رواية دجن الضليع الفصل الثالث 3 - بقلم رهف علي

نبدأ بذكر الله ﷽💛✨

قبل القراءة مُتابعه للحساب لطفاً akyta_98
تصويتكم + تعليقاتكم الحلوه أشهباتي 🔥

ليش ماتصوتون ؟ ع الاقل قدرو التعب ياعيوني
صوتو بنجمه ع كل بارت كُلش تفاعلكم ميساعد
والمشاهده اقوه من التصويت
بهل حاله يتأخر التنزيل

الـجُرعـه _2_

عندما تـتدخل حرب ضد العالم بـ أسره
لوحدك ! اعلم انها بدايـة لحياه
صعبه لا راحـه فيـها الا أن يأذن اللّٰه بالافراج ..

بـقلمي رهف علي 💛

♥︎♡♥︎♡♥︎♡♥︎♡♥︎

رهبار : كولي ششششش

ريفان : اسسسسس

رهبار : وچ بويه كولي ششش حرف الاشش

ريفان : كولي اسسس حرف الاسسس

رهبار : ضرب كف بكفه الثاني وصاح بصوت عالي .
دخـيلك ربــي ، وچ بابا شنو هذا الغباء
العندج

اردفت بزعل ..

ريفان :  سبيك تسيح عليه (شبيك تصيح عليه)

رهبار : ييييمة يووم تعالي اخذيها من كدامي رفعتلي ضغطي هاي شلون راح يفهموها بالمدرسه
والله بنفس اليوم يرجعوها چلاليق لحد بابنه

الحجيه : ههههههه ولك يمه ع كيفك وياها
بعدها لسانها ثگيل وصعوبه بالنطق حقهاا

رهبار : لا اشو لو انا لو هيَ

الحجيه : لاتضغط عليها ترى تبجي متعرف بيها ام دميعه

رهبار : جااا تبقى هيج ؟ لا يمه انا اعرف طريقه
وكف وراح جاب عوده مسطحه مستطيله مثل القلم صغيره ناعمه بطول الكف ورجع

الحجيه : ولك رهباار شنو تسوي بيها ليكون تضرب الفرخه

رهبار : شني يمه بهلكد طولها ونعومتها اضربها
صبرج عليه شوفي ..

رفه افتحي حلكج ورفعي لسانج..

ريفان : ما ما يدربني ( ما يضربني )

رهبار : خزرها ، سوي مثل ما كتلج

ريفان : فتحت حلكها بخوف ورفعت لسانها

حط العوده جوه لسانها وضغط عليه بلهاتها وصار يعلمها نطق الاحرف من جديد ويكرر نطق الحرف اكثر من مره حتى تكدر تنطقه بصوره صحيحه ..

ريفان : غباغ كافي مو كل يوم صغت اكدغ انطق لحغوف بصوغه صحيحه صاغلك هواي تغاقبني وتعلمني هسه كافي حباب شوف شلون احجي طبيعي  ..

رهبار  : زفر انفاسه بقوه ، جاا وحرف الغين شلون نوخره وانتِ تلفضين الراغ غين

ريفان : قابل بيدي كافي حباب صغت اتعقد بيوم الي تعلمني

رهبار : خزرها ، تتعقدين شنو لج

ريفان : بخوف ، اعتذغ ماقصد

رهبار : يلا كومي حتى اوصلج للمدرسه

ريفان : فرحتي اول يوم اداوم مدرسه من بعد اياام طويله ويه رهبار يعلمني ع النطق وبصراحه كدرت بهذا االوقت الفض الاحرف بصوره صحيحه
لو ما هو جان بقيت ع الكسره الي بكلامي
عمتي فاطمه جانت طول هاي لفتره تنافخ ومن يخلى الها الجو تجي تخليني اشتغل لو تضربني بحجه انا ما اعرف اشتغل ومن يصيرون بالبيت
لا تتصرف طبيعي وياي وانا اسكت ما اسوي اي شي

طلعنا اني وايلان اختي حتى يوصلنا رهبار للمدرسه
اول ما وصلنا صار يوصي بينه
لاتسون وكاحه ولا تتعاركن ترى اضربجن
نحنَ من خوفنه هزينه راسنه بـ اي ونزلنه ركض
وحده لازمه ايد الثانيه وهوَ ورانه وصلنا للاداره ووصى المعلمات علينا وراح

اول يوم دخلنا للصف اني وايلان بنفس الصف بس هيَ اكبر مني بشهرين صارت المعلمه ترتب
بينه ع الرحلات كل وحده ومكانها اني خلتني بعيده عن اختي بغير رحله لازم يفصلونه ماعرف ليش
مر اول يوم وثاني يوم وغيرها الايام تمر
الدوام طبيعي الا البيت صار من سيء للاسوء

طفله ما افهم اي شي من الصار بيوم جنه اني والجهال دنلعب برى البيت اجتي عمتي فاطمه سحلتني من ودخلتني للبيت ودفعتني وكعت ع الكاع اني من الالم صرت ابجي ..

فاطمه : بصوت عالي ، النحسسس النغـ**
منين الله شمرج عليه يا ناقص تاركج قريب بيتي واجيتي عله ع ڪَلبـَـʊ̤ ، اسسمعي لج
هسسسه دكومين تنظفين البرى وكلمه وحده ما اسمع واذا سمعت نفس الج اشوفج نجوم الظهر
فاااهمه ؟؟؟؟؟

ريفان : واني امسح بدموعي هزيت راسي الها رجعت صرخت بوجهي بصوت عالي فززتني من مكاني
وكفت بخوف  رحت وراها انطتني
ادوات التنظيف وطلعتني برى بالشمس انظف
واني ما افهم ولا اعرف شلون يصير التنظيف
طفله لهذا شلون ما كان نظفت

احس الشمس صارت تاذيني وصرت نااار
شمرت الماسحه من ايدي ودخلت جوه هي شافتني لو عبالك شافت عزرائيل اجتي تركض عليه

فاطمه : نظفتي ؟؟؟؟.

ريفان : اردفت بخوف ،  اي عمه نظفت

فاطمه : لزمت ايدها وسحبتها وراها ، تعالي اشوف شلون منظفه بله ..

ريفان : طلعت برى وهي ساحبتني وراها شافت تنظيفي لو تخبلت ، لزمت وضربتني ع وجهي كف ورجعت ضربتني ع راسي وصارت تصيح ..
حتى كلامها ما افهمه شنو تقصد بي ..

فاطمه : بـنت الز** ، امج الـ**** ماعرف منين جايبتج وشامرت بشاارع

ريفان : جانت بوقتها اول مره تنطق هاي الكلمه ماما مجانت موجوده ولبيت مابي احد غير بس اني وياها وايلان وفجأه جان تتدخل ماما وزوجه عمو مؤمن
و رفل بنت عمو شافني شلون شابعه بجي
اجتي ماما سحبتني وصارت تصيح ع عمتي شلون ضاربتني واضح ع وجهي شلون جان احمر
وعيوني وارمه من البجي
تعاركن سوا وسحبتني ماما من ايدي ودخلت جوه
وزوجه عمو ورفل دخلن ساكتات ميردن مشاكل

بقت تسكت بيه الى ان سكتت رجع رهبار من دوامه
جان بوقته اول كليه عسكريه اجه تعبان ومابي حيل لان العسكريه جانت صعبه خاصه هم بذاك الوقت
هو راد يدخل العسكريه مثل بابا الله يرحمه
وحقق اله هذا الشي ونحنَ حيل فرحانين بي

اول ما نزل من دوامه سلم علينا وصعد لغرفته اني بوقتها ضميت نفسي من عمتي فاطمه
وصعدت اله بالختله ورى ما اجه بساعه لان هي مسويه سيطره وحراسات عليه

صعدت لكيته نايمه ع سريره وجان يقلب بالجهاز اول ما حس لباب نفتح لتفت شافني طفى جهازه

رهبار : تعالي رفه شبيج ..

ريفان : ماصدكت رحت ركض يمه كعدت ع السرير
هو لزم اديه وسألني ..

رهبار : شبيج هيج خايفه كولي

ريفان : غهباغ .

رهبار : عيونه بويه كولي

ريفان : غهباغ شنو يعني " بنت ز** " ؟

اول ما نطقت هاي الكلمه فتح عيونه ع وسعهن
وصاح بيه بصوت خلاني ارجف بمكاني ..

اردف بعصبيه وصوت عالي .

رهبار : ،ريفاااااااان منين جبتي هاي الكلمه هااا

ريفان : غهبااغ شبيك خوفتني مو ماعغفها واجيت اسألك

رهبار : وچ احجي لاتخبلييييني

ريفان :  همست بخوف واني ابجي من صوته العالي  ، عمتي فاطمه دكول انتِ بنت ز** وامج ال*** منين جابتج

هوَ اني نطقت هيج لو احسه صار نااار نااار
توقعت راح يضربني ع هاي عصبيته ، رفع ايده
سريع من خوفي خليت اديه ع وجهي احتمي بي عبالي راح يضربني بس ما حسيت ب اي ضربه
بعدت اديه عن وجهي واباوع عليه شلون وكف
نزل من السرير ويفتر مثل القنبلة الي تريد تنفجر

رهبار : اخخخخ يووووووم شلون هيج تسوووين شللللون هاي انتِ هيج شبقيتي للغريب ليشششش هيججج

ريفان : فتح لباب ونزل اني ركضت ورى نزلت بس وكفت اخر ماكملت نزلتي من شفته صار كدامها وصار يصيح عليها وصارت بوقتها عركه بسببي
الى ان هي سكتت وهو عافها ولتفت حتى يصعد

رفعت راسها وشافتني سوتلي حركه مثل البسيطه انا الج خفت منهها لهذا رحت ويا دخلت لغرفه ورى
شافني وصاح بيه ..

رهبار : ااااااي شي دكوله تجين تحجي الي بس بعد ما تحجين تنسسسينه مفهوووم

ريفان : اردفت بخوف ، اي اي

رهبار : زفر انفاسه بقوه واردف ، تعاي نامي هنا
يمي

ريفان : رحت طايره صعدت ع السرير ونمت هوَ قرب صار قريب عليه واثر التعب نام سريع ..

بعدها صار رهبار ينومني يمه وهوَ يطلب بنفسه
واني جنت بوقتها مكيفه لان احتمي بي من عمتي
وما تأذيني
صار يشوف شلون يعاملوني وشلون اني ضعيفه شخصيه باالشارع يكتلوني
وابقى ابجي لو بالبيت يصيحون عليه وابقى ابجي
من ايلان تتعارك وياي تاخذ االحاجه مني
وتخليني ابجي وما اسوي اي شي وابقى زعلانه
يجيني هو يراضيني يجيب نفس الحاجه الي
لو يشتريلي حلويات

تعودت ع رهبار بصوره مو طبيعيه وصرت احسه مثل بابا واكثر
دوم يكول الي انتِ بنتي الصغيره ويلاعبني ويشتريلي حلويات ويغريني بيهن حتى اسكت

من صار يشوفني شخصيتي ضعيفه
صار يشد ع تربيتي وبكل فرصه يعلمني ع الجساره وشلون اتصرف ويه الي يعنفني لو يأذيني

رهبار : ريفااان تعاي

ريفان : دخلت يمه وكعدت هو صار يحجي

رهبار : اسمعي بويه انتِ ضعيفه ع اي شي تبجين
24 ساعه اشوف جهال المنطقه وايلان يكتلوج ويتعاركون وياج انا هاي السالفه ماتفيدني
اذا تبقين هيج ياكلوج وچ بويه صيري بنت حووك لاتصيرين فاهية ترى الفاهيه ماتفيد بهذا الوقت
ياكلوهااا

ريفان : يعني انا فاهيه ؟

رهبار : اي بويه ومطفية هم

ريفان : شنو هاي زعلت منك غهبااغ

رهبار : عوفج من الزعل وتعالي كعدي كدامي خلي اعلمج حتى ما تبقين فاهيه

ريفان : رحت مثل العاقله كعدت كدامه وهو صار يعلمني ع الكلام والتصرفات

رهبار : اسمعي بويه وافتحي اذانج عدل وياي وخلي عقلج المجيم يشتغل لا اهفج

ريفان : ضحكت ع شكله شلون يحجي وهزيت راسي بـ اي

رهبار : اذا شي يوم شخص غلطت عليج لاتسكتين غلطي عليه ونعلي والد والديه وذا كتله لاتجين تبجي لا نزعي نعالج ولزمي النعال مالتج ودك ع راسه اذا رجعتي تبجين الي اطيح حظ حظج
اعلمج وان ما تعلمتي وبقيتي فاهيه انا اكتلج
فوك كتلتهم الج زيين لهنااا !!

ريفان : شنو غهباع يعني انت هم تكتلني مثل ما كتلوني

رهبار : اي بويه جا ابقى اتفرج عليج شلون تبقين مدمغه بيدهم

ريفان : هاا

رهبار : اي بويه لاتبقين طرطور ماتفهمين شي

ريفان  : غهباغ اااااااناا طغطوغ ؟؟؟؟

رهبار : ضحك بقوه ، اي طغطوغ على كولتج
وهسه طبقي الي اكوله لا اهفج كف اطير برج دماغج

ريفان : ضحكت ، لا خلص فهمت ..

بقى يعلمني هواي لا مل ولا كل بالعكس جر خلك وياي الابعد حد ، وانا بس اهز براسي
الى ان ثاني يوم جنت العب وياهم وهم كتلوني وايلان لزمتني وهم كتلتني كل تعلومه راح
شربه ماي وهو شافني لو تخبل

رهبار : اناا شكتلج لج ؟ شو ماتسمعين الكلام

الحجيه : ع كيفك يمه مو هيج وياها

رهبار : لااا حجيه هيج ونص جاي تشوفيها شلون ضعيفه وفاهيه هاا اذا بقت هيج تروح بالرجلين
خلي اقوي شخصيتهاا من البدايه بعدها
تعرف تتصرف مو مثل هسه ترجع تبجي

الحجيه : هم ميخالف ع كيفك وياها

رهبار : زفر انفاسه بقوه وهو يباوع عليها منتهيه من االبجي ، خوش جا حجيه انا رايح شوي وارجع

الحجيه : وين ؟

رهبار : جاي جااي

ريفان : طلع ماعرف وين راح وماما سكتتني
بعد ساعه رجع وشايل بيده كيس كعد كدامنه وفتحه
امه اجتي فوك راسنه تصيح شنو جايب شنو جايب وهو مغلس فتح الكيس جان يطلع دشداشه ولاديه
رفع راسه ..

رهبار : هاج البسيها وتعالي

فاطمه : شنو هاي رهبار ؟

رهبار : بسج يمه خلي اشوف شغلي وياها

الحجيه : شنو ناوي تسوي ولك

رهبار : يجيج الصافيه يمه

ريفان :  انطاني الدشداشه ورحت للغرفه لبستها
اني سمينه شوي وقزمه مو طويله
ولبست هاي الدشداشه مال ولد طلعت اضحك

اول ما شافوني ضحكو ..

الحجيه : شنو راح تسوي ولك رهيب

رهبار : يجيج الصافي حجيه بس رحمه لغاليج
لبسيها بجامه جوه الدشداشه خاف توكع وينفضح المستور

ريفان : لبستني ماما بجامه وهو اخذني وطلع عمتي صيحت عليه وين مارد عاد كالت اخذ ايلان وياك وما اخذها عافهم وطلع وهو يسحبني سحب من ايدي
طول الطريق اسأله وين رايحين ميجاو بس يكول اصبري شكد تلحين ..
الى ان وصلنا المكان فتحت عيوني لتفتت عليه وسألته  

نحنَ وين جايين ؟ ملعب ماال طوبه شنو نسوي بي ؟

رهبار : بهدوء ، راح نلعب طوبه

ريفان : منو ؟

رهبار : انا وجماعتي

ريفان : جا انا شكو

رهبار : لا انتِ اكو لان راح تلعبين ويانه طوبه

ريفان : لااا انا ؟؟؟

رهبار : رفع حاجبه ، اي انتِ ، اصبريلي الا اطلع الج ڪَلب جديد اخليج مو انتِ

ريفان : كال هيج وسحبني دخلني للملعب واني مو فاهمه شي شلون راح العب وياهم وهمَ كلهم كبار وبس اني الصغيره بيهم مو بس هيج هم ولد وانا بنت ولاضرب من هيج اني مو ضعيفه حتى
اركض سريع لا دبه

رهبار : شلونك شباب ..

_ هلا برهبار ، شني شو جايب لاعب وياك

رهبار : ضحك ، اي بويه لاعب جديد اريد اعلمه ع الطيحان الحظ لان مابي خير

_ هلا هلا هناا الحجي جا خوش يلا نبدي چنه ننتظرك

ريفان : دخلو غيرو ملابسهم لملابس رياضيه ونزلو ع الملعب اجه رهبار الي حط الدشداشه بالبجامه وشدها حتى اكدر اركض وماا اوكع
همست اله بخجل واني خدودي صايره حمره

_ غهباغ عفيه ماغيد العب ..

_ لا اشو تلعبين وغصب عنج

_ ماكدغ صدكني اتعب وماكدغ اتنفس

_ رفه شكتلج انا ؟ تكدرين وذا ما سويتي الي كلته الج ازعل منج وبعد ما اشتريلج

_ بس

_ بله بس بلا بطيخ جاهزه !

_ زفرت انفاسي مابليد حيله ونزلت ويا للملعب
صارو يمررون الطوبه من يمي وياخذوها واني اركض وراها اريد اخذها منهم وهم يضحكون عليه
واني اوكف اسحب نفس واسمعه يعيط بيه من الخوف ارجع اركض وراهم
كل شويه اوكع ع وجهي وهو يجي يكومني مره مرتين بعدين صار يخليني انا اكوم بنفسي

اخر شي تعبت فد مره وكفت وصرت اتنفس بقوه
احس وجهي صار يطلع نار صخنت من الحر
كعدت ع االكاع عاندتهم ما اكوم ولا حتى العب وياهم
اجه عليه رهبار وصاح بيه ..

رهبار : كومي لشوف

ريفان : بطفوله ، غهباغ تعبت

رهبار : كومي كملتي

ريفان : شوف شلون وكعت وتأذيت غجلي
وانتَ خبيث ما اجيت ساعدتني

رهبار : حتى تعتمدين ع نفسج وماتبقين فاهيه

ريفان : غوح عوووح مالعب وياكم انتو خبيثين

رهبار : يعني مادكومين مو ؟

ريفان : اي ما غاح اكوم

اشو من كتله هيج تقدمو اتجاهي الباقين وصار يضربوني بخفه من واحد لواحد يضربني
واحد ع ايدي والثاني ع راسي بس حتى ينرفزوني ويخلوني اكوم اكتلهم صرت ابجي وكفت ع طولي وادفع بيهم حتى يبتعدون عني
بس ماكوو هو واكف ع جهة يريد يشوفني شنو اتصرف اخر شي كعدت ع الكاع وصرت اناشغ من البجي عاد هو بعدهم عني وسحبني لحضنه

واني لكيته من الله اضرب بي واصيح عليه
بصوت بلكوه يطلع من البجي ..

غوووح غهبااغ االحقيغ الخبيث

هم يضحكون وهو عاط بيهم سكتهم نزل راسه الي وكال .

رهبار : بهمس ، كل ما تعاندين وماتسوين الي اكوله وتتجاوبين اسوي هيج الى ان تصيرين قويه مو فاهيه وتاخذين حقج بـ ايدج ساعتها مراح اكول تعبي راح

ريفان : صار بكل مره يروح يلعب بيها طوبه ياخذني ويا ويعلمني شلون اضرب واغلط
وبكل مره افشل يمنع عني الحلويات وميشتريلي واني ادكها منهاحه بس بنص زعلي يروح يشتري بدون ما ادري ويخلي فوك راسي ويروح اكعد ثاني يوم اشوف الحبشكلات واضحك يروح الزعل

وهيج مرت الى ان صحيح صرت مسترجله وما انطي عين صرت يااهو اليضربني اضربه
ياهو الي يحجي عليه اردله حتى صارو يخافون مني ومايتقربون لان بـ اي شي يمي الزمه واضرب بيها ، سواء حديده او غير شي الى ان نفكوو مني وارتاحيت بس ماخلصت من كلامهم من بعيد يحجون عليه من يشوفوني اركض وراهم يركضون ويعوفوني

صرت متمرده لا احترم چبير ولا صغير
حتى عمتي فاطمه صرت ارد عليها وما اخليها تبقى تحجي عليه تمردت بصوره عجيبه

ريفان : دخلت للمطبخ لكيت ماما ادك بالهاون تتطحن هيل 
وبدخلتي دخلت وياي ام رهبار
هي شافتني لو صارت تعد وتصف عليه

فاطمه : النغـ** الـ*** من يوم الدخلتي لبيتي خربتي وموتي زلمتي ..

ريفان : اني ما تحملت بوقتها اخذت الهاون من ماما
هو حديد وثكيلة لزمته ورحت بتجاها
وضربتها براسها بقوه

ما احس الا وكعت ع االكاع واالدمايه ملت المكان
وصوت االصراخ صار كلش عالي
نرعب بمكاني والخوف سرى بجسمي ..

كلها صارت تصرخ ماما وايلان عمتي زوجه عمو مؤمن ورفل اني بقيت جامده بمكاني
صح صغيره بس الي سويته حيل چبير
ولو سولفو لعاقل ميصدك شلون ضربتها هيج وبهاي السرعه والقوه
كلامها زعجني واني صرت هواي اتأذى منها ضرب وبكلام يمكن هاي نتيجه الكتمان بداخلي
سوا هيج

ابتعدت واني اشوفها مغمى عليها طلعت زوجه عمي برى تصيح ابنها جان جاي من الدوام
اخذوها وطارو بيها للمستشفى واني بقيت كاعده بمكاني مهبوطه من الشي الي سويته

غلطت وغلطي فادح ومراح يعدي ع خير بقت ماما ترزل بيه وتصيح عليه شلون سويت هيج واني كعدت ابجي ليش ماعرف برغم اني طفله
بس عرفت بوقتها الي سويته مراح يعدي ع خير زلا راح ارتاح من بعده

ايلان كاعده تبجي ع جهة وتصيح عليه وتبجي ..

ايلان : انتِ وحده حقيييره شلون تسوين هيج بماما ليشش تضربيها بسيطه من يجي رهبار للبيت الا اكله عليج واخلي ذبحج شلون تضربين مااامااا

الحجيه : بسسس سدي حلج لشوف كافي تحجين هسه تجي امج مابيها شي كافي صوتكم نصو

ريفان : بوقتها ماعندي اي قدره للرد بسبب التعلوم الي علمه الي رهبار خلاني اتمرد اكثر واكثر
وبسببه بسبب رسم شخصيتي الجديده هيج سويت
تمردت ع الكل

بقينا ننتظرهم يجون الى ان انفتح باب الخارجي
وكفت اني مستعده للرزايه او للجاي وياها
دخلوا مضمدين راسها ولازميها من الجهتين وهيَ تون ودايخه راح الها ايلان حضنتها  وهي تبجي

الحجيه : الحمد الله ع سلامتج يمه ..

ريفان : رفعت راسها تريد ترد عليها جان تشوفني لو تخبلت تحجي وهي دايخه بلكوه بس لسانها رشاش ..

فاطمه : بعصبيه ،  كسر بيدج ياحيوان شلووون تمدين ايدج عليه انااااا ! يجي ابني العود ابن بطني وانا اخلي يتصرف وياج

ريفان : صرت ارجف مادام رهبار راح دكول اله معناها اقرا ع نفسي السلام حجيت واني مرتبكه ..

عمه اعتذغ منج ماعغف شلون سويت هيج
لادكولين لـ غهباغ عفية ..

فاطمه : بعصبيه ، لجججج اصبريلي بس خلي اصحه  ،تردين مايعرف مو اصبريلي ام السان الاعوج

ريفان : بعدها تحجي جان ينفتح الباب وهناا حسيت نقطه دم ماكو بجسمي واني اشوف رهبار فات ع البيت هسمت بخوف ..

غيفان غحتي بيهاا ..

رهبار : السلام عليـ... ركض لـ امه بصدمه خايف وهوَ يشوف راسها ملفوف بالشاش .
يييمه خخيرج شنو الي صاااير ليش
شاده راسج فهميييني

فاطمه : بقهر ،  تعال يبن بطني تعال ياچبيري شوف شوت بيه بنت الشارع شوف شنو سوت بـ امك وانت مو داري

رهبار : بستغراب ، شنو يمه يابنت شارع فهميني دخيل ممممحمددد منو سوا هيج

فاطمه : منو يعني ترضااهاا هاي الـ *** تسوي هيج بـ امك

رهبار : منو ؟

فاطمه : ريفاااان منو غيرهاا

رهبار : بصدمه ، لا يمه كولي غيرها جا البنت الصغيره هيج تسوي بيج

فاطمه : بعصبيه ، تجذبني واناا امك

رهبار : حشااج يمه بس ماجاي اصدك ريفان هيج تسوي

فاطمه : خلييييك لا تصدكني شوف الكل شاهد هي سوت هيج مو بس اناا اكول هيج

رهبار : رفع راسه ، صحيح هذا الحجي حجيه ؟؟

ريفان : حسيت نحشرت بالزاويه وراح اروح بيها اباوع ع بيبي نزلت راسها وهزته هو مثل لتكهرب
غمضت عيونه وكز ع اسنانه وصاح بصوت عالي

رهبار : ريفااااااااااااااان

ريفان : بجيت قبل لا اروح اله جسمي صار يرجف رجف مو طبيعي تقدمت بخطوات صرت مسافه بيني وبينه جان يعيط بيه

رهبار : تعااااااالي هنااا

ريفان : عفية غهبااغ

رهبار : كز ع اسنانه بقوه ، كلت تعالي كدامي

ريفان : رحت وكفت كدامه واني اشهك بالبجي

رهبار : بصوت عالي ، انتِ ضربتي امي ؟

ريفان : مكدرت انكر هزيت راسي بـ اي ، ماحسيت الا انسحبت ايدي حسيتها نخلعت من مكانها
وسحبني ورى صعد فوك واسمع عمتي فاطمه تصيح

فاطمه : ااادبهااا لهاااي الي مامتربايه عيد تربيتهاااا
من جديد

ريفان : حسيت بـ ايدي راح تنكسر من الالم ابجي واصيح حتى يتركني بس هو وين مايسمعني
باوعت فتح باب السطح وطلعنه برى

الشمس حارره ونحنَ بالجنوب تموت حر
حتى نعال برجلي مخلاني البس هو بوقتها جان نازل من دوامه

بلعت ريكي بخوف واني اشوف وجهة شلون مطعون
لتفت عليه ووجهة ميكصه السيف لزمني من زندي وقربني عليه نزل راسه صار بمسوايه
قريب من وجهي ، ارتعبت من خوفي

رهبار : اردف وهوَ كاز ع اسنانه ، صوچي اناا الي خليتج بهاي الشخصيه تعديتي حدودج وتمردتي هوااي ، بس اناا اعلمج من جديد
حتى ماتعيدين هذا السويتي مره ثانيه

ريفان : بلعت ريكي ولكلمه بلكوه تتطلع مني ،
غهباغ صدكني سويت هيج لان ..

رهبار : بسسسسسس صوتج ما اسمعه

ريفان : بجيت ، عفية حباب لاتاذيني خايفه

رهبار : اردف بصلابه ، هذا عقابج

ريفان : فتحت عيوني ع وسعهن من حسيت بلسعه حروره صارت برجليه وكفني بنص السطح والشمس تضرب ع راسي والكاع بوقتها لهيب من النار
سريع رفعت رجلي نوب نزلتها من حروره رجلي الثانيه نزلتها ورفعت رجلي الثانيه واني دموعي عشره عشره الالم الي حسيت بي
حيل چبير ع طفله

صحت بصوت عالي ، لاااااا جاي اتوووجع
حباااب الله يخليك لاتأذيني هيج
حباااب والله غجليه صاغت توجعني جاي تجوويني
ناااغ نااااغ

ابجي واصيح وهوَ خازرني بقوه لزمت ايده بـ اديه اثنيهن واني اتوسل بي بس وين ولا يسمع
ابتعد عني ووكف بعيد واني اتلفت اريد مكان بالسطح بي في مااكوو الشمس صاگعته
طگع ومامخليه ولا مكان بي في

اني حسيت انتهيت من النار الي برجليه حتى جسمي صار يرجف من الالم والصدمني اكثر تصرفه
الحقير الي سوا وياي

رهبار : بقوه ، تحولي لهذا المكان اوكفي هنااا

ريفان : نصدمت يعني خاف المكان الي واكفه بي اني صار اقل حروره حولني ع مكان ثاني

بلعت ريكي من خوفي منه تحولت للمكان
الثاني اول ما خليت رجلي
عليه صحت بصوت عالي حتى نفسي
حسيته انقطع  ..

غـهـبـاااااااغ .....

_____________

للحكايا بقايا 💛✨

حساب الانستا 💛✨