رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل السابع والثلاثون 37 - بقلم 🍃..شـمـس

ضليت ابجي وعاتب گلبي طاگ عليه اريده هذا زوجي حبيبي عمري فرحتي اريده يرجع يمي مثل البارحه ونگضي الليل نتاغزل ونتسامر والله ماشبعت

منه ومن عطره ومن دلاله وهتمامه بيه امي ورفل يهدن بيه ويبجن علئ بجيي صعبه والله ياناس صعبه سنه وشويه احنه شفنه الويل يله اهلنه و

وافقوا علئ زواجنه وزوجنه وبعدنه مامكملين 20 يوم ويعوفني اسمع صوت نسوان يعيطن جوه نزلت مثل المخبله جوه خواته املخات روحن كومه ناس

بالبيت ماعرفهم وما اركز عليهم امي ورفل نزل ورايه ويصيحن عليه قبل مانزل ب3 بايات وگعت اتلگني واني اصيح محمد محمد لتروح محمد وينك تعال

محمد لتعوفني كمل فرحتك بابنك لتروح محمد گلبي طگ عليك جني گومني وگعدني ولك وينك جاوبني
عمتي گاعده بس حيل تعبانه والمغذي معلگيه الها

حالها يبجي الصخر خواته ملخن نفسهن خدودهن يجرن دم صوتهن راح من العياط زهراء وسهئ يهدن بينه امي ورفل مگابلاتني ويبجن علئ بجيي مَأّعٌرفِّ

اشلون طلع الصبح علئ عيطه الوحده والبجي صارت سبعه الصبح اني انام دقايق وافز اعيط گالوا الولد بالطريق ماگالوا ميت لو عايش نزلت جوه والبيت

كله حزن وبجي خالتي گاعده وتنعي عليه خواته املخات نفسهن اني كل اشوي يغمه عليه ويشيلوني
امي ورفل مافارگني ابد صارت بال9 اجوي الولد

طلعنه نركض كلنه للطرمه دخل احمد انتجه ع حايط وگام يبجي ويگول راح اخويه راح احزام ضهري راح سندي ولج يمه راح محمد راح حتئ جثه مالگيناله

ويبجي بحرگه اني واگفه يم باب المطبخ ومنتجيه علحايط احس انضربت علئ راسي من گال هيج يعني محمد راح من اديه محمد مات لا لا مامات

لتگولين هيج بتول يزعل عليج متاكده هو عايش گلبي يگلي عايش وعقلي يگلي راح ونتهئ وماعاد موجود بحياتج  ضليت واگفه ومصدومه

ودمعي يصب عشره عشره  امه وخواته يعيطن ويلطمن ويبجن دخل علاوي وعيونه مغورگه بالدمع
شايل ملابس محمد وكلها دم ومشگگه والنجمه

مخليها عليهن وگف وحطهن علئ وجهه ويبجي بصوت ..خويه حزام ضهري محمد والك محمد ابو طول الحلو ابو ضحكه الحلوه محمد ليش عفتنه

شراح اگول لامك الي ربتك وانت بالگماط بدون اب وكبرتك ووصلتك وسوتك رجال وزوجتك شگوللها  رجعت بدون اخويه بدون لا جثه ولا جسد ولك

خويه لو مرتك شراح اگوللها مرتك الي راح من حيلك حيل وواجهت الكل واخذتها وبعدك 20 يوم ممكمل وياها بعده شهر عرسك مامكمله ولك فرشه

عرسك مفروشه بعدها ..حاط الهدوم علئ وجه ويبجي وينحب بالگوه سحلت رجليه ووصلت يمة ...علاوي شگاعد تحجي علاوي محمد مامات مادصدگ علي مادصدگ

..بله بتول مات مات محمد مات ..گمت اعيط لا تگول هيج ما مات ولك ما مات. هو عايش اشلون ينطيك گلبك اتگول مات گمت اعيط لا ما مات

ما مات گمت الطم وعيط شوهت وجهي من الطم والخراميش هدومي شگگتهن عليه أگوم الحيلي واوگع اشب للسمه وانزل جرني النسوان وطببني

واني اگمز وعيط والطم نفشت شعري العياط بالبيت علئ عيطه الوحده الكل يبجي هذا كله واني مامصدگه ولا راح اصدگ محمد ميعوفني اني متاكده

خالتي اتعيط وتصيح گالت بعياط بتول بتول محمد راح بتول ابني راح ولج يتم ابنه الي ماشافته عيونه ولج شفتي الصبح اشلون فرحان ويسولف ويشاقه

شفتي اشلون يبوس بينه ويوصيني بيج ولج شفتي اثاري هذا الوداع يمه الوداع يمه محمد ارجع لمريتك
يمه تعال اشبع منها ومن ابنك اني لا بدين ولا بدنيا

تعبت من الطم والعياط والبجي صوتي راح ضليت صافنه ودموعي اصب واذكر ايامي الحلوه وياه من اول مره شفته لحد الصبح من طلع عمامه گالوا

ميصير انسويله فاتحه لان ما لاگين جثه ضلينه هيج لا هو الميت ودافني ونگول مات وعنده گبر ونزوره ونقراله فاتحه ونسويله ثواب ونعرف سبب موته

ولا هو الجاي ومكحلين عينه بشوفته وگاعد بنصنه ونعرف عنه خبر مر اسبوع علئ هلحال البيت ما بطل من البجي والعياط الناس تروح وترد خالتي كل شوي

تتخربط وياخذوها للمستشفئ امي اتروح وترد عليه رفل بقت يمي اتواسيني ودير بالها عليه بهاي الفتره اتاكدت اني حامل مافرحت بلطفل لان ابوه ماكو

بس هم فرحت اشويه لان من ريحت ابوه ايعوضني بيه اني حال الضيم حالي مادري ذروحي احس نفسي فاقده بس نفس يصعد وينزل لا اكل لا نوم

بس ابجي وانحب حاطه ملابسه وعطوره وابجي ابويه وخواني يجوني يواسوني يحجون ويايه اني بس ساكته ودموعي تجري حتئ صوت ماعندي اعيط

بي العبرات الي بصدري تخنگني الولد كل واحد حابس روحه بغرفته ميگدرون يطلعون علي واحمد يگولون فشلانين من امنه شلون نواجها

اوووف محمد فراگگ اخذ من عندي حيلي وعافيتي

للحكايه بقيه اسفه علئ قسوه الكلمات بس ماگدر احذف الاحداث منها وراح احاول باقصئ ماعندي اختصرها شكرا لتفاعلكم وياي