رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الحادي والعشرون 21 - بقلم 🍃..شـمـس

أّلَبِأّرتّ أّلَثّأّنِيِّ وِأّلَعٌشٍروِنِ 💤
✨شٍمََّس أّيِّلَوِلَ
ضّأّبِطّ بِهِيِّبِتّهِ💔 وِعٌشٍگلَهِ طّفِّلَهِ

بتول:  محمد شگاعد تحجي روح فدوه مابيه حيل مشاكل يكفي الي شفته والجاي اشوفه كافي اتعبت والله تعبت عفته ومشيت واني امسح بدموعي ضل يمشي وراي بالسياره ويدخن والعصبيه تريد تاكلني
وصلت گبال المدرسه بعد وكت محد جاي لان اني طلعت من وكت وگفت گدام المدرسه اجه قريب عليه. ابتعدت ...اگفي مو جاي احاجيج تعاي بتوول
... نزل من السياره اتقرب عليه ...جرني من ايدي
دفعته گتله وخر مني. اريد اروح الدوامي وخر محمد
تاخرت ..  شبيج يولي بس احاجيج. والله ....شفت سياره جتي رجعت ليوره. راحت رجعت احجي وياه خزيني بعد هيني عذبني اخاف الي ديصير ميكفي محمد كافي فدوه كافي . ...ضل يباوع عليه وشنو بيدي عليج اني .... مابيدك شي وسويت العليك وماقصرت كافي لهنا وخلص روح فدوه ...لج شروح وروحي متعلگه بيج وين اروح.  ...محمد جاي اتعذب والله باليوم اموت الف موته .... هذا الشارب ميبقئ عليه اذا ماخذتج لو اعرف اسويها دمايه عاقل مخبل هذا كلامي وياج روحي. ردي لدوامج. ....بقيت صافنه عليه راح يم سيارته معصب ويباوع عليه بطرف عينه. .. رحت يمه مشيت گبل ماعرف وين اروح ولا اعرف اشلون احلها وياه وصلت يم فرع مسدود. اريد اشوف تالي خباله شنو. تعبني كلش
طبگ السياره گبالي ونزل. انتجه علباب وكتف ايدي
ويحاجيني  گتله محمد فدوه اذا تحبني روح سكت
گال .. لان احبج مراح اروح اني اريدج. افتهمي يولي
احبج لا الي جرمت ولا الي  سويت ذنب وردتج علئ سنه الله ورسوله ومادگ گلبي الا وياج. گتله بس اهلي ميقبلون ..  گال اني الهم. شنو بكيفهم مينطون
گمت اضحك انت مخبل مو طبيعي  طبعا بكيفهم خوما بكيفك. ...لا بكيفي وانتي الي ومصيرين الغيري. لو اعرف انهبج من اهلج واخذج. ...شنو تنهبني مدافتهم عليك فدوه محمد عوفني بحالي وخلي حبنه بگلوبنه جوز مني  شنو اتورطت بيك
اني ... گال صرت ورطه هسه لو عايفج ومسائل عليج جان گلتي عليه مو رجال وتركني وحدي
...محمد كلشي ضدنه اهلي رافضيك كافي فدوه تعبت ليش اتلح بحبك ...جتف اديه گال لان احبج
بتول وانتي تحبيني. ...احبك صح بس مشاكل محمد ليش اتاذيني وتاذي روحك مالنه قسمه ودربي ودربك مسدود نتعب روحنه ...هذا قرارج اعوفج وروح ....اي افضل النه. لو اهلي بيهم مجال اكول نحاول. وامي ورواد عرفو البينه كافي محمد تره ع راسي واگع كلشي ...ضل يباوع يمنه يسره ويجر حسرات ويدخن اخ يابه اخ. ... كافي محمد خل ارجع لدوامي. ... ساكت وبس يباوع عليه بتول احبج ...گعدت ع رصيف وخليت ايديه علئ وجهي وگمت ابجي اتمنئ اروح ابحضنه وابجي واضيع بين صدره. واطلع قهري كله ...گال من احترگوا اهلي واهلج وراحوا فدوه لدموعج لتعبيني وتكسريني بتول. اني شاريج. والله للوحه وياج ... لتبجين ماتحمل اشوف دموعج الي تردي يصير الج. مسحت دموعي اخذت نفس گتله ..عوفني. ....ماگدر شوفي غيرها ماگدر اعوفج والله موبيدي هذا يريدج وياشر علئ گلبه. عايف اهلي ودوامي وحياتي. ومگابل درابينج. وتگولين عوفني ماعوفج. ....كافي فدوه اروح الك  لا تاذيني  ...بتول. نوم مدانام. اضل الليل كله اتگلب اگول. اذوها قهروها ولج انتي قطعه من. روحي من شفت ضاربينج.  جيت اكتله لاخوج واحسب الله ماخالقه.قسم بالله حرگتي گلبي بدمعاتج. بتول ...شحجي وياك گولي لتخوفني بكلامك هذا بس ....بلا بس. عوفيها عليه اني اريد اجيب شيوخ وزلم ونشوف تاليها ويه ابوج باعي عليه انطيج فون نحجي بي بس بالدوام ....صفنت عليه ماكو امل يقنع محمد  نفس الشي ونفس المشاكل نگطع احسن. كافي فدوه خل ارجع للدوام
....اگفي الساعه عبرت ال9 .... اهوووو اووف وتالي
... ابقي اهنا ماترضين تصعدين ويايه واني ابقئ يمج لحد ميخلص دوامج ورجعي لبيتكم واني احلها من يمي لتخافين .....بقيت ساكته ماعرف شسوي ابقئ بالشارع وين اروح ياربي وشلون ننجمع اني وياه وكلشي مسدود بوجهنا بقيت گاعده بالشارع اجه گعد يمي. وبقينه نسولف. اوف ربي شگد حلو كلامه وشخصيته وهيبته. بس اخاف منه من يتوعد لاهلي لان جربته الي يگوله يسوي. گال ... امشي ناكل. ...خنزرت عليه گال ...اويلي يابه بطلت اروح اجيب واجي ...ماريد اني ..اني جوعان لعد  نبطل مناكل ..لا اكل انت ..اشلون اعوفج وحدج واروح
...شعليه راح ياكلوني قابل ...امشي ويايه لا ابقي ابقي هف وخله ايده علئ شعره ماعوفج اهنا وحدج
بس عطشت ...محمد روح لا تحيرني روح جيب وتعال اني هنا انتضر الدوام يخلص وارجع راح عليه اليوم .. گال هسه اجي لا تتحركين منا. شغل سيارته وراح بقيت گاعده وحدي. انتضره يجي. جانو اكو ناس تفوت بس مو بلفرع. الي گعدنه بي. جانت مدرسه بضهرنه وبنايه گبالنه بس هيكل مكامله والفرع مسدود صبات اشويه واجه جايب علاليگ
وگف اگبالي ابتسم گال ...هيج الله ويوگف ويايه واجي الگاج بغرفتي. ضحكت كلمته زرفت گلبي زرف
ضل يباوع عليه گال معقوله انتي بشر مثلنه.ضحكت هههه هذا غزل لو شنو. ...هذا حب ..محمد ..عيونه
..مابيه حيل مشاكل بعد ..لتهتمين اني احلها ومكانج يمي ومو الغيري لو منا لمية سنه واذا علئ اهلج. دبارهم يمي. واريد اشوف وين توصل وياهم ... بقينه سوه لحد ماخلص الدوام. اول مره بحياتي ابقئ ويه ولد وحدي. حتئ لو ابشارع بس ممسويتها قبل يمكن حبه الي واصراره. خله بيه هاي الجرائه ماگدر اعوفه وهو مشتريني صعب خلص الدوام ودعته وگتله هاي اخر مره تخليني بهيج موقف وقبل لا اسوي شي ويه اهلي اذكر براسي توگع المشاكل
اقتنع او لا ماعرف بس مثله ماشفت ولا راح اشوف بعمري. حبه وجرائته ميخاف من شي ومخبل بتصرفاته بهوسه الطلعه.رحت يم البنات هو فات من يمنه وطلع. شافتني زهراء گالت ولج انتي اهنا لو غايبه وين جنتي حجيتلها كلشي وگتلها بقينه بالشارع گالت همداج يلعوبه ليش مطلعتوا. بمكان شي. گتلها زهراء صدگ تحجين اني مامسويه هيج ومبتليه اگوم بكفخه وگعد بكفخه هلنوب هيج اسوي لا والله القصاص قليل بحقي. رحت وختلت بين البنات لا اشوفني مدرسه وتشهرني طلعنه مشيت ويه صديقاتي گالن هاا شو مشفناج اليوم گتله دايخه وضليت گاعده بالصف. مشينه وبالي مشغول بمحمد فرحانه لان گضيت اليوم وياه ومقهوره من اهلي ورفضهم اله. وصلت للبيت. مرت الايام. بقيت بعيده ع محمد. بس من اروح اشوفه. ومرات يوگف گبال المدرسه مرات يختفي. ماكو بيناتنه اي اتصال بس النضرات. محمد بهاي الفتره. مابطل ضل يدز الاهلي ناس. ونفس الشي بس يرفضون. مثل كل مره