رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل التاسع عشر 19 - بقلم 🍃..شـمـس

بتول:  دخلت للغرفه نمت ماگعدت غير الصبح گمت دخلت للحمام سبحت وطلعت احس روحي احسن تحسنت علئ العلاج عيني اشوف بيها بس بغواش الدكتور گال اسبوع وترجع مثل ماجانت بس احس بدوخه من امشي جسمي صح كله زراگ بس الم خفيف طلعت لگيتهم گاعدين رحت سويت ريوگ وتريگت لا باوعت عليهم ولا حجيت كملت طلعت غسلت الحوش ونضفته والحدايق ودخلت جوه نضفت البيت كله ورحت لغرفتي ماحجيت ويه احد مرت الايام تحت رحمه امي ورواد اگوم بمسبه واگعد بمسبه حتئ اكل ميخلوني اكل وياهم فد سفره  اجوا بابا ومرتضئ اتخبلوا من شافوا عيني وضلوا يسالون گلتلهم انضربت بشباك المطبخ داطلع بسرعه ونضربت ماصدگوا گالوا معقوله راسج وعينج هيج يصير بيهن بضربه مرتضئ گال اتشوفين زين بعينج گتله لا غواش بيها گال العصر اوديج للدكتور اخصائي عيون گتله ماشي ماما سوت الامور طبيعيه مابينت الهم شي مع انو هيه كل يوم تتحلفلي انو اتگول لبويه بس ماحجت استغربت من ماحجت لان الشفته من امي بهاي الفتره حسيتها مو امي من القساوه الشوفتنياها المهم صار العصر ورحنه اني وامي ومرتضئ فحصها العيني الدكتور اتخبل من شافها يگول بعد اشويه وتفصل الشبكه مال عيني يگول عندج حض گلت بگلبي ياحض  هذا الي يوصلني لهل مواصيل انطاني علاج ورجعنه ونفس الروتين بين الشغل الي كاسر ضهري امي جان عقابها كلش غريب ذبت كل شغل البيت عليه هيه بس اسوي اكل زهراء دائما تجيني وتطمان عليه وجان محمد يدزلي رسائل بيدها......

محمد:  گضيتها دوام بهاي الفتره فوگ تعبي كوم شغل وگع عليه تدريبات صبح ومسه من ارجع من الدوام اضل افتر بالمنطقه وبفرعهم مرتين شافني ابوها وخوانها هذا الكلب رواد يهدد ويحجي بس ماهتميتله ماشلته من گاعه ..اني كل همي حبيبتي مرن شهرين واني ماسامع صوتها وماشايفها بس زهراء اجيبلي اخبارها... يعني صار 7 اشهر علئ علاقتنه من اصعب الايام العشتها بعمري رغم البعد الي بينه احس روحي كل يوم احبها اكثر وتعلق بيها احس روحي ضايع بدونها...حتئ عافيتي انسلبت مني راحت ايام اجت ايام ودزيت امي الهم ونفس الجواب. صرت اشك بنفسي انو اني عليه سمعه موزينه او سامعين عني شي مع انو اني سمعتي بالمنطقه كلش زينه والكل تحبني ومالي اذيه علئ احد بس هذا حضي.....

بتول:  مشت الايام ونفس اسلوب اهلي وياي گدام مرتضئ وبابا شكل وراهم شكل بس ابد ماردلهم كاتلتهم بسكوتي. قربت السنه الدراسيه ماما گالت ماكو دوام السنه اتگعدين عقاب الج ماحجيت وياهه علي ورفل گاموا يحجون عليها يگلولها الدراسه شعليها وهيه مصره اتگعدني عيني صارت احسن الحمدلله رجعت مثل قبل بس لسه الاثر موجود التمينه بالليل بالهول  وجبناهه علدراسه  ماما گالت ...ابو مرتضئ السنه..انگعد بتول مداوم ..ابويه وليش عود... گالتله عووف الليش ماريدها اداوم السنه گاللها كل عقلج تحجين اني عندي اهم شي دراستهم اني ماريد ازوجها علمود الدراسه اريدها اتكمل تجين انتي اتبطليها...هذا الحجي شيلي من بالج...گالتله بس ...گاللها بلا بس سدي الموضوع
وباجر مرتضئ اخذ خواتك وامك وديهن للسوگ يسوگن ملابس علمود الدوام گاله حاضر يابه گمت لغرفتي فرحانه راح اداوم اجتني امي گالت
...اسمعي بتول لا عبالج سكتت معناها اعوفج بحالج والله والله اذا سمعت عندج تواصل ويه هذا الكلب الي مادري منين لفيتي علينه والله لخلي رواد يذبحج بليل اسود ماكفاج السويتي. بتول ....ماما شنو هلحجي شنو لفيته عيب عليج تحجين هيج اني مو بنت شوارع اني بت بيت وماسويت شي ينزل راس اهلي ولا راح اسوي. اذا انتي امي هيج تحجين الغريب شيحجي ضربتني براسي حيل وگالت ادبسز ولسانج طويل فوگاها. علئ سوايتج طمي نفسج بگبر وطلعت وسدت الباب كلش غثني كلامها بس منعت ادموعي تنزل لفيت راسي ونمت ثاني يوم رحنه للسوگ طلعنه مشي. اني ورفل وماما. گالت انمر علئ عمتي تروح ويانه مرينه لبيتهم شفت سياره محمد گدام الباب. التفتتلي رفل غمزتلي واشرت للسياره ابتسمتلها طرت من الفرح گلت انشالله اشوفه طبينه اتلگتنه عمتي دتغسل علمغسله سلمنه عليها گالت انتضرني اشوي واجي اشوي واجي. رحت گعدت بالحديقه وهنا واگفات اشوي وطلعوا ولد عمتي تلاثتهم ومحمد واخو وياه سلموا الكل علينه اني دنگت ستحيت اباوعلهم...
گال فراس...ابن عمتي توته شبيها عينج ...گتله هااا لا مابيها شي قبل فتره انضربت بالشباك گال كون عمه ثوله هو انتي من تمشين جنج بيب بيب والنوب مستعجله گتله بصوت ناصي فررررراس ضحك ومشه طلعت عمتي وطلعنه امي گضتها تخزر بيه دنگي ودنگي استغليتلي فرصه وباوعت علي لگيته يباوعلي...ابتسمت ودنگت طلعنه... مشينه طلعنه الفرع  اني ورفل وحد وعمتي وامي وحد .. فلت السير مال الحذاء گتلهن اوگفن. وگفن گعدت اسوي الحذاء رفعت راسي وجان اشوف ............ 

شمس ايلول 💤

قرائه ممتعه