رواية دجن الضليع الفصل السادس 6 - بقلم رهف علي

نبدأ بذكر الله ﷽💛✨

الجُرعه _5_

كذب
واليوجعن ماينسن
ب"تهون"

°°°°°°°°°°°°°°°

دهليز : انا بنت الغربيه دهليزه مثل ما يسميني ابوي بنت فلاح فقير ع كد حالو عيشتنا ع ماهي متعبتو ومتعبتنا نحنَ لكن عايشين الحمد ألله

نحن عايشين عند الشيخ بصف بستانو
هو الي معيشنه عندو ومشغل اخوتي يمو
من ابوي لاخواني وانا عندي خير من الله
اخوه واثنين اخوات يعني سته اخوان و اثنين اخوات وانا ثالثتهن ولدنا اكبر وانا قبل البنت الاخيره

الشيخ الي ساكنين عندو مايوم قصر بحقنا
و ع طول يساعدنا الله يجازي من انطانه مسكن وشغل عندو
متسترين وعين الله ترعانا

أحداث صارت قبل عرفتها من اهلي واختي هي الي
حجت الي كل الي صار

اخوي جان ع طول وشوكت مانشوفو عقلو مو يمو
ومن يمشي تايطلع نسألو
وين رايح ياخوي يرد النا هنا يم بستانو للشيخ
يروح وبعدها يرد منسم
ومايعرفو شنو يصير ويا

مرت فتره طويله وهو ع نفسو ماتغير شي
يوم معصب ويوم منسم واحوالو عال العال
تالي بعدين عرفو بي عشكان اخوي عشكان وغارك لاذانو ولا يشوف احد جدامو

من سنه 1993 بلش اخوي يحب وأهلي مو عارفين هو يعشك منو ع طول ابوي جان يكول اله

( يول انتَ كبرت خلينا نزوجك تانشوف جهالك )
وهو يرد الهم ( مو هسع يابه )

بعدها اخوي عمر اجه كال لأبوي انا هاوي بنت الشيخ عواد ورايد نروح نطلبها ، هينا عرفنا اخوي يحب منو
ابوي اعترض لأخوي عبن شيخ ومعروف والغربيه تعرفو والو مكانتو وهيبتو بين ديوانو

بس بعدين اخوي عمر قنعو وراحو طلبوها وقابلوهم بالرفض رجع طلبها اكثر من مره ونفس الحاله
ماقبلو عبن هو ابن الفلاح وهي بنتو للشيخ العشيره

من هينا ابوي كالو ..

ابو عمر : بويه الشيخ عواد ما ناوي ينطينا بنيته
انساها واخطب الك غيرها

عمر : هذا هو بويه انسى سالفه الزيجه هاي انا ما هاويهه لا هي ولا غيرها
دام الشيخ رفضنا اكثر من مره راح اخلي الو بنتو

ابو عمر : ربت ع كتفه واردف ب ابتسامه ، يحفظك الله ابني

دهليز : بوقتها اخوي غلقو للموضوع ونسو

هيج استمرت حياتنا طبيعيه ومابيها اي شي
عائلة تكدح حتى تحصل ع لقمه عيشها
الى ان اجه اليوم الي قبلها لحياتنا قلاب
وخلاها راس ع عقب
وتحديداً

بسنه 1999 حياتنا صارت نقلبت ...

دهليز : وبلاخص حياه اختي الي خربت وادمرت بسبب حب اخوي لحبيبته ..

بالضبط بتاريخ 1999_8_13 بليله كمريه

اهلي نايمين بوقتها وما حسو الا الباب يندك فز ابويه
من نومتو وراح للباب فتحو وتفاجأة باخوي عمر
الجبير داخل للبيت و ورى وحده

ابو عمر : وجهة مبهوت اثر الصدمه اردفت بتفاجىء ، منو جايب وياك ابني ؟؟ هاي منو البنت

عمر : اتنفس بقوه واردف وهو عيونه داخل عيون ابو ،
يابه هاي بنت الشيخ عواد

ابو عمر : شلووووون ، وجابها لهين ؟؟؟؟ وانتَ شنو تسوي بهذا الوكت برى البيت

عمر : ع كيفك بويه نصي حسك العالم تسمع

ابو عمر : فتح عيونه ع وسعهن واردف بعصبيه ، لك اي عالم اي ناس تحجي عنهم يوووول بنت الشيخ عوااد شنو جابها هييين بدارنااا

عمر : زفر انفاسه وهو يناظر البنت بعدها رد ناظر ابو
اردف بهدوء ، بويه دحك انا نهبت بنت الشيخ عواد تاعقد عليها وتصير حرمتي

ابو عمر : شلووووووون ، نهببببت بت الشيخ عوااااد

عمر : تقرب يريد يلزمه حتى يهدأ لا يرتفع ضغطه ، بس ع كيفك بويه تاشوف لوضع شلون صار مابيدي اسوي غير هذا الشي ماعندي حل غيروو

ابو عمر : رفع ايده وضربه كف لاول مره يضرب ابنو الجبير اردف وهو يرجف من غضبو ، ياااحيف عليك تسوي باهلك هيج ماخجلت من نفسك ناهب بنتو بنصاص اليالي ومكاودها ايد ب ايد لحد بيتك وبنص اهلك يول انتَ ما فكرت باهلك مافكرت شنو يصير بعد هاي عملتك لسوده ويه بنتو لشيخ عواد

ولك هذا الي عيشنه تحت جناحو وانطانه من حلالو هيج تجاززي ولك تنززل راسي بين هاي الواااادم

عمر : ضغط ع ايده وادرف بقهر ، بويه بس هدي أعصابك انا هاويهة وماكدر اتركها بويه احبهااا

ابو عمر : حبك برررص ياااحيف عليك وينها امك خليها تجي تاشوف ابنهااا العود شنو عامل من عمله
تنزل الراس

ام عمر : وهي تمسح بدموعها ، ولك يمه شجرالو لعقك شلون تسوي برويحتك هيج تاشوف ابوك شلون حالتو ونحنَ ع كد حالنه ومالنه غيرو للشيخ
شلون تسوي هيج ويه بنتو وتنهبها

عمر : زفر انفاسه بقوه رادف ، يييمه افهموني

ابو عمر : عجل انتَ مو كلت سديتها للسالفه
عجل صارلك 3 اسنين تتمعشك ببنتو الشيخ وما خجلان من حالك

عمر : بسس هاي انا اتحمل نتيجه افعالي
والبنت ما تاركها ومن باجر أخذها واعقد عليها سيد
وشنو يصير خلي يصير ما عندي حل غيرو افهموني
عجل اتركها تروح لغيري الا انا اكون ناكص عكل
تااتركها

ام عمر : ولك يييمه تريد تخبلنا

ابو عمر : بس يامره عوفي تانشوف شنو ناوي يسوي بحالو تانشوف كدو للشيخ لا

عمر : كدو يابه

ابو عمر : اخذي البت خليها تتدخل جوه

ام عمر : تعالي يمه صرتي صفره وخلصت دموعج عجل
انتو متوازين ع عملتكم الفاين حظها

دهليز : امي اخذتها لغاده وخلتها تغسل وترتاح
والبنت نامت ثاني يوم من صبح الله
اخوي عمر اخذ غاده وراح عقد عليها سيد ورجعها للبيت وهو وياها

بيت الشيخ عواد مالو اي حس اثاري ساد السالفه وما مخلي احد يحس من ربعو
تاماينشهر بين عربو وديوانو
ومستمر يبحث عن بنتو وما لكاها

اخوي عمر بعد اسبوع عقد عليها محكمه وعبن هي
عمرها 24 سنه يحق الها بدون عائلتها بالغه سن القانوني
اول ما خلص العقد سيد ومحكمه أخذها بليله كمريه وهربوا لبغداد

بقى هناك ببغداد وراها بكم يوم عرف الشيخ عواد
بنته عدنا لان واحد من كرابتو شايف غاده ويه عمر
ببغداد

هم عرفو لو انجنو اتخبلو علينا وصارو وحوش
هدو علينا بيوم الي عرفو غاده ويه عمر
وعرفوا هو ناهبها وهربانين سوا
تهجمو علينا هو و ويلاده كلهم
وهددونا لازم يردون وآخرها سحبو غريضاتنا وشمروهن برى البيت والبستان وبوكتها الشيخ عواد كال
كلمتو لأبويه الي بعمرو مانساها و ع طول يتذكرها

اول ما هججونا من بيتنا وكف الشيخ عواد
وهو يناظر ابو عمر نظرات مخيبه وعصبيه بنفس الوكت
اردف وهو عينه بعين ابو عمر المكسور حالو ..

الشيخ عواد ( انا الشيخ عواد الي انتشلتك انتَ وعائلتك وسكنتكم ببستاتي وبيتي تالي تتطعنون بظهري وتعضون الايد الي انمدت الكم ياحيف وخسارة عليكم
لكمه الحلال الي دشت ببطونكم )

وكتها ابوي انكسر ظهرو بحجايتو للشيخ نزل راسو وهو مقهور عاد هو واخواني لمو غريضاتنا ورحنه للولايه
عند خالتي اختها لأمي كعدنا يمها

الشيخ عواد من رفضو لأخويه جان اسباب اله ومنهن
نحنَ سنه وهم شيعه وشيوخ ونحنَ سنه ونشتغل عندو
برغم هذاك الوكت مابي طائفية بس هو ماحب هاي الزيجه ورفضها اكثر من مره الا ان اخوي نهبها وتزوجها ..

عاد من كعدنا يم خالتي بالولايه اخذ ابوي عطوه
من الشيخ عواد تايشوف حل للمشكله الصارت
يومين وباليوم الثالث راح للكعده هو وكم شخص ضمن حدودهم يعرفو تامينشهرون والشيخ حتى ما ينفضح بين ربعو ويصير فرجه بديوانو ع انو بنتو انهبت من ابن فلاح
يشتغل عندو وهربوا سوا
انطى حلل وكال لأبوي...

شيخ عواد : اسمعني يابو عمر انا حتى ما ينزل راسي بديواني بسبب ابنك الفاين حظه تجون تتطلبوها مثل الاوادم
وكدام العائلة وأتم الخطوبه والزواج بالاصول
وحسب المعقول وبعدها تاخذون البت

ابو عمر : زفر انفاسه براحه واردف , تأمر شيخ الي تريده يجرالك

شيخ عواد : بشرط !!!

ابو عمر : كول من عيوني

شيخ عواد : تنطوني بنيتكم فصل ع هل عمله بدون عرس ولا صوت حالها حال الفصليه
وبتنه خلوها الكم مانريدها متبرين منها
وتشيلون من الرمادي كلها وماتردون مره ثانيه
بتكم تنسوها وبتنه ننساها

ابو عمر : شيخ انتَ شنو تحجي

شيخ عواد : هذا الموجود

ابو عمر : بس بنتي انا شلون انطيها ، بنتك راح يصونها وليدي ويخليها بعيونه ، بنتي انطلعها من الموضوع احسن

شيخ عواد : اردف بعصبيه ، كلت وحده بوحده وتنسون بتكم ابو عمررررر

من بعد محاولات عقيمه اخرها رضخو لأمر الشيخ عوااد واقتنعو ..

ابو عمر : عجل هذا هو ياشيخ بس دحك بنتي امانه يمكم مثل ما بنيتك امانه يمنه ونخاف الله بيها
لاتقهروها

شيخ عواد : اردف بحزم ، يجرالك بنتك هي بنيتي ..
خل غاده ترد للبيت لتتطلع منه عروسه

ابو عمر : واذا اذيتوها او تكلطتوا ( تقربوا ) منها

طرف ثالث ( شيخ ) : لا يا ابو عمر انا اضمنها ابوها او اي احد من اخوتها ما يتلكطون صوبها

ابو عمر : اكيد

طرف ثالث ( شيخ ) : افا عليك ابو عمر وهاي ججدام الشيخ عواد ها شيخ ؟

شيخ عواد : هذا هو ترد وما احد ياذيها

ابو عمر : عجل انا اكوم هسع تانطيهم الخبر واجيب غاده هينا بداركم بعدها ناخذها حسب الأصول

دهليز : بوقتها ابوي رد للبيت
وكال الهم الي صار وكتها تكاونوا سوا شلون تنطي اختي كيناز

عمر : يابه انتَ شجاي تحجي تريدني ارد غاده وانطي كيناز فضل عجل انا كررررن

ابو عمر : بتعب ، بسس هديت حيلي بسوايتك انتَ وصخمتو الوجهي هاي اخيتك راحت من بين ادينه
بسببك وبسبب حبك

ام عمر : ضربت ع صدرها بقوه وصارت تنحب بصوت عالي ، يبووووو عليج كينااز بنيييتي صغييررر يغ ابو عمررررر صغيييره موش وكت تروح فصليه لاتظلموهااا
ابختك يابو عمر بنيتي ماكدرررر

ابو عمر : نزل راسه والدمعه بطرف عينه ، شبيدي عليها فهميني بس تتطلع من هينا ننساها
هذا شرطو للشيخ

دخلت كيناز وهي مصدومه اثر الصوت العالي
جانت نايمه ..

كيناز : خير يمه ليش تبجين شنو صاير ؟
يابه شبيك ليش هيج حالتكم !
ليش محد يرد عليه
انتو اليوم جنتو ببيتو للشيخ عواد مو شنو صار تايصير بحالكم هيج

ابو عمر : تعالي يابه اتكلطي جدامي

كيناز : خير يابه كول

ابو عمر : ناظر الها وهو مكسور ومحني الظهر
وبطرف عيونه دموع اردف والغصه تعتلي
أوتار صوته

دحكي يابه الشيخ رحنالو اليوم واقتنع بالموضوع وراح يصير عرسو لاخوج

كيناز : ابتسمت بتوسع ، ااااي هاي الاخبار الزينه عجل شبي وجهكم هيج مغيم ونحنَ عدنا عرس

ابو عمر : زفر انفاسه بقله حيله وهو يناظر فرحه بنته ، بس يابه الشيخ شرط علينه شرط ومجبورين نسوي

كيناز : استغربت وعيوني صارت
ادحك بكل واحد بيهم من اخواني لاخواتي الصغار لأمي لأبوي لغاده الي كاعده جدامي وتبجي ودموعي ينزلو

رجعت نظراتي لأبوي، خير يابه كول شنو هذا الشرط
الي كالو الشيخ عواد ؟؟

ام عمر : بجت وخلت شيلتها ع عيونها

كيناز : رجفو ال كلبي وانا اشوف امي بهاي الحاله ، خيرررر احجو شكو ادحكولي هيييج

ابو عمر : يابه الشيخ عواد اخذج فصل لابنو الشيخ ياسين مقابل بنتووو  ..
همس بهدوء وهو ينزل راسو مو كادر يدحك تعابير بنتو

كيناز : نهبط كلبي وانا اسمع كلامو لأبوي ، بلعت ريكي بصعوبه وانا احسه صارو سجاجين ينحروني
همست وانا جسمي يرجف رجف مو طبيعي ..
شنو يابه اي فصل تقصد انا اروح فصليه ؟؟ ليش اخوي ما كتل واحد من اهلو ولا اعتدى ع بنتو هو نهبها
ع شنو ياخذ فصل

ابو عمر : همس برجفه ، موو بس هيج

كيناز : همست بخوف ، شنو ؟

ابو عمر : سحب نفسو وهو يحاول يسطير ع دموعو ،
وتصيرين غريبتناا يايابه ..

كيناز : فتحت عيوني ع وسعهن واحس اذاني صارو يوشوشو وصدى صار قوي وانا انطق اخر كلمه فزع طالعه من نص روحي .. شلوووووون
و ع اثر الصدمه اغمى عليه

ماهجست ع نفسي الا بعد فتره فتحت عيوني لكيت نفسي بحضن ابوي وهوَ يبجي شهكت بقوه
شهكه طالعه من كل كلبي ونزلت دموعي هوَ سحبني لداخل حضنو واحتضني بين اديناتو
بجيت بصوت عالي وهو بجه وياي وكلهم صارو يبجون ع بجينه هجست روحي تاتتطلع من مكانها فرفحت وانا ابجي وهوَ ياي
ماسكتنا الا ما اثنينا تعبنا

رفع راسي صار بين اديناتو عيونو صارت بين عيوني
دحكلي بنظراتو الي خطفن كلبي شكثر مكسور عليه
وانا مكسوره عليه

ابو عمر : مسح دموعها ، لاتبجين يابعد ابوج دموعج يغسلن جسمي غسل

كيناز : اششش يابه اششش من عمري لعمرك ياغالي

ابو عمر : يابه ياكنزي اسمعيني ، انا امنتج عندو للشيخ وهو كال اخليها بمكان غاده مثل ما جنت اعامل غاده
ارد اعامل بنيتك وحتى الشيخ ياسين ماراح يقصر وياها ب اي شي
ويكون أهلها

كيناز : عجل اذا مثل بنتو يا يابه ليشش انا انقطع عنكم واكون غريبه وما ارد الكم بزيارات

ابو عمر : نزل ايدناتو واردف ، يابه نحنَ ماباقين هينا
بالرمادي

كيناز : همست بخوف ، عجل وين تردون ؟

ابو عمر : رايحين يابه الشيخ هججنا من الديره رايحين لديره تلمنا من جديد

كيناز : نزلت دموعي ، وانا؟؟؟

ابو عمر : نحاول نصلحو للحال عسى شي يوم نرد

كيناز : واذا مارديتو ؟؟

ابو عمر : نزلت دموعو ، تنسينا بنيتي وتحسبيهم عائلتج ونحنَ كلبنا وياج وين ماترحين
بحفظ الله ورعاه

كيناز : رجفت شفايفي ، ماكدر عفيه بابا انتو عائلتي

ابو عمر : الله اليصبرج بنيتي وانا وياج خطوه بخطوه ماتاركج لا بصلاتي ولا بدعائي

كيناز : هجست كل أحلامي تحطمت دراستي نهدمت عائلتي تشتت وصرت وحيده بين ناس غريبه
وانا مكروه بينهم
ماعرف يكونون زينين وياي او لا

بلعت ريكي وهمست ، بس بابا الشيخ ياسين متزوج اثنين انا شلون بيه شلون اتزوجوو

شفتو غمض عيونو وهز راسو باسف من هينا عرفت حياتي نحكمت عليها مؤبد بسجن غير مرغوب فيه

امي انتهت مرضت هواي وكل شوي يصير عدها إغماء ابوي نكسر وكسرته مو هينه
اخوتي التبهذلو اخواتي الصغار الي روحي متعلقه بيهن

اخوي عمر الي احسو مدمر دمار شامل
مع هذا كل الي صار ماشلت بداخلي عليه
يبقى اخوي وسندي وحزامو لظهري واحبو

ردو غاده لبيت اهلها وفعلا محد تكلط عليها ولا مسوها بسوء ولا خدش وسوينالو لأخوي عرس ماصار
عبن هي بنت شيخ
ولازم عرسها تسمعو وتحجي بي كل الديره
طلعت من بيت ابوها معززه مكرمه بالصفكه والهلهوله
وانا بنفس اليوم الي دشت بي لدرانا

طلعت منه من دار ابوي بدون لا صفكه  ولا ديرم
ولا هلهوله وحده  ..
طلعت مكسوره خاطر مكسوره روح
مكسوره واهس وماالي اي والي ..
تحت لقب فصليه ..

دهليز : ولهنا تتوقف حياه اختي وبعد ماعرفنا عنها أي شي بعد عرسو لأخوي لملمنا غراضنا
وهجينا من العرب كلو طلعنا من الرمادي
تحت حزن والم كبير تاركين روح من ارواحنا بهل ديره
ديرتنا الي ما حوتنا وخذت غاليتنا منه
تاركينها ورايحين لديره غريبه

بعدها انتقلنا للعمارة بين وبين مرت فتره حيل طويله
الى ان انقلت لمدرسه وتعرفت على احلى اثنين
سيلينا وريفان ...

**********

سيلينا : صارت علاقتنا نحنَ الثلاثه حلوه بالمدرسه
صديقات والكل تحجي بينا
دهليز حيل هادئه ولطيفه حتى بتعاملها حتى صوت ما ينسمع الها
الا ريفان الغضب ولا تكعد راحه

.. لج ريفان كافي انتِ ليش هيج وكحه وماتسمعين
الكلام

ريفان : ضحكت ، غير بسبب غهباغ علمني حتى اصيغ جسغه وماكو احد ياذيني او يضغبني

دهليز : احسن حتى محد يضربج يولي

سيلينا : دهليز هاي عود انتِ العاقله

دهليز : انحبت ، يولو ليش ماتحجون مثلي عجل انا مو جاي اعلمجن شبيجن وياي

ريفان : دهليزه يادهليزه ياوغده يامجعوصه

دهليز : عصبتني وانا ما اتعصب ، جريتها من شعراتها

ريفان : اوووي لج حقيغه عوفييني ، لزمتها من شعغها

دهليز : يولو شعراااتي ، هديني واهدج حيوانه

سيلينا : اووو ترى دوختني اسكتن اجتي المعلمه

ريفان : سريع تركت شعرها حتى ما تعاقبني لمعلمه يم الزبل وكعدت عاقله ارتب شعري

دهليز : دحكت عليها وخزرتها بنظراتي

سيلينا : انا بنصهن اضحك ع تصرفاتهن العوبات بس يتعاركن

حياتنا بالمدرسه حيل حلوه صح عركه ع كفخه بس اطفال ونسوي الي نشوفه يعجبنا

بالصدفه عرفنا دهليز وريفان جيران وبيت قريب ع بيا الا انا بالشارع الورى بعيد عنهن شوي
عاد صرنا صديقات اكثر
وصرنا حتى بالشارع نطلع سوا نلعب
أشكال مره دعابل مره ركيضان أشكال يوميه نلعب شكل بعد ما نخلص دراسه

صادف عطله نصف السنه وكضيناها بس
لعب الا ان خلصت واجتي المدارس وهنا بلش الجد واعلان النتائج ...

واكفات نحن ال 3 وحده بصف الثانيه ومنتظرات المعلمه تنطينه النتيجه
صارت تنطي وحده وحده إلى أن وصلت لاسم دهليز  او شي

المعلمه : منو دهليز ؟؟

دهليز : فزيت ، ها أنا ست

المعلمه : فتحت عيونها هاي شنو ليش هيج ولج

دهليز : ليش ست شكو

المعلمه : راسبه بكل المواااااد بس بالرياضه والفنية
ناجحه بيهن !!!!! شنو هاي اهلج وين عندج فهميني

سيلينا : كلنه سكتنا صدمه بالصف
دهليز واكعه بكلهن واكو صارو يضحكون بس المعلمه
عاطت بيهم وسكتتهم
دهليز صارت دموع بعيونها اخذت لنتيجة ورجعت يمنه
ساكته
وراها بشوي صاحت اسم ريفان

المعلمه : ريفان

ريفان : نعم ست انا

المعلمه : ناظرتها بعتب ، ليش هيج كسلانه هاي راسبه ب 4 دروس ياماما ماكو احد يدرسج انتِ هم ؟

ريفان : تقدمت سحبت منها النتيجه وماحجيت شي رجعت وكفت يم البنات ساكته صارت تنطي النتائج
وبيهن راسبات بيهن مكملات وبيهن ناجحات الى ان وصلت لسيلي

المعلمه : سيلينا

سيلينا : لزمت كلبي ، تقرب الها

المعلمه : يمعوده على الاقل انتِ احسن من هذن الاثنين
طالعه بدرسين نعمه كلجن مصخمات الشرايع
شجااجن يا امي وين عايشات بغابه محد يدرسجن

سيلينا : خليت ايدي ع حلكي هلاوو هاي شتحجي
رحنه بيهاااا

ريفان : خلصت المعلمه ودك الجرس فرصه عجت الهوسه وكلها طلعت عاد نحن طلعنا بس ساكتات اخر شي انا التفتت عليها و حجيت

دهليزز العوبه شمخليه انتِ بالمواد كلهن مصخمه بيهن وغاسبه

دهليز : يوولو عجل انتِ شنو هم راسبه اسكتي احسن الج

سيلينا : بسس فضحتنا

ريفان : لا لا ما أسسسكت ، عليت صوتي وانا اضحك ، دهليززز العوبه واكعه بكل لدروس بس ناجحه بالفنيه و الرياضه

دهليز : يااااا لجج غبيه سدي حلكج ، سيلللي دحكي هاي العوبه شنو تحجججي

سيلينا : عزه ريفاااان

دهليز : انا اعلمج ياعوبه ، ركضت عليها وانا أخنك بيها ، عجل يولو تفضحيني انا هم افضحج لو بس عليتي لصوتج حيوانه

ريفان : اكلت كتله معدله منها بس اريد أسد حلكي فحطت من الضحك وهي تضرب بيها الى ان سيلي فكتنا اثنينه

كعدتنا تعبانات،  اخر شي وحده باوعت ع الثانيه وطكيناها بضحكه

سيلينا : شكد عيب ولا وحده ناجحه بينه

ريفان : بله انتِ اهون ب اثنين وانا يعني شوي اهون ب اغبعه الا هاي ليمج بكلهن هههههههههه

دهليز : اووو لاتضحكين اليوم راح احصل رزاله من اهلي معدله

سيلينا ، ريفان : تستاهلين

ريفان : حياتي مثل ما هي مأكو يوم ارتاح بي
ع طول تعاملني بهمجيه وحقاره
مايوم ارتاحيت الا من ينزل رهبار من دوامه للبيت
تعاملني مثل بنتها وتخلي ايلان هي تشتغل وانا لا
ومن يروح اطلعهن من عيوني
و ع طول صارت تصيحني النغ***
ماتصحني ب اسمي

فاطمه : هييي انتِ النغ*** كومي نظفي البرى
ودير بالج لا تتقربين من الوردات
لا اذبحج بيدي

ريفان : سكتت ماسويت شي لان بس احجي تضربني وانا جسمي صار يأذيني كثر ما تضربني
وتعبت صرت انفذ وانا ساكته
ما احجي اي شي

فاطمه : نغ*** لاتنسين اذا اجيت وشفت المكان وصخ
تعرفين شلون اعتقبج هاا

ريفان : بلعت ريكي وطلعت انظف وانا الدمعه بعيني اشوف ايلان شلون تلعب بالعابات وتعاملها معامله حلوه الا انا مطيحه حظ حظي
ومشوفتني انجوم الظهر

صرت ارفه عن نفسي بالمدرسه وصارو يسمونه نحن الثلاثه انا وسيلينا ودهليز يسمونه الثلاثي المشاغب
لان صرنا حيل وكحات
الي يتقرب منه ويأذينه نكتله
حتى سيلينا ودهليز صارن مثلي جسرات
ويكتلن الي يكتلهن او يتقرب منه نحنِ  الثلاثه

مره صدفه جنه كاعدين برى بالساحه ما احس الا فاتت من كدامنه ايلان وصديقاتها
هي صح وياي بنفس الصف بس ماتتقرب مني
عبالك مو اختها وانا هم ما اتقرب منها
فجأه مشن من كدامنه ما سمعت الا صوت صار بترس اذني والكلمه صارت براسي وكدام البنات
صاحتني بي ..

ايلان : النغ**

ريفان : حسبالي غلطانه لو سمعت خطأ بس تفاجأة من سمعتها تكررها للبنات
ودكول الهن

ايلان : هي هاي النغ**

- ياا ايلان منو النغ**

- ايلان تحجين عن منو

ايلان : هاي ، وهي تأشر ع ريفان ، هاي هي النغ**

ريفان : انا بقيت جامده بمكاني ماحسيت الا انجر شعرها وعاطت بصوت عالي
باوعت لكيت سيلي جارتها من شعرها وتضرب بيها وتصيح عليها  وانا بس صافنه اتفرج يمكن لان مصدومه او هيج شي

سيلينا : عطت بيها بصوت عالي وانا اغلي من الحركه ، لجججج حقيره مره ثانيه اذا حجيتي هيج اشك حلكج

ريفان : غمضت عيوني وانا اروح الهن افاككهن
بس بعدتهن عن بعض هن راحن يركضن
وانا ودهليز لازمات سيلي

سيلينا : ولجن هددني اريد اشوفهن منو هاي النغ** اليحجن عليها الا اطلع روحهن لحقيرات

ريفان : كافي حبابه خلينه ندخل دك الجرس
هي من شافت وجهي مو طبيعي سكتت ودخلنا للصف بس كل شوي يباوعن عليه خايفات عليه
لان أقرب شخص الي هيج يحجي شخليت للباقين يعني !!!

تكررت هاي الحاله وصرنا نسمع مو بس ايلان الي تنطق هاي الكلمه لا كل بنت تعبر من يمنا
صارت تنطق هاي الكمله وعادي عدهن
بوقتها عفتهن وطلعت اركض للبيت
هاي اول مره اسويها

حيل مقهوره وحسيت روحي انجرحت
دخلت للبيت وانا اصيح بهستريه
شلون هيج يكولن الي
لزمت الفازه ع الميز شلتها وركعتها ع الارض سويتها
طشار وانا ابجي
انهاريت وانا طفله انهاريت ونهنت وانا طفله صغيره
خدشو روحي وجرحوني وانا طفله
ليششش هيج شنو يستفاددددون

ما حسيت الا بكف صار ع وجهي من قوته وكعت ع الارض ، رفعت راسي وانا مصدومه ابجي
لكيتها فاطمه كدامي عيد وجابه الها
سبب لكته حتى تضربني وتعاقبني

فاطمه : اردفت بصوت عالي وعصبيه ، حيوووانه
بيت الخلفووووج حتى تكسررررين غراضه
هو انتِ كله خلك وحده *** ونغ*** امج لما *** ما جان جابتج وشمرتج بالشوارع
وتخلت عنج افهمي نحن مو اهلج ياجاهله
يا وضيعه

ريفان : تعصبت هواي وصارت تنفسي قوي يمي الكزاز مال فازه كدامي مطشر و اكو وحده جوه ايدي
لزمتها بقوه وضغطت عليها حسيتها دخلت بنص ايدي
واذتني شهكت بقوه
من حسيت صار شي حار يسيل منها

عرفت وقتها اذيت نفسي بنفسي حتى اتخلص من أذى الناس الي لهنا وصلت بيه ااذي نفسي
حتى ارتاح من اذيه غيري الي

عفتها وصعدت فوك ابجي ماكو حل شنو اسوي
انا طفله شنو يطلع بيدي اسوي

صادف بهذا اليوم نزل رهبار حسيت شوي راح ارتاح
ع الاقل بهذا الاسبوع ارتاح لبين ما يطيبن جروحي

هستوه انفتح باب الشارع وانا رحت ركض اله
هو شافني ضحك ..

رهبار : بويه هلا برفاف الكلب

ريفان : ابتسمت من شفته ورحت طايره احتضنته بين اديه الصغار هو شالني ويضحك بصوت عالي
وانا ع ضحكت اضحك نسيت كلشي صار
نسيت الاذى بضحكته هذا مو رهبار هذا اب بالنسبه الي
حنيته تغلبت ع كل شي صار برغم مرات
يأذيني بس اذيته علمودي

اشتاقيتلك غهباغ..

رهبار : وانا هم اشتاقيتلك ام السان المكصوص

ريفان : سمعت صوت عمتي فاطمه اجه من بعيد وانا نزلت من يمه

فاطمه : ها يمه الحمد ألله ع سلامتك

رهبار : الله يسلمج يمه الحمد ألله بخير

فاطمه : فوت جوه واكف برى شكو ، لتفتت ع ريفان خزرتها بدون ما ينتبه رهبار

رهبار : اي يمه ، يلا لج ام السان تعالي دخلي وياي لاتبقين تسختين هنا

ريفان : هو كال هيج لو نقذني ركضت قبله
دخلت وهم ورايه دخلو

هستونه خلصنا غده وكاعدين هو جاي يتابع اخبار
وانا يمه وماما هم بس عمتي تتدخل وترجع تتطلع
من تشوفني قريبه يمه تخزرني حتى ابتعد عنه وانا ما ابتعد

عناد بيها كمت وتقربت لزك كعدت بصفه
ماعرف ليش هيج تصرفت بس احساس هو يمي يحسسني بالأمان وان هي ما تكدر تتقرب مني
ولا تمسني بشي
وهو يكون الدرع لحمايتي منها ع الاقل بهذا الوقت
الحد ما يروح

هو حس بيه لان نضربت بي كثر ما انا قريبه منه
لتفتت عليه ابتسم رفع ايده وكرص خدي
وضحك

رهبار : ها ولج راح تصعدين فوك راسي شبيج هيج لازكه ادريج مشتاكتلي
بس مو هيج

ريفان : ضحك ، عجل شلون ؟

رهبار : صفن وهو يناظر الها بصدمه اردف وهو يناظر
بسؤال ، عجل !!!!!

ريفان : هزيت راسي وانا اضحك ، عجججل

رهبار : بويه منين متعلمتها لعجل ، جا وين راحت الجااا

ريفان : بببححح

رهبار : لتفتت ع الحجيه حليمه واردف ، حجيه هاي بنتج منو لاعب بالاعدادات مالتها رحت رجعت لكيتها
مكلوبه كلاب
من الجا لل عجل شني السالفه

الحجيه : هههههه ولك يمه هاي اكو فرخه وياها جايه من الانبار حاطتهن جدامها وتعلم بيهن
ع لهجتها الحلوه

رهبار : اهااا وانا اكول هاي ام السان المكصوص
منين متعلمتها .

ريفان : ليش موحلوه يعني

رهبار : تقرب عليها وعيونه باين عليها المكر ، لزمها وصار يدغدغ بيها وهي سكرت من الضحك
، حلوه بويه حلوه كلشي منج حلوو

ريفان : ههههههه غهباااغ حباب هههههه لك غهبا....غ
غااااح اموت هههههه كافي

رهبار : ضحك بصوت عالي ، كولي جااا

ريفان : عجل

رهبار : رجع يدغدغ بيها وهي تضحك ، كول جاا لج

ريفان : هههههه عجل

رهبار : يابوي ع الراس اليابس ، تركها وتقرب باسها من خدها

ريفان : رجعت تقربت وبسته بوسه ام الطكه وسويت اخر شي ، احححح

اشو هذا سنكر من الضحك وغص ..

رهبار : ههههههههههه خرب ببليسج
ششو بله عيديها

ريفان : ضحكت ورجعت عدتها هو ضحك بصوت عالي وسحبني كعدني بحضنه وانا فرحانه حسيت هذا اليوم غير شكل لاضرب لا تجريح لا اهانه وفرحانه كلش هووواي

مرت حياتها بحلوها ومرها و وصلنا المرحله جديده
وعدناها انا والبنات المعلمات شدن ويانا وخلنه
نرسب نحن ال 3 وعدنا السنه

ومنا اكول تغيرت حياتي من سيء للاسوء بهوواي
وتغيرت ريفانه الحلوه وكبرت قبل أوانها
وتجردت من ألوانها من زاهيه الى مُظلمه
بظُلمات عتمه لا نور فيها ..

سيلينا : بدينا بمرحله دراسه جديده
صح عدنا السنه وحصلنا طن رزايل انا وريفان ودهليز
بس عادي كلشي بالمدرسه اتغير
نضحك ونفرح ونلعب ولا كأن صاير شي
الى ان بيوم من الايام اجتي ريفان للمدرسه
وشكلها يختلف 180 درجه
محجبه و خايفه ع قلقه
نحنَ بقينا مبهوتين عليها هاي منو ريفان لو وحده ثانيه معقوووله !!! ؟؟؟

________________

للحكايا بقايا ♡

شنو تتوقعون الأحداث ؟؟

حسابي الانستا ضيفو قلبي ...