رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الثالث والثلاثون 33 - بقلم 🍃..شـمـس

ضليت انتضر صارت الساعه 3 ونص اجوا احس گلبي يريد يطلع من مكانه مامصدگه اريد احد يگرصني يعضني اي شي المهم اصدگ انو

الي ديصير حقيقه مو حلم لو خيال طبت
رفل وجها يضحك گالت اجوا الزلم والشيخ
وياهم ونسوان هم كومه يله نزلي گتلها ها لا عفيه

اخاف گالت صدگ تحجين بتول خوف مال شنو هاذ تره جايين يخطبون مو يزفون يله بسرعه امشي ... لبست كعبي ونزل ارجف صح جنت اتمنئ هاي

اللحضه وانتضرها بخالص الصبر بس موقف صعب بالنسبه لكل بنيه نزلت من الدرج جانوا الزلم گاعدين بالخطار والنسوان بالهول شفتهن صارن گدامي امه

وخواته كلهن وعمتي ام زهراء وزهراء وسهئ زوجت علي ونسوان هواي سلمت عليهن وكلهن يصلن علئ محمد وامه اتبوس بيه وتگول زين ماختار اوليدي

تستاهلين التعب  وتبوس بيه جانت امه كلش حلوه صح جبيره بالعمر بس ما مبين عليها الكبر جانت طويله وعيونها ازرك وسمره ملامحه حلوه محمد

ماخذ طولها وسمارها بس ملامحه علئ ابوه واحمد هم كلش يشبها لمحمد بالشكل علي ابد ميشبهم ما ماخذ شبه منهم بس ولده يخبلون ماخذين بياض

البشره علئ امهم وعيونهم مثل اعيون بيبيتهم
التوام رائد وروان هذوله صدگ توام بالشكل والعمر بينهم شبه مو طبيعي بس رائد عنده شامه بنهايه

حاجبه تميزه علئ روان  ضلينه گاعدين ويسولفن ويتفقن علئ العرس والخطوبه وره تقريب نص
ساعه صاح ابويه جهزوه العروس ديعقدلهم الشيخ

صعدت فوگ اجت اخته نغم ويايه ورفل وزهراء  لبسني  فستان ابيض كلش حلو وذبن برگع ابيض علئ شعري ونزلوني وگفت يم باب الكلدور وهو

ولشيخ بالكلدور تفصلنه بس باب اني متت خوف ورتباك گام يحجي الشيخ ايات قرانيه واحاديث عن الزواج وهيج اشياء اني واگفه يمي امه وعماته ثنين

بعدين راد الموافقه عمتي گالت لتگولين موافقه الا لمن يعيدها خمس مرات حتئ تصير علئ عدد اصحاب الكساء (ع) ضل يردد عليه خامس مره گتله

موافقه وانت وكيلي محمد هم انطه الموافقه علنة زوجين شرعا وبلشت الهلاهل والجكليت يطش عليه حيل فرحت حسيت نفسي صرت ملكه لمحمد وماكو

شي يفرقنه بعد رجعنه للهول اشويه وصعدوني بدلت لبست فستان زيتوني قصير للركبه نفش ورفعت شعري ونزلت گعدنه اشويه وگالوا راح يجي

العريس يبارك لعروسته حيل فرحت بهاي الكلمه عريس وعروسته حسيت نفسي صدگ عروسته الحمدلله الي نجمعنه سوه گعدت علتخم بعيد عن

النسوان علمود يجي محمد هوه ماطول دقايق
واجه بس حسيتها اسنين اشگد متلهفه اله
والشوفته والكلامه اجه وسلم علئ النسوان

اتجه عليه اني عيوني دمعت ماسيطرت علئ
نفسي. احسه هو هم دمعت عيونه ولمعه بيها
الفرح امبين بوجه گمت وگفت اتقرب عليه

باسني من راسي وگعدت وگعد يمي شعوري مينوصف بهاي الحضه احس نفسي اسعد
انسانه بالدنيا احس نفسي وصلت لانجاز

من المستحيل اوصله والكل گالولي حلم توصله بس الحمدلله وصلت همسلي الف مبروك يروحي شوفي وعدتج اخذج اصيرين الي واليوم وفيت بوعدي

صح اتاخرت بوفائي بي بس المهم وفيته گتله الله يبارك بيك حبيبي الحمدلله هذا كله بفضل الله سهلنه
وفرحنه گال احبج بتول احبج يروحي يابت گلبي يا

ام الفشلات المخبله الي تحجي ويه روحها ام دميعه ههه بتول ..خرررب لسه تذكر ...ليش هو اني ناسي حتئ اذكر كل لحضه جمعتنه وكل موقف حافضه

ومذكره مثل اسمي صدگيني ...بتول واني هم والله مناسيه اي شي من الصار بينه محمد ...عيونه گولي يروحي ...اگرصني ...شنو ..اگرصني ...ليش ...حتئ

اصدگ اني بالواقع مو بحلم لو خيال ...حبيبي گلبي مينطيني ائذيج والله ...بتول لا عادي الاذيه منك عسل يله اگرصني ..اوك ...اخخخ ولك مو هيج

شبيك مصدگت ...هههه العسل ميئذي تره ...ههه لا عادي يروحي فدوه لگلبك ...حياتي انتي يله اني اروح عيب من ابوج والزلم اوك عود اتصل بيج

انتضريني مو اتنامين ...اوك يروحي الله وياك دير بالك علئ نفسك سلم وطلع گعدت يم النسوان شوي وراحوا اني صعدت لغرفتي بدلت ونزلت ساعدت

رفل بالعشه ورتبنه البيت من الهوسه الصارت اجو اخواني وابويه كلهم باركولي بس رواد شگد قهرني بسرعه صعد الغرفته حتئ ماباوع ابوجهي

اتمنيت يجي يحاجيني ويباركلي وننسه الراح ويسامحني وسامحه بس كلش قهرني بتصرفه ماهتميت عمر اليكره ميحب خليني بفرحتي

المهم حصلت علئ حبي وبرضات ابويه عندي
تسوه الدنيا والبيها تعشينه وصعدت الغرفتي
حضرت ضليت ادرس بال10 دز رساله ها يروحي

گاعده جاوبته اي منتضرتك حبيبي دگ جاوبته
علئ فكره محمد جابلي هديه اليوم مبايل كلش
حلوو بمناسبه الخطوبه ضلينه انسولف مره يحجيلي

اشلون نزوج وشلون يجهز للعرس ومره يغازلني ومره يذبلي شعر فديته بس صوته يرد العافيه ... حبي باجر اني اوديج للدوام ...لا حبيبي ميصير

عيب ..شنو العيب بالموضوع هسه انتي مرتي وحلالي شبيج ...اي اعرف حبيبي بس الي يشوفنه يگول البارحه خطبوا واليوم يفترون سوه غيرك

ميفكر مثلك ...اوك يروحي براحتج سوي الي يعجبج ضلينه نحجي ل2 بالليل بعدين نمنه
گعدت الصبح جهزت نفسي ودزيت رساله لمحمد

كتبت بيها صباح الخير ياكل الخير احلئ صباح لاحلئ حبيب ونزلت جوه مرتضئ وصلني للدوام
دخلت للمدرسه وكلهن باركلي وفرحن الي

لهنا ينتهي البارت اسفه مگدرت انشر هوايه ومن وكت لان كلش مريضه فلاونزا فوول بالگوه كتبت
هذني اسفه ع تقصير. انشالله باجر انزل 3 شنو رائيكم بالحداث وياترئ راح ينتهي الحزن وراح يعيشون محمد وبتول بسعاده ام ماذا يخبئ لهما القدر     للحكايه بقيه.  شمس🌻ايلول