رواية دجن الضليع الفصل الخمسون 50 - بقلم رهف علي

نبدأ بذكر الله ﷽💛✨

قبل القراءة مُتابعه للحساب akyta_98
للتواصل ع حساب الانستا akyta_98

ريفان ::-
‏عداله ربانية :
‏"ولك مثل مافعلت يوماً ."

جمدت بمكاني ايدي الي ع كتفه وكفت ماعادت تتحرك
اريد استوعب الكلام الي كاله الي بس ماجاي استوعب
صوت انفاسه العالي وحسرته تهد جبااال
بس كل الي بدر مني عدم الاستيعاب
ماصدكه هل انسانه خلص توفت وراحت الدار حقها
كل شي صار من الماضي هي ما عادت موجود
يعني هسه هي ماتت

رفعت اديه من حسيت ع شي حار نزل ع وجناتي
دموع !! خليت ايدي ع وجهي وصرت ابجي
اشهك وابجي احس كل ألم الدنيا صار بكلبي
صعب كل الي عشته كل الي صار بحياتي
من هاي الانسانه بس اخرها توفت وراحت الدار حقها
شكد اذتني شكد عذبتني ، طردتني وحرمتني  هواي اشياء سوت بيه بسس ليش هسه حاي ابجي
عليهاا ليش هسه احس كلبي صار يأذيني عليها
كأن شخص قريب عليه توفى كأن شخص
يهمني ، يحبني ، ما مأذيني راحت كل ذكرياتها السوده
مابقى الا ذكر وفاتها بهاي الحظه
ماجاي استوعب
بجيت وانفجرت بالبجي هو من سمعني بعد عني حسيته مصدوم من رده فعلي والله حقه
اصلا اذا ما انصدم اني انصدم بمكانه

سحب اديه من وجهي وحسيت نظراته مليانه دهشه
وصدمه عقد حواجبه واردف ..

رهبار : شبيييك !!!

ريفان  : رديت عليه بكلام متقطع ، ماتت !! والله ما مصدكه ليش ماتت شلون والله كلبي صار يأذيني
عليها

حسيت نظراته كأن جاي يكول " من كل عقلج تبجين عليها " بس هي هاي الصراحه بجيت ع اكثر انسانه
عذبتني بحياتي مو بيدي مو بطبيعتي احقد
خلاص مادام اني مو يمها وهي بعيدها
تمنيت تكون بخير مو تموت

رهبار : من كل عقلج !!!

ريفان : هزيت راسي ب اي واني مستمره ابجي ، احسه مصدوم مني كلش

رهبار : بعد كل الي سوته بيج تبجين عليها !!!

ريفان : ااي ، اشو هذا هز ايده تركني وطلع من الشقه
واني بقيت ابجي ورى شكد يلا سكتت
بس بقيت ساكته احس فكري كله اختلف
رجع شريط حياتي كله من البدايه من اول يوم وعيت بي للدنيا من اول يوم عرفت بي اني منو وشنو
رجعت ذاكرتي لليوم الي عرفت بي منو اكون اني

جنت صغيره العب بالألعاب اني وايلان ماحس الا انسحبت من كتفي بقوه و وكعت ع الارض
بجيت جان اشوف عمتي فاطمه فوك راسي
خازرتني بقوه لزمتني من كتفي وهي تعت بيه
وتهز جانت بذاك الوقت كلش عصبيه ومنفعله
ماعرف شبيها وطلعت حركتها كلها بيه اني
عاطت بوجهي وصرخت

فاطمه : اااااانتِ مووو بتنااااا هذااا مو ابوج ولاااا هاي امج ولا ذاك اخوووج ولا اااختج انتِ خلك وحده ن*** نفكناها من الششارع وجابوهااا ب بيتي يم جهالي خلك وحده ما معروف أصلها وفصلهاااا منين
لااااتتقربين من بنتج تلوثيهااااا انتِ مو بتنااااا

ريفان : بقت هل كلمه ترن براسي انتِ مو بتنااا انتِ مو بتنا بيومهاا بقيت ابجي ورحت لحضن ماما ابجي واشكي الها وهي تهدي بيه وفهمتني اني منو
شكد بجيت بوقتها بس مابيدي اسوي شي
بقيت متأمله هذول اهلي وماحبيت اكول مو اهلي
لان احبهم واريد يكون عندي عائله اكول ل شخص بابا وماما ما ردت انحرم من هاي النعمه
اذا تقبلت فكره هذول مو اهلي معناها راح ابقى بدون اهل طول حياتي
استمريت ع كلمه بابا وماما وما قطعتها حتى بعد ما توفوا حتى بعد ما كبرت وكبرت وياي همومي وثقل حياتي بقوا ملامسين روحي ومستحيل انساهم لو شكد ما مر الوقت

رجعت من ذكرياتي مسحت دموعي كمت صليت الها وقريت قران ودعيت الها عسى
ربي ينور قبرها ويرحم بحالها مهما يكون هسه هي وحيده ماريد احمل ثقلي فوق اثقالها

صار اليل ودخل يلا دخل رهبار للبيت جان هادىء
جايب ويا أشكال الوان
تعشى وكمل وهو ساكت ما نطق حرف واحد
واني هم رحت كملت شغلي ورحت للغرفه
عفته الوحده بس الي صدمني هل مره تصرفه !!!!

جنت متوقعه بعد ما عرفت هذا مخدر بالعصير معناها بعد ما يجيبه الي ويخليني اشربه بس هسه انصدمت
من دخل للغرفه وجايب بيده العصير
وكف فوك راسي

رهبار : اشربي

ريفان : شنو هذا نفسه العصيغ  البي مخدغ ؟؟؟

رهبار  : اشربي

ريفان  : ما اشغب
رهبار  : ا.ش.ر.ب.ي
ريفان : مااااا اشغب
رهبار : شجااااي اكول انااااا
ريفان : فزيت خايفه جان خازرني وعاقد حواجبه
شكله كلش يرهب بجيت بقله حيله واني اشوفه
شلون يجبرني حتى اشرب
هذا العصير واني اعرف بي كلش زين هذا بي مخدر
زين ليش هيج جاي يسوي وياي والله حرام عليه

عاندت وكفت وردت اطلع ركض من الغرفه
بس هو سد الباب ولزمني من خصري شدني عليه
ظهري صار ع صدره لازمني ب ايد وحده وايد الثاني بيها العصير
واني روحي راحت بقيت افرفح اريد انهزم منه حتى ما يشربني بس هو عاند الا اشرب ماعرف شنو غايته
وليش كل هذا التصرف وين يريد يوصل
حسيت ب انفاسه قرب اذني اردف بغضب

رهبار : هذا هسسه مثل الشاطر تشربي كدااامي ماريد اذيج شبييييج

ريفان : حباب ليش تخليني اشغبه كول هيج شتغيد تسوي بس مو معناها تشغبني مخدغ

بس هو عاند لزمني وخلاني اشربه غصب عني
وابتعد خلاني ابجي لان اعرف بنفسي راح انام سريع
ردت اروح للحمام حتى استفرغ الي شربته بس منعني
ماخلاني  كعدت ع الارض ابجي وهو كاعد كدامي بس يتنفس بقوه وماعرف بشنو يحجي ولا افهم عليه
لان كل الي بالي هو المخدر يعني هسه راح انام وماعرف شنو يسوي بيه
ما اخاف منه لا ابد لان اني مأمنه نفسي يمه
طول هاي الايام ما حاول يتقرب مني ولو شوي
بحيث انام ومامنه رهبار موجود
اصلا بوجوده احس بالأمان بس اني خايفه لا يأذي نفسه او يأذيني بغير طريقه

ورى شوي ماحسيت بنفسي الا واني نايمه ..

ثاني يوم كعدت هو ما موجود بس احس بحركه صارت بجسمي رقبتي اديه صحيت ع نفسي من تذكرت
الي صار البارحه لهذا سريع ركضت ع المرايا
اول ما وكعت عيني ع شكلي انصدمت واني اشوف الآثار الي موجوده برقبتي وفوك صدري
حسيت الدنيا افترت بيه صح هو ما متقرب مني بس ماعرف شششنو يريد يثبت بهذا التصرف
وليش هيج جاي يأذيني بهذا التصرف
بجيت ونقهرت ع نفسي شششلون يأذيني بهاي الطريقه
مو ع اساس مايتقرب مني بهذا الشكل
ليش هيج جاي يسوي
كعدت ساعه ابجي ع نفسي وتحلفت اله بس يرجع
الا اتعارك ويا واخلي يتوب هل مره اذا كررها وعادها من جديد خلي اشوفه من ريفان بسيطه يارهبار بسيطه ..
هسه هو بشغله يرجع الظهر بقيت طول اليوم واني كاعده انتظره تحلفت بي بس يجي هل مره
اكول غير يكفي إلى متى يبقى يتصرف بهذا التصرف وياي إلى متى اكون بهذا الشكل

مر اليوم إلى أن رجع وكفت سحبت نفس صارت عيوني عليه وهو بملابس الدوام شكله تعبان كلش والسهر واضح ع عيونه بس مايمنعني هل شي
اتعارك يعني اتعارك هو شافني كدامه عبرني
وراد يمشي اني سحبته من زنده بقوه هو تفاجئ بتصرفي بس بقى ساكت لان يعرف تصرفه وياي غلط
عطت بوجهة واني محروك دمي ..

ريفان : شنوووو هذا الي مسوي بيه هااا فهمني شنو هذا يعني اني مأمنه ع نفسي يمك اخغ شي هيج تسوي وياي ليشش لان شفت ماعندي اهل اغوح الهم لان شفت بس انت الوحيد الي كل حياتي وكل عائلتي
شسسسسوي اذا الدنيا عوجه وياي وخلتني بهذا الحال
شششسوي اذا ماعندي اهل موووبيدي بسسس لاتتصغف وياي بهاي الطريقه وكأن اني ما الي حق الكلام شششوف بعيونك شوف غقبتي( رقبتي ) شصايغ بيهاااا شوف شمسوي بيها انت عبالك بهذا تصرف تملكني لاا غلطاااان ..
احجي ومنفعله وهو مانطق ولا حرف واحد بس يبلع بريقه ماعرف شنو الي بي مو رهبار القديم ابد
اخر شي تقرب مني بهدوء حط عيونه بعيوني

رهبار : اسف بويه ماعرف شجرالي هاهي ما اتقرب منج مره ثانيه انا غلطت واعترف لحظه غضب ضعف من الي صار حسيت خسرتج يابويه انا اسف تريدين تكرهيني اكرهيني صدكيني تسوين فضل

ريفان : انصدمت بكلامه هذا شجاي يحجي ، شبييييك انتَ شنو جاي دكول شنو اكغهي بغاحتج
شنو تسوين فضل انتَ جاي توعي ع كلامك الي تكوله غهباااااغ

رهبار : سحب نفس بقوه واردف ، اي

ريفان : اوووووف شبييييك انتَ عبالك اكغهههك بهذا تصغفك لاااا غلطااان

رهبار : ريفان

ريفان : غيفاااان !!!! من يمتى تكول غيفاااان شبيك غهباغ مو كله غفه هسه شجاااك وياي ليش تسوي بيه هيج ليششش

بجيت وصيحت وعيطت وهو ولا كأن ما يجاوبني ولا يحجي بس كأن بي شي اعرفه اني اعرفه لازم
صاير شي لهل سبب بس ماعرف شنو
جان ساكت شكد حجيت بس ما رد عليه وكل ما ااكول اله ليش ما يجاوب
خلاني اشب واطفى وماعليه بس ليش يريدني اكرهة واني ميته بي ليشش

تركني وراح واني زعلت عليه اسبوعين كاملات لا احجي ويا ولا حتى اسلم عليه اشوفه يصفن عليه هواي
وبكل مكان عينه عليه بس ما اهتميت
خلي بلكت يحس ع نفسه
شنو يكرهني بي شنو تصرفاته هاي من شوكت رهبار يكون بهاي الطريقه وياي وهو يخاف عليه من الهوى
شلون يتقرب بهذا الشكل وهو سبق وكال مستحيل اتقرب
بس هل مره احسه متغير فد مره
بحيث مو نفسه لا شكله لا تصرفاته احسه ع طول تعبان وباله مو ويا وكأن جاي يفكر بغير شي
هو يروح الدوام وبعدين يرجع هادىء وراها صار
الأربعين مال امه راح للعمارة ومناك ياخذون سياره ويروحون للنجف بوقتها شكد تمنيت اروح بس مارحت
بيومها كعدت ابجي بجي ماصاير كل الي بكلبي
طلعته انهاريت وكأن اليوم وفاه اهلي

العماره الي اني كاعده بيها ترجع النا لهذا رهبار مامن عليه هنا بهاي الشقه الناس كلها تعرف هنا وهو مأمنهم ع الموجودين بالشقه يقصدني اني خاف يصير شي
بهذا من يتركني الوحدي هو مأمن عليه

ورى ما رجع من الأربعين شكله فد مره متغير سبح وارتاح وبعدها اجه كعد كدامي مايحجي ولا اني حجيت
بقى صافن عليه تمنيت اروح ارتمي بحضنه واكول اله كل شي راح يعدي بس كلش زعلانه منه وماريد
يفكرني غير شي شوي وهو بدأ بكلامه ...

رهبار : ابتسم بهدوء بعدج زعلانه مني بويه ؟!
ريفان : سحبت نفس ، انتَ تعغف شنو سويت
رهبار : اعرف جا شلون ما اعرف لهذا سألتج
ريفان : غمضت عيوني وهزيت راسي ب اي
رهبار : لو شكد ما اعتذر مايشفع الي سويته
ريفان : فتحت عيوني ، بس فهمني ليش
رهبار : هز راسه بهدوء اردف ، بدون ليش احسن
ريفان : من حقي اعغف ليش هيج سويت
رهبار ريفان
ريفان : نملت عيوني دموع ، لا تكول غيفان
رهبار : جا شكول ؟
ريفان : احب اسمع اسم غفه ( رفه ) منك عودتني عليه

رهبار : رفه كلـــــبي ..

ريفان : ابتسمت بوجهة ، هذا اسمي احسه صار احلى ، ابتسم ونزل راسه عيوني اتبعت تصرفاته وحركاته
جان قابض ع ايده بقوه والثانيه يفتح بيها ويسدها حركه رجليه يهزها وترني ويا حركاته مو طبيعيه
احسه ما مرتاح بالكلام وياي رفعت راسي عيونه تتهرب تلتقي بعيوني كأن مسوي جريمه ويخاف تنكشف
ماعرف ليش لزمت كلبي خايفه من كلامه فزيت من ندهني..

رهبار : رفه بويه عندي كلام وياج
ريفان : شنو ؟
رهبار : صديقي الي جان يجي هو واخته ومرات هو وزوجته هنا يجيبون الاشياء الي تحتاجيها
ريفان : لزمت كلبي خايفه من كلامه هو سكت واني ماعندي الجرأه اكول اله كمل
هو سحب نفس رفع راسه فوك وبعدها رجع عيونه لعيوني
رهبار : اخو الصديقي
ريفان : ش..شبي ؟
رهبار : طلب ايدج مني للزواج وانا ماعندي اعتراض ..

ريفان : احس نفسي وكعت من مكان عالي هيج جان حساسي حتى جسمي اهتز اثر الصدمه بقيت صافنه بوجهة اريد يكول اتشاقه اريد يكول هذا الكلام مو صحيح
بس هو جان جدي بكلامه حتى نظراته تختلف
كأن مايريد بس شنو الي خلى يكول هيج !
هزيت راسي ، شكلت ؟؟؟

رهبار : مثل ما سمعتي
ريفان : ضحكت ، عليك الله انتَ تتشاقه اكيد !
رهبار : وروح ابوي ما اتشاقه
ريفان : ضحكت بصوت عالي وكفت افتر كدامه جسمي كله يرجف رجف مو طبيعي
احس عقلي ماجاي يستوعب الكلام الي كاله
اروح وارجع بالصاله افتر مثل المخبله واضحك
لتفتت عليه هو ع نفس كعده عاقد حواجبه
ويعاين عليه عطت بوجهة ..
شبيييييييك انتَ شبييييييك من كل عقلك جايني و وكاعد كداااامي وتحجي بسسسهوله
هيج اني اهوووووون عليك بهاي الطغيقه
رهبار : لارد
ريفان : ليشششش ما تحجي انطق شي كول اغيد احتبغج كول اتشاقه ويااااج

اعاين عليه وكف وتقرب مني لزمني من اديه وعيونه بعيونه

رهبار : أقبلي بويه أقبلي صدكيني انا ما افيدج

ريفان : شجااااااااي تكول لاتخبلني الله ياخذذذني
ليشششش تسوي هيج اني مو حبيبتك موووو تحبني شلون تنطيني لصديقك شلووون كدغت تنطقهااااا
وبكل عين صلفه جاي تكول أقبلي بييي لك اني مو احبك انتَ مو تحبني ششششنو الي صاغ ختى تغير كل هذا شششنو الي صاغ فهمني تغه والله هسه اغوح وبعد ما تشوفني مغه ثاني
كااااافي تعذبون بيه وتمشوني ع كيفكم اني مو لعبه بيدكم شنو تغيدون تسوون بيه لاااا هل مغه غيغ تختلف غهبااااغ اني مو غيفان القديمه تغيغت وانتوا الي خليتني هيج اصيييييغ

جنت احجي وابجي منهاااره ماتوقعت هل كلام منه بحياتي ما توقعت اخر شي عاط بيه ..

رهبار : ولج بوووويه اذا اخذذذذتج تتندميييين
تعرفين شنو يعني تتندميييين اخليج كدام عيني تتزوجين ولا بعدين تكرهيني بغير سبب اكرهيني هسسسه ولا بعدين احسسسن الي لج نااار جاي تاكل بكلبي عبالج مرتااااح وانااا اجي اكلج تقبليييين بي
هذا كلبي تعذذذب كلششش تعذب من قبل وهسه هم تعذب نفسي بيج وماريدج الغيري بسسس ماريد بعدين تجين تحجين وتكولين ندماااان انُ تزوجتك هناااا ساعتهااا ماكدر حتى اعاين بوجهي وياكلني الندم والفشله احبج واموت بيج بسسس لاتعذبيني

ريفان : بسسس فهمني ع شنو اندم مستحححيل اندم مسستحيل لك اني حبيتك من اني وصغيره وكبغت( كبرت ) ع حبك تجي هسه تغيد نفتغق( نفترق ) مسستحيل ما اقبل ..
تفهم شنو يعني ما اقبل
اغفض ( أرفض ) الي تقدم الي اني اغيدك انتَ تكون سند الي وحياتي كلها احبك انتَ ما حبيت غيغك  ولا راح احب غيغك احبك انتَ افهمممم انتَ وبسسس
لاتحغمني منك الله يخليك اغفض الي اتقدم الي
ما اتندم صدكني اتندم اذا تزوجت شخص ثاني مو انتَ ساعتها يمكن امووووت ولا اصيغ الغيغك
صاغت مغه وبعد مستحيل تتكغغ
بسسسسس فهمني ليش جاي تسسسوي هيج

عاينت بعيونه صارت دموع !!

رهبار : بـــــويه انا عقيـــــم مايصيرون عندج اطفال اذا اتزوجـــــنا ..

ريفان : احس كلامه جانت الضربه القاضيه الي
بحياتي كلها ما توقعت يكول مثل هذا الكلام الي
احس الدنيا افترت بيه حسيت سواد اقتحم عيوني  بعدها ماحسيت ع نفسي ..

ورى فتره فتحت عيوني لكيت نفسي بفراشي
لتفتت ادور عليه لكيته كاعد بصف السرير ع الكرسي
حاط اديه تحت فكه وعيونه متجهات عليه
يعاين عليه بنظرات حزينه كأن ماكو اي امل
نزلت دموعي واني اتذكر الي صار والي سمعته اخر شي
قبل لا يغمى عليه يعني لهذا السبب مايريدني اتزوجه مايريد يحرمني من الأطفال
اخخخ ياربي اختبارك كلش صعب ليش هيج

رهبار : شلون صرتي ؟؟

ريفان : وكأن نظراته تكول شوفي من كلام وكعتي
شلون تعيشين هذا الشعور ، كعدت مسحت دموعي نزلت رجليه من السرير صارت اطخ برجليه
سحبت اديه بين اديه همست اله وعيوني تتجول بعيونه...

كلشش زينه مادامني وياك اني ب احسن حال صدكني"

رهبار : وياي ماتكونين زينه صدكيني راح تتندمين
وتعضين اصابعج ندم بيوم الي قبلتي تتزوجيني
رفه بويه ادوس ع كلبي واحرم نفسي منج ولا اشوفج يوم بعد يوم تذبلين بيدي وتتمنين الأطفال بروح
انا ما بيه امل يصيرون عندي أطفال بس انتِ الج امل
تتزوجين ويصيرون الج اطفال
ع عمى عيوني جاي اكول هذا الكلام احس سجينه جاي اغرزها بكلبي صدكيني جاي اتكطع وصل وصل
ويه كل كلمه اكولها الج
بس كل هذا يهون علمودج اريد سعادتج
ماريد بيوم تحزنين لو يمر ع عيونج يوم مو حلو

ريفان  : مستحيل

رهبار : فدوه الكلبج عاونيني

ريفان : بجيت بحركه كلب ، كلت مستحيل

رهبار : ليش جاي تزيدين النار عليه وانا بالكوه مصبر نفسي

ريفان : مثل ما انتَ تغيد تضحي علمودي ف اني هم اضحي علمودك

رهبار : بس تضحيتج قويه

ريفان : مو اقوه من تضحيتك يمكن ربي مايحغمنا من الأطفال يمكن مكتوب النا غير شي لاتنسى تغه الطب اطوغ

رهبار : ماكو بويه مااااكو امل

ريفان : مسحت ع ايده واني ابجي ، ما اتخلى عنك انتَ عايش بغوحي صدكني عايش بغوحي ماكدغ
افاغقك اتخلى عن نفسي وما اتخلى عنك

رهبار : ضغط ع ايدها واردف ، تتندمين ماريد ااذيج اذا ارتبطت وياج راح تنحرمين من احلى شي بحياتج
هي الامومه ..

ريفان : عادي اصلا اني ماغيد اطفال حتى مايتعيرون ب امهم بالمستقبل لان ماعندي اهل  لهل سبب ما اريد اطفال خليني هيج خليني اتعب وياك ولا اتعب بدونك

رهبار : لا تكولين هيييج رفه ، اناا اهلج كلهم شحده الي يتقرب منج ويحجي عليج

ريفان : اذا هيج لاتتخلى عني واقبل

رهبار : يوم يومين وتتندمين وتملين

ريفان : مستحيل يجي هذا اليوم حتى بالحلم مايجي

رهبار : ضحك بخفه ، يعني مصره ؟؟؟

ريفان : مسحت دموعي وضحكت لضحكته ، هزيت راسي بقوه ورديت ، ااااي وبقوه

رهبار : شو تعاي جااي يمي ..

ريفان : سحبني من ايدي ودخلني بحضنه عصرني عصر واني بس ابجي ماتوقعت يجي يوم واكون اله بحياتي كلها ما توقعت اسجل ب اسمه وهسه هو هاهي اقتنع وراح اكون اله هو يمسح ع راسي ويحجي وياي
حتى ابطل بجي بش وين اكدر حسيت حياتى واخيرا راح تمشي عدل ..

رهبار : اخخخ ياهدب عيني شكد احبج ..
ريفان : احبك اني سندي ..

رهبار يكول ::-
فلنتحَدث
بالعِناق
فَالكلام
بِحق
الشوق
حرام

من بعدها رد الرفض لصديقه وصدمني من اجه جان ملهوف كلش وبعيونه فرحه عميه من زمان ما شايفتها
صارلي زمن طووويل وهاي اول مره اشوفها بعيونه هستوه دخل للبيت وكف كدامي يضحك ..

ريفان : ضحكت ، خيغ شبيك ..

رهبار : يابعد الخيغ وأهله..

ريفان : خزرته ، شنو تقلد ع كلامي ؟؟؟

رهبار : ضحك بصوت عالي ، لا لج غير احبه شايفه من تكولين اسمي صح تلوصينه لوص وتجعصيه جعص واطلعين روحه تلزكيها بالكاع نوب ترجعيه بمصارينه بس ميخالف احسه يخبل من تحجي بالسانج

ريفان : فتحت عيوني ع وسعهن مصدومه هذا كله. يكول احبه ، خزرته وصحت ، ولك غهباااااااغ اليوم وين تروح مني اني اعلمك
ركضت للمطبخ ادور شي اضربه بي حرك اعصابي
لكيت الشيبك أخذته وطلعت اله هو من شافني رفع ايده ك علامه استسلام ..

رهبار : اانا غلام ابوووي شجاي تسوين

ريفان : بسيطه غهباغ تضحك عليه انا اعلمك

رهبار : جا بويه انا ما اقصد اتشاقه وياج بروح العزاز لاتضربين بي يوجع امي قبل جانت تضربني بي وضايكه

ريفان : خووووش جا خليني اعيد امجااد قبل حتى تتذكغ عدل ..

ركضت اله وهو صعد ع التخم فاطس من الضحك حتى غص بس شنو اني اعصابي فارت يضحك عليه وانا
روحي صارت بخشمي كل شي ولا يقلد كل ما اروح لمكان يطفر الغير قنفه حرك اعصابي عطت بي ..

غهبااااااغ اوكف خلي اخذ حقي منك ، هو وكف يضحك ، رفع حاجبه

رهبار : ها بويه ادورين حقوق وياي

ريفان : جاااا شلون اغيد حقي هسه أخذه منك

رهبار : غمز الها ، شلون تاخذي او تردين اعلمج !؟

ريفان : لاااااا مايحتاج اني اخذذذه منك

رهبار : اااخ بويه يعني ماتردين اعلمج جا ابدي اخذي حقج بنفسج

ريفان : جان يضحك واني الغبيه ماعبالي يقصد مثل الي اقصده اني طلع هو تفكيره منحرف واني الثوله مضحوك عليه تقربت عليه بسرعه ردت اضربه بس هو سحب ايدي وكعني ع القنفه وصار فوكايه كاتم ضحكته واني اتلوى اريد ابتعد حتى اضربه بس لزم اديه ب اثنين اديه

رهبار : هششش بويه اهدي ..

ريفان : يمه هو همس لو روحي ماعت هدأت حركتي وجهة صار بوجهي صفن بيه بس كلش انحرجت منه
تقرب مني توقعته راح يبوسني بس صدمني بكلامه ثولني..

رهبار : حبيبي بعد يومين العقد مالتنا ..

ريفان : هاا !!!

رهبار : يابعد ال ها وكل من كال هاا ، بعد يومين العقد مالتنا ياروحي

ريفان : بقيت بحاله صدمه ارمش بعيوني ، اشو اكغصني حتى اتأكد مو حلم ...
ماحسيت الا تقرب باسني من خدي صدك هنا فزيت واستوعبت كلامه  يعني صحصح بعد يومين العقد
دفعته بقوه وكعدت ارتب بنفسي وهو يضحك عليه
ماكدرت انطق بكلمه بس من صدك احس الحراره تتطلع
من وجهي عفته وركضت دخلت للغرفه وسديت الباب
وهو يضحك ورايه ويصيح عليه

رهبار : حبيبي حاااولي تقتنعين وتصدكين ترى بعد ما اتحمل يومين ونعقد ..

ريفان : كعدت ع السرير واني مصدومه خليت اديه ع وجهي لكيته واج ناااار حااار كلش
شوي شوي ثرت ارجع كلامه فزيت وكفت ع طولي مصدومه عطت ، بعد يووووومين اجاني صوته العالي يصيح وهو يضحك

رهبار : ااااي بويه بعد يوميين وتصيرين ب اسمي

ريفان: خليت ايدي ع احس حتى الحيطان خجلانه مثلي بقيت افتر بالغرفه فرحانه طايره
من الفرح يعني راح اصير اله وهو يصير الي يعني راح اصير ملك اله وب اسمه وع ذمته وهو يصير ملكي و بأسمي وكفت كدام المرايا اعاين ع نفسي
يا الله شوف الفرحه شلون غيرت من ملامح وجهي
من زمان ما فرحانه مثل هاي الفرحه
من زمان ما فرحانه هيج وهاي اول مره من بعد سنين افرح النفسي واخيرا راح اتزوج الرجال الي احبه ويحبني واخيرا راح اكون للرجل الي حلمت بي طول حياتي بطفولتي ومراهقتي بشبابي ومستقبلي يعني هاهي انتهى موسم الأحزان هاهي !!!

كعدت ع السرير شلون شأسوي الوحدي عزت عليه نفسي لان راح اتزوج الوحدي كلش تضايقت تمنيت عندي ام ألجأ الها تساعدني وتنصحني شنو اسوي
نزلت دمعتي ماعرف اسوي شي الوحدي وهذا
عرسي ورى ساعه اندك الباب
طلعت لكيت رهبار يفتحه انصدمت من لكيتها زوجه صديقه لتفتت ل رهبار ابتسم الي
يعني هو دز عليها عرفني الوحدي ما اكدر
شكد حبيته بوقتها وتمنيت ارتمي بحضنه وابوسه
بوسه طويله

ماتركتني الوحدي ابد بحيث طلعت وياي اشتري
فستان للخطوبه مالتي وهي جانت وياي بكل شي
حبابه كلش وساعدتني هواي
ماتركتني ولا لحظه طول هل يومين ورهبار جان يبتعد عني طول هل يومين كل ما اتقرب منه يصيح ( خلينه من نعقد ) واني ماعرف ع شنو يقصد الا ان اجه الوقت الي نعقد بي

ريفان : مخبوصه كلش وخايفه اليوم العقد مالتي ..
واكفه كدام المرايا بفستاني الأبيض المستور
طويل ع طول قوامي لابست كعب عالي حتى اوصل اله لان هو أطول مني بهواي
زوجه صديق رهبار واخته ماتركني بالعكس حتى بهذا اليوم كالن ما نتركج الوحدج واجوي كم واحد من أصدقاء رهبار يثق بيهم هواي
خطوبتنا جانت بس بينه وبين كم شخص والسيد
ماجانت ضخمه وإنما بسيطه بس كلش فرحانه
بيها وتمنيت نبقى طول العمر بهاي الفرحه
شعري تحته ع طوله والمكياج هادىء خليته بالبيت
طلعن البنات من دخل رهبار للغرفه
ابتسمت من شفت شكله شلون صار اول ما شافني
تقرب مني واني ماعرف شبيه
ارجف وخايفه كلش
لزمني من اكتافي وهو يبتسم بوجهي من خلال المرايا
دارني عليه..

رهبار : راضيه عليه !!!

ريفان : ماعرف هنا شبيه رجعت ذاكرتي لكل شي سيء صار وياي بسببه نزلت راسي وبجيت هو رفع راسي اله واردف ..

رهبار : ماعاش ولا راح يعيش الي ينزل دمعه وحده من زوجه الضابط رهبار يامن ..

_ سـيـَادتك ؟

_ رفة ڪَلبـَـه 

_ أذيتـني

_ أذيتج صارت بنص روحي

_ شلون أنطاك ڪَلبـَـك

_ هديتي حيلي ، كلامج زرف ڪَلبـَـʊ̤

_ ماعندي غيرك وصرتلي فرعون

_ هششش مو بأرادتي

_ تصيرلي أهل ؟

_ أصيرلج الكل ، اصيرلج النقص الي بحياتج وأكمله

_ وتخليني بعيونك ؟

_ بهدب عيني أخليج .

_____________________
للحكايا بقايا ♡

مابقى الا القليل ع النهاية  ...

طكونااااااااااااااااااا بتصويت لانتزاعل داده شلون بارتوت يخبل 🤤🤍

مُتابعه للحساب akyta_98
للتواصل ع حساب الانستا akyta_98

.

.