رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الثامن والعشرون 28 - بقلم 🍃..شـمـس

حضني حيل وگال متنزل ادموعج واخوج بضهرج گتله تعبانه مرتضئ تعبانه ايهدي بيه ويمسح علئ راسي اشر لامي وابويه ايطلعون طلعوا بقينه بس

اني وياه انهاريت بالبجي جنت محتاجه حضن اطلع عبراتي بي بجيت بصوت عالي وبشهگات ليش مرتضئ ليش ابتعدت عني ليش عفتني وحدي

باكثر وقت احتاجيتك بي اذوني مرتضئ ضربوني قهروني بجوني ضلموني بعد ماتحمل واالله بعد ماتحمل حزني اكبر من طاقتي مابيه بعد حيلي

راح اموت والله ...اششش لتحجين هيج حبيبتي اكسر راسه الي ايئاذيج حبيبتي كافي يمسح بدموعي ويبوس بيه اهدي مو زين عليج البجي

نومني بفراشي وضل يهدي بيه اني بس اشهگ وناشغ اجه الدكتور گال شنو هاي بنتي ليش تبجين شبيج موزين عليج اشحجينه قبل اشوي

ميصير اسووين هيج بروحج بنتي هديت شويه اخذتني امي غسلت وجهي واديه وطلعنه الدكتور كتبلي علاج وطلعوني بالگوه امشي بابا ساندني

وامي تمشي يمي وصلوني للسياره وركبت مرتضئ راح يجيب الدوه من الصيدليه انتضرنا اشويه وجا طلعنه الطريق كله همه يسالوني شبيج وليش هيج

صاير بيج اني كلشي ماحجيت مابيه حيل احجي گتله بابا گال عيون ابوج گولي گتله اريد اروح لكربلاء لزياره بس هناك راحتي وعافيتي من اطب

حضره العباس ارتاح گال ادللي حبيبتي باجر من الصبح اخذج ونروح ودوامج اخذلج اجازه سكتت وصلنه للبيت سندني مرتضئ دخلت للهول رفل

وعلاوي اتلگوني يبوسون بيه ورفل تبجي بس رواد واگف علئ صفحه ويباوعلي عبالك متشمت بيه وبحالتي نزلت ادموعي ويه ادموع رفل صعدوني

خواني لغرفتنه ونوموني رفل سوت شوربا واكلت وراسأ نمت لان العلاج ينوم ماصحيت الا ثاني يوم ساعه 6 الصبح احس نفسي احسن بيه حيل اگوم

نزلت سمعت صوت جاي من الحديقه رحت لگيت ماما وبابا گاعدين ويشربون جاي من الصبح وبالحديقه ويه صوت العصافير ااالله ذكروني

بقبل لمن جنت طفله وجنه كل يوم نفس هاي الحاله واني افتر يمهم والعب واگمز واضحك فززني صوت ابويه گال ...صباح الخير بنيتي لا اليوم احسن

الحمدلله تعاي گعدي يمي بتسمت بوجهه وگعدت يمه فتحله ايده وحطيت راسي علئ كتفه الله احلئ شي بالدنيا حنان الاب بس اخخخ يابه لو بس تحن

علئ محمد وعليه وتفهم حبنه ضليت اذكره بايام طفولتي وشلون جنه نزرع بالحديقه ونزگي الزرع سمعت هورن سياره هذا الصوت مو غريب عليه

اي هذا صوت سياره محمد محمد الهورن مالته صوته يختلف اني اعرفه گمت الحيلي علئ اساس دادخل جوه عدنه الحايط مال البيت ناصي مو كلش عالي

يعني اگدر اشوف الشارع كله من الحوش. باوعت شفت محمد واگف گدام البيت عدنه حديقه گدام الباب رحت لابويه گتله بابا ضايجه عادي اطلع

بالحديقه الگدام الباب اگعد اشوي ماكو احد گال ماشي بابا روحي اخذت الحجاب من ماما ولبسته وطلعت جان مخلي راسه علستيرن وفاتح باب

السياره من سمع صوت الباب انسدت رفع راسه علسريع شافني ضل يباوع عليه عبالك مو محمد گدامي عبالك شخص ثاني شخص مكسور ومقهور

ومهموم وذبلان حيل شكله متغير والتعب مبين عليه كلش نقهرت بجيت علئ. الحاله الي وصلنه الها اني طالعه من المستشفئ وعايشه علئ العلاج

وهو عايف دوامه وبيته وحياته ومگابل بيتي مشيت واني امسح بدموعي گتله محمد ليش هنا شبيك ليش هيج حالتك جر حسره كسر گلبي بيها هلگد

ماشايله هموم گال المن راح تزوجين بجيت بالزايد گالها بصوت مخنوگ وتعبان حيل حيل گال احجي بتول المن راح تزوجين منو هذا الي يريد ياخذ

تعبي وشگاي وحبي وعشگي الي شفت الويل من وراه شاف الكانونه بيدي جر ايدي بسرعه گال اشبيها ايدج ليش هيج حالتج هذا الكلب مد ايده عليج مره

ثانيه گولي اذاج گتله لا بس تعبت البارحه وجنت بالمستشفئ صار عندي فقر دم وسؤء تغذيه وانهيار عصبي گال بتول اشكم مره گتلج ديري بالج علئ

نفسج تردين تموتيني انتي يروحي والله ماتحمل اشوفج هيج والله تاخذين من حيلي حيل. هزيتله براسي گتله محمد ماريد ازوج غيرك اريدك الك

اني احبك انت مو غيرك گال ليش وافقتي لعد شنو الجبرج گتله اذا ماوافقت عليه لازم ازوج ابن خالي وغصب عني واني ابن خالي لو اموت مازوجه لهذا

السبب وافقت علئ مصطفئ گال يعني مصطفئ احسن من محمد واحمد ابن خالج مو لهذا السبب قبلتي بي گتله لا محمد والله موهيج اني اريدك الك

بس كلشي ضدنه طريقنه مسدود اريد اخلص وخلاصي انت اريدك انت گال يعني اشلون بتول اشلون شسوي اذبحهم لاهلج واخذج اشلون گوليلي

لج ماخليت واحد ماجبته عليهم لا شيوخ لا عمام ولج شسوي ...مادري محمد مادري والله تعبت من الاذيه گلبي خلص اتاذينه اهواي روح انت لاهلك

وحياتك وعيش ونساني واني هم راح ازوج هذا واسلم امري الله واكتم حبك بگلبي شنسوي اذا هذا ضلم القدر والله تعبت حتئ الحيل راح لا اكل لا

اشرب حتئ الحركه عجزت عنها دوامي هملته حياتي ادمرت اخويه عاداني وگام يفضل الغريب عليه اهلي يردون بس يخلصون مني يگولون حتئ لو كلب من

الشارع وينطوني اله ويخلصون مني ومن همي ليش محمد ليش شنو الذنب السويته اني وهيج ديصير بيه كافي فدوه كافي ...هذا قرارج ...غصبن عليه

والله مو بيدي انساني وريحني انداريت دارجع گال وين رايحه انداريت عليه گتله لكربلاء لبو فاضل اريد ايريح گلوبنه ويساعدنه لان تعبنه ثنينه گال روحي

وگوليله محمد ايگول اذا صارت قسمتنه سوه اجيب محبوبتي واجيك. وفاي بوعدي مو وعدتك اذا جمعت نصيبنه اجيبها واجيك اليوم اجدد طلبي منك

واتمنئ تساعدني روحي يبت گلبي بيناتنه قمر بني هاشم گتله ونعم من اخو زينب رجعت للبيت وهو راح شفت امي وابويه ماكو طابين جوه غسلت

وجهي وطبيت گتله ها بابا شوكت انروح گال روحي گعدي اختج ومرتضئ وامشي جهزي نفسج بل 10 نطلع رحت گعدت رفل ومرتضئ علي ماقبل يروح

عنده امتحان ورواد قافل الباب عليه من البارحه مادري شبي يمكن مرتضئ متعارك وياه لان عرف
انو جان يضربني علاوي گال نها من الكتل گلت

خل يحس بوجعي والمي شويه گعدنه وجهزنه لبست عبايه اني ابد مالبسها بس بالزياره ومن نوصل يله بس محمد گال اهم شي الستر وطلب مني البس

عباه بس بالدوام لا واني حبيت. انفذ طلبه وماكسر كلمته من البدايه اجهزنه وبال10 طلعنه اني وماما وبابا ومرتضئ ورفل اني الكانونه بعدها بيدي لان

عندي ابر وجسمي بعده يون عليه بس احسن من قبل ضلت تمشي بينه السياره 4 ساعات يله وصلنه ااااالله اول مدخلت كربلاء احس نفسي ارتاحيت

دخلنه تفتيش ومن هاي الشغلات ومشينه هواي اني مرتضئ گايدني ويمشي وصلنه بين الحرمين
باوعت لاابو عبدالله(ع) گتله اعذرني يامولاي بس

جيتي علئ عضيدك رايدته بطلب اترخصت منه ودخلت الحضره الله اول مطبيت كفخني عطر الحضره اخذت نفس غمضت عيوني دموعي نزلن سجدت

بالباب وبست الگاع الي تفوت عليه الناس گمت دگيت الباب وبستها وشميتها وگتله  دخيل ياخو زينب جايتك بطلب ماريدك اتردني دخيلك راح اذب

حملي عليك لان بس انت التعرف بداخلي بعمري ماطلبت منك حاجه وفشلتني وهلمره جايتك بطلب صعب حيل بس ميصعب علئ كفيل اخته عفت امي

واختي ومشيت واني ابجي ادموعي عشره عشره وصلت ازدحام حيل شفت الشباك انهاريت بالبجي النسوان كلها اتباوع  ونقهرت عليه لان ابجي بحرگه

خطيه من شافن الكانونه بيدي وهذا حالي اجتي وحده من هذني الي يشتغلن هناك لزمتني وصلتني للشباك اني نسيت الدنيه كلها ونصتت للحضره واشم

بيها. ودعيت لمن عجزت اسمع النسوان يگولن خطيه بهلعمر وتبجي هيج حالتها اتبجي الله اليعلم شبيها وشجاريلها وگفت گدام الشباگ ووصلت  

وصيع محمد ودعيت الله يجمعنه سوه ويريح اگلوبنه رجعت ليوره من بدي اضل طول العمر لازمة الشباك واشتم عطره ماخاب من نخاك رجعت گعدت

يم امي واختي ماحجن شي ولا اني حجيت خلن الجنط يمي وراحن يزورن وگفت ندعيت صليت الي ولمحمد وبجيت حيل لمن وشلن ادموعي قريت قران

حسيت نفسي حيل ارتاحيت من بعد الي سويته حسيت ربي العالمين راضي عليه وعلئ افعالي اجني رفل وامي وگالن مرتضئ وابويه ينتضرونه بره طلعنه

لهنا ينتهن البارتات. حيل تعبت بيهن
اتمنئ الاحداث جاي توصل بصوره واضحه
اووف والله سوت بيه حاله نفسيه هاي القصه