رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل السابع عشر 17 - بقلم 🍃..شـمـس

شٍمََّس أّيِّلَوِلَ
أّلَبِأّرتّ أّلَثّأّمَنِ عٌشٍر
ضّأّبِطّ بِهِيِّبِتّهِ 🌟وِعٌشٍگلَهِ طّفِّلَهِ

سيكون اللقاء حبا سيجمعنا الله
به رغم عناد النصيب.والبعد والحض
وعادات الاهل

أّبِوِ بِتّوِلَ....والله ياخويه جياتكم علئ عيني وراسي واني اتمنه اناسبكم وين الگه احسن منكم بس خويه عذروني ماعندي بنات للزواج اتمنه تعذروني وتتفهموني

عمي....هاهيه خويه مانلح عليكم الله كريم كلشي قسمه ونصيب واحنه ماعدنه قسمه يمكم يله احنا نترخص منكم وانشالله ماثگلنه بجيتنه عليكم

ابو بتول.... لا خويه شتحجي جيتكم علئ عيني وراسي واني خجلان منكم وجهي اسود اگبالكم
اتمنه تعذروني خوويه

عمي....لا خويه معذور وجهك
ابيض والله يقدم البي خير
يالله احنا نرفع الزحمه

محمد...همه يحجون واني افور واغلي من داخلي اشلون يعني عمي نهة كلشي يعني بعد ماگدر امشي اوووف يابه شلون اوياج يالدنيا اشوكت تنصفين وياي ولج دمرتيني ولج اضلين اتفرين بيه اشلون وياج ولج اشو بس اني شربتيني من كاس مرج وعني ضميتي عسلج ولج ليش اوووف يابه اشلون هسه اني اضل هيج ولج بتول طلعي طلعي واگفي گدام الكل وگولي اريد محمد وشوفي شسوي ولج
والله اوگف بوجه الكل واسويج الي ولج احرگ الدنيه والبيها واخذج بس طلعي وطمنيني عنج  بتول بت گلبي بت روحي اخخ بتول اخخ احس روحي مثل الام الي مضيعه ابنها ومتدري عنه شي
احس روحي مدمن عليج ولج وينج يروحي لتعذبين روحي  اذا بعدج تحبيني اني احبج موت واذا متصدگين تعاي احلفلج بعمري اشم نسمه هواج وانتعش بيه لان منج يهب الهوه العذري مثل مجنون ليلئ صرت بجفاج وماحبيت غيرج وانتي تدرين صبرت وياج حد ماطلعت الروح وجزع مني ونفذ وياج صبري وانه بحبج صدگ شايف الويل واحس
جمره غرامج بيه تجري وحبج سم احسه بدمي مخبوط وصار بمسلج بالشريان يمشي طلعنه من بيتهم واحس ضاع مني شي ماممكن يتعوض عنه شي ثاني عمامي حاولوا يحجون وياي بس مانطيتهم مجال صعدت بسرعه لغرفتي كسرت كلشي بالغرفه ماخليت شي ماكسرته واصيح واغلط وعاتب بيها لبتول اخر شي وگفت گبال المرايه صفنت علئ روحي لگيت دموعي تجري گمت امسح بيهن واصيح لتنزلن ولجن لتنزلن وتعمني واني اعيط بصوت عالي واهلي يدگون بالباب ويصيحون عليه بس مو يمهم اني اخر شي صحت بتووول باقوه ماعندي من صوت وضربت المرايه بايدي بكل قووتي صارت تراب هلگد ماقويه الضربه اباوع ايدي عباره عن دمايه والگزاز منبل. بيها جريت الباكيت مال الجگاير وطلعت امي اتجر بيه اخواني اربعتهم فوگاي يردون يوگفوني سمعت. اختي اسراء اتگول الله ليوفقج بتول اسويتي بالولد خبلتي گمزت يمها گتلها السانج اگصه اذا جبتي طاريها مفهوووم بعصبيه سكتت ماجاوبت عطت بيها مفهووم گالت اي مفهوم عفته ومشيت وگف بوجهي رائد گال محمد لتطلع بهذي الحاله گتله وحق الحق الي يوگف بوجهي ادفنه اهنا وادفن روحي وراه طلعت بس شنو الهول الگاع انترست دم من ايدي وامي تبجي وتگول ابني راح يروح من ايدي ركبت السياره وكالعاده اگبال بيتهم اريد اشوفها اسمع صوتها همسها راح اموت بعد ماتحمل ولج ليش هيج حبيتج ليش اووووف وكل حسره اجرهة عبالك صدري يريد ينفجر
يا بت گلبي يام روحي جبيره الاااه البگلبي وخساره
خلافكم رديت اتمشه بشوارعكم واگولن اااه لوما جيت حسافه يروح تعب اسنين. خوفي وغيرتي
وربات الايام لاجني اتعبت لاجني لوليت يزرعٌي ومنتضر تلوح السنابل بيج لاحت سنبلج بس انه مجنيت يوديني الحنين لذيج الدروب يذبحني الحنين وهم الج حنيت .. ...... .  .........
گمت احجي وكانوا هيه يمي گمت اتخايلها
بتول حبيبتي شبيج شنو اليوجعج يروحي ريت الوجع بيه معقوله العيون الاحبهن هيج يصير بيهن
گومي يروحي گومي الحزن ميلوگلج حبيبتي گومي ضليت للفجر واگف احس اعيوني صارن اثگال شغلت السياره ورجعت للبيت الغرفه مينفات منها من الگزاز اخذت مخده ونزلت نمت بالاستقبال

بتول....من گالت رفل ابويه هم رفض ذبيت بجي مال اسنين مال عبرات مخنوگه وامي جتي عليه وتكفخ بيه وتگول هاا دزيتيله زهراء علمود يجي يخطبج موو انسي لو تموتين ماخليج اتشوفي بعد ياكلبه ياادبسز ياله گومي نضفي البيت كله غسل ومسح والحدايق والحوش كله اذا لگيت شي وصخ اموتج حمدي ربج ابوج لسه مادره جان هسه انتي امدده علئ القبله گووومي بتول ..استغربت من امي وتصرفاتها معقوله هيج اتعاملني علمود الي سويته گمت اسحل بروحي واتجه علحايط رفل اتوسلت بيها گالتلهه ... فدوه يمه اني اشتغل كلشي والله بس عوفيها مدشوفين حالها اشلونه وعينها ملصومه
يمه هاي بنتج ليش ميحن گلبج عليها گالتها ... رفل  السانج اگصه اذا حجيتي اني ماعندي هيج بنيه ما متربايه عدل افتهمتي وياويلج اذا ساعتيها لهاي الكلبه بتول ... سحلت بروحي سحل الحمدلله بابا راح لبغداد عنده شغل والا جان شافني بهل حال وجان عرف وموتني وگفت غسلت امواعين العشه بالگوه وگفت كل اشوي اگعد واگوم گملتهن ونضفته ورحت للحوش غسلته بالبرد جان شته بشهر الواحد
غسلته واني اطگ سن بسن وارجف انووب رحت للحديقه الحديقه كلش جبيره من الصفحتين والگراج
هم نضفتهن واني اباوع للسمه اندعي الله يخلصني من هلعذاب كملت ودخلت جوه نضفت الهول والغرف الجوه ودخلت سبحت بمي حارر گعدت جوه المي وابجي انخبطت ادموعي ويه المي ابجي بحركه ابجي علئ حضي والا علئ محمد والا علئ حبي الي مادحصل عليه والا علئ،اهلي وقساوتهم عليه والا علئ  حالي الي يبجي كملت وصعدت لغرفتي اتلگتني رفل گعدتني علئ الجربايه واني ارجف وعيوني مغورگه من الدمع والشهگه لسه بيه جابت هدوم ولبستني وتحجي وياي وتبجي ضلت. تتوسل بيه اكل ماقبلت مالي نفس بكلشي صار يومين مماكله   نومتني بفراشي وگعدت يم راسي تمسدلي واني احجي ويهِ روحي وعاتب بنفسي وبمحمد وبالدنيا
وبابويه وبأمي وبخواني بعدها غفيت

✨...#للحكايه #بقيه#

لهنا يخلص البارت اسفه صار يومين
مناشره البارتات لان ماعندي نت
. اوووف يامعانات بتول
ومحمد اشگد ما اكتب ماگدر اوفي حقهم لان
هواي تعذبوا بحياتهم وداحاول اوصلها بصوره
واضحه وبالتفاصيل ملاحضه القصه
حقيقه مو وحي خيالي شكرا لتفاعلكم
وياي

شمس✨ ايلول