رواية ضّأّبِطّ بِهِيِّبِتّةّ ❤وِعٌشٍگلَةّ طّفِّلَةّ الفصل الثالث والعشرون 23 - بقلم 🍃..شـمـس

بتول: اندفرت الباب بكل قوه شهگت وگمزت من افراشي طب عليه رواد ولج بتل الكلب اشلون اترفضين احمد اشلون اسوين هيج وجا جرني من شعري وگعني بالگاع وگام ايدفر ويغلط ويصيح دخل علي جرني منه وامي طلعته ويصيح والله والله لشوفج انجوم الضهر دشوف اشلون ترفضينه وتدرين احب بت عمه اشلون ينطوهه الي بعد اني اعلمج علمود هذا الكلب السگط ترفضي ويريد يهجم عليه وياكلني بسنونه علي جرني وختلني وراه وهو يصيح ويعيط والله لموتها والله اني الدم

ينزل من حلگي ومن خشمي گتله اي ارفضه لان ماحبه احب محمد وماريد غيره تنطيني اله مقابل مصلحتك انت تحب اتحلل لنفسك وتحرم لغيرك ليش امي سدت حلگي وكفختني كل حيلها طلعوا ضليت شابگه مخدتي وابجي واشهگ مو من وجع جسمي لا من وجع گلبي يعني فوگ كل هلقهر ازوج غريب وجبر ليش ياربي ليش كل هلقهر شنو سويت اني ودتعاقب عليه بهلطريقه مستحيل لو اموت مازوج ضليت ابجي وامسح بدمي ودمعي اخبط الدم ويه الدمع وينك محمد وينك ساعدني بعد ماتحمل يكفي

الي شفته من هلضلام كافي تعبت والله جنت احجي وعاتب بي بصوت عالي والدموع عمتني ميهمني بعد شيسون خل يسوون يضربوني عادي تعودت حتئ جسمي اخذ علضرب ماعاد احس بالالم بجسمي بس بگلبي ماعرف اشلون خلص اليوم بين العياط. والبجي والعتاب گعدت ثاني يوم من وكت جسمي مكسر من الضرب رجلي بالگوه احركها لبست وطلعت شفت امي واگفه بالمطبخ ماحجيت وياها لبست حذائي وطلعت صاحت مرتين عليه مارديت كافي بعد اتكفخ ومسبه ورزايل كافي تعبت مشيت واني

بالگوه امشي علئ رجلي والجروح الي بحلگي وخشمي كلش بارزات وصلت للدوام ماشفت محمد جنت اتمنئ اشوفه اليوم واشكيله واگله علئ الصار بيه وانو يردون يزوجوني لغيرك وصلت محمد ماكو بس اني حتئ الحارس بعده مجاي اكو مصطبه گدام المدرسه گعدت عليها وگمت ابجي وافكر اني الئ متئ اضل هيج تحت رحمه رواد ومعقوله يزوجوني غصب واني ومحمد طريقنه وين ونوب اذكر الحضات الي جمعتنه اني وياه واتخيل نفسي ازوج غيره ويتقربلي ويلمسني. ويحاجيني وازيد

بالبجي اشويه واجه الحارس فتح الباب عدلت گعدتي ومسحت ادموعي وطبيت غسلت وجهي بلشن البنات يجن اجت زهراء شافتني وشافت حالتي گالت يمعزايه شبيج شصاير النوب ولج هذا اخوج علئ شنو ناوي ايموتج ولج مشوه وجهج شصار احجي گمت ابجي گتلها انطيني فونج اريد احجي ويه محمد والله بعد ماتحمل زهراء تعبت تعبت والله تعبت گالت حقج الي شفتي مو هين اتصلت وطتنياه مرتين دگ وجاوب گال الو گتله محمد انت وين گال بتول شبيج شبي صوتج شصاير يروحي اني

بالدوام البارحه داومت گتله محمد تعبانه محمد اهلي راح ينطوني لغيرك يردون يبعدوني عنك يردون ايزوجوني لبن خالي احجي وابجي گال بتول شنو تحجين شنو تزوجين اگلب الدنيه علئ روسهم غير وگام يسب ويتحلف الاهلي واني بس اسمعه وابجي گال لتبجين والله تموتيني بدموعج ولج دمعج غالي عندي اني اليوم اگطع اجازتي وباجر اعرف شلون اصرف يله روحي هسه ولتبجين ولتخافين اني بضهرج محد ياذيج لو ياخذج مني سديته منه غسلت وجهي وزهراء وصلتني لصفي لان

بالگوه امشي دخلت المدرسه گالت يااا بتول شبيج حبيبتي شنو هاي حالتج ليش هيج گتلها ماكو شي بس وگعت من الدرج گالت ليش ماخذتي اجازه گتلها الخميس ماجنت موجوده خوما اليوم هم گعدتني للمقعد مالي وگامت تشرح اني بالي مو بالدرس بالي بمشاكلي وهمومي وقهري كمل الدرس واني كلمه مفهمت منه. گاضيتها صفنات اجن البنات يركضن الي ويسالن اشبيج شجاوب شگوللهن اخويه نهاني من الكتل لان رفضت ابن خالي لان احب غيره وميقبلون ينطوني اله اووف يگلبي

شتتحمل وتتحمل خلص الدوام زهراء گالت اني واحمد نوصلج احمد يصير اخو لمحمد هو. وياه بينهم شبه مو طبيعي رفضت بس هيه ماقبلت گالت شوفي حالتج صعدت بصعوبه. سلمت وگعدت ليوره گال احمد شبيج خيتي شصاير حجتله زهراء كلشي گام يحجي وماقبل علئ الي يسويه اخويه گال عذريني اختي لان هيج دحجي بس دشوف الي يصير بيج وبخويه مو حاله هاي اني بس ابجي كلشي محجيت وصلنه نزلت زهراء ويايه وسلمت وگامت تحجي علئ اخويه اني دخلت جوه اسمع ماما اتگوللها منو

جابكم بس لا هذا حماج المخبل

(تقصد محمد)

گالتلها لا زوجي ودينتضرني من رخصتج راحت زهراء اجت امي ورزاله معدله گالت من اليوم وجاي اشوفلج خط ترحين بي وترجعين كافي فضايح الناس گامت تحجي اتگول منو هذا الي يمشي وره بتكم ولج ماكفاج الي صار كافي باعيني باجر اگول لمرت خالج وتجي وتخطبج لبنها والله والله يا بتول اخلي اخوج يموتج گتلها كافي يمه كافي لخاطر الله ولكم دمرتوني كافي تهددين كافي تعبت ولكم شنو الذنب الي سويته اني وهيج دتعاقبوني عليه اگوم بكفخه واگعد بكفخه لا

ليلي ليل ولا نهاري نهار والله تعبت كل ذنبي شخص حبني وحبيته وارادني بالاحلال ودگ بابي الف مره ورفتوه ليش يمه ولج المفروض انتي اكثر وحده اتحس بيه وبلموجود بگلبي ولج شغيرج عليه هيج وگمتي اشوفيني عدو ليش ولج يمه دمعي ولگمتي سوه واهسي راح من كلشي لا اكل مثل الناس السعاده اختفت من حياتي انتي وبابا مو حبيتوا بعض وزوجتوا وانتي بعمر ل 14 وهو بالعشرين ورواد مويحب بت گرايب احمد ويريد ايساومني وياه علمودها وعلمود زواجه سمعي يمه

طاري الزواج من احمد ماريد اسمعه واذا سمعته وحق الله انتحر وخزيكم مو تگولون اني عار اني غضب اموت نفسي وخلصكم من هلعار وعفتها ورحت الغرفتي وقفلت الباب ماجان اكو احد بس اني بعدهم مجايين من الدوام. اريد ابجي وطلع العبرات الي بصدري ماكو حتئ الدمع وشل

للحكايه بقيه