رواية داويتني فأحببتك الفصل الثاني 2 - بقلم HaboOoshy

  "عند البحر "
وعند بشاير وهبه
هبه : بششايروه خوفتيني شنو فيك من وانتي في البيت أحسك مو طبيعيه
بشاير: بالصراحه هبه أنا اكتشفت ورقه
هبه :انزين شنو فيها ..تتكلمي شوي شوي
بشاير :لان مو عارفه كيف أقوله شي صعب
هبه :بشاير خوفتيني أكثر ...تكلمي
بشاير:تخيلي

(وتوها بتتكلم الا تسمع أحد يبكي ....هبه وبشاير قاموا يبحثوا عن مصدر الصوت وشافوا بنت كانت بعيده عنهم شوي قاعده ع الصخور وتبكي ..راحوا لها وعرفوا انها جمانه )
بشاير: جمانه ..فيك شي ...ليش تبكي
هبه :متضايقه من شي ..؟
جمانه: حاسه إني مخنوقه مخنوقه وبموت
بشاير / شنو فيك جمانه ..تكلمي شنو اللي في قلبك
جمانه وهي تبكي : مااقدر مااقدر
هبه : انا بقوم اجيب لك شي تشربيه
بشاير : لا احد يحس بشي
هبه وهي رايحه: طيب
....................................
في مكان ثاني بعيد عن هالاجواء
.....:ايي اكيد ع الوعد امي اليم كلمت أمها
.....: ههههه والله انك خطير
.....: افا عليم تعرفني انت في الرهان كل شي اسوي
.....:وانت الصادق اهم شي عندك الفلوس ههههههه
.....:هههههه ها وين الشباب مجتمعين
.....: مافيه احد في المنتجع ...تبغى تعال البيت اتونس معاك
.....: خلاص ثواني وانا عندك

..................................
(راحت هبه من غير مااحد يحس وجابت مويه وشربت جمانه وشوي شوي هدأت )
بشاير/ هدأتي .؟
جمانه : ايي مشكوره ماقصرتي
بشاير: هذا واجبي واذا ماتبغي تتكلمي براحتك
جمانه: لا ماابغى أقول شي ..بس أهم شي مااحد يدري باللي صار
هبه:ايي اكيد
جمانه: خلونا نمشي شوي ونرجع
بشاير : طيب
(وقاموا وتمشوا ثلاثتهم مع بعض السوالف )
........................................
"بعد نص ساعه"
"رجعوا وأول مادخلوا "
ام جمانه: وش فيكم تأخرتوا ؟؟"انتبهت لجمانه" جمانه كنتي تبكي ؟.
جمانه بابتسامه : ههههه لا
بشاير : كنا نقول نكت وهي تفاعلت في الضحك هههههههههه
ريم: ايي قمنا دورناكم ماشفناكم
هبه:ايي رحنا بعيد تقريبا ...ها ما جابوا العشا ..ترا جعت ههههههه
ام خالد: هههه خلاص ماباقي شي وجيبوه
هبه: ريحتيني عمتي ههههه "وقعدت جهة البنات "
بشاير: ليلى ماقلتي لاخوك عن الامارات
ليلى : هههه قلت اليه وسكت عني بس حصلنا سفره احلى
رغد : والله وين ؟
ليلى : صلاله
هبه:حممماس من زمان روحتنا قبل ثلاث سنوات
رغد:متى بتروحوا
نوف:بداية رمضان
جمانه: عليكم بالعافيه ...سمعت ان الأجواء هنا بذاك الوقت يجنن
ليلى :الله يعافيك ..ايي حتى انا سمعت
جاهم صوت سلمان :ريموه ..تعالي اخذي المشاوي
ريم وهي قايمه : طيب
................................
بيت جدة تركي
(كان الموجود تركي وام تركي والجده )
الجده : ماتفكري يابنتي تقعدي ويانه اذا سافر تركي هالمره
تركي:هههه مستحيل يمه
ام تركي: ايي وهو الصادق مستحيل اتركه "وهي شبه حاضنتنه" هذا ولدي الوحيد مااقدر مااشوفه كل يوم وكل دقيقه
الجده: براحتك ..قلت لا تتعبي في السفر
ام تركي: لا ان شاء الله مافيني الا العافية
(والا بدخول أبو صقر مع عيلته وبعد السلام وكذا )
"للتنويه : سلمى وامها بس يتحجبوا عن تركي فكانوا كلهم قاعدين مع بعض "
أبو صقر: الا وين سيف غريبه مو موجود
تركي:"بانكار" أي غريبه . انا من جيت مااشوفه يقعد في البيت هههههههه
الكل:هههههههههه
ام صقر : كم باقي عليك ياتركي في الدراسه ؟
علي: تقريبا سنه
ام صقر: الله يوفقك ان شاء الله
"سلمان كانت تطلع في تركي وعيونها فاضحها الشوق والحب ...تركي كان يعرف بهذا الشي فكان حاب ان يكلم امه بس ماعرف "
تركي وهو مرتبك من نظراتها : اسمحوا لي انا مضطر اطلع الحين
سلمى تضايقت
فارس: وين اقعد معانه
تركي:هههه مشغول شوي لازم اخلص اموري قبل لا اسافر
أبو صقر: الله يكون في عونك
تركي: مع السلامه
الكل : مع السلامه
.........................................
الساعه 2 ونص الفجر
وفي الكورنيش
عند جهة الرجال
أبو محمد: مو ناووين تقوموا الساعه قريب الثلاث
خالد: والله خالي الجو يجنن
أبو حسن : لا خلاص خلينا نقوم ...على ما نلم الأغراض الا قريب بيأذن
أبو جمانه: يالله شوركم وهداية الله
"بعد ساعه الكل صار في بيته "
.....................................
بيت أبو محمد
(كانوا بشاير وهبه في غرفتهم ويرتبوا اغراضهم )
هبه: بشايروه وش الموضوع اللي كنتي بتقوليه
بشاير:ايي زين ذكرتيني تخيلي وش شفت في الصاله امس
هبه:شنو ؟
بشاير:شفت أوراق حق ابوي شكله كان ناسيهم
هبه بملل وهي تطلع اغراضها من الشنطه: ايي ؟؟ ترا تمللت تتكلمي شوي شوي
بشاير:أوراق لو يدري إني شـ.
(دخل اخوهم محمد )
محمد وهو مستانس / بشايروه وش هالخبر اللي سمعته .
بشاير باستغراب: أي خبر ؟
محمد:ههههههه علينا ..تسوي نفسك مستغربه ...سمعنا انك انخطبتي
بشاير استحت
محمد: هبه ..تدري الحماس وين هههههه اسمه بشار ...يعني ناقص حرف الياء بسهههههههههههه
هبه : ههههههههههههه عدل
بشاير: بلا مسخره ههههههههههههههه
محمد بجديه :بشوره فكري عدل ومستحيل نغصبك على شي ماتبغيه
بشاير بحيا : اكيد
(انقضى الليل مع سوالفهم )
..........................................
اليوم اللي بعده
العصر
(نوف كانت تكلم ريم بنت هالها ولما جى فهد سكرت السماعه )
فهد: وش فيك من شفتيني سكرتي ..كنتي تكلمي من ؟
نوف بضيقة خلق: كنت اكلم ريم
فهد بتساؤل : طيب؟
نوف حبت ماتقول له: لا خلاص ولا شي
فهد بخوف: ريم فيها شي ؟
نوف بابتسامه: لا تخاف مافيها شي
فهد ارتاح: ايي تمام..الا وين امي ؟
نوف: طالعه
فهد:امممم ...اوكي عجل انا طالع ..اذا احد سال عني قولي اليه
نوف بملل : طيب
"بعد ماطلع الا بنزول ليلى "
نوف: اووه زين جيتي
ليلى : وش صاير ؟
نوف :ريمووه
ليلى : وش فيها .؟
نوف:انخطبت
ليلى باستغراب: حلفي ؟
نوف بزعل: والله ...لو يدري اخوك بيقلب الدنيا
ليلى :قلتي اليه
نوف :لا طبعا مجنونه أقول اليه
ليلى :بس مصيره بيدري
نوف :بس المفروض فهد دام يحبها بهالشكل يعدل من نفسه علشان يعجب خالي
ليلى : تعرفيه عنيد والا هو يقدر يعدل من نفسه ويخفف من تهوراته
نوف: الله المعين
..............................................
عند فهد
(كان في سيارته متوجه لبيت خاله علشان يأخذ سلمان ويروحوا مع بعض ليشتروا بعض الأشياء عشان طلعتهم البر في الليل )
سلمان ركب: سلام
فهد:وعليكم السلام ...ها وين ننتجه اول ؟
سلمان:خلينا نروح السوبر ماركت نشتري العده
فهد:اووكي
سلمان:تعال قلتوا لناصر عن هالرحله
فهد يفكر: لا ...اتفقنا البارحه بعد ما طلع
سلمان: عدل جيب رقمه نقول اليه
فهد مد اليه جواله: خذ بس ماعندي رصيد ههههه
سلمان:ههههه جيب بس
(اخذ سلمان الجوال ونقل رقم ناصر اليه وكلمه من جواله )
سلمان:الوو
ناصر:الوو هلا والله
سلمان: هلا فيك ...عندنا جمعه الليله في البر وفيه مشاوي وحركات اتفقنا البارحه بعد ما طلعت
ناصر:حركات والله ...بشوف وضعي وأخبرك
سلمان: طيب ...صحيح ناصر صار الينا مده من عرفناك ولحد الان ماعرفت من أي عيله انت
ناصر باستغراب : والله ؟ ماقلت انا هههه حتى الشباب ترا مااعرف الا اساميهم بدون عوايل
سلمان:اهم شي الاسم ههههههههه
ناصر:ههههههه انا ناصر الـ......
سلمان: وانا سلمان الـ.....
ناصر سكت وبعدين قال: وش اسم ابوك ؟؟
سلمان:عبدالرحمن أبو حسن
ناصر وهو سرحان: اييي
سلمان:الوو وينك
ناصر انتبه/ معاك ...هههه اووكي سلمان انا مشغول شوي الحين ...اكلمك بعدين مع السلامه
سلمان: خلينا نشوفك ..مع السلامه
فهد:ها بيجي ؟
سلمان/يقول بشوف وضعه
فهد: اها
سلمان:تدري انا مستغرب من شي
فهد: شنو ؟
سلمان: ان ماعنده أصدقاء ولا يروح ولا جي
فهد:ليش ماسمعته ...توهم جايين من أمريكا كان لهم سنين وهم هناك
سلمان:اوووه علشان كذا ..بس تصدق مو مبين عليه ان عايش في أمريكا ههههههه
فهد:ههههههههه
............................
بيت أبو جمانه
(في الصاله كان موجود الكل عدا جمانه )
أبو جمانه:غريبه حمانه لحد الان ماقعدت ؟
رغد بعدم اهتمام: شكلها نامت متأخر
ام جمانه: قومي شوفيها يمكن فيها شي
رغد: ان شاء الله
(ركبت رغد دقت الباب وكان مقفل بس جمانه مافتحت الباب ولا ردت ...نزلت رغد لامها وابوها )
رغد: الباب مقفل ولا ردت عليي ولا فتحت
وقفت ام جمانه بخوف: يمه بنتي فيها شي
(وركبوا كلهم ودقوا الباب وبعد مرده فتحت جمانه الباب وكانت عيونها متورمه من البكا وحالتها حاله وعلى طول حضنت أمها ورجعت تبكي مره ثانيه )
ام جمانه اشرت لرغد وأبو جمانه ان يروحوا ودخلت الغرفه وجمانه في حضنها ومازالت تبكي
ام جمانه وهي تمسح على راس بنتها : حبيبتي وش فيك ؟ فيه احد مزعلك .؟
جمانه وهي تبكي : تعبانه يمه تعبانه
ام جمانه : سلامتك من التعب ...اذا بعدك تفكري في موضوع ولد خالتك خلاص شيليه من بالك ...اذا بيسوي فيك كذا خلاص مانبيه
جمانه ضمت أمها اكثر وهي تبكي: يمه انا موافقه
ام جمانه بفرح ممزوج بحزن : بنتي اذا مو رغبه منـ..
قاطعتها جمانه: الا برغبه مني "وتدفن نفسها في حضن أمها "
(ظلت ام جمانه تهديها وفي نفس الوقت متضايقه على حال بنتها )
................................... 

بيت أبو محمد
(البنات قاعدين في غرفتهم يسولفوا )
هبه وقفت من الصدمه :حلفي .؟
بشاير بضيق: والهل
هبه: لا لا مو مصدقه ...انتي فاهمه اللي تقوليه
بشاير: اقولك شفته بعيوني ..بتكذبي عيوني يعني
هبه:لا لا مو مستوعبه ابدا
بشاير:بس اسمعي احنا ماندري بشي ومالينا دخل
هبه : لا اكيد.... بس وش هالقصه اللي ماكانت ع البال
بشاير:الله المعين ...يالله قومي معاي
هبه:وين نروح ؟
بشاير:نسيتي بتجي صاحبتي
هبه : اووه يالله قومي ...بس ان شاء الله ماتتاخر علشان نجهز اغراضنا لسفرة الامارات بكره
بشاير: لا مااعتقد ..هي تدري ان بنسافر بكره
هبه:تمام
.......................................
بعد أسبوع من هذه الاحداث كان الروتين طاغي على ابطالنا
................
بيت جدة تركي
( في الصاله كان تركي قاعد مع خاله سيف يسولفوا )
سيف:صحيح وين امي وامك ؟
تركي:زيارات جيرانيه ههههههه
سيف:عجبتني دي جيرانيه
تركي بجديه : خالي ابغاك في موضوع
سيف لف له وعدل جلسته : بسم الله وش فيك قلبت
تركي:ابغى أقول لك سالفه مكتشفنها مو من زمان
سيف:وش هي ؟
تركي:بنت خالي سلمى
سيف:وش فيها ؟؟
تركي:نظراتها لي مو عاجبتني
سيف:كيف يعني
تركي:ماادري كيف اشرح لك ..يعني من اتجي البيت واكون انا موجود بس تطلع فيني
سيف:تتوقع انها تحبك يعني ؟
تركي:هذا اللي اتوقعه
سيف:تبغاني اكلمها
تركي:بس يمكن احراج لها
سيف:خلاص المره الجايه اذا جت بنتبه لها وبشوف وبسوي نفسي انا اللي اكتشفت وبكلمها وبكذا يكون انت مالك دخل
تركي:ايي كذا احسن
....................................
بيت ام خالد
(كانوا البنات في الصاله مع امهم سوالف ويشاهدوا تلفزيون وفجاءه يدخل فهد هايج عليهم )
ام خالد: بسم الله وش فيك ؟؟
فهد: ليلى ونوفوه تعالوا ابغاكم في غرفتي بسرعه
"وراح غرفته والجنون مبين عليه "
ليلى : بسم الله وش فيه
نوف بصوت خفيف: شكله درى
ام خالد بخوف: بقوم اشوف وش فيه ..يا ويلي على ولدي
ليلى : لا يمه انتي ارتاحي احنا بنروح اليه وبنشوفه
(وراحوا ثنتينهم لغرفة فهد اللي كان واقف عند الدريشه يدخن )
ليلى وهي تكح : فهيد طفي السيجاره ..مااقدر ع الدخان
فهد رحم اخته وطفاها
نوف: خوفتنا وش فيك ؟
فهد وهو يطلعهم وبعصبيه خفيفه : انتوا تدروا ان ريم انخطبت
ليلى : ايي ندري
فهد بعصبيه اكثر : ليش ما قلتوا لي ؟
نوف: ليش نقول لك ونتعبك
فهد بعتب: بس انتوا تعرفوا ان احبها وان ابغاها
ليلى : وانت بعد تعرف ان خالي ما بيقبل فيك مع حركاتك
نوف: والدخان بعد من احد الأسباب
فهد بعصبيه شوي : بس انا اشوف انها أشياء عاديه
ليلى: عندك مو عند خالي اللي دايم يتكلم عليك
فهد: ابغى اكلم ريم
نوف: شنو ؟
فهد بعصبيه : شكل اذنك فيها شي ..ابغى اكلمها والحين
ليلى تحاول تهديه : بقول لك شي يمكن ماتدري عنه ....ترة ريم تميل لك وشكلها تحبك
فهد هدأ وبعدم استيعاب: ها .
نوف: ايي شكلها
فهد: طيب ايش دراكم يمكن خالي يجبرها
ليلى : او قصدك انها بتوافق من نفسها لانها تدري نهاية حبها لك ما منه فايده
فهد صرخ : ليلوووه وش هالكلام
ليلى صرخت: لا تنسى نفسك ...انا اختك الكبيره
فهد حاول يهدي نفسه وجلس على السرير ومنزل راسه
ليلى رحمته وصارت تمسح على راسه : اذا انت صحيح تحبها حاول تسعى لها مو بس قول بدون فعل
فهد رفع راسه : صدقيني هالمره جد بس اتصلي لها ابغى اتطمن بتوافق او لا
نوف: بروح اجيب جوالي ونكلمها
"وهي طالعه الا بدخول ام خالد"
ام خالد: وش فيك ياولدي دخلت هايج
ليلى: ما فيه شي يمه ..يتدلع بس
(ام خالد شافته منزل راسه راحت له وحطت راسه في حضنها وفهد من غير ما يحس نزلت دموعه )
ام خالد بحنيتها: تبكي ياولدي ...وش فيك ؟؟
فهد ودموعه تنزل : كل هالدنيا ضدي كلها
(ام خالد صارت تمسح على راسه وتقرا عليه بعض الايات ..حتى جت نوف لهم وكانت مبتسمه انتبه فهد لقدومها وقام على طول لاخته وحضنها وام خالد مستغربه الوضع )
..................................
كانت في حالة صدمه من بعد ماسكرت من نوف وصارت تكلم نفسها باستغراب : مو مستوعبه يعني حقيقي يحبني وانا اللي مفكره انها مسخره هههه ....هو انا صحيح احبه "بضيق" بس ادري ابوي مابيوافق عليه ماتعجبه حركاته ...بس انا كذا والا كذا كنت ماراح أوافق على هذي الخطبه ...احسني بعدني مو مستعده للزواج واولاد وحوسه ...الله يكتب اللي فيه الخير
................................
بيت أبو جمانه
(كان الجميع في الصاله يحلوا بعد العشاء )
رغد: ها يبه شرايك بكيكتي ؟
أبو جمانه: مرره لذيذه تسلم يدك
رغد : الله يسلمك
أبو جمانه : عقبال ما نأكل من كيكة خطوبة جمانه
جمانه رفعت راسها ببرود ورجعت مره ثانيه لدفترها
أبو جمانه: ام جمانه رديتي على اختك ؟
ام جمانه: لا برد عليها بعد شوي ...وان شاء الله ولد اختي يحصل وحده تستاهله وتناسبه
جمانه بدون ماترفع راسها : بس يمه انا رديت عليك بالموافقه
الكل استانس
ام جمانه بفرح: مافكرته ردك النهائي ...وانتي ماكلمتيني مره ثانيه
رغد راحت لها وحضنتها : وأخيرا أخير وافقتي وناسسسه
أبو جمانه: وش هالخبر اللي يجنن
ام جمانه :الحين اكلم اختي وابشرها
(اخذت التلفون ولما دقت الرقم انتبهت ان جمانه قامت وهي تمسح دموعها وراحت غرفتها ...سكرت ام جمانه قبل لا يرن )
ام جمانه: ماتتوقع ان احنا جبرناها
أبو جمانه:لا ماجبرناها هي بنفسها قالت ...توكلي على الله وان شاء الله مايصير الا الخير
ام جمانه:ان شاء الله
(ودقت مره ثانيه )
........................
"قبل بدقائق "
بيت ام خالد
( كانوا يتعشوا كلهم وفهد مبين عليه ان الفرحه مو سايعتنه)
خالد: الله يدوم عليك هالفرحه ... فرحنا معالك
فهد: ههههه الله يدومها آمين ..بعدين بتعرف
خالد: هههه ننتظر وش ورانه
ليلى كسر خاطرها اخوها فهد
نوف: تدروا باقي على سفرتنا أسبوعين حمممماس
خالد: ان شاء الله روحتنا نستانس
ليلى : ان شاء الله ...شفت صور اليها رووعه المناظر الطبيعيه
ام خالد: كان ودي مانروح الا وانت مملك بس شكله الله مو كاتب
ليلى : ماردت خالتي
ام خالد : لا ..خايفه انها مفتشله تكلمني من هالموضوع
خالد: خلاص يمه انا بكلم زوج خالتي احسن
(رن التلفون وراح فهد يرفعه )
فهد: الوو
ام جمانه:الوو هلا فهد شخبارك ؟؟
فهد:هلا بخالتي ..الحمدلله تمام انتي شخبارك ؟
ام جمانه:الحمدلله ..اختي قاعده والا مشغوله
فهد:تتعشى تـ...
ام خالد قاطعته : فهد جيب التلفون
فهد : لحظه "وعطاه امه "
ام خالد: هلا بأختي
ام جمانه مبين الفرح من صوتها: هلا ام جمانه شخبارك ؟؟
ام خالد:نحمد الله ..كنت بتصل لك بعد شوي بسألك وش صار
ام جمانه بفرح: الك البشاره ..جمانه وافقت
ام خالد:كلووووووووش الحمدلله
ام جمانه:مستانسه يااختي ..فرحتي مو سايعتني
ام خالد:الحمدلله الحمدلله
"سولفوا شوي وسكروا "
ام خالد: مبروك ياخالد
خالد: الله يبارك فيك يمه
ليلى : وبتسووا دي الحركات تروحوا وتبفى نظره شرعيه
ام خالد:ههههه لا مايحتاج اكيد
خالد: انا في بالي ان بكره نسوي التحاليل
نوف: تبغى تملك قبل لا نسافر والا بعد ؟
خالد: أتمنى قبل بس التحاليل مابتطلع قبل أسبوعين
فهد : اذا تبغى ..انا اعرف واحد في مستشفى .... يقدر يساعدنا اكيد
خالد: تمام ....بس لازم بعد نأخذ رأي خالتي وبنت خالتي
ام خالد: ايي بخبرهم
..........................
بيت أبو محمد
(العيال توهم جايين من المطار جايين من سفرتهم من الامارات )
ام محمد: الحمدلله على سلامتكم...وحشتونا مرره ...البيت خالي بدونكم
أبو محمد : وش هالشنط رحتوا بشنطتين ورجعتوا بأربع
ضحكوا البنات
محمد: اسال بناتك طول هالاسبوع هم في الأسواق كـأنهم اول مره يشوفوا سوق
بشاير: هههه أشيائهم حلووه
أبو محمد: هههه يالله عليكم بالعافيه ...اهم شي استانستوا
هبه : ايي الحمدلله ..وحمود ماقصر علينا
محمد: احم احم ههههههه " رن جواله وكان خالد" عن اذنكم بروح ارتاح
هبه ماسكه جوالها: حمممماس وافقت جمانه على ولد عمتي
بشاير/ الله يوفقهم ان شاء الله
ام محمد : وانتي يا بشاير في هالمده مافكرتي في موضوعك ؟
بشاير: لسى يمه ان شاء الله بستخير وبقرر
أبو محمد: ان شاء الله على خير ...خذي راحتك
هبه : بششايروه بكره بيجو البنات توهم متفقين في قروب الواتساب
بشاير/ تمام هههه..يالله بروح انام مرره نعسانه ...تصبحوا على خير
الكل : وانتي من اهله
.....................
شقة حسن
(ساره كانت تحس بتعب بعد ما بدأت بالعلاج ومنسدحه بالصاله )
حسن وهو حامل صينية العشا : وهذا العشا وصل
ساره : تعبتك معاي
حسن : وش هالكلام زعلتيني صراحه ههههه
ساره : هههههه ...صحيح ماردت ريم على اللي خاطبينها
حسن : رفضت تقول مو مرتاحه وماهي قد المسؤوليه
ساره: ايي احسن انها رفضت من البدايه مو بعدين بعد مايصير كل شي
حسن :أي انا قلت كذا بعد
"بعد مده"
ساره:حسون
حسن :عييونه
ساره بخوف: خايفه ان ماينجح العلاج وما أحمل و .....
قطع عليها حسن : لا تكملي هذي كتبة الله الينا وماعلى الله باعتراض
ساره : والنعمه بالله
..................................
اليوم اللي بعده
الظهر
بيت أم خالد
(خالد رمى نفسه ع الكنبه)
خالد: فعلا تكسرت
نوف: متى بتطلع النتائج
خالد: بعد يومين هذا الاتفاق
ام خالد : الله يسهل الأمور...وان شاء الله على نهاية الأمور بتكون الحفله
فهد: في بيت خالتي صح
ام خالد: ايي في السرداب
ليلى: عجل يبغى الينا نروح السوق نشتري فساتين ...هذي حلفة خالد مايصير
فهد: خلاص ولا يهمكم انا اوديكم ...تبغوا اليوم ؟
نوف: لا اليوم بنروح بيت خالي ...بنات خالي جايين من الامارات ...وبيجتمعوا البنات عندهم
فهد: خلاص وقت اللي تبغوه
............................
بعد ساعتين تقريبت
بيت أبو محمد
في المطبخ عند البنات
بشاير :ها كل شي جهز صح ..؟
هبه : أي خلاص وديت العربه اللي فيها الحلويات الغرفه
بشاير: ايي تمام ..نقعد في غرفتنا احسن
هبه : ايي بنأخذ راحتنا اكثر ...يالله بروح ابدل ملابسي البنات على وصول
بشاير : اووكي "وهي طالعه ورا ختها صادفت أمها "
ام محمد: زين اني شفتك قبل لا يجو البنات
بشاير : خير يمه ؟
ام محمد: حبيت اعرف رايك في الخطبه ؟
بشاير نزلت راسها :...................

"نهـــاية البارت الثاني "
1) وشو هو راي بشاير ؟
2) وشو السبب اللي خلا جمانه توافق ؟
3) وش هو السر اللي كشفوه بشاير وهبه ؟
4) ناصر ليش ارتبك وسرح لما عرف باسم عيلة سلمان ؟
...............................................