رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الثامن والثلاثون 38 - بقلم 🍃..شـمـس

بتول:  حالتي فد مره تعبت كل اشوي اتخربط واوگع واحمد حمايه مبتلي يودي امه ويوديني كل اشوي متخربطين
تسريع الاحداث

بطني كل يوم يكبر واعراض الحمل متعبتني حيل واكلي قليل والقهر كتلني 24 ساعه ابجي عيني ماوگف دمعها اذكر لحضاتنه وايامنه وسوالفنه وحبنه

الي ماحضينه بي شفت انواع القهر والحزن والضلم واني بعدني 17 من عمري ممكمله محمد ماراح من بالي لحضه احسه عاش ويه خيالي اشوفه بكل مكان

بالغرفه وين يگعد وين ينام وين يشتغل كلشي جنت اشوفه واسولف وياه واتخيله وكانوا عايش وياي ودنمارس حياتنه بشكل طبيعي جنت من انزل

جوه يم اعيالي ماشوفه ابد ومن احد يدخل غرفتي يختفي خياله اگعد ابجي وانوح وعاتب وبي واذكره بايامنه الحلوه مرن 5 اشهر علئ هلحال متغير شي

باب البيت ماطلعتها امي اتگولي تعالي يمي ارتاحي بلكي تغير نفسيتج من جوه الكأبه والحزن بس اني ماقبل جنت اگوللها ماطلع من البيت بدون علم محمد

ميقبل رواد هم شد وياي علئ خل ترجع ميصير تضل ابيت بي شباب ورجلها مات بس بابا يوگف بوجهه يگله ماطول مالگوا جثه الرجلها محد يطلعها من بيتها

ومحد يگول عنه الله يرحمه گولوا الله يذكره بالخير اني كل هذا الوقت مامصدگه هو ميت وكل ما اريد اصدگ لو استوعب هوه ميت اكو شي بداخلي يگولي

عايش ماميت جنت كل ما يدگ فون الولد اطلع اركض اگول بلكت خبر عنه شي يوصلنه اله ابد
ماصدگ هو ميت هواي حاولوا يقنعوني بس

الگلب شيقنعه عمتي حالتها فد نوب هيع مريضه
من زمان والنوب صارت هاي المصيبه هدت حيلها عايشه علئ العلاج 24 ساعه گاعده وتنعي صدگ

صعبه شاب بعمر الورد عريس يطلع يسولف ويضحك وميرجع لا هو الي. ميت ودافني ولبسنه اسود عليه وگلنه الله يرحمه ونسويله فاتحه ولا هو الي لاگي وعايش وگاعد بينه

حالتي النفسيه تعبت حيل مثل كل يوم النهار كله اگابل عمتي وانوح اني وياهه خطيه سهئ شالت الشغل كله عنه زهراء ولدت وجابت ولد

خطيه محد فرح بي لان من راح محمد محد منه شاف الفرح لو وجهه ابتسم احمد ابوه اصر انو ايسمي محمد علئ اسم محمد ايگول بلكي انشوف

الخير. علئ وجهه ويرجعلنه محمد سالم غانم. اهلي دائما يجوني امي بين يوم ويوم هيه ورفل يجن عليه ابويه ينقهر عليه ويكبد بگلبه حتئ صار عنده

ضغط وسكر من قهري علي ومرتضئ دائما يجوني يگعدون يمي يحجون وياي ايجيبوها علئ السيده
زينب عليها السلام وشلون فقدت ونسبت وهذا

كله وتحملت يحجولي عن الصبر يقووني لاكن مابيدنه غير الصبر نصبر والله كريم اني عرفت نوع جنس الجنين طلع ولد قربت ادخل بشهر ل9 امي

جهزتلي ملابس جنت متامله بهذا الطفل من ريحت محمد صح ميعوضني بس اشم بيه ريحته اني نفس
حالتي وشلون عايشه ويه الذكريات وابجي واحجي

اشكم مره گالت سهئ الولد يفوتون من يم غرفتج ويسمعون حجيج وبجيج ويگعدون يم الباب يبجون علئ بجيج راحت ايام جتي ايام وولدت صح اتعذبت

حيل بس مو اكثر من الالم الي داعيشه كل يوم رغم حزني فرحتي بابني متنوصف جنت اتمنئ هو موجود ويأذن باذنه ويسمي مثل ميريد بس للاسف

علي حمايه اذن باذنه واني سميته عباس علئ اسم ابو فاضل (ع) لان احنه طلبنه حبنه منه وهو جمعنه ولو جان محمد موجود جان سماه نفس الاسم جنت

لمن اباوع عليه اگول شنو ذنبه اجه للدنيه بدون اب وشلون راح اربي واكبره واعلمه وحدي واني هذا حالي يرادلي منو يعيني علئ ضيم دنياي بس جان

الكل واگف وياي ومساندني ويقويني الحمدلله والشكر الله مياخذ شي اذا مينطي شي رجعت للبيت وماما وياي قررت اصير اقوئ علمود ابني اريد اكبره

وربي علمود من يجي ابوه يعرف اني گد المسؤليه مرت شهرين علئ ولادتي الحمدلله اتاقلمت علئ الطفل اتغيرت اشوي گمت اتحرك واشتغل صح

محمد مانسيته وماغاب عن بالي لحضه اذا ما اسولف بي افكر بس ابني هم يرادله عنايه وعمتي مريضه بالگوه شايله نفسها وزهراء وسهئ بالگوه

شايلات البيت والولد وهم عدهن اطفال مرن سنتين ابني كبر وگام يمشي ويحجي ويناغي اني ما اگول بعدني مثل قبل بس احسن اشويه عبوسي لهاني

ولسه وبعد اگول يرجع اذا مو اليوم باجر بيوم نومت عبوسي وسبحت ونمت واشوف بالحلم نفس هذاك الحلم الي شفته قبل3 سنين لمن جنت واگفه واجت

المره ونطتني انجوم وياهن هلال وگالت حافي عليهن ولمن وگع الهلال وگالت لتخافين يجي يوم ويرجع الايدج شفتها انو اني واگفه بنفس المكان

بس مو مثل هذيج المره المكان جان يابس وداير مدايري سواد ودمار واني واگفه ولابسه ثوب اسود ومكسوره وضعيفه وذبلانه وگاعده علئ اركبي

وابجي واجت نفس المره من بعيد بنفس جمالها ونورها وطهارتها اجت وگفت يمي وگومتني اني بس اباوع عليها مسحت دمعي وگالت هانت اصبري هانت

بس والله تعبت گالت يرجع وبتسمت وفحت ايدي واشوف بيها النجوم والهلال هم بنصهن لمن شفت الاهلال والخضار رجع مثل قبل والورد والشمس

طلعت وصوت العصافير واني فرحانه فزيت من حلمي ضليت صافنه شنو معناته هذا الحلم اني قبل 3 سنين شفت نفس المره ونفس المكان وجان كله

يزهي وخضار بعدين وگع الهلال وحياتي تحولت لجحيم وهسه رجع الهلال بايدي ورجعت الدنيا بيه وطلعت شمسي يارب شنو تفسيره وشنو قصدها من

گالت يرجع رجعت كملت نومتي وگعدت الصبح اليوم كله افكر بالحلم ماگلت لاحد عليه عجزت الگيله تفسير مرن شهرين وره الحلم بيوم جنت نايمه

والفون جوه راسي وعبوسي نايم يمي اني مسويته صامت رجيج. حسيت عليه يدگ فتحت الضوه وافرك بعيوني باوعت الساعه 2 بالليل عززه

منو يدگ بهلليل شفت رقم غريب گلت هذا اكيد واحد من ذوله الشباب الماعدهم لا شغله ولا عمله
عفته دگ مرتين بالثالثه شلته واني ارجف گلت

الو جاوبني صوت مخنوگ وتعبان ...شلونج ..منو انت ...مشتاقلج ...عفوا شنو هلحجي اكو واحد يدگ بهلوقت شتريد ...انزلي ..وين انزل انت مخبل لو

سكران ..داگلج انزلي للحوش تلگيني جوه انتضرج ..انت اكيد حلمان منو انت ...اني محمد ونسد الخط احس واحد ضربني علئ راسي

مادستوعب شگاعد يصير معقوله اني دا احلم ابوع عباس يمي نايم اتخبلت گمت اشهگ وابجي انفعلت بين الي مصدگه وبين الا نوبه اگول داحلم نوبه اگول

واقع فتحت الباب بسرعه هلگد ماقوي فتحتها عبوسي فز وگام يبجي اني مهتميت ادگ اباب رائد وروان وابجي واضحك واگول اگعدوا محمد رجع

محمد جا ادگ اباب علي كلهم طلعوا علسريع اشبيج شكو شصار واني اگللهم محمد رجع رائد لازمني ويهدي بيه ايگول كافي بتول كابوس وراح. اگله

رائد ماحلمانه اني بكامل قواي العقليه شبيك احمد وزهراء صعدو يركضون عباس يصرخ يم رجليه