رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الثامن عشر 18 - بقلم 🍃..شـمـس

محمد: ضليت حاير مادري شسوي اشلون اخلصها من عذابها وشلون اخذها احس روحي مخنوگه تريد ولفها اووف بتول يروحي شلونج يبت گلبي مشتاگلج مشتاگ الصوتج يعمري ضليت اليوم كله حابس روحي بالغرفه مالي واهس كلشي بس ادخن واجر حسرات وافكر اشلون اخليهم يوافقون. عليه ادري هسه ديعذبوها ويبجوها ريت وجعج بيه يروحي اشلون يربي اشلون تعبت ومادگدر اصبر مادلگي حل يرضي يعني اشلون اخطفها اخذها غصب ليش ياربي ليش هيج يصير ويانه المشكله تعلقت بيها ماگدر بدون صوتها

ربي عونك اريد اتنفس بكونك

بتول:  اووف محمد وينك ساعدني راح. والله راح اموت مشتاقتلك والله كلشي يوجعني جسمي وعيني والاكثر گلبي گلبي يوجعني عليك روحي طاگه عليك
الليل كله اوون من الالم بالف يا الله يله طلع الصبح ماعرف شلون غفت عيني فزيت من نومي بصرخه اخخخخخ  اجاني راشدي من رواد علئ وجهي وصارت الضربه علئ عيني الي توجعني گمت اصرررخ من الالم ولازمه عيني واگمز فزت رفل علئ صوتي واني اصررخ وهو واگف ويجر بشعري ويغلط ويسب گامت رفل وجر بي بالگوه فكته مني وهيه تغلط علي وتگله ولك رواد كافي موتوها للبنيه شنو الي سوته هيه وهيج تعاملوها حرام عليكم ولكم هاي بتكم بت لحمكم ولكم هاي بتول شمعه البيت المدلله طفلتنه هاي ولك رواد خاف الله لخاطر الله اختي راح اتموت ولك ماكفاك جسمها كله وجع وزراگ وعينها مزورگه ومشوف بيها وفوگ هذا امي الي ذبت شغل البيت كله عليها وهيه تسحل بروحها سحل ولكم شوفوا جسمها رايحه ضايعه من الضعف وانتوا اضربوها هيه بيها ضربه ياخي احنه خواتك حس بينه لخاطر محمد تحجي وهيه تبجي طلعته وقفلت الباب ضل يعيط ويصيح ويگول والله لشوفها انجوم الضهر هلكلبه. اني الج بتول اني الج............
بتول گمت ابجي واصرخ واصيح محمد ساعدني محمد راح اموت. تعال شوف الي ديصير بيه وينك محمد ووووينك. الحگلي راح اموت بيد هلضلام تعال وخلصني منهم تعال حبيبي.     مرتضئ مرتضئ خويه حزام ضهري سندي خويه وينك تعالي محتاجتك مرتضئ اخويه  الجبير راح اموت تعال شوف اختك شصاير بيها تعال.     يابه ولك يابه الحگلي يابه راح تموت بت گلبك انت مو اتگولي الي يزعلج اموته الي يغثج ادفنه ولك يابه تعال شوفني وشوف حالي  المن اعاتب المن اشكي بيمن استنجد وشهگاتي تعله ورفل لازمتني وتهدي بيه وتبجي وياي شفت المرايه مال الميز گدامي گمت بسرعه غمضت عيني وضربت راسي بيها بكل قوتي ما اسمع بس صوت الگزاز وشي حار ينزل علئ وجهي ورفل تعيط ودگ بالباب اجتني ترگض لزمتني حطتني بحضنها وتعيط وبعدها فقدت الوعي ماحسيت الا اني بالمستشفئ ورفل فوگ راسي وزهراء گاعده يم رجليه وتبجي وامي گاعده بعيد علكرسي ودايره وجها   
زهراء بتول حبيبتي ليش هيج سويتي بروحج ياعيني والله محمد گالب البيت علينه لا ليلنه ليل ولا نهارنه نهار والنوب انتي هيج اسين بروحج. حبيبتي اصبري اتحملي هذا بلاء من الله ربنه اذا حب مأمن ابتلاه الله ديختبر صبرج ولازم اتنجحين بهلختبار وصيرين قويه
اني بس ساكته وابجي راسي مشدود وعيني هم ومعلگيلي مغذي شويه ودخل الدكتور جان مو كلش جبير نهايه الثلاثين. گال ها شلونهه العصفوره الحلوه شلون صارت بتسمتله بتسامه كلها وجع والم وحزن گال ممكن اطلعون اريد افحص المريضه طلعن بقه واگف يمي گال باعي بنتي انتي متعرضه لاصابه كلش خطيره براسج ونازفه هوايه دم وعينج مزورگه ومتاذايه گولي منو الي سوه هيح بيج تحبين تشتكين علئ احد گتله اني هيج سويت بروحي گال مامعقوله شنو السبب الي يخليج هيج اسوين دنگت. ودموعي نزلن گتله تعبانه دكتور تعبانه فدوه ماريد اطلع من المستشفئ اذا اطلع اموت گال بنتي ومنو گالج اخليج اطلعين علاقل يومين يله. اهدي ورتاحي موزين البجي علئ عينج. وصيري قويه وتحملي الله كريم اتهون
طلع الدگتور گاللهم البنيه حالتها صعبه لازم تبقه تحت العنايه گالت امي يعني منطلعها اليوم گاللها شنو اليوم علاقل يومين عينها كلش متاذايه طبن عليه رفل گالت الامي روحي للبيت اني وزهراء نبقه يمها ماقبلت بس گالتلها بتول تعبانه محتاجه لراحه وهيه تخاف منج روحي وباجر تعاي اني اختها يمها راحت امي وضلن زهراء ورفل يمي گتلها زهراء اريد اخابر محمد بصوت مبحوح گالت اي خابرت عليه ونطتنيا دگ جاوب هاا زهراء. عيني بشري شلون صارت طمنيني گتله محمد وبجيت بصوت عالي گال بتول حبيبتي يروحي شبيج حياتي احجي اشبيج طمنيني عنج حبيبتي گتله محتاجتك محمد محتاجتك تعبانه بصوت مبحوح من البجي والعياط والتعب گال جايج يروحي گولي بيا مستشفئ انطيته لزهراء انطته العنوان گالت رفل خاف رواد يجي گاتلها زهراء خل يولي وگامت تغلط علي لشوي دگ محمد طلعتله زهراء اشوي ودخل عليه رفل وزهراء طلعن وسدن الباب رگضلي وگعد يمي ماسيطرت علئ نفسي گمت ابجي بصوت عالي حضنته حيل ودفنت راسي بصدره وابجي احس اكو امان ودفو وراحه بحضنه اول مره المسه اني ابجي وعاتب بي ليش محمد ليش عفتني ليش والله متت بعدك انذليت حبيبي ضربوني اذوني واني اتوسل بيك وعاتب بس انت ماجيت جان حاضني ويهدي بيه ويهمسلي وخرت عنه لزمني بثنين اديه من وجهي ويمسح ادموعي واني اشهگ واناشغ والعبره لازمتني گال حبيبي ماعاش الي يبجيج يروحي انتي ماريد ادموعج تنزل واني اشم الهوه والله لدفعهم ثمن هلدمعات الحلوات مثل صاحبتهن ولج والله الدمع ميلوگلج ربج خالقج ضحكه هوو اشوف عينج معقوله هاي العيون الاحبهن هيج يصير بيهن يروحي ليش اتاذين نفسج والله اتاذيني من اتاذين روحج حبيبتي صيري قويه اريدج تتحملين كلشي واوعدج اخذج غصب علكل واحطج ابيتي حبيبي كافي من البجي والله ماتحمل اشوفج تبجين. اشوي وطبن البنات زهراء گالت يله محمد لازم اتروح ليجي احد ويشوفك گاللها اي رايح اجه يمي گال حبيبي صيري قويه وتحملي وعد شرف اخلصج من هلضلام اتحملي كلشي لخاطري هزيتله براسي باسني من راسي وطلع حسيت نفسي ارتاحيت حتئ الالم راح مني. گعدن البنات يمي يسولفن وياي يردن يطلعني من الجو الي اني بيه حيل ارتاحيت لمن شفت محمد نسيت كل الصار وياي مجرد ماشفته للعصر اجه علاوي اخويه شبگني وضل يبوس بيه اني بجيت لحضنه بعدين اذكرت محمد من گال صيري قويه وعوفي الدمع مسحت ادموعي. هوه گعد اشوي وبعدين جابلنه اكل اكلنه اني مگدرت اكل اهواي احس بلعومي متجرح من البجي والعياط گلنه الزهراء اتروح عيب من رجلها وعيالها هيه ماقبلت بس اني لحيت عليها بقينه اني وعلي ورفل للمغرب اجه الدكتور فحصني گال الحمدلله علئ السلامه لا زينه صايره مثل الورده  گتله تسلم. دكتور ممكن اطلع گال هااا شتفقنه گتله لا دكتور لازم ارجع اني قويه واگدر اتحمل گال عفيه بنيتي هيج اريدج سباعيه ومتعوفين حقج ومتستسلمين بسرعه جهزتني رفل وطلعنه سندني علاوي وصلني للسياره لان ماگدر امشي بعدني تعبانه التفتت شفت محمد واگف ومنتجي علئ سيارته ومكتف اديه  ويباوعلي
باوعتله وبتسمت وهو هم ابتسم حسيت نفسي رتاحيت من شفته اتمنيت رغم تعبي اركضله واحضنه وصيح بعالي صوتي ياااناس هو راحتي هو ملاذي الوحيد هو قوتي وسندي وفرحي وحزني وتعبي وهو الهوه الاشمه صعدنه بالسياره وهو مشه ورانه ضليت طول الطريق اباوعله ماشلت عنه عيني قبل جنت استحي اباوع ابوجهه بس هسه لا هو روحي وعمري وكلشي بالنسبه الي وصلنه دخلنه للبيت وهو راح اول مادخلت ورفل وعلي سانديني شفت امي بالمطبخ بالجذب ماشالت راسهه وباوعتلي اختنگت بعبرتي  رفل همستلي گالت رفل معليج العنده الگمر شيسوي بالنجمات اذكري محمد شگد يحبج وشلون گالج صيري قويه لخاطري لتخيبين ضنه بيج بتول انتي گدها امشي استجمعت قوتي ومشيت ومنعت ادموعي كلام رفل قواني اي صح اني لازم اصير قويه واگف بوجه الكل. لخاطر حبنه

محمد:: من شفتها احس روحي انعصرت عليها شمسوين بيها ريت وجعها بيه الحمدلله ارتاحيت اشويه بشوفتها ثاني يوم طلعت الصبح للدوام ووصيت زهراء،بيها كل يومين اتروح اشوفها وطمني عليها بهاي الفتره اني التفكير اكل راسي گلت خل افوت مده اشكم شهر واروح امشي عسئ ولعل يقبلون. حتئ،عافيه ماضلت بهلروح اوووف يولفي وليش هجرانك اخذ من عندي عافيتي

مشتهيك
وگلبي مثل الطير ويرفرف عليك
يمتئ المحك
يمتئ اشوفك
ولو تواعدني بحلم همين اجيك
مرلي غبشه
مرلي نسمه
مرلي طيف
لا تضم شوگگك حبيبي وانه ادري البيه بيك
ارد اشوفك
ارد احضنك
ارد اشمك
وانسه كل همومي بيك

للحكايه بقية