رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الرابع والثلاثون 34 - بقلم 🍃..شـمـس

بتول: مثل كل يوم كملت ادروسي ورجعت للبيت بس هلمره لا الفرحه ماليه گلبي الله يتمم علينه رجعت اتغديت ونمت گعد العصر ساعه 4 لگيت

محمد متصل بيه اكثر من مره اتصلت بي ...ها يروحي شلونك اسفه جنت نايمه وماسمعت الفون
...تمام الحمدلله وانتي شلونج لا عادي يروحي

نوم الهنه انشالله ...تسلم حبيبي الحمدلله بخير اگووول انت وين ...دومج يروحي اني بالبيت ليش محتاجه شي حبيبي .. هاا لا سلامتك بس هيج اسأل

..حياتي اني اروح بعدين نحجي اوك ...اوك حبيبي براحتك دير بالك علئ نفسك ..اوك وانتي هم يروحي يله باي ..اوك باي سديته منه ونزلت طبعا البسمه

مفارگت وجهي ابد. الحمدلله الي الله فرج علينه
نزلت لگيتهم كلهم موجودين امي شويه تعاملها
ويايه زين مو مثل قبل يمكن استسلمت للامر

الواقع گعدت سولفنه اشويه الولد طلعوا ورفل
اسوي عشه ماما طلعت راحت لعمتي ام زهراء
محمد دگ علينه ضلينه نحجي گال باجر نعقد

مهر محكمه حتئ اتصيرين الي شرعا وقانونا لان
بعد ماتحمل اريد نزوج اريد اخذج يمي گتله بعد
وكت ليش مستعجل خلي اطول الخطوبه گال

لازم جسمج يحكج تردين كتله مني مووو انجبي
اني مقرر بهذا الشهر احضر كلشي ونزوج متطول
اكثر من شهر الخطوبه لان ماگدر بعد اريدج يمي

گتله اي حبيبي صح بس بهذا الحال انت راح
تنخبص ودوامك گال دوامي اداومه وابجازتي
اخلص كلشي اني هسه مجاز نگطع مهر محكمه

ونشتري الذهب والنيشان ونجهزج عروستنه واروح للدوام من ارجع اجيب الغرفه واكمل التجهيزات الباقيه اوك اني ادبر كلشي لشغلين بالج يروحي

گتله براحتك  سديته منه
تسريع الاحداث
ثاني يوم اجه محمد وعماته وامه ورحنه اني امي وبابا وعقدنه محكمه كلش فرحنه واهالينه هم
رجعنه للبيت وثاني يوم اشترينه الذهب والنيشان

جهزوني كلشي كمل داوم محمد ونزل صبغ غرفته طبعا علي اخو اشتراله الغرفه هديع الزواج كلش حلوه اثاث تركي راح يوم اجه يوم. طبعا كلش تعبنه بهاي الفتره. بس الي

يريد الحلو يصبر علئ مره جهزنه كلشي محمد اخذ اجازه زواج انطوه مده شهر لان ضابط وعريس المهم بقئ علئ العرس 5 ايام يعني اليوم احد العرس

بالخميس ومنا تبدي مرحله الخوف والارتباك والتوتر فتره كلش صعبه بالنسبه للعرسان جان محمد كل يوم يحجي ويايه ويأمني ويگول لتخافين ومن

هلسوالف بس موبيدي هلشي رحنه اجرنه بدلات كلش حلوات اخذت مال الحنه حمره نفش كلش حلوه ومال العرس طبعا ابيض هم حلوه

حجزت بالصالون ومحمد واني منعونه من الشوفه لحد يوم العرس حجزنه بفندق بابل بجادريه ليلئ
العرس رأئد يوديني للصالون ردت اگص شعري

واعدله بس محمد ماقبل گال اگص ايدج اذا گصيتي خصله منه واني هم بطلت عفته علئ طبيعته اخذت خيط رتبت روحي بيوم المهر اجتي امي الصبح گالت

اگعدي دتروحين للصالون كافي نوم شنو انتي باجر بيت اهل زوجج هم ضلي هيج نايمه گتلها اي ماما گايمه خمس دقايق وانزل روحي نزلت رجعت نمت

اتصلت زهراء گالت جهزي نفسج ودگيلي حتئ نجي ناخذج للصالون گتلها اي سديته ونمت نعسانه ماگدر اگوم اشوي وهم اتصلو رفل جاوبتها گالت اني طالعه

من المحاضره خلصت جهزي نفسج بس اجي انروح گتلها اي اي ميخالف جاهزه اني گالت اي مبين الله يعينج ام احمد علئ هلجنه سديته منها ونمت اشوي

وهم دگ گمزت من الفراش ضجت كل اشوي متصلين جاوبت بدون ماشوف الرقم ...اي گمت والله گمت ادري اني موخوش جنه وتنبل مال نوم

والله يساعد خالتي عليه كلهن اعرفهن والله گمت
...هوب هوب عيني اعصابج السانج وين جنتي ضامه هلسان الرشاشه انطي مجال   ...عززه باوعت

علفون شفت رقم محمد عدلت نفسي ورجعت احجي اسفه والله حبيبي ماجنت ادري انت جاوبت بدون مانتبه علئ الرقم. والبنات ضوجني گومي وما گومي

اوك ...عادي حبي المهم اكتشفت انتي ام السان ...لو ام السان جان ماضاع حقي وصار بيه الي صار .. ماعاش الي يضيع حقج حبي يله گومي روحي

للصالون علمود الحنه خوما اجي الگيج بفراشج بكفشتج ...اني ام كفشه ..فديتها هيه وكفشتها
...منيه هيه ..ههههه ام المنيه يله گومي

اني اروح ماوصيج بتول لفي نفسج زين من ترجعين من الصالون ماريد خصله من شعرج تطلع .. اوك حبيبي ماشي سديته منه ونزلت اتريگت وجهزت

نفسي اجت رفل وزهراء ونغم ورائد وصلنه للصالون گامت تشتغل بيه ام الصالون شعري لان طويل وثخين وسرح سوتلي تسريحه كلش حلوه عاليه

ومكياج حلو ونازك ماردته طوخ المهم لبست البدله اجه رائد رجعنه وصلت للبيت ساعه 4 العصر لگيت البيت هوسه االنسوان والبنات كل الگرايب والجيران

اتلگتني امه تبوس بيه وتهلهل وخواته گعدني. وعلگوا اللاغاني وعلوا الصوت ضلن يرگصن اني
كلش فرحت احس نفسي بحلم معقوله صرت

عروس وگاعده انتضر محمد يجي يباركلي ويحنيني ويلبسني الحلقه يارب ماعرف. اشلون اشكرك علئ فضلك هذا

لا اريد شئ من الدنيا
فأ انا اعترف اني اخذت نصيبي من الفرح
حين احببتك 

للحكايه بقيه