رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل السادس والعشرون 26 - بقلم 🍃..شـمـس

محمد: احس گلبي انكسر عليها من تحجي وتبجي ودموعها تنزل مثل امطر انجنيت اووف اني بت گلبي هيج يصير بيها وصلتها يم المدرسه ورحت گلت اليوم لو اني لو اخوها الكلب يسترجل عليها والله لگلب عاليهم بسافلهم وصلت يم بيتهم شفت رواد وعلي واگفين يم الباب گلت بگلبي جيت وجابك الله اني العصبيه من البارحه صاعده عندي النوب شفتها وشفت دموعها وشمسوي بيها هذا الكلب دمي فار احس بركان نار بداخلي بس اريده يحجي علمود اجنزة نزلت من السياره حجه

گال خير شعندك جاي روح منا الجنت تجي عليه صار الغيرك ..لزمته من زيجه گتله ياكلب ياساقط تمد ايدك علئ بنيه انت رجال طلع مراجلك عليه مو علئ مرة لا حوله لا قوه دفعني وخرني گال روح منا احسلك والبنيه راح تزوج شيلها من بالك دشوف هاي الباب منا راح تطلع عروس بثوب الابيض بس مو الك لغيرك ماتحملت كلامه استفزني ضربته علئ خشمه بكل قوتي انوب لزمته وضرب گتله الغيري مصير وهاي الكلمه گلتها من اول مره شفتها واذا احد ادنالها اعدمه هنا

قبل ميفوت هاي الباب خليها ابالك اسبحها بدمها بثوب عرسها اذا صارت الغيري وادفنه هنا گام يغلط ويسب حتئ مابي يضرب دميته گتله اذا مديت ايدك عليها متلوم غير نفسك وحق الله البسك تهمه الها اول مالها تالي واخيسك بالسجون واني ضابط وعندك الحساب وتعرف شگد سهل عليه هيج شي علاوي بس يهدي بينه خطيه مبين فقير مو مثل هذا الكلب دفعته ومشيت گام يسب بصوت عالي ويغلط عليه وعليها ويتحلف يموتها اليوم ماتحملت سحبت سلاحي وضربت صليه فوگ بيتهم

وضربت وحده عليه اجتي شخط بكتفه جنت اگدر اموته بكل سهوله بس ردت اخوفه. عفتهم ركبت السياره وطلعت الجيران كلها التمت والناس صوتنه

جان عالي صياح وعياط

بتول: شفت السيارات والهوسه گدام الباب ضربت خدي گلت اوويلي اسويت محمد اكيد موت واحد من اخوتي ضليت واگفه وارجف ودموعي اتصب. شفتهم ابتعدو اشوي عن الباب رحت دنگت ومشيت طبيت واني الخوف ماكلني گلت اترحمي علئ روحج بتول انتهيتي شفت باب الخطار مفتوحه وبيها زلم ماحس غير احد جرني من ايدي ودخلني بالمطبخ اباوع طلعت رفل گالت ولج مصخمه اسويتي اشبدعتي ولج اخوج راد يموت من وراج گتله واني ارجف شكو شصار احجي منو مات والله مسويت شي

حجتلي كلشي وشمسوي محمد گلت هاهيه هذا يومي محمد اشكم مره وصيتك اني الي اروح بيها اكيد راح يموتوني ابويه وخوتي اني صعدت فوگ وبدلت ونمت بفراشي واني ابجي وارجف كل اشوي اگول راح تندفر الباب ويطبون عليه يذبحوني فاتت ساعات ولا احد صعد ولا اجه حتئ امي ورفل ماصعدن الي تقريبا جانت الساعه 6 بالليل ويه اذان المغرب نزلت علئ كيفي اسمع صوت اخوتي يتوعدوله ويتحلفون عليه متت بدمي رحت للمطبخ شفت امي ورفل وعمتي ام زهراء اجتني رفل گالت

ليش نزلتي استري علئ نفسج وصعدي وقفلي الباب لان اذا شافوج خواني يذبحوج ويكون بعلمج ابويه ومرتضئ عرفوا بكلشي اصعدي بسرعه ضليت مثل المصدومه معقوله ابويه عرف زين وشگال وشراح يسوي باوعت الامي گاعده وتمسح بدموعها اي امي تبجي بس مو عليه تبجي لا علئ رواد لان نزل منه دم اشويه زين اني مو هم بتها ياما نزل مني دم ونضربت ونهانيت وشفت الويل وصرت عباره عن هيكل عضمي گدامها اشو ماشفتها بجت عليه ماشفتها انقهرت علئ حالي بالعكس جانت

ازيد همي هم وتقسي عليه وتعذبني فوگ عذابي عذاب باوعت لعمتي واني امسح بدموعي اشرتلي صعدي فوگ صعدت واني بالگوه ارفع رجلي احس ماعندي قوه وحيل ماعندي سيطره علئ جسمي واگدر احرك بي صعدت للغرفه كالعاده مخدتي ودموعي وقهري وعذابي ماعرف اشلون نمت لو اشوكت نمت اصلا گعدتني رفل للدوام گالت جهزي نفسج حتئ اخذج بالخط وياي لان باجر يله يجي الخط مالج سالتها وين اخوتي وابويه ورواد شبي سولفتلي وگالت جرح بسيط بس وجهه صاير عباره عن جروح

وزاگ گلت بگلبي حيل كون حتئ تحس بيه لمن تلزمني ضرب وصكك عليه فرحت انو عندي سند وضهر يحميني ويدافع عليه صدگ ثبتلي حبه وگال اخذلج حقج واخذه. جهزت نفسي وطلعنه الحمدلله ماشفت احد ولا شافني صعدت بالخط ويه رفل جانت سياره هونداي بيها طلاب جامعه ولد وبنات سلمنه وطلعنه وصلوني يم المدرسه وگالت رفل انو انتضرها ارجع وياها راحت واني دخلت للدوام شافتني زهراء وسولفتلها ع صار وعرفت منها انو هو رجع للدوام اليوم صفنت يعني گطع دوامه

واجه عليه من الناصريه لهنا اخذلي حقي ورجع صدگ رجال بمعنئ الكلمه بس مخبل بتصرفاته وبحبه وشغفه بيه مر اسبوع عادي ابويه وخوتي يتعاملون ويايه عادي ولا كانوا صاير شي بابا نفس حبه ودلاله الي متغير شي وعرفت من رفل انو گايل هيه طفله وغلطت وعرفت ثمن غلطها بس ماعرف بالي سواه بيه رواد او عارف يگلبها للدنيه بس اني سكتت والكل سكت مرتضئ منشوفه بس بالجمعه والسبت لان يداوم ابغداد وعلاقته وياي حلوه رواد مالي دخل بي لا احجي وياه ولا

هو يحجي وياي كلش مبتعدين ماما رخت وياي اشوي بس بعدها اتگوم وتگعد اتگول الا ازوجج ابن خالج ماهتميت الكلامها ابو الخط گام كل يوم يجيني اني وصديقاتي 3 هو ابو الخط يصير اخوها المريم صديقتي هيه ويانه بالخط هو الولد اسمه مصطفئ من زمان جانت اتگولي مريم انو هوه معجب بيج بس اني ممهتمه اله ابد ولا مباوعه الوجهه محمد اختفئ ماكو اني لمن يختفي اعرف

انو هو بالدوام. بيوم جنت دطلع للدوام گالت امي انو اليوم تجي مرت خالي ويتفقون علئ الخطوبه تخبلت وگمت احجي وهيه قافله واني لو اعرف امووت مازوجه شلون نفس يعني من بعد مارفضته يقبل ياخذني گمت ابجي اوووف يهلدموع اشوكت تنشفين وتبطلين اصبين ياعين اجه الخط طلعت گلت  صباح الخير وصعدت گالن البنات خير شكو بتول شبيها عيونج ... مابيه شي بس تعبانه ..گالن لا بيج احجي شنو الصاير ...

گتلهن امي اتريد ازوجني لابن خالي واني ماريده واحسبه مثل اخويه گال مصطفئ ..اشلون هيج هو الزواج خوما جبر زين انتي ماگتيله ماريدك ..گتله بلي رفضته وجه بوجه بس ماعرف اشلون اله نفس ياخذ اخته ... بتول ماعرف شگلج ..گتله لا گول ..گال بتول انتي تدرين اني من زمان رايدج ومعجب بيج اذا مقتنعه بيه اجي امشي عليج واخذج واني من باجر مستعد اجيب امي ونجي ... گتله والله مصطفئ ماعرف شنو اگولك ...

گال لجاوبين بتول اني گتلج فكري بالموضوع ورديلي خبر ولتترددين بجوابج شيكون ردي الي ... گتله الله كريم ضليت افكر شنو السالفه ليش هيج يصير بيه وليش دوگع بهيج مشاكل وصلنه للمدرسه ضليت الدوام كله افكر بالي گاله مصطفئ زين ومحمد اشلون والله يگلب الدنيه واني لو موت ماحب غيره لو اتقبله ماعرف شسوي بس الي اعرفه انو مازوج احمد ابن خالي لو اعرف امووت