رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل التاسع والعشرون 29 - بقلم 🍃..شـمـس

تسريع الاحداث
ثاني يوم رجعنه للبيت اووف بس دخلت البيت اختنگت ورجعتلي الاذيه صحتي صارت احسن اشوي رجعت اداوم ومصطفئ يوديني ويجيبني

اني والبنات  ذبنه وراح لدوامه لسه ماعرف شنو يشتغل لو باوعت بوجهه وحاجيته مالي جرئه اصلا اباوع الرجال غير محمد جنه واگفات يم

الكشك شفت محمد اجه بسيارته دخل للفرع الي هذاك اليوم رحنه بي واشرلي انو اروح وراه اترددت بس بعدين گلت لا مبين حيل عصبي وبركان نار

بداخله واذا انفجر معناها يحرگ الاخضر واليابس لازم اروح او بالاخص اتجراء ماروح حرام يذبحني هنا غافلت البنات ورحت وراه مشيت سريع

وصلت يمه گال اصعدي گتله محمد ماگدر اصعد والله اهلي يذبحوني گال اتصعدين لو اروح اني اذبحهم كافي وصلت حدها هلمره عاط بيه صعددي

صعدت بسرعه وطلع اذكر السرعه مال السياره جانت من ال200 وفوگ السياره متنشاف من السرعه كلش خفت وگلبي گام يدگ علسريع اتوسل بي حتئ

يوگف ماكو ميجاوبني گمت اصيح عوفني بحالي عوفني والله راح اتموتني بتصرفاتك هاي عوفني ماريدك بعد كافي ضرب ابريك التفت الي گال عيدي

شنو گلتي سكتت عاط بيه عيدي شنو گلتي مترديني موو لازم حلئ بعينج هذاك الكلب مو جاوبي مترديني گولي اذا مترديني هسه اروح وبعد بحلامج

متشوفيني گتله تعبت محمد تعبت والله مابيه بعد حزني اكبر من عمري ماعندي قدره للتحمل اكثر الي شفته يكفي گال بتول مترديني اروح وعوفج صرت

حزنج هسه صرت اني الي مضوجج عاط گال گولي مترديني جاوبي حطيت ايدي علئ وجهي گتله اي ماريدك بعد كافي تعبتني حبك تعبني جر ايدي

من علئ وجهي وگال باعي بعيني وگولي ماريدك سكتت ودموعي حجت عاط  گال احجي باوعت بعيونه گتله اي ماريدك عوفني عاد ضل يباوع عليه

شفت دمعته نزلت من عينه گبل للگاع سكت بعدين گال هاهيه المن ذال نفسي هلذله اذا مترديني هاهيه روحي وشوفي حياتج وزوجي وخلفي وفرحي

وضحكي وانسيني شايفه كل الخير بس احلفج بالله متكسرين گلبه مثل مكسرتي گلبي تره اني اتحمل غيري ميتحمل جر ايده مني مسح ادموعه وشغل

السياره ومشه اني بس ابجي ماعرف شسوي اشلون هيج سويت ليش كسرت گلبه اشلون اجرائت اسوي بي هيج هو مااذاني بلعكس قدملي حبه الي ميثمن

ضليت الطريق كله ابجي واباوع عليه وصلنه يم المدرسه گتله محمد گال اششش ولا كلام هاهيه بتول روحي بس ديري بالج بيوم اسالين عليه واذا

ردتي اسالين ماراح تلگيني گدامج يا اما بعيد عنج لدرجه متوصلين اليه باي طريقه يا اما تلگيني نايم بالنجف انزلي الله وياج  ضليت اتوسل بي بعدين عاط بيه

⚡جبيره وداعتك من گتلي الله وياك
⚡ادفعني بطريقك لو ردت تمشي 🚶

اطلعي اطلعي من السياره اطلعي من گلبي عاد تعبتيني الله لايوفقج لا انتي ولا اهلج اطلعي نزلت وهو مشه ضليت واگفه وابجي اشلون كسرت گلبه

ليش هيج سويت محمد والله مو قصدي اجرحك والله احبك والله اموت بلاك لسوي هيج لتتركني والله ماگدر علئ فراگك محمد حبيبي ارجعلي

اسفه موقصدي اسوي هيج والله بالغلط طلعت مني محمد ارجع فدوه ارجع ضليت ربع ساعه گاعده بالشارع ابجي ماادري بروحي اشگاعده اسوي وليش

هيج دسوي ياربي ساعدني رحمتك اشويه ياربي والله الموت اهون الي من الي دعيشه ياربي ماريد دنيه بعد اريد اموت هاي الدنيه حيل اذتني وذبت

علئ كتافي حمل ثگيل اني موگده والله مااگدر بعد ليش هيج يصير شنو السويته بحياتي وهيج الله ديجازيني والله ماائذيت احد بحياتي حتئ اگول

هاي حوبته يمكن هذا غضب امي عليه وصلني لهذا الحد يمكن ابويه ماراضي عليه يمكن هذا عقاب علئ الدلال الي شفته وجنت عايشه بي يمكن ويمكن بس

بعد شيفيد كل هذا واني دموعي مانشفت ولجن كافي عاد والله مليت منجن ولجن ملن مني ومن جفني ولجن تعبت باوعت للساعه عبرت ال10

ونص شسوي وين اروح بعد اهواي يله يخلص الدوام قابل اضل بالشارع  رحت بنفس المكان الي گعدنا بي اني ومحمد هذيج المره گعدت بجيت

بجي مال موته يمكن لو ميتلي شخص مابجي عليه هلگد واذكر محمد والمواقف الي تجمعنه وكلامه وحجيه بس اشلون هيج سويت بي اني ليش

انانيه ليش أئذي كل الناس الي يحبوني بالاول اهلي وبعدين مصطفئ وهسه محمد كلهم ميهموني بس
محمد اني مستحيل اعوفه هو روحي من الدنيه

اشلون اعيش بلاه والله اموت خلص الدوام وطلعت مثل هذاك اليوم صعدت بالخط اول وحده گال مصطفئ خير شبيج بتول شصاير شبيها اعيونج

احد مضوجج. صاير وياج شي گتله لا مابيه شي بس تعبانه اريد اروح للبيت ارتاح گال شكلج مو مال وحده تعبانه گولي صاير شي گتله وانت شعليك

بيه شيهمك اذا جنت زينه او لا عوفني بحالي معليك بيه حجيت وياه بنبره حاده سكت ماحجه جريت حسره گتله اسفه مصطفئ بس والله تعبانه روحي

مطايقتها اريد ارجع للبيت گال لا عادي ولا يهمج هسه يجن البنات واول وحده اوصلج سكتت اجني البنات ضلن يسألن شكو شبيج ليش مشفناج بالدوام

وين جنتي گتلهن تعبانه شويه وضليت بالصف مطلعت ضلن يسولفن گاللهن مصطفئ عوفنها بنات تعبانه مابيها لتلحن عليها باوعت عليه هه خايف

عليه كله بسببك هيج صار بينه اني ومحمد اووف بتول هوه شعليه كله بسبب اهلج الي يردون بس يخلصون منج ومن همج وصلوني للبيت اول وحده

ميته من التعب والبجي بالگوه اجر برجلي طبيت اتلگتني امي شبيج شكو شصاير گتلها الله لا يوفقكم مثل ماكسرتوا گلبي وگلب محمد ورطتوا هذا الولد

ويانه الله ينتقم منكم ياضلام يلماعدكم رحمه علئ ضناكم والله ماصدگ انتوا اهلي واني بنتكم عفتها وصعدت لغرفتي ضلت تصيح وتغلط ماحجيت

طبيت شمرت الفكس مالي بالگاع قفلت الباب وگعدت ابجي اووف يهلبجي ادري لا تقدم ولا اتاخر بس ماعندي غيرك اعبر بي علئ حزني وقهري

...#ماتمنيت البكاء يوما ولاكن هم الزمان ابكاني..... تمنيت ان اعيش كما تريد نفسي ولاكن عاشت....
             ........ كما يريد زماني ...........

أصمت ياوجعي فاأنت لاتؤلم غيري 😔

ضليت ابجي ماحسيت علئ نفسي غير الساعه 5 العصر لگيت نفسي مقرفصه ونايمه علگاع والدمعه بعيني گعدت جسمي احسه متبنج ماحس بي ابد

ضليت علئ نومتي وافكر بمحمد شنو قصده بانوا مالگي بعد معقوله يعوفني ويروح اخااف يسوي
شي بنفسه اي والله هو ايسوي أي شي يخطر

علئ باله بدون ميفكر ياربي هسه اشلون عمت عيني الله ياخذني ويخلصني اشلون هيج سويت وياه والله هو ميستاهل كل هلأذيه ياربي ساعدنه مالنه

غيرك انت ارحم الراحمين نهضت نفسي بالگوه ماعندي قدره علئ الحركه بألف ياعلي گمت نزلت الدرج واني اتجةعلئ الحايط بالگوة نزلت شفت علي

ورفل ورواد بالمطبخ مالحگت اوصل الباب مال المطبخ وگعت علئ أركبي اجتني رفل تركض ...ولج شبيج يمصخمه شصار بيج ولج ليش هيج حالتج

بتول دمرتي نفسج وشبابج شايله هم اكبر منج ليش ياعيني يااختي محد يستاهل  گعدتني علئ الكرويته هيه وعلاوي شربتني مي گعدت اشويه احس نفسي

للحكايه بقيه