رواية داويتني فأحببتك الفصل الثالث 3 - بقلم HaboOoshy

البـارت الثالث
هُناك أشياء خُلقت لتبقى فـ الداخل فقط
لا يشملها قانون الفضفضه =(

بعد ساعتين تقريبا
بيت أبو محمد
في المطبخ عند البنات
بشاير :ها كل شي جهز صح ..؟
هبه : أي خلاص وديت العربه اللي فيها الحلويات الغرفه
بشاير: ايي تمام ..نقعد في غرفتنا احسن
هبه : ايي بنأخذ راحتنا اكثر ...يالله بروح ابدل ملابسي البنات على وصول
بشاير : أوكي "وهي طالعه ورا ختها صادفت أمها "
ام محمد: زين اني شفتك قبل لا يجو البنات
بشاير : خير يمه ؟
ام محمد: حبيت اعرف رايك في الخطبه ؟
بشاير نزلت راسها :يمه موم وافقه ...عملت خيره وماارتحت
أم محمد : إذا ماارتحتي خلاص ....اللي تشوفيه ماراح نغصبك طبعا
بشاير ارتاحت وراحت لغرفتها تبدل ملابسها
............................
بيت أبو جمانه
رغد وهي تنادي : جمانه .....جمانوه يالله
جمانه وهي نازله و برود الدنيا كلها فيها : جيت.... هالصراخ كله ليش
رغد : مانبغى نتأخر وعلشان يمدينا نقعد وياهم والليل نروح السوق
جمانه:لا تخافي بيمدي وبعدين كله فستان
رغد:اووف منك
جمانه ساكته ومالها خلق شيء
(ولما ركبوا السياره )
رغد: جميل روح بيت خال أبو محمد
جميل وهو يهز راسه : اوكيه
رغد : وش فيك من جيتي من المستشفى وانتي حالتك حاله
جمانه:ماادري مالي خلق شي
رغد بجديه: أمي أو أبوي جبروك ع هالزواج
جمانه:لا ابدا ماجبروني....أني من نفسي وافقت
رغد باستفهام: طيب؟
جمانه: ما أدري ما أدري لا تسأليني شي في هالسالفه
رغد :براحتك
....................................
بعد نص ساعه
(البنات صاروا في غرفة هبه وبشاير وقاعدين سوالف وحركات )
هبه : بس فعلا تمنيناكم معانه
رغد: ان شاء الله المره الجايه نتفق عدل
ليلى :صحيح بنات ترا حفلة أخوي ليلة الاحد هالاسبوع اللي راح يجي
(البنات قاموا كلهم يباركوا لـجمانه وجمانة غاصبه نفسها تبتسم )
بشاير: بس مو كأنها بسرعه ؟
ليلى : نسيتي سفرتنا بعد الأسبوع اللي بعده
ريم وهي تضحك : اووه يعني المعاريس مابيمديهم يقعدوا مع بعض واجد
البنات : ههههههههههههههههه
بشاير : الله يساعدكم ع التجهيزات بهالسرعه
رغد: في الليل بنروج علشان العروس هههههه
نوف:احنا اتفقنا مع فهد بكره بيودينا بس أدري عنه نكبه ههههههههه
جمانه:روحوا معانه الليلة بدل ما نروح ثنتينا
رغد استغربت من ختها انها قالت كذا
ريم : وش فيك رغدووه تطلعي في اختك كذا لا يكون ما تبغينا
رغد انتبهت لروحها : هههههههه لا عاد شدعوه أكيد ابغاكم بيصير أحلى أصلا هههههههه
ريم: ايي فكرت بعد هههههههههه من بيوديكم ؟؟
رغد:السواق
بشاير : كيف شعورك الحين ههههه ؟
جمانه بمجامله : هههههه عادي
"وكملوا سوالف "
................................

آلصديق آلوفي ربممآ يغيب
لكنهه لآيتغير آبداً،،،3>
عند البحر
(محمد وخالد قاعدين في المكان اللي شهد جميع قصصهم وسوالفهم (
خالد: بس مره صارت الك وحشه
محمد:احم ...ايي اكيد أنا محمد
خالد :خف علينا بس هههههههههه
محمد:اترك عنك هالسالفه ....ها كيف النفسيه والاسبوع الجاي بتكون على ذمتك وحده
خالد:عادي احس بس تصدق خايف انها تكون مغصوبه أو شي
محمد: لا لا مااعتقد عمتي او زوجها يجبروا ...لا تخاف ع العموم اذا احتجت شي قول لي تراني أعين واعاون
خالد:ماتقصر والله ....يالله شد حيلك علشان نفرح فيك هههههههه

محمد: لا حبيبي أبغى أعيش حياتي ماابغى ارتبط بوحده وين مااروح هههههههههه
خالد: الله يساعدك على روحك ههههههه
محمد:ههههه
خالد: صحيح محمد ابغاك تساعدني في كم حاجه
محمد بجديه :آمر
.....................
عند فهد وسلمان
(كانوا متوجهين لصالة البلياردو علشان يلعبوا)
فهد: صحيح ما تحس ان ناصر اختفى
سلمان وهو يفكر: أي والله اخر مره لما شفناه الليلة اللي قبل روحة البر
فهد: يمكن عنده ظروف
سلمان: بتصل عليه الحين بشوفه "اتصل اليه وما رد"...عذره معاه
"وصلوا للصاله والتقوا مع الشباب "
......................................
قالت له أحرص على مستقبلك لأجلي فقال لها أحرصي على نفسك لانك مستقبلي هكذا الحب ... 3>3>
في الليل
في السوق
(كانوا البنات منقسمين
جمانه وليلى وبشاير ورغد مع بعض
ونوف وريم وهبه مع بعض )
ليلى : ها جمون عجبش هذا ..؟
جمانه: هو حلو ..بس ماتحسيه عاري بزياده
ليلى : لا ما أحس ,, وش رايك بشاير .؟؟
بشاير: مرره حلو حتى لونه يجنن
( الفستان كان لونه كحلي طويل وفيه ذيل كان ماسك ع الصدر وفضي يلمع عند الصدر وفيه فتحه لنص الفخذ )
جمانه: لا لا ماابغاه
جت رغد : بنات تعالوا شوفوا هالفستان مرره حلو متأكده بيعجبك
"وهم يمشوا وراها رن جوال ليلى وكان أخوها خالد متصل "
خالد: الوو
ليلى :هلا أخوي
خالد: وينكم فيه ؟ رحت بيت خالي الا تقول مرت خالي انكم طلعتوا السوق
ليلى :ايي في مجمع ..... ندور فستان لعروستك هههههه
خالد:اوووه وشريتوا والا لسا ؟
ليلى: لفينا المجمع ولحد الان ماعجبها شي ...دائما تقول عاري
خالد: كان قلتي أخوي يحب العاري عادي ههههههه
ليلى : خويلد ههههههههه
خالد:أي الحين خويلد ومن شوي اخوي كبرتيني وانا بعدني صغير ههههههه
ليلى : خلاص ولا يهمك هههههههه
خالد:صحيح عندكم فلوس والا ؟؟
ليلى : الا عندنا خيرك سابق
خالد:ايي لازم تتكشخوا في حفلتي
ليلى : ايي عاد الا نوف ماتحتاج توصيها ههههه
خالد:هههه طيب اخليك الحين ولا تتأخروا
ليلى :ان شاء الله
خالد:مع السلامه
راحت ليلى عند الفستان اللي كانوا واقفين عنده
بشاير: وش فيك تأخرتي
ليلى : خالد كان متصل يسال عنا
بشاير: آآها ..ها قولي رأيك
(الفستان كان لونه عنابي طويل ومنفوش شوي ماسك ع الصدر وعند الخصر حزام لونه ذهبي كان ناعم مره )
ليلى : بصراحه مرره يجننن ...أحلى من اللي شفناهم كلهم ...والله وطلعتي مو هينه يا رغيد هههههه
رغد:ههههه افا عليك
ليلى : أهم شي عروستنا عجبها
جمانه بطفش : مو واجد بس بأخذه ...تعبت واحنا ندور
بشاير / اذا موعاجبك لا تأخذيه عادي فيه وقت
جمانه : لا لا خلاص بأخذه موديله أحلى من داك
ليلى بابتسامه : تصدقي هاللون يحبه خالد
جمانه استحت
"عند القروب الثاني للبنات "
ريم : باقي بس انا اللي مااخذت اووف ...ارتحتوا انتوا
هبه : ههههه قلنا الك أخذي زينا
ريم وهي تمشي لفت نظرها أخوها سلمان ومعاه فهد وتمنت مايعرفها بس خاب ظنها وعرفها
سلمان : ريمووه وش تسوي هني
ريم وهي مستحيه من فهد: جايه مع البنات علشان حفلة خالد وجمانه
سلمان :حركات والله ههههههه
فهد وهو منزل عيونه وبابتسامه: شخبارك ريم ؟
ريم بحيا :الحمدلله تمام ...انت شلونك
فهد: الحمدلله
سلمان : حصلتي فستان لو بعدك ؟
ريم : لا بعدني ..يالله أخليك البنات ينتظروني في المحل باي "وراحت "
فهد في نفسه: في حفظ الله يا نظر عيني
سلمان :فهيد بديت أمل شكلي برجع البيت
فهد:ايه حتى انا ...يالله مشينا
"نرجع للبنات "
ريم واقفه قدام فستان وكانت منبهره منه : جماااال بأخذه خلاص
نوف: وأخيرا ههههههههه
ريم :بأخذ لرغدوه بعد أكيد مادورت لنفسها
أروى :بس اتصلي تأكدي أحسن
ريم : اووكي
...........................

بيت جدة تركي
تركي كان كان قاعد في الصاله بملل مستغرب ان امه و جدته طالعين بدون مايتركوا شي ...تملل بروحه وقال بيروح غرفته
وهو يمشي لغرفته سمع صوت أنين طالع من غرفة امه استغرب وراح فتح باب الغرفه شاف امه ماسكه شي وتصيح ...خاف عليها وراح لها يركض

تركي: سلامات يمه وش فيك
ام تركي خبت الشي بسرعه وما ركز تركي على هالشي : لا ما فيني شي ياولدي بس كنت متضايقه شوي
تركي وهو يمسح دموع أمه : عجل ليش دي الدموع ؟
ام تركي : لا تهم روحك يا ولدي ...تعشيت ؟؟
تركي: لا مو مشتهي
ام تركي: افا ليش؟
تركي: احس نفسي شبعان
ام تركي:براحتك
تركي بابتسامه: يمه وش رايك بطلعه انا وانتي
ام تركي:ماابغى اتعبك يا ولدي
تركي:وش هالكلام قومي قومي أنا انتظرك في السياره ههههه
ام تركي: دقايق بس هههههه
........................
الساعه 11
كانوا البنات راجعين من السوق وهم في قمة الوناسه
ريم : مررره استمتعنا صراحه ...وافتكينا من هم الفساتين
رغد:اييي الحين يبغى الينا طلعه ثانيه ونكمل الأشياء البسيطه
ريم : صحيح ما شفتي الفستان اللي اخذته لك ههههه
رغد : لا انا واثقه فيكههههههههه
هبه : لا بالصراحه مرره حلو
نوف: يعني مابتخلونا نشوف فستان العروس
ليلى : لا ممنوع تشوفوه ليلة الحفله صح جمون ؟
جمانه كانت في عالك ثاني مو وياهم ابدا
ليلى: جمانه ...جمانه
"بعد فتره حست لها "
جمانه: هلا
ليلى: وين رحتي ؟
جمانه : لا وياكم هههههه
بشاير : ما شكلك ويانه ...تفكري في اول لقاء ههههههه
البنات:هههههههه
شوي ووقف السواق عند بيت أبو حسن
رغد : يالله ريومه ..نشوفك بكره
ريم: اووكي قود باي
البنات : قود باي
"ودقايق بعد ووصلوا بيت أم خالد ونزلوا ليلى ونوف وهم داخلين وهم يسولفوا وما انتبهوا للي كان قاعد في الصالة"
نوف: حسيتي لجمانه كانت تسرح واجد
ليلى : حسيت اليها
نوف: مااقول الا الله يساعد اخوي
....: احم احم
لفوا ثنتينهم مختلعين
فهد :شايفين جني
نوف: فكرتك خالد
فهد: خالد من زمان نام .... وش هالحركات رايحين مجمع ...
ليلى : بسم الله وش دراك
فهد: كل شي اعرفه انا
نوف: جني انت بس ماتصدق هههههه
فهد بابتسامه : بلا هباله كنت هناك مع سلمان وشفت ريم وعرفت انكم معاها
نوف بابتسامه: اووه السالفه فيها ريم وانا أقول ليش الابتسامه
فهد رمة عليها المخده اللي كانت جنبه
ليلى : ههههههه والله انكم تحفه
فهد حب يغير الموضوع : جايب لكم فيلم رعب من عند واحد من الشباب ...ها تسهروا معاي ؟
ليلى : الرعب بعدني عنهم
نوف: طبعا انا وياك
فهد: يالله قومي خلصي شغلك وانا انتظرك هنا
نوف: اوكي
...........................................
مرت الأيام والليالي
والليلة ليلة اللقاء
ليلة من الممكن ان تبدأ منها قصة حب جديده ولكن إن شاء لها القدر

بيت ام جمانه
وفي غرفة جمانه بالتحديد
(كانوا البنات معاها وكل وحده تقول الزود عندي من الجمال كانوا كلهم في قمة النعومه وجمانه كانت حدها متوتره )
ليلى : لا تتوتري جمون ..اخوي ما يخوف هههههه
ابتسمت بإرتباك
رغد تحاول تخفف على ختها : جمانوه ماشفتي السرداب وش صار؟؟ تغير مره صارت الوانه كلاسكيه يججججججنن
نوف: اكيد ذوق اخوي
جمانه:هههههههه
جتهم ام محمد: يالله بنات جى وقت الزفه
جمانه ارتبكت اكثر
ام محمد راحت لها : ماشاء الله عليك ..ربي يحفظك ... لا ترتبكي يا بنتي كل شيب يتسهل ان شاء الله
"بدأوا البنات يزفوها ودخلت السرداب على موسيقى كلاسكيه تناسب هدوئها راحت وجلست ع الكوشه وهي تحاول تبتسم ... وبدأو البنات بالرقص والفله وبعد ساعه ونص اعلنوا ان ا خالد بيدخل ....هنا توترت اكثر جمانه وكانت فيها الصيحه حست اليها ختها و راحت وقعدت جنبها "
جمانه وبدأت تدمع عيونها: رغدوه هونت خلاص مااقدر
رغد : جمانوه لا يخترب المكياج خلي الرجال يشوفك وبعدين صيحي ههههه
جمانه ضربتها على كتفها : بايخه
رغد: انزين اعطيه الباقه اللي عندك مو تنسي
جمانه وهي تحاول تمسك روحها لا تبكي : طيب
"عند الباب "
كان واقف خالد مع امه وخواته
خالد وهو يمسح دموع امه : خلاص يالغاليه بلاها هالدموع
نوف: معذوره والله
خالد :حسستوني وصل عمري الأربعين وانا ماتزوجت ترا توني 24 هههههههههه
ليلى : وتستظرف بعد ههههههههه
جت ام جمانه وخالد باسها
ام جمانه : ياولدي تحمل أي حركه تسويها لك جمانه الليله ... بس صدقني بعدين بتتعود عليك
خالد: لا تخافي خالتي ...جمانه في عيونس
نوف: يالله خالد,...الحين تقدر تدخل
( دخل مع زفة امه وخواته اليه وكان حده مسكت جماله غيرطبيعي ذيك الليله ... سابق خطواته الين ماوصل لجمانه اللي كانت منزله راسها ....باس راسها وتبادلوا الباقات وقعدوا اثنينهم وهم منزلين راسهم ....دقايق بس ووصلت العربه اللي فيها الكيكه والعصير مع طقم الذهب ....حطوا الكيكه على الطاوله وعطوا خالد السكين)
ليلى : جمانه حطي يدك على يد خالد وقطعوا الكيكه
جمانه حطت يدها وهي ترتجف وخالد حس لها وقطعوا الكيكه
الاهل : كللللللللووووووووووش
" شربوا بعض العصير بدون مايطلعوا بعض من الارتباك "
ام خالد: يالله خالد خذ الحلق ولبس جمانه
خالد : ما اعرف هههه
ليلى : بساعدك
"وبمساعدة ليلى لبس خالد جمانه بدون ولا كلمه بينهم ولما خلصوا زفوهم علشان التصوير والبنات كملوا رقص "
رغد بعد ماقعدت : ويلي تعبت
ريم :علشان تذكري حفلة اختك هههههههه
هبه : بس تصدقوا جمانه وخالد صايرين يشبهوا بعض
رغد :اييي حسيت ...من قبل ما كنت منتبهه ههههههه
ليلى : بس اخوي فيه سماره شوي وجمانه أبيض منه
نوف بدلع: بس سمارته حليووه
البنات :هههههههههههه
ليلى : يالله يا بنات عقبالكم كلكم ههههه
البنات : آمين هههه
رغد : بنات ناموا معاي خل نكمل السهره للصبح
ريم : وش باقي عن الصبح اذا الحين الساعه 2
رغد: ايي عادي قعدوا معاي
بشاير : انا عن نفسي ميته نعس قعدتي ما راح تفيدك
هبه : وانا بعد ميته نعس وبيجي محمد الحين
رغد: ابدا ما منكم فايده
نوف: خليكم من هالسالفه ...تتوقعوا خالد وجمانه خلصوا تصوير
ريم :ايي اكيد صار لهم تقريبا ساعتين ...يمكن الحين قاعدين سوالف
ليلى : او يمكن طلعوا
نوف: خلونا نروح لهم
ليلى : استحي على وجهك وقعدي عيب ...يالله جهزي اغراضك شوي وبيجي فهد
نوف بزعل: زين
.................................................. ..........
نهاية البارت
توقعاتكم