رواية داويتني فأحببتك الفصل الرابع 4 - بقلم HaboOoshy

لكل منآ رواية يحملهآ بـِ مُفرده وقد آثقلت كآهِله وآربكت يسار صدره وآتلفت ذاكرته 3>

عند جمانه وخالد
(المصوره طلعت من عشر دقايق وخالد وجمانه كل واحد قاعد في جهه والهدوء هو سيد الموقف )
خالد قام من مكانه وجلس في نفس الكنبه اللي فيها جمانه
....: احم ترا انا موجود
جمانه ساكته
خالد: شخبارك جمانه ؟
جمانه بصوت يادوب ينسمع ومنزله راسها: الحمدلله تمام
خالد بضحكه: وشو ما اسمعت
جمانه رفعت صوتها اكثر: الحمدلله تمام
خالد:هههههه دوم يارب ....واخيرا سمعت صوتك
جمانه ومنزله راسها: هههههه
(وقف خالد وفصخ غترته وخلي عليه بس الطاقيه وقعد ع ركبته قدام دمانه ورفع ذقن جمانه بصبعه)
خالد: ما شاء الله ...كل هالجمال ومخبيتنه عني .. ودائما منزله راسك
ابتسمت جمانه فقط
(خالد قام وقعد جنبها وجسمها لاصق بجسمه ورجفت جمانه من لما جلس جنبها )
خالد: بسم الله فيك شي ؟ بردانه؟ "حط يده على جبهتها " ما فيك شي
جمانه بهدوء: ممكن تبتعد عني شوي
خالد:افا ....ليش ؟؟
جمانه:ماني مرتاحه
خالد ابتعد شوي :طيب ...كذا احسن
سكتت جمانه
خالد: طيب سولفي ...بتجلسي كذا ساكته
جمانه: ايي عادي
خالد تضايق من الوضع : لا حول
جمانه:اذا انت متضايق تقدر تروح بيتكم
خالد:كأنها طرده دي
جمانه باندفاع: لا مو قصدي
خالد:عجل ؟؟؟
سكتت جمانه
خالد: انا لله رجعت سكتت ...بس حبيت أقولك ان انا ودي اقعد معاك لبعد صلاة الصبح
جمانه رفعت راسها مستغربه
خالد بضحكه بس اخفاها: ليش فيها شي ؟ بيت خالتي وبيت خطيبتي فعادي
جمانه: بس اني نعسانه ابغى انام
خالد:ههههههه حتى انا ميت من النعس
جمانه سكتت ونزلت راسها من جديد وصارت تحوس في فستانها
خالد:تدري ان فستانك يجنن
جمانه:شكرا
خالد طلع جواله وقعد يحوس فيه
جمانه سكتت وراح بالها بعيد
" بعد ربع ساعه "
(خالد مازال ماسك جواله ....حس بالملل والنعس ... رفع راسه وتفاجا ان شاف جمانه مغطيه وجهها بكفيها وتبكي بهدوء ....استغرب وماعرف شنو يسوي )
خالد: جمانه وش فيك ؟
جمانه ساكته
(قام وقعد مثل قعدته من شوي على كبته ومسك وجهها وحاول يبعد كفوفها ولكن مافيه فايده )
خالد: جمانه ردي عليي ...زعلتك انا بشي
جمانه بصوت ممزوج بدموع : ما فيني شي بس روح عني
خالد:لا مااقدر اروح واخليك كذا ...اصلا ماادقر اشوف بنات يبكوا
جمانه:مافيني شي مافيني
(خالد حضنها مع انها كانت تحاول تفك منه بس هو كان مُصر وحاول يهديها )
...............................................
الساعه سبع الصباح
بيت ام خالد
(حست بالعطش فنزلت شربت مويه وهي راكبه ولما مرت من عند غرفة خالد دقت الباب وفتحته وماشافت احد وسريره مرتب ,,,استغربت ان لحد الان ماجى ...طلعت من غرفته وراحت لغرفة ختها وشافتها صاحيه )
ليلى : نووفوه وش فيك ...غريبه قاعده ... من ثلاث ساعات بس كنتي نايمه
نوف: سكتي بس ...ماني قادره رجليني يألموني من الرقص هههههه
ليلى :هههههههههه .... ع طاري البارحه ...تدري ان خالد لحد الان ماجى
نوف باستغراب : حلفي
ليلى :ههههه والله
نوف:تدري توقعتع بالكثير نص ساعه وهو راجع ....لـأن جمانه مع انها ساعات تصير اتجننن وساعات تصير لا تطاق وفي الفتره الاخيره صايره من الحاله الثانيه
ليلى : ههههههه الله يغربلك ... ادعي اليهم بس الله يوفقهم
نوف: الله يوفقهم يارب ويعيش اخوي حياته مرتاح
ليلى: ان شاء الله يارب
نوف:بس يمكن طلع من عندها وراح مكان
ليلى :كل شي جايز ... يالله بروح انام بعدني نعسانه ..باي
نوف: باي
..........................

بيت جدة تركي
في الصاله
(كان موجود تركي يفطر مع امه الا بدخول سيف )
سيف: السلام عليكم
تركي وامه : وعليكم السلام
سيف : قاعدين من الصباح ؟
ام تركي: وانت طبعا مانمت
سيف: هههههه ايي بعدني مانمت توني جاي من الديوانيه
تركي: تعال افطر معانا
سيف: شبعان حدي من العشاء قلت لك تعال معانا بس مارضيت
تركي : تعرفني ماحب السهر
سيف: ههههه بكيفك
ام تركي : ايي ماعليك من ولدي
سيف: خليه عندك مااحد بياخذه ...تصبحوا على خير
تركي قصدك تمسوا على خير هههههه
سيف : اللي هو ههههه " وراح غرفته "
تركي : صحيح يمه
ام تركي: آمر يا تركي
تركي:ودي ان نرجع لندن في اقرب وقت حتى لو قبل الدراسه
ام تركي:ليش عندك شي مهم هناك
تركي:لا ماعندي شي والدراسه بتبدا بعد رمضان
ام تركي :عجل ليش تبغانا نروج ؟؟
تركي بتنهيده: مو مرتاح هنا
ام تركي:قصدك يعني تبغانا ناخذ شقه علشان ترتاح
تركي:يمه ما قصدي ع المكان اللي قاعدين فيه
ام تركي:مافهمتك عجل ؟؟
تركي/قصدي ان مو مرتاح للسعوديه احس فيه شيم كرهني فيها ومخليني مو مرتاح
ام تركي: ياولدي حاول تختلط مع الناس مااقدر ابتعد عن امي في رمضان وانت اكيد مقدر وضع امي
تركي:ايي فهمت عليك يمه
ام تركي: مو تحط في خاطرك ياولدي
تركي:لا يمه أصلا الفكره ان نروح في هالوقت غلط ... الله المعين
....................................
في بيت أبو جمانه
( وفي المكان اللي كان فيه جمانه وخالد )
كان الهدوء يعم المكان لان ....
" تتوقعوا شنو هههههه "

لان خالد كان نايم وجمانه نايمه في حضنه بعد ما هدأت وبدون ما يحسوا ناموا ....وبعد هالوقت رن جوال خالد اللي صحاه من النوم ..حطه صامت ولما جى بيحطه في جيبه انتبه ان جمانه نايمه في حضنه انتبه لوجهها حسها من النوع الطفولي ...كان المكياج باقي آثاره ..اخذ جواله علشان بيشوف الساعه وتفاجأ من الوقت )
خالد : يالله نمت ماحسيت ...لازم اروح البيت بس فشله اخليها نايمه هنا ...طيب والحل ؟؟ المشكله ولا اعرف في وين غرفتها ..ايي اكيد ...خلني أحملها واوديها غرفتها احسن
" قام من مكانه وهو حاملها وفتح الباب بكوعه وركب الدور الثاني وبكل هدوء يمشي وقف عند غرفتين كانت بعيده عن الغرف الثانيه وقف محتار أي وحده ...توكل على الله ودخل وحده منهم وكانت فاضيه حمد ربه وحطها ع السرير وغطاها وشغل التكييف وجمانه ماهي بحاسه بشي.... نزل مره ثانيه للمجلس واخذ اغراضها الباقيه بسرعه وركب لغرفتها وحطهم قبل لا يطلع فكر ان يحط اليها ورقه وفعلا طلع ورقه من جيبه وكتب كلامه وحطها جنبه وطلع من الغرفه بكل هدوء وطلع من البيت كله وهو يفكر باللي صار البارحه من لما صاحت جمانه "
خالد: ودي افهم ليش بكت ..كانت بس تقول انها تعبانه بس من شنو ..حيرتني " ودخل في نوبة تفكير في جمانه "
........................................
الساعه وحده الظهر
في بيت أبو محمد
في الصاله
( كان قاعد محمد وامه وابوه )
محمد: ان شاء الله بس ما يجينا تسمم
ام محمد : اسكت بس لا تسمعك
محمد رفه صوته : ها بشار وش صار ؟
بشير بصوت عالي من المطبخ: دقايق ويستوي
محمد: ههههههههه اووكيه
أبو محمد : ماقعدت هبه ؟
ام محمد: لا بعدها ما قعدت شكلها مانامت على طول رجعتنا البارحه
أبو محمد : على طاري البارحه ...ها محمد متى ناوي ؟؟
محمد: هههههه مو الحين طبعا
ام محمد: افا ليش خلنا نفرح فيك
محمد: خلني اخلص دراسه وبعدين يصير خير
أبو محمد: براحتك
جتهم بشاير: يالله تفضلوا ...صدقوني بتأكلوا اصابعكم ويمكن اياديكم بعد ههههههه
محمد: بنشوف الحين ههههههههههه
.....................
بيت أبو حسن
( كان الموجود في الصاله ام وأبو حسن فقط وسلمان وريم نايمين )
ام حسن : أبو حسن فيه موضوع بكلمك فيه
أبو حسن :آمري
ام حسن :يخص ولدك حسن ...والله معور قلبي هالولد صار اليهم اربع سنين من تزوجوا ولحد الان الله ماكتب لهم عيال
أبو حسن :قلتيها الله ماكتب لهم ...ليش انتي معترضه على قضاء الله وكتبته
ام حسن : استغفر الله مو معترضه بس ابفى اشوف فرحة ولدي والله كاسر خاطري " سكتت شوي" بس خلاص اني قررت ازوجه
أبو حسن : يا حرمه اعقلي
ام حسن : اذا جى اليوم بشاوره وبشوف ...مااقدر اشوفه كذا
أبو حسن : ماراح يوافق ولدي واعرفه
...................................

بيت أبو جمانه
في الصاله
(كان الكل موجود عدا جمانه )
أبو جمانه : لحد الان جمانه نايمه ؟
ام جمانه: ايي بعدها مايندرى متى نامت
أبو جمانه: جيتي انا من صلاة الفجر من المسجد كانت سيارة خالد موجوده بس ماحبيت ادخل المجلس اليهم
ام جمانه: يالله الله يهنيهم " انتبهت لرغد ماسكه جوالها" رغدووه اتركي الجوال عنك ..عيونك ارحميها
رغد رفعت عيونها: يعني وشو اسوي ملل
أبو جمانه: والله بنات هالزمن مايعجبهم شي
رغد: ههههه مشكور يبه
" في غرفة جمانه "
( كانت توهت مفتحه عيونها قامت تطلع في الغرفه وايدها تبحث عن جوالها..... انتبهت لنفسها انها لابسه فستان وقعدت تسترجع احداث الليله الماضيه وفجاءة شهقت )
جمانه: ياربي وش اللي جابني هنا " وانتبهت للورقه اخذتها وفتحتها "
( مساء الخير
لا تخافي ما صار شي بس انتي نمتي وماعرفت اخليك في المجلس فوديتك غرفتك ....بس اول مره اشوف وحده تنام ليلة خطوبتها ولا تحس بـ ولا شي ههههههه
ع العموم كلميني بعدين وهذا رقمي ******
صحيح كان قلتي من زمان انك حابه تنامي في حضني كان سرعنا بدل قعدتنا ع الكوشه هههههههههههه
خطيبك خالد)
جمانه اتدوروها ذيك اللحظه ما تشوفوها من الحيا
جمانه : شلوون ما حسيت لنفسي انام في حضنه ...ايي هو اللي غصبني أكون في حضنه والا اني كنت ابغى ابتعد وبعدين أصلا اني غبيه ما ابكي الا قدامه ياربي وش هالفشله
" على اخر كلمه دخلت رغد الغرفه "
رغد: على شنوا لفشله ؟ " انتبهت للفستان وشهقت " مابدلتي ولا شلتي المكياج
جمانه ماعرفت وش تقول: كنت حدي نعسانه ما قدرت اسوي شي
رغد:اووه اوكيه ههههه ....ليش متى طلع خالد؟
جمانه تورطت: مااذكر بالضبط ههههه
رغد:اووكيه ههههه جمانووه يجنن وجهك وانتي مستحيه
جمانه ضربتها بالمخده: اطلعي برا احسن
رغد وهي طالعه : ههههههه الله يهنيك ...ويالله حطينا الغذاء
جمانه بعد ماطلعت رغد: أي غذاء أي خرابيط خليني في الفشله اللي صارت لي ... لا وحضرته بعد يقول كان سرعنا بدل جلستنا ع الكوشه .....اوووف
................................
بيت ام خالد
عند باب غرفة خالد
( ليلى كانت تدق الباب ولا فيه فايده ..دخلت الغرفه وكانت في شدة البروده ...طفت التكييف .. وشغلت الاناره وبدا خالد يصحى )
خالد فتح عيونه:صباح الخير
ليلى : قصدك مساء الخير ههههههه
خالد:ولا يهمك مساء الخير هههههه
ليلى قعدت على سريره: ها كيف الوضع البارحه
خالد قعد وتسند ع السرير: الحمدلله
ليلى ضحكت
خالد:بسم الله وش فيك تضحكي
ليلى :شوف ثوبك هههههه
خالد نزل راسه وشاف بقايا كحل و روج ....استحى من اخته
ليلى :ماتوقعتك من اول ليله يا خوك ههههههه
خالد:ليلوه تأدبي ههههههههههه " حب يغير الموضوع " مااستوى الغذاء ميت من الجوع
ليلى :ههههه الا استوى يالله قوم
خالد:لحظه ليلى ...اعطيني رقم جمانه
ليلى وهي تغمز: ليش ما مداك البارحه تأخذه
خالد يمثل العصبيه: ليلوه اطلعي برا
ليلى :هههههه زين زين
( طلعت ليلى من غرفة أخوها وراحت لغرفة نوف اللي كانت منسدحه وتحوس بجوالها )
نوف: نووفوه الحقي هههههه
نوف: وش فيك ..روعتيني
ليلى :لانك ماشفتي اللي شفته
نوف:ووشو شفتي اللي شفتيه
ليلى :اخوك خالد عمرك شفتيه نام بثوبه
نوف باستغراب:لا
ليلى :هههههه نايم بثوبه لا وتخيلي وش فيه ...كجل وروج ومن هالحركات
نوف: حلفي ههههههههههههههههههه ومع جمانه .؟
ليلى عطتها نظرة يعني وش تحسي فيه
نوف: ههههههههههه اوكي اوكيه ... بس والله وطلعوا مو هينين
ليلى :ههههه شكلنا ظلمنا جمانوه وطلعت من تحت لتحت هههههههه
نوف:سكتي بس لا احد يسمعك
ليلى : ههههه يالله الله يهنيهم ..صحيح ماتبغي غذا
نوف: شوي وبنزل
ليلى: اوكي
..........................................
الليل
بيت أبو محمد
( هبه وبشاير كانوا يلعبوا بلايستشن في الصاله )
بشاير : هبه تأدبي
هبه :هههههههه لازم أفوز
بشاير:اتحداك اني اللي بفوز
"بعد دقايق فازت بشاير "
بشاير: ههههه قلت لك
هبه :غشاشه لانك
بشاير: رقعي رقعي هههههههههه
" الا بدخول محمد"
محمد: وش فيكم ..صراخكم لبره
بشاير: كنا نلعب واني اللي فزت فالاخت معصبه هههههههه
محمد: ههههه والله انكم مسخره ...ماادري كيف انا مستحملنكم
هبه بدلع : لازم احنا خواتك
محمد: دلعك ماصخ مرره
هبه :اشكرك يا اخوي العزيز
بشاير: صحيح حمود شايفه لك بنت... تطيح الطير من السماء
محمد:ههه وش فيكم عليي اليوم ...خلني أخلص دراسه ماباقي شي
بشاير: بس أخاف تطير منك
محمد: ليش من هي ؟
بشاير: ههههه لا مابقول أخاف تالي تفكر فيها
محمد طلعها بنظرة يعني خير
اروى وبشاير : هههههههههههه
............................
بيت أبو حسن

(كانت في الصاله ام حسن وحسن )
حسن : يمه وش هالكلام
ام حسن :شنو وش هالكلام...هذي الحقيقه انت لازم تتزوج ابغى اشوف عيالك قبل لا اموت
حسن :بعد عمر طويل يمه ...بس زواج ما راح اتزوج ...بعدين يمه تذكري لما خطبتيها لي اصريتي عليي ..خذها خذها ...والحين تقولي تزوج عليها ...سامحيني يمه مااقدر
ام حسن :تعصي شوري
حسن :لا طبعا يمه بس...
ام حسن :لا بس ولا شي ...قول انك موافق وخلاص
حسن سكت شوي: بفكر يمه واظن من حقي
ام حسن: ايي اكيد من حقك بس حدك يومين
حسن : لا يمه اسمحي لي ابغى لمدة شهر
ام حسن شهقت : ليش ؟
حسن : يمه اهم شي اتزوج صح ؟ فما تهم المده
سكتت ام حسن ولا ردت على ولدها
.......................
بيت ام خالد
( كان الكل موجود عدا فهد اللي كان طالع ...خالد كان يحوس في جواله وماهو حاس بسوالف امه وخواته )
نوف: ايي ابدا مو عدل لبسها
ليلى : ماادري كيف أمها رضت
ام خالد: خلاص اسكتوا ..الله يستر ع البنت
نوف: ههههه انزين
ليلى : بس الحفله كانت خياليه اتججججن
نوف: وخالد وجمانه ماشاء الله يجننوا
ام خالد : الله يحفظهم يارب
نوف وهي تنادي: خالد ...خالد
خالد انتبه : هلا
ليلى : اووه شكلك سرحان
خالد: ههههلا بس كنت مشغول بالجوال ...نوفوه وشو كنتي تبغي
نوف: هههه كنت بقول لك ان البنات يقولوا انك انت وجمانه تتشابهوا
خالد باستغراب: والله ؟
ليلى : ههههه صحيح انتبهت البارحه
خالد: هههه يجوز... صحيح ليلى ابغى رقم جمانه
ليلى باستغراب: لحد الان ما كلمتها
خالد: وش فيك مستغربه ..عادي وش فيها
ليلى رمن عليه جوالها : اتفضل
خالد اخذ الرقم وسجله
نوف: زهقانه حددي اووف
خالد: يالله قومي نروح المطعم
نوف بصدمه : صحيح
خالد: هههههه اسخر عجل ...يالله كلكم قوموا من زمان ما رحنا مطعم
ام خالد: بتمر على جمانه يعني
خالد: هههه لا مره ثانيه نأخذها
ليلى : يمه لازم يكونوا بروحهم مو وياهم احنا ههههههه
خالد: هههه قومي بس البسي بلا هدره
ليلى : ههههههه بقوم
...............................
ع البحر
(كانوا شلى شباب ومن ضمنهم فهد وسلمان قاعدين يشووا وحركات )
الشباب: ههههههههههه
ريان : اسكتوا بس الله لا يبلاكم
فارس: ههههههه بس تستاهل
فهد: صحيح فارس ليش ماجيت البارحه ملكة أخوي ..تفكر بنساها لك
فارس:ههههههههه والله انشغلت
فهد: ايي رقع رقع ...بس ملكتك مابحضرها
فارس : اتحداك هههههههه
رن جوال جاسم : اوووف
سلمان :وش فيك .؟
جاسم : دي البنت زهقتني في عمري ...سوت نفسها متصله بالغلط ولزقت
الشباب :هههههههههه
سلمان: جيب اكلمها
رمى جاسم جواله ع سلمان
سلمان: الوو
البنت بدلع: الوو
سلمان:شخبارك .
البنت بدلع : انت مو صلوح ؟؟
سلمان بنفس دلعها: لا مو صلوح
البنت: عجل من انت ؟
سلمان : الاسم اللي تبغيه
البنت ضحكت بدلع: تنكت بعد
سلمان:هههههههههه تصدقي ....طيب باي ولا تتصلي على هالرقم
"وسكره في وجهها "
الشباب: ههههههههههههههههه
سلمان : دلعها ماصخ حده ...كيف انت متحملنها ...لا ومسمي نفسك صالح
جاسم : وش اسوي بعد هههههههههه
الشباب: هههههههههههههه
فارس: صحيح شباب خوينا ناصر وينه مختفي مره
سلمان: ايي اتصلت له كذا مره ومافيه رد
فهد: غريبه انقطع مره وحده ..بالرغم ان ماعنده أصحاب
ريان: ايي كان عايش من سنين برا فما عنده
سلمان: طيب احد يجرب يتصل اليه غيري
فارس: الحين بجرب " طلع جواله واتصل اليه خمس رنات ورفع "
فارس: الوو
ناصر : هلا والله
فارس : وينك ؟؟ مختفي من زمان ما شفناك
ناصر : انشغلت شوي ان شاء الله اذا فضيت اجيكم
فارس: حياك الله في أي وقت ... يالله اخليك الحين مع السلامه
ناصر : مع السلامه
فارس: يقول مشغول اذا فضى راح يجي
سلمان: طيب ليش مايرد عليي انا
فارس: يمكن وقتها كان مشغول وما رد
سلمان بلا مبالاه : يمكن
.................................
بعد ساعتين
(محمد كان في سيارته ومرفع ع الصوت وباله مليان أفكار
وفجاءة طــــــــــــــــــراخ )

نهاية البارت الرابع
توقعاتكم :
1) محمد وش صار فيه ؟
2) ليش ناصر يتهرب من سلمان ؟؟ هل فيه سبب ؟
3) وش مصير علاقة جمانه وخالد
4) هل فعلا حسن بيتزوج على ساره ؟