رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل التاسع والثلاثون 39 - بقلم 🍃..شـمـس

محد يصدگني عبالهم حلمانه دفعتهم ونزلت اركض من علدرج اركض وتعثر يصيحون عليه ويركضون بس اني ماهتميت اريد اشوفه اريد اصدگ هو

عايش اريد اگر عيني بشوفته ملهوفه عليه فتحت باب الهول وطلعت اركض واشوف واحد لابس اسود ملابس مشگگه ومقرفص من البرد واللحيه والشعر

وجهه تعبان حييييل كلهم جوي وگفو يمي اتقربت يمي بين الي مصدگه وبين الا رفع عينه باوع بوجهي وگعت علئ اركبي اي محمد هذا محمد رجع محمد

اصيح وعيط محمد رجع ولك علي محمد رجع خاله هذا محمد احجي وابجي واضحك اتقربت عليه مد ايده فتحهه اله حضنته بقوه ماهتميت لاحد اني

ابجي وهو يبجي نشهگ وبجانه صوته عالي اريد احجي مابيه العبره خانگتني بجيت بجي هذا عمري كله مابجيت هيج وعاتب بيه واحجيله شصار بغيابه

اجه عباس يمنه ويبجي ولازمني وخر عني وگال منو هذا باوعت عليه جريت عبوسي بحضنه گتله محمد هذا ابنك عباس هذا ابنه عفتني واني حامل بي

محمد هذا ابنك. عبوسي حبيبي هذا بابا مو جنت اتگولي وينه بابا هذا بابا ضل مصدوم لزمنه وحضنة
حضن اام واب وطفل وكلنه نبجي اجت امه تركض

اخونه ويشبگون بي ويبوسون منضر يبجي الصخر بحق علي طبينه جوه وكلنه انباوع عليه ومامصدگين اعيونه گال علاوي اكيد تعبان فوت اسبح ورتاح

وباجر نحجي  ونشبع منك شوف صعدته للغرفه وهو بعده يناشغ من البجي شگد متغير ضعف ولحيه وتعب وارهاق حيل تعبان ومتغير عباس من التعب

نام دخل للحمام دخلت وراه سبحته بمي حار حتئ جسمه يرتاح ابد ماشال عيونه من عليه واني هم طلعته ولبسته لان هو عاجز عن الحركه من التعب

نيمته عل جربايه ماحجه شي عذرته اهم شي
شوفته ترد روحي داگوم لزم ايدي ...لتعوفيني ابقي مشتاقلج تعاي بحضني يحجي بصوت تعبان

ومخنوگ ومغمض عيونه گتله اعيوني الك صعدت ونمت يمه حطيت راسه بحضني واتلمس شعر اووف محمد ريت تعبك يروحي وين جنت عني كل هلايام

نمنه ولاول مره من بعده احس بالامان گعدت الصبح لگيته صافن بوجهي گال صباح الخير يالخير كله اشگد مشتاقلج بتول وگام ايذكرني بذكرياتنه الحلوه

اتعاتبنه عتب حبايب وگال امشي ننزل جوه علمود اهلي وعلمود اسولفلكم وين جنت كل هلمده گعدت عبوسي وبدلتله ومحمد هم بدل واني ونزلنه اتلگتنه

امه اتهلهل وتبوس بيه وطش جكليت هو اشويه ارتاح من تعب البارحه گعد وگعدو الكل وسلموا عليه بحضن ودموع حطينه الريوگ واكل اباوع عليه شگد

متغير وجهه تعبان ياربي حمدك وشكرك الف مره
گلبي جان يگلي ماميت وصدگ اشكرك يارداد يوسف اليگوب رديتلي محمد اشگد ما اشكر ربي مقصره

وياه كملنه اكل صاحلنه كلنا بالهول عبوسي گاعد بحضنه ابد ميقبل يگوم گال اني هذا الوكت كله جنت مخطوف واسير عند الارهاب من طلعت من

البيت مشيت بالسياره من طلعت ديالئ دگ عليه رقم غريب رديت بس گالوا انت الضابط محمد گلت نعم اني هو اتفضل راسا انسد الخط حاولت اكثر من مره

اتصل علخط مغلق اتصلت علئ واحد صاحبي گتله علموضوع وگتله اعرفلي الرقم المن گال خمس دقايق وردلك الخبر ضليت امشي خابرتني بتول

وگتلها نص ساعه واوصل سديته منها دگ الولد گال هذا الرقم مشتبه بي عن عصابه ارهابيه وديبحثون عنهم منين الك هذا الرقم گتله معود دگ عليه وهيج

حجه گال محمد دير بالك علئ نفسك هذوله عصابه قويه سديته منه ومشيت واني افكر شنو ذوله وليش
دگوا دا امشي بمكان فارغ علئ طريق الناصريه

ماحس غير سيارتي انضربت السياره طگ البنجر بالگوه سيطرت علسياره حاوطني 3 سيارات عصابه وملثمين ومسلحين يطلعون ب 12 واحد ضربوا طلق

سحبت اسلاحي عليهم بس هم هوايه اقوه مني راسا ضربوا ايدي ابطلقه اسلاحي طار مني ضليت انزف نزفت اهواي ضربوا سيارتي هواي طلق بعدين

جردوني هدومي ومسحوا الدم مني. وكتفوني سدوا عيوني وطلعوا بيه والضرب مين مالتفت كرهت روحي لان ماگدرلهم هواي ومسلحين واني وحدي

وماعندي اسلاح اخذوني بالبدايه لمكان مهجور ضليت بي اسبوعين اكل كل يومين ايجيبولي تمر ومي شفت الويل وسواد الليل واني مربط ايديه

بعدين اخذوني لسجن بي 3 اشخاص هم اسيرين عساكر ضليت  سنه كل اسبوع 100 جلده اكل عايشين علئ التمر والمي ويجيبولنه خبز يابس

مرات انگعه بمي وناكله سنه كامله اني ماشايف الشمس بعيني بعدين حولونه لسجن ثاني هم ذاك بي هوايه واغلبهم اطفال ونساء وكل فتره يطلعون

مجموعه ويحولوهم السجن ثاني جانوا ايلگطون الي عساكر اهم شي والشخص الي اتصل بيه حددلهم مكاني وهجموا عليه واخذوني الكفرة المهم راح شهر

اجه شهر گمت ما اركز اشگد الوكت من التعذيب والجوع والتعب اجه يوم اخذوني اني وجماعه وطلعونه لغير سجن جان عددنه 15 شخص والي

مسولين علينه من عدهم 7 اتفقنه كلنه انو نهرب لان همه قبل اسبوع گالوا حننقلكم لغير سجن المهم
لمن طلعنه ولد ويانه اخذ سجينه ومن طلعنه زرف

التاير مال البنجر علمود بالطريق توگف بينه ويطگ واحنه انفذ الخطه ونهرب جان هذا الشي ضمن الخطه طلعنه والحمدلله الله سهللنه وطگ التاير نزلو

اربعه يسووا منهم 3 منهم بقوا لزمناهم وخنگناهم وگدرنه نغدر بذولاك باسلحت الي كتناهم نومناهم كلهم موتناهم لان ارهاب ومطلوبين وكفره المهم

اخذنه اسلحتهم وهوياتنه الي عدهم والفونات حتئ نگدر نتصل باحد من اقربائنه صعدنه السياره وطلعنه خطيه كلمن لگه اهله ووصل الهم واني هم اجيت

وتصلت ببتول وصار الي صار بتول ...اني اسمع ودموعي اصب معقوله كل هذا صاير بي واني مادري
عمت عيني عليك كلنه بجينه عليه خواته اجن وگامن

يهلهلن ويباركلي برجوعه اهلي دروا الكل دره البيت انگلب بالهوسه ناس رايحه ناس جايه المهم مرت فتره ومحمد رجعتله صحته ورجع مثل قبل ودوامه

هم رجعله ونطوه فروقات اشترئ سياره حبنه
قوه اكثر عبوسي عايش بنصنه وهو الي محلي حياتنه كلش اتعلق باابو وابو هم نفس الشي

وره فتره رحنه لكربلاء وزرنه الامام العباس (ع)
محمد ووفه وعده ودينه المهم حياتنه صارت كلش حلوه رواد اجه وتسامح ويانه وتعذر منه ورجعنه

اخوان مرتضئ اتزوج من بت وياه ببغداد زهراء جابت بنيه سمتها فرح لان جنه فرحانين برجعه
محمد وهسه منتضرين جيه البنوته
  
  النهايه

حلوه القصه بجينه بيها وضحكنه عشنه وياهم وويه احداثها اتمنئ عجبتكم واخذتوا منها عبر اتمنئ وصلتها بصوره صحيحه واسفه اذا قسيت بالكلمات عليكم هذي اول روايه الي مع تحياتي
شمس ايلول ✨