رواية دجن الضليع الفصل التاسع وثلاثون 39 - بقلم رهف علي

نبدأ بذكر الله ﷽💛✨

مُتابعه للحساب قلبي akyta_98
للتواصل ع حساب الانستا akyta_98
البارت حيل طويل تعبني تفاعلوا وصوتو قبل القراءة ♡

احتويني ، روُحي تتعب لِو عفتنيّ ،❤️‍🩹!

__________________

سيلينا : ماعرف شنو الي صار بيه
شعور كلش غريب احس نفسي مفرفحه ع شنو ماعرف
ايام وانا الوب بغرفتي بس الشي الي
تأكدت منه انا مشتاقه اله هواااي شلون ما اعرف
صح جنت ادفن شوقي بكَلبي بسس
هسسه ما اكدر وحايره وما اعرف شنو اتصرف
كل شوي اريد اروح اتصل عليه واعترف اله
ونرجع سوه بسس شي يمنعني وشي ثاني يجبرني
اسوي هيج زين شلون هيج صاار شلون
وانا الي جنت منقرفه وردت انهي هاي العلاقه
شلون هسه اريد ارجع الها من جديد
مندهشه من نفسي وكلش مصدومه
يعني انا الي صحت وبلغتهم ما أريده واريد
انفصل شلون هسه انقلب الوضع وصار يختلف حرفيا
يختلف بيوم وليله انقلب السحر ع الساحر
اي بالحرف الي فهمته
انا الي ماردته هسه اريده وبكل جوارحي
اريده كعدت ابجي كأن طفله تبجي ع العابها
يعني وصلت المرحله حسيت نفسي بعد ما اكدر
اعيش بدونه
اتصلت ع دهليز وحجيت الها كل شي وهي هم مثلي
مصدومه ...

سيلينا : عفية ماكدر اكول ما اكدر
دهليز : ول لاتخبليني شجاج
سيلينا : لولو والله احبه اريده ليش ما تفهمين
دهليز : عجل منو الي خبصتنا خبص تريد تتطلك
سيلينا : هسه تغير الوضع
دهليز : شلون ؟
سيلينا : ما اعرف
دهليز : ول خبلتيني اصفى ع رأي مو موتيني
سيلينا : ااااحبه واريده
دهليز : الله يفين حظج عجل شكو خبصتينا ما اريدوا وما احبوا وخلي يبتعد عني شكو انجلبتي علينا
سيلينا : اووف شبيج وياي
دهليز : يااا
سيلينا : ااي
دهليز : هسه شنو تريدين
سيلينا : ارجع اله انتِ اكبر مني نصحيني شسوي
دهليز : حبيبتي مادام تحبينوا وهو مادام هو سحب نفسو ارجعي بشروطج هو لو انتِ ما تحبينو جان كلت الج خلعي بس انتِ تحبي
سيلينا : اااوف اي احبه ماكدر اعيش من دونه
احس هسه كل الشوق طلع من مكانه
دهليز : اردفت بضحكه ، الله يفين حضج عجل هيج ميته عليه
سيلينا : اردفت بهيام ، واكثر واكثر ...

سديت الجهاز منها وسمعت صوت جوه
نزلت وعرفت هم هو داز عليه هو اجه قبل هواي
وبكل مره نقابله بالصد والرفض
وما ننطي اي قبول هسه دز أقاربه واهلي هم ردو بالرفض عاد انا مدري شبيه تخبلت
جان بابا وعمي جوه بالديوانية دخلت عليهم
بس واحد يسويلي بز ابجي
دخلت وأنا احاول اقوي نفسي
وكلت الهم اريد ارجع اله اعاين ع بابا بقى صافن
عليه يمكن مصدوم وعمي انصرع اساسًا هو عنده قبل مشاكل وياهم لهذا عاند وماقبل ..

_ ماتررجعين اله ..

انا من سمعت هيج بجيت شكد حاولت احجي وياهم
بابا جان شبه مقتنع بس عمو قافل فد مره
وما يقبل ارجع هنا ماكدر اسوي اشي
غير بس ابجي لان كل الحلول ما فادت وياهم
ولا كلامي اثر بيهم
ضغطي هبط حسيت الدنيا افترت بيه و وكعت اغمى عليه ماحسيت ع نفسي الا وانا بالمستشفى
فتحت عيوني تذكرت الي صار وبجيت
جانت بصفي زوجه عمي وماما من شافني
اجني عليه بسرعه

ام سيلينا : شبيج يا ماما والله شليتي حالي
زوجه عمي : ماتشوفين البنت رايده رجلها
رجعوها
ام سيلينا : جا غير رجلج ماقبل وعند ركب راسه
والله لو ع ابوها يرجعها كل شي ولا سيلينا تتأذى
هاي غصن ابوها يتأذى وياها
زوجه عمي : يعني رجلي هو الي عارض
ام سيلينا : اي هوَ
زوجه عمي : جا اصبروا عليه وعوفوا الموضوع يمي
انا احجي ويا شني هي بكيفه
البنت تريد ترجع لرجلها هو شكو
ام سيلينا: عمها ويمون عليها
زوجه عمي : حتى لو مايصير يتدخل ويحرض ع الطلاق

سيلينا : وعدتني هي تحجي ويا وتخلي يقتنع حتى
ما يدخل ويسبب الي الانفصال وأنا رايده ارجع
اله
بعدها طلعنا من المستشفى تلكانه بابا وأخويه زياد
برى واكفين ينتظرونا تقدم بابا باس راسي
ورجعنا للبيت
ماحجوا وياي يخافون عليه صعدت لغرفتي اريد
انام والله مليت من نفسي حتى نفسي ماصرت اطيقها
باليل ابوي صاحني نزلت وانا كلني امل ومتأمله
ارجع
دخلت جوه صار عمي بوجهي انهبطت وخفت

ابو سيلينا : تعاي بابا تعاي كعدي يمي
سيلينا : رحت كعدت يمه وانا منزله راسي اول ما حجه سريع رفعت راسي مو مصدكه ..
ابو سيلينا : انا اتصلت ع دابر بعد شوي يجي ياخذج ...
سيلينا : الفرحه الي حسيت بيها ماتنوصف بعدني مبتسمه جان عمي يصيح ..
عم سيلينا : شجاااي تحجي انتَ واعي لنفسك ؟؟؟؟
ابو سيلينا : اي ياخوي بنتِ واريدها ترجع لرجلها
وهو جاي وطالبها مني وماترد الا بشروطها
عم سيلينا : لاتسويييها يعني فوك ما سوو بيها كل هذا تردها الهم ؟
ابو سيلينا: جا رجلها
عم سيلينا: والله ياخوي اذا رديتها لا اعرفك ولا تعرفني شني بويه نسيت االي سوو بيها ماخلوا شي ما سوو
وهسه تريد تردها ترى مايصيرررر

سيلينا : بابا هز راسه ما مقتنع بكلام عمو وبقى مصر ع كلامه انُ يرجعني ل دابر انا جنت بوقتها فرحانه
والارض ما توسعني من الفرحه
المهم ارجع مو مهم اي شي غيره
عمي طلع من البيت زعلان وماما حجت ويا شلون
يخلي يطلع زعلان هو رد عليها. .
ابو سيلينا : المهم بنتِ مايصير بيها شي ، روحي بابا روحي جهزي نفسج اخوي انا بعدين اصالحه ..
سيلينا : انا ما صدكت رحت طايره
اخذت بس ملابسي والاشياء الي احتاجهن ونزلت
صارت ساعه 11 باليل واندك الباب
راح اخوي يفتح ودخل دابر

طبعا بابا اتصل عليه وهو اجه سريع حتى ما اتاخر
عاد بقى برى وبابا طلع يحجي ويا
بقى يمكن عشر دقايق يحجي ويا بعدها صاحني
ودعت اخواتي وماما وطلعت والضحكه شاكه
حلكي هو من شافني ابتسم بوجهي
رديت الابتسامه و وكفت يم بابا
لزم ايدي وحطها بيد دابر واردف ..

ابو سيلينا : كل الي صار بينكم انا ما أدخلت بي
ردتها هي الي تقرر ماردت تسوء حالتها وانا كل شي ولا بناتي يتأذن لهذا الي رداته وطلبته سويتها
الها بس يادابر لو سويت الها اي شي أخذها وما ارجعها
الك لو تنطبك السماء ع الارض
اخليك تبجي عليها وما تحصلها انتَ ابني الي مو من صلبي اعتبرك اكبر واحد بولدي بس لو اذيت غصني
ساعتها اندمك خليها بعيونك ولا تأذيها ترى بحساب
انتَ اذيتني انا قبلها ..

سيلينا : كلام بابا حيل اثر بيه ودمعت عيوني
بكلامه حضنته بقوه و ودعته بعدها طلعنا
فتحلي باب السياره وصعدت
وهو شغل السياره ومشى ..
الهدوء جان سيد المكان ما ادري شبيه متوتره
ولا عبالك زوجي حيل خجلانه منه
بس الهفة والشوق غلبن عليه
ماحسيت الا بأيدي صارت بين ايده
رفعت راسي وهو لازم ايدي ويبتسم الي
اردف بحب وحسره ..

دابر : اووف يابه شسويتي بيه بهذلتيني
سيلينا : عضيت شفتي ماعرف شنو ارد عليه
دابر : تدرين انا كلش فرحان برجعتج صدكيني فرحتي ما انطيها ل احد
سيلينا : دمعو عيوني اردفت بحزن ، انتَ بسهوله تخليت عني ليش هيج دابر
دابر : ما تخلييت وربج ما تخليت هسه بس نوصل
أوضح الج كل شي تريدين تعرفي
سيلينا : هزيت راسي وسكتت انتبهت طريق البيت
يختلف مو نفس طريق بيتنا الي اجرنا
عاينت عليه ، شنو وين رايحين ؟؟؟
دابر : البيت اهلي
سيلينا : ليششش ؟؟
دابر : المن بعد اشو كظيتها وحدي بالبيت وانا ما متعود اخر شي اجوي اخوتي حجوا وياي وطلبوا ارجع وياهم
عاد انا رجعت
سيلينا : بس ... ردت احجي وسكتت ماريد اسوي
مشكله من اول يوم واتعارك
وصلنا للبيت جانت الساعة قرب ال 12 باليل
يعني هسه كلها نايمه دخلنا وهو لازم ايدي
وفعلا كلها نايمه ماكو احد كاعد كلت احسن
شي حتى ما اتواجه وياهم هسه خلي الباجر احسن
دخلنا للغرفه مالتنا وسدينا الباب

نزعت الصايه مالتي والحجاب وكعدت ع السرير
اعاين بالغرفه صارلي هواي ماشايفتها من طلعنا من هذا البيت والحد هل يوم ما داخله لهذا البيت
بس القدر اله كلمته غصب عني وعن كل واحد
يمشيها
هو غير ملابسه وتقرب كعد بصفي رفع رجله وصار كدامي ورجله الثانيه ع الارض
اديه بين اديه ويعاين بعيوني
نظراته جانت كلش حلوات ابتسمت والدمعه صارت بطرف عيوني ..
اردفت بهمس ، ليش ؟
هو رفع ايده وحطها كدام عيوني واردف بهمس
دابر: اششش راح اججيليج
سيلينا : هزيت راسي ب اي وهو استرسل بكلامه ..

دابر : من صار محرم وتعرفين انا شلون جنت
وصدفه شفت موكب وساعدتهم
ام الموكب مره كبيره بالعمر رادت مساعدتي وساعدتها
خليت رقمي يمها وهي كل ما تحتاج شي تتصل عادي
ماعندي اي أشكال وانا رجال قابل بنت حتى
ما انطي رقمي تصير هواي واساساً هذا الرقم هواي
تتصلون عليه أرقام مامسجله بحكم شغلي
المهم مرت ايام وانا ع تواصل ويه الام بس للحاجه
وراها صار يتصل عليه رقم فتحت خط عبالي من شغلي بس طلعت بنت لهجتها مو منا ولا من كربلاء
عرفتها من بغداد بس ماعرف منو وليش اتصلت
شوي شوي سحبت منها كلام وعرفتها
هي تصير بنت صاحبه الموكب
طبعا هي ما اعترفت الا بعد ايام وانا بس اريد
اوكع ع علتها كلت يمكن تتجسس ع شغلنا
او غير شي ولازم اعرف
بالايام الي ابتعدت عنهن منج انا جنت اريد اوصل
لل تريده وشكيت بيها هي تريد شي بس
ماعرفت وجان ضروري اعرف شنو
قبل يوم من الاتصال الي فتحتي خط عليه انتِ وسويتيلي زفه انا عرفتها هي تصير صاحبه
الموكب وعرفت هي ما تشكل خطر لا ع شغلي ولا
ع حياتنا وجنت انتِ بالذات خايف عليج
لهذا تركتها وهي أصرت وكل ما تتصل
تتوسل واعترفت هي تحبني ما انطيتها
اي مجال للكلام وغلقت الخط بوجها
ما جنت اشوف اي وحده بعيني غيرج انتِ
وبيوم الي عرفتي شكد حاولت افهمج وابرر
الج بس انتِ ما انطيتي مجال
كتلج الموضوع مو هيج مو نفس ما متخيلته
رحتي وتصلتي ع ابوج وخليتيني بيدي
اوصلج ل اهلج وانا ما راضي بس ردت تهدين
ومن حاولت ارجعج انتِ ركبتي راسج
وتريدين تفصلين مارد انفصل عنج
انا احبج وميت بيج وانتِ منا واهلي طلعوا من الجهة
الثانيه أخذوا هذا الشي الصالحهم وبقوا يزنون ع
راسي طلكها وارجع يمنه خلي تولي ما توالمك
وكلام هواي حجوا انا تعبت منهم ردت اسكتهم
كلت الهم ان شاء الله هم أخذوا هاي الكلمه
الصالحهم وثاني يوم قبل راس السنه دزوا
كل اغراضج من رجعت انصدمت وتعاركت وياهم
وهم عاندوا وصاروا ضدي
شكد ردت منج توكفين بعلاقتنا وما تتخلين
بس للاسف تخليتي بسهوله رجعت لبيت اهلي
لان البيت الي أجرنا مايفيد ابقى لوحدي ع شنو
وانتِ راكبه راسج
عاد انا عناد بيج وردت ابين الج انا مو سهل وعندي
عادي وردت اسوي الج لويه اذن
رحت ودزيت إبلاغ كاذب للطلاق بيد شخص
اعرفه اتفقت ويا وخيبتي ظني مره ثانيه
و وقعتي بسهوله وانا جنت اعاين عليج من بعيد
رجعت للبيت وانا لازم نفسي
بالكوه كلت زين ما حطيتج وكتلتج كدام ابوج
فورتي دمي ولعبتي بالاعدادات
ثاني يوم هدأت ورجعت خبر بيت نسيبي
كتلكم الابلاغ نكعوا وشربو الماي مالته
ما اطلك وهو اساساً إبلاغ كاذب
وشكد حاولت ارجعج وانتِ معنده فد مره وماتقبلين
الحد ....سكت ..

سيلينا : هو يحجي وأنا مصدومه احس مصدومه
من كل شي صار يعني استعجالي وين ودانا وشنو
سوا من عمايل يعني لو منتظره يشرح الي
ما جان وصلنا الهنا ولا جان وصلنا الأمور
ل أطراف غيرنا يدخلون بيها
دموعي تنزل عشره عشره وهو يحجي ويمسح
بدموعي إلى ان اخر شي سكت ..
عقدت حاجبي ، سألته ، الحد شنو ؟؟؟

دابر : الحد ما مليت واجيت الج لغرفتج
و وعدتج بنفسج راح ترجعين انتِ تتطلبين
نرجع سوه ، وهاي وفيت بوعدي ورجعني ياحلووه ، غمز الها بنهاية كلامه

سيلينا : عطت ، اااااااي اريد اعرف شنو سوويت الله عليك ليش هيج صار شنو سويت بربك كوووول
دابر : امشي لج ما أكول، تعاااي مشتاكلج
سيلينا : مااا والله ما تتقرب مني إلا دكول شنو شويت
وخليتني اروح بنفسي اكول لبابا وخليته ينصدم
وعمي طلع زعلان من بيتنا
دابر : عض أصبعه، عمججج اخخ من عمج سوه بيه
عقده بالكوه لازم نفسي عليه زين ما صخمت الشرايع
سيلينا : ضحكت ، هسه عوفك وكول الي شسويت
دابر : اشو عوفيني لج ..

سيلينا : اعاين عليه شلون شمر نفسه ع السرير
وغمض عيونه عاد انا كعدت ع بطنه وجريته
من شعره فز وفتح عيونه مصدوم
وانا اهز بي ، ااااااحجي اااااحجي
احس شعره صار بيدي وهو يصيح
دابر : لججج عوووفي شعري خرب بال**** عووفي
اخخخ بويه راسي لج سيليييينا
سيلينا : تحجججي لو اجر اقوه
دابر : احجي بسسس عوفي
سيلينا : عفت شعره وهو اول ماتركته لزمني شمرني ع السرير وصار فوكي وانا جوه اتنفس سريع واضحك
ع تعابير وجهة شلون عصبي من صارت عيونه بعيوني
رخت ملامحه وذبلت عيوني اردف بقرب مني
دابر : اسمعي بس مو تحجين
سيلينا : هزيت راسي ب اي وهو استرسل بكلامه ..

دابر : بيومها جنت راجع منكم ومقهور انتِ معانده
وراكبه راسج وابوج معاند وياج وقافل راسه
المشكله ماكدر اسوي اي شي لان اعتبره بمقام ابوي
الله يرحمه وهو معتبرني ابنه الأكبر وعلاقتنا
اقوه من الاب وابنه كلش متعمقين بعلاقتنا
وخاصه اخر مره حجيت ويا وكلش اثر بيه كلامه
من كعدني وحجه وياي ولامني ع كل الي صار
عاد انا حجيت اله كل شي وهو هم لامني
كال ع الاقل احجي وفهمنا كتله ياعمي بنتك
ما انطتني فرصه احجي عبالها
خاينها وملخت نفسها وانا يعز عليه اشوفها هيج
شكلها لهذا طلعت من البيت وكلام ابوج براسي
وانا منا بالي يمج شسويتي بيه طيحتي حظ حظي
مريت من مكان وصارت براسي
فكره ..

سيلينا : شنو هي ؟؟؟
دابر : والله يابويه الفكره اول ما اجتني رحت طبقتها
وصفولي ع شخص ادمي ورحت اله دخلت البيته
وحجه وياي وانا حجيت ويا كل شي وهو تفهمني
جان رجال كبير بالعمر و وجهة نوراني وابتسامته كلش حلوه ..
سيلينا : اردفت برجفه ، اي ؟؟؟
دابر : وسويتلج
سيلينا : فتحت عيوني شسووويت ؟؟؟

دابـــــــــــــــر : اردف بلطف ، سويتلج محبه حتى ترجعين الي وصارت هسه انتِ بحضني يابعد
كل ناسي وهلي ...

_________________

دهليز : الي صار اكبر مني بكل مره و بكل فرصه
اكول خلاص حياتي راح تكون احلى من قبل
بس ترجع تسوء للأسوء مو للأحسن
شكد تعبت وشكد وشكد بس هساع اهجس
القشه الي قسمت ظهري
بيوم الي تحاربت ب ابني هين هجست كل
حصوني تبخرت ضعفت جثير ضعفت
وما لكيت اي حل ولا لكيت اي طريقه
تنصف ضعفي لهذا انهاريت ..
لجأت لأكثر انسان حبيتو بحياتي
يمو اهجس بالراحه حتى هاي الراحه
يريد يسلبها مني ويدمرني اكثر واكثر ..

اول ما بلغت اللهيـــــم بالصار
هو انجن شلون بشار يسوي هيج
وبيومها اجي يحجي ويه اخواني وصارت
المصايح بفلس انهرجت الدنيا
واخوتي صفوا وياي ضد بشار
عبن هو طلك شلون يرجع يسوي هيج
امي واخواتي يصبرن بيه وانا دموعي ما تتوقف
حاضنه ابني لصدري وابجي
شبي يريدني انطي اله شبي تخبل
مو هاي هو يمو و يمي لو يريد يلزمني من ايد التوجعني
طلع اخوي عمر وصار بوجهي
ربت ع كتفي واردف بحنيه ،
عمر : تعاي خويه جوه ابوي يريدج
دهليز : هزيت راسي انطيت ابني ل كيراز
ودخلت جوه يمهم وماما دخلت وياي
عيوني صارت ع اللهيـــــم جان كاعد بالطرف الثاني
واضح من شكلو جثير عصبي بس من دحكني كدامو ابتسم الي ونظراتوا امان بالنسبه الي
بصفو اخو أديب كاعد ، عاد انا صرت بين امي وابويه
بابا حط ايدو ع كتفي واردف ..
ابو عمر : ها بابا كولي عندج شي
دهليز : عيوني غوركن نزلت راسي واردفت ، بابا ابني
هو طبطب ع كتفي
ابو عمر : يمج ابنج ول يابه عجل شلون ياخذو هل مكصوف الركبه من حضنج
دهليز : رفعت راسي ، واردفت ، بابا انا ما اريد ارجعلوا فدوه
اللهيـــــم انتفض من مكانوا واردف بعصبيه ..

اللهيـــــم : شحدددده شنو بويه هي تايييهة اله
حتى يلعب هاي اللعبه وربي لاتخلوني هسسسه
اروح اكسررره واخلي نايم مايتحرك
هل خسسسيسسس ..

ابو عمر : مو هيج ابني ع كيفك

اللهيـــــم: لا عمي هيييج وازيد يريد يلزمها من ايد
التوجعهااا ويخيريها بين ابنها وبيني حتى ترجعلها
يخسسسى ينولها ويلزم طرف منها وربي اكومها
وما اكعدها شحدده يتجرأ يعرف هي روحها
ب ابنها واذا أخذه منها تدمر
بسسس هو شلون يريد الا ا...

دهليز : راح يجفص كدام ابويه وسكت بس وجهة محتقن وحقه والله مرتو ويريد ياخذها منه
بحجه شلون صارت ما اعرف بيا عين يطلب
هيج طلب

ابو عمر : اشوو اهدوا لا تتكاونون خلي الباجر يجي وندحك الو حل

اللهيـــــم: عمي خلي بالك مرتي ما انطيها لو تنكلب الدينا وربي اروح احط طلقه براسه عندي ادخل السجن وما اخلي ينولها وانا اشم الهوى

دهليز : رجع اللهيـــــم وهو نار كبره وبقينا ننتظر ع نار ثاني يوم اجه بشار كعدوا جان اللهيـــــم واخو جايين قبله وهو من وصل دحكهم كدامه بقوا جوه
ومانسمع بس صوت الصياح مالهم واصل لوين
هجست كلبي وكع ب ايدي
جثير خفت وكلت راح يتكاونون و واحد يكتل الثاني
هين ماعرف شنو اسوي اروح وارجع وماما واخواتي يهدن بيه ابني بحضني وضامتو لصدري
خايفه ياخذو مني
ماسمعنا الا صوت اللهيـــــم عالي ركضت انطيت ابني بحضن اختي وركضت للديوانية فتحت الباب
مصدومه لكيتهم يتكاونون اثنينهم سوه واديب وبابا واخواني يفكون بيهم و واحد لازم الثاني من رقبتو
الموقف الي صار هزني هز ، زوجي وكل شي احبو بالدنيا ويه ابن عمي وابو ابني ماعرف شنو اسوي
ولا اكدر أبعدهم عن بعض إذا هم زلم ماكدروا الهم
اجي انا اكدر الهم
بقيت جامده بمكاني ادحك الهم وهم واحد يزكح بوجه
الثاني وعيونهم ناار
اخر شي كدروا يبعدوهم عن بعض
بس لازمينهم تاميرجعون مره ثانيه للكوانه مالتهم
انا واكفه بمكاني وابوي صار بالنص
يهدي بيهم ...

ابو عمر : بسسسس جهال انتو تتكاونون ماتستحووون
كل واحد أطول مني وبعرض الباب
جان استحيتوا ع نفسكم من واكفين كدامي تتكاونون
ماخجلتوا من شيباتي ماكلتوا هذا ابوها واكف يمنه
ويدحك النا اشو انتوا ولا اكو عقل براسكم احلف عليكم
انتَ بشششار شجااااك شنو يابه هساااع فطنت تريد
تردها عجل هي مو ع ذمه شخص ثاني
شلون تحجي هيج ع اي اساس انتوا اطلكتوا وكل واحد راح الحااال سيبلووو
وهي تزوجت شلون بله يابه تتطلك منو ع اي اساس
وانتَ بنفسك تعرف شنو الي صااار قبل لو اذكرك ؟؟؟
عيب بابا شلون ماعندك غيره تاخذ مره من رجلها
هي طلعت من ذمتك وصارلها اكثر من 3 سنين شجااك
هساااع هااا !!!!! هي لعبه اذا تريدها ترجعها واذا متريدها اطلكها ! ادري الي صار غصب بس مو هيج
يايابه عجل ما استحيت ع نفسك من طلبت هل طلب
من بعد سنين ؟
بعدها التفت ع اللهيـــــم، وانتَ الثاني؟ انا اكول العاقل الي ما ينسمع حسوو تالي هيج يطلع منك
عجل ما كلت عمي تعبان اجي اتكاون واطلعوا من طورو ماخفتوا اوكع عليكم واروح بيها !
اناا تعباااان فكدت 4 ولد يسدون عين الشمس
وجرحي صارله سنين بس ما طاب تجون انتوا تزودههاا عليه شلكتوا النفسكم
بابا مو هيج خلوني ع الاقل بين عيونكم ..

اللهيم : عمي السموحه منك انا اعتذر رفعت صوتي
بوجودك بس يا عمي الا مرتي ماقبل تنجاب سيرتها
ولا اريد يفكرون بيها مجرد تفكير لا عبالهم اتنازل
عنها مثل قبل لا بالله لو اعرف ادخل السجن
وما اتنازل هاي انا اكولها كدامكم والحليم تكفي
الاشاره ..

بشار : اردف بعصبيه ، ول شقصصصدك

اللهيـــــم: الي فهمته !

ابو عمر : مو هيج ولدي انتوا الاثنين لاتتكاونون القرار الأول والأخير يرجع البنتي هي الي تقرر ..
دهلييز تعاي بابا

دهليز : واكفه ادحك الهم وانصدمت من كلام بابا
هم توجهت نظراتهم عليه ابتلعت ريقي من دحكت
اللهيـــــم شلون خزرني شسوي غير خفت ودخلت
للديوانية عجل شلون ابقى هيج ، رحت يم بابا هو حط ايدو ع كتفي واردف ...
ابو عمر : كولي بابا القرار الج شنو دكولين يتم ..
دهليز : رفعت راسي عاينت عليهم هم الاثنين
رجعت نظري ع اللهيـــــم هزيت راسي ب اسف
ورجعت عاينت البابا ..

دهليز : بـــــابا انا...

واكفه اعاين عليه وعيوني تذرف دموع ماكدرت ابطل وانا ادحك عليه شلون خسرتوا هيج بلمح البصر خسرتوا
كل هاي الكوانه والمذابح واخرها خسرت الشي الي
كن ضمن اشياء الي عايشه علموده
واكفين كلنا بداخل المحكمه ضغطت ع ايدي بقوه
تا اوكف ع رجليه وما انهار
بس انهدمت حصوني كعدت وانا ابجي بصوت
عالي سريع تقرب شخص ما انتبهت الو اخذني الحضنوا يطبطب ع ظهري وكأن يريد يقويني
ماحسيت ع نفسي الا وانا رحت بغير عالم
واغمى عليه ...

__________________

ريفان
الوحده ، ماجنت اعرف اذا الشخص وحيد راح يوصل
الهذا الحد وممكن يخسر نفسه
الاهل يكونون سند بوقت الحاجه يكونون عون بوقت
الوكعه يكونون الحنان بوقت فقدان الأمان
هم الي يبنون حياه أولادهم ب ايدهم
خاصه البنت بدون عائلتها تخسر هواي اشياء
خاصه اذا جانت لوحدها ماراح تسلم
من هواي اشياء راح تكون فريسه سهله للعالم
الخارجي راح تكون ضعيفه راح تكون مهزومه
وتكون قليله حظ ع طول تكون الحياه
واكفه ضدها وتختبرها بصبرها
مثلي اني !! ماعندي عائله ع طول
اخسر ع طول اكون فريسه سهله
شكد ما احاول اوكف ع طولي يجيني القوه
مني يهدمني بنت ضعيفه ما الها غير بس الله ..

طلعت اركض خايفه مرعوبه ابجي ودموعي
تنزل جمر ع وجناتي كل شوي التفت خاف مشوا
ورايه وصلت الباب الشقه خليت ايدي ع عيوني
حتى امسح دموعي لان ماكدر اشوف كدامي
هستوني وصلت للباب فتحته اريد اطلع
جان انضرب بجسم صلب من قوه
الضربه ارتديت للخلف و وكعت
شهكت بخوف وفزع خليت ايدي ع
عيوني وصرت ابجي يعني هاهي والله معناها
حياتي انتهت اكيد هذا الشخص واحد منهم
واكيد راح يسوي بيه بليه واروح بيها
ماكدرت اقاوم وصرت انحب بجي
ماحسيت الا ب ايد جرتني من ايدي وكومتني
اني من شفت وصل بهذا القرب صرت اصرخ وابجي
ارفس ب اديه ورجليه

لااااااا عوووفني حقييييغ، غهباااااااغ وينك
غهببااااااغ ...

ثواني وصرت بحضنه وصوته وصل المسامعي .

رهبار : هذا انا بويه هذا انا يمج لا تخافين ..

ريفان : ماصدكت فتحت عيوني المليانه دموع
من شفته هو شمرت نفسي بحضنه حضنته
بقوه وصرت ابجي بصوت عالي اريد الكلمه
تتطلع ماكو اختفت الأحرف بس صوت
شهكاتي تتعالى هو جان شاد ع جسمه
بحيث واضحه عضلات جسمه مشدوده ، محتضني
الداخل صدره الصلب وهو يطمني لزمني من كتفي
وبعدني عنه اردف وهو عاقد حواجبه

رهبار : سوولج شي هل ****

ريفان : ماكدرت انطق وهو من نزل عيونه ع ملابسي
شافهن من فوك مشكوكه حسيت عيونه رادن يطلعن
من مكانهن تخبل تخبل صار مثل الطير المذبوح

رهبار : ووووينهم ؟؟؟؟

ريفان : أشرت اله ع الغرفه وسمع صوتهم يتذمرون شكلهم كعدوا هو سمعهم لو تخبل بعدني عن طريقه ودخل الهم ما اسمع بس صوت الضرب
والصياح جان يصيح بصوت عالي
بحيث احباله الصوتيه انعدمت
ماترك شتيمه ما كالها الهم ما ترك شغله ما فلشها
براسهم ماتوقعت يتصرف بهيج تصرف يعني
اني شكد خايفه بس خفت اكثر من رده فعله
كلت هسه يرجع عليه ويخليني انا وياهم
ويبسطني جان منهار فد مره عبالك وحش وهجم عليهم

انا بقيت بمكاني كاعده بين الحايط وبين القنفه
حيل خايفه ضامه رجليه الصدري
وابجي بدون صوت وصلت الدرجه خايفه صوتي
يطلع ويسمعوا ويرجعون الي كلش خايفه
مرت نص ساعه واكثر حسيت خلص عليهم
يمكن ماتوا جوه ايده
شوي وصار هدوووء قاتل
هناك جان يجيني صوته.

رهبار : رفه بويه ووووينج

ريفان : شكله افتر البيت وما لكاني عباله انهزمت
صوته جان واضح عليه خايف عليه
شهكت وخليت ايدي ع حلكي هو سمع صوتي
حسيت بخيال صار كدامي ..

رهبار : تنفس ب ارتياح واردف ، هاي انتِ هنا وانا ادور عليج اشو تعاي تعاي ..

ريفان : سحبني من ايدي وانا سريع دخلت بحضنه
لزمت بملابسه من ظهره بقوه ماريد ابتعد احس
يمه بالأمان هو مصدر الأمان لو ما اجه جان رجعوا
عليه وادمرت

رهبار : كافي حبيبي ، كافي بنيتِ ، لاتبجين شحده الي يتقرب منج وأنا موجود ..

ريفان : خ...خايفه

رهبار : اقلع الخوف من داخلج واتلاوه ويا ، اموت من اعاين الخوف بعيونج وانا يمج اموت ..

ريفان : لا تغوح خليك يمي ..

رهبار : وين رايح ابوي انتِ ماعوفج اشو ارفعي راسج
خليني اعاين هل عيون الي دولبني..

ريفان : رفع راسي من فكي ب اصابعه وهو يعاين بعيوني بنظراته حسيت بالأمان اي هو هذا الي
جنت انتظره رجعت دفنت راسي بصدره خايفه اعوفه ، حرفيا وهسه أيقنت بس هو يبتعد عني
تصير شكو مصيبه فوك راسي وافقد الأمان
بحضوره اني غيررر

شغاح يصيغ هسه ؟ ..

رهبار : مسح ع شعرها واردف بهدوء ، هسه يجون ياخذوهم منا ..

ريفان : ابتلعت ريقي واردفت ، م.منو هذول
رهبار : اردف ببرود ، نااس
ريفان : تعغفهم( تعرفهم ) ؟
رهبار : همهم ، بدون رد
ريفان : يعني أي !!!
رهبار : اي
ريفان : رفعت راسي من حضنه بصدمه ، شنوووو
رهبار : عوفج منهم تعاي بالسياره لبين ما يجون ياخذوهم
ريفان : بقيت مصدومه يعني يعرفهم زين شلون دخلوا
حسيت روحي ضايعه شلون يعرفهم وشلون يدخلون
للشقه بدون ما يكولون اله
لازم اعرف ، نزلنا جوه فتحلي الباب صعدني
ورجع سده ابتعد شوي يتصل بس ماعرف بمنو
بس واضح عليه معصب كلش بحيث
يروح ويرجع بمكانه وغالق ايده بقوه
فكه مشدود بقوه عاقد حواجبه وكل شوي عيونه تصير عليه بعدها يلتفت و ينطيني ظهره
خلص المكالمه ورجع وكف يم الباب من جهتي

رهبار : جوعانه ، عطشانه ؟
ريفان : اردفت بهمس ، لا بس نعسانه
رهبار : هز راسه واردف ، سهله بويه نامي هنا لبين ما يجون يسحبون هل **** يمهم وبعدين اشوف شغلي وياهم
ريفان : فزيت خايفه ، لاااا عفية لا تعوفني اخاف
رهبار : شبيه مخبل حتى اعوفج اطمني نامين لبين ما يجون

ريفان : رفعت اله ايدي هو عيونه صارت ع ايدي
وبعدين بعيوني هز راسه ب تسأل واردف ..
رهبار : ها بويه ؟ شنو تريدين
ريفان : نملت عيوني دموع ، اردفت انطيني ايدك
الزمها حتى اكدر انام ، ماكدر احس بالخوف
حسيت وجهة بهت وصفن بعيوني
كأن ديكول وصلت لهل مرحله من الخوف
هز راسه بهدوء فتح باب السياره
وتقرب مني انطاني ايده سريع لزمتها واحتضنتها بيدي وغمضت عيوني مو بيدي الي اسوي
الخوف يسوي كل شي
والله صعبه قبل ساعه رادوا يعتدون عليه 3 سكارى
وهسه نقذني منهم احس كل شوي وأحد ورايه
مو بيدي لهذا لزمته بقوه من ايده وحضنتها
لصدري غمضت عيوني
كل شوي افز افتح عيوني الكاه كدامي صافن بوجهي
ماعرف بشنو يفكر
ماعرف بس الي اعرفه هو يمي وهذا الشي يكفيني ..

بعد فتره زفيت ع صوت فتحت عيوني
لكيت رهبار منطيني ظهره وأيده بعدها ب ايدي
وضامني ورى بحيث محد يكدر يشوفني وساد الباب
عليه بحيث ما ابين والسياره اساسًا مظلله
ما ابين منها فدوه العمره ماهنت عليه ولا كعدني وماسحب ايده مني بحيث اعاين ع ايده ملتفة بصوره غلط متأكده هسه هي توجعه كل هذا علمودي ،
يحجي وياهم وصوته اعلى من صوتهم
رزلهم رزاله غسل ولبس
ماعرف يمكن همَ هم من جماعته
لان ساكتين وبس هو يرد عليهم اخر شي عاط بيهم ..

رهبار : هذووول الزباله الفوك تاخذوهم وماريد اشوف
وجهم ولو صاروا كدامي ما ارحمهم
الي بعدين حساب ثاني وياهم هل حيواناااات

ريفان : هم هزوا رأسهم وصعدوا للشقه
بقى واكف ع نفس وكفته انا انتبهت ل ايدي بعدتها عنه هو حس بيه ولتفت اليه ابتسم بوجهي
واردف ..

رهبار : صح النوم ياحلوه ..

ريفان : ابتسمت ونزلت راسي يمكن غفيت ربع لو نص ساعه بس بعدني نعسانه
هو من تركت ايده طك ظهره ماعرف شلون
وبقى يمي واكف والله خطيه كل هل وقت واكف
هسه تكسر تكسر نوب هو جان بغير محافظه وطول
الطريق يسوق وما ارتاح وهسه هم
الشمس بعدها ماا طالعه صارت ساعه 6 ونص الصبح ولان الجو شتا ف تتأخر يلا تتطلع الشمس
هم شوي ونزلوا شايلين هذول ال 3 بس شنوو
بالكوه يمشون مصحصحين شكلهم مو سكرانين
عمي حقهم اذا يصحون هو غير لاعب
طوبه بخلقتهم بحيث من يمشون يعقدون حواجبهم
ب ألم يلا يمشون من شافوا رهبار كدامهم
فزوا نزلوا رأسهم وصعدوا بالسيارات شكلهم فشلانين
الي اجوي سلموا غ رهبار ودعوا وراحوا

رهبار : يلا بويه انزلي
ريفان : بدون ما احجي نزلت لزمت ايده وصعدنا بس شنوو برغم ما شفتهم راحوا بس الخوف من
الشقه بعدها بيه ومستحيل اكعد بيها مره ثانيه
خلي يشوفلي حل مستحيل ابقى هنا ..
دخلنا للشقه
رهبار : روحي بويه نامي وارتاحي انا هنا انام
ريفان : ماكدر
رهبار : شنو ؟
ريفان : نزلت دموعي ، ماكدغ انام بالغغفه اخاف
رهبار : هز راسه بوعيد واردف ، ال*** انا اعلمهم ، تعاي نامي هنا وجهج تعبان
ريفان : وانتَ ؟
رهبار : ع هاي القنفه الي بصفح يلا ترى حيل ما بيه
وربي
ريفان : سكتت لان فعلا تعبان وجهة حيل تعبان
وهسه يلا انتبهت بعده بملابسه العسكريه
عاد هو دخل غير ملابسه وطلع شايل بيده اغطيه
الي واله
سحبني من ايدي نومني وغطاني تقرب باسني من
راسي وراح نام ع غير قنفه قريبه مني
اني من شفته يمي آمنت عيوني نغلقن لوحدهن
ونمت ...

ورى فتره كعدت شفت الساعه بال 10 لتفت لكيت رهبار ماكو فزيت ع طولي وركضت صار بوجهي طالع
من المطبخ وانا بالكوه اتنفس استغرب من شكلي
رهبار : شبيج ؟؟؟
ريفان : ع...عبالي غحت وعفتتي
رهبار : مو كتلج ما اعوفج يلا تعاي نتريك
كولي ما مدللج هاي سويتلج ب ايدي
ريفان : ضحكت ، بس اغسل واجي
رحت غسلت ورجعت كعدنا نتريك سوه
هو صح ما ياكل بس يسويلي واهس
حتى اكل واضح من شكله بعده يفكر
بالصار وحيل مهموم حيل اثر بي
ورى ما خلصنا كعد هو بالصالة وكعدت يمه
سألته ... احجيلي عفية منو هذول ..

سحب نفس وزفره ..

رهبار : هذول جماعتي

ريفان : كمل ..
رهبار : راح احجيلج وانتِ اسمعي
ريفان : هزيت راسي وهو استرسل بكلامه ..

رهبار : هاي الشقه مالتي انا اجي هنا ارتاح
من المشاكل ومن اريد ابتعد من البيت اجي هنا
جماعتي من عرفوا بالشقه صاروا
يجون هنا بوقت انا ما موجود بالشقه
بوقت ما التحق واكو نسخه من المفاتيح يمهم
لهذا هم من عرفوا انا مو بالشقه ، شاربين وجايين
يكملون سهرتهم هنا انا بلغت مراد الك***
وكتله ترى الشقه ما فارغه لا أحد يروح الها
ماكدرت اكول انتِ بيها اساسا ماردت اجيب
اسمج كتله ناس اعرفها بالشقه
وهو كال الهم بس هم *** ماسمعوا ماعرف غلسووا
لهذا جايين للشقه هذا كل ما بالموضوع ..

وانتِ من اتصلتي عليه وسمعت صوتج شلون
تبجين وتستنجدين بيه وربي حسيت نفسي
عاجز كدامج انا وياج بينه مسافه طويله
سويت الطريق بسرعه وكل شوي الوم
نفسي بسببي هيج صار بيج
تدرين من سمعتج تبجين وتطلبين اجي سريع
شصار بيه !!!

حسيت الدنيا ضاكت بيه للحظه كلت راح
اخسرها كلت راحت رفتك يارهبار
راحت من بين اديك وللمره الثانيه ...

ماصدكت اوصل الدرج ماعرف شلون
صعدته راح نص عمري وانا اعاين الخوف
بعيونج وشلون متمسكه بيه حسيت
بنفسي واحد حقير ليش ما اعرف
بس كلش كرهت نفسي بهذا منظرج وحقدت ع
الدنيا كلها لو بيدي وربي ادفنهم بمكانهم وما يرفلي
جفن ...

ريفان : تقربت عليه وانا ابجي لزمت ايده بقوه واردفت ، انتَ ما الك ذنب مو بسببك الي صار
بس قدر وراد يصير

رهبار : زم ع شفايفه وتقرب ، لو صاير بيج
شي صدكيني ما اكدر اعيش امووت ..

ريفان : ماصار شي الحمد الله لا تلوم نفسك فدوه ولا تعوفني بعد ماكدر ابقى هناا والله

رهبار : انا هم طول الوقت افكر ماكدر اعوفج هنا

ريفان : شلون هسه ؟

رهبار : تجين وياي ..

ريفان : وين ؟

رهبار : نرجع البيتي ..

ريفان : احس نهبطت شلون راح ارجع ويا
زين وأمه؟ دخيلك ربي شنو راح يصير شلون
راح اتواجه وياها من جديد
حسيت ب ايدي بين اديه رفعت عيوني وانا مصدومه ..

رهبار : اعرف بيج خايفه واعرف بيج ماتكدرين
ترجعين صدكيني محد يقرب منج
ابن امه وابو الي يمسج اشوفه رهبار الثاني
ماكدر اعوفج هنا الوحدج لج بويه انا وهناك بالشغل
وبالي يمج كل شوي اتصل واطمن عليج
هاي شفتي شنو صار من انتِ لوحدج
ماكدر اجازف واتركج لوحدج اليوم الله لطف
وكدرت اوصل بالوقت المطلوب
باجر لا سامح الله لو صار شي وما كدرت اوصل
بالوقت تدرررين شيصير بيه ؟؟؟ اننننتهي
امووووت هسه كل شوي وعقلي يروح
البعيد الدم احسه ينغز بجسمي
احتركت حرك ماكدر اتخيببيل انتِ بين اديهم
ماكدرررر ...

ريفان : خفت عليه جان يحجي بعصبيه
وروحه احسه رايحه ماكدرت اصير انانيه
واني هم فعلا خايفه لهذا قبلت اروح ويا
مادام هو يمي محد يكدر يتقرب مني
واكيد يكون سيف بخاصره كل شخص يحاول
ياذيني الي طمني هو مطلق هذا الي خلاني اسحب
الهوى ..

جهزت نفسي وأخذت كل اغراضي
وطلعنا متوجهين للبيت
طول الطريق وااني اكل ب اظافري
شلون راح اتواجه وياهم شلون راح يكون
الموقف شلون يكون إلقاء
معقوله بعدها فاطمه هي هي نفسها ونفس
عجرفتها ونفس حقارتها وياي
لو تصلحت وهاي السنين الي بعدت عنها صارت احسن ؟
ماعرف شنو موقفي يمها يكون
يارب تكون صارت زينه حتى اعيش حياتي
وارتاح شوي خايفه لا يكون العكس
ساعتها ماعرف شنو ممكن يصير ...

رهبار : لاتخافين هل مره اي شي يصير تعاي احجي
الي والله لو ضميتي شي ما تلومين الا نفسج
فهمتي !

ريفان : هزيت راسي ب اي التوبه ، هو ضحك ورجع يسوق ، شغل اغنيه
نفسها الي شغلها قبل ( يم داركم )
بقيت مركزه بالكلمات ماعرف شنو حسيت
بس الشعور الي حسيته يقهر
لتفتت ع الشارع وهو يسوق ويدندن بيها
ورى فتره توقفنا انكتم نفسي من عاينت هذا نفسه
البيت الي طلعت منه هاربه من الي بداخله
وهسه رجعت اله ونفس الشي هاربه
معقوله راح ابقى هاربه من كل شي يحيطني!!!
لشوكت والحد ايمتى ابقى بهذا الشكل
يارب الك بيها أراده والحمد الله ع كل شي
نزلنا سوه تقرب مني
عاين بعيوني واردف ..

رهبار : جاهزه؟؟
ريفان : سكتت ، هو تقرب مني ولزم ايدي بعدها اردف
رهبار : وهسه جاهزه؟
ريفان : ضحكت ، اي جاهزه
ضحك الي وعاين بعيوني بنظرات حب ودخلنا
للبيت واحنه ادينه ب أدين بعض ...

كاعده والقلق محاوطني وكفت ع طولي
من سمعت صوت هوسه جوه انفزعت والبسمة
ارتسمت ع شفايفي صرخت ، ااااكيد رجع
اكككيد. نزلت اركض
لكيت زلم هواي برى واكفين واغلبها مسلحه
ولابسين لبس عسكري
الحزن مخيم عليهم تقرب واحد كدام
امه واردف بحزن ..
_ انتِ امه وابنج شهم والنعم منه بطل ويستحق القب بجداره صح الي صار بي ما يستاهله
بس لازم تفرحين اله
_ ش...شتقصد ؟
_ اعتذر ع إبلاغ بس.. الضابط رهبار يامن استشهد هو وأولاد عمه ...

________________

للحكايا بقايا ♡

البااااارت كسر ايدي حيل طوووويل لطفا صوووتو
وعلقوا ترى يسوون إبلاغ ع الحساب
ياريت اتابعون الحساب امس بالكوه يلا انفتح
الحساب مالتي akyta_98 حسابي تابعوا قلبي
وصووووتوووو ♡♡