ راسة للارض گعد كدامهُم وتنوع بنظرة لام مـروان، الي جانت نفس الجِثة الهادئة كاعدة ومروان لازمهـا وتهز بروحهـا

رجع غّض بصـرة وبدة يسئلها

الشيخ
بتي انتِ شبيج ليش هجي صـار بيج انة اكدر اخلصك من الي انتِ بي بس حاجيني

مروان
يُمة هـذا الشيخ من الناصرية من آل بـو .... بخيتين يُمة مو انتِ جنتي تحجيلي بيهُم متعنيلج لهنا اعلمود سلامتج وصحتج فَ احجيلة

ماجانت تحجي، بس جانت تباوع لمكان مجهول بـ زاوية الغُرفـة وصافنة

حاول يسئلها يحاجيها بس ماجانت تحجي ولا حرّف، شفايفها متلازگات ببعض بشكل تام ..

الشيخ
لازم تساعدين نفسج بويـة ترة لابآس مابيج شي جبير، بس ايمانج انتِ حيل ضعـيف قوي روحج وصلي هيَ تصلي من قبِل ؟

مروان باحراج
لا شيـخ

الشيخ
ليش بويـة ليش صلي تراها تتراكم اعليج، انتِ لو مصلية من بداية الامر جان مامترگربلج كل سوء

بـدة الشيخ يُقرآ ايات قُرآنية على راسـها وبدة يرتِل بصوت هادئ و وقـر

عيونها انقفلن اعلى ال نص، تحاول تصدّر أي شعور، وفجأة بدت تطلع صوت انين وشوي شوي صوتها بدأ يخف، وبعد لحظة ارتفع صراخها، صوت مزيج بين الألم والخوف والراحة.

بدأ جسدها يهتز، وجسمها يضعف نـامت على چِتف مروان والدموع تتساقط بغزارة، وصرخت بـ آآآه
كأن كل شيء مظلم جان يحاول يخرج من روحها دفعة واحدة.

مروان جان كاعد ويقرة وي الشيـخ بجمود ويحاول مايهتز لحركاتها الي جانت تسويهن وهيَ يمة، الشيخ ظل واكف، يقرأ بهدوء، وهو حَاط ايدة على رأسها، والجو كله صامت إلا صوت تلاوة الآيات وصوت انينها.

فجأة، بدت تتحرك بشكل غريب، تشدّ ايد مروان بقوة، وتصرخ بصوت خشن: لااااااا اتركني
جسدها صار متوتر بالكامل، والدموع تتطاير، وكل مرة تحاول تتحرر، مروان يلزمها ويثبتها بقـوة

الشيخ
هدّي نفسج يا بنتي لا تخافين كلة رح يمرّ كلة

بس صوتها صار أقوى، مليان غضب وخوف، وكأن شي داخلي يحاول يرفض أي تدخل صارت تصرخ بصوت عـالي وتدفع مروان بقوة رجال مو بجسد امراة ضعـيفة وتحاول تخلي يعوفها

مروان شد جسمها بحذر، وجان يحاول يثبتها، رُغم گلبة يدك بسرعة، بسبب حركتها الي مثل العاصبة، تضرب الأرض برجليها، وتحاول تدور على أي شيء تلزمة حَتى تضرب بي مروان.

الشيخ ظل واكف، صوته صار أعلى، يرتل الآيات بحزم، كل كلمة تنزل بحِزم وق: «أعوذ بكلمات الله التامة من شر ما خلق...».

الهوى صار مشحون، وكأن الغرفة كلها تضيگ عليهم، صوتها الخشن يتقاطع مع تلاوة الشيخ، صراخها كأنه موجة صادمة، وكل مرة ترفس أو تضرب، مروان يحاول يثبتها أكثر، حتى بدأت أخيرًا تهبط تدريجيًا، بَس عيونها بُقت نصف مغلقة، تتلوى، تتنفس بصعوبة، وكأنها تصارع ما بين الحرية والخلاص.

الشيخ استمر بثبات، يحَط ايدة على رأسها برفق، ويرتل بصوت أعلى.

غمضت عيونهـا بتعب وكمل الشيخ القراءة، خّلة وطلع الشيـخ ومروان مَددها ع سريرهـا

الشيخ
ابني بيتكُم هـذا كِلة متشبع بالسحر والشعوذة والاعمال والعياذ بالله، امك اكـو اشياء شاربتهن او ماكلتهن لو بشربها لو باكلها جاي ياثر اعليها، والسحِر مستمر لحد هاي اللحظة اعليكُم ومن واحد قريب الكُم لا تضلون بي ابد لان حَتى اشم ريحة اعمال نجسة بصورة جبيرة، الباقين خليهم يطلعون حتى لا يتأذون وامك عوفها بالبيت راح ابدي مِن هَسة بالـ جلسات وان شاء الله ارقي الكُم يـا كلة ..

مروان
زين شيخ مني الي يظل ومني الي يروح

الشيخ
مني الي جـان موجود بوكت ما اكلتوا يضل والي ما موجود يطلع حتى لا يتأذة واذا عيـال البيت كلهم هنا جانوا ف كلكم تظلون

روان
ماجنت اسمع غيـر صرت صـايح وجسمي جـان يرجِف مو شلون ماجان

شويـة والصوت اختفى، اجاني مروان تنوعتلة وجهة جـان احمَر ومعصب ومتوتر مو شلون ماجان

مروان
روان حضري روحج بـسرعة راح اخابر واحد منكم يجي ياخذج لا تظليـن هنانة ابد خوش

روان
وانتَ مروان وانتَ

مروان
موووو وكتتتت حجيج روااااان مو وكت حجيج بـسرعة البسي عباتج وشـالج راح اخابرهم انة

لبست شـال من الحجية و عباية من عدهـا ما مُضى نص سـاعة ومروان كالي يلة

طلعت وانة اباوعلة بخـوف وكإنّي جاي اشوفة للمـرة الاخيرة
تنوعت زَعيـم نزل

مروان
انتبهي اعلى نفسج وادعيلي انجمع وياج ب اقرب وقت

دمعتي نزلت بـدون ماحس مني، جان ودي احضنة بس الشارع وزَعيم منعوني

مروان
عن قريب، كلها اختبارات النـة لا تخـافين ..

زَعيم سئل مروان اذا محتاج شي كالة مروان لا احنة هم خلينـة ورحنة، جبت الطريق كلة ابجي وخايفة هووووواي على مروان
وصلنـة وحجيتلهُم كِل الي صـاير والكِل جان مصدوم

اراسل بـ مروان مايرد لو يرد اعلية ويروح
مروان
محتـار ب امي روان راح تخبلني راح تخبلني

مـرت ٣ ايام اعلى هـذا الحـال وام مروان جانت يومية تزود سوء والشيخ جان يومية يجي ويقرالهُم تعويذات بس كلشي جـان يسوء وحسب ما يكول الشيخ لان الاعمال جـانت مستمرة

مروان ماكدر يعـوف البيت وامـة بس جانت امنيتة يروح لبيت سـعاد وينتقم منها ع الجاي تسوي وجان يكعد ويكوم يصيح
مروان
مچتف للعباس ابو فاضِل اموتهـا بيدي بَس الزمهـا ..

صباح يوم الثالث كعدت من النـوم وانة حالمة بالحجية مَيتـة كعدت مخروعـة وخايفة غسلت وفتحت موبايلي حَتى اخابر مروان

خابرتـة مارد راسلتة ماعندة انترنت، فتحت الفَيس هجي بدافع الفضول وجـان انصدم گدامي بـ منشور
اعلام قبيلـة آل دحام
بنشر صورة حِداد ........ يُتبعععععع

______________________

بهاي الاثنـاء خابرها علي حجتلة كُلشي وجانت حَيل معصبة
علي
ولج هـاي دواهة انة، امير الفقير شني، امير يستحي وعندة المرأة شي مقدس وكائن لَطيف يكلي انة والله عندي استعداد افصلها بس الرسول گال ( استوصوا بالنساء خيرًا ) يا رسول الله مو ذني مچلوبات مايجن بالعين والاغاتي لا عيب مـا احط گوري بگور مَرة دصبرن اصبرن انة جـاي هَسة
الا اطلع حرگة امير بذاك الوكت بيهـا

سَدة علي من ايلول وايلول مفرقعِة من العَصبية واني ما اقُل عنهـا
بهل اثنـاء امير خابرني

امير
فّرس شصـاير ؟؟

حجيتلة كُلشي

امير
استغفرالله شلون وي هرُبابة ماتخلص يعني !!

فَرس
امير كُلشي ماحجيت فجأة تكلي كومي اطلعي اكُلها ليش تكُلي والله اني عاجبني تـرة هذا مو حجي جّد احس فرتتت فرتت

امير
يلة هسة انة جاي بس المن مخابرين علي المخبل ماتكللي
ديلة يلة روحن يم العمـادة خل نشوف هسالفة شلون تخلص ..

سد الاتـصال امير ورحنـة اني و ايلول يم العمـادة، انتظرنا رُبع ساعة واجوي ثنينهُم سويـة ..

امير
والعبـاس حَتى فشلة من العَميد

علي
عمي انتَ صاحِب الحگ تستحي من ياهو، والله اكل للگاع انشگي وابلعيني، لو اكلوا حگي وحگ مرتي واسكِت

امير
مـَرة علي مَـرة، هيَ لو رجال جـان كسرت ظهرة ونعلت ابو ابـو بَس مرة

علي
واذا مـَرة انعل الخير اليطلع وراها، واشگ حلگها شگ شني الناس عدهـا خدم بت القنادرر

امير
علي بالنهاية هيَ مـَرة ماتكدررر تحجي وياهة زايـد، وانة تعاملت ويـاهة بالقوة وماجت تريدها تجي بيمن ماتكلي

علي
تجي بالنعِل اذا العين واغاتي ما مِشت وياهة
ماكو شي اسمة مَرة ورِجـال اليغلط ينداس اعلى راسة كائِن من كان، انتوا خوش ماشين بنظريات النسوان مينحچي وياهن والنسوان ركبنة ركُب بصلافتهِن من ورة العيب والفَشلة

علي يحجـي بعَصبية تامة، وايلول ايّ ايّ عفية صحيح
واني اباوع لاميـر المعصب وبنفس الوقت متوتر واني متوترة ويـا

بالنهاية ادري بـ امير شكد مُسالِم ومايحب يأذي ايّ احد ويحاول يحل مواضيعة بالعين وآغاتـي

علي
انتَ لا تطُب نطُب انة وايلول اشتكي اعليها لا اخوك ولا ابن عمك ولا اعرفك ولا تعرفني وعود بعدين طبوا

ايلول
اكُلك بـس ايدي ترة اني مو مُسرة

علي
مسرّة وعشيرتها تروح فدوة لايدج بس شو تمشين اعلى كيف غير اجرج حتى نروح

ايلول
تجرني شنو طلي اني

علي
ترحين للطلي فدوة وما قيل عكسهُ صحيح

ايلول
علييييييييييييي

علي
اشششش ولج ناس منـا اشششش

وصلنـا لغُرفة العميد وطبينـا
همس
علي
العب ال گحيط

علي
السلام عليكُم دكتورنـا الغالي

راح للدكتور وسلم عليّ سلام حَيل حـار اني ادري قبل بساع من فَرس انُ العَميد كُلش وياهُم

رحب بينـا ترحيب واسِع وحلو وكال شكـو حجينـالة السالفة كُلها واميـر وفَرس بهاي اللحظة طبوا

علي
دكتور يـاريت تودي اعليها هَسة انة ارد احاجيها ارد اشوف هاي شايفة روحها فَد شوفة يعني تطرد وتهين بكيفها؟
انة ماجاي ازكيلك نسوانة بس بنفس الوكت هنّ ما مسويات شي بس تحسها هيَ منتظرة الزلة الوحدة

امير
دكتور انة هذا الحجي يتعبني هواي، ياريت تفصل بيـن الحياة الخاصة والدراسة، انتَ تدري كِلش زين انة رئيس اللجنة الي وافقوا على نقلها، جنت بكِل بساطة ما اقبل وماتكدر تسويـها ابد بس كبرت عقلي وماهتميت لان اساسًا الموضوع مايهمني

علي
لا هيَ من تغلط يعني شني مفكرة نفسها مالهن واحد؟ ماكو واحد وراهن لو شني هيَ هيتـة

العميد
والله يـا ولدي مادري شلون راح تُصفى والاحسن انزلها للاول ونخلص

ايلول
دكتور يعني بغض النظر عني يجوز اني كتلها اسلوبج مو اسلوب دكتورة المفروض تكونين ارقى من هيج وتكونين صديقة النـا وكذا يجوز اتنرفزت وطردتني

علي
وليش تتنرفز ترة كلامج فعلاً صحيح وانتِ لو عايلة انة اكلج لا عمي عيب وفشلة ونروح الها ونعتذر وحكها اعلينة

ايلول
لا بس نكول فرضًا مثلاً، فَرس شعليها وتطردها

فَرس
دكتور والله العظيم حجاية ماحجيت ابدددد ولا انطيت ملامح او حركات موحلوة ضليت ساكتـة جان تكُلي انتِ يلة اطلعي وراهـا كتلها عفوًا لان ماجنت مستوعبة اساسًا شدتحجي
جان تكلي كومي اطلعي برة كتلها بس اني ماسويت شي تكلي هيج عجبني

امير
هيَ هجي تكلج ؟

فَرس
ورحمَة اهلي، وحرُف واحد مانطقت

العميـد
لا مايصير هذا الحجي هَسة انة ادز اعليها واتفاهم ويـاهة

دز العميد عليها وكالعـادة كالت اكمِل مُحاضرة واجي، العميد عصب وكال الهـا هَسة تجيـن

اول ماطبت جانت حَيل معصبة اجت عينهـا ع عيون علي نفس الصارت عِدها ردة فعِل

مسرّة
السـلام عليكُم ..

العميد
وعليكُم السـلام استاذة مسرّة، تكدرين تفهميني شنو الي صـار؟ انة فهمت من البنات وهسة اريد افتهم منج ..

مسرّة
دكتـور اني مادخلني هنّ يقللن ادبهن وحاطات السالفة كَ مسئلة شخصَية

علي
اول شي لا تكولين يقللن ادبهن لان هنّ مو قليلات ادب واذا اكو وحدة قليلة ادب فَ هيَ انتِ

رفعت ايدهـا بوجِه علي وكامت تخِرزة
مسرّة
احترُم نفسك قليلة ادب شنووو هنّ القليلات ادب وما متأدبات بعَد

كـام علي من مكانة، وضل واكِف ويحجي بصوت عـالي وهوّ يخترقهـا بنظراتها
علي
احترم نفسك تنگال لامثالج لانّج وحدة ما محترمة نفسهـا، راح اعتبرج جاهل وحِجاهة وراح اعديلجياهة، وهَل مرة انة بمزاجي واعلى حساب السيد العميد عديتلجيـاهة مَرة ثانية انسى انّج مَـرة واتصرف

مسرّة
شسوي يَعني تضربني لو شسوي حَضرتك؟؟؟

علي
لا ماضربج انة مو هَمـجي واضربلي مَرة، اروح للاكبر منج واحاجي وعود هوَ اذا مافتهم ذاك شِعـار ثاني

العَميـد
رجاءً كافي التزموا الصمِت
نقيب علي تفضل ابنـي، سِت مسرّة تفضلي
والتزموا بالهدوء

كعد علي وكعدت مسرّة
مسرّة
دكتور هنّ يقللن ادب

علي
هم كالت يقللن ادب هم كالتتتتتتت
عمي انة مارضى مارضىىىى واحد يكول اعلى مرتـي تقلل ادب لان هيَ ما تقلل ادب

ايلول
يعني برئيج حجي الحَق تقليل ادب
لنفرض اني قللت ادب بس اني حجيت بكُل شفافية وصدق
فَرس شعليها تطرديها ؟؟؟؟

مسرّة
هيَ اساس السالفة هيَ وهيَ الي محرضتج علية

امير بعصبية قاتِمة
ترة هنَ مو اول ابتدائي على فكرة؟؟؟
وفَرس انسانة هادئة وعقلانية من تسكت وتكعِد مكانهة حضرتج بـ ايّ حق تكليلها اطلعي بمزاجي؟؟؟؟؟؟

مسرّة
وهسـة شنو يعني عود رجولة منكُم مداورين اعلية؟

علي
الرجولة شدخلها؟؟؟؟
عاد لا تكومين تجيبين منـا تحطين منـا الله يخليج ترة انة ماتحمل

امير
علي ياريت شوية تسمحلي، دكتور عفوًا منك، بس انة هذا الوضع ماتحملة فَ انتَ شوف القرار الانسب وكولة النـة

العميـد
ست مسرّة هذا الحجي مايصير ابدًا وتبعًا لكسرج القواعد للمـرة الثانية وحلاً للنزاعات راح نستبدلج لمادة الـ .... في المرحّلة الاولى وانتهى الكـلام ..

مسرّة
دكتور انتَ صدك تحجي

العميـد
هذا القرار الاخير

مسرّة
بس هذا الشي مو من حقك اني اخذت من المرحلة ثانية فَ ع اي اساس تكلي اولى!!!!!

كام العمَيد بعصبية
عفوًا ؟؟؟ اذا انة مالي حق منو الة حق !!
انة الي هنا ارتب الجدول وارتبكُم ع هذا الاساس كلكم
ممنوع الكـلام رجاءً انتهى النِقاش من باجر ان شاء الله تباشرين معَ المرحلة الاولى اليوم ينزل الجدول الجَديد

مسرّة
هـذا مو إنصاف دكتور اني مستعدة اشتكي بـ وزارة التعليم العـالي ع الظلم الي توجهلي

العميد
ست مسرّة انتِ مُعيدة انتِ مو دكتورة جامعية على فكرة

امير
هه وزارة التعليم العالي هجي فارغتلنـا يلة دكتور احنة نشكرك على انصافك النـة مُمتن

علي
ممنونين دكتورنـا الغالي

طلعنـا كل احنـة واميـر وفَرس خصوصًا جانوا فرحانين بهـذا القرار

ايلول
مـشوا امير وفَرس كدامنـا واني وعلي وراهُم
جان ماخذ ايدي ويمشي بيهـا

علي
تذكرين من هنـانة جنة نمشي ب اول طلابة الج
بعدروحي عروكجية مرتي

ايلول
يـا اني شداخلني هيَ ناس عوجة

علي
صحيح هوَ بكل الاحوال الناس عوجة وبس انتِ الاستقامة
المُهم تذكرين من جنة نمشي ايباه جانت حَسرة علية لزمة ايدج هسة شوفي ايدي بـ ايدج والله ودي اصورها لابوج واكلة اعلى عنادك بـس اخاف يتراجع نوب شيفُضني اذا طنگر

ايلول
اهـوووو شيسكتة عمي من جنة نتعارك جنت اضربك بلوك واخلص منك هسة شيفُكني منك

علي
بس ابو فاضِل يفكِج ويخلصج مني
سحر رصيـن شيخلصج مني ماتكليلي

ايلول
دمشي امشي من عـابت لهل طول

علي
تسرسحين وتذوبين اعليّ هذا الطول بس ماتكوليـن

ضحگت بخُفة ع كلامة واني امشي
سوالي نظـرة داير مدايري

علي
شو بلة امشي كدامي امشي
هذا الفُستان بي ضيگ تقريبًا اصبع اصبعين اطينيـا اوديلجيا للخياطة تطيج عرض الة مومال هَجي تلبسي وهم حرامات مستور يفيدنـا

ايلول
ترة هوَ موديلة هجي انتَ شعليك
وما شاء الله حتى الخياطات ما سالمات منج

علي
اعلمودج بت الاوادم اعلمودي انة قابِل شسوي بالخياطات استغفرالله وبعدين ليش تعاندين انتِ

ايلول
عـادددد لا تصيح علية واحجي عدل وياي

علي
حاجي عدل لا تكولين احجي عدل مو انتِ تعلميني شلون احجييي

ايلول
لا تصيح وتصغر عيونك هيج عود شنو راح افهم من تصيح لا راح اعاند اكثر

علي
اهو خل استخطيج احسَن
البسي مرة ثانية وشوفي

ايلول
من عيوني الا باجر البسلكيا

علي
شني باجُر تجينـا للبيت؟

من گال هَيج عطت بي وضربتة ع متنة
عليييييييييي

علي
وجعـي حَتى وجعييييي صوتج لا اخفيلجيا احنة بنص الشارع

ايلول
تخفيليا شلون

ابتسم بمكِر وضحگ حَيل

استلمت نيتَة الخبيثة، على كد ماعاشرتة صرت اعرف سوالفة
ايلول
والله سرسري

علي
عمي يبو البـار صبلي لبلي ترة انة سكران وصاير عصبي
اذوب اذوب اذوب، اذوب واشرب حبوب سرسري وماتوب

ايلول
ايييييييييي اليكافح المُخدرات سريري ويشرب حبوب

علي
ولج ايلول والله تأثيرج قوي شني سريري شني احجي عدل والعباس اطرررة طر اليحاجيني هجي
فّن اليكلي اعلى عينك حاجِب بس مادري شو من اوصل يمج اتخردل، كل حواسي تنلصم احسها

ايلول
ايّ حبيبي طبعًا اني ايلول مو هينـة

رحنـة للسكن لان همة جان عدهُم شغِل
لليل تقريبًا كال علي يلة خلي نطلع، نفس ما متعوديـن يومية يجيني بهيج وقِت من بعـد ما يكمل شغلة نتشاوف ساعة ثنين ويروح لاهلـة

علي جايبلي جُبب هـواي، كُل فتـرة بين يوم ويوم ومرات كُل يوميـن يجيبلي جُبـة جديدة لبست جُبة اسهلي وحجابي فَرس كلتلي حطي حُمرة شوية شفايفج باهِتة

حَطيت حُمرة ورديـة حلوة وانتظرتة علمّا اجـة استاذنة من العمو وطلعنـا

علي
انتِ تردين حظج يطيح من زمان ما طايح حظج

ايلول
حجـة ابن الجنوب شتريد عمي ؟

علي
بت الموصل شعدج حاطة حُمرة محمرة شكو معرسّة

ايلول
اهو شلون الي خُلك علي لا تخنگنـي ترة والله اذا تسوي هيجي ابدي انفُر منك لا تصير مُعقد وعود كُلش ومدري شنو هيَ حُمرة قابل حاطتلك حُمرّة وطالعة؟؟؟؟ جَد اني ماحب هيج شي لا تسوي هيج

علي
تؤ استغفرالله عمي انتِ حلوة بدون مكياج المن المكياج بس هاي سوالف فريسة اكيد شدعي اعليها

ايلول
لا فَرس ولاشي وحدي بطل تسوي هَيج لا تغيضني زايـد حباب

علي
اهو يلة عمي لتضوجيـن خل نتونس بطلعتنـا

مشينـا سوى كالعادة مُجرّد نفتر ومرات ننزل ناكل النة فَدشي

وكفنـا كدام كِشك يعرفة علي مال فلافل نزلنـة يمة كعدنا ناكِل ونسولف ع خطوبتنـا واشياء هواي
علي
اخ وعلي ماتعبني التدريب كَد مـا تعبوني اهلج

ايلول
استاهل استاهل

علي
ايلول عدي سؤال عود انتِ ليش مارجفتي من لبستج الحلقة مثل البناويـت؟

ايلول
شكم يوم وارجفك الك المن ارجِف اني
ابو النسـوان حافظ سوالف النسوان كلهِن

علي
وعلي مكرود منيلي انة

ايلول
كرادة بـ اذنك اذا انتَ مكرود

علي
نوب كِل سوالف تعلمتهن تكلك مرة جنوبيـة سَنعة

ايلول
اعجبك انة جـا شعبالك والعباس ابو فاضِل اطرك طر هَسة

علي
شوف ال انة ابوسـها هَسة وعلي

كملنـا طلعتنـا ورجعنـا للسكن
ايلول
تُصبح على خيـر

علي
تصبحين من اهلي

ايلول
ترة هاي لواگة الزلم ماحبها اني

علي
نعستي ماعليج عَتب

ضحگت وهوَ ضحگ ونزلت بسرعة نزعت صايتي وذبيت روحي حَتى انام

رُغم انُ اني وعلي هـواي نختلف بـ اشياء وهل اشياء برزن اكثر واكثر من بعَد الـ خطوبة بشكِل ملحوظ

بس هذا ما يعني انُ البُهتـان جان موجود بعلاقتنـا
من بعَد كُل مُشكِلة تنتهي بـ
لو تموت ماحاجيك
ولو تصـيرين شنو ما اجيج و اذل روحي الج

يجي الـي ويصالحني ويطلُب رُضـاي مهمّا جنت اني الغلطانة بحقة، الـ بطل الاكثر حماس بعلاقتنـا كان علي وهذا من اهم اسباب نجاح العِلاقة .

ادوار احِس نفسي مخنوگة مابيـن غيرتة وعَصبيتة المُفرِطة الي احسها مرات مثل السجِن الي تخنگنـي بس حنيتـة جانت طاغية بـ علاقتنة بشكِل موطبيعي ..

مو هـواي اسمع لكلامة، ومـا احب انقـاد لتصرُفاتة بحكُم شخصيتي الي تربيت عليها سابقًا
ماكو احد يؤمرني على شي وما بفَد يـوم احد فرض علية شي
وماتخيلت نفسي اكـون بعلاقة وي شريك اساسًا
وخُصوصًا شريك نفس علي ونفس غيرتـة و تحكُمة

هذا الشي جان يخلي عـلي يجِن جنونـة وما يتحكم حَتى بـ اعصابة وياية

مـرات من اسمعة شلـون يحجي بتملُك وعّصبية وغيـرة وشلون يوصف شعـورة وهوَ مقهور حّيل انقهُر عليّ واحاول ما أميل بس ماكدر اختنگ وخلال يوم يومين ارجَع واخلي يدگ ويلطُم

وگضينـا بهيجي شي ايام خطوبـة ٥٪؜ ضحگ وسوالف و ٩٥٪؜ عركات على غيـرتة الزايدة

معَ هذا هوَ جـان حَيل صبور وياي وجـان يحاول يوصلي كُل شي بهدوء حَدما تطگ حوصلتة على گولتة وينفجر بوجهي ومن ينفجر خلاص لا تحجـين وياي ولا اريد وجودج بس ما يمضي على هالشي وقت كُلش قليل ويرجع يباد الي بالاشتيـاق وعلمني على هـذا الفعِل وصرنـا ثنينة ما نتحمل نكون بعيدين على بعُض اكثر من ساعتيـن ثلاثة

ومن ساعتهـا اني مو بَس زاد حُبي لـ علي حَتى اطباعي بدت تتغيـر وشكد مـا جان يحبني علمني هوَ انُ احبـة اكثر واكثر

بديت اتغيـر شوي شوي وصرت مُدمنة وجود علي موبّس متقبِلتـة، وهوَ كدر يكسبني لمُجرد ما جان يبينلي شكد حُبة جـان صادِق فعليًا ..

ست مسرّة خلصنـا منهة نهائيًا وبدت تاخذ مرحلـة ١ وحياتنا متوازنـة بشكِل تـام، العرس اتفقنـا نسوي سوى زفة وحدة تطلع من الموصِل للجنوب بيهـا اني وفَرس سوى

ثنينة جنـة فرحانين بهذا الشي، رُغم اكو توتر جبير بداخلنـا لهاي الحياة الجِديدة ..

جنـة نجتمع احنـة الاربعة سويـة ونكعُد نخطط شنـو نسوي وشلـون واني وفّرس خـو يومية عايفين دراستنـا ومحتارين بالفساتيـن

جان شعور حَيل حلو وجانت ايام حِلوة، شكد ما نوكف عندها بسبب المشاكِل علي ينهضنة سويـة ..

مـرات هم ايبس راسة ويقسي بـس اكون اني قاسية عليّ، واني اساسًا ما متعودة احقِد مو نوب ع علي فَ شكد ماهوَ جـان يبادِر صرت اني كَدة بالاشتياق والحُب

مرات تجيني افكار انُ الحُب مو كافي
واني غلطت لان اختاريت علي
لان رُغم كُلشي طبعة كُلش صعُب ومُستحيل اكدر اتحملة
بس يكسرلي هل فكرة ب بساطة لمن يكعد وياي ويحاول يلكة حلول ترضينـا احنة الاثنين سوى

واحنة ماعدنة عركات اساسًا غير عركات اللبس
فَ الاكي عليّ دومة كاعِد ومسوي روحة مهتم شراح البس وشلون بليل، فَ يستغلها فُرصة ويكنسل الي مايعجبة من يمة

يوم من الايام عزمونـا اهلة حَتى نجي يمهُم ع العَشـا فَ قبلهـا بيوم علي حاجاني

علي
شراح تلبسين ؟

ايلول
صـاية اكيد شلبس قابِل

علي
شني رئيج بالعباية

ايلول
تشاقة مـو؟

علي
ماشاقة مُجرد طلب رئي شنو رئيج بيها

ايلول
ان كان كَ ستر متفرق عن الـ صاية شي
ك رئي ماحبها وانخنك منهـا

علي
ايلول اذا اطلب منج طلب تسوي الي ؟

ايلول
اهـووووو علي ماسووووي ابد

علي
انة ما اغُصبج تسوين شي انتِ ماحابتة بس هواي بنفسي اشوفج بيها

ايلول
اي من اصير حجية كد بيبي صالحة عود شوفني بيها

علي
بس انة بنفسي اشوفج بيهـا باجُر هجي تخليها بنفسي؟

ايلول
نيتك مو لله

علي
صدكيني بنفسي اشوفج بيها، مابيها شي اذا لبستيهـا ورحنـة لاهلي بيها هم اشوفج بيها وهم كدام اهلي مابيهة شّي

ايلول
مـاريد علي ماحِب ترة هذا تفكير مُتخلف هوَ شفرق العباية عن الـ صاية
هوَ اني الصاية ومـا اطيقها وعلمودك لبستهـا نوبّ تغصبني على العباية

علي
لا يبعد طولي ماغصبج اعلى شي انة مُجرد ردت اشوفج بيها ماتردين تلبسيها هاهيّ براحتج تولي شني يعني ..

حجـة هيج وسِكت، حَسيت بتأنيب الضّمير من كالي هَيج وكلامـة ضل وياي عادي بس مبين اكو نبرة زعل
ماجان برود بس جان زعل

هـذا اسلوبة اتبعة بـ اخر فترة وياي، عاف التعصيب و الصايح لان شافني كِل ما يعصُب ازيد اكثر واعاند اكثر، واتبعـة وياي

رحت سئلت فَرس شتلبس باجُر

فَرس
اميـر كلي البسي عباية وراح البس علمودة ولو ممتعودة بس هناك عود من اوصَل البسها

ايلول
وشنـو الجابرنا ؟

فَرس
ايلول كدام اهلهُم تـرة
ترة اهلهُم حـيل مُعقدين ولا حسبالج ميحجون يحجون فَ ماحس بيهـا شي ابد لو فد مـرة سوينـا فدشي يخليهُم يفرحون هُمّ هم هواي يقدمولنـا اشياء

كلامهـا قنعني بعض الشيء وحَسيت انُ فعليًا نفس ما هوَ يضحي اني ماراح يصيرلي شي اذا اضحي بـ اشياء بسيطة

وفجأة صرت اشوف نفسي انسانة ثانيـة
من انسانة لمالها خُلك لانسان لانسانة صارت حياتها عبارة عن انسان، من انسان لرافُض ويضحك على فِكرة الحُب لانسان عايش على الحُب، من انسان يكره اشياء لانسان يسوي هل اشيـاء نفسهِن هنّ اليكرهن

اقتنعت بهـاي الفِكرة وما كلت لعلي، جان عدنة عِبي راس هُمّ جايبيهن النـة لبسناهن بيومهـا وفَرس من الدوام راحت وي اميـر واني انتظرت علي يجيني للسكَن

اول مـا شافني بيهـا ضل صافِن بوجهي
ماحجة شي بس ضحگتـة صارت تحجي

ضحگت ع ردة فعلة وهوَ مصدوم

علي
دخت انسطرتتتتتتتتتتتت

ضحگت عليّ اخـذ ب ايدي وصـار يبوس كُل جُزء منها بدون ما يترك منهـا شي بكُل فرح

علي
شني هاي شني بس كليلي شني شطالعة بربج علبة عسل كيكة شني بس اريد افهم

فرحتـة جانت ما سايعها لاحد واخذ الطَريق كُلة يبوس بيـة وفرحان

من شفت ردة فِعلة حَسيت شكد علي شخُص مو مُتطلِب وشكد حياتنا لو اكدر استوعبها راح تكون سهلة واحلى حيـاة .

الحُب كِسرني وجمعني بنفس الوقت، وغيرني من جذر لجذر ثاني. خلاني اسوي اشياء واني مبتسمة لان علي يحبهم في حيـن قبِل جنت اكرهن، حول عاداتي الماطيقهن لافعـال امارسِهن وكإنهن هويتي

الحُذ خلة ايلول الانسانة الباردة القاسية الخوافة الحذرة الي تخاف تنجرِح وتتقرب من ايّ شخُص تركُض ورة الجرِح نفسة في سبيل انه ما يبتعد .

الحُب ربط روحي بروح ثانية بحيث بطلت اعرف حدود لنفسي، بطلت ادري شنو هوَ وشنو اني، وصرنـا وكانهُ شخُص واحد ..

هو مو بس شعور، هو مدرسة علمتني شلون اكون صبورة، شلون اسامح، شلون اضحي، شلون افرح بوجود شخص حتى لو العالم كله ضدي..

كملنـا امتحانات المِد ( نُصف السنـة ) ورجعنـا للموصل تحضيرًا للزواج الي بُقالـة بَس اسبوع

اهلي اجـوي و بدينا بالتحضيرات، والبيت مليان حچي وضحك وركض رايح جاي.
اني وفرس اكثر اشخاص ملودين وخايفين رِغم انُ احنة العروسات، كل وحدة شايلة همّ تفاصيل، من الفساتين للزينة، من الدعوات للمواعيد.

الأيام صارت تركض ركض، والناس كلها تبدي تتزين وياهم.
ووسط كل الفوضى الحلوة، بقت عيوني بين لحظة فرح ولحظة خوف، كأني كل ما اضحك تنغزني فكرة إن الطريق ما يخلو من مفاجآت.

وكُل سـاعة و اروح لعلي احرمُص الة حَتى يأجلة للعرِس وما اطلع الا واني خايبـة ..

وهنا، قبل أسبوعين بس من العرس، انكتمت الأنفاس، والكل ينتظر
شنو راح يصير ياترى قبل ما تنفتح صفحة جديدة؟
يُتبععع .....
فقرة البنات موكُلش طويلة لانُ البارت الجاي مخصوص الهِن

_________________

شَمس

صارت دنيا لليل والاغلبية ناموا، واني ع نستلة اكلتهـا بَس، نزلت حتى اكل حميت بالميكرويف الخُبر ماحسيت الا ع واحد حاط ايدة ع حلكي من وراااي

جفلت وجسمي كُلة اتكهرررب للحظة حَسيت حرامـي
درت وجهي باوعت سُراج كدامي

شّمس
هاي شبيك مخبلللل جفلتني ليش حطيت ايدك ع حلكيي عبالة خاطِف

سُراج
اششششش وتعـاي بسرعة

ماحس الا سحِب ايدي بكُل عَصبيـة وفتح باب المطبخ وطلعنـا برة

شَمس
ياااا انتَ شبيك مخبل شبيك هيج تجرجُر بيـة

سُراج
هـذا محمَد شوكت وشوكت شايفج بلة؟؟؟
اذا شفتي الباقين سكتوا ترة انة ما اسكت شّمِس

غمضت عيوني بعدم صبُر وفتحت عيوني بـ عصبية وزهگ
شَمس
ياربيبببييي هم رجعنـا هم رجعنـاااااااا ايّ عدي علاقة ويا يومية نتشاوف بالكلية ماتدري؟ ويعزمني ع ريوگ هم

من گتلة هيج تقدم عليَّ بعصبية
سُراج
لـج شَمس لا تخليني هَسة اتخبل اعليج واردحلج خوش ردح فوگ راسج تمسلتتتت لا تمسلتتتتتين لا تمسلتيييين

هوَ يحجي بعصبية ويتقدم علية واني ارجع لورة بـخوف من نظراتـة، حَدما ظخيت بحايط الـ ديوان وهوَ صـار مقابيلي

شَمس
ااا شسمة والله ماعلية هوَ بس مرتيـن شفتة اني بالتخرُج وباليوم الي تخربطت بي وحجة وياي كلمتين انتَ تدري
بس بنسبة الة اللهُ اعلم

رفع حاجبـة وصُفن بوجهي بانزعاج
سُراج
شني قصدج من جانبة اللهُ اعلم؟؟

شَمس
يعني يجوز هوَ مُعجب بية
اكُلك شو هسة وخر عني شبيككك حاصرني هنـانة

من كتلة هيج كانما فز ع نفسة و وخر، اني تقدمت وطبيت للبيت

سُراج
عدلي مُصطلحاتج شوية حاصرني شني

شَمس
الصوج بتفكيرك مو بكلامـي

عفتة وطبيت لكيت الخُبزة محروكة
شَمس
اوففففففففففف كُلة من وراك انحرگت خُبزتيي

سديت المايكرويـف ولزمت الفرن بـ ايدي نلسعت من حرارتة شكد ماجان حار

سُراج
الله الله شبيج اكو واحد يلزم بـ ايدة
خوما تأذيتي

شَمس
ما تأذيت بس وخر خل اكل

سُراج
عوفي هسة الخُبزة احتركت تعاي انة اوصيلج

شَمس
منو هسة مفتح

سُراج
صديقي عدة مُطعم هنانة هسة عشر دقايق الاكل منج بس اسمعيني

انداريتلة
ايَ احجي شتريد

سُراج
شني كلتي هسة على محمَد

باوعتلة واكِف ومنتجي على الكاونتـر وكاتف اديّ ويباوعلي
احس ملامحـة بيهن ملامح غيـرة
ابتسمت بداخلي وحّبيت اغُثة للبارد شويـة

شَمس
وليش احجيلك مثلاً

سُراج
بصفتي ابن عمـج واريد اسمع مابيهة شي ترى

شَمس
هممممم اذا تحب احجيلك فَ احجيلك ليش لا بس مو بعَد ماتوصيلي اكِل لان بسببك انحركت خُبزتي

كلِت هَيج وخليت وطبيت للصالة

سُراج
استغفرالله اعلى التمطين

طَب وراي وهوَ يحجي
سُراج
ايّ حبيبي اموري ثنين لفات صاج

باوعتلة بـ انزعاج شتكفيني الوحدة اكيد يريد وحدة الة
اشرتلة ٣

سُراج
٣، ٣ حبيبي اموري، ايّ بس مو تتأخر يلة عفيـة منتظرك انة

جنت كاعدة ع التخُم بنهايتة كعد بالبداية وكال

سُراج
ادري شني دُب ٣ تاكلين بنُص الليل

شَمس
ها يعني انتَ ماتريد اني عبالي تريد كلت وحدة الك وثنين الي

سُراج
لا شني مخبل اكل لحوم بنص الليل

باوعتلة صفح وكلت بيني وبين نفسي
شَمس
اوي عمت عين الرشاقة

سُراج
ايّ احجيلي

شَمس
والله مادري هوَ خوش ولد يعني
هم يدرس طب وهم مُثقـف وفوكاهة حلو

من كلت هَيج باوعلي وفتح عيونـة بصدمة وعلة صوتة بسرعة
سُراج
بت الاوادام وانتِ تدورين حلوين ؟؟؟؟

شَمس
ايّ طبعًا اني حلوة غير اخذلي واحد حلو

سُراج
شَمس انة اكولن بطلي تمسلت احسَن الج والله

شَمس
اهوووو غير انتَ كتلي احجي يلة بعَد ماحجي

سكتت وهوَ سكت انداريت عليّ يهز برجلة ويباوعلي
اشرتلة شبيك

سُراج
الزواج ميفيدج بعدج صغيـرة تعيني وحطي شهادتج بيدج يلة تفكرين بهجي امور يروح يبطلج شو شني اعلى ابو محَد الة مونة اعلية رجلها انة

شَمس
كالولي هوَ يريد وحدة واصـلة، وهوَ دكتور شلون يبطلني بلة؟ وهوَ مبين مثقف حتى حجولي عنهُم انُ يدللون المـرة وهم اهم شي مو مُحافظين وحَتى العباية مو ضرورية عندهُم

سُراج
وهـااااي مني حجالج اعلى هسوالف؟؟
والله توقعتج ترفضين بس اثاريج مسوية فحُص كامِل

شَمس
هيَ نهـاية كُل بنية الزواج هاي الحياة نفس ماكال جَدي

سُراج
اكلج شي واخذيها مني؟ كنسليها الولد الة سوابِق ترة وبكيفج بعد انة انصحج شعلية

من گال هَيج حسيتـة يجذِب بس ردت اتاكد بعّد

شَمس
ليش شعندة ؟

سُراج
ماحجي بس يعني، الله يغفر ذنب النـاس شعلينة بيهُم

شَمس
كُل احنة عدنة سوابِق وكُل احنة متندمين عليهن والولد حاليًا مبين حباب ومُهذب وبعدين محمَد عندة سوابق؟ ماصدك احسة ابو الاول ابتدائي ع كد مـا حباب

سُراج
ابو الاول ابتدائي ؟
شَمس خو كولي عاجبني واريد وفضيها اعليمن تماطلين؟

شَمس
اماطلتك اني ؟ كُل شي يصيـر تعيش وتنصدم ...

سُراج
انصدِم شني هاي حياتج شعلية انة بيهة قابِل والله حلوة
كال هيجي وعدل كعدتة، شكلة مبيـن مزعوج
ابتسمت بمكُر وضليت اباوعلة
شغـل جِكارة وضل يشرب ويباوع للموبايل

ماكو دقيقة وهف الموبايل ع الطاولـة وتربع ع التخم واندارلي
سُراج
عود انتِ صدك مقتنعة؟

ماكدرت اخفي ضحگتي استغفرت وانداريتلة
شَمس
هسة انتَ شدخلك والله مُصيبة ما تكيف تُخلص مني ؟

باوعلي وظل صافِن حسيت بي واد يحجي شي
باعد شفايفة مـرة ثانية راد يحجي شي واتراجع
بهل اثنٌاء اندكت الباب

كام بـسرعة طلع عرفنـاه الاكل
حطيت راسي ع التخُم وصافنة
شكد متناقض مُستحيل احد يفهم شيريد

جاب الاكل وحطة كدامة وكعد

شَمس
اعتقد اني الي طلبت

سُراج
اذا تردين كومي انتِ اكلي ترة ماجنتي بالعمالة

عابـت بس يريد يرجعلياهة
باوعتلة فتح الـ علاكة وطلع وحدة واكلها

شَمس
مو ع اساس ما تاكل بليل

سُراج
عجبني اكل فلوسي وحُر عندج شي ؟

باوعتلة صفح وبانزعاج
يـاربي شكدددد غَثيث والله ولا اتزحزح ولا اكوم

سُراج
كومي اكلي

شَمس
ماريد انسدت نفسي

سُراج
هـاج كومي وجهج اصفر هاج

مدلي الي جـانت ب ايدة وجان ماكِل منهـا
شَمس
ايعع لعد تنطيني هايّ

سُراج
استغفرالله حشة نعمة الله، ترة افرج والله مو وصِخ
هـاج هاي الثانية

قدم روحـة كمت اخذتهـا منة وكعدت قريبة منة بوجود مسافة حَتى اخذ من المُقبلات الي جـانت موجودة

سُراج
مايفيدج ادرسي احسلج

من گال هَيج بنُص اللاكِل وبنص الهدوء الي جنـة بي واللكمة جانت بحلكي ما تحملت وضحكت وهيَ ضحكة ولحماية تزحلكت و وكعت بـ بلعومي بدون بلع

غَصيت غصة من هاي المعدلة، واني غاصة واضحك وهوَ يطبطب على ظهري

راح بسـرعة جابلي مـي وصار عصبي علية
سُراج
ولج كافي ضحكككك راح تموتين هاج اشربي اشربي

شربت مي عُبرت اللُگمة بس عيوني كلهن صـارن دموع
باوعتلة واني اضحك ضحك هوَ بخجل

هاي ثاني مـرة اشوف بيهة اسنانة، مَرة من ع الدرج وهـاي المَرة

خجل ومـا عرف شنـو يحجي، جان واضح انُ اني ضحكت عليّ لان كررهـا بوسط هل اكِل وصارت واضحة سالفـتة تقريبًا

سُراج
ترة موشي يعني علمودج

شَمس
ايّ ايّ واضح
او يجوز لان محمَد زيـن وانتَ ماتريدلي الزين

سُراج
ايّ مُمكِن جائز

اخذت لفاتي وصعدت وعفتـة
اليوم الثاني جان يوم جُمعـة
سبحت سبح الجُمعـة و حَسيت وجهي بـي بُهتان شوية بسبب التعب الي مَريت بي بذيج الفـترة

رتبت وجهي ونزلت كلهُم كاعديـن وجدو يقرة دُعاء النُدبة كالعـادة ..

ضلينـة نستمِع الة حَدمـا كمل
جبُر
هـا جَدي شني ما شني النـاس منتظرينا اعلى اليوم

اجت عيني ع سُراج الي جان يباوعلي وياكِل طرف شقتة

شَمس
جدو مو هَسـة ابد مو هَسة ماحاطة ب بالي مُستقبلاً هيج فكـرة

صالحة
ليـش يُمة ...

جبُر
هاهيّ ام حَسن لا تضغطـين اعلى البت مُستقبلاً عود لو جان يمهُم نصيب اهلاً وسهلاً

علي
ايّ جدي بعدهي صغِيرة هوَ احنة ش شِفنة منهـا انتَ شلون بيك اعلى فرگاهة عود بعديـن اطوها حَتى لو لواحد مكسرة سنونة

ابتسمت ع كـلام جدو هـواي وينفس الوقت ضحگني كلام علي، حَسيت روحي اتطمنت شويـة

سُراج
من هَسة اكلِج خاف يجيج يحاجيج شي تخلين وتديرين وجهج

زَعيم
لا محمَد مأدب ما يسويهـا ويجي يحجي اعلى شي من ورانـا

سُراج
لا خاف هذا الحجي الهـا

شَمس
ايّ ترة والله ادري ميحتاج توصيني هوَ اني صديقات ماعندي مونوب احجي وي ولد

سُراج
ايّ ادري، بس تنبيه واجـب حطيها حلقة ب اذنج تشوفي منـا اعُبري من جهة ثانية

شَمس
والله لحيت سمعت تـرة

صالحة
يُمة شلون بيـة انة بالحية والبطنِج ولكم ذولة راح يسولي عِلة
( مثل شعـبي ينكـال على الما يتراهمون سِوىٰ )

جبُر
ولك بوية بت عمك هاي بت عمك

سُراج
لا والله اعلى هذا الدلال هاي بت جدي مو بت عمي

شَمس
وانتَ شنو تغـار مني

سُراج
لا بس مغثوث من التطعچ مالتج

شَمس
مُشكلتك هـاي عاد اني شعلية

جبُر
بسكُم بسكُم، كوموا كوموا اليوم جُمعة الناس تصلي اعلى النبي تقرة سورة الكهف وانتوا تتناگرون شجاكم ارد افتهم انتم التناين

باوعتلة يخزرني، صغرت عيوني وباوعتلة
هز راسة ب استهزاء

كَعد غّيث يُقرالنـا سورة الكهف قرينـاهة ويـا وصاح الاذان صلينـا و تغدينـا وضلينـا كاعدين، شويـة وهُمّ طلعوا عدهُم مشية

كعدنـا اني وسيوف وسّبب نسولف وكذا
كتلهم وجهي بـاهت اريد اطلع اجيب مُنتجات عناية لان كُلش هاملة روحي البنات كالن احنة هم
سَبب دتقرة وكُلش ملودة متكدر فَ كلتلي انتِ جيبيلي بينما سيوف كالت اروح ويـاج

حجينة لبيبي كالت تدللن بس يجن الولد اشوف واحد ياخذجن
طبعًا بيبي ماحجت ولا ضغطت علية ابد وسدت الموضوع وي مـا جَدو سدهـا

للعصُر اجوي جانـوا رايحين كلهُم، ماجان اكو اعتراض واستقبلوا الموضوع برحابة صدِر لان جدو جان منطي قرار نهائي ومن الاخير

اشرت لبيبي حَتى تحجـي وياهُم ويطلعونة
توقعت سَجاد يكيف وراسًا يكول اني اخذجن
بس سَجاد جـانت عندة شغُل ضروري بالناصرية جدي مودي بي هوّ وغَيث

وعلي من المشية ورايح لشغُل، و زَعيم مايكدر يعوف جَدي فَ بقوا امير وسُراج

اميـر
انة اروحن عادي بس باجر اكو امتحـان عدهن اريد اقري فَرس ف اذا سُراج ماعدك شي اخذهن واذا لا انة اخذهن ميخـالِف

سُراج
لا انة اخذهن هاهيّ

باوعت لـ سيوف بـ انزعاج وهيَ بادلتني بالنظرات
امدى حَظي يعني انسگمنـا
نوب اني اريد اروح لابـو كوزمتك يحظي

بدلت ملابسي لبـست قميص وبنطرون، لانُ اني البس عباية
لبست العبايـة من بعَد ما رتبت وجهي ترتيب حَيل بسيط

جـان منتظرنـة جوة بكلمِل اناقتة و واكف
سيوف
والله هوَ يشيل الراس بشكلة

شَمس
بس تصرفاتة تنزل راسنـة

ضحكنة بصوت عـالي اني وياهة ع سوالفنـة، باوع النة ورفع حاجبة

شٍمس
هاج شوفي حتى ضحكة حرام بقاموسـة

جبُر
تعالن اخذن فلوس تعالن

سُراج
مايحتاج انة موجود

جبُر
ولك خل يجن

سُراج
جدي شبيك جا انة شني هنانة

شَمس
لا شُكرًا اخذ فلوس من جدو

سُراج
هسة ليش الاعناد كلت امشي

جبُر
يلة جدي يلة ماكو فرق اعليمن خايفة عليّ

سُراج
شمدريني خير من الله

مـاردت هيج يصير بنفس الوقت حَيل استحيت انُ جدو هيج كلي ف ماكدرت اروحلة مـرة ثانية

رُكبنـا بالسيارة ثنينة ورة

سُراج
سايق عد الخلفوجن؟ خل تنزل وحدة بالصدر

شَمس
سيوف انزلي

سيوف
انتِ الاكبر انتِ انزلي

شَمس
ما والله مانزل

سيوف
والله ماريد احس اتحنط اذا اكعد بصدر ارجعي لورة وتقدمي ماحب ماريد

سُراج
هَسـة شلونننننن عاد تكومن لو نضل صافنين

شَمس
والله ما اصعد انتِ اصعدي ماعلية

ملت سيـوف من عندي وخلت وكامت صعدت بصدر

سُراج
مانشرفها ست شَمس

شَمس
دكتورة شَمس عفوًا

سُراج
دارسة دُكتوراه وانة مادري ؟ ترة كلج صيدلانية

شَمس
مو بعينك

سُراج
لا بعيني بس ليش الفخفخة الزايدة ترة ماجايين من ورة الهوش

استغفرالله من اولهـا هيجي
شلون راح اتحملة مادري

صعدت سيـوف وزّعيم واكفلنة يفتح النا الباب طلعنـا من البيَت عدل المراية اجت عيني بعينـة
يباوع بصلافة

سُراج
عود شني هاي الحمرة

شَمس
حمرة شنو ترة مُرطب

سكت ماحجة شي بس ملامحة مزعوجة

شَمس
استغفرالله استغفرالله

سُراج
هـا ست شَمس العفو دكتورة شَمس شو جن ماعاجبج تردين سفردحي مو

شَمس
اهووووو سُراج راح تطلع الطلعة من خشمي ساعة السودة الطلعت بيهـا وياك شنو سالفة

سكت ماحجة شي، بس اني حَسيت روحي ضجت حيل وبنفس الوقت تخربط كُل مودي لان طلعت ويـا

وصلنـة للمول ونزلنة وهوَ يمشي ويانـا، يباوع للناس بعصبية بحيث ابـن امة وابو الي يباوع ولا عبالك مكبعات

اني وسيوف نمشي وندب حظنـا الي ذبنـا ب سُراج
ونتحسف على اميـر الي حرُف ميحجي ويضل بس يضحك ويانا ويلاطُفنـا

سُراج
يلة هَسة ويـن تطُبن؟

شَمس
اااااا نريد لكوزمتك

سُراج
هاي جيتجن علمودة

شَمس
ايّ

سُراج
ديلة تعـالن هذا ويـا

طَبينـة لمحّل جان ابو المحل ولد شـاب حب يتفلسف فوك راسي بشرة دهنية وبشـرة جافة وهاي يصير وهذا مايصير بس سُراج صدمة بـ معرفتة الواسعـة وكعد يساعدنـا بالاختيارات وشنو الي يوالمنـا وشنو الي لا

اشترينـا الي و لسيوف و لسَبب واخذت اشيـاء لرحمّة هماتين.
اخذنـة شغلات كومة مُرطبات وغسولات واشياء للبشرة وجـنت فرحانة بس بنفس الوقت طلعنـا واحنة قاطين سُراج قطة معدلة

سُراج جـان شايل كُل العلاليك كتلة انطيني ماقبّل
سُراج
يلة شوفن هَسة شتردن بعـد

ثنينة كلنة مانريد شي بَس هوَ جان مُصر انُ نشتري ملابس، طبينـة لنفس المُجمع الجبير مال الملابِس بداخل الـ مول، عجبتني جُبـة باوعت سُعرهـا بـ ٦٠ استصعبت احجي بس حيل عجبني دزاينهـا

شويـة وحَسيت تقدم سُراج النـة
سُراج
اخذي الجويتي مالتهـا انتِ يلوكلج هيج الـوان

درت وجهي وانصدمت لمن حجة هَيج، اتذكرت من لبست شـال جويتي وضل صافِن بوجهي

شَمس
اااا لا ماريد هيج بس داباوع

سُراج
أُخذيها شبيج، ترديها هيَ لو الجويتي ؟

شَمس
ماريد صدكني ماريد

كلت هيج وخليت ومشيت
سيوف جانت واكفة تشوف والبنية تفتر وياهة

سُراج
اهوووو يابة بدون عناد اول وتالي انة اخذهة فَ كولي الجويتي لو هاي

شَمس
والله ماريد شبيك

سُراج
شكد اكره العناد تعااااي بسرعة

حجـة ب اصرار
شَمس
كتلك ماريد ماريد عندي كومة

سُراج
شَمسسس تعااااااي

من گال هَيج مشيت ويـا وكفنة كدامهن

سُراج
يلة اختاري الترديهـا
باوعت الهن نفس ماكال الجويتي حلوة

سُراج
خوية بس بلا زّحمة الجويتي انريـدهة

شَمس
بس والله ماريد

سُراج
اعتبريهـا هدية صلِح بيناتنا

من گال هَيج كالها وهوَ يباوع لوجهي ويبتسم
صفنت بوجهة ب ارتباك
قطعنـا صوت البنية وهيَ تنزل النة ياهة
اخذت ع قياسي وسيوف هم جانت ماخذة شكم شي

رُغم مُبادرة بسيطة بس زرعت بكلبي فَرحة بسيطة
طلعنـا من المحَل وهوَ شايل كلشي بدون ما يطينا ايَ علاكة

سيوف
لا هم خوش رجال حماي امانة الله

شَمس
ينطلع بي

كلت هَيج وضحكنة علكيف ثنينـة اندار النـة وخزرنة
سُراج
مو وكت ضحِك

شَمس
اتراجع موخوش طلع

اخذلنـا اكِل وصعدنـا بسيارة اكلنـا واحنة راجعين للبيت

سيوف
شُكرًا سُراج صدك تونسنـا اليوم

سُراج
تشلعين عيوني

من گال هَيج انصدمت ما شاء الله طلع هم يحجي
باوعلي للمراية وكانما جان منتظر شي احجي

سُراج
وانتِ دكتورة شَمس ما تحجين شي ؟

شَمس
ايّ شُكرًا

سُراج
صار الزحمة

ابتسمت بخجل وسكتت رجعنـا للبيت واحنة محملين اشياءات كومـة

اليوم الثانـي لبست الجُبة جانت حيل حلوة سودة وبيها مسطرة جويتي بالطرف وبي لؤلؤ وشالها جويتي وبنهاية مالتة اسود وبي لؤلؤ ع الاسود

لبستهـا ورتبت وجهي طلعت شَمس القديمة لاول مـرة من بعَد ما سويت اهتمام عميق ليلة البارحة

طلعت من غُرفتي واني احس جمالي كُلش ساطي هذا اليـوم وحَتى وجهي ضاحِك

صبحت عليهُم وكعدت يمهُم حَتى اكِل

صالحة
بسم الله ما شاء الله يمة شهل جمـال
تعاي ولج تعاي خل انشرلِج
نشرتج من عين المـارة ومن عين الجـارة ومن عين الحاسِد والكايد وعين الماصلّت على مُحمَد وآلِ مُحمَد

جبُر
هههههههه جَدي اليوم انتِ وين رجعتيني لايام زمان

شَمس
بعدهي حلوة جدو بعدهي احلى مني

جبُر
لا تخبل هيَ بكِل وكت وبكِل ساعة

امير
حلوة لمّن تشوف نسخة مُصغرة من شخصك المُفضل كدامك تحس روحك صدِك عايش لّذة الحُب

جبُر
ايّ يجدي هوَ جا انة شكاتِب

رأيتُ ابنتي فابتسمَ القلبُ سِرّا
كأنّي أراكِ صِباكِ إذ كنتِ بُكرَا
ملامحُ وجهٍ كنتُ أعشقهُ دومـاً
تجلّتْ بوجهِ صغيرتِنا الزَّهـرا
فأحيا بقلبي غرامٌ قديمٌ
وعاد الزمانُ ربيعاً وعُمرَا

شَمس
يا جدو شكد حلو يمتى كتبتة هذا

جبُر
بـ اول يوم اجيتي وي امير بيها كلت لجدتج نسختج المُصغرة مولودة

ضحكنـا بحُب وي كلامـة باوعت انتبهت لسُراج صافن علينة ويضحك

عَجيب امـرة هل بني آدمي شخلا يضحگ هيجي ؟

كملنـة اكِل ع سريـع وطلعت قبِل امير للمطبخ اغسِل

شوية وسمعت صوت سُراج وراي

سُراج
طالعـة حلوة

كالهـا وهوَ واكف وراي، انداريت عليّ بارتباك وكتلة
شُكرًا

حسيت بحلكة اكى حجي بس ماحجا كالعادة هـز راسة وراح

طلعنا اني واميـر لدوامي والوضع طبيعي جان

بدت الايام تمضي وبديت استرجع عافيتي وضحكتي وشغفي الي فقدتهن من الرابع اعدادي لسـة
رجعت شَمس المغرورة الي ماتهتم غير بنفسهـا وكشختها ودراستها وماجنت مهتمة بـ ايّ شخُص حتى لحركات سُراج الي جانت اكثر لُطف بصورة حَيـل واضحة

بدت امتحاناتنـة الشهرية وجنت حَيل مـلودة ويوم من الايام جان عندي امتحان عقاقيـر

جنت لابسة مناظري وحاضنـة الـ غطا ومتربعة وكاعدة بالصالـة وكُلش مستـاءة من الوضعية

طّب سُراج جان طالِع وكعد ع التخُم

سُراج
هـا يمتى تنامين

شَمس
مانام بُقالي ٤ ملازم

سُراج
جا شمكملة اذا باقيلج ٤ ؟

شَمس
بس ثنين

سُراج
صدك تحجين بس ثنين مكملة والساعة بـ ١٢ ؟

شَمس
عقاقير سُراج عقاقير اكرهة

سُراج
هيَ اساس عملج العقاقير تكرهيهة شكو جيبي خل اشوف

شَمس
ماريد والله تطُخ براسي هسة ما امتحن وهاهيّ

سُراج
دنجبي شني ما تمتحنين جيبي خل اشوف عن شني يحجن
امممم سهلات سهلات هنّ ذني بساعتين هسة نخلصهن

شَمس
سُراج انتَ والله بطران بساعتيـن شنوو؟

سُراج
هسة اراويج شني الساعتيـن

كعد يمي وي وجود مسافة وبدة يشرحلي، شرح اول مُحاضرة بذمة وضمير والشي الحلو اني جنت دارخة بس مافاهمة ف من فهمني استوعبت السالفة بسـرعة واقل من ٣٣-٣٤ دقيقة كملنـة اول وحدة

اجينـة للثانية وكمل شرح
جانت عن اوراق النباتات الطبيعية
صـار يأشرلي ع الزهرة ويحجي

تعرفين شلون بعض النباتات، حتى لو تكبر وتذبل، تبقى إلها رائحة ما تروح؟ هذا يسموه أثرها الباقي. مو كل شي حلو يختفي ويخلص، أكو أشياء إذا عشتيها بصدق تبقى بذاكرتچ للأبد.

رفع عيونه إلي للحظة سريعة، كأنه يقصد شي أبعد من مجرد درس.
بس رجع بسرعة للشرح وگال وهوَ يحاول يندمج
وهذا السبب نخلي الجذور والأوراق تحت المجهر
نعرف قيمتها الحقيقية، مو بس شكلها الخارجي.

جان يكلب بالملزمة ويشرح
أكو نباتات ما يبين جمالها من أول نظرة، يمكن تشوفينها بسيطة أو حتى ما ملفتة بس إذا تدققين، تكتشفين إن قيمتها أعظم من كل شي يلمع گدام.

سكت لحظة، بعدين ابتسم ابتسامة خفيفة وهو يضيف
إنتِ تذكريني بهالنباتات، كل ما أتعرف عليچ أكثر، الگاج أعمق وأغلى.

هوَ يحجي واني احس روحي انسطرت بحيث ضليت صافنة وماعرف شحجـي

سُراج
شَمس اكلج شي ؟

هزيت راسي ب ايّ

سُراج
يُتبعع.......

لا تنسون التصويت
للكاتبة هُدىٰ آذار ..