رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل السادس والثلاثون 36 - بقلم 🍃..شـمـس

ضليت الوب اروح هيج واجي هيج العبره خانگتني احس گلبي ناغزني اكو شي محمد خابرته ساعه 11 ونص گال بعد نص ساعه اوصل وخابرج وهسه

ساعه 3 ونص وماكو ادگ عليه مغلق يارب ماكو شي عيوني ربي احفضلياه هو روحي من الدنيه
انشالله ماكو شي يارب روح شعور الخوف من

الفقدان من بالي الي شفته يكفي ماريد انصدم بشي
ضليت الوب رحت يم عمتي هيه هم خايفه وقلقه بس متبين هلشي وتهدي بيه ضليت ادعي ولازمه

الفون بيدي ماسيطرت علئ دموعي نزلت بسرعه اووف يهلدموع جنت ابجيج بقهر ماريد هلقهر ينعاد دخيلك ياابو فاضل احميلي محمد من كل سوء

وطمني عليه گلبي مثل النار. اجه علي جايب مرته
من بيت اهلها وجهاله اتلگيته ..فدوه علي الحگلي محمد ...خير شبيج شكو شبي محمد ..محمد ماكو

مدري شبي گلبي ناغزني عليه طلع من الصبح للدوام وخابرته ب 11 گال نص ساعه واوصل وهسه صار 5 ساعات وماكو ادگ عليه مغلق فدوه اصرف ...اشلون

هيج ليش مخابرتوني اني اعرف ولد وياه هسه اخابره وفتهم اهدي انشالله ماكو شي يجوز مخلص شحن ماكو شبكه تفألي بالخير ...عيوني بسرعه دگ

اجوي الولد علئ صوتنه كلنه اشتمعنه بالهول اني ابجي الكل يدعي اتصال علي علئ الولد وحجاله وگاله شوفه وردنه خبر لان الاهل بالهم عليه

گله 5 دقايق اتاكد من دوامه واجيك ضلينه ننتضر حسيتها خمس سنين دگ كلنه گمزنه وندعي رد گال خويه هو اليوم دوامه بس هو ماكو ممداوم ما

موجود ...اشلون ماموجود معود اتاكد زين من الصبح جاي ..اگلك اتاكدت ماكو الضابط محمد جهاد
ممداوم ..اشلون لعد شنسوي هسه امه ومرته گلبهم

مثل النار عليه ... والله مادري هو گلك قريب علمقر ماله يعني اكيد موجود راح اطلع مفرزه ادور بالماكن القريبه ايجوز سيارته عطلانه صار وياه ضرف

...انشالله ماكو شي خويه زين نجي اني واحمد خوانه ضباط نطلع وياكم ...ماكو داعي تجون هسه اني اطلع مفرزه واذا صار شي ابلغكم وراح

ابقه علئ تواصل وياكم ...انشالله. خويه متقصر فدوه استعجل سده من عنده وگال ماكو اي خبر ميعرفون عليه اني لطمت خدي لا محمد لا لتسويها

مالي غيرك بدنيا لتعوفني عيوني ربي اخذني ورجعه النا والله ماريد شي منك بس اترجعلي محمد سالم
غانم مابي شي عمتي گامت ادگ علئ راسها زهراء

تهدي بيه الولد بالگوه لازمين ادموعهم ضلينه لليل احنه خايفين ونرجف. ونتصل بالولد ايگول بعد ديدورون عليه ..محمد عيوني لتفجعني بفقدك

الصبح جنت فرحان والفرحه شاگه وجهك وسولف وتشاقه لتفجعني بيك والله اموت بلاك عيوني ربي متنه يله انجمعنه شفنه الويل وسواد الليل بعدنه

شهر العسل ممكملي محمد ارجعلي فدوه. ضليت افتر وابجي وادعي وانخه اهل البيت دخيلك ياابو فاضل انت شاهد علئ حبنه وانت جمعتنه لتفرقنه عليك

بستر زينب نخيتك لا تفشلني احميلي محمد ورجعلياه سالم وضع البيت كله متوتر الولد يرحون هيج يجون هيج منعرف اشلون نصرف 10 بالليل

دگ الموبايل طلعنه نركض كلنه نريد بس نعرف
اشصار لگوه لا رد علي وحجه وياه اني بس اباوع علئ شفافه اريد ينطق يحجي ماكو ساكت وفاتح

عيونه علئ كبرهن ادموعه صبت وگع علئ اركبه اني مصدومه من الموقف شكو شصار معقوله محمد مات لالالا محمد مامات لا فدوه عمتي گامت اتعيط البنات

يبجن ويلطمن الولد كل دمعه يذبوهه رحت يم علئ لزمته من اكتافه ...احجي علي احجي لتسكت شبي محمد ولك احجي وينه شگالولك محمد وين شبي

ولك احجي واهز بي احجي وابجي ومصدومه من الي ديصير ..راح بتول راح محمد راح ..ولك وين راح احجي محمد وين ..ماكو محمد ماكو لاگين

سيارته كلها طلق وهدومه متروسه دم بس هو مالاگينه ..ولك شتحجي انت لا لا اكيد تشاقون مامات محمد مامات هو وعدني ميعوفني گمت ادگ

والطم وعيط ورائد ونغم يهدون بيه اني فقدت اصيح وعيط وادگ والطم مادري بنفسي بس مادصدگ الي يگوله متاكده محمد عايش ماميت

هو ميعوفني عمتي تخربطت اخذوها روان وسهئ
وطلعوا محمد وعلي راحو لمكان الحادث اني ونغم ملخنه نفسنه اعيط وابجي وزهراء اتهدي بينه

ولك ليش محمد ليش بعدني ماشبعت منك ولك بعدك عريس فرشه عرسك مفروشه ريحه غرفتك مال عرسان ولك متنه يله انجمعنهاشلون اتعوفني

وتروح اشوي البيت انترس ناس گورايب وغربه دخلن خواته يعيطن ويبجن اني اغمئ عليه وشالوني
صحيت وره ساعه لگيت نفسي نايمه علجربايه

وامي ورفل فوگ راسي يبجن وعيت صارت عيني علئ صوره عرسنه گمت نزلتها بسرعه حطيتها بالگاع وحضنتها وابجي وعاتب بي ليش عفتني المن عفتي

شفتك بالصور مديت ايدي
عليك گلت بلكت الي من....
صورتك.... تطلع وبقيت ابجي
وانوحن واحجي وياك واصيح
بعالي صوتي.. وياك ماتسمع 
دليني علئ دارك خل اجيك ازحوف
واذا شفتك امامي انحني واركع...
اذا يقنعني حجيك من تگلي
تعود فهمني علئ گلبي بيا حجي
يقنع وما اصبر بعد وتگلي صير
ايوب اذا اصبر بعد غير الصبر ...
          يجزع 😢

للحكايه بقيه