رواية داويتني فأحببتك الفصل الخامس والعشرون 25 - بقلم HaboOoshy

حلو الحُب الهاديّ الرايق ، اللي يشيل منكِ التعب بشكل إنتِ ماتلاحظه ، ما تحس بروحك الا وهيَ طايره بالسما ، مثل الحلم مثل الحُضن مثل اللي ما عمره أنغرم ~

الظهــــر

أخــذ لـه شـاور ينـعشه ولبـس له بنطـلون جيـنز مع بـلوزه رصـاصيـه ..لبس ساعته وأخذ جواله ومفاتيـحه ...وعدل شـعره وطـلع من غـرفته ..قاصـد يطـلع من البيت ...صادف أمـه وأخـته في الصـاله 
ام حسـن: ويـن رايـح يمـه ؟ شـوي وبنحط الغذا
سلمان:لا يمــه ..أنا طـالع مع جـواهر نتغذا بـرا
ابتــسمت ريــم
ام حسـن : دام كـذا تمـام ...سلم عليـها
سلمان: يـوصل ...مع الســلامه
ريـم بعد ما طــلع سلمـان وهي مستحيـه : يمــه ..بالنسـبه لذاك المـوضوع أنـي موافقه
ام حسن بإبتسـامه : الله يوفقــك يا بنتــي ...والله يقـدم اللي فيه الخـير ...والله وكـبرتي يا ريــوم
ابتسمت ريــم

عنــد سلــمان 

طـلع من البــيت وركـب السيـاره وهو يحــاول إن يكــون طــبيعي وما يتـذكر ولا شـي ..لإن قـرر يفتح صفحه جديده في حيـاتـه ...أخــذ نفـس وتنهــد وبعدها ابتــسم ســلمان : ابــتسم يا سلــمان وعـيش حــياتك ... لا تضيـع عمـرك على شـي من المـاضي "وصــل بيــت أبو عبدالعزيز..ودق على جـواهر وقال لها تطــلع ...دقايـق وطــلعت ..وركــبت بجنــب سلمــان " جواهر: السـلام عليـكم سلمان:وعليـكم السـلام "سكــتوا شــوي "سلمان: في بالك مطعم معيـن وإلا عـادي أي مطعم جواهر: عادي أي مطـعم "سكــتوا مره ثانيـه شــوي "
سلمـان :وش سـويتي في الإختبار ؟
جواهر: تمــام الحمدلله ..كان فيـه شوية صعـوبه بس الحمدلله سلمان:الحمــدلله .....اممم آسـف على أسـلوبي البارحه وصـرخت عليـك
جواهر: امممم ...عادي تعـودت على أسـلوبك
سلمـان رفـع حاجب واحد بإستغراب
جواهر جتها الضحكه على شكـله بس كتمـتها
"سكــتوا وبعد عــشر دقايـق وصـلوا المطـعم ونــزلوا طـلبوا الطــلب
سلمــان كان يحاول يجـيب أي سالفه "
سلمان: امممم ...خلصـتي تجهيــز للـزواج ؟
جواهر:اممم تــقريــبا ...حالــيا موقفـه علــشان الإختـبارات ..وزيـن يعنـي بكون مخـلصه قـبل أسبوعين من الزواج
سلمان:امممم تمــام
جواهر في نفسـها : صـاير فيـه شي اليـوم ...أبــدا مو طــبيعي
سلمان في نفسـه :اوووف ...وشو الناس يسولفوا ماعندي شـي
جواهر وسلمان في نفس الوقت:صحـ
ضحكـوا لما انتبـهوا لنفسـهم
جواهر: ههههه وشو كنـت بتـقول
سلمان:لا وشو أنتـي بتـقولي
جواهر:اممم ....فيـك شي اليـوم ؟ احسـك
سلمان قاطعـها: متغير
جواهر:ههههه ايي ...ماادري أحس ما تعودت إن شخصـيتك كـذا
سلمان:امممم إن شاء الله تتعـودي
"قاطعـهم وصـول الطـلب ..وجلسـوا يسولفوا بأشياء بسيطه "
......................................
بيـت أم خـالد
جالـسه تتغذا هي مع بناتها ومـرت ولـدها
فهـد وخالد كـانوا في العمـل
نـوف بصـدمه : قدمتــوه ؟...ليـش ؟
ليـلى ما كانت حابه تكـذب: بعـدين راشد ما بيـقدر إجازه وحـوسه يـعني
ام خالد: طـيب يا بنــتي ...أنتي خلصتـي أغراضك وإلا لسـى ؟
ليلى : باقي يمـه ...بس يمدي باقي شهـر تقريبا
ام خالد: الله يسـوي اللي فيـه الخـير
نــوف: اهم شـي إن فستاني والصندل حجزتهم ..باقي يصـير الإكسسوارات ...."تذكرت " تعالي صحـيح زواج سلمان ولـد خالي بعد شهـر بعد
ليلى : احنا راح نكـون قـبلهم قبل بيـومين
نوف: سووه مع بعـض وريحـونا
ام خالد: ايي والله يا بنتــي أحسـن
ليـلى : بس فشـله يمــه ...يمكــن جـواهر تبـغى تكـون ليلتـها بـروحها
جمـانه : أسأليـها ...وأسالي راشد بعـد ..يمكن ما يحـب هو بعـد
ليلى : طيـب بشــوف
"بعد فتـره "
ام خالد تكلم ليـلى : أكــلي عدل يا بنــتي...وجهـك صايـر أصـفر
ليلى ارتبكت : إن شاء الله يمــه
نـوف تذكـرت : صحيح جمانه ...ما قلـتي وش صار في السونار
جمانه ابتسمــت : مفاجأه أحــلى
نوف: مالــت عليـك
ام خالد: ماعليـك منـها ..صح كلامك مفأجأه أحـلى
جمانه مدت لسانها لنوف وهي تضحك
نوف: يممممه شوفي بنت أختـك
ام خالد: تستاهلي هههههه
نوف: يمه وش فيـك قالبـه عليي اليـوم
ام خالد: من حركاتك المخـبوله
نوف بضحكه وهي تقول لليلى وجمانه : على طـاري الحركات المخـبوله .. وأنتوا ما رحتوا معنا البارحه ...ما قلت لكـم وش ســويت البارحه في ريمــوه ههههههههههه
جمــانه : وش سـويتي في المسكينه
نـوف قامـت تحكـي لهـم وهي تضحـك
......................................
عنــد بشاير وعبدالعزيز

عبدالعزيز : وأقــولك أخذته وكان أمردغه في الأرض ...أقـولك بعـدها لمـدة شهـر صرت ما أشوفه في الشـارع 

بشاير: ههههههههه حــرام عليـك عبدالعزيز : لا حرام ولا شي فيـه ههههه"بإبتسامه " افتحـي فمك بس ولا عليـك منـه
بشاير فتحت فمها وعطاها اللقمه
عبدالعزيز: وأنتـي ما عنـدك حـركات هـواش وكـذا
بشاير:هههههههه لا ماعندي ...تـراني هاديــه كنـت في المـدرسـه
عبدالعزيز:تخـيلتك كـذا إنك من النـوع الهـادي هههههههههه
بشاير: هههههه
عبدالعزيز: بـشور ...وش رأيـك نـروح الكـويت كم يـوم ...نغـير جـو ونسـتانـس
بشاير:تـبغى تـروح أنت روح ...أحـس أنـي روحتي مالها داعـي وش بستفيد
عبدالعزيز:افـا ...أروح بـروحي ..طبـعا لا ..خلاص لغيـنا الفكـره هههههه
بشاير:لا إذا أنت ودك تـروح ..روح لا تـوقفها عليي
عبدالعزيز: وش بسـتفيـد إذا رحـت بروحـي ..كنت أبـغاك تـروحي معـاي
بشاير: طـيب روح مـع أصحـابك
عبدالعزيز: لا تحاولي هههههه أنتي أو لا
بشايـر سكتت
عبدالعزيز : طـيب خلصـتي غــذا وإلا
بشاير: الحمدلله
عبدالعـزيز : طــيب وشو تبـغي حـلا ؟
بشاير: أنت نـاوي تسمني ...حددديي شـبعانه
عبدالعزيز: ما تـلاحظـي إنك صايـره ترفضـي طلباتي
بشـاير: هههههه مو كـذا بس
عبدالعزيز قاطعها : لا بـس ولا شي ..راح أطـلب لك على ذوقـي "وراح علشـان يطـلب "
.........................
وآحسك شيء يخفي آوجاععي حتى التعب يغيب يوم آنك تحاكيني ��.

بعــد ثــلاثــة أسابيع وكم يـوم
الظهــر
دخــلت البــيت وهي تضــحـك ومسـتانســه والفرحه مو سايـعتنها
....: يمممه ...خــلصــت خلصت ههههههههههه
طــلعت أمها من المطبخ : الحمدلله ...عقــبال النتيــجه يارب
نــوف: إن شاء الله
جتــهم جمــانه :مبرووووووك وأخيرا خلصــتي ...انتي أخر وحده في العيـله ههههههههههه
نوف: ايي والله .."بحمممماس " واخخخخخيرا إجججازه ههههههههههههههههه ...هالإجازه المناسبات فيـها ما شاء الله هههههههههه
ام خالد: الله يـزيد و يبارك إن شاء الله
نـوف: بـاقي على عـرس ليـلى ثـلاثة أيـام وزواج سلمان خمـسـة أيـام "بحماس" وملكـة طيـور الحـب ليلة بكككككره ههههههه
جمــانه: عاد طيـور الحـب هدولا قصـتهم غيـر هههههه
ام خالد وهي رايحه الصاله والبنات وراها : اييي والله ..الله يهدأ هالـولد ..ما سكـت إلا لما حددنا الملكــه
نــوف: سـوا سالفه لما قلتـوا له بعد التخـرج هههههههه
ام خـالد: يــلا الله يهنيـهم إن شاء الله
نـوف وجمانه: إن شاء الله
ام خالد: وينــها ليـلى ؟
جمانه ارتبكـت : تعبـانه شـوي خالتي
ام خالد: والله مستغربه من حال هالبنــت ...ماادري وش فيـها كـله تعبـانه
جمانه: من المحاتاه للزواج خـالتي والتجهـيز
ام خالد: الله يكـون في العـون
جـاهم صـوت ليلـى : السلام عليـكم " وجلسـت "
....: وعليـكم السـلام
نــوف: ليـلوه مو كأنك سمنانه ...متـى قسـتي فستانك أخـر مـره ,,أكـيد ضيق صار ههههههههه
ليلى بهت لونها : ها
نوف: وش فيـك تغير لـونك هههههههه
ام خالد: وش عليــك من أخــتك ...خـلها تأكل على راحتـها ما تشـوفي وجهها صـار لـه فتـره أصفـر
نوف: اكيد بتدافـعي عنها ههههههه ...جمانووه مو سمنانه ليلى صـح ...شوفي كيف صارت ههههههههه
جمانه بإبتسامه: إلا عـادي لا تبالغـي أقـول
نوف: بكيفكم ههههههههه....يمــه ميتــه من الجـوع فيـه غــذا وإلا
ام خالد: خـلاص الحيـن نحطـه
جمانه: خـالتي ننتظر خـالد ..اليـوم بيستأذن وبيجي بدري
ام خالد بخوف: ليـش ...فيـه شي
جمانه: لا مافيـه شي خـالتي ...بس البـارحه يـقول ما نـام زيــن
ام خالد: اووه ..خـلاص عجـل ننتظــره
نـوف: عجل أنـي بركـب أغير ملابسي وأخـذ لي شاور ...قود باي "وراحت"
جــاهم صـوت فهـد.....وتغطـت جمــانه ودخـل وباس رأس أمه وقعـد
فهد: وشو غذاكم اليـوم ؟
ام خالد: اللي تحبـه كبـسة لـحم
فهد : الله يعطيك العافيه يالغاليـه ...طـيب متـى بتحطـوا الغـذا ؟
ام خالد: ننتظـر أخـوك خالد شـوي وبـيجي
فهد لف ليلـى وضحـك : ليـلوه وش فيـه جســمك أحسه متغير
ليلى : لا حــول ...وش فيك أنت وأختــك عليي اليــوم
فهد: هههههه ..لإن صحـيح صاير غير من فتـره ملاحظ ونسـيت أقـولك
ليـلى سكتت عنـه وصارت تهـز رجلها بتوتر
جمانه حـبت تغيـر السالفه: ها فهد ... كيـف إستعدادتك إلى ليـلة بكـره ؟
فهــد بحمـاس: متحمــس بشـكل ما تتصـوريه ...ياربي متى بـس تجـي ليـلة بكــره وتــصير ريـم ملكي وحـلالي
جمـانه : تحمــل ما بقـى إلا القـليل
فهد: هههههه
"رن جـواله بـرساله ..وأخذه وشـاف كــالعاده رسـالة تهديد من بسام ..ابتسـم بسـخريــه وحـذف الرسـاله كـعادته من ثلاثـة أسابيـع "
ليـلى وقـفت: أنـي رايحـه أنـام ..أحسـني نعسـانه ..إذا حطيـتوا الغذا صحوني " وراحت "
ام خالد: والله مستغربه من هالبنــت ...كـله تبـغى تنـام ..ما يمديـها تصـحى إلا وتبـغى تنـام
جمانه بإبتسـامه : قلت لك خـالتي من التجهـيزات
ام خالد بشك : أنـي شاكه في هالبنـت لا يكـون
جمانه بسـرعه : لا تشكـي ولا شـي خالتـي ...انـي بعد صابتني دي الحاله قـبل الزواج ...أودع بيتنا بالنوم ههههههه
فهد: بشنـو شاكه أمي ؟
ام خالد: لا ولا شي ههههههه ...عدل كــلام بنت خالتـك يصيـر إنها من التجهيـزات ...لإنها تطــلع من العصـر إلى آخـر الليل ....الله يكـون في عـونها
دخـل خالد بإبتسـامته : الســلام عليـكم
....: وعليـكم السـلام
باس رأس أمه وقعد جنـب جمـانه وهمـس لها : شخـبارك ؟
جمانه بنفس الهمـس : الحمدلله
خالد حط يده على بطنها : شخبـار بنتنا ؟
جمانه بضحكه : ههههه تسـلم عليـك "حسـت بحـركه في بطنـها "
خالد ما حـس لنفسـه : تحـركت تحركــت ..."لف لأمـه " يمممه الشعور جميــل ههههههه
جمانه: لإنك أول مـره تحـس فيـها
ام خالد بفـرحه لولدها : الله يسهل عليـك يا بنتـي في وقتـك
جمانه بإبتسـامه : آميــن
فهـد بضحكه : شكلها بنت صح ؟
خالد: خـلوه سـر بيننا ..أهم شي نوفوه لا تدري ههههههههه

........................

بيــت أبــو محمــد محمـد جالـس في الصــاله يــشاهد بملل...هــذا حالـه من يـومين من لما خـلص إختبـاراتــه ...جـت لـه هبـه اللي كانت مع أمــها في المطــبخ

هبـه : وأنـت هـذا حـالك من خلصـت 
محمد يمثل الغرور: متـخرج لا تكـلمنـي
هبـه : خف علينا بس هههههههههههه ...باقي النتايــج
محمد : واثق من نفسـي أنــا
هبـه : ي عيييني ههههههههه
جـت أم محمد وجلـست معاهم
محمد: الله يعطيك العافيـه يمـه
ام محمد: الله يعـافيـك ...ها أحط الغذا
محمد: أنا أحس نفسـي شبعــان ..بتغذا مع أبــوي إذا جـى
ام محمد: براحتك
هبـه : وأنـي يمــه ما تسـألينـي
ام محمد: ليـش أسـألــك وأنتي ما شاء الله عليـك في المطبـخ أنتي تساعديني وأنتي تأكـلي
هبـه طلعت أمها مستغربه
محمد تفجـر من الضحـك عليـها
هبه لفت له : ما يضحـك
ام محمد: ما عليـك من أخــتك ..دامـك خـلصت دراسـه ...الحيـن لازم أدور إلك بنـت الحـلال ..بعد إلى متـى اللي أصغـر منـك تـزوجوا
محمد: الله يسامحـكم يا سلوم وفهيـد
هبه: هههههههههه
ام محمد : ها وش قـلت ؟
محمد: يمـه مو أول شي أشتـغل أحسـن ؟
ام محمد: أبـوك ما راح يقصـر عليـك
محمد: بس أحسـن يـمه إن أعتمـد على نفسـي
هبه جتـها فكـره : يمممه وش رأيــك نزوج محمد وتركي بتـؤام ...والله حممماس ههههههههههه
محمد: والله انتي مجنـونه "رن جــواله وكـان سيـف المتـصل " ..هلا سيف
سيف : هلا محمد ....مبـروووك سمعـت خلصـت اختبارات
محمد بسخريه: صباح الخيـر توك تفكـر
سيف :بلا بياخه أقول ههههههه ...اسمــع تـؤامـك بكـره العصـر بيـوصل
محمد بصدمه: والله ؟ ما قـال لي
سيف: كـلمنـي قبل لا يركب الطائره وقال لي أقـولك ويـقول اتصـل لك بس مافيـه سيرفس
محمد: ايي صحيح أنا في الصاله ومو دائما فيـه سيرفس ..طيب ما قال لي من قبـل
سيف:عن حساب مفاجاءه بس أنا كشـفته ههههههه ....المهــم أبـغاك بكـره تخاوينــي ونـروح نجـيبه من المطـار ..مااحب أروح المطار لوحدي
محمد: تجيك حسـره إنك مو انت مسافر هههههههههه
سيف: صـاير ظـريف اليـوم
محمد: هههههههههه المـلل وما يـسوي
سيف: هههههه الله يعيـنك ..المهم بكـره بمـر عليـك وبأخذك
محمد:طيـب وأمــي تـدري
سيف: لا ما تـدري ولا تـقول لأبـوك بعـد ...مسكين كان يبـغاها مفاجأه لنا كــلنا بس أنا كشفته ههههههههه
محمد: مسـكين ههههههه ...خلاص ولا يهـمك لا أمي ولا أبوي بيدروا ..وراح أنتظـرك بكـره
سيف:أوكــي تمــام ...قود باي
محمد:قود باي ههههههههه
هبـه بحمماس لمـا سكـر : تـركي بيــجي ؟
محمد بضحكه : اييي بكـره العصـر بيمر عليي سيف وبـنروح نجيبه من المطـار بس ها لا يدري أبـوي
هبـه : بــروح اجـيبه مـعاك من المطـار
محمد: ويـن تـروحي معـاي ...أقـولك خالي بيمرني
هبه : اييي عـادي ...بحسـبة خـالي بعد ههههههههههه
محمد: يمــه شـوفي بنــتك ...تقـول بحسبة خـالها بعد
هبه : هههههههه
ام محمد: هههههه مجنــونه أخـتك ...بس عادي يا ولـدي خـذها معـاك ..مستانسه برجعـة أخــوها الله يوصله بالسلامه يـارب
هبه مدت لسانه لمحمد علشان تغيظـه
محمد: بأخـذك بس مو علشـانك ..علشان أمـي وأقـولك من الحيــن بدون حـركات مجانين
هبه : ههههههههه ولا يهمــك

..................................

س أقُبل عَيناك ؛ لـِ أخبرك ب إنِي أرى دُنياي بھا<3

تــسحـبت من السـرير بهـدوء ما تبــغى تـزعجه ..بس تفاجأت لما سحـب يـدها ورجعـها لحضنــه 
....: وش قـلت لـك أنا ...أحـس بأي حـركه تصـير وأنا نـايم
..... بإحـراج: هههههههه ..بس والله شبــعت نـوم وأبـغى أقــوم
.....: بس أنا ما شــبعت نــوم ..ارتاحي بس
.....: عــزيــز طيب شـوف الســاعه ...تـرى وراك دوام
.....: مابـشوف السـاعه وبعــدين أنا اليــوم عــريس ليــش أروح الـدوام
بشاير انحــرجت
عبدالعزيز فتـح عيـونه : لحظــه ..أنتي قـلتي عــزيز ؟ ...والله إنها جمــيله من فمــك
بشاير ضحكـت :طـيب شـوف الساعه ..تطمـن ما بــقـوم ههههه
عبدالعزيز أخذ الجـوال وأنصــدم من السـاعه والمكـالمـات : تـدري بــشوره الساعه كم ؟
بشاير: كم ؟
عبدالعزيز : السـاعه 12 ونـص الظهــر هههههههههههه
بشاير بصدمه : والله ؟ ...ودوامــك كلمتهم
عبدالعزيز : والله أنتي هامه نفسـك على دوامي أكثـر منـي هههههههه
بشاير: هههههه "تبــاعدت عنــه وقامت من السـرير وتوجهـت للحمــام كـرمكم الله ....في هالشـهر حفظـت جناحهم وماصـارت تحتاج عبدالعزيز واجـد "
عنــد بـشاير دخـلت الحمام كرمكم الله وحسـت إنها محتـاجه تأخذ لـها شـاور...لبــست روبـها لإنها نسـت تجيب ملابسـها معاها ووقفـت قـدام المـرايا وصـارت تتلمــس وجهها
....: يا تــرى كيـف صار وجهــك يا بشــاير ...تغيـر وإلا ... عبـدالعزيز يـقول إن صاير أجمـل من قبل الزواج هههههه"تـذكرت اللي صار البارحه وابــتسمت بخجـل " هـو صحيح إن شـرطي كـان ما يكون بيننا إلا بعد مايـرجع بـصري ...بس بعـد ما سمعت حديـث الرسـول من التـلفزيون إن الملائكـه تلعن المـرأه اللي تمنــع نفـسها من زوجــها ..كيــف نسيت هذا الحديـث....وهــذا حـق عبدالعزيز بعد "ابتسـمت بألـم" سامحنـي يا عبدالعزيز ..أنت عيشتني ملكـه في هـذا الشهـر وتسـتاهـل منـي أكثـر و
"قطـع عليـها طـرق عبدالعزيز للبـاب"
عبدالعزيز : بـشاير ..صار لـك شـي ؟ طـولتي
بشاير ضحكـت وفتحت البـاب: ههههه ماصار شي بس أخـذت لي شـاور
عبدالعزيز تسند ع البـاب: ليـش مو لابــسه ملابـسك ؟ تـبغي أتهـور مـره ثانيـه
بشاير ابتسمت بخجـل : عــبدالعـزيز ..خلاص ههههههه
عبدالعزيز : ههههه طــيب خـلاص ...حطـيت ملابــسك ع السـرير لإني سمعـت الصوت وتـوقعت إنك تأخذي شـاور
بشاير بإبتسامه هادئـه: مشـكور عبدالعزيز
عبدالعزيز باس رأسـها: مافيه شكـر بيـن الأزواج "مسـك يـدها ووقفـها قدام المـرايا " اليـوم أنا أبغى أمشـط شعرك ههههه
بشاير: طيـب هههههه
عبدالعزيز أخـذ فرشة الشعـر وبـدأ يمشـطها : تــدري ههههههه
بشاير: وشو ؟
عبدالعزيز : هههههه صـاحـبي..كان يتـصـل لي طول الصـبح وأنا مو حـاس بالجـوال ....مســكين داوم بدالـي وهو ماعنده دوام إلا الظهــر
بشاير: ههههههه مسـكين ... لا وأنت تقـول إنك تحـس بأي شي وانت نايـم كيـف ما حسـيت بالجـوال
عبدالعزيز بضحكه : بيـني وبيـنك حاط الجوال سايـلنت ههههههههههه
بشاير: مجنــون هههههههه ...طـيب الحيـن وشو مع صاحبـك ؟
عبدالعزيز: الحيـن شـوي وباروح أداوم بدالـه ...والله يعيـن ههههههه .."حط الفرشه ع التسـريحه " خـلصـت ...يلا البـسي ملابـسـك وصـلي ..أنا رايح أخـلص أمـوري علشان أروح الدوام
بشاير: الله يحفظك إن شاء الله
"بعـد ربـع سـاعه "
"انـدق باب الجنــاح ...وتــقربت بشاير من البـاب وسألت ع اللي يدق الباب"
بشاير: من ؟
جواهر : أني جواهر
بشاير فتحـت البـاب : تفضـلي جواهر
"وقـعدوا في صالة الجنــاح "
جواهر: ويـن عبدالعزيز ..تقـول أمـي ما شافته اليـوم ؟
بشاير: ههههه راحت عليـنا نـومه ...وما راح الدوام ..شـوي وبيـطلع
جواهر وقفت : ههههههه بـروح أشـوفه
بشاير وقفتها وهي منحـرجه : جواهر ... لا تدخلي الغرفه آسـفه ..بس مثل ما تعـرفي عبدالعزيز ما يـرضى أحـد يدخـلها غيـرنا
جواهر تذكرت: اووه ...عادي بشاير ليش منحرجه ههههههه ونسـيت أني أصــلا ..بس والله جاني فضـول أعرف وش فيـها الغرفه هههههههه
بشاير: هههههههه وش أسـوي لأوامـر أخـوك
عبدالعزيز طـلع من الغـرفه وهو لابـس البـدله العسكـريه الخاصه بالعمـل وريحــة عطـره واصـله قبـله : وش فيـه أخـوها ؟
بشاير: هههههههه
جواهر: قصدها علشان إن ما ادخـل غرفتـكم
عبدالعزيز : ههههه اييي ...أسرار يا أخـتاه ..لا يجـب معرفتها
جواهر: أهـم شي ههههههه...نسيتوني ليـش جايـه .. "تـذكرت "اييي يلا بشاير نـزلي تـغذي مـعانا
بشاير: مو مشتهيـه
عبدالعزيز: اخذيها ما عليـك منـها ...حتـى البارحه العشا ما تعشـت
جواهر: ولا يهمــك يا خـوي ...بتوصها فيها ههههههههه
بشاير: ههههههه
عبدالعزيز: من وين جايه ؟ اشوفك لابـسـه عباتــي ....وإلا بتطـلعي ؟
جواهر: هههههه لا توني من شوي جايه كنت طالعه مع سـلمان
عبدالعزيز: اووه هههههه..يلا لا أتـأخـر عن الدوام ..قود باي ..جواهر خلي بشورتي تأكل "وطـلع"
جواهر:ههههه يلا يا بشـورته قـومي علشان نأكـل هههههههه
بشاير وقفـت وراحت جهة عبـاتها : يلا ههههههههه
.................................
بيــت أبــو حســن

سـاره وولـدها وريــم وام حســن جالســين في الصـاله 
ام حسـن : وش فيـه يا بنتــي ؟
سـاره وهي تهز ولدها اللي يبكـي : ماأدري وش فيــه يا خالتـي
أخــذتـه ريـم من يـدها وهي تهزه وهي تضحك ووقفـت فيـه وتكـلمه : هو يبغى عمته صح علاوي ؟....علاوي يـلا صـير شاطر
شوي شوي وهـدأ علــي
ريــم باسـته : ي عمممري اللي يحــب عمتــه ههههههه
سـاره : ولا يهمــك دايما بـرسله لك في الليل دامه يحبك
ريم : ههههههههه حيــاه في غرفتـي في أي وقـت
ساره : ههههههههه
ام حسن : ريـم ...قاصـرك شـي يمـه علشان ليـلة بكـره
ريم بخجـل : لا يمـه مو قاصـرني شي ..الحمدلله
ساره همسـت لها : واخـيرا بيجتمعوا الحبايب ههههه
ريم ضحكت
جـاهم صـوت سلــمان : يا ولــد
تغطــت سـاره
ام حسن : ادخـل يا ولـدي
دخل سلمان بـإرهاق: الســلام عليــكم
.....: وعليــكم السـلام
ام حسـن : وش فيـك يا يمــه ؟
سلمـان: أحـس إنـي تعبــان ..خلصت كـرف الجامعه من كم يوم و بعدين الكـرف علــشان الزواج وإلا مـلكة فهــيد ...تعـب أحـس
ام حسـن : الله يعطـيك العافيـه يارب ...الحـين أنت من وين جـاي ؟
سلمان: كــنت طالع مع جـواهر نقضي كم حاجه للجنــاح
ريم : المفـروض خـلاص ما تشـوفها ما باقي على زواجكم غير خمسة أيام
سلمان: هههههههههه عجبتني
ام حسـن : اييي ياولدي ..علشان يكون رونق للبنــت لما تشـوفها ليلـة الزواج
سلمان: هههههه إن شاء الله ..."وقف" أنا رايح أخذ لي شاور إذا خـلصتوا من الغذا نادوا عليي ..."انتـبه لولد أخــوه " اووه عــلاوي هنــا .."راح أخذه من ريم " سامح عمــك صاير ما ينتبه لأي شي ههههه"وباســه"
سـاره : سامحه ياولدي,,عمك أخذت عقـله جواهر ههههههه
سلمان ضحك ورجعه لـريم وتوجه لغرفتــه وهو يكــلم نفسـه :أخذت عقلـي جـواهر ؟ هههههه ...أنا ما أنـكر إني تـعودت عليها وطلعت فعـلا شخصيتـها حـلوه بس مو معناتها إني حبيتها ههههههه ...الله المعــين
..................
في الليــل

عنــد سعــود 

كــان طفشــان من الرسايل والمكالمات اللي ما يـرد عيــها ...الـوضع زاد وهــو ساكـت عنــها ...إلى أن اتصـلت هالمــره وما قدر إن إلا يـرفع ويهـزأها ....: يا بنــت النــاس اتركيــني في حـالي ...والله أنا مو تبع هالســوالف ...اترككككككينــي
شهد بصدق:بس والله إنــي أحبــك ...صدقنــي ... أكيــد رغــد شوهت صورتي قـدامك ...أني ما أنكــر إن بعـض الحركات اللي قالتها لـك إنها صحيـحه بس صدقنـي إذا بتحبـني وبتكــلمنـي راح أتغير علشـانك سعود: أنا ما أبغـاك تتغيري علشاني ...تغيـري علشـان نفســك ...علشان ربــك ... الله ما يرضى باللي تســويـه ...اللي تسـويه حرام ويغضبه ..توجهـي إلى ربـك وتوبي
شهد وهي تبكـي: وراح تحبنـي
سعود: استغفر الله ...أفهمــيني يا بنــت النــاس ...أنا مالي بسوالف الحب والخرابيط وإذا بتـوبي فهذا شي راجـع لـك ...أنا مالي شغـل فيـه واللي عليي نصحتـك وبـس ....مع السلامه " وسكــر" استغفر الله ...بس الله يهديــها
"طــلع من غـرفته ومـر على غـرفة رغـد ...وشـافها قاعده قـبال الابتــوب وتشـاهد "
سعود: سـلام
رغد لفت له : وعليـكم السـلام ...تعال شاهد مـعاي
سعود: لا مالي خـلق مشـاهده ...أنا رايـح أقـعد مع أمي وأبوي ..حيـاك معـانا
رغد: هههههههه شـوي وراح أجي
سعود: طــيب
"نــزل تحـت وشاف أمـه وأبـوه قـاعـدين ..راح باس وباس رأسـهم وقـعد"
أبو جمانه: وأخــيرا شـفنا أحـد منـكم
سعود: هههههههه ....هذا أنـا نـزلت ...وش رأيـكم أنا عازمــكم ع العشـا بـرا ..كـلـنا ونمر على جمـانه بعد
ام جمانه: والله إنها فكـره
سعود: يــلا عجــل ..بروح أخـبر رغـد وبتصل لجمانه
...............................
مطروح في طرف الشارع مو قادر يتحرك بعد ماضربـوه ضرب قوي ووصلوا له رسالة التهـديد " اترك ريم وإلا راح تحصل اكثر من كذا"
عرف إن هذا الضرب والرساله من بسام ...زحـف بكامل قوتـه حتـى يـوصل لسيـارتـه.... وبصعـوبه جلس ع الكـرسي واخذ جواله واتصل على الرقم اللي حافظنه عن ظهر قـلب
....بتعب : الوو سلوووم تعال لي في شارع ؟؟؟؟
سلمان بخوف : فهد وش فيك ؟ وش فيه صوتك
فهد : الححححقني بسسرعه احس إني بمـوت
سلمان طلع من بيتهم بسرعه وركب سيارته : جاي جاي لك
فهد بالهون يتكلم : مو تنسى شارع ؟؟؟؟ بتشـوف سيارتي على جنب
سلمان بسرعه جنونيه : طيب طيب دقايق وانا عندك " سكـر "
تسند فهد ع الكـرسي بتعـب وبسخريه قال : تفكـر إني بتـرك ريم بفعلتك هذي ... هههه تخسي طبعا
غمـض عيـونه بتعب وهو ينتظـر سلمـان يجيـه
" بعد خمس دقايق ... وصل سلمـان وشاف سيارة فهد وفتح الباب وتفاجأ بمنظـر فهد وملابسـه مقطعه وفيه كدمه في وجهه "
سلمان بعدم استيعاب : من اللي سوا فيـك كذا ؟
فهد فتح عيونه بهدوء : ولد خالتك
سلمان عصب : الححقير... انا اوريك فيـه " مسكه " قـوم معاي المستشفى نتأكد من عظامك
فهد بضحكه : والله فاضي
اخذه سلمان إلى سيارته وتوجهـوا إلى المستشفى
.................................
تشتـغل بحمـاس في المطبخ تبغى تذوقه من طباخها ولأول مـره ....طلبـت مسـاعدة حمـاتها وما مانعـت
جواهر: يا حظه عزوز بهالطبـخ صراحه هههههه
بشاير: هههههه وبمساعدتك بعد
جواهر : بس انتي اللي تعطي الاوردر .... اني صـراحه مااعرف لا للكفته ولا للبيتزا ههههههه
بشاير : افا شكله انغش ولد عمي ههههههه
جواهر : ههههههه لا شـدعوه ترى اعرف اطبخ اشياء بسيطه ههههههه
بشاير : هههههه ... طيب الساعه كم الحين ؟
جواهر وهي تشوف الساعه : ثمـانيه ونص
بشاير : اووه باقي يعني نص ساعه على جيتـه
جواهر : روحي غيري ملابسك قبل لا يجي ويشم فيك ريحة الطبخ ههههههه
بشاير : طبـعا بتتعشي معانا
جواهر : لا خليـكم لوحدكم احسن انتوا بعدكم عرسان ما كملتوا شهر حتى ههههههه
بشاير : لا
قاطعها دخول ام عبدالعزيز اللي كانت توها جايه من برا : السلام عليكم بنات
.....: وعليـكم السلام
ام عبدالعزيز بإعجاب : ماشاء الله ريحـة الأكل مو طبيعيـه
جواهر : ايي يمـه هذا طبخ بشاير
ام عبدالعزيز بضحكه : اييي اني قلـت ما تطلع دي الريحه من جواهر
جواهر : افا يمـه
بشاير : هههههه بس ترا خالتي ،،جواهر ساعدتني ماقصرت
ام عبدالعزيز : هههههههه .... الله يعطيك العافيه ... ها ما جى عبدالعزيز ؟
بشاير : لا لسى بس ما باقي عليـه شي ... جواهر اعطي خالتي من اللي سويناه
جواهر مدت لام عبدالعزيز صحن فيه كفته وبيتزا وعجبها بالحييل
ام عبدالعزيز : ماشاء الله ... وين كنتي مخبيه كل هذا
جواهر : لايمـه فيه حـلا بعد في الثلاجه
ام عبدالعزيز : ليـش يايمه تعبتي حالك ؟
بشاير : ومايصير بععد بس قاعده أكل وماسويت شي
جاهم صـوت ناصر
جواهر غطت بشاير : ادخخل يا ناصر
ناصر دخل : ججوعان " اخذ قطعـة كفته " الله لذييييذه ... لاتقولي جواهروه انك انتي مسويتنه
جواهر : وش فيكم عليي اليوم ،،، لا مو اني... بشاير مرت اخوك
ناصر : يعطيك العافيه مرت اخوي ... وياليت تعلمي اللي جنبـك
بشاير : الله يعافيك ... هههههه لا هي شاطره في سوالف الحلا
جواهر : ي عممري اللي ترفع معنوياتي هههههههههه
...............................
بعـد سـاعه
في إحدى المطاعم .... كان يجمع العائله كامـله .... ويجمع ضحكاتهم وسوالفهم مع بعض
ام جمانه بإبتسامه : الله لا يحرمني من هالجمعه يارب
ابو جمانه : آميـين
" بعـد فتـره "
جمانه: ها سعـود لحد الان مافكرت في التخصص
رغد بضحكه : قال لي يبغى يدرس برا
ام جمانه بسرعه : لا لا ماابغى افقده مره ثانيه " بحنان " يممه شوف لك تخصص هنا مو لازم برا
سعود ضرب رغد على راسها : يمممه ما عليـك منها ... تألف كلام من عنـدها
ام جمانه : ايي ريحتنـي هههههه....ماابـغاك تبـعد عنــي مره ثـاني
سعود قام باس رأسـها: مستحـيل يمـه أبـعد عنـك
ام جمانه بإبتسـامه: الله لا يحرمني منك يارب
سعود:ولا منك يمه
جمانه: يا عيييني ....واحنــا لنا الله هههههههه
رغد تسـوي نفسها مسكيــنه : وش أٌقـول أني عجل يا أختي ...أني كل يـوم أشوف هالمنظـر
الكــل ضحك علــيها
رغد: والله وأني صادقه من جى سـعود واحنا مسـحوب عليــنا
سعود غمز لها : كأنك غيـرانه هههههه
رغد بقهر: اييي غيـرانه
جمانه: هههههههههه مجنونه رغيـد ...ماعليـك منها وقول لي وشو التخصص اللي اخترته ؟
سعود: إن شاء الله طـب أسنان ...وقررنا أنا ورغد بنفتح بعدين إن شاء الله عيـاده ..هي جهة الحريم وانا الرجال
رغد بهمـس لسعود: مو كأن اتفقـنا العكس ههههههههه
سعود غمز لها وبنفس الهمس : إذا جت الموافقه نعكـس هههههه
رغد: ههههههه
جمانه: الله يوفقك يا اخـوي
سعود: جمـيعا يارب
"رن جـواله يعلن وصول رسـاله من شهــد
""إذا رجــعت من طـلعتك من أهـلك ...ضـروري كـلمنـي ...محتاجتنـك سـعود""
اسـتغرب سـعود قال في نفسـه : هـذي تراقـبني وإلا وشـو
أبو جمانه: وش فيـك سـعود؟ صاير شي
سعود ابتسـم : لا يــبه ....ها خـلصتوا وإلا ؟
ام جمانه: الحمدلله
جمـانه: مشـكور أخـوي ع العـشاء
رغـد: يلا سـعودي ..الحيـن دور باسكــن
سعود: ههههه ولا يهــمك
رغد مسكته من ذراعه : ســعود ..وش رأيـك ما تتزوج ...أبـغاك ليي ..مااتخـيل على دلعك لي ..تجي وحده وتأخذك ههههههههه
ســعود ضحك
ام جمانه ضـربتها على رأسها : وش هالكــلام استحــي
رغد: أخــوي يمــه
سـعود: يصـير خيــر ولا يهمـك هههههههههه
ام جمانه: لا تشـجعها ...مجنونه هــذي
أبو جمانه: ههههههه...يـلا خـلونا نمــشي
................................
قــاعده تجهـز باقـي أغـراضـها اللي راح تـرسلهم بكــره إلى بـيت زوجــها وحاطه السمــاعـات تكـلم خطـيبها
....: حبـيبتـي لاتتعـبي نفــسك واجـد ...وإذا تـبغي بكـره أرسـل لك خادمه من عنـدنا
....: لا ما يحتــاج ...واصـلا ما باقـي أشياء واجد ..واختي ومرت أخـوي مو مـقصرين مـعاي
...: تمام "بضحكه" لـيـول ....الأخوات هنـا مو مصدقـين بتسكنيـن معانا .. فرحانين مـره ههههه
ليلى : هههههه .... مجهزين الأكـشنات على قـولتهم
راشد: الله يعــينا عجــل هههههههههه
ليلى : هههههههههه
راشد:ليـلـووه واحــشتني تـرا ...من متى ما شفتــك
ليلى: ليلوه وواحشتنك ما تناسب ترا هههههههه ....وبعدين تحمـل ما باقي غيـر ثلاثة أيـام
راشد: هذا دلعك الجديـد هههههههه ..يلا إن شاء الله هـانت
ليلى : هههههههه إن شاء الله
راشد: ليـلى ...تأكـلي عـدل وإلا ؟ أنتي سمعتـي كلام الدكتوره أمس وش قالت
ليـلى : والله أكـل ....وتدري اليوم فهد ونوف قلبـوني مسخـره يقولوا سمنانه
راشد: هههههههههه ماعليـك منــهم ...أهم شي أنا تعجـبيني "بمـزح " تعـالي صحيح يمكن كلامهم صحيح أنا صـار لي أسبـوع ونص مو شايفك
ليلى: راشد ..لا تجنني ...والله نفسيتي تعبت
راشد : هههههههه خلاص خلاص ..لا تتعب ولا شــي ...كل شي ولا ولدي وإلا بنــتي أبغاهم كاملين والكامل الله ..وإذا نفسيتك تعبت الجنين راح يتأثر بعد
ليلى بغيـره: راشد ..ماتحـس إن لازم في كل مكالماتنــا لازم تتكـلم عن الجنــين
راشد بضحكه: تغاري ؟ اعـترفي بسـرعه ههههههههه
ليلى انحرجت : لا ما أغـار ..يلا أني مشغوله الحـين ب
راشد قاطعها : قـبل البـاي ...أنا أحبك يا غيـوره "وضحك"
ليلى اخفت ضحكتـها : باي "وسكـرت " الله لا يحرمني منـك يا راشـد "ومسحت على بطنـها " ولا منك يارب
................................

عنــد ـفهد وسـلمان ...تـوهم طـالعـين من المستشفى بعد ما جـبسوا يده اليـسار واتضح إن فيـه رضوض خفيفه ..وعطـوه بعض البراهم للكدمـات اللي صابـته...والحــين هم في السـياره راجعــين 
سلمـان : الحمدلله ان صار بس كـذا ...كان أجـلنا المـلكه
فهد لف له بحقد : ونأجل عرسك بعد
سلمان : يممممه من نظراتـك هههههههه
فهد: عجل تـقول نأجل المــلكه ...أنا من متـى أنتظـر هاليـوم
سلمـان : ههههه خـلاص اسحـب كـلامي
فهــد : يعنـي هـذا وضـع واحد بكـره ملكته "رفع يده " آآي
سلمان: يا ذكـي ...لا تـحـركها "بجديـه " بس ولا يهمــك راح أخـذ بحقـك منــه
فهد :صـدقنـي هذا مو حـب اللي عنـده ...هـذا حـقد ...الحمدلله ما جاني أكثـر من كذا ..."بألم " بس والله كل جسـمي يألمنـي بشكل مو طـبيعي
سلمان: الحـين أوديـك بيـتكم وريـح ونـام ولا تـقعد إلا العـصر بكـره
فهد : لا والله ..بكـره لازم العصر أروح الحـلاق ...لازم أكـشخ لريومتي
سلمان: هههههههههههههههههههههههههههه الله يعـينا عليـكم
....................................
انتظـرته ساعـه ...ساعتـين ...ثلاث...ولحــد الأن ما جـى ...وكانت معاها جـواهر تنتظـره معاها بس نعـست وراحت نـامت
جـلست في جنــاحهم وهـي حدها متوتره من تأخـره..وكـل شوي تـدق عليـه وما يـجي لـها رد ....عمـره ما سـواها من أخذته إن تتصل له ومايرد
....: ياربي ...ويــن راح "بخـوف " لا يكــون صـابه شي ...لا لا إن شاء الله خـير إن شاء الله ...طـيب أبـغى أعـرف الساعه كم الحــين "تذكرت الساعه الناطقه اللي جابها لها عبدالعزيز ...قامت تمـشي بهدوء إليـن ما وصـلت للساعه اللي كانت ع الكمدينـه ...أخذتها وضغطت ونطقت الساعه بأن الساعة الأن الثانـيه عـشر بعد منتصف الليــل ...خافت بشاير أكــثر " ياربي وش صار فيــه ..هـو قـال لـي إن الساعه تسـع راح يكون موجود حتى خـالتي خـافت لما جت الساعه تسع ونص وهو ماجى بس أني طمنتها وقلت لها إني طالبه منه شي يجيبه وتأخـر وراحت نامت وهي متطمنه ...ياربي سامحني ما كان ودي أكـذب علـيها بس ماكان ودي إن تقلق وتخاف ...طــيب وين رااح ...حتــى جواله ما يرفعـه ..يارب خيـر يارب خيـر
"بعــد دقايق من كـلامها وتهدئتها إلى نفسـها ..سمعت صـوت فتح باب الجنـاح ....قامت بشاير وهي ملهوفه "
بشاير : من اللي جاي ؟ عبدالعزيز صح ؟ ايي هـذا انت وهذي ريحتـك
عبدالعزيز تـقرب منها وابتـسم بتعب: ايي أنا عبدالعزيز يا عيـون عبدالعزيز
بشاير صارت تحـرك يـدها علشان تـوصل له: ليـش تأخـرت خوفتني عليـك
عبدالعزيز مسك يدها: لما قريب بيخـلص الدوام ...جانا نداء إن فيـه حريق في إحدى البيـوت وتوجهــنا له وكان الحريق مره كبير
بشاير : وأحد تضرر ؟
عبدالعزيز بتعـب: بس بنـت صغيره كانت حروقها بليـغه وإن شاء الله مع الأيام تتشافى
بشاير : إن شاء الله ..طــيب روح غيـر ملابسـك ..الليله أنـي مسـويه لـك عشاء ...بسخنـه
عبدالعزيز ابتسم بتعب: يا حظي بشوره مسويه لي ...لا انتـظري أنا بسخنه معاك
بشاير بضحكه :تـرى الكونتر هنـا عنـدنا في الجنــاح وادله عـدل
عبدالعزيز: عارف بس أبـغى أساعدك
بشاير : ههههه خـلاص طـيب بنتظـرك هنـا
تـوجه عبدالعزيز لغـرفتهم ...حمـد ربـه إن ما احد شافـه وهو داخـل البيـت ...لإن جزء من مـلابسـه تأثر من الحـريق وحتـى جسـمه تأثر شوي بالشرار ...طـلع له ملابس بتعـب ..ولما جـى بيفصخ الزي تألم من الحـروق وطـلعت منه آآآه من غيـر ما يقــصد ...سمـعته بشاير استغربت بس توقعت إنها تتهيأ ...عبدالعزيز فصـخ الزي وهو يتـألم مو قـادر ...توجه للصيدليـه وأخذ إليـه بـرهم وتوجـه للمـرايا عـلشان يـشوف مكــان الحرق اللي كان في كتفهه ..حط البـرهم في يده وأول ما لامـست يده الحـرق صـرخ مـره ثـانيـه من الألم ....هالمــره سمعته بشـاير ..وقـامت تمــشي متوجهه للغـرفه
بشاير بخوف: عبدالعزيز فيك شي ؟ ليـش تـصرخ؟
عبدالعزيز يحاول يهـدأ حاله: مافي شي بشـاير ...لا تحـاتي
بشاير تحـاول تـقرب لمصـدر صـوته وهي تمـشي بهـدوء: عبدالعـزيز تـكلم وش فيـك
عبدالعزيز: لا تحـاتي بس صابتنـي شـوية حـروق ...نسـيت ما لبـست الواقي وصابتنـي بعـض الشرار
بشاير دمعـت عيـونها: يعـورك ؟ ...طـيب حـط بـرهم وإلا شي
عبدالعزيز: اييي حطـيت "ابتسم بألم" وهذا اللي خـلاني أصـرخ
بشاير: طـيب تـقرب خـلني أحطه لك بهدوء
عبدالعزيز : لا ماله داعـي ..الحيـن بحطـه
بشاير وهي طالعه من الغرفه : طـيب
بـشاير طـلعت وقعدت ع الكنـبه المـوجوده في الصـاله ودمـوعها تنـزل
...: هـذا أقـل شي وما أقدر أسـويه له ..مااقدر أداوي جـروحه وحـروقه ...عبدالعزيز ما يستاهـلني ..يستاهـل اللي أحسـن منـي .."شهقت من البكا" زيـن إنـي حطيـت الشرط علشان لا أعـذبه أكـثر ...ياربي ساعدنــي

عبـدالعزيز بهدوء كان يحاول يحط له البـرهم علشان لا يتألـم ...لف مكان الحـروق ولـبس مـلابســه ..طـلع للصـاله وتفاجأ ببشاير اللي تبــكـي 
تــقرب منـها بخـوف: بشـاير..وش فيـك ؟ ليـش تبكــي ؟
بشاير مازالت تبـكي

عبدالعزيز تقرب منها ومسـك يدها : أحد مضايقـك ؟ أحد قايـل لـك شي بشاير حضنتــه وهـذي أول مـره هي اللي تحضنه مو هو : أنت ما تسـتاهلنــي ..مااقدر أسـوي لك شي بنفســي ..ماأقـدر أدوايـك وأقـرب مـثال اللي صـار من شـوي
عبدالعزيز كان مستغرب من كـلامها بس عاجبـه إن هـي اللي بدأت وحضنتـه : بــشوره وش هالكــلام ...أنا ما شكــيت لـك ولا قـلت لك شي ...وانا الحمدلله عاجـبني وضعنـا كـذا ...لا تكــبري المـواضيع...وإن شاء الله راح يرجع بصرك "بمزح " عاد ساعتها ولا يهمــك أطب في حـريق علشان تداويـني هههههه
بشاير ضربته على صـدره : لا تـقول هالكـلام
عبدالعزيز :ههههههههه وش أسـوي لـك "بعدها عنه وصار يمسـح دموعها " يـلا ابتسـمي وبلا يأس في الحـياه
بشاير ابتسمت بهدوء
عبدالعزيز : يـلا خـلينـا نـروح لعشـاك اللي تـقولي عنـه ..تـراني ميـت من الجـوع
بشاير بضحكه : خـسى الجـوع "بجديه " بس عبدالعزيز ..شـرطي الأخيـر ما نسـيته ومسـتحيل أتنازل عنـه مثل ما تنازلت عن اللي قـبله
عبدالعزيز تضايق: يعنـي لازم تـذكريـني بهالشـرط ...والله أنتـي بكـلامك تضايقينـي ..خلينـا نعيـش حيـاتنا وإذا جى وقت هالشرط يصير خـير
بشاير وهي منزله رأسـها : طيب
عبدالعزيز رفع رأسها وباسه: رأسـك ماأبغاه ينـزل دامنـي على الدنــيا "وقف ومسـك يدها وبضحكه " أقـولك جــوعان ...يلا نتعشى هههههههه
بشاير ضحكت: هههههه يــلا
..........................................
صــباح يــوم يحمــل الكــثير من المفاجأت على أبطــالنا
في هاليــوم راح تكتمــل قصـة حـب طاهر دام سـنوات
قصـة حب
ريــم & فهـد
هالأثنــين كان النــوم مجافيــهم طـول الليـل ....كـان كل واحد يفكـر بالثـاني وكــيف راح يــكون أول لقـاء ...كيـف راح تـكون حـياتهم ...إلى أن طـلعت الشمـس وغفـت عيـونهم

العــصر 

بيــت أبــو ريــم كانت الفـرحه كاسيه البيت... دلوعة البيت الليله ملكتها ... دلوعتهم كبرت وجى اللي راح يأخذها منهم ريم ودمعتها في عيونها : ساروه يعني عدل ؟
ساره بضحكه : صـدقينـي عددل ... ويلا امسحـي دمعتـك قبـل لا تنزل ويخترب كل شي
ريم : هههههه طيب ..." تذكرت" صحيح وين علاوي ماسمعت صوته من قعدت
ساره: مسكين علاوي موديتنه من الصباح لبيت خالتـه علشان اتفرغ لعمـته
ريم : ي عمممري سارونه .،.. بس اهم شي في الليل بيكـون موجود
ساره : اييي اكيـد .... تعالي صحيح البنـات غريبه مااحد جى منهم
ريم : ههههههههه اني موصيتنهم مااشوفهم الا في القاعه ووقت العقد علشان يشوفوا كشختي كامله
ساره : ي عيييني هههههههههه
مصففة الشعر : لو سمحتوا ممكن تسكتوا مو عارفه اركز
ريم وساره ضحكوا : آسفين
" تحـت في الصـاله "
سلمـان جلس ع الكنبه بتعب : ان ما كرفتك يافهيد في زواجي مااكون سلمان
جت ام حسن وهي مستعجله : ها يمـه سلمـان وديت اللي وصيتك عليه
سلمان : اييي يمـه وتـوني جاي
ام حسن وهي رايحه : الله يعطيك العافيه
سلمان : الله يعافيـك يممه
دخل حسن : سـلام
سلمان : وعليكم السلام .... شكله حتى انت اليوم مو مقصرين عليـك
حسن : اووه افا عليك هههههههه ... خلصت شغلك !
سلمان: ايي خلصت ... بس باقي اخذ لي شاور واكشخ واتوجه للقاعه
حسن : ههههه ... مو مصدق ريمموه بتتزوج
سلمان : لا وبتأخذ من ... فهود هههههههه
حسن : الله يهنيهم ان شاء الله
سلمان : آمين ...." رن جواله وكان فهـد " ماينذكر والله ههههههه.... الوو
فهد بعصبيه : سسلوم وينك ؟ من زمان انتظرك
سلمان : بسـم الله وش فيك ؟ تنتظرني ليش وين بنروح؟
فهد : الحلاق والا نسييت
سلمان ضرب راسه : اووه " وقف" خلاص خلاص الحيـن جاي ... لا تخـاف باقي وقت ع المغرب باي " وسكر"
حسن بضحكه : وش صاير !
سلمان : نسيت الاخ اوديه الحلاق
حسن : طيب ليش مايروح بروحه
سلمان : مايقدر يسوق .،، اووه انتوا ماتدروا ... طايح الاخ وتعور ههههههه باي
حسن : هههههه باي
طـلع سلمـان مستعجـل وركب سيارته متوجه لبيت عمته ... واثناء ماهو في الطريـق خطرت في بالـه جواهر ... اخذ جواله واتصل وبعد ثلاث رنات وصل له صـوتها وهي تضحك ... ابتسم لاإرادي
سلمان: الوو
جواهر مازالت فيها الضحكه : الوو هلا سلمان
سلمان : هههه وش فيـك تضحكي؟
جواهر : ههههههه كنت قاعده استشور شعري وفجأه النحيسس ناصروه كب ماي على شعري فصارت حفلة ماي بيننا وتوني طاردتنه من الغرفه قبل لا تتصل بثواني ههههههههههههه
سلمان: هههههههههههههههه ... مجانيـن والله
جواهر : ههههههه
سلمان وهو مو حاس بنفسه : جوجو ابغى اشوفك الليله وانتي كاشخه
جواهر استغربت نبرته واول مره يقول لها جوجو : ها
سلمان : ههههههه وش فيـك جواهر
جواهر رجعت لطبيعتها : هههههه لا مايصير ما باقي على زواجنا الا اربعة ايام وامس رجعتي من عندك حصلت تهزيئه من عند امي ان المفروض مااشوفك
سلمان : افا ... انا اول مره اطلب منك شي
جواهر : هههههه ... ولا يهمك بصور وبرسل لك الصوره مع احد
سلمان : خـلاص انتظرها هههههه ... اوكي انا وصلت بيت عمتي بأخذ العريس ونروح الحلاق ... بكلمك بعدين
جواهر : هههه اووكي
سلمان : مع السلامه
جواهر : مع السـلامه
سلمان دق هرن لفهد علشان يطلع لـه وجلس يفكر : وش فيـك سلمان وش اللي قلتـه لها ... اوف لا تفكر ولا شي اللي قلته قلته وخلاص
ركب فهد جنبه : سـلام
سلمان : وعليكم السلام .... اليوم صرت سواق علشان حضرتك
فهد : استاهل مو ؟ ههههههههه ...احمد ربك بعد ماقلت لك مر على سعود
سلمان لف له بحمق وهو رافع حاجب واحد
فهد : اهدأ اهدأ هههههههههه ...قـلت له يجيـنا هنـاك
سلمان بضحكه : تـرا دي ملكه مو زواج
فهد: مالـك دخـل ..ملكتـي وأنا حـر ههههههه "تذكر" صـح سألت ريـم ؟
سلمان: اييي سألتــها تـقول إن ماوصـلها شي أنـا استغربت مـره ..وهو صحيح يعني لو وصلها أكـيد راح تـقول لي
فهد: زيـن إن بس يهدد فينـي أنا ...الله يستـر من اللي جـاي
سلمان: كـلمت خالتـي البارحه وخـبرتها ونـشوف وش يصير
فهد: إن شاء الله خـير
..............................
في سـيارة سـيف
الحـين هم راجعـين من المطار بعد ما أخذوا تـركي
تـركي قاعد ورا مع هبـه
وقدام محمد وسـيف

هبـه بضحكه : الحيـن راح يـرجع الحمماس صـراحه هههههههه 
محمد: هبـه اعقلي عنـه ...الولد توه جـاي من رحـله طـويله
تركي: هههههه عـادي خـلها تأخذ راحتـها
هبه : هههههه شفت هذا الأخو العـدل
تركي: ههههههه
سيف : كـم بتقعد هالمـره ؟
تركي :أسبوعـين بس
سيف : والله ماتـسوى علـيك اتجي وتـروح
تـركي: والله مـليــت من الغـربـه...مع إن كنـت ما احب السعوديه ...بس الحيـن تغير الوضع
هبه : احم احم لإنك عرفتني صح
تركي: ههههههه ايي صـح
سيـف : أمـك قـلت لها إن راح أجيب لها مفاجأه وقـاعده وتنتظر ههههههه "لف محمد" عنـدك شي وإلا بتـروح معانا
محمد: لا عـادي أروح معاكم ماعنـدي شي ...."لف لهبـه " هبـوه تبـغي تـروحي البيـت تتجهزي علشان المـلكه وإلا
هبه : لا لا بـروح معاكم ...أبـغى أتعرف على جدتك " تمثل الحـزن " أبـغى أشوف جـده ..كفايه إن جداتي مالحقت عليـهم ههههههه
محمد: قلبـتيها فيلم هنـدي ههههههههه ...قـولي أبـغى أروح وخـلاص ..بس مالي شغـل إذا تأخرنا مو بعدين تـقولي ما تكشخت وماادري ايش
هبه : لا تحـاتي مابـقول ..بس بلبس فساتني وبحط ميك آب خفيف وباروح ..لإني مخـلصه شعـري
محمد: طـيب
هبـه لفـت بحمـاس لتـركي: يا أخي العزيز ..وش رأيك أزوجك أنت ومحمد على تـؤوام
تركي حط يده على رأسـه : يارب ألهمنـي الصبر
سيف : هههههههههه ..تستاهـل والله
تـركي بصرخه: أنت اسكــت ... انت تزوج وبعدين اقعـد عـلق
هبه بضحكه : عيـب ياتـركي هـذا خـالك لا تكلمه كـذا
سيف : علمـيه الأخـلاق اخت هــبه
محمد: هههههههههههههههه
تـركي: لا والله تعلمنـي الأخـلاق عجـل
محمد: حسـيتـها داعيـه إسلاميه مع لقب اخت هبـه
هبـه كانت منحـرجه وتكـلم نفسـها: هبــوه شكــلك نســيتي نفســك ..هذا غـريب عنـك وأنتي طول الطريق قالبتنـها مسـخره وضحك
محمد استغرب سكوتها وبضحكه قال لـها : اخت هبـه وينـك ؟
تركي هـزها : ويـن رحتـي ؟ لا يكـون تدوري على تؤام بنات ههههههههههه
سيف: والله عجـبتني الفكـره ..تؤام شباب على تؤام بنات هههههههههه
هبـه ضحكت بهدوء
محمد: بسم الله وش صار في أختـي هههههههه
هبـه بإحـراج : محمدوه تأدب عنـي هههههه
محمد: هههههه خلاص بسكت

"دقـايق ووصـلوا لبـيت الجـده ..ونـزلوا كـلهم " 
دخـل سـيف أول شي الصاله اللي كان قاعد فيـها الجده وام تـركي: السـلام عليكم
....: وعليـكم السلام
ام تركي: وشو مفاجأتـك ؟
سيـف : هههههه ...ادخــلوا
ام تـركي لفت للمـدخل ودخـل تـركي ووراه محمد وهـبه
ام تـركي ما صـدقت عيـونها وقامت تـركض وحضنـت تـركي والفرحه مو سايعتنــها...وتـركي باس يدها ورأســها والدموع متجمعه في عيـونه
تركي : وحشـتيني يا يممه وحشتيـني
محمد: احم احم أنا هنـا ههههههههه
ام تـركي أخذت محمد وضمتـهم اثنيـنهم مع بعض والدموع تـسيل بدون شـعور
هبـه دمعـت عيـونها من المـوقف
وبعد مـرور دقايـق ..قعــدوا كــلهم
الجـده استغـربت وجود هـبه وهي جالسـه ومتغطـيه
الجـده : تـركي ..سويتها وتزوجت من ورانا ؟
تركي انصدم : وش هالكــلام يمه
الجـده : عجــل من هي هالبنــت اللي جايبها معــك
كــلهم تفجــروا من الضحـك
ام تـركي : وهي صادقه أمـي من هي هالبنـت
محمد : ههههههه يمــه هذي أختـي هبـه
سيف حس مكانه غلـط وقـام لغـرفته
وهبــه فتحت وجهها وقامت سـلمت على ام تركي وباست رأس الجده
الجده بإعجــاب : ما شاء الله عليــك ..."لفت لتركي ومحمد " هـذي أختـكم ماتشـبهكم
محمد: هههههه تشـبه أمـي أكــثر
الجده : وش أسـمك يا بنتـي ؟
هبـه استحت من نظراتها : هبه يا جـده
الجـده : الله يحفظك لأهـلك يا رب
..........................................
عـبدالعزيز قـاعد يقـنع بـشاير إنها تـروح الليله المـلكه بس هي ميبسه رأسـها ومو راضـيه
عبدالعزيز : صدقينـي أهـلك راح يـزعـلوا
بشاير : بس هم يعـرفوا ليـش أني رافضـه ؟ ولو أنها ملكه عائليه كان رحـت بس هي عامه والله ما اقدر أقابل نـاس غـرب
عبدالعزيز : بشــوره ..روحـي غيـري جـو ..واستانــسي مع البنــات ...وإلا نسيتي كـلام الدكتـور إنك لازم تفرفشي عن نفســك وماتكـوني مكبـوته عن النــاس
بشـاير : بس والله مااحب النـاس تشـفق علـيي
عبدالعزيز : ما أحـد بيشفق عليـك ..أنتي أقعـدي ع الطاوله ولا احد بيحس بولا شـي ..روحي وفـرحي أمـك وأهــلك بـروحتـك
بشـاير سكـتت
عبدالعزيز : طــيب وإذا قـلت لـك علشـاني ...وإلا ماعندي قدر عنـدك
بشاير بإبتـسامه : لا والله ..قدرك على رأسي
عبدالعزيز : يعني بتروحي ؟
بشاير بإبتسامه: علشـانك بس
عبدالعزيز باسها على خـدها : فديـتك بـس
بشاير : بس طيـب ما يبمدي أخـذ لي فسـتان ولا "تذكرت " اووه صح قالت هبـه إن هي شرت كـذا فسـتان مع تجهـيزي
عبدالعزيز: تممام ..وإذا مو حـلو ..ما يخـالف نـروح السـوق ونـشتري لـك الفسـتان
...................................
في اللــيل
فـي القــاعه

"نــهاية البارت الخامـس والعشـرون "