اهلاً بِكُم بإوآخِـر قُصةٌ لا تنتهي
لِكُلِ بدايةٌ نِهاية، مهمّا كانت صاخِبة، لابُد إنّ تهمِس في آخِرها بالِنهاية، وهُنـا تُسدّل الرِواية سِتــارها الاخير بِدمعة وإبتسامة، ورُّبمــا شيء بينِ الإثنين .
سأترِككُم الآن معَ آخِر فُصولِ الرِوآيـة
حَيث تصِل الرِوآية الى صمتِهـا الاخير ..
الكاتِبة : هُدى آذار
قِراءة مُمتعِة ...
_____________
ايلول
علي
صـارلج شكد تشردين مني، تعاي خل نطفي الاشواگ
ما انطاني مَجال احجي شي قاطعني و اخذ شفايفي بين شـفايفة باسني بوسة خَفيفة ورجع باس گُصتي وعيوني وكُل انحاء وِجهي بـ بوسة خَفيفة بس بلهفة عـارِمة واحس الحرارة شعلت جِسمي شعِل
حاولت ادفعـة واكوم، بس جانت مُحاولاتي فاشلة، وكإنّي ادغدغة مو اوخرة عَني
ايلول
علي
علي
علي دايخ بيـج
ايلول
علي ماريد وخر عني ..
حجيتهـا وكمِت بسرعة وجسمي جان كُلة ديرجِف، كام وراي وحاوطني مِن ورة وحِجة بهمِس وحنية وحُب وهوَ يمرُر ايدة ع ايدي
مابين دِفء حُضنه وبرودة خوفي، بين گلبة اللي يريد يطمنّي، وگلبي اللي يركض من الخوف، جنت أحس الدنيا تضيق، وهوَ يوسّعها بحنيّتة.
كلّ مرّة يقرّب منّي بهدوء، چفوفي ترتجف مو بس مِن خوف، من الحُب هم ..
يحاوط وجهي بإيدة، ويطمني بكِلماتة الساحرة، صوت أنفاسة بَلش يختلط بصوتي المرتبك، وأني أبتعد شوي، وهو يقرّب اكثر، كأنه يريد يقنعني إنّ الخوف ما مخلوق وهوَ يمي ..
كل لمسة، وكُل نظرة، وكُل تنهيدة جانت وعد بالبقاء، وكِلما جنت أحس كل جزء منّي يريد يستسلم، جان يضمني اكثر ويحاول يهديني ويبينيلي شكَد هوَ يحبني وكانهُ يعامِل طفل .
بهاي اللحظة حسيت اكثر مِن قبِل شكد علي رِجال وشكد اني محظوظة بوجودة، ما حسّيت ويا علي إنّي سلعة، كد ما حسّيته يشوفني بروحي مو بجسدي، كأنّ بيّ شي أعمق من ملامحي، وأغلى من شكلي.
نظراته ما كانت تِفتّش بيّة كد ما جانت تحجي وياي وتهديني وتفهمني.
خلّاني أدرِك إنّ الحُب مو رغبة، إنّ الحُب سكينة واطمئنان،
إنّ وجودي يمّه مو لأنّه يريدني، بس لأنّه يحتاج وجودي مثل النفس.
خلّاني أصدّك إنّ الأمان ممكن يجي على شكل رجل يعرف يِحبّني بعيون مابيهن طمع..
علي
احِبج لانّج انتِ، مو لانّج كاملة
احِبج لان بيج نَقـاء مو لان بيج جَمـال ..
باوعتلة وقلبت شِفتي وعيوني دمعن بخُفة وكتلة
ايلول
يا علي احبكك
ضحك و جرني من راسي بلُطف لصدرة، وباسني مِن راسي
علي
وعلي يحتاجلي ميت سنة حَتى استوعب انتِ بحضني وبين ادية هَسة
ايلول
امممم شنو جان سويت لو الظروف استمرت ضدنا وماكدرنا نجتمع؟
علي
اصير ضِدها واخدج، انة كتلج مِن البداية اخذج يعني اخذج، تاذيني أاذيج، يصيرون اهلج ضِدي يصيرون اهلي ضِدي عمي ان شاء الله ما انتِ ضِدي هم ما اهتم واخذج
ايلول
بس الظروف تفرق لا تنكر هذا الشي فَ شلون لو ظروفنا ما ساعدتنا
علي
حبيبة كلبي كِدام الحُب الحقيقي ماكو ايّ ظروف، الرجال مُجرّد ما يحِب حُب صادِق مايصير بعيونة شي غيرها وغير انُ ياخذها، وما يستسلم ابد مهمّا جانت شِدة الظروف
ايلول
يعني ما تؤمِن انُ اكو فعلاً ظروف قوية وتفرق؟
علي
عايني حبيبي، يُمة صالحة شتكول ؟ تكول البت نفس سِچة القطار، يعني نفس سكة القطار الكِل يمرون اعليها، وخصوصًا الرجال الذكي يعرف انُ البنية تنلگُف بسرعة، ومُجرد نظرة، ها انتبهي نظرة مو خُطوة اتخيلها تصيرلج انة اوِج وانطفي فَ الاصوب والاشرف ياخِذها لو ميت سّد كدامة
وبعدين انتِ حگي
ومو علي يعوف حگة لو الدنيا كِلها وكفت بوجهة ..
ابتسمت ع كلامـة، رِجع ضمني اكثر الة وصار يدندن بشّجن وحُب
علي
هذا انتَ عِندي وما مصدك عيوني
يا ناس احلّم لو جِذب فهموني
اوفففففففف ولـج تعاااااي خل اصدك انتِ يمي
ضحگت ع نبرة كلامة ورجع يشاقيني نمنة متأخر حيل كعدت ع صوت علي وهوَ بيكعد بية
فتحت عيوني، وِجهة مُقابل وجهي صار، ضاحِك وينبع بالحنية، ابتسمت بهدوء و وخر بـ ادي شعري مِن على وِجهي
علي
وليفي واغـار اعليّ
مِن حِضن أُمـة
بگلبي واكول بعيـد
جـا وين أضُمة؟
خالة النة طِلابة وياك
رِيض رَيض يا حادي
وعيدت كِلها النـاس
وانة بسوادي
طُبع بوسـة على جبيني وگال
علي
لك عمي يا سواد هذا وايلولة يمي، ولج صارلج ساعة نايمة وانة اهوجِس بيج نوب تخيلت الناس تشوفج واحس روحي فآرت شرايج احبسِج بهاي الغرفة محد بيها غيرنة انة ويـاج نحط راس اعلى راس ونكعد ونسكت
ضحگت ع كلامـة وكتلة
ايلول
يااااا وهيج متمِل مني، والله اذا انتَ متمِل اني امل ترة
علي
بشرفج الي يشوف هذا الوِجه هم يمِل؟ ما املن عمي ما املن وانتِ لتخافين ما امللج ويـاي لتخافين اخليج تتونسين بالعكس
بعديـن تعاي شهل ضِحكة الحلوة
تقرب وطُبع بوسة ع شفايفي سريعة بَس شّرسة
علي
لو ما ضلن يضِحكن ف انة نغل ابن نغل
من كال هَيج فتحت عيوني وحلكي بصدمة وضحكت
ايلول
علييي لتتحمسسس يُمة
ضل يشاقـة وياي ويضحك بيـة شوية وكال
علي
يلة ولج الساعة بـ ١ صاح الاذان وتلكيهم ماكلين و حاطين چايهُم
ايلول
ديلة هسة شنو واحد مينام قابل
علي
ولج احنـة عِدنة قانون الكِل يكعِد من الصبح والكِل يكعد ع الاكل سويـة وممنوع واحد ما يكعِد
ايلول
شنو عسكرية شعدكُم، ترة كُل واحد يكعُد براحتة المن هتقييد
علي
نظام هذا حبيبتي نظام مو تقييد، جدي ويُمة صالحة يفرحون من يشوفنة كِل احنة اعلى نفس السِفرة كاعدين يـمهم ومحاوطيهم، وبعدين تعاي اكِلج قابل دايميلنة دايميلهم واحد يشبع من اهيلتة احسن مِما الوقت يفارِگنة
من كال هَيج راسًا اجوي ع بالي اهلي، ابتسمت ابتسامة هادئة وضليت ساكتـة بس عيوني جانن يحجن
باوعلي بنظرة ثاقِبة لثواني بَس وراسًا اطلق كلامة
علي
انة هنا يمِج اهلج وكِل ناسج، ماراح اخليج بحاجة احد ولا راح احرمج منهم وراح تشوفيهم دوم ومِن هل شـارِب هذاا
كال هَيج ولزم بشاربة
باوعتلة بحُب وبستة بخدة علكيف
ايلول
احبك
علي
يابوية راح اكلج والله
من كال هَيج كمت بسرعة منـة واحنة نضحك كوة خلصت روحي مِنة، سبحنـا وكملنـا طلعت من الحمام لكيتة لابس دشداشة بيضة وفاتح كنتوري
ابتسم بوجهي ولّف للكنتور
علي
هـذا ايّ هذا حِلو
طلع فُستان طويل كريمي نفس الدراعة الخليجية
ايلول
يا علي شعندي عرِس
علي
ولج صباحية عرسج هاي تعتبر البسيها واسكتي
ايلول
صباحية عرسي شنو ماريد ثكيلة والله
اكُلك علي عادي البس تراكات؟
من كتلة هيج كلب ملامِح وجهة رأسًا و وجهة جِمد
علي
اكيد لا ايلول اكيد لا، ترة انتِ مو وحدج بالبيت وياج زلم
ايلول
ترة التراك استر من الـ ثوب
علي
هاي منيلج الكلاوات من يا سوگ مِن هرج
ايلول
اهو لتستهزء صدُك داحجي وبعدين اني ماحب هل لبس شنو اغصُب روحي عليهن؟
قلب عيونـة بتملمُل وتنهد علكيف وتقدم الي، لازم ب اطراف ادية وكال بصوت هادئ رجولي
علي
وشني الي يفرق ايلول القديمة عن الجديدة غير بذني الامور ياعيني
ايلول
بس اني ماريد اغير من نفسي علي
علي
كِل انسان بينة يتعرض لتغير وهذا الشي مو عيب ولا سوء ابدًا بالعكس شي حيل حلو انُ احنة نتغير بس كون نحو الاحسَن، وانتِ بلبسج هذا راح تتغيرين للاحسن مو للاسوء ترة
ايلول بتملمُل
هسة فهمت من اطلع البس جُبة واشياء طوال بس بالبيت ويم اخوانك همم ؟؟ ترة والله موهيج عليي
علي
ايلول اخواني اكيد يختلفـون عن الناس البقية بالنسبة الج، ذولة بعتبار اخوتج تصير بيناتكم ضحكة سالفة عادي خوما ينحسبون بحساب العالم الباقين؟؟
بس بالنهاية هُمّ زلم لو مو زلم؟ زلم، اذًا هاهيّ لبسج يمهُم يكون نفس لبسج يم غيرهُم
ولو انتِ حتى لبسج الخارجي اني اريد اسويلة اعادة تدوير
كال هَيج ب ابتسامة جانبية مُستفزة ..
ايلول بعَصبية
علي انتَ ماجاي هنانة حتى تغيرني نفس ما اخذتني تخليني لتضل تخليلي قيود ومدري شنوو ترة والله نتعارك اذا صار الموضوع هيجي !!
علي
اي يابة جا صرتي مَرة متزوجة انتِ تردين قبل الزواج نفسة بعد الزواج؟؟
ايلول
واذا مرة متلطمة واذاااا
اني نفس ما اني وما اسمحلك تغيرني، لان مابية ايّ شي غلط حتى لبسي مستور
علي
استغفرالله استغفرالله شلون تستوعبني هـاي مو من عقلها من .. استغفرالله خل اسكت احسلي
ايلول
ماريد البس هذا وخر والبس بكيفي
علي بعَصبية
البسي ثوب نومج الاحمر وانزلي هجي انتِ تكيفين وتحطيني اعلى راسج
ايلول
شكالولك علية مثلاً مافتهم؟؟؟
علي
ليش انتِ تفتهمين
اكصكص ادية منـا ومنـا اذا طلعتي تفتهمين انتِ
ايلول
لتكول متفتهمين انتٍ المتفتهم ذرة فهم ما عندك
علي
خربببب انة ذرة فهِم ما عندي انة ولج
ايلول
وخر وخررر لا تتقدم علية عود تخوفني ومدري شنوو ترة ماتخوف جلبي
من كتلة هَيج فتح عيونـة بصَدمة و وكف بمكانـة
هوَ ضل ساكت واني ضليت ساكتة، يصيـر حجي بحلكة يريد يحجي نوب يبطُل
علي بـ برودة
انة راح اصلي انتِ حضري روحج حتى ننزل قبل لا العالم تنام فشلة ..
كال هيج ودار وِجهة وراح جاب السِجادة ومَدها وبلش يصلي
ايلول
الا يجبرني احجي زايـد ومن بعدها يمثل دور البرود وعود اني متحملج
علي
الله اكبررررررر، سمِع الله لِمّن حمِدددد
ايلول
اي اي لتعيطططط والله لو تموت ما اسوي الي تريدة نفي ما اخذتني اتقبلني انت لو تطيح بيدك حتى بوشية تلبسني
علي
يا مقلوب القلوب ثبت قلبي على ديني
كَال هيج واندارلي
علي
حتى صلاتييييييي اريد اگطعهااااااا
چفلني من اندارلي وسكتت راسًا
علي
رادارررر ارد افتهممم راداررر لو شنييي، صارلج ساعة وصلت للفرض الثاني وانتِ ما سكتي، عمي ارد اصليييي لا تغيريين بلبسج بس عوفيني اصليي شبيج
ايلول
مؤمِن كلبك عامر بالايمان
علي
استغفرالله ياربي العالميـن شلون وي هاي الكارِثة
ايلول
يعني اني كارثة موووووو
علي
والله اكبر كارثة صارت بحياتي كارثة مُتنقلة
فتحت عيوني بعَصبية وردت احجي ماحس الا تقدم الي بخطوات سَريعة وحط ادية ع حلكي
علي
اشششش اششش ولج ماتعبتي من المهايط بس تهايطين شبيج
جنت احاول احرك بروحي واخزرة بعيوني
علي
راح اوخر ادية اذا ما سكتي ي ايلول وعلي اعضج عضةة من هاي ام ال خمس دقايق انة بس مجلب بيج وكولي علييييي ماكال اسويها واخليج تبجين ب بين ادية وماهدج هماتين
من كَال هيج خوفني لان اعرف سوالفـة فعليًا هسة يسويها
وخر من يمي وراح للسجادة واني سكتت بس كلبي يريد يطك من كثر مابي حجي
ايلول
مخبل
علي
قل هوَ الله اااااااااحد
سديت شفايفي بسرعة وجفلت من صوتـة وبنفس الوقت ضحكِت، باوعت للكنتور ردت البس غير شي ع عنـاد بي بس حَسيت انُ خل البسها احلى
لبستهـا ورحت للمراية الي كدامـة جانت اشوف روحي بيها وافتر حَتى اتاكد انُ هيَ حلوة ع جسمي
التفتت لكيت علي كاعد ع السِجادة ويباوعلي بنظرات غَريبة، نظرات كلها هُيام على حُب على ذوبان
على ابتسامتـة ومنظرة المبتسم ابتسمتلة وكتلة
ايلول
حلوة؟
كام وكف وتِجه نحوي، صار واكف كِدامي دار وِجهي للمراية وهوَ صار وراي لازك بيـة، حَسيت قُربة ربكني، وانفاسة تبين انُ وضعة هم جان هيج
باوعت للمراية لوِجهة، عيونة جانن يتجولن ع جسمي من فوك ليجوة بالمراية
علي
اسمعي، يكولون الرجال الصالح المؤمِن الي يسوي خير بدنيتة الله يهديلة بـ آخِرتة حور العين، هسة تسئليني شني حور العِين، حور العين هِنّ نسوان ينخلقن اساسًا لاهل الجَنة، شلون المُكافأة الي الله ينطيها، هيَ الآية انة حافظها شتكول ( وحورٌ عين، كأمثال الؤلؤ المكنون) يكولون انُ جمالهِن يصير فائِق ومتكدر حَتى ....
انداريتلة بعَصبية رأسًا
ايلول
وانتَ حضرتك من يمتى تحفُظ ايات قرانية؟؟ لو هاي لان بيها نسوان !!! شهل تلطلطططط علييييييي ترة والله عَصبيتني وين تريد توصل بهذا حجيك
علي
ولج انتِ ليش متكضين لسانج ولو تبت انة بعد ماحاجيج اعلى لسانج لان فلا ينگظ بس خل المحج برة هجي تندهيلي بوية شسوي بيج يا ايلولة
انتظري وخل امسلت شبيج مخفوگة
ايلول
يلة مسلت
من كتلة هَيج رفع تك حاجبة وباوعلي ب صدمة
ايلول
ههههه والله اشاقققة ويـاك شبيك متتحمل شقة علي
علي
انة مو صديقتج ايلول شبيج
ايلول
اشاقة ويـاك شبيك تسويها صدُك
كلت هَيج وكلبت شفتي بزعل
ابتسم راسًا ورجع دارني للمراية
علي
لزعلين واسمعي، ايّ ف انة الله انطاني حور العِين بالدنيـا قبل الآخرة
ابتسمت ع كلامـة باسني بجِتفي
ايلول
ايّ وشنو يعني بالاخرة تاخذ حور عين هم؟؟
رفع راسـة و وجهة جان بي ضحكة خفيفة
علي
جا ليش لا وحد ؟؟
انداريتلة بعَصبية
ايلول
عليييييييييييييي، والله اطُبلك انتَ وياهة ترررررة ديربالك
ضحگ بصوت عـالي
علي
لك افدي الي يغارررررر افدددددي الينكلب طماطة من العَصبية، وين تطبيلي يمعودة هوَ غير حور العين مالتي هيَ انتِ، رايدج بالدنيا وبالاخرة نفس الشي
كال هَيج وهوَ يكرص بخَدي ابتسمت ولزمت خَدي بزعل
ايلول
والله اذا تعيدها اموتك تموتتتت
علي
شسويلي مثلاً
ايلول
اضربك
علي
ايباه، دغدغيني ولج بحركاتج مو تضربيني
يلة امشي خل اصلي لا اجرم بيج، احس الشيطان صار ثالثنـة حاليًا وانة رجال جاي اصلي شجابج شحطج يمي وخري وخري
ابتسمت و وخرت هوَ كمل صلاتـة واني شلت شعري وباوعت لوِجهي مُشكلتي ماحب الميكب ولا اتقبلة لا حُمرة ولا كُحلة ولا ابد، بس هلمرة جربت اخلي حُمرة وردية خفيفة بلون شفتي و
لفيت شـالي وكملت اجيت داصلي وعلي التفت كمل صلاتـة
باوعلي وكال بحماس
علي
خل انشرلج لا يحسدوج عمي شهل جَمال يمعودة
راد يجيني وخَرت عنة
ايلول
وخر علي اريد اصلي
علي
يلة بسرعة بسرعة
صليت صلاتـي وعلي كاعد يمي ويخابر كُل ساع واحد ع الشغُل ومدري شنو لان صارلة هواي تاركة ومارايح من تمرض لحد هَسة
انداريت الـة بعدة ديخابر بس عيونـة علية صاحني اجي اكعد يمة، كعدت يمـة ع الجرباية جرني الـة وضل حاضني ويحجي، راسلت فَرس كلتلي اني واميـر جوة استعجلوا شويـة ويكومون ينامون
راويتة المُحادثة وهمستلة بـ بسرعة يلا
هزلي راسة بالايجاب وستأذن من رجـال وسدة
علي
يلة حبيبتي كومـي
كمنـا سوية
علي
بس ممكن ملاحظة صغيرة؟
هزيتلة راسب ب اي
مَد ايدة لخُصري ورخة الحزام شوية
ايلول
عليي شبيكك تـرة اصير جني مخبلة هوَ حلاتة بالحزام
علي
كلِش ضابتة حبيبتي هيَ شني جسمج مفصل تفصيل مايصير
ايلول
طبعُا والله هَيج حنخررب احنـة انتَ صدُك تحجي
علي
ايلول والله مايصير ترة تفاصيل جسمج كِلها مبينة و واضحة من ضبة الحزام المن ارد افتهم المن هجي احلى والله هجي احلى
ايلول
ماحب غيرتك لمن تصير مجنونة هيج
علي
جا ماتدرين بي اغار اعليج بجنون؟
ايلول
وخر علي وخر خلسوي
علي
والله تزعيلي منج، ايلولة هجي حلو والله
ايلول
علي يعني انتَ هيج راح تحكمني ؟
علي
حبيبتي انة ماجاي احكمج ترة جاي احميج من حرام انتِ بنى عنة ليش ماتحسبيها هجي وبعدين شوفي والله حلو اعليج انتِ لو تلبسين گونيـة هم تطلع حلوة اعليج ف اعليمن ذنوب ومدري شني
ايلول
هاي معناهة انتَ ما واثق ب اخوانك ونظراتهم لذالك هيج دتحجي
علي بحِدية
لاااا ايلول ديري بالج لهنا وكافي، اخواني ماعدهم هجي سوالف واحنة زلم متعلمين نغض البصر ع نسوان العالم خوما نسوانة بس هيَ سالفة غيرة وبَس وانة ماريدن حتى بالغلط يصير هذا الموقف ف انة ماجاي اطلب منج اشياء جبيرة هنّ هل شجم شغلة سويهن وبَس
سكتت ماحجيت شي بس احس روحي ضايجـة بشكل موطبيعي بداخلي
علي
لا تزعلين
ايلول
لا ازعل ولا شي ماعليك بية، اني نازلة
كلت هَيج وخليت ومشيت كدامـة، لزم ايدي و اجة وياي
ايلول
عوفني لتلزم ايدي
علي
هيَ بكيفج
ايلول
علي عوف ايدي
علي
ماعوفج
ايلول
جذاب جذبت علية
علي
يلا مقبولة منج يالعسل
ايلول
تريد تحبسني وتخنكني تحت مُسمى والله اغار
علي
هوَ انة فعلاً اغار بس عقلج ماجاي يستوعب شسويلة
ايلول
هسة دهدنيييي
علي
اشش ولج هاي نزلنـة فَشلة شيكولون اعلينة هسة
ايلول
استغفرالله استغفرالله ياربي
علي
افدي المعصب افدي
يلة حبيبتي جا شسوين اعتبريني اختبار من رب العالمين وان شاء الله تنجحين بي هم حقج هيَ بس شنسوي والله البيك ما يخليك هوَ انة لو ما اعرف السالفة تاكل بية اكل من جوة وتخليني مثل المخبل ما اترمها اعليج ..
وصلنـا لاخر درجة وهوَ يحجي، الكُل جان كاعد
صالحة
هلا بعلاوي ومَرت علاوي
التفت الي بـ ابتسامة وكال بصوت واضح
علي
حبيت هاي مرت علاوي
ابتسمت ع ابتسامتة وسلمنـا ع الكُل وكعدت يم يُمة صالحة واجة علي كعد يمنـا
سوالفهُم جانت حلوة خصوصًا سوالف يُمة صالحة تجنن وتنكط حنية، كعدنا وياهُم نحجي تقريبًا قليل شويـة وكاموا ينامون
الولد هم شويـة وكاموا كلهُم طلعوا ضليتة بس احنة
باوعت لـ سَبب احسها مثگلة علية وكل ما اضحك تباوعلي بطرف عينها مَدري شبيها ولا مثل باقي البنات حبابات وكُلهن يضحكن وياي الا هيَ معبسة
ماهتميت الـها اني هم ولبستها فردور وكعدت احجي بس وي البنات الباقيات
كعدت اشكي للبنات مِن علي وجنت كُلش ضايجة من عندة واحجي بـ ضوجة موطبيعية
ايلول
بنات والله اني خايفة لا هاي تسولف تخرب بينة، لان اني هم الي لمت مُحدد وبعد هاهي انفجرررر وهوَ طلباتة متخلص !!
فَرس
علي يحبج ايلول وقدملج ميت شي و شي واحد انتِ متقدميلة شبيج ياعيني لا تكولين تخرب علاقتنا وهل خرابيط تخرب بسبب غيرة مثلاً اسم الله لا تكولين هيج
ايلول
ديضغط علية فَرس والله ديضغط علية واني ماحب هل حكُم هذا الزايددد
شَمس
اني من اجيت هم جنت اعاني بسبب هالشي تدرين
ايلول
ايّ بس هسة انتِ متعودة وهسة لابسة دشداشة واني لو تكُتلينيييي مالبس دشداشة
شَمس
اني هم مجنت احب البسها ولسة وبعد بس اصعد اغير لبسي بس انُ تعودت يعني
ايلول
بس اني مُستحيل اتعود
فَرس
اكُلج هسة اني هم نفس الحالة ماحب البس الدشداشة هواي ومَدري شنو ف شقررت اجيب جُبة عادية سودة مال بيت ومن انزل البسها وها اها
ايلول
هاي شبيج فَرس يعني واحد ب بيتة ويلبس جُبة!!
شّمس
مو انتِ مو وحدج بالبيت غير ويـاج ولد
ايلول
لذالك بابا جان عندة نظرة مُستقبلية بالبيت الوحدهي
فَرس
ايلول بس ترة احنة بعتبار شُقة وحدنة وراح ننزل ب اوقات مُحددة ونفس ما اني احِس انتِ هم تحسين ومتاكدة انتِ راح تحبين الاجواء اكثر مني وتصيرين تنزلين اكثر مني حَتى لان جد اجواء العائلة ما تتثمن ابد
شَمس
ترة اني هم حالي حالكُم ما جنت حاسة ب اجواء العائِلة الا اجيت لهنا والله العَظيم تحسون كُل شي بيكُم ينمحي بس تسولفون لو تسمعون سوالفهُم
ايلول
اففف هيَ صحيح بس علي مادري
فَرس
لتصعبيها ايلول و علي هم ديحاول وياج ب اسلوب حلو ف حبابة علكيفج ويـا
ايلول
خيولي يمعودة هسة انتِ خايفة عليّ
شّمس
لج ما اسمحلج تحجين على ابن عمي هيج
ايلول
دطيري انتِ و ابن عمج شلون ابن عم عاد لو عندي ابن عم نفسة اكتل روحي لو اتبرة منة
شَمش
حبيبتي ترة زوجج مو زوجيي بالنهاية
ضحكنـة من كالت هَيج وكعدنـا نسولف، شوية وموبايل شَمس اجة بي اشعار
شَمس
عزاااا يحبيبييييي
ايلول
ها شكو
شَمس
اليوم عيد ميـلاد علاوي
كومن خل نسويلة كيكات بنات ونحتفل بي خل يفرح صارلة شكد سبانة سبايـة اني وسَبب يمتى عيد ميلادي يمتى عيد ميلادي كومن كومن
ايلول
هيَ سبب شبيها شو شايلة خشمها فردور ولا حبيتها
شَمس
هههه سَبب هيَ شخصيتها هيج راكزة كُلش وثكيلة، زَعيم كُلش طبع شخصيتة بيها بس عادي ويانة نسولف ونضحك بس لان ممتعودات ع بعُض انتن بعدين تتعودن
ايلول
لج مساع احجي وي يُمة صالحة واضحك تباوعلي صفح دخل تولي
فَرس
لا تبنين عداوات ايلول خلي وي الكُل علاقتج حلوة
ايلول
اهوووو فَرس اني لو هيَ داكُلج هيَ الي تباوعلي صفح
فَرس
ايّ يجوز ضايجة كذا لا تنطين للموضوع اكثر من حجمة وهيَ حبابة ترة البنية
ايلول
ايّ صح حبابة واني الصوج بية خل اسكُت احسن
فَرس
لج لااااا موهيج قابل انطي بيج الها ؟ لزعلييييين ولج
ايلول
وخري فَرس زعلتيني فوك علي والله ضجت داكُلج هيَ تباوعلي صفح تكوليلي لا تنصبين عداوات
فَرس
اشاقة وياج والله لا تضوجين مني حبابة
ايلول
ايّ اوكي
فَرس
لولييي حبابة لا تضوجيـن مني
بهاي الاثنـاء طبوا هُمّ كلهُم
ايلول
ايّ فَرس ما ضايجة منج هاهيّ، يلا شَمس شنسوي
فَرس
اهووو امير تعال شوف ايلول ضاجت مني
امير
ها ليش شبيجن
علي
ايلول اليوم حالفة ع الكِل
ايلول بحِدية
علي شبيك !!
علي
اشاقة ويـاج شبيج ولج
ايلول
لتشاقة هيج شقة وياي
سَجاد
هسة انة وجاي شدخل حماري، شدخلك انتَ وحصرت روحك بالنص
علي
مو اجيكك ولك اعلمك الحمار منوو
شَمس
تدرون اليوم عيد ميلاد علاوي
سُراج
صدِك والله؟؟
شَمس
ايّ والله
زَعيم
ههههه خبصنة خبصصص اعلى عيد ميلادة ماعبالي اليوم
شَمس
اني حافظتة يمي
سُراج
جا خل اجيبلة كيكة ومدري شنـو
شَمس
لاا ميحتاج اني حسويلة
سُراج
لا ارد اجيبلة مال طوبة تدرين بي يحبها
شَمس
ايّ اني اسويلة ماعليك خليها وراي وماعليك
ضلوا هُمّ يحجـون واني عفتهم ورحت للصالـة اجتِ فَرس وراي
فَرس
ايلول حبابة لا تضوجيـن مني
ايلول
ماضايجة منج
بهل اثنـاء طبوا امير وعلي يمنة
علي
ايلول شبيج غير اشاقة وياج شني يعني
ايلول
هيج شقة لتشاقة ويـاي ! مو يم الناس كُلها تبين انُ اني مخبلة واتعارك وي الكُل ترة حيل موحلوة بحقي !!
علي
يعرفون اشاقة ايلول شني سالفة
ايلول
لا حجيتها بجِد انتَ
امير
لا حقها لا تعيدها علي لا تطي بيهـا هجي يم احد ترة انة مارضى اعليها
علي
عمي حجاية وطلعت واسف واعتذر اعليها بعد شتردين
سكتت وماحجيت شي ولا باوعتلة اصلاً
امير
وانتِ وفَرس شبيجن
حجتلة فَرس
ايلول
بشرفك استاذ منو المخبل اني لو هُمّ هسة؟؟
ضحك
امير
لا والله هُمّ مو انتِ وانتِ بدال ما تصيرين وياهة شلون هجي تضوجيها ياعيني
فَرس
والله ما متعمدة
علي
وهاي ليش تباوعلج صفح خاف لان يُمة صالحة تضحك وياج هجي هيَ من زمان امي تحبج هواي خاف غارت لان سَبب متعلمة جدي وامي يحبوها اكثر شي
ايلول
اني ادري شبيها
علي
ختولي هاي تغـار منج ماعليج مِنها
امير
لا حول ولا قوة الا بالله العلي العظيم، علي لا تدخل بسوالف النسوان لان انتَ تخرب ما تعمِر
علي
شني جا مجذب تغار مِنها ما سامع بغيرة النسوان، وبعدين مرتي ينغار منها صراحة
امير
صديق مو هجي السالفة لا تخلي الكلوب تتنافر البت خوش بت سَبب بس يجوز ضايجة من شي كذا لا اكثر ولا اقل انتن راح تعيشن سويـة وانة بنظري الكل زين والله بس سوء الفهم وارد انُ يصير ف المطلوب منة انُ نجنبة مو نخلي يستفحل اعلى علاقتنـا مو صح ؟
هزيت راسي ب ايّ
امير
الانسان ظروف ويجوز عدها ظروف ماندري بيها وبعدين هيَ هم مضغوطة بين اهلي بين دوامهـا وهيَ اول سنة ودراسة صعبة ويجوز اكو ظروف احنة منعرفها فَ نعذرها
ايلول
صحيح كلامك يجوز ضايجة من شي اني من اضوج من شي هم اصير ماطيق البَشرية
امير
اها بالمضبوط
ايلول
يلة كومي فَرس خل نساعِد شَمس
فَرس
خوماضايجة مني
ايلول
لا بس مرة ثانية اذا سويتيها اكسر راسج
امير
راس مرتي اريدة اعلى فكرة
ايلول
هيَ متستوعب شسويلها
امير
انة مارضى ترة
ايلول
لازم تستوعب انُ اني مسؤولة ع فَرس أُستاذذذ
فَرس
والها دخل بية اكثر منك
امير
هجي يصير الموضوع يغثني واذا غثني نتخارب ترة
حجة وهوَ يضحك ضحكنـة ويا احنة، باوعت لعلي صافن علية
علي
تعاي ارد احاجيج
ايلول
بس اني ماريد احاجيك وخر
كلت هَيج وخليت ومشيت وي فَرس، اسمع امير مدري شيحجي ويـا
لكيناهُم بعدهُم بالمطبخ يحجون سويـة زَعيم و سُراج وشَمس مبينين علاقتهُم قويـة سوية
اول ماجينة احنة هُمّ راحـوا طلعوا لبرة
ايلول
شنو نكرُص احنة
شَمس
لا ولج بس يستحوننننن هههههههههه وهم يردون يجيبون اشياء لعلاوي وصيتهُم
فَرس
ايّ هُمّ كُلش يستحون من البنات جربتهُم اني بس عندج سَجاد عادي يعني يسولف وكذا
شَمس
ايّ انتن بهل بيت راح تشوفن انواع
عندجن غَيث لو يموت ما يرفع عيونـة على بنية ابدد خو اني بنت عمة ويتجنبني هواي بحيث ما فد يوم صار بيني وبينة بهاي السنوات موقف مُضحك او نشاقة او شي لا هيج بَس مواقف جدية جِدالات حلوة يناقشني بيها وبطريقة تجنن
ايلول
عود ليش مايضحك
شَمس
انُ هوَ اخذ جانب غير وكُلش صاير ملتزم بالدين وقوانين وهسوالف يعني
عندجن سّجاد جدًا طبيعي يضحك ويشاقة و ولا كانهُ مرات حَتى سُراج يضوج منة بس هوَ فُطريًا هيج
ايلول
ايَ اني سَجاد جويييي هههههههههه
شَمس
سَجاد جونـا كُلنا هههههههه
عندج بعَد منو زَعيم، زَعيم جدي بس بنفس الوقت ماخذ دور الاخ الجبير حتشوفي بعدين شلون راح يهتم بتفاصيلج وينصحج و يتشاقة ويـاج بس كُلشي بثكُل يعني هوَ فعلاً انسان سياسي يسايس الكُل كُل الاعمال وكُل الاصناف وبصورة كُلش محترمة بس هسة انتوا لان مامتعودين ع بعُض
ايلول
اممم هوَ مبين رزِن وحباب
بس بشكل مُفرط
شَمس
ايّ لان متعرفون بعُض بعدين تتعودون
فَرس
خلكمل اني
اما سُراج فَ هذا يبين أُنفة وميحتاجة
بس يم شمِس يشرگ حلكة من الضحك
ايلول
هههههه لا سُراج حباب ومُثقف حيل اعرفة من وقت ما علي طب مُستشفى يمنة ومن حجة وي بابا وكذا حباب حيل
شَمس
هاي اول مرة واحد هيجي يكول عن سُراج
بالبيت يسمونة المخبل
دومها بيبي تكولي لا توهدنينة وي هذا المخبل
ضحكنـا سوة وبلشن يسون الكيك
شَمس تسوي وفَرس تساعدها واني احجي وياهن و اونسهن لانّي فاشلة بالطبخ
شويـة وجتِ سيوف ويانة وكعدنة نسولف ونضحك كُليتنة والاجواء جانت حيل حلوة
سُراج وزَعيم اجوي جانوا جايبين غراض تزيين لشَمس وهم هدايا واشياء لعلاوي
شَمس طلعت ع اليوتيوب وصـارت تزين الكيك بطريقة تجنن وحلوة كالت اني اعرف ارسم لذالك ماهرة بهل سوالِف
علي وامير وصوا سَجاد يجيبولة هدياا وصـاروا يرتبون الصالة الة بطريقة حيل حلوة ومليانة حُب
كلت بيني وبين نفسي شكد حلو لمن يكون للانسان سَند هيج ماتت امـة بس الكُل جان عوضة، وكُلش حبيت تصرُف شّمس لو الغيرها مجانت اهتمت بس هيَ حاطة توقيت بحيث من كالت لسُراج انتبهت شلون جانت فرحة بعيونـة تِجاهة
وصيت بهاي اللحظة مِن محل سيـارة جبيرة الها وكتلهُم اريدها ضروري اليـوم وانطيتهُم العنوان وكُلشي
احتفلنـا بي العَصر وجان فرحان والكُل فرحان بي ومحاوطي حيل، علي جان يحاول يتقرب مني بس اني ابتعد منـة وكاعدة يم البنات
لليل تقريبًا وصلت الطلبيـة كلي اني بالباب، جانوا الكُل كاعدين كمت من مكاني وكلت
ايلول
سَجاد تعال شوية بلا زحمة
سَجاد
جاي عيني
باوعت لعلي عيونـة صارن بگُصتة مبين ما عِجبة المشهد ابد متعمدة اغُثة خل يولي
رحت للمطبخ اجة وراي سَجاد
سَجاد
ولج خطية علي لا تسوين بي هجي ضاج
ايلول
اهو هسة عوفك من علي اكو توصيل بالباب تكدر تطلع تجيبليا ؟
سَجاد
تمام هسة شني هيَ حتى اتاكد
ايلول
سيارة جبيرة لعلاوي مال شُرطة
سَجاد
اوكفي بس اجيب فلوس واجي دقايقق
ايلول
لككك لااااا مدفوعاتت
سَجاد
اسمحيلي اكِلج انجبي شني سالفة ما عدنة نسوان تدفع
ايلول
هاي يمك هم؟؟
عمي دافعـة بالبطاقة بس روح جيب
سَجاد
اويلي مرت اخوي من طبقة البرجوازية
ايلول
لعد شعبالك كِلة هيج احنة ديلا بسرعة هههه
طلع هوَ شويـة وجاب السيارة طبيت قبلة وصحت لعلاوي
ايلول
تعال علاوي تعـال
اجاني يركُض شكلة يجنن اشكراني والعيون زُرگ وابو خدود ودك بس تاكلة
نزلت المستوى وكتلة غمض عيونك
علاوي
شنـوو هدية؟؟
ايلول
اييييي جايبتلك هدية يلا غمض عيونك
علاوي
هي هي هي شنووو هيَ
ايلول
ولك غمض عيونك وهسة تشوف غمض عيونك
سَجاد
اشتعل ابوكككك دغمض عيونك ايدي راحت خلطُب
غمض عيونـة وهوَ واكف يتراقص وفرحان
طب سَجاد وحط الكارتونـة كدامـة
فتح عيونـة انصدم
سيارة مال وي وي
ضحكت حيل
ايلول
ايّ سيارة شُرطططة مو سئلتك وكتلي احبها جبتلكياهة وتشتغل هم وتكدر تمشي بيها
سَجاد
لك هنيالك اعلى هجي مرت عم ما الله رزقني نفسها
علي
ال ٤٩ وين
سَجاد
شبيك مرت عم نفسها عمي
فتحنالهـيا وجان حَيل فرحان بيها وضل بس يبوسني
جبُر
كلفتي روحج بوية
ايلول
شنو سالفة شمسويتلة اني هَسة هوَ طفل والطفل لازم يتدلل ب ايامة العادية خوما بعيد ميلادة
فَرس
لا هيَ ايلول هيجي ايدها مو الها ابد وتحب تدلل الكُل
شكروني الكُل حَتى سُراج وزَعيم وجنت كُلش فرحانة ع فرحة علاوي
لليل تقريبًا ضلينـا كاعدين بس احنة البنات، اخر شي كالت فَرس نعست وشَمس هم ف رحت للغرفة
علي ماجان موجود مادري ويـن طلع وحَتى ما كالي شي، سبحت وبدلت ملابسي بتراك برمودة وشلت شعري بـ اهمال وعقلي يفكر بي
ويـن راح الساعة بـ ١١ ؟
خاف راح لوحدة ثانية !
يُمة ذولة الضباط ما يتأمنون
لالا ايلول وخري هل افكار من راسج اكيد انتِ متوهمة
علي ميسويها يحبني الي وبَس
اخابرة؟
لا خيولي ماكبر راسة ..
اوف ياربي شسوي هَسة !
ضليت انتظرة صارت الساعة بـ ١٢ وهوَ ماكو، شوية وخابرني نزيت وبسرعة شلتة
ايلول
الو
علي
خوما نايمـة انتظريني جاي
ايلول
وين جنت عد يا وحدة بالضبط ؟
علي
يم ام جلد النمر
ايلول
تونستت زيـن؟؟؟
علي
ايَ ونسة فوللل ع الاخر جانت ناقصتج
ايلول
علي انتَ تستغبيني لو شنووووو!!!!
علي
اجاريج
ايلول
ويـن انتَ؟؟؟
علي
طالع
ايلول
ادري بيك طالع بس ويـن!!!
علي
شعليج قابل تتحكمين بية والله حلوة
ايلول
طبعًا اتحكم بيك شلون ما انتَ تتحكم بية!!
ممنوع منعًا باتًا تستهين بية لهل درجة ومن تطلع ماتكلي وين رايح وتضل لنُص الليل طالعع!!!
علي
والله ياحبيبتي مو مرة التحكمني انة، اطب يمتى ماريد واطلع يمتى ماريد، وتعودي اعلية اطبلج بال١/٢/٣ ماتحجين ولا تكولين لان بالنهاية انة الرجال وانتِ المرة وممنوع منعًا باتًا تنطيني اوامر سمعتي لولا؟؟
ايلول
علي دتخوني صح دتخونيييي؟؟؟
علي
ما الج علاقة انة ويـن ويلا روحي
ايلول
والله العظيم ما اضل وياك وهسة لامة هدومي ورايحة، ان جان شقة وعندك شغُل وطالع لو صدك انتَ جاي تخوني ع هذا اسلوبك ولاااا اضل وياك بعَد
علي
لو صرت انتَ الهوى
والله منرجع سِوى
ماتشوف وجهييي بيوم
ومني متسمع صوت
كِلشي انتهى ولتفكررر
من كلبك حبي تدور
حُبك دمعتي تعور
وانساني الله يوفقككك
اصلاً كرهتك اني
غصبًا عليك انساني
روح الكى واحد ثاني
وانساني الله يوفقكككككك
هوَ يحجي ودموعي تنزل بهدوء وبصدمة
ماحس الا باب الغُرفة انفتح رحت حتى اشوف منو
شفت علي واكف و بيدة باقة ورد وعلاكة سودة وعلبة شوية جبيرة كارتون
علي
يُمكِن ابعد عنك انة يجوز مرة ابعد عليك
حتى من ازعل ما اعوفك روحي بيك
بجيت اكثر وكتلة
ايلول
حقيرررر حقيرررر
علي
ولج شهللل دموع ياعليييييي غرگنـاااااا طلعت بليل ادور شي يرضيج الله شاهدددد تعاااي
عاف الورد والاشيـاء ع الجرباية واجة حضني واني احاول اوخر منة وابجي
ايلول
وخر والله ماريدك بعد ماريدككك
علي
ولج وعلي اشاقة ويـاج شبيج جنت اطكطك كافي تبجين يبعد عيوني، والله اعلى اعصابي كاعِد طول اليوم وهسة كلت اروح اراضيها بشي ورحت جبتلج جم حاجة واجيت
ايلول
وخر علي ماحبك حقير والله
علي
اي وعلي حقير عبن بجيتج ف اكبر حقير انة يلا بس لتبجين من فدوة اغديلج انة تعاي اراويج شني جبتلج
مسح دموعي وباسني بخدي وسحبني للجربايـة
شال الورد بـ ايدة واخذ نفس وكال
علي
اصبري اكون الكلام
صُفن شوية ضحكت ودرت وجهي
علي
هو انة افكاري متشتتة نوب تضحكين تشتت اكثر خرب عشيرتج
ااا ايّ مني الورد بالضبط انتِ لو هوَ ؟؟
ايلول
هذا الطلع وياك
علي
لا يطلع وياي اكثر بس افعال تحسسج شكد انتِ عظيمة عندي الدنيا كدامنة وتشوفيهن
اخذت الورد واشتميتـة عُطرة طيب وفرحت بي بداخلي
علي
ماردتج تنامين وانتِ زعلانة مني اسف حبيبتي والله احنة نطكطك سوة يعني عادي حتى لو يم اخواني وهُمّ يعرفوني ويعرفون شقصد ويعرفون انة شكد احبج ويعرفون مُستحيل اقلل منج لا تزعلين ايلولة
تعاي شوفي شجبتلج
جانت نفس الكارتونة الحَمرة مامبين شنو بيها، اول مافتحتها انصدمت انُ جانت مليانة بالكِت كات
راسًا الفرحة بانت على وِجهي وضحكت
علي
شوف الضحكة والفرحة دحبيني كدهِن شبيج بخيلة
ايلول
متستاهل ولي
علي
ها ولج اولي اولي فوك ما طالع بنص الليل اهبدلج اعلى شي يفرحج
سحبني من خُصري الة وضل يشاقة ويـاي امتص غضبي كُلة بسوالفة وحنينة واعتذارة الي، جان جايب هواي شغلات مال سهّرة قررنـا نتابع فلم سوية
علي
اريد دراما هجي اكشن وكذا
ايلول
اهوووو ماحب علي تريد عرك ومدري شنو انتَ
علي
جا شتردين نطلع لولي كاتي
ايلول
اهو علي ولا نفس ذوقي انتَ لعد شبيها لولي كاتي
علي
خاب دطيرييييي شمزوجلي طفلة انة ولج بابا عرك عرك عصابات مافياااااا شتردين انتِ
ايلول
حتى فلم ماريد ديلا
رجعنـا تعاركنـا خوش عركة وكانهُ مانكدر نركِد نُص ساعة سوية بدون ما نتعارك وهذا كُلة بسبب شخصياتنا المُتضادة المُتنافرة، بس رُغم عنهن جان اكو حُب حيل قوي يجمعنـا لذالك جنة نتراضى من اول ابتسامة بالغلظ تنرسم ع وجه الثاني
كضينة اليللة كُلها سوية متونسين ساعة نتعارك وساعة نتراضى حَدما صارت الساعة بـ ٥
علي
لا بالله سهترتيني انتِ ولج يلة خل انام انة هم فد شجم يوم وارجع اداوم اذا ضليت هجي يعني كعدة ما اكعِد وتعال يعمي شيلني انة اعلم اعلى النظام وما منظم بسبب ايلولة القـيادة العُليا
ايلول
اني شدخلني انتَ سهرتني ترة
علي
حگي والله حگي الي يشوف هجي وجه شلون يركِد بمُچانة
ايلول
علي تدري بعُمري وبحياتي ما ظنيت احب هيج واحد نفس صفاتك وتصرُفاتك ؟
علي
قصدج انة مو رجال احلامج؟
ايلول
انة اصلاً ماجنت افكر برجال اساسًا، بس متوقعت اخذ واحد جنوبي ويرطن علية هيج ويغار ويتحكم ماجنت متخيلة ابد
علي
ولا انة جان ب بالي اتزوجلي وحدة هجي، عمي والله انتِ التايهات الما ينسبلهن حساب بس قسم جنتِ احلى صِدفة بحياتي
قوة بحُضنة الي حضنتة وحطيت راسي ع صدرة، ضل يسولف وياي حَدما غُفيت
اليوم الثاني مثل اليوم مُضى طبيعي اليوم الثالث ع اساس اليوم الي ورا علي يداوِم
بس انصدمنـا بخبر اصابة سُراج بالكورونا، كُل احنة نعتبر مُلامسين وكُل احنـة انحجرنـا مرة ثانية
كُل احنة جنة خايفين عليّ لان حالتة جانت تعتبر خَطرة خطيـة، وعلي جان حَيل ضايج عليّ
اخذ فد اسبوع ونُص تقريبًا وكالوا حالتة تحسنت بس بعدة محجور لان الفايروس بي
علي جان يكُلة هاي المسحة جذابين ومدري شنو بس بصفتة هوَ بالقطاع الطبي ماجان يقبل ويكول بعدني وماريد اشكل خَطر عليكُم
رُغم حالتة تحسنت هواي
امير بعدهي انشل نشلة بَسيطة لان الجو جان بين الحار بين البارد فَ الكُل توخى حذر بعد اكثر واكثر
كضينا ايام حلوة حيل بالحجر سوية بالغُرفة وهذا الشي خلانـا نتعايش وي افكار الثاني بينة بعَد اكثر
دراستنا جانت الكتروني فَ ماحتاجينـا نطلع برة ابدًا بهذي الايام
مَر اكثر من شهَر تقريبًا وسُراج رجع للبيت من بعد ما تاكد من سلامتة وامير تلقائيًا صار زين بعد مُدة بسيطة لان جانت نشلة عادية وامير من نوع الصِحي حيل ف ماطولت ويـا
بدت تُمضي ايام حِلوة مليانة بجمعاتنا وكعداتنـا سوية مالكيت تعامُل موحلو من ايّ احد منهُم بالعكس الكُل بدة يستلطفني ويحبني ع حُب علي
لان حسب ماشفت انُ علي جان الة رونق جدًا خاص بالبيت والكُل يحبة بصورة حلوة لان هوَ فطير ويحب الكُل وايدة مو الة ع كولتهُم
ماجانوا يسموني غير مرت عـلاوي، واكثر شخُص جان يحبني بالبيت الي هيَ يُمة صالحة، تكُلي تذكريني ب ايامي قبل تشبهيني هواي واني هم احس انُ اني حيل اشبهة بهواي سوالف مو بَس بالشكِل
الولد جانوا حيل حبابين وياي والكُل بدة يندمج وياي مونفس الاول جانوا يستحون لابدوا يحجون وياخذون وينطون طبيعي ويـاية
اما امير ف جان غني عن التعريف، اخذ مثابة الاخ الجبير وبجدارة وجان هوَ دائمًا الفاصل بينة بالعركات ويكعُد يحلنياهة بكُل بساطة
وفَرس جانت الامان الثاني الي بعَد علي وجنت كُلش فرحانة انُ هيَ وياية بنفس البيت و وجودها بحد ذاتة جان مُختلف وضايف لحياتي شي حيل حلو
بنفس الوقت شَمس صارت قريبة من يمي حَيل واعزها بمعزة فَرس خصوصًا انُ احنة نفس البيئات وتصرُفات والافكـار
وسيوف البنت اللطيفة الفُطيرة الي تذكرني بمُراهقة ايلول جانت حيل حبابة ونكعُد دومنـا اني وياهة ونتشارك بالضحِك ع نفس الاشياء التافهة
اما سَبب فَ اخذتلي فترة طويلة يلة كدرت اتقبلها واكتشف الجانب الحلو الي بيهـا وشكد هيَ حبابة رُغم جانت بينة مُشاحنات ب اول ايامنـا ..
كُل هذا جان مُجرد ب اول اشهُر من الزواج لمن جان حجر ومحد يطلع والكُل كاعد بـ بيتة
اللبس داخِل البيت فَرس جان الها دور كُلش جبير هيّ وشّمس بتقنيعي بالملابس اما المُقدمة فَ جانت لعلي الي جان يجيني ب اسلوب حلو ويحاول يفهمني ويفتهم مني وبكُل مرة نوصل لنهاية مُغلقة يكعد ويحاول وياي بدون ما يمِل ابدًا ..
كملنـا ٣ بفترة كورونـا، وبلشنـا بالرابعة السنة الجـاية
طبينـا بـ سنة ٢٠٢١ وجنة بالمرحلة الرابعـة وبدت من هنا الاختلافات تصيـر ..
( ٢٠١٧، شهر التاسع كان بداية الدوام لكن بشهر ال ١ طبوا لسنة جديدة فَ انحسبت بداية القُصة ٢٠١٧-٢٠١٨
*معلومة هواي يحبون اوضحهـا)
علي
السيـارة ممنوعة شتردين بسياررة ارد افتهمممم انة اجيبج وانة اخذج بعد شنييي السيـارة !!
ايلول
انتَ تمشي ورة اهلك ولانُ اهلك ميقبلون انتَ متقبل
علي
ايلول ذولة اهلي طبعًا اهتم الهم شتردين اعگبهم وامشي !!!
ايلول
اني مامضطرة اتحملكم ابددد
بدت المُشاحنات كُلش تزيد قريب للدوام لان جنت كايلة لعلي انُ اني اريد اني اروح للجامعـة بسيارتي، علي احتار شنو يسوي وياي وبيا اسلوب يحاجيني وضلينا تقريبًا احنة يومين مشتعلة بينة كُلشش والكُل لاحظ هذا الشي
من بعَد ما مَل علي مِني وحاول لمن جِزع حجيت لفَرس وفَرس حاولت تحجي ويـاي بس اني ماجنت ارضى ابد حَدما فَرس موصلتها لاميـر
بنفس اليوم جان جايب امير اكِل وكال راح نجي يمكُم اجوي هوَ وفَرس يمنـا واني وعلي ثنينة وجوهنا متگُصها السيف، صار يحاول وياي ويقنع بيـة وعلي يحجي بحرگة گلب واني احجي باستفزاز واحاول اوصل فكرة انُ ماريد اطمث عاداتي الي جنت اسويهن بسبب الفشلة وعيب ومايصير
لاول مرة امير مايوصل وياي لنتيجـة وما اخذ مني الُرضى ابد، تعاركنـا اني وعلي بعد اكثر ومحد جان راضي يتنازل عن الي يريدة ابـد ..
بدون ماندري رايح اميـر وحاجي وي جدهُم حَتى يجِس نبضة ويسمح الي حَتى اسوق وطبيعي بس مصدوم امير بردة فعِلة ونفرة
ولمن نزلت يمهُم بنفس اليوم انصدمت بجدهُم وهوَ يفتح وياي هذا الموضوع
جبُر
بوية انتِ صرتي مرة متزوجة هسة، وما متزوجة لناس عاديين متزوجة لناس وجهاء ومعروفين والناس كِلها تحلف بيهم وبشرفهم، الاشياء الي تسويهن كبل مو الا تسويهن كِلهن بغض النظر عن البيئة مالتج من كبل بس هيَ المرة المتزوجة يصير اعليها قيود لازم تطبقهن ومو لازم كِلشي جانت تسوي كبل لازم تسوي هَسة يابوية
امير
جَدي ..
جبُر
اسكت امير
ايلول
اني ما جنت اسوي اشياء خارقة للقوانين ومُسيئة للادب و تجيب العيب حتى ماسويهن هسة جدو، كُل ما بالموضوع اني قبل جنت اسوق وهذا الشي ماريد انحرم منة هسة لو بي حرام جان كلت ميخالف بس سالفة عيب ومدري شنو ماراح تجيبلنة شي والناس مارضت ع الله خومو علينا نوب
جبُر بصرامة
احنة مانحب نطي فرصة لشخص يحجي اعلينا بالعاطِل مهما جان واحنة ماعدنة مرة تسوق هذا الشي لازم تعرفي
احنة مو مثلكم نطنش كلام الناس ونسكت احنة ما نرضى واحد يحجي اعلينا اليحجي اعلينا بالباطل نسحك اعليّ بس الي يحجي اعلينا واحنة مسوين هالشي شلون
كلام الناس ناخذة بعين الاعتبار احنة هنا مُجتمع عشائري
علي
جَدي اسمحلي ...
جبُر
لا تدخل علي انة جاي احجي وجاي افهمهة بهذا الشي
صالحة
يمة هسة انتِ شلج بيهـا هيَ رجلج يجيبج وياخذج بعد اعليمن
ايلول
مو ع سالفة الروحة والرجعة للجامعة بصورة عامة اني داحجي
جبُر
ايّ وتردين تفرفرين وحدج بالسيارة مثلاً لو تحطين علي بالصدر وتطلعين شني يعني
ايلول
ترة اذا ضليتوا هيج ماراح تتطورون ابد تمشون بس ورة كلام الناس والناس اساسًا ما مخلين واحد مايحجون عليّ
جبُر
احنة نطور بَس بالمنظق وضمن الحدود ما نطور بالسياقة وبعدين رجلج يمج واخوتة يمج الي تردينة كولي الهم غير هدا مايصير سمعتي مونوب اعلينا نسوان تسوق
باوع لعلي وكالة
علي
هاك شوووووف شكتلككك انة شكتلكك مرتك راح تعبني هوووواي شكلها، وانة رجال تعباااان ومالي خلك للنسوااااان ابد
كال هَيج بعصبية وخلة وكام ردت احجي علي حط اصبعة ع حلكي
علي
اششش ايلول اسكتي
ايلول
لتكلي اسكتي علي لتكلي
علي
جا شني تردين تراددين جدي شبيج انتِ لخاااااطر الله
حَسن
بوية مايصير احنة ماعدنة هاي السالفة الناس تروح تستصغرنـا وتاخذنا بالعين الصغيرة يبعدروحي
صالحة
يُمة هسة انتِ شلج بيها كايلة فد مَرة لـ رجلج وما مطلعج لوشني
ايلول
موهيج موهيج بس اني ماحِب هاي القوانين والانظمة ابدددد ماحب احس روحي مخنوكة هيج
حجيت هيَج ودمعتي نزلت مانطيت مجال لواحد يحجي وخليت وصعدت ابجي
ماريد اضل يمهُم ابد والله ماتحملهُم ماتحمل قوانينهُم هاي ابد
بلحظتهـا اجة علي العصبية جانت ممحية منها ووجهة جان متوتر خوفًا من فُقداني، ضل يحاول يحجي وياي ويقنع بيـة
اني اعيط وهوَ يحاوِل يقنعني ب انُ راح نلكي حل ماعليج واني ويـاج مو عليج
علي
يعني شني ايلول شني صارلي ساعة اقنع بيج انة يعني تردين مثلاً اعوفج احجييي
ايلول
تعوفني احشن مما تعوفني هنـا مخنوكة
علي
انجبي ولج انجبي هاي المشاكل تصيرررر ب ايّ بيت وخصوصًا انتِ جديدة بعدين تتعلمين اعليهُم ويتعلمون اعليج وبعدين اعلمود شغلة سَخيفة تعوفيني وتنسين كِلشي بيناتنا؟؟؟؟ ايلول يا ما ضحيت اعلمودج ضحيييي بس بمرة بسسس
ايلول
ماضحي بشي اكبر من طاقتي علي
ماضحي
علي
يعني تعوفيني وتنسين كلشي ؟؟؟؟؟؟
تعيشينا بنفس المواجِع مرة ثانيـة!!!
ايلول
جدك ميحبنيي من البداية ناوي علية ماريد اضللل ماريد
علي
موبكيفج هيَ جدي يحبج ويحجي بالخير دومة اعليج بس اكو شغلات تستوقفة
رُغم تمسكُي بالسالفة الا انهُ ضل يبين الي ويفهمني ب انُ هذي المشاكل تصير بكُل البيوت وطبيعي انهّا تحدِث
ضل يقنع بيـة طول اليوم بس اني ضليت مطنكرة، حجوا وياي اغلبيتهُم
سَجاد كعد يكلي هوَ انة مسويني سايق للبيت ياهي تريد شغلة اوديها و علي يكلي انة موجود بكل لحظة واذا ماكو الولد يمي واعليمن تعبين انتِ واحنة موجودين
خصوصًا يُمة صالحـة كعدت تحاول تقنع بية وتحاجيني وصلت لمرحلة انُ حسيت كلامهُم صح ولازم اتنازل خصوصًا علمود علي الي جان يتوسل بية ويحاول يفهمني بكُل الطرق
سديت الموضوع رُغم اكو بداخلي شك ع هذا الموضوع من بعَدها حجة وياي جدهُم وكلي اني اريد مصلحتكم ومدري شنو وكعد يفهمني ع اشياء اني ما تطُب بمخي ولا اريد استوعبها بس مُجبرة انّي انفذها كُلة بسبب حُبي لعلي وحُبة الي ..
بدينا نداوم مرحلة ٤ جامعِة نروح كُل احنة وي اميـر اني وفَرس وشّمس اللبس كُلة صايات وعَريضة حصرًا، رُغم جان الموضوع فوك طاقتي بس لمن جنت اشوف حُب وتشجيع علي الي وفرحتة بية جنت افرح ع فرحتة واكول ميخـالف لاجل عين الف عين تُكرم
وبالحقيقة شفت علي مانحني هواي جوانِب الا هل جانِب مانكدر نتفق بس ف ليش ما امنحهيا ؟
تقبلت هل شي بصعوبة هواي ع كولة فَرس تكُلي الله هداج وفعلاً حسيت الله هداني ساعتهـا وبطلت ادور هاي السوالف وما اهتم الها.
اهلي اجوي للعراق و سولهم عزيمة ب بيتنا ضلوا يمنـة يومين وجنت حيل فرحانة بيهُم وبوجودهُم ويانة
علي جان يلح ع الاطفال بس اني جنت رافضة تمامًا كتلة اكمِل الـ ٤ يلة
وفعلاً مُضت الايام بحُب يغلب كُل المشاكِل والظروف الي تمُر علينا، وخلصنة الـ ٤ وجنت حَيل فرحانـة
وبليلة مِن الايـام حَسيت نفسي دتلعب جيكت موعد الدورة لكيتهـا متاخرة اسبوع مو بعادتها ابدًا
عزة معقولة بـ اسبوعين ونُص احمل ؟
بيومها علي جان عندة واجب خابرتـة بسرعة
علي
نعم القيـادة العُليا
-
شني من بغداد خابروك
علي
لا من البيت هاي القيادة العُليا البيت هههههههههههه
-
ههههههههههه
ايلول
علييييي عوف الضحك انتَ وين
علي
والله كملت واجبي وهسة بالمركز فد ساعة واجي
ايلول
علي من تجي جيبلي تحليل حمِل ضرورييييي
علي
شنيييييييييي !!
المن ؟؟؟
ايلول
لجدي !! المن يعني الي
علي
تشاقين لا بالكافِل اعليج؟؟؟
ايلول
والله علييي هسة نفس ماكتلك جيبلي حباب
علي
جاي جاي هسةة اصبريييي جايج دخيلك ياربي هجي وتجي وِلاية
ايلول
يمعود كمل وتعا... طن طن الووووو وينككك
سدة بسرعة من عندي خرب يومة تحمس بس لا يطلع لا يُمة سودة علية
تخوفت من السالفة ماكو خلال نُص ساعـة اجة علي جايب الاختبار وكعد يعلمني بي بحماس
سويت التحليل واجينـا وانتظرنا شويـة وانصدمنـا ب انُ التحليل طلع ثنين !! خطين يُمة يعني حامل !!!
علي
ياعلي دخيلك مدري شگب بجسمي وحق الكافل يابوية راح اصيرررر أب ولججج
كال هيج وهو يحضني كُل قوتة
عيوني صارت تنزل دموع بدون ارادتي واباوع لعلي انكلب احمر وجسمة صار يرجففف من الفرحة
ضل يبوس بية ويحضني بفرحـة جبيرة
علي
امشي اطلعي امشي اطلعي نبشرهُم
ايلول
علي بـ ١٢ !!
علي
كومييييييي ولج راح يفرحونننننن فرحة وعليييي موطبيعية كوميييي يلة بدلي اعلما اجي
راح طلع علي اسمعة يدكدك يالبيان بصوت عالي ودموعي تنزل والبس بجُبتي
ماتصورت هلكد ردة فعلي حتكون عاطفية وماتصورت فد يوم من الايام راح احس بهذا الشعور
علي
ولك يلااااا انزل كعد ذاك الآخررر وانزلوا كلكم انزلوا
طب للغرفة واني جنت اريد اطلع باوعلي وباس ايدي وكال يلا
نزلنـا و امير وفَرس طلعوا
شافني امير جاي ابجي وشاف وجه علي احمر ويدك ع البيبان بهل عصبية راسًا كال
امير
بس لا تطلكتواااااااااا !
حجاهة بجِدية
علي
انزل وشوف
نزلنا بسرعة وراح يدك الباب ع الكُل
علي
بوووووية اكعد اكعد بسرعة
الكل كعد مخترع ومحد فاهم من عندة شي طبينا كل احنة لغرفة جدهُم والكل يريد يفهم وعلي ميريد يكول الا الكل يلتم
من بعد ما الكل التم والكل كل ساع يعيط بـ علي حتى يحجي
علي
جمعتكم كلكم حتى اكلكم انُ
سَجاد
خاف متعاركين وتردون تطلكون
امير
انة هم كتلهم
علي
لا ولكم انطمواااا
ايلول حامِل، يُمة وِلاية راح تجيييييييي
جدي راح يجيك حفيدك الثاني
من كَال علي هيج فززتنا شهگة فَرس وهيَ تشهگ وتحط ايدها ع حلگها
فَرس
عزاااااا كولي والله
هزيت راسي بـ ايّ
حضنتني حَيلللل والكُل بدة يبارك النـة
الفرحة جانت موطبيعية ومالية وجوه الكُل بلا استثناء
اكثر واحد فرحلنة جدهُم جان فرحان بشكل موطبيعي
بليلتها ما نمنة ع كد الفرحـة حد الصلاة راحوا يصلون بالجامع ويُمة صالحة كاعدة وتحجي وياي شسوي وشلون ادير بالي عليّ
من هسة علي كال صيحولي ابو وِلاية هاهيّ، كالولة خاف يطلع ولد كاللهُم ابد متاكد بنية
خلال هاي الفترة الكُل دللني بشكل موطبيعي وجانوا يخافون علية حيل
حتى غرفة ماقبلوا اصعَد فوك وكالوا تنزلـون جوة وانطونة غرفة الشيخ ومرتـة
بشهر الـ ٥ رحت اسوي سونـار وعلي جان متحمس هواي بس جان واثق انُ بنيـة، بس شاءَ القدر وطلع ولـد ..
من الصَدمة هوَ مانطق ولا حرُف واني ضلت بس دموعي تنزل بهدوء، محد حجـة شي بس ثنينة جنة ميتين من القهر
واول مارجعنـة وتلكونـا الكُل
جان الكُل مصدوم بحالتنة ويظنون انُ الطفِل بي شي
جبُر
ولك احجي مو لوعت كلوبنا احجي
علي
ايلول حامِل ب ولد .
زَعيم
لا يا طايح الحظ اعلى هجي سالفة خايسـة
الكل صار يحجي علينـا وكاموا يرزلون ب علي خصوصًا بس علي جان مو طايق ولا مستوعب من ايّ واحد وحيل حيل ضايج وعلى ضوجتـة اني ضايجـة
جدة لعب بي جولة اول مرة اشوفة هلكد نازل ويـا وخطية يُمة صالحة ضلت تقنعني واني اكولها علمودة زعلانة هوَ صدُك جان رايد بنية
كُل ما يصيرلة فراغ وكلي يلا نطلع ونروح لمحل اطفال ونجيب غراض بنات ونجي
ما حطينة ع بالنـا ابد يكون ولد ولا صُفر بالمية
صالحة
طبعًا يا علي اذا ما عابك الله اعلى هاي سالفتك انة ما اتسمى صالحة
علي
اسم الله يُمة لا تحجيها دخيلج لا هاهي الحمدلله نعمة من الله
انة لان جنت باني احلام وهاي الحمدلله والشكر
حاول يخفي زعلة عني بـ اول يوم بس اني جنت احس بي اليوم الثاني ضل يحجي وهوَ كعد يقنعني ب انُ هاهيّ
علي
ولج وعلي سالفة امي صحيحة لا الله يكلبها بينة هسة شني قابل انة راح يصير بية عقم ناخذلنة سنة واسويلي بنية لا تخافيـن المهم خل يجينة ب خير وسلامـة هذا يكفي
من شفتة من ذاتة فرحان سكَتت واني هم اقتنعت وكلت الحمدلله
مُضت الايام وصار موعد ولادتي، انصدمت بوقتها ب انُ علي جان جايب اهلي علمودي كُلش فرحت لوجودهُم والي طمني اكثر وجودة وياي لاخُر لحظة ..
إجـه لَيث وإجت السعـادة ويا، جان يشبه ابو بكُلشي الا بلون العيون نفس عيون روان اخت علي جانن ازرق بس فاتِح شوية بس الملامح والهيئة علي وبالمُختضر نسخة علي المُصغرة حتى بالتصرُفات بعدين عرفناه، شكد ما حسّيت الموضوع صعب وجنت احسني مادبرة، طلع أسهل من هيچ، لأن الأمومة فعلاً مو سهلة، بس من تحِب تنسى التعب، ويصير كُل وجع بيها فرحة، وكل سهر بيه طُمأنينة ..
علي
ايلول اكعدي ابنج كعد
ايلول
ايلول شنو مبتلية بيكم اذا ماينام هوَ وابو ينكتل والله
علي
خاب ومرض بكلبي انة كايملة نامي يالمجلوبة شلون مرة ماخذلي
ايلول
علييييييي
علي
تخبل
ايلول
ايّ ديربالكككك يلا سكتة وناموا ..
علي
نامي لا اعضج والله نامي
سكتت ونمت سمعت ينيم بي ويغنيلة هالصيصان ضحكت وفتحت عيوني منظرهم ثنينهُم يخليك تلقائيًا تبتسم
علي بالفانيلة والشورت وشعرة مكفش وحاط ليوثي بحضنة وينيم بي وهوَ عيونة تغفي
باوعلي ودزلي ابتسامة هوائية
علي
ليش منمتي ايلولة
ايلول
لا حبيبي هسة اني انيمة
كمت اخذت ليوثي منـة نيمتـة وكام علي حطة بكـاروكة
اجة علي يمي وجرني لحُضنـة
ايلول
احبك
علي
الحب فشلة يتساوى وي الاحس بي تجاهج
يُمكن الشي الي يزعل الوحيد انُ العُمر قليل و امنيتي بالعيش وياج اكبر بهواي
ايلول
اسم الله راح نعيـش سوية ونضل سوية ونشبع من بعُض طول العُمر
علي
احبج حتى لو شكيتيني شك يلة اخذتج وركدتج يمي
ايلول
احبك حتى وانتَ لبستني لبس مجادية بس حتى تُرضي غيرتك
ضحكنـا سوية
علي
صدفتي وكارثتي المُتنقلة احلى شي بحياتي انتِ
ايلول
الفضائي والأنسان الغير حقيقي مالتي
كافي نعست هههه شدنمسلت
علي
مو مسلتة ولج هذا حُب
ايلول
هههه احبك
علي
اموت على ربج
وصـارت تُمضي الايام بكُل حُب وبكُل سعادة وتفاهُم
نستني وعوضتنـي عن كُل يوم مُضى اني و علي تعبنة وتعذبنة بيهُم ..
علي حاليًا ع نفس وظيفتة و اني طلع تعيني بالمُحاضرات اني وفَرس بـ وحدة من المدارس
امـا لَيث ف جان المُدلل والمُشاغب مال البيت كُلها ٢٤ ساعة سابي البيت سباية بلعبـة وبعياطة وبوكاحتة
جانوا يلقبونة بـ ابليس ع كد مانه وكح بس بنفس الوقت جانت وكاحتة بندارة مو بخبـال
جان لذيذ ع امـة ورجال ع ابو
وبهالطريقة، صارت الأيام تمشي بهدوء وسلام،
بعد ما چان وجعنا طويل، صارت حياتنا أهدى، أبسط، وأصدق.
ماكو شي كامل وماكو حياة مِثالية وماكو بيت يخلى مِن المشاكِل والحساسية، بس وجود "علي" وياي خلّى النقصان يصير تمام وجان الحَسنة الوحيدة بحياتي .
يمكن انتهت القصة، بس حكايتنا بعدها مستمرة
بيني وبينه، هناك، حيث الحُب لا ينتهي ابدًا !
_____________
فَرس
من بعَد ما طب أمير للحبِس، حسّيت كُلشي وكف بعيوني، وكُلشي انسد بوجهي، ماصرت أعرُف شي غير إنّ الدنيا ضاقت، كأن الهوا توقف، والوقت تجمّد، وصار صوتي يخاف يطلع، ودموعي بَس تنزل وكُلشي جان اقسى مِن التعبيـر ..
ظلّت صورته تمشي بعويني و ويـن ماروح وجنت خايفة هواي لا اكون داخسرة حَتى صوته جان يرن براسي بدوت توقف
وكل ثانية تمر، چانت مثل الموت بالنسبة الي، ما بين تصديق وإنكار، چنت أنهار وأرِجع اقنع نفسي إنّه يرجع... بس الخوف چان أسرع من الأمل ...
اول مارحِت للبيت الهُم جنت جوة يمهُم والكُل يواسيني ب انُ ان شاء الله اميـر يرجَع، ضليت لليل يمهُم حَدما صار وقت النـوم كلولي روحي لغرفتج
غراضي جانن كُلهن جايبيهن عدا جنطة وحدة جنت جايبتها وياي، صعدها ويـاي سَجاد وصعدت
فتحت باب الغُرفة وسَجاد استأذن وراح، اول مافتحت الباب اجتني ريـحة ورد مو طبيعية
فتحت الضوة من يمي باوعت وجـان انصدِم
باوعت للغرفـة وبديت انصدِم شي شي
الصالـة مليانة ورِد احمر بالگاع يابس، متكسر، لونه رايح، بس العطر بعدة وكانهُ اني بمزرعة ، كأنه بعده يتنفس، وبعدة يوحي لِوجود امير !
الورد معَبي كُل الصالة ومرسوم نفس الطريق الفاضي بالنُص للغرفة، والاريكة الحَمرة بالنُص ومحطوط عليها دشداشة إلة وثوب نـوم الية بطريقة مرتبة
ماكدرت الزم دموعي ابـد، دموعي صار تنزل بغزارة وبصوت عالي، طَبيت للغُرفة وانصدمت بعَد اكثر واكثر
موجودة طاولة بالنُص بيها كلاصات وماعين ومرتبة بطريقة تجنن ولطيفـة واكو بوكي مال ورِد ع الطاولة
تقدمت و رحت يمّه، مدّيت إيدي ع الورد، بس أول ما لمسته حسّيت روحي تنكسر مو هوَ ، هذا الورد اللي چان المفروض ينطينيا بليلة زواجنا، الورد تغير واني تغيرت وكُلشي تغيـر ..
مكتوب ع الورد ع رِباط ابيض محاوطة
امير
اهلاً بِفرسِ الاميـر
الشموع مطفّية، والكاسات بعدها عالطاولة،
كلشي بارد، ساكت، إلا العطر...
بعده يفزز الذكريات، بعده يذكّرني بصوته، بضحكته، بليلة ما كمَلَت.
كعدت ع الجرباية واني ماشوف بعيوني كد الدموع وضليت حاطة ادية ع وجهي وابجي بقهّر وحِرگة جبيـرة
شوية فتحت عيوني لمحت و كِتاب يمي ع الفَرشة
باوعت كِتاب مكتوب بـ اسِم ( فَرس الامير )
معقولة هي هاي المُفاجئة الي اميـر صارلة شكد يكُلي عليها !!
فتحت الكتاب وبديت اقرة وانصدِم اكو اشعار سامعتهن من قبل بس اكو اشعـار ابد ما مراوينياهن وبكل شعـر موجود يتواجد بي اسمي واسمـة
ضليت اكلُب بالكتاب وابجي واحس الدنيـا كُلها طافية بعيوني
تاخرت بالنوم او بالاحرى مانمت غير ساعتين اليوم الثاني كعدت وجنت مَريضة وحالتي حيل تعبانة حتى صوتي ما يطلع مني
راووني اهتمام حيل حلو منهُم وجانوا الكُل يواسوني خصوصًا علي لان جان اميـر يوصي علية
بديت اداوم بدونة وجان الموضوع كُلش صعُب بالنسبة الي هيج بحيث احس روحي مخنوكة ونُص المُحاظرات ما اطُب الهِن
سارة جانت تباوعلي بـ استهزاء
واميرة جانت تسئلني عليّ ب استمرار وكانهُ امرة هـواي يهمها
اخذتلي فترة كمت ماداوم ونفسيتي صارت زفت الزفت وصحتي تراجعت هـواي
ضلوا يحجون علية ويحاولون يطمنوني بـ انُ امير راح يطلع ان شاء الله بس كلبي ماجان راضي ابـد يقانع ب غيابة
سمعت صوتة خلال هاي الفترة مرة وحدة علي طبب الـ موبايل الة ضل يوصيني ع نفسي ويوعدني ب انهُ راح يرجعلي قريبًا وماطول ويـاي اساسًا
لحد ما يوم من الايام اجـة علي وبشرنا ب انهُ لكة اهل العصابة ذولي
فرحتي ما اكدر انطيها لايّ احد بهذي اللحظة جنت فرحانة بشكل موطبيعي، ما خليت شي ماسويتة اليوتيوب كُلة ختمتة واني اسوي اشياي لقضاء الحاجة ان جان صلاة ان جان دُعاء كلشي سويت
بيومهـا صعدت لفوك ودموعي تنزل بفرح
كتبت ع اليوتيوب كيفية شكر الله
وماخليت شي ماسويتـة
فرحتي جانت فَضيعة وكلبي احس بدة يرجعلة الامل شوي شوي
مادري شلـون بس بدت السُفن ترجع لمجاريها وبدت الايام ترجعلنة السعادة واصدروا قرار برائة امير
من جابلنة الخَبر علي من بعد ماجة من المحكمة رُغم انّي ادري كُلش زين حيصير هيج بس احس روحي انصدمت اكثر، ويمهُم احس روحي فقدت وعيي وضليت بس ابجي بهستيرية وخطية هُمّ كعدوا يواسون بيـة
ماتجرأت ابد اشيل كُلشي مسوي امير الي بس هاليوم راح يطلع بي واني الي حرتبلة واسويلة كُلشي سواليا
رتبت الغُرفة بترتيب احلى من الي جان مسوي وجنت مبدلة ومنتظرتة حَتى يجي
نزلت جوة الدنيا مخبوصة برة وجوة محد غيرنـا
شوية وشفنـاهُم طبوا باوعت لامير دموعي نزلن احس ماتحملت اشوفة ابددد
طب هوَ وبدن يهلهلهن ويحضنن بي واني اباوعلة ومتجمدددة ما تحركت ابد واحس اكو رّجفة غريبة بجسمي
ماحسيت الا ع حرارة تحفُر بخدي انتبهت انُ دموعي نازلة، وهوَ وديحضن يُمة صالحة خليت وصعدت بسـرعة
صرت افتر بالغرفة وابجي
احاول اهدي بنفسي بس ماكدر دموعي تتسابق بالنزول بحرگة
ماكووو ثواني وكانهُ ماتعطل الا دقايق يمهُم وماحس الا الباب انفتح بسرعة
باوعت اميرر
فَرس
اميرر
امير
فَرسسس
جان شكلة نفس الملهوف صفنة لثواني ع بعُض وتقدمنـا بسرعة ثنينة بنفس اللهفة وحُضنا بعض بقوووة
حَسيتـة حيطيرني ع كد ما جان لازمني حيل وحاضني
ودموعي خُلصن وتفرغن ع متونـة
امير
اششش كافي اجيتج كااافي كافي
وخرني منة وحضن وجهي حَيل
امير
اششش اهدي انة يمج هاهي انتهى هل كابوس اجيتج والله اجيتج
فَرس
ا امير والله مامصدكة اميرر
امير
يابعدروح اميـرر اسف اسف لان خليتج تعيشين وحدج هل وجع كلة اسف والله انة اسففف
ضل حاضني بقوة ويهدئ بيـة
سحبني للغُرفة وكعد ع الجربايـة وكعدني بحُضنة وصار بمسح بدموعي
امير
حبابة لا تبجين بسِچ هاي ويني يمج انة شني بعَد ها
فَرس
امير خفت عليك والله، والله احس روحي راحت وراك
امير
اسم الله على روحج يا اعز من روحي انتِ
هاهي احسبيهن كابوس وخالص هاهي اهدي
سحب راسي ع صدرة وهوَ يهدئ بيـة، بال ٤٠ دقيقة احنة كاعدين وامير يحاول يهدئني، شوية واندك الباب
علي
اميرر الناس جوة انزل
امير
علي روح بعديييين
فَرس
امير روح بعدين نحجي فشلة
امير
ولج وين اعوفج وانتِ بهل حالة شلوننن
كعد يحاول يهدئ بية واني هم حاولت اهدئ رُغم انُ شهگاتي جانن مستمِرات
امير
والله تمرديلي كلبي هجي كافي فَرسي كافي تعبتي روحج بالبجي
هزيت راسي بـ ايّ وكمت
فَرس
يلا والله هاهيَ حكوم اغسل كوم بدل يلة حتى تروح كوم
كاف وكف كدامي ولزم خَدي برفُق
امير
اكيد؟
فَرس
اكيد والله اصلاً انتَ واجيت ليش ابجي بعد؟
ابتسم ودنك باس راسي وخدي طلعتلة دشداشتة وعيونـة تلاحگني ومبتسم حيل
امير
هوَ المفروض انتظر عوض من بعد هالمُصيبة بس الحمدلله عوضي موجود كدامي
ابتسمت الـة ورجعنة حضنة بعُض بـ اشتياق ولهفة
للحظة حس روحـة ضعُف يمي وحسيت يريد يعبر عن حُبة بشكل اعمق بس شويـة واندكت الباب
علي
لككككك امير خزيتناااا وعلييي جدي صار عصبي
فَرس
اميرر يلة الناس تنتظرك عيب
امير
احم احم يلا
اخذ دشداشة مني وراح بسرعة للحمام
امير
اي اي جاي روح جاي وراك
طب للحمام بـسرعة سبح وطلع باوعتلة هوَ جان محلق قبل ليجي وجهة صايررر ابيض من قبِل لانُ ميتعرض للشمس وبالسجن و فوك ما انهُ وسيم صاير اكثر وسامـة بعَد
باسني بايدي بسرعة وهوَ يتحرك ويشتغل
امير
لتباوعيلي هيج بزونتي افترسج هَسة
فَرس
صاير حيل حلو
امير
وانتِ تعبانة هووواي
بس بعيوني احلى شي
فَرس
فراگك تعبني
امير
اريدج تكونين بخير وياي وبدوني
فَرس
الخير حُضنك
من كتلة هَيج جان ديمشط ع المراية ويشيور بشعرة
طفة الشسوار وابتسم بالمراية ورجع التف الي وفتح حُضنة الي
رحت حضنتـة بقوة وكانهُ طفلة تلوذ بـ ابوها
امير
يا حسنة ما في الايامِ
ليتَ هُنالِك اكثر مِن الحُبِ لكفى
ولكنهُ لاشيء يُكفيكِ ويُشفيني ..
باس ايدي و وخر عني بسرعة
امير
حديثنـا يطول مومال هسة ليلنا طويل وايامنـا موجودة ونعوض بيها
ابتسمت وهزيت راسي بالايجاب كمل بـسرعة ونزلنا اني ويـا
صالحة
ها يفَرس ارتاح كلبج؟ كتلك روحها اعليك ولك
باوعلي ب ابتسامة و باس ايدي
امير
اسم الله على روحهـا يُمة، هوَ احنة هيج امير وفَرسة واحد يسند الثاني منعيش بدون الثاني
صالحة
الله يبعد عنكم الحسد ويخليكم دوم بجاه هاي المِسية
طلع امير واني مبتسمة حَيل وكُلش فرحانـة
كُل ساع وامير طاب يمنـة بحجة شي ويشوفني ويروح اخرشي سحلة سُراج كلة العزيمة الك ضل ثابت بمكانك
ضحكنـا ساعتها وماعاد شفنا
لليل تقريبًا كعدنة كُلنة سويـة امير حاطني بصفة وايدة ع جتفي وكُل ساع هامسلي
امير
يرادلج فيتامينات واشيـاء كومة وضعج كلش ما عاجبني خو التغذية زفتت
جبُر
ها بوية فرحتي اجاج امير
امير
والله جدي جنت احجيهـا اكلها وضعج ما عاجبني اريد اخذها دكتور تغذية مبينة حيل تعبانة
صالحة
هيَ غير تاكل ماتاكل ابد
جبُر
كضتها بس مناحة اعلينة شمسوي للبت ولك امير
امير ابتسم وتنهد بنفس الوقت
والله ياجدي مايحقلي افرح دام الموضوع يأذيها هجي
ماراضي انة لا عبالكم
جبُر
والله يبوية مجوعة روحها نجيب ونخلي كدامها وهيّ ولا تاكِل
امير
عليمن ما تاكلين وليش يـا فَرس شني مثلاً بالصيام راح ارجع قابل
فَرس
موبيدي .
صالحة
دامك رجعت ي يمة كلشي يتعوض ان شاء الله بيدك توكلهـا انتَ
امير
ان شاء الله هيَ ما تسوي شي بدوني
فَرس بهمس
مالي غيرك لانُ
ابتسم وباوع لوجهي بحُب
امير
بس مو بصحتج رجاءً
بدينة نحجي ونداول مواضيع وامير حاط ايدة بـ ايدي ولازمها بتمسُك وما مهتم لوجود ايّ احد
شوية وانفتح موضوع ايلول، صـارت احداث ايلول بذيج الليلة ( مذكورة مايحتاج ارجع اعيدها )
وجنـة ملتهين اني واميـر وياهُم وامير جان حيل معصُب بسبب علي
طبينـة لبيت ايلول و علي لوقت كُلش متأخر ضليت يم ايلول ماكدر اعوفهـا حدما نامت
رحت يم امير لكيتـة منتجي ع المُخدة ومغمض عيونة اول ما سمعني اجيت فتح عيونـة وعدل روحة وفتح ادي
كعدت يمة وسحبني وحط راسي ع صدرة
امير
مشتاقلج هواي منين طلعتلنا هسالفة
فَرس
اني هم والله بس شفت شلون مُشتدة بينهُم
امير
يمونون علي وايلول يمونون المُهم كون تنهدي النفوي مانريد غيرهـا
غمضت عيوني وحضنتة حيل وكتلة
فَرس
تدري ردت اموت وراك والله
امير
اسم الله فَرس منين مطلعتلي هالحجي انتِ شو كِلساع شغلة، لا تاكلين وتبجين ونوب ردتي تموتين
بابا هاي دنيا لازم تتعلميـن كلشي يصير
فَرس
ادري بس والله اني ماتحمل بُعدك
امير
ميخالف تحملي كِلشي يصيـر
ضلينـا نحجي اني ويـا للصُبح ونعبر عن اشتياقنـا الكبير لبعضنـا
علي و ايلول مانطونة مجال نفتهم من نفسنا شي ايلول تبجي وتصيح ماريدة وعلي يريد يحاجيها
كضينـاهة وياهُم ونحاول نصلِح بيهم حَدما اخر شي رجعت ايلول للسكن واحنـة رحنـة لبيتنـا
امير
تؤتؤ الورد ذابل وكلشي ذابل
فَرس
ههههههه بس هلمرة بسعادة لان انتَ موجود
متصور شكد ضجت لمن طبيت للغُرفة ولكيتك مسوي كُلشي وماكو والله حسيت روحي ماهيَ
سحبني الة برُفق وگال وهوَ يمرر ايدة ع وجهي
امير
انة يمج وبعد ماروح لايّ مكان يكفيني اكون يمج ويس
رفعت روحي حتى احُضنة طاوق خُصري وحضنـة بعُض بلهفة وحُب
امير
محظوظ بحُبج
فَرس
اني الي المفروض اكول هَيج احبك امير والله ماتحمل بُعدك ابد عني لا تروح لمكان مرة ثانية وتتركني وحدي هيج
امير
انة ماجنت اظنج هجي تذبلين بدوني بس منا وجاي كل تصرف اتصرفة راح اصفن بي الف مرة اعلمودج انتِ وبَس
مرر اصِبعة ع شفتي الفوگ وصار يتحسسها ويباوعلي يتبع ملامحي
توترت واحس روحي صخنت كالعـادة
امير
و أذوب في تلك الشفاه وخمرِها
خمرٌ يُذيقُ الشّاربين هلاكا
يا صاحبَ القلبِ الرّقيق تَكرُّمًا
هب لي قليلاً مِن رحيق شفاكا
و امنح فؤادَ التائهين منارةً
من ذا يُهيّجُ نبضهم إلاكــا
كال هَيج واخذ شفتي بيـن شفايفي بهِدوء
جانت ليلتنـا تمشي ببطُئ، بين همسة وضحكة ونظرة تطوّل أكثر من اللازم.
الهوى جان دافي، والجو كله ساكت إلا اصواتنـا، كل شي بيه عفوي.. بسيط.. بس مليان شعور حلو ..
حاول يحتوي خجلي وخوفي من عندة بحُبة ولهفتة تِجاهي وللحظة خلاني انسى كُل الدنيـا بهمساتة و حجية الجان يحجيلا
وكانهُ نسينة كُل الدنيا وانفردنـا سوية وي بعضنـا البعُض
ضمني لحُضنة حيل واخذ ايدي وباسهـا بلطُف
امير
احبج، الله يقدرني ع سعادتج دوم مو يوم
فَرس
ضل يمي هيَ هاي سعادتي
امير
شفتي الكتاب اكيد مو
فَرس
ايّ وجنت كُلشششش فرحانة بي
بس فرحتي نقصت لانك ما موجود
امير
كل شعر من هذني الاشعار انكتب الج مرة بالخفاء ومرة بالعلن
فَرس
يا امير والله احبك اني بالشكِل الي انتَ ما متصورة
امير
مالك الدنيـا كِلها بوجودج يمي
بيومهـا مانمنة ابد كُل ما نريد ننام امير يصحيني اكثر ويكلي مشتاقلج حَدما صارت الساعة بـ ٦ قررنا بعَد مانام اساسًا لان صار وقت الدوام، رُغم كالي ضلي اكيد تعبانة لتروحين بس اني رقضت رفض قاطع
فَرس
ايّ حتى اعوفك وي البنات وحدك مووو
وشلون اميرة يومية تسئلني هسة تتلكاك استاذ ما استاذ
امير
محد تملي عيوني غيرج لتخـافين
صغرت عيوني وباوعتلة اخذ ايدي وباسهـا
فَرس
امير تدري من تسوي هل حركة تحسسني وكإني اميرة؟
امير
هوَ انتِ اميرتي وفعلاً اميرة لذالك اعاملج هاي المُعاملة
هيَ هاي المُعاملة التستحقيها
بكُل كلمة من عندة يخلي كلبي يخفق اكثر ويحبة بعد اكثر
عجبني انُ ننسق سوية بـ اول يوم ماعترض ابد ونسقنا لبستنـا سوية هوَ لبس قاط اسود ورابط ماروني واني صاية سودة و شال وجُنطة ماروني
اول ماباوعتلة حَسيت روحي للحظة نـاررررر وصارت جواي، صاير حلووو فوك اللازم وكلشي بي يجذب النظر بشكل موطبيعي
لزم اطراف ايدي ودارني داير مداير ايدة
امير
شني هل جمـال كِلة
فَرس
شوف روحك وشوف جمـالك انت شو ماوڤرها كُلش
امير
ولاشي يمج والله
فَرس
اوف يلة امير يلة خل نطلع
امير
يلة حبيبي امشي
نزلنـا سوية تريكنـا واخذنة شموسة ويـانة ورحنـة للدوام
اول مُحاضرة عدنة حسب ماكال
فَ ذبينة شّمس بكُليتها وصرنا نتمشى سويـة لكُليتنة
هوَ يحجي وياي واني اباوع للبنات خاف تباوعلة
امير
سمعتيني
فَرس
ها لا شنو
امير
جاي اكلج امشي نروح للنادي نجيب كهوة نصحصح شوية
فَرس
ها اوكي يلة
رحنـا للنادي سويـة لكينة هواي من دفعتنـة هناكَ، الكُل صارتا يسلمون عليّ ويتحمدولة ع سلامة ولد ولا بنـات
الي حبيتة اكثر شي انُ هوَ ضل لازم ايدي وما هدهة ولا ثانية، هاي الحركة خلتني اطمن شويـة وحسيتها ك اثبات للباقين انُ اني ويـا ..
اخذنة گهوتنـا ومشينة للقاعة سويـة
حط ايدة ع ظهري وخلاني كدامـة اطُب
ومن طبيت وخر ايدة بس شافونة الكُل
طبيت لجوة والكُل يباوع علية خصوصًا اميرة ركزت بيها عيونها تريد تنُط
رحت كعدت يم ايلول والكُل صار يتحمدلة ع سلامـة وشوية واميرة كالت
اميرة
والله يا استاذ ستوها نورت الجامعـة بوجودك محد يملي مكانك ابد
فَرس
منـورة باهلها الجامِعة ..
حجيت هيج بصوت عالي بدون ماحس وبدون ماحسب احساب، جنت مدنكة راسي اساسًا ماحسيت الا ع ايلول وهيَ تهمس ب اسمي رفعت راسي لكيت امير يباوعلي ومبتسم ابتسامـة عَريضة
صعد ع الستيـج واني مبتسمة انداريت لاميرة تباوعلي بحقد
فَرس
والله هسة اكسررر راسها
ايلول
ختولي يمعودة اذا تجاوزت اكثر عود نكسر راسهة سوية هسة البسيها
امير
بعضُ الظروفِ تمرُّ علينا كالإعصار، تقتلعُ منّا طمأنينتنا، وتكشفُ لنا مَن يبقى ومَن يرحل.
مررتُ بمرحلةٍ كان السجنُ فيها امتحاناً للروح قبل الجسد، وانطفأت من حولي وجوهٌ كثيرة، لكنّها لم تبتعد.
في ذالِك الوقت كانت هُنالِك إمرآة تقفُ هناك، خلف الأسوار، لا تحمل سوى صبرها وإيمانها بي.
علّمتني أنّ الوفاء ليس كلمةً تُقال، بل موقفٌ يُثبت حين تنكسرُ الأرضُ تحت القدمين.
واليوم، وأنا أستعيد تلك الأيام، لا أملكُ سوى أن أقول: شكرًا لزوجتي، التي كانت نوري في العتمة، وسندي حين خذلني العالم والايام . وشُكرًا لكُم جميعًا على فرحتكُم لرجوعي ..
كال هيج والكُل صار يصفك واني اباوعلة واحس اريد احضنة من الحُب
ايلول
حقهُم يحسدوكم والله حقكُم
يمة خل اقرة الفلق
ضحكت ع ايلول وهيَ تحاول تحصن بينـا
يشرح المُحاضرة وعيونة ما يشيلهن عني ولا تجي ع غيري ابد
بدت تُمضي الايام شي ورة شي ورغُم غيرتي القاتِلة امير جان يحاول يثبتلي انُ محَد مُهم عندة كدي
كملنـا المرحلة الثانية وبلشنـا بال ٣ وقريب للمد صارت كورونـا يم الكُل
جانت فرصة كُلش حلوة انُ نضل وحدنة اكثر بس بنفس الوقت جانت سيئة لان وسعت مجال لهواي بنات دنيئات نفس يتمادن
هواي مـرات انصدم واني اشوفهن شلون يحاجنة واضل بس ابجي ويرجع ويكلي شنو بيدي اني شوفي اسلوبي ويـاهن
وهوّ مايكون يحجي غير حجي مُحترم او بالاساس مـايرد عليهن
هذا السبب سَبب مشاكل عارمة بيناتنـة بحيث حياتنا انقلبت راسًا ع عقل عن السنة الاولى
صرنا ٢٤ ساعـة مشاكِل ومانطي مجال يوم واحد نضل بدون مشاكِل
هذا الشي جان سيئة في حين غيري يظنها حَسنة ب انُ زوجي وياي و وسيم والكُل تتمنى
خلاني اتخبل وما اعيش حياتي بسعادة ابد
اكعد بنص الليل خايفة ومهوجسة افتح الموبايل وافتشة شي شي
اشوف اكو تمادي منهن انقهر بعد اكثر واكثر
هذا الشي ولد بية شخصية هجومية حَيل
وصرت ما اُبالي واروح من حسابي اصورلها مُحادثتها والعب بيها جولا
امير ماجان يحب هل تصرُف ابد وجان يكُلي ب انُ يوكعنـة هذا التصرف بشي حَيل جبير ويتعارك ويـاي بس اني مجنت افتهم من عندة ابدًا
غيرتي بدت تصير مجنونة بي، وهوَ يمشي ويصيح الغيرة الزايدة تدمر العلاقات وماريد علاقتنـا تدمر بسبب هذا الشي
حاول يحتويني رُغم كُلشي وكبر عقلة و وسع صبـرة وياي بشكل جبير للامانة
بلشنـا بالمرحلة الرابعـة وامير ماجان يجينـا يجي لل١/٢ بَس واني جنت ميتـة من القهَر وبنفس الوقت خـايفة عليّ وبكُل الوقت تلكوني ضاربة مُحاضراتي ورايحـة يمة، اثبت وجودي وارجع ..
يجوز البعض يشوفها قلة ثقة بس اني جنت واثقة من امير كد ما اوثق بحُبي الة بس ع الجنت اشوفة والرسايل الي جانت توصلـة ابد ما جنت اتحمل واحس بالكُل فقدت ثقتي!
كملنـا المرحلة الرابعـة وتخرجنـا سويـة اني وايلول وجـان خوفي حَيل جبير ب انُ شلون راح اودعـة وحدة و اروح
وجنت دومني احجي يمـة وهوَ يسكت مايحجي شي
ليوم من الايام اجـة امير وحط اوراق يمي
انصدمت وكتلة شنو هاي ؟
امير
افتحيهن وشوفيهن
فتحت الاوراق وانصدمِت بـ استقالتة مِن الجامعة
فتحت عيوني بـ صدمة وضليت صافنة عليّ
فَرس
امير صدُك تحجي
امير
فَرس انتِ غالية علية واني ما مستعد اخسرج ابد وكلش عاجبتني حياتي ويـاج ف دام هالشي يسبب ارباك لعلاقتنا اعوفة وكانهُ شيء لم يكُن
فَرس
بس امير شلون انتَ ماصارلك من اخذت الدكتوراه !! موهيج والله ماقصد هيج
لا امير ماقبل والله ماقبل
امير
مشة الحـال حبيبتي وكملت كلشي
لتحسين بالذنب ولاشي اني ماريد بعَد خليني مرتاح هيج
فَرس
اميرررررر موهيج والله موهيج!!
امير
لا هيج حبيبتي، وبعدين ليش مافرحتي حسيتج راح تطيرين من الفرح
فَرس
مو على حسابك اني مو انانية امير!
امير
ترة راح اقدم ع شي احسن ان شاء الله
فَرس
شنو؟
امير
عندي هواي مشـاريع اندعيلي انتِ والباقي ع ربنـا
بكُل لحظة اظنك يشاقة بس يصدمني بـ تاكيدة واصلاً شكلة ما جان مهتم هواي، وصل الخبر لجدة وابددد مارضى بس هوَ جان يكتفي ب متقدملي فرصة اكبر ادعولي وهاهيّ
من بعَد حمل ايلول بـ شهر بَس تفاجئنـا بخبر حملي
امير جان فرحان فرحة موطبيعية
كانت الصدفة غريبة، بس حلوة، كأنها هدية ثانية من رب العالمين.
بعُمري مانسى ردة فعل امير وشلون جان فرحان بشكل موطبيعي ويمشي ويصيح معقولة انة راح اصير اب
عيونه تلمع، وصوته يرتجف من الفرح..
اما ايلول فجانت فرحانة ع فرحتنا، ودمعتها سبقت ضحكتها، وحضنتني بكل حنان، وكأنها أم تفرح لبنتها قبل ما تكون صديقة تفرح لصديقتها.
كانت لحظة نقية، مزدحمة بالمشاعر، بين دعاء ودهشة وفرح، بين خوف صغير، وأمل كبير بالحياة الجديدة اللي تنتظرنا..
اليـوم الثاني امير جان عندة شغُل بـ بغداد كال عندي مُقابلة بس ماكال مال شنـو وشلون
راح من الصُبح لحد العصُر يلة رجع
اول ماطب جنة كُل احنة كاعدين جان وجهة فرحان حيل وجان جيب بيدة عِلب حلاوة
وزع ع الكُل والكُل صار يسئلة شنو المُناسبة بس ماجان يرد علينة ابد ..
حدما كمل توزيع و وكف بالنُص وكال وهوَ يمسح ايد بـ ايد
امير
ياجماعة باروكلي انقبلت بـ وزارة التعليم العالي والبحث العلمي كَ مُستشار .... بـ ..... .
علي
لك صديققققق الف مبروكككك جنت واثِق منك
الكُل جان مصدوم وبنفس الوقت فرحان
جبُر
ولك ليش ماكلتلنة
شَمس
فَرس تدرين
فَرس
لااا حتى اني مادري والله
شسالفة اميرر
سّجاد
يقضي حوائجة بالكتمان اعلينة
امير
ياجماعة مو هجي الموضوع، هيَ عبارة عن اختيار، بناءً ع مستوى المؤهلات والعديد من سوالف الثانية، وحتى اكون نزيه وياكُم فرصة قبولي ماجنت ضامنها ابدًا لان الي مقدمين وياي للترشيح هم جانوا اساتذة ذوي خبرة وكفاة عـالية
بَس كوني اصغر الموجودين واكثر حصول ع الـ موهـئلات الي تسمحلي بهذا الشي تم اختياري والحمدلله والشكر
اجة الطفل واجت السعـاددة ويا
جبُر
جدي هم بيها حلال وحرام هوَ الكرسي البالوزارة مو شريف
امير
جَدي انة مو بالبرلمان بالتعليم العالي و التعليم العالي بي نزلهة نوعًا مـا والواثق من نفسة ملك زمانة
جبُر
جدي الجثير يغيرون الواحد
صوتك ماراح يغير. شي بوسطهم
امير
جدي انة لو ما واثق من روحي ماجان اطب هجي طبة
الله وكيلك بالجامعة شفت ماشفت تقدمت علية كتب حتى اوقعهن بكد شعر الراس واكو جانت واكفة اعلى توقيعي وماوقعت ادري بروحي شني لذالك طبيت هجي طبة
علي
امير يعرف جَدي ويحلل ويحرم وراح يطي ما ياخذ انة متاكد
كعد يمي وباوعلي بـ ابتسامة
فَرس
جان ع الاقل كتلي !
امير
ماريدج تبنين آمال جذبية وكلت لو صارت راح تكون هدية الها ولابني الي ب بطنهـا
ابتسمت الة ماريد اعكر فرحتـة ابد وجنة كُل احنة فرحانين الة
صح كثرت روحاتـك لبغداد بس هالشي ماجان ماثر علينة هواي بالعكس جان شغُلة مُريح وهوَ جان حيل مرتاح بي
فتت بشهر الـ ٥ وسويت سونـار وجانت بنية، الكُل فرح النة بس فرحتنا اني وايلول جانت غير جنة نكول ابنج لبنتي وبنتي لابنج اولاد عم ومايخذون غير بعض ونحجي بجدية وعلي وامير يضحكون علينـا
حملي جان حيل مُزعج وخطر وردت اجيب بالـ ٧ ماخفنة ع الطفل كد ما خفنا اولد قبل ايلول و ايلول تواسي بية تكلي حتى لا بكم شهر غصبًا عليها تاخذة لعد شنسوي
جان فرق بيناتنة بالحمِل تقريبًا شهر كامِل
بس لانُ هيَ جابت بشهر الـ ٩ واني جبت بـ٨ ف جبنة بنفس الشهّر بالضبُط فرق بينهُم بس ٩ ايام
لَيث ١٠/٧
وريم ١٩/٧
رِيم هوَ اسم اختـارة امير الها كال ماريد اطلع خارج اطار الغابة ابد واريد اضل محافظ ع سلالة اسمائنة
جان يحجي ويضحك حَدما طلع ويا هل اسِم وفُرح بي
رِيم جانت مِكس بيني وبين امير
نفس سماري الهادئ بس نفس ملامِح امير، مدنفشة وحلوة حـيل غنوجـة البيت ودلوعتهُم
تكُلها شلونج تجاوبك وهيَ منزلة راسها و طابكة اصابعها سِوى بـ سيـنة اني
هيَ تسوي هيج ولَيث جان يموت منها
لَيث
ماتحجي بسرررعة تجر بالكلمة جر
علي
وانتَ شعليك بيها بوية شني خاوة
لَيث
فاهية بابا فاهية
تعاي روري خل نلعب
السبع يطلع دم والفاهي يطلع زاهي بوووووووووووو
رِيم
بابا اهئ وخرة
ايلول
لج اسمعيييي هذا ابن عمج غَصبًا عليج تحبي شلون ترهميها مادري المُهم تحبي
امير
لا كلش راح تحبة مبين من الشخصيات وتناسقها
فَرس
والله بنتي ما انطيها لغير لَيث لو شنو هسة
امير
هيَ بكيفج مخبل اطي بتي لهل مخابيل ذولة
علي
ولك الك الشرف الضابط لَيث علي آل جبر يخطب بتك
هيَ فاهية
امير
عمي فاهية بتي هوَ لان فاهية اخليها يمي شعليكم بيها والله حلوة
ايلول
لا نتخاصم هيج اميررر رِيم متصير غير لـ ليوثي
امير
عود انتوا صدك تحجون يمعودين لتحجون بجدية يكبرون ويفتهمون وهمة يختارون هل شي موحلو ابد ويسبب مشاكل بالمُستقبل
علي
لا مشاكل ولا مدري شني خاوة عمي خاوة
تعال بابا تريد بت عمك احجي
لَيث
اي احبها بس هيَ فاهية
علي
تعاي عمو تعاي
يُمة فدوة للبنيات شلون تمشي لك صدقة لـ الله
شالها وكعدها بحُضنة
علي
عمو تردين هذا الهتلي تحبي لولا
هزت راسها ب لا
امير
ها شفتواااا عوفوا بتي ولكم
ايلول
ولج ريمةةةة مو بكيفج هيَ شبي ابني اشو حتى عيونة ملونة وين لاكيتها
فَرس
ماما حلو شبيج تتكبرين عليّ
رِيم
بس ماريدة اهئ وكيح كُل ساع وكايلي بوععع
ضحكنـا كُل احنة ع كلامها
علي جر ليوثي من اذانة بالضحك وكالة
علي
ولك بعد تكلها بوعع
لّيث
لا ماكلها بوع اكلها بوععععععععععععع
كال هَيج وهوَ يصرخ بـ وجهة رِيم ويضحك ورِيم صارت تبجي
واحنة نضحك عليهُم وامير ضايج ويركُض ورة ليوثي يكلة اموتك اذا تدنى لبنتي بعَد
ظلّ الحُب بينّا واكُف مثل شجرة متجذّرة رغم الرياح، ما هزّتة الأيام ولا غيّرته المسافات.
يمكن تعبنا، ومرّينا بلحظات شك وخوف، بس بآخر كل تعب كنت ألكاه ينتظرني بنفس الحنية، بنفس النظرة اللي أول مرة شفتها بعينه.
يوم بعد يوم، أمير يثبتلي إنّ الحُب مو وعد انكال، لا، هو فعل يتكرر بدون ملل.
يخليني أشوفه بأبسط تفاصيلة، بكلمة بالصُبح، بنظرة آخر الليل، وبسكوت يعرف شلون يطمنّي أكثر من ألف حچي.
اليوم، وبعد كل شي مرّ بينّا، صرت أعرف إنّ الحُب الحقيقي ما ينتهي... هو بس يتغيّر شكله، يكبر، ينضج، ويتغلغل بين تفاصيل الحياة لحد ما يصير جزء منها..
واللي يحب، ماراح يرضى على أذيتك، ولا حتى على قلق بسيط يمرّ بخاطرك،
حتى لو راحته جانت هناك، يختار التعب وياك لأن وجودك عنده أهدى من أي راحة بعيدة.
ومن بعَد ما عاف الجامعة كبر بعيني اكثر وبينلي شكد اني مُهمة عندي واحس علاقتنة تحولت بذيج اللحظة لنقلة ثانية تمامًا بمكان أكبر من حلمه، وبهيبة ما تخطر على بال.
وبساعتها كال وهو يبتسم: يمكن الله كتبلي أترك حتى يثبتلي إنّ اللي سويته مو خسارة... كان خطوة صوب رزقٍ أكبر، وحياةٍ أهدى.
_____________
رَحمة
-
رَحمة حبابة تعاي لبيتنا بسرعة محتاجينج ضروريييييي
رَحمة
خير شنو شصاير ورقمج هذاك ويـن؟
-
رَحمة دتعاي وبعدين احجي حبابة تعاي ضروري خايفة
خابرت رفضتة احس السالفة بيها انّ
كمِت بسرعة بدلت وطلعت و امي جانت نايـمة
بديت اتمشى والبُستان يصفر محَد بي، شوية وسمعت صوت سيارة، التفتت لاكيت سيـارة مُصطفى اجت نحوي وبشكل جنوني مالحكت ابعد الا وهوَ مطلع ايدة من جامة وحاط كلينس ع حلكي ويحجي
مُصطفى
شكدغبية تنجابين بسـرعة، انّ ما كسرتج وخليتج انتِ الي تلغين هالسالفة كِلها ما اسمى مُصطفى !
ماصرت احس بنفس وراسًا وكعت بس وعيي حسيت ضل لِثواني
زَعيم
لكككك مُصطفى
ماسمعت غير صوت زَعيم بساعتها بس حسيت وكانهُ اكوة خيط امل صـار بعيوني من بعد ما فقدت الامل من نفسي
فزيت ع روحي واني بالصالة وداير مدايري كل النسـوان وصوت عياط حيل قوي برررة
صالحة
ها يمة صحيتي اسم الله اعليج يُمة
اول ماشفتها اجت عيني ع الساعة حتى اتطمن واستوعب الي صار لكيت ماضي نُص ساعة بس ع الحادثة
تطمنت بكلبي وبجيت راسًا بوجع جبيررر وخوف بعَد اكثر
صرت ابجي ويُمة صالحة حضنتني واني ابجي بكُل قواي
صالحة
من گص كون بـ ايدة التجرأت وسوت هجي سودة بوجهي يبعدروحي لا تخافيـن لا تخافيـن هسة يكسرولج راسة اعلى هاي عملتـة
غَيث
والله اكتلة والله هسة لو انة لو هوَ بالحياااااااة
تضمضموننننن اعلية صايرة ذيج السالفة وكلهة تدري الا انة يابة وحك الله اليوم اكتلة يلة ارتاح وحك الله ماخلي عايششش ماخلي عايششش
نسمع صوت هوسـة كلِش قوي صار بالمطبخ بس صوت غَيث جان مغطي ع الكِل تقريبًا
كمت وكفت بخوف واني ابجي وفجأة طب غَيث وجان مستعجل يريد يصعد لفوك اول ماشافني توقف
رفع اصبعـة بوجهي وكال بعَصبية
غَيث
الي حجي وياج بعدددددين
استغربت من كلامـة هذا وليش حجة بس هوَ جان معصب بطريقة ما سمحتلنـا انُ نفتهم منة شي
علي واميـر وسُراج وسَجاد كلهم محاوطي ويحجون ويا وهوَ نفس الاسد المنتظر فريستة ماهمة ايّ واحِد وراح صعد بـسرعة
مانسمع غيـر صوت ضجة فوك طب الشيخ وهوَ يصيح يم الدرج حتى ينزلون ومحد بيهُم اجـة
شويـة وسمعنة صوت طلقة من فوك كل احنة نزينا من مكانة وعمي حَسن وحسين بـسرعة صعدوا
وبنفس اللحظة طَب زَعيم يركض صعد لفوگ وكلها كام تصيح ولكمم شكووو شكووو
علي
ماكوووو شي لتخافونننن ماكوشي
صعَد الشيخ لفوك واني احس اطرافي تجمدن من الخوف
صالحة
ولك يمة بيمن طاحت هل طلقة ولكم احجوااااا
وكف علي ع درج وكال
علي
ماكوشي والعباس موووو باحد يمة يعني قابل تطيح بواحد ونضل فوك كافي خلنّا نفتهم لخاطر الله
غَيث
وخر امير شبيكككك
جبُر
غَيث انة شكتلك
غَيث
هاهيّ جدي هاهيّ بس اطيني مجال اطونييييي مجال وخروا عني ماسوي شي بس اطوني مجـال
زَعيم
هسة هوَ جوة عفتة وحدة وصعدت من الـ خرعة اعلى صوت الچيلة
غَيث
صدِككككك تحجي زَعيممم صدِكككك
نزل بسرعـة يركِض والكل ورة مرت الشيخ جلبت بسَجاد حتى يحجيلها شكوو
سَجاد
يمة شمدريني هذا تخبللل الا ياخذ المسدس وعلي كوة راد ياخذة منة وضربوا بالغلط ع السگف ماصار شي بس وخري وخررري
خلة وطلع راحن هنّ للمطبخ واني وراهن اسمع صيحتهُم
غَيث
ليشششش هجي ليششش زّعيم ليششش
رايح انة رايح ورى وين يريد يروح وينننن يعني
خلة وطلع بـسرعة والكل ورا
رَحمة
ياربي دخيلك ساعة وصارت فاجعة
صالحة
هيَ الفاجعة راح تصير يمة راح تصير فاجعة شلون ماتصير على هجي عملة ولج يا مكسور الركبة يا مصطفى
رَحمة
يُمة والله مادري مادري شنو صار
صالحة
هوَ انتِ ليش طلعتي يُمة ليش بهل ظهرية شعندج طالعة واليوم عقدج
رَحمة
يُمة جنت كاعدة و وصلتني رسالة من سيوف
سيوف
مني اني !!
رَحمة
لا رقم غريب يكلي اني سيوف واريدج بسرعة تعاي
الكل شهگ بصدمة
رَحمة
والله العظيم بالي انشده يعني منو يسوي بيـة عملة هجي ماتوقعت ابد يكون جذب وطلعت حتى اجي اشوفها شبيهـا
صَفية
والله يستاهل يميتونة تميت اعلى هاي السالفة هاي ابـن رجاء
رَحمة
هسة اني خايفة لا يصير شي والله خايفة
صالحة
جا شلون ما يصير شي يُمة راح يصير وبس الله راح يخلصنـا منهة
شويـة وطب الشيخ واولادة للبيت لجوة
جبُر
بويـة شصار احجيلي
صالحة
مراسلها الكو.. ع اساس سيوف وكاليللها هسة تجين اريدج ضروري وطالعـة ولاكيتة بوجهة
جبُر
لا يانذل اعلى هسالفة هـاي هوَ هاي الفترة هم ضل يذب حجي لو تاب
رَحمة
لا شيخ جان يحجي بس ما جنت اظن حجية صدك ابد ما ظنيت يوصل لهاي المرحلة والله
جبُر
هذا غَيث ينهي تنهي مستحيل يخلي عايش راح ننفضح فضيحة من ورة اولاد محسِن الحطوا راسنـة بالكيعان بس وعلي لو مو فضيحة انة انطيتهم الضوة الاخضر يجيبوليا وبيدي اربي
جنت بين الخايـفة وبين المرعووووبة حيل وبين المستحية ماعرف شسوي حَتى بس طلبت منهُم اروح لبيتنـا لان امي وحدهي
وداني عمي حَسن طبيت للبيت لكيت امي نايمة الحمدلله، طبيت للاستقبال وكعدت ابجي بحرگة
جان المفروض اليوم عقدنا ليش صار هيج وشلون
معقولة هاي عوارِض لان الزواج مابي صالح الي لو شنو
يارب دخيلك دليني ع الطريـق الصحيح
خطية امي شويـة وكعدت كل ظنها اليوم عقدي كتلها صايرة عدهم طلابة حيل جبيرة وماعتقد اليوم يصير العقِد رادت تروح تشوف شكـو كتلها لا ضلي
راسلت البنات حتى اعرف الاخبـار كللي لِسة محَد جاي، لليل تقريبًا وكلشي نفس حطتة والكل يدور عليّ وغَيث داك ركبة ونص الا يلكي والمشكلة انُ ما الة أثر ابد ..
بالـ ١ تقريبًا جنت كاعدة اصلي صلاة الليل وابجي بسبب بشاعة الي صـار اندزتلي رسايل
كلبي حسني انُ غَيث فتحت الموبايل ايّ هوَ
غَيث
ليش هجي؟ ليش كل هذا يصير وماتكليلي !
شلون سمحتي لنفسج تهينين كرامتي لهاي الدرجة وتمشين المـاي من جوة رجلية، هوَ انة شلون جنت اباوع بعيون هل ساقط هذا وهوَ يخوني من ورة ظهري ؟
اهلي كلهم يدرون الا انة مادري ليش !
شلون تحلين المشاكل من ورة ظهري وليشش تكسريني هاي الكسرة ليش يا رَحمة !! توقعتها من الكل بس مو منج انتِ
بهاي فعلتج هسة انتِ كسرتيني وكسرتي رجولتي
جان بس اجيتي وحجيتي الي جان يسويلجيا مو جنتِ تسكتين
انتِ شلون تقبلين اصلاً انخدع بواحد نفسة يضحك بوجهي و بواري يتمنى عَرضي شلون ما كتيلي ؟
رَحمة
غَيث ماردت الموضوع يكبر ماردت
غَيث
ايّ موضوع لازم يكبر بالنهاية دامة بالبداية هوَ جبير ومُستحيل اكو شي ينضم ع احد
الله يسامحج ع الي سويتي بس هذا اكلجيا
رَحمة
واني ماعندي كلام اساسًا حتى ابررلكيا كلشي بية انطفى وتعبت من كل شي .
حجيت هجي وسديت الموبايل ودموعي تنزل بغـزارة شوية ودز رسالة
غَيث
اوعدج اخذلج حگج منـة
وما اطلع رجال اذا ما اخذ حگي وحگج
رَحمة
غَيث اذااااا تحب الله عوفـة من بعد الي صار اليوم ماراح يتعرض مرة ثانيـة و اصلاً ماراح يراوينـا وجهة مانريد يصير دم حباب
غَيث
بالج اعلى نفسج ..
عرفت الحجي ويـا مراح يفيد بشي خلاص الي براسة يسوي اعرفة لغَيث كِلش زين، مر تقريبًا اسبوع كامِل الي عرفوا انُ مُصطفى مسافِر لـ برة العراق
الشيخ كال عوفوا بس موديلة تهديد ب انُ لو يطب للعراق ينكتل راسًا، شوية هودِت ب امل هسالفة نحلت وهاهيّ ..
جان بكل يوم غَيث يسال علية سؤال عابر شلونج ويخلي ويروح لحد ما بيوم راسلني
غَيث
السلام عليكم، شلونج رَحمة
رَحمة
وعليكُم السلام، الحَمدلله بخير
كل ظني انُ انتهى الحَديث نفس كل مرة بس صدمني وهوَ يكتب
غَيث
جاهزة باجر نعقد؟؟ السيـد الي اريدة اجة جنت منتظرة انة
للحظة ظنيت غَيث جان متردد بعد الحادثة او مايريد اساسًا بس صدمني وهوَ يكول جنت منتظر السيد الي اريدة
صارت ابتسامة ع وجهي وضليت ماعرف شكتب صافنة
غَيث
اكدر اعتبر ايّ ؟
رَحمة
ان شاء الله ..
غَيث
ان شاء الله، ايّ شي تحتاجي شِمس يمج كليلها وتكلي هيَ
رَحمة
ماتقصر
احجي ويـا واحس روحي متصنمة يمة شنو شلون
بنفس الوقت صابني شعـور فرحة حَيل حلو
حَسيت روحي فرحانة اكثر مِن ايّ وقت مضى
راسلتني شمِس بعد دقايق مبين الخبر وصل يم الكل كلتلي نستعجل حتى نجيب الفستان اما الباقي ف جان كلشي متحضر
اليـوم الثاني البنات جانن يمي بالبيت والكل فرحان ومتونس جابن الي وحدة تسوي مكياج وشعـر
العقد الساعة بـ ٤ واحنة الساعة بـ ١ وكاعدين سويـة
حطتلي مكياج وردي ع وجهي برزتلي خدودي وعيوني بي ماتغير شي بية وإنمّا فقط زدت حلا اما شعَري ف خلنة الي مفتوح بس مموج بطريقة حيل حلوة، من بعدهـا لبست الفُستان الي جان عبارة عن فُستان ردان طويل بينصل مخصر ع الجسِم وبي لؤلؤ ومن الركبة وجوة يكون عَريض ومنفوش و ويـا الطرحة مالتة
اول ما شفت نفسي بالمراية ابتسمت ابتسامـة عَميقة وضليت صافنة ع نفسي، ما بحياتي تخيلت نفسي اكون بهذا المنظر، ولا حتى بالاحلام ظنيت انُ الله حيعوضني بشخُص يتقبلني بحالتي هذي هوَ شلون ويمتى و بيا طَريقة مادري بس الادري بي انُ العوض جان حَيل جبيـر ..
من بعد ما قست الفُستان جانن مجمعات بالصالة كِلهن، طلعت الهن واني اراويهنيا وخجلانة حَيل
الكل صار يهلهل ويعبر عن فرحتـة اما امي ف عيونها جانن مليانات دموع فرح، رحت بستها ادري بيها شكد فرحانتلي ولو نرجع للواقع هذا كلة بسبب دعائها الي
شَمس
طالعة تجنيننننن والله العظيم تخبلين
سَبب
لعااااابة واللله لعاااابة
روان
ياهنيالك يا غَيث هنيالك والله
صالحة
بس يشوفها هسة يسودن اعلينا ويكول باجر اتزوج
كالت هيج وكلهن ضحكن
خجلني بكلامهن وغزلهن بيـة وكلبي جان يخفق حَيل من الارتبـاك
شويـة واجوا كلهم طبوا والسيد وياهم
بدوا يحجون شويـة ويضحكون، شويـة وكالوا يلة صيحوا للبنية، وكفت ب باب الصالة الي مطل ع باب الاستقبـال والشيخ بدة يحجي، وصل بكلامـة ل
السيد
على بركة الله... بمُقدَّمٍ هو رِحلةُ عُمرَةٍ، نيةُ طُهرٍ قبل أن تكون سَفرًا، وبمُؤخَّرٍ هو ذهبٌ بوزنِ كتابِ الله، ثِقلُه لا يُحمَل إلا بنقاءِ القلوب وصفاءِ النيّات فهّل تقبلين يا ابنتي، إنّ قبلتي قولي نعم وانتَ وكيلي ..
غرغرت عيوني بالدموع للحظة وجاوبت بـ صعوبة وتلكُئ
نعم وانتَ وكيلي
جاوب غَيث والسيد انهى كلامـة بمُباركة النة واعلان على زواجنـا الشرعي
الكِل صار يبارك الي وجانوا الكل فرحانين، شويـة وراح السيـد كالوا راح يجي الشيخ يسلم عليج
طبوا للصالة هوَ و غَيث و ابو غَيث وعمي حَسن
اول ما اجت عيوني بعيون غَيث حسيت روحي راح يُغمى علية، جان لابس دشداشة بيضة و وشماغ ابيض ومرتبـة هوَ والعگال والبسمة جانت مليانة وجهة بشكل ما شايفتة من قبل بي وفوك كلشي عيونـة لحظة وحدة ما بعدهن عني وكإنهُ جان ياكلني اكل بنظراتة ..
ماطولوا حتى سلموا علية وداروا وجهم وراحـوا وكال الشيخ لـ غَيث ضل يم مرتك انتَ
اجـة غَيث صار كدامي واني ماسترجيت حَتى ارفع راسي باسني من راسي وهمس الي
غَيث
مبروك علينـا
جاوبتة بصوت مُرتجف وخايف
الله يبارك بيك ..
لبسني الحلقة ولبستة الحلقة بشكل حَيل بارد، وكانما جان يحسب حساب لخطواتة كلش زيـن
كعد يمي وصار يهز برجلة بتوتر
ويسئلني بهمس بـ اسئلة متكررة
شلونج، زينة، خومانقصج شي
واني اجاوبة ايّ لا
صالحة
يمة رَحمة كومي للغرفة انتِ ورجلج شوية احجوا شوية كذا كوموا
ام رَحمة
ايَ يمة روحـوا اخذ مريتك وروح
حسيت غَيث راح يرفُض ع البرودة الي شفتها منة بس صدمني لمن كام غّيث بدون تردُد وبدون مايرفُض وكال
غَيث
ايّ اسمحولنـا
انطيت نظرة للبنات وكانهُ النظرة الاخيرة ضحكن علية مشيت كدامـة للغرفة واني شايلة الفُستان من جوة لا يعثرني
طَب وراي وسد الباب ورا، واني جنت واكفة واباوعلة وصافنة، عيونـة تجولت علية من فوك لجوة وابتسامتة جانت مالية وِجهة كِلة
تقدم الي ولزم اطراف اديـة ثنينهن وكال وهوَ يباوع لعيوني
غَيث
مادري بَس حَسيت
رَحمة
شحسيت ؟
غَيث
هوَ انة مرات جان يوسوس الي الشيطان واتخيلج بدون حجاب بس ارجع بنفس اللحظة اخافن اعليج وابطل تخيل ف مافد يوم كملت تخيلي واحس حتى لو كملت ماراح يطلع وياي بهالجمـال هذا
ابتسمت بخجَل واحس جسمي بدة يطلع حرارة وكلشي بية تكركب
مابيـن كلام حلو ومابيـن لمسات جميلة كانت خطوة بُدائية لـ شخصية ثانية طلعت ويـاي
بدت علاقتنـا تتطور شي ورة شي بهاي الفترة وصار حديثنـا شي دائِمي حتى من يروح للجامعة هوَ ٢٤ ساعة وياي ويحاجيني.
اكثر شي جذبني بي رجولتة واحساسة بالمسؤولية تِجاهي، يومية يجيب مسوگ ويجي وحافظ مواعيد امي بالتفصيـل و وصل لمرحلة ب انه مرات ياخذهة وحدة بدون ماروح اني
حسيت بهاي اللحظات ب انّي اسعد انسانة بالدنيـا وفعلاً حسيت غَيث عوض جبير من رب العالميـن الية ..
بعطلة نهاية السنـة جان حاجز للعمرة الي و الـة و لامي ويُمة صالحة واخذنـة وراح ك مُقدم الي
هناكَ اني وغَيث كضينـاه احلى ايام مُمكِن نعيشها بعُمرنا، هم سويـة وهم بـ اطهر مكان بالدنيا، شعور حيل حلو لمن جنة نعوفهن بالفندق بالـ ١/٢ بليل ونروح اني ويـا هناكَ نفرش سجادة ونكعد وانتجي ع متنـة ونصير نسولف ونفضفض لبعض
كلشي بوقتهـا جان حلو ومؤنس، ما اكتفة بس بهذا الشي وإنمّا اشترولي قسمم حيل جبير من النيشـان مناكَ ومن رجعنـا جان غَيث يودي بيد شَمس فلوس ويكول الهـا خلي واحد من الولد يطلعجن او هوَ جان يطلعنة ..
خلص غَيث جامعة لان هيَ جانت سنتة الاخيـرة وكرس وقتة بعدهي كِلة للشغل جان يشتغل من الصبح لليل ومن يجيب الفلوس يجمعهن كَ شهرية ويدزلي بيـد شّمس نهاية كِل شهر اكثر من ٧٠٠ ويكول اطلعي واشتري احتياجاتج كلشي الا الذهب لان هذا علية
اكثر من ٤ مرات سوة هجي، وصلت لمرحلة كتلة هاهي ماريد شي كافي تنطيهن الي بَس هوَ يصُر ويكلي ماعليج هوَ انة اتقاسم قوتي الشهري بالنص ويـاج نص الج ونص الي
ويقصد ب ال ( الي ) يلم حَتى يشتري ذهبي
معَ انهم اساسًا بالعقد همة عاداتهم يجيبون ذهب وياهم وادري انُ روحة العمرة كلفتة هم بس هوَ ماجان يقتنع
طبعًا هوَ قبل لا نوة يخطبني جان يشتغل بس فلوسـة كلهن اشترة بيهن سيـارة حتى يفك سُراج و امير من عندة لان جان دومة بسياراتهم ف رغم انُ جانت مخبوصة عليّ بس جان مُصر ع فرحتي وعدم التقصير بحقي ابـد ..
من بعد ٧ اشهر تقريبًا بلغني ب انُ راح نطلع بس ماكال ويـن وشلون، بس كلي خالتي خل تروح ويانة كتلة تعبانة كالي خلاص عوفيها براحتها، بدلت وجهزت روحي وطلعت لكيتـة واكف برة ويُمة صالحة موجودة ويـا انصدمت وين رايحين ياترى
صعدت بالسيـارة وسلمت كتلهُم ويـن كلي غَيث توصلين وتعرفين، رحنـة لسوگ وصفينـة سيارة تقريبًا يم محلات ذهب ف احس استلمت اني
اول مانزلت رحت يم غَيث
رَحمة
اني مو حلفتك ب انّك ما تضغط ع نفسك !!
غّيث
هوَ انة غير اشتغلت وموتت روحي هاي الفترة علمود هاي اللحظة مني احسن منج مثلاً حتى ينشرالها ذهب وانتِ لا ؟
هوَ يحجي واني اريد ابجي ع كلامـة ياربي ياغَيث ياربي منك
لزم بـ ايدي ومشينة سوة للمحل، يُمة صالحة تعرف الاسعار وكذا ف جاية ويـانة كالي هوَ الي يعجبج اخذي بدون تردد وهم بدون ما تباوعين للاسعـار
جبرني اخذ هـواي اشياء وهوّ جان فرحان اكثر من ما اني فرحانة حَتى ..
قررنـا عرسنـا يكون ورة عرس امير وعلي بفتـرة بس للاسف الاحداث تراكمت علينـا بعدهي بفترة بـ ٢٠١٩ بشهر الـ ١٠ سوينـا عرسنا
قبل العرِس جنة حيل مترددين بالقرار هذا وشلون وامـي وين تضل اكيد لازم تكون يمي هيَ متقبل تجي للبيت وغّيث ميقبل يجي يمنـة للبيت ف صارت اختلافات بالاراء بَس غَيث حلها بالنهاية ب انُ البيت ينسد وامـي تجي يمنـة وفعلاً هوَ هذا الي صار
بـ بداية زواجي جنت حيل فرحانة بداية لحياة جديدة مليانة حُب وتفاهم واشيـاء حلوة لكن للاسف الفرحة ما اكتِملت ومن بعد شهر بَس امي توفت ...
هاي الحادثة سببت الي ازمـة نفسية حَيل جبيرة وجنت اموت بكل لحظة من لحظات شهر الـ ١١
البارحة جنة جايبيها من الجرعـة، شكلها تعبان بس ماجان يوحي ع انهُ موت، وحتى الاشارات الجنت اشوفهـا ع الناس ماشفتها عليها ليش شلون مادري بس كلة جان بحكم وتدبير الله
لو ما غَيث جـان وياي و واكف يمي بكل لحظة من لحظات هذا الشهر جانت رَحمة ماتت وانتهت ع كمية الدمار الي حّل بية
ماجنت متقبلة فكرة روحتها ابـد وضليت ب امل علاجها لاخر لحظة لان بالنهاية، هيَ هاي الوحيدة الي ضلت الي من عائلتي
من بعدهـا مُباشرتًا بشهر الـ ١٢ بدايتة الله رزقني بـ طفل ويجوز هذا الشي شويـة هود علية الالم الي اني جنت بي
رجعت الضحكة بوجهي شوية وصرت اشوف الحيـاة ب امل حيل بسيط وغَيث والبيت كلة جان فرحان النـة بس الفرحة ما تمت والله حب يختبر صبرنـا اكثر واكثر
ومـات الطفل بشهر الـ ٤ بدون سَبب ..
الاشيـاء الي صارت الي ماجنت اكدر استوعبها، يرجع شوية امل نوب يروح اعيش نوب اموت ماجنت اتقبل ايّ شي
جان غَيث يواسيني ويكلي اختبار هذا بس بهذي الفترة حسيت روحي طفلة ما تستوعب ايّ شي
ما تتذمر ع حكم الله ابد بس ما استقبلتة وكالت هاهي
لا جنت اكول الحمدلله بس جنت ابجي بدون انقطاع
ماطولت شهَرين من بعد ما اجهضت ورجعت صـرت حامل هنا ضليت اراجع دكتورة وجنة خايفين كلش ع حالتي بس للاسف هلمرة شهرين بَس والطفل هم اجهضتة ..
هنـا اني صارتلي ردة فعل صادمة وغَيث كال بعد مُستحيل نسوي ع حالتج هاي وهاهيّ حتى لو ما ننرزق باطفال امـر الله هذا ..
بجيت بـ اول فترة واستصعبت الموضوع حيَل، بس رجعني لطريق الرشاد غَيث وهوَ يذكرني ب انُ منو. ومنو الي الله يبتليهُم حتى يختبر صبرهُم
كملت حياتي عادي وماصرت ابالي لشي مع انُ اكو شي بداخلي مـات بس جنت ضامتـة بكلبي وساكتة
وجود غَيث محلي ايامي وناقذها من مرارة الواقع وكل الي بالبيت جنت مرتاحـة وياهُم
ماجانوا يستنكفون ب انُ يكولون جنتنـة تعرف بهاي السوالف والشيخ جان يمشي ويحجي بفخر ( جنتنة بُخيتـة ) ودائِمًا ما يجيبولي نسوان لو اطفـال شو شبيهُم بس اباوع لعيونهن اعرف واكلهة خـالة هيج وهيج ..
لحـد ما صارت ايلول حامِل البيت كِلة جان فرحان وبنفس الوقت خافوا لا هاي السالفة تصير ع الكل بس اني كتلهم مستحيل وراح يجي بخير وسلامـة، ومن بعد ما فَرس حملت بفترة بدة غَيث يفتح وياي الموضوع مال الحمل
رفضت رفض قاطع وكتلة مُستحيل ماحب يضغط علية ابـد بنفس الوقت ماردت اكسر بخاطرة بس كتلة بانِّ ماكدر اعيش خذلان ثاني بعَد ..
حدما تقريبًا وصلن هنّ ل ٧ من شهرهن فزيت بيوم من الايام واني كلبي بارد من بعد حديث طويل بالليل وي غَيث عن هذا الموضوع حسيت وكانهُ واحد يكلي سووا وماعليكم بلغت غَيث بهذا الشي و اخذت خيرة بالقران طلعلي ( ونُسيرِك لليُسرى ) حسيتها بساعتهـا اشارة وكلت هل مرة الله فعلاً راح يعوضني
وي ولادتهِن صار حملي وجنة بس اني وغَيث فرحانين الباقين جانوا خايفين عليـة، بين دكتور وبين غرفة فوك ماكو وبين ممنوع تكومين وممنوع تسوين شي بدت الايام تمُر وعكبت شهري الـ ٥ وجانت مشاعرنا كلنة فرح ع خوف بنفس اللحظة
وبلحظة مارحت حتى اسوي سونـار انصدمت من الدكتورة وهيَ تكلي مبروك التوأم عليج ولد وبنية
بهذا اليـوم غَيث من الفرحة راد يدعم السيـارة جان بس يريد يوصل ويكول الهم
جنة حيل فرحانين ودموعنة جانت مليانة عيونـة وهوَ يصيح ما مصدك واني اكلة لا جنت اعرف ربنـا راح يعوضنـا
اول ما وصلنة وكلنالهُم الفرحة جانت عامـة يم الكل، والشيـخ بساعتها سوة وليمـة خلة كل الناس تحجي بيهـا
ماردنة شي غير تكمل علية بصحة وسلامـة والحمدلله والشكر بفضل الله واهل البيـت كملت شهري كلة يلة ولدتهم
اجوني احلى يُوسُف و مَريـم للدنيـا
لتعلقي بسـورة مَريم، وتعلُق غَيث من صُغرة بُقص النبي يوُسف كِل واحد بينة اختار الاسم .
الولد نسخة غَيث والبنية نسختي
اسمائهم بالجنسية صح جانت يُوسُف ومَريم بس بالحقيقة محد يناديهُم غير بـ اسمائنا غّيث ورحمة
ع كد ما الكل جان يحسبهم نسخة مصغرة منة ومن شخصياتنـا ..
رَحمة
اني مو دور اساسي بالقصة ابد، وشفت شكد حبيتوا قصتي وجنت اقرة كل تعليقاتكم، ماردت اسرد الكم القصة ولا ردت ادخل الكم ب عمق شخصياتنا ع كد ما ردت انصحكم ب اشياء تفيدكم واساسا اني رافضة فكرة اعرض حياتنا واشيائنا الخاصة وهذا الشي وضح بهواي مشاهد اتحفظت عليهن بس هدفي ل دخولي ضمن القصة حتى تتعلمون ب انُ الحياة صعبة بس احنة اقوى، والي يحبك راح يحبك انت وعيوبك، وعمرك لا تستحي ولا تخجل من وضعك الي انتَ بي، ولا تحاول تصير احسن من شخص وتقلد ع اغلاطة بدال ما تكون ويـا وتنصحة وتحاول تحررة من قيود الماضي، مهما جانت الحياة صعبة ف انتَ تكدر تصنع لروحك زاويتك، وعوض الله موجود انتوا بس اعرفوا الله والله ماراح ينساكم ابد وبالنهاية احب اكول اختار الشخص الي يحاول علمودك ويخـاف الله بيك رغم جان غَيث ب بداية حياتة واقل امكانية من باقي اخوانة بحكم العمر والظرف الي مر بي هوَ الا انهُ محاولاتة لاسعادي جانت كافية حتى تخليني اتمسك بي اكثر واكثر، والحمدلله والشكر هسة غَيث تعين ضمن اختصاصة الانكليزي وجاي ياخذ دروس خصوصي من ضمن مادتـة ومعظم المعاهد موقع عقد وياهة
الي يكون ويـاك وانتَ مطفي
احسن من الي يكون ويـاك وانتَ منور
وهذا المثل اني وغَيث عشناه بـ بدايتنا
شفنة ببعضنا جانبنا المظلم، وتقبلنا، وحبينة، وشفنة السعـادة بعدين ...
________________
شَمس
امير
ها صديق بشر
علي
سُراج مُصاب وحاجري واظن منطي الابرة الخبط هاي ولك استعجلي تعـال وافتح بيتنـا راح اوقع اعلى مسؤوليتي ونطلعة، مارضوا هُمّ بس سويتلي طلابة وياهم شكدها
اخيك امير قبل لا نوصل كون انتَ واصل، كل لايلول المفتاح بجرارات المكتب مالتي خل تطيكياهن وبسرعة روح كدامنـا افتحة وكل لجدي ولامي وشمس شو شني يلة اخيك ..
اني اسمع بالحجي واني احس جسمي تكهرب، يـمة والله حسيت والله عرفتتت
شهكت بسرعة وحطيت ايدي ع حلكي مصدومة
امير
جاي جاي
سَد الموبايل اميـر
امير
اششششش شَمس يموتون اذا سمعوا اسكتي لا تحجين شي
شّمس
اميررر حباب خل اروح وياك حباب لا تخليني وحدي بالبيت
امير
وين اخذج شَمس وينن كورونا هاي تعرفين شنووو كورونااا
جنـة نحجي اني ويـا وطبت علينة بيبي فجاة
اول ماشافتنة لطمت ع صدرها
صالحة
ها ولكم سريج شبي
عرفت بيبي راسًا بالسالفة والكل صار يعرف رغم انُ ردت اروح وضليت احرمص لـ امير بس ماجان يقبل ابد
خلة وراح وخلونـا وحدنة كاعدين ونتلوع عليّ وخايفين كلش
كالوا ب انُ المُستشفى ماراضية تطلع سُراج رُغم المشاكل الي مسويها علي وكايلين انُ يعتبر مُلامس من درجة الاولى و طلعتة بحد ذاتها خطرة ع الكُل ف تعهدوا يخلونـة زين و مايضربوا ايّ ابـرة مهما كانت ..
رغم هوَ جان يراسلني بس مايطول هواي ويروح ع كد ماجان تعبان، الولد يومية يرحولك بس مايخلوهم يطولون يمهم يطبون شويـة ويطلعون
شكد جنت احرمص الهم اروح وياهم بس ماجانوا يقبلون ابد
من بعد اسبوع ونُص تقريبًا سُراج تحسن شويـة بس كل ما ياخذ مسحة يطلع انُ بي فَ يضل شاك وميقبل يجي
جنت مشتاقتلة هـواي رغم يومية نحجي بس احس احو اشياء هوووواي ناقصة وكانهُ حياتي بدونـة باهتة صارت ..
من بعـد مُدة رجع سُراج للبيت بعد ما اتاكد تمامًا من سلامتـة وجنة حيل فرحانين و اولهُم اني
اشتياقي الة جـان يتعدة الحدود وماجنت مستعدة ابد انّي افارقة مرة ثانية بهذا الشكِل لجدي
لذالك ولمن عرض عليـة فكرة الزواج بهيج وقت بما انُ دراسة الكتروني وحجر وافقت وكدر يقنعني
بَس جدو رزلنة رزالة غير متوقعة ابدًا
وكالة ب انّك تسويلها عرس حالها حال البنات وماتاخذها الا لمن تكمل دراستها
خطية سُراج انصدم وكالة انتَ من يمتى تهتم لدراسة مال البنات لو لمن صارت يمي بس حقيقتًا جدو جان حيل حريص ع مستقبلي خصوصًا لمن شافني شلون اوائل بكل سنة ف ماحب ابد يخلي شي ياثر علية وانطة حجاية وحدة لسُراج تكمل واخذهة ماعلية بيك وسُراج ضل يوج وينطفي يكلة جَدي بعد سنتين غير الثالثة الجاي تداوم بيها هسة وهوَ يكلة مشكلتك هـاي ..
الثالثة ما عانينة هـواي بيها لان اساسًا جان لقائاتنا حيل قليلة بين هوَ دوامة وكورونا وبين اني الثالثة حيللل صعبـة جانت والكتروني ومسوؤولية جبيـرة تقريبًا
كملت الثالثة وهم جـنت من الاوائل وهنـا بلش سُراج يفتح مرة ثانيـة الموضوع وي جَدي بس جَدي يا جبل متهزك ريح جان قافُل نهائيًااااا ع الموضوع وكال لسُراج اذا جبتلي واحد من عمامك لو من ولد عمك بعد لو اجيت انتَ تطنطن براسي اعلى هل موضوع اطيح حظك
اني من اشوف الوضع جنت اضحك بس من اشوف سُراج شلون يتعصب اضوج عليّ، جان يكلة هسة شنو الفرق بين انها تنام بغرفتها او بغرفتي بس هذا الفرق ترة وجَدي يكلة تغشم روحك ولك فلا انطيهـا هّسة
سنة المرحلة الـ ٤ جانت مُتعبة نفسيًا لسُراج، وهنا بلش يعاند جَدي وعمدتًا كام يختلي بيـة ويصيحني دائمًا حَتى بلكي جدي يحِس بس جدي جان يرزلة اكثر واكثر
جان واضح شكد هوَ ضايج بس اخر شي كتلة هاهي يجوز بيها صالح عوفهـا نكمل وبعدين الله كريم هوّ هم استسلم وبطل يلح بهذا الموضوع لان شاف جَدي قافل
عشنـة فترة سويـة حيل حلوة وعوضتنا عن كل الايام الي تصارعنـا بيها ع كد ما كرهنـا بعض حبينا بعض اضعاف هل كره بعديـن ..
بلشنـا بالـ ٥ وجانت التطبيق بالمُستشفى واحلى ما بالموضوع وجودي وي سُراج
جنـة نطلع يومية سويـة هوَ يلبس سكراب ولابكوت واني البس سكراب ولابكوت
سمحلي البس السكراب بـ شروط مُعينة جان السكراب اسلامي وعريض حَيل وبنفس الوقت طويل وقليل يطلع من البنطرون تقريبًا لجوة الركبة بشوية بس بطريقة مرتبة
كل يوم ندخل اني ويـا واحنة لازمين ادين بعُض، اسمع حجي هـواي ومرات يتعدن بنات من يمي ويحجن
سبانة سباية بمرتـة وبعدين راح وارتبط ..
بالنسبة الي ما جنت انطيهم اهتمام هواي لان محد كدي يعرف بشنـو مرينـا يلة وصلنة لهل مرحلة هـاي
بالنهاية سُراج ما اتخطى زينب بسرعة ولا اول ماشافني حبني ولا علاقتي جانت ودية وكُلشي جان مكتوب النة سوى والدليل حلم سُراج الي شاف زينب وهيَ تحط ايدة بـ ايدي وتجمع بيناتنـة ..
مع ادراكي بهذا بس مـرات المواضيع تزداد والموضوع هذا عبر طاقتي التحمُليـة بما انُ هاي بيئة سُراج والكل يعرف بعُض وبيئتي الجامعية تعايشت وي بيئتة فَ صار واحد يكول لثاني معلومة وانتشرت هـواي سوالف
بس اكثر ووحدة جانت متصدرة
جانت رافعة خشمهـا وهيَ حاطة عيونهـا ع رجال مرتة ميتة ويحبها وعندة طفل الله اعلم شلون غشتة بس حرامات عليها كلشي مناقصها ليش تذل روحهـا لهاي الدرجة
جنت هواي اسمع هذا الحجي ان جان من حسابات مجهولة او حجي مكاطف اسِمعة
صرت ازعل واخذ الحجي ع محمّل الجد واصير افكر بي خاف اني فعلاً سويت هذا الشي بس سُراج جان يكُلي فعلي وضعيـة الطُز و ايّ واحد يحاجيج كوليلة هيَ لو حياتك تعال تدخل بيها بس دامها حياتي محد يدخل بيهـا غيري
هوَ هم ما سِلم من الحجي ابد بس سُراج انسان بارد ومايهتم ابد عكسي اني الي وصلت لمرحلة حيل اتأثر بالكـلام
مرة من المـرات جنت كاعدة واندزلي رسائل من حساب بالانستكرام مجهول
فتحت الرسائل بيهن صور ب حساب سُراج منشورات رُغم اني شايفتهن سابقًا قبل لا يمسحهن بس ما جنت اركز بيهن كَد هسة
مثلاً تعبيرة عن فرحتة وحُبة بيوم زواجـة و شعورة لمن اجا علاوي من انسانة هوَ يحبها وباشياء عشوائية هوَ ناشرها بس باطنها هيَ و واضحة انُ هيّ
- كل هل حب جان يحبهيا ورضيتي تاخذي ؟
مستحيل ينسى زينب راح تتأذيـن ويا نصيحة ..
بساعتهـا جانت قريبـة ع اخر السـنة ومبلشين نريد نجهز لعرسنـا
صرت اتبع بالكلام شي شي واحس فعلاً كل الحجي صحيح سُراج راح يبقى يذكر زَينب وماراح ينساهة ابد
ضليت كاعدة كل اليوم واني بس افكر بالموضوع واحس راسي يريد يطك، لحوا عليـة حَتى انزل نزلت لجوة ضل يسئلنيرجدو شبيج من اجيتي من دوام لسة ما نزلتي تحججت الـة وكتلة ماعندي شي هيج
بكُل مرة جنت انزل بيها جنت اكعد يم سُراج سويـة ويكعد سُراج يحجي وياي حتى يغث جدو عود ونضل نشاقة ونضحك بس هلمرة كعدت يم جدو وبيبي واخذت زاويـة وسكتت
جبُر
خاف متعاركين ولكم شمسويلج احجي اكسر راسة هسة
سُراج
مامسويلها شي جَدي هوَ انة ارد افتهم شبيها
شَمس
مابية شي جد بس تعبانة اليوم
شافوا الحجي وياي ميفيد راسلني سُراج كلي اصعدي فوك بس اني مارديت عليّ رُغم الموبايل جان بيدي
سُراج
موجاي اراسلج والموبايل بيدج ماتردين شمِس شبيج ؟
سَجاد
سُراج صار يفكر بصوت عالي
جبُر
جدي شبيج اليوم لتقنعينة ماكو شي
صالحة
احجي يُمة شبيج صايرلج شي
سُراج
هسة غير اريد افتهم شكو يجوز اني مسوي شي بدون مادري يجوز صايرلج شي وساكتة اردفهم
هُمّ يحجون وعيوني غوركن بالدموع فجأة احس روحي بعد ماتحمل شكد كتمت بس بعد ماكدر ابد
جبُر
خاب جَدي شبيج ليش تبجين
اجة سُراج يمي ودنك لمستواي وهمس
سُراج
زاعجج اليوم احد بكلام ؟ احجي
ماحجيت شي
سُراج
كومي ويـاي
اخذ بـ ايدي راد يكومني بس اني جنت ثابتة بمكاني ورافضة انّي اكوم
شَمس
سُراج عوفني
سُراج
هسة ليش !! كتلج كومي خل نتفاهم شني سالفة
جبُر
جدي انتَ شمالك شو عوف البت جدي شبيج احجي ليش دموعج صارت تنزل عشرة عشرة
شَمس
جدو اني بعـد ماريد سُراج
حجيت هَيج وماحسيت الا سُراج صاح
شلوننننننننن
سُراج
هاي شبيها مصخنة لو شني
جبُر
خاب لا تجوعررر اعلينا خلنا نفهم
شمسويلج جَدي !!
سُراج
ما مسويلهااا شي انة متاكد ما مسويلها شي بس غاسلين دماغها بالحجي شوصلج اليوم احجي اكيد واصلج شي
شَمس
ايّ واني مو ذنبي اتحمل وهذا الشي صحيح موجذب
سُراج
شني الصحيح بي شني ؟ يعني هسة انتِ تغشمين روحج شمِس !! تعرفين شكد انة احبج واعزج وكتلج كلام الناس ليهمج ليش تخليني ماخليج توصلين للمستشفى قسمًا بالله العلي العظيم لانّج تسمعين للرايح وللجاي
شّمس
اني مو صغيرة واسمع للرايح والجاي بس فعلاً هذا الحجي صحيح
جبُر
بسكم خل نسمع شني سالفة بسكم تتناكرون
سُراج
جدي هاي مو همة جاي يداومون بمُستشفانا وصار الاختلاط وصارت الغيبة والنميمة والناس تغـار وتحقد شلون ثنين اطتهم الحياة فرصة ثانية لا لازم ينكدون اعليهُم فرحتهم ويضلون يوصلوها حجي اعلية وشلون جنت احب زينب وهاي تنقهر تكلك هيَ غشيمة عن هاي السوالف مو هي بت عمي وتعرف كِلشي اعلية
شّمس
لا ماعرف كلشي ستوني جاي اعرف
سُراج
شمِس مو انة جنت اكعد يمج واشكيلج اعلى اشتياقي وحبي الها شلون تكولين كلشي ماعرف !! يا بشر ترة انة عشت كل المراحل بتدريج لو مسوية هاي السوالف بذاك الوكت والله اكولن حكها بس هسة ؟ من بعد ما تخطيت ونسيت وانتِ تعرفين كلششششش زين شمِس كلششش زين انتِ شني صرتي تعنيلي بديتي تطببيني بهجي مواضيع؟؟ ليششش ارد افتهم ليش !! ليش تسمعين للناس !!
شَمس
لانك انتَ جنت تحب زينب حُب مستحيل احد يصدك انّك راح تنساهة وتزوج غيرهـا
سُراج
عمي البت اجتني بالحلم وحطت ايدي بـ ايدج احجيلجياهة ستالاف مرة حتى تطب بعقلج لوشني !! وبعدين كافي زينب زينب زينب ابد ما اسمحلج تضلين تذكرين اسمها يااا شمِس البت ماتت وراحت لدار حقهـاا نضل نجيب طاريها ليشش ؟
شَمس
لتخاف ترة اني مداجيب طاريها بالسوء وتكول لتجيبين طاريها !!
زَعيم
ان جان بالخير او بالشر شمِس رجاءً طاري زينب لينجاب، هيَ بنية ماتت مو عايشة حتى تغارين منها ونكول ميخالف زينب راحت لدار حقهـا وهسة مرتاحة ومن جيبون طاريها وسط هل مشاكل روحها تتعذب وانة مارضى بهشي ابد واصلا بطول حديثكم انة اختنكت ب انُ شلون تجيبون طاريها بهجي مواضيع ..
كال هيج وخلة وكام
رَضية
هاي ما مقبولة منج يمة البت ميتـة وانتِ تغارين منها اعلى شني ماتكليلي ترة محد خسر غيرها هيَ وانتِ الحياة كدامج عوفيها للمكرودة يكفي راحت وهيَ بعز شبابها
صالحة
زينب ماخسرت زينب ربحت وراحت يم رب كريم احسن منج ومني رَضية
شّمس
هسة كلكم صرتوا ضدي ومحد افتهم شعوري حتى
صالحة
يمة شموسة انتِ بنية عاقلة وجبيرة وتفتهمين وهذا الحجي ما يرضينـا احنة تدرين انتِ شكد نعزج بس هجي ترة تفتحين مواجعنـا وهل شفتي زَعيم خلة وكام
سَجاد
ترة هيَ ضايجة من الحجي الي جاي يحجوا مو من زينب شو انتوا مدري شلونكم كبيتوا ع البت
سُراج
ماتشوف هيَ تكول ماريد سُراج يعني مقتنعة بالموضوع !!!
شَمس
عوفهُم سَجاد مومهُم هوَ اصلاً محد راح يفهم
كلت هَيج وخليت وصعدت بـسرعة قفلت باب الغرفة لان شفت سُراج صعد وراي وكعدت بالغرفة ابجي
ضل سُراج يدك بالباب كتلة مافتحلك ولا اريد اشوفك ابـد
ضل يلح بالنص ساعة اخرشي خلة وراح لان كلش ضاج
بيومها رادوا يحجـون وياي بس اني جنت كلش راكبة راسي وماريد احجي وي اي احد وكلت احسن شي اسوي افصل وانتهي لان اني اعرف بروحي ماتحمل هل تفكيرات
لليل تقريبًا واني مانازلة ولا الي خُلك ابد
شويـة واندكت الباب سَجاد
سَجاد
ها هم تطرديني
شَمس
سَجاد والله تعبااااانة عوفني
سَجاد
عندي موضوع مهم وياج صدكيني يخصني انة كلش مستعل عليّ ارد اخذ رأيج بي
ضل يلح ويحجي بجدية اول مرة اشوفة بيها طلعتلة كلي خل نطلع ماكدر احجيها هنـا، الساعة تقريبًا ب ١١ كتلة مالي خلك ل سُراج كلي طالع ماعليج بي
صدك والله بدلت وطلعنة سوية كتلة احجي يلة كلي شجيب هدية لعيد ميلاد سيوف الـ ٢٠
شَمس
سَجاد صدُك تحجي؟؟
سَجاد
خوما تشوفين هذا الشي عادي ترة ٢٠ يعني غير لازم اسويلها شي غيـر ف اريد اهديها شي مُميز كون
شَمس
امممم اكُلك انتَ مو السنة تتخرج وجدي كلك من تتخرج تعقد ليش ما تقدم عقدك وتسوي بيوم ميلادها عقدكم ؟ ترة هوَ بُقالك شهرين وتتخرج متاكدة جدو محيمانع
فتح عيونـة بصدمة وفكر شوية
سّجاد
ايّ وعليييي جبتيها صحح هاهيّ اليوم ارجع اكل لجدي اليوممم والله هاي خوش سالفة افدي عقلج شمس اعلى هجي افكار ويلوموني ليشششش استشارج
شَمس
والله لو سمعك سُراج
سَجاد
مو ع اساس اريد انفصل عنة بعدكلبي
سكتت ..
سَجاد
لا تعـاي صدِك خل نحجي شمس انتِ مقتنعة بقرارج اليوم والله الجهال متسوي ترة ؟ من بعد كل هل حب والعلاقة ومدري شنو وصارلكم من ٣ و ٤ و ٥ كلش هاي بغض الثانية ام الاعجاب وتردين تمحين كلشي والله ايش حجي ناس
شَمس
تاذيت سَجاد والله تاذيت
سَجاد
وشني يعني طز والف طزززز لج بابا همة الناس شعدهم غير الحجي متكليلي تحب بس تحجي هيج مخلوقة حتى تكطف حجي وبَس واحنة مطلوب من عدنة نمشي وندوس اعلى حجيهُم جا هوَ حجي ناس يقدم ياخر بعد كلبي
وبعدين ها اها هو ضلج شهرين وتتخرجين وتودعين جهورتهم الخايسة بعدين لا يشوفوج ولا تشوفيهم وحتى لو شفتيهم ترة غلط تخلين واحد ياثر اعليج
يعني انة هسة رجال ما عيب اخلي رجال ياثر اعلية وانتِ مرة لتخلين مرة تاثر اعليج الي تكلج سراج جان يحب قبلج اكلها المهم هسة يحبني واروح وكدامها احط ايدي ب ايدة وانعل سلفّ سلفاهة
انتِ شني الي صار اليوم وهلكد انفجرتي شموديلج
راويتـة كلشي ضل يضحك ع عقلي
سَجاد
ماضي هذا ماضي شمس مني ماعندة ماضي بشرفج؟
من كـال هيج احسة سوالي لحظة ادراك ب محمَد
سَجاد
الواثق من روحـة بالحاظر مايهتم بماضي شريكـة استوعبتيني !!
اتذكرت شلـون سُراج اساسًا ماصار يسئلني ويلح ع محمد ب اخر فترة لان صار يعرف كلش زين شكد اني احبـة
سَجاد
محد راح يخسر غيرج ترة اذا ضليتي تنكين هجي
الحب مريود وبنفس الوكت صعب
يجي مرة وحدة للبشر لو تاخذة لو تخسررة مدى الحيـاة
فَ انتِ فرصتج لا تضيعيها يشمِس
ومو لانُ اخوي لا الله شاهد بس سُراج وياج غير بعمري وبحياتي ما شافتـة هجي يضحك ومتغير حتى وي زينب الله يرحمها هم جان مغندب هسة حتى سويتي سبورتي مو ذاك اليوم انتِ تسوقيـن وهوَ يشوف سياقتج وين صايرا هاي سُراج المخبل يرضى بهل سوالف هاي
فَ والله لتخسري ترة تتندمين بعدين
وسُراج هم من نوع الي يحارب بس من تتعبة السالفة هواي يقل شغفة تجاهة وهوَ مو بس سُراج كلنا مانحب المشاكل الي يسببلنة مشاكل
ضل يحجي وياي واحس قنعني هـواي بتفكيرة ورجعني لـ صوآبي، رجعنـا اني ويا للبيت متاخر طبعًا سُراج سبانة مُخابرات ع طريق اول ماطبينة لكيناه منتظرنة بالطارمـا(الحوش) وصاير عصبي
سُراج
شني سالفة هاي صدك تحجون
طَب سّجاد وعبرة وهوَ يكلة
اعيش واصلحلك وضعك ممنون الية بعمرك اخوي
مافتهم سُراج على سَجاد لان خلة وطب رحت وكفت كدامـة وابتسمت بوجهة استلم سُراج
سُراج
ها عقلج المخبل؟
ضحكت
شمَس
اممم ايّ، يفهمني سَجاد اعتقد لانُ نفس عُمري ويفهم علية
سحبني من خُصري ببطئ عليّ وكال
سُراج
وهسة بعدج تردين تنفصلين مني
هزيت راسي ب لا
سُراج
سودنتينيي اليوم تدرين لولا
انة قررت هاهيّ عرسنا اول ما نكمل نسوي لان انتِ مالج امان خبلتيني وحق الله ساعتين واكف بالباب اتوسل نفس الطفل تفتحيلة الباب وماكو ما تنخلين وحدج انتِ لا بالله ينلعب بعقلج بسرعة نوب
ضحكت ع كلامـة وكتلة
شَمس
والله موهيج بس ..
سُراج
لا بس ولاشي نفس ماكتلج احسن قرار اقدم زواجنـا لا تطيرين من ادية
شَمس
اممم وانتَ تخاف اطير من اديك ؟
سُراج
طبعًا انة شاريج بروحي
كال هَيج وهوَ يباوع لشفايفي
سُراج
اذا طولنـا اكثر حتى جاهل اسويلج وبعد بكيفج
كال هّيج وهوَ يطبع بوستة ع شفايفي
شَمس
سُراااااج وخررر احنـة برة
سُراج
ايّ جااااا انة شكتلج مو كتلج خل نستعجلللل
شَمس
اني شعلية غير جدووو
سُراج
اشتعل...
شَمس
هاااااااااااا
سُراج
عشيررررررررة جدججج
ضحكت بصوت عـالي وطبيت كدامـة
شَمس
وحلفت عُمري الك
كُلة الك اخلص الك
صعدت ع الدرج واني ادندن بالاغُنية الي هدانياهة سُراج ودائمًا يسمعنياهة بدون ماهتم لوجودة
سُراج
وحلفت ما بدلك
لا والنبي ما بدلك
درت وجهي الـة وانطيتة ابتسامة جانبية وهوَ بادلني بيها حط ايدة ع خُصري وصرنا نصعد سوية
سُراج
انتَ مِني وانة منك
مُستحيل ابتعد عنك
وماعيش العُمر لحظة
بدونك انتَ ...
جانت الابتسامـة مالية وجهي ملي اول ماصرنا فوك لكينة سَجاد يريد يطب بغرفتة باوعلنة وصوفر
سَجاد
كمل الله
كال هَيج وخلة وطب
ضحكت بخجل وسُراج ضحك ردت اروح ماحس الا سحبني للغرفـة
شّمس
يا سُراااااج شبيك عوفني يمة ددغدغني
حط راسـة بـ ركبتي وصار يحجي
سُراج
والله العظيم اذا ما تكولين لجدج يقدم عرسنا اسوي العايبة بيكم
شَمس
يااااااا سُرااااج دوخرررررر
سُراج
دتعاي شبيج هسة
كعد يضحك ويـاي ويشاقيني كعدنة ع الاريكة الي بالصالة وصـار يحاجيني نفس كل مرة
سُراج
بابا لتتأثرين بكلام الناس طببي منا طلعي منا ليهمج حجي واحد ابد طنشي كلامهُم خلينـا نعيش بحياتنا بالنهاية محد عايش حياتنا ويعرف ظروفنا، الناس الراقية والزينة بس راح تحطلك اكثر من احتمال وتكول مُمكِن ومُمكِن اما الجاهل ف راسًا راح يطعن ويلكالـة حجة ف انتِ كبري عقلج اعليّ وتحملي او تصيرين نجرة وتكولين اني ماتحمل واتروحين تطيحين حظ الجاي يحجي اما تضلين تتمسكنين وتدورين اضعف حل هذا شي ما مقبول خوش
سويت نفس ماكالي سُراج وبديت اتجاهل الوضعيـة بشكل كامل وميهمني وجود احد ولا اريد ابرر لانسان لان بالنهاية هم مو اشخاص قريبة من يمي حتى ابرر الهم الي ياخذ نظرة سيئة ف ياخذهة ب ارادتة مو ب ارادتي وهو جان كادر يحسن الظن ف مو ذنبي هذا ..
كملنـا المرحلة الـ ٥ وجنت حيل فرحانة بتخرجي بنفس الوقت جانت اكو غصة فراغ بابا، حاوطوني كلهُم وحاولوا ما يحسسوني بهذا الـ نقُص رُغم هُمّ يدرون انُ هوَ ماثر بية فعلاً ..
بـ ١ / ١ / ٢٠٢٣، اليوم اللي صار عيد حبّنا، مو لأنّه بس يوم زواجنا، لا... لأنّه اليوم اللي خلّى الانتظار يطلع بمعناه.
بعد سنين من الكره، من العناد، من العيون اللي كانت تشتعل حقد وصارت تشتعل شوق — اجتمعنا أخيرًا، مو صدفة، ولا ضعف... اجتمعنا لأنّه رغم كُل المسافات، كُنّا نرجع لنقطة وحدة: الي هيَ احنة.
اني شّمس، اللي جنت انور عالمة من بعيد واحرگة من قريب، صرت بيتة وامانة. وسراج، اللي جان يضوي طريقي رغم ظلامة، صار أماني.
تزوجنا بعد خمس سنين من الصبر، من وجع الانتظار، من محاولات النسيان الفاشلة.
لكن يومها، كل التعب انمحى، كأنّ الله كتب النهاية اللي تليق بالبداية المجنونة.
جان قرار سُراج بـ انُ فلوس العرِس الي اسويهن بالعراق نسـافر بيهن للخـارج جان جدو صعُب يقتنع بس لمن شافني اني هم اريد هاي السالفة وافق
بالبداية ردنة كلهُم يطلعون ويـانة بس الي استوقفنـا زَعيم مايرضى يروح مايكدر وعلي هم صعبة عليّ يسافر فَ ماكدروا هُمة ف تكنسلت وكلنـة وحدنة نسافر وفعلاً وحدنة سافرنـا ..
واكفيـن ع المراية هوّ وراي نازع السترة وضال بس بالقميص الابيض والـ رباط الاسود وبدلتي الـ بيضة نازلة ع الارض وفارشتهـا كُلها
نطق سُراج كلماتة بعَد تأمُل طويل
سُراج
اليوم، بعد كل شي، نكدر نكول إن النار اللي بينّا ما حرگتنة بالعكس، صهرتنا ببعض.
صرنا شعلة وحدة، ما تنطفي للابد ..
شمس وسراج — ضوّ بعض، ولهيب بعض .
كـال هّيج وهو يلفني الـة
الـ شبابيك زُجاج والدنيـا جانت ظلمة وتُمطر ع الخـفيف والمنظر كدامنـة كلة جبال وزرع يجننن
فتح اغنيـة اجنبية اسمهـا still got the blues
سُراج
تعبـر عن شعور الفرح و الحصول ع الشي الي انتَ تريدة
صرنـا نرقص الـ سلو عليها وجانت لقطات مملية بالرومانسيـة والفرح العارِم
استمرينا بالرقص بخطوات بطيئة، تتناغم ويا اللحن، و ويا الذكريات اللي مرّت بينا.
ايدي بإيدة، أنفاسي تلاصقت بأنفاسة، وكل ما اركز بعيونة اكثر، ألكاه يباوعني بنظرة طويلة، ثقيلة مثل قلـبة الرزين، بس بيها حب يفيض على كل شي.
شويـة وتبدلت ع اغنية حماسية ثانيـة
فجاة لكيت روحنـا ثنينة متحمسين ونضحك من كلبنا نفس الاطفال وناسيـن كُل شي وكانهُ محَد بهل دنيـا غيرنا ..
ايدة جانت تحاوط بخُصري وادية حاضنة قميصة من الجهتين ونتمايل سوى بحماس
اللحظة چانت تتنفس حب، والليل ساكت من جمال المشهد.
الأغنية وكفت واحنـة مستمرين
صرنا نركُص مو عاللحن، لا — عالإحساس،
كأنّ أرواحنا وحدها اللي تتحرك،
ولا كانهُ الي كدامي سُراج، شخصية ثانية تمامًا مُحِب فعلاً وقرر يعبر عن فرحتة بمحبوبة
جان يـوم مليئ بالسعـادة والحُب الغيـر محدود ..
ضلينـا تقريبًا اسبوعين بعدهي رجعنـا هم احتفلوا بينة ولانُ جدو ميقتنع سـوة عَزيمة حيل جبيرة بوقتها عزم الكُل عليها .
عشنا أيام حيل حلوة، ومليانة حب
بس الحقيقة؟ إحنا ما حبّينا، إحنا فهمنا بعض، وياهذا الفهم، إجى الحب بهدوء، مو كعاصفة، لا، كراحة بعد تعب.
إحنا ما چنّا غُرباء حتى وإحنا نكره بعض
كُل كره بينا چان مساحة نتعلم بيها شلون نقرأ بعض بدون ما نحچي، نحس ببعض حتى وإحنا متنافرين، كأنّ الكره چان غلاف، بس جوّاته كان التفاهم نايم ينتظر لحظة ينولد.
ما چان حبنا صدفة، ولا ضعف،
هو نتيجة حرب طويلة بين المشاعر والعقل...
وانتصر الفهم.
ومنّه تولّد حب ناضج، ما بيه لهفة المراهقة، بيه وعي، ودفء، وطمأنينة
ودائِمًا ما سُراج يكلي من ورة سالفتنـة اؤمن بالحُب من بعـد الكرِه ..
ماجنت اريد طفِل جنت متخوفة حيل من الموضوع واخـاف منة خصوصًا ب انّي بلشت اشتغُل بـ صيدلية وفورًا تعينت كَ مُعيدة جامعيـة بـ جامعتنة فَ جنت ملتهية بالدوام
بس من بعدها كلهة كامت تحجي علينـا خصوصًا بيبي ضلت تكُلي ب انُ الحب يقوى بـ الثمرة الي تجي منة ومن الطفِل ومن بعَد تفكير طويل قررت اقبل بهذا الشي
سُراج انصدم وحيل فرح بنفس الوقت لمن عرف بقراري بس لله قَدرٌ ثاني وتاخر هذا الموضوع، جنت اعاني من مشاكل بالبويضات ضعُف واشياء ثانيـة ..
تعبت، وتعبت وياي كل لحظة انتظار..
أربعة أشهر چانت طويلة، كأنها عمر، بين الإبر والمواعيد والدموع اللي كنت أخفيها عن سُراج حتى لا يشوف ضعفي.
بس هوّ، بعكس الكل، ما گال غير كلمة وحدة:
"الله كريم، راح يصير، وبالوقت اللي يريده هو."
وفعلاً، صار.
جانت ليلة هادئة، بعد مطر خفيف، دخلت الغرفة وأنا أحمل نتيجة التحليل بإيدي، وإيدي ترتجف.
شفت سُراج جالس بنفس مكانه المعتاد، يكتب شي على اللابتوب،
جنت ما أعرف شلون أبدي،
بس من شاف وجهي، گال بابتسامة صغيرة
صاير شي، شمسِي؟
ما جاوبت، بس مديتلة الورقة،
قراها ودمع.
أول مرة أشوف دموعة بعيونة هيج
ضمني بحضنة بفرح موطبيعي وجـان حَيل فرحان بية ..
ومن يومها تغيّر كل شي.
وبدت حياتنـا تتنور
٢٠٢٥/٢٠/٣ إجـة محمَد للدنيـا واجت ويـا كل لحظة حلوة جانت مضمومة النة بوجودة ويـانة ..
صار البيت ينبض بصوت صغير،
ضحكته تنور الزوايا،
وصار الحُب مو بس بيني وبين سُراج — صار بيـنة ثلاثتنا.
طفلنا إجى مثل الفجر بعد ليلٍ طويل،
مو بس نوّر حياتنا،
هو خلاّنا نعرف إن الله ما يأخّر إلاّ لِيُعطي أجمل ممّا نتمنى.
وهسه، لما أشوف سُراج شايل طفلنا بإيده،
وأسمع ضحكتهم تتداخل،
أبتسم وأكول بهمس:
هيَ هـاي النِهاية لِـ بداية حُبنـا الحقيقي ...
_______________
سَبب
زَعيم
لا عَدم ولا خِلا مِن وجودج يـا احلى بنية مرت بحياتي
لج انتِ شيخة كلبي وعزوتي وشكـو شي حلو بدنيتي
سّبب
انتَ شيـخ كلبي وتـاج راسي وعيوني الاثنين
زَعيم
عمي انتِ التاج راسي اتنومس بيج انة وعلي
تدرين شكد فرحت من هسة طبيت وكلت للبنات اريدن جـاي ربعي جايين وشفتج طلعتي من الغرفة تكليلي انة اسويلك جاي
كتلج روحي اقري ماكو داعي تزحمين روحج بس بداخلي اكلج يمن فدوة روحي تروح لروحِج
سَبب
انة ما سويت شي زَعيم، هذا واجبي انتَ رجلي جا شلون تريدني اعاملك متكلي
زَعيم
بس دراستج اهم من كلشي ادري شكد مهمة عندج ومـاريدج تقصرين بحقها ابد
سَبب
ان شاء الله مايصيـر تقصير ابـد لا تخاف انتَ
بهاي الفتـرة جان تركيزي اكثر شي ع السـادس وخطية زَعيم يشجِع بيـة
مافاتحتـة ابد لا بسالفة اقسام ولا قبولات كلت كلشي بوقتة يكون حلو بس حلمي ضـال براسي وما تنازلت عنـة ولا طلعتة من راسي بـ ولا دقيقة
الكل عاملوني بهاي الفتـرة ب احسن مُعاملة زَعيم جان يسهر وياي بكل يوم وامير هوَ الي سعى لسالفتي كِلها والكل جان يشجعني ..
بلشت بالامتحانات و الحمدلله والشكـر بكل امتحـان جنت اطلع من عندة جان يفوق توقعاتي واجاوب واطلع
ماجان عندي اغلاط وجـنت متأملة اطلع بالمُعدل الي اني اريدة واكثر بعَد
وجنت متأملة بالخيـر ومنتظرة ع نـار النتيجة، اجتِ النتيـجة وطلع المُعدل ٩٨ و وي درجة الدور الاول المُعدل ٩٩ ..
كُلشي جان تحت تدبيـر الاهي وحُسن وُلطف جبيـر من الله، بوقت النتايج كعدت ابجي وما مستوعبة النتيجة ابد رُغم توقعي الحازم بيها
الكل جـان فرحان خصوصًا زَعيم فرحتة بية ما جان احد يكدر يوصفهـا
اما امير وسُراج ف فرحتهم جانت غير وكاني اختهُم وفرحانيلي بصفتهُم اكثر ثنين يحبون العلِم ويحبون العائِلة تتطور ..
امير
ان شاء الله طِب عام ؟
زَعيم
هيَ رغبتها طِب فَ ليش مو طِب ؟
طِب وهوَ الممنون
سَبب
هذا رغبتي من جنت صغيـرة واحس نفسي كفوئة بي بس اريد اسال سؤال شيـخ خوما انتَ عندك مانع تجاه هل موضوع ؟
جبُر
بويـة دام هل شي انتِ رايدتة من زمان ورجلج ما معارض اعليّ ف انة ما اوكف بدربج روحي والله يوفقج وينور طريقج ويسعدج
فرحت هـواي لموافقتة الي جانت نابعة من كلبة احلة شي من يكون العوض بهاي الطريقـة
يجوز الله مارزقني بـ اهل بس عوضني بـ الي سدوا مكانهُم اكثر واكثر ..
بلشت اول سنـة جامعة جنت اداوم بعباتي صادق بنية وياي حبابة نروح ونرجع سوية ومالي علاقة بـ ايّ احد غير دراستي
دائمًا صديقتي تنصدم لمن اكول الها انُ زَعيم ما مكمل دراسة وبنفس الوقت اسولف الها ع تشجيعة الـية حَتى استمُر
جانت تكُلي انُ الرجال غالبًا يكون يغار من مرتـة ومايحب تكون اعلى منـة لان يحس بالنقص، بس زَعيم جان رجال عارف نفسة وعارف قدرهة ويعرف هوَ بيمن اعلى وهوَ الي صانع لنفسة شخصيتـة
وفوك كلشي جان واثق بيـة ثقة عمياء ومايريد مني شي غير اكون فرحانـة
داومنـا بس كورس ١ وراسًا انتشر وبـاء كارورنا انطوا حظر يم الكِل ودراستنـا صارت الكتروني
الي بالبيت كلهم انصابـوا واضطريـنا نروح لـ لبيت علي هناكَ، عشنـا خوف وقلق حيل جبير وجنـة نخاف ع الشيخ ومرتـة لا يصير بيهم شي ويرحون بيهـا لان الوباء حبل منتشر
بيـن علاوي وبينهُم همّ وبين دراستي الوضع جان يمي حيل متكركب بس الشي الوحيد الي مهودني ومصبرني وجود زَعيم وحنيتـة ويايّ ..
اول ما كملنـا من كورونا وكملت المـرحلة الاولى كلنة بعد مابيهـا مجال وخلاص لازم نسوي عرِسنـا ..
وبيوم من الايام جنـة كاعديـن سويـة احنة النسـوان
جنت حاطة علاوي بحُضني واني اكُلة
منو روحي وهوَ يكلي اني
منو ابني، اني
وكاعدة اناغي واضحكـة
وفجأة صِدمتني شَمس بكلامـهة
شَمس
سَبب تدريـن شنو احس سُراج لان شويـة بسالفة انُ علاوي يصير الكم انتِ وزَعيم
باوعتلها بـ استغراب
سَبب
شلون؟
شَمس
امممم بس موزعلين مني حبابة
سَبب
احجي ولج
شَمس
كتلة انُ سَبب مرضعتـة
سَبب
هاااااااا شنوووووو
صالحة
ولج جا شني عود
شَمس
تذكرين بيبي من سَبب رضعت علاوي ترة تُعتبر امة بالرضاعة ! بعد ويـن الاشكال الشرعي ترة سَبب احق واحد بس واني كُلش زين اعرف شنـو معنى طفل يربي بدون ام و والله لو ما سَبب وزَعيم هيج ظروفهُم وحتى لو هيَ مربيتة ماجان سمحتلها تاخذ علاوي جان اخذتة اني وربيتـة، بس اني حاطة بـ بالي اكثر من ظرف يواجهُم
سّبب
وانتِ شمدريج صرت امة بالرضاعة
صالحة
يمعودة هاي بيهـا شروط ترة
شَمس
ايّ اني استفسرت وهيَ رضعتـة اكثر من ٥ رضعات يعني تعتبر امة بالرضاعـة
صَفية
هاي قبل لا تقلع الرحم يمتى ؟
صالحة
بيوم فاتحة زيـنب جان جوعان يريد يرضَع وماخذ من صَدري واحنة كلنة اخذ علما ردت اجيبلة حليب واجي لكيتها حاطتة حتى تسكتة بس حليبهـا دآر مو در در بس يعني ضل عـلاوي مكيف اعليها بس يعتبر رضاعة لولا ماعتقد
شَمس
يعتبر رضاعة اني سئلت صدكيني بيبي
سُراج ضل يمدح بـ سَبب ب انُ هيَ معتنية بعلاوي وكذا
ومن كتلـة ع هل موقف سكت ماحجـة شي
يعني اكو امل والله !
انتوا قروا عيونكُم بي وهوَ خل يربة بـ بيئة سليمة ! وبعدين لتنسـون علاوي كبر هسة وكل ظنـة انُ سَبب وزَعيم همة اهلة مو غيرهم فـ ليش نضل نشوشلة بعقلة
بيبي انتِ هسة من يجون ابدي بالموضوع ونحجي ونشوف شنو ردة فعلهُم بس قبلها اخذ سُراج اني احجي ويـا ونرجع اذا اشرتلج تحجين احجي خوش
صالحة
ولج شميسة والله كبرتي بعيوني بهذا الفعِل
شَمس
محد يعرف ليش داسوي هيج بـس الله ..
هنّ يحجن واني مو مستوعبة ايّ شي والله شويـة واجو كلهم جانوا طالعيـن صلوا وتعشوا وشَمس طول هل فترة ماخذة سُراج وصاعـدة شوية ونزلوا بـس سُراج جانت ملامحة متغيـرة واني ملامحي انهبطت اكثر
يـاربي شيصير اذا صارت فعلاً شلون اردلك كرمك لو فعلاً صارت يـارب
بدت يُمة صالحـة بالموضوع وزَعيم جان بحالة صدمة فَضيعة عن الجاي يدور، الكل جان ساكت وشَمس جانت تحجي بـ استمرارية بنفس الحجي
شَمس
واخر شي اكلكم يجوز بعضكم يكولون دتسوي هيج من الانانية بس اعتقد انتم كلكم شايفين حُبي لعلاوي وكلت لسَبب واكول الكُم لو ما ظرفهم اصلاً ما اخلي سَبب تعتني بي واني اهتم بكُلشي يخُصة ومُستحيل بيوم افرق ع اساس انهُ ابن زينب لان بنهاية زينب هيَ بنت عمي مو غريبة
بس السالفـة اعمق من هيج اني عشت بشعـور حيل صعُب رُغم بابا جان محاوطني بس اني جنت بعدني احتاج شعور الام بحياتي ولا تكولون لان انتِ بنية
كلت لسُراج اني انتَ من تضوج اشوفك تحط راسك بحضن بيبي شوية وتكول هديت وانتَ بهذا عُمرك عود !
الام ضروري وجودها بحياتنـا سَبب بعتبارهة ام برضاعة فَ شنو الي يمنع بعَد ..
سُراج
بالنسـبة الي زَعيم اخوي وهوَ خـالة، وبكدر معزة علاوي اعز زَعيم واكثر بعـد، انة جنت رافض هل موضوع نهائيًا بس من بعد تفكير مستمر حسـيت انُ استقرار عـلاوي اهم من شعوري
وانة راح اكون فوك راسـة دائِمًا اذا هوَ مايحسبني ابو انة راح احسبة ابني ومانكدر ننكر حُب زَينب لزَعيم ولا حُب زَعيم لزينب وكلنا ندري شني هيَ خوتهم وعمقها
وسَبب ونعـم الام، ولو احِس ولو لشوية انُ هيَ مو صالحة فَ ماجنت اتردد ابد بالرفض لان ابني عدي اهم من ميت مُجاملة ..
لو جان هذا الشي يسعدهم ويسببلهم بناء لعائلة فَ انة ما مستعد احرمهم من هذا الشعور، الله من فوك ويرزق ويعوض فَ انة منو وافكر بمشاعري بَس ..
هوَ يحجـي واني صافنة عليّ ودموعي تنزل بهدوء
يـاربي دخيلك معقولة هذا سُراج ؟
باوعت لزَعيم يباوع الهم بصدمة وكانهُ ما مستوعب الي صـاير
جبُر
بارك الله بيك بويـة بس السالفة مو بَس هجي وهيَ بنية ف اعتقد هسوالف يحتاجلها تفسيرات شرعيـة يلة نتخذ خطواتنـا اليوم
حَسن
انة الي اعرفة انُ دام البت بت بيت ما يعتبروا هاي رضاعة
حسين
بس خويـة هيَ بعد مرضعتـة ويكلك حسب الشرع
شَمس
اي عمو اني شفتها اكثر من ٥ يعني شرعًا مضبوط
حَسن
بـس بوية انة سامع بهاي السالفة والله وبعد مادري نستفسر ونشوف
من الفرحـة الي جانت ماليتنـة الكل جان فرحان خصوصًا ع فرحة زَعيم الي جانت فرحة جبيـرة
كالوا اليوم نروح نزور ونشوف وفعلاً راحوا هُمّ يزورون وسئوا هناكَ ولمن اجـوا زَعيم جان طافي مو نفس ماراح
زَعيـم
يكولون دام الحليب مو حليب مرة متزوجـة يعتبر هذا خربطة او غير شي يعني ما منسوب لـ امومة حقيقية
سُراج
ميـخالف خوية نفس ما كتلك انة ماكو فرق بيناتنة احنة، وابني هوَ ابنك وخل يكبر وهوَ عارف انتَ ابو او انة ابو مو مهم تكبر وتدرب وهوَ رجال مو مرة ومايستوعب راح يستوعب
جبُر
خلاص عوفوهٌا للوكت وهوَ يحلهـا يابوية عوفوها ..
باوعت لزعيم تنهد وهز براسـة بالايجـاب
بلشنـا نحضر لتفاصيل عرسنـا من بعد شدة كورونا الجبيرة مُباشرتًا ب ٢٠٢١
زَعيم سوة عرِس حيـل جبير بصفتة بعَد ايد الشيخ جبـر اليمنى ماخلة واحد ما عزمة وجيـه لا بالغرب ولا بالشرق
من بعد صبر طويل، صبر ما چان سهل ولا بسيط...
من بعد دموع، وسنين ما بيها غير الانتظار، صرنا لبعض.
مو لأن الدنيا ضحكتلنة هلمرة، لا، لأنّا تمسّكنا ببعض حتى لما كل الظروف مرت علينا .
واليو أگدر أگولها وأنا مرفوعة الراس
بعد كُل صبر، بعد كُل حرب داخلية،
صرنا لبعض مو صدفة...
صرنا لبعض بإرادة الله، وبقوة حبّ ما انكسر
بديت بالمرحلـة الـ ٢ ب بداية زواجنـا
ومابين البيت ومابين زَعيم ومابين علاوي
بـس جنت مدبرتهـا والحمدلله
اليـوم اني بمرحلة ٦ طب عام، السنـة الاخيرة للتخرُج وعـلاوي حاليًا بثالث ابتدائي
فهمنـاه من البـداية وماردنـا ينصدم بعديـن، جنت اكُلة انُ ماما نجمة وراحت للسمـا واني صرت ماما الثانيـة، اما سُراج ف جان محاوطة من كُل الاتجاهات وحتى من بعد ما اجة ابنـة ما فضلة ععلاوي ابد بس زَعيم جان مدللة اكثر ولانُ وعة بين احضانـا اني وزَعيم ف جان يصيحلي الي ماما ولزعيم بابا
ما متخوفـة من المُستقبل ابدًا ع عكس السابق، من بعد ما وضحت شخصيـة علاوي وكبر بين شلون هوَ ولد مرتب وحباب وجان يمشي ويكلي انتِ امي الي احبهـا وجان متعلق بية بشكل موطبيعي وبالنسبة الي ؟
هوَ هذا عوضي باللي فاتنـي مِن الدنيـا ..
يمكن الحياة ما انطتنـا كل شي تمنّيناه،
بس انطتنٌا اللي نِستحقّه، بالوقت اللي نستحقّه.
اليوم، لما أشوف علاوي يضحك، وزعيم يحتضنه، وسُراج يطالعنا بعينه المملية حنان،
أحس إن الله كتب نهايتي بهدوء يشبه حضنه.
ماكوشي صار يخوفني
لأنّي ذُقت أقسى ما بالايام، وطلعت منّها واني قوية.
وما عادت تحيّرني فكرة النهاية
لأنّي اكتشفت إن النهاية الحقيقية مو وجع،
النهاية هي طمأنينة، لما يصير كلبك بمكانه الصح.
باوعت زَعيم كدامي لابـس عباتـة وطالع اليوم بـ ٢٠٢٥ شيخ جبُر قرر ينطي الشيخة بشكل رسمي لـ زَعيم بسبب كبرة وعدم تحمُلة الطلعات والطبـات الهـواي
الكل فرحان وزَعيم لابس عباتة و عكـالة وعلاوي لازم بـ ايدة ولابس دشداشة وعبا نفسة ويحجي ويـا مَدري شنو
دنك زَعيم الة باوعلة وصفعة ع خدة بلطف
زَعيم
لك ابني الرجال يريدلة سبحة نفس ابو
ضحكت
سّبب
راح اروح واجيبلك احلى سبحـة
علاوي
لا ماما لا تزحمين روحج انة اصعد
سَبب
لا يحبيبي لا تدمر روحك انة راح اصعد
علاوي
ماما تعبين روحج
سَبب
تعب ومنك ارضى بي
زَعيم
حتى نحل الخلاف تعالوا ثلاثتنة نصعد
صعدنة ثلاثتنة سوة وعلاوي كاعد وينسق لون السبحة وزّعيم يساعدة وانة اباوعلهُم واضحك
بنهاية الله كلب الـ طاولة لصالحي
رزقني بـ علاوي المُهذب ورزقني بـ زَعيم الحنين
وكل هذني ماجانن صدفة كد ماجانن
تدبيـر الاهي
اختاروا سبحتهُم وقبل لا يطلع زَعيم باس راسي وعيوني نفس كل مـرة
علاوي
انة هم ماما ارد ابوسج
سَبب
يمة حبيبي انة الابوسك
دنكت الة حتى ابوسـة باسني براسي وباس ايدي
علاوي
الله يحفظج الي
سَبب
يابعدروحييييييي ويحفظك الي ان شاءالله
وهيچ نزلنـا سوى،
ثلاث كلوب تمشي بخط واحد،
ما بيها ماضي موجِع بعد، ولا خوف من الجاي.
مجرد حب، وسلام، ورضا جبير
نهاية قصتنا؟ هيَ مو نهاية، هيَ بداية حياة الله كتبها على مقاس قلوبنا ...
___________
ولهنـا يؤسفني أگول إن هذا البارت هو نهاية قصتنا،
بس بالحقيقة، هو مو نهاية، هو سطر الختام لحكايات علّمتنا شلون نعيش، وشلون نحب، وشلون نِصبر.
تعلمنا من أيلول إنّ الحب ما يعيش بلا تنازلات والحب اكبر من ايّ ظرف يمر بينـا ودام اكو حب ف نكدر نضحي،
ومن فرس إنّ الثقة ما تنعطى لأي أحد، لأنها إذا انكسرت، تكسر وياها قسم منّا.
ومن شمس عرفنا إنّك لا تكره شي فوك اللازم، ولا ترفض أحد بقسوة... لأن يمكن باچر تتقبله وتلكى نفسَك محتاجة والثقـة والتعلُق الزايد والفرص الاكثر من اللازم ما من ورة غيـر الاذية .
ومن سَبب تعلمنا إنّ الطموح والاصرار أقوى من أي وجع، وإن الطريق لو تأخر، يوصل بالنهاية وشفنـا عوض الله من يجي شلون يجي.
ومن رحمة فهمنا إنّ التقبّل يصنع حياة حتى وسط الفوضى، وإن أسوأ الظروف ممكن تولّد أجمل إنسان فينا.
هذوله مو بس أبطال قصّتي،
هذوله شظايا منّا كلّنا،
من ماضينا، ومن وجعنا، ومن الحُب اللي عشنا وگبر بين السطور.
انتهت القصة، بس ظلّت العِبرة،
وظلّ الإحساس يعيش بين كلمة ودمعة ..
أعتذر لو قصّرت وياكم بفد يوم،
يمكن بأحد الأسابيع تأخّرت عليكم، بس والله ما نسيتكم لحظة.
كنت أجهّزلكم الأحداث، وأعيش ويا ظروفي حتى أرجع أقدملكم شي يليق بانتظاركم.
وعوضتكم اليوم ببارت متواصل بالكتابة من الخميس للجمعة للسبت رُغم اصابتي بالڤايروس، لأنكم تستحقّون كل حرف نابع من القلب.
أتمنى تكونون بخير،
وأتمنى تبقون مثل ما أنتوا، سندي الدافي بكل مرة أتعب بيها.
واعرفوا دايمًا، إنّ هُدى تحبّكم حيل
انتظروني بـ عمل جديد يليق بيكُم
يوم الثلاثاء ع قناتي حيكون اكـو تجمع للابطال بالقناة ع تليجرام
@hudathar
وان شاء الله تطلبونـي بـ بارت صور اني مجهزتهن الكُم للابطال ع فراغتي انزلهن الكُم، ولتحذفون القُصة لان احتمـال انشُر بارت اضافية لو انتوا طلبتوا ..
هُدىٰ آذار ...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!