رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الثاني والعشرون 22 - بقلم 🍃..شـمـس

ضل يدز عالم نفس الشي بس يرفضون مثل كل مره احس الشغله كبرت وصارت عناد وبدت اتصير مشاكل ومدتنحل اخر مره اجه وجاب ناس وياه اهوايه. من طلعوا ابويه ضل يحجي هذا شلزگ وليش هيج يسوي  شنو ماكو نسوان بس بناتنه
لو شنو رواد گله عناد سواها ويانه مبينه. مرتضئ وعلي گلوله يابه والله خوش ولد ومأدب وضابط وبيته وحده ليش مننطي. وعلگت بين علي ومرتضئ ورواد رواد ضل يحجي براس ابويه من البدايه وبابا قفل. الا فد يوم استجمعت قوتي وجرائتي.  رحت الابويه جان گاعد بالمطبخ هو وامي ورفل وخوتي
مگدرت اسكت بعد اشوفه ديحارب ويواجه ويتصرف واني گاعده. گتله بابا اريد احجي وياك
...خير يابه شكو گولي ...باوعت للكل علي ضل يباوع عليه احسه يگول اسكتي لتحجين. گتله بابا وسكتت ..شكو بتول احجي احد غاثج مضوجج گولي بنيتي محتاجه شي  ..گتله.  اريد وهم سكتت
..احجي شنو تردين شلعتي گلبي تره. رواد گله عوفها يابه هاي لا گفه گتله لا مو لاگفه .. اريد اعرف شبي محمد وترفضوا هاي صار 30 مره يمشي والرفض مستمر من حقي اعرف السبب غلطانه اني بابا ابويه صفن عليه اني دنگت. گام عليه رواد يريد يضربني
ابويه عاط بي گله ارجع لمكانك لا اكسرك من يمتئ وجاي اتمد ايدك عليها خل تعرف السبب من حقها گال تعاي گعدي يمي دافهمج بنيتي. رواد انخرس بس بقت نضراته الي كلها توعد وتحلف وكاني جارمه بالاسلام. رحت گعدت يم ابويه ... گال باعي بنيتي الولد زين وخوش الله يستر عليه بس بنتي اني ماريد اذبج بعيال جبيره وانتي بعدج اصغيره واريدج اتكملين دراستج وبعد وكت للزواج ...مرتضئ گله يابه ماطول الولد هلگد لح ومصر عليها اني برائيي هو اكثر شخص مناسب الها واذا علمسؤليه بتول كبرت وعقلت وتغيرت اهوواي عن قبل برائيي ننطيها وعلئ الله ابويه گله لا بابا مجاي تفتهموني. انتي بعدج ازغيره ولشوفي يلح ويروح ويجي عبالج هذا هو هيج الحياه. باجر عگبه هذا الكلام تذكري اذا عايش تدعيلي بالصحه واذا ميت تترحميلي افتهمتي بابا بتول حبيبتي انسي محمد وروحاته وجياته واصراره هاهيه بابا اضن السبب اتوضح الج عندج سؤال ثاني ... دنگت گتله هاهيه يابه من رخصتك گمت رحت الغرفتي ضليت ابجي وادعي الله يغير رائيي ابويه بمحمد. بابا صح فهمني بصوره واضحه بس مجاي اقتنع بسببه اني متاكده بنفسي گد المسؤليه ضليت تحت رحمه امي ورواد القهر زاد عليه منين التفتت ومنين اتلگاها من امي لو اخويه لو اشتياقي وحبي لمحمد لو للرفض والقهر الماكل گلبي ضلينه اني ومحمد بس نضرات بس مو مثل نضرات قبل قبل جانت حب وشوگ ولهفه واشتياق بس هسه لا نضرات عتب وقهر وتحسف وهموم اني واهسي بالدنيه راح مالي واهس حتئ اكل صرت كلش ضعيفه بهاي الفتره وجهي ذبل عيوني 24 ساعة مورمه من البجي والسهر لگمتي ودمعتي سوه. حتئ دراستي كلش هملتها صار وجودي بالمدرسه عباره عن روحه ورده واصفن ومامركزه بالدروس امي كلش دتاذيني.لان مستواي قليل ودشوفني اشلون احب محمد ومتعلقه بي واصفن وبجي عليه وماكل گامت اتحاربني فد يوم صبينه غده گعدت اكلت لگمتين وگمت داغسل علمغسله اجت امي گالت اني الج ادبسزا ادري ليش هيج اتسوين من وره هذا مو اني الج اذا مازوجتج لابن خالج وشوفي گتلها شگاعده تحجين ماما كل ضنج ازوج غير محمد مستحيل شيلي هاي الفكره من بالج لو اعرف اطلع جنازه من هلبيت ولا اطلع عروس لغير محمد اني احبه افتهمي احبه ويحبني ضربتني راشدي وگالت لتجيبين اسمه گدامي وخل انشوف كلام منو يمشي اريد ابن خالج ياخذج علمود تعوفي لهذا ويعوفج وميضل يلح علينه بعدين ابن خالج ايريدج من زمان وابن اخويه وين الگه احسن منه الج گتلها طبعا كلمن يحود النار الخبزته تنطيني الاهلج مستحيل مثل ما رفضتوا محمد ارفض اي شخص يجيني خليها ابالج لغيره ماصير. وهاي الكلمه هو گالها واني هم اگولها گالت خل يطلعون خوانج وابوج واني اعلمج امشي لغرفتج عفتها ورحت لغرفتي ضليت ابجي يعني فوگ الضيم الي معيشتنياه تريد تكسرني بابن خالي عزززه العزاج بتول اخاف صدگ اسويها امي وتاخذني لاحمد ابن خالي. يعني جرعت كل هل مر وتالي ازوج اووف يربي لو ماعارفتهه بهذاك اليوم ولو ولو بس بعد شيفيد الندم بس لا هلمره راح اوگف بوجهم الزواج مو غصب واني ليش مهتمه محمد مستحيل يقبل بهيج شي والله يذبحه قبل ميدنالي
بيوم ماما عزمت بيت خالي علغده اجو من الصبح ريتهم لا جووي والهوسه واحمد وياهم اتغدينه وكملنه والكل گاعد بالاستقبال واني گاعده بالحديقه مالي واهس اروح اگعد يمهم او اسولف واشاقه واندمج وياهم ماريد احد اريد محمد ماريد غيره. اجه عليه ابن خالي احمد گال احم احم شعندج گاعده هنا ليش متجين جوه يمنه ماباوعت بوجه گتله مالي واهس گال ليش گتله ميخصك عوفني بحالي مابيه حيل احد گال اعصابج بتول شبيج شحجيت اجيت اسالج گتله شتسال علئ شنو گال عمتي ماگالتلج علمود شغلتنه علمود الخطوبه رفعت راس جنت گاعده بالمرجوحه گتله صدك تحجي احمد اني ماريد زواج زين شيلها من بالك گال افتهم منج انو مترديني  گتله تريد الصراحه گال اكيد گتله اني اهلي جابريني اوافق عليك واني اعتبرك اخويه تقبل تزوج وحده تجمد بيدك ومتريدك ومجبوره عليك وتعتبرك اخوها گال هاهيه مامجبوره واني ماجنت ادري وگالولي موافقه وبارادتج گتله وهسه عرفت مني گال هاهيه بتول القرار يرجع الج
گتله انت اخويه وياريت من يمك  اتگوللهم. ماريدها
گال صدمتيني گتله هاي الحقيقه  عفته ورحت ماهتميت المهم حجيت الي بداخلي طبيت جوه بدلت ونمت علجربايه وگمت ابجي وافكر اني بغير عالم عالم ماعرف شنو ولا اعرف اشلون اصرف راحت راحتي انسلبت مني السعاده انعل ابو الحب منو يگول الحب حلوو بس قهر وقهر وقهر حضنت المخده وبقيت ابجي وابجي اريده يمي مشتاقه اله
ياربي ساعدنه وجمعنه سوه اقل الساعه  وندفرت الباب بكل قوه شهگت وگمزت من افراشي

✨للحكايه بقيه