رواية دجن الضليع الفصل الرابع 4 - بقلم رهف علي

نبدأ بذكر الله ﷽💛✨

قبل القراءة مُتابعه للحساب لطفاً akyta_98
تصويتكم + تعليقاتكم الحلوه أشهباتي 🔥

الجُرعـة _3_

أنا ورده حديثه الاوراق
لماذا ادخلتموها في غيهبان مُرعبه
واهلكتموهاا منذ البدايه
الى ما لا نهاية ..

#بقلمي_رهف_علي💛✨

♡◇♡◇♡◇♡◇♡◇♡

ريفان : صرخت بصوت عالي واني احس الحراره اكلت رجليه اكل صرت ابجي واشهك بصوت عالي
اصيح عليه استنجد بـي واسمه صار مايوكع من
لساني روحي راحت صارت الدنيا
تفتر بيه ودخت سحبت نفس قوي واني
احس راسي صار اثنين من قوه الشمس
وحرارتها  ارفع راسي واخلي ايدي ع عيوني بس حتى اشوف وجهة حتى اشوف
نظرات عيونه بس حتى اكسر خاطره
ويعفيني من هذا العذاب
ورى وين فتررره كلش طويله تقرب عليه
اني خفت منه ارديت للخلف خايفه من
نظراته وشكله
ابد مو مريحه
وتخوف

رهبار : اسمعي هذا عقاب الج حتى تبطلين
رعونيه وصلافه بعدج بطول رجلي وهيج تتصرفين
شخليتي لولد الشوارع
انا علمتج وخليتج تتمردين بس حتى تكدرين تواجهين الي يأذوج ضربوج ضربيهم حجو عليج احجي عليهم
مو اجي الكه امي راسها مضبر وتصيح الغوث منج
ريفاااان انا رهبااار مو غير واحد
لاتشوفيني اسكتلج قبل كلت خليها
تتعلم اما اذا تجاوزتي بغير شي اطلع الج
ڪَلب ثاني خليها بـ بالج

بعد اي مشتره الج ماكوو هذن الي تحبيهن
مااكو بحح خليج هيج شوفي صلافتج وين راح توديج

ريفان : بجيت ، غهباغ حباب انا اعتذغ اسفه والله بعد ما اعيدها واغوح هسه اعتذغ من عمتي
فاطمه بس سامحني لا تعاقبني بعد
ماكدغ عفية

رهبار : هشششش صوتج بلا حجي

ريفان : اباوع عليه طلع جكاره ودخنها وعيونه
عليه مصبوبات ، خلص نصها وتقرب اكثر مني
صاح بيه بصوت عالي

رهبار : بياا ايد ؟؟

ريفان : همست بخوف ، شنو

رهبار : بيااا ايد ضربتيها ؟

ريفان : اني مثل الغبيه رفعت اله ايدي وكتله هاي
مافهمت شنو يريد يسوي ولا
توقعت راح يسوي هذا الشي
ماحسيت الا بحراره والم قوي صار بكف ايدي
طفى الجكاره بيها
حسيت روحي طاارت للسما وصاحت الغوث من الالم
والصرخه الي طلعت مني جرحت احبالي الصوتيه
ونهتهن

هوَ حتى ماينسمع صوتي سد حلكي
وخزرني بقوه بعيونه ڪَلبـَـʊ̤ صار يدك بقوه
من الالم الي حسيت بي
فرفحت جوه ايده منا الم رجليه ومنا الم ايدي
حسيته يعاملني مثل العساكر الي عنده
وعقوباته صارمه لطفله صغيره
ورى فتره تركني واني اناشغ بجي

رهبار : اردف بجبروت  ، هذا درس حتى تتعلمين ما تتطاولين وتتفرعنين ع امي
وهسه يلاااا جووه

ريفان : غهبااغ ، ماسمع عافني وونزل وانا متت بجي بوقتها  الالم الي حسيته ماكدر اوصفه حتى بخيالي حتى بيني وبين نفسي ماكدر اوصفه ، دخلت من باب السطح بس مانزلت جوه بقيت متعلكه فوك اون من الم رجليه وايدي المحروكه حتى شكلها صار يخوف والدم ينزل منها
ابجي حتى خايفه لا ترجع تعاقبني عمتي
لان شكلها ميطمن وعيونها ناويه ع نييه بس الله ليعرف بيها
ورى تقريباً نص ساعه نزلت بلكوه انزل درجه درجه

وصلت للطابق الارضي وجان تصير عمتي فاطمه كدامي
حسيتها مو هيَ نفسها لا عبالك وحش وتريد تفترسني
شايله بيدها عوده وماكو احد يمي اني شفتها لو
احس سحبت طن هوى
ردت ارجع بس مالحكت هي اسرع مني
واني ما اكدر اركض
بسبب الم رجليه وهيَ ماعبالك عجوز عبالك وحده حيلها حيل البنت الصغيره وبيها كل الحيل

لزمني من شعري وسحبني عليها بقوه اني صحت بصوت عالي وصرخت ..

ريفان : لاااااا عمه شنو تسوين بيه

فاطمه : ياحقيره ياانحس هسه اعلمج شلون تمدين ايدج عليه الا اخليج توبين مره ثانيه
وما تمديها

ريفان : حسيت خلاص راح انتهي بيدها ، صحت بقوه ، غغغهبااااااااااغ

فاطمه : بضحكه قويه ، ههههههه عبالج موجود بالبيت هاا شبيه تخبلت حتى اسوي هيج كدامه
غير مايقبل عود ابني ووحيدي وهيج يسوي
بس مو عليه انا فاطمه تجي وحده بنت شوارع
مثلج تضربني واطلع دمي ؟؟؟ ما بلحيف

ريفان : تحجي والشر يطلع من عيونها
حسيت جسمي صار يرجف رجف
اني صح لسان بس بهذا الوقت من سبب فعل رهبار وياي وعقابه الي حسيت بالضعف والصدمه بنفس الوقت وطول الشمس فوك راسي والعقاب الي حصلته حسيت حيله كله راح
ومابيه حتى ادافع عن نفسي

فاطمه : شوفي شسوي بيج ..

ريفان : ماحسيت الا بضربه قويه اجتي ع رجليه
" الساق "  واني صرخت بصوت عالي ، ااااااخ عممممممه حبابه جاي توجعيييني
بس وين ماكو متسمع لزمت ايدي المحروكه وضغطت عليها بقوه لو فرفحت بسببها ونوب  رجعت ضربتني مره ومرتين والمره الثالثه ضربتني ع ظهري حسيته نقسم
صار  نصين كل هذا واني عمري صغير طفله
وكعت ع الكاع واني لازمه الاماكن الي ضربتني بيهن
واناشغ من البجي تركتني ووكفت فوك راسي

فاطمه : هذا عقابج بس مو عبالج خلصتي مني ؟ لااا حبيبتي وراج شي يكسر ظهرج عن حق وحقيق

ريفان : مافهمت شنو كالت لان بالي وتفكيري بس بجسمي الي صار يون عليه من الالم
رفعت اديه وخليتهن ع وجهي وطكيتها ببـ بجيه
طلعت من كل ڪَلبـَـʊ̤ هي سمعنها صاحت

فاطمه : وووووسم ابطنج

ريفان : بعدها عافتني وراحت واني بقيت ابجي اريد اعرف وين راحت ماما وعمتي ورفل معقوله ما سمعن صوتي ، سحلت نفسي بلكوه
ودخلت لغرفه ماما سديت الباب وكعدت بصف السرير ابجي اشكي حالي وابجي

باااباا وين غحت عني شوف شلون عمتي فاطمه
ضغبتني واذتني شوف شلون غهباغ
عاقبني وحغك غجليه
ليش عفتني وغحت جاي يعذبوني بغيابك
اذوني هواي ماما ماتكدغ تساعدني ولا عمتي زوجه عمو ولا غفل ولا ايلان محد جاي يساعدني
باابا حباب اغجع اغججع انا احبك انتَ
ما احب عمتي فاطمه لان تاذيني
وهسه كغهت غهباغ لان هم اذاني مثلها

جاي احجي جان ينفتح الباب وتتدخل ماما
شافتني ونصدمت اجتي عليه بلكوه تمشي ..

الحجيه : يممممه صخام الصخمج حليمه هاي شصاير ببنتج ريفانه

ريفان : طبعاً ماما بعد وفاه بابا يامن وعمو مؤمن
انضربت جلطه وبعدها ورى اسبوع طلعت من المستشفى وع اثر االجلطه تعبت هواي وصارت
بلكوه تتحرك هواي اثرو بيها مو هينه فقدان اثنين من ولدها بيوم واحد وهم مو صغار كبار وعدهم عوائل چبيره بركبتهم

اجتي كعدت بصفي وسحبتني لحضنها اني ماصدكت حضتنها بقوه وصرت ابجي واحجي وياها بلكوه
تتطلع الكلمه مني

وين جنتي شكد صيحت عليج انتِ وغهباغ ولا واحد اجه ساعدني وخلصني من ايدها
شوفي شنو سوت بيها هي ويا
اذوني يا ماما هواي اذوني

هي شافت لو تخبلت صارت تضرب ع رجليه و ع راسها وتصيح ع فاطمه و ع رهبار
وتحلفت الهم نومتني ع السرير وراحت تجيب الاسعافات الاوليه وكعدت تضمد بجروحي وهي هم تبجي وياي واني ابجي بصمت دموعي تنزل
كل ما اتخيل شنو سوا بيه وشنو صار
ينعاد الشريط كدامي وارجع ابجي

كملت ماما واجتي يمي خلتني بحضنها وصار
تمسح ع راسي حتى انام
تمسح ع راسي وتحجي عرفت منها رهبار اول ما نزل من السطح بس مغير ملابسه
العسكريه وطالع من البيت
وماما هي وعمه جانن برى بالحديقه والبيت مساحته
جبيره ف عمتي فاطمه مستغله الوضع
وساده البوب حتى من تضربني ميسمعن صوتي
ولا يجن يساعدني
واني غفيت من لعبت بشعري وبسبب الالم والتعب الي حسيت بي بس قبلها همست الها كلمه وبعد ما حسيت بـ اي شي

ماما لاتعوفيني مثل بابا بس انتِ تحبني ..

___________

ريفان : صارت تروح ايام وتجي ايام ورهبار زعلان مني واني نجحت لمرحله ثانيه بس بلقوه درجاتي كُلش مو زينه زعل رهبار كلش يأذيني
خاصه اني متعوده عليه و ع حنانه واهتمامه بيه

صرت ابجي باليل لان ما صار يشتريلي مثل قبل
جان يوميه قبل لا انام يشتري ألي و الـ ايلان
اما هسه بس لـ ايلان يشتري الها كدام عيوني واني من اشوفه هيج انقهر واشبع بجي

بمر من المرات جنه انا و ايلان نلعب بالحديقه
هو دخل شايل بيده علاگه عرفت هاي حلويات النا
بس بوقتها حيل قهرني وخلاني انهضم

شفت ايلان راحت تركض اله لان صاحها كدامي اني وكفت اشوفهم كدامي
راحت اله تركض هو نزل الها وباسها وانطاها االعلاگه
الحلويات هي اخذتها منه ورجعت باسته بخده
وحجت ويا ..

ايلان : رهبار وريفان ؟

ريفان : اول ما نطقت اسمي باوع عليه بنظرات  زعل وما حجه شي هي هم اخذت حلوياتها وراحت تركض
جوه واني بقيت واكفه بمكاني
مثل الطفل المهضوم خليد ايد بـ ايد الثانيه وانا مرتبكه الدموع ملت عيوني
سريع قوست شفايفي ورادت تنزل دموعي
وهوَ واكف بمكانه
عفته ودخلت اركض لـ.ماما اول ما شفتها
بالغرفه مالتها رحت ركض عليها احتضنتها بقوه
من خصرها وصرت ابجي من كل ڪَلبـَـʊ̤

حسيت بهاي فعلته كسر خاطري
جان يكدر ع الاقل يحجي وياي
يعرفني شكد احبه و روحي متعلقه بي
احسه مثل بابا
بحنيته وخوفه عليه
هو خلاني احبه لهاي الدرجه ..

شكد حاولت ماما تريد تعرف شبيه بس اني ما كلت اي شي ولا حجيت اي شي
بس ابجي الى ان سكتت بعدت عنها من سمعتها سألت

الحجيه : يمه رهبار الحمد الله ع سلامتك

رهبار : الله يسلمج حجيه

الحجيه : شبيها ريفانه ؟ سويتلها شي انتَ

رهبار : ببرود ، لا ..

ريفان : اجتي عيني بعينه من كال لا ترك الغرفه وراح
حيل نقهرت ليش هيج كل هذا لان رديت وما سكتت
وهي تشتمني مو هو الي علمني
شلون اكون متمرده ليش هسه يعاقبني ع هذا
تمردي !

رجليه مرت فتره يلا كدرت امشي عليهن
بس بقى اثر الجكاره طابع بـ ايدي
وما راح كل ما اشوف الاثر اتذكر شكله شلون
جان قاسي وياي وابجي ..

بيومها باليل هستوني غفيت حسيت ع حركه فوك راسي
فتحت عيوني شفت الباب مال الغرفه نسد
كعدت اريد اشوف منو بس تفاجأة بعلاكه فوك مخدتي فتحتها سريع وطرت من الفرح اول ما شفت
الحلوياتي
يعني هو جابهن الي يعني رجعت علاقتنا سوا وهو
ما زعلان مني

الضحكه وصلت لاذاني كلش فرحت اخذت العلاكه وخليتها بحضني وكعدت اكل بيها
جايب كل الشغلات الي احبهن
ما تارك شي ما جايبه الي
بوقتها نمت نوم عميق واني مرتاحه حسيت
طيب خاطري الي انكسر اليوم بسبب تصرفه
كدامي
وانا اي شي حتى لوو بسيط ارضى بي

ثاني يوم كعدت الصبح
غسلت سريع وطلعت حتى اشوفه حيل
مشتاقتله اول شفته كدامي ركضت واني اضحك
ردت ارتمي بحضنه بس فاجأني من دار وجهة ع الجهة الثانيه
وكأن ما شايفني اصلاً هناا عرفت هوَ لهسه
زعلان مني وهاي العلاكه الي جابها الي
ما هي الا لان شافني انهضمت لا اكثر
ولا اقل

وهيج صارت الايام تروح وتجي الا ان طفح الكيل
وانا تعبت اريده احس بالامان يمه
هو مثل حنيه بابا عليه

اتذكر صارت مشكله قبل هاي المره وهم ام رهبار السبب وبيومها زعل مني زعل قوي ..
فردت اصالحه حتى يرجع يعاملني مثل قبل فـ

بمره صار نزوله اول ما سبح ونزل تغده كال لا احد يجي يكعدني صاعد انام
وصعد انا استغليت الوضع وصعدت ورى
وصلت الغرفته وانا دكات ڪَلبـَـʊ̤ سريعه خايفه
لا يصيح عليه ويطردني بوقتها ما اعرف شنو
ممكن اسوي

بدون ما ادك الباب فتحته سريع ودخلت
هو بعده هستوه يريد ينام
شافني عقد حاجبه وكعد ع السرير وهوَ معصب ..
قبل لا يحجي اني حجيت بخوف .

ريفان : غهباغ حباب لا تعصب مني
لا تخوفني منك خليني احجي حباب

رهبار : رفع حاجبه ، احجي

ريفان : نزلت راسي وانا ايد بـ ايد الثانيه شاده عليها وضاغطه من الخوف والتوتر همست بهدوء ابرر
الي صار بهذاك اليوم المشؤم

غهباغ الي صاغ انتَ ماتعغفه كل الي صاغ
هي عمتي اول مادخلت للمطبخ وشافتني
صاغت تصيح عليه وصاغت دكول الي انتِ بنت ز** نفس الكلمه الي كلت عليها ممنوع احجيها
خليت ايدي ع حلكي مصدومه شلون حجيتها

هو صار عصبي خفت منه رفعت اديه ع عيوني
حتى اتجنب نظراتع وكملت ..

غهباغ صاغت هواي تحجي عليه حجي
ماعغف شنو المعنى مالته بس ماما صاحت عليها حتى تسكت وما سكتت انا لحظه طيش ماعغف شلون سويت هيج وضغبتها اسسفه انا غهباغ
حباب سامحني والله ضايجه انا لان انتَ زعلان مني وما تغضى تحجي وياي

حجيت هل كلام مره وحده وانا اديه ع عيوني
ما حسيت الا انا بحضنه
احتضني بقوه وانا من شفته هيج سوا
بجيت وهوَ يسكت بيه ..

_حباب بعد لا تزعل مني والله ماعغف شلون
ااغجع اصاحبك

_ ضربها بخفه ع راسها وضحك ، شنو تصاحبني
ولج شنو أنا صاحبج

_ لاااااا اعتذغ مو هيج اقصد

_ لا لا بله هيج تقصدين

_  غهباااااغ قوست شفايفي بزعل ، شنوو تغيد تزعل مغه ثانيه مني عفية لا تسوي هيج
امووت اناا

_ ااشششش بويه شنو هذا الكلام اشاقه وياج
لاتجيبين طاري الموت ع لسانج مره ثانيه
شو بله كولي رهبار لشوف

_ توسعت ابتسامتي واني انطق اسمه ، غهباااغ احبك اناا

رفعني وحتضني وهوَ يضحك ..

_ وانا بعد احبج بويه موش السان كامل عندج
السان مگصوص

_ ضحكت وانا اطوق رقبته مرتاحه لان تصالحت ويا
بيومها صار نقاش حاد بينه وبين امه
وعلى صوته عليها وهي صارت تصيح عليه
شلون  يدافع عليه وانا ضربتها
صارت مناقشات حاده كلش
الا ان طلع من البيت وتركها وحدها تصيح
انا من شفت الوضع هيج ردت انهزم وادخل جوه بس لزمتني هي خوفتني بكلامها ..

فاطمه : بسيطه اصبريلي جاي توزين
ابني عليه انااا مو اشوفج شلون
ارجعج لـ اصلج يا بنت الشوارع
ارجعج لمكانج الاصلي

ريفان : عافتني وراحت واني بقيت افر براسي شنو تقصد ما اعرف تركت هذا الموضوع بس هي صارت تخلي راسها من راسي انا وزوجه عمي مؤمن وبنتها رفل
صارت تعاملنه معامله االخدم عدها

زوجه عمو ماتحجي ساكته هي اصلاً فقيره ولان عايشه ويانه تسكت وتبلع غصتها وتبلع االكلام
الي يسم البدن
ع طول عمتي صارت تصيح علينه وتغلط وتشتمنا
وماما اذا حجت شي تصيح عليها وتعاركها فـ تسكت حتى تتجنب اي عركه بالبيت
هي مسالمه ام فاطمه لا كل حقوده

نازله صاعده تصيح عليه خاصه من تشوف رهبار برى البيت لو بالدوام

فاطمه : ( بنت الز** النغـ** امج ز** بيج وخلفتج هي خلك وحده **)

نوب ترجع ع زوجه عمو مؤمن تحجي عليها وتصيح

فاطمه : اناا الله بالييني بـ ارمله نحسه هي وخلفتها
وبنت مامعروف اصلها وين
ما الله ياخذكم واخلص منكم
ادري هذا بيت لو ملجأ لكل واحد طايح حظ شامره عليه انااا

ريفان : بوقتها زوجه عمو تركتها وراحت تشتغل بالبيت وهي تبجي دموعها تنزل بش ساكته ما تحجي اي شي مو بيدها هذا البيت مو بيتها
لهذا ماتكدر تحجي بس مره سمعتها تحجي ويه نفسها بوقتها صح ما افهم بس كلش نقهرت عليها

مسحت دموعها وهي تحجي و الغصه
ماترضى تتركها 

ام رفل : وينك مؤمن تعال شوف شلون تشردنه من بعدك تعال ششوف شلون يعاملونه ونحن جنه عايشين بخيرك
صرنه تحت ايدها وتسوي الي تريده بينه
تعال شوف شلون تركنا بيتنا وذكرياتنا وصفينه بالشارع ماعدنه ملجأ يلمنه
كلها تخلت عنه وهاي نحن هسه بيد الي ماترحم
ماتعاملنا مثل حنيتك وحبك النا
تعال شوف حالنا شلون مكسور ولك اخخخ مؤؤؤمن تعااال شوف حالي شوف ڪَلبـَـʊ̤ شلون ينزف دم عليك
عفتنا بدنيا مابيها غير بس الهم عفتنا ونحن ماعدنا
غيرك ولدك الي جنت ضامهم جوه جناحك
هسه طارو كل واحد بديره ويادوب
معيش نفسه ويدزلنا الي الله قاسمه
وانا ما اكدر اساعدهم بشي هاي عايشه انا وبنتك
عند الي ماترحم والله انهضم بكلامها حيل تاذيني وتجرحني وانا ماكدر احجي هذا مو بيتي
بيتهاا ما الي حق احجيي
ولك مؤمن ردلي ردلنا وطيب خاطرنا بجيتك يابعد حيلي ..

ريفان : انا ابجي ع بجيها ماحسيت الا بضربه ع كتفي وشخص خطف مني اباوع لكيتها رفل
جانت ورايه هم تسمع امها راحت الها ركضت
حضنتها وصارت تبجي وياها
ونا بقيت بمكاني ابجي عليهن حيل تأذيت عليهن
وانا اكثر هم متأذيه ومابيدنه نسوي اي شي

رحت يمهن كعدت واني امسح بدموعي ابتسمت بوجهن واردفت ..

ريفان : خاله انا احبچ هوااي

ام رفل : يابعد روحي شو تعالي ابوسج من هذا وجهج الحلو انتِ هم يا خاله مظلومه وظلمج اقوه
منه كلنا

ريفان : رحت يمها كعدت اشو اول ما كعدت اجتي علينا عمتي صدمتنا بكلامها

فاطمه : انووووب عليه بـ بيتي شكو وحده ارمله وشكو وحده نـ*** ملفيتهم بالبيت بدون ما مستفادين منهن

ام رفل : بهدوء ، كولي ياعيني شنو تريدين نسوي

فاطمه : أي هذا الحجي الي اريده منجن شي

ام رفل : كولي ونحنَ حاضرين

فاطمه : تـشتغلن ..

ام رفل : اي بعيوني نشتغل اشو البيت ما تاركي ولو لحظه

فاطمه : لا ما اقصد البيت

ام رفل : جا شنو  تقصدين يا ام رهبار ؟

ابتسمت بشر واردفت

فاطمه : تشتغلن بالشوارع تبيعن وبين الناس ..

ام رفل : بصدمه ،ع بختج خيه شلون ترضيها
اطلع بنت حديثه وبنت طفله بنصاص الشوارع
وبنص هاي الخلگ كلها !!!!

اردفت بخبث ..

فاطمه : هذا الموجود يا تشتغلن يا تنطردن من هذا البيت والقرار الجن ..

ريفان : بقت عمتي ام رفل مصدومه بعدها صارت تبجي وعمتي فاطمه تركتنا وراحت وانا بس اتفرج ماعرف شنو جاي يصير اصلاً

رفل : بعصبيه ، يممممه ليش تبجين ، امشي نروح من هذا البيت احسن النا شكو كاعدين هنااا هااا

ام رفل : وهي تمسح بدموعها ، ولج يمه كولي وين نروح ونحنَ ما عدنا ملجأ يعيشنا هاا كولي
اخوانج اثنين جاي يدرسون بغير محافظه والثنين الباقين هم يدرسون بغير محافظه واختج بغير دوله كولي وين نروح فهميني جا تردين نعيش بالشوارع هاا

رفل : خوش يمه جا انا اشتغل وانتِ مستحيل تتطلعين خطوه  برى البيت

ام رفل : بحزن ، يمه شلون اعوفج وهاي الدنيا مو امان انتِ وهاي الطفله شنو ذنبججن فهمني

رفل : خليها ع الله يمه ترى اكو اليحرسنه احسن ما نتعاير 24 ساعه نكعد هنا بالبيت بعرق جبينا

ريفان : استمرن يحجن سوا الى ان وصلن لقرار الموافقه وراحن وانطن الموافقه لفاطمه
وانا واكفه مثل الصنم ما فاهمه اي شي
بوقتها ماما سوت عركه شكبرها شكدها
شلون تخليني اني اشتغل برى بالشوارع
ونحنَ عدنا املاك خير من الله تغطي العماره بس طمعها وكرها النا خلاها تسوي هيج
وماما طمنتها رفل انُ ابقى وياها ولازم نشتغل قبل لا تتطردنا من البيت بفضيحه

ثاني يوم الصبح كعدتنا من الفجر وهي ع وجها ابتسامه خبيثه نحنَ هم طلعنا بوجنها بالشارع
وقررنا نبيع ماي وكلينس اساساً نحنَ مامحتاجين بص انجبرنا نسوي هذا الشي ونشنغل
بوقتها رهبار مو بالبيت بالدوام وهوَ لو يشوف حالنا يگلب الدنيا گلاب يعتبر شرفهم وهي بهاي فعلتها
شوهته

اول يوم طلعنا ونحنَ متوترين وخايفين
رفل لازمه ايدي بقوه وما تخليني ابتعد عنها
واني لازمه ايدها بقوه وما تاركتها خايفه وهاي
اول مره اطلع بدون واحد من اهلي وياي
رهبار او ماما

صعدنا سياره ووصلنا للمكان الي يبيعون ماي وكلينس سحبتني رفل وراحت لعندهم
وصار تحجي وياهم ع اساس حتى تشتغل وياهم
وهمَ قبلو سريع

رفل بنت كلش حلوه وهي يلا عمرها تقريبا 19 _ 18 سنه بوقتها

انطونا ماي وكلينس ومشينه مشافه عنهم
والسيارات رايحه راجعه والناس هواي
وهاي اول مره اطلع هيج طلعه
وكلش خايفه بس بنفس الوقت
اني حسيتها شي ممتع
رهبار معلمني ع التصرفات الصبيانيه
لهذا اكدر استعملهن وانا بنص الشارع
ما ااتخوف اذا اذوني او حاولو
يضربوني هذا جان تفكيري ما اعرف اكو شي اقوه
من هذا الشي اساساً ..

اول يوم بدينا نبيع ونشتغل حسينه نظرات البعض
كلش مو حلوه وبكل فرصه شخص يطلب مني
طلب تجي رفل بصفي ماعرف شنو جانت تفكر بهذا الوقت

واستمرت الساعات ونحنَ نبيع الى ان نفذت كل الي موجود خلصت ساعات الشغل وصار تسلمين الاتعاب انطونا تعبنا ورجعنا للبيت
بس هلكانين من التعب والحر يموت بحيث حتى دخت وما كدرت اتحمل ابد هذا الجو

اول ما دخلنا للبيت استلمتنا عمتي فاطمه
واخذت اتعابنه بوقتها سمينها ام فليس
لان الطمع الي هي بي كلش جبير
برغم الاملاك الي عدها والخير الي هي عايشه
بي بس تبقى عينها فارغه
وتحب تتطمع اكثر وتاخذ اكثر
بس صارت هل مره ع حسابنه نحنَ مو الغير

ثاني يوم هم كذلك طلعنا من الصبح
ورحنه بنفس المكان نشتغل بي لان زحمه سير لهذا الناس يطلبون هواي لهذا الشغل يمشي بهذا
المكان

صار الوقت ظهر وصارت زحمه سير قويه
بقينا نفتر بين السيارات ونحنَ نبيع الماي والكلينس
بس فجأه رفل طلبتها سياره واني سياره بعيده كل وحده عن الثانيه
فـ اني تركت رفل ورحت للسياره الثانيه
هستوني انطيتهم بطل ماي لتفتت ع رفل ليكتها تسحب بـ ايدها ومعصبه
اني تركت البيدي ورحت اركض الها
لكيت واحد بالسياره لازم ايدها بقوه وهي تريد تفلتها منه بس بدون صوت
حتى ما تنفضح بين هاي الناس

اني اول ما شفت هيج لزمت ايده وعضيته
بقوه خليته يفتح ايده ويدفع رفل بقوه وكعت ع الارض وفجأه انفتح السير ومشت السيارات
رحت لرفل وانا خايفه اسألها ما تجاوب
شالت الاغراض ورجعت تبين وهي تمسح اخر دمعه وكعت من عيونها وبقت قريبه مني

بوقتها ماعرف شنو الي حسيت بي بس حسيت بالخطر استمرت الايام ونحنَ نشتغل
طبعاً بوقت الي رهبار يكون مجاز بالبيت نحنَ نبقى ما نشتغل لان ماعنده علم وهي ما تخلينا ننفرد بي
ولا حتى نحجي ويا
وهوَ لو عنده علم ما جان صار هذا ولا صرنا بهذا الموقف
وماما وام رفل من نرجع نتلكاهن بالابتسامه وهنَ نشوفهن خايفات ومرعوبات ما يرتاحن الحد ما نرجع للبيت

طبعاً رهبار تصالحنا بعد الزعل دام شهر كامل
بيومها اتذكر شلون تصالحنا هستوه داخل من باب البيت وانا جنت كاعده بالباب مال الداخلي انتظره
اول ما شفته دخل وكفت ع طولي
خايفه منه هو رفع راسه شافني واجه تقدم يريد يعبرني بس اني وكفته

ريفان : بحزن ، غهباغ حباب ..

رهبار : بحده ، خير ؟؟؟

ريفان : هو انا سمعت صوته شلون هيج حدي وما تحملت لزمت وطكيت بالبجي وهو بالاول ماا اهتم بس بعدين انخبص

رهبار : هششش بويه كافي بجي شو رفعي راسج

ريفان : انتَ صايغ ما تحبني انتَ صايغ خبيث وياي

رهبار : ضحك بقوه ، جا بويه انا خبيث ؟ انعم الله

ريفان : رفعت راسي وانا ابجي ودموعي تنزل من شفته ضحك صحت بي وانا مقهوره

لااتضحك لااتضحك ، ضربته ع بطنه لان ماا اوصل اله هو طويل وضخم ..

رهبار : ضحك اقوه، اخخخ يايابه يابويه تونسني عصبيتج الصغيره ، شو كافي بجي لا تأذين عيونج
الحلوه

ريفان : ليش هيج خبيث وياي هاا ، سحبني من ايدي
ومشى بيه للحديقه كعد ع االمرجوحه وكعدني بصفه
لازم اديه بين اديه وحجه وياي

رهبار : جا بويه حلوه من اجي للبيت الكاج ضاربه امي بالهاون ؟ مره جبيره بالعمر هيج تتصرفين وياها انا هيج علمتج !
وچ انا علمتج تتجاسرين ع الي ياذيج
الي يضربج الي يتقاوى عليج بالشارع غريب مو منج وبيج هيج تسوين جان انتظرتيني ارد للبيت وبوقتها تعالي احجي وياي وكولي شنو صاير بوقتها
اخذ حكج حتى لو جانت امي الظالمه مو مره غريبه

مو اجي اشوف هذا الوضع والصار كله بسبب تعلومي الج وكلها كالت هيج بسببك هيج صارت متمرده
وتضرب الي اكبر منها
ترضين يحجون هيج عليه انا ؟

ريفان : بس انا

رهبار : اعرف اعرف مو قصدج اعرف ياعيوني انتِ
بس صار الي صار وانتِ اخذتي عقابج
وراح الراح هسه نحنَ ولد اليوم

ريفان : ضحكت ، بس انا بنت مو ولد

رهبار : ههههههههه الامثال تضرب لا تقاس بويه

ريفان : هسه انتَ ما زعلان مني غهباغ

رهبار : وداعه السانج المگصوص هذا مازعلان منج

ريفان : هوَ كال هيح لو حسيت انطاني السعاده كلها
وكفت كدامه وصرت اكمز اريد اوصل اله
حتى ابوسه من خده
هو نزل راسه ويضحك عليه
واني لزمته من راسه بـ اثنين اديه وخليت
شفايفي ع خده وبسته بقووه ابتعدت عنه
وانا اشوفه شلون يضحك سويت ..

احححح بوسه ام الطكه لغهباغ الطغطوغ

هو سمع هيج لو لزمني من اذني معصب بس بالكوه لازم ضحكته ويصحيح عليه  

رهبار : لج هذا ياهو الطرطور

ريفان : ببراءة ، انتَ غهباغ الطغطوغ  ..

اااييي اذني شبيك غهباغ ااذذذذني

رهبار : طايحه الحظ شلون دكولين انا طرطور
عيب لادكوليها مره ثانيه

ريفان : ليش شبيها

رهبار : عقد حاجبه ، لاتعيديها وبسس

ريفان : اي بس عوف اذني حباب

رهبار : يلا هاي عفتها ام السان

ريفان  : بيومها جنت بس يمه كاعده ماتركته ابد
من فرحتي بي وصلحنا اما هسه ماكدر اكول اله اي شي لان تعاقبني عمتي فاطمه ماكدر اكول اله
هي جاي اطلعنا برى نشتغل او تهدد بينا
او تضربني انا مو كدها وسريع اتقشمر

استمرينا نشتغل وهي بكل نزله اله تكعدنا بالبييت
وتعاملنا بلطافه كدامه
وكأنهاا ام النا ونحنَ ما نحجي شي نسكت
بلكت الله يهديها النا
وتصير زينه فعلا
بس وين ابو طبع ما يغير طبعه

كثر التحارشات برفل وكثرت الكلام عليها هوواي
اكثر من مره رادت تترك بس من تشوفني لا تبقى
وما تحجي لـ امها اي شي
هي حلوه وتجذب النظر لهذا التحرشات تزيد ما تنقص

استمرينا ع شغلنا شهر كامل حتى تعودنا
حتى دراستي تهاونت بيها
وانا صرت اشتغل عدل حتى رفل صرت ابتعد عنها  اشتغل بكيفي ع راحتي ومحد يتعرض الي
انا صح صغيره بس سمينه شوي
يعني بسبب وزني ابين شوي اكبر

فـ صادف هذا اليوم مو هواي ازدحامات
لهذا اخذت راحتي انا هم واشتغل
بس الحراره تموت والتعب يقرا الف

واكـفه بنص الشارع والـحر اخذ نص حيلي قطرات العرق تنتقل بين مسامات وجهي تـعبت وصدع راسي انهاريت وصرت احس دكات ڪَلبـَـʊ‌ زادت اكثر واكثر ضغطت ع ايدي واني اهمس لنفسي " خليج قويه لاتيأسين " ريفانه

غمضت عيوني ورجعت فتحتهن واني اسمع طلب الشخص " انطيني بطل ماي وباكيت كـلينس "

اباوع واحد موكف سيارته قريب مني ويباوع عليه
ماعرف شلون ماهتميت لان ماعرف شنو
يعني تصرفاته هاي ولا ع شنو ادل

سحبت بطل الماي وباكيت كلينس وتقدمت انطي اله مديت ايدي اخذهن مني بقيت واكفه حتى ينطيني الفلوس شفته رفع راسه وابتسم الي ومد الفلوس اني هم مديت ايدي واخذتهن هستوني داسحبهم
منه بس تصرفه الحقير وياي هزني بسبب تصرفه
الكريه وياي برغم ما اعرف شنو يقصد
بس طريقته كلش مقرفه
وتصرفاته اقرف

لزمني من ايدي واردف بـمكر ..

" اليـلة بكم " ؟؟؟

____________

للحكايا بقايا 💛✨

حسابي تنوروني بي 😚💗